Questions

കുടിവെള്ള വിതരണത്തിനായി സിയാല്‍ മോഡല്‍ കമ്പനി

ഡോ. കെ. ടി. ജലീല്‍

(എ)കുടിവെള്ള വിതരണത്തിനായി സിയാല്‍ മോഡല്‍ കമ്പനി രൂപീകരിക്കാന്‍ തീരുമാനിച്ചിട്ടുണ്ടോ;

(ബി)എങ്കില്‍ ആയതിനായി സ്വീകരിച്ചിട്ടുള്ള മാനദണ്ഡങ്ങള്‍ എന്തൊക്കെയാണെന്ന് വിശദമാക്കുമോ;

(സി)ആയതിനായി തലസ്ഥാനത്ത് ഉദ്യോഗസ്ഥതല ചര്‍ച്ചകള്‍ നടന്നിട്ടുണ്ടോ; എങ്കില്‍ ആയത് വകുപ്പിന്റെ അറിവോടു കൂടിയാണോ എന്ന് വ്യക്തമാക്കുമോ;

(ഡി)പ്രസ്തുത ചര്‍ച്ചയുടെ വിശദാംശങ്ങള്‍ എന്തെല്ലാമെന്നറിയിക്കുമോ; സര്‍ക്കാരിന്റെയും കമ്പനിയുടെയും ഭാഗത്തുനിന്ന് ആരെല്ലാമാണ് പ്രസ്തുത ചര്‍ച്ചയില്‍ പങ്കെടുത്തത് എന്ന് വ്യക്തമാക്കുമോ?

ശബരിമലയിലെ കുടിവെള്ളവിതരണം

ശ്രീ. എസ്. രാജേന്ദ്രന്‍

(എ)ശബരിമലയില്‍ കുടിവെള്ളവിതരണം സ്വകാര്യകമ്പനിക്കു കൈമാറുന്നതു സംബന്ധിച്ച് വാട്ടര്‍ അതോറിറ്റിയും, ആന്ധ്രാ പ്രദേശ് ആസ്ഥാനമായി പ്രവര്‍ത്തിക്കുന്ന 'വാട്ടര്‍ലൈഫ്' കമ്പനി മേധാവിയും തമ്മില്‍ ചര്‍ച്ച നടത്തിയിട്ടുണ്ടോ;

(ബി)മണ്ഡല-മകരവിളക്കുകാലത്ത് അര ലിറ്റര്‍ വെള്ളം കുപ്പിയിലാക്കി സൌജന്യമായും, ഘട്ടംഘട്ടമായി വില ഈടാക്കിയും വില്പന നടത്തുവാനുള്ള അനുമതി കമ്പനി തേടിയിട്ടുണ്ടോയെന്നു വ്യക്തമാക്കുമോ?

തിരുവനന്തപുരം നഗരത്തിലെ ശുദ്ധജലവിതരണം

ശ്രീ. വി. ശിവന്‍കുട്ടി

(എ)ഒരു ദിവസം തലസ്ഥാനത്തെ സര്‍ക്കാര്‍ ആശുപത്രികളില്‍ എത്ര ലിറ്റര്‍ ജലം ജല അതോറിറ്റി നല്‍കുന്നുണ്ട്;

(ബി)തിരുവനന്തപുരം നഗരത്തില്‍ 2013 ഫെബ്രുവരി, മാര്‍ച്ച് മാസങ്ങളില്‍ ശുദ്ധജല വിതരണ പൈപ്പുകള്‍ പൊട്ടിയ അവസരത്തില്‍ ടാങ്കറുകളിലും മറ്റുമായി എത്ര ലിറ്റര്‍ ജലമാണ് വിവിധ ആശുപത്രികളില്‍ എത്തിച്ചത്; ഏത് ഏജന്‍സിയാണ് ജലം വിതരണം ചെയ്തത്; ഇതിനായി എത്ര തുക ചെലവായിട്ടുണ്ട്; വിശദമാക്കുമോ?

ജലഗുണനിലവാര പരിശോധന

ശ്രീ. കെ. അച്ചുതന്‍

,, ആര്‍. സെല്‍വരാജ്

,, ഷാഫി പറമ്പില്‍

,, പി. എ. മാധവന്‍

(എ)ജലഗുണനിലവാര പരിശോധന വിപുലമാക്കാന്‍ പദ്ധതി രൂപീകരിച്ചിട്ടുണ്ടോ ;

(ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ ;

(സി)ഏതെല്ലാം ഏജന്‍സികളുടെ സഹകരണത്തോടെയാണ് പ്രസ്തുത പദ്ധതി നടപ്പാക്കാനുദ്ദേശിക്കുന്നതെന്ന് അറിയിക്കുമോ;

(ഡി)എന്തെല്ലാം സഹായങ്ങളാണ് പ്രസ്തുത പദ്ധതിക്ക് ലഭ്യമാകുന്നത്;

(ഇ)പ്രസ്തുത പദ്ധതി നടപ്പിലാക്കുന്നതിന് ഏര്‍പ്പെടുത്തിയിട്ടുള്ള സംവിധാനങ്ങളുടെ വിശദാംശങ്ങള്‍ നല്‍കുമോ ?

കുപ്പിവെള്ളത്തിന്റെ വിലയും ഗുണനിലവാരവും

ശ്രീ.കെ.കുഞ്ഞമ്മത് മാസ്റര്‍

(എ)സംസ്ഥാനത്ത് ഏതെല്ലാം കമ്പനികളാണ് കുപ്പിയിലാക്കിയ കുടിവെള്ളം വിതരണം ചെയ്യുന്നതെന്ന് വ്യക്തമാക്കുമോ;

(ബി)പ്രസ്തുത കമ്പനികള്‍ വിതരണം ചെയ്യുന്ന കുടിവെള്ളത്തിന്റെ ഗുണനിലവാരം പരിശോധിക്കുന്നതിന് എന്തെല്ലാം സംവിധാനങ്ങളാണ് നിലവിലുള്ളതെന്ന് വ്യക്തമാക്കുമോ.

