14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>unstarred Questions and Answers

Answer Provided

Answer Not Yet Provided

FOURTEENTH KLA - 15^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വനത്തിൽ നിന്നും മണൽ, തടി എന്നിവയുടെ ശേഖരണം

879.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	റിസർവ് വനത്തിലും വനമേഖലയിലും അടിഞ്ഞുകൂടുന്ന മണലും തടിയും ശേഖരിക്കുന്നതിനും വില്‍പ്പന നടത്തുന്നതിനും സൗജന്യമായി നല്‍കുന്നതിനുമുള്ള അവകാശം ആർക്കാണെന്ന് വ്യക്തമാക്കാമോ;

(ബി)	പ്രളയത്തില്‍ പമ്പയുടെ ഇരുകരകളിലും അടിഞ്ഞുകൂടിയ മണല്‍ മാറ്റുന്നതിനോ വില്‍ക്കുന്നതിനോ സൗജന്യമായി നല്‍കുന്നതിനോ ആര്‍ക്കെങ്കിലും അനുവാദം നല്‍കിയിട്ടുണ്ടോ; ഉണ്ടെങ്കില്‍ ആയതിനുള്ള ഉത്തരവിന്റെ പകര്‍പ്പ് ലഭ്യമാക്കുമോ; ഇത് സംബന്ധിച്ച പത്രവാര്‍ത്ത ശ്രദ്ധയില്‍പ്പെട്ടിട്ടുണ്ടോ;

(സി)	പമ്പാനദിയുടെ ഏതെങ്കിലും ഭാഗം പെരിയാര്‍ റിസര്‍വ്വിലൂടെ കടന്നുപോകുന്നുണ്ടോയെന്നും ആ ഭാഗത്തുള്ള മണല്‍ നീക്കം ചെയ്യുന്നുണ്ടോയെന്നും വ്യക്തമാക്കാമോ;

(ഡി)	മുഖ്യവനപാലകന്‍ പ്രസ്തുത സ്ഥലത്തെ മണല്‍ വില്‍പ്പന നടത്തിയപ്പോഴും സൗജന്യമായി നല്‍കിയപ്പോഴും കേന്ദ്ര പരിസ്ഥിതി വകുപ്പിന്റെയും ഗ്രീന്‍ ട്രിബ്യൂണലിന്റെയും അനുമതി ലഭിച്ചിട്ടുണ്ടായിരുന്നോ; വിശദാംശങ്ങള്‍ വെളിപ്പെടുത്തുമോ;

(ഇ)	ചട്ടങ്ങളും മാനദണ്ഡങ്ങളും പാലിക്കാതെയും വന്യജീവികളുടെയും വനസമ്പത്തിന്റെയും സംരക്ഷണം ഉറപ്പുവരുത്താതെയും നൽകിയിട്ടുള്ള ഉത്തരവ് പുന:പരിശോധിക്കുവാന്‍ സര്‍‍ക്കാര്‍ തയ്യാറാകുമോ?

വനസംരക്ഷണം

880.

ശ്രീ.ഒ. ആര്‍. കേളു
,, കാരാട്ട് റസാഖ്
ശ്രീമതി.വീണാ ജോര്‍ജ്ജ്
ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം പ്രകൃതിദത്ത വനങ്ങളുടെ സംരക്ഷണത്തിനായി സ്വീകരിച്ചിട്ടുള്ള നടപടികള്‍ എന്തെല്ലാമാണ്;

(ബി)	കാലാവസ്ഥാവ്യതിയാനത്തിന്റെ ദോഷഫലങ്ങള്‍ സ്വാഭാവിക വനങ്ങളുടെ പരിപാലനത്തെ എപ്രകാരമെല്ലാം പ്രതികൂലമായി ബാധിക്കുന്നുണ്ടെന്നും അവ പരിഹരിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കാമോ;

(സി)	നശിച്ചുപോയ വനങ്ങള്‍ക്ക് പകരം എത്ര ഹെക്ടര്‍ സ്ഥലത്താണ് പുതുതായി മരങ്ങള്‍ നട്ടുപിടിപ്പിക്കുവാന്‍ നടപടി സ്വീകരിച്ചിട്ടുള്ളത്;

(ഡി)	വനങ്ങളെ കാട്ടുതീയില്‍ നിന്ന് സംരക്ഷിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

ഓപ്പറേഷന്‍ ജന്മഭൂമി പദ്ധതി

881.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അക്കേഷ്യ ഉള്‍പ്പെടെയുള്ള വിദേശമരങ്ങളുടെ വ്യാപകമായ വളര്‍ച്ച തടയുന്നതിനും കൂട്ടത്തോടെ ഒഴിവാക്കുന്നതിനുമായി ഓപ്പറേഷന്‍ ജന്മഭൂമി എന്ന പേരിൽ പദ്ധതി നടപ്പില്‍ വരുത്തിയിട്ടുണ്ടോ;

(ബി)	തദ്ദേശീയ മരങ്ങള്‍ വ്യാപകമായി വച്ചുപിടിപ്പിക്കുവാനും സോഷ്യല്‍ ഫോറസ്‌ട്രി വിഭാഗത്തെ ആയതിന്റെ ചുമതല ഏല്പിക്കുവാനും നടപടികള്‍ ഉണ്ടാകുമോ?

വനവിഭവങ്ങളില്‍ നിന്നുള്ള വരുമാനം

882.

ശ്രീ.രാജു എബ്രഹാം
,, പി.വി. അന്‍വര്‍
,, ബി.ഡി. ദേവസ്സി
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനവിഭവങ്ങളുടെ ഉല്പാദനത്തിലും വനത്തില്‍ നിന്നുള്ള വരുമാനത്തിലും വര്‍ദ്ധനവ് ഉണ്ടാക്കുന്നതിന് ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	സാധാരണക്കാര്‍ക്ക് ഗൃഹനിര്‍മ്മാണത്തിനാവശ്യമായ തടി ന്യായമായ നിരക്കില്‍ ലഭ്യമാക്കാനായി സര്‍ക്കാര്‍ തടി ഡിപ്പോകളില്‍ ചില്ലറ വില്പന ആരംഭിച്ചിട്ടുണ്ടോ;

(സി)	വനത്തില്‍ നിന്നും മണല്‍ ശേഖരിച്ച് ന്യായവിലയ്ക്ക് പൊതുജനങ്ങള്‍ക്ക് ലഭ്യമാക്കുന്നതിനായി മണല്‍ വിപണന കേന്ദ്രം പ്രവര്‍ത്തനമാരംഭിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ?

വനം കയ്യേറ്റക്കാരെ ഒഴിപ്പിക്കണമെന്ന കോടതി വിധി

883.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം കയ്യേറ്റക്കാരെ ഒഴിപ്പിക്കണമെന്ന 4.9.2015 ലെ ഹൈക്കോടതി വിധി നടപ്പാക്കുന്നതിന് സാധിച്ചിട്ടുണ്ടോ; ഇല്ലെങ്കില്‍ അതിനുള്ള കാരണം വ്യക്തമാക്കാമോ;

(ബി)	വിധി നടപ്പിലാക്കുവാന്‍ സര്‍ക്കാര്‍ ഹൈക്കോടതിയോട് കൂടുതല്‍ സമയം ആവശ്യപ്പെട്ടിട്ടുണ്ടോ; എങ്കിൽ എന്ത് കാരണത്താലാണ് കൂടുതല്‍ സമയം ആവശ്യപ്പെട്ടത് എന്നറിയിക്കാമോ;

(സി)	സംസ്ഥാനത്ത് 01 /01 /2018നുശേഷം ഏതെങ്കിലും മേഖലകളില്‍ വനം കയ്യേറിയതായി കണ്ടെത്തിയിട്ടുണ്ടോ; ഉണ്ടെങ്കില്‍ അവ ഒഴിപ്പിക്കുവാന്‍ സ്വീകരിച്ച നടപടികള്‍ എന്തെല്ലാമാണ്;

(ഡി)	1.1.1977 ന് ശേഷം എത്ര ഹെക്ടര്‍ വനഭൂമി കയ്യേറിയിട്ടുണ്ടെന്നും ഏതൊക്കെ മേഖലകളിലാണ് കയ്യേറ്റം നടന്നതെന്നും വ്യക്തമാക്കുമോ;

(ഇ)	വനഭൂമി കയ്യേറിയവരുടെ സംഘടിത ചെറുത്ത് നില്പും ഭരണകക്ഷിയില്‍പ്പെട്ട പ്രാദേശിക രാഷ്ട്രീയകക്ഷികളുടെ ഇടപെടലും കയ്യേറ്റ ഭൂമി തിരിച്ച് പിടിക്കുവാന്‍ വിഘാതം സൃഷ്ടിക്കുന്നതായ ആരോപണത്തിന്റെ നിജസ്ഥിതി വ്യക്തമാക്കുമോ?

