14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >11^th Session>starred Questions and Answers

Answer Provided

Answer Not Yet Provided

FOURTEENTH KLA - 11^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പാഠ്യക്രമം നവീകരിക്കുവാൻ നടപടി

*211.

ശ്രീമതി.പി. അയിഷാ പോറ്റി
പ്രൊഫ.കെ.യു. അരുണന്‍
ശ്രീ.ജോര്‍ജ് എം. തോമസ്
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിജ്ഞാന സമ്പാദനത്തേക്കാള്‍ തൊഴില്‍ കമ്പോളത്തിലെ നേട്ടമാണ് മികച്ച വിദ്യാഭ്യാസത്തിന്റെ ലക്ഷ്യമെന്ന സമൂഹത്തിന്റെ തെറ്റിദ്ധാരണ തിരുത്തിക്കൊണ്ട്, കുട്ടികള്‍ ഓരോരുത്തര്‍ക്കും അവരവരുടെ കഴിവുകള്‍ കണ്ടെത്തി പരിപോഷിപ്പിക്കാന്‍ കഴിയുംവിധം പാഠ്യക്രമം നവീകരിക്കുന്ന കാര്യം പരിശോധിക്കുമോ;

(ബി)	പഠന സൗകര്യം ആധുനിക സാങ്കേതിക വിദ്യയിലധിഷ്ഠിതമായി വികസിപ്പിക്കുന്നതോടൊപ്പം ബോധനരീതിയിലും പരീക്ഷാ രീതിയിലും നവീകരണം നടപ്പിലാക്കാന്‍ ഉദ്ദേശിക്കുന്നുണ്ടോ;

(സി)	വിദ്യാഭ്യാസ നിലവാര ഉന്നതിക്ക് നിര്‍ണായകമായ അദ്ധ്യാപകരുടെ കര്‍മശേഷി ഉയര്‍ത്താന്‍ പരിപാടിയുണ്ടോ; വിശദാംശം നല്‍കാമോ?

മത്സ്യോല്പാദന രംഗത്തെ വികസന പ്രവര്‍ത്തനങ്ങള്‍

*212.

ശ്രീ.കെ. ആന്‍സലന്‍
,, ജോണ്‍ ഫെര്‍ണാണ്ടസ്
,, വി. അബ്ദുറഹിമാന്‍
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പ്രകൃതിദത്തമായ സൗകര്യം ഫലപ്രദമായി ഉപയോഗിച്ച് മത്സ്യോല്പാദനം ഇരട്ടിയാക്കുകയെന്ന ലക്ഷ്യത്തോടെ നടത്തിവരുന്ന പ്രവര്‍ത്തനങ്ങള്‍ വിശദമാക്കാമോ;

(ബി)	സംയോജിത മത്സ്യകൃഷി പ്രോത്സാഹിപ്പിക്കുന്നതിനും പൊതു ജലാശയങ്ങള്‍, കുളങ്ങള്‍, ഡാമുകള്‍, കായലുകള്‍ നദികള്‍ എന്നിവയില്‍ മത്സ്യക്കുഞ്ഞുങ്ങളെ നിക്ഷേപിക്കാനുമുള്ള പദ്ധതിയുടെ പുരോഗതി അറിയിക്കുമോ; മത്സ്യക്കുഞ്ഞുങ്ങളുടെ ലഭ്യതയെക്കുറിച്ച് വ്യക്തമാക്കാമോ;

(സി)	കടല്‍ മത്സ്യശോഷണത്തിന്റെ കാരണങ്ങള്‍ വിലയിരുത്തിയിട്ടുണ്ടോ; ഉദ്ദേശിക്കുന്ന പരിഹാര നടപടികള്‍ എന്തെല്ലാമാണ്;

(ഡി)	കടല്‍ മത്സ്യബന്ധനത്തിന്റെ വാണിജ്യവല്‍ക്കരണം,മുതല്‍മുടക്കിന് ശേഷിയില്ലാത്ത പരമ്പരാഗത തൊഴിലാളികളെ പാപ്പരാക്കുന്നത് ഒഴിവാക്കാനായി സ്വീകരിച്ച് വരുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ?

പുതിയ കാലത്തിനനുസൃതമായ നിര്‍മ്മാണം

*213.

ശ്രീ.എം. രാജഗോപാലന്‍
,, എസ്.ശർമ്മ
,, പി.വി. അന്‍വര്‍
,, ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പുതിയകാലം പുതിയ നിര്‍മ്മാണം എന്ന ആപ്ത വാക്യത്തിന്റെ അടിസ്ഥാനത്തില്‍ ആയുസ്സ്, ഇൗട്, സൗന്ദര്യം ഇവ ഉറപ്പാക്കിക്കൊണ്ടുളള നിര്‍മ്മാണ രീതി പ്രാവര്‍ത്തികമാക്കുന്നതിനായി പൊതുമരാമത്ത് വകുപ്പിനെ ശാക്തീകരിക്കാന്‍ കെെക്കൊണ്ട നടപടികള്‍ എന്തെല്ലാമാണ്;

(ബി)	അഞ്ച് വര്‍ഷം കൊണ്ട് ഒരു ലക്ഷത്തില്‍പരം കോടി രൂപയുടെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തീകരിക്കുമെന്ന പ്രഖ്യാപിത ലക്ഷ്യം നേടാനായി വകുപ്പിലുണ്ടായിരുന്ന ഒഴിവുകള്‍ നികത്തുന്നതിനും പുതിയ തസ്തികകള്‍ സൃഷ്ടിക്കുന്നതിനും സ്വീകരിച്ച നടപടികള്‍ അറിയിക്കാമോ;

(സി)	പുനര്‍ നിര്‍മ്മാണം ആവശ്യമെന്ന് കണ്ടെത്തിയ പാലങ്ങളുടെയും കലുങ്കുകളുടെയും നിര്‍മ്മാണം സമയബന്ധിതമായി പൂര്‍ത്തിയാക്കാന്‍ നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണ്;

(ഡി)	നിര്‍മ്മാണ പ്രവൃത്തികളുടെ ഗുണനിലവാരം ഉറപ്പ് വരുത്താനായി ഏര്‍പ്പെടുത്തിയിട്ടുളള സോഷ്യല്‍ ഓഡിറ്റ് സംവിധാനത്തിന്റെ വിശദാംശം നല്‍കുമോ?

സ്വയംഭരണ കോളേജുകളുടെ അക്കാദമിക നിലവാരം

*214.

