14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 15^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

മന്ത്രിമാര്‍ പങ്കെടുക്കുന്ന ചടങ്ങുകളുടെ ചെലവിന് നഗരസഭയ്ക്ക് പ്രത്യേക ഫണ്ട്

3240.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	നഗരസഭകളുടെ കീഴിലുളള വിവിധ സര്‍ക്കാര്‍ സ്ഥാപനങ്ങളില്‍ മന്ത്രിമാര്‍ പങ്കെടുക്കുന്ന ചടങ്ങുകള്‍ നടക്കുമ്പോള്‍ പ്രസ്തുത ചെലവിലേക്കായി ഒരു പ്രോഗ്രാമിന് എത്രരൂപ ചെലവഴിക്കാവുന്നതാണ് എന്ന് വ്യക്തമാക്കുമോ ;

(ബി)	ഇത്തരം പരിപാടികളുടെ ചെലവ് വഹിക്കാന്‍ നഗരസഭയ്ക്ക് പ്രത്യേക ഫണ്ട് അനുവദിച്ചിട്ടുണ്ടോ;

(സി)	ഉണ്ടെങ്കില്‍ ആയത് ചെലവഴിക്കുന്നതിനുളള മാര്‍ഗ്ഗനിര്‍ദ്ദേശങ്ങള്‍ എന്തെല്ലാമാണ്;

(ഡി)	അനുവദിക്കുന്ന തുക അപര്യാപ്തമായതിനാല്‍ കൂടുതല്‍ തുക ചെലവഴിക്കാന്‍ അനുമതി നല്‍കുവാന്‍ ഉദ്ദേശിക്കുന്നുണ്ടോ; വിശദമാക്കാമോ?

വാഹന പാര്‍ക്കിംഗ് സൗകര്യം

3241.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തിരക്കേറിയ പ്രദേശങ്ങളില്‍ വാഹന പാര്‍ക്കിംഗ് സൗകര്യങ്ങളുടെ അപര്യാപ്തത വിലയിരുത്തിയിട്ടുണ്ടോ; വിശദമാക്കാമോ;

(ബി)	ഇത്തരം അപര്യാപ്തതകള്‍ ഒഴിവാക്കുന്നതിനായി ഒരു സമഗ്ര പാര്‍ക്കിംഗ് നയം ആവിഷ്ക്കരിച്ച് നടപ്പിലാക്കാന്‍ നടപടികള്‍ സ്വീകരിക്കുമോ;

(സി)	യന്ത്രവത്കൃത പാര്‍ക്കിംഗ് സംവിധാനത്തിന്റെ സാധ്യതകള്‍ സംബന്ധിച്ച് വിശദാംശങ്ങള്‍ പരിശോധിച്ചിട്ടുണ്ടോ;

(ഡി)	തദ്ദേശസ്വയംഭരണ സ്ഥാപനങ്ങളുടെ വരുമാനം വര്‍ദ്ധിപ്പിക്കത്തക്ക രീതിയില്‍ മേഖലയിലെ മറ്റ് ഏതെങ്കിലും സര്‍ക്കാര്‍ സ്ഥാപനങ്ങളുമായോ ഏജൻസികളുമായോ ചേര്‍ന്ന് എല്ലാ തദ്ദേശസ്വയം ഭരണ സ്ഥാപനങ്ങളിലും പാര്‍ക്കിംഗിന് സംവിധാനം നടപ്പിലാക്കുന്ന കാര്യം പരിഗണിക്കുമോ; വിശദമാക്കാമോ?

മലയോര വികസന ഏജന്‍സി

3242.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	മലയോര വികസന ഏജന്‍സി (ഹാഡ) രൂപീകരിച്ചതിനുശേഷം റാന്നി നിയോജകമണ്ഡലത്തിൽ ഇതുവരെ അനുവദിച്ചിട്ടുള്ള പ്രവൃത്തികളും അവയുടെ തുകയും ഇനംതിരിച്ചു വ്യക്തമാക്കാമോ ;

(ബി)	പ്രസ്തുത ഏജന്‍സി മുഖേന 2017-18 ല്‍ എത്ര പദ്ധതികള്‍ക്കാണ് അംഗീകാരം നല്‍കിയിട്ടുള്ളത് ; വിശദാംശങ്ങള്‍ ലഭ്യമാക്കാമോ ;

(സി)	2019 -20 വർഷത്തെ പട്ടികയിൽ ഉള്‍പ്പെടുത്തുന്നതിനുള്ള നിര്‍ദ്ദേശങ്ങള്‍ സമര്‍പ്പിക്കുന്നതെന്നുമുതലാണെന്ന് അറിയിക്കാമോ; വിശദാംശങ്ങള്‍ ലഭ്യമാക്കാമോ ?

വിവിധ വകുപ്പുകളുടെ ഏകോപനം

3243.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

തദ്ദേശസ്വയംഭരണ വകുപ്പിന് കീഴിലുള്ള പഞ്ചായത്ത്, നഗരകാര്യം, ഗ്രാമവികസനം, തദ്ദേശസ്വയംഭരണ എഞ്ചിനീയറിംഗ് വിംഗ്, നഗര-ഗ്രാമാസൂത്രണം എന്നീ വിവിധ വകുപ്പുകളെ ഏകോപിപ്പിച്ച് ഒറ്റ വകുപ്പ് രൂപീകരിക്കുന്നതിന് സര്‍ക്കാര്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

കക്കാടം പൊയിലെ വാട്ടര്‍ തീം പാര്‍ക്ക്

3244.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയിലെ കക്കാടം പൊയിലിലെ വാട്ടര്‍ തീം പാര്‍ക്കിനായി നിര്‍മ്മിച്ച തടയണ പൂര്‍ണ്ണമായും പൊളിക്കണമെന്ന് ഹൈക്കോടതി ഉത്തരവ് നല്‍കിയിട്ടുണ്ടോ ; എങ്കില്‍ എന്നാണ് ഉത്തരവ് നല്‍കിയത് ;

(ബി)	പ്രസ്തുത ഉത്തരവ് പ്രകാരം തടയണ പൂര്‍ണ്ണമായി പൊളിച്ച് നീക്കിയിട്ടുണ്ടോ ; ഇല്ലെങ്കില്‍ എന്തുകൊണ്ട് ?

ചെറുകിട വ്യവസായ സംരംഭകർക്ക്‌ ലെെസന്‍സ്

3245.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ചെറുകിട വ്യവസായ സംരംഭകർക്ക്‌ ലെെസന്‍സ് നല്‍കുന്നതിനുളള നടപടികള്‍ കൂടുതല്‍ ലഘൂകരിക്കുന്നതിന് നടപടി സ്വീകരിക്കുമോ;

(ബി)	എല്ലാ ചെറുകിട സംരംഭങ്ങള്‍ക്കും ഫയര്‍ സര്‍ട്ടിഫിക്കറ്റ് നിര്‍ബന്ധമാക്കുന്നതുമൂലം ഉണ്ടായിട്ടുളള ബുദ്ധിമുട്ടുകള്‍ ലഘൂകരിക്കുന്നതിനും, ഫയര്‍സേഫ്ടി സര്‍ട്ടിഫിക്കറ്റ് ആവശ്യമായ യൂണിറ്റുകള്‍ക്കു മാത്രമായി നിജപ്പെടുത്തുന്നതിനും ആലോചിക്കുമോ;

(സി)	ബില്‍ഡിംഗ് പെര്‍മിറ്റിനും ലെെസന്‍സിനും ഉണ്ടാകുന്ന കാലതാമസം ഒഴിവാക്കുന്നതിന് ആയത് പൂര്‍ണ്ണമായും ഓണ്‍ലെെന്‍ സംവിധാനത്തിലാക്കുന്നതിന് നടപടി സ്വീകരിക്കുമോ?

ഫയലുകളും രേഖകളും നഷ്ടപ്പെടുത്തുന്നവര്‍ക്കെതിരെ ശിക്ഷാനടപടി

3246.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശഭരണ സ്ഥാപനങ്ങളുമായി ബന്ധപ്പെട്ട വിവിധ പദ്ധതികളില്‍ നിര്‍വ്വഹണ ഉദ്യോഗസ്ഥര്‍ ക്രമക്കേടുകള്‍ നടത്തിയതായി ഓഡിറ്റ് റിപ്പോര്‍ട്ടുകള്‍ വരുമ്പോള്‍ ഫയലുകളും ബന്ധപ്പെട്ട രേഖകളും കണ്ടെടുക്കാനാവാത്തതിനാല്‍ ഉത്തരവാദികളായ ഉദ്യോഗസ്ഥര്‍ക്കെതിരെ നടപടിയെടുക്കാന്‍ പറ്റാത്ത സാഹചര്യം നിലവിലുണ്ടോ;

(ബി)	ഫയലുകളും രേഖകളും നഷ്ടപ്പെടുത്തുന്നവര്‍ക്കെതിരെ ശിക്ഷാനടപടികള്‍ സ്വീകരിക്കാറുണ്ടോ എന്ന് വ്യക്തമാക്കാമോ;

(സി)	ചെക്ക് ഇഷ്യൂ രജിസ്റ്റര്‍, പാസ്സ് ബുക്ക്, ട്രഷറി ബില്‍ ബുക്ക് തുടങ്ങിയ രേഖകള്‍ എത്ര കാലം സൂക്ഷിക്കണമെന്നാണ് നിര്‍ദ്ദേശം നല്‍കിയിട്ടുള്ളത് എന്ന് വ്യക്തമാക്കാമോ?

അനധികൃതമായ ഫ്ലക്സ് ബോര്‍ഡുകള്‍

3247.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന പാതയോരങ്ങളില്‍ അനധികൃതമായി ഫ്ലക്സ് ബോര്‍ഡുകള്‍ സ്ഥാപിക്കുന്നത് ഗതാഗതത്തിനും ആള്‍ സഞ്ചാരത്തിനും ബുദ്ധിമുട്ടുണ്ടാക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് നിയന്ത്രിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നത് എന്ന് വിശദീകരിക്കുമോ;

(സി)	പ്രകൃതിക്കു അത്യന്തം നാശമുണ്ടാക്കുന്ന വിനൈൽ ഫ്ലക്സുകളുടെ ഉത്പാദനം നിയന്ത്രിക്കുന്നതിന് നടപടി സ്വീകരിക്കുമോ;

(ഡി)	ഗ്രാമ പഞ്ചായത്ത്, നഗരസഭാ മേഖലകളിൽ പരസ്യങ്ങള്‍ സ്ഥാപിക്കുന്നതിന് നിശ്ചിത ഫീസ് ഈടാക്കുന്നതിന് നടപടി സ്വീകരിക്കുമോ; വിശദീകരിക്കുമോ?

തദ്ദേശസ്വയംഭരണ പൊതു സര്‍വീസ്

3248.

ശ്രീ.ജെയിംസ് മാത്യു
,, കെ. ദാസന്‍
ശ്രീമതി യു. പ്രതിഭ
ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	അധികാരവികേന്ദ്രീകരണം കാര്യക്ഷമമാക്കിയതിന്റെ ഫലമായി തദ്ദേശസ്വയംഭരണ സ്ഥാപനങ്ങള്‍ നടത്തിവരുന്ന പ്രവര്‍ത്തനങ്ങള്‍ വിപുലീകൃതമായതിനാല്‍ കാര്യക്ഷമത വര്‍ദ്ധിപ്പിക്കുന്നതിന് സമ്പൂര്‍ണ്ണമായും ഇ-ഭരണം ഏര്‍പ്പെടുത്തിയിട്ടുണ്ടോ;

(ബി)

നികുതി സമാഹരണം, സാമൂഹ്യക്ഷേമ പെന്‍ഷനുകളുടെ വിതരണം, വ്യാപാരസ്ഥാപനങ്ങള്‍ക്കുളള ലൈസന്‍സ്, കെട്ടിടനിര്‍മ്മാണ അനുമതി നല്‍കല്‍ തുടങ്ങിയ പ്രവര്‍ത്തനങ്ങള്‍ ആധുനീകരണത്തിന്റെ ഫലമായി കാര്യക്ഷമമായിട്ടുണ്ടോ; ഏതൊക്കെ ജില്ലകളെ സദ്ഭരണ ജില്ലകളായി പ്രഖ്യാപിച്ചു; മറ്റു ജില്ലകളില്‍ ഇതിനായുളള പ്രവര്‍ത്തനം പുരോഗമിക്കുന്നുണ്ടോ;

(സി)	തദ്ദേശസ്വയംഭരണ പൊതു സര്‍വീസ് പ്രാബല്യത്തിലായിട്ടുണ്ടോ; ഇതുവഴി ലക്ഷ്യമാക്കുന്ന നേട്ടങ്ങള്‍ അറിയിക്കാമോ?