വനം കയ്യേറ്റം

884.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പ് പാട്ടത്തിന് നല്‍കിയിട്ടുളള സ്ഥലങ്ങള്‍ സംബന്ധിച്ച വിവരം ശേഖരിച്ചിട്ടുണ്ടോ; ഉണ്ടെങ്കില്‍ വിശദവിവരം നല്‍കുമോ; ഇല്ലെങ്കില്‍ ഇതിനുളള നടപടി ആരംഭിക്കുമോ;

(ബി)	വനം കയ്യേറ്റം തടയുന്നതിന് സര്‍ക്കാര്‍ സ്വീകരിച്ചിട്ടുളള നടപടികള്‍ വിശദമാക്കാമോ; ഈ നടപടികളുടെ ഇപ്പോഴത്തെ സ്ഥിതി വിശദമാക്കുമോ?

വനം കയ്യേറ്റം തടയുന്നതിന് നടപടി

885.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം വനം കയ്യേറ്റം കണ്ടെത്തിയിട്ടുണ്ടോ; എങ്കില്‍ അവയുടെ വിശദാംശം ജില്ല തിരിച്ച് വ്യക്തമാക്കുമോ;

(ബി)	വനം കൈയ്യേറ്റവുമായി ബന്ധപ്പെട്ട് നാളിതുവരെ എത്ര കേസ്സുകള്‍ രജിസ്റ്റര്‍ ചെയ്തിട്ടുണ്ടെന്ന് ജില്ല തിരിച്ച് വ്യക്തമാക്കുമോ;

(സി)	വനം കയ്യേറ്റം തടയുന്നതിന് എന്തെല്ലാം നടപടികളാണ് ഈ സര്‍ക്കാര്‍ സ്വീകരിച്ചിട്ടുള്ളതെന്ന് വ്യക്തമാക്കുമോ?

വനസംരക്ഷണ നടപടികള്‍

886.

ശ്രീ.കെ.സുരേഷ് കുറുപ്പ്
ശ്രീമതി.വീണാ ജോര്‍ജ്ജ്
ശ്രീ.യു. ആര്‍. പ്രദീപ്
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാലാവസ്ഥാ വ്യതിയാനം, മനുഷ്യരുടെ ഇടപെടലുകള്‍ എന്നിവ കാരണമുണ്ടാകുന്ന കാട്ടുതീ വന്‍ തോതില്‍ വനം നശിപ്പിക്കാനിടയാക്കുന്നതും തന്മൂലം വന്യമൃഗങ്ങള്‍ മനുഷ്യവാസപ്രദേശത്തേയ്ക്ക് കൂടുതലായി ഇറങ്ങി പ്രശ്നങ്ങള്‍ സൃഷ്ടികുന്നതും കണക്കിലെടുത്ത് വനം സംരക്ഷിക്കുന്നതിന് സ്വീകരിച്ച നടപടികള്‍ വിശദമാക്കാമോ;

(ബി)	കാട്ടുതീ ഉണ്ടാകാനിടയുള്ള സാഹചര്യങ്ങള്‍ പരിശോധിച്ച് അത് ഫലപ്രദമായി തടയുന്നതിന് പദ്ധതി ആവിഷ്കരിച്ചിട്ടുണ്ടോ;

(സി)	വനസംരക്ഷണത്തിനും പരിപാലനത്തിനുമായി നടപ്പാക്കി വരുന്ന പദ്ധതികള്‍ ഏതെല്ലാമാണെന്നും അവയുടെ കാര്യക്ഷമതയും അറിയിക്കുമോ?

പ്രളയത്തില്‍ വനമേഖലയില്‍ ഉണ്ടായ നാശനഷ്ടങ്ങൾ

887.

ശ്രീ.വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ വനമേഖലയില്‍ ഉണ്ടായ നാശനഷ്ടങ്ങളെ സംബന്ധിച്ച് സർക്കാർ തലത്തിൽ പരിശോധന നടത്തിയിട്ടുണ്ടോ; വിശദമാക്കാമോ;

(ബി)	സ്വാഭാവിക ജൈവവൈവിധ്യത്തില്‍ മാറ്റം വന്നതായി കണ്ടെത്തിയിട്ടുണ്ടോ; വിശദമാക്കാമോ;

(സി)	വനമേഖലയില്‍, ജൈവവൈവിധ്യത്തിന് ഭീഷണിയായി അനിയന്ത്രിതമായി അടിഞ്ഞുകൂടിയ മണല്‍ നീക്കം ചെയ്യുന്നതിനായി കേന്ദ്രാനുമതി നേടിയിട്ടുണ്ടോ; എങ്കിൽ ആയതിന്റെ പുരോഗതി വിശദമാക്കാമോ?

പ്രളയത്തില്‍ വനമേഖലയില്‍ ഉണ്ടായ നാശനഷ്ടങ്ങള്‍ സംബന്ധിച്ച പരിശോധന

888.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രളയത്തില്‍ വനമേഖലയില്‍ ഉണ്ടായ നാശനഷ്ടങ്ങളെ സംബന്ധിച്ച് സര്‍ക്കാര്‍ തലത്തില്‍ പരിശോധന നടത്തിയിട്ടുണ്ടോ; വിശദമാക്കാമോ;

(ബി)	പ്രളയത്തില്‍ സ്വാഭാവിക ജൈവവൈവിധ്യത്തില്‍ മാറ്റം വന്നതായി കണ്ടെത്തിയിട്ടുണ്ടോ; വിശദാംശം അറിയിക്കാമോ;

(സി)	വനമേഖലയില്‍ ജൈവവൈവിധ്യത്തിന് ഭീഷണിയായി അനിയന്ത്രിതമായി അടിഞ്ഞുകൂടിയ മണല്‍ നീക്കം ചെയ്യുന്നതിനായി കേന്ദ്രാനുമതി നേടിയിട്ടുണ്ടോ; ഉണ്ടെങ്കില്‍ ആയതിന്റെ പുരോഗതി വിശദമാക്കാമോ?

വനസംരക്ഷണത്തിനായി പദ്ധതികള്‍

889.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനവിസ്തൃതി കുറഞ്ഞുവരുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് എന്തുകൊണ്ടാണെന്ന് പരിശോധിച്ചിട്ടുണ്ടോ;

(ബി)	വനസംരക്ഷണത്തിനായി ആസൂത്രണം ചെയ്തിട്ടുള്ള പദ്ധതികള്‍ എന്തെല്ലാമാണെന്ന് വിശദീകരിക്കുമോ?

സാമൂഹ്യ വനവൽക്കരണം

890.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സാമൂഹ്യ വനവൽക്കരണ പദ്ധതിയുമായി ബന്ധപ്പെട്ട് നിലവിൽ നടത്തിവരുന്ന സുപ്രധാന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമാേ;

(ബി)	കാലാവസ്ഥാവ്യതിയാനം മൂലം അന്തരീക്ഷതാപം ക്രമാതീതമായി ഉയരുന്ന സാഹചര്യത്തില്‍ ആയതിനെ പ്രതിരാേധിക്കുന്നതില്‍ വൃക്ഷങ്ങള്‍ക്കുള്ള പ്രാധാന്യം പാെതുജനങ്ങളെ ബാേധ്യപ്പെടുത്തുവാന്‍ സാമൂഹിക വനവൽക്കരണ വിഭാഗവും വനം വകുപ്പും എന്തെല്ലാം ക്രിയാത്മക പ്രവര്‍ത്തനങ്ങള്‍ നടത്തുന്നുണ്ടെന്ന് വ്യക്തമാക്കാമാേ;

(സി)	സാമൂഹ്യ വനവൽക്കരണത്തിന് ഏറെ സാധ്യതയുള്ള ചാത്തന്നൂര്‍ നിയാേജകമണ്ഡലത്തില്‍ ഇതിനായി ഒരു ഓഫീസ്‌ അനുവദിക്കുമോ എന്നറിയിക്കാമോ?

