14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>starred Questions and Answers

Answer Provided

Answer Not Yet Provided

FOURTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സഹകരണ ബാങ്കുകളിലെ സ്വാശ്രയ പെന്‍ഷന്‍ പദ്ധതി

5497.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാന,ജില്ലാ സഹകരണ ബാങ്കുകളിലെ ജീവനക്കാര്‍ക്ക് നല്‍കി വരുന്ന സ്വാശ്രയ പെന്‍ഷന്‍ പദ്ധതിയിലെ അപാകതകള്‍ പരിഹരിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

(ബി)	ബഹു. ഹെെക്കോടതിയില്‍ കേസുകള്‍ നിലനില്‍ക്കുന്ന സാഹചര്യത്തില്‍ ഈ പദ്ധതിക്ക് നിയമപരമായ സാധുത നഷ്ടപ്പെട്ടിട്ടുണ്ടോ; വിശദാംശം നല്‍കുമോ;

(സി)	ഇ.പി.എഫ്. പെന്‍ഷന്‍ പദ്ധതിയേക്കാള്‍ ജീവനക്കാര്‍ക്ക് ഗുണകരമാകുന്ന സ്വാശ്രയ പെന്‍ഷന്‍ പദ്ധതിയുടെ അപാകതകള്‍ പരിഹരിക്കുന്നതിനും പുനഃസംവിധാനം ചെയ്ത് നിലവിലുള്ള ജീവനക്കാരേയും കേസില്‍ ഉള്‍പ്പെട്ട മുഴുവന്‍ പെന്‍ഷന്‍കാരേയും സ്വാശ്രയ പെന്‍ഷന്‍ പദ്ധതിയില്‍ തന്നെ നിലനിര്‍ത്തുവാനും നടപടി സ്വീകരിക്കുമോ?

കോ ഓപ്പറേറ്റീവ് മെമ്പേഴ്സ് റിലീഫ് ഫണ്ട്

5498.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ ആശ്വാസ ഫണ്ടിന് (കോ ഓപ്പറേറ്റീവ് മെമ്പേഴ്സ് റിലീഫ് ഫണ്ട്) രൂപം നല്കിയത് എന്നാണ് എന്ന് അറിയിക്കാമോ; ഈ ഫണ്ട് രൂപം നല്കിയതിന്റെ ഉദ്ദേശ്യലക്ഷ്യങ്ങള്‍ എന്തെല്ലാമായിരുന്നു എന്ന് വ്യക്തമാക്കാമോ;

(ബി)	ഈ ഫണ്ടില്‍ നിന്ന് നാളിതുവരെ സഹകാരികള്‍ക്ക് എത്ര തുക സഹായധനമായും മറ്റും അനുവദിച്ചിട്ടുണ്ട് എന്ന് വ്യക്തമാക്കാമോ;

(സി)	പ്രളയ ദുരിതാശ്വാസ നിധിയിലേക്ക് ഈ ഫണ്ടില്‍ നിന്ന് തുക വകയിരുത്തിയിട്ടുണ്ടോ; എങ്കില്‍ തുക എത്രയെന്ന് വ്യക്തമാക്കാമോ?

ജെ.ഡി.സി., എച്ച്.ഡി.സി. കോഴ്സുകള്‍

5499.

(എ)	സംസ്ഥാനത്തെ ജെ.ഡി.സി.,എച്ച്.ഡി.സി.കോഴ്സുകള്‍ എന്നാണ് നിലവില്‍ വന്നതെന്ന് അറിയിക്കാമോ ;

(ബി)	അവസാനമായി ഈ കോഴ്സിന്റെ സിലബസ് പരിഷ്‌ക്കരിച്ചത് എന്നാണെന്ന് വ്യക്തമാക്കാമോ; കാലോചിതമായി പ്രസ്തുത കോഴ്സുകളുടെ സിലബസ് പരിഷ്ക്കരിക്കുന്നതിന് നടപടി സ്വീകരിക്കുമോ?

സഹകരണ മേഖലയില്‍ ആഭ്യന്തര വിമാന സര്‍വ്വീസ്

5500.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

സംസ്ഥാനത്തെ സഹകരണ സംഘങ്ങളുടെ കൂട്ടായ്മയില്‍ ആഭ്യന്തര വിമാന സര്‍വ്വീസ് തുടങ്ങുന്നതിന് ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ?

സഹകരണ വകുപ്പിലെ ആര്‍ബിട്രേഷന്‍ കേസുകള്‍

5501.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ വകുപ്പില്‍ ധനപരവും അല്ലാത്തതുമായ കേസുകള്‍ കെെകാര്യം ചെയ്യുന്നതിന് നിലവിലുള്ള സംവിധാനങ്ങള്‍ എന്താെക്കെയെന്ന് വ്യക്തമാക്കുമാേ;

(ബി)	ധനപരമല്ലാത്ത കേസുകള്‍ കെെകാര്യം ചെയ്യുന്നതിന് വേണ്ടി നിയമിക്കപ്പെട്ടവര്‍ക്ക് സര്‍ക്കാര്‍ എന്തെല്ലാം സൗകര്യങ്ങള്‍ ഒരുക്കിയിട്ടുണ്ടെന്ന് വ്യക്തമാക്കുമാേ;

(സി)	ധനപരമായ തര്‍ക്കങ്ങള്‍ കെെകാര്യം ചെയ്യുന്നതിന് നിയമിക്കപ്പെട്ടവര്‍ക്ക് കേസുകള്‍ കെെകാര്യം ചെയ്യുന്നതിന് എന്തെല്ലാം സംവിധാനങ്ങള്‍ ഒരുക്കിയിട്ടുണ്ടെന്ന് വ്യക്തമാക്കുമാേ;

(ഡി)	ആര്‍ബിട്രേഷന്‍ കേസുകള്‍ കെെകാര്യം ചെയ്യുന്നതിന് മതിയായ സംവിധാനങ്ങള്‍ ഒരുക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വിശദമാക്കുമാേ?

സഹകരണ ബാങ്കുകളിലെ സാമ്പത്തിക ക്രമക്കേട്

5502.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പല സഹകരണ ബാങ്കുകളിലും സാമ്പത്തിക ക്രമക്കേട് നടക്കുന്നതായും അതുമൂലം സഹകാരികള്‍ക്ക് കഷ്ടനഷ്ടങ്ങള്‍ സംഭവിക്കുന്നതുമായ റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം എത്ര സഹകരണ ബാങ്കുകളിലാണ് ഇത്തരത്തിലുള്ള ക്രമക്കേട് കണ്ടെത്തിയത്; എത്ര കോടി രൂപയുടെ ക്രമക്കേടാണ് കണ്ടെത്തിയത്;

(സി)	ഇത്തരം ക്രമക്കേടുകള്‍ കണ്ടെത്തുന്നതിന് നിലവിലുള്ള സംവിധാനം പര്യാപ്തമാണോ; ഇല്ലെങ്കില്‍ അത് കൂടുതല്‍ ശക്തിപ്പെടുത്തുന്നതിന് നടപടി സ്വീകരിക്കുമോ;

(ഡി)	ഇത്തരം സാഹചര്യങ്ങളില്‍ സഹകാരികളുടെ താല്പര്യം സംരക്ഷിക്കുന്നതിനും അവരുടെ നിക്ഷേപം സുരക്ഷിതമാണെന്ന് ഉറപ്പുവരുത്തുന്നതിനും എന്ത് നടപടിയാണ് സ്വീകരിക്കുന്നത്?

സഹകരണ ജീവനക്കാരുടെ ശമ്പളവും ലീവ് സറണ്ടറും

5503.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പന്ത്രണ്ട് മാസം പ്രവര്‍ത്തിക്കുന്ന ജീവനക്കാര്‍ക്ക് പതിനാല് മാസത്തെ ശമ്പളവും ഒരു മാസത്തെ ലീവ് സറണ്ടറും നല്‍കിയ ഏതെങ്കിലും സഹകരണ സ്ഥാപനം നിലവിലുണ്ടോ; എങ്കില്‍ അത് ഏത് സ്ഥാപനമാണെന്ന് വ്യക്തമാക്കാമോ;

(ബി)	ഏത് കാലയളവിലാണ് ഇങ്ങിനെ നല്‍കിയിട്ടുളളത്; വിശദമാക്കാമോ?

ജവഹര്‍ സഹകരണ ഭവനിലെ സ്ഥാപനങ്ങള്‍

5504.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ജവഹര്‍ സഹകരണ ഭവനില്‍ ഏതൊക്കെ സ്ഥാപനങ്ങള്‍ പ്രവര്‍ത്തനം ആരംഭിച്ചു; ബാക്കിയുള്ളവയുടെ പ്രവര്‍ത്തനം എപ്പോള്‍ ആരംഭിക്കുമെന്ന് വ്യക്തമാക്കാമോ;

(ബി)	ഏതെങ്കിലും സ്ഥാപനങ്ങള്‍ സഹകരണ ഭവനിലേയ്ക്ക് മാറുന്നതിന് താല്പര്യക്കുറവ് അറിയിച്ചിട്ടുണ്ടോയെന്ന് വ്യക്തമാക്കുമോ;

(സി)	ഏതെങ്കിലും സ്ഥാപനം സഹകരണ ഭവനിലേയ്ക്ക് മാറാതിരുന്നാല്‍ അവര്‍ നല്‍കിയ സംഭാവന തിരികെ നല്‍കുമോ എന്ന് വ്യക്തമാക്കുമോ?

കാര്‍ഷിക വായ്പ നല്‍കാത്ത സഹകരണ സംഘങ്ങള്‍

5505.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ കാലയളവില്‍ സഹകരണ ബാങ്കുകള്‍ കാര്‍ഷികവായ്പ നല്‍കിയതിന്റെ വിവരം ശതമാനക്കണക്കില്‍ ലഭ്യമാക്കാമോ;

(ബി)	പ്രസ്തുത കാലയളവില്‍ കാസര്‍ഗോഡ് ജില്ലയില്‍ കാര്‍ഷിക വായ്പ നല്‍കാത്ത സഹകരണ സംഘങ്ങള്‍ ഏതൊക്കെ എന്ന് വ്യക്തമാക്കാമോ?

ഗവണ്മെന്റ് സെക്രട്ടറിയേറ്റ് സ്റ്റാഫ് ഹൗസിംഗ് കോ-ഓപ്പറേറ്റീവ് സൊസെെറ്റി

5506.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഗവണ്മെന്റ് സെക്രട്ടറിയേറ്റ് സ്റ്റാഫ് ഹൗസിംഗ് കോ-ഓപ്പറേറ്റീവ് സൊസെെറ്റിയുടെ ബെെലോയുടെ പകര്‍പ്പ് ലഭ്യമാക്കാമോ;

(ബി)	പ്രസ്തുത സൊസെെറ്റിയിലെ നിലവിലെ ഭരണസമിതി അംഗങ്ങള്‍ ആരെല്ലാമാണെന്ന് വ്യക്തമാക്കാമോ;

(സി)	പ്രസ്തുത അംഗങ്ങളെ സസ്പെന്‍ഡ് ചെയ്ത ഉത്തരവിന്റെ പകര്‍പ്പും സസ്പെന്‍ഷന്‍ പിന്‍വലിച്ച ഉത്തരവിന്റെ പകര്‍പ്പും ലഭ്യമാക്കുമോ;

(ഡി)	കഴിഞ്ഞ സൊസെെറ്റി തിരഞ്ഞെടുപ്പില്‍ എത്ര ജീവനക്കാര്‍ മത്സരിച്ചിരുന്നുവെന്ന് വ്യക്തമാക്കുമോ; അവര്‍ക്ക് ഓരോരുത്തര്‍ക്കും ലഭിച്ച വോട്ടിന്റെ എണ്ണം അടക്കമുള്ള വിശദാംശങ്ങൾ അടങ്ങിയ രേഖകളുടെ പകര്‍പ്പ് ലഭ്യമാക്കാമോ?

പൊതുനന്‍മ ഫണ്ട് നടപടികള്‍

5507.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ലാഭത്തില്‍ പ്രവര്‍ത്തിക്കുന്ന പ്രാഥമിക സഹകരണ ബാങ്കുകള്‍ അവരുടെ ലാഭത്തിന്റെ നിശ്ചിത വിഹിതം പൊതുനന്മ ഫണ്ടായി ഉപയോഗിക്കുന്നു എന്ന കാര്യം ഉറപ്പുവരുത്തുന്നുണ്ടോ; വിശദമാക്കാമോ;

(ബി)	സംസ്ഥാനത്ത് പ്രാഥമിക സഹകരണ ബാങ്കുകള്‍ 2016, 2017, 2018 വര്‍ഷങ്ങളില്‍ ചെലവഴിച്ച പൊതുനന്മ ഫണ്ടുകള്‍ എത്രയെന്നും ഏതെല്ലാം പദ്ധതിക്കെന്നും വ്യക്തമാക്കാമോ;

(സി)	സഹകരണ ബാങ്കില്‍ ഭരണസമിതിയോഗം അംഗീകരിച്ച പൊതുനന്മ ഫണ്ട് പദ്ധതികള്‍ ജോയിന്റ് രജിസ്ട്രാര്‍ (ജനറല്‍)-ക്ക് അംഗീകാരത്തിനായി നല്‍കിയിട്ട് അനുമതി ലഭിക്കാതിരുന്നിട്ടുണ്ടോ; വിശദമാക്കാമോ;

(ഡി)	പ്രാഥമിക സഹകരണ ബാങ്കുകള്‍ക്ക് അസിസ്റ്റന്റ് രജിസ്ട്രാര്‍/ജോയിന്റ് രജിസ്ട്രാര്‍-മാരുടെ അനുമതി ഇല്ലാതെ പൊതുനന്മ ഫണ്ട് ചെലവഴിക്കാന്‍ സാധിക്കുമോ; നടപടിക്രമം വിശദമാക്കാമോ?

ഹോള്‍സെയില്‍ സൊസൈറ്റികളുടെ ലാഭനഷ്ടം

5508.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

സംസ്ഥാനത്ത് പ്രവര്‍ത്തിച്ചുവരുന്ന ജില്ല ഹോള്‍സെയില്‍ സൊസൈറ്റികളുടെ ലാഭനഷ്ടം സംബന്ധിച്ച കണക്ക് ജില്ല തിരിച്ച് ലഭ്യമാക്കാമോ?

