14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >10^th Session>starred Questions and Answers

Answer Provided

Answer Not Yet Provided

FOURTEENTH KLA - 10^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പട്ടികവര്‍ഗ്ഗ കുടുംബങ്ങള്‍ക്കുള്ള ഭവനനിര്‍മ്മാണം

*631.

ശ്രീ.കെ.ഡി. പ്രസേനന്‍
,, ജോര്‍ജ് എം. തോമസ്
,, ബി.സത്യന്‍
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗക്കാര്‍ക്ക് ജനസംഖ്യാനുപാതികമായതിന്റെ ഇരട്ടിത്തുക വകയിരുത്തിയ സര്‍ക്കാര്‍ ഈ തുക ദുര്‍വ്യയം ചെയ്യപ്പെടുന്നില്ലെന്നും നിശ്ചിത വികസന കാര്യങ്ങള്‍ക്കായി യഥാസമയം വിനിയോഗിക്കുന്നുണ്ടെന്നും ഉറപ്പുവരുത്താന്‍ സ്വീകരിച്ച നടപടികള്‍ അറിയിക്കാമോ;

(ബി)	വീടില്ലാത്തവരായി ഇരുപത്തിയേഴായിരത്തോളം പട്ടികവര്‍ഗ്ഗ കുടുംബങ്ങള്‍ ഇനിയുമുണ്ടെന്നതിനാല്‍ ഇവരുടെ ഭവന നിര്‍മ്മാണത്തിന് മുന്‍ഗണന നല്‍കി വീട് അനുവദിക്കാനും പണി പൂര്‍ത്തിയാകാത്ത വീടുകളുടെ നിര്‍മ്മാണം അടിയന്തരമായി പൂര്‍ത്തീകരിക്കാനും വേണ്ട നടപടിയെടുക്കുമോ;

(സി)	പൂര്‍ത്തീകരിക്കാതെ കിടക്കുന്ന വീടുകള്‍ എത്രയെന്നും ഇതിനിടയാക്കിയ സാഹചര്യവും അതു പരിഹരിക്കാനായി സ്വീകരിച്ച നടപടിയും അറിയിക്കാമോ?

വനംവകുപ്പിന്റെ നൂതനപദ്ധതികള്‍

*632.

ശ്രീ.കെ.കുഞ്ഞിരാമന്‍
,, എസ്.രാജേന്ദ്രന്‍
,, എം. മുകേഷ്
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനംവകുപ്പ് നടപ്പിലാക്കാനുദ്ദേശിക്കുന്ന നൂതനപദ്ധതികള്‍ എന്തൊക്കെയാണെന്ന് വ്യക്തമാക്കാമോ;

(ബി)	വനമേഖലയ്ക്ക് പുറത്തുള്ള പ്രദേശങ്ങളില്‍ വനവത്കരണം പ്രോത്സാഹിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(സി)	വന ഉത്പന്നങ്ങളുടെ ലഭ്യതയും വിപണനവും മെച്ചപ്പെടുത്തുന്നതിന് എന്തെല്ലാം പദ്ധതികളാണുള്ളത്; വ്യക്തമാക്കാമോ;

(ഡി)	കാലാവസ്ഥാ വ്യതിയാനവും ആഗോള താപനവും മൂലമുള്ള ദൂഷ്യഫലങ്ങള്‍ നാള്‍ക്കുനാള്‍ വര്‍ദ്ധിച്ചുവരുന്ന സാഹചര്യത്തില്‍ ഭൂമിക്ക് ഹരിത കവചമൊരുക്കുന്നതിനായി സാമൂഹ്യ വനവത്കരണ പരിപാടികള്‍ കൂടുതല്‍ കാര്യക്ഷമമാക്കാനും ത്വരിതപ്പെടുത്താനും നടപടി സ്വീകരിക്കുമോ?

പട്ടികവര്‍ഗ്ഗക്കാര്‍ക്ക് സൗജന്യ നിയമസഹായം

*633.

ശ്രീ.കെ.വി.വിജയദാസ്
,, സി. കെ. ശശീന്ദ്രന്‍
,, പി.ടി.എ. റഹീം
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടികവര്‍ഗ്ഗക്കാര്‍ക്കെതിരെ നടക്കുന്ന അതിക്രമം തടയുന്നതിനും അവരുടെ പൗരാവകാശങ്ങള്‍ സംരക്ഷിക്കുന്നതിനും എന്തെല്ലാം പദ്ധതികളാണ് ആവിഷ്ക്കരിച്ചിട്ടുള്ളത്;

(ബി)	ഇവര്‍ക്ക് ആവശ്യമായ സൗജന്യ നിയമസഹായം നല്‍കുന്നതിന് സംസ്ഥാന തലത്തിലും ജില്ലാ തലത്തിലും മോണിട്ടറിംഗ് സംവിധാനം ഏര്‍പ്പെടുത്തിയിട്ടുണ്ടോ; വിശദമാക്കുമോ;

(സി)	അതിക്രമങ്ങള്‍ക്ക് ഇരയാകുന്നവര്‍ക്ക് ആശ്വാസവും പുനരധിവാസവും ഉറപ്പുവരുത്തുന്നതിന് എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വ്യക്തമാക്കാമോ?

കുട്ടികള്‍ക്കിടയിലെ ലഹരി ഉപയോഗം നിയന്ത്രിക്കല്‍

*634.

ശ്രീ.വി.ഡി.സതീശന്‍
,, എല്‍ദോസ് പി. കുന്നപ്പിള്ളില്‍
,, കെ.മുരളീധരന്‍
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്ക്കൂള്‍ കുട്ടികള്‍ക്കിടയില്‍ ലഹരി മരുന്ന് ഉപയോഗം വര്‍ദ്ധിച്ചുവരുന്നതായ റിപ്പോര്‍ട്ടുകള്‍ സര്‍ക്കാര്‍ ഗൗരവമായി എടുത്തിട്ടുണ്ടോ;

(ബി)	സ്ക്കൂളുകള്‍ക്ക് സമീപമുള്ള മെ‍‍ഡിക്കല്‍ സ്റ്റോറുകളില്‍ നിന്നും ലഭിക്കുന്ന മാനസിക രോഗത്തിനുള്ള മരുന്നുകളും കഫ് സിറപ്പും വേദന സംഹാരികളും കുട്ടികള്‍ ലഹരിക്കായി ഉപയോഗിക്കുന്ന പ്രവണത വര്‍ദ്ധിച്ച് വരുന്നത് തടയുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണ്;