വനവിഭവങ്ങളുടെ വിപണനം

891.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനവിഭവങ്ങള്‍ വിപണനം ചെയ്യുന്നതിന് വനം വകുപ്പ് ഏര്‍പ്പെടുത്തിയിട്ടുള്ള സംവിധാനങ്ങളുടെ വിശദാംശം വെളിപ്പെടുത്തുമോ;

(ബി)	ഇതിലൂടെ വനം വകുപ്പിന് ലഭിക്കുന്ന പ്രതിവര്‍ഷ വരുമാനം കണക്കാക്കിയിട്ടുണ്ടോ; ഈ സർക്കാറിന്റെ കാലയളവിലെ വിശദാംശങ്ങള്‍ വെളിപ്പെടുത്തുമോ?

കുമ്പിച്ചല്‍ക്കടവ് പാലത്തിന് വൈല്‍ഡ് ലൈഫ് ബോര്‍ഡിന്റെ അനുമതി

T 892.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പാറശ്ശാല നിയോജക മണ്ഡലത്തിലെ അമ്പൂരി ഗ്രാമപഞ്ചായത്തില്‍ കരിപ്പയാറിനു കുറുകെ കുമ്പിച്ചല്‍ക്കടവ് പാലം നിര്‍മ്മിക്കുന്നതിന് സ്റ്റേറ്റ് വൈല്‍ഡ് ലൈഫ് ബോര്‍ഡിന്റെ അനുമതി ആവശ്യമാണെന്ന കാര്യം ശ്രദ്ധയിൽപെട്ടിട്ടുണ്ടോ; എങ്കിൽ ഇക്കാര്യത്തിൽ സ്വീകരിച്ച നടപടികളുടെ വിശദാംശങ്ങള്‍ ലഭ്യമാക്കാമോ;

(ബി)	രണ്ടായിരത്തിലേറെ ആദിവാസി വിഭാഗക്കാര്‍ തിങ്ങിപ്പാര്‍ക്കുന്ന അമ്പൂരി തൊടുമല സെറ്റില്‍മെന്റിലേക്കുള്ള കുമ്പിച്ചല്‍ക്കടവ് പാലം നിര്‍മ്മാണത്തിന് അനുമതി നൽകുന്നതിനുള്ള നടപടികള്‍ സ്വീകരിക്കുമോ?

അതിരപ്പിള്ളി, വാഴച്ചാല്‍ ടൂറിസ്റ്റുകേന്ദ്രങ്ങള്‍

893.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പിന്റെ ഉടമസ്ഥതയിലുള്ള അതിരപ്പിള്ളി, വാഴച്ചാല്‍ ടൂറിസ്റ്റുകേന്ദ്രങ്ങളില്‍ പ്രളയം മൂലം വലിയ നാശനഷ്ടങ്ങള്‍ സംഭവിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇവ പരിഹരിക്കുന്നതിനും ഈ ടൂറിസ്റ്റുകേന്ദ്രങ്ങളുടെ അടിസ്ഥാന സൗകര്യവികസനത്തിനും സൗന്ദര്യവത്ക്കരണത്തിനും ആവശ്യമായ അടിയന്തര നടപടികള്‍ സ്വീകരിക്കുമോ എന്നറിയിക്കാമോ?

കെ.ഡി.എച്ച്.പി.കമ്പനിയ്ക്ക് അനുവദിച്ച ഫ്യൂവൽ ഏരിയ

894.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	2019 മേയ് മാസത്തിൽ കെ .ഡി.എച്ച്.പി.(കണ്ണൻ ദേവൻ ഹിൽ പ്ലാന്റേഷൻ)യ്ക്ക് കീഴിലുള്ള നല്ലതണ്ണി എസ്റ്റേറ്റിലെ ചോല മരങ്ങള്‍ അനധികൃതമായി വെട്ടിമാറ്റിയ സംഭവത്തില്‍ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ;

(ബി)	കെ.ഡി.എച്ച്.പി.യ്ക്ക് നിലവില്‍ അനുവദിക്കപ്പെട്ടിട്ടുള്ള ഫ്യൂവൽ ഏരിയ എത്രയാണെന്നും പ്രസ്തുത ഏരിയ അനുവദിക്കപ്പെട്ടിട്ടുള്ളത് എന്ത് വ്യവസ്ഥയുടെ അടിസ്ഥാനത്തിലാണെന്നും അറിയിക്കാമോ;

(സി)	കെ.ഡി.എച്ച്.പി. യ്ക്ക് അനുവദിക്കപ്പെട്ടിട്ടുള്ള ഫ്യൂവൽ ഏരിയ ആവശ്യത്തിലും അധികമാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഈ ആക്ഷേപത്തിന്മേൽ സ്വീകരിക്കുവാന്‍ ഉദ്ദേശിക്കുന്ന നടപടികള്‍ എന്തൊക്കെയാണെന്ന് വിശദമാക്കാമോ?

കുമിളി റേഞ്ചിൽ നിന്ന് രജിസ്റ്റർ ചെയ്ത കേസ്

895.

(എ)	വനം വകുപ്പിന്റെ കുമിളി റേഞ്ചിലെ ഉദ്യോഗസ്ഥര്‍ ഒഫന്‍സ് നം. 34/2016 ആയി നെടുങ്കണ്ടം ഫസ്റ്റ് ക്ലാസ് മജിസ്ട്രേറ്റ് കോടതിയില്‍ രജിസ്റ്റര്‍ ചെയ്തിട്ടുള്ള കേസിന്റെ നിലവിലെ അവസ്ഥ എന്താണെന്ന് വ്യക്തമാക്കാമോ;

(ബി)	പ്രസ്തുത കേസില്‍ വനം വകുപ്പ് ഉദ്യോഗസ്ഥര്‍ പ്രതികള്‍ക്ക് അനുകൂലമായി നടപടി സ്വീകരിക്കുന്നുവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ പ്രസ്തുത ഉദ്യോഗസ്ഥര്‍ക്കെതിരെ അച്ചടക്ക നടപടി സ്വീകരിക്കുമോ?

മരുതോങ്കര അക്വി ഡക്ട് - ജാനകി ഇക്കോ ടൂറിസം റോഡ്‌

896.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരം മണ്ഡലത്തിലെ മരുതോങ്കര പഞ്ചായത്തില്‍ വനം വകുപ്പ് അനുവദിച്ച മരുതോങ്കര അക്വി ഡക്ട്- ജാനകി ഇക്കോ ടൂറിസം റോഡ്‌ നിര്‍മ്മാണത്തിന്റെ നിലവിലെ സ്ഥിതി വിശദീകരിക്കാമോ;

(ബി)	പ്രസ്തുത റോഡ്‌ നിര്‍മ്മാണം വൈകുന്നത് എന്തെങ്കിലും സാങ്കേതിക തടസ്സം നിലവില്‍ ഉള്ളതുകൊണ്ടാണോ; വ്യക്തമാക്കാമോ?

വനംവകുപ്പിന്റെ കീഴിലുള്ള ഫര്‍ണിച്ചര്‍ നിര്‍മ്മാണയൂണിറ്റുകൾ

897.

ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനംവകുപ്പിന്റെ കീഴില്‍ പ്രവര്‍ത്തിക്കുന്ന ഫര്‍ണിച്ചര്‍ നിര്‍മ്മാണയൂണിറ്റുകളുടെ വിശദവിവരങ്ങള്‍ ലഭ്യമാക്കുമോ;

(ബി)	വെട്ടിക്കാട്ട്മുക്കില്‍ വകുപ്പിന്റെ കീഴില്‍ പ്രവര്‍ത്തിക്കുന്ന തടി ഡിപ്പോയില്‍ ഫര്‍ണിച്ചര്‍ നിര്‍മ്മാണ യൂണിറ്റ് തുടങ്ങുവാൻ എന്തെങ്കിലും നടപടി സ്വീകരിച്ചിട്ടുണ്ടോ എന്ന് അറിയിക്കാമോ?

കോട്ടൂര്‍ വനത്തില്‍ ആനവേട്ടക്കാരുടെ തോക്കിനിരയായി ചരിഞ്ഞ ആന

898.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടൂര്‍ വനത്തില്‍ ആനവേട്ടക്കാരുടെ തോക്കിനിരയായി ചരിഞ്ഞ ആനയെ സംഭവം പുറത്തറിയിക്കാതെ വനപാലകര്‍ കത്തിച്ചുവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)	ഇക്കാര്യത്തില്‍ അന്വേഷണം നടത്തിയിട്ടുണ്ടോ; എങ്കില്‍ അന്വേഷണത്തില്‍ കണ്ടെത്തിയ കാര്യങ്ങള്‍ എന്തൊക്കെയാണെന്ന് വ്യക്തമാക്കുമോ;

(സി)	നെയ്യാര്‍-അഗസ്ത്യ വനമേഖലയില്‍ വേട്ടസംഘം സജീവമാണെന്നതും ഉള്‍വനങ്ങളില്‍ വന്യമൃഗങ്ങളെ വേട്ടയാടുന്നുവെന്നതും ഗൗരവമായി കണക്കിലെടുത്ത് വേട്ടക്കാര്‍ക്കെതിരെ നടപടി കര്‍ശനമാക്കുമോ?

