14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >11^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 11^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സഹകരണ സംഘങ്ങളിലൂടെ നെല്ല് സംഭരണം

2513.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	നെല്ല് സംഭരണത്തിന് വേണ്ടത്ര പ്രാധാന്യം ലഭിക്കാത്തത് നെല്‍ കര്‍ഷകരെ ദുരിതത്തിലാക്കുന്നു എന്ന വസ്തുത പരിഗണിച്ച് ഇക്കാര്യത്തില്‍ ഇടപെടാന്‍ സഹകരണ മേഖല തീരുമാനിച്ചിട്ടുണ്ടോ; വിശദമാക്കുമോ;

(ബി)	സഹകരണ സംഘം തന്നെ നെല്ല് സംഭരിച്ച്, സംസ്ക്കരിച്ച് സ്വന്തം ബ്രാന്റില്‍ വില്പന നടത്തുന്നതിന് പദ്ധതി ആവിഷ്ക്കരിച്ചിട്ടുണ്ടോ;

(സി)	ഏതൊക്കെ ഔട്ട്‍ലൈറ്റുകളിലൂടെയാണ് പ്രസ്തുത അരി വില്‍ക്കുന്നതിന് തീരുമാനിച്ചിട്ടുള്ളത്; ഇപ്രകാരം വില്‍ക്കുന്ന അരിക്ക് സബ്‍സിഡി നല്‍കുന്നതിന് ആലോചനയുണ്ടോ;

(ഡി)	കര്‍ഷകര്‍ക്ക് നെല്ലിന് ന്യായമായ വിലയും ഉപഭോക്താവിന് ഗുണനിലവാരമുള്ള അരിയും ഈ പദ്ധതിയിലൂടെ ലഭ്യമാക്കുവാന്‍ സാധിക്കും എന്ന് പ്രതീക്ഷിക്കുന്നുണ്ടോ?

സഹകരണ സംഘങ്ങള്‍ക്ക് ഏകീകൃത സോഫ്റ്റ് വെയര്‍

2514.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രാഥമിക കാര്‍ഷിക സഹകരണ സംഘങ്ങള്‍ക്ക് ഏകീകൃത സോഫ്റ്റ് വെയര്‍ ഏര്‍പ്പെടുത്തുന്നതിന് തീരുമാനിച്ചിട്ടുണ്ടോ; എത്ര കോടി രൂപയുടെ പദ്ധതിയാണിത്; വ്യക്തമാക്കുമോ;

(ബി)	പ്രസ്തുത സോഫ്റ്റ് വെയര്‍ തയ്യാറാക്കുന്നതിന് ഏത് കമ്പനിയെയാണ് ചുമതലപ്പെടുത്തിയിട്ടുള്ളത്;

(സി)	കമ്പനിയെ ചുമതലപ്പെടുത്തുന്നതിന് സ്വീകരിച്ച നടപടിക്രമങ്ങള്‍ എന്തൊക്കെയാണ്; ഇക്കാര്യത്തിനായി ടെന്‍ഡര്‍ ക്ഷണിച്ചിരുന്നോ; ഇല്ലെങ്കില്‍ എന്തുകൊണ്ട്; അറിയിക്കുമോ;

(ഡി)	ഈ കമ്പനിക്ക് പ്രസ്തുത മേഖലയിലുള്ള പരിചയം എന്താണെന്ന് വിശദമാക്കുമോ?

സഹകരണ പ്രസ്ഥാനത്തെ ഊര്‍ജ്ജസ്വലമാക്കുന്നതിന് സഹകരണ നയം

2515.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സർക്കാർ കരട് സഹകരണ നയം രൂപീകരിച്ചിട്ടുണ്ടോ; സഹകരണ പ്രസ്ഥാനത്തെ ഊര്‍ജ്ജസ്വലമാക്കുന്നതിനുള്ള എന്തൊക്കെ നിര്‍ദ്ദേശങ്ങളാണ് പ്രസ്തുത കരട് നയത്തില്‍ ഉള്‍ക്കൊള്ളിച്ചിട്ടുള്ളത്; വിശദമാക്കുമോ;

(ബി)	എട്ടാമത് സഹകരണ കോണ്‍ഗ്രസ്സില്‍ കൈക്കൊണ്ട പ്രധാന തീരുമാനങ്ങള്‍ സഹകരണ മേഖലയെ ശക്തിപ്പെടുത്തുന്നതിന് എപ്രകാരം സഹായകമാണ് ;

(സി)	സഹകരണ മേഖല പൂര്‍ണ്ണമായും അഴിമതി മുക്തമാക്കുന്നതിനുള്ള തീരുമാനം എടുത്തിട്ടുണ്ടോ;

(ഡി)	പ്രസ്തുത തീരുമാനം എടുത്ത ശേഷം സംസ്ഥാനത്തെ എത്ര സഹകരണ ബാങ്കുകള്‍/സംഘങ്ങളില്‍ വെട്ടിപ്പ് കണ്ടെത്തിയിട്ടുണ്ട്; അതില്‍ സി.പി.എം. നിയന്ത്രണത്തിലുള്ള എത്ര സ്ഥാപനങ്ങളുണ്ടെന്ന കണക്ക് ലഭ്യമാണോ;എങ്കിൽ എത്രയെന്ന്‌ അറിയിക്കുമോ?

പ്രാഥമിക കാര്‍ഷിക സഹകരണ സംഘങ്ങളില്‍ ഏകീകൃത സോഫ്റ്റ് വെയര്‍

2516.

ശ്രീ.കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)

(ബി)	പ്രസ്തുത കമ്പനി നല്‍കിയ പ്രൊപ്പോസല്‍ പരിഗണിക്കുന്നതിനും ആയത് നടപ്പിലാക്കുന്നത് സംബന്ധിച്ച് തീരുമാനം എടുക്കുന്നതിനും ഉദ്യോഗസ്ഥതല സമിതിയെ നിയോഗിച്ചിട്ടുണ്ടോ;

(സി)	പ്രസ്തുത കമ്മിറ്റി എെ.എഫ്.റ്റി.എ.എസ്. സമര്‍പ്പിച്ച പ്രൊപ്പോസല്‍ പരിഗണിച്ചിട്ടുണ്ടോ; എങ്കില്‍ ഇതിന്മേലെടുത്ത തീരുമാനം എന്താണെന്ന് വ്യക്തമാക്കുമോ;

(ഡി)	ഇന്ത്യന്‍ ഫെെനാന്‍ഷ്യല്‍ ടെക്നോളജി ആന്റ് അലെെഡ് സര്‍വ്വീസസ് ആര്‍.ബി.എെ യുടെ ഉപകമ്പനിയാണോ; സംസ്ഥാനത്തെ ഏതെങ്കിലും ജില്ലാ സഹകരണ ബാങ്കില്‍ പ്രസ്തുത കമ്പനി തയ്യാറാക്കിയ സോഫ്റ്റ് വെയര്‍ ഉപയോഗിക്കുന്നുണ്ടോ; എങ്കില്‍ അതിന്റെ കാര്യക്ഷമതയെക്കുറിച്ച് പരിശോധിച്ചിട്ടുണ്ടോ എന്നറിയിക്കാമോ?

കാര്‍ഷിക മേഖലയില്‍ സഹകരണ പ്രസ്ഥാനങ്ങളുടെ ഇടപെടല്‍

2517.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

കാര്‍ഷിക മേഖലയുടെ വികസനത്തിനും കാര്‍ഷിക ഉല്പന്നങ്ങളുടെ വിപണനത്തിനും സഹായകരമാകുന്ന വിധത്തിലുളള എന്തെല്ലാം ഇടപെടലുകളാണ് സഹകരണ പ്രസ്ഥാനങ്ങള്‍ നടത്തിവരുന്നത്; ഇതിന്റെ വിശദാംശം വ്യക്തമാക്കുമോ?

ഷോളയാര്‍ പട്ടികവര്‍ഗ്ഗ സര്‍വ്വീസ് സഹകരണ സംഘം

2518.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	അതിരപ്പിള്ളി പഞ്ചായത്തിലെ ഷോളയാര്‍ പട്ടികവര്‍ഗ്ഗ സര്‍വ്വീസ് സഹകരണ സംഘം ഭരണസമിതിയുടെ ഘടന പുനഃക്രമീകരിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ;

(ബി)	എങ്കില്‍ പുതുക്കിയ ഭരണസമിതി സംബന്ധിച്ച വിശദവിവരം വ്യക്തമാക്കാമോ?

വിലക്കയറ്റം

2519.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വിലക്കയറ്റം തടയുന്നതിന്റെ ഭാഗമായി സഹകരണ വകുപ്പ് മുഖേന എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് അറിയിക്കുമോ?

(ബി)	ഇവ കൂടുതല്‍ വിപുലീകരിക്കുന്നതിന് ആലോചിക്കുന്നുണ്ടോ;ഉണ്ടെങ്കില്‍ വിശദാംശം അറിയിക്കുമോ?

നവകേരളീയം പദ്ധതി

2520.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണവകുപ്പ് നടപ്പിലാക്കിയ നവകേരളീയം ഒറ്റത്തവണ തീര്‍പ്പാക്കല്‍ പദ്ധതിയിലൂടെ കുടിശ്ശികയായിരുന്ന എത്ര വായ്പകളാണ് തിരിച്ചടവ് നടത്തിയത് എന്ന് അറിയിക്കാമോ;

(ബി)	പ്രസ്തുത പദ്ധതിയിലൂടെ പലിശയിനത്തില്‍ എത്ര രൂപയാണ് ഇളവായി നല്‍കിയത് എന്നുള്ള വിശദാംശങ്ങള്‍ ലഭ്യമാക്കുമോ;

(സി)	പ്രസ്തുത പദ്ധതിയുടെ കാലാവധി നീട്ടിയിട്ടുണ്ടോ ;ഉണ്ടെങ്കില്‍ എന്നുവരെയാണ് ഈ പദ്ധതി പ്രാബല്യത്തിലുള്ളത് എന്ന് വ്യക്തമാക്കുമോ?

കേരള ബാങ്ക്

2521.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരള ബാങ്ക് സഹകരണ മേഖലയെ ഏതെല്ലാം രീതിയിലാണ് അഭിവൃദ്ധിപ്പെടുത്തുന്നത് ; വിശദമാക്കാമോ;

(ബി)	ഇത് സംബന്ധിച്ച ശ്രീറാം കമ്മിറ്റി റിപ്പോര്‍ട്ടിലെ പ്രധാന നിര്‍ദ്ദേശങ്ങള്‍ എന്തൊക്കെയാണ് ;വിശദമാക്കാമോ ?

കേരള ബാങ്ക് രൂപീകരണം

2522.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ജില്ലാ സഹകരണ ബാങ്കുകളെ സംസ്ഥാന സഹകരണ ബാങ്കില്‍ ലയിപ്പിച്ച് കേരള ബാങ്ക് രൂപീകരിക്കുന്നതുമായി ബന്ധപ്പെട്ട് നബാര്‍ഡ് മുന്നോട്ടു വച്ച ഉപാധികള്‍ എന്തൊക്കെയെന്നും ഇത് പൂര്‍ത്തിയാക്കാന്‍ എത്ര കാലം വേണമെന്നും അറിയിക്കാമോ; ;

(ബി)	ലയനത്തിനു ശേഷം സംസ്ഥാന സഹകരണ ബാങ്കിനുണ്ടാകാവുന്ന നഷ്ടം തിട്ടപ്പെടുത്തിയോ; ഇത് മറികടക്കാന്‍ എന്തു നടപടിയാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ?

കേരള ബാങ്ക് രൂപീകരണവും ഉപഭോക്താക്കളും

2523.

ശ്രീ.കെ.സി.ജോസഫ്
,, സണ്ണി ജോസഫ്
,, തിരുവഞ്ചൂര്‍ രാധാകൃഷ്ണന്‍
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരള ബാങ്ക് രൂപീകരിക്കുമെന്ന പ്രഖ്യാപനം പ്രാവര്‍ത്തികമാക്കുന്നതിന് സ്വീകരിച്ചിട്ടുളള നടപടികള്‍ എന്തൊക്കെയാണ് ;

(ബി)	ഇതു സംബന്ധിച്ച അപേക്ഷ ആര്‍.ബി.എെ.ക്ക് സമര്‍പ്പിച്ചിട്ടുണ്ടോ;

(സി)	നബാര്‍ഡ് ബാങ്കിന് അനുമതി നല്‍കുന്നതിന് എന്തെങ്കിലും ഉപാധികള്‍ മുന്നോട്ട് വച്ചിട്ടുണ്ടോ; വിശദമാക്കുമോ;

(ഡി)	നഷ്ടത്തിലോടുന്ന സംസ്ഥാന സഹകരണ ബാങ്കും ലാഭത്തില്‍ പ്രവര്‍ത്തിക്കുന്ന ജില്ല സഹകരണ ബാങ്കും ലയിക്കുമ്പോള്‍ ഉണ്ടാകുന്ന നഷ്ടം ഒഴിവാക്കുവാന്‍ അവര്‍ക്ക് നേരിട്ട് സര്‍ക്കാര്‍ ധനസഹായം നല്‍കേണ്ടി വരുമോ;

(ഇ)	ജില്ല ബാങ്കുകളുടെ ഉപഭോക്താക്കളെ ലയന വിവരം രേഖാമൂലം അറിയിച്ചിട്ടുണ്ടോ; ലയനത്തില്‍ എതിര്‍പ്പുളള നിക്ഷേപകര്‍ക്ക് പണം കാലാവധിക്ക് മുമ്പ് പലിശയില്‍ കുറവ് വരുത്താതെ പിന്‍വലിക്കുന്നതിനുളള അവസരം ഒരുക്കുവാൻ നടപടി സ്വീകരിക്കുമോ?