(സി)	ഇത്തരം മെഡിക്കല്‍ സ്റ്റോറുകള്‍ അതാത് ജില്ലകളിലെ ഡ്രഗ്സ് കണ്‍ട്രോള്‍ ഉദ്യോഗസ്ഥരുടെ സഹകരണത്തോടെ പരിശോധിച്ച് നടപടി സ്വീകരിക്കുന്നതിന് ഡെപ്യൂട്ടി എക്സൈസ് കമ്മീഷണറന്മാര്‍ക്ക് നിര്‍ദ്ദേശം നല്‍കിയിട്ടുണ്ടോ; വിശദാംശം നല്‍കുമോ;

(ഡി)	സ്ക്കൂളുകളില്‍ ആരോഗ്യവകുപ്പുമായി ചേര്‍ന്ന് ലഹരി വിരുദ്ധ പ്രവര്‍ത്തനങ്ങള്‍ ശക്തിപ്പെടുത്തി സ്ക്കൂള്‍ കുട്ടികളെ ലഹരിയുടെ നീരാളിപ്പിടുത്തത്തില്‍ നിന്നും മോചിപ്പിക്കുന്നതിന് പ്രത്യേക ശ്രദ്ധയുണ്ടാകുമോ?

മൃഗശാല വകുപ്പില്‍ നടപ്പിലാക്കിയ പദ്ധതികള്‍

*635.

ശ്രീമതി ഗീതാ ഗോപി
,, ഇ.എസ്.ബിജിമോള്‍
ശ്രീ.എല്‍ദോ എബ്രഹാം
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സർക്കാർ അധികാരത്തില്‍ വന്നതിനുശേഷം മൃഗശാല വകുപ്പില്‍ നടപ്പിലാക്കിയ പദ്ധതികളുടെ വിശദവിവരങ്ങള്‍ അറിയിക്കുമോ;

(ബി)	മൃഗങ്ങളുടെ തനത് ആവാസ വ്യവസ്ഥ സംരക്ഷിച്ചുകൊണ്ട് സന്ദര്‍ശകര്‍ക്ക് കൂടുതല്‍ സൗകര്യങ്ങള്‍ ഒരുക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കുമോ;

(സി)	മൃഗശാലയിലേക്ക് പുതുതായി മൃഗങ്ങളെ കൊണ്ടുവരുന്നതിനുള്ള നടപടിക്രമങ്ങള്‍ വ്യക്തമാക്കുമോ;

(ഡി)	മറ്റു മൃഗശാലകളില്‍ നിന്നുള്ള മൃഗങ്ങളേയും പക്ഷികളേയും എത്തിച്ചതിന്റെ വിവരങ്ങള്‍ അറിയിക്കുമോ?

മെന്റര്‍ ടീച്ചര്‍ പദ്ധതി

*636.

ശ്രീ.കെ.എം.ഷാജി
,, സി.മമ്മൂട്ടി
,, എന്‍. ഷംസുദ്ദീന്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗ വിദ്യാര്‍ത്ഥികളുടെ പഠന നിലവാരം ഉയര്‍ത്തുന്നതിനും കൊഴിഞ്ഞുപോക്ക് തടയുന്നതിനും ആരംഭിച്ച മെന്റര്‍ ടീച്ചര്‍ പദ്ധതി ഫലപ്രദമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	വിവിധ ഡയറ്റുകളിലെ അധ്യാപകരുടെ കുറവ് മെന്റര്‍ ടീച്ചര്‍ പദ്ധതി കാര്യക്ഷമമായി നടപ്പിലാക്കുന്നതിന് തടസ്സമായിട്ടുണ്ടോ; എങ്കില്‍ അധ്യാപകരുടെ കുറവ് നികത്തുന്നതിന് നടപടി സ്വീകരിക്കുമോ;

(സി)	ഈ പദ്ധതി പട്ടികവര്‍ഗ്ഗ വിദ്യാര്‍ത്ഥികളുടെ പഠന നിലവാരം ഉയര്‍ത്തുന്നതിനും കൊഴിഞ്ഞുപോക്ക് തടയുന്നതിനും ഏതെല്ലാം വിധത്തില്‍ സഹായിച്ചിട്ടുണ്ടെന്ന് വ്യക്തമാക്കാമോ;

(ഡി)	പദ്ധതി നടത്തിപ്പില്‍ വന്നിട്ടുള്ള അപാകത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ?

പട്ടികജാതി/പട്ടികവര്‍ഗ്ഗ കോളനികളിലെ വികസന പദ്ധതികള്‍

*637.

ശ്രീ.ഹൈബി ഈഡന്‍
,, ഐ.സി.ബാലകൃഷ്ണന്‍
,, അടൂര്‍ പ്രകാശ്
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	വികസനത്തില്‍ പിന്നോക്കം നില്‍ക്കുന്ന പട്ടികജാതി കോളനികളില്‍ അടിസ്ഥാന സൗകര്യമെത്തിക്കുന്നതിന് ആവിഷ്ക്കരിച്ച പദ്ധതി ഏത് ഘട്ടത്തിലാണെന്നറിയിക്കാമോ;

(ബി)	ഇതിനകം എത്ര പട്ടികജാതി കോളനികളില്‍ ഇതിന്റെ പ്രവര്‍ത്തനം ആരംഭിച്ചുവെന്നറിയിക്കുമോ;

(സി)	ഹാംലറ്റ് പദ്ധതിയില്‍ എത്ര കോളനികളെ ഇതിനകം തെരഞ്ഞെടുത്തുവെന്ന് വ്യക്തമാക്കാമോ;

(ഡി)	ഈ പദ്ധതി നടപ്പിലാക്കുന്നതിന് ഏത് ഏജന്‍സിയെ ആണ് ചുമതലപ്പെടുത്തിയിട്ടുള്ളതെന്നറിയിക്കാമോ;

(ഇ)	പട്ടികജാതി/പട്ടികവര്‍ഗ്ഗ കോളനികളില്‍ നടപ്പിലാക്കുന്ന വികസന പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിനും അഴിമതിമുക്തമാക്കുന്നതിനും സ്വീകരിച്ച നടപടികള്‍ എന്തൊക്കെയാണ്; വിശദമാക്കാമോ;

(എഫ്)

പ്രസ്തുത പദ്ധതിയുടെ നടത്തിപ്പില്‍ സോഷ്യല്‍ ആഡിറ്റിംഗ് ഏര്‍പ്പെടുത്തുന്ന കാര്യം പരിഗണിക്കുമോ?

പട്ടികജാതി ഉപ പദ്ധതി

*638.