വന്യജീവിസങ്കേതങ്ങള്‍ക്കുള്ളിലെ തേക്ക്തോട്ടങ്ങള്‍

899.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യജീവിസങ്കേതങ്ങള്‍ക്കുള്ളിലെ തേക്ക്തോട്ടങ്ങള്‍ കൊണ്ട് വന്യമ‍ൃഗങ്ങള്‍ക്ക് ഗുണമില്ലെന്നും ഭക്ഷണത്തിന് പ്രയോജനപ്പെടുന്നില്ലെന്നും കരുതുന്നുണ്ടോ;

(ബി)	എങ്കില്‍ വനമേഖലയിലെ തോട്ടങ്ങളിലെ തേക്ക് ഉള്‍പ്പെടെയുള്ള മരങ്ങള്‍ മുറിച്ചു നീക്കി പകരം സ്വാഭാവിക വനം വച്ചുപിടിപ്പിക്കാന്‍ ഉദ്ദേശിക്കുന്നുണ്ടോ;

(സി)	സ്വാഭാവിക വനം വച്ചുപിടിപ്പിച്ചാല്‍ മനുഷ്യ-വന്യജീവി സംഘര്‍ഷം കുറയുന്നതോടൊപ്പം സര്‍ക്കാരിന് വരുമാനവും കുറയുമെന്ന് കരുതുന്നുണ്ടോ;

(ഡി)	എങ്കില്‍ ഇതു സംബന്ധമായ കാര്യങ്ങള്‍ ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കുമോ?

നീലക്കുറിഞ്ഞി ഉദ്യാനം

900.

(എ)	ദേവികുളം മണ്ഡലത്തിലെ വട്ടവട പ്രദേശത്തെ നീലക്കുറിഞ്ഞി ഉദ്യാനത്തിന്റെ അതിര്‍ത്തി നിര്‍ണ്ണയവുമായി ബന്ധപ്പെട്ട് വനം വകുപ്പോ വനം-റവന്യൂ വകുപ്പുകള്‍ സംയുക്തമായോ സ്വീകരിച്ചുവരുന്ന നടപടികള്‍/പരിശോധനകള്‍ എന്തൊക്കെയാണെന്ന് വ്യക്തമാക്കാമോ;

(ബി)	ഇതുമായി ബന്ധപ്പെട്ട് നിയോഗിക്കപ്പെട്ടിട്ടുള്ള സ്പെഷ്യല്‍ ഓഫീസറുടെ ഓഫീസില്‍ നടന്നുവരുന്ന പ്രവര്‍ത്തനങ്ങള്‍ എന്തൊക്കെയാണെന്ന് വ്യക്തമാക്കാമോ;

(സി)	നീലക്കുറിഞ്ഞി ഉദ്യാനവുമായി ബന്ധപ്പെട്ട് അമിതമായ പോലീസ് ഇടപെടലുകളോടെ നടന്നുവരുന്ന പരിശോധനകള്‍ അവസാനിപ്പിക്കുന്നതിനുള്ള നടപടി സ്വീകരിക്കുമോ എന്നറിയിക്കാമോ?

ചിന്നക്കനാലില്‍ കാട്ടാന ഉദ്യാനം

901.

(എ)	സംസ്ഥാനത്തെ ആദ്യ കാട്ടാന ഉദ്യാനം (എലിഫെന്റ്പാര്‍ക്ക്) ചിന്നക്കനാലില്‍ സ്ഥാപിക്കുവാന്‍ ഉദ്ദേശിക്കുന്നുണ്ടോ;

(ബി)	എങ്കില്‍ ഇതു സംബന്ധിച്ച പ്രാഥമിക പഠനം നടത്തുകയും രൂപരേഖ തയ്യാറാക്കുകയും ചെയ്തിട്ടുണ്ടോ;

(സി)	എത്ര ഏക്കര്‍ സ്ഥലം ഇതിനായി വേണ്ടി വരുമെന്നും പാര്‍ക്ക് ഒരുക്കുന്നതിലൂടെ ലക്ഷ്യമിടുന്ന നേട്ടങ്ങള്‍ എന്തൊക്കെയാണെന്നും അറിയിക്കാമോ;

(ഡി)	ജനവാസകേന്ദ്രങ്ങളില്‍ ഇറങ്ങി ജനങ്ങളുടെ ജീവനും സ്വത്തിനും നാശമുണ്ടാക്കുന്നതില്‍ നിന്ന് കാട്ടാനകളെ പിന്തിരിപ്പിക്കാന്‍ പാര്‍ക്ക് സഹായകമാകുമോ; വിശദാംശങ്ങള്‍ നല്‍കുമോ?

വന്യജീവി ആക്രമണം

902.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റശേഷം നാളിതുവരെ വന്യജീവികളുടെ ആക്രമണത്തിന് ഇരയായി മരണപ്പെട്ടവരുടെ എണ്ണമെത്രയാണെന്ന് വെളിപ്പെടുത്താമോ;

(ബി)	പ്രസ്തുത കുടുംബങ്ങള്‍ക്ക് എത്ര തുക നഷ്ടപരിഹാരമായി അനുവദിച്ചുവെന്ന് അറിയിക്കാമോ;

(സി)	വന്യജീവി ആക്രമണങ്ങളില്‍ എത്ര ഹെക്ടര്‍ കൃഷിസ്ഥലത്ത് കൃഷിനാശം സംഭവിച്ചുവെന്നും കൃഷിനാശം സംഭവിച്ചവര്‍ക്ക് നഷ്ടപരിഹാരമായി എത്ര തുക അനുവദിച്ചുവെന്നും വെളിപ്പെടുത്തുമോ;

(ഡി)	വന്യജീവി ആക്രമണത്താല്‍ എത്ര വീടുകള്‍ പൂര്‍ണ്ണമായും എത്ര വീടുകള്‍ ഭാഗികമായും നഷ്ടപ്പെട്ടുവെന്നും ഓരോ വിഭാഗത്തിനും എത്ര തുക നഷ്ടപരിഹാരമായി അനുവദിച്ചുവെന്നുമുള്ള വിശദാംശം നല്‍കുമോ?

വന്യജീവി ആക്രമണങ്ങള്‍ തടയാന്‍ നടപടി

903.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയില്‍ പ്രധാനമായും ഏതൊക്കെ പ്രദേശത്താണ് വന്യജീവി ആക്രമണങ്ങള്‍ നടക്കുന്നതായി റിപ്പോര്‍ട്ട് ലഭിച്ചിട്ടുള്ളത്; വന്യജീവികളുടെ ആക്രമണം തടയുന്നതിന് എന്തൊക്കെ മുന്‍കരുതലുകളാണ് ജില്ലയില്‍ സ്വീകരിച്ചിട്ടുള്ളതെന്നറിയിക്കുമോ;

(ബി)	വന്യജീവി ആക്രമണം മൂലമുള്ള വിളനാശത്തിന് എന്തൊക്കെ നഷ്ടപരിഹാരമാണ് നല്‍കിവരുന്നതെന്ന് വ്യക്തമാക്കുമോ?

ബാലുശ്ശേരി മണ്ഡലത്തിൽ വന്യജീവികളുടെ ആക്രമണം

904.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ബാലുശ്ശേരി മണ്ഡലത്തിലെ മലയോര മേഖലകളായ കൂരാച്ചുണ്ട്, പനങ്ങാട് പഞ്ചായത്തുകളില്‍ വന്യജീവികളുടെ വ്യാപകമായ ആക്രമണം നടന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	വന്യജീവികളുടെ ആക്രമണത്തില്‍ കൃഷിനാശം സംഭവിക്കുന്നവര്‍ക്കും ആക്രമണങ്ങളില്‍ പരിക്കേല്‍ക്കുകയോ, മരണപ്പെടുകയോ ചെയ്യുന്ന സാഹചര്യത്തിൽ ബന്ധപ്പെട്ടവർക്കും നല്‍കി വരുന്ന വിവിധ തരത്തിലുള്ള ധനസഹായങ്ങള്‍ എന്തെല്ലാമാണെന്നറിയിക്കാമോ;

(സി)	ഇത്തരത്തിലുള്ള ആക്രമണങ്ങള്‍ തടയുന്നതിനായി സ്വീകരിച്ചുവരുന്ന നടപടികള്‍ എന്തെല്ലാമാണ്;

(ഡി)	ഈ സര്‍ക്കാര്‍ അധികാരത്തില്‍ വന്നതിനു ശേഷം കൂരാച്ചുണ്ട്, പനങ്ങാട് പഞ്ചായത്തുകളില്‍ വന്യജീവികളുടെ ആക്രമണങ്ങളില്‍ നാശനഷ്ടം സംഭവിച്ച എത്ര പേര്‍ക്കാണ് ധനസഹായം അനുവദിച്ചിട്ടുള്ളത് എന്നറിയിക്കുമോ?