സഹകരണ രംഗത്തെ പുതിയ സേവനമേഖലകള്‍

5509.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ മേഖലയില്‍ ഓണ്‍ലൈന്‍ ടാക്സി സേവനം ആരംഭിയ്ക്കുന്നത് സംബന്ധിച്ച് എന്തെങ്കിലും നിര്‍ദ്ദേശങ്ങള്‍ പരിഗണനയിലുണ്ടോ; വിശദാംശം ലഭ്യമാക്കുമോ;

(ബി)	സമൂഹത്തിലെ സേവന രംഗത്തും മറ്റ് മേഖലകളിലുമുണ്ടായിട്ടുള്ള മാറ്റത്തിനനുസരിച്ച് ഏതെല്ലാം പുതിയ രംഗങ്ങളിലാണ് സാധ്യതതേടുന്നത്;

(സി)	കൂടുതല്‍ പുതിയ മേഖലകളിലേയ്ക്ക് സഹകരണ രംഗത്തെ സേവനം ഉപയോഗിയ്ക്കുന്നത് പരിഗണനയിലുണ്ടോ; വിശദമാക്കുമോ?

സഹകരണ മേഖലയുടെ കെയര്‍ ഗ്രേസ് പദ്ധതി

5510.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പ്രളയം മൂലം ദുരിതബാധിതരായവര്‍ക്ക് സഹകരണ മേഖല കെയര്‍ ഗ്രേസ് എന്ന പദ്ധതി ആവിഷ്ക്കരിച്ചിരുന്നോ;

(ബി)	എന്തൊക്കെ കാര്യങ്ങളാണ് പ്രസ്തുത പദ്ധതിയിലൂടെ നടപ്പിലാക്കിയത്; വിശദാംശം ലഭ്യമാക്കുമോ?

സഹകരണ ബാങ്കുകള്‍ മുഖേന ഹൈടെക് ക്ലാസ് മുറികള്‍

5511.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ ബാങ്കുകളുടെ സഹകരണത്തോടെ പൊതുവിദ്യാലയങ്ങളിലെ ക്ലാസ് മുറികള്‍ ഹൈടെക് ആക്കി മാറ്റുന്നതിന് നടപടികള്‍ സ്വീകരിച്ചിട്ടുണ്ടോ;

(ബി)	ഉണ്ടെങ്കില്‍ അതിനായുള്ള നടപടികള്‍ ഏത് ഘട്ടത്തിലാണ് എന്ന് അറിയിക്കാമോ?

സഹകരണ വകുപ്പിന്റെ സ്മാര്‍ട്ട് ക്ലാസ് മുറി

5512.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ വകുപ്പിന്റെ സഹായത്തോടെ സര്‍ക്കാര്‍/എയ്ഡഡ് സ്കൂളുകളില്‍ സ്മാര്‍ട്ട് ക്ലാസ് മുറി, ഊര്‍ജ്ജക്ഷമതയുള്ള അടുപ്പ് എന്നിവ സ്ഥാപിക്കുന്ന പദ്ധതിയിലേക്ക് നോമിനേറ്റഡ് എം.എല്‍.എ. നിര്‍ദ്ദേശിച്ച ഏതെല്ലാം സ്കൂളുകളെയാണ് തെരഞ്ഞെടുത്തിട്ടുള്ളത്;

(ബി)	പ്രസ്തുത സ്കൂളുകളില്‍ പദ്ധതി നടപ്പിലാക്കുന്നതിന് സ്വീകരിച്ചുവരുന്ന നടപടിക്രമങ്ങള്‍ വിശദമാക്കുമോ?

കെയര്‍ കേരളയ്ക്കായി സഹകരണ സംഘങ്ങളുടെ ലാഭവിഹിതം

5513.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ സംഘങ്ങളുടെയും ബാങ്കുകളുടെയും ഒരു വര്‍ഷത്തെ പ്രവര്‍ത്തനലാഭത്തില്‍ നിന്ന് ഓഹരി ഉടമകളുടെ ലാഭവിഹിതമായി നീക്കിവയ്ക്കുന്ന തുക കെയര്‍ കേരള പദ്ധതിയ്ക്ക് മാറ്റിവയ്ക്കണമെന്ന് നിര്‍ദ്ദേശിച്ചിരുന്നോ;

(ബി)	സഹകരണ സ്ഥാപനങ്ങള്‍ ഇപ്രകാരം ലാഭവിഹിതമായി കൈമാറിയ തുകയെത്രയാണെന്ന് വെളിപ്പെടുത്താമോ;

(സി)	കെയര്‍ കേരള പദ്ധതിയ്ക്കായി സഹകരണ മേഖല ഇതിനകം മുടക്കിയ തുകയെത്രയാണെന്ന് അറിയിക്കാമോ?

നവകേരള നിര്‍മ്മാണത്തില്‍ സഹകരണ മേഖലയുടെ പങ്ക്

5514.

(എ)	പ്രളയാനന്തര കേരളത്തിന്റെ പുനര്‍നിര്‍മ്മാണത്തിന് സഹകരണ മേഖലയുടെ സംഭാവനകള്‍ എന്താെക്കെയാണെന്ന് വ്യക്തമാക്കുമോ;

(ബി)	ഇതിന്റെ ഭാഗമായി സഹകരണ മേഖല ഏറ്റെടുത്തിട്ടുള്ള പദ്ധതികള്‍ വിശദമാക്കുമാേ;

(സി)	കെയര്‍ ഹാേം പദ്ധതിക്കായി സഹകരണ സ്ഥാപനങ്ങളില്‍ നിന്നും എന്ത് തുകയാണ് സമാഹരിച്ചതെന്ന് അറിയിക്കുമോ;

(ഡി)	സര്‍ക്കാര്‍ ഭാഗത്ത് നിന്നും ഇതിനായി എന്തെങ്കിലും സഹായം ലഭിച്ചിട്ടുണ്ടാേ;

(ഇ)	സഹകരണ മേഖല ലാഭവിഹിത വിതരണത്തിനായി നീക്കിവെച്ച തുകയാണാേ ഇൗ പദ്ധതിക്കായി വിനിയോഗിക്കുന്നത്;

(എഫ്)

രണ്ടാം ഘട്ടത്തില്‍ കെയര്‍ ഹാേം പദ്ധതി പ്രകാരം കൂടുതല്‍ വീടുകള്‍ നിര്‍മ്മിക്കുവാന്‍ ഉദ്ദേശിക്കുന്നുണ്ടാേ;

(ജി)	ഇൗ വര്‍ഷത്തെ ലാഭവിഹിതവും ഇക്കാര്യത്തിനായി നീക്കിവയ്ക്കുവാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കുമോ?

കെയര്‍ഹാേം പദ്ധതിക്ക് സഹകരണസംഘങ്ങളുടെ സാമ്പത്തികസഹായം

5515.

(എ)	സഹകരണ വകുപ്പ് നടപ്പാക്കിയ കെയര്‍ഹാേം പദ്ധതിയ്ക്കായി സംസ്ഥാനത്തെ സഹകരണസംഘങ്ങള്‍ സാമ്പത്തികസഹായം നല്‍കിയിട്ടുണ്ടാേ എന്ന് വ്യക്തമാക്കുമോ; വിശദാംശങ്ങൾ നൽകുമോ;

(ബി)	സഹകരണ സംഘങ്ങളില്‍ നിന്നും ലഭിച്ച സാമ്പത്തിക സഹായത്തിന്റെ ജില്ല തിരിച്ചുള്ള കണക്ക് ലഭ്യമാക്കുമോ?

കേരള ബാങ്ക് രൂപീകരണവും ജീവനക്കാരുടെ പുനര്‍വിന്യാസവും

5516.

ശ്രീ.സണ്ണി ജോസഫ്
,, കെ.സി.ജോസഫ്
,, പി.ടി. തോമസ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരള ബാങ്ക് രൂപീകരണത്തിന് മുന്നോടിയായി സംസ്ഥാന/ജില്ലാ സഹകരണ ബാങ്കുകളിലെ നിലവിലുള്ള ജീവനക്കാരെ പുനര്‍വിന്യസിക്കുന്നത് സംബന്ധിച്ച് ഹ്യുമൻ റിസോഴ്സ് പോളിസി റിപ്പോര്‍ട്ട് സമര്‍പ്പിച്ചിട്ടുണ്ടോ; വിശദാംശം നല്‍കുമോ;

(ബി)	പ്രസ്തുത റിപ്പോർട്ടിന്റെ അടിസ്ഥാനത്തിൽ ജീവനക്കാരുമായി എന്തെങ്കിലും ചര്‍‌ച്ച നടത്തിയിട്ടുണ്ടോ; പ്രസ്തുത ചര്‍ച്ചയില്‍ ജീവനക്കാര്‍ക്ക് നല്‍കിയ ഉറപ്പുകള്‍ വ്യക്തമാക്കുമോ;

(സി)	കേരള ബാങ്ക് രൂപീകരണത്തിന്റെ ഭാഗമായി സംസ്ഥാന സഹകരണ ബാങ്കിലും ജില്ലാ സഹകരണ ബാങ്കുകളിലും നിയമനനിരോധനം ഏര്‍പ്പെടുത്തിയിട്ടുണ്ടോയെന്ന് വ്യക്തമാക്കുമോ?

സംസ്ഥാന സഹകരണ ബാങ്കിന്റെ കിട്ടാക്കടം

5517.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാന സഹകരണ ബാങ്കിന്റെ നിലവിലെ സാമ്പത്തിക സ്ഥിതി വ്യക്തമാക്കുമോ;

(ബി)	പ്രസ്തുത ബാങ്ക് നല്‍കിയിട്ടുള്ള വായ്പകളില്‍ കിട്ടാക്കടം എത്ര ശതമാനം ആണ്; ഇത് എത്ര കോടി രൂപ വരും; വെളിപ്പെടുത്താമോ;

(സി)	പ്രസ്തുത കിട്ടാക്കടം പിരിച്ചെടുക്കുന്നതിന് സ്വീകരിച്ച നടപടികള്‍ എന്തൊക്കെയാണ്?

കെ.എസ്.ആര്‍.ടിസിയുടെ പെന്‍ഷന്‍ വിതരണത്തിന് രൂപീകരിച്ച കണ്‍സോര്‍ഷ്യത്തിലെ സഹകരണ ബാങ്കുകള്‍

5518.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കെ.എസ്.ആര്‍.ടി.സിയുടെ പെന്‍ഷന്‍ വിതരണത്തിന് രൂപീകരിച്ച കണ്‍സോര്‍ഷ്യത്തില്‍ എത്ര സഹകരണ ബാങ്കുകളുണ്ടെന്നും പ്രസ്തുത സഹകരണ ബാങ്കുകള്‍ ഇതിനകം എത്ര കോടി രൂപ പെന്‍ഷന്‍ വിതരണത്തിനായി നല്‍കിയെന്നും അറിയിക്കാമോ;

(ബി)	സര്‍ക്കാരില്‍ നിന്നും പ്രസ്തുത സഹകരണ ബാങ്കുകള്‍ക്ക് പലിശ ലഭിക്കാറുണ്ടോ; എങ്കില്‍ ഓരോ ബാങ്കിനും ഇതിനകം പലിശയിനത്തില്‍ ലഭിച്ച തുക എത്രയെന്ന് വ്യക്തമാക്കുമോ?

ജില്ലാ സഹകരണ ബാങ്കുകളിലെ കിട്ടാക്കടം

5519.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പതിനാല് ജില്ലാ സഹകരണ ബാങ്കുകളുടെ നിലവിലെ കിട്ടാക്കടം ഓരോ ബാങ്കിലും എത്ര ശതമാനമാണെന്ന് വ്യക്തമാക്കുമോ;

(ബി)	കിട്ടാക്കടം അഞ്ച് ശതമാനത്തില്‍ താഴെ കൊണ്ടുവരണമെന്ന് ആര്‍.ബി.എെ.നിര്‍ദ്ദേശിച്ചിട്ടുണ്ടോ;

(സി)	എങ്കില്‍ പ്രസ്തുത കിട്ടാക്കടം പിരിച്ചെടുക്കുന്നതിന് സ്വീകരിച്ച നടപടികള്‍ എന്തൊക്കെയാണ്; വ്യക്തമാക്കാമോ?

വനിതാസഹകരണ സംരംഭങ്ങള്‍

5520.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വനിതാസംരംഭകര്‍ക്ക് സഹകരണ സ്ഥാപനങ്ങള്‍ തുടങ്ങുവാനുള്ള മാനദണ്ഡങ്ങള്‍ എന്തൊക്കെയാണെന്ന് വിശദമാക്കാമോ;

(ബി)	ഇത് സംബന്ധിച്ച സര്‍ക്കാര്‍ ഉത്തരവുകളുടെ പകര്‍പ്പുകള്‍ ലഭ്യമാക്കാമോ;

(സി)	സഹകരണ സ്ഥാപനം ആരംഭിക്കുവാന്‍ വനിതകള്‍ക്ക് പ്രത്യേക ആനുകൂല്യങ്ങള്‍ ഉണ്ടോ; ഉണ്ടെങ്കില്‍ വിശദമാക്കാമോ?

ആര്‍.സി.സി. എംപ്ലോയീസ് കണ്‍സ്യൂമര്‍ സഹകരണ സംഘം

5521.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ആര്‍.സി.സി. എംപ്ലോയീസ് കണ്‍സ്യൂമര്‍ സഹകരണ സംഘം ലിമിറ്റഡ് റ്റി 2080-ല്‍ നിലവില്‍ എത്ര ജീവനക്കാര്‍ അംഗങ്ങളാണെന്ന് അറിയിക്കുമോ;

(ബി)	അംഗങ്ങള്‍ അല്ലാത്ത ജീവനക്കാര്‍ക്ക് പ്രസ്തുത സംഘത്തില്‍ അംഗത്വം നല്‍കുന്നതിന് എന്തെങ്കിലും സാങ്കേതിക തടസ്സം ഉണ്ടോ;

(സി)	ഈ സൊസൈറ്റി നടത്തിവരുന്ന സംരംഭങ്ങള്‍ എന്തൊക്കെയാണെന്ന് വ്യക്തമാക്കുമോ?