ശ്രീ.അനൂപ് ജേക്കബ്
,, കെ.മുരളീധരന്‍
,, ഷാഫി പറമ്പില്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്വയംഭരണ അവകാശം ലഭിച്ച കോളേജുകളുടെ അക്കാദമിക് നിലവാരത്തിലുള്ള മാറ്റം വിലയിരുത്തുന്നതിന് ഉന്നത വിദ്യാഭ്യാസ കൗണ്‍സില്‍ കമ്മിറ്റികളെ നിയോഗിച്ചിട്ടുണ്ടോ; പ്രസ്തുത കമ്മിറ്റിയുടെ കണ്ടെത്തലുകള്‍ എന്തെല്ലാമാണ്; വിശദമാക്കുമോ;

(ബി)	പ്രസ്തുത കോളേജുകളുടെ കാര്യത്തില്‍ സര്‍വ്വകലാശാലകളുടെ നിയന്ത്രണാധികാരത്തെയും സ്വയംഭരണാധികാരത്തെയും ബാധിക്കുന്ന തരത്തിലുള്ള എന്തെങ്കിലും പുതിയ തീരുമാനം കേന്ദ്ര സര്‍ക്കാരിന്റെ ഭാഗത്ത് നിന്നും ഉണ്ടായിട്ടുണ്ടോ; വിശദമാക്കുമോ;

(സി)	റൂസ ഫണ്ട് അനുവദിക്കുന്നതിന് സ്വയംഭരണ കോളേജുകളെയും എയ്ഡഡ് കോളേജുകളെയും ഉള്‍പ്പെടുത്തണമെന്ന നിര്‍ദ്ദേശം ലഭിച്ചിട്ടുണ്ടോ; ഇതിന്മേല്‍ സ്വീകരിച്ച നിലപാട് എന്താണ്; പ്രസ്തുത നിർദ്ദേശത്തിനനുസൃതമായി എന്തൊക്കെ നടപടികള്‍ സ്വീകരിച്ചു; വിശദമാക്കുമോ?

ഗുണമേന്മയുള്ള മത്സ്യം ലഭ്യമാക്കാൻ പദ്ധതി

*215.

ശ്രീ.സണ്ണി ജോസഫ്
,, കെ.സി.ജോസഫ്
,, വി.പി.സജീന്ദ്രന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പരമ്പരാഗത മത്സ്യത്തൊഴിലാളികളില്‍ നിന്നും നേരിട്ട് മത്സ്യം ശേഖരിച്ച് മത്സ്യമാര്‍ക്കറ്റുകളും മൊബൈല്‍ ഫിഷ് മാര്‍ക്കറ്റുകളും മത്സ്യഫെഡിന്റെ ഫിഷ് മാര്‍ട്ടുകളും വഴി ഗുണമേന്മയുള്ള മത്സ്യം ഉപഭോക്താക്കള്‍ക്ക് എത്തിച്ച് കൊടുക്കുന്നതിനുള്ള പദ്ധതി ആവിഷ്കരിച്ചിട്ടുണ്ടോയെന്ന് വ്യക്തമാക്കുമോ;

(ബി)	ഇതിന് ആവശ്യമായ കോള്‍ഡ് സ്റ്റോറേജുകളും അടിസ്ഥാന സൗകര്യവും ഒരുക്കുന്നതിനുള്ള നടപടികള്‍ ഏത് ഘട്ടത്തിലാണ്; ഇതിനായി എന്ത് തുകയാണ് വകയിരുത്തിയിട്ടുള്ളത്;

(സി)	മത്സ്യ ലേലവും വിപണനവും നിയന്ത്രിക്കുവാന്‍ ആവശ്യമായ നിയമനിര്‍മ്മാണം കൊണ്ടുവരുവാന്‍ ഉദ്ദേശിക്കുന്നുണ്ടോ; അതിനുള്ള നടപടികള്‍ ഏത് ഘട്ടത്തിലാണ്;

(ഡി)	മത്സ്യത്തില്‍ ഹാനികരമായ രാസവസ്തുക്കളുടെ സാന്നിദ്ധ്യം അറിയുന്നതിനുള്ള പരിശോധന കര്‍ശനമാക്കിയിട്ടുണ്ടോ; എങ്കില്‍ അതിനായി നടത്തുന്ന പ്രവര്‍ത്തനങ്ങള്‍ വിജയപ്രദമാണോ; വിശദമാക്കാമോ?

അടച്ചുപൂട്ടല്‍ ഭീഷണി നേരിടുന്ന സ്പെഷ്യല്‍ സ്കൂളുകള്‍

*216.

ഡോ.എം. കെ. മുനീര്‍
ശ്രീ.മഞ്ഞളാംകുഴി അലി
,, പി.കെ.അബ്ദു റബ്ബ്
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ബുദ്ധിമാന്ദ്യം, ഓട്ടിസം, സെറിബ്രല്‍ പാള്‍സി, ബഹുവെെകല്യം തുടങ്ങിയ വെല്ലുവിളികള്‍ നേരിടുന്ന കുട്ടികള്‍ പഠിക്കുന്ന സ്പെഷ്യല്‍ സ്കൂളുകള്‍ അടച്ചുപൂട്ടല്‍ ഭീഷണി നേരിടുന്നത് ശ്രദ്ധയിൽപെട്ടിട്ടുണ്ടോ;

(ബി)	ഇൗ സ്കൂളുകള്‍ക്ക് സര്‍ക്കാര്‍ നല്‍കുന്ന ധനസഹായം വർദ്ധിപ്പിക്കുന്നതിന് നടപടി സ്വീകരിക്കുമാേ;

(സി)	ഇത്തരം സ്ഥാപനങ്ങളിലെ കുട്ടികള്‍ക്ക് ഉച്ചഭക്ഷണം, പാഠപുസ്തകം, യൂണിഫാേം എന്നിവ സൗജന്യമായി നല്‍കുന്നതിന് നടപടി സ്വീകരിച്ചിട്ടുണ്ടാേ; വിശദാംശം വ്യക്തമാക്കുമാേ?

ദേശീയ ഉന്നത വിദ്യാഭ്യാസ പരിപാടി

*217.

ശ്രീ.ആന്റണി ജോണ്‍
,, എ. എന്‍. ഷംസീര്‍
,, വി. കെ. സി. മമ്മത് കോയ
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

കേന്ദ്ര സര്‍ക്കാരിന്റെ ദേശീയ ഉന്നത വിദ്യാഭ്യാസ പരിപാടി അനുസരിച്ച് സ്വയംഭരണ കോളേജുകളെ സ്വയംഭരണ സര്‍വകലാശാലകളാക്കി മാറ്റാനുളള നിര്‍ദ്ദേശം ഉന്നത വിദ്യാഭ്യാസം വാണിജ്യവല്‍ക്കരിക്കുമെന്ന വിദ്യാഭ്യാസ വിചക്ഷണരുടെ അഭിപ്രായത്തിന്റെ പശ്ചാത്തലത്തില്‍ ഇത്തരം നിലപാട് തിരുത്താന്‍ കേന്ദ്ര സര്‍ക്കാരിനോട് ആവശ്യപ്പെടുമോ;

(ബി)	വിലകൊടുക്കാന്‍ കഴിയാത്തവര്‍ക്ക് വിദ്യാഭ്യാസം അപ്രാപ്യമാക്കുന്ന സ്ഥിതി സംജാതമാകാതിരിക്കാനായി സംസ്ഥാന സര്‍ക്കാര്‍ ഉന്നതവിദ്യാഭ്യാസ മേഖലയില്‍ നടത്തിവരുന്ന വികസന പ്രവര്‍ത്തനങ്ങള്‍ അറിയിക്കാമോ;

(സി)	ശാസ്ത്ര, സാങ്കേതികശാസ്ത്ര, മാനവിക വിഷയങ്ങളിലെ ഗവേഷണ നിലവാരം നിലവില്‍ മെച്ചമല്ലാത്തതിനാല്‍ അത് പരിഹരിക്കാനായി പദ്ധതി ആവിഷ്കരിക്കുമോ?

അക്കാദമിക പുരാേഗതിക്കായി നടത്തിവരുന്ന പ്രവര്‍ത്തനങ്ങള്‍

*218.

