14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >10^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 10^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പണം അടയ്ക്കുന്നതിന് ഓണ്‍ലെെന്‍ സംവിധാനം

5986.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാരിന്റെ വിവിധ സേവനങ്ങള്‍ക്ക് പണം അടയ്ക്കുന്നതിന് ഓണ്‍ലെെന്‍ സംവിധാനം ഏര്‍പ്പെടുത്തിയിട്ടുണ്ടോ;

(ബി)	ഏത് പോര്‍ട്ടല്‍ വഴിയാണ് പണം അടയ്ക്കേണ്ടതെന്നും ഏത് ബാങ്കുമായി സഹകരിച്ചാണ് പദ്ധതി നടപ്പിലാക്കുന്നതെന്നും വ്യക്തമാക്കുമോ?

ഓഡിറ്റ് മാന്വല്‍ തയ്യാറാക്കാനായി കരാർ നൽകിയ കമ്പനി

5987.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന ഓഡിറ്റ് കമ്മിഷന്‍ നിലവില്‍ വരുമെന്നറിഞ്ഞിട്ടും ഓഡിറ്റ് മാന്വല്‍ തയ്യാറാക്കാനായി ഏതെങ്കിലും കമ്പനിയെ ഏല്‍പ്പിച്ചിട്ടുണ്ടോ എന്ന് വ്യക്തമാക്കാമോ;

(ബി)	എങ്കില്‍ ഏത് കമ്പനിയുമായി ; എപ്പോഴാണ് ഇത് സംബന്ധിച്ച കരാറില്‍ ഒപ്പുവെച്ചിട്ടുളളത് ;വ്യക്തമാക്കാമോ;

(സി)	എത്ര രൂപയുടെ കരാറാണെന്നും ഏത് ഫണ്ടാണ് ഇതിനായി ഉപയോഗിക്കുന്നതെന്നും വ്യക്തമാക്കാമോ;

(ഡി)	ടെണ്ടര്‍ വിളിച്ചാണോ കരാര്‍ നല്‍കിയതെന്നും എത്ര കമ്പനികള്‍ ടെണ്ടറില്‍ പങ്കെടുത്തുവെന്നും വ്യക്തമാക്കാമോ;

(ഇ)	ടെണ്ടര്‍ വിളിക്കാതെ ഒരു പ്രത്യേക കമ്പനിക്കാണ് കരാര്‍ നല്‍കിയതെങ്കില്‍ അതിനുളള കാരണവും മാനദണ്ഡവും എന്താണെന്ന് വ്യക്തമാക്കാമോ?

കാരുണ്യ ബെനവലന്റ് പദ്ധതിയിൽ ഉൾപ്പെട്ട സ്വകാര്യ ആശുപത്രികള്‍

5988.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

കാരുണ്യ ബെനവലന്റ് ഫണ്ട് പദ്ധതിയില്‍ ഉള്‍പ്പെടുത്തിയിട്ടുളള പാലക്കാട്, മലപ്പുറം, കോഴിക്കോട് ജില്ലകളിലെ സ്വകാര്യ ആശുപത്രികളുടെ പട്ടിക ലഭ്യമാക്കാമോ?

ഓഡിറ്റ് വകുപ്പിലെ ഉദ്യോഗസ്ഥര്‍ക്ക് സസ്പെന്‍ഷന്‍

5989.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന ഓഡിറ്റ് വകുപ്പിലെ ഡെപ്യൂട്ടി ഡയറക്ടറേയും ഓഡിറ്റ് ഓഫീസറേയും 23.02.2018-ന് സര്‍വ്വീസില്‍ നിന്നും സസ്പെന്‍ഡ് ചെയ്തിരുന്നുവോ;

(ബി)	ഏതെങ്കിലും പരാതിയുടെ അടിസ്ഥാനത്തിലാണോ ഈ സസ്പെന്‍ഷന്‍ നടപ്പില്‍ വരുത്തിയത്; എങ്കില്‍ ആയതിന്റെ പകര്‍പ്പ് ലഭ്യമാക്കുമോ;

(സി)	സസ്പെന്‍ഷന് മുമ്പായി അന്വേഷണം നടത്തിയിരുന്നുവോ; എങ്കില്‍ അന്വേഷണ റിപ്പോര്‍ട്ട് ലഭിച്ചിരുന്നുവോ; ലഭിച്ചെങ്കില്‍ പ്രസ്തുത റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

വകുപ്പുകൾക്ക് അനുവദിച്ച തുകയും ചെലവഴിച്ച തുകയും

5990.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2016-17, 2017-18 വര്‍ഷത്തില്‍ ഓരോ വകുപ്പിനും എത്ര തുക വീതം അനുവദിച്ചിട്ടുണ്ട്; ഇതില്‍ എത്ര രൂപ ചെലവഴിച്ചു എന്നതിന്റെ വിശദവിവരം നല്‍കുമോ;

(ബി)	പ്രസ്തുത ബജറ്റുകളില്‍ പ്രഖ്യാപിച്ച പദ്ധതികള്‍ ഏതെല്ലാമാണ്; ഇവയില്‍ ഏതെല്ലാം നടപ്പിലാക്കിയെന്നും ഇനിയും ആരംഭിച്ചിട്ടില്ലാത്ത പദ്ധതികള്‍ ഏതെല്ലാമാണെന്നുമുള്ളതിന്റെ വ്യക്തമായ വിവരം നല്‍കുമോ?

വിദേശ സഹായത്തോടെയുളള പദ്ധതികള്‍

5991.

ശ്രീ.അടൂര്‍ പ്രകാശ് : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരമേറ്റ ശേഷം 2016-17 കാലയളവില്‍ വിദേശ സഹായത്തോടെ നടപ്പാക്കിയ പദ്ധതികളില്‍ പൂര്‍ണ്ണമായും നടപ്പിലാക്കുവാന്‍ സാധിക്കാതെ വന്നത് ഏതൊക്കെ ആയിരുന്നുവെന്ന് വിശദമാക്കുമോ?

മങ്കട നിയോജകമണ്ഡലത്തിലെ നിര്‍മ്മാണ പ്രവ‍ൃത്തികള്‍

5992.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2016-17, 2017-18 സാമ്പത്തിക വര്‍ഷത്തെ ബജറ്റ് പ്രസംഗത്തില്‍ കിഫ്ബിയില്‍ ഉള്‍പ്പെടുത്തിയ മങ്കട നിയോജകമണ്ഡലത്തിലെ നിര്‍മ്മാണ പ്രവ‍ൃത്തികള്‍ ഏതെല്ലാമാണെന്ന് വിശദമാക്കുമോ;

(ബി)	ഈ പ്രവൃത്തികളില്‍ എത്ര എണ്ണത്തിന് ഭരണാനുമതി നല്‍കിയിട്ടുണ്ടെന്നറിയിക്കുമോ;

(സി)	പ്രസ്തുത ഭരണാനുമതിയുടെ അടിസ്ഥാനത്തില്‍ കിഫ്ബി ബോര്‍ഡ് തുക അനുവദിച്ചിട്ടുണ്ടോ;

(ഡി)	ഇല്ലെങ്കില്‍ കിഫ്ബി ബോര്‍ഡ് അംഗീകാരം നല്‍കുന്നതിന് ഉണ്ടായ കാലതാമസം ഓരോ പ്രവൃത്തി തിരിച്ച് വിശദീകരിച്ച് നല്‍കാമോ?

ഗ്രീന്‍ ബുക്ക് പ്രവൃത്തികള്‍ സമയബന്ധിതമായി നടപ്പിലാക്കുന്നതിന് ഭരണ വകുപ്പുകളില്‍ ഏകോപനം

5993.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ ബജറ്റിനൊപ്പം സമര്‍പ്പിക്കപ്പെട്ട ഗ്രീന്‍ ബുക്കില്‍ എത്ര പദ്ധതികള്‍ക്കായി എത്രകോടി രൂപയാണ് നീക്കി വെച്ചിരുന്നതെന്നും ഇതില്‍ പത്തനംതിട്ട ജില്ലയിലെ പദ്ധതികള്‍ ഏതൊക്കെയെന്നും അറിയിക്കാമോ;

(ബി)	2017-18 ലെ ഗ്രീന്‍ ബുക്കിലുള്‍പ്പെട്ടിരുന്ന പത്തനംതിട്ട ജില്ലയിലെ എത്ര പ്രവൃത്തികളുടെ നിര്‍മ്മാണം ആരംഭിക്കാന്‍ കഴിഞ്ഞിട്ടുണ്ടെന്നറിയിക്കാമോ; ബാക്കിയുള്ളവയുടെ നിര്‍മ്മാണം ആരംഭിക്കാന്‍ കഴിയാതിരുന്നതിന്റെ കാരണം വ്യക്തമാക്കാമോ;

(സി)	മുന്തിയ പരിഗണന അര്‍ഹിക്കുന്നതും ഉടന്‍ നടപ്പിലാക്കാവുന്നതുമായ പദ്ധതികള്‍ എന്നനിലയില്‍ ഗ്രീന്‍ ബുക്കിലുള്‍പ്പെടുത്തപ്പെട്ട പ്രവൃത്തികള്‍ നടപ്പിലാക്കുന്നതു സംബന്ധിച്ച് ഭരണ വകുപ്പുകളില്‍ ഏകോപനം നടക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	ഇത് പരിഹരിക്കുന്നതിനും സമയബന്ധിതമായി പദ്ധതികള്‍ അതാത് സാമ്പത്തിക വര്‍ഷം തന്നെ ആരംഭിക്കുന്നു എന്ന് ഉറപ്പുവരുത്തുന്നതിനും എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; ഇതിനായി പ്രത്യേകം ടൈം ഷെഡ്യൂള്‍ തയ്യാറാക്കി നല്‍കാന്‍ ഉദ്ദേശിക്കുന്നുണ്ടോ; വിശദാംശങ്ങള്‍ ലഭ്യമാക്കാമോ?

കാരുണ്യ ബനവലന്റ് സ്കീമില്‍ ഉള്‍പ്പെടുത്തിയിട്ടുള്ള സ്വകാര്യ, സഹകരണ ആശുപത്രികള്‍

5994.

(എ)	കാരുണ്യ ബനവലന്റ് സ്കീമില്‍ ഉള്‍പ്പെടുത്തിയിട്ടുള്ള സ്വകാര്യ, സഹകരണ ആശുപത്രികള്‍ ഏതൊക്കെ എന്ന് ജില്ല തിരിച്ചുള്ള പട്ടിക ലഭ്യമാക്കാമോ;

(ബി)	പ്രസ്തുത സ്കീമില്‍ ഉള്‍പ്പെട്ടിട്ടുണ്ട് എന്ന് വെബ്സൈറ്റില്‍ കാണിച്ചിട്ടുള്ള പല സ്വകാര്യ ആശുപത്രികളും ഇപ്പോള്‍ രോഗികള്‍ക്ക് ഈ പദ്ധതിപ്രകാരമുള്ള ചികിത്സ നിഷേധിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കാന്‍ എന്ത് നടപടി സ്വീകരിച്ചു;

(സി)	ഈ സ്കീമിലെ സ്വകാര്യ ആശുപത്രികള്‍ക്ക് ചികില്‍സ നല്‍കിയ ഇനത്തില്‍ തുക കുടിശ്ശികയായിട്ടുണ്ടോ; ഉണ്ടെങ്കില്‍ എന്നു മുതല്‍ കുടിശ്ശികയുണ്ട്; എത്ര തുക; ഏതൊക്കെ ആശുപത്രികള്‍; ഈ കുടിശ്ശിക തീര്‍ക്കുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെ;

(ഡി)	കാരുണ്യ ബെനവലന്റ് ഫണ്ട് പദ്ധതിപ്രകാരം ഇപ്പോൾ അനുവദിക്കുന്ന പരമാവധി തുക എത്രയാണ്; ഈ പരിധി വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ;

(ഇ)	കാരുണ്യ പദ്ധതി അനുവദിക്കുന്നതിന് ഇപ്പോള്‍ നിശ്ചയിച്ചിട്ടുള്ള വാര്‍ഷിക വരുമാനപരിധി എത്രയാണ്; ഇത് വര്‍ദ്ധിപ്പിക്കുന്നതിന് സര്‍ക്കാര്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ;

(എഫ്)

സംസ്ഥാനത്തെ ഇനിയും അംഗമാകാത്ത സ്വകാര്യ ആശുപത്രികളെ പുതുതായി ഈ പദ്ധതിയില്‍ ഉള്‍പ്പെടുത്താന്‍ സര്‍ക്കാര്‍ ഉദ്ദേശിക്കുന്നുണ്ടോ?

നെന്മാറ മണ്ഡലത്തില്‍ കിഫ്ബി മുഖേന നടപ്പിലാക്കുന്ന പ്രവര്‍ത്തികള്‍

5995.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നെന്മാറ നിയോജക മണ്ഡലത്തില്‍ കിഫ്ബി മുഖേന നടപ്പിലാക്കുന്ന പ്രവര്‍ത്തികള്‍ സംബന്ധിച്ച് വിശദാംശം ലഭ്യമാക്കുമോ;

(ബി)	നിലവില്‍ ഏതെല്ലാം പദ്ധതികള്‍ക്കാണ് ഭരണാനുമതി ലഭിച്ചിട്ടുള്ളത് എന്നും പ്രസ്തുത പദ്ധതികള്‍ എന്ന് മുതല്‍ തുടങ്ങാന്‍ കഴിയുമെന്നും വിശദമാക്കുമോ?

നബാര്‍ഡ് ധനസഹായത്തോടെ നടപ്പാക്കുന്ന പദ്ധതികള്‍

5996.

(എ)	ഈ സര്‍ക്കാര്‍ അധികാരത്തില്‍ വന്ന ശേഷം നബാര്‍ഡിന്റെ ധനസഹായത്തോടു കൂടി ആരംഭിച്ച പദ്ധതികളുടെ വിശദാംശങ്ങള്‍ ലഭ്യമാക്കാമോ;

(ബി)	ഈ കാലയളവില്‍, നിയോജക മണ്ഡലാടിസ്ഥാനത്തില്‍ നബാര്‍ഡ് വഴി നടപ്പാക്കാന്‍ നല്‍കിയ പദ്ധതികളുടെ പേര് വിവരങ്ങള്‍ നല്‍കുമോ;

(സി)	മങ്കട നിയോജകമണ്ഡലത്തില്‍ നബാര്‍ഡിന്റെ ധനസഹായത്തോടെ നടപ്പിലാക്കുവാന്‍ പദ്ധതികള്‍ അനുവദിച്ചിട്ടുണ്ടോ; എങ്കിൽ വിശദാംശം വെളിപ്പെടുത്തുമോ ?

വാര്‍ഷിക പദ്ധതികളുടെ നിര്‍വ്വഹണം

5997.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് 2017-18 സാമ്പത്തിക വര്‍ഷത്തില്‍ ജനുവരി 31 വരെയുള്ള കണക്കുകള്‍ പ്രകാരം വിവിധ വാര്‍ഷിക പദ്ധതികളുടെ പദ്ധതി നിര്‍വ്വഹണം എത്ര ശതമാനമാണെന്ന് വ്യക്തമാക്കുമോ;

(ബി)	കഴിഞ്ഞ സാമ്പത്തിക വര്‍ഷത്തില്‍ ഇതേ കാലയളവില്‍ ഇൗ പദ്ധതികളുടെ പദ്ധതി നിര്‍വ്വഹണം എത്ര ശതമാനമായിരുന്നു;

(സി)	കേന്ദ്രം അംഗീകരിച്ചതും കേന്ദ്ര സഹായം ലഭ്യമായതുമായ വിവിധ കേന്ദ്രാവിഷ്കൃത പദ്ധതികളുടെ 2018 ജനുവരി 31 വരെയുള്ള പദ്ധതി നിര്‍വ്വഹണം എത്ര ശതമാനമാണ്;

(ഡി)	കേന്ദ്ര-സംസ്ഥാന പദ്ധതികളുടെ നടത്തിപ്പ് ഇൗ സാമ്പത്തിക വര്‍ഷത്തില്‍ ശരാശരി എത്ര ശതമാനമായിരിക്കുമെന്നാണ് വിലയിരുത്തുന്നതെന്ന് വ്യക്തമാക്കുമോ?

