Questions

മരുന്നുകള്‍ രോഗികളുടെ വീട്ടിലെത്തിക്കുന്ന പദ്ധതി

ശ്രീ. ആര്‍. സെല്‍വരാജ്

,, വര്‍ക്കല കഹാര്‍

,, അന്‍വര്‍ സാദത്ത്

,, പി.എ. മാധവന്‍

താഴെ കാണുന്ന ചോദ്യങ്ങള്‍ക്ക്ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രിസദയം മറുപടി നല്‍കുമോ:

(എ) മരുന്നുകള്‍ രോഗികളുടെ വീട്ടിലെത്തിക്കുന്ന പദ്ധതിക്ക് രൂപം നല്‍കിയിട്ടുണ്ടോ; വിശദമാക്കുമോ;

(ബി) ആരുടെ ആഭിമുഖ്യത്തിലാണ് ഈ പദ്ധതി നടപ്പാക്കുന്നത്; വിശദാംശങ്ങള്‍ എന്തെല്ലാം;

(സി) പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങളും പ്രവര്‍ത്തന രീതിയും എന്തൊക്കെയാണ്; വിശദമാക്കുമോ;

(ഡി) പ്രസ്തുത പദ്ധതിയുടെ ഭാഗമായി ഫാമിലി കാര്‍ഡും ഡിസ്കൌണ്ട് കം ലോയല്‍റ്റി കാര്‍ഡും വിതരണം ചെയ്യുന്ന കാര്യം പരിഗണിക്കുമോ; വിശദാംശങ്ങള്‍ എന്തെല്ലാം?

കാര്‍ഷിക മേഖലയെ സംരക്ഷിക്കാന്‍ പദ്ധതി

ശ്രീ. ജെയിംസ് മാത്യൂ

,, എം. ചന്ദ്രന്‍

,, സി. കെ. സദാശിവന്‍

,, ബി. ഡി. ദേവസ്സി

താഴെ കാണുന്ന ചോദ്യങ്ങള്‍ക്ക്

ജലവിഭവ വകുപ്പുമന്ത്രി

സദയം മറുപടി നല്‍കുമോ:

(എ) കടുത്ത വരള്‍ച്ചയെ തുടര്‍ന്ന് പ്രതിസന്ധിയിലായ കാര്‍ഷിക മേഖലയെ സംരക്ഷിക്കാന്‍ എന്തൊക്കെ പദ്ധതികള്‍ നടപ്പിലാക്കി എന്നറിയിക്കുമോ;

(ബി) കഴിഞ്ഞ ഒരു വര്‍ഷത്തിനിടയില്‍ ഏതെങ്കിലും ജലസേചനപദ്ധതി പൂര്‍ത്തിയാക്കിയിട്ടുണ്ടോ;

(സി) പറമ്പിക്കുളം-ആളിയാര്‍ പദ്ധതിയില്‍ നിന്ന് കരാര്‍ പ്രകാരം വെളളം ലഭിക്കുന്നുണ്ടോ; ഇതിനായി സ്വീകരിച്ച നടപടികള്‍ വിശദമാക്കുമോ;

(ഡി) കാവേരി ട്രിബ്യൂണല്‍ വിധി പ്രകാരം കേരളത്തിന്അര്‍ഹമായ ജലം മുഴുവന്‍ ലഭ്യമാകുന്നുണ്ടോ; അതിന് സ്വീകരിച്ച നടപടികള്‍ വിശദമാക്കാമോ?

കുടിവെള്ളക്ഷാമം പരിഹരിക്കാന്‍ നടപടി

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

,, രാജു എബ്രഹാം

,, വി. ചെന്താമരാക്ഷന്‍

,, എസ്. ശര്‍മ്മ

താഴെ കാണുന്ന ചോദ്യങ്ങള്‍ക്ക്

ജലവിഭവ വകുപ്പുമന്ത്രി

സദയം മറുപടി നല്‍കുമോ:

(എ) കടുത്ത വരള്‍ച്ചയെ തുടര്‍ന്ന് സംസ്ഥാനത്ത് അനുഭവപ്പെടുന്ന കുടിവെള്ളക്ഷാമം പരിഹരിക്കാന്‍ എന്തൊക്കെ നടപടി സ്വീകരിച്ചുവെന്ന് അറിയിക്കാമോ; ഇതിനായി എത്ര തുക അധികമായി ചെലവഴിച്ചു;

(ബി) കുടിവെള്ളക്ഷാമത്തിന്റെ മറവില്‍ സ്വകാര്യ ടാങ്കര്‍ ലോറി ഉടമകള്‍ ജനങ്ങളെ ചൂഷണം ചെയ്യുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്തുനടപടി സ്വീകരിച്ചുവെന്നറിയിക്കുമോ;

(സി) ശുദ്ധജലസ്രോതസ്സില്‍ നിന്നാണ് ടാങ്കറുകള്‍ ജലവിതരണം നടത്തുന്നതെന്ന് ഉറപ്പാക്കാന്‍ എന്ത് സംവിധാനമാണുള്ളത്?

കുടിവെള്ളത്തിന്റെ പരിശുദ്ധി

ശ്രീ. പി.ബി. അബ്ദുള്‍ റസാക്

,, എം. പി. അബ്ദുസ്സമദ് സമദാനി

'' സി. മമ്മൂട്ടി

'' പി.കെ.ബഷീര്‍

താഴെ കാണുന്ന ചോദ്യങ്ങള്‍ക്ക്

ജലവിഭവ വകുപ്പുമന്ത്രി

സദയം മറുപടി നല്‍കുമോ:

(എ) ശുദ്ധമായ കുടിവെള്ളം ജനങ്ങളുടെ ജന്‍മാവകാശമായി അംഗീകരിച്ചിട്ടുണ്ടോ; എങ്കില്‍ വിശദവിവരം നല്‍കുമോ;

(ബി) ശുദ്ധമായ കുടിവെള്ളമാണ് വിതരണം നടത്തുന്നതെന്ന് ഉറപ്പുവരുത്തുവാന്‍ എന്തൊക്കെ മുന്‍കരുതലുകളാണ് നിലവിലുള്ളതെന്ന് വ്യക്തമാക്കുമോ;

(സി) കുടിവെള്ളത്തിന്റെ പരിശുദ്ധി ഉറപ്പാക്കാന്‍ എത്ര ലബോറട്ടറികള്‍ സംസ്ഥാനത്തൊട്ടാകെ പ്രവര്‍ത്തിക്കുന്നുണ്ട്; എവിടെയെല്ലാം?