ടൂറിസം മേഖലയിലെ സഹകരണസംഘങ്ങള്‍

5522.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	തിരുവനന്തപുരം ജില്ലയില്‍ ടൂറിസം മേഖലയില്‍ പ്രവര്‍ത്തിച്ചുവരുന്ന സഹകരണസംഘങ്ങള്‍ എതൊക്കെയെന്ന് വിശദമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം പ്രസ്തുത ജില്ലയിലെ ടൂറിസം മേഖലയില്‍ രജിസ്റ്റര്‍ ചെയ്യപ്പെട്ടിട്ടുള്ള സഹകരണസംഘങ്ങള്‍ എത്രയെന്നും അവ ഏതൊക്കെയാണെന്നും വിശദമാക്കാമോ?

തൃശ്ശൂര്‍ സഹകരണ സംഘം ജോയിന്റ് രജിസ്ട്രാര്‍ ജനറല്‍ ആഫീസ് നവീകരണം

5523.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	തൃശ്ശൂര്‍ സഹകരണ സംഘം ജോയിന്റ് രജിസ്ട്രാര്‍ ജനറല്‍ ആഫീസ് നവീകരിച്ചിട്ടുണ്ടോ; ഉണ്ടെങ്കില്‍ ആയതിന്റെ ചെലവ് അടക്കമുള്ള വിശദാംശങ്ങള്‍ നല്‍കുമോ;

(ബി)	ആഫീസ് നവീകരണത്തിന് സര്‍ക്കാര്‍ അനുമതി നല്‍കിയിട്ടുണ്ടോ; ഉണ്ടെങ്കില്‍ പ്രസ്തുത ഉത്തരവിന്റെ പകര്‍പ്പ് ലഭ്യമാക്കുമോ;

(സി)	ആഫീസ് നവീകരണത്തിന് സഹകരണ സ്ഥാപനങ്ങളില്‍ നിന്ന് പണപ്പിരിവ് നടത്തിയിട്ടുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കുമോ;

(ഡി)	ആഫീസ് നവീകരണവുമായി ബന്ധപ്പെട്ട് ഏതെങ്കിലും പരാതിയുള്ളതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കുമോ?

ആലത്തൂരിലെ കെയര്‍ഹോം പദ്ധതി

5524.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കെയര്‍ഹോം പദ്ധതി പ്രകാരം ആലത്തൂര്‍ നിയോജകമണ്ഡലത്തില്‍ എത്ര വീടുകള്‍ നിര്‍മ്മിച്ചു നല്‍കിയിട്ടുണ്ടെന്നും അവ ആര്‍ക്കെല്ലാമാണ് നല്‍കിയതെന്നും വ്യക്തമാക്കുമോ;

(ബി)	പ്രസ്തുത പദ്ധതി പ്രകാരം ആലത്തൂര്‍ നിയോജകമണ്ഡലത്തില്‍ നിര്‍മ്മാണത്തിലിരിക്കുന്ന വീടുകളുടെ എണ്ണവും അവ ആര്‍ക്കെല്ലാമാണ് നല്‍കുന്നതെന്നും വിശദമാക്കാമോ;

(സി)	വീട് നിര്‍മ്മിച്ച് നല്‍കുന്നതിന് തയ്യാറായ സഹകരണ സ്ഥാപനങ്ങള്‍ ഏതെല്ലാമാണെന്നും പ്രസ്തുത പദ്ധതിയ്ക്കായി ഓരോ സ്ഥാപനവും ചെലവഴിച്ച തുകയും വിശദമാക്കാമോ?

കോഴിക്കോട് സഹകരണ ഭവന്‍ കെട്ടിടം

5525.

(എ)	സഹകരണ വകുപ്പിന്റെ കോഴിക്കോട് ജില്ലാ ഒാഫീസുകള്‍ പ്രവര്‍ത്തിച്ചുവരുന്ന സഹകരണ ഭവന്‍ കെട്ടിടം ഉപയോഗശൂന്യമായത് ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ ആയത് ഉപയോഗപ്രദമാക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ;

(സി)	പ്രസ്തുത കെട്ടിടം ഉപയോഗശൂന്യമായതിനുശേഷം ഓഫീസുകള്‍ പ്രവര്‍ത്തിക്കുന്നതിന് ഏര്‍പ്പെടുത്തിയിട്ടുള്ള പകരം സംവിധാനങ്ങള്‍ എന്തൊക്കെയെന്ന് വ്യക്തമാക്കുമോ?

പ്രളയബാധിതര്‍ക്ക് സഹകരണ സംഘങ്ങള്‍ വഴി വായ്പ

5526.

(എ)	പ്രളയത്തില്‍ ഫര്‍ണിച്ചറും വീട്ടുപകരണങ്ങളും നഷ്ടമായവരെ സഹായിക്കുന്നതിനായി പ്രാഥമിക സഹകരണ സംഘങ്ങള്‍ വഴി വായ്പ ലഭ്യമാക്കുന്ന പദ്ധതി നടപ്പിലാക്കിയിരുന്നാേ; വിശദാംശം നല്‍കുമാേ;

(ബി)	പ്രസ്തുത പദ്ധതി പ്രകാരം ഇതിനകം എത്ര പേര്‍ക്ക് വായ്പ അനുവദിച്ചു; എത്ര കാേടി രൂപയാണ് അനുവദിച്ചത്; വ്യക്തമാക്കുമോ;

(സി)	പ്രസ്തുത തുക പലിശ രഹിത വായ്പയായിട്ടാണാേ നല്‍കിയത്; അല്ലെങ്കില്‍ എത്ര ശതമാനം പലിശയാണ് ഇൗ വായ്പക്ക് ഇൗടാക്കുന്നത്; വിശദമാക്കുമോ?

പൊതുവിപണിയിലെ വിലക്കയറ്റം പിടിച്ചുനിര്‍ത്തുവാന്‍ ഇടപെടല്‍

5527.

ശ്രീ.അനൂപ് ജേക്കബ്
,, അനില്‍ അക്കര
,, കെ.എസ്.ശബരീനാഥന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പൊതുവിപണിയില്‍ നിത്യോപയോഗ സാധനങ്ങളുടെ വിലവര്‍ദ്ധന പിടിച്ചുനിര്‍ത്തുവാന്‍ സഹകരണ വകുപ്പ് നടത്തിവരുന്ന ഇടപെടല്‍ എന്തൊക്കെയാണ്;

(ബി)	ഇത് വിജയപ്രദമാണെന്ന് വിലയിരുത്തുന്നുണ്ടോ; ഉണ്ടെങ്കില്‍ എന്തുകൊണ്ടെന്ന് വ്യക്തമാക്കാമോ;

(സി)	പ്രാഥമിക സഹകരണ സംഘങ്ങളുടെ നേതൃത്വത്തില്‍ കൂടുതല്‍ നീതി സ്റ്റോറുകള്‍ ആരംഭിക്കുവാന്‍ ഉദ്ദേശിക്കുന്നുണ്ടോയെന്ന് അറിയിക്കാമോ;

(ഡി)	ത്രിവേണി മാര്‍ക്കറ്റുകള്‍ വഴി ലഭ്യമാകുന്ന പ്രൊവിഷന്‍ സാധനങ്ങളുടെ ഗുണനിലവാരം മോശമാണെന്ന പരാതി പരിശോധിച്ചിട്ടുണ്ടോ;

(ഇ)	ഗുണനിലവാരം ഉറപ്പുവരുത്തുവാന്‍ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ?

കാെട്ടാരക്കരയിലെ കണ്‍സ്യൂമര്‍ ഫെഡിന് സ്ഥാപനങ്ങള്‍

5528.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കാെട്ടാരക്കര നിയാേജക മണ്ഡലത്തിന്റെ പരിധിയില്‍ കണ്‍സ്യൂമര്‍ ഫെഡിന് കീഴില്‍ ആകെ എത്ര സ്ഥാപനങ്ങള്‍ ഉണ്ടെന്ന് വ്യക്തമാക്കുമോ;

(ബി)	പ്രസ്തുത സ്ഥാപനങ്ങള്‍ ഏതെല്ലാമാണ്; ഓരാേ സ്ഥാപനത്തിലുമുള്ള സ്ഥിരം, താത്ക്കാലിക ജീവനക്കാരുടെ തസ്തികകളും എണ്ണവും സംബന്ധിച്ച വിശദാംശങ്ങള്‍ നല്‍കുമാേ;

(സി)	ലാഭത്തിലല്ലാതെ പ്രവര്‍ത്തിക്കുന്ന സ്ഥാപനങ്ങള്‍ ഉണ്ടെങ്കില്‍ അവയുടെ വിശദാംശങ്ങള്‍ വ്യക്തമാക്കാമാേ?

സഹകരണ വിദ്യാഭ്യാസ സ്ഥാപനങ്ങള്‍

5529.

(എ)	സംസ്ഥാന സഹകരണ യൂണിയന്റെ കീഴില്‍ എത്ര വിദ്യാഭ്യാസ പരിശീലന കേന്ദ്രങ്ങള്‍ പ്രവര്‍ത്തിക്കുന്നുണ്ടെന്നും അവ ഏതെല്ലാമാണെന്നും വിശദമാക്കാമോ;

(ബി)	ഓരോ സ്ഥാപനത്തിലും ഏതെല്ലാം കോഴ്സുകൾ പഠിപ്പിക്കുന്നുണ്ടെന്ന് വിശദമാക്കുമോ;

(സി)	സഹകരണ നിയമപ്രകാരം രജിസ്റ്റര്‍ ചെയ്ത് പ്രവര്‍ത്തിച്ചുവരുന്ന എത്ര വിദ്യാഭ്യാസ സ്ഥാപനങ്ങള്‍ സംസ്ഥാനത്ത് നിലവിലുണ്ടെന്ന് വ്യക്തമാക്കുമോ;

(ഡി)	ഇത്തരം സ്ഥാപനങ്ങളുടെ പ്രവര്‍ത്തനങ്ങള്‍ ഏകോപിപ്പിക്കുന്നതിന് സഹകരണ യൂണിവേഴ്സിറ്റി ആരംഭിക്കുന്ന വിഷയം ആലോചിക്കുമോ; വിശദാംശം വ്യക്തമാക്കുമോ ?

കാട്ടാക്കട സഹകരണ പാരലല്‍ കോളേജ്

5530.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കാട്ടാക്കട പഞ്ചായത്തില്‍ പ്രവര്‍ത്തിച്ചിരുന്ന സഹകരണ പാരലല്‍ കോളേജിന്റെ നിലവിലെ സ്ഥിതി വിശദമാക്കാമോ;

(ബി)	പ്രസ്തുത സ്ഥാപനത്തിന് സ്വന്തമായുള്ള ഭൂമിയുടെ വിവരം ലഭ്യമാക്കാമോ;

(സി)	പ്രസ്തുത ഭൂമിയില്‍ എന്തെങ്കിലും ബാധ്യതകള്‍ നിലവിലുണ്ടോ; വ്യക്തമാക്കുമോ;

(ഡി)	സഹകരണ രംഗത്തെ വാടക കെട്ടിടത്തില്‍ പ്രവര്‍ത്തിക്കുന്ന ഓഫീസുകള്‍ പ്രസ്തുത കെട്ടിടത്തില്‍ മാറ്റി സ്ഥാപിക്കാന്‍ കഴിയുമോ; വ്യക്തമാക്കുമോ?

അടച്ചുപൂട്ടല്‍ ഭീഷണി നേരിടുന്ന കോ-ഒാപ്പറേറ്റിവ് കോളേജുകള്‍

5531.

ശ്രീ.ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ മേഖലയിലുളള കോ-ഓപ്പറേറ്റീവ് കോളേജുകള്‍ക്ക് സര്‍ക്കാര്‍ ഏതെങ്കിലും രീതിയിലുളള സാമ്പത്തിക സഹായങ്ങളോ മറ്റ് സഹായങ്ങളോ ചെയ്തു വരുന്നുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കുമോ;

(ബി)

വിവിധ യൂണിവേഴ്സിറ്റികളിലെ ഡിഗ്രി, പി.ജി കോഴ്സുകളുടെ പ്രെെവറ്റ് രജിസ്ട്രേഷന്‍ അവസാനിപ്പിച്ചതിനാലും ഹയര്‍സെക്കന്ററി സ്കൂളുകള്‍ വ്യാപകമായതിനാലും അടച്ചുപൂട്ടല്‍ ഭീഷണി നേരിടുന്ന കോ-ഓപ്പറേറ്റീവ് കോളേജുകളെ സംരക്ഷിക്കുന്നതിനുവേണ്ടി എന്തെല്ലാം നടപടികളാണ് സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(സി)	സഹകരണമേഖലയിലുളള കോ-ഒാപ്പറേറ്റീവ് കോളേജുകള്‍ക്ക് പുതിയ കോഴ്സുകള്‍ അനുവദിക്കുന്നതിനാവശ്യമായ സഹായവും പ്രോത്സാഹനങ്ങളും നല്‍കുവാന്‍ നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കുമോ?

സഹകരണ ആശുപത്രികളുടെ പ്രവര്‍ത്തനം

5532.

(എ)	സംസ്ഥാനത്ത് എത്ര സഹകരണ ആശുപത്രികള്‍ പ്രവര്‍ത്തിച്ചുവരുന്നുണ്ടെന്ന് വ്യക്തമാക്കുമോ; ഇവയില്‍ എത്രയെണ്ണം ലാഭത്തില്‍ പ്രവര്‍ത്തിക്കുന്നുവെന്ന് വിശദമാക്കുമോ;

(ബി)	സഹകരണ ആശുപത്രികള്‍ നഷ്ടത്തില്‍ പ്രവര്‍ത്തിക്കുന്നതിന്റെ കാരണങ്ങള്‍ വിലയിരുത്തിയിട്ടുണ്ടോ;

(സി)	സഹകരണ ആശുപത്രികളുടെ നഷ്ടം നികത്തി അവയെ ജനോപകാരപ്രദമായ രീതിയില്‍ പ്രവര്‍ത്തിപ്പിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

പേരാവൂര്‍ സഹകരണ ആശുപത്രി വില്‍പ്പന

5533.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കണ്ണൂര്‍ പേരാവൂര്‍ സഹകരണ ആശുപത്രി സ്വകാര്യ വ്യക്തിക്ക് വിറ്റിട്ടുണ്ടോ;

(ബി)	പ്രസ്തുത വില്‍പ്പനയുമായി ബന്ധപ്പെട്ട് ഉയര്‍ന്നുവന്ന ആരോപണങ്ങള്‍ അന്വേഷിച്ചിട്ടുണ്ടോ;

(സി)	അന്വേഷണത്തിലെ കണ്ടെത്തലുകള്‍ എന്തൊക്കെയാണ്; അതിന്റെ അടിസ്ഥാനത്തില്‍ സ്വീകരിച്ച നടപടികള്‍ വ്യക്തമാക്കുമോ?