തദ്ദേശസ്വയംഭരണ വകുപ്പിന് കീഴില്‍ ആരംഭിച്ച സ്ഥാപനങ്ങള്‍

3249.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിനുശേഷം തദ്ദേശസ്വയംഭരണ വകുപ്പിന് കീഴില്‍ ഏതെല്ലാം സ്ഥാപനങ്ങള്‍ ആരംഭിച്ചിട്ടുണ്ട്; വിശദാംശങ്ങള്‍ നല്‍കുമാേ;

(ബി)	ഏതെല്ലാം സ്ഥാപനങ്ങള്‍ ആരംഭിക്കുന്നതിനുള്ള പ്രാെപ്പാേസലുകള്‍ ആണ് പരിഗണനയില്‍ ഉള്ളതെന്ന് വ്യക്തമാക്കാമാേ;

(സി)	വകുപ്പിന്റെ ക്രിയാത്മകമായ ഇടപെടല്‍ ഇല്ലാത്തതിനാല്‍ സാമ്പത്തിക ബാധ്യതയുടെ പേരില്‍ ഏതെല്ലാം സ്ഥാപനങ്ങളുടെ രുപീകരണമാണ് തടസ്സപ്പെട്ടിട്ടുള്ളത്; വ്യക്തമാക്കാമാേ;

(ഡി)	ജനപ്രതിനിധികള്‍ക്കും ഉദ്യാേഗസ്ഥര്‍ക്കും സ്വയംതാെഴില്‍ സംരംഭകര്‍ക്കും പരിശീലനങ്ങള്‍ നല്‍കുന്നതിന് വകുപ്പിന് കീഴിലുള്ള സ്ഥാപനങ്ങള്‍ ഏതാെക്കെയാണ്; വ്യക്തമാക്കാമാേ;

(ഇ)	പുതിയ വികസന പരിശീലന കേന്ദ്രങ്ങള്‍ ആരംഭിക്കുന്നതിനുള്ള പ്രാെപ്പാേസലുകള്‍ ലഭിച്ചിട്ടുണ്ടാേ; വിശദമാക്കാമാേ;

(എഫ്)

ദാരിദ്ര്യ ലഘൂകരണത്തിന് ഗ്രാമീണ ജനങ്ങള്‍ക്ക് സ്വയം താെഴില്‍ സംരഭങ്ങള്‍ ആരംഭിക്കുന്നതിന് ഉതകുന്ന ഒരു വികസന പരിശീലന കേന്ദ്രം പെരുമ്പാവൂരില്‍ ആരംഭിക്കുന്നതിനുള്ള നടപടി സ്വീകരിക്കുമാേ?

ഗ്രാമപഞ്ചായത്തുകള്‍ നല്‍കുന്ന സംഭാവന

3250.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമപഞ്ചായത്തുകള്‍ക്ക് തനത് ഫണ്ടില്‍ നിന്നോ പ്ലാന്‍ ഫണ്ടില്‍ നിന്നോ ഏതെല്ലാം ആവശ്യങ്ങള്‍ക്കും പരിപാടികള്‍ക്കും ഏതൊക്കെ സംഘടനകള്‍ക്ക് സംഭാവന നല്‍കാന്‍ സാധിക്കും;

(ബി)	ഇങ്ങനെ നല്‍കുന്ന സംഭാവനകള്‍ക്ക് പരിധിയുണ്ടോയെന്നും പരമാവധി നല്‍കാവുന്ന തുക എത്രയാണെന്നും വ്യക്തമാക്കാമോ;

(സി)	ഇത് സംബന്ധിച്ച ചട്ടങ്ങളും നടപടിക്രമങ്ങളും എന്താണെന്ന് വിശദമാക്കാമോ;

(ഡി)	സര്‍ക്കാര്‍ അനുമതി ഇല്ലാതെ ഗ്രാമപഞ്ചായത്ത് ഫണ്ട് (തനതോ, പ്ലാനോ) ഗ്രാമപഞ്ചായത്തുകളുടെ ആവശ്യത്തിനല്ലാതെ മറ്റു സംഘടനകളുടെ ആഭിമുഖ്യത്തില്‍ നടത്തുന്ന പരിപാടിക‌ള്‍ക്ക് സംഭാവന നല്‍കാന്‍ നിയമം അനുശാസിക്കുന്നുണ്ടോയെന്ന് വ്യക്തമാക്കാമോ;

(ഇ)	ഈ സര്‍ക്കാര്‍ അധികാരത്തില്‍ വന്നതിനുശേഷം കാസ്ര‍കോട് ജില്ലയിലെ ഏതെല്ലാം പഞ്ചായത്തുകള്‍ പൊതുപരിപാടികള്‍ക്ക് സംഭാവനകള്‍ നല്‍കിയിട്ടുണ്ടെന്ന് വ്യക്തമാക്കാമോ; എങ്കില്‍ സര്‍ക്കാരിന്റെ ഉത്തരവിന്റെ അടിസ്ഥാനത്തിലാണോ ഇത് ചെയ്തത് എന്ന് വ്യക്തമാക്കാമോ; പ്രസ്തുത ഉത്തരവിന്റെ പകര്‍പ്പ് ലഭ്യമാക്കാമോ?

പദ്ധതി നിര്‍വ്വഹണ പുരോഗതി

3251.

ശ്രീ.വി.പി.സജീന്ദ്രന്‍
,, അനില്‍ അക്കര
,, അന്‍വര്‍ സാദത്ത്
,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശഭരണ സ്ഥാപനങ്ങളുടെ 2019-20 സാമ്പത്തിക വര്‍ഷത്തെ പദ്ധതി നിര്‍വ്വഹണ പുരോഗതി വിലയിരുത്തിയിട്ടുണ്ടോ; കഴിഞ്ഞ വര്‍ഷത്തെ പദ്ധതി നിര്‍വ്വഹണം തൃപ്തികരമായിരുന്നോ;വിശദാംശം നല്‍കുമോ;

(ബി)	കഴിഞ്ഞവര്‍ഷം എസ്.സി.പി., റ്റി.എസ്.പി. പദ്ധതികളില്‍ എന്തെങ്കിലും വെട്ടിക്കുറവ് വരുത്തിയിരുന്നോ; ഇത് പ്രസ്തുത വിഭാഗങ്ങളുടെ ശാക്തീകരണത്തെ പ്രതികൂലമായി ബാധിച്ചുവെന്നത് പരിശോധിച്ചിട്ടുണ്ടോ;

(സി)	പദ്ധതി നിര്‍വ്വഹണം 2019-20-ല്‍ കാര്യക്ഷമമാക്കുന്നതിനും സമയബന്ധിതമായി തീര്‍ക്കുന്നതിനും ഇതിനകം സ്വീകരിച്ച നടപടികള്‍ എന്തൊക്കെയാണ്;

(ഡി)	പ്രളയത്തില്‍ ജീവനോപാധികള്‍ നഷ്ടപ്പെട്ടവര്‍ക്ക് ഉപജീവനം ഉറപ്പാക്കല്‍ പദ്ധതി 2019-20 വാര്‍ഷിക പദ്ധതിയുടെ ഭാഗമായി നടപ്പിലാക്കുന്നുണ്ടോ; വിശദാംശം നല്‍കുമോ?

പദ്ധതി വിഹിതം തനത് വര്‍ഷംതന്നെ ചെലവഴിക്കാന്‍ നടപടി

3252.

ശ്രീ.എം.ഉമ്മര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളുടെ പദ്ധതി വിഹിതം ഓരോ വര്‍ഷവും പൂര്‍ണ്ണമായും ചെലവഴിക്കാന്‍ കഴിയാത്തതിന്റെ കാര്യകാരണങ്ങളെ സംബന്ധിച്ച് വകുപ്പ് തലത്തില്‍ ഒരു സമഗ്ര പരിശോധന നടത്തിയിട്ടുണ്ടോ; വിശദമാക്കാമോ;

(ബി)	മുന്‍ സാമ്പത്തിക വര്‍ഷം തദ്ദേശസ്വയംഭരണ സ്ഥാപനങ്ങളുടെ തുക പൂര്‍ണമായും മാറി നല്‍കാത്ത സാഹചര്യത്തില്‍ അംഗീകാരം നല്‍കിയ പദ്ധതികള്‍ ഏത് തരത്തില്‍ നടപ്പിലാക്കാനാണ് ഉദ്ദേശിക്കുന്നത്; വിശദമാക്കാമോ;

(സി)	വരും വര്‍ഷങ്ങളില്‍ തദ്ദേശസ്വയംഭരണ സ്ഥാപനങ്ങളുടെ പദ്ധതി വിഹിതം തനത് വര്‍ഷം തന്നെ ചെലവഴിക്കാന്‍ സഹായകരമായ രീതിയില്‍ എന്തെല്ലാം പദ്ധതികളാണ് ആവിഷ്ക്കരിച്ച് നടപ്പിലാക്കാന്‍ ഉദ്ദേശിക്കുന്നത്; വിശദമാക്കാമോ ?

ബേക്കല്‍ ഫോര്‍ട്ട് റെയില്‍വേ സ്റ്റേഷന്‍

3253.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഉദുമ എം.എല്‍.എ. എ.ഡി.എസ്.-ല്‍ ഉള്‍പ്പെടുത്തി 2017-18 സാമ്പത്തിക വര്‍ഷത്തില്‍ ബേക്കല്‍ ഫോര്‍ട്ട് റെയില്‍വേ സ്റ്റേഷന്‍ വികസനത്തിന് 1,30,99,306 രൂപയുടെ പ്രവൃത്തിക്ക് ഭരണാനുമതി നല്‍കിയിട്ടുണ്ടോ;

(ബി)	സതേണ്‍ റെയില്‍വേ ഡിവിഷണല്‍ മാനേജര്‍(വര്‍ക്സ്) പാലക്കാടിന് ഡെപ്പോസിറ്റ് പ്രവൃത്തിയായി കണക്കിലെടുത്ത് ഈ തുക കൈമാറി നല്‍കിയിട്ടുണ്ടോ;

(സി)	ഈ തുക കൈമാറി നല്‍കുന്നതിനായി എല്‍.എസ്.ജി.ഡി.കാസര്‍ഗോഡ് എക്സിക്യുട്ടീവ് എന്‍ജിനീയര്‍ സമര്‍പ്പിച്ച പ്രൊപ്പോസലില്‍ ചീഫ് എഞ്ചിനീയര്‍ (എല്‍.എസ്.ജി.ഡി.) എന്ത് നടപടിയാണ് കൈക്കൊണ്ടിട്ടുള്ളത്;

(ഡി)	ഇത് സംബന്ധിച്ച് (എല്‍.എസ്.ജി.ഡി.) ചീഫ് എ‍ഞ്ചിനീയറുടെ ഓഫീസിലുള്ള ഡി ബി 5/13005/18 ഫയലില്‍ എടുത്ത തീരുമാനത്തിന്റെ പകര്‍പ്പ് ലഭ്യമാക്കാമോ?