വിവിധ സര്‍ട്ടിഫിക്കറ്റുകള്‍ക്കുളള ഫീസിനത്തില്‍ സര്‍ക്കാറിനു ലഭിച്ച തുക

5998.

(എ)	കഴിഞ്ഞ സാമ്പത്തികവര്‍ഷം സര്‍ക്കാര്‍ സ്ഥാപനങ്ങളില്‍ നിന്നും വിവിധ ആവശ്യങ്ങള്‍ക്ക് ലഭിക്കേണ്ട സര്‍ട്ടിഫിക്കറ്റുകള്‍ക്കുളള (സര്‍ക്കാര്‍ സേവനങ്ങള്‍)ഫീസിനത്തില്‍ ലഭ്യമായ തുക എത്ര കോടി രൂപയാണ്;

(ബി)	ഇത്തരം സര്‍ക്കാര്‍ സേവനങ്ങള്‍ക്ക് ഫീസ് വര്‍ദ്ധിപ്പിക്കുന്നതിന് ഉദ്ദേശിക്കുന്നുണ്ടോ;

(സി)	എങ്കില്‍ എത്ര ശതമാനം വര്‍ദ്ധനവാണ് ഉദ്ദേശിക്കുന്നത്; ഇതു വഴി എത്ര കോടി രൂപയുടെ അധിക വരുമാനമാണ് പ്രതീക്ഷിക്കുന്നത്?

പ്രതീക്ഷിത റവന്യു വരുമാനം

5999.

ശ്രീമതി യു. പ്രതിഭ ഹരി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2017-18 സാമ്പത്തിക വര്‍ഷത്തെ പ്രതീക്ഷിത റവന്യു വരുമാനം എത്രയാണെന്ന് വ്യക്തമാക്കാമോ;

(ബി)	ഇതില്‍ തനതു നികുതി വരുമാനം എത്രയാണെന്നും നികുതിയേതര വരുമാനം എത്രയാണെന്നും വ്യക്തമാക്കാമോ?

ഓവര്‍ഡ്രാഫ്റ്റിനത്തില്‍ എടുത്ത തുക

6000.

ശ്രീ.കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ഓവര്‍ഡ്രാഫ്റ്റിനത്തില്‍ എത്ര തുക കടമെടുത്തു എന്ന് അറിയിക്കാമോ;

(ബി)	മുന്‍സര്‍ക്കാരിന്റെ കാലത്ത് 2011-16 കാലയളവില്‍ ഓവര്‍ഡ്രാഫ്റ്റിനത്തില്‍ കടമെടുത്തിരുന്നോ; വിശദാംശം നല്‍കുമോ;

(സി)	റവന്യു ഇനത്തില്‍ ഈ സര്‍ക്കാര്‍ അധികാരത്തില്‍ വന്നശേഷം എത്ര തുക പിരിച്ചെടുത്തു എന്ന് അറിയിക്കാമോ;

(ഡി)	നികുതി/നികുതിയേതര ഇനത്തില്‍ എത്ര കോടി രൂപ നിലവില്‍ പിരിച്ചെടുക്കുവാനുണ്ടെന്ന് അറിയിക്കാമോ ?

വിദ്യാഭ്യാസ വായ്പ തിരിച്ചടവ് സഹായ പദ്ധതി

6001.

(എ)

സംസ്ഥാന സര്‍ക്കാര്‍ നടപ്പാക്കുന്ന വിദ്യാഭ്യാസ വായ്പ തിരിച്ചടവ് സഹായ പദ്ധതി പ്രകാരം വായ്പ എടുത്തയാള്‍ എത്ര ശതമാനമാണ് ബാങ്കില്‍ അടക്കേണ്ടിവരിക; പലിശയും പിഴ പലിശയുമുള്‍പ്പെടെ ആകെ വരുന്ന കുടിശ്ശികതുകയുടെ നിശ്ചിത ശതമാനം തുകയാണോ, അതോ വായ്പ അനുവദിച്ച തുകയുടെയാണോ അടക്കേണ്ടിവരിക എന്ന് വ്യക്തമാക്കാമോ; ഇതില്‍ എത്ര ശതമാനം തുകയാണ് സര്‍ക്കാര്‍ അടയ്ക്കുക;

(ബി)	ഇതേ സമയം ബാങ്കുകള്‍ സമാന്തരമായി വിദ്യാഭ്യാസ വായ്പ കുടിശ്ശിക വരുത്തിയവരില്‍ നിന്നും സര്‍ക്കാര്‍ പദ്ധതിയാണെന്ന് പറഞ്ഞ് പലിശയും പിഴപലിശയും വായ്പാത്തുകയുടെ ബാക്കിനില്‍ക്കുന്ന തുകയും കൂട്ടി അതിന്റെ 40% തുക അടപ്പിക്കുന്ന വിവരം ശ്രദ്ധയില്‍ പെട്ടിട്ടുണ്ടോ;

(സി)	അപേക്ഷ സ്വീകരിക്കുന്നത് സംബന്ധിച്ച് ബാങ്കുകള്‍ ഉപഭോക്താക്കള്‍ക്ക് കൈപ്പറ്റ് രസീത് നല്‍കിയിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ; ഇത്തരം അപേക്ഷ നല്‍കിയിട്ടുള്ള മുഴുവന്‍ പേര്‍ക്കും കൈപ്പറ്റ് രസീത് നല്‍കാന്‍ ബാങ്കുകള്‍ക്ക് നിര്‍ദ്ദേശം നല്‍കുമോ;

(ഡി)

സര്‍ക്കാര്‍ നിര്‍ദ്ദേശത്തിന് വിരുദ്ധമായി അധിക തുക ഈടാക്കിയിട്ടുള്ള ബാങ്കുകള്‍ ഉണ്ടെങ്കില്‍ അധിക തുക വായ്പക്കാര്‍ക്ക് തിരിച്ചുനല്‍കാന്‍ എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത് എന്ന് വ്യക്തമാക്കാമോ; ക്രമക്കേട് നടത്തിയിട്ടുള്ള ബാങ്ക് അധികൃതര്‍ക്കെതിരെ എന്ത് നടപടി സ്വീകരിക്കാനാണ് സര്‍ക്കാര്‍ ഉദ്ദേശിക്കുന്നത് എന്ന് വ്യക്തമാക്കാമോ?

വിദ്യാഭ്യാസ വായ്പാതിരിച്ചടവ് സഹായ പദ്ധതി

6002.

(എ)	വിദ്യാഭ്യാസ വായ്പാതിരിച്ചടവ് സഹായ പദ്ധതി എന്നു മുതല്‍ നടപ്പാക്കാനാണ് സര്‍ക്കാര്‍ തീരുമാനിച്ചിട്ടുളളത്; പദ്ധതിയുടെ ലക്ഷ്യം എന്തൊക്കെയാണ്;

(ബി)	ഏതൊക്കെ കോഴ്സ് പഠിച്ചവര്‍ക്കാണ് ആനുകൂല്യം ലഭിക്കുക; സംസ്ഥാനത്തിന് പുറത്ത് പഠിച്ചവര്‍ക്ക് ഈ ആനുകൂല്യം ലഭിക്കുമോ; ലഭിക്കുമെങ്കില്‍ ഏതൊക്കെ കോഴ്സ് പഠിച്ചവര്‍ക്കാണ് ആനുകൂല്യം ലഭിക്കുക; അര്‍ഹരെ കണ്ടെത്തുന്നതിനുളള മാനദണ്ഡങ്ങള്‍ എന്തൊക്കെ; വാര്‍ഷിക വരുമാനം എത്രയാണ് നിശ്ചയിച്ചിരിക്കുന്നത്;

(സി)	ഏതൊക്കെ ധനകാര്യ സ്ഥാപനങ്ങളില്‍ നിന്നും വായ്പയെടുത്തവര്‍ക്കാണ് ഇതിന്റെ ആനുകൂല്യം ലഭിക്കുക;

(ഡി)

സംസ്ഥാനത്തെ വിവിധ സമുദായങ്ങള്‍ക്കായുളള വികസന കോര്‍പ്പറേഷനുകള്‍ മുഖേന വായ്പയെടുത്തവര്‍ക്ക് ഈ പദ്ധതിയുടെ ആനുകൂല്യം ലഭിക്കുന്നില്ല എന്നത് ശ്രദ്ധയില്‍ പെട്ടിട്ടുണ്ടോ; എങ്കില്‍ ഇത്തരം കോര്‍പ്പറേഷന്‍ മുഖേന വിദ്യാഭ്യാസ വായ്പയെടുത്തിരിക്കുന്ന മുഴുവനാളുകള്‍ക്കും പദ്ധതിയുടെ ആനുകൂല്യം ലഭിക്കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വ്യക്തമാക്കുമോ?

സംസ്ഥാനത്തിന്റെ പൊതുകടം

6003.

(എ)	അടുത്ത മൂന്ന് വര്‍ഷത്തിനിടയില്‍ പൊതുവിപണിയില്‍ നിന്ന് എത്ര കോടി രൂപ കടമെടുക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ;

(ബി)	ഇപ്പോള്‍ സംസ്ഥാനത്തിന്റെ പൊതുകടം എത്ര കോടി രൂപയാണ്; അടുത്ത മൂന്ന് വര്‍ഷത്തെ കടബാധ്യതകള്‍ കൂടി ചേരുമ്പോള്‍ 2020-21ല്‍ പൊതുകടം ഏകദേശം മൂന്ന് ലക്ഷം കോടി രൂപയിലെത്തുവാന്‍ സാധ്യതയുണ്ടോ; വിശദമാക്കുമോ;

(സി)	കടബാധ്യതകള്‍ക്കുള്ള പലിശയായി കേരളം ഒരു വര്‍ഷം എത്ര കോടി രൂപയാണ് നല്‍കുന്നത്; ഇത് അടുത്ത മൂന്ന് വര്‍ഷത്തിനുള്ളില്‍ എത്ര രൂപയായി മാറുമെന്നാണ് പ്രതീക്ഷിക്കുന്നത്;

(ഡി)	വര്‍ധിച്ച തോതിലുള്ള കടം വാങ്ങല്‍ സംസ്ഥാനത്തിന് വലിയ ധനകമ്മി സൃഷ്ടിക്കുമോ; വിശദാംശങ്ങള്‍ നല്‍കുമോ?

മൊത്തവില്പനക്കാര്‍ നടത്തുന്ന അനധികൃത ചില്ലറ വ്യാപാരം

6004.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മൊത്തവില്പനക്കാര്‍ അനധികൃതമായി ചില്ലറ വ്യാപാരം നടത്തുന്ന കാര്യം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(ബി)	ഇത്തരത്തില്‍ മൊത്ത വ്യാപാരികള്‍ ചില്ലറ വ്യാപാരം ചെയ്യുമ്പോള്‍ നികുതി വെട്ടിപ്പ് നടത്തുമെന്ന കാര്യം പരിശോധിക്കുമോ; വ്യക്തമാക്കുമോ;

(സി)	ഇപ്രകാരം മൊത്ത വ്യാപാരികള്‍ ചില്ലറ വ്യാപാരം നടത്തിയ എത്ര കേസുകള്‍ ധനകാര്യ വകുപ്പ് കണ്ടെത്തിയിട്ടുണ്ടെന്നും കണ്ടെത്തിയ സ്ഥാപനങ്ങളുടെ വിശദമായ വിവരങ്ങളും ലഭ്യമാക്കുമോ?

നോട്ടുനിരോധനം : റവന്യൂ വരുമാനത്തിലെ കുറവ്

6005.

ശ്രീമതി യു. പ്രതിഭ ഹരി : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

നോട്ടുനിരോധനം കേരളത്തിലെ വാണിജ്യ മേഖലയില്‍ ഉണ്ടാക്കിയ കനത്ത ആഘാതം മൂലം സംസ്ഥാനത്തിന്റെ റവന്യൂ വരുമാനത്തില്‍ കുറവുണ്ടായിട്ടുണ്ടോ; എങ്കില്‍ എത്ര കോടി രൂപ ഈ ഇനത്തില്‍ കുറവുണ്ടായിട്ടുണ്ടെന്നാണ് വിലയിരുത്തുന്നത്; വിശദമാക്കാമോ?

സംസ്ഥാനത്തിന്റെ ഓവര്‍ ഡ്രാഫ്റ്റ്

6006.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2016-17, 2017-18 സാമ്പത്തിക വര്‍ഷങ്ങളില്‍ സംസ്ഥാന സര്‍ക്കാര്‍ എത്ര ദിവസം വീതം ഓവര്‍ ഡ്രാഫ്റ്റിലായിരുന്നുവെന്ന് വ്യക്തമാക്കുമോ;

(ബി)	എത്ര ദിവസം വേയ്സ് ആന്റ് മീന്‍സ് അഡ്വാന്‍സ് എടുത്തുവെന്ന് അറിയിക്കുമോ?

ബാങ്കുകളില്‍ നിക്ഷേപിച്ച കിഫ്ബിയുടെ പണം

6007.

ശ്രീ.ഐ.സി.ബാലകൃഷ്ണന്‍
,, അനൂപ് ജേക്കബ്
,, വി.ടി.ബല്‍റാം
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം പൊതുവിപണിയില്‍ നിന്നും മറ്റ് പല ധനകാര്യ സ്ഥാപനങ്ങളില്‍ നിന്നും പണം കടമെടുക്കുന്നുണ്ടോ;എങ്കില്‍ എത്ര ശതമാനം നിരക്കിലാണ് പലിശ നല്‍കുന്നത്; ഇനം തിരിച്ചുള്ള വിശദാംശം നല്‍കുമോ;

(ബി)	സംസ്ഥാന സര്‍ക്കാര്‍ കിഫ്ബിക്ക് അനുവദിച്ച തുക എത്രശതമാനം പലിശ നിരക്കിലാണ് ന്യുജനറേഷന്‍ ബാങ്കുകളില്‍ നിക്ഷേപിച്ചിട്ടുള്ളത്;വ്യക്തമാക്കുമോ;

(സി)	സംസ്ഥാനം ഉയര്‍ന്ന പലിശ നിരക്കില്‍ കടമെടുക്കുകയും കിഫ്ബിക്ക് അനുവദിക്കുന്ന തുകകള്‍ കുറഞ്ഞ പലിശനിരക്കില്‍ ബാങ്കുകളില്‍ നിക്ഷേപിക്കുകയും ചെയ്യുന്നത് കാരണം പലിശയിനത്തില്‍ നഷ്ടമുണ്ടാകുന്നത് ശ്രദ്ധയില്‍പെട്ടിട്ടുണ്ടോ;വ്യക്തമാക്കാമോ;

(ഡി)	2016-17ലും 2017-18 ലും ഇത്തരത്തില്‍ കുറഞ്ഞ നിരക്കില്‍ ബാങ്കില്‍ നിക്ഷേപിച്ചത് കാരണം പലിശയിനത്തിലുണ്ടായ നഷ്ടം എത്രയാണെന്ന് വ്യക്തമാക്കാമോ?