കടല്‍ത്തീര സംരക്ഷണം

ശ്രീ. വി. എം. ഉമ്മര്‍ മാസ്റര്‍

,, പി. ഉബൈദുള്ള

,, കെ. എം. ഷാജി

,, അബ്ദുറഹിമാന്‍ രണ്ടത്താണി

താഴെ കാണുന്ന ചോദ്യങ്ങള്‍ക്ക്

ജലവിഭവ വകുപ്പുമന്ത്രി

സദയം മറുപടി നല്‍കുമോ:

(എ) കടല്‍ത്തീര സംരക്ഷണാര്‍ത്ഥം സ്വീകരിച്ചുവരുന്ന പ്രതിരോധ നടപടികള്‍ എന്തെല്ലാമെന്ന് വിശദമാക്കുമോ;

(ബി) പരമ്പരാഗത കടല്‍ഭിത്തി നിര്‍മ്മാണം കടലാക്രമണം ചെറുക്കുന്നതിന് ഫലപ്രദമല്ലെന്നും അത് കടല്‍ത്തീരത്തിന് പാരിസ്ഥിതിക പ്രശ്നങ്ങളുണ്ടാക്കുന്നുണ്ടെന്നുള്ള അഭിപ്രായങ്ങള്‍ പരിശോധിച്ചിട്ടുണ്ടോ;

(സി) തീരസംരക്ഷണത്തിനുതകുന്നതും ജൈവവൈവിദ്ധ്യം നിലനിര്‍ത്തി പാരിസ്ഥിതിക പ്രശ്നങ്ങള്‍ സൃഷ്ടിക്കാത്തതുമായ പുതിയ സംവിധാനങ്ങളെക്കുറിച്ചുള്ള നിര്‍ദ്ദേശങ്ങളെന്തെങ്കിലും ലഭിച്ചിട്ടുണ്ടോ; എങ്കില്‍ അത് സംബന്ധിച്ച വിശദവിവരം നല്‍കുമോ ?

സമഗ്ര ആരോഗ്യഇന്‍ഷുറന്‍സ് പദ്ധിയുടെ പ്രവര്‍ത്തനം

ശ്രീ. ഇ. പി. ജയരാജന്‍

,, എ. എം. ആരിഫ്

,, ബാബു. എം. പാലിശ്ശേരി

,, കെ. കെ. ജയചന്ദ്രന്‍

താഴെ കാണുന്ന ചോദ്യങ്ങള്‍ക്ക്

തൊഴിലും പുനരധിവാസവും വകുപ്പുമന്ത്രി

സദയം മറുപടി നല്‍കുമോ:

(എ) സമഗ്ര ആരോഗ്യഇന്‍ഷുറന്‍സ് പദ്ധതിയുടെ നടത്തിപ്പ് യുണൈറ്റഡ് ഇന്ത്യാ ഇന്‍ഷുറന്‍സ് കമ്പനിക്കു പകരം റിലയന്‍സിനെ ഏല്‍പ്പിച്ചതിന്റെ കാരണം വിശദമാക്കുമോ;

(ബി) 2011 ജനുവരി 3 ന് ഇറക്കിയ ഉത്തരവുപ്രകാരം യുണൈറ്റഡ് ഇന്ത്യാ ഇന്‍ഷുറന്‍സ് കമ്പനി ലിമിറ്റഡിനെ 2011-12 മുതല്‍ മൂന്നുവര്‍ഷത്തേയ്ക്ക് പദ്ധതി നടത്തിപ്പ് ഏല്പിച്ച് നല്‍കിയിരുന്നത് മാറ്റാനിടയായ സാഹര്യം വ്യക്തമാക്കുമോ;

(സി) ക്ളെയിം നല്‍കുന്നതില്‍ ഗുരുതരമായ വീഴ്ച വരുത്തിയതിനെ തുടര്‍ന്ന് റിലയന്‍സിനെ രാജസ്ഥാന്‍ സര്‍ക്കാര്‍ കരിമ്പട്ടികയില്‍ ഉള്‍പ്പെടുത്തിയ കാര്യം ശ്രദ്ധയില്‍പ്പെട്ടിട്ടുണ്ടോ; ഇക്കാര്യം പരിഗണിച്ച ശേഷമാണോ പദ്ധതി നടത്തിപ്പ് റിലയന്‍സിനെ ഏല്പിച്ചത്?

കുടിവെള്ളത്തിന് നിയന്ത്രണം

ശ്രീ. കെ. രാജു

,, സി. ദിവാകരന്‍

,, ജി.എസ്. ജയലാല്‍

,, ഇ.കെ. വിജയന്‍

താഴെ കാണുന്ന ചോദ്യങ്ങള്‍ക്ക്

ജലവിഭവ വകുപ്പുമന്ത്രി

സദയം മറുപടി നല്‍കുമോ:

(എ) കുടിവെള്ളത്തിന് നിയന്ത്രണം ഏര്‍പ്പെടുത്തണമെന്ന നിര്‍ദ്ദേശങ്ങളുണ്ടായിട്ടുണ്ടോ; എങ്കില്‍ നഗര പ്രദേശങ്ങളിലും ഗ്രാമപ്രദേശങ്ങളിലും ഏതെല്ലാം തരത്തിലുള്ള നിയന്ത്രണങ്ങള്‍ ഏര്‍പ്പെടുത്തുവാനാണ് നിര്‍ദ്ദേശമുണ്ടായതെന്ന് വിശദമാക്കുമോ;

(ബി) കുടിവെള്ളത്തിന് നിയന്ത്രണം ഏര്‍പ്പെടുത്തണമെന്ന നിര്‍ദ്ദേശങ്ങളിന്‍മേല്‍ സര്‍ക്കാര്‍ തീരുമാനമെടുത്തിട്ടുണ്ടോ; എങ്കില്‍ എന്ത് തീരുമാനമാണെടുത്തിട്ടുള്ളതെന്ന് വ്യക്തമാക്കുമോ?