(സി)കുപ്പിവെള്ളത്തിന്റെ വിലയില്‍ കമ്പനികള്‍ ഭീമമായ വര്‍ദ്ധനവ് വരുത്തിയിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ഡി)കുപ്പിവെള്ളത്തിന്റെ വില നിയന്ത്രിക്കുന്നതിനും ഗുണനിലവാരം കര്‍ശനമായി പരിശോധിക്കുന്നതിനും നടപടികള്‍ സ്വീകരിക്കാന്‍ ഉദ്ദേശിക്കുന്നുണ്ടോ; ഉണ്ടെങ്കില്‍ വിശദമാക്കുമോ?

ജലാശയങ്ങളുടെ സ്വാഭാവിക വിസ്തൃതി

ശ്രീ. റ്റി.എ.അഹമ്മദ് കബീര്‍

,, പി.ഉബൈദുള്ള

,, എന്‍.എ.നെല്ലിക്കുന്ന്

,, പി.കെ.ബഷീര്‍

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്തെ കായലുകളുടെയും തടാകങ്ങളുടെയും വിസ്തൃതി ക്രമാനുഗതമായി കുറഞ്ഞുവരുന്നത് ഗൌരവപൂര്‍വ്വം പരിഗണിച്ചിട്ടുണ്ടോ; എങ്കില്‍ അവയുടെ സ്വാഭാവിക വിസ്തൃതി നിലനിര്‍ത്താന്‍ സ്വീകരിച്ചിട്ടുള്ള നടപടികള്‍ വിശദമാക്കുമോ;

(ബി)ജലാശയങ്ങളുടെ വിസ്തൃതി സംബന്ധിച്ച രാജഭരണകാലത്തെ പ്ളാനുകളും സര്‍വ്വേ രേഖകളും ലഭ്യമാണോ; എങ്കില്‍ ആയതുപ്രകാരം പ്രധാന കായലുകളുടെയും, തടാകങ്ങളുടെയും വിസ്തൃതി സംബന്ധിച്ച വിശദവിവരം നല്‍കുമോ;

(സി)കായല്‍ത്തീരങ്ങളില്‍ ജലനിരപ്പില്‍നിന്ന് എത്ര മീറ്റര്‍ ദൂരമാണ് പുറമ്പോക്കായി നിശ്ചയിച്ചിട്ടുള്ളതെന്ന് വ്യക്തമാക്കുമോ?

മഴക്കാല ശുദ്ധജല സംഭരണം

ശ്രീ. എന്‍. ഷംസുദ്ദീന്‍

,, കെ. എന്‍. എ. ഖാദര്‍

,, സി. മോയിന്‍കുട്ടി

,, വി. എം. ഉമ്മര്‍ മാസ്റര്‍

എ)മഴക്കാല ശുദ്ധജലസംഭരണം സംബന്ധിച്ച് നിര്‍ദ്ദേശങ്ങളടങ്ങുന്ന എന്തെങ്കിലും റിപ്പോര്‍ട്ട് ലഭിച്ചിട്ടുണ്ടോ ; എങ്കില്‍ അതിലെ നിര്‍ദ്ദേശങ്ങളെന്തെല്ലാമെന്ന് വിശദമാക്കുമോ ;

(ബി)മഴവെള്ളം ശേഖരിക്കപ്പെടേണ്ട കുളങ്ങളും തടാകങ്ങളും, കിണറുകളും മണ്ണ് നിറഞ്ഞും മാലിന്യനിക്ഷേപങ്ങള്‍ മൂലവും ഉപയോഗശൂന്യമായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ ;

(സി)അടുത്ത മഴക്കാലത്തിനുമുമ്പായി അവയെല്ലാം പുനരുദ്ധരിക്കുന്നതിനും ശുദ്ധീകരിക്കുന്നതിനുമായി എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ?

ഡാം റീഹാബിലിറ്റേഷന്‍ ആന്റ് ഇപ്രൂവ്മെന്റ്പദ്ധതി

ശ്രീ. കെ. ശിവദാസന്‍ നായര്‍

,, പി. സി. വിഷ്ണുനാഥ്

,, എം. എ. വാഹീദ്

,, പാലോട് രവി

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)ഡാം റീഹാബിലിറ്റേഷന്‍ ആന്റ് ഇപ്രൂവ്മെന്റ് പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ.

(ബി)പ്രസ്തുത പദ്ധതിക്ക് ഭരണാനുമതി നല്‍കിയിട്ടുണ്ടോ; വിശദാംശങ്ങള്‍ നല്‍കുമോ;

(സി)ജലവിഭവ വകുപ്പിന് കീഴിലുള്ള ഡാമുകളുടെ നവീകരണത്തിനും അറ്റകുറ്റപണികള്‍ക്കും എന്തെല്ലാം നടപടികളാണ് പ്രസ്തുത പദ്ധതിയില്‍ ഉള്‍പ്പെടുത്തിയിരിക്കുന്നത്; വിശദമാക്കുമോ.

(ഡി)ലോകബാങ്ക് പ്രസ്തുത പദ്ധതിക്ക് എന്തെല്ലാം സഹായങ്ങളാണ് നല്‍കുന്നത്; വിശദാംശങ്ങള്‍ നല്‍കുമോ;

(ഇ)പ്രസ്തുത പദ്ധതി എത്ര വര്‍ഷം കൊണ്ട് പൂര്‍ത്തിയാക്കാനാണ് ലക്ഷ്യമിട്ടിട്ടുള്ളതെന്നറിയിക്കുമോ?