ശ്രീ.കാരാട്ട് റസാഖ്
,, ആര്‍. രാജേഷ്
,, ഡി.കെ. മുരളി
,, കെ. ബാബു : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതിക്കാരുടെ ഉന്നമനത്തിനായി പട്ടികജാതി ഉപ പദ്ധതി (എസ്.സി.എസ്.പി.) പ്രകാരം നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

(ബി)	പട്ടികജാതിക്കാര്‍ നേരിടുന്ന ഏറ്റവും പ്രധാനപ്പെട്ട പ്രശ്നങ്ങളായ ഭവന രാഹിത്യവും ഭൂരാഹിത്യവും പരിഹരിക്കുന്നതിനായി നടത്തിവരുന്ന പ്രവര്‍ത്തനങ്ങള്‍ അറിയിക്കാമോ;

(സി)	തൊഴിലിനും തൊഴില്‍ പരിശീലനത്തിനും മാനവ വിഭവശേഷി വികസനത്തിനുമായി ആവിഷ്ക്കരിച്ചിട്ടുള്ള പദ്ധതികള്‍ എന്തെല്ലാമാണ് എന്ന് വ്യക്തമാക്കാമോ?

മിനിമം വേതനം പുതുക്കി നിശ്ചയിക്കുന്നതിന് സ്വീകരിച്ച നടപടി

*639.

ശ്രീ.വി.എസ്.ശിവകുമാര്‍
,, അടൂര്‍ പ്രകാശ്
,, അനില്‍ അക്കര
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മിനിമം വേതനം പുതുക്കി മൂന്ന് വര്‍ഷം പൂര്‍ത്തിയാക്കിയ എല്ലാ മേഖലകളിലും ആയത് പുതുക്കി നിശ്ചയിക്കുന്നതിന് സ്വീകരിച്ച നടപടി എന്തൊക്കെയാണെന്ന് അറിയിക്കാമോ;

(ബി)	ഈ സര്‍ക്കാരിന്റെ കാലത്ത് ഏതൊക്കെ മേഖലകളിലാണ് മിനിമം വേതനം പുതുക്കി നിശ്ചയിച്ചത്;

(സി)	അണ്‍ എയ്ഡഡ് മേഖലയില്‍ പ്രവര്‍ത്തിക്കുന്ന അദ്ധ്യാപകര്‍ക്ക് മിനിമം വേതനം നടപ്പിലാക്കുമെന്ന പ്രഖ്യാപനം പ്രാവര്‍ത്തികമാക്കുന്നതിന് ഇതിനകം സ്വീകരിച്ച നടപടികള്‍ വ്യക്തമാക്കുമോ?

ആദര്‍ശ് ഗ്രാമം പദ്ധതി

*640.

ശ്രീ.ജോര്‍ജ് എം. തോമസ്
,, ആന്റണി ജോണ്‍
,, കെ. ബാബു
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടികജാതി കുടുംബങ്ങള്‍ അധിവസിക്കുന്ന ഗ്രാമങ്ങളുടെ സമഗ്ര വികസനത്തിനായി പ്രധാനമന്ത്രി ആദര്‍ശ് ഗ്രാമം പദ്ധതി (PMAGY) നടപ്പാക്കി വരുന്നുണ്ടോ;

(ബി)	എന്തെല്ലാം പ്രവര്‍ത്തനങ്ങളാണ് ഇൗ പദ്ധതിയില്‍ ഉള്‍പ്പെടുത്തിയിരിക്കുന്നത്;

(സി)	പദ്ധതിയ്ക്കായുളള കേന്ദ്രവിഹിതം എത്രയാണെന്നും ഇതിനായി സംസ്ഥാന സര്‍ക്കാര്‍ എത്ര തുക വകയിരുത്തിയിട്ടുണ്ടെന്നും വ്യക്തമാക്കാമോ;

(ഡി)	പട്ടികജാതിയില്‍പ്പെട്ട യുവജനങ്ങളുടെ തൊഴില്‍ ലഭ്യതയ്ക്കായി എന്തെല്ലാം കാര്യങ്ങള്‍ പ്രസ്തുത പദ്ധതിയില്‍ ഉള്‍പ്പെടുത്തിയിട്ടുണ്ടെന്ന് വ്യക്തമാക്കാമോ?

വനസംരക്ഷണ പദ്ധതികള്‍

*641.

ശ്രീ.അന്‍വര്‍ സാദത്ത്
,, തിരുവഞ്ചൂര്‍ രാധാകൃഷ്ണന്‍
,, പി.ടി. തോമസ്
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ നിലവില്‍ വന്നശേഷം വനസംരക്ഷണത്തിനായി ആവിഷ്കരിച്ച പുതിയ പദ്ധതികള്‍ എന്തൊക്കെയാണ്;

(ബി)	കാട്ടുതീ അതിവേഗം കണ്ടെത്തി പ്രതിരോധിക്കുന്നതിനുളള സംവിധാനം വനം വകുപ്പിനുണ്ടോ; ഇല്ലെങ്കില്‍ അതിനായുളള സംവിധാനം ഒരുക്കുമോ എന്നറിയിക്കാമോ?

ജനനി-ജന്മരക്ഷ പദ്ധതി

*642.

ശ്രീ.ആര്‍. രാജേഷ്
ശ്രീമതി.പി. അയിഷാ പോറ്റി
ശ്രീ.കെ.വി.വിജയദാസ്
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടികവര്‍ഗ്ഗ വിഭാഗത്തിലെ അമ്മമാരുടെയും കുഞ്ഞുങ്ങളുടെയും ആരോഗ്യസംരക്ഷണത്തിനായി ജനനി-ജന്മരക്ഷ പദ്ധതി ആവിഷ്കരിച്ചിട്ടുണ്ടോ;

(ബി)	എന്തെല്ലാം ലക്ഷ്യങ്ങളാണ് പദ്ധതി പ്രകാരം കൈവരിക്കാനുദ്ദേശിക്കുന്നത്;

(സി)	പോഷകാഹാരക്കുറവ് മൂലം അമ്മമാര്‍ക്കും കുട്ടികള്‍ക്കും ഉണ്ടാകുന്ന പ്രശ്നങ്ങള്‍ പരിഹരിക്കുന്നതിനായി എന്തെല്ലാം കാര്യങ്ങളാണ് ഇതില്‍ ഉള്‍പ്പെടുത്തിയിരിക്കുന്നത്;

(ഡി)	പദ്ധതിക്കായി എത്ര തുക 2018-19 സാമ്പത്തിക വര്‍ഷം വകയിരുത്തിയിട്ടുണ്ടെന്നും ഇതിന്റെ ഫലപ്രദമായ നടത്തിപ്പിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്നും വ്യക്തമാക്കാമോ?