കൃഷി വ്യാപനത്തിന് സഹകരണ ബാങ്കുകളുടെ പലിശരഹിത വായ്പ

5534.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ജില്ലാ സഹകരണ ബാങ്കുകളും കീഴിലുള്ള അനുബന്ധ ബാങ്കുകളും മുഖേന പച്ചക്കറി കൃഷി വ്യാപിപ്പിക്കാന്‍ പലിശരഹിത വായ്പ പദ്ധതി ആവിഷ്കരിച്ചിട്ടുണ്ടോ;

(ബി)	നിലവില്‍ ഏത് ജില്ലയിലാണ് ഈ പദ്ധതി നടപ്പിലാക്കി വരുന്നത്;

(സി)	കൂടുതല്‍ ജില്ലകളിലേക്ക് പദ്ധതി വ്യാപിപ്പിച്ച് കൂടുതല്‍ കര്‍ഷകര്‍ക്ക് ആനുകൂല്യം എത്തിക്കാനും പച്ചക്കറി കൃഷി വിപുലപ്പെടുത്താനും ആലോചിക്കുന്നുണ്ടോ; വിശദമാക്കാമോ?

സഹകരണ സ്ഥാപനങ്ങളുടെ കടം

5535.

(എ)	വായ്പ തിരിച്ചടവ് മുടങ്ങി വന്‍തുക കുടിശ്ശികയായ സഹകരണ സ്ഥാപനങ്ങളുടെ കടം സര്‍ക്കാര്‍ ഏറ്റെടുക്കുവാന്‍ തീരുമാനിച്ചിട്ടുണ്ടോ; വ്യക്തമാക്കുമോ;

(ബി)	റബ്കോയ്ക്ക് സംസ്ഥാന /ജില്ല സഹകരണ ബാങ്കുകളില്‍ എന്ത് തുക കുടിശ്ശികയുണ്ട്; ഇത് ഏറ്റെടുക്കുവാന്‍ തീരുമാനിച്ചിട്ടുണ്ടോ;

(സി)	ഇപ്രകാരമുള്ള കടം ഏറ്റെടുക്കുവാന്‍ തീരുമാനിച്ചത് ഏത് സാഹചര്യത്തിലാണ്; വെളിപ്പെടുത്താമോ?

സഹകരണ ബാങ്ക് ജീവനക്കാരുടെ ശമ്പള പരിഷ്കരണം

5536.

(എ)	പ്രാഥമിക സഹകരണ ബാങ്കുകളിലെ ജീവനക്കാരുടെ ശമ്പള പരിഷ്കരണ കമ്മീഷനെ എന്നത്തേയ്ക്ക് നിയമിക്കും;

(ബി)	ഇൗ കമ്മീഷനില്‍ ഏതൊക്കെ സംഘടനകള്‍ക്ക് പ്രാതിനിധ്യം നല്‍കുമെന്ന് വ്യക്തമാക്കുമോ;

(സി)	അര്‍ബന്‍ സഹകരണ സംഘങ്ങളിലെ ജീവനക്കാരുടെ ശമ്പള പരിഷ്കരണവും ഇൗ കമ്മീഷന്റെ പരിധിയില്‍ ഉള്‍പ്പെടുത്തുമോ എന്ന് അറിയിക്കുമോ?

സഹകരണ ബാങ്കുകളിലെ ജീവനക്കാരുടെ എണ്ണം

5537.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാന-ജില്ലാ സഹകരണ ബാങ്കുകളില്‍ നിലവിലുള്ള ജീവനക്കാരുടെ എണ്ണം അധികമാണെന്ന് ഇതുസംബന്ധിച്ച് പഠനം നടത്തിയ ടാസ്ക് ഫോഴ്സ് റിപ്പോര്‍ട്ട് സമര്‍പ്പിച്ചിട്ടുണ്ടോ;

(ബി)	എങ്കില്‍ സംസ്ഥാന സഹകരണ ബാങ്കിലും പതിനാല് ജില്ലാ സഹകരണ ബാങ്കുകളിലും നിലവില്‍ അധികമായിട്ടുള്ള ജീവനക്കാരുടെ എണ്ണം എത്രയാണെന്ന് വ്യക്തമാക്കുമോ?

സഹകരണ രജിസ്ട്രാറുടെ സര്‍ക്കുലര്‍

5538.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ സംഘങ്ങളിലെ ജീവനക്കാരുടെ ഒരുമാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കണമെന്ന് നിര്‍ദ്ദേശം നല്‍കിയിരുന്നോ;

(ബി)	ഇതിന്റെ അടിസ്ഥാനത്തില്‍ എന്ത് തുകയാണ് ഇതുവരെ ലഭിച്ചതെന്ന് അറിയിക്കുമോ;

(സി)	ഇതു സംബന്ധിച്ച് 2018 സെപ്റ്റംബര്‍ 17ന് സഹകരണ രജിസ്ട്രാര്‍ ഇറക്കിയ സര്‍ക്കുലര്‍ കേരള ഹെെക്കോടതി റദ്ദാക്കിയിരുന്നോ;

(ഡി)	എങ്കില്‍ അതിന്റെ കാരണമെന്തായിരുന്നുവെന്ന് വ്യക്തമാക്കുമോ?

വിരമിച്ച സഹകരണ ജീവനക്കാരുടെ ആനുകൂല്യങ്ങള്‍

5539.

(എ)	കോഴിക്കോട് ജില്ല സഹകരണ ബാങ്ക് സര്‍വീസില്‍ നിന്നും 1-4-2014 ന് ശേഷം വിരമിച്ച ജീവനക്കാര്‍ക്ക് നിയമാനുസരണം ലഭിക്കേണ്ട ഗ്രാറ്റിവിറ്റി നിഷേധിക്കപ്പെട്ട കാര്യം ശ്രദ്ധയില്‍പെട്ടിട്ടുണ്ടോ;

(ബി)	ഗ്രാറ്റിവിറ്റി ഇനത്തില്‍ എല്‍.ഐ.സി.യില്‍ നിന്നും ക്ലെയിം ചെയ്തു വാങ്ങിയ മുഴുവന്‍ തുകയും ജീവനക്കാര്‍ക്ക് നല്‍കണമെന്ന ഹൈക്കോടതി വിധിയുടെ ഉത്തരവ് WP(C) NO 33342/2017 നടപ്പിലാക്കാന്‍ കോഴിക്കോട് ജില്ലാ സഹകരണ ബാങ്കിന് നിര്‍ദ്ദേശം നല്‍കുമോ ?

സഹകരണ മേഖലയിലെ നിയമന മാനദണ്ഡങ്ങള്‍

5540.

(എ)	സഹകരണ മേഖലയില്‍ നിലവിലുള്ള നിയമന മാനദണ്ഡങ്ങള്‍ എന്തെല്ലാമെന്ന് വിശദമാക്കാമോ;

(ബി)	സഹകരണ മേഖലയിലെ ഒഴിവു വരുന്ന തസ്തികകള്‍ നികത്തുന്നതിനായി സ്വീകരിച്ചു വരുന്ന നടപടിക്രമങ്ങളെ സംബന്ധിച്ച പരാതികള്‍ ശ്രദ്ധയില്‍പ്പെട്ടിട്ടുണ്ടോ;

(സി)	ഇതു പരിഹരിക്കാനായി നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

ജില്ലാ സഹകരണ ബാങ്കുകളിലെ ഒഴിവുകള്‍

5541.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ജില്ലാ സഹകരണ ബാങ്കുകളില്‍ നിലവില്‍ ക്ലാര്‍ക്ക് കം കാഷ്യര്‍ തസ്തികയില്‍ ഒഴിവുകളുണ്ടോ; ബാങ്കുതിരിച്ചുള്ള വിശദാംശം ലഭ്യമാക്കുമോ;

(ബി)	2018 ജനുവരിക്ക് ശേഷം പ്രസ്തുത തസ്തികകളില്‍ നിയമനം നടത്തിയിട്ടുണ്ടോ; എങ്കില്‍ ഓരോ ബാങ്കിലും എത്ര പേര്‍ക്ക് നിയമനം നല്‍കിയെന്ന് വ്യക്തമാക്കുമോ;

(സി)	ജില്ലാ സഹകരണ ബാങ്കുകളിലെ ക്ലാര്‍ക്ക് കം കാഷ്യര്‍ ഒഴിവുകള്‍ സമയബന്ധിതമായി പി.എസ്.സി.യ്ക്ക് റിപ്പോര്‍ട്ട് ചെയ്യണമെന്ന് മനുഷ്യാവകാശ കമ്മീഷന്‍ ഉത്തരവായിട്ടുണ്ടോ;

(ഡി)	പ്രസ്തുത ഉത്തരവ് നടപ്പിലാക്കിയിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വെളിപ്പെടുത്താമോ?

വീടുകള്‍ നിര്‍മ്മിച്ചു നല്‍കുന്ന സഹകരണ സ്ഥാപനങ്ങള്‍

5542.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കെയര്‍ ഹോം പദ്ധതിയില്‍ ഉള്‍പ്പെടുത്തി ഏതെല്ലാം ജില്ലകളിലാണ് വീടുകള്‍ നിര്‍മ്മിച്ചു നല്‍കുന്നതെന്ന് വ്യക്തമാക്കുമാേ;

(ബി)	ഏതെല്ലാം സഹകരണ സ്ഥാപനങ്ങളാണ് പ്രസ്തുത പദ്ധതിയില്‍ പങ്കാളികളായിട്ടുള്ളതെന്ന് അറിയിക്കുമോ?

ടൂര്‍ പാക്കേജുകള്‍

5543.

ശ്രീ.കെ. ബാബു : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

ടൂറിസം വകുപ്പ് ടൂര്‍ പാക്കേജുകള്‍ നടത്തുന്നുണ്ടോ; ഉണ്ടെങ്കില്‍ ഏതെല്ലാം വിനോദസഞ്ചാര കേന്ദ്രങ്ങളിലെന്ന് വിശദമാക്കുമോ;

ടൂറിസം രംഗത്ത് നിയമാനുസൃത ലൈസന്‍സ്

5544.

(എ)	നിയമാനുസൃത ലൈസന്‍സ് ഇല്ലാതെ പ്രവര്‍ത്തിക്കുന്ന സ്ഥാപനങ്ങളും വ്യക്തികളും ടൂറിസം രംഗത്ത് സൃഷ്ടിക്കുന്ന പ്രശ്നങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്ത് നടപടിയാണ് കൈക്കൊളളുന്നതെന്ന് വ്യക്തമാക്കാമോ;

(ബി)	ടൂറിസം മേഖലയുമായി ബന്ധപ്പെട്ട പരാതികള്‍ പരിഹരിക്കുന്നതിന് നിലവിലുളള സംവിധാനം എന്താണ്; വിശദമാക്കുമോ;

(സി)	സേവനദാതാക്കളുടെ ഗുണനിലവാരം പരിശോധിച്ച് ടൂറിസം സേവനങ്ങള്‍ക്ക് നികുതിയും നിയമവിരുദ്ധ പ്രവര്‍ത്തനങ്ങള്‍ക്ക് പിഴയും നിശ്ചയിക്കുന്നതിനുളള ചുമതല ടൂറിസം റെഗുലേറ്ററി അതോറിറ്റിക്ക് നല്‍കുന്ന കാര്യം പരിഗണിക്കുമോയെന്ന് അറിയിക്കാമോ?

ടൂറിസം രംഗത്തെ അനന്തസാധ്യതകള്‍ പ്രയോജനപ്പെടുത്താൻ നടപടി

5545.

ശ്രീമതി.വീണാ ജോര്‍ജ്ജ്
ശ്രീ.കെ. ആന്‍സലന്‍
,, ബി.ഡി. ദേവസ്സി
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേവലം വിനോദസഞ്ചാരത്തിനപ്പുറം ഒരു ആഗോള വ്യവസായസംരംഭമായി ടൂറിസം വളര്‍ന്നുവരുന്നത് വിലയിരുത്തിയിട്ടുണ്ടോ;

(ബി)	ഈ മേഖലയിലുള്ള അനന്തമായ സാധ്യതകള്‍ പ്രയോജനപ്പെടുത്തുന്നതിനായി എന്തെല്ലാം പദ്ധതികളാണ് സംസ്ഥാനത്ത് പുതുതായി ആസൂത്രണം ചെയ്തുവരുന്നതെന്ന് അറിയിക്കുമോ;

(സി)	വിനോദസഞ്ചാരത്തോടൊപ്പം ആരോഗ്യ, വിദ്യാഭ്യാസ, വൈജ്ഞാനിക ടൂറിസവും പഠനയാത്രകളും പ്രോത്സാഹിപ്പിക്കുക വഴി സീസണുകളെ മാത്രം അശ്രയിക്കുന്നത് ഒഴിവാക്കുന്നതിനും സ്ഥിരവരുമാനദായകമാക്കുന്നതിനും കഴിയുമെന്ന വസ്തുത വിലയിരുത്തിയിട്ടുണ്ടോ;

(ഡി)	സംസ്ഥാനത്ത് പ്രവര്‍ത്തിക്കുന്ന ടൂറിസം സഹകരണസംഘങ്ങള്‍ സീസണുകളെ മാത്രം ആശ്രയിക്കാതെ സ്ഥിരവരുമാനം ലഭിക്കുന്ന തരത്തില്‍ വിദ്യാഭ്യാസ, ആരോഗ്യ, വൈജ്ഞാനികമേഖലകളിലെ പ്രവര്‍ത്തനങ്ങള്‍ കൂടി ഏറ്റെടുക്കുന്നത് പ്രോത്സാഹിപ്പിക്കുവാന്‍ നടപടി സ്വീകരിക്കുമോയെന്ന് വ്യക്തമാക്കാമോ?