പുതുതായി നടപ്പിലാക്കിയ പദ്ധതികള്‍

3254.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം കോട്ടയം, പത്തനംതിട്ട, ഇടുക്കി ജില്ലകളില്‍ തദ്ദേശസ്വയംഭരണ വകുപ്പ് പുതുതായി നടപ്പിലാക്കിയ പദ്ധതികള്‍ എന്തൊക്കെയാണ്; വിശദമാക്കാമോ;

(ബി)	പ്രസ്തുത ജില്ലകളില്‍ നാളിതുവരെ പുതുതായി പദ്ധതികളൊന്നും നടപ്പിലാക്കിയിട്ടില്ലെങ്കില്‍ തദ്ദേശസ്വയംഭരണ വകുപ്പിന്റെ പരിഗണനയിലുള്ള/നടപ്പിലാക്കുവാനുദ്ദേശിക്കുന്ന പദ്ധതികള്‍ എന്തൊക്കെയാണെന്ന് വിശദമാക്കാമോ?

കച്ചിത്താേട് ഡാം നവീകരണം

3255.

ശ്രീ.കെ. രാജന്‍ : താഴെ കാണുന്ന ചോദ്യത്തിന് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

തദ്ദേശ സ്വയംഭരണ വകുപ്പ് വഴി നടപ്പാക്കുന്നതിനായി 2018-19 വര്‍ഷത്തെ ബജറ്റില്‍ പ്രഖ്യാപിച്ച ഒല്ലൂര്‍ നിയാേജകമണ്ഡലത്തിലെ മാടക്കത്തറ ഗ്രാമ പഞ്ചായത്തിലെ കച്ചിത്താേട് ഡാം നവീകരണ പ്രവൃത്തിയുടെ ഇപ്പാേഴത്തെ അവസ്ഥ വ്യക്തമാക്കാമാേ ?

പുഴക്കാട്ടിരി സി.എച്ച്.സി.യുടെ നിര്‍മ്മാണം

3256.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	പുഴക്കാട്ടിരി സി.എച്ച്.സി.യുടെ നിര്‍മ്മാണം ആരംഭിക്കുന്നതിനുള്ള തടസ്സങ്ങള്‍ എന്തെല്ലാമാണെന്ന് വ്യക്തമാക്കുമോ;

(ബി)	ഇതിനായി ഭരണാനുമതി ലഭിച്ചിട്ടും നടപടികളൊന്നും സ്വീകരിക്കാത്തതിന്റെ കാരണം വിശദമാക്കുമോ ;

(സി)	ഭരണാനുമതി ഉത്തരവിന്റെ കാലാവധി പൂര്‍ത്തിയായിട്ടുണ്ടോ; ഉണ്ടെങ്കില്‍ ഭരണാനുമതി പുതുക്കി നൽകുന്നതിനുള്ള നടപടികള്‍ സ്വീകരിക്കുമോ;

(ഡി)	അടിയന്തരമായി കെട്ടിട നിര്‍മ്മാണം ആരംഭിക്കുന്നതിന് നടപടികള്‍ സ്വീകരിക്കുമോ; വ്യക്തമാക്കാമോ?

തദ്ദേശസ്വയംഭരണ സ്ഥാപനങ്ങളുടെ വിവിധ പദ്ധതികളുടെ തുക

3257.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)

2019 മാര്‍ച്ച് 31 നു മുമ്പ് പണി പൂര്‍ത്തീകരിച്ച് ബില്ലുകള്‍ ട്രഷറിയില്‍ സമര്‍പ്പിച്ച തദ്ദേശസ്വയംഭരണ സ്ഥാപനങ്ങളുടെ വിവിധ പദ്ധതികളുടെ തുക സ്വയം കണ്ടെത്തണമെന്നും 2019-20 വര്‍ഷത്തെ ഫണ്ടില്‍ ഉള്‍പ്പെടുത്തണമെന്നും കാണിച്ച് സര്‍ക്കാര്‍ ഉത്തരവിറക്കിയതുമൂലം തദ്ദേശസ്വയംഭരണ സ്ഥാപനങ്ങള്‍ അംഗീകാരം നേടിയ പദ്ധതികള്‍ ഉപേക്ഷിക്കേണ്ടിവന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഗ്രാമസഭകളില്‍ അംഗീകാരം നേടിയ പദ്ധതികള്‍ ഉപേക്ഷിക്കുക വഴി തദ്ദേശസ്വയംഭരണ സഥാപനങ്ങള്‍ക്കുണ്ടായിട്ടുള്ള പ്രയാസങ്ങള്‍ ഒഴിവാക്കാന്‍ നടപടി സ്വീകരിക്കുമോ?

ലൈഫ് ഭവന പദ്ധതി ഗുണഭോക്തൃ ലിസ്റ്റ്

3258.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശ സ്വയംഭരണ സ്ഥാപനാടിസ്ഥാനത്തില്‍ തയ്യാറാക്കിയ ഗുണഭോക്തൃ ലിസ്റ്റില്‍പ്പെട്ട മുഴുവന്‍ പേര്‍ക്കും ലൈഫ് ഭവന പദ്ധതിയുടെ ആനുകൂല്യം ലഭ്യമാക്കുമോേ;

(ബി)	ഈ ലിസ്റ്റില്‍ നിന്നും ഓരോ വര്‍ഷത്തേക്കുള്ള ഗുണഭോക്താക്കളെ തിരഞ്ഞെടുക്കുന്നതിനുള്ള മാനദണ്ഡം എന്താണ്; വ്യക്തമാക്കാമോ;

(സി)	അപേക്ഷകന്റെ കൈവശമുള്ള സ്ഥലത്തിന്റെ വിസ്തൃതിക്ക് പരിധി നിലവിലുണ്ടോ; വ്യക്തമാക്കാമോ?

ലൈഫ് മിഷൻ ഭവനപദ്ധതി

3259.

ശ്രീ.ആര്‍. രാമചന്ദ്രന്‍
,, ഇ.കെ.വിജയന്‍
,, മുഹമ്മദ് മുഹസിന്‍ പി.
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാര്‍ സ്ഥാപനമായ ഹൗസിംഗ് ആന്റ് അര്‍ബന്‍ ഡവലപ്പ്മെന്റ് കോർപ്പറേഷനിൽ(ഹഡ്കോ)നിന്നും ലൈഫ് പദ്ധതിക്ക് വായ്പ ലഭ്യമായിട്ടുണ്ടോ;വിശദാംശങ്ങള്‍ അറിയിക്കുമോ;

(ബി)	ഹഡ്കോയുടെ കര്‍ശനവ്യവസ്ഥകള്‍ പാലിച്ചുകൊണ്ട് സംസ്ഥാനസര്‍ക്കാരിന് ഈ വായ്പാ പദ്ധതി എത്രത്തോളം ഫലപ്രദമായി വിനിയോഗിക്കാന്‍ കഴിയും; വിശദാംശങ്ങള്‍ അറിയിക്കുമോ;

(സി)	ഹഡ്കോയുടെ ആദ്യഗഡു വായ്പ ലഭ്യമായിട്ടുണ്ടോ;ഉണ്ടെങ്കിൽ അതിന്റെ അടിസ്ഥാനത്തില്‍ ഗുണഭോക്താക്കള്‍ക്ക് രണ്ടാംഗ‍ഡു പൂര്‍ണ്ണമായും നല്‍കാന്‍ ഇതിനകം കഴിഞ്ഞിട്ടുണ്ടോ;വ്യക്തമാക്കുമോ;

(ഡി)	ലൈഫ് ഭവനപദ്ധതിയിൽ ഉൾപ്പെട്ടിട്ടുള്ള അര്‍ഹരായ മുഴുവന്‍ അപേക്ഷകര്‍ക്കും ധനസഹായം ലഭ്യമാക്കാന്‍ സർക്കാർ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദീകരിക്കുമോ;

(ഇ)	2016-ല്‍ ആരംഭിച്ച ലൈഫ് ഭവനപദ്ധതിയിൽ ആദ്യ വര്‍ഷം ലക്ഷ്യമിട്ട വിവിധ പദ്ധതികളില്‍ മുടങ്ങിയ വീടുകളുടെ നിർമ്മാണം പൂർത്തീകരിച്ചോ; വിശദമാക്കുമോ?

ലെെഫ് മിഷന്‍ ഗുണഭോക്താക്കള്‍

3260.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ലെെഫ് മിഷന്‍ വഴി ഭവനനിര്‍മ്മാണത്തിനായി നാളിതുവരെയായി എത്ര ഗുണഭോക്താക്കളെ തെരഞ്ഞെടുത്തിട്ടുണ്ടെന്നും സംസ്ഥാനത്തെ ഭവനരഹിതരില്‍ എത്രപേര്‍ക്ക് ഇനിയും വീട് ലഭ്യമാക്കാനുണ്ടെന്നും വ്യക്തമാക്കാമോ;

(ബി)	ഈ പദ്ധതി വഴി എത്ര വീടുകള്‍ പൂര്‍ത്തീകരിച്ചിട്ടുണ്ടെന്നും എത്ര വീടുകളുടെ പണി ആരംഭിച്ചിട്ടുണ്ടെന്നും അവയുടെ പുരോഗതിയെക്കുറിച്ചുള്ള വിവരവും ലഭ്യമാക്കാമോ?

കല്ല്യാശ്ശേരി മണ്ഡലത്തിലെ ലൈഫ് പദ്ധതി

3261.

ലൈഫ് പദ്ധതിയില്‍ ഉള്‍പ്പെടുത്തി കല്ല്യാശ്ശേരി നിയോജകമണ്ഡലത്തില്‍ എത്ര വീടുകള്‍ നിര്‍മ്മിക്കാനാണ് ഉദ്ദേശിക്കുന്നതെന്നും എത്ര വീടുകളുടെ നിര്‍മ്മാണം പൂര്‍ത്തിയായിട്ടുണ്ട് എന്നും വിശദാംശം ലഭ്യമാക്കാമോ?

മള്‍ട്ടിലെവല്‍ പാര്‍ക്കിംഗ് സംവിധാനം

3262.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം നഗരത്തില്‍ വാഹനങ്ങള്‍ പാര്‍ക്ക് ചെയ്യുവാന്‍ അനുഭവപ്പെടുന്ന ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ;

(ബി)	കേന്ദ്ര സര്‍ക്കാരിന്റെ അമൃത് പദ്ധതിയില്‍ ഉള്‍പ്പെടുത്തി മള്‍ട്ടിലെവല്‍ പാര്‍ക്കിംഗ് സംവിധാനം ഏര്‍പ്പെടുത്തുന്നതിനുള്ള നടപടി ഏത് ഘട്ടത്തിലാണ്;

(സി)	ഈ പദ്ധതിക്കായി കേന്ദ്ര സര്‍ക്കാര്‍ എത്ര ഫണ്ട് അനുവദിച്ചു; ഈ പദ്ധതി എന്നത്തേക്ക് പൂര്‍ത്തിയാക്കുവാനാണ് ഉദ്ദേശിക്കുന്നത്; വിശദാംശം വ്യക്തമാക്കുമോ?

സേവാഗ്രാം പദ്ധതി

3263.

ശ്രീ.മഞ്ഞളാംകുഴി അലി
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമപഞ്ചായത്തുകളുടെ സേവനം വ്യാപിപ്പിക്കുവാൻ ഉദ്ദേശിച്ച് ആരംഭിച്ച സേവാഗ്രാം പദ്ധതിയുടെ നിലവിലെ സ്ഥിതി എന്താണെന്ന് വ്യക്തമാക്കാമോ;

(ബി)	എല്ലാ ഗ്രാമപഞ്ചായത്തുകളിലും പ്രസ്തുത പദ്ധതി ആരംഭിക്കുവാൻ കഴിഞ്ഞിട്ടുണ്ടോ ;

(സി)	പ്രസ്തുത പദ്ധതി ഫലപ്രദമായി നടപ്പിലാക്കിയാല്‍ എന്തെല്ലാം നേട്ടങ്ങള്‍ കൈവരിക്കാന്‍ കഴിയുമെന്നാണ് പ്രതീക്ഷിക്കുന്നത് ;

(ഡി)	പ്രസ്തുത പദ്ധതിയുടെ സ്തംഭനാവസ്ഥ പരിഹരിയ്ക്കുന്നതിന് സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ?