കല്‍പ്പറ്റ മണ്ഡലത്തിലെ വന്യമൃഗശല്യം

905.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കല്‍പ്പറ്റ മണ്ഡലത്തില്‍ വന്യമൃഗശല്യം നേരിടുന്നതിന് ഈ സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ;

(ബി)	പ്രസ്തുത മണ്ഡലത്തില്‍ കൂടുതല്‍ സ്ഥലങ്ങളില്‍ ക്രാഷ് ഗാര്‍ഡ് ഫെന്‍സിംഗ് നടപ്പിലാക്കുന്നതിന് നടപടി സ്വീകരിക്കുമോ എന്നറിയിക്കാമോ?

മാനന്തവാടിയിലെ റെയില്‍ ഫെന്‍സിംങ്

906.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി മണ്ഡലത്തില്‍ സ്ഥാപിക്കാന്‍ ഉദ്ദേശിക്കുന്ന റെയില്‍ ഫെന്‍സിംങ് പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

(ബി)	പ്രവൃത്തി ടെണ്ടര്‍ ചെയ്തിട്ടുണ്ടോ; ഉണ്ടെങ്കില്‍ നിര്‍മ്മാണ കരാര്‍ ഏറ്റെടുത്ത ഏജന്‍സികളുടെ പേര് വെളിപ്പെടുത്തുമോ;

(സി)	എത്ര സമയം കൊണ്ട് പ്രവൃത്തി പൂര്‍ത്തീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

വന്യമൃഗങ്ങളുടെ ആക്രമണം

907.

(എ)	വയനാട് ജില്ലയില്‍ വന്യമൃഗങ്ങളുടെ ആക്രമണത്തില്‍ പരിക്കേറ്റവര്‍ക്ക് ഇനിയും നഷ്ടപരിഹാരം നല്‍കാന്‍ ബാക്കിയുണ്ടോ;

(ബി)	വന്യമൃഗങ്ങളുടെ ആക്രമണം ചെറുക്കാന്‍ വനം വകുപ്പ് സ്വീകരിക്കുന്ന നടപടികള്‍ എന്തെല്ലാമാണെന്ന് വിശദമാക്കാമോ?

ഉപദ്രവകാരികളായ കാട്ടാനകള്‍ക്കായി സങ്കേതം

908.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ചിന്നക്കനാല്‍ പഞ്ചായത്തിലെ പല ഭാഗങ്ങളിലും കാട്ടാനയുടെ ആക്രമണം മൂലം നിരവധി പേര്‍ കൊല്ലപ്പെട്ടതായ വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

(ബി)	ഉപദ്രവകാരികളായ കാട്ടാനകള്‍ക്കായി സങ്കേതം ആരംഭിക്കുവാന്‍ വനം വകുപ്പ് ഉദ്ദേശിക്കുന്നുണ്ടോ; എങ്കില്‍ എവിടെയാണ് പ്രസ്തുത സങ്കേതം ആരംഭിക്കുന്നതെന്നും എത്ര ഏക്കര്‍ സ്ഥലമാണ് ഇതിനായി കണ്ടെത്തേണ്ടതെന്നും വ്യക്തമാക്കുമോ?

നെയ്യാര്‍ഡാം ലയണ്‍ സഫാരി പാര്‍ക്ക്

909.

(എ)	കേരളത്തിലെ ഏക ലയണ്‍ സഫാരി പാര്‍ക്കായ നെയ്യാര്‍ഡാം ലയണ്‍ സഫാരി പാര്‍ക്കിന്റെ നിലവിലെ ശോചനീയാവസ്ഥ പരിഹരിക്കുന്നതിനുള്ള നടപടികള്‍ സ്വീകരിക്കാമോ;

(ബി)	നെയ്യാര്‍ഡാം ലയണ്‍ സഫാരി പാര്‍ക്കിന്റെ നവീകരണത്തിനായി എന്തൊക്കെ പദ്ധതികളാണ് ആവിഷ്കരിച്ചിട്ടുള്ളതെന്ന് അറിയിക്കാമോ?

കാട്ടുപാേത്തിനെ വേട്ടയാടിക്കൊന്ന കേസ്

910.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പെരിയാര്‍ ടെെഗര്‍ റിസര്‍വ്വിന്റെ കീഴില്‍ വരുന്ന അഴുത റെയിഞ്ചില്‍ ഏപ്രില്‍ 20-ാം തീയതി കാട്ടുപാേത്തിനെ വേട്ടയാടിക്കൊന്ന കേസിന്റെ അന്വേഷണം ഏത് ഘട്ടത്തിലാണ്; ഇതിനകം എത്ര പേരെ അറസ്റ്റു ചെയ്തു; വിശദാംശങ്ങള്‍ നല്‍കുമോ;

(ബി)	പ്രസ്തുത കേസ് അന്വേഷിക്കുന്ന അഴുത റേഞ്ച് ഓഫീസറുടെ അന്വേഷണ നടപടികളില്‍ സ്ഥലത്തെ ചില രാഷ്ട്രീയ സംഘടനകള്‍ അനാവശ്യമായി ഇടപെടുന്നു എന്ന ആക്ഷേപം ശ്രദ്ധയില്‍പെട്ടിട്ടുണ്ടാേ;

(സി)	ഇത് സംബന്ധിച്ച് പ്രസ്തുത ഉദ്യാേഗസ്ഥ പരാതി നല്‍കിയിട്ടുണ്ടാേ; ഉണ്ടെങ്കില്‍ ഇക്കാര്യത്തില്‍ സ്വീകരിച്ച നടപടികള്‍ എന്തൊക്കെയാണെന്ന് അറിയിക്കുമോ?

ചെങ്ങന്നൂര്‍ മണ്ഡലത്തിലെ ക്ഷീരമേഖലയില്‍ ഉണ്ടായ നാശനഷ്ടങ്ങള്‍

911.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മഹാപ്രളയം മൂലം ക്ഷീരമേഖലയില്‍ ഉണ്ടായ നാശനഷ്ടങ്ങള്‍ക്ക് പരിഹാരമായി മില്‍മ നടപ്പിലാക്കുന്ന പദ്ധതികള്‍ വിവരിക്കാമോ;

(ബി)	ചെങ്ങന്നൂര്‍ നിയോജകമണ്ഡലത്തില്‍ ക്ഷീരമേഖലയില്‍ ഉണ്ടായ നാശനഷ്ടങ്ങള്‍ വിശദമാക്കാമോ;

(സി)	പശുക്കളെയും കിടാങ്ങളെയും വാങ്ങുന്നതിനും തൊഴുത്ത് നിര്‍മ്മാണത്തിനും അപേക്ഷിച്ച ചെങ്ങന്നൂര്‍ നിയോജകമണ്ഡലത്തില്‍പ്പെട്ട ഗുണഭോക്താക്കളുടെ ലിസ്റ്റ് ലഭ്യമാക്കാമോ;

(ഡി)	ചെങ്ങന്നൂരിലെ ക്ഷീരസംഘങ്ങള്‍ക്ക് നല്‍കിയിട്ടുള്ള പ്രളയാനന്തര സഹായങ്ങള്‍ എന്തെല്ലാമാണെന്ന് വിശദമാക്കാമോ?

കിടാരി പാര്‍ക്ക് പദ്ധതി

912.