ഡീ അഡിക്ഷന്‍ സെന്ററുകളുടെ പ്രവര്‍ത്തനം

*643.

ശ്രീ.കെ.എസ്.ശബരീനാഥന്‍
,, കെ.സി.ജോസഫ്
,, തിരുവഞ്ചൂര്‍ രാധാകൃഷ്ണന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വിമുക്തി എന്ന പേരില്‍ ലഹരി വിരുദ്ധ ബോധവല്‍ക്കരണ മിഷന്‍ രൂപീകരിച്ചിട്ടുണ്ടോ; എങ്കില്‍ അതിന്റെ പ്രവര്‍ത്തനം വിശദമാക്കുമോ;

(ബി)	കൂടുതല്‍ മദ്യഷോപ്പുകള്‍ തുറന്ന് മദ്യത്തിന്റെ വ്യാപനം നടക്കുന്ന സാഹചര്യത്തില്‍ മദ്യത്തിനെതിരെ സർക്കാർ നടത്തുന്ന പ്രചരണം വിജയപ്രദമാകുമെന്ന് കരുതുന്നുണ്ടോ; വിശദമാക്കുമോ;

(സി)	എക്സൈസ് വകുപ്പിന്റെ കീഴില്‍ പ്രവര്‍ത്തിക്കുന്ന ഡീ അഡിക്ഷന്‍ സെന്ററുകള്‍ വഴി 2017ല്‍ എത്രപേരെ ലഹരിയില്‍ നിന്നും മോചിപ്പിക്കുവാന്‍ സാധിച്ചു;

(ഡി)	പുനരധിവാസ സംവിധാനമുളള മാതൃകാ ഡീ അഡിക്ഷന്‍ സെന്റര്‍ സ്ഥാപിക്കുവാനുളള തീരുമാനം പ്രാവര്‍ത്തികമാക്കിയിട്ടുണ്ടോ; വിശദാംശം നല്‍കുമോ; ഇതിന് എന്തെങ്കിലും കേന്ദ്രസഹായം ലഭ്യമാണോയെന്ന് വെളിപ്പെടുത്തുമോ?

ക്ഷേമനിധി ബോര്‍ഡുകളുടെ പ്രവര്‍ത്തനം

*644.

ശ്രീ.റ്റി.വി.രാജേഷ്
,, കെ. ആന്‍സലന്‍
,, കെ. ദാസന്‍
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തൊഴില്‍ വകുപ്പിന്റെ കീഴിലുളള വിവിധ ക്ഷേമനിധി ബോര്‍ഡുകളുടെ പ്രവര്‍ത്തനം കാര്യക്ഷമമാക്കാൻ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	ക്ഷേമനിധി ബോര്‍ഡുകളുടെ ദൈനംദിന പ്രവര്‍ത്തനം കാര്യക്ഷമവും സുതാര്യവുമാക്കുന്നതിന്റെ ഭാഗമായി രജിസ്ട്രേഷന്‍, അംശദായം, ആനുകൂല്യവിതരണം, പെന്‍ഷന്‍ വിതരണം എന്നിവ നടപ്പിലാക്കുന്നതിനായി ഒരു സോഫ്‍റ്റ് വെയര്‍ വികസിപ്പിച്ച് എല്ലാ ക്ഷേമനിധി ബോര്‍ഡുകളുടെയും പ്രവര്‍ത്തനം ഏകോപിപ്പിക്കാനുദ്ദേശിക്കുന്നുണ്ടോ;

(സി)	എങ്കില്‍ ഇതു സംബന്ധിച്ച് എന്തെല്ലാം നടപടികളാണ് സ്വീകരിച്ചിട്ടുളളത്;

(ഡി)	ക്ഷേമനിധി ബോർഡുകളിലൂടെ അംഗങ്ങൾക്ക് വിവിധ പദ്ധതികൾ പ്രകാരം നൽകിവരുന്ന ആനുകൂല്യങ്ങൾ വര്‍ദ്ധിപ്പിക്കാനുദ്ദേശിക്കുന്നുണ്ടോ; വിശദാംശം നൽകുമോ?

ലഹരി ഉപഭോഗം കുറയ്ക്കുന്നതിനുള്ള പ്രവര്‍ത്തനങ്ങള്‍

*645.

ശ്രീ.എം. നൗഷാദ്
,, കെ.വി.അബ്ദുള്‍ ഖാദര്‍
ശ്രീമതി.പി. അയിഷാ പോറ്റി
ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിലെത്തുമ്പോള്‍ എത്ര മദ്യശാലകള്‍ ഉണ്ടായിരുന്നെന്നും നിലവില്‍ എത്രയുണ്ടെന്നും ഈ സര്‍ക്കാര്‍ പുതുതായി ഏതെങ്കിലും മദ്യശാലയ്ക്ക് ലൈസന്‍സ് അനുവദിച്ചിട്ടുണ്ടോയെന്നും വ്യക്തമാക്കാമോ;

(ബി)	മുന്‍ സര്‍ക്കാര്‍ മദ്യനിരോധനം ഏര്‍പ്പെടുത്തിയിരുന്നോ;

(സി)	2015-16 വര്‍ഷം വിറ്റ മദ്യത്തിന്റെ അളവ് മുന്‍ എല്‍.ഡി.എഫ്. സര്‍ക്കാര്‍ അധികാരമൊഴിഞ്ഞ 2010-11 വര്‍ഷത്തെ അളവുമായി താരതമ്യപ്പെടുത്തിക്കൊണ്ടുള്ള കണക്കുണ്ടോ; എങ്കില്‍ അറിയിക്കാമോ;

(ഡി)	ലഹരി ഉപഭോഗം കുറച്ചു കൊണ്ടുവരുന്നതിന് ഈ സര്‍ക്കാര്‍ നടപ്പിലാക്കിവരുന്ന പ്രവര്‍ത്തനങ്ങള്‍ വിശദമാക്കാമോ?

വന്‍കിട ജലസേചന പദ്ധതികള്‍ സമയബന്ധിതമായി പൂര്‍ത്തീകരിക്കാന്‍ നടപടി

*646.