കേരള ബാങ്ക് രൂപീകരണത്തിനുള്ള നടപടി

2524.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരള ബാങ്ക് രൂപീകരണത്തിനുള്ള നടപടി ക്രമങ്ങള്‍ ഏതു ഘട്ടത്തിലാണ്;

(ബി)	കേരള ബാങ്ക് രൂപീകരണത്തിന്റെ ഉദ്ദേശലക്ഷ്യങ്ങളും നിക്ഷേപകര്‍ക്ക് ലഭിക്കുന്ന പ്രയോജനങ്ങളും വിശദീകരിക്കുമോ;

(സി)	നിര്‍ദ്ദിഷ്ട കേരളബാങ്ക് എന്നത്തേക്ക് പ്രവര്‍ത്തനം ആരംഭിക്കാന്‍ സാധിക്കും എന്നാണ് പ്രതീക്ഷിക്കുന്നത് ;വെളിപ്പെടുത്തുമോ?

കേരള ബാങ്ക് സ്ഥാപിക്കുന്നതിന് നബാര്‍ഡ് മുന്നോട്ട് വച്ചിട്ടുള്ള നിബന്ധനകള്‍

2525.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, കോവൂര്‍ കുഞ്ഞുമോന്‍
,, കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരള ബാങ്ക് സ്ഥാപിക്കുന്നതിന് നാളിതുവരെ എന്തെല്ലാം നടപടികള്‍ സ്വീകരിച്ചിട്ടുണ്ട്;

(ബി)	കേരള ബാങ്ക് രൂപീകരണത്തില്‍ നബാര്‍ഡ് എന്തൊക്കെ നിബന്ധനകളാണ് മുന്നോട്ട് വെച്ചിട്ടുള്ളത്‌ ;വിശദമാക്കുമോ:

(സി)	ഈ നിബന്ധനകളെ മറികടക്കാന്‍ സർക്കാർ എന്തൊക്കെ നടപടികൾ സ്വീകരിക്കാൻ ഉദ്ദേശിക്കുന്നു;

(ഡി)	ബാങ്ക് രൂപീകരണത്തില്‍ മറ്റെന്തൊക്കെ പ്രതിബന്ധങ്ങളാണ് മുന്നിലുള്ളതെന്ന് അറിയിക്കുമോ;

(ഇ)	കേരള ബാങ്കിന്റെ മൂലധന സ്വരൂപണം, ബാങ്കിനെ രജിസ്ടര്‍ ചെയ്യാനുള്ള നിയമപരമായ മറ്റു നടപടികള്‍ എന്നിവ ഏത് നിലയിലാണെന്ന് വെളിപ്പെടുത്തുമോ?

കേരള ബാങ്കിനു വേണ്ടി നബാര്‍ഡിന്റെ ശിപാര്‍ശ

2526.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

കേരള ബാങ്കിന് റിസര്‍വ് ബാങ്കിന്റെ അനുമതി ലഭിക്കുന്നതിനുവേണ്ടി നബാര്‍ഡിന്റെ ശിപാര്‍ശ ലഭ്യമായിട്ടുണ്ടോ; എങ്കില്‍ ഇതിന്റെ വിശദാംശം ലഭ്യമാക്കുമോ?

താമരക്കുടി സര്‍വ്വീസ് സഹകരണ ബാങ്കിലെ നിക്ഷേപം

2527.

(എ)	കൊല്ലം ജില്ലയിലെ താമരക്കുടി സര്‍വ്വീസ് സഹകരണ ബാങ്കിലെ നിക്ഷേപകര്‍ നിക്ഷേപിച്ച തുകയ്ക്ക് സുരക്ഷിതത്വം ഉറപ്പുവരുത്തുന്നതിന് നടപടികള്‍ സ്വീകരിക്കുമോ;

(ബി)	പ്രസ്തുത വിഷയത്തില്‍ ആഡിറ്റ്, പരിശോധന ജോലികളില്‍ ഏര്‍പ്പെട്ടിരുന്ന സഹകരണവകുപ്പ് ജീവനക്കാരെ അന്വേഷണത്തിന്റെ പരിധിയില്‍ ഉള്‍പ്പെടുത്തിയിട്ടുണ്ടോ; എങ്കിൽ വിശദാംശം ലഭ്യമാക്കുമോ?

ജില്ലാ സഹകരണ ബാങ്കുകള്‍ക്ക് എെ.എഫ്.എസ്.സി. കോഡ്

2528.

ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഏതെല്ലാം ജില്ലാ സഹകരണ ബാങ്കുകള്‍ക്കാണ് റിസര്‍വ് ബാങ്ക് ഓഫ് ഇന്ത്യയില്‍ നിന്നും എെ.എഫ്.എസ്.സി. കോഡ് ലഭിച്ചിട്ടുള്ളതെന്ന് വ്യക്തമാക്കാമോ;

(ബി)	ജില്ലാ സഹകരണ ബാങ്കുകള്‍ക്ക് എെ.എഫ്.എസ്.സി. കോഡ് ലഭിക്കുന്നതിന് ആര്‍.ബി.എെ. നിഷ്കര്‍ഷിക്കുന്ന മാനദണ്ഡങ്ങള്‍ എന്തെല്ലാമെന്ന് വ്യക്തമാക്കാമോ;

(സി)	എെ.എഫ്.എസ്.സി. കോഡ് ലഭിക്കാത്ത ജില്ലാ സഹകരണ ബാങ്കുകള്‍ക്ക് ആയത് ലഭിക്കുന്നതിനാവശ്യമായ നടപടികള്‍ സ്വീകരിക്കുമോ?

സഹകരണബാങ്കുകളില്‍ സ്ഥിരനിക്ഷേപത്തിന് കാലപരിധി

2529.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഏതെങ്കിലും ജില്ലാ സഹകരണബാങ്കുകളില്‍ സ്ഥിരനിക്ഷേപത്തിന് കാലാവധി പരിധി നിശ്ചയിച്ച് ഉത്തരവ് നല്‍കിയിട്ടുണ്ടോ; ആറുമാസത്തിലധികം കാലാവധിയുളള സ്ഥിരനിക്ഷേപങ്ങള്‍ സ്വീകരിയ്ക്കാന്‍ പാടില്ലായെന്ന തരത്തിലുളള എന്തെങ്കിലും തീരുമാനം കൈക്കൊണ്ടിട്ടുണ്ടോ; എങ്കില്‍ ഇതിന്റെ കാരണം വ്യക്തമാക്കുമോ;

(ബി)	ഇടപാടുകാരില്‍ നിന്നും സര്‍വ്വീസ് ചാര്‍ജ്ജ് ഈടാക്കുന്നതില്‍ ഈ സര്‍ക്കാര്‍ എന്തെങ്കിലും പുതിയ ഉത്തരവുകള്‍ നല്‍കിയിട്ടുണ്ടോ; വിശദാംശം നല്‍കുമോ;

(സി)	ഇത്തരം പുതിയ നിര്‍ദ്ദേശങ്ങള്‍, പ്രതിസന്ധി നേരിടുന്ന സഹകരണബാങ്കുകളുടെ പ്രവര്‍ത്തനത്തെ കൂടുതല്‍ പ്രതികൂലമായി ബാധിക്കുമെന്ന കാര്യം വിലയിരുത്തിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

സഹകരണ സംഘത്തിലെ വായ്പക്കാരന്‍ വായ്പാ കാലാവധിക്കുള്ളില്‍ മരണമടയുന്ന സാഹചര്യം

2530.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ ബാങ്കില്‍ നിന്നും വായ്പ എടുത്ത് വായ്പ തിരിച്ചടയ്ക്കാന്‍ കഴിയാതെ വരുകയും വായ്പക്കാരന്‍ വായ്പാ കാലാവധിക്കുള്ളില്‍ മരണമടയുകയും ചെയ്യുന്ന സാഹചര്യത്തില്‍ വായ്പ തിരിച്ചടയ്ക്കാന്‍ എന്തൊക്കെ ആനുകൂല്യം നല്‍കി വരുന്നുണ്ടെന്ന് വിശദമാക്കാമോ;

(ബി)	ഇത്തരം വായ്പ റിസ്ക്ക് ഫണ്ടില്‍ ഉള്‍പ്പെടുത്തുമോ;

(സി)	റിസ്ക്ക് ഫണ്ടില്‍ ഉള്‍പ്പെടുത്തുവാന്‍ മരണപ്പെട്ട് ഇത്ര നാള്‍ എന്ന് കാലാവധി നിശ്ചയിച്ചിട്ടുണ്ടോ ?

കെ. എസ്. ആര്‍. ടി. സി. പെന്‍ഷന്‍ വിതരണം

2531.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കെ. എസ്. ആര്‍. ടി. സി. പെന്‍ഷന്‍ വിതരണം സഹകരണ മേഖലയ്ക്ക് ഉത്തരവാദിത്തത്തോടു കൂടി നടപ്പിലാക്കുന്നതിന് സാധിച്ചിട്ടുണ്ടോ; വിശദാംശം നല്‍കാമോ;

(ബി)	ഈ ചുമതല ഏറ്റെടുത്തത് മൂലം സഹകരണ മേഖലയ്ക്ക് ഉണ്ടായിട്ടുള്ള നേട്ടമെന്താണ്; പലിശയിനത്തില്‍ എന്ത് തുക പ്രതിമാസം ലഭിക്കും;വിശദമാക്കാമോ;

(സി)	കെ. എസ്. ആര്‍. ടി. സി. പെന്‍ഷന്‍ വിതരണം നിലവിലുള്ള ധാരണ അനുസരിച്ച് എന്നുവരെയാണ് സഹകരണ സംഘങ്ങള്‍ വഴി വിതരണം ചെയ്യുന്നത്; പ്രസ്തുത കാലയളവിന് ശേഷവും ഈ പെന്‍ഷന്‍ പദ്ധതി സഹകരണ മേഖല വഴി തുടരുവാന്‍ ആലോചനയുണ്ടോ; വ്യക്തമാക്കാമോ;

(ഡി)	സഹകരണ ബാങ്കുകള്‍ ഇതുവരെ പെന്‍ഷന്‍ ഇനത്തില്‍ എത്ര തുകയാണ് വിതരണം ചെയ്തത്; പ്രസ്തുത തുക എന്നത്തേക്ക് മടക്കി കിട്ടുമെന്നാണ് പ്രതീക്ഷിക്കുന്നത്; വിശദമാക്കാമോ?

വെളളൂര്‍ സര്‍വ്വീസ് സഹകരണ ബാങ്കിലെ ക്രമക്കേട്

2532.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വെെക്കം വെളളൂര്‍ സര്‍വ്വീസ് സഹകരണ ബാങ്കില്‍ കോടികളുടെ തട്ടിപ്പ് നടന്നതായി കണ്ടെത്തിയിട്ടുണ്ടോ; എങ്കില്‍ എത്ര കോടി രൂപയുടെ തിരിമറിയാണ് കണ്ടെത്തിയത്;

(ബി)	ഏതാെക്കെ തരത്തിലുളള തട്ടിപ്പുകളാണ് പ്രസ്തുത സ്ഥാപനത്തില്‍ നടത്തിയതായി കണ്ടെത്തിയിട്ടുളളത്;

(സി)	ഇതിന്റെ അടിസ്ഥാനത്തില്‍ കേസ് രജിസ്റ്റര്‍ ചെയ്തിട്ടുണ്ടോ; എത്ര ജീവനക്കാര്‍ക്കെതിരെ നടപടി സ്വീകരിച്ചു;

(ഡി)	പ്രസ്തുത സഹകരണ ബാങ്കിന്റെ ഭരണസമിതി ഏത് രാഷ്ട്രീയ പാര്‍ട്ടിയില്‍ പെട്ടവരാണെന്ന് വെളിപ്പെടുത്തുമോ ?