ശ്രീ.മുല്ലക്കര രത്നാകരന്‍
,, ജി.എസ്.ജയലാല്‍
,, എല്‍ദോ എബ്രഹാം
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷീരസഹകരണസംഘങ്ങളുടെ സഹകരണത്തോടെ കിടാരി പാര്‍ക്ക് പദ്ധതി നടപ്പാക്കുന്നുണ്ടോ; വിശദാംശങ്ങള്‍ അറിയിക്കുമോ;

(ബി)	നല്ലയിനം ഉരുക്കളെ വാര്‍ത്തെടുക്കുന്നതിന് പ്രസ്തുത പദ്ധതി ഏതൊക്കെ തരത്തില്‍ സഹായകരമാകുമെന്ന് വ്യക്തമാക്കുമോ;

(സി)	പദ്ധതിയുടെ നടത്തിപ്പ് വിലയിരുത്തിയിട്ടുണ്ടോ; നടത്തിപ്പിൽ എന്തൊക്കെ പ്രായോഗിക വിഷമതകളാണ് നേരിടുന്നതെന്ന് വ്യക്തമാക്കുമോ;

(ഡി)	പദ്ധതിക്കായി എത്ര രൂപയാണ് വകയിരുത്തിയിരിക്കുന്നതെന്ന് വ്യക്തമാക്കുമോ?

പ്രളയത്തില്‍ നഷ്ടപ്പെട്ട വളര്‍ത്തുമൃഗങ്ങളുടെ കണക്ക്

913.

ശ്രീ.പി.ജെ.ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി ജില്ലയില്‍ പ്രളയത്തില്‍ നഷ്ടപ്പെട്ട വളര്‍ത്തുമൃഗങ്ങളുടെ കണക്ക് വ്യക്തമാക്കാമോ;

(ബി)	പശുക്കളെ നഷ്ടപ്പെട്ട എത്ര കര്‍ഷകരുണ്ടെന്നും എത്ര പശുക്കളെയാണ് നഷ്ടമായതെന്നും അറിയിക്കാമോ;

(സി)	എത്ര ക്ഷീരകര്‍ഷകര്‍ക്ക് നഷ്ടപരിഹാരം കൊടുത്തിട്ടുണ്ട്; ഇനിയും എത്ര പേര്‍ക്ക് ധനസഹായം കൊടുക്കാനുണ്ടെന്ന് വ്യക്തമാക്കാമോ;

(ഡി)	ഈ ഇനത്തില്‍ എത്ര തുകയാണ് ഇടുക്കി ജില്ലയില്‍ വിതരണം ചെയ്തത്; നിയോജകമണ്ഡലാടിസ്ഥാനത്തിലുള്ള കണക്ക് ലഭ്യമാക്കുമോ?

കോഴികര്‍ഷകര്‍ക്കുളള ആനുകൂല്യങ്ങള്‍

914.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കോഴികര്‍ഷകര്‍ക്ക് എന്തെല്ലാം ആനുകൂല്യങ്ങളാണ് നല്‍കുന്നതെന്ന് വിശദമാക്കുമോ;

(ബി)	ഈ വിഭാഗത്തെ കര്‍ഷകരായി അംഗീകരിച്ചിട്ടുണ്ടോ; ഇല്ലെങ്കില്‍ ആയതിനുള്ള നടപടി കൈക്കൊള്ളുമോ;

(സി)	സര്‍ക്കാരിന്റെ കീഴില്‍ ആവശ്യകതയ്ക്ക് അനുസരിച്ച് ഹാച്ചറികള്‍ ആരംഭിക്കുന്നതിന് നടപടികള്‍ സ്വീകരിക്കുമോ എന്നറിയിക്കാമോ?

മൃഗസംരക്ഷണ വകുപ്പിലെ പ്രൈമറി സെന്റര്‍ ഡിസ്പെന്‍സറികള്‍

915.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മൃഗസംരക്ഷണ വകുപ്പിലെ പ്രൈമറി സെന്റര്‍ ഡിസ്പെന്‍സറികളിലെ സ്റ്റാഫ് പാറ്റേണില്‍ കാലോചിതമായ മാറ്റങ്ങള്‍ പരിഗണനയിലുണ്ടോ; വിശദാംശം ലഭ്യമാക്കുമോ;

(ബി)	പ്രൈമറി സെന്റര്‍ ഡിസ്പെന്‍സറികളില്‍ കമ്പ്യൂട്ടര്‍വത്കരണവും ഇ-ഓഫീസും നടപ്പിലാക്കിയിട്ടുണ്ടോ;

(സി)

കേന്ദ്ര-സംസ്ഥാന സര്‍ക്കാരുകളുടെ വിവിധ പദ്ധതികളിലൂടെയും തദ്ദേശസ്വയംഭരണ സ്ഥാപനങ്ങളുടെ തനതുഫണ്ടില്‍ നിന്നുള്ള പദ്ധതികളിലൂടെയും പ്രൈമറി സെന്റര്‍ ഡിസ്പെന്‍സറികള്‍ മുഖേന കാര്‍ഷിക മേഖലയുടെ ഉന്നമനത്തിനായി ചെലവഴിക്കുന്ന ഫണ്ടുകളില്‍ കഴിഞ്ഞ മൂന്ന് വര്‍ഷ കാലയളവിനുള്ളില്‍ എത്ര ശതമാനം വര്‍ദ്ധനവാണ് ഉണ്ടായിയിട്ടുള്ളതെന്ന് വിലയിരുത്തിയിട്ടുണ്ടോ; വിശദാംശം നല്‍കുമോ;

(ഡി)	ഇതിന് അനുസൃതമായ സ്റ്റാഫ് പാറ്റേണ്‍, ഡിപ്പാര്‍ട്ട്മെന്റ് റീ-ഓര്‍ഗനൈസേഷന്‍ എന്നിവ നടപ്പിലാക്കുന്നതിനുള്ള നടപടി സ്വീകരിക്കുമോ?

മൃഗസംരക്ഷണ വകുപ്പിലെ ഭരണഭാഷാവാരാചരണം

916.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഭരണഭാഷാവാരാചരണവുമായി ബന്ധപ്പെട്ട് മൃഗസംരക്ഷണ വകുപ്പ് കഴിഞ്ഞ ഒരു വര്‍ഷത്തിനുള്ളില്‍ നടത്തിയ പരിപാടികള്‍ ഏതൊക്കെയാണെന്ന് ജില്ല തിരിച്ച് അറിയിക്കാമോ;

(ബി)	പ്രസ്തുത പരിപാടികള്‍ സംഘടിപ്പിക്കുന്നതിനുള്ള ഉത്തരവാദിത്തം ആര്‍ക്കായിരുന്നെന്നും ഇത് സംബന്ധിച്ച് സര്‍ക്കാരിന്റെ അനുമതി നേടിയിരുന്നോ എന്നും വ്യക്തമാക്കാമോ;

(സി)	പ്രസ്തുത പരിപാടികള്‍ക്കായി എത്ര തുക ചെലവഴിച്ചെന്നും ആയത് ഏത് അക്കൗണ്ടില്‍ നിന്നാണ് വിനിയോഗിച്ചതെന്നും അറിയിക്കാമോ?

വയനാട് ജില്ലയിൽ പ്രളയ നഷ്ടപരിഹാരത്തുക വിതരണം

917.

(എ)	2018- ലെ മഹാപ്രളയത്തില്‍ ഉണ്ടായ നാശനഷ്ടത്തിന് അനുവദിക്കപ്പെട്ട നഷ്ടപരിഹാരത്തുക വയനാട് ജില്ലാമ‍ൃഗസംരക്ഷണ ഓഫീസില്‍ നിന്നും അര്‍ഹതപ്പെട്ട മുഴുവന്‍ പേര്‍ക്കും ലഭ്യമായിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ ആയത് അടിയന്തരമായി നല്‍കുന്നതിന് നിര്‍ദ്ദേശം നല്‍കാമോ എന്നറിയിക്കാമോ?

തെച്ചിക്കോട്ടുകാവ് രാമചന്ദ്രനുളള വിലക്ക്

918.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തെച്ചിക്കോട്ടുകാവ് രാമചന്ദ്രന്‍ എന്ന ആനയ്ക്ക് പൂരങ്ങള്‍ക്കും ഉത്സവങ്ങള്‍ക്കും വിലക്ക് ഏര്‍പ്പെടുത്തിയിട്ടുണ്ടോ;

(ബി)	ഉണ്ടെങ്കില്‍ അതിനുള്ള കാരണമെന്തായിരുന്നു എന്നറിയിക്കാമോ;

(സി)	പ്രസ്തുത ആനയുടെ ആരോഗ്യ സ്ഥിതി മോശമാണെന്ന് വൈല്‍ഡ് ലൈഫ് വാര്‍ഡന്‍ കണ്ടെത്തിയിട്ടുണ്ടോ;

(ഡി)	ആരോഗ്യ സ്ഥിതി മോശമായ പ്രസ്തുത ആനയെ പൂരത്തലേന്ന് എഴുന്നള്ളിച്ചത് ഏത് സാഹചര്യത്തിലാണെന്ന് വ്യക്തമാക്കുമോ?