വിനോദസഞ്ചാര മേഖലയുടെ വളര്‍ച്ചയ്ക്ക് നൂതന ആശയങ്ങള്‍

ശ്രീ. റോഷി അഗസ്റിന്‍

,, പി.സി. ജോര്‍ജ്

,, എം.വി. ശ്രേയാംസ് കുമാര്‍

,, ഡോ. എന്‍. ജയരാജ്

താഴെ കാണുന്ന ചോദ്യങ്ങള്‍ക്ക് പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്തെ വിനോദ സഞ്ചാര മേഖല മുന്‍ വര്‍ഷങ്ങളെ അപേക്ഷിച്ച് നടപ്പു സാമ്പത്തിക വര്‍ഷം എത്രത്തോളം വളര്‍ച്ച പ്രാപിച്ചിട്ടുണ്ട്; വിശദാംശങ്ങള്‍ നല്കുമോ;

(ബി) വിനോദ സഞ്ചാര രംഗത്തുണ്ടായ വളര്‍ച്ച എപ്രകാരമാണ് നിശ്ചയിക്കുന്നത്; വിശദാംശങ്ങള്‍ നല്കുമോ;

(സി) ഈ മേഖലയുടെ സമഗ്രമായ വളര്‍ച്ച ലക്ഷ്യമാക്കി എന്തെല്ലാം നൂതന ആശയങ്ങളാണ് നടപ്പിലാക്കാന്‍ ഉദ്ദേശിക്കുന്നത്; വിശദാംശങ്ങള്‍ അറിയിക്കുമോ;

(ഡി) ഗ്രാമീണ വിനോദ സഞ്ചാരം ഈ മേഖലയുടെ വളര്‍ച്ചയില്‍ എത്രത്തോളം സഹായകരമാകുമെന്ന് വിലയിരുത്തിയിട്ടുണ്ടോ; വിശദാംശങ്ങള്‍ നല്കുമോ;

(ഇ) 2013-14 സാമ്പത്തിക വര്‍ഷം ഗ്രാമീണ മേഖലകളിലെ വിനോദ സഞ്ചാര സാധ്യതകള്‍ പ്രയോജനപ്പെടുത്തുവാന്‍ എന്തെല്ലാം കര്‍മ്മ പദ്ധതികളാണ് വിഭാവനം ചെയ്തിട്ടുളളതെന്ന് വിശദമാക്കുമോ?

ഡോക്ടര്‍മാരുടെ നിര്‍ബന്ധിത ഗ്രാമീണ സേവനം

ശ്രീ. എ. എ. അസീസ്

താഴെ കാണുന്ന ചോദ്യങ്ങള്‍ക്ക്  

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി

സദയം മറുപടി നല്‍കുമോ:

(എ) മെഡിക്കല്‍ കോളേജ്കളില്‍ നിന്നും എം.ബി.ബി.എസ്. പഠനം പൂര്‍ത്തിയാക്കി പുറത്തിറങ്ങുന്ന ഡോക്ടര്‍മാര്‍ക്ക്, ഗ്രാമീണ സേവനം നടപ്പിലാക്കിയിരുന്നത് ഇപ്പോള്‍ നിലവിലുണ്ടോ; ഇല്ലെങ്കില്‍ കാരണം വ്യക്തമാക്കുമോ;

(ബി) ഗ്രാമീണ മേഖലകളിലെ ഡോക്ടര്‍മാരുടെ ദൌര്‍ലഭ്യം പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

യുവജനങ്ങളെ ഭിന്നിപ്പിക്കല്‍

ശ്രീ. പി. ശ്രീരാമകൃഷ്ണന്‍

,, റ്റി. വി. രാജേഷ്

,, കെ. ദാസന്‍

ഡോ. കെ. ടി. ജലീല്‍

താഴെ കാണുന്ന ചോദ്യങ്ങള്‍ക്ക്

പട്ടികവര്‍ഗ്ഗ ക്ഷേമവും യുവജനകാര്യവും കാഴ്ചബംഗ്ളാവുകളും മൃഗശാലകളും വകുപ്പുമന്ത്രി

സദയം മറുപടി നല്‍കുമോ:

(എ) യുവജനങ്ങളെ വര്‍ഗീയ തീവ്രവാദ ജാതീയ ചേരികളിലാക്കി ഭിന്നിപ്പിക്കാനും രാഷ്ട്രീയ അവബോധം ഇല്ലാതാക്കുവാനും സംഘടിതമായ ശ്രമങ്ങള്‍ സംസ്ഥാനത്ത് നടന്നു വരുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി) ഇത്തരം ശ്രമങ്ങളെ തുറന്ന് കാട്ടാനും, പ്രവണതകളെ അവസാനിപ്പിക്കാനും തയ്യാറാകുമോ;

(സി) യുവജനക്ഷേമ ബോര്‍ഡ് ഇതു സംബന്ധിച്ച് നടപടി സ്വീകരിച്ചിട്ടുണ്ടോ; വിശദമാക്കാമോ? 

സെല്‍ഫ് സഫിഷ്യന്റ് വില്ലേജ് പദ്ധതിയുടെ പുരോഗതി

ശ്രീ. ആര്‍. രാജേഷ്

,, എസ്. ശര്‍മ്മ

,, ജി. സുധാകരന്‍

,, രാജു എബ്രഹാം

താഴെ കാണുന്ന ചോദ്യങ്ങള്‍ക്ക്

പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി

സദയം മറുപടി നല്‍കുമോ:

(എ) പട്ടികജാതിവികസന വകുപ്പ് നടപ്പിലാക്കുന്ന സെല്‍ഫ് സഫിഷ്യന്റ് വില്ലേജ് പദ്ധതിയുടെ വിശദാംശങ്ങള്‍ നല്‍കുമോ;

(ബി) പ്രസ്തുത പദ്ധതിയുടെ പുരോഗതി വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ?