ന്യൂ ജനറേഷന്‍ ബാങ്കുകളില്‍ കിഫ്ബി ഫണ്ട് നിക്ഷേപം

6008.

ശ്രീ.വി.ഡി.സതീശന്‍
,, എം. വിന്‍സെന്റ്
,, എല്‍ദോസ് പി. കുന്നപ്പിള്ളില്‍
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2018 ജനുവരി 29 ന് കിഫ്ബിയുടെ ഫണ്ട് ഏതെങ്കിലും ന്യൂ ജനറേഷന്‍ ബാങ്കുകളില്‍ നിക്ഷേപിച്ചിട്ടുണ്ടോ; ഉണ്ടെങ്കില്‍ എത്ര കോടി രൂപ വീതം ഏതൊക്കെ ബാങ്കുകളില്‍ എന്ന് വ്യക്തമാക്കുമോ;

(ബി)	പ്രസ്തുത നിക്ഷേപങ്ങള്‍ക്ക് ഓരോന്നിനും ലഭിക്കുന്ന പലിശ നിരക്ക് എത്രയാണ്;

(സി)	വിവിധ പലിശ നിരക്കുകളില്‍ ഒരേ ദിവസം വിവിധ ബാങ്കുകളില്‍ സ്ഥിര നിക്ഷേപം നടത്തുവാനുണ്ടായ സാഹചര്യമെന്താണ്;

(ഡി)	പലിശ നിരക്കില്‍ വ്യത്യാസമുണ്ടെങ്കില്‍ അതുമൂലം കിഫ്ബിക്കുണ്ടാകുന്ന നഷ്ടം എത്രയാണെന്ന് വ്യക്തമാക്കുമോ?

കിഫ്ബി ഫണ്ട് നിക്ഷേപിച്ചിട്ടുള്ള സ്വകാര്യ ബാങ്ക്

6009.

ശ്രീ.അടൂര്‍ പ്രകാശ്
,, അന്‍വര്‍ സാദത്ത്
,, കെ.എസ്.ശബരീനാഥന്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി ഫണ്ട് ഏതെങ്കിലും സ്വകാര്യ ബാങ്കില്‍ സേവിംഗ്സ് ബാങ്ക് അക്കൗണ്ടില്‍ നിക്ഷേപിച്ചിട്ടുണ്ടോ; ഉണ്ടെങ്കില്‍ ഏത് സ്വകാര്യ ബാങ്കിലെന്നും എന്ത് തുകയാണ് പ്രസ്തുത അക്കൗണ്ടിലുള്ളതെന്നും, പലിശ നിരക്ക് എത്രയെന്നും വ്യക്തമാക്കുമോ;

(ബി)	പ്രസ്തുത തുക സര്‍ക്കാര്‍ ട്രഷറികളില്‍ സേവിംഗ്സ് ബാങ്ക് അക്കൗണ്ടില്‍ നിക്ഷേപിക്കാതെ സ്വകാര്യ ബാങ്കില്‍ നിക്ഷേപിക്കുവാനുണ്ടായ സാഹചര്യം വ്യക്തമാക്കുമോ;

(സി)	പ്രസ്തുത തുക ഹ്രസ്വകാല സ്ഥിരനിക്ഷേപമായി നാഷണലൈസ്ഡ് ബാങ്ക്/സര്‍ക്കാര്‍ ട്രഷറിയില്‍ ഇടുന്നതിന് എന്തെങ്കിലും തടസ്സമുണ്ടോ; വ്യക്തമാക്കുമോ?

കിഫ്ബി മുഖേനയുള്ള പ്രവൃത്തികള്‍

6010.

മറ്റൊരു പദ്ധതിയില്‍ ഉള്‍പ്പെടുത്തി ഭരണാനുമതി ലഭിച്ചതും എന്നാല്‍ അതേ പ്രവൃത്തി കിഫ്ബിയില്‍ ഉള്‍പ്പെട്ടിട്ടുള്ളതുമായ സാഹചര്യത്തില്‍ പ്രസ്തുത പ്രവൃത്തിക്ക് പകരമായി അതേ തുകയിലുള്ള മറ്റൊരു പ്രവൃത്തി കിഫ്ബിയിലേക്ക് നിര്‍ദ്ദേശിക്കാന്‍ കഴിയുമോ; എങ്കിൽ വിശദമാക്കാമോ?

ഇടുക്കി ജില്ലയില്‍ കിഫ്ബിയില്‍ ഉള്‍പ്പെടുത്തിയ പ്രവൃത്തികള്‍

6011.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം കിഫ്ബിയില്‍ ഉള്‍പ്പെടുത്തി ഇടുക്കി ജില്ലയിലെ ഏതെല്ലാം പ്രവൃത്തികള്‍ക്ക് കിഫ്ബി ബോര്‍ഡ് പ്രവര്‍ത്തനാനുമതി നല്‍കിയെന്നറിയിക്കുമോ;

(ബി)	ഓരോ പ്രവൃത്തിക്കും എത്ര കോടി രൂപയാണ് അനുവദിച്ചിട്ടുള്ളതെന്നും ഏതെല്ലാം പ്രവൃത്തികളുടെ ഡി.പി.ആര്‍. തയ്യാറാക്കിയെന്നും വ്യക്തമാക്കുമോ;

(സി)	2016-17, 2017-18 വര്‍ഷങ്ങളില്‍ കിഫ്ബിയില്‍ ഉള്‍പ്പെടുത്താന്‍ നിശ്ചയിച്ച ഏതെല്ലാം പ്രവൃത്തികള്‍ക്ക് ഭരണാനുമതി ലഭിക്കാതെയുണ്ടെന്ന് വ്യക്തമാക്കുമോ?

ഇടുക്കി മണ്ഡലത്തില്‍ കിഫ്ബിയില്‍ ഉള്‍പ്പെടുത്തിയിട്ടുള്ള പ്രവൃത്തികള്‍

6012.

(എ)	2016-17, 2017-18 സാമ്പത്തിക വര്‍ഷങ്ങളില്‍ ഇടുക്കി നിയോജകമണ്ഡലത്തില്‍ കിഫ്ബിയില്‍ ഉള്‍പ്പെടുത്തിയിട്ടുള്ള പ്രവൃത്തികള്‍ ഏതെല്ലാമെന്ന് വ്യക്തമാക്കുമോ;

(ബി)	കിഫ്ബിയില്‍ ഉള്‍പ്പെടുത്തിയിട്ടുള്ള പ്രവൃത്തികളില്‍ ഭരണാനുമതി ലഭിച്ച പദ്ധതികളുടെ വിശദാംശങ്ങള്‍ നല്‍കാമോ;

(സി)	പ്രസ്തുത പദ്ധതികളുടെ പ്രവര്‍ത്തന പുരോഗതി സംബന്ധിച്ച വിവരങ്ങള്‍ ലഭ്യമാക്കുമോ?

വണ്ടൂര്‍ നിയോജക മണ്ഡലത്തില്‍ കിഫ്ബി പദ്ധതി

6013.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വണ്ടൂര്‍ നിയോജക മണ്ഡലത്തില്‍ കിഫ്ബി പദ്ധതിയില്‍ ഉള്‍പ്പെടുത്തി ഏതെല്ലാം പ്രവൃത്തികള്‍ക്കാണ് അംഗീകാരം നല്‍കിയിട്ടുള്ളത് ; വിശദമാക്കാമോ ;

(ബി)	പ്രസ്തുത പ്രവൃത്തികള്‍ എപ്പോള്‍ ആരംഭിക്കുവാന്‍ സാധിക്കുമെന്ന് വിശദമാക്കാമോ ?

കായംകുളം മുട്ടേല്‍ പാലത്തിന്റെ നിര്‍മ്മാണം

6014.

കായംകുളം മുട്ടേല്‍ പാലത്തിന്റെ നിര്‍മ്മാണത്തിനായി എത്രകോടിരൂപയാണ് കിഫ്ബിയില്‍ ഉള്‍പ്പെടുത്തിയിട്ടുള്ളത്; ഇതുമായി ബന്ധപ്പെട്ട നടപടികളുടെ പുരോഗതി വിശദമാക്കാമോ?

കോഴിക്കോട് ജില്ലയിലെ കിഫ്ബി പദ്ധതികള്‍

6015.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബിയില്‍ അംഗീകാരം കൊടുത്തിട്ടുള്ള കോഴിക്കോട് ജില്ലയിലെ പദ്ധതികളുടെ വിശദാംശങ്ങള്‍ ലഭ്യമാക്കാമോ;

(ബി)	ബാലുശ്ശേരി മണ്ഡലത്തില്‍ ഏതൊക്കെ പദ്ധതികളാണ് അംഗീകാരത്തിനായി ഇപ്പോള്‍ കിഫ്ബിയുടെ പരിഗണനയിലുള്ളതെന്ന് അറിയിക്കാമോ?

തിരുവനന്തപുരം നിയമസഭാമണ്ഡലത്തിലെ കിഫ്ബി പദ്ധതികള്‍

6016.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി മുഖാന്തിരം നടപ്പിലാക്കിവരുന്ന പദ്ധതികളുടെ പുരോഗതി വിലയിരുത്തിയിട്ടുണ്ടോ; എത്ര പ്രവൃത്തികള്‍ക്കാണ് നിലവില്‍ അനുവാദം നല്‍കിയിട്ടുളളതെന്ന് വ്യക്തമാക്കുമോ;

(ബി)	തിരുവനന്തപുരം നിയമസഭാ നിയോജകമണ്ഡലത്തില്‍ നാളിതുവരെ കിഫ്ബി മുഖേന എത്ര പദ്ധതികള്‍ക്കാണ് അനുവാദം നല്‍കിയിട്ടുളളത്; വിശദമാക്കുമോ?

കരുനാഗപ്പള്ളി മണ്ഡലത്തിലെ കിഫ്ബി ഫണ്ട് ഉപയോഗിച്ചുള്ള പദ്ധതികള്‍

6017.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കരുനാഗപ്പള്ളി നിയോജകമണ്ഡലത്തിലെ കിഫ്ബി ഫണ്ട് ഉപയോഗിച്ച് നടപ്പിലാക്കുന്ന പദ്ധതികളുടെ ലിസ്റ്റ് ലഭ്യമാക്കുമോ;

(ബി)	ഓരോ പ്രവൃത്തിയുടെയും നിലവിലെ അവസ്ഥ എന്താണെന്ന് വിശദീകരിക്കുമോ;

(സി)	ഈ മണ്ഡലത്തില്‍ മത്സ്യബന്ധന വകുപ്പ് നിര്‍ദ്ദേശിച്ചിട്ടുള്ള പ്രവൃത്തികള്‍ കിഫ്ബി പരിഗണിച്ചിട്ടുണ്ടോ; വിശദീകരിക്കുമോ?

താനൂര്‍ മണ്ഡലത്തിലെ ആസ്തി വികസന ഫണ്ട് പദ്ധതികള്‍

6018.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ആസ്തി വികസന ഫണ്ടിലേക്ക് 2017-18 ല്‍ താനൂര്‍ നിയോജകമണ്ഡലത്തില്‍ ശിപാര്‍ശ ചെയ്തിട്ടുള്ള പദ്ധതികള്‍ ഏതൊക്കെയാണ്; പ്രസ്തുത പദ്ധതികളില്‍ എത്രയെണ്ണത്തിന് ഇതുവരെ ഭരണാനുമതിയും സാങ്കേതികാനുമതിയും നല്‍കിയിട്ടുണ്ട്; വിശദവിവരം ലഭ്യമാക്കുമോ;

(ബി)	ശിപാര്‍ശ നല്‍കുന്ന പദ്ധതികള്‍ക്ക് പലതിനും ഭരണാനുമതി നല്‍കുന്നതിന് നിഷ്ക്കര്‍ഷിച്ച കാലയളവിനേക്കാള്‍ വൈകുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	ആസ്തി വികസന ഫണ്ടിലെ പദ്ധതികള്‍ക്ക് ശിപാര്‍ശ നല്‍കി കഴിഞ്ഞാല്‍ സമയബന്ധിതമായി ഭരണാനുമതിയും സാങ്കേതികാനുമതിയും ഉള്‍പ്പെടെയുള്ള തുടര്‍ നടപടികള്‍ പൂര്‍ത്തിയാക്കുന്നതിന് ആവശ്യമായ നടപടി സ്വീകരിക്കുമോ;

(ഡി)	ആസ്തിവികസന ഫണ്ടിലെ പദ്ധതികള്‍, നടപടിക്രമങ്ങള്‍ എന്നിവ സമയബന്ധിതമായി പൂര്‍ത്തിയാക്കുന്നതില്‍ വീഴ്ചവരുത്തുന്ന ഉദ്യോഗസ്ഥര്‍ക്കെതിരെ നടപടി സ്വീകരിക്കുമോ?

വാമനപുരം മണ്ഡലത്തില്‍ ഭരണാനുമതി ലഭിച്ച പ്രവൃത്തികള്‍

6019.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം മണ്ഡലത്തില്‍ ആസ്തി വികസന പദ്ധതി പ്രകാരം 2016-17 വര്‍ഷത്തില്‍ നിര്‍ദ്ദേശിക്കപ്പെട്ടതും ഭരണാനുമതി ലഭിച്ചതുമായ പ്രവൃത്തികളില്‍ പൂര്‍ത്തിയാകാത്ത പ്രവൃത്തികള്‍ ഏതൊക്കെയെന്ന് വിശദമാക്കാമോ;

(ബി)	പൂര്‍ത്തിയാകാത്ത പ്രവൃത്തികള്‍ ഉണ്ടെങ്കില്‍ എന്നത്തേയ്ക്ക് ഇവ പൂര്‍ത്തിയാക്കാന്‍ കഴിയുമെന്ന് അറിയിക്കാമോ?

പ്രാദേശിക വികസന ഫണ്ടില്‍ നിന്നും സ്പോര്‍ട്സ് ഉപകരണങ്ങള്‍

6020.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നിലവിലെ നിയമങ്ങള്‍ അനുസരിച്ച് മണ്ഡലത്തിലെ സര്‍ക്കാര്‍ സ്കൂളുകളില്‍ ആവശ്യമായ സ്പോര്‍ട്സ് ഉപകരണങ്ങള്‍ അനുവദിക്കാന്‍ വ്യവസ്ഥയുണ്ടോ;

(ബി)	സ്പോര്‍ട്സുമായി ബന്ധപ്പെട്ട് സര്‍ക്കാര്‍ സ്കൂളുകളില്‍ പശ്ചാത്തലസൗകര്യങ്ങള്‍ ഉണ്ടാക്കുന്നതിന് പ്രാദേശിക ഫണ്ട് അനുവദിക്കാന്‍ സാധിക്കുമോ;

(സി)	പ്രസ്തുത ഫണ്ട് അനുവദിക്കാന്‍ വ്യവസ്ഥ ഇല്ലെങ്കില്‍ അതിനുള്ള നടപടികള്‍ സ്വീകരിക്കുമോ എന്ന് വ്യക്തമാക്കുമോ?