മൊത്ത വ്യാപാര സഹകരണ സ്റ്റോറുകളുടെ പുന:രുദ്ധാരണം

2533.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മൊത്ത വ്യാപാര സഹകരണ സ്റ്റോറുകളുടെ ശോചനീയാവസ്ഥ ശ്രദ്ധയിൽപ്പെട്ടിട്ടുണ്ടോ;

(ബി)	മൊത്ത വ്യാപാര സഹകരണ സ്റ്റോറുകളുടെ പുന:രുദ്ധാരണത്തിനായി എന്ത് നടപടി സ്വീകരിക്കുവാന്‍ ഉദ്ദേശിക്കുന്നതെന്ന് വിശദമാക്കാമോ;

(സി)	ഇവിടുത്തെ ജീവനക്കാരുടെ തുഛമായ വരുമാനം കണക്കിലെടുത്ത് ശമ്പളപരിഷ്കരണം നടപ്പിലാക്കാന്‍ നടപടി സ്വീകരിക്കുമോ;

(ഡി)	സര്‍ക്കാര്‍ സ്ഥാപനങ്ങളിലേക്ക് ടെന്‍ഡര്‍ കൂടാതെ ജില്ല മൊത്ത വ്യാപാര സഹകരണ സ്റ്റോറുകളില്‍ നിന്നും നിത്യോപയോഗ സാധനങ്ങള്‍ വാങ്ങുന്നതിനായി 2009 -ല്‍ ഇറക്കിയിരുന്ന സര്‍ക്കുലര്‍ പുതുക്കി നല്‍കാന്‍ നടപടി സ്വീകരിച്ചിട്ടുണ്ടോ; എങ്കില്‍ സ്വീകരിച്ചിട്ടുള്ള നടപടി എന്തെന്ന് വിശദമാക്കാമോ?

സഹകരണ സംഘങ്ങള്‍ വഴി നെല്ല് സംഭരണം

2534.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഉല്‍പ്പാദിപ്പിക്കുന്ന നെല്ല് സഹകരണ സംഘങ്ങള്‍ വഴി സംഭരണം നടത്തുന്നതിന് നടപടി സ്വീകരിക്കുവാന്‍ ഉദ്ദേശമുണ്ടോ;

(ബി)	ഉണ്ടെങ്കില്‍ അതിന്റെ വിശദാംശം വ്യക്തമാക്കുമോ;

(സി)	സഹകരണ സംഘങ്ങള്‍ മുഖേന നെല്ല് സംഭരണം നടത്തുന്നതിലൂടെ കര്‍ഷകര്‍ക്ക് എന്തെല്ലാം ഗുണങ്ങളാണ് ഉണ്ടാകുക; വിശദാംശം വ്യക്തമാക്കുമോ?

സഹകരണ സംഘങ്ങള്‍ വഴി പെന്‍ഷന്‍ വിതരണം

2535.

(എ)	ഇൗ സര്‍ക്കാര്‍ അധികാരത്തില്‍ വന്നതിനുശേഷം സാമൂഹ്യ സുരക്ഷ പെന്‍ഷനുകള്‍ സഹകരണ സംഘങ്ങള്‍ വഴി ഗുണഭോക്താക്കളുടെ വീട്ടില്‍ എത്തിക്കുന്ന പദ്ധതി പ്രകാരം ഇതുവരെ എത്ര കോടി രൂപ വിതരണം ചെയ്തിട്ടുണ്ട്;

(ബി)	പരാതികളില്ലാതെ സഹകരണസംഘങ്ങള്‍ വഴി പെന്‍ഷനുകള്‍ വിതരണം ചെയ്യാന്‍ കഴിഞ്ഞത് സഹകരണ മേഖലയുടെ കരുത്തും സ്വാധീനവും മൂലമാണെന്ന വിലയിരുത്തല്‍ നടത്തിയിട്ടുണ്ടോ എന്ന് വ്യക്തമാക്കുമോ?

സ്ഥിരമായ വിപണി ഇടപെടല്‍

2536.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	2018-19 ല്‍ ഒരു വര്‍ഷം നീണ്ടുനില്‍ക്കുന്ന സ്ഥിരമായ വിപണി ഇടപെടലിന് കണ്‍സ്യൂമര്‍ ഫെഡറേഷന്‍ പദ്ധതി തയ്യാറാക്കിയിട്ടുണ്ടോ; വിശദാംശം നല്‍കുമോ;

(ബി)	ഫെഡറേഷന്റെ കീഴിലുള്ള നീതി സ്റ്റോറുകളുടെ പ്രവര്‍ത്തനം വിലയിരുത്തിയിട്ടുണ്ടോ; നീതി സ്റ്റോറുകളില്‍ അവശ്യസാധനങ്ങളുടെ ലഭ്യത ഉറപ്പുവരുത്തുവാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

(സി)	വരുന്ന ഓണക്കാലത്ത് എന്തെല്ലാം തരത്തിലുള്ള കമ്പോള ഇടപെടലുകളാണ് ഫെഡറേഷന് കീഴിലുള്ള സ്ഥാപനങ്ങള്‍ നടത്തുവാന്‍ ഉദ്ദേശിക്കുന്നതെന്ന് അറിയിക്കുമോ;

(ഡി)	കണ്‍സ്യൂമര്‍ ഫെഡറേഷന്റെ കീഴിലുള്ള സ്ഥാപനങ്ങള്‍ക്ക് കമ്പോള ഇടപെടലിന് വേണ്ടി കഴിഞ്ഞ സാമ്പത്തിക വര്‍ഷം എന്ത് തുകയാണ് സര്‍ക്കാര്‍ അനുവദിച്ചതെന്ന് വ്യക്തമാക്കാമോ;

(ഇ)	ത്രിവേണി സ്റ്റോറുകള്‍ക്കും നീതി സ്റ്റോറുകള്‍ക്കും ശരിയായ രീതിയില്‍ കമ്പോള ഇടപെടല്‍ നടത്തുവാന്‍ സാധിച്ചെങ്കില്‍ നിത്യോപയോഗ സാധനങ്ങളുടെ വില പൊതുകമ്പോളത്തില്‍ കുത്തനെ വര്‍ദ്ധിച്ച് സാധാരണക്കാരായ ആളുകള്‍ ദുരിതത്തിലായത് എന്തുകൊണ്ടെന്ന് വ്യക്തമാക്കുമോ?

വിലക്കയറ്റം തടയാന്‍ സഹകരണ സ്ഥാപനങ്ങളുടെ ഇടപെടല്‍

2537.

(എ)	ഈ സര്‍ക്കാര്‍ അധികാരത്തില്‍ വന്നശേഷം നിത്യോപയോഗ സാധനങ്ങളുടെ വിലക്കയറ്റം തടയുന്നതിന്റെ ഭാഗമായി എന്തെല്ലാം ഇടപെടലുകളാണ് സഹകരണ സ്ഥാപനങ്ങള്‍ മുഖേന നടത്തിയിട്ടുളളത്;

(ബി)	ഉത്സവകാലങ്ങളിലെ വിലക്കയറ്റം തടയുന്നതിനായി കഴിഞ്ഞ രണ്ട് വര്‍ഷങ്ങളില്‍ പ്രസ്തുത സ്ഥാപനങ്ങള്‍ മുഖേന സ്വീകരിച്ച നടപടികള്‍ എന്തൊക്കെയായിരുന്നുവെന്ന വിശദാംശം വ്യക്തമാക്കുമോ;

(സി)	വരുന്ന ഓണക്കാലത്ത് ഉണ്ടാകാനിടയുളള വിലക്കയറ്റം തടയുന്നതിന്റെ ഭാഗമായി എന്തെല്ലാം നടപടികളാണ് സഹകരണ സ്ഥാപനങ്ങള്‍ മുഖേന സ്വീകരിക്കുവാന്‍ ഉദ്ദേശിക്കുന്നത്; വിശദാംശം വ്യക്തമാക്കുമോ?

കണ്‍സ്യൂമര്‍ ഫെഡിന്റെ പ്രവര്‍ത്തനം

2538.

(എ)	2016 മാര്‍ച്ച് 31-ലെ കണക്ക് പ്രകാരം കണ്‍സ്യൂമര്‍ ഫെഡ് -ന്റെ നഷ്ടം എത്ര കാേടി രൂപ ആയിരുന്നു;

(ബി)	2018-മാര്‍ച്ച് 31-ലെ കണക്ക് പ്രകാരം കണ്‍സ്യൂമര്‍ ഫെഡ് ലാഭത്തിലാണാേ പ്രവര്‍ത്തിക്കുന്നത്; എങ്കില്‍ എത്ര കാേടി രൂപ ലാഭം നേടിയിട്ടുണ്ട്;

(സി)	പ്രസ്തുത സ്ഥാപനത്തില്‍ നിലനിന്നിരുന്ന അഴിമതിയും കെടുകാര്യസ്തതയും അവസാനിപ്പിക്കുവാന്‍ കഴിഞ്ഞതാണ് ഇതിന്റെ പ്രവര്‍ത്തനം മികവുറ്റതാകാന്‍ കാരണം എന്ന വിലയിരുത്തല്‍ നടത്തിയിട്ടുണ്ടാേ;

(ഡി)	കണ്‍സ്യൂമര്‍ ഫെഡിന്റെ പ്രവര്‍ത്തനം കൂടുതല്‍ ജനാേപകാരപ്രദമാക്കുന്നതിന് എന്തെല്ലാം നടപടികളാണ് സ്വീകരിക്കുവാന്‍ ഉദ്ദേശിക്കുന്നത്; വിശദാംശം വെളിപ്പെടുത്തുമോ?

സഹകരണ റിസ്ക് ഫണ്ട് പദ്ധതി

2539.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ റിസ്ക് ഫണ്ട് പദ്ധതി പ്രകാരം 2017-18 സാമ്പത്തിക വര്‍ഷം ആകെ എത്ര പേര്‍ക്ക് ധനസഹായം നൽകിയെന്ന് അറിയിക്കാമോ;

(ബി)	ഈ പദ്ധതി പ്രകാരം പ്രസ്തുത വര്‍ഷം ആകെ എത്ര തുകയാണ് വിതരണത്തിനായി അനുവദിച്ചിട്ടുള്ളത് ?

റിസ്ക് ഫണ്ട്

2540.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരള സഹകരണ വികസന ക്ഷേമനിധി ബാേര്‍ഡ് നടപ്പിലാക്കുന്ന റിസ്ക് ഫണ്ടിന്റെ വിശദാംശം ലഭ്യമാക്കുമാേ ;

(ബി)	സഹകരണ സംഘങ്ങളില്‍ നിന്നും വായ്പയെടുത്ത ആള്‍ കാലാവധി പൂര്‍ത്തിയാക്കുന്നതിന് മുമ്പ് മരണപ്പെടുകയാേ മാരക രാേഗ ബാധിതനാകുകയോ ചെയ്യുന്ന സാഹചര്യത്തില്‍ എന്താെക്ക ആശ്വാസ നടപടികളാണ് സ്വീകരിക്കുന്നത് ;

(സി)	ഇൗ സര്‍ക്കാര്‍ നിലവില്‍ വന്നശേഷം ഇൗ പദ്ധതിയിലൂടെ എത്ര പേര്‍ക്ക് ആശ്വാസം നല്‍കുവാന്‍ കഴിഞ്ഞുവെന്നും എത്ര തുകയാണ് വിതരണം ചെയ്തതെന്നും വ്യക്തമാക്കുമാേ ;

(ഡി)	സഹകരണ ജീവനക്കാര്‍ക്ക് ക്ഷേമ ബാേര്‍ഡ് നല്‍കുന്ന ആനുകൂല്യം എന്തൊക്കെയാണ്; കഴിഞ്ഞ രണ്ട് വര്‍ഷത്തിനുള്ളില്‍ ഏതെങ്കിലും ഇനത്തില്‍ നല്‍കുന്ന ധനസഹായത്തില്‍ വര്‍ദ്ധനവ് വരുത്തിയിട്ടുണ്ടാേ ;വിശദമാക്കുമാേ?

സഹകരണ സര്‍വ്വീസ് ബോര്‍ഡ് മുഖാന്തിരമുള്ള നിയമനങ്ങള്‍

2541.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരളത്തില്‍ സഹകരണ സംഘങ്ങള്‍ സഹകരണ സര്‍വ്വീസ് ബോര്‍ഡ് മുഖാന്തിരം നിയമനം നടത്തേണ്ട ജൂനിയര്‍ ക്ലാര്‍ക്ക് മുതല്‍ മുകളിലേക്കുളള എത്ര തസ്തികകളില്‍ നിലവില്‍ ഒഴിവുണ്ട് ;

(ബി)	പ്രസ്തുത ഒഴിവുകളില്‍ എത്രയെണ്ണം പരീക്ഷാ ബോര്‍ഡിലേക്ക് റിപ്പോര്‍ട്ട് ചെയ്തിട്ടുണ്ടെന്ന് വ്യക്തമാക്കുമോ;

(സി)	പരീക്ഷാ ബോര്‍ഡിന് റിപ്പോര്‍ട്ട് ചെയ്യാതെ മറച്ചുവെച്ച ഒഴിവുകള്‍ അടിയന്തരമായി റിപ്പോര്‍ട്ട് ചെയ്യിക്കുവാന്‍ ആവശ്യമായ നടപടികള്‍ സ്വീകരിക്കുമോ;

(ഡി)	പരീക്ഷാ ബോര്‍ഡിന് റിപ്പോര്‍ട്ട് ചെയ്യേണ്ട തസ്തികകള്‍ ഒരു വര്‍ഷം ആയിട്ടും റിപ്പോര്‍ട്ട് ചെയ്യാത്ത സാഹചര്യത്തില്‍ തസ്തികകളുടെ അംഗീകാരം റദ്ദ് ചെയ്യുന്നത് ഉള്‍പ്പെടെയുളള നടപടികള്‍ സ്വീകരിക്കാന്‍ പദ്ധതിയുണ്ടോ; വ്യക്തമാക്കുമോ?