കായംകുളം മണ്ഡലത്തിലെ ക്ഷീരവികസന വകുപ്പ് പദ്ധതികള്‍

919.

ശ്രീമതി യു. പ്രതിഭ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

2016-2017, 2017-18, 2018-2019 എന്നീ വര്‍ഷങ്ങളില്‍ കായംകുളം നിയോജകമണ്ഡലത്തില്‍ ക്ഷീരവികസന വകുപ്പ് വഴി നടപ്പിലാക്കിയ പദ്ധതികള്‍, വിനിയോഗിച്ച തുക എന്നിവ വിശദമാക്കാമോ?

ക്ഷീരഗ്രാമം പദ്ധതി

920.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷീരഗ്രാമം പദ്ധതി എല്ലാ വര്‍ഷവും നടപ്പിലാക്കുന്ന പദ്ധതിയാണോയെന്ന് വിശദീകരിക്കുമോ;

(ബി)	സംസ്ഥാനത്ത് ഏതെല്ലാം ഗ്രാമപഞ്ചായത്തുകളില്‍ ക്ഷീരഗ്രാമം പദ്ധതി നടപ്പിലാക്കിയിട്ടുണ്ടെന്ന് വിശദമാക്കുമോ;

(സി)	പ്രസ്തുത പദ്ധതി പ്രകാരം കരുനാഗപ്പള്ളി നിയോജകമണ്ഡലത്തിലെ തൊടിയൂര്‍ ഗ്രാമപഞ്ചായത്തില്‍ ക്ഷീരകര്‍ഷകര്‍ക്ക് നല്‍കിയ ആനുകൂല്യങ്ങള്‍ എന്തെല്ലാമാണെന്ന് വിശദീകരിക്കുമോ;

(ഡി)	പ്രസ്തുത പ്രദേശത്ത് നടപ്പിലാക്കിയ പദ്ധതികളുടെ പുരോഗതി അവലോകനം ചെയ്യുന്നതിന് എന്തെല്ലാം സംവിധാനങ്ങള്‍ നിലവിലുണ്ടെന്ന് വിശദീകരിക്കുമോ?

ക്ഷീര കര്‍ഷക ക്ഷേമനിധി ബോര്‍ഡ്

921.

ശ്രീ.എല്‍ദോസ് പി. കുന്നപ്പിള്ളില്‍
,, അനില്‍ അക്കര
,, അന്‍വര്‍ സാദത്ത്
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷീര കര്‍ഷക ക്ഷേമനിധി ബോര്‍ഡ് മുഖാന്തിരം ക്ഷീര കര്‍ഷകര്‍ക്കായി നടപ്പിലാക്കുന്ന പദ്ധതികള്‍ എന്തൊക്കെയാണ്;

(ബി)	പ്രളയകാലത്ത് ജീവനോപാധികള്‍ നഷ്ടപ്പെട്ട ക്ഷീര കര്‍ഷകരെ സഹായിക്കുവാന്‍ വകുപ്പ് നടപ്പിലാക്കിയ പദ്ധതികള്‍ എന്തൊക്കെയാണ്; അത് അര്‍ഹതപ്പെട്ടവര്‍ക്ക് ലഭ്യമായി എന്ന് ഉറപ്പ് വരുത്തിയത് എപ്രകാരമാണെന്ന് വ്യക്തമാക്കുമോ;

(സി)	ക്ഷീര കര്‍ഷകര്‍ക്കായി ഫ്ളഡ് റിലീഫ് റീഹാബിലിറ്റേഷന്‍ പദ്ധതി നടപ്പിലാക്കിയിരുന്നോ; എത്ര കോടി രൂപയാണ് ഇതിനായി വിനിയോഗിച്ചത്;

(ഡി)	പ്രളയം സൃഷ്ടിച്ച പ്രതിസന്ധി പാലുല്പാദനത്തില്‍ സ്വയംപര്യാപ്തത നേടുക എന്ന ലക്ഷ്യം കൈവരിക്കുന്നതില്‍ നിന്നും പിന്നാക്കം പോകുവാന്‍ ഇടയാക്കിയിട്ടുണ്ടോ; വിശദാംശം നല്‍കുമോ?

മില്‍ക്ക്ഷെഡ് പദ്ധതി

922.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പിലാക്കി വരുന്ന മില്‍ക്ക്ഷെഡ് പദ്ധതിയില്‍ മാവേലിക്കര നിയമസഭാമണ്ഡലത്തിലെ ഏത് പഞ്ചായത്തിനെയാണ് ഉള്‍പ്പെടുത്തിയിട്ടുള്ളതെന്ന് വ്യക്തമാക്കാമാേ;

(ബി)	പ്രസ്തുത പദ്ധതിയുടെ വിശദാംശങ്ങള്‍ ലഭ്യമാക്കാമാേ?

പാല്‍ ഉല്‍പ്പാദനം വര്‍ദ്ധിപ്പിക്കുന്നതിനുള്ള നടപടികള്‍

923.

(എ)	സംസ്ഥാനത്തെ പാല്‍ ഉല്‍പ്പാദനവും ഉപയോഗവും സംബന്ധിച്ച കണക്ക് എടുക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദാംശങ്ങള്‍ ലഭ്യമാക്കാമോ;

(ബി)	പാല്‍ ഉല്‍പ്പാദനം വര്‍ദ്ധിപ്പിക്കുന്നതിനായി സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് അറിയിക്കാമോ;

(സി)	ക്ഷീരകര്‍ഷകരെ സഹായിക്കുന്നതിനായി നിലവിലുള്ള പദ്ധതികള്‍ എന്തൊക്കെയാണെന്ന് വിശദമാക്കാമോ?

പാല്‍ ഉത്പാദനരംഗത്തെ പദ്ധതികള്‍

924.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം പാല്‍ ഉത്പാദനരംഗത്ത് മൃഗസംരക്ഷണ വകുപ്പ് നടപ്പിലാക്കിയിട്ടുള്ള പദ്ധതികള്‍ എന്തെല്ലാമാണെന്ന് വിശദമാക്കാമോ;

(ബി)	പ്രസ്തുത കാലയളവില്‍ പാല്‍ ഉത്പാദനത്തില്‍ ഉണ്ടായിട്ടുള്ള പുരോഗതി വ്യക്തമാക്കാമോ?

ക്ഷീരോല്പാദന പദ്ധതികൾ

925.

ശ്രീ.കെ.കുഞ്ഞിരാമന്‍
,, ജെയിംസ് മാത്യു
,, മുരളി പെരുനെല്ലി
,, കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ക്ഷീരോല്പാദനമേഖല കൂടുതല്‍ ആദായകരവും സുസ്ഥിരവുമാക്കുന്നതിന് ഈ സ‌ര്‍ക്കാര്‍ ആവിഷ്ക്കരിച്ച പദ്ധതികള്‍ എന്തെല്ലാമാണെന്ന് വിശദമാക്കാമോ;

(ബി)	പാലിന്റെ ആവശ്യകതയുടെ എത്ര ശതമാനം ഇപ്പോള്‍ ആഭ്യന്തരമായി ഉല്പാദിപ്പിക്കാന്‍ സാധിക്കുന്നുണ്ടെന്ന് വ്യക്തമാക്കാമോ;

(സി)	പ്രതിദിന പാല്‍സംഭരണത്തില്‍ ഇപ്പോള്‍ സര്‍‌വ്വകാല റെക്കോര്‍ഡ് നേടിയിട്ടുണ്ടോ; വിശദാംശം നല്‍കുമോ;

(ഡി)	ഇതിനായി പുതിയ ക്ഷീരവികസനയൂണിറ്റുകള്‍ പ്രവര്‍ത്തനക്ഷമമാക്കിയിട്ടുണ്ടോ; വിശദമാക്കുമോ?

ക്ഷീരമേഖലയില്‍ പ്രളയം മൂലമുണ്ടായ നാശനഷ്ടങ്ങള്‍

926.