ശ്രീ.പി.ടി.എ. റഹീം
,, എം. സ്വരാജ്
,, കെ. ബാബു
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2018-19 വര്‍ഷം മികവിന്റെ വര്‍ഷമായി പ്രഖ്യാപിച്ചുകാെണ്ട് വിദ്യാഭ്യാസ രംഗത്ത് അക്കാദമിക പുരാേഗതിക്കായി നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണ് എന്ന് വ്യക്തമാക്കാമോ;

(ബി)	ദുര്‍ബലമായിക്കാെണ്ടിരിക്കുന്ന മതനിരപേക്ഷ ജനാധിപത്യ മൂല്യങ്ങള്‍ വളര്‍ത്തിയെടുക്കാന്‍ ലക്ഷ്യമിട്ടുകാെണ്ടുള്ള പ്രവര്‍ത്തനങ്ങള്‍ എന്തെല്ലാമാണ്;

(സി)	പ്രെെമറിതലം മുതല്‍ ഹയര്‍സെക്കന്ററി തലം വരെയുള്ള സ്കൂളുകളെ ഹെെടെക് ആക്കി മാറ്റിയതിനാേടാെപ്പം സാങ്കേതിക വിദ്യയുടെ പ്രയാേജനം അനുഭവവേദ്യമാക്കാനായി പഠനത്തിനും പ്രവൃത്തി പരിചയത്തിനുമുള്ള വിഭവങ്ങള്‍ തയ്യാറാക്കിയിട്ടുണ്ടാേ;

(ഡി)	പഠന മികവിനായി സ്വകാര്യ ട്യൂഷനെയാേ പരിശീലന സ്ഥാപനങ്ങളെയാേ ആശ്രയിക്കുന്ന നിലവിലെ പ്രവണതക്ക് ആധാരമായ പ്രശ്നങ്ങള്‍ എന്തെല്ലാമെന്ന് പരിശോധിച്ചിട്ടുണ്ടോ; അവ പരിഹരിക്കാനായി പദ്ധതിയുണ്ടാേയെന്ന് അറിയിക്കുമോ?

റീ സര്‍വ്വേ നടപടികള്‍

*219.

ശ്രീ.വി.ഡി.സതീശന്‍
,, വി.എസ്.ശിവകുമാര്‍
,, തിരുവഞ്ചൂര്‍ രാധാകൃഷ്ണന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് 1966 മുതല്‍ നടന്നുവരുന്ന റീ സര്‍വ്വേ നടപടികള്‍ 50 വര്‍ഷം കഴിഞ്ഞിട്ടും പൂര്‍ത്തിയാക്കുവാന്‍ കഴിയാത്ത സാഹചര്യം ഗൗരവമായി പരിഗണിച്ചിട്ടുണ്ടോ;

(ബി)	റീ സര്‍വ്വേ നടത്തിയ വില്ലേജുകളില്‍ ഉണ്ടായ പരാതികള്‍ സമയബന്ധിതമായി പരിഹരിക്കുന്നതിന് സ്വീകരിച്ച നടപടികള്‍ ഫലപ്രദമാണോ; അല്ലെങ്കില്‍ ഇതിനായി പ്രത്യേക അദാലത്തുകള്‍ താലൂക്ക് തലത്തില്‍ നടത്തി പരാതികള്‍ പരിഹരിക്കുന്നതിന് നടപടി സ്വീകരിക്കുമോ;

(സി)	എത്ര കാലത്തിനുളളില്‍ റീ സര്‍വ്വേ നടപടികള്‍ പൂര്‍ത്തിയാക്കണമെന്നാണ് ഇതിനായി നിയോഗിച്ചിട്ടുള്ള ഏജന്‍സിയോട് നിര്‍ദ്ദേശിച്ചിട്ടുളളത്; വ്യക്തമാക്കാമോ?

റവന്യൂ വകുപ്പിന്റെ ആധുനികവല്‍ക്കരണം

*220.

ശ്രീ.ആര്‍. രാമചന്ദ്രന്‍
,, മുല്ലക്കര രത്നാകരന്‍
ശ്രീമതി സി.കെ. ആശ
,, ഗീതാ ഗോപി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ വകുപ്പിന്റെ ആധുനികവല്‍ക്കരണത്തിന് ഈ സര്‍ക്കാര്‍ സ്വീകരിച്ചു വരുന്ന നടപടികള്‍ വിശദമാക്കുമോ;

(ബി)	റവന്യൂ വകുപ്പില്‍ ഇ-ഗവേണന്‍സ്, ഇ-ഓഫീസ് എന്നിവ ശക്തിപ്പെടുത്തുന്നതിനും വ്യാപകമാക്കുന്നതിനും സ്വീകരിച്ച നടപടികള്‍ വ്യക്തമാക്കുമോ;

(സി)	റവന്യൂ രേഖകളുടെ ‍ഡിജിറ്റൈസേഷന്‍ നടപടികളുടെ പുരോഗതി വ്യക്തമാക്കുമോ;

(ഡി)	സംയോജിത ഓണ്‍ലൈന്‍ പോക്കുവരവ് സംബന്ധിച്ച് വിശദമാക്കുമോ; ഇത്എല്ലാ വില്ലേജുകളിലേക്കും വ്യാപിപ്പിക്കുമോ;

(ഇ)	റവന്യൂ റിക്കവറി നടപടികള്‍ പൂര്‍ണ്ണമായും ഓണ്‍ലൈന്‍ സംവിധാനത്തില്‍ ആയിട്ടുണ്ടോ എന്നറിയിക്കാമോ?

സംസ്ഥാന റോഡ് വികസന പദ്ധതി

*221.

ശ്രീ.എസ്.ശർമ്മ
,, കെ.വി.അബ്ദുള്‍ ഖാദര്‍
,, കാരാട്ട് റസാഖ്
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളുടെ സമഗ്ര വികസനത്തിനായി സംസ്ഥാന റോഡ് വികസന പദ്ധതി (എസ്.ആര്‍.ഐ.പി) ആവിഷ്ക്കരിച്ച് നടപ്പാക്കി വരുന്നുണ്ടോ;

(ബി)	പ്രസ്തുത പദ്ധതിയില്‍ എന്തെല്ലാം പ്രവൃത്തികളാണ് ഉള്‍പ്പെടുത്തിയിട്ടുള്ളതെന്ന് വിശദമാക്കാമോ;

(സി)	പദ്ധതിയുടെ കാര്യക്ഷമമായ നടത്തിപ്പിനായി റോഡ് ഇന്‍ഫ്രാസ്ട്രക്ചര്‍ കമ്പനി കേരള ലിമിറ്റഡ് എന്ന പേരില്‍ പ്രത്യേക കമ്പനി രൂപീകരിച്ചിട്ടുണ്ടോ; വിശദാംശം നല്‍കുമോ;

(ഡി)	പ്രസ്തുത പദ്ധതിയില്‍ പൊതു - സ്വകാര്യ പങ്കാളിത്തം ഏര്‍പ്പെടുത്താന്‍ ഉദ്ദേശിക്കുന്നുണ്ടോ; വിശദമാക്കുമോ?