ടൂറിസം മേഖലയിൽ പ്രളയനാന്തരമുള്ള സാമ്പത്തികപ്രതിസന്ധി

5546.

(എ)	പ്രളയത്തിന് ശേഷം സംസ്ഥാനത്തെ ടൂറിസം മേഖല കടുത്ത സാമ്പത്തിക പ്രതിസന്ധി നേരിടുന്നുവെന്നത് വസ്തുതയാണോയെന്നറിയിക്കുമോ;

(ബി)	2018 ല്‍ വിനോദസഞ്ചാരമേഖലയിലെ വരുമാനത്തില്‍ ഇടിവുണ്ടായിട്ടുണ്ടോ;വിശദമാക്കുമോ;

(സി)	വിനോദസഞ്ചാരമേഖലയോട് അനുബന്ധിച്ച് പ്രവര്‍ത്തിക്കുന്ന കരകൗശലവ്യവസായം മുതല്‍ ഹൗസ് ബോട്ട് വരെയുള്ള മേഖലകളില്‍ തൊഴിലില്ലായ്മ രൂക്ഷമാണെന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ ഈ മേഖലയെ രക്ഷിക്കുന്നതിന് സര്‍ക്കാര്‍ എന്ത് ഇടപെടലാണ് നടത്തുന്നത്; വ്യക്തമാക്കുമോ?

വിനോദസഞ്ചാര കേന്ദ്രങ്ങള്‍ ഭിന്നശേഷി സൗഹൃദമാക്കുന്നതിന് നടപടി

5547.

(എ)	ടൂറിസം നയത്തിന്റെ ഭാഗമായി സംസ്ഥാനത്തെ വിനോദസഞ്ചാരകേന്ദ്രങ്ങള്‍ ഭിന്നശേഷി സൗഹൃദമാക്കാൻ തീരുമാനിച്ചിട്ടുണ്ടോ എന്നറിയിക്കാമോ;

(ബി)	ഇതിന്റെ ഭാഗമായി ഇതിനകം സ്വീകരിച്ച നടപടികള്‍ എന്തൊക്കെയാണ് എന്ന് വ്യക്തമാക്കാമോ;

(സി)	വിനോദസഞ്ചാരകേന്ദ്രങ്ങളില്‍ ഭിന്നശേഷിക്കാര്‍ക്കായി അടിസ്ഥാനസൗകര്യങ്ങള്‍ ഒരുക്കുന്നതുവഴി വിദേശത്തുനിന്നുള്ള ഭിന്നശേഷിക്കാരായ വിനോദസഞ്ചാരികളെക്കൂടി സംസ്ഥാനത്തേക്ക് ആകര്‍ഷിക്കുന്നതിന് വേണ്ട നടപടി സ്വീകരിക്കുമോ?

വിനോദസഞ്ചാരമേഖല പരിസ്ഥിതി സൗഹൃദമാക്കാൻ നടപടി

5548.

(എ)	സംസ്ഥാനത്തെ വിനോദസഞ്ചാര മേഖല കൂടുതല്‍ പരിസ്ഥിതി സൗഹൃദമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുളളത്; വ്യക്തമാക്കുമോ;

(ബി)	ക്ലീന്‍ സാനിട്ടേഷന്‍ ക്യാമ്പയിൻ മുഖേന വിനോദസഞ്ചാരമേഖലകളിൽ മാലിന്യസംസ്ക്കരണവും ശുചീകരണപ്രവർത്തനങ്ങളും നടപ്പിലാക്കിവരുന്നുണ്ടോ; വിശദമാക്കുമോ;

(സി)	ടൂറിസം നയത്തിന്റെ ഭാഗമായി പ്രസ്തുത മേഖലയില്‍ ഹരിത പെരുമാറ്റച്ചട്ടം നടപ്പിലാക്കുന്നതിന് സ്വീകരിച്ച നടപടികള്‍ എന്തൊക്കെയാണ്;

(ഡി)	ഗ്രീന്‍ സര്‍ട്ടിഫിക്കേഷനില്‍ ടൂറിസം കേന്ദ്രങ്ങളെ ഉള്‍പ്പെടുത്തുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ?

വിനോദസഞ്ചാരകേന്ദ്രങ്ങളില്‍ എത്തുന്ന ഭിന്നശേഷിക്കാര്‍ക്ക് സജ്ജീകരണങ്ങള്‍

5549.

(എ)	സംസ്ഥാനത്തെ വിനോദസഞ്ചാരകേന്ദ്രങ്ങളില്‍ എത്തുന്ന ഭിന്നശേഷിക്കാര്‍ക്ക് ആവശ്യമായ സജ്ജീകരണങ്ങള്‍ ഇല്ലാത്തതുമൂലം പലപ്പോഴും ബുദ്ധിമുട്ടുകള്‍ നേരിടേണ്ടിവരുന്നുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി)	സംസ്ഥാനത്തെ പ്രധാന വിനോദസഞ്ചാരകേന്ദ്രങ്ങള്‍ ഭിന്നശേഷി സൗഹൃദമാക്കുന്നതിന് എന്തെങ്കിലും പദ്ധതി ആസൂത്രണം ചെയ്തിട്ടുണ്ടോ; എങ്കില്‍ എന്തെല്ലാം സൗകര്യങ്ങളാണ് ഇവര്‍ക്കായി ഇത്തരം കേന്ദ്രങ്ങളില്‍ ഒരുക്കുന്നതിന് ആലോചിക്കുന്നതെന്ന് വ്യക്തമാക്കുമോ?

ടൂറിസം രംഗത്ത് മാനവശേഷി വികസനം

5550.

ശ്രീ.മുല്ലക്കര രത്നാകരന്‍
,, ജി.എസ്.ജയലാല്‍
,, കെ. രാജന്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ടൂറിസം രംഗത്ത് മാനവശേഷി വികസനം ലക്ഷ്യമിട്ട് നടപ്പാക്കുന്ന പദ്ധതികള്‍ വ്യക്തമാക്കുമോ;

(ബി)	ശിവഗിരിയും സമീപ തീര്‍ത്ഥാടനകേന്ദ്രങ്ങളും ഉള്‍ക്കൊള്ളിച്ച് തീര്‍ത്ഥാടന ടൂറിസം പദ്ധതി നടപ്പാക്കുന്നുണ്ടോ; വിശദവിവരങ്ങള്‍ ലഭ്യമാക്കുമോ; ഈ പദ്ധതിക്ക് ആവശ്യമായ കേന്ദ്രാനുമതി ലഭ്യമായിട്ടുണ്ടോ; വ്യക്തമാക്കുമോ;

(സി)	ചെമ്പഴന്തി ശ്രീനാരായണ ഗുരുകൂലത്തില്‍ എന്തൊക്കെ പുതിയ സൗകര്യങ്ങളാണ് നടപ്പാക്കുന്നതെന്ന് വ്യക്തമാക്കുമോ;

(ഡി)	വേളി ടൂറിസ്റ്റ് വില്ലേജില്‍ നടപ്പാക്കുന്ന വികസനപ്രവര്‍ത്തനങ്ങള്‍ സംബന്ധിച്ച വിവരങ്ങള്‍ ലഭ്യമാക്കുമോ;

(ഇ)	വര്‍ക്കലയുടെ സമഗ്രവികസനം ലക്ഷ്യമിട്ട് നടപ്പാക്കുന്ന മാസ്റ്റര്‍ പ്ലാന്‍ സംബന്ധിച്ച വിവരങ്ങള്‍ ലഭ്യമാക്കുമോ?

ഇക്കോ ടൂറിസം പദ്ധതികൾ

T 5551.

(എ)	പരിസ്ഥിതി പ്രാധാന്യമുള്ള ഇക്കോ ടൂറിസം മേഖലകളില്‍ പ്രകൃതിക്കും സ്വാഭാവിക ജൈവവൈവിധ്യത്തിനും യാതൊരു കോട്ടവും തട്ടാതെ ടൂറിസം പദ്ധതികള്‍ ആവിഷ്ക്കരിക്കുന്നതിന് നടപടി സ്വീകരിച്ചിട്ടുണ്ടോ എന്ന് വ്യക്തമാക്കാമോ;

(ബി)	കേരളത്തിലെ ഇക്കോ ടൂറിസം കേന്ദ്രങ്ങളിലെ സന്ദര്‍ശക വാഹകശേഷി കണക്കാക്കിയിട്ടുണ്ടോ;ഇതനുസരിച്ചുള്ള സന്ദര്‍ശകരെയാണോ പ്രസ്തുത മേഖലയില്‍ സന്ദർശനത്തിന് അനുവദിക്കുന്നത്;വ്യക്തമാക്കാമോ;

(സി)	ഇത്തരം ഇക്കോ ടൂറിസം മേഖലകളില്‍ മുന്‍കൂട്ടിയുള്ള ഓണ്‍ലൈന്‍ ബുക്കിംഗ് സംവിധാനം ഏര്‍പ്പെടുത്തി നിയന്ത്രിതമായി സന്ദര്‍ശകരെ പ്രവേശിപ്പിക്കുന്ന കാര്യം പരിശോധിക്കുമോ;

(ഡി)	ഇക്കോ ടൂറിസം കേന്ദ്രങ്ങള്‍ പൂര്‍ണ്ണമായും പ്ലാസ്റ്റിക് മുക്തമാക്കുന്നതിന് കഴിഞ്ഞിട്ടുണ്ടോ; ഇല്ലെങ്കില്‍ ഇക്കാര്യത്തില്‍ കര്‍ശനനടപടി സ്വീകരിക്കുമോ;

(ഇ)	ഇക്കോ ടൂറിസം പദ്ധതികള്‍ നടപ്പിലാക്കുമ്പോള്‍ പരിസ്ഥിതിക്ക് അനുയോജ്യമായ രീതിയില്‍ അവ ആസൂത്രണം ചെയ്യുന്നതിനും പരിസ്ഥിതിയെ ദോഷകരമായി ബാധിക്കുന്ന യാതൊരുവിധ നിര്‍മ്മാണപ്രവര്‍ത്തനങ്ങളും ഇത്തരം മേഖലകളിൽ നടത്തുന്നില്ലെന്ന് ഉറപ്പ് വരുത്തുന്നതിനും വേണ്ട നടപടി സ്വീകരിക്കുമോ എന്നറിയിക്കാമോ?

ഇക്കോ ടൂറിസം മേഖലയുടെ വികസനം

T 5552.

ശ്രീ.കെ. ആന്‍സലന്‍
പ്രൊഫ.കെ.യു. അരുണന്‍
ശ്രീ.എ. എന്‍. ഷംസീര്‍
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പരിസ്ഥിതി വിനോദസഞ്ചാര മേഖലയുടെ വികസനത്തിനായി എന്തെല്ലാം പദ്ധതികളാണ് ആവിഷ്കരിച്ചുവരുന്നതെന്ന് വ്യക്തമാക്കാമോ;

(ബി)	സന്ദര്‍ശകര്‍ ധാരാളമായി എത്തിച്ചേരുന്ന ഇക്കോ ടൂറിസം കേന്ദ്രങ്ങളിലെ ടൂറിസം സാദ്ധ്യതകള്‍ വര്‍ദ്ധിപ്പിക്കുന്നതിനും അടിസ്ഥാനസൗകര്യങ്ങള്‍ വികസിപ്പിക്കുന്നതിനും സ്വീകരിച്ചിട്ടുള്ള നടപടികള്‍ വിശദമാക്കാമോ;

(സി)	വനമേഖലയെ ആശ്രയിച്ചുകഴിയുന്ന ജനവിഭാഗങ്ങളുടെ ഉപജീവനമാര്‍ഗ്ഗങ്ങള്‍ മെച്ചപ്പെടുത്താന്‍ ഈ പദ്ധതിയില്‍ എന്തെല്ലാം കാര്യങ്ങളാണ് ഉള്‍പ്പെടുത്തിയിട്ടുള്ളതെന്ന് വ്യക്തമാക്കുമോ;

(ഡി)	ഇക്കോ ടൂറിസം ഉല്പന്നങ്ങള്‍ വികസിപ്പിക്കുന്നതിനും അവയ്ക്ക് കൂടുതല്‍ വിപണന സാധ്യതകള്‍ കണ്ടെത്തുന്നതിനും സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കാമോ?

കെ.ടി.ഡി.സി. യുടെ നവീകരണം

5553.

(എ)	കെ.ടി.ഡി.സി. സ്വകാര്യമേഖലയുമായി മത്സരിക്കുന്നതിനും ടൂറിസം രംഗത്ത് തനത് മുദ്ര പതിപ്പിക്കുന്നതിനുമായി സര്‍ക്കാര്‍ സ്വീകരിച്ചിട്ടുളള നടപടികള്‍ എന്തൊക്കെയാണ്; വിശദമാക്കുമോ;

(ബി)	മാറുന്ന കാലത്തിനും ടൂറിസ്റ്റുകളുടെ അഭിരുചിക്കും അനുസൃതമായി മാറുന്നതിന് കെ.ടി.ഡി.സിക്ക് സാധിക്കുന്നില്ല എന്ന വിമര്‍ശനം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്തൊക്കെ ഇടപെടല്‍ നടത്തുവാനാണ് ഉദ്ദേശിക്കുന്നതെന്ന് വിവരിക്കാമോ;

(സി)	കെ.ടി.ഡി.സി.യെ പൂര്‍ണ്ണമായും നവീകരിക്കുന്നതിന് അടിയന്തരനടപടി സ്വീകരിക്കുമോ;

(ഡി)	ഈ സര്‍ക്കാര്‍ നിലവില്‍വന്നശേഷം കെ.ടി.ഡി.സി.യില്‍ ആവിഷ്ക്കരിച്ച പുതിയ പദ്ധതികള്‍ എന്തൊക്കെയാണ്; അതിലൂടെ കെ.ടി.ഡി.സി.യുടെ വരുമാനം വര്‍ദ്ധിപ്പിക്കുവാന്‍ സാധിച്ചിട്ടുണ്ടോ; വ്യക്തമാക്കുമോ?