ഭാരതപ്പുഴയിലെ തടയണകളുടെ നിര്‍മ്മാണം

ശ്രീ. കെ. രാധാകൃഷ്ണന്‍

(എ)ഭാവിയില്‍ ഉണ്ടായേക്കാവുന്ന രൂക്ഷമായ വരള്‍ച്ചയും കുടിവെള്ള ക്ഷാമവും പരിഹരിക്കുന്നതിലേക്കായി കഴിഞ്ഞ സര്‍ക്കാരിന്റെ കാലത്ത് ഭാരതപ്പുഴയില്‍ എത്ര തടയണകള്‍ നിര്‍മ്മിക്കുവാനാണ് പദ്ധതി തയ്യാറാക്കിയിരുന്നതെന്നും അവയുടെ വിശദാംശങ്ങളും ലഭ്യമാക്കുമോ;

(ബി)അവയില്‍ ഏതെല്ലാം തടയണകളുടെ നിര്‍മ്മാണം ആരംഭിച്ചുവെന്നും അവ ഓരോന്നും ഇപ്പോള്‍ ഏത് ഘട്ടത്തിലാണെന്നും അറിയിക്കുമോ;

(സി)തടയണകള്‍ നിര്‍മ്മിക്കുവാന്‍ ഭരണാനുമതി നല്‍കി വര്‍ഷങ്ങള്‍ കഴിഞ്ഞിട്ടും പ്രവൃത്തി ആരംഭിക്കുന്നതിന്റെ കാലതാമസത്തിന്റെ കാരണം വ്യക്തമാക്കുമോ;

(ഡി)വരള്‍ച്ചയും കുടിവെള്ള ക്ഷാമവും കൂടുതല്‍ രൂക്ഷമായിക്കൊണ്ടിരിക്കുന്ന സാഹചര്യത്തില്‍ തടയണകളുടെ സമയബന്ധിതമായ നിര്‍മ്മാണത്തിന് മേല്‍നോട്ടം വഹിക്കുവാന്‍ കാര്യക്ഷമതയുള്ള ഉദ്യോഗസ്ഥരെ ഉള്‍പ്പെടുത്തി ഉന്നതതല സമിതി രൂപീകരിക്കുമോ?

പുഴകള്‍ സംരക്ഷിക്കുന്നതിനുള്ള സമഗ്ര പദ്ധതി

ശ്രീ. ഡൊമിനിക് പ്രസന്റേഷന്‍

,, കെ. ശിവദാന്‍ നായര്‍

,, വര്‍ക്കല കഹാര്‍

,, കെ. മുരളീധരന്‍

(എ)പുഴകള്‍ സംരക്ഷിക്കുന്നതിനുള്ള സമഗ്രപദ്ധതിക്ക് രൂപം നല്‍കിയിട്ടുണ്ടോ; വിശദമാക്കുമോ;

(ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ ;

(സി)നാശോന്മുഖമായിക്കൊണ്ടിരിക്കുന്ന പുഴകളെ സംരക്ഷിക്കുന്നതിനായി എന്തെല്ലാം നടപടികളാണ് പ്രസ്തുത പദ്ധതിയില്‍ ഉള്‍പ്പെടുത്തിയിരിക്കുന്നത്;

(ഡി)പദ്ധതിക്ക് എത്ര കോടി രൂപ ചെലവ് വരുമെന്നാണ് പ്രതീക്ഷിക്കുന്നത് ; വിശദാംശങ്ങള്‍ നല്‍കുമോ ?

ജലശ്രീ ഹരിതശാലാ ലാബുകള്‍

ശ്രീ. ബെന്നി ബെഹനാന്‍

,, വര്‍ക്കല കഹാര്‍

,, വി. ഡി. സതീശന്‍

,, റ്റി. എന്‍. പ്രതാപന്‍

(എ)ജലശ്രീ ഹരിതശാലാലാബുകളുടെ പ്രവര്‍ത്തനത്തിന് പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)ഏതെല്ലാം ഏജന്‍സികളുടെ സഹായത്തോടെയാണ് പ്രസ്തുത പദ്ധതി നടപ്പാക്കാനുദ്ദേശിക്കുന്നതെന്ന് വ്യക്തമാക്കുമോ;

(ഡി)എന്തെല്ലാം സഹായങ്ങളാണ് പ്രസ്തുത പദ്ധതിക്ക് ലഭ്യമാകുന്നത്;

(ഇ)പ്രസ്തുത പദ്ധതി നടപ്പാക്കുന്നതിന് എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ടെന്ന് വിശദമാക്കുമോ?

ജലകര്‍മ്മ സേന

ശ്രീ. സണ്ണി ജോസഫ്

,, ലൂഡി ലൂയിസ്

,, എം. പി. വിന്‍സെന്റ്

,, വി. പി. സജീന്ദ്രന്‍

(എ)ജലകര്‍മ്മ സേനയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ ;

(ബി)ഏത് പദ്ധതിയിന്‍ കീഴിലാണ് പ്രസ്തുത സേനകള്‍ പ്രവര്‍ത്തിക്കുന്നത്; വിശദാംശങ്ങള്‍ നല്‍കുമോ;

(സി)സംസ്ഥാനത്ത് എവിടെയെല്ലാമാണ് പ്രസ്തുത സേനകള്‍ പ്രവര്‍ത്തിക്കുന്നത്;

(ഡി)ഏതെല്ലാം ഏജന്‍സികളുമായി സഹകരിച്ചാണ് പ്രസ്തുത സേന പ്രവര്‍ത്തിക്കുന്നത്; വിശദാംശങ്ങള്‍ നല്‍കുമോ ?

കുടിവെള്ള കമ്പനി

ഡോ. റ്റി.എം. തോമസ് ഐസക്

ശ്രീ. എളമരം കരീം

,, കെ. രാധാകൃഷ്ണന്‍

,, ജെയിംസ് മാത്യു

(എ)ശബരിമലയില്‍ ഉള്‍പ്പെടെ കുടിവെള്ള വിതരണത്തിനായി ടെന്‍ഡര്‍ ക്ഷണിച്ചിട്ടുണ്ടോ;

(ബി)പ്രസ്തുത പദ്ധതിക്കായി ഏതൊക്കെ കുടിവെള്ള സ്രോതസ്സുകളാണ് ഉപയോഗിക്കാന്‍ അനുവദിച്ചിരിക്കുന്നത്;

(സി)‘സിയാല്‍ മോഡല്‍’ കുടിവെള്ള കമ്പനി രൂപീകരിക്കുന്നതിനുള്ള നടപടികളുടെ പുരോഗതി വിശദമാക്കുമോ;

(ഡി)കുടിവെള്ള കമ്പനി രൂപീകരിക്കുന്നതിനായി ഹൈദരാബാദ് ആസ്ഥാനമായ വാട്ടര്‍ലൈഫ് കമ്പനിയുമായി വാട്ടര്‍ അതോറിറ്റി ഉദ്യോഗസ്ഥര്‍ നടത്തിയ ചര്‍ച്ചയുടെ വിശദാംശം ലഭ്യമാക്കുമോ ?