ശ്രീ.എം. സ്വരാജ്
,, ഇ.പി.ജയരാജന്‍
,, മുരളി പെരുനെല്ലി
,, സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വന്‍കിട ജലസേചന പദ്ധതികള്‍ സമയബന്ധിതമായി പൂര്‍ത്തീകരിക്കാന്‍ സാധിക്കാതെ കിടക്കുന്നതിനാല്‍ ചെലവ് അധികരിക്കുകയും വന്‍ നിക്ഷേപം പ്രയോജനരഹിതമായിത്തീരുകയും ചെയ്യുന്ന സ്ഥിതി ഒഴിവാക്കാനായി കൈക്കൊണ്ടിട്ടുള്ള നടപടികള്‍ എന്തെല്ലാമാണ്; ഇത്തരം പദ്ധതികളുടെ നിക്ഷേപ പ്രയോജന വിശകലനം നടത്തിയിരുന്നോ;

(ബി)	കടുത്ത വരള്‍ച്ച നേരിടുന്ന തൃശ്ശൂര്‍ ജില്ലയില്‍ കൃഷി നാശം തടയാന്‍ ഉപയുക്തമായ ചാലക്കുടി ഡൈവേര്‍ഷന്‍ സ്കീം പൂര്‍ത്തീകരിക്കാന്‍ സാധ്യമായിട്ടുണ്ടോ;

(സി)	മൂവാറ്റുപുഴ വാലി, ഇടമലയാര്‍, കാരാപ്പുഴ, ബാണാസുരസാഗര്‍ തുടങ്ങിയ ദീര്‍ഘകാലമായി പൂര്‍ത്തീകരിക്കാതെ കിടക്കുന്ന പദ്ധതികളുടെ പരിശോധനക്കായി നിയോഗിച്ച സമിതി റിപ്പോര്‍ട്ട് നല്‍കിയിട്ടുണ്ടോ; എങ്കില്‍ വിശദാംശം അറിയിക്കാമോ?

ജല അതോറിട്ടി പ്രോജക്ടുകളുടെ വിലയിരുത്തല്‍

*647.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, കോവൂര്‍ കുഞ്ഞുമോന്‍
,, കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ശുദ്ധജല വിതരണം നടത്തുന്ന ജല അതോറിട്ടി പല പദ്ധതികളുടെയും പണി മുഴുവൻ പൂര്‍ത്തികരിക്കാത്തതും പൈപ്പ് ലൈന്‍ മാത്രം കുഴിച്ചിട്ടോ അല്ലെങ്കില്‍ ശുദ്ധീകരണ പ്ലാന്റ് മാത്രം സ്ഥാപിച്ചോ പണം ചെലവാക്കുന്നതും ശ്രദ്ധയില്‍പ്പെട്ടിട്ടുണ്ടോ;

(ബി)	നിർമ്മാണ പ്രവൃത്തികൾ പൂര്‍ത്തീകരിക്കാത്തതിനാല്‍ പാതി മുടങ്ങിക്കിടക്കുന്ന ഇത്തരം പദ്ധതികള്‍ സജീവമാക്കാന്‍ അക്കൗണ്ടബിലിറ്റി ഓഡിറ്റ് നടത്താന്‍ തയ്യാറാകുമോ;

(സി)	ഓരോ പ്രോജക്ടും സമയബന്ധിതമായി വിലയിരുത്താനും പുരോഗതി റിപ്പോര്‍ട്ട്‌ സമര്‍പ്പിക്കാനും എന്തൊക്കെ സംവിധാനങ്ങളാണ് ഇപ്പോള്‍ നിലവിലുള്ളത് എന്ന് വ്യക്തമാക്കാമോ;

(ഡി)	ജല അതോറിട്ടി വാങ്ങുന്ന പൈപ്പുകളുടെ ഗുണമേന്മ, ജല ശുദ്ധീകരണ പ്ലാന്റുകളുടെ ഗുണമേന്മ, സിവില്‍ നിര്‍മ്മിതികളുടെ ഗുണമേന്മ എന്നിവ പരിശോധിക്കാന്‍ എന്തൊക്കെ സംവിധാനങ്ങളാണ് നിലവിലുള്ളതെന്നറിയിക്കാമോ;

(ഇ)	അഴിമതിക്കാരായ ഉദ്യോഗസ്ഥര്‍ക്കെതിരെ നടപടി സ്വീകരിക്കുവാനും ഗുണമേന്മയില്ലാത്ത പൈപ്പുകളും ഉപകരണങ്ങളും വാങ്ങി സര്‍ക്കാരിനെ വഞ്ചിക്കുന്ന കോൺട്രാക്ടർമാരെ കരിമ്പട്ടികയില്‍പ്പെടുത്തി ലൈസന്‍സ് റദ്ദ് ചെയ്യാനും സ്വീകരിച്ച നടപടികള്‍ വ്യക്തമാക്കാമോ?

പട്ടികജാതി/പട്ടികവര്‍ഗ്ഗ വികസന കോര്‍പ്പറേഷന്‍ നല്‍കിവരുന്ന വായ്പ

*648.

ശ്രീ.പി.ടി.എ. റഹീം
,, രാജു എബ്രഹാം
,, ഡി.കെ. മുരളി
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ വന്നതിനുശേഷം സംസ്ഥാന പട്ടികജാതി/പട്ടിക വര്‍ഗ്ഗ വികസന കോര്‍പ്പറേഷന്‍ മുഖേനയുള്ള വായ്പ വിതരണത്തില്‍ കൈവരിച്ച നേട്ടം വിശദമാക്കുമോ;

(ബി)	കോര്‍പ്പറേഷന്‍ നിലവില്‍ നല്‍കിവരുന്ന വിവിധ തരം വായ്പകളുടെ വിശദാംശങ്ങള്‍ ലഭ്യമാക്കുമോ;

(സി)	വിദേശത്തുനിന്നും തൊഴില്‍ നഷ്ടപ്പെട്ട് തിരികെ നാട്ടിലെത്തുന്ന പട്ടികജാതി/പട്ടികവര്‍ഗ്ഗക്കാരുടെ പുനരധിവാസത്തിനായി വായ്പ പദ്ധതികള്‍ക്ക് രൂപം നല്‍കാന്‍ ഉദ്ദേശിക്കുന്നുണ്ടോ; എങ്കില്‍ വെളിപ്പെടുത്തുമോ?

പട്ടികവര്‍ഗ്ഗക്കാര്‍ക്ക് ചികിത്സാ സഹായങ്ങള്‍

*649.