അക്കൗണ്ട് ഹെഡുകളും ആസ്തി വികസന ഫണ്ടും

6021.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

ആസ്തി വികസന ഫണ്ടുപയോഗിച്ച് വിവിധ വകുപ്പുകള്‍ക്ക് കീഴിലുള്ള വികസന പ്രവര്‍ത്തനങ്ങള്‍ നടപ്പാക്കുന്നതിന് എം.എല്‍.എ.മാര്‍ സമര്‍പ്പിക്കുന്ന നിര്‍ദ്ദേശങ്ങളില്‍, പ്രസ്തുത ഫണ്ടിന്റെ വിനിയോഗത്തിന് ചില 'അക്കൗണ്ട് ഹെഡുകള്‍' ഉള്‍പ്പെടാത്താതിനാല്‍, ധനകാര്യ വകുപ്പിന്റെ അനുമതി ലഭിയ്ക്കുന്നതിന് കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	യൂണിവേഴ്സിറ്റികള്‍ അടക്കം പ്രധാനപ്പെട്ട എല്ലാ വകുപ്പുകളുടെയും അക്കൗണ്ട് ഹെഡുകള്‍ ആസ്തി വികസന ഫണ്ടിന്റെ വിനിയോഗത്തിന് ഉള്‍പ്പെടുത്തുന്നതിനാവശ്യമായ അടിയന്തര നടപടികള്‍ സ്വീകരിക്കുന്നുണ്ടോ?

നിലമ്പൂര്‍ മണ്ഡലത്തിലെ ആസ്തി വികസന പദ്ധതി

6022.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍ നിയോജക മണ്ഡലത്തില്‍ 2012 മുതല്‍ 2017 വരെ എം.എല്‍.എ. ആസ്തി വികസന പദ്ധതി പ്രകാരം സമര്‍പ്പിക്കപ്പെട്ട പ്രവൃത്തികള്‍ ഏതൊക്കെയാണ്; അംഗീകാരം ലഭിച്ചവ ഏതൊക്കെയാണ്; ഏതൊക്കെ പ്രവൃത്തികളാണ് പൂര്‍ത്തിയായത്; ഇനിയും പൂര്‍ത്തീകരിക്കാന്‍ ബാക്കിയുള്ള പ്രവൃത്തികള്‍ ഏതെല്ലാമാണ് ; വിശദമാക്കാമോ;

(ബി)	നിലമ്പൂര്‍ - കരുളായി റോഡിനായി പി. ഡബ്ള്യൂ. ഡി വകുപ്പ് മുഖേന സമര്‍പ്പിച്ച File No. 704998 പ്രൊപ്പോസലിന് ഫിനാന്‍സ് അനുമതി ലഭിച്ചിട്ടുണ്ടോ ; വിശദമാക്കാമോ ?

കേന്ദ്ര സര്‍ക്കാരില്‍ നിന്നുള്ള ഫണ്ടുകളുടെ ചെലവഴിക്കല്‍

6023.

(എ)	മാനദണ്ഡങ്ങള്‍ പാലിക്കാത്തതിനാലും തുക കൃത്യസമയത്ത് ചെലവഴിക്കാത്തത് മൂലവും ചെലവഴിച്ച തുകയുടെ കണക്ക് കൃത്യസമയത്ത് നല്‍കാത്തതിനാലും 2017-18 ല്‍ കേന്ദ്ര സര്‍ക്കാരില്‍ നിന്നുള്ള ഏതെല്ലാം ഫണ്ടുകള്‍ സംസ്ഥാനത്തിന് നഷ്ടമായി;

(ബി)	2016-17 ല്‍ കേന്ദ്രസര്‍ക്കാരിന്റെ ഏതെല്ലാം പദ്ധതിപ്രകാരമുള്ള ഫണ്ടുകളാണ് പൂര്‍ണ്ണമായും ചെലവഴിക്കുവാന്‍ സാധിക്കാതിരുന്നത്; അത് എന്തുകൊണ്ടെന്ന് വിശദീകരിക്കുമോ?

കേന്ദ്രത്തില്‍ നിന്നും പ്രത്യേക സാമ്പത്തിക സഹായം

6024.

(എ)	ഈ സര്‍ക്കാര്‍ അധികാരമേറ്റശേഷം എന്തെല്ലാം കാര്യങ്ങള്‍ക്ക് പ്രത്യേക സാമ്പത്തിക സഹായം അനുവദിച്ച് കിട്ടുന്നതിനാണ് കേന്ദ്രത്തോട് അഭ്യര്‍ത്ഥിച്ചിട്ടുള്ളത്; എത്ര തുക അനുവദിക്കണമെന്നാണ് അഭ്യര്‍ത്ഥിച്ചിരുന്നത്;

(ബി)	ആയതിന്റെ അടിസ്ഥാനത്തില്‍ 2016-17, 2017-18 വര്‍ഷങ്ങളില്‍ എത്ര തുക വീതം അനുവദിച്ച് കിട്ടിയെന്ന് വെളിപ്പെടുത്തുമോ?

കേന്ദ്രാവിഷ്കൃത പദ്ധതികള്‍

6025.

ശ്രീ.പി.കെ. ശശി : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

2016-17,2017-18 കാലയളവില്‍ സംസ്ഥാനത്ത് നടപ്പാക്കി വരുന്ന കേന്ദ്രാവിഷ്കൃത പദ്ധതികളുടെ പ്രവര്‍ത്തനം സമയബന്ധിതമായി പൂര്‍ത്തീകരിക്കാനായി ഈ സര്‍ക്കാര്‍ എന്ത് നടപടികള്‍ സ്വീകരിച്ചുവരുന്നു എന്നു വ്യക്തമാക്കുമോ?

സര്‍ക്കാര്‍ ജീവനക്കാര്‍ക്ക് ഭവന നിര്‍മാമാണ വായ്പ

6026.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ജീവനക്കാര്‍ക്ക് വീട് നിര്‍മ്മിക്കുന്നതിന് ഭവന നിര്‍മ്മാണ വായ്പാ പദ്ധതി പ്രകാരം ഈ സര്‍ക്കാര്‍ അധികാരത്തില്‍ വന്നതിനു ശേഷം ഓരോ വര്‍ഷവും എത്ര പേര്‍ക്ക് ഭവന നിര്‍മ്മാണ വായ്പ അനുവദിച്ച് നല്‍കിയിട്ടുണ്ട്; വ്യക്തമാക്കുമോ;

(ബി)	പ്രസ്തുത വായ്പ അനുവദിച്ച് നല്‍കുന്നതിനുള്ള മാനദണ്ഡങ്ങള്‍ എന്തെല്ലാമാണ്; വ്യക്തമാക്കുമോ?

കുടുംബാരോഗ്യ ഇന്‍ഷ്വറന്‍സ്

6027.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും നടപ്പിലാക്കുന്ന കുടുംബാരോഗ്യ ഇന്‍ഷ്വറന്‍സില്‍ ഗുരുതരമായ രോഗമുളളവര്‍ക്കും അവയവ മാറ്റിവയ്ക്കല്‍ ശസ്ത്രക്രിയ നടത്തുന്നവര്‍ക്കും കൂടുതല്‍ ഇന്‍ഷ്വറന്‍സ് പരിരക്ഷ ഉറപ്പ് വരുത്തിയിട്ടുണ്ടോ;

(ബി)	പ്രസ്തുത പദ്ധതിയുടെ പ്രയോജനം ലഭിക്കുന്ന രീതിയില്‍ സര്‍വ്വകലാശാല ജീവനക്കാരെയും തദ്ദേശഭരണ സ്ഥാപനങ്ങളിലെ ജീവനക്കാരെയും കൂടി ഉള്‍ക്കൊളളിക്കുന്നതിന് തീരുമാനിച്ചിട്ടുണ്ടോ?

വിദ്യാഭ്യാസ വായ്പ ; വിദ്യാര്‍ത്ഥികള്‍ക്ക് വായ്പാലഭ്യത ഉറപ്പുവരുത്താന്‍ നടപടി

6028.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസ വായ്പയുടെ തിരിച്ചടവിനായി ഈ സര്‍ക്കാര്‍ പ്രഖ്യാപിച്ച സഹായപദ്ധതികള്‍ എന്തെല്ലാമാണ്; വിശദാംശം ലഭ്യമാക്കുമോ;

(ബി)	പ്രസ്തുത സഹായ പദ്ധതി വഴി എത്ര വിദ്യാര്‍ത്ഥികള്‍ക്ക് ബാങ്കുകളും സര്‍ക്കാരും സഹായം നല്കി സഹായിച്ചു എന്നു വ്യക്തമാക്കുമോ;

(സി)	2016-17, 2017-18 വര്‍ഷങ്ങളില്‍ സംസ്ഥാനത്ത് എത്ര കുട്ടികള്‍ വിദ്യാഭ്യാസ വായ്പയ്ക്ക് അപേക്ഷ നല്കി എന്ന വിവരം ബാങ്കുകള്‍ തിരിച്ച് ലഭ്യമാക്കുമോ ; ഓരോ ബാങ്കുകളും എത്ര വിദ്യാര്‍ത്ഥികള്‍ക്ക് വായ്പ നല്കി ; എത്ര പേരുടെ അപേക്ഷ നിരസിച്ചു ; വിശദാംശം ലഭ്യമാക്കുമോ;

(ഡി)	എത്ര കുട്ടികളുടെ കാര്യത്തില്‍ ഈ വായ്പ നല്കാത്തതിനുളള കാരണം ബാങ്കുകള്‍ അറിയിച്ചു ;

(ഇ)	ഒരു കാരണവും പറയാതെയും സര്‍ക്കാര്‍ നിര്‍ദ്ദേശം ലംഘിച്ചും വായ്പാപേക്ഷ തളളുന്ന പ്രവണത പല ബാങ്കുകളും നടത്തുന്നു എന്നത് സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ ;

(എഫ്)

എങ്കില്‍ സര്‍ക്കാര്‍ നിര്‍ദ്ദേശപ്രകാരമുളള മാനദണ്ഡങ്ങള്‍ പാലിച്ച് അപേക്ഷിക്കുന്ന വിദ്യാര്‍ത്ഥികള്‍ക്ക് വായ്പാലഭ്യത ഉറപ്പുവരുത്താന്‍ എന്ത് തുടര്‍നടപടികള്‍ സ്വീകരിക്കുമെന്ന് വ്യക്തമാക്കുമോ?

വിദ്യാഭ്യാസ വായ്പ: നിസ്സാര കാരണങ്ങളാല്‍ അപേക്ഷ നിരസ്സിക്കുന്നതായ ആക്ഷേപം

T 6029.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസ വായ്പയെടുത്ത വിദ്യാര്‍ത്ഥികള്‍ക്ക് സര്‍ക്കാര്‍ പ്രഖ്യാപിച്ച സാമ്പത്തിക ആനുകൂല്യം നല്‍കാതെ നിസ്സാര കാരണങ്ങളാല്‍ അപേക്ഷ നിരസ്സിക്കുന്നതായുള്ള രക്ഷിതാക്കളുടെ ആക്ഷേപം ശ്രദ്ധയില്‍പെട്ടിട്ടുണ്ടോ; വിശദമാക്കുമോ;

(ബി)	ഉണ്ടെങ്കില്‍ പ്രസ്തുത വിഷയം പരിശോധിക്കാന്‍ വേണ്ട നടപടി സ്വീകരിക്കുമോ; നിലവില്‍ സ്വീകരിച്ച നടപടികള്‍ വ്യക്തമാക്കുമോ;

(സി)	പ്രസ്തുത ആനുകൂല്യം നല്‍കുന്നതിനായി നിലവില്‍ എത്ര തുക സര്‍ക്കാര്‍ ബാങ്കുകള്‍ക്ക് കൈമാറിയിട്ടുണ്ട്; വ്യക്തമാക്കുമോ?

വിദ്യാഭ്യാസ വായ്പാ തിരിച്ചടവ് സഹായ പദ്ധതി

6030.

(എ)	വിദ്യാഭ്യാസ വായ്പാ തിരിച്ചടവ് സഹായ പദ്ധതിയില്‍ അപേക്ഷ നല്‍കേണ്ട സമയപരിധി എന്നുവരെയായിരുന്നു; അപേക്ഷയോടൊപ്പം എന്തൊക്കെ രേഖകളായിരുന്നു സമര്‍പ്പിക്കേണ്ടിയിരുന്നത്; പദ്ധതി എന്ന് മുതല്‍ നടപ്പാക്കാനാണ് ഉദ്ദേശിക്കുന്നത്;വ്യക്തമാക്കാമോ;

(ബി)

പാന്‍കാര്‍ഡ് ഇല്ലാത്തതിനാലും വായ്പ തുകയുടെ 40% മുന്‍കൂര്‍ അടയ്ക്കണമെന്ന് ചില ബാങ്കുകള്‍ നിര്‍ബന്ധം പിടിച്ചതു മൂലവും പലര്‍ക്കും വായ്പാ തിരിച്ചടവ് പദ്ധതിയില്‍ അപേക്ഷ നല്‍കാന്‍ കഴിയാതെ വന്നു എന്നത് ശ്രദ്ധയില്‍പ്പെട്ടിട്ടുണ്ടോ; ഇങ്ങനെ അപേക്ഷ സമയപരിധിക്കുളളില്‍ സമര്‍പ്പിക്കാന്‍ സാധിക്കാതിരുന്നവരുടെ പ്രശ്നങ്ങള്‍ പരിഹരിക്കാന്‍ എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നത്;വ്യക്തമാക്കാമോ?

റോഡ്സ് ആന്റ് ബ്രിഡ്ജസ് കോര്‍പ്പറേഷനും റോഡ് ഫണ്ട് ബോര്‍ഡിനും അനുവദിച്ച തുക

6031.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2016-17 ലെ പുതുക്കിയ ബഡ്ജറ്റില്‍ റോഡ്സ് ആന്റ് ബ്രിഡ്ജസ് കോര്‍പ്പറേഷനും റോഡ് ഫണ്ട് ബോര്‍ഡിനും നീക്കിവച്ച തുകയുടെ വിശദാംശം നല്‍കുമോ;

(ബി)	2017 മാര്‍ച്ച് 31 നകം അതില്‍ എത്ര തുക ചെലവഴിക്കാന്‍ കഴിഞ്ഞുവെന്ന് വ്യക്തമാക്കുമോ;

(സി)	2017-18 ലെ ബഡ്ജറ്റില്‍ മേല്പറഞ്ഞ സ്ഥാപനങ്ങള്‍ക്ക്എത്ര തുകയാണ് നീക്കിവച്ചത് ;അതില്‍ ഇതുവരെ എന്ത് തുക ചെലവഴിച്ചു; വ്യക്തമാക്കാമോ?

മങ്കട മണ്ഡലത്തിലുള്‍പ്പെട്ട പ്രവൃത്തികള്‍

6032.