കുടിവെളളക്ഷാമം

ശ്രീ. മോന്‍സ് ജോസഫ്

,, സി. എഫ്. തോമസ്

,, റ്റി. യു. കുരുവിള

,, തോമസ് ഉണ്ണിയാടന്‍

(എ)രൂക്ഷമായ വരള്‍ച്ചാഭീഷണി നേരിടുന്ന സംസ്ഥാനത്ത് കുടിവെള്ളക്ഷാമം പരിഹരിക്കുന്നതിന് സ്വീകരിച്ചുവരുന്ന നടപടികള്‍ എന്തെല്ലാമെന്ന് അറിയിക്കുമോ;

(ബി)നിലവില്‍ നടപ്പാക്കാന്‍ നിര്‍ദ്ദേശിക്കപ്പെട്ടിട്ടുളള കുടിവെളള പദ്ധതികള്‍ അടിയന്തിരമായി പൂര്‍ത്തീകരിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

വരള്‍ച്ചയും കുടിവെള്ളക്ഷാമവും നേരിടുന്നതിന് സ്വീകരിച്ച നടപടികള്‍

ശ്രീ. എം. ചന്ദ്രന്‍

,, രാജു എബ്രഹാം

,, വി. ചെന്താമരാക്ഷന്‍

,, എസ്. രാജേന്ദ്രന്‍

(എ)കടുത്ത വരള്‍ച്ചയും കുടിവെള്ള ക്ഷാമവും നേരിടുന്നതിന് എന്തൊക്കെ പുതിയ പദ്ധതികളാണ് നടപ്പിലാക്കുന്നത്; വിശദാംശം നല്‍കുമോ;

(ബി)പ്രസ്തുത പദ്ധതികള്‍ക്കായി അനുവദിച്ച അധിക ഫണ്ട് എത്രയെന്നറിയിക്കുമോ; അതില്‍ എത്ര തുക വീതം ഏതെല്ലാം പദ്ധതികള്‍ക്കായി ചെലവഴിച്ചുവെന്ന് അറിയിക്കുമോ;

(സി)കുടിവെള്ള വിതരണത്തിനായി ഓരോ ജില്ലയ്ക്കും അധികമായി അനുവദിച്ച തുകയും അതിന്റെ വിനിയോഗവും അറിയിക്കുമോ;

(ഡി) വരള്‍ച്ചാ പ്രതിരോധ പരിപാടികള്‍ക്കായി ലഭ്യമായ കേന്ദ്രസഹായം എത്രയെന്ന് വ്യക്തമാക്കുമോ?

കടല്‍ വെളളം ശുദ്ധീകരിച്ച് ഉപയുക്തമാക്കാന്‍ പദ്ധതി

ശ്രീ. മുല്ലക്കര രത്നാകരന്‍

(എ)കേരളത്തിലെ കുടിവെളള ക്ഷാമം പരിഹരിക്കുന്നതിനായി കടല്‍വെളളം ശുദ്ധീകരിച്ചു ഉപയുക്തമാക്കുന്ന പദ്ധതി നടപ്പിലാക്കുന്നത് പരിഗണനയിലുണ്ടോ;

(ബി)ഉണ്ടെങ്കില്‍ വിശദാംശം ലഭ്യമാക്കുമോ?

ഡീ സലൈനേഷന്‍ പ്ളാന്റുകള്‍

ശ്രീ. തേറമ്പില്‍ രാമകൃഷ്ണന്‍

'' ഹൈബി ഈഡന്‍

'' ഡൊമിനിക് പ്രസന്റേഷന്‍

(എ)ഡീ സലൈനേഷന്‍ പ്ളാന്റുകള്‍ സ്ഥാപിക്കാന്‍ പദ്ധതി രൂപീകരിച്ചിട്ടുണ്ടോ;

(ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)ഏതെല്ലാം ഏജന്‍സികളുടെ സഹായത്തോടെയാണ് പ്രസ്തുത പദ്ധതി നടപ്പാക്കാനുദ്ദേശിക്കുന്നത്; വിശദമാക്കുമോ;

(ഡി)എന്തെല്ലാം സഹായങ്ങളാണ് പ്രസ്തുത പദ്ധതിക്ക് ലഭ്യമാക്കുന്നത്;

(ഇ)പ്രസ്തുത പദ്ധതി നടപ്പാക്കുന്നതിന് എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ട്; വിശദാംശങ്ങള്‍ വ്യക്തമാക്കുമോ?

കുടിവെള്ള പദ്ധതികള്‍ പൂര്‍ത്തിയാക്കാന്‍ നടപടി

ശ്രീമതി. കെ. എസ്. സലീഖ

(എ)കടുത്ത വരള്‍ച്ചയിലും ജല അതോറിറ്റി ഏറ്റെടുത്ത കുടിവെള്ള പദ്ധതികളുടെ നിര്‍മ്മാണം അനിശ്ചിതമായി നീണ്ടുപോകുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)കഴിഞ്ഞ 10 വര്‍ഷത്തിനിടെ ഭരണാനുമതി ലഭിച്ച നിരവധി ശുദ്ധജല പദ്ധതികളുടെ നിര്‍മ്മാണം നീണ്ടുപോകുന്നത് ശ്രദ്ധയില്‍പ്പെട്ടിട്ടുണ്ടോ;

(സി)എങ്കില്‍ കഴിഞ്ഞ 10 വര്‍ഷത്തിനിടെ ഭരണാനുമതി ലഭിച്ചിട്ടും ഇതുവരെ പൂര്‍ത്തീകരിക്കുവാന്‍ സാധിക്കാത്ത ശുദ്ധജല പദ്ധതികള്‍ ഏതൊക്കെയാണെന്ന് ജില്ലതിരിച്ച് വ്യക്തമാക്കുമോ;

(ഡി)പ്രസ്തുത പദ്ധതികളില്‍ എത്രയെണ്ണം ഈ വേനല്‍ക്കാലത്ത് പൂര്‍ത്തീകരിക്കുവാന്‍ സാധിക്കുമെന്നറിയിക്കുമോ; എങ്കില്‍ ആയത് ഏതൊക്കെ പദ്ധതികളെന്ന് വ്യക്തമാക്കുമോ;

(ഇ)ആറ്റുകാല്‍ പൊങ്കാലയുടെ തലേദിവസം തലസ്ഥാനത്ത് നാലിടത്ത് ഒരുമിച്ച് ശുദ്ധജല വിതരണ പൈപ്പുകള്‍ പൊട്ടിയ സാഹചര്യം വിലയിരുത്തിയിട്ടുണ്ടോ; എങ്കില്‍ എന്തൊക്കെ കാരണങ്ങള്‍ കൊണ്ടാണ് അപ്രകാരം സംഭവിച്ചത്; വിശദാംശം വ്യക്തമാക്കുമോ?