ശ്രീ.ആന്റണി ജോണ്‍
,, ബി.ഡി. ദേവസ്സി
,, പി.വി. അന്‍വര്‍
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗക്കാരുടെ ആരോഗ്യ സംരക്ഷണത്തിനായി പട്ടികവര്‍ഗ്ഗ വികസന വകുപ്പ് ഏര്‍പ്പെടുത്തിയിട്ടുള്ള ചികിത്സാ സൗകര്യങ്ങള്‍ എന്തൊക്കെയാണെന്ന് വ്യക്തമാക്കാമോ;

(ബി)	പ്രസ്തുത വിഭാഗക്കാര്‍ക്ക് ചികിത്സാ ധനസഹായത്തിനുള്ള വരുമാന പരിധി ഉയര്‍ത്തിയിട്ടുണ്ടോ; വിശദമാക്കുമോ;

(സി)	ചികിത്സാ സഹായങ്ങള്‍ വേഗത്തില്‍‍ ലഭ്യമാക്കുന്നതിന് അപേക്ഷകള്‍ ഓണ്‍ലൈന്‍ വഴി സമര്‍പ്പിക്കുന്നതിനുള്ള പദ്ധതി ആവിഷ്ക്കരിച്ചിട്ടുണ്ടോ;

(ഡി)	പട്ടികവര്‍ഗ്ഗക്കാര്‍ സാധാരണയായി ചെയ്യുന്ന ജോലി ചെയ്യുവാന്‍ സാധിക്കാതെ വരുന്ന വര്‍ഷകാലത്ത് അവര്‍ക്ക് ആഹാരം ഉറപ്പുവരുത്തുന്നതിന് ഭക്ഷ്യസഹായ പരിപാടി നടപ്പാക്കിയിട്ടുണ്ടോ;

(ഇ)	ഏതെല്ലാം പ്രദേശങ്ങളിലാണ് കമ്മ്യൂണിറ്റി കിച്ചണുകളും ന്യൂട്രീഷന്‍ റീഹാബിലിറ്റേഷന്‍ സെന്ററുകളും ഏര്‍പ്പെടുത്തിയിട്ടുള്ളതെന്ന് വ്യക്തമാക്കാമോ?

കുട്ടനാട് പാക്കേജിന് കീഴില്‍ ജലവിഭവ വകുപ്പ് ആവിഷ്കരിച്ചിരിക്കുന്ന പദ്ധതികള്‍

*650.

ശ്രീ.ജോണ്‍ ഫെര്‍ണാണ്ടസ്
,, കെ.സുരേഷ് കുറുപ്പ്
,, എ.എം. ആരിഫ്
ശ്രീമതി യു. പ്രതിഭ ഹരി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കുട്ടനാട് പാക്കേജിന് കീഴില്‍ ജലവിഭവ വകുപ്പ് ആവിഷ്കരിച്ചിരിക്കുന്ന പദ്ധതികള്‍ ഏതെല്ലാമാണ്; പദ്ധതിയുടെ പുരോഗതി അറിയിക്കാമോ;

(ബി)	വിവിധ പ്രദേശങ്ങളിലുള്ള പാടശേഖരങ്ങളിലെ വെളളപ്പൊക്ക നിയന്ത്രണത്തിനായുളള പ്രവൃത്തികളുടെ നിലവിലെ സ്ഥിതിയും ഫലപ്രാപ്തിയും അറിയിക്കാമോ;

(സി)	തോട്ടപ്പളളി സ്പില്‍വേയുടെ ശേഷി വര്‍ദ്ധിപ്പിക്കുന്നതിനും തണ്ണീര്‍മുക്കം ബണ്ടിന്റെ നവീകരണ പ്രവര്‍ത്തനങ്ങള്‍ പൂര്‍ത്തീകരിക്കാനും കഴിഞ്ഞിട്ടുണ്ടോ; വിശദാംശം ലഭ്യമാക്കുമോ?

കന്നുകാലികളിലെ പകര്‍ച്ചവ്യാധികൾ

*651.

ശ്രീ.പി.കെ.ബഷീര്‍
,, അബ്ദുല്‍ ഹമീദ് പി.
,, മഞ്ഞളാംകുഴി അലി
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കന്നുകാലികളെ പകര്‍ച്ചവ്യാധികളില്‍ നിന്നും സംരക്ഷിക്കുന്നതിന് എന്തെങ്കിലും പദ്ധതികള്‍ നിലവിലുണ്ടോ; വ്യക്തമാക്കുമോ;

(ബി)	പകര്‍ച്ചവ്യാധികളെക്കുറിച്ച് കന്നുകാലി കര്‍ഷകര്‍ക്ക് ബോധവല്‍ക്കരണം നല്‍കാറുണ്ടോ; വിശദാംശം വെളിപ്പെടുത്തുമോ;

(സി)	ഈ സര്‍ക്കാര്‍ അധികാരത്തില്‍ വന്നതിന് ശേഷം പകര്‍ച്ച വ്യാധികള്‍ മൂലം കന്നുകാലിനാശം ഉണ്ടായിട്ടുണ്ടോ; വിശദമാക്കുമോ?

വനമേഖലാ നിരീക്ഷണവും വന്യജീവി കണക്കെടുപ്പും

*652.

ശ്രീ.ആര്‍. രാമചന്ദ്രന്‍
,, ചിറ്റയം ഗോപകുമാര്‍
,, കെ. രാജന്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വന്യജീവികളുടെ കണക്കെടുപ്പ് നടത്തുന്നുണ്ടോ; എത്രകാലം കൂടുമ്പോഴാണ് കണക്കെടുക്കുന്നത്; വിശദവിവരങ്ങള്‍ അറിയിക്കാമോ:

(ബി)	വന്യജീവി കണക്കെടുപ്പ്, വനമേഖലാ നിരീക്ഷണം എന്നിവ സാങ്കേതിക സഹായത്തോടെ ശക്തിപ്പെടുത്തുന്നതിന് സ്വീകരിക്കുന്ന മാര്‍ഗ്ഗങ്ങള്‍ വിശദമാക്കാമോ;

(സി)	ഇതിനായി എത്ര ക്യാമറകള്‍ വനം വകുപ്പിന്റെ കൈവശമുണ്ടെന്നും ആയത് പര്യാപ്തമാണോയെന്നും വ്യക്തമാക്കാമോ;

(ഡി)	സിംഹം, കടുവ, പുലി മുതലായ മൃഗങ്ങളെ പ്രത്യേകം തിരിച്ചറിഞ്ഞ് കണക്കെടുക്കുന്നതെങ്ങനെയാണെന്ന് വ്യക്തമാക്കാമോ?

മാതൃഭാഷയ്ക്ക് അര്‍ഹമായ പ്രാധാന്യം നല്‍കുന്നതിന് നടപടി

*653.