എംപ്ളോയ്മെന്റ് എക്സ്ചേഞ്ചുകളുടെ പുന:സംഘടന

ശ്രീ. പാലോട് രവി

,, കെ. മുരളീധരന്‍

,, എം. പി വിന്‍സെന്റ്

,, പി. സി. വിഷ്ണുനാഥ്

താഴെ കാണുന്ന ചോദ്യങ്ങള്‍ക്ക്

തൊഴിലും പുനരധിവാസവും വകുപ്പുമന്ത്രി

സദയം മറുപടി നല്‍കുമോ:

(എ) എംപ്ളോയ്മെന്റ് എക്സ്ചേഞ്ചുകള്‍ പുന:സംഘടിപ്പിക്കാനുളള പദ്ധതിക്ക് രൂപം നല്‍കിയിട്ടുണ്ടോ; വിശദമാക്കുമോ;

(ബി) തൊഴില്‍രഹിതരെ ഏതെങ്കിലും മേഖലയില്‍ പ്രാപ്തരാക്കുക എന്ന ലക്ഷ്യം മുന്‍നിര്‍ത്തി എന്തെല്ലാം കാര്യങ്ങളാണ് പ്രസ്തുത പദ്ധതിയില്‍ ഉള്‍പ്പെടുത്തിയിരിക്കുന്നത്; വിശദാംശങ്ങള്‍ എന്തെല്ലാം;

(സി) രജിസ്റര്‍ ചെയ്തിട്ടുളളവര്‍ക്ക് പരിശീലനം നല്‍കുന്നതിനുളള വ്യവസ്ഥകള്‍ പദ്ധതിയില്‍ ഉള്‍പ്പെടുത്തുമോ; വിശദമാക്കുമോ?

വരള്‍ച്ചാ പ്രതിരോധ പ്രവര്‍ത്തനങ്ങള്‍ക്കായി കേന്ദ്രം അനുവദിച്ച പദ്ധതികള്‍

ശ്രീ. കെ. വി. വിജയദാസ്

ഡോ. ടി. എം. തോമസ് ഐസക്

ശ്രീ. എസ്. രാജേന്ദ്രന്‍

,, പി. റ്റി. എ. റഹീം

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)  കുടിവെള്ളം, കൃഷി, ജലസേചനം തുടങ്ങിയ മേഖലകളില്‍ വരള്‍ച്ചാ പ്രതിരോധ പ്രവര്‍ത്തനങ്ങള്‍ക്കായി കേന്ദ്രത്തിന് ഏതൊക്കെ പദ്ധതികളാണ് സമര്‍പ്പിച്ചതെന്ന് വ്യക്തമാക്കുമോ;

(ബി) കേന്ദ്രം ഏതൊക്കെ പദ്ധതികള്‍ അനുവദിച്ചു; അവയ്ക്കോരോന്നിനും എത്ര തുക വീതം ലഭ്യമാക്കിയെന്നറിയിക്കാമോ;

(സി) തിരുവനന്തപുരം, കൊല്ലം, ഇടുക്കി, വയനാട് ജില്ലകള്‍ക്കായി കഴിഞ്ഞ വര്‍ഷം എന്തു തുകയാണ് അനുവദിച്ചത്;

(ഡി) അനുവദിച്ച ഫണ്ട് ലഭ്യമായിട്ടുണ്ടോ; ഇല്ലെങ്കില്‍ എന്തുകൊണ്ടാണെന്ന് വിശദമാക്കാമോ ?

ജീവിതശൈലീ രോഗ നിയന്ത്രണത്തിനുള്ള  കര്‍മ്മ പദ്ധതി

ശ്രീ. ഷാഫി പറമ്പില്‍

,, കെ. മുരളീധരന്‍

,, എം.എ. വാഹീദ്

,, ലൂഡി ലൂയിസ്

താഴെ കാണുന്ന ചോദ്യങ്ങള്‍ക്ക് 

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) ജീവിതശൈലീ രോഗ നിയന്ത്രണത്തിനുള്ള നൂതന കര്‍മ്മ പദ്ധതിക്ക് തുടക്കം കുറിച്ചിട്ടുണ്ടോ; വിശദമാക്കുമോ;

(ബി) പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തൊക്കെയാണ്; വിശദാംശങ്ങള്‍ എന്തെല്ലാം;

(സി) എന്തെല്ലാം സേവനങ്ങളാണ് പ്രസ്തുത പദ്ധതിയിലൂടെ ലഭ്യമാക്കാനുദ്ദേശിക്കുന്നത്;

(ഡി) ജീവിതശൈലീ രോഗ നിയന്ത്രണ ബോധവല്‍ക്കരണ പ്രവര്‍ത്തനങ്ങള്‍, പദ്ധതിയില്‍ ഉള്‍പ്പെടുത്തിയിട്ടുണ്ടോ; വിശദാംശം ലഭ്യമാക്കുമോ?

നോക്കുകൂലി

ശ്രീ. ഡൊമനിക് പ്രസന്റേഷന്‍

,, വി. ഡി. സതീശന്‍

,, അന്‍വര്‍ സാദത്ത്

,, ബെന്നി ബെഹനാന്‍

താഴെ കാണുന്ന ചോദ്യങ്ങള്‍ക്ക് 

തൊഴിലും പുനരധിവാസവും വകുപ്പുമന്ത്രി

സദയം മറുപടി നല്‍കുമോ:

(എ) സംസ്ഥാനത്തെ നോക്കുകൂലി വിമുക്തമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

(ബി) ഏതെല്ലാം ജില്ലകളെ നോക്കുകൂലി വിമുക്ത ജില്ലകളായി പ്രഖ്യാപിച്ചിട്ടുണ്ട്; വിശദാംശങ്ങള് എന്തെല്ലാം;

(സി) പ്രസ്തുത ജില്ലകളിലെ നോക്കുകൂലി പ്രശ്നങ്ങള്‍ കൈകാര്യം ചെയ്യുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

(ഡി) ശേഷിക്കുന്ന ജില്ലകളെ കൂടി നോക്കുകൂലി വിമുക്ത ജില്ലകളാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്?