(എ)	2018-19 സാമ്പത്തിക വര്‍ഷത്തെ ബജറ്റ് പുസ്തകത്തില്‍ (ഭരണാനുമതി ഇല്ലാത്ത മരാമത്ത് പണികള്‍, വിശദമായ ബജറ്റ് എസ്റ്റിമേറ്റുകളുടെ അനുബന്ധം II, വാല്യം II)-ല്‍ മങ്കട നിയോജകമണ്ഡലത്തില്‍ ഉള്‍പ്പെട്ട പ്രവൃത്തികള്‍ ഏതെല്ലാമാണ്; വിശദമാക്കുമോ;

(ബി)	ഇതില്‍ പ്രസ്തുത മണ്ഡലത്തിലെ എം.എല്‍.എ. ശിപാര്‍ശ ചെയ്ത പ്രവൃത്തികള്‍ക്ക് പുറമേ മറ്റ് പ്രവൃത്തികള്‍ ഉള്‍പ്പെടുത്തിയിട്ടുണ്ടോ; ഉണ്ടെങ്കില്‍ വ്യക്തമാക്കുമോ;

(സി)	പ്രസ്തുത പുസ്തകത്തില്‍ 6708-ാം നമ്പറായി രേഖപ്പെടുത്തിയ പ്രവൃത്തി ഈ നിയോജകമണ്ഡലത്തില്‍ ഉള്‍പ്പെട്ടിട്ടുള്ളതാണോ; അറിയിക്കുമോ;

(ഡി)	ജില്ലാ പഞ്ചായത്ത് റോഡുകള്‍ അടക്കമുള്ള വില്ലേജ് റോഡുകള്‍ക്ക് ബജറ്റില്‍ തുക വകയിരുത്തിയിട്ടുണ്ടോ;

(ഇ)	6708 നമ്പറായി രേഖപ്പെടുത്തിയ പ്രവൃത്തികള്‍ ജില്ലാപഞ്ചായത്ത് പരിധിയില്‍ വരുന്ന റോഡുകള്‍ ആണെങ്കില്‍ ഇത്തരത്തില്‍ മറ്റ് പൊതുമരാമത്ത് വകുപ്പിന്റെ പരിധിയില്‍ വരാത്ത റോഡുകള്‍ക്ക് ഫണ്ട് അനുവദിക്കുമോ ; വിശദാംശങ്ങൾ അറിയിക്കുമോ?

ബഡ്ജറ്റില്‍ ഓരോ വകുപ്പിനും വകയിരുത്തിയ തുക

6033.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2017-18 ലെ ബഡ്ജറ്റില്‍ ഓരോ വകുപ്പിനും എത്ര തുകയാണ് വകയിരുത്തിയിരുന്നത്;

(ബി)	വകയിരുത്തിയ തുകയില്‍ 2018 ഫെബ്രുവരി 28 വരെ എത്ര തുക ചെലവഴിച്ചുവെന്ന് വകുപ്പ് തിരിച്ച് വ്യക്തമാക്കുമോ;

(സി)	ഓരോ വകുപ്പിനും വകയിരുത്തിയ തുകയുടെ എത്ര ശതമാനമാണ് ചെലവഴിച്ചതെന്ന് വെളിപ്പെടുത്തുമോ?

സര്‍ക്കാരിന്റെ ആദ്യ വര്‍ഷത്തെ പദ്ധതി പ്രവര്‍ത്തനം

6034.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ ആദ്യ വര്‍ഷത്തെ പദ്ധതി പ്രവര്‍ത്തനം (2016-17) അവലോകനം നടത്തിയിട്ടുണ്ടോ;

(ബി)	പദ്ധതി അടങ്കല്‍ എത്ര കോടി രൂപയായിരുന്നു; ചെലവഴിച്ചത് എത്ര കോടി രൂപയാണ് ; ചെലവഴിക്കാന്‍ കഴിയാതെ പോയത് എത്ര കോടി രൂപയാണ്?

എൺപത് വയസ്സിനും മുകളിൽ പ്രായമുള്ളവര്‍ക്ക് നൽകുന്ന വാർദ്ധക്യകാല പെൻഷൻ

6035.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	എൺപത് വയസ്സിനും അതിനു മുകളിലും പ്രായമുള്ളവർക്ക് സർക്കാർ വാർദ്ധക്യകാല പെൻഷൻ ആയി നിശ്ചയിച്ചിട്ടുള്ള നിരക്ക് എത്രയെന്ന് വ്യക്തമാക്കാമോ;'

(ബി)	എൺപത് വയസ്സിനും അതിനു മുകളിലും പ്രായമുള്ളവർക്ക് പലർക്കും വാർദ്ധക്യകാല പെൻഷൻ എന്ന നിലയിൽ 600 രൂപയാണ് ലഭിക്കുന്നതെന്ന കാര്യം ശ്രദ്ധയിൽപ്പെട്ടിട്ടുണ്ടോ;

(സി)	വിവേചന രഹിതമായി എല്ലാവര്‍ക്കും ലഭിക്കുന്ന പെൻഷൻ ഇത്തരക്കാർക്ക് ലഭ്യമാക്കാനായി ചെയ്യാനുദ്ദേശിക്കുന്ന നടപടികൾ വ്യക്തമാക്കാമോ?

ജി.എസ്.ടി മുഖേനയുണ്ടായ പ്രതിസന്ധിക്ക് പരിഹാരം

6036.

ശ്രീ.തിരുവഞ്ചൂര്‍ രാധാകൃഷ്ണന്‍
,, എ.പി. അനില്‍ കുമാര്‍
,, പി.ടി. തോമസ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഇ-വേ ബില്‍ നടപ്പാക്കുമ്പോള്‍ നികുതി വെട്ടിപ്പിനുള്ള സാധ്യത കുറയുമെന്ന് കരുതുന്നുണ്ടോ; ആയതിനായി എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	കഴിഞ്ഞ ബജറ്റില്‍ വിഭാവനം ചെയ്ത 25 ശതമാനം നികുതി വര്‍ദ്ധനവ് കൈവരിക്കുവാന്‍ സാധിക്കുമെന്ന് കരുതുന്നുണ്ടോ; എങ്കില്‍ അതിനായി ആവിഷ്ക്കരിച്ചിട്ടുള്ള നടപടികള്‍ എന്തെല്ലാമെന്ന് വ്യക്തമാക്കാമോ ;

(സി)	2018-19-ല്‍ കേരളത്തിന് അര്‍ഹതപ്പെട്ട ദ്വൈമാസ നഷ്ടപരിഹാര തുക എത്രയാണെന്നാണ് നിശ്ചയിച്ചിട്ടുള്ളത്;

(ഡി)	ചെറുകിട വ്യാപാരികള്‍ക്ക് ജി.എസ്.ടി. എന്തെങ്കിലും ബുദ്ധിമുട്ട് ഉണ്ടാക്കിയിട്ടുണ്ടോ; എങ്കില്‍ അവരെ സഹായിക്കുന്നതിന് സര്‍ക്കാര്‍ തലത്തില്‍ ഏര്‍പ്പെടുത്തിയിട്ടുള്ള സംവിധാനങ്ങള്‍ എന്താണ്;

(ഇ)	കയറ്റുമതി മേഖലയില്‍ ജി.എസ്.ടി. മുഖേനയുണ്ടായ പ്രതിസന്ധിക്ക് പരിഹാരമായിട്ടുണ്ടോ ; ഇന്‍പുട്ട് ക്രെഡിറ്റ് റീഫണ്ട് ലഭിക്കുന്നതിനുള്ള കാലതാമസം ഒഴിവാക്കുവാന്‍ സാധിച്ചിട്ടുണ്ടോ; വ്യക്തമാക്കുമോ?

പൊതു മരാമത്ത് കരാറുകാര്‍ക്ക് കൊടുത്തു തീര്‍ക്കുവാനുള്ള കുടിശ്ശിക

6037.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2018 ഫെബ്രുവരി 28 ാം തീയതിയിലെ കണക്കനുസരിച്ച് പി. ഡബ്ല്യു. ഡി. കോണ്‍ട്രാക്ടര്‍മാര്‍ക്ക് നല്‍കുവാനുള്ള കുടിശ്ശിക എത്രയാണെന്ന് വ്യക്തമാക്കാമോ;

(ബി)	2017 -18 സാമ്പത്തിക വര്‍ഷത്തിൽ കുടിശ്ശികയിനത്തില്‍ അവര്‍ക്ക് എത്ര തുക നല്‍കിയെന്ന് വ്യക്തമാക്കുമോ?

ഗ്രാമീണ റോഡുകള്‍ പരിഷ്ക്കരിക്കാന്‍ നടപടി

6038.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ പ്രധാന ഗ്രാമീണ റോഡുകള്‍ പരിഷ്ക്കരിക്കാന്‍ നടപടികള്‍ സ്വീകരിക്കുമോ; ജനങ്ങള്‍ വര്‍ഷങ്ങളായി ഉപയോഗിച്ചുവരുന്ന ഈ റോ‍ഡുകള്‍ ഒറ്റതവണയെങ്കിലും പരിഷ്ക്കരിക്കാന്‍ ബഡ്ജറ്റിൽ ഫണ്ട് അനുവദിച്ച് ഉത്തരവാകുമോ;എങ്കിൽ വിശദാംശം വ്യക്തമാക്കാമോ?

വില്ലേജ് ഓഫീസര്‍മാരുടെ തസ്തിക

6039.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വില്ലേജ് ഓഫീസര്‍മാരുടെ തസ്തിക ജൂനിയര്‍ സൂപ്രണ്ട് തസ്തികയിലേക്ക് ഉയര്‍ത്തണമെന്ന ശമ്പള പരിഷ്കരണ കമ്മിഷന്റെ ശുപാര്‍ശ നടപ്പിലാക്കിയിട്ടില്ല എന്ന ആക്ഷേപം സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് സംബന്ധിച്ച ഫയലില്‍ എന്ത് നടപടി സ്വീകരിച്ചെന്ന് വ്യക്തമാക്കുമോ?

പങ്കാളിത്ത പെന്‍ഷന്‍ പദ്ധതി വിലയിരുത്തുന്നതിന് എന്‍. എസ്. ഡി. എല്‍. പ്രതിനിധികളുമായി ചര്‍ച്ച

6040.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പങ്കാളിത്ത പെന്‍ഷന്‍ പദ്ധതിയുടെ പുരോഗതി വിലയിരുത്തുന്നതിനായി എന്‍. എസ്. ഡി. എല്‍. പ്രതിനിധികളുമായി സര്‍ക്കാര്‍ 2017 ഡിസംബറില്‍ കൂടിക്കാഴ്ച നടത്തിയിരുന്നോ;

(ബി)	പ്രസ്തുത മീറ്റിംഗില്‍ സംസ്ഥാനത്തെ പ്രതിനിധീകരിച്ച് പങ്കെടുത്ത ഉദ്യോഗസ്ഥര്‍ ആരെല്ലാമെന്നും എന്‍. എസ്. ഡി. എല്ലിനെ പ്രതിനിധീകരിച്ച് പങ്കെടുത്തവര്‍ ആരെല്ലാമെന്നും അറിയിക്കുമോ;

(സി)	പ്രസ്തുത മീറ്റിംഗിന്റെ മിനിട്സ് എന്‍. എസ്. ഡി. എല്‍. തയ്യാറാക്കി സമര്‍പ്പിച്ചിട്ടുണ്ടോ; എങ്കില്‍ മിനിട്സിന്റെ പകര്‍പ്പ് ലഭ്യമാക്കുമോ?

പട്ടികജാതി-പട്ടികവര്‍ഗ്ഗ വകുപ്പുകളുടെ പദ്ധതിയടങ്കല്‍

6041.

(എ)	പട്ടികജാതി പട്ടികവര്‍ഗ്ഗ വകുപ്പുകളുടെ 2017-18 ലെ പദ്ധതിയടങ്കല്‍ എത്രയായിരുന്നുവെന്നും അതില്‍ കേന്ദ്ര സഹായ പദ്ധതികളുടെ അടങ്കല്‍ തുക എത്രയാണെന്നും വിശദമാക്കാമോ;

(ബി)	പ്രസ്തുത പദ്ധതികളുടെ അടങ്കല്‍ തുകയില്‍നിന്നും നാളിതുവരെ എത്ര തുക ചെലവഴിച്ചുവെന്ന് വെളിപ്പെടുത്തുമോ?

പയ്യന്നൂര്‍ സബ്ട്രഷറി കെട്ടിട നിര്‍മ്മാണത്തിന് ഭരണാനുമതി

6042.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പയ്യന്നൂര്‍ സബ്ട്രഷറി കെട്ടിട നിര്‍മ്മാണത്തിന് ഭരണാനുമതി നല്‍കുന്ന നടപടികള്‍ ഏത് ഘട്ടത്തിലാണെന്ന് അറിയിക്കാമോ;

(ബി)	ഇന്‍കെല്‍ തയ്യാറാക്കിയ ഡി.പി.ആര്‍. അംഗീകരിച്ചിട്ടുണ്ടോ;

(സി)	പ്രസ്തുത ഫയല്‍ ഇപ്പോള്‍ ഏത് വകുപ്പില്‍ ഏത് സെക്ഷനിലാണ് ഉള്ളതെന്നും അതിന്റെ ഫയല്‍ നമ്പര്‍ എത്രയെന്നും വ്യക്തമാക്കാമോ?

തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികള്‍ക്ക് പെന്‍ഷന്‍

6043.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികള്‍ക്ക് കാലാവധി കഴിഞ്ഞ് മെമ്പര്‍സ്ഥാനം നഷ്ടപ്പെട്ടതിന് ശേഷം ഏതെങ്കിലും തരത്തിലുളള പെന്‍ഷന്‍ നല്‍കിവരുന്നുണ്ടോ; വിശദമാക്കുമോ;

(ബി)

അതാത് പ്രദേശത്തുള്ള ജനങ്ങളുമായി നിരന്തരം ബന്ധപ്പെടുകയും പലവിധത്തിലുളള ബുദ്ധിമുട്ട് അനുഭവിയ്ക്കുകയും അവരുടെ വിഷയങ്ങള്‍ സര്‍ക്കാരിനെയും മറ്റ് മന്ത്രിമാരെയും എം.എല്‍.എ മാരേയും അറിയിക്കുകയും ചെയ്യുന്ന തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികള്‍ക്ക് അര്‍ഹമായ പെന്‍ഷന്‍ നല്കുവാന്‍ നടപടി സ്വീകരിയ്ക്കുമോ; വിശദാംശങ്ങള്‍ വെളിപ്പെടുത്തുമോ;

(സി)	ഇവരുടെ പെന്‍ഷന്‍ സംബന്ധിച്ച് എന്തെങ്കിലും ഫയല്‍ നിവിലുണ്ടോ; വിശദാംശങ്ങള്‍ വെളിപ്പെടുത്തുമോ;

(ഡി)	ഇതിലേയ്ക്കായി ഒരോ വര്‍ഷവും എത്ര കോടി രൂപയുടെ ചെലവ് പ്രതീക്ഷിക്കുന്നു?

തദ്ദേശസ്വയംഭരണ സ്ഥാപനങ്ങളുടെ പദ്ധതിവിഹിതം സംബന്ധിച്ച ധനകാര്യ വകുപ്പിന്റെ ഉത്തരവ്

6044.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളുടെ ബജറ്റില്‍ പദ്ധതിവിഹിതമായി അനുവദിക്കുന്ന പണം അതാത് വര്‍ഷം തന്നെ ചെലവഴിക്കണമെന്ന് ധനകാര്യവകുപ്പ് ഉത്തരവ് പുറപ്പെടുവിച്ചിരുന്നോ;

(ബി)	സ്പില്‍ ഓവര്‍ അനുവദിക്കുമെന്ന് പ്രസ്താവിച്ച ധനകാര്യമന്ത്രിയുടെ നിലപാടിന് വിരുദ്ധമാണോ ഈ ഉത്തരവ്; എങ്കില്‍ ഇത്തരം ഒരു ഉത്തരവ് ഇറങ്ങാനുണ്ടായ സാഹചര്യം വ്യക്തമാക്കുമോ?

സംസ്ഥാനത്തിന്റെ കടബാധ്യത

6045.