കുടുംബശ്രീ ചിക്കന്‍ ഫാമുകളിലെ കോഴികള്‍

3264.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീ ബ്രോയിലര്‍ ഫാര്‍മേഴ്സ് പ്രൊഡ്യൂസര്‍ കമ്പനികള്‍ക്ക് കീഴിലുള്ള ചിക്കന്‍ ഫാമുകളിലെ കോഴികളെ വാങ്ങുന്നതിന് മീറ്റ് പ്രൊഡക്റ്റ്സ് ഓഫ് ഇന്ത്യ തീരുമാനിച്ചിട്ടുണ്ടോ;

(ബി)	ഇതു സംബന്ധിച്ച കരാറില്‍ ഒപ്പുവച്ചിട്ടുണ്ടോ; ഒരു കിലോ കോഴിക്ക് എന്ത് വില വച്ചാണ് അവര്‍ വാങ്ങുന്നത്;

(സി)	ചിക്കന്‍ ഫാം കര്‍ഷകര്‍ക്ക് ലഭിക്കേണ്ട തുക വേഗത്തില്‍ ലഭിക്കുന്നതിന് എന്തെങ്കിലും സംവിധാനം ഒരുക്കിയിട്ടുണ്ടോ; വിശദമാക്കുമോ?

കേരളചിക്കന്‍ പ്രൊഡ്യൂസര്‍ കമ്പനി

3265.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീ മിഷന്റെ നേതൃത്വത്തില്‍ ആരംഭിച്ചിട്ടുള്ള കേരളചിക്കന്‍ പ്രൊഡ്യൂസര്‍ കമ്പനിയുടെ പ്രവര്‍ത്തനങ്ങള്‍ ഏത് ഘട്ടംവരെയായി എന്ന് വിശദമാക്കുമോ;

(ബി)	ഏതെല്ലാം ജില്ലകളിലാണ് ഇത് നടപ്പിലാക്കിയിട്ടുള്ളത് എന്ന് വിശദമാക്കുമോ;

(സി)	നിലവില്‍ ഈ സ്ഥാപനത്തിന്റെ പ്രവര്‍ത്തനം ആരംഭിച്ചിട്ടുണ്ടോ; ഉണ്ടെങ്കില്‍ എന്തെല്ലാം പ്രവര്‍ത്തനങ്ങളാണ് നടത്തുന്നത് എന്ന് വിശദമാക്കാമോ?

കുടുംബശ്രീയുടെ സാമൂഹിക വികസന പരിപാടികള്‍

3266.

ശ്രീമതി.വീണാ ജോര്‍ജ്ജ്
ശ്രീ.വി. അബ്ദുറഹിമാന്‍
,, മുരളി പെരുനെല്ലി
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീ നടപ്പാക്കുന്ന പ്രധാന സാമൂഹിക വികസന പരിപാടികള്‍ എന്തെല്ലാമാണ്; വയോജന പരിപാലനത്തിനായി രൂപീകരിച്ചിട്ടുളള ഹര്‍ഷം പദ്ധതി വ്യാപിപ്പിക്കാന്‍ പരിപാടിയുണ്ടോ; എത്ര ബഡ്സ് സ്ഥാപനങ്ങള്‍ ആരംഭിച്ചിട്ടുണ്ട്; പുതുതായി ഇത്തരത്തിലുളള എത്ര സ്ഥാപനങ്ങള്‍ തുടങ്ങുവാന്‍ പദ്ധതിയുണ്ട്; വിശദമാക്കാമോ;

(ബി)	അശരണരുടെയും നിരാലംബരുടെയും അതിജീവനം സാധ്യമാക്കുന്ന അഗതിരഹിത കേരളം പദ്ധതിയുടെ പുരോഗതി അറിയിക്കാമോ;

(സി)	പട്ടിക ഗോത്രവര്‍ഗ സ്ത്രീകളെയും അതുവഴി ആ കുടുംബാംഗങ്ങളെയും വികസന പൊതുധാരയിലെത്തിക്കാന്‍ കുടുംബശ്രീ നടത്തിവരുന്ന പ്രവര്‍ത്തനം വിശദമാക്കാമോ?

കുടുംബശ്രീയുടെ നൂതന സംരംഭങ്ങള്‍

3267.

(എ)	കുടുംബശ്രീയെ നൂതന സംരംഭത്തിന്‍ കീഴില്‍ കൊണ്ടുവരുന്നതിന്റെ ഭാഗമായി ആവിഷ്ക്കരിച്ച പദ്ധതികള്‍ എന്തൊക്കെയാണ്;

(ബി)	പാലും മുട്ടയും പാലുല്പന്നങ്ങളും ഒരു കുടക്കീഴിലാക്കി കുടുംബശ്രീയുടെ ഷോപ്പികള്‍ എല്ലാ ജില്ലകളിലും തുടങ്ങുന്നതിന് തീരുമാനം എടുത്തിട്ടുണ്ടോ; വിശദാംശം നല്‍കുമോ;

(സി)	ഇത്തരം സംരംഭങ്ങള്‍ ആരംഭിക്കുന്നതിന് എന്ത് ധനസഹായമാണ് അനുവദിക്കുക; അതിന്റെ പലിശ നിരക്ക് എത്രയാണ്?

വര്‍ദ്ധിച്ചുവരുന്ന തെരുവുനായ്ക്കളുടെ ശല്യം

3268.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തെരുവുനായ്ക്കളുടെ ഉപദ്രവം ഏല്‍ക്കുന്നവരുടെ എണ്ണം വര്‍ദ്ധിക്കുന്ന കാര്യം പരിശോധിക്കുമോ; വ്യക്തമാക്കുമോ;

(ബി)	സംസ്ഥാനത്തെ തദ്ദേശസ്വയംഭരണ സ്ഥാപനങ്ങള്‍ ഈ വിഷയത്തില്‍ വേണ്ടത്ര ജാഗ്രത പാലിക്കുന്നില്ലെന്ന കാര്യം പരിശോധിക്കുമോ;

(സി)	ഈ വിഷയത്തില്‍ സംസ്ഥാന സര്‍ക്കാര്‍ ഫണ്ട് ഉപയോഗിക്കുവാന്‍ അനുവാദം നല്‍കിയത് ഉപയോഗിച്ച തദ്ദേശസ്വയംഭരണ സ്ഥാപനങ്ങള്‍ ഏതെല്ലാം; ഉപയോഗിച്ച തുക എത്ര; വ്യക്തമാക്കുമോ; ഓരോ നഗരസഭയും ചെലവാക്കിയ തുക എത്ര; വ്യക്തമാക്കുമോ;

(ഡി)	പഞ്ചായത്ത് ഡെപ്യൂട്ടി ഡയറക്ടര്‍മാരെയും നഗരകാര്യ വകുപ്പ് റീജിയണല്‍ ഡയറക്ടര്‍മാര്‍ക്കും ഇതിന്റെ ഏകോപന ചുമതല നല്‍കുമോ; അവരുടെ റിപ്പോര്‍ട്ട് പരിശോധിക്കുമോ; തദ്ദേശസ്വയംഭരണ സെക്രട്ടേറിയേറ്റിലെ ഏതെങ്കിലും സെക്ഷനെ ഇതിന്റെ ചുമതല ഏല്‍പ്പിക്കുമോ;

(ഇ)	2019 ജനുവരി മുതല്‍ നാളിതുവരെ റിപ്പോര്‍ട്ട് ചെയ്ത തെരുവ് നായ ആക്രമണത്തെക്കുറിച്ച് കണക്ക് ലഭ്യമാക്കുമോ; പഞ്ചായത്ത്, നഗരസഭ തിരിച്ചും ജില്ല തിരിച്ചും കണക്ക് ലഭ്യമാക്കുമോ?

അജൈവ മാലിന്യനിര്‍മാര്‍ജ്ജനം

3269.

(എ)

പ്ലാസ്റ്റിക് ഉള്‍പ്പെടെയുള്ള അജൈവ മാലിന്യങ്ങള്‍ വീടുകള്‍, ഓഫീസുകള്‍ എന്നിവിടങ്ങളില്‍നിന്നും സംഭരിക്കുന്നതിനും അവ റീസൈക്ലിംഗ് ഉള്‍പ്പെടെയുള്ള മാര്‍ഗ്ഗങ്ങളിലൂടെ പുനരുപയോഗിക്കുകയോ പരിസ്ഥിതിക്ക് ദോഷകരമാവാത്ത വിധം നിര്‍മാര്‍ജ്ജനം നടത്തുകയോ ചെയ്യുന്നതിന് തദ്ദേശസ്വയംഭരണ വകുപ്പിന് ഒരു ഏകീകൃത സംവിധാനം നിലവിലുണ്ടോ; ഇല്ലെങ്കില്‍ അത്തരത്തില്‍ ഒരു സംവിധാനം രൂപപ്പെടുത്തുന്നതിന് ആവശ്യമായ പഠന ഗവേഷണങ്ങള്‍ നടത്താനും നടപ്പാക്കാനും നടപടി സ്വീകരിക്കുമോ;

(ബി)	മാലിന്യ നിര്‍മാര്‍ജ്ജനത്തില്‍ പഞ്ചായത്തുകള്‍ക്കും മുനിസിപ്പാലിറ്റികള്‍ക്കും പരിശീലനം നല്‍കുന്നതിന് എന്തെല്ലാം സംവിധാനങ്ങള്‍ നിലവിലുണ്ടെന്ന് വ്യക്തമാക്കാമോ?

എല്ലാ മണ്ഡലങ്ങളിലും മാലിന്യ സംസ്കരണ പ്ലാന്റുകള്‍

3270.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

തദ്ദേശസ്വയംഭരണ സ്ഥാപനങ്ങള്‍ക്ക് എല്ലാ നിയോജകമണ്ഡലങ്ങളിലും മാലിന്യ സംസ്കരണ പ്ലാന്റുകള്‍ ആരംഭിക്കാനാകുമോ; ആയതിന് നടപടി സ്വീകരിക്കാമോ ; വിശദാംശം വ്യക്തമാക്കുമോ ?

മാലിന്യ നിര്‍മ്മാര്‍ജ്ജനത്തിന് ശുചിത്വ മിഷന്‍ നടത്തുന്ന പ്രവര്‍ത്തനങ്ങള്‍

3271.

ശ്രീ.പുരുഷന്‍ കടലുണ്ടി
,, ജോണ്‍ ഫെര്‍ണാണ്ടസ്
,, വി. ജോയി
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ശുചിത്വ-മാലിന്യ സംസ്കരണമേഖലകളില്‍ സർക്കാർ നടത്തിയിട്ടുള്ള ഇടപെടലുകള്‍ എന്തെല്ലാമാണെന്നറിയിക്കുമോ;

(ബി)	ഈ രംഗത്ത് ശുചിത്വ മിഷന്‍ നടത്തുന്ന പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കാമോ;

(സി)	എല്ലാ ജില്ലകളിലെയും പ്രധാന ആശുപത്രികളില്‍ സ്വീവേജ് പ്ലാന്റുകള്‍ സ്ഥാപിക്കുന്നതിനുള്ള പദ്ധതി ആസൂത്രണം ചെയ്തിട്ടുണ്ടോയെന്ന് വെളിപ്പെടുത്തുമോ;

(ഡി)	ഗാര്‍ഹിക ശൗചാലയങ്ങളും പൊതു ശൗചാലയങ്ങളും നിര്‍മ്മിക്കുന്നതിനുള്ള പദ്ധതി ശുചിത്വ മിഷന്‍ ആവിഷ്കരിച്ചിട്ടുണ്ടോ;

(ഇ)	മികച്ച പരിസ്ഥിതി സംരക്ഷണത്തിനും ശുചിത്വ പ്രവര്‍ത്തനത്തിനും ശുചിത്വ മിഷന് അംഗീകാരം ലഭിച്ചിട്ടുണ്ടോ; എങ്കില്‍ വിശദാംശം നല്‍കുമോ?