സ്കൂള്‍ കുട്ടികളുടെ അപകട ഇന്‍ഷ്വറന്‍സ്

*222.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ കുട്ടികള്‍ക്ക് അപകടമരണം സംഭവിച്ചാല്‍ അപകട ഇന്‍ഷ്വറന്‍സ് പദ്ധതിപ്രകാരം ലഭിക്കുന്ന ഇന്‍ഷ്വറന്‍സ് ആനുകൂല്യം 2011-16 കാലയളവില്‍ മരണപ്പെട്ട കുട്ടികളുടെ രക്ഷകര്‍ത്താക്കള്‍ക്ക് ലഭ്യമാക്കാന്‍ കഴിഞ്ഞിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടാേ;

(ബി)	അപകട ഇന്‍ഷ്വറന്‍സ് സംബന്ധിച്ച് വ്യക്തമായ നിര്‍ദ്ദേശങ്ങള്‍ സ്കൂള്‍ അധികൃതര്‍ക്ക് ലഭ്യമാക്കുമാേ;

(സി)

അടുത്തകാലത്ത് പാെന്നാനിപ്പുഴയിലുണ്ടായ അപകടത്തിലും വിയ്യാവൂര്‍ എസ്.എച്ച്.എസ്.എസിലെ കുട്ടികള്‍ ഉള്‍പ്പെട്ട താേണി അപകടത്തിലും മരണപ്പെട്ട കുട്ടികളുടെ പാേസ്റ്റുമാര്‍ട്ടം കളക്ടര്‍മാര്‍ ഇടപെട്ട് ഒഴിവാക്കിയതിനാല്‍ പാേസ്റ്റ്മാര്‍ട്ടം റിപ്പാേര്‍ട്ട് ഇല്ലാത്ത സാഹചര്യത്തില്‍ തുക നല്‍കുന്നതിന് ഇന്‍ഷ്വറന്‍സ് കമ്പനി തയ്യാറാകുന്നില്ല എന്നത് ശ്രദ്ധയില്‍പെട്ടിട്ടുണ്ടാേ; വിദ്യാഭ്യാസ വകുപ്പ് മുന്‍കയ്യെടുത്ത് ഇത് പരിഹരിക്കാന്‍ നടപടി സ്വീകരിക്കുമാേ?

എന്‍.സി.ഇ.ആര്‍.ടി നടത്തിയ സര്‍വ്വേ

*223.

ശ്രീ.ആര്‍. രാജേഷ്
,, കെ.ഡി. പ്രസേനന്‍
,, കെ.കുഞ്ഞിരാമന്‍
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രെെമറി, സെക്കന്ററി തലത്തിലെ വിദ്യാഭ്യാസ നിലവാരം സംബന്ധിച്ച് എന്‍. സി. ഇ. ആര്‍. ടി നടത്തിയ പഠന നേട്ട സര്‍വ്വേയില്‍ സംസ്ഥാനത്തെ പൊതു വിദ്യാലയങ്ങള്‍ ഏറെ മുന്നിലാണെന്ന് കണ്ടെത്തുകയുണ്ടായോ; ഈ നേട്ടം നിലനിര്‍ത്തുന്നതിന് നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണ്;

(ബി)	ചെറിയ കുട്ടികളില്‍ ശാസ്ത്രകൗതുകം ഉണര്‍ത്തുന്നതിനും ശാസ്ത്ര നിരീക്ഷണത്തിനും ആവിഷ്കരിച്ചിട്ടുളള പദ്ധതികള്‍ അറിയിക്കാമോ;

(സി)	സംസ്ഥാനത്ത് വിവിധ പാഠ്യക്രമം അനുസരിച്ച് അധ്യയനം നടത്തുന്ന കുട്ടികള്‍ക്ക് മാതൃഭാഷയില്‍ പരി‍ജ്ഞാനമില്ലെന്ന സ്ഥിതി വിശേഷം അവസാനിപ്പിക്കാന്‍ കെെക്കൊണ്ട നടപടിയുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കാമോ?

അര്‍ഹരായ എല്ലാവര്‍ക്കും പട്ടയം

*224.

ശ്രീ.സി. കെ. ശശീന്ദ്രന്‍
,, എസ്.രാജേന്ദ്രന്‍
,, മുരളി പെരുനെല്ലി
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	എല്ലാവരെയും ഭൂമിയുടെ ഉടമകളാക്കുകയെന്ന പ്രഖ്യാപിത ലക്ഷ്യത്തിന്റെയടിസ്ഥാനത്തില്‍ അര്‍ഹരായ എല്ലാവര്‍ക്കും പട്ടയം നല്‍കാനായി സ്വീകരിച്ച നടപടികള്‍ അറിയിക്കാമാേ;

(ബി)	ഭൂമിയുടെ മേല്‍ ദീര്‍ഘകാലമായി നിലനില്‍ക്കുന്ന അവകാശത്തര്‍ക്കങ്ങള്‍ പരിഹരിക്കുന്നതിനായി റീ സര്‍വ്വേ നടത്താന്‍ ഏര്‍പ്പെടുത്തിയിട്ടുള്ള ക്രമീകരണങ്ങള്‍ വിശദമാക്കാമാേ;

(സി)

ഡാറ്റാ ബാങ്കിലെ അപാകതകള്‍ പരിഹരിക്കാന്‍ ആവശ്യപ്പെട്ടുകാെണ്ട് ലഭിച്ചിട്ടുള്ള രണ്ടുലക്ഷത്തിലധികം അപേക്ഷകള്‍ തീര്‍പ്പാക്കാത്തത് നിരവധി പാവപ്പെട്ടവരുടെ സ്വന്തമായി വീടെന്ന സ്വപ്നം യാഥാര്‍ത്ഥ്യമാകാതിരിക്കാന്‍ ഇടയാക്കിയിട്ടുള്ളതിനാല്‍ ഇത്തരം അപേക്ഷകളിന്‍മേല്‍ സത്വര നടപടിയെടുക്കാന്‍ വേണ്ട നിര്‍ദ്ദേശം നല്‍കുമാേ?

രാഷ്ട്രീയ ഉച്ചതര്‍ ശിക്ഷ അഭിയാന്‍

*225.

ശ്രീ.അനില്‍ അക്കര
,, എ.പി. അനില്‍ കുമാര്‍
,, എല്‍ദോസ് പി. കുന്നപ്പിള്ളില്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര ഫണ്ടുകള്‍ ലഭിക്കുന്നതിന് സ്വയംഭരണ കോളേജുകള്‍ ഉള്‍പ്പെടെയുള്ള സ്വകാര്യ വിദ്യാഭ്യാസ സ്ഥാപനങ്ങളെ പ്രോത്സാഹിപ്പിക്കണമെന്ന കേന്ദ്ര മാനവ വിഭവ ശേഷി വകുപ്പിന്റെ നിര്‍ദ്ദേശം നിലവിലുണ്ടോ;

(ബി)	ഇതിന്റെ അടിസ്ഥാനത്തില്‍ സംസ്ഥാനത്തെ എയ്ഡഡ് കോളേജുകള്‍ക്കും ഓട്ടോണമസ് കോളേജുകള്‍ക്കും കേന്ദ്ര ഫണ്ട് അനുവദിക്കാന്‍ കേന്ദ്ര മാനവ വിഭവ ശേഷി മന്ത്രാലയത്തോട് ഉന്നത വിദ്യാഭ്യാസ കൗണ്‍സില്‍ മുഖാന്തിരം ആവശ്യപ്പെട്ടിട്ടുണ്ടോ;

(സി)	ഇൗ വര്‍ഷം രാഷ്ട്രീയ ഉച്ചതര്‍ ശിക്ഷ അഭിയാന്‍ (റൂസ) മുഖേന പദ്ധതികള്‍ നടപ്പിലാക്കേണ്ട കോളേജുകളുടെ പട്ടികയില്‍ എയ്ഡഡ് കോളേജുകളും സ്വയംഭരണ കോളേജുകളും ഉള്‍പ്പെട്ടിട്ടുണ്ടോ;

(ഡി)	സ്വയംഭരണ കോളേജുകള്‍ക്കെതിരെ സ്വീകരിച്ചിരുന്ന നിലപാടില്‍ നിന്നും സര്‍ക്കാര്‍ പിന്നോക്കം പോയത് കൂടുതല്‍ കേന്ദ്ര ഫണ്ട് ലഭിക്കുന്നതിന് വേണ്ടിയാണോ; വ്യക്തമാക്കുമോ?