ജാറുകളില്‍ വെളളം നല്‍കുന്നതിനുളള കമ്പനി

ശ്രീ. പി. റ്റി. എ. റഹീം

(എ)ജാറുകളില്‍ വെളളം നല്‍കുന്നതിനുളള ഒരു കമ്പനിക്ക് സര്‍ക്കാര്‍ രൂപം നല്‍കിയിട്ടുണ്ടോ;

(ബി)പ്രസ്തുത കമ്പനിയില്‍ സര്‍ക്കാരിനുളള ഓഹരി എത്രയാണെന്ന് വ്യക്തമാക്കുമോ;

(സി)പ്രസ്തുത കമ്പനി എവിടെ നിന്നാണ് വെളളം ശേഖരിക്കുന്നന്നെറിയിക്കുമോ;

(ഡി)കടല്‍ വെളളം ശുദ്ധീകരിച്ച് വിതരണം ചെയ്യുന്നതിന് പ്രസ്തുത കമ്പനിക്ക് കഴിയുമോയെന്ന കാര്യം പരിഗണിച്ചിട്ടുണ്ടോ; വിശദമാക്കുമോ?

ജലസ്രോതസ്സുകളുടെ നവീകരണം

ശ്രീ. എം. ഉമ്മര്‍

ശ്രീ. പി. കെ. ബഷീര്‍

ശ്രീ. കെ. മുഹമ്മദുണ്ണി ഹാജി

(എ)ജലസമൃദ്ധമായ ചിറകളും കുളങ്ങളും നവീകരിക്കുന്നതിന് നടപടി സ്വീകരിക്കാത്ത പഞ്ചായത്തുകളെക്കുറിച്ച് അന്വേഷണം നടത്തിയിട്ടുണ്ടോ; വിശദാംശം നല്‍കുമോ;

(ബി)കുടിവെള്ളക്ഷാമം പരിഹരിക്കുന്നതിനായി അത്തരം ചിറകളും കുളങ്ങളും നവീകരിക്കുന്നതിന് നടപടി സ്വീകരിക്കുമോ;

(സി)തദ്ദേശസ്വയംഭരണ സ്ഥാപനങ്ങളില്‍ കുടിവെള്ളം വിതരണം ചെയ്യുന്നവര്‍ ഹോളോബ്രിക്സ് കമ്പനികള്‍ക്കും ഹോട്ടലുകള്‍ക്കും വെള്ളം മറിച്ചുവില്‍ക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ഡി)ഉണ്ടെങ്കില്‍ കുടിവെള്ള വിതരണത്തിലെ അത്തരം പ്രവണതകള്‍ ഒഴിവാക്കാന്‍ നടപടി സ്വീകരിക്കുമോ?

ജലപാതകള്‍ ഗതാഗതയോഗ്യമാക്കുന്നതിനുള്ള പദ്ധതി

ശ്രീ. പി. സി. വിഷ്ണുനാഥ്

,, ജോസഫ് വാഴക്കന്‍

,, റ്റി. എന്‍. പ്രതാപന്‍

,, എ. റ്റി. ജോര്‍ജ്

(എ)ജലപാതകള്‍ ഗതാഗതയോഗ്യമാക്കുന്നതിനു പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)പ്രസ്തുതപദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്;

(സി)ഏതെല്ലാം ഏജന്‍സികളുടെ സഹായത്തോടെയാണ് പ്രസ്തുതപദ്ധതി നടപ്പാക്കാനുദ്ദേശിക്കുന്നത്;

(ഡി)എന്തെല്ലാം സഹായങ്ങളാണ് പ്രസ്തുത പദ്ധതിക്കു ലഭ്യമാകുന്നത്;

(ഇ)പ്രസ്തുതപദ്ധതി നടപ്പാക്കുന്നതിന് എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ടെന്ന് വിശദമാക്കുമോ?

തലസ്ഥാനത്ത് അടിക്കടിയുണ്ടാകുന്ന ശുദ്ധജല വിതരണ പൈപ്പ് പൊട്ടല്‍

ശ്രീ. വി. എസ്. സുനില്‍ കുമാര്‍

,, വി. ശശി

,, ജി.എസ്. ജയലാല്‍

ശ്രീമതി ഇ. എസ്. ബിജിമോള്‍

(എ)തലസ്ഥാനത്ത് അടിക്കടിയുണ്ടാകുന്ന ശുദ്ധജല വിതരണ പൈപ്പ് പൊട്ടലിനു പിന്നില്‍ അട്ടിമറിയുള്ളതായി സംശയിക്കുന്നുണ്ടോ; എങ്കില്‍ അതു സംബന്ധിച്ച് ഏതെങ്കിലും തരത്തിലുള്ള അന്വേഷണം നടത്തിയിട്ടുണ്ടോ; ഏതു തരത്തിലുള്ള അന്വേഷണമാണ് നടത്തിയത്; അന്വേഷണ റിപ്പോര്‍ട്ട് വിവരങ്ങള്‍ വ്യക്തമാക്കുമോ.;

(ബി).പ്രസ്തുത അന്വേഷണത്തിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ;

(സി)ആറ്റുകാല്‍ പൊങ്കാലയുടെ തലേ ദിവസം തിരുവനന്തപുരം നഗരത്തിലേക്കുള്ള ശുദ്ധജല വിതരണ പൈപ്പ് ലൈന്‍ പൊട്ടിയതിനെത്തുടര്‍ന്ന് ജനങ്ങള്‍ക്കും ഭക്തജനങ്ങള്‍ക്കും കുടിവെള്ളമെത്തിക്കാന്‍ സര്‍ക്കാര്‍ സ്വീകരിച്ച നടപടികള്‍ വിശദമാക്കുമോ;