(എ)	ഈ സര്‍ക്കാര്‍ കാലയളവില്‍ സംസ്ഥാനത്തിന്റെ കടബാധ്യത ഭീമമായി വര്‍ദ്ധിച്ചതായ ആക്ഷേപം വിലയിരുത്തിയിട്ടുണ്ടോ;

(ബി)	ബജറ്റില്‍ പ്രഖ്യാപിച്ച ഭൂരിപക്ഷം പദ്ധതികളും നടപ്പാക്കാത്ത സാഹചര്യത്തില്‍ കടബാധ്യത വര്‍ദ്ധിച്ച് വരുന്നതിന്റെ കാരണം വ്യക്തമാക്കുമോ;

(സി)	ധനകാര്യ മാനേജ്മെന്റ് കാര്യക്ഷമമാക്കുന്നതിനും അധിക വിഭവസമാഹരണത്തിനും ഉപയോഗപ്രദമാകുന്ന എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

ജി.എസ്.ടി.

6046.

(എ)	ജി.എസ്.ടി. നിലവില്‍ വന്നതിനുശേഷം വില്‍പന നികുതി വിഭാഗത്തിലെ അസ്സസ്സ്മെന്റ്, ഇന്റലിജന്‍സ്, അപ്പീല്‍ വിംഗുകളുടെ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ;

(ബി)	ഈ വിംഗുകളിലെ ഉദ്യോഗസ്ഥര്‍ ജി.എസ്.ടി. നിലവില്‍ വന്നതിനുശേഷം പ്രധാനമായും എന്ത് ജോലികളാണ് ചെയ്യുന്നതെന്ന് വ്യക്തമാക്കാമോ;

(സി)	ഉദ്യാേഗസ്ഥര്‍ക്ക് ഓണ്‍ലെെനില്‍ ജോലിചെയ്യാനുള്ള സംവിധാനം നിലവില്‍ വന്നിട്ടില്ലെന്നത് ശരിയാണോ ; വ്യക്തമാക്കാമോ;

(ഡി)	ജി.എസ്.ടി. സെെറ്റില്‍ ഉദ്യാേഗസ്ഥര്‍ക്ക് പ്രവര്‍ത്തിക്കാനുള്ള മേഖല ഉണ്ടാക്കുമെന്ന് പ്രഖ്യാപിച്ചിട്ടുണ്ടോ; എങ്കില്‍ ആയത് നടപ്പാക്കിയിയിട്ടുണ്ടോ ; വ്യക്തമാക്കാമോ;

(ഇ)	വില്‍പ്പന നികുതിയില്‍ അപ്പീല്‍ കൊടുക്കാനുള്ള സംവിധാനം ഇല്ലാത്തതിനാലാണോ ഇപ്പോള്‍ പലരും ഹെെക്കോടതിയെ സമീപിക്കുന്നത് ; വ്യക്തമാക്കാമോ?

ജി.എസ്.ടി. റിട്ടേണ്‍ ഫയലിംഗ്

6047.

ശ്രീ.മുല്ലക്കര രത്നാകരന്‍
,, ജി.എസ്.ജയലാല്‍
,, വി.ആര്‍. സുനില്‍ കുമാര്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	അന്തര്‍ സംസ്ഥാന വ്യാപാരത്തിനുളള ഐ.ജി.എസ്.ടി നികുതി കേന്ദ്രം സംസ്ഥാനത്തിന് നല്കിയിട്ടുണ്ടോ;ഇല്ലെങ്കില്‍ ആയത് പങ്ക് വയ്ക്കാത്തത് എന്തു കൊണ്ടാണെന്ന് അറിയിക്കുമോ;

(ബി)	ജി.എസ്.ടി. റിട്ടേണ്‍ ഫയലിംഗ് സങ്കീര്‍ണ്ണമായ പ്രക്രിയയാണോ; വ്യക്തമാക്കുമോ;

(സി)	ജി.എസ്.ടി. റിട്ടേണ്‍ ഫയലിംഗ് ലളിതമാക്കുന്നത് സംബന്ധിച്ച് എന്തെങ്കിലും തീരുമാനം ജി.എസ്.ടി കൗണ്‍സില്‍ യോഗത്തില്‍ ഉണ്ടായോ; വ്യക്തമാക്കുമോ;

(ഡി)	കയറ്റുമതിക്കാര്‍ക്ക് ജി.എസ്.ടി. യില്‍ നികുതി ആനുകൂല്യം ലഭ്യമാകുന്നുണ്ടോ; വ്യക്തമാക്കുമോ;

(ഇ)	ജി.എസ്.ടി. സംവിധാനത്തിലെ സാങ്കേതിക തകരാറുകള്‍ പരിഹരിച്ചിട്ടുണ്ടോ; വ്യക്തമാക്കുമോ?

ജി.എസ്.ടി. കൗണ്‍സിലില്‍ നടത്തിയ ഇടപെടലുകള്‍

6048.

ശ്രീ.റോജി എം. ജോണ്‍
,, ഹൈബി ഈഡന്‍
,, സണ്ണി ജോസഫ്
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ചരക്ക് സേവന നികുതി ഏര്‍പ്പെടുത്തിയപ്പോള്‍ ജി.എസ്.ടി. കൗണ്‍സിലില്‍ ഇടപെട്ടുകൊണ്ട് സംസ്ഥാന താല്പര്യങ്ങള്‍ സംരക്ഷിക്കുന്നതിനായി തീരുമാനങ്ങള്‍ എടുപ്പിക്കുന്നതിന് സര്‍ക്കാരിന് എത്രമാത്രം കഴിഞ്ഞിട്ടുണ്ട്; വിശദമാക്കുമോ;

(ബി)	ജി.എസ്.ടി.യില്‍ ലയിപ്പിച്ച എക്സൈസ്, സി.എസ്.ടി., വാറ്റ്, സര്‍വ്വീസ് ടാക്സ് എന്നിവയെല്ലാമെടുത്താല്‍, ജി.എസ്.ടി. ഏര്‍പ്പെടുത്തുന്നതിന് മുമ്പ് ചരക്കിന്മേല്‍ ഉണ്ടായിരുന്ന ശരാശരി നികുതി നിരക്കിനേക്കാള്‍ എന്ത് കുറവാണ് ജി.എസ്.ടി. ഏര്‍പ്പെടുത്തിയശേഷം ഉണ്ടാകേണ്ടതെന്നറിയിക്കാമോ;

(സി)	അപ്രകാരമുള്ള കുറവ് ഉണ്ടായിട്ടുണ്ടോ; ഇല്ലെങ്കില്‍ അതിനുള്ള കാരണമെന്താണ്;വിശദാംശം ലഭ്യമാക്കുമോ?

ജി.എസ്.ടി. നടപ്പാക്കിയശേഷമുള്ള നികുതിചോര്‍ച്ച

6049.

(എ)	ജി.എസ്.ടി. നടപ്പാക്കിയശേഷം പൊതുഗതാഗതം വഴിയുളള ചരക്കുനീക്കം പരിശോധിക്കാനും നികുതിചോര്‍ച്ച തടയുവാനുമായി സ്വീകരിച്ചുവരുന്ന പ്രവര്‍ത്തനങ്ങള്‍ എന്തെല്ലാമെന്ന് വ്യക്തമാക്കുമോ;

(ബി)	സംസ്ഥാനത്ത് ഇ-വേ ബില്‍ നടപ്പാക്കിയിട്ടുണ്ടോ; ഇ-വേ ബില്‍ വ്യവസ്ഥകള്‍ സംബന്ധിച്ച വിശദാംശം ലഭ്യമാക്കുമോ;

(സി)	റേയില്‍-വ്യോമ- ജലഗതാഗത മാര്‍ഗ്ഗങ്ങള്‍ മുഖേനയുളള ചരക്കുനീക്കത്തിലെ നികുതിചോര്‍ച്ച ശ്രദ്ധയില്‍പ്പട്ടിട്ടുണ്ടോ;എങ്കില്‍ ഇത് തടയുവാന്‍ ധനവകുപ്പ് എന്ത് നടപടി സ്വീകരിച്ചുവരുന്നുവെന്ന് വ്യക്തമാക്കുമോ?

ജി.എസ്.ടിയെ അധികരിച്ച് പോസ്റ്റ് ഗ്രാജുവേറ്റ് ഡിപ്ലോമ കോഴ്സ്

6050.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ജി.എസ്.ടിയെ അധികരിച്ച് ഗുലാത്തി ഇന്‍സ്റ്റിറ്റ്യൂട്ട് പോസ്റ്റ് ഗ്രാജുവേറ്റ് ഡിപ്ലോമ കോഴ്സ് നടത്തുവാന്‍ തീരുമാനിച്ചിട്ടുണ്ടോ;

(ബി)	ഉണ്ടെങ്കില്‍ കോഴ്സ് ആരംഭിക്കുന്നതെപ്പോഴാണെന്ന് വ്യക്തമാക്കുമോ;

(സി)	കോഴ്സ് നടത്തുന്നതിന് ഏതെങ്കിലും വ്യക്തി, സ്ഥാപനം, പ്രൊഫഷണല്‍ സംഘടകള്‍, ഏജന്‍സികള്‍ എന്നിവയെ സര്‍ക്കാര്‍ ചുമതലപ്പെടുത്തിയിട്ടുണ്ടോ; വിശദാംശം വെളിപ്പെടുത്താമോ?

വാണിജ്യ നികുതി വകുപ്പിൽ ഘടനാപരമായ മാറ്റം

6051.

ശ്രീ.എം. സ്വരാജ് : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്ത് ജി.എസ്.ടി. നടപ്പിലാക്കിയതിനെ തുടര്‍ന്ന് വാണിജ്യ/വില്‍പ്പന നികുതി വകുപ്പുകളില്‍ ഘടനാപരമായ മാറ്റം വരുത്തിയിട്ടുണ്ടോ; ഉണ്ടെങ്കില്‍ അവയുടെ വിശദാംശം അറിയിക്കുമോ?

ട്രഷറി വഴി ശമ്പളവിതരണം

6052.

ശ്രീ.കെ.എന്‍.എ ഖാദര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന ജീവനക്കാരുടെ ശമ്പളവും മറ്റാനുകൂല്യങ്ങളും ട്രഷറി വഴി വിതരണം നടത്തുന്നതിന് തീരുമാനമായിട്ടുണ്ടോ;

(ബി)	എങ്കില്‍ സംസ്ഥാന ജീവനക്കാര്‍ മുഴുവന്‍ ട്രഷറികളില്‍ ഹാജരായി പണം പിന്‍വലിയ്ക്കുന്നതിനുള്ള അസൗകര്യവും ട്രഷറികളില്‍ ഉണ്ടാകുന്ന തിരക്കും പരിഗണിച്ചിട്ടുണ്ടോ; ഇതൊഴിവാക്കാന്‍ എന്ത് നടപടികളാണ് കെെക്കൊള്ളുന്നത്;

(സി)	ഓഫീസ് സമയത്തിനു ശേഷവും പണം സേവിംഗ്സ് ബാങ്ക് അക്കൗണ്ടുകളില്‍ നിന്ന് പിന്‍വലിക്കുവാന്‍ എന്ത് സംവിധാനമാണ് ട്രഷറികളില്‍ ഉള്ളതെന്ന് അറിയിക്കാമോ?

നൂറനാട് സബ്ട്രഷറിക്ക് ചുറ്റുമതില്‍ കെട്ടുന്നതിനുള്ള തുക

6053.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നൂറനാട് സബ്ട്രഷറിയില്‍ ആവശ്യമായ തസ്തികകളില്‍ നിയമനം നടത്തുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ;

(ബി)	നൂറനാട് സബ്ട്രഷറിയുടെ പുതിയ കെട്ടിടത്തിന് ചുറ്റുമതില്‍ കെട്ടുന്നതിനുള്ള തുക അനുവദിച്ച് ഭരണാനുമതി അടിയന്തരമായി ലഭ്യമാക്കുമോ; വ്യക്തമാക്കുമോ?

ട്രഷറി സ്ഥിര നിക്ഷേപങ്ങള്‍ക്ക് പലിശ നിരക്ക്

6054.

(എ)	സംസ്ഥാനത്തെ ട്രഷറികളില്‍ സ്ഥിര നിക്ഷേപങ്ങള്‍ക്ക് നല്കിവരുന്ന പലിശ നിരക്കുകളുടെ വിശദാംശങ്ങള്‍ ലഭ്യമാക്കുമോ?

(ബി)	ട്രഷറി സ്ഥിര നിക്ഷേപങ്ങള്‍ക്ക് നല്കി വരുന്ന പരമാവധി പലിശ നിരക്ക് എത്രയാണ്; വ്യക്തമാക്കുമോ;

(സി)	ട്രഷറി സ്ഥിര നിക്ഷേപങ്ങള്‍ക്ക് നിലവില്‍ നല്കി വരുന്ന പലിശ നിരക്ക് ദേശസാത്കൃത ബാങ്കുകളുമായി താരതമ്യപ്പെടുത്തുമ്പോള്‍ എത്ര ശതമാനം ഉയര്‍ന്നതാണ്; വ്യക്തമാക്കുമോ;

(ഡി)	ട്രഷറി സ്ഥിര നിക്ഷേപങ്ങള്‍ക്ക് പലിശ നിരക്ക് ഇനത്തില്‍ പ്രതിമാസം നല്കിവരുന്ന തുകയെത്രയാണ്?

വിരമിച്ച സര്‍ക്കാര്‍ ജീവനക്കാര്‍ക്ക് ഭാഗ്യക്കുറിവകുപ്പില്‍ കരാര്‍ നിയമനം

6055.

(എ)	കേരള സംസ്ഥാന ഭാഗ്യക്കുറിവകുപ്പിലും പ്രസ്തുത വകുപ്പിന്റെ കീഴിലുള്ള അനുബന്ധ സ്ഥാപനങ്ങളിലും വിരമിച്ച സര്‍ക്കാര്‍ ജീവനക്കാരെ കരാര്‍ അടിസ്ഥാനത്തില്‍ നിയമിച്ചിട്ടുണ്ടോ; വ്യക്തമാക്കുമോ;

(ബി)	ഇപ്രകാരം സര്‍വ്വീസില്‍ നിന്ന് വിരമിച്ചവരെ നിയമിക്കുന്നത് ഏത് മാനദണ്ഡം അനുസരിച്ചാണ്;

(സി)	ഇപ്രകാരം നിയമനം ലഭിച്ചവരുടെ നിലവിലെ ഉദ്യോഗപ്പേര്, നല്‍കുന്ന വേതനം, ഇവര്‍ ജോലി ചെയ്യുന്ന സ്ഥാപനം എന്നിവ വ്യക്തമാക്കുമോ?

സംസ്ഥാന ലോട്ടറിയുടെ സുവര്‍ണ്ണ ജൂബിലി ആഘോഷങ്ങളുടെ ഭാഗമായി നവീന പദ്ധതികൾ

6056.

ശ്രീ.കെ.വി.വിജയദാസ്
,, കെ.വി.അബ്ദുള്‍ ഖാദര്‍
,, യു. ആര്‍. പ്രദീപ്
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ ലോട്ടറി വകുപ്പിന്റെ നവീകരണത്തിനായി എന്തെല്ലാം പദ്ധതികളാണ് ആവിഷ്ക്കരിച്ചിട്ടുള്ളത്;വിശദമാക്കുമോ;

(ബി)	ലോട്ടറി ടിക്കറ്റുകളുടെ വില കുറച്ചും സമ്മാനഘടനയില്‍ മാറ്റം വരുത്തിയും സംസ്ഥാന ഭാഗ്യക്കുറി കൂടുതല്‍ ആകര്‍ഷകമാക്കിയിട്ടുണ്ടോ;

(സി)	എങ്കില്‍ ഇതിന്റെ ഫലമായി വിറ്റുവരവില്‍ ഗണ്യമായ പുരോഗതി ഉണ്ടായിട്ടുണ്ടോ; വിശദമാക്കുമോ;

(ഡി)	ലോട്ടറി ടിക്കറ്റുകളുടെ അച്ചടി സംബന്ധിച്ച സുരക്ഷാ ക്രമീകരണങ്ങള്‍ വര്‍ദ്ധിപ്പിച്ചിട്ടുണ്ടോ; വിശദാംശം നല്‍കുമോ;

(ഇ)	സംസ്ഥാന ലോട്ടറിയുടെ സുവര്‍ണ്ണ ജൂബിലി ആഘോഷങ്ങളുടെ ഭാഗമായി എന്തെല്ലാം നവീന പദ്ധതികളാണ് നടപ്പിലാക്കാന്‍ ഉദ്ദേശിക്കുന്നതെന്ന് വിശദമാക്കാമോ?