ഭക്ഷ്യവസ്തുക്കളുടെ ഗുണനിലവാരം

ശ്രീ. പി. ഉബൈദുള്ള

താഴെ കാണുന്ന ചോദ്യങ്ങള്‍ക്ക് 

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) മനോഹരമായി പായ്ക്ക് ചെയ്ത് സംസ്ഥാനത്തുടനീളം വിപണനം ചെയ്യുന്ന ബദാംമിക്സ്, പിസ്താ പൌഡര്‍, ഐസ്ക്രീം പൌഡര്‍, ചോക്ളേറ്റ് പൌഡര്‍, ഗ്ളൂക്കോസ് പൌഡര്‍, ജൂസ് പൌഡര്‍ എന്നീ പേരുകളിലറിയപ്പെടുന്ന വസ്തുക്കളുടെ ഗുണനിലവാരമോ, അവയിലടങ്ങിയിട്ടുള്ള വസ്തുക്കളെയോ സംബന്ധിച്ച് ഏതെങ്കിലും ഏജന്‍സി പരിശോധന നടത്തിയിട്ടുണ്ടോ; എങ്കില്‍ പരിശോധനാഫലം വെളിപ്പെടുത്തുമോ;

(ബി) ഇവയുടെ ഉറവിടമോ; ഉല്പാദന കേന്ദ്രങ്ങളോ പരിശോധിച്ച് സുരക്ഷാ സംവിധാനങ്ങള്‍ ഉറപ്പു വരുത്തിയിട്ടുണ്ടോ;

(സി) ഇവയില്‍ ഹാനികരമായ രാസവസ്തുക്കള്‍, അജിനാമോട്ടോ, നിരോധിത നിറങ്ങള്‍, എന്നിവ ചേര്‍ത്തിട്ടുണ്ടോ എന്ന കാര്യം ആരും പരിശോധിക്കാറില്ലെന്നും അതു സംബന്ധിച്ച കേസുകളൊന്നും രജിസ്റര്‍ ചെയ്യാറില്ലെന്നുമുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഡി) കുട്ടികളില്‍ ഗുരുതര ആരോഗ്യ പ്രശ്നങ്ങള്‍ സൃഷ്ടിക്കുന്ന ഇത്തരം ഭക്ഷ്യവസ്തുക്കള്‍ വിപണനം നടത്തുന്നതിനെതിരെ കര്‍ശന നടപടിക്ക് നിര്‍ദ്ദേശം നല്‍കുമോ?

തൊഴില്‍ വകുപ്പിന്റെ കീഴിലുളള ക്ഷേമനിധി ബോര്‍ഡുകളുടെ പ്രവര്‍ത്തനം

ശ്രീ. കെ. ദാസന്‍

,, എളമരം കരീം

,, കെ.കെ. നാരായണന്‍

,, സി.കെ. സദാശിവന്‍

താഴെ കാണുന്ന ചോദ്യങ്ങള്‍ക്ക്

തൊഴിലും പുനരധിവാസവും വകുപ്പുമന്ത്രി

സദയം മറുപടി നല്‍കുമോ:

(എ) തൊഴില്‍ വകുപ്പില്‍ വ്യാപകമായി അഴിമതിയും സ്വജനപക്ഷപാതവുമുണ്ടെന്ന് ഐ. എന്‍.ടി.യു.സി അഖിലേന്ത്യാ നേതാവിന്റെ പ്രസ്താവന സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ഇതേക്കുറിച്ച് എന്തെങ്കിലും അന്വേഷണം നടത്തുകയുണ്ടായോ;

(ബി) തൊഴില്‍വകുപ്പിന്റെ കീഴിലുളള ക്ഷേമനിധികള്‍ മിക്കതും കുത്തഴിഞ്ഞതായി മാറിയിരിക്കുന്നു എന്ന പ്രസ്താവനയുടെ പശ്ചാത്തലത്തില്‍ ക്ഷേമനിധി ബോര്‍ഡുകള്‍ ഓരോന്നിന്റെയും 2012-13 വര്‍ഷം വരെയുളള പ്രവര്‍ത്തനം വിശദമാക്കുമോ?

വെര്‍ച്ച്വല്‍ ക്ളാസ് റൂം

ശ്രീ. റ്റി. എന്‍. പ്രതാപന്‍

,, സണ്ണി ജോസഫ്

,, എ. പി. അബ്ദുള്ളക്കുട്ടി

,, ഐ. സി. ബാലകൃഷ്ണന്‍

താഴെ കാണുന്ന ചോദ്യങ്ങള്‍ക്ക്

തൊഴിലും പുനരധിവാസവും വകുപ്പുമന്ത്രി

സദയം മറുപടി നല്‍കുമോ:

(എ)      ഐ.റ്റി.ഐ.കളില്‍ വെര്‍ച്ച്വല്‍ ക്ളാസ് റൂം ആരംഭിച്ചിട്ടുണ്ടോ;

(ബി) ഇതിന്റെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; വിശദാംശങ്ങള്‍ എന്തെല്ലാം;

(സി) ഇതിന് ഏതെല്ലാം ആധുനികസാങ്കേതികവിദ്യകളാണ് ഉപയോഗി ക്കുന്നത്;

(ഡി) ഏതെല്ലാം ഏജന്‍സികളുടെ സഹകരണത്തോടെയാണ് ഈ പദ്ധതി നടപ്പിലാക്കുന്നത്; വിശദമാക്കുമോ?

എംപ്ളോയ്മെന്റ് എക്സ്ചേഞ്ചുകളുടെ പുനസംഘടന

ശ്രീ. എം. ഉമ്മര്‍

,, എന്‍. ഷംസുദ്ദീന്‍

,, എന്‍. എ. നെല്ലിക്കുന്ന്

,, സി. മോയിന്‍കുട്ടി

താഴെ കാണുന്ന ചോദ്യങ്ങള്‍ക്ക്

തൊഴിലും പുനരധിവാസവും വകുപ്പുമന്ത്രി

സദയം മറുപടി നല്‍കുമോ:

(എ) എംപ്ളോയ്മെന്റ് എക്സ്ചേഞ്ചുകളുടെ പ്രവര്‍ത്തനം കാലാനുസൃതമായി പുനഃസംഘടിപ്പിക്കാന്‍ ഉദ്ദേശിക്കുന്നുണ്ടോ ; എങ്കില്‍ വിശദമാക്കുമോ ;

(ബി) എംപ്പോയ്മെന്റ് എക്സ്ചേഞ്ചുകളില്‍ രജിസ്റര്‍ ചെയ്തശേഷം, സ്ഥിരവരുമാനമുള്ള ജോലി ലഭിച്ചവരെ റോളില്‍നിന്നും ഒഴിവാക്കാറുണ്ടോ ; എങ്കില്‍ അതിന് അനുവര്‍ത്തിച്ചുവരുന്ന രീതി വിശദമാക്കുമോ ;

(സി) വര്‍ഷങ്ങള്‍ക്കുമുമ്പ് രജിസ്റര്‍ ചെയ്ത് സ്ഥിരമായി പുതുക്കുന്നവരെ ഒരു പ്രാവശ്യംപോലും നിയമനത്തിനായി പരിഗണിക്കാതിരിക്കുന്നുവെന്ന പരാതി ശ്രദ്ധയില്‍പ്പെട്ടിട്ടുണ്ടോ ; എങ്കില്‍ അത് പരിഹരിക്കാന്‍ എന്ത് നടപടികള്‍ സ്വീകരിക്കാനാണ് ഉദ്ദേശിക്കുന്നത് ;

(ഡി) സംസ്ഥാനത്തെ തൊഴില്‍രഹിതരുടെ എണ്ണം 1-1-2012 പ്രകാരം എത്രയാണെന്ന് വ്യക്തമാക്കാമോ ?