സഹകരണ പരീക്ഷാ ബോര്‍ഡിന്റെ പ്രവര്‍ത്തനം

2542.

(എ)	സഹകരണ പരീക്ഷാ ബോര്‍ഡിന്റെ പ്രവര്‍ത്തനം സുതാര്യവും കാര്യക്ഷമവും ആക്കുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ;

(ബി)	ഇൗ സര്‍ക്കാര്‍ അധികാരത്തില്‍ വന്ന ശേഷം പ്രസ്തുത ബോര്‍ഡു വഴി എത്ര നിയമനങ്ങള്‍ നടത്തിയെന്ന് വിശദമാക്കാമോ;

(സി)	നിലവില്‍ സഹകരണ പരീക്ഷാ ബോര്‍ഡ് ഏതൊക്കെ വിഭാഗത്തില്‍പ്പെട്ട സഹകരണ സംഘങ്ങളിലെ നിയമനമാണ് നടത്തുന്നതെന്ന് വിശദമാക്കാമോ;

(ഡി)	വായ്പേതര സഹകരണ സംഘങ്ങളിലെ നിയമനം കൂടി സഹകരണ പരീക്ഷാ ബോര്‍ഡിന്റെ കീഴിലാക്കുന്നതിന് നടപടി സ്വീകരിക്കുമോ; ഇക്കാര്യത്തിൽ സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ ?

സഹകരണ സ്ഥാപനങ്ങള്‍ക്ക് നെല്ല് സംഭരണത്തില്‍ പങ്കാളിത്തം

2543.

ശ്രീ.സി. ദിവാകരന്‍
,, ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ സ്ഥാപനങ്ങളെ നെല്ല് സംഭരണത്തില്‍ പങ്കാളികളാക്കുന്നതിന് നടത്തുന്ന ശ്രമങ്ങള്‍ വിശദമാക്കുമോ;

(ബി)	നെല്ല് അളന്ന ഉടന്‍ തന്നെ കര്‍ഷകന് പണം നല്‍കുന്നതിന് സംവിധാനം ഒരുക്കുമോ; വ്യക്തമാക്കുമോ;

(സി)	ഇങ്ങനെ സംഭരിക്കുന്ന നെല്ല് അരിയാക്കി എങ്ങനെ ഉപഭോക്താക്കളുടെ കയ്യിലെത്തിക്കുമെന്ന് വ്യക്തമാക്കുമോ;

(ഡി)	പ്രസ്തുത നെല്ല് സംഭരണം ഏതെങ്കിലും ജില്ലയില്‍ നടപ്പാക്കിയിട്ടുണ്ടോ; വ്യക്തമാക്കുമോ?

സാമൂഹിക സുരക്ഷ പെന്‍ഷന്‍ വീട്ടില്‍ എത്തിക്കുന്ന പദ്ധതി

2544.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്ന ശേഷം സാമൂഹിക സുരക്ഷ പെന്‍ഷന്‍ സഹകരണ സംഘങ്ങള്‍ മുഖേന ഗുണഭാേക്താക്കളുടെ വീട്ടില്‍ എത്തിക്കുന്ന പദ്ധതി പ്രകാരം എത്ര തുക വിതരണം ചെയ്തെന്ന് ജില്ല തിരിച്ച് വ്യക്തമാക്കുമാേ ;

(ബി)	സാമൂഹിക സുരക്ഷ പെന്‍ഷന്‍ വീട്ടില്‍ എത്തിക്കുന്നതിന് സഹകരണ സംഘങ്ങള്‍ക്ക് സര്‍ക്കാര്‍ എന്തെല്ലാം നിര്‍ദ്ദേശങ്ങളാണ് നല്‍കിയിരിക്കുന്നതെന്ന് വ്യക്തമാക്കുമാേ ?

കാര്‍ഷിക മേഖലയില്‍ സഹകരണ വകുപ്പിന്റെ ഇടപെടല്‍

2545.

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്തെ കാര്‍ഷിക മേഖലയില്‍ സഹകരണ വകുപ്പ് എന്തെങ്കിലും ഇടപെടല്‍ നടത്തിയിട്ടുണ്ടോ; എങ്കില്‍ വിശദാംശം അറിയിക്കുമോ;

(ബി)	എങ്കില്‍ വിശദാംശം ലഭ്യമാക്കുമോ?

നിപ വൈറസ് ഭീതി

2546.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

സംസ്ഥാനത്തെ നിപ വെെറസ് ഭീതി ടൂറിസം മേഖലയെ ബാധിച്ചിട്ടുണ്ടോ എന്ന് വ്യക്തമാക്കുമോ; ഉണ്ടെങ്കില്‍ ഇൗ പ്രതിസന്ധി മറികടക്കാന്‍ എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കാമോ?

ഓഖി ദുരന്തവും നിപ വൈറസ് ബാധയും ടൂറിസം മേഖലയില്‍ ഉണ്ടാക്കിയ മരവിപ്പ്

2547.

ശ്രീ.എം. വിന്‍സെന്റ്
,, അനില്‍ അക്കര
,, ഹൈബി ഈഡന്‍
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഉണ്ടായ ഓഖി ദുരന്തവും, നിപ വൈറസ് ബാധയും ടൂറിസം മേഖലയില്‍ എന്തെല്ലാം പ്രത്യാഘാതങ്ങളാണ് ഉണ്ടാക്കിയിട്ടുള്ളത്;

(ബി)	നിപ വൈറസ് ബാധയുടെ സാഹചര്യത്തില്‍ വിനോദ സഞ്ചാരികളില്‍ പലരും കേരളത്തിലേക്കുള്ള യാത്ര റദ്ദ് ചെയ്തിട്ടുണ്ടോ; ഉണ്ടെങ്കില്‍ വിനോദസഞ്ചാരികളുടെ എത്ര ശതമാനം കുറവാണ് ഈ സീസണില്‍ ഉണ്ടാകുന്നതെന്ന് കണക്കാക്കിയിട്ടുണ്ടോ;

(സി)	ഈ മേഖലയില്‍ ഉണ്ടായിട്ടുള്ള മരവിപ്പ് മാറ്റുന്നതിന് യോഗ അംബാസിഡര്‍ ടൂര്‍ പദ്ധതി സംഘടിപ്പിക്കുവാന്‍ ആലോചിക്കുന്നുണ്ടോ; ആരുടെയൊക്കെ സഹകരണത്തോടെയാണ് പ്രസ്തുത പദ്ധതി ആവിഷ്ക്കരിച്ചിട്ടുള്ളത്;

(ഡി)	സംസ്ഥാനത്തെ ടൂറിസം വികസനത്തിന് ഉതകുന്ന രീതിയില്‍ ഈ പദ്ധതി ആവിഷ്ക്കരിക്കുന്നതിനും, വിദേശ രാജ്യങ്ങളില്‍ ഇതിന് വേണ്ടത്ര പ്രചരണം നല്‍കുന്നതിനും നടപടി സ്വീകരിക്കുമോ?

കേരള ടൂറിസം സംരംഭകത്വ ഫണ്ട്

2548.

ശ്രീ.വി.ഡി.സതീശന്‍
,, എം. വിന്‍സെന്റ്
,, വി.എസ്.ശിവകുമാര്‍
,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ടൂറിസം രംഗത്ത് നൂതന ആശയങ്ങള്‍ നടപ്പിലാക്കുന്നതിനും തൊഴിലവസരങ്ങള്‍ വര്‍ദ്ധിപ്പിക്കുന്നതിനുമായി കേരള ടൂറിസം സംരംഭകത്വ ഫണ്ടിന് രൂപം നല്‍കുന്നതിന് തീരുമാനിച്ചിടുണ്ടോ; വിശദാംശം നല്‍കുമോ;

(ബി)	കേരള ടൂറിസം ബ്രാന്റിന് ഒരു ബ്രാന്റ് അംബാസിഡറെ നിയമിക്കുന്ന കാര്യം പരിഗണനയിലുണ്ടോ;

(സി)	ടൂറിസം കേന്ദ്രങ്ങള്‍ മാലിന്യമുക്തമാക്കുന്നതിനു സ്വീകരിച്ചിട്ടുളള നടപടികള്‍ എന്തൊക്കയാണ്; ടൂറിസം മേഖലയില്‍ ഗ്രീന്‍ പ്രോട്ടോകോള്‍ സംവിധാനം നടപ്പിലാക്കിയിട്ടുണ്ടോ;

(ഡി)	ടൂറിസം രംഗത്ത് കൂടുതല്‍ നിക്ഷേപം പ്രോത്സാഹിപ്പിക്കുന്നതിനായി ഇന്‍വസ്റ്റേഴ്സ് മീറ്റ് സംഘടിപ്പിക്കുന്നതിന് ലക്ഷ്യമിട്ടിട്ടുണ്ടോ; വിശദാംശം നല്‍കുമാേ?

വിനോദ സഞ്ചാര മേഖല കൈവരിച്ച നേട്ടങ്ങള്‍

2549.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

വിനോദ സഞ്ചാര മേഖല കഴിഞ്ഞ ഒരു വര്‍ഷത്തിനുള്ളില്‍ കൈവരിച്ച നേട്ടങ്ങള്‍ എന്തെല്ലാമാണെന്ന് ജില്ലകള്‍ തിരിച്ച് വ്യക്തമാക്കാമോ?

ടുറിസം റഗുലേറ്ററി അതാേറിറ്റി

2550.

(എ)	സംസ്ഥാനത്തെ ടൂറിസം കേന്ദ്രങ്ങളിലെത്തുന്ന സന്ദര്‍ശകര്‍ പലവിധത്തിലുള്ള ചൂഷണങ്ങള്‍ക്ക് വിധേയരാകുന്നുവെന്ന പരാതി ലഭിച്ചിട്ടുണ്ടാേ ;

(ബി)	ടൂറിസം റഗുലേറ്ററി അതാേറിറ്റി നിലവില്‍ വരുന്നതാേടുകൂടി ടൂറിസം മേഖലയില്‍ എന്താെക്ക മാറ്റങ്ങള്‍ കാെണ്ടുവരുവാന്‍ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കാമോ ?

ടൂറിസം റെഗുലേറ്ററി അതാേറിറ്റിയുടെ അധികാരങ്ങളും ചുമതലകളും

2551.

ശ്രീ.ഇ.പി.ജയരാജന്‍
,, കെ. ആന്‍സലന്‍
,, എം. രാജഗോപാലന്‍
,, കെ. ബാബു : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയ ടൂറിസം നയം പ്രഖ്യാപിച്ചതിന്റെ അടിസ്ഥാനത്തില്‍ നടപ്പിലാക്കാനുദ്ദേശിക്കുന്ന പ്രധാന പദ്ധതികള്‍ എന്താെക്കെയാണെന്ന് വ്യക്തമാക്കാമാേ;

(ബി)	ടൂറിസം മേഖല അഭിമുഖീകരിക്കുന്ന വിവിധ പ്രശ്നങ്ങളില്‍ ഫലപ്രദമായി ഇടപെടുന്നതിന് ടൂറിസം റെഗുലേറ്ററി അതാേറിറ്റിക്ക് എന്തെല്ലാം അധികാരങ്ങളും ചുമതലകളും നല്‍കുവാനാണ് ഉദ്ദേശിക്കുന്നതെന്ന് വ്യക്തമാക്കാമാേ ?

(സി)

ടൂറിസം കേന്ദ്രങ്ങളില്‍ ഗ്രീന്‍ പ്രോട്ടോക്കോള്‍

2552.

(എ)	സംസ്ഥാനത്തെ ടൂറിസം കേന്ദ്രങ്ങളില്‍ ഗ്രീന്‍ പ്രോട്ടോക്കോള്‍ നടപ്പിലാക്കാന്‍ നടപടി സ്വീകരിച്ചുവരുന്നുണ്ടോ; വിശദാംശം അറിയിക്കുമോ;

(ബി)	ടൂറിസ്റ്റ് കേന്ദ്രങ്ങളില്‍ ശുചിത്വം ഉറപ്പാക്കുന്നതിനും പ്ലാസ്റ്റിക് ഒഴിവാക്കുന്നതിനും ആവശ്യമായ നടപടികള്‍ സ്വീകരിക്കുമോ; എങ്കിൽ വിശദാംശം അറിയിക്കുമോ?