ശ്രീ.എ. എന്‍. ഷംസീര്‍
,, എസ്.ശർമ്മ
,, പുരുഷന്‍ കടലുണ്ടി
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	കലാ-സാഹിത്യ-സാംസ്കാരിക രംഗത്തുള്ളവരെ അണിനിരത്തി ശാസ്ത്ര ബോധവും യുക്തിചിന്തയും വളര്‍ത്തുന്നതിന് സാംസ്കാരിക വകുപ്പ് പരിപാടികള്‍ ആവിഷ്കരിക്കാന്‍ ഉദ്ദേശിക്കുന്നുണ്ടോ;

(ബി)	ആയിരത്തിയഞ്ഞൂറ് വര്‍ഷത്തിലേറെ പാരമ്പര്യമുള്ള മാതൃഭാഷയെ അവഗണിക്കുന്നതിനെതിരെ സാംസ്കാരിക ഐക്യത്തിനുതകുന്ന പരിപാടികള്‍ ആവിഷ്കരിച്ചു നടപ്പിലാക്കുമോ;

(സി)	ഭാഷ കേവലം ആശയവിനിമയോപാധിയെന്നതിന് ഉപരി സാംസ്കാരിക ഐക്യത്തിനുള്ള ഉപാധിയായതിനാല്‍ മാതൃഭാഷയ്ക്ക് ഉചിതമായ പ്രാധാന്യം നല്‍കാന്‍ നടപടിയെടുക്കുമോ; വിശദമാക്കുമോ?

വനവല്‍ക്കരണ പ്രവൃത്തികള്‍

*654.

ശ്രീ.പാറക്കല്‍ അബ്ദുല്ല
,, കെ.എന്‍.എ ഖാദര്‍
ഡോ.എം. കെ. മുനീര്‍
ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനേതര ആവശ്യങ്ങള്‍ക്കായി വനഭൂമി വിട്ടുനല്‍കുന്നതിന് പരിഹാരമായി വനവല്‍ക്കരണ പ്രവൃത്തികള്‍ നടത്താറുണ്ടോ; വിശദമാക്കുമോ;

(ബി)	ഇതിനായി കേന്ദ്ര ധനസഹായം ലഭിക്കാറുണ്ടോ; വ്യക്തമാക്കുമോ;

(സി)	കേന്ദ്രഫണ്ട് യഥാവിധി വിനിയോഗിക്കുന്നതിന് എന്തെങ്കിലും തടസ്സങ്ങള്‍ ഉണ്ടാകുന്നുണ്ടോ; എങ്കില്‍ വിശദാംശങ്ങള്‍ നല്‍കുമോ?

പിന്നാക്ക സമുദായങ്ങള്‍ക്കായുളള വിവിധ പദ്ധതികള്‍

*655.

ശ്രീ.അനൂപ് ജേക്കബ്
,, കെ.എസ്.ശബരീനാഥന്‍
,, എം. വിന്‍സെന്റ്
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	പിന്നാക്ക സമുദായങ്ങള്‍ക്കായുളള വിവിധ പദ്ധതികള്‍ നടപ്പിലാക്കുന്നതില്‍ വകുപ്പിന്റെ ഭാഗത്ത് നിന്നും അനാസ്ഥ ഉണ്ടാകുന്നുവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)	പിന്നാക്ക വിഭാഗ വികസന കോര്‍പ്പറേഷന്‍, പരിവര്‍ത്തിത ക്രെെസ്തവ ശുപാര്‍ശിത വിഭാഗ വികസന കോര്‍പ്പറേഷന്‍ എന്നിവയുടെ പ്രവര്‍ത്തനം വിലയിരുത്തിയിട്ടുണ്ടോ; ഇൗ സര്‍ക്കാര്‍ നിലവില്‍ വന്നശേഷം പ്രസ്തുത കോര്‍പ്പറേഷനുകള്‍ എന്തെങ്കിലും പുതിയ പദ്ധതികള്‍ ആവിഷ്കരിച്ചിട്ടുണ്ടോ; വിശദാംശം നല്‍കുമോ;

(സി)	പിന്നാക്ക സമുദായങ്ങള്‍ക്കുളള വിവിധ ക്ഷേമപദ്ധതികള്‍ സമയബന്ധിതമായും കാര്യക്ഷമമായും നടപ്പിലാക്കുന്നതിന് മോണിട്ടറിംഗ് സംവിധാനം ഏര്‍പ്പെടുത്തിയിട്ടുണ്ടോ; ഇല്ലെങ്കില്‍ ഏര്‍പ്പെടുത്തുന്ന കാര്യം ആലോചിക്കുമോ?

പാലിന്റെ ഗുണമേന്മ പരിശോധിക്കാന്‍ സംവിധാനങ്ങള്‍

*656.

ശ്രീ.പി.ടി. തോമസ്
,, വി.എസ്.ശിവകുമാര്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പാലിന്റെ ഗുണമേന്മ പരിശോധിക്കാന്‍ നിലവില്‍ എന്തെല്ലാം സംവിധാനങ്ങള്‍ ഉണ്ടെന്ന് വ്യക്തമാക്കാമോ;

(ബി)	അന്യസംസ്ഥാനത്ത് നിന്നും വരുന്ന പാല് പരിശോധിക്കുന്നതിന് എന്തെല്ലാം സംവിധാനങ്ങളാണ് ഉള്ളതെന്ന് വ്യക്തമാക്കാമോ;

(സി)	പാലിന്റെ ഗുണമേന്മ പരിശോധന ശക്തമാക്കാന്‍ എന്തെല്ലാം നടപടികള്‍ കൈക്കൊണ്ടിട്ടുണ്ട് എന്നറിയിക്കാമോ?

ആദിവാസികള്‍ക്കായി നടത്തുന്ന പദ്ധതികളുടെ ഏകോപനം

*657.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, കെ.സി.ജോസഫ്
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പട്ടികവര്‍ഗ്ഗ പിന്നോക്കസമുദായക്ഷേമവും നിയമവും സാംസ്കാരികവും പാര്‍ലമെന്ററികാര്യവും വകുപ്പുമന്ത്രി സദയം മറുപടി നല്‍കുമോ:

(എ)	ആദിവാസി വിഭാഗങ്ങള്‍ക്ക് സമ്പൂര്‍ണ്ണ ആരോഗ്യ സുരക്ഷ ഉറപ്പാക്കുന്നതിനായി ആവിഷ്ക്കരിച്ച പദ്ധതികള്‍ എന്തൊക്കെയാണ്;

(ബി)	ജനനി ജന്മരക്ഷ പദ്ധതി, കമ്മ്യുണിറ്റി കിച്ചന്‍ പദ്ധതി എന്നിവ നടപ്പിലാക്കിയിട്ടും അട്ടപ്പാടിയില്‍ ശിശുമരണം വര്‍ദ്ധിക്കുന്നതും പോക്ഷകാഹാരക്കുറവ് മൂലം അമ്മമാര്‍ മരിക്കുന്നതുമായ സാഹചര്യം എപ്രകാരം ഉണ്ടാകുന്നുവെന്ന് വിലയിരുത്തിയിട്ടുണ്ടോ;

(സി)	വിവിധ വകുപ്പുകളിലുടെ ആദിവാസികള്‍ക്കായി നടത്തുന്ന പദ്ധതികള്‍ ഏകോപിപ്പിക്കുന്നതിനും അര്‍ഹതപ്പെട്ടവര്‍ക്കെല്ലാം ആനുകൂല്യങ്ങള്‍ ലഭിക്കുന്നുവെന്ന് ഉറപ്പ് വരുത്തുവാനും ഉള്ള സംവിധാനം ഏര്‍പ്പെടുത്തുമോ?