സ്വീവേജ് ട്രീറ്റ്മെന്റ് പ്ലാന്റ്

3272.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കൊച്ചി നഗരസഭയുടെ പള്ളുരുത്തി മേഖല 16-ാം ഡിവിഷനില്‍ നഗരസഭ വക സ്ഥലത്ത് അമൃത് പദ്ധതിയുടെ കീഴില്‍ സ്വീവേജ് ട്രീറ്റ്മെന്റ് പ്ലാന്റ് നിര്‍മ്മിക്കുവാന്‍ ഉദ്ദേശിക്കുന്നുണ്ടോ;

(ബി)	ഇതു സംബന്ധിച്ച് പ്രൊപ്പോസലില്‍ സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വിശദമാക്കാമോ;

(സി)	എത്ര സെന്റ് സ്ഥലമാണ് ഇതിനായി വിനിയോഗിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

(ഡി)	ഈ പദ്ധതി എന്നത്തേക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

കിള്ളിയാർ മാലിന്യ മുക്തമാക്കാന്‍ നടപടി

3273.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കിള്ളിയാർ മാലിന്യ മുക്തമാക്കുന്നതിന് തിരുവനന്തപുരം നഗരസഭ നടപ്പിലാക്കിയിട്ടുള്ള പദ്ധതികള്‍ എന്തൊക്കെയാണ്;

(ബി)	കിള്ളിയാറിലേക്ക് മാലിന്യമെത്തുന്ന ഓടകള്‍ ഒഴിവാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

(സി)	കിള്ളിയാറിലെ കയ്യേറ്റങ്ങള്‍ തടയുന്നതിന് റവന്യൂ വകുപ്പുമായി സഹകരിച്ച് നടപടികള്‍ സ്വീകരിച്ചിട്ടുണ്ടോ;

(ഡി)	കിള്ളിയാര്‍ ശുചീകരണ പദ്ധതി ഒരു തുടർ പദ്ധതിയായി നടപ്പിലാക്കുന്നതും വര്‍ഷത്തില്‍ രണ്ട് തവണയെങ്കിലും ശുചീകരണ പദ്ധതികള്‍ നടപ്പിലാക്കി കിള്ളിയാറിനെ മാലിന്യ മുക്തമാക്കുന്നതും പരിഗണിക്കുമോ; വിശദമാക്കുമോ?

അഡല്‍ട്ട് ഡയപ്പര്‍ സംസ്ക്കരിക്കുന്നതിനുള്ള സംവിധാനം

3274.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കിടപ്പ് രോഗികള്‍ ഉപയോഗിക്കുന്ന അഡല്‍ട്ട് ഡയപ്പര്‍ ഉപയോഗത്തിന് ശേഷം സംസ്ക്കരിക്കുന്നതിനുള്ള സംവിധാനം ഇല്ലായെന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	ഡയപ്പര്‍ പൊതുസ്ഥലങ്ങളില്‍ വലിച്ചെറിയുന്നത് മൂലം ഉണ്ടാകുന്ന മലിനീകരണ പ്രശ്നങ്ങള്‍ ഒഴിവാക്കുവാന്‍ എല്ലാ തദ്ദേശഭരണ സ്ഥാപനങ്ങളുടെ കീഴിലും അഡല്‍ട്ട് ഡയപ്പര്‍ നശിപ്പിക്കുന്നതിന് ആവശ്യമായ ഇന്‍സിനറേറ്റര്‍ സ്ഥാപിക്കുന്ന കാര്യം പരിഗണിക്കുമോ?

വിദ്യാഭ്യാസ സ്ഥാപനങ്ങള്‍ മാലിന്യ മുക്തമാക്കുന്നതിന് പദ്ധതി

3275.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കോളേജുകളും വിദ്യാലയങ്ങളും മാലിന്യവിമുക്തമാക്കുന്നതിന് തദ്ദേശസ്വയംഭരണ സ്ഥാപനങ്ങള്‍ എന്തെങ്കിലും പദ്ധതി ആവിഷ്കരിച്ച് നടപ്പിലാക്കിയിട്ടുണ്ടോ; വിശദാംശം നല്‍കുമോ;

(ബി)	കേരളത്തിലെ വിദ്യാഭ്യാസ സ്ഥാപനങ്ങള്‍ മാലിന്യ നിര്‍മ്മാര്‍ജ്ജനത്തില്‍ കുറ്റകരമായ അനാസ്ഥ കാട്ടുന്നത് ശ്രദ്ധയില്‍പ്പെട്ടിട്ടുണ്ടോ; പ്രശ്നപരിഹാരത്തിന് എന്തെല്ലാം ശ്രമങ്ങളാണ് തദ്ദേശസ്വയംഭരണ സ്ഥാപനങ്ങളുടെ കീഴില്‍ നടപ്പിലാക്കുന്നതെന്ന് അറിയിക്കുമോ;

(സി)	പൊതുവിദ്യാലയങ്ങള്‍ മാലിന്യമുക്തവും ഹരിതവിദ്യാലയവുമാക്കാന്‍ ലക്ഷ്യംവച്ച് എന്തൊക്കെ പദ്ധതികളാണ് നടപ്പിലാക്കിയിട്ടുളളത്; ഭാവിയില്‍ നടത്താന്‍ ഉദ്ദേശിക്കുന്ന പദ്ധതികള്‍ എന്തെല്ലാമാണ്; വിശദാംശം അറിയിക്കാമോ?

പ്ലാസ്റ്റിക് മാലിന്യ സംസ്കരണത്തില്‍ വന്ന വീഴ്ച

3276.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര മലിനീകരണ നിയന്ത്രണ ബോര്‍ഡിന്റെ നിര്‍ദ്ദേശങ്ങള്‍ വേണ്ട രീതിയില്‍ നടപ്പാക്കാന്‍ കേരളം വിമുഖത കാണിക്കുന്നതായ റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	പ്ലാസ്റ്റിക് മാലിന്യങ്ങള്‍ സംസ്കരിക്കുന്നത് സംബന്ധിച്ച റിപ്പോര്‍ട്ട് കേന്ദ്ര മലിനീകരണ നിയന്ത്രണ ബോര്‍ഡിന് കേരളം സമര്‍പ്പിക്കാത്തതിനെതിരെ ബോര്‍ഡ് ഹരിത ട്രൈബ്യൂണലിനെ സമീപിക്കുകയുണ്ടായോ;

(സി)	എന്നായിരുന്നു റിപ്പോര്‍ട്ട് സമര്‍പ്പിക്കേണ്ടിയിരുന്നത്; പ്ലാസ്റ്റിക് മാലിന്യ സംസ്കരണത്തില്‍ വന്ന വീഴ്ച കാരണമായി ഹരിത ട്രൈബ്യൂണല്‍ കേരളത്തിന് ഒരു കോടി രൂപ പിഴയിടുകയുണ്ടായോ ; ഇല്ലെങ്കില്‍ വിശദാംശങ്ങള്‍ നല്‍കുമോ?

പൊതുമാലിന്യ സംസ്ക്കരണ സംവിധാനം

3277.

(എ)	കേരളം ഖരമാലിന്യ സംസ്ക്കരണനയം രൂപീകരിച്ചിട്ടുണ്ടോ; വിശദാംശം നല്‍കുമോ;

(ബി)	സ്വന്തമായി മാലിന്യസംസ്ക്കരണ സംവിധാനം സ്ഥാപിക്കുവാന്‍ സ്ഥലമോ സാമ്പത്തികമോ ഇല്ലാത്ത സ്ഥാപനങ്ങള്‍ക്കും വ്യക്തികള്‍ക്കുമായി പൊതുമാലിന്യ സംസ്ക്കരണ സംവിധാനം ഏര്‍പ്പെടുത്തുന്ന കാര്യത്തില്‍ എത്രമാത്രം മുന്നോട്ട് പോകുവാന്‍ സാധിച്ചു; വിശദാംശം നല്‍കുമോ;

(സി)	ഖരമാലിന്യ സംസ്ക്കരണനയം രൂപീകരിച്ചതു സംബന്ധിച്ച് സുപ്രീംകോടതിയില്‍ സത്യവാങ്മൂലം സമര്‍പ്പിക്കുന്നതിന് വന്ന കാലതാമസത്തിന് കോടതി നിര്‍ദ്ദേശിച്ച ഫെെന്‍ അടച്ചിട്ടുണ്ടോ; എങ്കില്‍ എന്ത് തുകയാണ് ഫെെനായി അടച്ചതെന്ന് അറിയിക്കുമോ?

ദേശീയ ബയോഗ്യാസ് വികസന പദ്ധതി

3278.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ദേശീയ ബയോഗ്യാസ് വികസന പദ്ധതിയില്‍ ഉള്‍പ്പെടുത്തി എത്ര കുടുംബങ്ങള്‍ക്ക് ധനസഹായം നല്‍കിയിട്ടുണ്ടെന്ന് ജില്ല തിരിച്ച് വിശദമാക്കുമോ;

(ബി)	ആയതിന്‍പ്രകാരം ഓരോ വിഭാഗത്തിനും അനുവദിക്കുന്ന പരമാവധി തുക എത്രയാണ്;

(സി)	പ്രസ്തുത പദ്ധതിക്കായി കേന്ദ്ര-സംസ്ഥാന സര്‍ക്കാരുകള്‍ ഓരോവര്‍ഷവും വകയിരുത്തിയ തുകയും ചെലവഴിച്ച തുകയും വ്യക്തമാക്കുമോ;

(ഡി)	ഇതിനായി അപേക്ഷ സമര്‍പ്പിക്കുന്നതിനുള്ള മാനദണ്ഡങ്ങള്‍ എന്തെല്ലാമാണ്; വെളിപ്പെടുത്തുമോ?

ആമയിഴഞ്ചാന്‍താേടില്‍ നിന്നും മാലിന്യം നീക്കുന്നതിന് നടപടി

3279.

(എ)	തിരുവനന്തപുരം നഗരത്തിലെ മാലിന്യവാഹിനിയായി മാറിയ ആമയിഴഞ്ചാന്‍താേടില്‍നിന്നും മാലിന്യം നീക്കുന്നതിന് നഗരസഭയുടെ നേതൃത്വത്തില്‍ നടത്തിയ പ്രവര്‍ത്തനം എന്താെക്കെയായിരുന്നുവെന്ന് വ്യക്തമാക്കുമോ;

(ബി)	എത്ര ദിവസമാണ് താേട് ശുചീകരിച്ചതെന്നും ഏത് ഭാഗത്താണ് ശുചീകരണ പ്രവര്‍ത്തനങ്ങള്‍ നടത്തിയതെന്നും അതിനായി എന്ത് തുക ചെലവഴിച്ചുവെന്നും വ്യക്തമാക്കുമോ?

മഴക്കാല പൂര്‍വ്വ ശുചീകരണവും പകര്‍ച്ച വ്യാധി പ്രതിരോധവും

3280.

ശ്രീ.എം. വിന്‍സെന്റ്
,, പി.ടി. തോമസ്
,, വി.പി.സജീന്ദ്രന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	മഴക്കാല പൂര്‍വ്വ ശുചീകരണം സംസ്ഥാനത്ത് കാര്യക്ഷമമായി നടപ്പിലാക്കുവാന്‍ പദ്ധതി ആവിഷ്ക്കരിച്ചിട്ടുണ്ടോ; വിശദാംശം നല്‍കുമോ;

(ബി)	ഇതിന്റെ ഭാഗമായി സംസ്ഥാന വ്യാപകമായി ജനപങ്കാളിത്തത്തോടു കൂടി ശുചീകര‌ണ പ്രവര്‍ത്തനങ്ങള്‍ നടത്തുവാന്‍ കഴിഞ്ഞിട്ടുണ്ടോയെന്നറിയിക്കുമോ;

(സി)	മഴയ്ക്ക് മുമ്പ് കുളങ്ങളും നദികളും തോടുകളും വൃത്തിയാക്കി ഒഴുക്ക് സുഗമമാക്കുവാന്‍ സ്വീകരിച്ച നടപടികള്‍ എന്തൊക്കെയാണെന്ന് അറിയിക്കുമോ;

(ഡി)	ഇത്തരം പദ്ധതികള്‍ ഒരു പ്രത്യേക സമയത്ത് മാത്രം നടപ്പിലാക്കാതെ നിരന്തരമായി നടത്തുന്നതിനും അതുവഴി പകര്‍ച്ചവ്യാധി പ്രതിരോധിക്കുന്നതിനും നടപടി സ്വീകരിക്കുമോ?