നീലക്കുറിഞ്ഞി ഉദ്യാനത്തിന്റെ സംരക്ഷണം

*226.

ശ്രീ.അബ്ദുല്‍ ഹമീദ് പി.
,, വി.കെ.ഇബ്രാഹിം കുഞ്ഞ്
,, പി.ബി. അബ്ദുല്‍ റസ്സാക്ക്
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മൂന്നാറിലെ നീലക്കുറിഞ്ഞി ഉദ്യാനത്തിന്റെ അതിര്‍ത്തി പുനര്‍നിര്‍ണ്ണയം നടത്താന്‍ സര്‍ക്കാര്‍ തീരുമാനിച്ചിട്ടുണ്ടോ;

(ബി)	നീലക്കുറിഞ്ഞി ഉദ്യാനത്തിന്റെ വിസ്തൃതി 3200 ഹെക്ടര്‍ ആയി നിലനിര്‍ത്തി സംരക്ഷിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(സി)	ഈ സ്ഥലങ്ങളിലെ വ്യാജപട്ടയക്കാരെയും കൈയേറ്റക്കാരെയും ഒഴിപ്പിക്കുവാന്‍ നടപടി സ്വീകരിക്കുമോ?

സ്വാശ്രയ വിദ്യാഭ്യാസ മേഖലയിലെ പ്രശ്നങ്ങള്‍

*227.

ശ്രീ.ഐ.ബി. സതീഷ്
,, ജെയിംസ് മാത്യു
,, കെ.വി.വിജയദാസ്
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്വാശ്രയ വിദ്യാഭ്യാസ മേഖലയിലെ പ്രശ്നങ്ങള്‍ പഠിക്കാന്‍ നിയോഗിച്ച കെ.കെ.ദിനേശന്‍ കമ്മീഷന്റെ റിപ്പോര്‍ട്ടിലെ ശിപാര്‍ശകള്‍ പരിശോധിച്ച് തീരുമാനം എടുത്തിട്ടുണ്ടോ;

(ബി)	യോഗ്യതയുള്ളവരെ മാത്രം അധ്യാപകരായി നിയമിക്കുന്നുവെന്നും അവര്‍ക്ക് ന്യായമായ വേതനവും സംഘടനാ സ്വാതന്ത്ര്യവും അനുവദിക്കുന്നുവെന്നും ഉറപ്പുവരുത്തുവാന്‍ നടപടിയെടുക്കുമോ;

(സി)	വിദ്യാര്‍ത്ഥികള്‍ക്ക് സമാധാനപരമായി സംഘടിക്കുവാനുള്ള മൗലികാവകാശം ഹൈക്കോടതി വിധിയിലൂടെ റദ്ദാക്കിയത് പുന:സ്ഥാപിക്കാന്‍ ആവശ്യമെങ്കില്‍ നിയമനിര്‍മ്മാണം ഉള്‍പ്പെടെയുള്ള നടപടികള്‍ സ്വീകരിക്കുമോ;

(ഡി)	പ്രാക്ടിക്കല്‍ മാര്‍ക്കിന്റെയും ഇന്റേണല്‍ മാര്‍ക്കിന്റെയും പേരില്‍ വിദ്യാര്‍ത്ഥികളെ വിധേയരാക്കി നിര്‍ത്തുന്നത് അവസാനിപ്പിക്കുവാന്‍ സംവിധാനം ഏര്‍പ്പെടുത്തിയിട്ടുണ്ടോയെന്ന് വെളിപ്പെടുത്താമോ?

സ്ത്രീ മത്സ്യത്തൊഴിലാളികള്‍ക്കായി ആവിഷ്കരിച്ച പദ്ധതികള്‍

*228.

ശ്രീമതി യു. പ്രതിഭ ഹരി
ശ്രീ.കെ. ദാസന്‍
,, സി.കൃഷ്ണന്‍
,, ബി.സത്യന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യ വില്‍പ്പനയിലും അനുബന്ധതൊഴിലിലും ഏര്‍പ്പെട്ടിരിക്കുന്ന സ്ത്രീ തൊഴിലാളികളുടെ വരുമാനവും ജീവിത നിലവാരവും ഉയര്‍ത്താനായി ആവിഷ്കരിച്ചിട്ടുള്ള പദ്ധതിയുടെ വിശദാംശം അറിയിക്കാമോ; ഇതിനായി 'യു.എന്‍ വിമന്‍' വാഗ്ദാനം ചെയ്തിട്ടുള്ള പദ്ധതികള്‍ ഏതെല്ലാമാണ്;

(ബി)	മത്സ്യ വിപണന മേഖലയില്‍ തൊഴിലെടുക്കുന്ന സ്ത്രീ തൊഴിലാളികള്‍ നേരിടുന്ന ചൂഷണം അവസാനിപ്പിക്കുന്നതിനും മത്സ്യ മാര്‍ക്കറ്റ് സ്ത്രീ സൗഹൃദമാക്കുന്നതിനും നടപടിയെടുത്തിട്ടുണ്ടോ;

(സി)	മത്സ്യബന്ധന നിരോധന കാലയളവില്‍ തൊഴില്‍ ഇല്ലാതാകുന്ന മത്സ്യത്തൊഴിലാളികള്‍ക്ക് നല്‍കി വരുന്ന ആശ്വാസ ധനം വര്‍ദ്ധിപ്പിക്കുന്ന കാര്യം പരിഗണനയിലുണ്ടോ;

(ഡി)	പച്ച മത്സ്യത്തിന്റെ ആദ്യവില്പനാവകാശം മത്സ്യത്തൊഴിലാളികള്‍ക്ക് മാത്രമായി നിജപ്പെടുത്താനും മത്സ്യത്തില്‍ രാസവസ്തുക്കള്‍ ചേര്‍ക്കുന്നില്ലെന്ന് ഉറപ്പുവരുത്താനും നടപടിയെടുക്കുമോയെന്ന് വ്യക്തമാക്കുമോ?

ദേശീയപാത വികസനവും ഭൂമി ഏറ്റെടുക്കലും

*229.