മലബാര്‍ -മലനാട് റിവര്‍ ക്രൂസ് ടൂറിസം പ്രോജക്ട്

2553.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

കാസര്‍ഗാേഡ്,കണ്ണൂര്‍ ജില്ലകളിലെ നദികളെയും കായലുകളെയും ഉള്‍പ്പെടുത്തിക്കാെണ്ട് കേന്ദ്ര ടൂറിസം മന്ത്രാലയത്തിന്റെ അംഗീകാരത്തിനായി സമര്‍പ്പിച്ച മലബാര്‍ -മലനാട് റിവര്‍ ക്രൂസ് ടൂറിസം പ്രോജക്ടിന് അംഗീകാരം ലഭ്യമായിട്ടുണ്ടാേ; വിശദാംശം ലഭ്യമാക്കുമാേ?

കാസര്‍ഗോഡ് ജില്ലയിലെ പള്ളിക്കര പി.എച്ച്.സി നിര്‍മ്മാണം

2554.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ പള്ളിക്കര പി.എച്ച്.സി നിര്‍മ്മാണവുമായി ബന്ധപ്പെട്ട് പള്ളിക്കര പഞ്ചായത്തും ബി.ആര്‍.ഡി.സി-യും അവരവരുടെ കൈവശമുള്ള സ്ഥലം പരസ്പരം കൈമാറ്റം ചെയ്തിട്ടുണ്ടോ; വിശദാംശങ്ങള്‍ അറിയിക്കാമോ;

(ബി)	ഭൂമി കൈമാറ്റവുമായി ബന്ധപ്പെട്ട് ഇറക്കിയ സര്‍ക്കാര്‍ ഉത്തരവ് പ്രകാരം നിര്‍മ്മാണത്തിന് ബി.ആര്‍.ഡി.സി, പി.എച്ച്.സി-ക്ക് എത്ര തുകയാണ് നല്‍കേണ്ടത്; വിശദാംശങ്ങള്‍ അറിയിക്കാമോ;

(സി)	പ്രസ്തുത നിര്‍മ്മാണം തുടങ്ങിയ സ്ഥിതിയ്ക്ക് ഈ തുക ബി.ആര്‍.ഡി.സി നല്‍കിയിട്ടുണ്ടോ; ഇല്ലെങ്കില്‍ നല്‍കാതിരിക്കാനുള്ള കാരണം വിശദമാക്കാമോ?

ക്രാഫ്റ്റ് വില്ലേജുകള്‍

2555.

ശ്രീ.എം. മുകേഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	എല്ലാ ജില്ലകളിലും ക്രാഫ്റ്റ് വില്ലേജുകള്‍ സ്ഥാപിക്കുന്നതിനുളള പദ്ധതി പ്രകാരം കൊല്ലം ജില്ലയില്‍ ആയതിനുളള ഭൂമി ലഭ്യമായിട്ടുണ്ടോ എന്നുള്ളതിന്റെ വിശദാംശം ലഭ്യമാക്കുമോ;

(ബി)

കൊല്ലം നിയോജക മണ്ഡലത്തില്‍ പനയം പഞ്ചായത്തില്‍ പെരുമണില്‍ സര്‍ക്കാര്‍ ഉടമസ്ഥതയില്‍ ലഭ്യമായിട്ടുളള 6 ഏക്കര്‍ ഭൂമി കയര്‍ പാര്‍ക്കിന് നല്‍കിയിരുന്നത്, കയര്‍പാര്‍ക്കിന് അനുയോജ്യമല്ലാത്ത സാഹചര്യത്തില്‍ പ്രസ്തുത ഭൂമി സര്‍ക്കാരിലേക്ക് വിട്ടൊഴിയുന്നതിന് എന്‍.സി.ആര്‍.എം.എെ അഭ്യര്‍ത്ഥിച്ചിട്ടുളളതിനാല്‍ പ്രസ്തുത ഭൂമി ടൂറിസം വകുപ്പ് ഏറ്റെടുത്ത് നിര്‍ദ്ദിഷ്ട ക്രാഫ്റ്റ് വില്ലേജ് സ്ഥാപിക്കുന്നതിനാവശ്യമായ നടപടി സ്വീകരിക്കുമോ;വിശദാംശം ലഭ്യമാക്കുമോ?

വിനോദസഞ്ചാര മേഖലയുടെ പുരോഗതി

2556.

ശ്രീമതി ഇ.എസ്.ബിജിമോള്‍
ശ്രീ.ജി.എസ്.ജയലാല്‍
,, ഇ.ടി. ടൈസണ്‍ മാസ്റ്റര്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരളത്തിലെ വിനോദസഞ്ചാര മേഖലയുടെ പുരോഗതി വിലയിരുത്തിയിട്ടുണ്ടോ; വ്യക്തമാക്കുമോ;

(ബി)	ഗ്രീന്‍കാര്‍പ്പറ്റ് സംരംഭത്തിനെ സംബന്ധിച്ച വിശദാംശങ്ങള്‍ ലഭ്യമാക്കുമോ;

(സി)	വിനോദസഞ്ചാര മേഖലയുടെ വികസനത്തിനായി വിവരസാങ്കേതിക വിദ്യാസംരംഭങ്ങള്‍ ആരംഭിക്കുന്നത് സംബന്ധിച്ച വിശദാംശങ്ങള്‍ ലഭ്യമാക്കുമോ;

(ഡി)	വിനോദസഞ്ചാരവുമായി ബന്ധപ്പെട്ട പ്രവര്‍ത്തനങ്ങള്‍ക്ക് കഴിഞ്ഞ രണ്ട് വര്‍ഷത്തിനിടയില്‍ കേരളത്തിന് അവാര്‍ഡുകളും അംഗീകാരങ്ങളും ലഭ്യമായിട്ടുണ്ടോ; വ്യക്തമാക്കുമോ?

വിനോദസഞ്ചാര മേഖലയില്‍ ഉണ്ടായ മാറ്റങ്ങള്‍

2557.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വിനോദസഞ്ചാര നയം നടപ്പിലാക്കിയതോടെ സംസ്ഥാനത്ത് വിനോദസഞ്ചാര മേഖലയില്‍ ഉണ്ടായ മാറ്റങ്ങള്‍ എന്തൊക്കെയാണെന്ന് വിശദമാക്കുമോ;

(ബി)	ടൂറിസം കേന്ദ്രങ്ങളിലെ അടിസ്ഥാന സൗകര്യങ്ങല്‍ മെച്ചപ്പെടുത്തുന്നതിന് സ്വീകരിച്ച നടപടികള്‍ എന്തൊക്കെയാണ്;

(സി)	വിനോദസഞ്ചാര നയം നടപ്പിലാക്കിയത് മൂലം തൊഴിലവസരങ്ങള്‍ കൂടുതലായി ഒരുക്കുന്നതിന് സാധിച്ചിട്ടുണ്ടോ; വിശദാംശം നല്‍കുമോ;

(ഡി)	അതിഥികള്‍ക്ക് സംസ്ഥാനത്ത് നിര്‍ഭയം സഞ്ചരിക്കുന്നതിന് ആധുനിക സുരക്ഷാ സംവിധാനങ്ങള്‍ ഒരുക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണ്; വിശദാംശം ലഭ്യമാക്കുമോ?

തുഷാരഗിരിയിലെ അടിസ്ഥാന സൗകര്യ വികസനം

2558.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വിനോദസഞ്ചാര കേന്ദ്രമായ തുഷാരഗിരിയിലെ അടിസ്ഥാന സൗകര്യ വികസനത്തിനായി ബജറ്റില്‍ കിഫ്ബി സഹായത്തോടെ നടപ്പാക്കുമെന്ന് പ്രഖ്യാപിച്ച പദ്ധതിയുടെ നിലവിലുള്ള അവസ്ഥയും വിശദാംശവും ലഭ്യമാക്കുമോ;

(ബി)	പ്രസ്തുത പ്രവൃത്തി എന്ന് ആരംഭിക്കാന്‍ കഴിയുമെന്ന് വ്യക്തമാക്കുമോ?

പീരുമേട്ടില്‍ വിനോദസഞ്ചാര മേഖലയുമായി ബന്ധപ്പെട്ട് നടപ്പാക്കുന്ന പദ്ധതികള്‍

2559.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം പീരുമേട് നിയോജകമണ്ഡലത്തില്‍ വിനോദസഞ്ചാര മേഖലയുമായി ബന്ധപ്പെട്ട് നടപ്പാക്കുവാന്‍ കഴിഞ്ഞ പദ്ധതികളുടെ വിശദാംശങ്ങള്‍ ലഭ്യമാക്കാമോ;

(ബി)	പ്രസ്തുത മണ്ഡലത്തില്‍ നിലവിലുണ്ടായിരുന്ന വിനോദസഞ്ചാര പദ്ധതികളില്‍ നവീകരണ പ്രവര്‍ത്തനങ്ങള്‍ നടന്നുവരുന്നവ ഏതൊക്കെയെന്ന് വ്യക്തമാക്കുമോ;

(സി)	മണ്ഡലത്തിലെ തോട്ടം മേഖലയുടെ വിനോദസഞ്ചാര സാദ്ധ്യതകള്‍ കൂടി പരമാവധി പ്രയോജനപ്പെടുത്താന്‍ കഴിയുന്ന പദ്ധതികള്‍ വകുപ്പിന്റെ പരിഗണനയിലുണ്ടോ; വിശദമാക്കുമോ?

മണലൂര്‍ നിയോജകമണ്ഡലത്തില്‍ നടപ്പാക്കിയ പദ്ധതികള്‍

2560.

(എ)	2017-18 വര്‍ഷത്തില്‍ വിനോദസഞ്ചാര വകുപ്പിന്റെ ആഭിമുഖ്യത്തില്‍ മണലൂര്‍ നിയോജകമണ്ഡലത്തില്‍ നടപ്പിലാക്കിയ പ്രധാന പദ്ധതികള്‍ ഏതെല്ലാമാണെന്ന് വിശദമാക്കുമോ;

(ബി)	2018-19 ലെ ബഡ്ജറ്റില്‍ ഉള്‍പ്പെടുത്തിയിട്ടുള്ള, മണലൂര്‍ നിയോജകമണ്ഡലത്തിൽ നടപ്പാക്കേണ്ട വിനോദസഞ്ചാര വകുപ്പിന്റെ പദ്ധതികള്‍ക്ക് ഭരണാനുമതി ലഭ്യമാക്കുന്നത് ഉള്‍പ്പെടെ എന്തെല്ലാം നടപടികള്‍ സ്വീകരിച്ചെന്ന് അറിയിക്കുമോ?

ശ്രീ നാരായണ സര്‍ക്യൂട്ട് ടൂറിസം പദ്ധതി

2561.

(എ)	ശ്രീ നാരായണ സര്‍ക്യൂട്ട് ടൂറിസം പദ്ധതിയുടെ വിശദാംശങ്ങള്‍ എന്തൊക്കെയാണ്; ഏതൊക്കെ കേന്ദ്രങ്ങളെയാണ് ഈ പദ്ധതിയില്‍ ഉള്‍പ്പെടുത്തിയിട്ടുള്ളത്;

(ബി)	ഈ പദ്ധതി പ്രാവര്‍ത്തികമാക്കുന്നതിന് പ്രൊപ്പോസല്‍ കേന്ദ്രസര്‍ക്കാരിന് സമര്‍പ്പിച്ചിട്ടുണ്ടോ; എത്ര കോടി രൂപയുടെ നിര്‍ദ്ദേശമാണ് സമര്‍പ്പിച്ചിട്ടുള്ളത്;

(സി)	പ്രസ്തുത പദ്ധതിക്ക് അംഗീകാരം ലഭിച്ചിട്ടുണ്ടോ; വിശദമാക്കുമോ?

മലയോര തീരദേശ മേഖലയിലെ ടൂറിസം പദ്ധതികള്‍

2562.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പിലാക്കി വരുന്ന മലയോര ടൂറിസം വികസന പദ്ധതികള്‍ എന്തൊക്കെയാണെന്ന് വിശദമാക്കുമോ; പ്രസ്തുത പദ്ധതികള്‍ക്ക് കേന്ദ്ര സര്‍ക്കാരിന്റെ ധനസഹായം ലഭ്യമാണോ; എങ്കില്‍ എത്ര തുക ലഭിച്ചു എന്ന് വിശദമാക്കുമോ;

(ബി)	തീരദേശ മേഖലയിലെ ടൂറിസം പദ്ധതികള്‍ എന്തൊക്കെയാണ്; വിശദമാക്കുമോ; പ്രസ്തുത പദ്ധതികള്‍ക്ക് കേന്ദ്രസര്‍ക്കാരിന്റെ ധനസഹായം ലഭിച്ചിട്ടുണ്ടെങ്കില്‍ വിശദമാക്കുമോ;

(സി)	കേന്ദ്ര ടൂറിസം മന്ത്രാലയത്തിന്റെ നിര്‍ദ്ദേശത്തിന്റെ അടിസ്ഥാനത്തില്‍ സംസ്ഥാനത്തെ ഏതൊക്കെ പെെതൃക സ്മാരകങ്ങളാണ് സ്വകാര്യ മേഖലയ്ക്ക് കെെമാറുന്നത്; വിശദമാക്കുമോ?