പ്ലാസ്റ്റിക് ക്യാരിബാഗുകളുടെ ഉപയോഗം

3281.

ശ്രീ.എന്‍. ഷംസുദ്ദീന്‍
,, വി.കെ.ഇബ്രാഹിം കുഞ്ഞ്
,, മഞ്ഞളാംകുഴി അലി
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ പ്ലാസ്റ്റിക് ക്യാരിബാഗുകള്‍ പൂര്‍ണമായും നിരോധിക്കാന്‍ സാധിക്കില്ല എന്ന സത്യവാങ്മൂലം സര്‍ക്കാര്‍ കോടതിയില്‍ സമര്‍പ്പിച്ചിട്ടുണ്ടോ; വിശദമാക്കാമോ;

(ബി)	പ്ലാസ്റ്റിക്കിന് പകരം ഉപയോഗിക്കാവുന്ന വസ്തുക്കളുടെ യഥേഷ്ട ലഭ്യത ഉറപ്പാക്കാന്‍ സര്‍ക്കാര്‍ എന്തെല്ലാം നടപടികളാണ് സ്വീകരിച്ചത്; വിശദമാക്കാമോ;

(സി)	പ്ലാസ്റ്റിക് ക്യാരിബാഗുകളുടെ ഉപയോഗം കുറയ്ക്കുന്നതിനായി വകുപ്പുതലത്തില്‍ എന്തെല്ലാം പദ്ധതികളാണ് നടപ്പിലാക്കാന്‍ ഉദ്ദേശിക്കുന്നത്; വിശദമാക്കാമോ?

ഗ്രാമ പഞ്ചായത്തുകള്‍ക്ക് സ്റ്റാഫ് ക്വാർട്ടേഴ്സ്

3282.

(എ)	സംസ്ഥാനത്തെ ഗ്രാമ പഞ്ചായത്തുകള്‍ കേന്ദ്രീകരിച്ച് സ്റ്റാഫ് ക്വാർട്ടേഴ്സ് നിര്‍മ്മിക്കുന്നതിന് ഗ്രാമ പഞ്ചായത്തുകള്‍ക്ക് അനുമതി നല്‍കുമാേ;

(ബി)	സ്വദേശം വിട്ട് മറ്റ് ജില്ലകളില്‍ ജാേലിനാേക്കുന്ന ജീവനക്കാര്‍ക്ക് സൗകര്യപ്രദമാകുംവിധം ക്വാർട്ടേഴ്സ് നിർമ്മിക്കുന്നതിനുള്ള പദ്ധതി നടപ്പിലാക്കുമാേ;

(സി)	ഇത്തരത്തില്‍ ക്വാർട്ടേഴ്സ് നിര്‍മ്മിക്കുന്നതിന് ഗ്രാമപഞ്ചായത്തുകളുടെ തനത് ഫണ്ട് ഉപയാേഗിക്കുന്നതിന് അനുമതി നല്‍കിയാല്‍ സര്‍ക്കാരിന് സാമ്പത്തിക ബാധ്യത ഇല്ലായെന്നുള്ളത് സര്‍ക്കാര്‍ പരിഗണിക്കുമാേ;

(ഡി)	വനിതാ ജീവനക്കാര്‍ക്ക് അടക്കം ഉപകാരപ്രദമാകുന്ന ടി പദ്ധതി നടപ്പിലാക്കുമാേ എന്ന് അറിയിക്കുമോ?

പാലക്കാട് ജില്ലയില്‍ പ്രളയത്തില്‍ തകര്‍ന്ന റോഡുകളുടെ പുനര്‍ നിര്‍മ്മാണം

3283.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ പ്രളയത്തില്‍ പാലക്കാട് ജില്ലയില്‍ തദ്ദേശ സ്വയംഭരണ സ്ഥാപനങ്ങള്‍ക്ക് കീഴിലെ എത്ര കിലോമീറ്റര്‍ റോഡാണ് തകര്‍ന്നിട്ടുള്ളത്;

(ബി)	പ്രസ്തുത റോഡുകള്‍ പുനര്‍ നിര്‍മ്മിക്കാന്‍ സ്വീകരിച്ച നടപടികള്‍ വ്യക്തമാക്കാമോ?

തൊഴിലുറപ്പ് പദ്ധതി

3284.

(എ)	സംസ്ഥാനത്ത് തൊഴിലുറപ്പ് പദ്ധതിയില്‍ ഉള്‍പ്പെട്ടിരിക്കുന്ന തൊഴിലാളികള്‍ക്ക് എത്ര മാസത്തെ വേതനകുടിശ്ശികയാണ് നല്‍കാനുള്ളത്; ഇത് ആകെ എത്ര രൂപ വരും; വിശദാംശങ്ങള്‍ ലഭ്യമാക്കാമോ;

(ബി)	എന്തുകൊണ്ടാണ് കുടിശ്ശിക നല്‍കാന്‍ കഴിയാതെ വന്നത്; കുടിശ്ശിക അടിയന്തരമായി ഇവർക്ക് നല്‍കുന്നതിന് എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദാംശങ്ങള്‍ ലഭ്യമാക്കാമോ?

തൊഴിലുറപ്പ് പദ്ധതി

T 3285.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തൊഴിലുറപ്പ് പദ്ധതിയിന്‍കീഴില്‍ തൊഴിലാളികളുടെ നിലവിലുള്ള കൂലി എത്ര രൂപയാണ്; അറിയിക്കുമോ;

(ബി)	പ്രസ്തുത തൊഴിലാളികളുടെ കൂലി ഏപ്രില്‍ ഒന്ന് മുതൽ പല സംസ്ഥാനങ്ങളിലും പുതുക്കി നിശ്ചയിച്ചിട്ടുണ്ടോ; എങ്കില്‍ കേരളത്തില്‍ ആയത് പുതുക്കി നിശ്ചയിക്കാത്തത് എന്തുകൊണ്ടാണ്; വ്യക്തമാക്കുമോ;

(സി)	കൂലി പുതുക്കി നിശ്ചയിച്ച് ഏപ്രില്‍ ഒന്നുമുതല്‍ മുന്‍കാല പ്രാബല്യത്തോടുകൂടി കുടിശ്ശിക ലഭ്യമാക്കുന്നതിന് ആവശ്യമായ നടപടികള്‍ കൈക്കൊള്ളുമോ എന്ന് അറിയിക്കുമോ?

പി.എം.ജി.എസ്.വൈ പദ്ധതി

3286.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	2016-17, 17-18, 18-19 വര്‍ഷങ്ങളില്‍ പി.എം.ജി.എസ്.വൈ പദ്ധതിയില്‍ ഷൊര്‍ണ്ണൂര്‍ മണ്ഡലത്തില്‍ എന്തെല്ലാം പ്രവൃത്തികള്‍ നടത്തിയിട്ടുണ്ട് എന്ന് വ്യക്തമാക്കാമോ;

(ബി)	ഇതില്‍ ഒരോ പ്രവൃത്തിയുടെയും എസ്റ്റിമേറ്റ് തുകയും പ്രവൃത്തിയുടെ പുരോഗതി സംബന്ധിച്ച വിവരവും വ്യക്തമാക്കുമോ?

സ്വയം വസ്തുനികുതി നിര്‍ണ്ണയം

3287.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി നിര്‍മ്മിക്കുന്ന കെട്ടിടങ്ങള്‍ക്ക് നടപ്പാക്കിയിട്ടുള്ള സ്വയം വസ്തുനികുതി നിര്‍ണ്ണയിക്കുന്ന രീതി സംബന്ധിച്ചുള്ള മാനദണ്ഡം എന്തെല്ലാമാണ്; വിശദാംശം നല്കുമോ;

(ബി)	സംസ്ഥാനത്തെ എല്ലാ തദ്ദേശസ്വയംഭരണ സ്ഥാപനങ്ങളിലും ഈ രീതിയിലുള്ള വസ്തുനികുതി നിര്‍ണ്ണയം നടപ്പാക്കിയിട്ടുണ്ടോ; വിശദവിവരം നല്‍കുമോ?

ഐ.ബി.പി.എം.എസ്. സിസ്റ്റത്തിന്റെ പ്രവര്‍ത്തനം

3288.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	കെട്ടിട നിര്‍മ്മാണ പെര്‍മിറ്റ് നല്‍കുന്നതിനായി നടപ്പിലാക്കിയ ഐ.ബി.പി.എം.എസ്. സിസ്റ്റത്തിന്റെ പ്രവര്‍ത്തനം വിലയിരുത്തിയിട്ടുണ്ടോ;

(ബി)	ഇത് സംബന്ധിച്ച് പരാതികള്‍ ലഭിച്ചിട്ടുണ്ടോ; ഈ സിസ്റ്റം നടപ്പിലാക്കിയ ശേഷം ഓണ്‍ലൈനായി സമര്‍പ്പിച്ച എത്ര കെട്ടിട നിര്‍മ്മാണ പെര്‍മിറ്റിനായിട്ടുള്ള അപേക്ഷകള്‍ക്ക് തിരുവനന്തപുരം കോര്‍പ്പറേഷന്‍ അനുമതി നല്‍കി;

(സി)	എത്ര അപേക്ഷകളില്‍ ഇനി തീരുമാനം എടുക്കുവാനുണ്ടെന്ന് അറിയിക്കുമോ?

താത്കാലിക നിര്‍മ്മാണങ്ങളുടെ പെര്‍മിറ്റ്

3289.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ചുറ്റുമതില്‍ മറ്റ് താത്കാലിക നിര്‍മ്മാണങ്ങള്‍ എന്നിവക്ക് പെര്‍മിറ്റ് അനുവദിക്കുന്നതിനുള്ള മാനദണ്ഡങ്ങള്‍ എന്തൊക്കെയാണെന്ന് അറിയിക്കാമോ;

(ബി)	പ്രസ്തുത പെര്‍മിറ്റ് ഏതൊക്കെ നിര്‍മ്മാണങ്ങള്‍ക്കാണ് അവശ്യമുള്ളതെന്നും ആയതിന് സമര്‍പ്പിക്കേണ്ട രേഖകളും നടപടിക്രമങ്ങളും വ്യക്തമാക്കാമോ?

വാട്ടര്‍ വേള്‍ഡ് ടൂറിസം റിസോര്‍ട്ടില്‍ അനധികൃത നിര്‍മ്മാണം

3290.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ആലപ്പുഴയിലെ വാട്ടര്‍ വേള്‍ഡ് ടൂറിസം കമ്പനി പ്രൈവറ്റ് ലിമിറ്റഡ് റിസോര്‍ട്ടില്‍ അനധികൃത നിര്‍മ്മാണം നടന്നതായി കണ്ടെത്തിയിട്ടുണ്ടോ ;

(ബി)	പ്രസ്തുത അനധികൃത നിര്‍മ്മാണത്തിന് പിഴ ഈടാക്കുവാന്‍ ആലപ്പുഴ നഗരസഭ തീരുമാനം എടുത്തിട്ടുണ്ടോ ; എങ്കില്‍ എന്ത് തുകയാണ് പിഴയായി ഈടാക്കുവാന്‍ തീരുമാനിച്ചിട്ടുള്ളത് ?

ഓപ്പണ്‍ എയര്‍ ഓഡിറ്റോറിയം നിര്‍മ്മാണം

3291.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര നിയമസഭാ മണ്ഡലത്തില്‍ തഴക്കര ഗ്രാമപഞ്ചായത്തില്‍ ആസ്തിവികസന പദ്ധതിയില്‍ ഉള്‍പ്പെടുത്തി ഓപ്പണ്‍ എയര്‍ ഓഡിറ്റോറിയം നിര്‍മ്മിക്കുന്നതിന് തുക അനുവദിച്ചിട്ടും നിര്‍മ്മാണം ആരംഭിക്കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ പ്രസ്തുത നിര്‍മ്മാണപ്രവൃത്തി ആരംഭിക്കുന്നതിനാവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കാമോ;

(സി)	പ്രസ്തുത നിര്‍മ്മാണപ്രവൃത്തി എ.ഡി.സി.യുടെ മേല്‍നോട്ടത്തില്‍ നടത്തുന്നതിനുള്ള നടപടി സ്വീകരിക്കുമോ; വിശദമാക്കുമോ?