ശ്രീ.കെ.മുരളീധരന്‍
,, അന്‍വര്‍ സാദത്ത്
,, വി.ടി.ബല്‍റാം
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാത വികസനവുമായി ബന്ധപ്പെട്ടുള്ള ഭൂമി ഏറ്റെടുക്കലിന്റെ നിലവിലെ സ്ഥിതി വിശദമാക്കുമോ;

(ബി)	കുറ്റിപ്പുറം മുതല്‍ ഇടപ്പള്ളി വരെയുള്ള വികസനത്തിന് എത്ര ഹെക്ടര്‍ ഭൂമിയാണ് ഏറ്റെടുക്കേണ്ടത്; ഇത് സംബന്ധിച്ച 3 എ നോട്ടിഫിക്കേഷന്‍ പ്രസിദ്ധീകരിച്ചിട്ടുണ്ടോ;

(സി)	3 എ നോട്ടിഫിക്കേഷന്‍ പ്രസിദ്ധീകരിച്ച പല സ്ഥലത്തും അതിനെതിരെ നടക്കുന്ന ജനകീയ സമരങ്ങള്‍ ശ്രദ്ധയിൽപ്പെട്ടിട്ടുണ്ടോ; ഇത്തരം സ്ഥലങ്ങളില്‍ സമരത്തിന് ആസ്പദമായ കാര്യങ്ങളെക്കുറിച്ച് മന്ത്രിതലത്തില്‍ ചര്‍ച്ച നടത്തി സമന്വയത്തിന് നടപടി സ്വീകരിച്ചിട്ടുണ്ടോ;

(ഡി)	ഭൂമി ഏറ്റെടുക്കുമ്പോള്‍ വീട് നഷ്ടപ്പെടുന്നവരെ പുനരധിവസിപ്പിക്കുന്നതിന് എന്തൊക്കെ പ്രവര്‍ത്തനങ്ങളാണ് നടക്കുന്നത്; ഇതിനായി എന്തെങ്കിലും പുനരധിവാസ പാക്കേജ് പ്രഖ്യാപിച്ചിട്ടുണ്ടോ; വിശദമാക്കുമോ?

വിദ്യാര്‍ത്ഥികള്‍ക്ക് ഗ്രൂപ്പ് ഇന്‍ഷ്വറന്‍സ് പദ്ധതി

*230.

പ്രൊഫ.കെ.യു. അരുണന്‍
ശ്രീ.എ.എം. ആരിഫ്
ശ്രീമതി.വീണാ ജോര്‍ജ്ജ്
ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പാെതുവിദ്യാലയങ്ങളിലെ വിദ്യാര്‍ത്ഥികള്‍ക്കായി ഗ്രൂപ്പ് പേഴ്സണല്‍ അപകട ഇന്‍ഷ്വറന്‍സ് പദ്ധതി നടപ്പിലാക്കിയിട്ടുണ്ടാേ; വിശദാംശം വെളിപ്പെടുത്തുമോ;

(ബി)	പ്രാരംഭത്തില്‍ ഇന്‍ഷ്വറന്‍സ് കമ്പനികളുമായി ചേര്‍ന്ന് നടപ്പിലാക്കിയിരുന്ന പ്രസ്തുത പദ്ധതി പാെതുവിദ്യാഭ്യാസ വകുപ്പ് ഏറ്റെടുത്തത് ഏത് വര്‍ഷം മുതലാണ്;

(സി)	പ്രസ്തുത പദ്ധതിക്കായി നടപ്പു സാമ്പത്തിക വര്‍ഷം എത്ര തുക ബജറ്റില്‍ വകയിരുത്തിയിട്ടുണ്ടെന്ന് വ്യക്തമാക്കാമാേ?

പ്രീപ്രൈമറി വിദ്യാഭ്യാസ രംഗത്തെ പ്രശ്നങ്ങള്‍

*231.

ശ്രീ.രാജു എബ്രഹാം
ശ്രീമതി യു. പ്രതിഭ ഹരി
ശ്രീ.കെ.വി.അബ്ദുള്‍ ഖാദര്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

സര്‍ക്കാരിന്റെ കാര്യക്ഷമമായ ഇടപെടലിന്റെ ഫലമായി സര്‍ക്കാര്‍ വിദ്യാലയങ്ങളിലേക്ക് സ്വകാര്യ വിദ്യാലയങ്ങളില്‍ നിന്ന് ഒന്നര ലക്ഷത്തോളം കുട്ടികളെ ആകര്‍ഷിക്കാന്‍ സാധ്യമായ മികച്ച നേട്ടം കൈവരിച്ചതിനെ തുടര്‍ന്ന് കുട്ടികള്‍ക്ക് പാഠപുസ്തകങ്ങള്‍ സമയബന്ധിതമായി എത്തിച്ച് കൊടുക്കാന്‍ നടത്തിയ പ്രവര്‍ത്തനങ്ങള്‍ എന്തെല്ലാമാണ്;

(ബി)	എയിഡഡ് സ്കൂള്‍ വിദ്യാര്‍ത്ഥികള്‍ക്ക് സൗജന്യമായി യൂണിഫോം നല്‍കുന്നുണ്ടോ;

(സി)	പ്രീപ്രൈമറി വിദ്യാഭ്യാസ രംഗത്ത് നിലനില്‍ക്കുന്ന പ്രശ്നങ്ങള്‍ പരിഹരിക്കാന്‍ നടപടിയെടുത്തിട്ടുണ്ടോ; നേഴ്സറി പാഠ്യപദ്ധതിയും പ്രവേശന മാനദണ്ഡവും രൂപീകരിക്കാനുള്ള മാര്‍ഗ്ഗ നിര്‍ദ്ദേശങ്ങള്‍ എന്‍.സി.ഇ.ആര്‍.ടി. സംസ്ഥാനങ്ങള്‍ക്ക് നല്‍കിയിട്ടുണ്ടോ; എങ്കിൽ വിശദാംശം ലഭ്യമാക്കാമോ?

ഹാരിസണ്‍ മലയാളം ലിമിറ്റഡിന്റെ കൈവശമുള്ള ഭൂമി

*232.

ശ്രീ.എ.പി. അനില്‍ കുമാര്‍
,, ഐ.സി.ബാലകൃഷ്ണന്‍
,, കെ.മുരളീധരന്‍
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഹാരിസണ്‍ മലയാളം ലിമിറ്റഡിന്റെ കൈവശമുള്ള ഭൂമിയും അവര്‍ വിറ്റ ഭൂമിയും തിരിച്ച് പിടിക്കുവാന്‍, ഭൂമിയേറ്റെടുക്കുന്നതുമായി ബന്ധപ്പെട്ട സ്പെഷ്യല്‍ ഓഫീസര്‍ ആയിരുന്ന ശ്രീ. രാജമാണിക്യം നൽകിയ ഉത്തരവുകള്‍ കേരള ഹൈക്കോടതി റദ്ദാക്കിയിട്ടുണ്ടോ;

(ബി)	കൃത്രിമ രേഖകളുടെ അടിസ്ഥാനത്തിലാണ് ഹാരിസണ്‍ ഭൂമി കൈവശം വച്ചിരിക്കുന്നത് എന്ന് സിംഗിള്‍ ബഞ്ചിനെ ബോദ്ധ്യപ്പെടുത്തുവാന്‍ സര്‍ക്കാരിനുണ്ടായ ഗുരുതരമായ വീഴ്ചയാണ് ഈ കേസിൽ തിരിച്ചടി നേരിടുവാൻ കാരണം എന്നത് വസ്തുതയാണോ;

(സി)	ഹാരിസണ്‍ കൈവശപ്പെടുത്തിയ ഭൂമി തിരിച്ചുപിടിച്ച് ഭൂരഹിതര്‍ക്ക് വിതരണം ചെയ്യുന്നതിന് സര്‍ക്കാരിന് കേസ് നടത്തിപ്പിലുണ്ടായ വീഴ്ച മൂലം തടസ്സം നേരിട്ടിട്ടുണ്ടോ;

(ഡി)	എങ്കിൽ ഈ വിധിക്കെതിരെ അപ്പീൽ നൽകുന്നതിന് നടപടി സ്വീകരിക്കുമോ എന്ന വ്യക്തമാക്കാമോ?