ക്ഷീരോല്പാദനത്തില്‍ സ്വയംപര്യാപ്തത

*658.

ശ്രീ.കെ.മുരളീധരന്‍
,, കെ.എസ്.ശബരീനാഥന്‍
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷീരോല്പാദനത്തില്‍ സ്വയംപര്യാപ്തത നേടുന്നതിന് എത്ര ലക്ഷം ടണ്‍ പാലിന്റെ ഉല്പാദനമാണ് ലക്ഷ്യമിട്ടിരിക്കുന്നത്;

(ബി)	സ്വയംപര്യാപ്തതയ്ക്കായി ലക്ഷ്യമിട്ട പാലുൽപ്പാദനം നേടുന്നതിനായി ഏതെല്ലാം മേഖലകളില്‍ ഉള്ളവരെയാണ് പ്രയോജനപ്പെടുത്താന്‍ ഉദ്ദേശിക്കുന്നതെന്ന് വ്യക്തമാക്കുമോ?

എംപ്ലോയ്മെന്റ് എക്സ്ചേഞ്ചുകള്‍ മുഖേന സ്വയംതൊഴില്‍ പദ്ധതികള്‍

*659.

ശ്രീ.എസ്.ശർമ്മ
,, ജെയിംസ് മാത്യു
,, ഐ.ബി. സതീഷ്
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തൊഴിലും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് യുവജനങ്ങള്‍ക്ക് തൊഴില്‍ ലഭ്യത ഉറപ്പുവരുത്തുന്നതിനായി എന്തെല്ലാം നൂതന പദ്ധതികളാണ് നടപ്പിലാക്കിയിട്ടുള്ളത്;

(ബി)	ഇതിന്റെ ഭാഗമായി എംപ്ലോയ്മെന്റ് എക്സ്ചേഞ്ചുകള്‍ മുഖേന സ്വയംതൊഴില്‍ പരിപാടികള്‍ ആവിഷ്ക്കരിച്ചിട്ടുണ്ടോ;

(സി)	എംപ്ലോയ്മെന്റ് എക്സ്ചേഞ്ചില്‍ പേര് ചേര്‍ത്തിട്ടുള്ള വിഭിന്ന ശേഷിക്കാരായ ഉദ്യോഗാര്‍ത്ഥികള്‍ക്കായി നടപ്പാക്കി വരുന്ന കെെവല്യ പദ്ധതിയില്‍ ഇവരുടെ സമഗ്ര തൊഴില്‍ പുനരധിവാസത്തിനായി എന്തെല്ലാം കാര്യങ്ങളാണ് ഉള്‍പ്പെടുത്തിയിരിക്കുന്നത്;

(ഡി)	എംപ്ലോയ്മെന്റ് വകുപ്പ് മുഖേന നടപ്പാക്കുന്ന ശരണ്യ, ജോബ് ക്ലബ് തുടങ്ങിയ പദ്ധതികള്‍ പ്രകാരം എത്ര സംരംഭങ്ങള്‍ ആരംഭിച്ചിട്ടുണ്ടെന്നും പ്രസ്തുത പദ്ധതികള്‍ പ്രകാരമുള്ള വായ്പ തുകയും സബ്സിഡി തുകയും എത്ര വീതമാണെന്നും വ്യക്തമാക്കാമോ;

(ഇ)	സാങ്കേതിക വിദ്യാഭ്യാസ യോഗ്യതയുള്ളവര്‍, ബിരുദധാരികളായ വനിതകള്‍, തൊഴിലില്ലായ്മ വേതന പദ്ധതിയുടെ ഗുണഭോക്താക്കള്‍ എന്നിവര്‍ക്ക് മുന്‍ഗണന നല്‍കുന്ന സ്വയം തൊഴില്‍ പദ്ധതി നടപ്പാക്കിയിട്ടുണ്ടോ; വിശദാംശം നല്‍കുമോ?

വനമേഖലയിൽ ടൂറിസം സുരക്ഷ

*660.

ശ്രീമതി.വീണാ ജോര്‍ജ്ജ്
ശ്രീ.എസ്.രാജേന്ദ്രന്‍
,, ഒ. ആര്‍. കേളു
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇക്കോ ടൂറിസത്തിന്റെ ഭാഗമായി ട്രക്കിങ്ങ് അടക്കമുളള പരിപാടികള്‍ ഒരുക്കുന്നതിന് നിലവിലുളള സൗകര്യങ്ങള്‍ എന്തെല്ലാമാണെന്ന് വ്യക്തമാക്കുമോ;

(ബി)	പ്രസ്തുത മേഖലകളില്‍ കാട്ടുതീ, ശക്തമായ മഴയും കാറ്റും തുടങ്ങിയവ മൂലം എന്തെങ്കിലും ദുരന്തമുണ്ടായാല്‍ അടിയന്തരമായി നേരിടുന്നതിന് പര്യാപ്തമായ സംവിധാനങ്ങള്‍ വനംവകുപ്പിനുണ്ടോ;

(സി)	തമിഴ് നാട്ടിലെ തേനിയിലുണ്ടായ കാട്ടുതീയില്‍പ്പെട്ട് ട്രക്കിങ്ങ് സംഘത്തിലെ പതിനേഴുപേര്‍ മരിക്കാനിടയായ സാഹചര്യത്തില്‍, സംസ്ഥാനത്തെ ഇക്കോ ടൂറിസം രംഗത്ത് സുരക്ഷയും നിയന്ത്രണവും ഉറപ്പാക്കുന്നതിന് ശക്തമായ നടപടി സ്വീകരിക്കുമോ എന്ന് വ്യക്തമാക്കുമോ?

Website maintained by Information System Section, Kerala Legislative Assembly, Thiruvananthapuram.