(ഡി)പ്രസ്തുത സാഹചര്യത്തെതുടര്‍ന്ന് ടാങ്കറുകളില്‍ കുടിവെള്ളമെത്തിച്ചിട്ടുണ്ടോ, ഉണ്ടെങ്കില്‍ സര്‍ക്കാര്‍ ചെലവില്‍ എത്ര ടാങ്കറുകളാണ് കുടിവെള്ള വിതരണം നടത്തിയത്; ഇതില്‍ സര്‍ക്കാര്‍ ഉടമസ്ഥതയിലുള്ള ടാങ്കറുകള്‍ എത്ര; സ്വകാര്യ ടാങ്കറുകള്‍ എത്ര; വ്യക്തമാക്കുമോ;

(ഇ)പ്രസ്തുത ദിവസങ്ങളിലെ കുടിവെള്ള വിതരണത്തിനായി മൊത്തം ചെലവഴിച്ച തുകയെത്ര;ആയതില്‍ സ്യകാര്യ ടാങ്കറുകളുടെ ചെലവ് എത്രയായിരുന്നുവെന്നറിയിക്കുമോ?

കുടിവെള്ളവിതരണ പൈപ്പുകള്‍ പൊട്ടിയ സംഭവം

ശ്രീ. കോടിയേരി ബാലകൃഷ്ണന്‍

(എ)ഈ സര്‍ക്കാര്‍ അധികാരത്തില്‍ വന്നതിനുശേഷം തിരുവനന്തപുരം ജില്ലയില്‍ കുടിവെള്ളവിതരണ പൈപ്പുകള്‍ എത്ര തവണ പൊട്ടിയിട്ടുണ്ടെന്ന് അറിയിക്കുമോ;

(ബി)ഓരോ തവണയും പ്രസ്തുത പൈപ്പുപൊട്ടലുകള്‍ക്കു ശേഷം അറ്റകുറ്റപ്പണികള്‍ക്കായി ഇതിനകം എന്തു തുക ചെലവായിട്ടുണ്ടെന്നു വിശദമാക്കുമോ;

(സി)ഓരോ പൈപ്പുപൊട്ടല്‍സമയത്തും ടാങ്കര്‍ ലോറി വഴി കുടിവെള്ളം വിതരണം ചെയ്ത ഇനത്തില്‍ ഇതിനകം എന്തു തുക ചെലവഴിച്ചുവെന്നു വിശദമാക്കുമോ;

(ഡി)ആറ്റുകാല്‍ പൊങ്കാലയുടെ തലേദിവസമുണ്ടായ പൈപ്പുപൊട്ടല്‍ അന്വേഷിക്കാന്‍ നടപടിയെടുത്തിട്ടുണ്ടോ; വിശദാംശം ലഭ്യമാ ക്കുമോ?

കാലപ്പഴക്കം ചെന്ന പൈപ്പ് ലൈനുകള്‍ മാറ്റി സ്ഥാപിക്കുന്നതിന് മാസ്റര്‍ പ്ളാന്‍

ശ്രീ. കെ. വി. വിജയദാസ്

(എ)കാലപ്പഴക്കം ചെന്ന പൈപ്പ് ലൈനുകള്‍ മാറ്റി സ്ഥാപിക്കുന്നതിന് എന്തെങ്കിലും മാസ്റര്‍ പ്ളാന്‍ തയ്യാറാക്കിയിട്ടുണ്ടോ; എങ്കില്‍ വിശദാംശം നല്‍കുമോ ;

(ബി)ഇല്ലെങ്കില്‍ ഇക്കാര്യത്തില്‍ വിശദമായ പഠനം നടത്തി ഒരു മാസ്റര്‍ പ്ളാന്‍ തയ്യാറാക്കുവാന്‍ നടപടി സ്വീകരിക്കുമോ ?

കനാലുകള്‍ക്ക് കുറുകെ പാലം നിര്‍മ്മിക്കാന്‍ സ്വകാര്യ വ്യക്തികള്‍ക്ക് അനുമതി

ശ്രീ. വി.എം. ഉമ്മര്‍ മാസ്റര്‍

(എ)കനാലുകള്‍ക്ക് കുറുകെ പാലം നിര്‍മ്മിക്കുന്നതിന് സ്വകാര്യവ്യക്തികള്‍ക്ക് അനുമതി ലഭിക്കാന്‍ എന്തെല്ലാം നിബന്ധനകളാണ് നിലവിലുള്ളതെന്ന് വിശദമാക്കുമോ;

(ബി)പ്രസ്തുത അനുമതി നല്‍കുവാനുള്ള അധികാരം അതാത് ജില്ലാ എക്സിക്യൂട്ടീവ് എഞ്ചിനീയര്‍മാര്‍ക്ക് നല്‍കുന്നതിന് നടപടി സ്വീകരിക്കുമോ?

ഒരു പഞ്ചായത്തില്‍ ഒരു കുളം പദ്ധതി

ശ്രീ.എ.എം. ആരിഫ്

(എ)“ഒരു പഞ്ചായത്തില്‍ ഒരു കുളം” എന്ന പദ്ധതിയില്‍ ഉള്‍പ്പെടുത്തി കുളങ്ങള്‍ പുനരുദ്ധരിക്കുന്നതിന് അരൂര്‍ എം.എല്‍.എ നല്‍കിയ ലിസ്റ് പ്രകാരം എത്ര കുളങ്ങള്‍ പുനരുദ്ധരിക്കുന്നതിനാണ് ഭരണാനുമതി നല്‍കിയിട്ടുള്ളതെന്നും അവ ഏതൊക്കെയെന്നും അറിയിക്കുമോ;

(ബി)ഭരണാനുമതി നല്‍കിയിട്ടില്ലെങ്കില്‍ അടിയന്തിരമായി ഭരണാനുമതി നല്‍കി പ്രസ്തുത പ്രവൃത്തി ആരംഭിക്കുന്നതിനുള്ള നടപടി സ്വീകരിക്കുമോ?