റീ സര്‍വ്വേ നടപടികള്‍ക്ക് സ്വതന്ത്ര ഏജൻസി

*233.

ശ്രീ.എം.ഉമ്മര്‍
,, പി.ബി. അബ്ദുല്‍ റസ്സാക്ക്
,, വി.കെ.ഇബ്രാഹിം കുഞ്ഞ്
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റീ സര്‍വ്വേ നടപടികള്‍ പൂര്‍ത്തീകരിക്കുന്നതിനായി സ്വതന്ത്ര ഏജൻസിയെ ചുമതലപ്പെടുത്തിയിട്ടുണ്ടോ; വിശദാംശം നൽകുമോ;

(ബി)	റീ സര്‍വ്വേ നടപടികള്‍ പൂര്‍ത്തീകരിക്കാൻ സര്‍ക്കാര്‍ സംവിധാനത്തിന് കഴിയാത്തതിന്റെ കാരണങ്ങള്‍ വിലയിരുത്തിയിട്ടുണ്ടോ; വിശദമാക്കാമോ;

(സി)	സര്‍വ്വേ നടപടികള്‍ പൂര്‍ത്തീകരിക്കാൻ രൂപീകരിച്ച ഭൂമി കേരളം പദ്ധതിയുടെ നിലവിലെ സ്ഥിതി വിശദമാക്കാമോ?

സ്വകാര്യ സ്കൂളുകളിലെ പഠനവൈകല്യമുള്ള കുട്ടികള്‍

*234.

ശ്രീ.അടൂര്‍ പ്രകാശ്
,, വി.ഡി.സതീശന്‍
,, ഷാഫി പറമ്പില്‍
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നൂറ് ശതമാനം വിജയം കൈവരിക്കാനായി പഠനവൈകല്യമുള്ള കുട്ടികളെ സ്കൂള്‍ അധികൃതര്‍ ഭീഷണിപ്പെടുത്തുകയും പുറത്താക്കുകയും ചെയ്യുന്ന സാഹചര്യം സർക്കാരിന്റെ ശ്രദ്ധയില്‍പെട്ടിട്ടുണ്ടോ;

(ബി)	ഏത് വിധേനയും നൂറ് ശതമാനം വിജയം നേടുന്നതിന് സ്വകാര്യ സ്കൂള്‍ അധികൃതര്‍ നടത്തുന്ന ക്രൂരമായ പ്രവൃത്തികള്‍ തടയാന്‍ എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വെളിപ്പെടുത്തുമോ;

(സി)	സംസ്ഥാനത്തെ സ്വകാര്യ സ്കൂളുകളില്‍ നടക്കുന്ന ഇത്തരം ക്രുരതക്കെതിരെ ഏതെങ്കിലും അന്വേഷണം നടത്തിയിട്ടുണ്ടോ; വിശദമാക്കുമോ?

വിദൂര വിദ്യാഭ്യാസ കോഴ്സുകള്‍ നടത്തുന്നതിന് നിയന്ത്രണങ്ങള്‍

*235.

ശ്രീ.പി.ഉബൈദുള്ള
,, സി.മമ്മൂട്ടി
പ്രൊഫ.ആബിദ് ഹുസൈന്‍ തങ്ങള്‍
ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വകലാശാലകളില്‍ വിദൂര വിദ്യാഭ്യാസ കോഴ്സുകള്‍ നടത്തുന്നതിന് യു.ജി.സി. പുതിയ മാനദണ്ഡങ്ങള്‍ ഏര്‍പ്പെടുത്തിയതായ വിവരം ശ്രദ്ധയില്‍പ്പെട്ടിട്ടുണ്ടോ;

(ബി)	ഇവ എന്തെല്ലാമാണെന്ന് പരിശോധിച്ചിട്ടുണ്ടോ;

(സി)	ഈ നിയന്ത്രണങ്ങള്‍ മൂലം സംസ്ഥാനത്തെ സര്‍വ്വകലാശാലകള്‍ നടത്തിവരുന്ന വിദൂര വിദ്യാഭ്യാസ കോഴ്സുകളുടെ അംഗീകാരം നഷ്ടപ്പെടാന്‍ സാധ്യതയുണ്ടോ;

(ഡി)	യു.ജി.സി.യുടെ പുതിയ മാനദണ്ഡങ്ങള്‍ വിദൂര വിദ്യാഭ്യാസ മേഖലയില്‍ ഉണ്ടാക്കിയ പ്രതിസന്ധി എങ്ങനെ നേരിടുന്നതിനാണ് ആലോചിക്കുന്നതെന്ന് വ്യക്തമാക്കുമോ?

നവീന നിര്‍മ്മാണ രീതികളുടെ പ്രോത്സാഹനം

*236.

ശ്രീ.എ. പ്രദീപ്കുമാര്‍
,, പി.കെ. ശശി
,, യു. ആര്‍. പ്രദീപ്
,, കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പശ്ചാത്തല സൗകര്യ നിര്‍മ്മാണ പ്രക്രിയയില്‍ നിര്‍ണ്ണായക പങ്ക് വഹിക്കുന്ന പൊതുമരാമത്ത് വകുപ്പിലെ സാങ്കേതിക വിഭാഗം ജീവനക്കാരുടെ കാര്യക്ഷമത വര്‍ദ്ധിപ്പിക്കാനായി കെെക്കൊണ്ട നടപടികള്‍ അറിയിക്കാമോ;

(ബി)	നിര്‍മ്മാണത്തില്‍ ആധുനിക സാങ്കേതിക വിദ്യകളുടെ പ്രയോഗവും നവീന നിര്‍മ്മാണ രീതിയുടെ സ്വാംശീകരണവും പ്രോത്സാഹിപ്പിക്കാന്‍ നടത്തിയ ഇടപെടലുകള്‍ അറിയിക്കാമോ;

(സി)	കെട്ടിട നിര്‍മ്മാണത്തില്‍ പരിസ്ഥിതിക്കിണങ്ങുന്നതും ചാരുതയാര്‍ന്ന രീതിയിലുള്ളതുമായ നിര്‍മ്മാണം പ്രോത്സാഹിപ്പിക്കാന്‍ കെെക്കൊണ്ടിട്ടുള്ള നടപടികള്‍ എന്തെല്ലാമാണ്; വ്യക്തമാക്കാമോ?

ഇ-ഡിസ്ട്രിക്ട് പദ്ധതി

*237.

ശ്രീ.മോന്‍സ്‌ ജോസഫ്
,, പി.ജെ.ജോസഫ്
,, റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പാക്കി വരുന്ന ഇ-ഡിസ്ട്രിക്ട് പദ്ധതിയുടെ പുരോഗതി അറിയിക്കാമോ; ഏതെല്ലാം സര്‍ട്ടിഫിക്കറ്റുകളാണ് പൊതുജനങ്ങള്‍ക്ക് ഈ പദ്ധതി വഴി നല്‍കി വരുന്നതെന്ന് വ്യക്തമാക്കുമോ;

(ബി)	ഭൂമി സംബന്ധിച്ച വിവരങ്ങളുടെ ഡിജിറ്റൈസേഷന്‍ എല്ലാ വില്ലേജ് ഓഫീസുകളിലും ആരംഭിച്ചിട്ടുണ്ടോ; സംസ്ഥാനത്തെ വില്ലേജ് ഓഫീസുകളിലെ ബി.ടി.ആര്‍. റെക്കോര്‍ഡുകളുടെയും തണ്ടപ്പേര്‍ റെക്കോര്‍ഡുകളുടെയും ഡിജിറ്റൈസേഷന്‍ നടപടി ഏത് ഘട്ടത്തിലാണെന്ന് അറിയിക്കാമോ;

(സി)	സംസ്ഥാനത്തെ സംയോജിത ഓണ്‍ലൈന്‍ പോക്കുവരവും ഇ-പെയ്മെന്റ് നടപടിക്രമങ്ങളും സംബന്ധിച്ച വിശദവിവരങ്ങള്‍ ലഭ്യമാക്കാമോ?