ഗ്രീന്‍ കാര്‍പ്പറ്റ് പദ്ധതി

2563.

ശ്രീ.ബി.സത്യന്‍
ശ്രീമതി യു. പ്രതിഭ ഹരി
ശ്രീ.എ. എന്‍. ഷംസീര്‍
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ടൂറിസ്റ്റ് കേന്ദ്രങ്ങളില്‍ മെച്ചപ്പെട്ട അടിസ്ഥാന സൗകര്യങ്ങളും സുരക്ഷിതത്വവും ശുചിത്വവും ഉറപ്പുവരുത്തുന്നതിന് ഗ്രീന്‍ കാര്‍പ്പറ്റ് പദ്ധതി ആവിഷ്ക്കരിച്ചിട്ടുണ്ടോ;

(ബി)	പ്രസ്തുത പദ്ധതി ഏതെല്ലാം ഏജന്‍സികളുടെ സഹകരണത്തോടെയാണ് നടപ്പാക്കി വരുന്നതെന്ന് വ്യക്തമാക്കാമോ;

(സി)	ഈ സര്‍ക്കാര്‍ അധികാരമേറ്റശേഷം ഭരണാനുമതി നല്‍കിയ വിനോദ സഞ്ചാര വികസന പദ്ധതികള്‍ ഏതെല്ലാമാണെന്ന് വിശദമാക്കാമോ?

കണയംങ്കോട് ടൂറിസം പദ്ധതി

2564.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ബാലുശ്ശേരി മണ്ഡലത്തിലെ ടൂറിസം കോറിഡോറിന്റെ ഭാഗമായ കണയംങ്കോട് ടൂറിസം പദ്ധതിയുടെ ഡി.പി.ആര്‍ തയ്യാറാക്കി സമര്‍പ്പിച്ചിട്ടുണ്ടോ;

(ബി)	കണയംങ്കോട് ടൂറിസം പദ്ധതിയ്ക്ക് വേഗത്തില്‍ ഭരണാനുമതി ലഭിക്കാനുള്ള നടപടി സ്വീകരിക്കാമോ?

സീപ്ലെയിന്‍ പദ്ധതി

2565.

(എ)	സംസ്ഥാനത്ത് സീപ്ലെയിന്‍ പദ്ധതി നടപ്പിലാക്കുന്നതിന്റെ ഭാഗമായി അഷ്ടമുടിയിലും പുന്നമടയിലും വാട്ടര്‍ഡ്രോമുകളും മറ്റ് അനുബന്ധ സൗകര്യങ്ങളും ഒരുക്കുന്നതിനു വേണ്ടി എത്ര തുക ചെലവഴിച്ചുവെന്ന് വ്യക്തമാക്കുമോ;

(ബി)	സീപ്ലെയിന്‍ പദ്ധതി നടപ്പിലാക്കുന്നതിന്റെ ഭാഗമായി പരമ്പരാഗത മത്സ്യത്തൊഴിലാളികള്‍ക്കിടയില്‍ ഉണ്ടായ ആശങ്കകളെകുറിച്ച് പഠിക്കാന്‍ നിയോഗിച്ച കമ്മിറ്റി, പ്രസ്തുത പദ്ധതി മത്സ്യങ്ങളുടെ ആവാസ വ്യവസ്ഥയ്ക്ക് ദോഷകരമല്ലെന്ന റിപ്പോര്‍ട്ട് സമര്‍പ്പിച്ചിട്ടുണ്ടോ; വിശദാംശം ലഭ്യമാക്കുമോ;

(സി)	പ്രസ്തുത റിപ്പോര്‍ട്ടിന്റെ പശ്ചാത്തലത്തില്‍ സീപ്ലെയിന്‍ പദ്ധതി നടപ്പിലാക്കുന്നതിന് ഉദ്ദേശിക്കുന്നുണ്ടോ; ഉണ്ടെങ്കില്‍ അതിനായി സ്വീകരിച്ചുവരുന്ന നടപടികള്‍ വിശദമാക്കുമോ;

ഗ്രാമീണ ടൂറിസം പദ്ധതി

2566.

(എ)	പശ്ചിമകൊച്ചിയിൽ കായലുകളുടെയും പുഴകളുടെയും സാമീപ്യം കൊണ്ട് മനോഹരമായ ചിറക്കല്‍, കളത്ര, കരി, തുടങ്ങിയ പ്രദേശങ്ങളുടെ പ്രകൃതിരമണീയതയും വിനോദസഞ്ചാരസാധ്യതയും പരിശോധിച്ചിട്ടുണ്ടോ ;

(ബി)	പ്രസ്തുത പ്രദേശങ്ങളെ ഗ്രാമീണ ടൂറിസം പദ്ധതിയില്‍ ഉള്‍പ്പെടുത്തുന്നതിനും ടൂറിസം ഡെസ്റ്റിനേഷന്‍ സെന്ററുകളായി പ്രഖ്യാപിപ്പിക്കുന്നതിനും നടപടി സ്വീകരിക്കാമോ ?

പരിസ്ഥിതി സൗഹൃദ ടൂറിസം പദ്ധതി

2567.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പരിസ്ഥിതി സൗഹൃദ ടൂറിസം പദ്ധതിക്ക് പ്രാധാന്യം നല്‍കുന്നതിന്റെ ഭാഗമായി ആവിഷ്കരിച്ചിട്ടുള്ള പദ്ധതികള്‍ ഏതെല്ലാം;വിശദമാക്കുമാേ;

(ബി)	സംസ്ഥാനത്തെ ടൂറിസം കേന്ദ്രങ്ങള്‍ തമ്മില്‍ ബന്ധിപ്പിച്ചുകാെണ്ട് ഒരു ടൂറിസം സര്‍ക്യൂട്ട് തുടങ്ങുന്നതിന് എന്താെക്ക പദ്ധതികള്‍ ആവിഷ്കരിച്ചിട്ടുണ്ട്; വിശദാംശം നല്‍കുമാേ;

(സി)	ഇൗ സര്‍ക്കാര്‍ അധികാരമേറ്റ ശേഷം ടൂറിസം രംഗത്ത് എന്തെല്ലാം പുതിയ പദ്ധതികളാണ് നടപ്പിലാക്കിയത്; വിശദാംശം ജില്ല തിരിച്ചു വെളിപ്പടുത്താമോ;

(ഡി)	സംസ്ഥാനത്തിന്റെ വിനാേദസഞ്ചാര വികസനത്തിനായി ഏതെല്ലാം കേന്ദ്രപദ്ധതികളാണ് നടപ്പാക്കിയിട്ടുള്ളതെന്ന് വ്യക്തമാക്കുമോ?

കേരള ടൂറിസം ഡെവലപ്പ്മെന്റ് കോര്‍പ്പറേഷന്‍

2568.

(എ)	കേരള ടൂറിസം ഡെവലപ്പ്മെന്റ് കോര്‍പ്പറേഷന്റെ പ്രവര്‍ത്തനം ലാഭത്തിലാണോ; വിശദമാക്കുമോ;

(ബി)	വിനോദസഞ്ചാരികളുടെ എണ്ണം വര്‍ഷംതോറും വര്‍ദ്ധിച്ചു വരുന്നുണ്ടെങ്കിലും അതിനനുസരിച്ചുളള വളര്‍ച്ച ഇൗ സ്ഥാപനം കെെവരിക്കാത്തത് എന്തുകൊണ്ടെന്ന് പരിശോധിച്ചിട്ടുണ്ടോ; എങ്കിൽ കാരണങ്ങള്‍ വെളിപ്പെടുത്തുമോ;

(സി)	ഇൗ സ്ഥാപനം ലാഭത്തിലാക്കുന്നതിനായി സ്വീകരിച്ച നടപടികള്‍ അറിയിക്കാമോ?

കെ. റ്റി .ഡി .സി

2569.

(എ)	കെ .റ്റി .ഡി .സി ക്ക് സര്‍ക്കാര്‍ വകുപ്പുകളില്‍ നിന്നും ട്രാവല്‍ ഏജന്‍സികളില്‍ നിന്നും ലഭിക്കാനുളള കുടിശ്ശിക തുകയുടെ കണക്ക് വെളിപ്പെടുത്തുമോ;

(ബി)	കെ .റ്റി .ഡി .സി യുടെ നവീകരണത്തിനായി സ്വീകരിച്ചുവരുന്ന നടപടിക്രമങ്ങള്‍ വിശദമാക്കുമോ?

കെ.ടി.ഡി.സി യുടെ നഷ്ടം

2570.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കഴിഞ്ഞ സാമ്പത്തികവർഷത്തെ പ്രൊവിഷണല്‍ ഓഡിറ്റ് റിപ്പോര്‍ട്ട് പ്രകാരം കെ.ടി.ഡി.സി യുടെ നഷ്ടം എത്രയാണെന്ന് വെളിപ്പെടുത്തുമോ;

(ബി)	ഈ കാലയളവിൽ വിനോദ സ‍ഞ്ചാരികളുടെ എണ്ണത്തിലുണ്ടായ വര്‍ദ്ധനവ് എത്രയാണെന്ന് വിശദമാക്കാമോ;

(സി)	കെ.ടി.ഡി.സി. നഷ്ടത്തിലായതിനുള്ള കാരണങ്ങളെന്തൊക്കെയാണെന്ന് വ്യക്തമാക്കുമോ;

(ഡി)	എങ്കില്‍ ഇവ പരിഹരിക്കുന്നതിന് അടിയന്തര നടപടികള്‍ സ്വീകരിക്കുമോയെന്ന് വ്യക്തമാക്കാമോ?

കെ.ടി.ഡി.സി.നഷ്ടത്തിലേക്ക് പോകുന്നതിന്റെ കാരണം

2571.

ശ്രീ.മോന്‍സ്‌ ജോസഫ്
,, പി.ജെ.ജോസഫ്
,, റോഷി അഗസ്റ്റിന്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വിനോദസഞ്ചാരികളുടെ എണ്ണം വര്‍ഷം തോറും വർദ്ധിക്കുമ്പോഴും 2016 വരെ ലാഭത്തില്‍ പ്രവര്‍ത്തിച്ച കെ.ടി.ഡി.സി.നഷ്ടത്തിലേക്ക് പോകുന്നതിന്റെ കാരണം വ്യക്തമാക്കാമോ;

(ബി)	സംസ്ഥാനത്തെ വഴിയോര വിശ്രമ കേന്ദ്രങ്ങളും മസ്ക്കറ്റ് ഹോട്ടലും ആധുനിക രീതിയില്‍ പുന:സംഘടിപ്പിക്കുവാനും വിനോദസഞ്ചാരികളുടെ അഭിരുചിക്ക് അനുസരിച്ച് പ്രവര്‍ത്തിപ്പിക്കുവാനും നടപടി സ്വീകരിക്കുമോ;

(സി)	മസ്കറ്റ് ഹോട്ടലിന് സര്‍ക്കാര്‍ വകുപ്പുകളും ട്രാവല്‍ ഏജന്‍സികളും നല്‍കുവാനുള്ള കുടിശ്ശിക പിരിച്ചെടുക്കുന്നതില്‍ കോര്‍പ്പറേഷന്‍ പരാജയപ്പെടുന്നു എന്ന കാര്യം പരിശോധിച്ച് നടപടി സ്വീകരിക്കുമോ;

(ഡി)	സംസ്ഥാനത്ത് എവിടെയൊക്കെയാണ് കെ.ടി.ഡി.സി. സൗരോര്‍ജ പ്ലാന്റുകള്‍ സ്ഥാപിക്കുവാന്‍ ഉദ്ദേശിക്കുന്നത്; ഇതിന്റെ വിശദാംശങ്ങള്‍ വെളിപ്പെടുത്തുമോ?

കെ.റ്റി.ഡി.സി.യുടെ ലാഭനഷ്ടക്കണക്കുകള്‍

2572.

(എ)	കെ.റ്റി.ഡി.സി.യുടെ 2015-16, 2016-17 എന്നീ വര്‍ഷങ്ങളിലെ ലാഭനഷ്ടക്കണക്കുകള്‍ വിശദമാക്കുമോ;

(ബി)	2017-18 വര്‍ഷത്തെ പ്രൊവിഷണല്‍ ഓഡിറ്റ് പ്രകാരം പ്രസ്തുത വര്‍ഷം കെ.റ്റി.ഡി.സി. ലാഭകരമാണോ; ഇല്ലെങ്കില്‍ നഷ്ടം സംഭവിക്കുവാനുണ്ടായ കാരണങ്ങള്‍ എന്തെല്ലാമെന്ന് വ്യക്തമാക്കാമോ ;

(സി)	കെ.റ്റി.ഡി.സി. ആരംഭിക്കുമെന്ന് പ്രഖ്യാപിച്ച സിറ്റി ടൂര്‍ പദ്ധതിയും കന്യാകുമാരി, തെന്മല ടൂര്‍ പദ്ധതിയും ആരംഭിച്ചിട്ടുണ്ടോ ;

(ഡി)	പ്രസ്തുത ടൂര്‍ ലാഭകരമായി നടത്തുന്നതിന് കെ.റ്റി.ഡി.സി.ക്ക് കഴിയുന്നുണ്ടോ?