നെല്‍കൃഷിക്ക് വേണ്ടിയുള്ള ലിഫ്റ്റ് ഇറിഗേഷന്‍ പദ്ധതികള്‍

ശ്രീ. എം. ഉമ്മര്‍

(എ)നെല്‍കൃഷിക്ക് വേണ്ടിയുള്ള ലിഫ്റ്റ് ഇറിഗേഷന്‍ പദ്ധതികളുടെ ജില്ല തിരിച്ചുള്ള കണക്കുകള്‍ ലഭ്യമാക്കുമോ;

(ബി)പ്രസ്തുത പദ്ധതികളില്‍ പൂര്‍ണ്ണമായും പ്രവര്‍ത്തനക്ഷമമല്ലാത്തവയുടെ വിശദാംശം നല്‍കുമോ;

(സി)പ്രസ്തുത പദ്ധതികള്‍ പ്രവര്‍ത്തനക്ഷമമാക്കുന്നതിന് നടപടി സ്വീകരിക്കുമോ; വിശദാംശം നല്‍കുമോ ?

പുലിമുട്ട് നിര്‍മ്മാണ പദ്ധതിക്കുള്ള കേന്ദ്ര സഹായം

ശ്രീ. പി. ശ്രീരാമകൃഷ്ണന്‍

(എ)കേരളത്തിലെ തീരപ്രദേശങ്ങളില്‍ കടല്‍ക്ഷോഭം നേരിടുന്നതിനുള്ള പുലിമുട്ട് നിര്‍മ്മാണ പദ്ധതിക്കുള്ള കേന്ദ്രസഹായം, സംസ്ഥാനം പദ്ധതി സമര്‍പ്പിക്കാത്തതുമൂലം നഷ്ടമായിട്ടുണ്ടോ ;

(ബി)പ്രസ്തുത പദ്ധതി സമര്‍പ്പിക്കേണ്ട കാലാവധി എന്നായിരുന്നുവെന്ന് അറിയിക്കുമോ ;

(സി)പ്രസ്തുത തുക ലഭിക്കുന്നതിനുള്ള നടപടികള്‍ കൈകൊള്ളുമോ ; വിശദമാക്കുമോ ;

(ഡി)പ്രസ്തുത പദ്ധതി സമര്‍പ്പിക്കുന്നതിനുള്ള തടസ്സം എന്തായിരുന്നുവെന്ന് വിശദമാക്കുമോ ?

ജലസേചന വകുപ്പിലെ ഡെലിഗേഷന്‍ ഓഫ് ഫിനാന്‍ഷ്യല്‍ പവര്‍

ശ്രീ. കെ. കുഞ്ഞിരാമന്‍ (ഉദുമ)

(എ)ജലസേചന വകുപ്പില്‍ നിലവിലുളള ഡെലിഗേഷന്‍ ഓഫ് ഫിനാന്‍ഷ്യല്‍ പവര്‍ എപ്രകാരമാണെന്ന് വിശദമാക്കുമോ;

(ബി)പൊതുമരാമത്ത് വകുപ്പില്‍ ഡെലിഗേഷന്‍ ഓഫ് ഫിനാന്‍ഷ്യല്‍ പവര്‍ വര്‍ദ്ധിപ്പിച്ചിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; വിശദാംശങ്ങള്‍ അറിയിക്കുമോ;

(സി)പൊതുമരാമത്ത് വകുപ്പില്‍ സ്വീകരിച്ച ഡെലിഗേഷന്‍ ഓഫ് ഫിനാന്‍ഷ്യല്‍ പവര്‍ ജലസേചന വകുപ്പിലും നടപ്പിലാക്കുന്നത് പരിഗണിക്കുമോ; വിശദാംശങ്ങള്‍ അറിയിക്കുമോ?

ഭൂജല ലഭ്യതയുടെ സാധ്യതാപഠനം

ശ്രീ.കെ. കുഞ്ഞിരാമന്‍ (ഉദുമ)

(എ)സംസ്ഥാനത്ത് ഭൂജല ലഭ്യതയുടെ സാധ്യത സംബന്ധിച്ച് പഠനം നടത്തിയിട്ടുണ്ടോ;

(ബി)എങ്കില്‍ ഏത് ഏജന്‍സിയാണ് പ്രസ്തുത പഠനം നടത്തിയതെന്നും പ്രസ്തുത പഠന റിപ്പോര്‍ട്ടിലെ പ്രധാന കണ്ടെത്തലുകള്‍ എന്തെല്ലാമാണെന്നും വിശദമാക്കുമോ;

(സി)കാസര്‍ഗോഡ് ജില്ലയിലെ ഭൂജല ലഭ്യതയുടെ സാധ്യത സംബന്ധിച്ച് പ്രസ്തുത പഠന റിപ്പോര്‍ട്ടിലുള്ള വിശദാംശങ്ങള്‍ അറിയിക്കുമോ ?

ഭൂഗര്‍ഭജല ചൂഷണം

ശ്രീ. സി. ദിവാകരന്‍

(എ)വരള്‍ച്ചക്കാലത്ത് ഭൂഗര്‍ഭജലത്തിന്റെ അമിതമായ ചൂഷണം ഉണ്ടാകുമെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)ഭൂഗര്‍ഭജല ചൂഷണം നടത്തുന്ന കമ്പനികളെ നിയന്ത്രിക്കാനുള്ള നടപടി സ്വീകരിക്കുമോ ?

കാഡ കനാലുകള്‍ ഉപയോഗയോഗ്യമാക്കുന്നതിന് നടപടി

ശ്രീ. ബി.ഡി. ദേവസ്സി

(എ)വര്‍ഷങ്ങള്‍ക്കു മുന്‍പ് നിര്‍മ്മിച്ച കാഡ കനാലുകള്‍ ഉപയോഗശൂന്യമായിത്തീര്‍ന്നിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ബി)പ്രസ്തുത കനാലുകള്‍ ഉപയോഗയോഗ്യമാക്കുന്നതിന് നടപടി സ്വീകരിക്കുമോ?