ഭവന നിര്‍മ്മാണ ബോര്‍ഡിന്റെ പ്രവര്‍ത്തനങ്ങള്‍

*238.

ശ്രീ.എസ്.രാജേന്ദ്രന്‍
,, ഡി.കെ. മുരളി
,, കെ.വി.വിജയദാസ്
,, എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കേരള സംസ്ഥാന ഭവന നിര്‍മ്മാണ ബോര്‍ഡിന്റെ പ്രവര്‍ത്തനങ്ങള്‍ അവലോകനം ചെയ്യാറുണ്ടോ;

(ബി)	ഭവന നിര്‍മ്മാണ ബോര്‍ഡ് ആവിഷ്ക്കരിച്ച് നടപ്പാക്കി വരുന്ന ഭവന നിര്‍മ്മാണ പദ്ധതികള്‍ എന്തെല്ലാമാണെന്ന് വിശദമാക്കാമോ;

(സി)	ലെെഫ് മിഷന്‍ പദ്ധതിയുമായി ചേര്‍ന്ന് ഭവന നിര്‍മ്മാണ ബോര്‍ഡ് എന്തെല്ലാം പ്രവര്‍ത്തനങ്ങളാണ് നടത്തി വരുന്നതെന്ന് വ്യക്തമാക്കാമോ;

(ഡി)	ചെലവ് കുറഞ്ഞ വീട് എന്ന ആശയം പ്രചരിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുളളത്;

(ഇ)	എല്ലാവര്‍ക്കും വീട് എന്ന ലക്ഷ്യം സാക്ഷാത്കരിക്കുന്നതിന്റെ ഭാഗമായി ഭവന നിര്‍മ്മാണ ബോര്‍ഡിന്റെ പ്രവര്‍ത്തനങ്ങള്‍ കൂടുതല്‍ വിപുലീകരിക്കാന്‍ എന്തെല്ലാം നടപടികള്‍ സ്വീകരിക്കാന്‍ സാധിക്കുമെന്ന് വ്യക്തമാക്കാമോ?

നീലക്കുറിഞ്ഞി ഉദ്യാനാതിര്‍ത്തി പുനര്‍നിർണ്ണയം

*239.

ശ്രീ.വി.ടി.ബല്‍റാം
,, പി.ടി. തോമസ്
,, അനില്‍ അക്കര
,, അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മൂന്നാര്‍ നീലക്കുറിഞ്ഞി ഉദ്യാനാതിര്‍ത്തി പുനര്‍നിര്‍ണ്ണയവുമായി ബന്ധപ്പെട്ട് ചീഫ് സെക്രട്ടറി ഉത്തരവ് പുറപ്പെടുവിച്ചിട്ടുണ്ടോ; എങ്കില്‍ പ്രധാന ഉത്തരവുകള്‍ എന്തൊക്കെയാണ്;

(ബി)	നീലക്കുറിഞ്ഞി ഉദ്യാനത്തിന്റെ പരിധിയില്‍ വരുന്ന ഭൂമിയില്‍ കൈവശരേഖ ഉള്ളവര്‍ക്ക് പട്ടയം നല്‍കുമെന്ന് തീരുമാനിച്ചിട്ടുണ്ടോ;

(സി)	മൂന്നാറിലെ ഭൂമി കൈയേറ്റം അന്വേഷിച്ച ഉന്നത ഉദ്യോഗസ്ഥ സംഘങ്ങള്‍ മൂന്നാര്‍ ദേവികുളം മേഖലയില്‍ വ്യാജപട്ടയം സുലഭമാണെന്ന് റിപ്പോര്‍ട്ട് ചെയ്തിട്ടുണ്ടോ;

(ഡി)	വ്യാജപട്ടയങ്ങളുടെ നിജസ്ഥിതി പരിശോധിക്കുവാന്‍ പോലീസ്, റവന്യു, വനം വകുപ്പുകളിലെ ഉദ്യോഗസ്ഥരുടെ സംയുക്ത സമിതി രൂപീകരിച്ചിരുന്നോ; എങ്കിൽ അവരുടെ കണ്ടെത്തലുകള്‍ എന്തൊക്കെയാണ്;

(ഇ)	കൈവശ രേഖയുള്ളവര്‍ക്ക് പട്ടയം നല്‍കുമെന്ന ഉത്തരവ് കൈയേറ്റക്കാര്‍ ദുരുപയോഗം ചെയ്യാതിരിക്കുവാന്‍ എന്തൊക്കെ മുന്‍കരുതലുകളാണ് സ്വീകരിക്കുന്നത്; വ്യക്തമാക്കാമോ?

റോഡ് നിര്‍മ്മാണത്തിന് നൂതന സാങ്കേതിക വിദ്യകള്‍

*240.

ശ്രീ.പുരുഷന്‍ കടലുണ്ടി
,, ജെയിംസ് മാത്യു
,, സി.കെ. ഹരീന്ദ്രന്‍
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡ് നിര്‍മ്മാണത്തിന് ഏതെല്ലാം നൂതന സാങ്കേതിക വിദ്യകളാണ് നിലവില്‍ ഉപയോഗിച്ച് വരുന്നതെന്ന് വ്യക്തമാക്കാമോ;

(ബി)	കയര്‍ ഭൂവസ്ത്രം, പ്ലാസ്റ്റിക്, റബ്ബര്‍ തുടങ്ങിയവ ഉപയോഗിച്ചുള്ള റോഡ് നിര്‍മ്മാണം വ്യാപകമാക്കുവാന്‍ ഉദ്ദേശിക്കുന്നുണ്ടോ;

(സി)	വേണ്ടത്ര ഗുണനിലവാരമില്ലെന്ന് പരിശോധനയില്‍ കണ്ടെത്തുന്ന റോഡുകളുടെ പുനര്‍നിര്‍മ്മാണം കരാറുകാരനെക്കൊണ്ടുതന്നെ നിര്‍വ്വഹിപ്പിക്കാനും ക്രമക്കേടുകള്‍ കണ്ടെത്തിയാല്‍ അര്‍ഹമായ ശിക്ഷാനടപടികള്‍ സ്വീകരിക്കാനും എന്തെല്ലാം വ്യവസ്ഥകളാണ് നിലവിലുള്ളത്;

(ഡി)	റോ‍ഡ് നിര്‍മ്മാണത്തിലെ അപാകതകള്‍ പരിഹരിച്ച് ഗുണനിലവാരമുള്ള റോഡുകള്‍ നിര്‍മ്മിക്കുന്നതിനാവശ്യമായ എന്തെല്ലാം ഗവേഷണ പ്രവര്‍ത്തനങ്ങളാണ് കേരള ഹൈവേ റിസര്‍ച്ച് ഇന്‍സ്റ്റിറ്റ്യൂട്ട് നടത്തി വരുന്നതെന്ന് വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.