കോവളം-പൂവാർ ടൂറിസം കോറിഡോർ

5554.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കോവളം-പൂവാർ ടൂറിസം കോറിഡോർ എന്ന പേരിൽ ടൂറിസം മാസ്റ്റർപ്ലാൻ തയ്യാറാക്കിയിട്ടുണ്ടോ; എങ്കിൽ വിശദാംശങ്ങൾ നൽകാമോ;

(ബി)	സൈലന്റ് വാലി ടൂറിസം പാർക്ക്, കോവളം-കരിച്ചൽ റിവർ ഓവർ ബ്രിഡ്ജ് എന്നിവ പ്രസ്തുത മാസ്റ്റർപ്ലാനിൽ ഉൾപ്പെട്ടവയാണോ;

(സി)	പ്രസ്തുത പാർക്കിന്റെയും ബ്രിഡ്ജിന്റെയും അടങ്കൽ തുക എത്രയാണെന്നും നിർമ്മാണം ആരംഭിച്ചതെന്നാണെന്നും എക്സിക്യൂട്ടീവ് എഞ്ചിനീയർ ആരാണെന്നുമുള്ള വിവരങ്ങൾ ലഭ്യമാക്കുമോ;

(ഡി)	ഇവയുടെ നിർമ്മാണം നിർത്തിവയ്ക്കാനുണ്ടായ കാരണം വ്യക്തമാക്കാമോ;

(ഇ)	ഇവയുടെ നിർമ്മാണത്തിന് ഇതുവരെ എത്ര തുക ചെലവാക്കിയിട്ടുണ്ടെന്ന് വെളിപ്പെടുത്താമോ?

ബോട്ട് സര്‍വ്വീസുകള്‍ ആരംഭിക്കുന്നതിന് നടപടി

5555.

ശ്രീ.ബി.സത്യന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

പണയില്‍ക്കടവ്,മൂങ്ങോട്,അഞ്ചുതെങ്ങ്, കഠിനംകുളം,പെരുമാതുറ പ്രദേശങ്ങളിലെ ടൂറിസം സാധ്യത പ്രയോജനപ്പെടുത്തി പ്രസ്തുത പ്രദേശത്ത് ബോട്ട് സര്‍വ്വീസുകള്‍ ആരംഭിക്കുന്ന കാര്യം വകുപ്പിന്റെ പരിഗണനയില്‍ ഉണ്ടോ; ഇത് സംബന്ധിച്ച് പദ്ധതി തയ്യാറാക്കിയിട്ടുണ്ടോ; വിശദമാക്കുമോ?

ഇടുക്കി ഡാമിനോട് ചേർന്നുള്ള ടൂറിസം പദ്ധതികള്‍

5556.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ടൂറിസം പദ്ധതിയുടെ ഭാഗമായി ഇടുക്കി ആര്‍ച്ച് ഡാമിനോട് ചേര്‍ന്ന് ലേസര്‍ ഷോ ആരംഭിക്കുന്നതിന് സര്‍ക്കാര്‍ പദ്ധതി തയ്യാറാക്കിയിട്ടുണ്ടോ;എങ്കിൽ ഇതിന്റെ പ്രവൃത്തി ഏത് ഘട്ടത്തിലാണെന്ന്‌ വിശദമാക്കാമോ;

(ബി)	സഞ്ചാരികളെ ആകര്‍ഷിക്കുന്നതിനുവേണ്ടി ഇടുക്കി ആര്‍ച്ച് ഡാമിനോട് ചേർന്ന് അക്വേറിയം നിര്‍മ്മിക്കാൻ പദ്ധതിയുണ്ടോ എന്നറിയിക്കാമോ;

മഞ്ചേരി മണ്ഡലത്തിലെ ടൂറിസം പദ്ധതികള്‍

5557.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ ടൂറിസം വകുപ്പ് മുഖേന മഞ്ചേരി നിയോജകമണ്ഡലത്തില്‍ എന്തെല്ലാം പദ്ധതികളാണ് നടപ്പിലാക്കിയിട്ടുള്ളത്; വിശദമാക്കാമോ;

(ബി)	പുതിയ ഏതെല്ലാം പദ്ധതികളാണ് മണ്ഡലത്തില്‍ നടപ്പിലാക്കാന്‍ ഉദ്ദേശിക്കുന്നതെന്ന് അറിയിക്കാമോ ?

പിറവത്തെ ടൂറിസം വാക്ക്‍വേ നിർമ്മാണം

5558.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പിറവം പള്ളിത്താഴം മുതല്‍ ചാലാശ്ശേരി കടവ് വരെയും സബര്‍ബൻ മാള്‍ മുതല്‍ ആറ്റുതീരം പാര്‍ക്ക് വരെയും ടൂറിസം വാക്ക്‍വേ നിര്‍മ്മിക്കുന്നതിനായി എന്തെങ്കിലും നിര്‍ദ്ദേശം സമര്‍പ്പിക്കപ്പെട്ടിട്ടുണ്ടോ എന്നറിയിക്കുമോ;

(ബി)	എങ്കിൽ പ്രസ്തുത നിര്‍ദ്ദേശത്തിന്മേല്‍ സ്വീകരിച്ച നടപടികള്‍ വ്യക്തമാക്കുമോ?

നമ്പികുളം ഇക്കോ ടൂറിസം പദ്ധതി

5559.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ബാലുശ്ശേരി ടൂറിസം കോറിഡോറിന്റെ ഭാഗമായ നമ്പികുളം ഇക്കോ ടൂറിസം പദ്ധതിയുടെ പ്രവൃത്തി ഏത് ഘട്ടത്തിലാണെന്നറിയിക്കാമോ;

(ബി)	സമയബന്ധിതമായി ഈ പ്രവൃത്തി പൂര്‍ത്തീകരിക്കുന്നതിനായി സ്വീകരിച്ചിട്ടുള്ള നടപടികള്‍ വ്യക്തമാക്കാമോ; പദ്ധതി എപ്പോള്‍ പൂര്‍ത്തിയാക്കാന്‍ കഴിയുമെന്നാണ് കരുതുന്നതെന്ന് അറിയിക്കാമോ?

അഴീക്കോട് മുനക്കല്‍ മുസരീസ് ബീച്ച്

5560.

(എ)	കേരളത്തിലെ ഏറ്റവും വലിയ ബീച്ചുകളിലൊന്നായ കയ്പമംഗലം നിയോജക മണ്ഡലത്തിലെ അഴീക്കോട്, മുനക്കല്‍ മുസിരീസ് ബീച്ചില്‍ വിനോദസഞ്ചാര വികസനവുമായി ബന്ധപ്പെട്ട് എന്തെല്ലാം വികസനപ്രവര്‍ത്തനങ്ങള്‍ നടത്തുവാനാണ് ഉദ്ദേശിക്കുന്നത്; വിശദാംശങ്ങള്‍ ലഭ്യമാക്കുമോ;

(ബി)	ഈ ബീച്ചില്‍ കാണപ്പെടുന്ന ഡോള്‍ഫിനുകളെ വിനോദസഞ്ചാരികള്‍ക്ക് കാണുവാൻ സാധിക്കുന്ന രീതിയിലുള്ള ഏതെങ്കിലും പദ്ധതി നടപ്പിലാക്കുമോ;

(സി)	അറുപത് ഏക്കറോളം വിസ്തൃതിയില്‍ കിടക്കുന്ന ഈ ബീച്ചിന്റെ വികസനത്തിന് വേണ്ടി സംസ്ഥാന വിനോദസഞ്ചാര വകുപ്പിന്റെ മേല്‍നോട്ടത്തില്‍ ഭാവി വികസനത്തിന് വേണ്ടിയുള്ള ഒരു മാസ്റ്റര്‍ പ്ലാന്‍ തയ്യാറാക്കുവാന്‍ നടപടികള്‍ സ്വീകരിക്കുമോ എന്നറിയിക്കാമോ?

അനങ്ങന്‍മല ഇക്കോ ടൂറിസം പദ്ധതി

5561.

ശ്രീ.പി.കെ. ശശി : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

ഷൊര്‍ണ്ണൂര്‍ മണ്ഡലത്തിലെ അനങ്ങന്‍മല ഇക്കോ ടൂറിസം പദ്ധതിയുടെ രണ്ടാംഘട്ട വികസനത്തിന് ടൂറിസം വകുപ്പ് എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് വ്യക്തമാക്കാമോ?

കാസര്‍ഗോഡ് ജില്ലയിലെ ടൂറിസം പദ്ധതികള്‍

5562.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ജില്ലാഭരണകൂടത്തിന്റെ കീഴില്‍ ഈ അടുത്ത കാലത്തായി കാസര്‍ഗോഡ് ജില്ലയില്‍ ഏതെങ്കിലും ടൂറിസം പദ്ധതി നടപ്പാക്കിയിട്ടുണ്ടോ; എങ്കില്‍ വിശദാംശം നല്‍കാമോ;

(ബി)	ജില്ലാഭരണകൂടം ടൂറിസവുമായി ബന്ധപ്പെട്ട എസ്റ്റിമേറ്റുകളോ പ്രോജക്ടുകളോ ഇപ്പോള്‍ തയ്യാറാക്കി വരുന്നുണ്ടോ; എങ്കില്‍ വിശദാംശം നല്‍കാമോ;

(സി)	മുകളില്‍ പറഞ്ഞ രണ്ടിനങ്ങള്‍ക്കുമായി ടൂറിസം വകുപ്പ് ജില്ലാഭരണകൂടത്തിന് അനുവദിച്ച തുകയും അനുവദിക്കാനിരിക്കുന്ന തുകയും എത്രയാണെന്ന് വ്യക്തമാക്കാമോ;

(ഡി)	ടൂറിസം വകുപ്പിന്റെ കീഴില്‍ കാസര്‍ഗോഡ് ജില്ലയില്‍ പ്രവര്‍ത്തിക്കുന്ന ഓഫീസുകളും ഉദ്യോഗസ്ഥന്മാരും അവരുടെ ഒൗദ്യോഗിക ഉത്തരവാദിത്തങ്ങളും സംബന്ധിച്ച വിശദാംശം നല്‍കാമോ?

വിനോദസഞ്ചാര കപ്പലുകള്‍ക്കായി ക്രൂസ് ടെര്‍മിനല്‍

5563.

(എ)	കൊച്ചി തുറമുഖത്ത് വിനോദസഞ്ചാര കപ്പലുകള്‍ക്കായി നിര്‍മ്മിക്കുന്ന ക്രൂസ് ടെര്‍മിനലിന്റെ പ്രവര്‍ത്തനപുരോഗതി വിശദമാക്കാമോ;

(ബി)	ഇതിനായി എത്ര തുകയാണ് അനുവദിച്ചിട്ടുള്ളത്; ഭരണാനുമതിയുടെ പകര്‍പ്പ് ലഭ്യമാക്കാമോ?

പയ്യന്നൂരിലെ മലബാര്‍ റിവര്‍ ക്രൂയിസ് ടൂറിസം പദ്ധതി

5564.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	മലബാര്‍ റിവര്‍ ക്രൂയിസ് ടൂറിസം പദ്ധതിയുടെ ഭാഗമായി പയ്യന്നൂര്‍ നിയോജകമണ്ഡലത്തില്‍ നടപ്പിലാക്കിയ പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

(ബി)	പ്രസ്തുത പദ്ധതിയുടെ ഭാഗമായി പയ്യന്നൂര്‍ നിയോജകമണ്ഡലത്തിലെ ഏതെല്ലാം പദ്ധതികൾക്കാണ് ഇനി ഭരണാനുമതി ലഭിക്കാനുളളതെന്ന് വ്യക്തമാക്കുമോ?

തുഷാരഗിരിയിലെ ടൂറിസം കോട്ടേജുകള്‍

5565.

(എ)	തുഷാരിഗിരിയിൽ ഡി.റ്റി.പി.സി.യുടെ അധീനതയിലുള്ള ടൂറിസം കോട്ടേജുകളുടെ പ്രവര്‍ത്തനം ആരംഭിക്കാത്ത വിഷയം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ അതിനുള്ള കാരണം വിശദമാക്കുമോ;

(സി)	പ്രസ്തുത കോട്ടേജുകള്‍ കെ.റ്റി.ഡി.സി.യെക്കൊണ്ട് ഏറ്റെടുപ്പിച്ച് അവയുടെ പ്രവര്‍ത്തനമാരംഭിക്കുന്നതിന് നടപടികള്‍ സ്വീകരിക്കുമോ എന്ന് അറിയിക്കാമോ?

വള്ളിക്കുന്ന് മണ്ഡലത്തിലെ പുഴയോര ടൂറിസം പദ്ധതി

5566.

(എ)	വള്ളിക്കുന്ന് മണ്ഡലത്തിലെ വള്ളിക്കുന്ന്, തേഞ്ഞിപ്പലം, മൂന്നിയൂര്‍, ചേലേമ്പ്ര ബന്ധപ്പെടുത്തിയിള്ള പുഴയോര ടൂറിസം പദ്ധതിയുമായി ബന്ധപ്പെട്ട് 2017-ല്‍ വകുപ്പ് ഉദ്യോഗസ്ഥര്‍ സ്ഥലസന്ദര്‍ശനം നടത്തിയിരുന്നുവോ;

(ബി)	ഇതിന്മേല്‍ എന്തെങ്കിലും തുടര്‍നടപടികള്‍ സ്വീകരിക്കാന്‍ ഉദ്ദേശിക്കുന്നുണ്ടോയെന്ന് വെളിപ്പെടുത്താമോ?

കരിയാത്തന്‍പാറ ടൂറിസ്റ്റ് കേന്ദ്രം

5567.

(എ)	ബാലുശ്ശേരി ടൂറിസം കോറിഡോറിന്റെ പ്രധാന ഡെസ്റ്റിനേഷനുകളില്‍ ഒന്നായ കരിയാത്തന്‍പാറ ടൂറിസ്റ്റ് കേന്ദ്രത്തില്‍ അടിസ്ഥാന സൗകര്യവികസനത്തിനായി പദ്ധതി തയ്യാറാക്കിയിട്ടുണ്ടോ;

(ബി)	ഇല്ലെങ്കില്‍ കരിയാത്തന്‍പാറ ടൂറിസം പദ്ധതി കൂടുതല്‍ സഞ്ചാരികളെ ആകര്‍ഷിക്കുന്ന രീതിയില്‍ മെച്ചപ്പെടുത്തുന്നതിനായി മാസ്റ്റര്‍ പ്ലാന്‍ തയ്യാറാക്കാന്‍ സര്‍ക്കാര്‍ തയ്യാറാകുമോ എന്നറിയിക്കാമോ?