കാഞ്ഞിരപ്പുഴ ജലസേചന പദ്ധതി

ശ്രീമതി കെ.കെ.ലതിക

(എ)കമാന്റ് ഏരിയ വികസന അതോറിറ്റിയുടെ ഭാഗമായി കാഞ്ഞിരപ്പുഴ ജലസേചന പദ്ധതിയില്‍ 2011-12 ല്‍ ഏതെല്ലാം കേന്ദ്രാവിഷ്കൃത പ്രവൃത്തികളാണ് ആസൂത്രണം ചെയ്തിരുന്നതെന്നും, അതിനായി എത്ര തുകയാണ് അനുവദിച്ചിരുന്നതെന്നും വ്യക്തമാക്കുമോ;

(ബി)പ്രസ്തുത പ്രവൃത്തികളില്‍ ഇതുവരെ ഏതെല്ലാം പ്രവ്യത്തികള്‍ പൂര്‍ത്തിയാക്കാന്‍ കഴിഞ്ഞു; അതിനായി എത്ര തുക ചെലവായി; വിശദാംശം ലഭ്യമാക്കുമോ?

മുല്ലപ്പെരിയാറിലെ പുതിയ അണക്കെട്ട്

ശ്രീ. ജോസഫ് വാഴക്കന്‍

,, പാലോട് രവി

,, വര്‍ക്കല കഹാര്‍

(എ)മുല്ലപ്പെരിയാറില്‍ പുതിയ അണക്കെട്ട് നിര്‍മ്മിക്കുന്നതുമായി ബന്ധപ്പെട്ട് എന്തെല്ലാം നടപടികളാണ് കൈക്കൊളളാനുദ്ദേശിക്കുന്നത്; വിശദമാക്കുമോ;

(ബി)സുപ്രീം കോടതിയുടെ പരിസ്ഥിതി സംബന്ധമായ മേല്‍നോട്ട സമിതിയുടെ അംഗീകാരം നേടിയെടുക്കുന്നതിനായി സംസ്ഥാന മുല്ലപ്പെരിയാര്‍ സെല്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ നല്‍കുമോ;

(സി)പുതിയ അണക്കെട്ടുമായി ബന്ധപ്പെട്ട പരിസ്ഥിതി ആഘാത പഠനത്തിനും കേന്ദ്ര വന്യജീവി ബോര്‍ഡിന്റെ അംഗീകാരത്തിനുമായി സ്വീകരിച്ചിട്ടുളള നടപടികള്‍ വിശദമാക്കുമോ?

മുല്ലപ്പെരിയാറില്‍ പുതിയ അണക്കെട്ട് നിര്‍മ്മിക്കുന്നതിനുള്ള നടപടികള്‍

ശ്രീ.രാജു എബ്രഹാം

(എ)മുല്ലപെരിയാറില്‍ പുതിയ അണക്കെട്ട് നിര്‍മ്മിക്കുന്നതിനായി ബഡ്ജറ്റില്‍ തുക വകയിരുത്തിയിട്ടുണ്ടോ; എങ്കില്‍ എത്രയെന്ന് വിശദമാക്കുമോ;

(ബി)പുതിയ അണക്കെട്ട്~ നിര്‍മ്മിക്കുന്നതിനു മുന്‍പായി നടത്തേണ്ട പരിസ്ഥിതി ആഘാത പഠനം നടത്തിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കുമോ;

(സി)ഏത് ഏജന്‍സിയെയാണ് പരിസ്ഥിതി ആഘാത പഠനത്തിനായി തെരഞ്ഞെടുത്തിട്ടുള്ളത്; എന്നാണ് പ്രസ്തുത ഏജന്‍സിയെ തെരഞ്ഞെടുത്തുകൊണ്ട് ഉത്തരവായതെന്നറിയിക്കുമോ;പ്രസ്തുത ഉത്തരവിന്റെ പകര്‍പ്പ് ലഭ്യമാക്കുമോ;

(ഡി)എത്ര രൂപയാണ് പ്രസ്തുത ഏജന്‍സിക്ക് ഫീസായി നല്‍കേണ്ടതെന്നറിയിക്കുമോ; പ്രസ്തുത തുക നല്‍കിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കുമോ; ആയതിന് ഉത്തരവാദികള്‍ ആരെല്ലാമെന്നറിയിക്കുമോ;

(ഇ)2009-ല്‍ പരിസ്ഥിതി ആഘാത പഠനം നടത്താന്‍ കേന്ദ്രവനം പരിസ്ഥിതി മന്ത്രാലയത്തിന്റെ അനുമതിയായിട്ടും നാളിതുവരെ പ്രസ്തുത പഠനം നടത്താന്‍ കഴിയാത്തതിന്റെ കാരണം വ്യക്തമാക്കുമോ;

(എഫ്)മുല്ലപ്പെരിയാര്‍ ഡാം നിര്‍മാണവുമായി ബന്ധപ്പെട്ട വകുപ്പുകളുടെ യോഗം വിളിച്ചുചേര്‍ത്ത് ഇക്കാര്യങ്ങളില്‍ അടിയന്തിര തീരുമാനമെടുക്കുന്നതിന് എന്തൊക്കെ നടപടി സ്വീകരിക്കാനാണ് ഉദ്ദേശിക്കുന്നതെന്ന് എന്ന് വ്യക്തമാക്കുമോ?

തിരുവനന്തപുരം ജില്ലയിലെ സ്വീവേജ് ട്രീറ്റ്മെന്റ് പ്ളാന്റ്

ശ്രീ. എം. എ. വാഹീദ്

(എ)തിരുവനന്തപുരം ജില്ലയില്‍ സ്ഥാപിക്കുന്ന സ്വിവേജ് ട്രീറ്റ്മെന്റ് പ്ളാന്റിന്റെ നിര്‍മ്മാണം ഇപ്പോള്‍ ഏത് ഘട്ടത്തിലാണെന്നറിയിക്കുമോ;

(ബി)പ്രസ്തുത പ്ളാന്റ് നിര്‍മ്മാണം എത്ര കോടി രൂപയുടെ പദ്ധതിയാണ് എന്ന് വ്യക്തമാക്കുമോ;

(സി)പ്രസ്തുത പ്ളാന്റ് നിര്‍മ്മാണം എന്ന് പൂര്‍ത്തിയാക്കാനാകും എന്നാണ് പ്രതീക്ഷിക്കുന്നതെന്നറിയിക്കുമോ?

  next page>>