പട്ടികവര്‍ഗ്ഗ കുടുംബങ്ങളുടെ പുനരധിവാസം

ശ്രീ. ബി. സത്യന്‍

,, സി. കൃഷ്ണന്‍

,, ആര്‍. രാജേഷ്

,, പുരുഷന്‍ കടലുണ്ടി

താഴെ കാണുന്ന ചോദ്യങ്ങള്‍ക്ക്

പട്ടികവര്‍ഗ്ഗക്ഷേമവും യുവജനകാര്യവും കാഴ്ചബംഗ്ളാവുകളും

മൃഗശാലകളും വകുപ്പുമന്ത്രി

സദയം മറുപടി നല്‍കുമോ:

(എ) പട്ടികവര്‍ഗ്ഗത്തില്‍പ്പെട്ട എല്ലാ കുടുംബങ്ങള്‍ക്കും വീട് നല്‍കുന്നതിനും പുനരധിവാസം നടപ്പിലാക്കാനുമായി പദ്ധതികള്‍ പ്രഖ്യാപിച്ചിരുന്നോ; വിശദാംശം നല്‍കുമോ ;

(ബി) പ്രസ്തുത പദ്ധതിയുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

(സി) പദ്ധതി ലക്ഷ്യം നേടിയതായി കരുതുന്നുണ്ടോ; ഇല്ലെങ്കില്‍ അതിന്റെ കാരണം വിലയിരുത്തിയിട്ടുണ്ടോ; വിശദമാക്കുമോ ?

ആശാപ്രവര്‍ത്തകര്‍ക്കുള്ള ഓണറേറിയം

ഡോ. ടി. എം. തോമസ് ഐസക്

ശ്രീ. പി. കെ. ഗുരുദാസന്‍

,, എ. എം. ആരിഫ്

ശ്രീമതി കെ. എസ്. സലീഖ

താഴെ കാണുന്ന ചോദ്യങ്ങള്‍ക്ക്

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) ആശാപ്രവര്‍ത്തകര്‍ക്ക് നല്‍കേണ്ട ഓണറേറിയം കൃത്യമായി ലഭിക്കുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ അടിയന്തിര നടപടി സ്വീകരിക്കുമോ;

(ബി) സര്‍ക്കാര്‍ പ്രഖ്യാപിച്ചതിലും കുറഞ്ഞ തുക ഓണറേറിയമായി നല്‍കുന്നത് ശ്രദ്ധയില്‍പ്പെട്ടിട്ടുണ്ടോ;

(സി) ഓണറേറിയം 3000 രൂപയായി ഉയര്‍ത്തണമെന്ന ആശാപ്രവര്‍ത്തകരുടെ ആവശ്യത്തില്‍, സര്‍ക്കാരിന്റെ നിലപാട് അറിയിക്കുമോ;

(ഡി) കഴിഞ്ഞ സാമ്പത്തിക വര്‍ഷവും ഈ സാമ്പത്തിക വര്‍ഷം നാളിതുവരെയും ഓണറേറിയം നല്‍കാനായി ചെലവഴിച്ച തുകയെത്രയെന്ന് അറിയിക്കുമോ?

108 ആംബുലന്‍സ്

ശ്രീ. കെ. അച്ചുതന്‍

,, എ. ടി. ജോര്‍ജ്

,, സി. പി. മുഹമ്മദ്

,, റ്റി. എന്‍. പ്രതാപന്‍

താഴെ കാണുന്ന ചോദ്യങ്ങള്‍ക്ക്

ആരോഗ്യവും കുടുംബക്ഷേമവും ദേവസ്വവുംവകുപ്പുമന്ത്രി

സദയം മറുപടി നല്‍കുമോ:

(എ) 108 ആംബുലന്‍സ് ശൃംഖല സംസ്ഥാനത്തെ എല്ലാ ജില്ലകളിലേയ്ക്കും വ്യാപിപ്പിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ;

(ബി) ഇതിന് എന്തെല്ലാം കേന്ദ്രസഹായമാണ് ലഭിക്കുന്നത്; വിശദാംശങ്ങള്‍ എന്തെല്ലാം;

(സി) ഈ ആംബുലന്‍സുകളില്‍ എന്തെല്ലാം സംവിധാനങ്ങളാണ് ഏര്‍പ്പെടുത്താനുദ്ദേശിക്കുന്നത്; വിശദമാക്കുമോ ?

സ്വാശ്രയ മെഡിക്കല്‍ കോളേജുകളിലെ പ്രവേശന തട്ടിപ്പ്

ശ്രീ. റ്റി. വി. രാജേഷ്

,, എം. എ. ബേബി

,, പി. ശ്രീരാമകൃഷ്ണന്‍

,, കെ. സുരേഷ് കുറുപ്പ്

താഴെ കാണുന്ന ചോദ്യങ്ങള്‍ക്ക്

ആരോഗ്യവും കുടുംബക്ഷേമവും ദേവസ്വവുംവകുപ്പുമന്ത്രി

സദയം മറുപടി നല്‍കുമോ:

(എ) സര്‍ക്കാരുമായി കരാറിലേര്‍പ്പെടാത്ത സ്വകാര്യ സ്വാശ്രയ മെഡിക്കല്‍ കോളേജുകളില്‍ പ്രവേശന തട്ടിപ്പ് നടത്തിയ കാര്യം ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

(ബി) പ്രസ്തുത കോളേജുകള്‍ക്കെതിരെ ഇതുവരെ എന്ത് നടപടി സ്വീകരിച്ചുവെന്ന് അറിയിക്കുമോ;

(സി) അംഗീകാരം റദ്ദാക്കാതിരിക്കാനായി മാനേജ്മെന്റുകള്‍ കോടതിയെ സമീപിച്ചപ്പോള്‍ സര്‍ക്കാരിനുവേണ്ടി ഹാജരായ അഡീഷണല്‍ അഡ്വക്കേറ്റ് ജനറല്‍ ഉന്നയിച്ച വാദങ്ങള്‍ എന്താണെന്നറിയിക്കുമോ;

(ഡി) കരാറിലേര്‍പ്പെടാത്ത മറ്റ് മാനേജ്മെന്റുകളുടെ കീഴിലുള്ള കോളേജുകളിലും പരിശോധന നടത്താനായി ഒരു സമിതിയെ നിയോഗിക്കുമോ ?