കടലുകാണിപ്പാറയില്‍ ടൂറിസം വകുപ്പിന്റെ ഭൂമി

5568.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ആറ്റിങ്ങല്‍ നിയോജകമണ്ഡലത്തിലെ പുളിമാത്ത് കടലുകാണിപ്പാറയില്‍ എത്ര ഭൂമിയാണ് ടൂറിസം വകുപ്പിന്റെ അധീനതയില്‍ ഉള്ളത് എന്ന് വെളിപ്പെടുത്താമോ;

(ബി)	ജി.ഒ(ആര്‍.റ്റി)896/2002/RD തീയതി 08.05.2002 ഉത്തരവ് പ്രകാരം റവന്യൂ വകുപ്പില്‍നിന്നും കൈമാറി ലഭിച്ച ഭൂമി ടൂറിസം വകുപ്പിന്റെ ഉടമസ്ഥതയിലേക്ക് മാറ്റാന്‍ നടപടി സ്വീകരിച്ചിട്ടുണ്ടോ എന്നറിയിക്കുമോ?

പശ്ചിമ കൊച്ചിയിലെ വാക‍്‍വേയുടെ ഉടമസ്ഥാവകാശം

5569.

(എ)	പശ്ചിമ കൊച്ചിയില്‍ ബി.ഒ.റ്റി. പാലം മുതല്‍ കണ്ണങ്ങാട്ട്-വെല്ലിംഗ്ടണ്‍ ഐലന്റ് പാലം വരെ കായലിനോട് ചേര്‍ന്ന് നിര്‍മ്മിച്ചിട്ടുള്ള വാക‍്‍വേയുടെ ഉടമസ്ഥാവകാശം ആര്‍ക്കാണെന്ന് വ്യക്തമാക്കാമോ;

(ബി)	ഏതെല്ലാം വകുപ്പില്‍ നിന്നുള്ള തുക വിനിയോഗിച്ചാണ് ഇതിന്റെ നിര്‍മ്മാണം നടത്തിയിട്ടുള്ളതെന്നും ഇതിന്റെ നടത്തിപ്പവകാശം ആര്‍ക്കാണെന്നും വ്യക്തമാക്കാമോ?

ദേവസ്വം നിയമനങ്ങളിലെ സംവരണം

5570.

ശ്രീ.ഇ.കെ.വിജയന്‍
,, ചിറ്റയം ഗോപകുമാര്‍
,, ജി.എസ്.ജയലാല്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ദേവസ്വം നിയമനങ്ങളില്‍ സംവരണം ലഭിക്കുന്ന വിഭാഗങ്ങള്‍ക്കുള്ള സംവരണതോതില്‍ ഈ സര്‍ക്കാര്‍ വരുത്തിയ മാറ്റങ്ങള്‍ വിശദമാക്കുമോ;

(ബി)	ദേവസ്വം റിക്രൂട്ട്മെന്റ് ബോര്‍ഡിന്റെ പ്രവര്‍ത്തനം സംബന്ധിച്ച വിശദാംശങ്ങൾ ലഭ്യമാക്കുമോ;

(സി)	ദേവസ്വം റിക്രൂട്ട്മെന്റ് ബോര്‍ഡ് മുഖേന തിരുവിതാംകൂര്‍ ദേവസ്വം ബോര്‍ഡില്‍ സംവരണതത്വം പാലിച്ചുകൊണ്ട് നാളിതുവരെ നടത്തിയ നിയമനങ്ങളുടെ വിശദവിവരങ്ങള്‍ ലഭ്യമാക്കുമോ;

(ഡി)	ദേവസ്വം റിക്രൂട്ട്മെന്റ് ബോര്‍ഡ് മുഖേന കൊച്ചിന്‍ ദേവസ്വം ബോര്‍ഡില്‍ സംവരണതത്വം പാലിച്ചുകൊണ്ട് നാളിതുവരെ നടത്തിയ പിന്നോക്ക, പട്ടികജാതി, പട്ടികവര്‍ഗ്ഗ നിയമനങ്ങള്‍ സംബന്ധിച്ച വിശദാംശങ്ങൾ അറിയിക്കുമോ;

(ഇ)	തിരുവിതാംകൂര്‍ ദേവസ്വം ബോര്‍ഡില്‍ അസിസ്റ്റന്റ് എഞ്ചിനീയര്‍, ഓവര്‍സീയര്‍ തുടങ്ങിയ ഉന്നത തസ്തികകളില്‍ സംവരണതത്വം പാലിച്ചുകൊണ്ട് നിയമനങ്ങള്‍ നടത്തുന്നുണ്ടോ; വ്യക്തമാക്കുമോ;

(എഫ്)

ദേവസ്വം നിയമനങ്ങളില്‍ മുന്നോക്ക വിഭാഗങ്ങളിലെ സാമ്പത്തികമായി പിന്നോക്കം നില്ക്കുന്നവര്‍ക്ക് പത്തുശതമാനം സംവരണം അനുവദിച്ചിട്ടുണ്ടോ; എങ്കില്‍ ആയത് നടപ്പാക്കുന്നത് സംബന്ധിച്ച വിശദാംശങ്ങൾ ലഭ്യമാക്കുമോ?

ക്ഷേത്രങ്ങൾ നവീകരിക്കുന്നതിന് ധനസഹായം

5571.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പഴക്കമുളളതും നാശോന്മുഖമായിട്ടുളളതുമായ ക്ഷേത്രങ്ങളെ നവീകരിക്കുന്നതിന് ദേവസ്വം ബോര്‍ഡ് സാമ്പത്തിക സഹായം നല്‍കാറുണ്ടോ;

(ബി)	ഉണ്ടെങ്കില്‍ സാമ്പത്തിക സഹായം നല്‍കുന്നതിനുളള മാനദണ്ഡങ്ങള്‍ എന്തെല്ലാമാണ്;

(സി)	മലബാര്‍ ദേവസ്വം ബോര്‍ഡിന് കീഴില്‍ ഇത്തരത്തില്‍ ഏതെങ്കിലും ക്ഷേത്രങ്ങള്‍ക്ക് ധനസഹായം ലഭിച്ചിട്ടുണ്ടോ; വിശദമാക്കുമോ?

ശബരിമല വികസന പദ്ധതിയ്ക്ക് തുക

5572.

ശ്രീ.രാജു എബ്രഹാം : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

ശബരിമല വികസനം ലക്ഷ്യമിട്ട് ഇത്തവണത്തെ ബജറ്റില്‍ വകയിരുത്തിയിട്ടുള്ള തുക ഉപയോഗിച്ചുള്ള ഓരോ വികസന പദ്ധതിയ്ക്കും ചെലവാകുന്ന തുക എത്രയെന്ന് പറയാമോ?

ശബരിമല വരുമാനം

5573.

(എ)	2018-ല്‍ ശബരിമലയില്‍ നിന്നും ദേവസ്വം ബോര്‍ഡിന് വിവിധയിനങ്ങളില്‍ ലഭിച്ച ആകെ വരുമാനം എത്രയായിരുന്നു;

(ബി)	ശബരിമലയിലെ ഏതൊക്കെ വികസന പ്രവര്‍ത്തനങ്ങള്‍ക്കാണ് ഈ വരുമാനം ഉപയോഗിച്ചതെന്ന് വെളിപ്പെടുത്തുമോ;

(സി)	2018-ല്‍ നടവരവ് മുന്‍വര്‍ഷത്തെ അപേക്ഷിച്ച് കുറയുന്ന സാഹചര്യം ഉണ്ടായിട്ടുണ്ടോ; അതിനുള്ള കാരണമെന്താണെന്ന് അറിയിക്കുമോ;

(ഡി)	വരവ് കുറഞ്ഞ സാഹചര്യത്തില്‍ ദേവസ്വം ബോര്‍ഡിന് സര്‍ക്കാര്‍ പ്രത്യേക ഫണ്ട് അനുവദിച്ചിട്ടുണ്ടോ; എങ്കില്‍ എന്ത് തുകയാണ് ഇപ്രകാരം അനുവദിച്ചതെന്ന് വ്യക്തമാക്കുമോ?

ശബരിമലയെ ദേശീയ തീര്‍ത്ഥാടന കേന്ദ്രമാക്കാന്‍ നടപടി

5574.

ശ്രീമതി.പി. അയിഷാ പോറ്റി
ശ്രീ.രാജു എബ്രഹാം
,, എസ്.ശർമ്മ
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമലയെ ദേശീയ തീര്‍ത്ഥാടന കേന്ദ്രമാക്കണമെന്ന സംസ്ഥാന ആവശ്യത്തിന്മേൽ കേന്ദ്ര സര്‍ക്കാര്‍ നിലപാട് അറിയിച്ചിട്ടുണ്ടോ; വ്യക്തമാക്കുമോ;

(ബി)	ലക്ഷക്കണക്കിന് വരുന്ന തീര്‍ത്ഥാടകരുടെ സുരക്ഷയും അവര്‍ക്കുവേണ്ട സൗകര്യങ്ങളും ഏര്‍പ്പെടുത്തി ശബരിമലയെ ദേശീയ നിലവാരമുള്ള തീര്‍ത്ഥാടന കേന്ദ്രമായി ഉയര്‍ത്തുന്നതിന് പരിപാടിയുണ്ടോ; വിശദമാക്കുമോ;

(സി)	മാസ്റ്റര്‍ പ്ലാന്‍ അനുസരിച്ചുള്ള വര്‍ക്കുകളുടെ നിര്‍മ്മാണ പ്രവര്‍ത്തനങ്ങള്‍ കാര്യക്ഷമമായി നിര്‍വ്വഹിക്കുന്നതിന് പ്രത്യേക വികസന അതോറിറ്റി രൂപീകരിക്കാന്‍ ഉദ്ദേശിക്കുന്നുണ്ടോ; വ്യക്തമാക്കുമോ;

(ഡി)	മലബാര്‍ ദേവസ്വം ബോര്‍ഡിന്റെ സാമ്പത്തിക ഭദ്രതയില്ലായ്മ ബോര്‍ഡിന്റെ പ്രവര്‍ത്തന കാര്യക്ഷമതയെ ബാധിക്കാതിരിക്കുവാനായി സര്‍ക്കാര്‍ സഹായം നല്‍കി വരുന്നുണ്ടോ; വ്യക്തമാക്കുമോ?

പമ്പയിലെ വാഹനപാര്‍ക്കിംഗ്

5575.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമലയിലെത്തുന്ന തീര്‍ത്ഥാടകര്‍ക്ക് നിലവില്‍ പമ്പയില്‍ പാര്‍ക്കിംഗ് അനുവദിക്കുന്നുണ്ടോ; നിലക്കലില്‍ നിന്ന് പമ്പയിലേക്ക് സ്വകാര്യവാഹനങ്ങള്‍ അനുവദിക്കുന്നുണ്ടോ; വ്യക്തമാക്കാമോ;

(ബി)	നിലക്കല്‍ പാര്‍ക്കിംഗ് കേന്ദ്രമാക്കിയിട്ടും അവിടെ തീര്‍ത്ഥാടകര്‍ക്ക് വേണ്ടത്ര സൗകര്യങ്ങള്‍ ലഭ്യമല്ലെന്നത് ശ്രദ്ധയില്‍പ്പെട്ടിട്ടുണ്ടോ; തീര്‍ത്ഥാടകരുടെ ദുരിതം പരിഹരിക്കുവാന്‍ അടിയന്തര നടപടി സ്വീകരിക്കുമോ;

(സി)	പമ്പയില്‍ തീര്‍ത്ഥാടകര്‍ക്ക് പാര്‍ക്കിംഗ് അനുവദിക്കണമെന്ന് ഹൈക്കോടതി സര്‍ക്കാരിനോട് നിര്‍ദ്ദശിച്ചിട്ടുണ്ടോ; ഇതിന്റെ അടിസ്ഥാനത്തില്‍ നടപടികള്‍ സ്വീകരിച്ചിട്ടുണ്ടോ എന്നറിയിക്കാമോ?

പമ്പയില്‍ അടിഞ്ഞുകൂടിയ മണല്‍

5576.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കഴിഞ്ഞ ആഗസ്റ്റിലുണ്ടായ മഹാപ്രളയത്തില്‍ പമ്പയില്‍ അടിഞ്ഞുകൂടിയ മണല്‍ ദേവസ്വം ബോര്‍ഡിന്റെ നിര്‍മ്മാണ പ്രവര്‍ത്തനങ്ങള്‍ക്ക് ഉപയോഗിക്കാന്‍ അനുമതി ലഭിച്ചിട്ടുണ്ടോ; ആകെ എത്ര മണല്‍ ശേഖരമാണ് ഇവിടെ നിന്നും ലഭിച്ചത് എന്നറിയിക്കാമോ;

(ബി)	ഇതില്‍ എത്ര അളവ് മണലാണ് ദേവസ്വം ബോര്‍ഡിന് ലഭിക്കുക; ഇത് ഉപയോഗിച്ച് എന്തൊക്കെ നിര്‍മ്മാണ പ്രവര്‍ത്തനങ്ങളാണ് നടപ്പാക്കുക; വിശദാംശങ്ങള്‍ ലഭ്യമാക്കാമോ;

(സി)	ഈ മണല്‍ എറ്റെടുക്കുന്നതില്‍ വനംവകുപ്പ് എന്തെങ്കിലും തടസ്സവാദം ഉന്നയിച്ചിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

ശബരിമലയുടെ സുരക്ഷ

5577.