പഞ്ചായത്തുകളിലെ സ്റ്റാഫ് പാറ്റേണ്‍ പുതുക്കാന്‍ നടപടി

3292.

(എ)	പഞ്ചായത്തുകളിലെ ജോലിഭാരം കണക്കിലെടുത്ത് സ്റ്റാഫ് പാറ്റേണ്‍ പുതുക്കി നിശ്ചയിക്കുന്നതിന് നടപടി സ്വീകരിക്കുമോ;

(ബി)	എഞ്ചിനീയറിംഗ് വിഭാഗം കൂടുതല്‍ കാര്യക്ഷമമാക്കുന്നതിനായി ആവശ്യമായ നടപടികള്‍ സ്വീകരിക്കുമോ;

(സി)	എഞ്ചിനീയറിംഗ്/ഡിപ്ലോമ പാസ്സായിട്ടുള്ള ഉദ്യോഗാര്‍ത്ഥികളെ തദ്ദേശ സ്വയംഭരണ സ്ഥാപനങ്ങളില്‍ അപ്രന്റീസ് ട്രെയിനികളായി താല്‍ക്കാലികമായി നിയമിക്കുന്നതിന് സര്‍ക്കാര്‍ അനുമതി നല്‍കുന്നതിന് നടപടി സ്വീകരിക്കുമോ?

ബ്ലോക്ക് പഞ്ചായത്ത് സെക്രട്ടറി നിയമനം

3293.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ബ്ലോക്ക് പഞ്ചായത്ത് സെക്രട്ടറി തസ്തികയില്‍ പി.എസ്.സി. മുഖേന തസ്തിക മാറ്റം വഴി നിയമനം നടത്തുന്ന തസ്തികകളുടെ എണ്ണം എത്രയാണ് ;

(ബി)	ഇത്തരത്തില്‍ തസ്തികമാറ്റം വഴി നിയമനം നേടിയവര്‍ എത്രയാണ്; ഇതില്‍ ഗ്രാമവികസന വകുപ്പില്‍ നിന്നും തസ്തികമാറ്റം വഴി നിയമനം നേടിയവര്‍ എത്രയാണ് ; അന്യത്രസേവനത്തിലുള്ളവര്‍ എത്ര എന്ന് വ്യക്തമാക്കുമോ;

(സി)	പ്രസ്തുത തസ്തികയില്‍ ജൂണ്‍ ഒന്ന് പ്രകാരം തസ്തിക മാറ്റം വഴി നികത്താനുള്ള എത്ര ഒഴിവുകളുണ്ട്; ഈ ഒഴിവുകള്‍ നികത്തുന്നതിന് അടിയന്തര നടപടി സ്വീകരിക്കുമോ?

വാടാനപ്പള്ളി ഗ്രാമപഞ്ചായത്ത്‌ ഓഫീസിലെ ഒഴിവുകൾ

3294.

ശ്രീ.മുരളി പെരുനെല്ലി : താഴെ കാണുന്ന ചോദ്യത്തിന് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

മണലൂര്‍ മണ്ഡലത്തിലെ വാടാനപ്പള്ളി ഗ്രാമപഞ്ചായത്തില്‍ അസിസ്റ്റന്റ് എഞ്ചിനീയര്‍, ഓവര്‍സീയര്‍ എന്നീ തസ്തികകളില്‍ ഒഴിവുകൾ നിലവിലുണ്ടാേ; ഉണ്ടെങ്കില്‍ അവ നികത്തുവാൻ നടപടി സ്വീകരിച്ചിട്ടുണ്ടാേ എന്ന് അറിയിക്കാമാേ?

എഞ്ചിനീയറിംഗ് സ്റ്റാഫിന്റെ അപര്യാപ്തത

3295.

(എ)	തദ്ദേശസ്വയംഭരണ വകുപ്പില്‍ നിലവിലെ എഞ്ചിനീയറിംഗ് സ്റ്റാഫിനെ ഉപയോഗിച്ച് പദ്ധതികള്‍ നടത്തുവാന്‍ കഴിയുന്നില്ലെന്ന കാര്യം പരിശോധിക്കുമോ; വ്യക്തമാക്കുമോ;

(ബി)	പല തദ്ദേശസ്വയംഭരണസ്ഥാപനങ്ങളിലും ഓവര്‍സീയര്‍ മുതല്‍ മുകളിലോട്ടുളള ജീവനക്കാരുടെ അപര്യാപ്തതമൂലം പ്രവൃത്തികള്‍ കാര്യക്ഷമമാകുന്നില്ലെന്ന കാര്യം പരിശോധിക്കുമോ;

(സി)	തിരുവനന്തപുരം, കൊച്ചി പോലുളള മുന്‍സിപ്പല്‍ കോര്‍പ്പറേഷനുകളിലെ ഡെപ്യൂട്ടി ചീഫ് എഞ്ചിനീയര്‍ തസ്തികകള്‍ അപ്ഗ്രേഡ് ചെയ്ത് ചീഫ് എഞ്ചിനീയര്‍ തസ്തികയാക്കുന്ന കാര്യം പരിഗണിക്കുമോ;

(ഡി)	തദ്ദേശസ്വയംഭരണ സ്ഥാപനങ്ങളില്‍ നിലവിലുളള തസ്തികകള്‍കൊണ്ട് സുഗമമായി പ്രവര്‍ത്തിക്കുവാന്‍ കഴിയാത്ത സാഹചര്യത്തില്‍ പുതിയ തസ്തിക സൃഷ്ടിക്കുവാന്‍ നടപടികള്‍ സ്വീകരിക്കുമോ; വ്യക്തമാക്കുമോ?

തദ്ദേശസ്വയംഭരണ വകുപ്പിന് കീഴിലുള്ള എഞ്ചിനീയറിംഗ് വിഭാഗം

3296.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ വകുപ്പിന് കീഴിലുള്ള എഞ്ചിനീയറിംഗ് വിഭാഗം ശക്തിപ്പെടുത്തുന്നതിനായി ഈ സർക്കാർ സ്വീകരിച്ച നടപടികള്‍ വിശദീകരിക്കാമോ;

(ബി)	പദ്ധതികളുടെ നടത്തിപ്പിന് തടസ്സമാകുന്ന കാര്യങ്ങള്‍ എന്തെല്ലാമെന്ന് വ്യക്തമാക്കാമോ; പ്രസ്തുത അപാകതകള്‍ പരിഹരിക്കുന്നതിനായി സ്വീകരിക്കുവാന്‍ ഉദ്ദേശിക്കുന്ന നടപടികള്‍ വിശദമാക്കുമോ ;

(സി)	തദ്ദേശസ്വയംഭരണ സ്ഥാപനങ്ങളിലെ എഞ്ചിനീയറിംഗ് വിഭാഗത്തിലെ വിവിധ തസ്തികയിലുള്ളവരുടെ ഒഴിവുകള്‍ നികത്തുന്നതിന് അടിയന്തരമായി സ്വീകരിക്കുവാന്‍ ഉദ്ദേശിക്കുന്ന നടപടികള്‍ വ്യക്തമാക്കാമോ?

ആശ്രിത നിയമനത്തിന് തസ്തികകള്‍ നീക്കിവയ്ക്കല്‍

3297.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	പഞ്ചായത്ത് വകുപ്പില്‍ ആശ്രിത നിയമനത്തിന് തസ്തികകള്‍ നീക്കിവയ്ക്കുവാന്‍ ഉത്തരവായിട്ടുണ്ടോ;

(ബി)	എത്ര തസ്തികകളാണ് ഇപ്രകാരം ആശ്രിത നിയമനത്തിനായി നീക്കിവച്ചത്; ഉത്തരവിന്റെ പകര്‍പ്പ് ലഭ്യമാക്കുമോ;

(സി)	ഇപ്രകാരം തസ്തികകള്‍ കൂട്ടത്തോടെ നീക്കിവയ്ക്കുന്നത് പി. എസ്. സി. റാങ്ക് ലിസ്റ്റിലുള്ള ഉദ്യോഗാര്‍ത്ഥികളെ ദോഷകരമായി ബാധിക്കില്ലേ; എങ്കില്‍ ഇക്കാര്യത്തില്‍ എന്ത് നടപടിയാണ് ഉദ്ദേശിക്കുന്നത്?

കാസര്‍ഗോഡ് ജില്ലയിലെ ഷീ ലോഡ്ജിംഗ്

3298.

(എ)	സ്ത്രീകള്‍ക്ക് സഞ്ചാര സ്വാതന്ത്ര്യം ഉറപ്പാക്കികൊണ്ടുള്ള ഷീ ലോഡ്ജിംഗ് ശൃംഖല കാസര്‍ഗോഡ് ജില്ലയില്‍ ആരംഭിച്ചിട്ടുണ്ടോ;

(ബി)	കര്‍ണ്ണാടക അതിര്‍ത്തി പ്രദേശമായ കാസര്‍ഗോഡ് എത്തുന്ന സ്ത്രീകളുടെ സുരക്ഷിതത്വം ഉറപ്പ് വരുത്തുവാന്‍ ഈ ജില്ലയില്‍ ഷീ ലോഡ്ജിംഗ് ആരംഭിക്കുമോ എന്ന് അറിയിക്കാമോ?

റാന്നിയിലെ പഴവങ്ങാടി പഞ്ചായത്തിലെ ശ്മശാന നിര്‍മ്മാണം

3299.

(എ)	റാന്നിയിലെ പഴവങ്ങാടി പഞ്ചായത്തില്‍ ആരംഭിച്ച ശ്മശാന നിര്‍മ്മാണത്തിന്റെ നിലവിലെ സ്‌ഥിതിയും ഇതിനായി അനുവദിച്ച തുകയും ഏതെല്ലാം പഞ്ചായത്തുകള്‍ ചേര്‍ന്നാണ് പ്രസ്തുത നിര്‍മ്മാണത്തിനുള്ള ഫണ്ട് നല്‍കുവാൻ കരാറില്‍ ഏര്‍പ്പെട്ടിരുന്നതെന്നും വ്യക്തമാക്കുമോ;

(ബി)	നിലവിൽ ഈ നിര്‍മ്മാണം മുടങ്ങുവാനുണ്ടായ കാരണം വ്യക്തമാക്കാമോ; പ്രസ്തുത നിര്‍മ്മാണം തടസ്സങ്ങള്‍ നീക്കി എന്ന് പൂര്‍ത്തീകരിക്കുവാൻ കഴിയുമെന്ന് വ്യക്തമാക്കുമോ?

കാസര്‍ഗോഡ് ജില്ലാപഞ്ചായത്ത് ഓഫീസിന് മുൻപിലെ ശിലാരൂപനിർമ്മാണം

3300.

(എ)	കാസര്‍ഗോഡ് ജില്ലാപഞ്ചായത്ത് ഓഫീസിന് മുൻപില്‍ സ്ഥാപിച്ചിട്ടുള്ള ശിലാരൂപത്തിന്റെ പണി തുടങ്ങിയത് എപ്പോഴാണെന്ന് വ്യക്തമാക്കാമോ ;

(ബി)	ഇത് എത്ര തുകയുടെ പദ്ധതിയാണെന്നും ഇതുവരെ എത്ര തുക ചെലവഴിച്ചുവെന്നും വ്യക്തമാക്കാമോ ;

(സി)	ഇനി എത്ര രൂപ ചെലവഴിക്കേണ്ടി വരുമെന്നാണ് പ്രതീക്ഷിക്കുന്നതെന്ന് വ്യക്തമാക്കാമോ ;

(ഡി)	പ്രസ്തുത നിർമ്മാണപ്രവൃത്തി നിര്‍ത്തിവെച്ചിട്ട് എത്രകാലമായെന്നും പ്രവൃത്തി പുനരാരംഭിക്കാത്തതിന്റെ കാരണവും വ്യക്തമാക്കാമോ ; പ്രസ്തുത ശിലാരൂപത്തിന്റെ രൂപകല്പന ആരുടേതാണെന്നും അദ്ദേഹവുമായി ഒപ്പുവെച്ച കരാറിന്റെ വിശദാംശങ്ങളും വെളിപ്പെടുത്തുമോ?