അനാരോഗ്യം സൃഷ്ടിക്കുന്നതില്‍ മദ്യത്തിനുള്ള പങ്ക്

ശ്രീ. പി.കെ. ബഷീര്‍

,, എം.പി.അബ്ദുസ്സമദ് സമദാനി

,, സി. മമ്മൂട്ടി

,, പി.ബി. അബ്ദുള്‍ റസാക്

താഴെ കാണുന്ന ചോദ്യങ്ങള്‍ക്ക്

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി

സദയം മറുപടി നല്‍കുമോ:

(എ) സംസ്ഥാനത്തെ ആരോഗ്യകേന്ദ്രങ്ങളില്‍ ചികിത്സ തേടിയെത്തുന്നവരില്‍, രോഗഹേതുവായ ഘടകങ്ങളില്‍, മദ്യത്തിനുള്ള പങ്കിനെക്കുറിച്ച് പരിശോധിക്കാന്‍ എന്തെങ്കിലും സംവിധാനം ഇപ്പോള്‍ നിലവിലുണ്ടോ;

(ബി) അനാരോഗ്യം സൃഷ്ടിക്കുന്നതില്‍ മദ്യത്തിനുള്ള പങ്കിനെക്കുറിച്ചുള്ള പഠനം രോഗികളില്‍ എപ്പോഴെങ്കിലും നടത്തിയിട്ടുണ്ടോ; എങ്കില്‍, അതുസംബന്ധിച്ച വിവരങ്ങള്‍ വെളിപ്പെടുത്തുമോ;

(സി) ഈ വിഷയത്തില്‍ സംസ്ഥാനത്തെ സ്വകാര്യ ആരോഗ്യ സ്ഥാപനങ്ങളിലുള്‍പ്പെടെ സമഗ്രമായ ഒരു പഠനം ഒരു കാലപരിധിക്കുള്ളില്‍ നടത്തുകയും, ശേഖരിക്കുന്ന വിവരങ്ങള്‍ പ്രസിദ്ധപ്പെടുത്തുകയും ചെയ്യുമോ?

സീപ്ളെയിന്‍ സര്‍വ്വീസ് പദ്ധതി

ശ്രീ. എ.റ്റി. ജോര്‍ജ്

,, പി. എ. മാധവന്‍

,, സണ്ണി ജോസഫ്

,, എ. പി. അബ്ദുള്ളക്കുട്ടി

താഴെ കാണുന്ന ചോദ്യങ്ങള്‍ക്ക്

പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി

സദയം മറുപടി നല്‍കുമോ:

(എ) സംസ്ഥാനത്ത് സീപ്ളെയിന്‍ സര്‍വ്വീസ് പദ്ധതിക്ക് രൂപം നല്‍കിയിട്ടുണ്ടോ; വിശദാംശങ്ങള്‍ എന്തെല്ലാം;

(ബി) പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാം;

(സി) ഏതെല്ലാം വിമാനത്താവളങ്ങള്‍ കേന്ദ്രീകരിച്ചാണ് സര്‍വ്വീസ് നടത്താനുദ്ദേശിക്കുന്നത്;

(ഡി) ഇതിനായി ഏതെല്ലാം ടൂറിസ്റ് കേന്ദ്രങ്ങളാണ് തെരഞ്ഞെടുത്തിട്ടുള്ളത്; വിശദാംശങ്ങള്‍ എന്തെല്ലാമെന്നു വ്യക്തമാക്കുമോ?

ഹോട്ടലുകളിലെ ഭക്ഷ്യവിഷബാധ

ശ്രീ. കെ. സുരേഷ് കുറുപ്പ്

പ്രൊഫ. സി. രവീന്ദ്രനാഥ്

ശ്രീ. കെ.കെ. ജയചന്ദ്രന്‍

,, സാജു പോള്‍

താഴെ കാണുന്ന ചോദ്യങ്ങള്‍ക്ക്

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി

സദയം മറുപടി നല്‍കുമോ:

(എ) ഹോട്ടല്‍ ഭക്ഷണത്തില്‍ നിന്ന് ഭക്ഷ്യവിഷബാധയേല്‍ക്കുന്നവരുടെ എണ്ണം വര്‍ദ്ധിച്ചുവരുന്നതായ വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

ബി) ഭക്ഷ്യവിഷബാധയെ തുടര്‍ന്ന് പൂട്ടിയ വന്‍കിട/ചെറുകിട ഹോട്ടലുകളും ബേക്കറികളും അതിനടുത്ത ദിവസം തന്നെ തുറന്ന് പ്രവര്‍ത്തിക്കാനിടയാകുന്ന സാഹചര്യം വിലയിരുത്തിയിട്ടുണ്ടോ; വിശദമാക്കുമോ; മള്‍ട്ടി ഡിസിപ്ളിനറി കമ്മിറ്റിയുടെ പരിശോധനയക്ക് ശേഷമാണോ ഇവ തുറന്ന് പ്രവര്‍ത്തിച്ചത്;

(സി) ശക്തവും മാതൃകാപരവുമായ തുടര്‍നടപടികളില്ലാത്തതിനാലാണ് ഒരേ സ്ഥാപനത്തില്‍ കുറ്റം ആവര്‍ത്തിക്കുന്നതിനും രാഷ്ട്രപതി, സംസ്ഥാന മന്ത്രിമാര്‍ തുടങ്ങിയ വിവിഐപി കള്‍ക്ക് പഴയ ഭക്ഷം നല്‍കാനിടയായതെന്നുമുള്ള കാര്യം ശ്രദ്ധയില്‍പ്പെട്ടിട്ടുണ്ടോ?