(എ)	പ്രളയത്തിനുശേഷം ശബരിമല തീര്‍ത്ഥാടനവുമായി ബന്ധപ്പെട്ട കേന്ദ്രങ്ങളില്‍ പുനരുദ്ധാരണത്തിനുവേണ്ടി സംസ്ഥാന സര്‍ക്കാര്‍ ഇതിനോടകം എത്ര രൂപ ചെലവഴിച്ചിട്ടുണ്ട്;

(ബി)	എത്ര കോടി രൂപയുടെ പുനര്‍നിര്‍മ്മാണ പ്രവര്‍ത്തനങ്ങള്‍ക്കാണ് സര്‍ക്കാര്‍ അംഗീകാരം നല്‍കിയതെന്ന് വിശദമാക്കാമോ;

(സി)	ശബരിമലയുടെ സുരക്ഷ വര്‍ദ്ധിപ്പിക്കാന്‍ ഈ സര്‍ക്കാര്‍ നിലവില്‍ വന്നതിനുശേഷം നടപ്പില്‍ വരുത്തിയ പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കാമോ;

(ഡി)	സുരക്ഷാ ക്രമീകരണങ്ങള്‍ വര്‍ദ്ധിപ്പിക്കാന്‍ പുതുതായി എന്തെല്ലാം പ്രവര്‍ത്തനങ്ങളാണ് സര്‍ക്കാര്‍ ആലോചിച്ചു വരുന്നതെന്ന് വ്യക്തമാക്കുമോ?

ശബരിമലയിലെ നിര്‍മ്മാണ പ്രവൃത്തികള്‍

5578.

(എ)	വരുന്ന ശബരിമല തീര്‍ത്ഥാടനകാലം ആരംഭിക്കുന്നതിന് മുമ്പ് സന്നിധാനം, പമ്പ, നിലയ്ക്കല്‍ എന്നിവിടങ്ങളില്‍ പൂര്‍ത്തീകരിക്കാന്‍ ഉദ്ദേശിക്കുന്ന നിര്‍മ്മാണ പ്രവൃത്തികള്‍ എന്തെല്ലാമാണ്;

(ബി)	പ്രസ്തുത പ്രവൃത്തികളുടെ അന്തിമ രൂപരേഖ തയ്യാറായിട്ടുണ്ടോ;

(സി)	സന്നിധാനത്തെ മാലിന്യ പ്ലാന്റ് നിലവില്‍ പൂര്‍ണ്ണമായും പ്രവര്‍ത്തനക്ഷമമാണോ; വിശദാംശങ്ങള്‍ നല്‍കുമോ?

ശബരിമലയിലെ പുണ്യദര്‍ശനം കോംപ്ലക്സ്

5579.

(എ)	ശബരിമല സന്നിധാനത്ത് ടൂറിസം വകുപ്പിന് ഗസ്റ്റ് ഹൗസ് ഉണ്ടോ എന്നറിയിക്കാമോ;

(ബി)	ഇവിടെ നിര്‍മ്മിക്കാന്‍ ഉദ്ദേശിച്ച പുണ്യദര്‍ശനം കോംപ്ലക്സിന്റെ നിര്‍മ്മാണത്തിനായി എത്ര കോടി രൂപയാണ് ചെലവഴിക്കുക എന്ന് വെളിപ്പെടുത്താമോ;

(സി)	ഇതിന്റെ നിര്‍മ്മാണം സംബന്ധിച്ച് എന്തെങ്കിലും തര്‍ക്കം നിലവിലുണ്ടോ; വിശദാംശങ്ങള്‍ ലഭ്യമാക്കാമോ?

പൈതൃക മന്ദിരമായ ഭവാനി കൊട്ടാരം

5580.

ശ്രീ.സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	തിരുവനന്തപുരം ദേവസ്വം ബോര്‍ഡ് ആസ്ഥാനത്തെ പൈതൃക മന്ദിരമായ ഭവാനി കൊട്ടാരം പൊളിക്കുന്നതിനെതിരെ പ്രതിഷേധം ഉണ്ടായിട്ടുണ്ടോ എന്ന് വെളിപ്പെടുത്താമോ;

(ബി)	മുന്നൂറു വര്‍ഷം പഴക്കമുള്ളതും തേക്കിന്‍തടികൊണ്ടു നിര്‍മ്മിച്ചതുമായ ഈ കൊട്ടാരം പൈതൃക മന്ദിരമായി സംരക്ഷിക്കാന്‍ ആവശ്യമായ നിര്‍ദ്ദേശം നല്‍കുമോ എന്നറിയിക്കാമോ?

ദേവസ്വം ബോര്‍ഡ് ഫണ്ട് വിനിയോഗിച്ച് നടത്തിയ പ്രവർത്തനങ്ങൾ

5581.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ദേവസ്വം ബോര്‍ഡിന്റെ നിയന്ത്രണത്തിലുള്ള ക്ഷേത്രങ്ങളുടെ നവീകരണത്തിനും അടിസ്ഥാന സൗകര്യ വികസനത്തിനുമായി എന്തൊക്കെ പദ്ധതികളാണ് നിലവിലുള്ളത്; വിശദാംശങ്ങള്‍ ലഭ്യമാക്കാമോ;

(ബി)	പാറശ്ശാല നിയോജക മണ്ഡലത്തില്‍ ഈ സര്‍ക്കാരിന്റെ കാലയളവില്‍ ദേവസ്വം ബോര്‍ഡിന്റെ ഫണ്ട് വിനിയോഗിച്ച് നടത്തിയ പ്രവര്‍ത്തനങ്ങളുടെ വിശദാംശങ്ങള്‍ പഞ്ചായത്തടിസ്ഥാനത്തില്‍ ലഭ്യമാക്കാമോ;

(സി)	പാറശ്ശാല ശ്രീ മഹാദേവര്‍ ക്ഷേത്രത്തിന്റെ നവീകരണത്തിനും അടിസ്ഥാന സൗകര്യ വികസനത്തിനും ആവശ്യമായ നടപടികള്‍ സ്വീകരിക്കുമോ എന്നറിയിക്കാമോ?

ദേവസ്വം ബോര്‍ഡ് വക ഭൂമി തിരിച്ചുപിടിക്കാന്‍ നടപടി

5582.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	തിരുവിതാംകൂര്‍, കൊച്ചി, മലബാര്‍ ദേവസ്വം ബോര്‍ഡുകള്‍ക്ക് എത്ര ഏക്കര്‍ ഭൂമിയുണ്ട്;

(ബി)	പ്രസ്തുത ദേവസ്വം ബോര്‍ഡുകള്‍ക്ക് കീഴിലുളള സ്ഥലങ്ങള്‍ തദ്ദേശവാസികള്‍ കൈവശപ്പെടുത്തിയതായി ശ്രദ്ധയില്‍ വന്നിട്ടുണ്ടോ;

(സി)	എങ്കില്‍ ആയത് തിരിച്ചുപിടിക്കാന്‍ നടപടികള്‍ സ്വീകരിക്കുമോ; വിശദമാക്കാമോ;

(ഡി)	വയനാട് ജില്ലയില്‍ ഇത്തരത്തില്‍ തിരിച്ചുപിടിക്കാനുളള ഭൂമി ഉണ്ടോ; വിശദമാക്കാമോ?

തിരുവിതാംകൂര്‍ ദേവസ്വം ബാേര്‍ഡിലെ സാമ്പത്തിക പ്രതിസന്ധി

5583.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പ്രളയത്തില്‍ തകര്‍ന്ന ക്ഷേത്രങ്ങളുടെ പുനര്‍നിര്‍മ്മാണവും അറ്റകുറ്റപ്പണികളും തല്‍ക്കാലം നിര്‍ത്തിവയ്ക്കുവാൻ തിരുവിതാംകൂര്‍ ദേവസ്വം ബാേര്‍ഡ് തീരുമാനിച്ചിട്ടുണ്ടാേ;

(ബി)	സാമ്പത്തിക പ്രതിസന്ധിയാണോ അതിന്‌ കാരണമെന്ന്‌ വ്യക്തമാക്കുമോ; എങ്കില്‍ പുതിയ തസ്തികകൾ സൃഷ്ടിക്കുന്നതും തസ്തിക ഭേദഗതി ചെയ്യുന്നതും ഇതാേടാെപ്പം നിര്‍ത്തിവയ്ക്കുമാേ എന്ന് അറിയിക്കാമോ;

(സി)	കഴിഞ്ഞ തീര്‍ത്ഥാടനകാലത്ത് ശബരിമലയിലുണ്ടായ വരുമാനനഷ്ടം ക്ഷേത്രങ്ങളുടെ നടത്തിപ്പ്, ദെെനംദിന ചെലവുകള്‍, പരിപാലനം എന്നിവയെ പ്രതികൂലമായി ബാധിക്കുകയുണ്ടായോ;

(ഡി)	ഇല്ലെങ്കില്‍ നിലവിലെ സാമ്പത്തിക പ്രതിസന്ധിയ്ക്കുള്ള കാരണം വ്യക്തമാക്കുമാേ?

മലബാര്‍ ദേവസ്വം ബോര്‍ഡ് വഴി ആനുകൂല്യം നല്‍കി വരുന്ന വിഭാഗങ്ങള്‍

5584.

(എ)	ദേവസ്വം ബോര്‍ഡിന്റെ കീഴില്‍ അല്ലാത്ത മലബാറിലെ മറ്റ് ക്ഷേത്രങ്ങളിലെ പൂജാരികള്‍, കോലധാരികള്‍, വെളിച്ചപ്പാടുകള്‍, കോമരങ്ങള്‍ തുടങ്ങിയ ഏതെങ്കിലും വിഭാഗത്തിന് ദേവസ്വം ബോര്‍ഡ് വഴി ആനുകൂല്യം നല്‍കി വരുന്നുണ്ടോ; ഉണ്ടെങ്കില്‍ ഏതെല്ലാം വിഭാഗങ്ങള്‍ക്കാണ് എന്ന് വിശദമാക്കാമോ;

(ബി)	ഇത്തരത്തില്‍ അനുവദിക്കപ്പെടുന്ന ആനുകൂല്യങ്ങള്‍ മലബാര്‍ ദേവസ്വം ബോര്‍ഡ് പരിധിയിലെ എത്ര പേര്‍ കൈപ്പറ്റുന്നുണ്ട്; വര്‍ഷത്തില്‍ ആകെ എത്ര രൂപയുടെ ആനുകൂല്യങ്ങളാണ് നല്‍കി വരുന്നത്;

(സി)	ഓരോവിഭാഗത്തിനും മാസത്തില്‍/വര്‍ഷത്തില്‍ നല്‍കി വരുന്ന ആനുകൂല്യം എത്രയെന്ന് വിഭാഗം തിരിച്ച് വ്യക്തമാക്കാമോ?

ഗുരുവായൂര്‍ ദേവസ്വം വക വൃദ്ധസദനം ആരംഭിക്കാൻ നടപടി

5585.

ശ്രീ.കെ.ബി.ഗണേഷ് കുമാര്‍
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഗുരുവായൂര്‍ ക്ഷേത്രപരിസരങ്ങളില്‍ മക്കളാല്‍ ഉപേക്ഷിക്കപ്പെട്ട് ക്ഷേത്രത്തില്‍ നിന്ന് ലഭിക്കുന്ന ആഹാരം കഴിച്ച് ക്ഷേത്രനടകളില്‍ കിടന്നുറങ്ങുന്ന വൃദ്ധജനങ്ങളുടെ ദുരിതജീവിതം ശ്രദ്ധയില്‍പ്പെട്ടിട്ടുണ്ടോ;

(ബി)	ഗുരുവായൂര്‍ നഗരസഭ അവരെ അവിടെനിന്നും നീക്കം ചെയ്യുന്ന നിലവിലെ സ്‌ഥിതിക്ക്‌ പകരമായി ഗുരുവായൂര്‍ ദേവസ്വത്തിന്റെ മേല്‍നോട്ടത്തില്‍ ഒരു വൃദ്ധസദനവും ആതുരാലയവും സ്ഥാപിച്ച് അവരെ സംരക്ഷിക്കുന്നതിന് ദേവസ്വത്തിന് എന്തെങ്കിലും പദ്ധതികളുണ്ടോ;

(സി)	ഇല്ലെങ്കില്‍ മേൽസൂചിപ്പിച്ച തരത്തിലുള്ള സ്ഥാപനങ്ങൾ അടിയന്തരമായി ആരംഭിക്കുവാന്‍ ഗുരുവായൂര്‍ ദേവസ്വത്തിന് നിര്‍ദ്ദേശം നല്‍കുന്നതിനുള്ള നടപടികൾ സ്വീകരിക്കുമോ എന്ന് അറിയിക്കാമോ?

പട്ടികജാതി വിഭാഗത്തിൽപ്പെട്ട പൂജാരിമാരുടെ വിവരങ്ങൾ

5586.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ദേവസ്വം ബോര്‍ഡുകളുടെ കീഴിലുള്ള ക്ഷേത്രങ്ങളില്‍ സേവനം അനുഷ്ഠിക്കുന്ന പട്ടികജാതി വിഭാഗത്തിൽപ്പെട്ട പൂജാരിമാരുടെ എണ്ണം വ്യക്തമാക്കുമോ;

(ബി)	ദേവസ്വം ബോര്‍ഡുകളുടെ കീഴിലുള്ള മേജര്‍ ക്ഷേത്രങ്ങളില്‍ സേവനം അനുഷ്ഠിക്കുന്ന പട്ടികജാതി വിഭാഗത്തിൽപ്പെട്ട പൂജാരിമാരുടെ എണ്ണം വ്യക്തമാക്കുമോ?

അങ്കമാലി മണ്ഡലത്തിലെ ക്ഷേത്രനവീകരണം

5587.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നശേഷം അങ്കമാലി നിയാേജക മണ്ഡലത്തിലെ ഏതെല്ലാം ദേവസ്വം ക്ഷേത്രങ്ങളുടെ നവീകരണ പ്രവര്‍ത്തനങ്ങള്‍ക്ക് എത്ര തുക വീതം അനുവദിച്ചു എന്ന് വിശദമാക്കുമോ;

(ബി)	അങ്കമാലി നിയാേജകമണ്ഡലത്തിലെ എല്ലാ ദേവസ്വം ക്ഷേത്രങ്ങളുടേയും നവീകരണ പ്രവര്‍ത്തനങ്ങള്‍ക്ക് കൂടുതല്‍ തുക അനുവദിക്കുന്ന കാര്യം പരിഗണിക്കുമോ; വിശദാംശം ലഭ്യമാക്കുമോ?

Website maintained by Information System Section, Kerala Legislative Assembly, Thiruvananthapuram.