വയനാട് ചുരം കേബിള്‍ കാര്‍ പദ്ധതി

2573.

(എ)	വയനാട് ചുരം കേബിള്‍ കാര്‍ പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുവാൻ എന്തെല്ലാം നടപടികള്‍ സ്വീകരിച്ചിട്ടുണ്ട്;

(ബി)	പദ്ധതി എന്നാണ് നിലവിൽ വരിക; വിശദാംശം വെളിപ്പെടുത്തുമോ?

വയനാട് ചുരത്തിന് സമാന്തരമായി കേബിള്‍ കാര്‍

2574.

(എ)	വിനോദസഞ്ചാരത്തിന് പ്രാധാന്യം കൊടുത്ത് വയനാട് ചുരത്തിന് സമാന്തരമായി കേബിള്‍ കാര്‍ ആരംഭിക്കുന്ന കാര്യം പരിഗണനയില്‍ ഉണ്ടോയെന്ന് വ്യക്തമാക്കാമോ;

(ബി)	പ്രസ്തുത പദ്ധതിയുടെ വിശദാംശം ലഭ്യമാക്കുമോ;

(സി)	ഈ പദ്ധതി പ്രാവര്‍ത്തികമാക്കുന്നതിന് അടിയന്തര നടപടി സ്വീകരിക്കുമോ?

ഉത്തരവാദ ടൂറിസം പദ്ധതി

2575.

(എ)	ജനകീയവും ഉത്തരവാദിത്തപൂര്‍ണ്ണവും സുസ്ഥിരവുമായ ടൂറിസം വികസനം എന്ന കാഴ്ചപ്പാടില്‍ നാടിനെ നയിക്കുന്നതില്‍ ഉത്തരവാദ ടൂറിസം പദ്ധതി എത്ര മാത്രം സഹായകമായി എന്ന് വ്യക്തമാക്കുമോ;

(ബി)	ഇൗ പദ്ധതിയുടെ ഭാഗമായി തൊഴില്‍ ലഭ്യത കൂട്ടുന്നതിനുളള ശ്രമങ്ങള്‍ വിജയിച്ചിട്ടുണ്ടോ; ഏതൊക്കെ മേഖലകളിലാണ് തൊഴില്‍ ലഭ്യമാക്കുന്നതിന് കഴിഞ്ഞത്; അറിയിക്കുമോ;

(സി)	ഉത്തരവാദിത്തപൂര്‍ണ്ണമായ ടൂറിസം സംസ്കാരം വളര്‍ത്തിക്കൊണ്ടുവരുന്നതിന് ടൂറിസം ക്ലബ്ബുകളുടെ സഹകരണം തേടിയിട്ടുണ്ടോ; എങ്കില്‍ അത് എത്രമാത്രം വിജയപ്രദമാണ്;

(ഡി)	ഇൗ പദ്ധതിയിലൂടെ ഭിന്നശേഷി സൗഹൃദ ടൂറിസം കേന്ദ്രമായി സംസ്ഥാനത്തെ മാറ്റുന്നതിനും ഹോം സ്റ്റേ പ്രോത്സാഹിപ്പിക്കുന്നതിനും ഉത്തരവാദിത്ത ടൂറിസം മിഷന് സാധിച്ചിട്ടുണ്ടോ; വിശദമാക്കുമോ?

ഫോര്‍ട്ട് വൈപ്പ് സൗന്ദര്യവല്‍ക്കരണം

2576.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

ഫോര്‍ട്ട് വൈപ്പിന്റെ ഒന്നാംഘട്ട സൗന്ദര്യവല്‍ക്കരണത്തിനായി അനുവദിച്ച 1.65 കോടി രൂപ ചെലവഴിച്ചിട്ടുള്ളത് കണക്കിലെടുത്ത് രണ്ടാംഘട്ടത്തിന് അടിയന്തരമായി തുക അനുവദിക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

പാലക്കാട് ജില്ലയിലെ വിനോദ സഞ്ചാര വികസന സാദ്ധ്യതകള്‍

2577.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പാലക്കാട്‌ ജില്ലയിലെ വിനോദ സഞ്ചാര വികസനത്തിന് എന്തൊക്കെ പദ്ധതികളാണ് നടപ്പിലാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

(ബി)

ടൂറിസം വികസനത്തിനുള്ള കേന്ദ്രാവിഷ്കൃത പദ്ധതികള്‍ക്കായി കഴിഞ്ഞ മൂന്ന് വര്‍ഷം ലഭിച്ച കേന്ദ്ര വിഹിതത്തെയും സംസ്ഥാന വിഹിതത്തെയും കുറിച്ചുളള വിവരങ്ങള്‍ വാര്‍ഷികാടിസ്ഥാനത്തില്‍ പദ്ധതി തിരിച്ചു നൽകാമോ; ഓരോ പദ്ധതികള്‍ക്കും എത്ര തുക എത്ര ഗഡുവായി ലഭിച്ചിട്ടുണ്ട്;പദ്ധതികൾക്ക് ഓരോ വര്‍ഷവും എത്ര തുക വീതം ചെലവഴിച്ചിട്ടുണ്ട്?

അഡ്വഞ്ചര്‍ ടൂറിസം

2578.

ശ്രീമതി യു. പ്രതിഭ ഹരി : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

കായംകുളത്ത് അനുവദിച്ചിട്ടുളള അഡ്വഞ്ചര്‍ ടൂറിസവുമായി ബന്ധപ്പെട്ട പദ്ധതികളുടെ നിലവിലെ പുരോഗതി വിശദമാക്കാമോ?

മൂന്നാറിലെ നീലക്കുറിഞ്ഞി സീസണ്‍

2579.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	മൂന്നാറില്‍ ഇൗ വര്‍ഷത്തെ നീലക്കുറിഞ്ഞി സീസണുമായി ബന്ധപ്പെട്ട് എന്തൊക്കെ ക്രമീകരണങ്ങളാണ് ടൂറിസം വകുപ്പ് ഏര്‍പ്പെടുത്തിയിട്ടുള്ളതെന്ന് വിശദമാക്കാമോ;

(ബി)	ഇൗ സീസണില്‍ മൂന്നാറില്‍ ഉണ്ടാകുവാന്‍ സാദ്ധ്യതയുള്ള ടൂറിസ്റ്റുകളുടെ വന്‍തിരക്ക് കൊണ്ട് ഉണ്ടാകുന്ന ബുദ്ധിമുട്ടുകള്‍ കുറയ്ക്കുവാന്‍ എന്തൊക്കെ നടപടികളാണ് സ്വീകരിക്കുവാന്‍ ഉദ്ദേശിക്കുന്നതെന്ന് വിശദമാക്കാമോ;

(സി)	സംസ്ഥാനത്തുണ്ടായ നിപ വെെറസ് ബാധ നീലക്കുറിഞ്ഞി സീസണെ പ്രതികൂലമായി ബാധിക്കുവാന്‍ സാദ്ധ്യതയുണ്ടോ;എങ്കില്‍ ഇത് മറികടക്കുവാനുള്ള ക്രിയാത്മകമായ നടപടികള്‍ സ്വീകരിക്കുമോ?

വിനോദസഞ്ചാര വകുപ്പ് നടപ്പിലാക്കുന്ന പദ്ധതികള്‍

2580.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	മാവേലിക്കര നിയമസഭാ മണ്ഡലത്തില്‍ വിനോദസഞ്ചാര വകുപ്പ് നടപ്പിലാക്കുന്ന പദ്ധതികള്‍ വിശദമാക്കുമോ;

(ബി)	പ്രസ്തുത പദ്ധതികള്‍ക്ക് അനുവദിച്ച തുകയുടെയും നിലവിലെ വിനിയോഗത്തിന്റെയും വിശദവിവരം ലഭ്യമാക്കുമോ;

(സി)	പ്രസ്തുത പദ്ധതികളെ ആലപ്പുഴ മെഗാ ടൂറിസം സര്‍ക്യൂട്ട് പ്രോജക്ടില്‍ ഉള്‍പ്പെടുത്തുന്നതിന് നടപടികള്‍ സ്വീകരിക്കുമോ; വിശദമാക്കുമോ?

ആലപ്പുഴയില്‍ ടൂറിസ്റ്റുകള്‍ക്ക് ഒരുക്കിയിട്ടുള്ള സൗകര്യങ്ങള്‍

2581.

ശ്രീമതി യു. പ്രതിഭ ഹരി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	2015-16, 2016-17, 2017-18 വർഷങ്ങളിൽ ആലപ്പുഴയില്‍ എത്തിച്ചേര്‍‍ന്ന ടൂറിസ്റ്റുകളുടെ എണ്ണം ലഭ്യമാക്കാമോ;

(ബി)	ആലപ്പുഴയില്‍ ത്രീസ്റ്റാര്‍ മുതല്‍ മുകളിലോട്ടുള്ള ഹോട്ടലുകള്‍ എത്രയെന്ന് ഇനം തിരിച്ച് വ്യക്തമാക്കാമോ;

(സി)	ആലപ്പുഴയില്‍ എത്തിച്ചേരുന്ന ടൂറിസ്റ്റുകള്‍ക്ക് സര്‍ക്കാര്‍ ഒരുക്കിയിട്ടുള്ള സൗകര്യങ്ങള്‍ എന്തൊക്കെയാണെന്നും ഇനിയും എന്തെല്ലാം സൗകര്യങ്ങള്‍ ഒരുക്കുവാനാണ് ഉദ്ദേശിക്കുന്നതെന്നും വിശദമാക്കുമോ?

കാസര്‍കോടിന്റെ ടൂറിസം വികസനം

2582.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ടൂറിസം വികസനത്തിന് സാധ്യതയുള്ള കാസര്‍ഗോഡ് ജില്ലയിലെ പ്രദേശങ്ങളില്‍ എന്തെങ്കിലും പദ്ധതി കൊണ്ടുവരാന്‍ ആലോചിക്കുന്നുണ്ടോ; വ്യക്തമാക്കാമോ;

(ബി)	നീണ്ട സമുദ്രതീരവും ധാരാളം നദികളും പുഴകളുമുളള കാസര്‍ഗോഡിന്റെ ടൂറിസം വികസനസാധ്യതകളെക്കുറിച്ചു പഠിക്കാന്‍ ഒരു വിദഗ്ധ സമിതിയെ നിയോഗിക്കുന്നതിന്റെ സാധ്യത പരിശോധിക്കാന്‍ നടപടികള്‍ സ്വീകരിക്കുമോ?

ഹോം സ്റ്റേകളില്‍ വിദേശ വിനോദസഞ്ചാരികളുടെ സുരക്ഷ

2583.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വിദേശ വിനോദസഞ്ചാരിയായ വനിത മരണപ്പെട്ട സംഭവത്തിന്റ പശ്ചാത്തലത്തില്‍ വിദേശികള്‍ക്ക് കൂടുതല്‍ സുരക്ഷിതത്വം ഉറപ്പാക്കുന്നതിന് ഹോം സ്റ്റേകളില്‍ എന്തെല്ലാം സംവിധാനങ്ങളാണ് നടപ്പിലാക്കാന്‍ ഉദ്ദേശിക്കുന്നതെന്ന് അറിയിക്കുമോ;

(ബി)	ഹോം സ്റ്റേകളില്‍ താമസിക്കുന്ന വിദേശികള്‍ക്ക് സി. ഫോം രജിസ്ട്രേഷന്‍ നിര്‍ബന്ധമാക്കിയിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

ടൂറിസം പദ്ധതി

2584.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ചേലേമ്പ്ര പുലികടവ് കേന്ദ്രീകരിച്ച് ടൂറിസം പദ്ധതി ആരംഭിക്കുന്നതിനു നിവേദനം ലഭിച്ചിട്ടുണ്ടോ; ഉണ്ടെങ്കില്‍ അതിന്‍മേല്‍ സ്വീകരിച്ച നടപടികള്‍ എന്തെല്ലാമെന്നു വ്യക്തമാക്കുമോ;

(ബി)	വള്ളിക്കുന്നില്‍ ടൂറിസം പദ്ധതി ആരംഭിക്കാന്‍ നിവേദനം ലഭിച്ചിട്ടുണ്ടോ; ഉണ്ടെങ്കില്‍ പ്രസ്തുത നിവേദനത്തിന്‍മേല്‍ സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ;

(സി)	ടൂറിസം പദ്ധതിക്കായുള്ള മാസ്റ്റര്‍ പ്ലാന്‍ തയ്യാറാക്കുന്നതിന് വകുപ്പ് ആർക്കിടെക്ടുമാരുടെ സേവനം ഇപ്പോള്‍ ലഭ്യമാണോ;

(ഡി)	മലപ്പുറം ജില്ല ടൂറിസം വകുപ്പിന്റെ കീഴിലുള്ള ആർക്കിടെക്ടുമാരുടെ വിവരങ്ങള്‍ വ്യക്തമാക്കാമോ?