ശ്രീ.എം. മുകേഷ്
,, സജി ചെറിയാന്‍
,, കെ.വി.അബ്ദുള്‍ ഖാദര്‍
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷീരമേഖലയില്‍ പ്രളയം മൂലമുണ്ടായ നാശനഷ്ടങ്ങള്‍ പരിഹരിക്കുന്നതിന് ഈ സര്‍ക്കാര്‍ കെെക്കൊണ്ട നടപടികള്‍ എന്താെക്കെയാണ്;

(ബി)	ക്ഷീരകര്‍ഷകരെ സഹായിക്കുന്നതിനായി രൂപം നല്‍കിയ പുനരധിവാസ പദ്ധതികള്‍ എന്താെക്കെയാണെന്ന് വിശദമാക്കാമാേ;

(സി)	ദുരിതബാധിതരായ കര്‍ഷകര്‍ക്ക് പുതുതായി ഉരുക്കളെ ലഭ്യമാക്കുന്നതിനും താെഴുത്ത് നവീകരണത്തിന് പ്രത്യേക കര്‍മ്മപദ്ധതി തയ്യാറാക്കുന്നതിനും സ്വീകരിച്ച നടപടികള്‍ എന്തെല്ലാമാണ്;

(ഡി)	നഷ്ടം സംഭവിച്ച ക്ഷീര കര്‍ഷകര്‍ക്ക് വിവിധ ഏജന്‍സികളില്‍ നിന്നും സഹായം എത്തിക്കുന്നതിന് എന്തെല്ലാം നടപടികളാണ് സ്വീകരിച്ചതെന്ന് വിശദമാക്കാമാേ?

പാലിന്റെ ഗുണനിലവാരം

927.

(എ)	സംസ്ഥാനത്ത് വില്‍പ്പന നടത്തുന്ന കവര്‍ പാലിന്റെ ഗുണനിലവാരം പരിശോധിക്കുന്നതിനുള്ള സംവിധാനങ്ങള്‍ എന്തൊക്കെയാണെന്ന് അറിയിക്കാമോ;

(ബി)	കഴിഞ്ഞ ഒരു വര്‍ഷത്തിനുള്ളില്‍ ഏതെങ്കിലും കമ്പനികളുടെ കവര്‍പാല്‍ ഗുണനിലവാരം ഇല്ലാതെ വിതരണം നടത്തിയതായി കണ്ടെത്തിയിട്ടുണ്ടോ; എങ്കില്‍ അവ ഏതൊക്കെയാണെന്നും അതിന്മേല്‍ സ്വീകരിച്ച തുടര്‍നടപടികളും വിശദമാക്കാമോ;

(സി)	ഗുണനിലവാരം കുറഞ്ഞ പാലിന്റെ വിതരണം തടയുന്നതിന് നിലവിലുള്ള സംവിധാനങ്ങള്‍ എന്തൊക്കെയാണെന്ന് അറിയിക്കാമോ?

പാലിന്റെ വില വര്‍ദ്ധിപ്പിക്കല്‍

928.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കാലിത്തീറ്റയുടെ വിലവര്‍ദ്ധനവ് ക്ഷീരകര്‍ഷകര്‍ക്ക് പ്രതിസന്ധി ഉണ്ടാക്കിയിട്ടുള്ള കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഉല്പാദനച്ചെലവ് കൂടിയ സാഹചര്യത്തില്‍ പാല്‍വില കൂട്ടണമെന്ന് ക്ഷീരകര്‍ഷകര്‍ ആവശ്യപ്പെട്ടിട്ടുണ്ടോ;

(സി)	ഇക്കാര്യത്തില്‍ അനുഭാവപൂര്‍വ്വമായ തീരുമാനം കൈക്കൊള്ളുമോ എന്നറിയിക്കാമോ?

കാലിത്തീറ്റ ഉത്പാദനം

929.

(എ)	കേന്ദ്ര സര്‍ക്കാര്‍ രാഷ്ട്രീയ ഗോകുല്‍ മിഷന്‍ ആരംഭിച്ചതോടുകൂടി ഉത്തരേന്ത്യയില്‍ കാലിത്തീറ്റക്കുണ്ടായ പ്രിയം സംസ്ഥാനത്തെ കാലിത്തീറ്റ ഉല്പാദക ഫാക്ടറികള്‍ക്ക് അസംസ്കൃത വസ്തുക്കള്‍ കിട്ടുന്നതിന് ബുദ്ധിമുട്ട് ഉണ്ടാക്കിയിട്ടുണ്ടോ എന്ന് വെളിപ്പെടുത്താമോ;

(ബി)	ഈ ബുദ്ധിമുട്ട് തരണം ചെയ്യുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ;

(സി)	കാലിത്തീറ്റ ഉണ്ടാക്കുന്ന പൊതുമേഖലാ സ്ഥാപനമായ കേരള ഫീഡ്സ് ലാഭകരമായാണോ പ്രവര്‍ത്തിക്കുന്നത്;

(ഡി)	നഷ്ടമാണെങ്കില്‍ നിലവിലെ നഷ്ടം എത്ര കോടിയാണ് എന്ന് വെളിപ്പെടുത്താമോ;

(ഇ)	പ്രസ്തുത ഫാക്ടറിക്ക് സംസ്ഥാന സര്‍ക്കാര്‍ സബ്സിഡിയോ ഗ്രാന്റോ നല്‍കുന്നുണ്ടോ; ഇല്ലെങ്കില്‍ അത് നല്‍കുന്ന കാര്യം പരിഗണിക്കുമോ?

ക്ഷീരകര്‍ഷകര്‍ക്ക് ന്യായവില ലഭിക്കുന്നതിന് നടപടി

930.

ശ്രീ.സി. ദിവാകരന്‍
,, മുല്ലക്കര രത്നാകരന്‍
,, എല്‍ദോ എബ്രഹാം
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പാലുല്‍പ്പാദനച്ചെലവിലെ വര്‍ദ്ധനവും തന്മൂലം ക്ഷീരവൃത്തിയില്‍ നിന്നുള്ള ആദായക്കുറവും പരിഹരിക്കുന്നതിന് സ്വീകരിക്കുന്ന നടപടികള്‍ വിശദമാക്കുമോ;

(ബി)	ക്ഷീരസംഘങ്ങളില്‍ അളക്കുന്ന പാലിന് ക്ഷീരകര്‍ഷകര്‍ക്ക് ന്യായവില ലഭിക്കുന്നില്ല എന്ന പരാതി പരിഹരിക്കുന്നതിന് സ്വീകരിച്ച നടപടികള്‍ അറിയിക്കുമോ;

(സി)	ക്ഷീരസംഘങ്ങളുടെ പ്രവര്‍ത്തനത്തില്‍ സുതാര്യത ഉറപ്പാക്കുന്നതിന് സ്വീകരിച്ചുവരുന്ന നടപടികള്‍ വ്യക്തമാക്കുമോ;

(ഡി)	ഈ സര്‍ക്കാര്‍ അധികാരത്തില്‍ വന്നതിനുശേഷം ക്ഷീരസഹകരണസംഘങ്ങളില്‍ നിന്നുള്ള പാല്‍ സംഭരണത്തില്‍ വര്‍ദ്ധനവ് രേഖപ്പെടുത്തിയിട്ടുണ്ടോ; വിശദമാക്കുമോ?

മൃഗശാല വകുപ്പില്‍ നടപ്പാക്കിയ വികസന പ്രവര്‍ത്തനങ്ങള്‍

931.

ശ്രീ.സി. ദിവാകരന്‍
,, കെ. രാജന്‍
,, ജി.എസ്.ജയലാല്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ മൃഗശാല വകുപ്പില്‍ നടപ്പാക്കിയ വികസന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കുമോ;

(ബി)	തിരുവനന്തപുരം മൃഗശാലയില്‍ ഏതൊക്കെ പുതിയ മൃഗങ്ങളെയും പക്ഷികളെയും കൊണ്ടുവന്നെന്നും നിലവിലുള്ള മൃഗങ്ങളെ പാര്‍പ്പിക്കുന്ന സൗകര്യങ്ങളില്‍ എന്തൊക്കെ നവീകരണം നടത്തിയെന്നും വ്യക്തമാക്കുമോ;

(സി)	തൃശൂര്‍ മൃഗശാലയില്‍ നടപ്പാക്കിയ വികസന പ്രവര്‍ത്തനങ്ങളുടെയും മൃഗശാല മാറ്റി സ്ഥാപിച്ചത് സംബന്ധിച്ച വിശദാംശങ്ങളും ലഭ്യമാക്കുമോ;

(ഡി)	മൃഗശാലയിലേക്ക് വരുന്ന സന്ദര്‍ശകര്‍ക്ക് ആവശ്യമായ സൗകര്യങ്ങള്‍ ഉറപ്പാക്കിയിട്ടുണ്ടോ; വിശദാംശം വ്യക്തമാക്കുമോ?

Website maintained by Information System Section, Kerala Legislative Assembly, Thiruvananthapuram.