കാരുണ്യ ചികിത്സ പദ്ധതി ലഭ്യമാകുന്ന എറണാകുളം ജില്ലയിലെ ആശുപത്രികള്‍

6057.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനു ശേഷം കോതമംഗലം മണ്ഡലത്തില്‍ എത്ര രോഗികള്‍ക്ക് കാരുണ്യ ബെനവലന്റ് പദ്ധതി വഴി ധനസഹായം അനുവദിച്ചിട്ടുണ്ടെന്ന് വ്യക്തമാക്കാമോ;

(ബി)	കാരുണ്യ ചികിത്സ പദ്ധതി ലഭ്യമാകുന്ന എറണാകുളം ജില്ലയിലെ ആശുപത്രികള്‍ ഏതെല്ലാമെന്നും ഏതെല്ലാം അസുഖങ്ങള്‍ക്കാണ് പ്രസ്തുത ആശുപത്രികളില്‍ സഹായം ലഭ്യമാകുന്നതെന്നും വിശദീകരിക്കാമോ;

(സി)	കാരുണ്യ ചികിത്സ പദ്ധതി കൂടുതല്‍ ആശുപത്രികളിലേക്ക് വ്യാപിപ്പിക്കുമോ; വിശദമാക്കാമോ?

ലോട്ടറി മേഖലയിലെ പരിഷ്കാരങ്ങള്‍

6058.

ശ്രീ.വി.ഡി.സതീശന്‍
,, കെ.സി.ജോസഫ്
,, കെ.മുരളീധരന്‍
,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ലോട്ടറി മേഖലയില്‍ കൂടുതല്‍ പരിഷ്ക്കാരങ്ങള്‍ എന്തെങ്കിലും നടപ്പിലാക്കുവാന്‍ ആലോചിക്കുന്നുണ്ടോ; കാരുണ്യ ലോട്ടറിയുടെ ടിക്കറ്റ് ഘടനയിലും സമ്മാനത്തുകയിലും പരിഷ്കാരങ്ങള്‍ വരുത്തിയിട്ടുണ്ടോ;

(ബി)	ലോട്ടറി മേഖലയില്‍ ഈ സര്‍ക്കാര്‍ വരുത്തിയ പരിഷ്ക്കാരങ്ങള്‍മൂലം സംസ്ഥാന ലോട്ടറിയില്‍ നിന്നുള്ള വരുമാനത്തില്‍ എന്ത് വര്‍ദ്ധനവാണ് ഉണ്ടായിട്ടുള്ളതെന്നറിയിക്കാമോ; അതിന് അനുസൃതമായ ആനുകൂല്യങ്ങള്‍ ലോട്ടറി വില്‍പ്പനക്കാര്‍ക്ക് നല്‍കുന്നതിന് കഴിഞ്ഞിട്ടുണ്ടോയെന്ന് വ്യക്തമാക്കാമോ;

(സി)	ലോട്ടറി അച്ചടിയിലെ സുരക്ഷയ്ക്ക് സ്വീകരിച്ചിട്ടുള്ള മാര്‍ഗ്ഗങ്ങള്‍ സംസ്ഥാന ലോട്ടറിയുടെ വിശ്വാസ്യത വര്‍ദ്ധിപ്പിക്കുന്നതിനും അതുവഴി വ്യാജ ലോട്ടറിക്കാരെ ഒഴിവാക്കുന്നതിനും സഹായിച്ചിട്ടുണ്ടോയെന്ന് വ്യക്തമാക്കാമോ;

(ഡി)	2017-18 ല്‍ വ്യാജലോട്ടറിയുമായി ബന്ധപ്പെട്ട കേസുകള്‍ രജിസ്റ്റര്‍ ചെയ്തിട്ടുണ്ടോ; വിശദാംശം നല്‍കുമോ;

(ഇ)	നിര്‍മല്‍ ലോട്ടറിയില്‍ നിന്നും 2017-18 വര്‍ഷം ലഭിച്ച വരുമാനം എത്രയാണ്; പ്രസ്തുത വരുമാനം എന്ത് കാര്യത്തിനായാണ് വിനിയോഗിക്കുന്നത് ; ശുചിത്വമിഷന് ഇതില്‍ നിന്നുള്ള വരുമാനത്തില്‍ നിന്നും എന്തെങ്കിലും ധനസഹായം നല്‍കുന്നുണ്ടോ?

കാരുണ്യ ബെനവലന്റ് പദ്ധതി ആനുകൂല്യം ലഭിക്കാനുള്ള മാനദണ്ഡങ്ങള്‍

6059.

(എ)	കാരുണ്യ ബെനവലന്റ് പദ്ധതി പ്രകാരം ആനുകൂല്യങ്ങള്‍ ലഭിക്കാനുള്ള മാനദണ്ഡങ്ങള്‍ വ്യക്തമാക്കാമോ;

(ബി)	മാനദണ്ഡങ്ങള്‍ ഏതെങ്കിലും പാലിക്കാത്തതിന്റെ പേരില്‍ കാരുണ്യ ബെനവലന്റ് പദ്ധതിയില്‍ ഇതുവരെ എത്ര പേര്‍ക്ക് ആനുകൂല്യങ്ങള്‍ നിഷേധിക്കപ്പെട്ടിട്ടുണ്ടെന്ന് ജില്ല തിരിച്ച് വ്യക്തമാക്കാമോ;

(സി)	സ്വന്തമായി വീടില്ലാത്തവര്‍ക്കും റേഷന്‍ കാര്‍ഡില്ലാത്തവര്‍ക്കും കാരുണ്യ ബെനവലന്റ് പദ്ധതി പ്രകാരം ആനുകൂല്യങ്ങള്‍ ലഭിക്കുമോ എന്നും ഇതിനകം ഇങ്ങനെയുള്ള എത്ര പേര്‍ക്ക് ആനുകൂല്യങ്ങള്‍ ലഭിച്ചിട്ടുണ്ട് എന്നും ജില്ല തിരിച്ച് വ്യക്തമാക്കാമോ;

(ഡി)	മംഗലാപുരത്തെ ആശുപത്രികളില്‍ ചികിത്സ തേടുന്നവര്‍ക്ക് റീ ഇമ്പേഴ്സ്മെന്റ് ഉണ്ടാകുമെന്ന പ്രഖ്യാപനം പ്രാബല്യത്തില്‍ വന്നിട്ടുണ്ടോ എന്ന് വ്യക്തമാക്കാമോ;

(ഇ)	ഇല്ലെങ്കില്‍ പ്രാബല്യത്തില്‍ വരാത്തതിന്റെ കാരണമെന്താണെന്നും എപ്പോള്‍ പ്രാബല്യത്തില്‍ വരുമെന്നും വ്യക്തമാക്കാമോ?

ആലത്തൂരില്‍ കാരുണ്യ ബെനവലന്റ് പദ്ധതിയില്‍ നിന്നും ധനസഹായം

6060.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ആലത്തൂര്‍ നിയോജക മണ്ഡലത്തിലെ എത്ര രോഗികള്‍ക്ക് കാരുണ്യ ബെനവലന്റ് പദ്ധതിയില്‍ നിന്നും ധനസഹായം അനുവദിച്ചിട്ടുണ്ടെന്ന് വിശദമാക്കാമോ;

(ബി)	സഹായം ലഭിച്ചവരുടെ മേല്‍വിലാസം പഞ്ചായത്തടിസ്ഥാനത്തില്‍ ലഭ്യമാക്കാമോ?

സംസ്ഥാന ലോട്ടറി നേരിടുന്ന പ്രതിസന്ധി

6061.

(എ)	സംസ്ഥാന ലോട്ടറി പ്രതിസന്ധി നേരിടുന്നുണ്ടോ;വിശദീകരിക്കുമോ;

(ബി)	ഓരോ നറുക്കിലും അച്ചടിക്കുന്ന ടിക്കറ്റിന്റെ എണ്ണം വര്‍ദ്ധിക്കുകയും സമ്മാനങ്ങളുടെ എണ്ണം കുറയുകയും ചെയ്തതിനാല്‍ സംസ്ഥാന ലോട്ടറിയില്‍ ജനങ്ങള്‍ക്കുള്ള താല്പര്യം കുറയുന്നതായ പത്ര വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ; എങ്കിൽ ആവശ്യമായ നടപടി സ്വീകരിക്കുമോ; വ്യക്തമാക്കാമോ;

(സി)	സംസ്ഥാന ലോട്ടറിയിലുള്ള താല്പര്യം കുറയുന്നതിനാല്‍ വിവിധ രൂപങ്ങളിലുള്ള ചൂതാട്ടങ്ങള്‍ വര്‍ദ്ധിക്കുന്നതായി ശ്രദ്ധയില്‍പ്പെട്ടിട്ടുണ്ടോ; വിശദീകരിക്കുമോ?

ഓഡിറ്റ് വകുപ്പ് ജീവനക്കാരെ സസ്പെന്റ് ചെയ്ത നടപടി

6062.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

ആലപ്പുഴ മുനിസിപ്പാലിറ്റിയില്‍ പണിമുടക്കില്‍ പങ്കെടുത്തശേഷം ഹാജരില്‍ ഒപ്പുവച്ച ജീവനക്കാര്‍ക്ക് അനുമതിയില്ലാതെ ശമ്പളം നല്‍കിയെന്ന ചെയര്‍മാന്റെ പരാതി അന്വേഷിക്കുന്നതിന് 1996 ലെ ലോക്കല്‍ ഫണ്ട് ഓഡിറ്റ് ചട്ടം 8,8(2) എന്നിവ പ്രകാരം രേഖകള്‍ ആവശ്യപ്പെട്ട സംസ്ഥാന ഓഡിറ്റ് വകുപ്പിലെ ജീവനക്കാരെ സസ്പെന്റ് ചെയ്യുവാനുളള കാരണം വ്യക്തമാക്കുമോ;

(ബി)

1997 ലെ കേരള മുനിസിപ്പാലിറ്റി (പരിശോധനാരീതിയും ഓഡിറ്റ് സംവിധാനവും) ചട്ടങ്ങളിലെ ചട്ടം 13 അനുസരിച്ച് മുനിസിപ്പാലിറ്റിയുടെ ഭരണകാര്യങ്ങള്‍ പരിശോധിച്ച് റിപ്പോര്‍ട്ട് ചെയ്യാന്‍ ഓഡിറ്റര്‍ക്ക് അധികാരമുണ്ടെന്നിരിക്കെ സംസ്ഥാന ഓഡിറ്റ് ഡയറക്ടറുടെ തെറ്റായ റിപ്പോര്‍ട്ടിന്റെ അടിസ്ഥാനത്തില്‍ ജീവനക്കാരെ സസ്പെന്റ് ചെയ്തത് മേല്‍ ചട്ടങ്ങളുടെ ലംഘനമാണെന്നത് പരിശോധിച്ചിട്ടുണ്ടോ; ഇക്കാര്യത്തില്‍ നിലപാട് വിശദമാക്കുമോ;

(സി)

1994 ലെ ലോക്കല്‍ ഫണ്ട് ഓഡിറ്റ് നിയമം വകുപ്പ് 24 അനുസരിച്ച് പ്രസ്തുത നിയമത്തെ വിശ്വാസത്തിലെടുത്ത് ജോലി ചെയ്യുന്ന ജീവനക്കാര്‍ക്ക് എല്ലാ നിയമ നടപടികളില്‍ നിന്നും സംരക്ഷണം ഉറപ്പ് നല്‍കിയിട്ടുണ്ടെന്നിരിക്കെ ഇൗ നിയമത്തിലെ വ്യവസ്ഥകള്‍ പാലിച്ച് മാത്രം ജോലി ചെയ്ത ഓഡിറ്റ് വകുപ്പ് ജീവനക്കാരെ സസ്പെന്റ് ചെയ്തത് നിയമം ഉറപ്പ് നല്‍കിയിട്ടുളള സംരക്ഷണത്തിന്റെ ലംഘനമാകില്ലേ എന്നത് പരിശോധിക്കുമോ?

ഓഡിറ്റ് വിഭാഗം ഉദ്യോഗസ്ഥരുടെ സസ്പെന്‍ഷന്‍

6063.

(എ)	ആലപ്പുഴ മുനിസിപ്പാലിറ്റി ഓഡിറ്റ് വിഭാഗത്തിലെ ഡെപ്യൂട്ടി ഡയറക്ടര്‍ കെ. പി. മാത്യു റോയി, ഓഡിറ്റ് ഓഫീസര്‍ പി. സാബു എന്നിവരെ സര്‍വ്വീസില്‍ നിന്നും സസ്പെന്റ് ചെയ്തത് തദ്ദേശസ്വയംഭരണ സ്ഥാപനങ്ങള്‍ അവയുടെ ഓഡിറ്റ് എന്നിവയുമായി ബന്ധപ്പെട്ട ഏത് നിയമം/ ചട്ടം ലംഘിച്ചതിനാണെന്ന് വിശദമാക്കാമോ ;

(ബി)

തദ്ദേശസ്വയംഭരണ സ്ഥാപനങ്ങളുടെ ഭരണപരമായ കാര്യങ്ങള്‍ പരിശോധിച്ച് റിപ്പോര്‍ട്ട് ചെയ്യാന്‍ 1997-ലെ കേരള മുനിസിപ്പാലിറ്റി (പരിശോധനാ രീതിയും ഓഡിറ്റ് സംവിധാനവും) ചട്ടങ്ങളില്‍ അധികാരമുണ്ടെന്നിരിക്കെ ഓഡിറ്റ് ജീവനക്കാര്‍ ഭരണപരമായ കാര്യങ്ങളില്‍ ഇടപെട്ടുവെന്ന് സര്‍ക്കാരിനെ തെറ്റിദ്ധരിപ്പിച്ച സംസ്ഥാന ഓഡിറ്റ് വകുപ്പ് ഡയറക്ടര്‍ക്കെതിരെ നടപടി സ്വീകരിക്കുമോ?

കെ.എഫ്.സി.യുടെ വായ്പാനയം

6064.

(എ)	കെ.എഫ്.സി.യുടെ വായ്പാനയം പരിഷ്ക്കരിക്കുന്നതിന് തീരുമാനിച്ചിട്ടുണ്ടോ; വിശദാംശം നല്‍കുമോ;

(ബി)	വായ്പാനയം പരിഷ്ക്കരിക്കുന്നതിനുള്ള തീരുമാനത്തിലൂടെ കിട്ടാക്കടങ്ങള്‍ കുറയ്ക്കുന്നതിന് ലക്ഷ്യമിടുന്നുണ്ടോ;

(സി)	കെ.എഫ്.സി.യുടെ കിട്ടാക്കടം നിലവില്‍ എത്ര ശതമാനമാണെന്ന് വ്യക്തമാക്കാമോ ;

(ഡി)	കെ.എഫ്.സി. ഏര്‍പ്പെടുത്തുന്ന പരിഷ്ക്കാരങ്ങള്‍ മൂലം ലാഭത്തില്‍ എന്ത് കുറവ് വരുമെന്നാണ് പ്രതീക്ഷിക്കുന്നത്;വിശദമാക്കാമോ;

(ഇ)	കിട്ടാക്കടങ്ങള്‍ പിരിച്ചെടുക്കുന്നതിന് വായ്പാ അദാലത്ത് നടത്തുന്നതിന് തീരുമാനിച്ചിട്ടുണ്ടോ; വ്യക്തമാക്കാമോ?