ടൂറിസം രംഗത്ത് കേരള സംരംഭകത്വ ഫണ്ട്

2585.

ശ്രീ.തോമസ് ചാണ്ടി : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

ടൂറിസം രംഗത്ത് തൊഴിലവസരങ്ങള്‍ വര്‍ദ്ധിപ്പിക്കുന്നതിനുവേണ്ടി നടപ്പിലാക്കാന്‍ ഉദ്ദേശിക്കുന്ന കേരള സംരംഭകത്വ ഫണ്ട് രൂപീകരിച്ചോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കുമോ?

ആലപ്പുഴ പൈതൃക സംരക്ഷണ പദ്ധതി

2586.

കേന്ദ്രസര്‍ക്കാരിന്റെ അനുമതിയ്ക്കായി സമര്‍പ്പിച്ച ആലപ്പുഴ പൈതൃക സംരക്ഷണ പദ്ധതിക്ക് അനുമതി ലഭിച്ചോ എന്ന് വ്യക്തമാക്കുമോ;അനുമതി ലഭിച്ചെങ്കില്‍ പ്രസ്തുത പദ്ധതിയുടെ വിശദാംശം ലഭ്യമാക്കുമോ?

ക്ഷേത്രങ്ങളിൽ ആദ്ധ്യാത്മിക പഠനകേന്ദ്രങ്ങൾ

2587.

ശ്രീ.ഒ. രാജഗോപാല്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

ദേവസ്വം ബോർഡിന്റെ കീഴിലുള്ള ക്ഷേത്രങ്ങളിൽ ആദ്ധ്യാത്മിക പഠന കേന്ദ്രങ്ങൾ സ്ഥാപിക്കുന്നതിന് ആവശ്യമായ നടപടി സ്വീകരിക്കുമോ എന്നറിയിക്കാമോ?

ശബരിമല മാസ്റ്റര്‍പ്ലാനില്‍ ഉള്‍പ്പെടുത്തിയിട്ടുളള പദ്ധതികള്‍

2588.

ശ്രീ.രാജു എബ്രഹാം
,, ആര്‍. രാജേഷ്
,, എന്‍. വിജയന്‍ പിള്ള
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമല മാസ്റ്റര്‍പ്ലാനില്‍ ഉള്‍പ്പെടുത്തി ഏറ്റെടുത്ത് നടത്തുന്ന കിഫ്ബി ഫണ്ട് ഉപയോഗിച്ചും അല്ലാതെയുമുളള പദ്ധതികള്‍ ഏതെല്ലാമാണ്; എത്ര തുകയാണ് വിനിയോഗിക്കുന്നത്;

(ബി)	നിലയ്ക്കലില്‍ തീര്‍ത്ഥാടകര്‍ക്ക് സൗകര്യമൊരുക്കുന്നതിനായി ഏര്‍പ്പെടുത്താന്‍ ഉദ്ദേശിക്കുന്ന അധിക സൗകര്യങ്ങള്‍ എന്തെല്ലാമാണ്; ഇതിനായി എത്ര സ്ഥലം വേണ്ടി വരും;

(സി)	വനം വകുപ്പില്‍ നിന്ന് ഭൂമി വിട്ടുകിട്ടിയിട്ടുണ്ടോ എന്ന് വ്യക്തമാക്കുമോ;

(ഡി)	തീര്‍ത്ഥാടകര്‍ക്കു വിശ്രമത്തിനും വിരിവയ്ക്കുന്നതിനുമുള്ള ഇടത്താവള സമുച്ചയങ്ങള്‍ എവിടെയെല്ലാമാണ് നിർമ്മിക്കാൻ ഉദ്ദേശിക്കുന്നതെന്ന് വെളിപ്പെടുത്തുമോ?

തിരുവിതാംകൂര്‍ ദേവസ്വം ബോര്‍ഡിലെ താല്കാലിക ജീവനക്കാര്‍

2589.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	തിരുവിതാംകൂര്‍ ദേവസ്വം ബോര്‍ഡിന്റെ വിവിധ ക്ഷേത്രങ്ങളിൽ എത്ര താല്കാലിക ജീവനക്കാര്‍ സേവനമനുഷ്ടിക്കുന്നുണ്ടെന്ന് വ്യക്തമാക്കാമോ;

(ബി)	ഇതിൽ പൂജാരിമാരുടെയും അല്ലാത്തവരുടെയും കണക്കുകള്‍ പ്രത്യേകം ലഭ്യമാക്കുമോ?

തൃക്കണ്ണാട് ശ്രീത്രയംബകേശ്വര ക്ഷേത്രജീവനക്കാര്‍

2590.

(എ)	മലബാര്‍ ദേവസ്വം ബോര്‍ഡിന് കീഴില്‍ വരുന്ന ക്ഷേത്രങ്ങളിലെ ജീവനക്കാര്‍ക്ക് ശമ്പള പരിഷ്ക്കരണം ഏത് വര്‍ഷത്തിലാണ് നടപ്പിലാക്കിയതെന്ന് വ്യക്തമാക്കാമോ;

(ബി)	ഏതെല്ലാം ക്ഷേത്രങ്ങളിലെ ജീവനക്കാര്‍ക്കാണ് ഇതിന്റെ ആനുകൂല്യം ലഭിച്ചിട്ടുള്ളതെന്ന് വ്യക്തമാക്കാമോ;

(സി)	കാസര്‍ഗോഡ് ജില്ലയിലെ തൃക്കണ്ണാട് ശ്രീ ത്രയംബകേശ്വര ക്ഷേത്ര ജീവനക്കാര്‍ക്കും ആയത് അനുവദിച്ച് നല്‍കിയിട്ടുണ്ടോ; ഇല്ലെങ്കില്‍ കാരണം വിശദമാക്കാമോ;

(ഡി)	ശമ്പളം പരിഷ്ക്കരണം നല്‍കുന്നതിനുള്ള മാനദണ്ഡം എപ്രകാരമാണെന്ന് വിശദമാക്കാമോ?

ദേവസ്വം ബോര്‍ഡ് സ്ക്കൂളുകളിലെ നിയമനം

2591.

(എ)	ദേവസ്വം ബോര്‍ഡ് യു.പി. സ്ക്കൂളുകളിലെ അദ്ധ്യാപക ഒഴിവുകളിലേക്ക് നിയമനം നടത്തുന്നതിനായി എഴുത്തുപരീക്ഷ നടത്തുവാന്‍ കിറ്റ്കോയെ ചുമതലപ്പെടുത്തുകയും ഹൈക്കോടതി ഉത്തരവിനെ തുടര്‍ന്ന് റിക്രൂട്ട്മെന്റ് ബോര്‍ഡ് തന്നെ പരീക്ഷാ നടത്താന്‍ തീരുമാനിക്കുകയും ചെയ്ത സാഹചര്യമുണ്ടായിട്ടുണ്ടോ;

(ബി)	ദേവസ്വം റിക്രൂട്ട്മെന്റ് ബോര്‍ഡിന്റെ ചുമതലകളെന്തൊക്കെയാണെന്ന് വ്യക്തമാക്കുമോ;

(സി)	ഉദ്യോഗാര്‍ത്ഥികളുടെ ചുരുക്കപ്പട്ടികയും റാങ്ക് പട്ടികയും തയ്യാറാക്കേണ്ടെന്നും മൂല്യ നിര്‍ണ്ണയം നടത്തി മാര്‍ക്കും ഉത്തരകടലാസുകളും ദേവസ്വം ബോര്‍ഡിന് കൈമാറുവാനും റിക്രൂട്ട്മെന്റ് ബോര്‍ഡിന് നിര്‍ദ്ദേശം നല്‍കുകയുണ്ടായോ;

(ഡി)	ഇപ്രകാരം ചുരുക്കപ്പട്ടികയോ റാങ്ക് പട്ടികയോ പ്രസിദ്ധീകരിക്കാതെ നിയമന നടപടികളിലേയ്ക്ക് നീങ്ങുന്നത് പിന്നോക്ക സംവരണം അട്ടിമറിക്കുന്നതിനും മറ്റ് ക്രമക്കേടുകള്‍ക്കും വഴിവയ്ക്കുമെന്ന് കരുതുന്നുണ്ടോ;

(ഇ)	എങ്കില്‍ ദേവസ്വം നിയമനങ്ങളില്‍ പിന്നോക്ക സംവരണവും സുതാര്യതയും ഉറപ്പുവരുത്തുന്നതിന് നടപടികള്‍ സ്വീകരിക്കുമോ?

പിന്നാക്ക വിഭാഗത്തില്‍പ്പെട്ട ശാന്തിക്കാര്‍

2592.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

തിരുവിതാംകൂര്‍ ദേവസ്വം ബോര്‍ഡിന്റെ കീഴിലെ വിവിധ അമ്പലങ്ങളിലായി എത്ര പിന്നാക്ക, ദളിത് വിഭാഗത്തില്‍പ്പെട്ടവര്‍ ശാന്തിക്കാരായി നിലവിലുണ്ട് എന്ന് വ്യക്തമാക്കാമോ; ഇത്തരത്തിലുള്ള ക്ഷേത്രങ്ങളുടെ ലിസ്റ്റ് ലഭ്യമാക്കാമോ?

ചെറങ്ങര വിഷ്ണു ക്ഷേത്രം വകസ്ഥലത്ത് ഇടത്താവളം

2593.

(എ)	ചാലക്കുടി മണ്ഡലത്തില്‍പ്പെട്ട ചെറങ്ങര വിഷ്ണു ക്ഷേത്രം വകസ്ഥലത്ത് ശബരിമല തീര്‍ത്ഥാടകര്‍ക്കായി ഇടത്താവളം നിര്‍മ്മിക്കുന്നതിനുള്ള നടപടികള്‍ ഏതുഘട്ടത്തിലാണ്;

(ബി)	നിര്‍മ്മാണം ഉടന്‍ ആരംഭിക്കുവാന്‍ ആവശ്യമായ നടപടികള്‍ സര്‍ക്കാര്‍ അടിയന്തരമായി സ്വീകരിക്കുമോ?

കൊരട്ടി ചെറ്റാരിക്കല്‍ ക്ഷേത്രത്തിന്റെ നവീകരണം

2594.

(എ)	കൊച്ചിന്‍ ദേവസ്വം ബോര്‍ഡിനു കീഴിലുള്ള ചാലക്കുടി മണ്ഡലത്തിലെ കൊരട്ടി ചെറ്റാരിക്കല്‍ ക്ഷേത്രത്തിന്റെ നവീകരണത്തിനായി സമര്‍പ്പിച്ച അപേക്ഷകളില്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ;

(ബി)	പ്രസ്തുത അപേക്ഷകള്‍ പരിഗണിച്ച് നവീകരണപ്രവര്‍ത്തനങ്ങള്‍ നടത്തുന്നതിനാവശ്യമായ അടിയന്തര നടപടികള്‍ സ്വീകരിക്കുമോ?

സഹസ്ര സരോവരം പദ്ധതി

2595.

(എ)	സഹസ്ര സരോവരം പദ്ധതിയില്‍ ക്ഷേത്രക്കുളങ്ങള്‍ നവീകരിക്കുന്ന പദ്ധതിയുടെ വിശദാംശം ലഭ്യമാക്കുമോ;

(ബി)	കോഴിക്കോട് ജില്ലയില്‍ ഈ പദ്ധതി പ്രകാരം ഉള്‍പ്പെടുത്തിയിട്ടുളള ക്ഷേത്രങ്ങളുടെ പട്ടിക ലഭ്യമാക്കാമോ?

കാവുകള്‍, കുളങ്ങള്‍, ആല്‍ത്തറകള്‍ എന്നിവ സംരക്ഷിക്കുന്നതിന് പദ്ധതി

2596.

(എ)	ക്ഷേത്രങ്ങളോടനുബന്ധിച്ചുള്ള കാവുകള്‍,കുളങ്ങള്‍,ആല്‍ത്തറകള്‍ എന്നിവ സംരക്ഷിക്കുന്നതിന് ഏതെങ്കിലും പദ്ധതി സര്‍ക്കാര്‍ നടപ്പിലാക്കി വരുന്നുണ്ടോ;

(ബി)	എങ്കില്‍ ഇവയുടെ വിശദാംശം അറിയിക്കുമോ?

Website maintained by Information System Section, Kerala Legislative Assembly, Thiruvananthapuram.