തദ്ദേശസ്വയഭരണ സ്ഥാപനങ്ങളില്‍ രജിസ്റ്റര്‍ ചെയ്യാത്ത ജനനങ്ങള്‍

3301.

(എ)	1970 ന് മുമ്പുള്ളതും തദ്ദേശസ്വയംഭരണ സ്ഥാപനങ്ങളില്‍ രജിസ്റ്റര്‍ ചെയ്യാത്തതുമായ ജനങ്ങള്‍ നിലവില്‍ രജിസ്റ്റര്‍ ചെയ്യുന്നത് സംബന്ധിച്ച സർക്കാർ ഉത്തരവ് നിലവിലുണ്ടോ;

(ബി)	ഉണ്ടെങ്കില്‍ അതുമായി ബന്ധപ്പെട്ട നടപടിക്രമങ്ങള്‍ വിശദമാക്കുമോ ;

(സി)	അതുമായി ബന്ധപ്പെട്ട് നിലവിലുള്ള സർക്കാർ ഉത്തരവിന്റെയും സര്‍ക്കുലറുകളുടെയും പകര്‍പ്പ് ലഭ്യമാക്കാമോ?

തദ്ദേശസ്വയംഭരണ സ്ഥാപനങ്ങളിലെ പൊതുജനാരോഗ്യ പ്രവർത്തനങ്ങള്‍

3302.

(എ)	തദ്ദേശസ്വയംഭരണ സ്ഥാപനങ്ങളില്‍ പൊതുജനാരോഗ്യ പ്രവർത്തനങ്ങള്‍ക്ക് നേതൃത്വം നല്‍കുന്നതിന് നിലവിലുള്ള സംവിധാനം ഏതെന്ന് വ്യക്തമാക്കാമോ;

(ബി)	പ്രസ്തുത സംവിധാനത്തിലെ പോരായ്മകള്‍ ശ്രദ്ധയില്‍പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കുന്നതിനായി ഈ സർക്കാർ എന്തെല്ലാം നടപടികള്‍ സ്വീകരിക്കും എന്ന് വിശദീകരിക്കാമോ;

(സി)	തദ്ദേശസ്വയംഭരണ സ്ഥാപനങ്ങളില്‍ കൂടുതല്‍ ആരോഗ്യപ്രവര്‍ത്തകരെ നിയമിക്കുന്ന കാര്യം പരിഗണിക്കുമോ; വ്യക്തമാക്കാമോ?

ജന്‍റം പദ്ധതി

T 3303.

(എ)	ജന്‍റം പദ്ധതി കേന്ദ്രാവിഷ്കൃത പദ്ധതിയാണോ; പ്രസ്തുത പദ്ധതി കേരളത്തില്‍ ആരംഭിച്ച തീയതി, ഇതിനായി ചെലവാക്കിയതുക (കേന്ദ്രവും കേരളവും തിരിച്ച്),ഇതിന്റെ കീഴിൽ നടപ്പിലാക്കിയ പ്രവൃത്തികള്‍, ഇതിനായി നിശ്ചയിച്ചിരുന്ന കാലാവധി, പദ്ധതി എത്ര തവണ നീട്ടിനല്‍കി തുടങ്ങിയ വിശദാംശങ്ങള്‍ ലഭ്യമാക്കാമോ;

(ബി)	ജന്‍റം പദ്ധതി പൂര്‍ണ്ണമായും അവസാനിപ്പിച്ചിട്ടുണ്ടോ; ഇല്ലെങ്കില്‍ അതിന്റെ വിശദാംശങ്ങള്‍; പദ്ധതി കരാര്‍ നീട്ടിനല്‍കിയ തീയതി; കരാർ എന്ന് തീരും തുടങ്ങിയ വിവരങ്ങള്‍ നല്‍കാമോ;

(സി)	മേല്‍പദ്ധതി നടപ്പിലാക്കാന്‍ എത്ര ജീവനക്കാരെ (തരംതിരിച്ച്) കരാര്‍ അടിസ്ഥാനത്തില്‍ നിയമിച്ചുവെന്നും എത്രകാലത്തേക്കാണ് പ്രസ്തുത ജീവനക്കാരെ നിയമിച്ചതെന്നും അത് നീട്ടിനല്‍കിയെങ്കില്‍ എത്രനാള്‍ വരെയെന്നും അവര്‍ക്ക് നല്‍കിയ പ്രതിമാസ ശമ്പളം എത്രയാണെന്നുമുള്ള വിശദാംശങ്ങള്‍ ലഭ്യമാക്കുമോ;

(ഡി)	പദ്ധതിയുടെ കാലാവധി നീട്ടിനല്‍കിയ ശേഷം കേന്ദ്രഫണ്ട് ലഭിച്ചിട്ടുണ്ടോ;വിശദമാക്കാമോ;

(ഇ)	കേന്ദ്രപദ്ധതിയായ അമ‍ൃത്-ന്റെ നിലവിലെ സ്ഥിതി, ആരംഭിച്ച പ്രവൃത്തികള്‍ എന്നിവ വ്യക്തമാക്കാമോ;

(എഫ്)

അമൃത് പദ്ധതിയ്ക്ക് കരാറടിസ്ഥാനത്തില്‍ ജീവനക്കാരെ നിയമിച്ചിട്ടുണ്ടോ; ഇതിനായി നിലവിലെ റാങ്ക് ലിസ്റ്റിൽ നിന്നും ഉദ്യോഗാര്‍ത്ഥികളെ എടുക്കുന്നതിന് എന്തെങ്കിലും തടസ്സമുണ്ടോ; വിവരങ്ങള്‍ ലഭ്യമാക്കാമോ?

വി.ഇ.ഒ.മാരുടെ പ്രീ-സര്‍വീസ് പരിശീലനം

3304.

(എ)	ഗ്രാമവികസന വകുപ്പിലെ വി.ഇ.ഒ.മാരുടെ പ്രീ-സര്‍വീസ് പരിശീലനം ഇന്‍സര്‍വീസ് ആക്കി മാറ്റുന്നതിന് സ്പെഷ്യല്‍റൂള്‍ഭേദഗതി വരുത്തിയിട്ടുണ്ടോ; വിശദാംശങ്ങള്‍ നല്‍കാമോ;

(ബി)	പ്രീ-സര്‍വീസ് പരിശീലനം പൂര്‍ത്തിയാക്കിയ ജീവനക്കാര്‍ക്ക് പ്രസ്തുത കാലയളവ് പെന്‍ഷന്‍, പേ-ഫിക്സേഷന്‍ എന്നിവയ്ക്ക് പരിഗണിക്കുന്നതിനുള്ള നടപടി സ്വീകരിക്കുമോ?

ഒല്ലൂര്‍ മണ്ഡലത്തിലെ റാേഡ് നിര്‍മ്മാണ പ്രവൃത്തികള്‍

3305.

ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഒല്ലൂര്‍ നിയാേജക മണ്ഡലത്തില്‍ ഉള്‍പ്പെട്ടിട്ടുള്ളതും ഭരണാനുമതി ലഭിച്ചിട്ടും പൂര്‍ത്തീകരിച്ചിട്ടില്ലാത്തതുമായ പി.എം.ജി.എസ്.വെെ. പ്രകാരമുള്ള റാേഡ് നിര്‍മ്മാണ പ്രവൃത്തികള്‍ ഏതെല്ലാമാണെന്ന് വ്യക്തമാക്കാമാേ;

(ബി)	പ്രസ്തുത പ്രവൃത്തികള്‍ ഇപ്പാേള്‍ ഏത് ഘട്ടത്തിലാണെന്ന് വ്യക്തമാക്കാമാേ?

ബാലുശ്ശേരിയിലെ ഭക്ഷ്യ സംസ്കരണ കേന്ദ്രത്തിന്റെ ആധുനികവല്‍ക്കരണം

3306.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ബാലുശ്ശേരിയില്‍ ഗ്രാമവികസന വകുപ്പിന്റെ കീഴില്‍ പ്രവര്‍ത്തിച്ചുവരുന്ന ഭക്ഷ്യ സംസ്കരണ കേന്ദ്രത്തിന്റെ ശാേചനീയാവസ്ഥ ശ്രദ്ധയില്‍പ്പെട്ടിട്ടുണ്ടാേ;

(ബി)	ഇൗ ഭക്ഷ്യസംസ്കരണ കേന്ദ്രം ആധുനികവല്‍ക്കരിക്കുന്നതിന് ആലാേചിക്കുന്നുണ്ടാേ എന്ന് അറിയിക്കാമോ?

അനധികൃത കെട്ടിട സമുച്ചയങ്ങള്‍ക്കെതിരെ നടപടി

3307.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	മരടിലെ കെട്ടിട സമുച്ചയങ്ങള്‍ പൊളിച്ചുമാറ്റണമെന്ന സുപ്രീം കോടതി വിധിയുടെ അടിസ്ഥാനത്തില്‍ ഇത്തരം കെട്ടിട സമുച്ചയങ്ങളുടെ നിര്‍മ്മാണം ഉണ്ടാകുന്നില്ല എന്ന് ഉറപ്പുവരുത്തുവാന്‍ സര്‍ക്കാര്‍ സ്വീകരിച്ചിട്ടുളള നടപടികള്‍ എന്തെല്ലാം;

(ബി)	സംസ്ഥാനത്തു ഇത്തരത്തില്‍ അനധികൃതമായും ചട്ടങ്ങളും നിയമങ്ങളും പാലിക്കാതെയും നിര്‍മ്മിച്ചിട്ടുളള കെട്ടിടസമുച്ചയങ്ങളുടെ എണ്ണം കണക്കാക്കിയിട്ടുണ്ടോ;വിശദവിവരം ലഭ്യമാക്കുമോ;

(സി)	ഇല്ലെങ്കില്‍ ഇത്തരം കെട്ടിടസമുച്ചയങ്ങള്‍ കണ്ടെത്തി അവയ്ക്കെതിരെ കര്‍ശന നടപടി സ്വീകരിക്കുമോ എന്നുളള വിശദവിവരം നല്‍കുമോ?

അസിസ്റ്റന്റ് ടൗണ്‍ പ്ലാനര്‍ തസ്തിക നിയമനം

3308.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ടൗണ്‍ പ്ലാനിംഗ് ഡിപ്പാര്‍ട്ടുമെന്റില്‍ കേരള അഡ്മിനിസ്ട്രേറ്റീവ് ട്രൈബ്യൂണലിന്റെ ഉത്തരവ് അനുസരിച്ച് അസിസ്റ്റന്റ് ടൗണ്‍ പ്ലാനര്‍മാരെ ഡെപ്യൂട്ടി ടൗണ്‍ പ്ലാനര്‍മാരായി പ്രമോഷന്‍ നല്‍കിയിരുന്നോ;

(ബി)	പ്രസ്തുത പ്രമോഷന്റെ അടിസ്ഥാനത്തില്‍ അസിസ്റ്റന്റ് ടൗണ്‍ പ്ലാനര്‍ തസ്തികയില്‍ ഉണ്ടായിട്ടുള്ള ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ;

(സി)	ഇല്ലെങ്കില്‍ അടിയന്തിരമായി പ്രസ്തുത ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്ത് നിലവിലുള്ള ലിസ്റ്റില്‍ നിന്നും നിയമനം ത്വരിതപ്പെടുത്തുവാൻ നടപടി സ്വീകരിക്കുമോ?

കിലയിലെ താല്‍ക്കാലിക ജീവനക്കാരെ സ്ഥിരപ്പെടുത്തൽ

3309.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യത്തിന് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷനിൽ നിലവിലുള്ള താല്‍ക്കാലിക ജീവനക്കാരുടെ എണ്ണം വ്യക്തമാക്കുമോ; ഇവരെ സ്ഥിരപ്പെടുത്തുവാന്‍ ഉദ്ദേശിക്കുന്നുണ്ടോ ; വിശദവിവരം നല്‍കുമോ ?

Website maintained by Information System Section, Kerala Legislative Assembly, Thiruvananthapuram.