കെ.എസ്.എഫ്.ഇ യുടെ പുതിയ പദ്ധതികള്‍

6065.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം കെ.എസ്.എഫ്.ഇ മുഖേന എന്തെല്ലാം പുതിയ പദ്ധതികള്‍ നടപ്പിലാക്കി എന്ന് അറിയിക്കുമോ;

(ബി)	ഇവയുടെ വിശദാംശം വ്യക്തമാക്കുമോ?

കെ.എസ്.എഫ്.ഇ. പ്രവാസി ചിട്ടി നടത്തിപ്പിനായി സോഫ്റ്റ്‍വെയര്‍

6066.

(എ)	കെ.എസ്.എഫ്. ഇ യുടെ പ്രവാസി ചിട്ടി നടത്തിപ്പിനായി പ്രത്യേക സോഫ്റ്റ്‍വെയര്‍ ഉണ്ടാക്കിയിട്ടുണ്ടോ; ഉണ്ടെങ്കില്‍ ഏത് ഏജന്‍സിയാണ് പ്രസ്തുത സോഫ്റ്റ്‍വെയര്‍ ഉണ്ടാക്കിയത്;

(ബി)	എത്ര തുകയാണ് ഇതിനായി ചെലവഴിച്ചത്; പ്രസ്തുത ഏജന്‍സിയെ ടെന്‍ഡര്‍ നടപടികളിലൂടെയാണോ തെരഞ്ഞെടുത്തത്;വ്യക്തമാക്കുമോ;

(സി)	എത്ര സ്ഥാപനങ്ങള്‍ ഇതിനായി ടെന്‍ഡര്‍ സമര്‍പ്പിച്ചിരുന്നു; വിശദാംശം നല്‍കുമോ?

കെ.എസ്.എഫ്.ഇ. പ്രവാസി ചിട്ടിയുടെ പ്രചാരണം

6067.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.എഫ്.ഇ. പ്രവാസി ചിട്ടിയുടെ പ്രചാരണത്തിനായി ഉദ്യോഗസ്ഥര്‍ വിദേശ രാജ്യങ്ങളില്‍ സന്ദര്‍ശനം നടത്തിയിട്ടുണ്ടോ; ഉണ്ടെങ്കില്‍ ഏതൊക്കെ രാജ്യങ്ങളിലാണ് സന്ദര്‍ശനം നടത്തിയത്;

(ബി)	പ്രസ്തുത ഉദ്യോഗസ്ഥരുടെ വിശദാംശം നല്‍കുമോ; ഇവരുടെ യാത്രാച്ചെലവ് ഉള്‍പ്പെടെയുള്ള ചെലവുകൾ എത്ര എന്ന് വ്യക്തമാക്കുമോ;

(സി)	ഗള്‍ഫ് രാജ്യങ്ങളില്‍ പ്രവാസി ചിട്ടിയുടെ പരസ്യത്തിനായി ഇതിനകം എന്ത് തുക ചെലവഴിച്ചിട്ടുണ്ട്;

(ഡി)	പ്രസ്തുത പരസ്യങ്ങളുടെ ഭാഗമായി പ്രവാസി ചിട്ടിയില്‍ എത്ര പേരെ ചേര്‍ക്കുന്നതിന് സാധിച്ചുവെന്ന് വ്യക്തമാക്കാമോ?

കെ.എസ്.എഫ്.ഇ. സോഷ്യല്‍ റസ്പോണ്‍സിബിലിറ്റിയുടെ ഭാഗമായി അനുവദിച്ച തുക

6068.

(എ)	കെ.എസ്.എഫ്.ഇ. കോര്‍പ്പറേറ്റ് സോഷ്യല്‍ റസ്പോണ്‍സിബിലിറ്റിയുടെ ഭാഗമായി 2016-17, 17-18 സാമ്പത്തിക വര്‍ഷങ്ങളില്‍ അനുവദിച്ച തുക പദ്ധതി തിരിച്ച് വ്യക്തമാക്കാമോ;

(ബി)	കോര്‍പ്പറേറ്റ് സോഷ്യല്‍ റസ്പോണ്‍സിബിലിറ്റിയുടെ ഭാഗമായി തുക അനുവദിക്കുന്നതിന് 2016-17, 2017-18 സാമ്പത്തിക വര്‍ഷങ്ങളില്‍ കെ.എസ്.എഫ്.ഇ.ക്ക് ലഭ്യമായ അപേക്ഷകളുടെ എണ്ണം എത്ര; അതില്‍ തുക അനുവദിച്ച അപേക്ഷകളുടെ എണ്ണം എത്ര; തിരസ്ക്കരിച്ച അപേക്ഷകളുടെ എണ്ണം എത്ര; വ്യക്തമാക്കാമോ;

(സി)	ഇപ്രകാരം കോര്‍പ്പറേറ്റ് സോഷ്യല്‍ റസ്പോണ്‍സിബിലിറ്റിയുടെ ഭാഗമായി തുക അനുവദിക്കുന്നതിനുള്ള മാനദണ്ഡം വ്യക്തമാക്കാമോ?

കരുനാഗപ്പള്ളിയിലെ കെ.എസ്.എഫ്.ഇ.ബ്രാഞ്ചുകള്‍

6069.

(എ)	കരുനാഗപ്പള്ളി താലൂക്കില്‍ കുലശേഖരപുരം ഗ്രാമപഞ്ചായത്തില്‍ കെ.എസ്.എഫ്.ഇ.യുടെ ബ്രാഞ്ച് പ്രവര്‍ത്തിക്കുന്നുണ്ടോ; വിശദീകരിക്കുമോ;

(ബി)	പ്രസ്തുത ഗ്രാമപഞ്ചായത്തിലെ പുതിയകാവില്‍ കെ.എസ്.എഫ്.ഇ.യുടെ പുതിയ ബ്രാഞ്ച് ആരംഭിക്കുന്നതിന് നടപടി സ്വീകരിക്കുമോ; എങ്കില്‍ ആയതിന് സ്വീകരിച്ച നടപടികള്‍ വിശദീകരിക്കുമോ?

ഗ്രൂപ്പ് ഇന്‍ഷ്വറന്‍സ് സ്കീമില്‍ പണം അടയ്ക്കാൻ പ്രത്യേക അനുമതി

T 6070.

(എ)	മലപ്പുറം വി.പി.എ.യു.പി സ്കൂളിലെ അറബിക് അദ്ധ്യാപകന്‍ അബൂബക്കര്‍ 1994 മുതല്‍ 2002 വരെയുള്ള കാലയളവില്‍ ഗ്രൂപ്പ് ഇന്‍ഷ്വറന്‍സ് സ്കീമില്‍ പണം അടയ്ക്കാത്തതിനെ തുടര്‍ന്ന് പ്രത്യേക അനുമതിയ്ക്കായി സമര്‍പ്പിച്ച അപേക്ഷയില്‍ എടുത്ത നടപടികള്‍ വിശദമാക്കുമോ;

(ബി)	ഇത് സംബന്ധിച്ച് മലപ്പുറം ജില്ല ഇന്‍ഷ്വറന്‍സ് ഓഫീസര്‍ 24.11.2017-ന് ധനകാര്യ വകുപ്പിന് അയച്ച കത്തിന്‍മേല്‍ സ്വീകരിച്ച നടപടികള്‍ വ്യക്തമാക്കുമോ?

എസ്.എല്‍.ഐ, ജി.ഐ.എസ് അപേക്ഷകര്‍ക്ക് പാസ് ബുക്കുകള്‍ ലഭ്യമാകുന്നില്ലെന്ന പരാതി

T 6071.

ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	എസ്.എല്‍.ഐ, ജി.ഐ.എസ് അപേക്ഷകള്‍ സമര്‍പ്പിച്ച് വര്‍ഷങ്ങളായിട്ടും അപേക്ഷകര്‍ക്ക് പാസ് ബുക്കുകള്‍ ലഭ്യമാകുന്നില്ലെന്ന വ്യാപകമായ പരാതി ശ്രദ്ധയില്‍പെട്ടിട്ടുണ്ടോ;

(ബി)	ഏങ്കില്‍ ആയത് പരിഹരിക്കുന്നതിന് സത്വര നടപടി സ്വീകരിക്കുമോ;

(സി)	എസ്.എല്‍.ഐ, ജി.ഐ.എസ് പാസ് ബുക്കുകള്‍ ഓണ്‍ലൈന്‍ ആയി വിശ്വാസ് മുഖേന അപ്ഗ്രേഡ് ചെയ്യുന്നതിലുണ്ടാകുന്ന സാങ്കേതിക പ്രശ്നങ്ങള്‍ ശ്രദ്ധയില്‍പെട്ടിട്ടുണ്ടോ;

(ഡി)	ഉണ്ടെങ്കില്‍ പ്രസ്തുത പ്രശ്നത്തിന് പരിഹാരം കണ്ടെത്തുവാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

മോട്ടോര്‍ വാഹനങ്ങളുടെ ഇന്‍ഷ്വറന്‍സ്

6072.

(എ)	സര്‍ക്കാര്‍, അര്‍ദ്ധ സര്‍ക്കാര്‍, പൊതുമേഖലാ സ്ഥാപനങ്ങള്‍ എന്നിവയുടെയും സര്‍ക്കാരിന്റെ സാമ്പത്തിക സഹായത്താല്‍ പ്രവര്‍ത്തിക്കുന്ന സ്ഥാപനങ്ങളുടെയും ഉടമസ്ഥതയിലുള്ള മോട്ടോര്‍ വാഹനങ്ങളുടെ ഇന്‍ഷ്വറന്‍സുകള്‍ സംസ്ഥാന ഇന്‍ഷ്വറന്‍സ് വകുപ്പ് മുഖാന്തരം തന്നെ ഇന്‍ഷ്വര്‍ ചെയ്യണമെന്ന് നിഷ്ക്കര്‍ഷിച്ചിട്ടുണ്ടോ;

(ബി)	ഇല്ലെങ്കില്‍ അതിനുവേണ്ട നടപടി സ്വീകരിക്കുമോ?

സര്‍ക്കാർ ഉടമസ്ഥതയില്‍ ഇന്‍ഷ്വറന്‍സ് കമ്പനി

6073.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കേരള സര്‍ക്കാരിന്റെ ഉടമസ്ഥതയില്‍ ഇന്‍ഷ്വറന്‍സ് കമ്പനി ആരംഭിക്കാന്‍ നടപടി സ്വീകരിച്ചിട്ടുണ്ടോ;

(ബി)	സര്‍ക്കാര്‍ ജീവനക്കാരുടെ മെഡിക്കല്‍ റീഇംമ്പേഴ്സ്മെന്റ് ക്ലെയിമുകളും ഇന്‍ഷ്വറന്‍സ് പോളിസി ഇടപാടുകളും സര്‍ക്കാര്‍ തലത്തില്‍ നടത്താന്‍ നടപടികള്‍ സ്വീകരിക്കുമോ?

കയര്‍ ഉത്പാദന/വിപണന മേഖലകള്‍

6074.

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം കയര്‍ ഉത്പാദന/വിപണന മേഖലകളെ പ്രോത്സാഹിപ്പിക്കുന്നതിന് എന്തെല്ലാം പദ്ധതികള്‍ നടപ്പിലാക്കി എന്ന് അറിയിക്കുമോ;

(ബി)	ഇവയുടെ വിശദാംശം ലഭ്യമാക്കുമോ?

തൊണ്ട് സംഭരണം ശക്തമാക്കുന്നതിന് നടപടി

6075.

(എ)	കുടുംബശ്രീ യൂണിറ്റുകള്‍, ഫാര്‍മേഴ്സ് സര്‍വ്വീസ് സെന്റര്‍, അഗ്രോ സര്‍വ്വീസ് സെന്റര്‍ എന്നിവയെ ഉള്‍പ്പെടുത്തിക്കൊണ്ട് തൊണ്ട്സംഭരണം ശക്തമാക്കുന്നതിന് സ്വീകരിച്ച നടപടികള്‍ വിജയപ്രദമായിട്ടുണ്ടോ; വിശദമാക്കുമോ;

(ബി)	കയര്‍മേഖലയെ സ്വയം പര്യാപ്തമാക്കുന്നതിന് രണ്ടാം പുന:സംഘടനയിലൂടെ എന്തൊക്കെ കാര്യങ്ങളാണ് നടപ്പിലാക്കുവാന്‍ തീരുമാനിച്ചിട്ടുളളത്;

(സി)	2017-18 സാമ്പത്തികവര്‍ഷം പരമ്പരാഗത കയര്‍തൊഴിലാളികള്‍ക്ക് 200 ദിവസത്തെ തൊഴിലും മിനിമം കൂലിയും ഉറപ്പ് വരുത്തുന്നതിന് കഴിഞ്ഞിട്ടുണ്ടോ; ഇല്ലെങ്കില്‍ എന്തുകൊണ്ട്;

(ഡി)	കയര്‍ സഹകരണസംഘങ്ങളുടെ പുനരുദ്ധാരണത്തിന് സ്വീകരിച്ച നടപടികള്‍ ഫലപ്രദമാണോ; ഇതിനായി എന്‍.സി.ഡി.സി. സഹായം ലഭ്യമാക്കിയിട്ടുണ്ടോ എന്നറിയിക്കുമോ?

കയര്‍മേഖലയുടെ ഉന്നമനത്തിനായി ചകിരിമില്ലുകള്‍

6076.

ശ്രീ.ബി.സത്യന്‍
ശ്രീമതി യു. പ്രതിഭ ഹരി
ശ്രീ.കെ. ദാസന്‍
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കയര്‍മേഖലയുടെ ഉന്നമനത്തിനായി നടത്തുന്ന പുനരുദ്ധാരണ പാക്കേജിന്റെ ഭാഗമായി ചകിരിമില്ലുകള്‍ സ്ഥാപിക്കുന്നതിന് തീരുമാനിച്ചിട്ടുണ്ടോ; എങ്കില്‍ ഇതിനായി എത്ര രൂപയാണ് ചെലവ് പ്രതീക്ഷിക്കുന്നത്;

(ബി)	തൊണ്ട് സംസ്ക്കരണവും കയറുപിരിയും ആധുനികവല്‍ക്കരിക്കുന്നതിനായി എന്തെല്ലാം പ്രവര്‍ത്തനങ്ങളാണ് ആലോചിക്കുന്നതെന്ന് വ്യക്തമാക്കുമോ?

കയര്‍ തൊഴിലാളിക്ഷേമ പദ്ധതികള്‍

6077.

ഈ സര്‍ക്കാര്‍ കാലയളവില്‍ കയര്‍ തൊഴിലാളിക്ഷേമത്തിനായി ആവിഷ്ക്കരിച്ചിട്ടുള്ള പദ്ധതികള്‍ ഏതെല്ലാമെന്നും ഇതിനായി സര്‍ക്കാര്‍ ചെലവഴിച്ച തുക എത്രയെന്നും വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.