അനധികൃത മാനസികാരോഗ്യ കേന്ദ്രങ്ങള്‍

ശ്രീമതി. കെ. എസ്. സലീഖ

ശ്രീ. പി.കെ. ഗുരുദാസന്‍

,, എ. പ്രദീപ്കുമാര്‍

,, വി. ശിവന്‍കുട്ടി

താഴെ കാണുന്ന ചോദ്യങ്ങള്‍ക്ക്

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി

സദയം മറുപടി നല്‍കുമോ:

(എ) ലൈസന്‍സില്ലാതെ പ്രവര്‍ത്തിക്കുന്ന മാനസികാരോഗ്യ കേന്ദ്രങ്ങളെ നിയന്ത്രിക്കാന്‍ എന്തെക്കെ നടപടികളാണ് സ്വീകരിച്ചിട്ടുളളതെന്ന് വ്യക്തമാക്കുമോ;

(ബി) ലൈസന്‍സിനായി അപേക്ഷിച്ച 107 സ്വകാര്യ മാനസികാരോഗ്യ കേന്ദ്രങ്ങളില്‍ എത്രയെണ്ണത്തിനാണ് അംഗീകാരം നല്‍കിയതെന്ന് അറിയിക്കുമോ; ബാക്കിയുളളവയുടെ പ്രവര്‍ത്തനം നിര്‍ത്താന്‍ എന്തൊക്കെ നടപടികള്‍ കൈക്കൊണ്ടിട്ടുണ്ട്;

(സി) അനധികൃത കേന്ദ്രങ്ങളെ കണ്ടുപിടിച്ച് നിയന്ത്രിക്കാന്‍ എന്തൊക്കെ നടപടി സ്വീകരിച്ചു എന്നറിയിക്കുമോ;

(ഡി) അശാസ്ത്രീയ ചികിത്സാരീതികള്‍ പിന്തുടരുന്ന സ്ഥാപനങ്ങളുടെ മേല്‍ സ്വീകരിച്ച നടപടികള്‍ വിശദമാക്കാമോ;

(ഇ) സ്വകാര്യ മാനസികാരോഗ്യ കേന്ദ്രങ്ങളുടെ പ്രവര്‍ത്തനം നിരീക്ഷിക്കാന്‍ മാനസികാരോഗ്യകേന്ദ്രങ്ങളുടെ കാര്യത്തിലെന്ന പോലെ മോണിറ്ററിംഗ് കമ്മറ്റിയോ, ബോര്‍ഡ് ഓഫ് വിസിറ്റേഴ്സോ രൂപീകരിക്കുന്ന കാര്യം സര്‍ക്കാര്‍ പരിഗണിക്കുമോ?

സമഗ്ര ആരോഗ്യ ഇന്‍ഷ്വറന്‍സ് പദ്ധതി

ശ്രീ. പി. തിലോത്തമന്‍

,, സി. ദിവാകരന്‍

,, ഇ. ചന്ദ്രശേഖരന്‍

ശ്രീമതി ഇ. എസ്. ബിജിമോള്‍

താഴെ കാണുന്ന ചോദ്യങ്ങള്‍ക്ക്

തൊഴിലും പുനരധിവാസവും വകുപ്പുമന്ത്രി

സദയം മറുപടി നല്‍കുമോ:

(എ) സമഗ്ര ആരോഗ്യ ഇന്‍ഷ്വറന്‍സ് പദ്ധതി സംസ്ഥാനത്ത് നടപ്പാക്കി വരുന്ന ഇന്‍ഷ്വറന്‍സ് കമ്പനി ഏതാണ്;

(ബി) പ്രസ്തുത പദ്ധതി മറ്റേതെങ്കിലും കമ്പനികള്‍ക്ക് കൈമാറാന്‍ തീരുമാനിച്ചിട്ടുണ്ടോ; ഉണ്ടെങ്കില്‍ എന്തുകൊണ്ടാണെന്ന് വ്യക്തമാക്കുമോ?;

(സി) സ്വകാര്യ സ്ഥാപനങ്ങളിലൂടെ പ്രസ്തുത പദ്ധതി കാര്യക്ഷമമായി നടത്താന്‍ കഴിയില്ലെന്നുളള ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍, പ്രസ്തുത പദ്ധതി കാര്യക്ഷമമായി മുന്നോട്ടുകൊണ്ടുപോകുന്നതിന് എന്തു നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കുമോ?

സ്വകാര്യ പങ്കാളിത്തംവഴി കുടിവെള്ള വിതരണം

ശ്രീ. ജോസ് തെറ്റയില്‍

ശ്രീമതി ജമീലാ പ്രകാശം

ശ്രീ. മാത്യു റ്റി.തോമസ്

,, സി.കെ. നാണു

താഴെ കാണുന്ന ചോദ്യങ്ങള്‍ക്ക്

ജലവിഭവ വകുപ്പുമന്ത്രി

സദയം മറുപടി നല്‍കുമോ:

(എ) കുടിവെള്ള വിതരണത്തിനായി സ്വകാര്യ പങ്കാളിത്ത കമ്പനി രൂപീകരിക്കുവാന്‍ തീരുമാനിച്ചിട്ടുണ്ടോ;

(ബി) എങ്കില്‍ പ്രസ്തുത കമ്പനിയുടെ ഘടന എന്താണെന്ന് വിശദമാക്കാമോ;

(സി) കേരള വാട്ടര്‍ അതോറിറ്റി എന്ന സ്ഥാപനം നിലവിലുള്ളപ്പോള്‍ കുടിവെള്ള വിതരണ മേഖല സ്വകാര്യവല്‍ക്കരിക്കുവാനുള്ള നീക്കം പൊതുജനങ്ങളുടെ താത്പര്യങ്ങള്‍ക്ക് വിരുദ്ധമാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഡി) കുടിവെള്ളം വാണിജ്യവല്‍ക്കരിക്കപ്പെടാതിരിക്കുവാന്‍ എന്തെങ്കിലും നടപടി സ്വീകരിക്കുവാന്‍ ഉദ്ദേശിക്കുന്നുണ്ടോ?

സൌജന്യ ജനറിക് മരുന്നു വിതരണം

ശ്രീ. എ. കെ. ബാലന്‍

,, എളമരം കരീം

പ്രൊഫ. സി. രവീന്ദ്രനാഥ്

ശ്രീമതി പി. അയിഷാ പോറ്റി

താഴെ കാണുന്ന ചോദ്യങ്ങള്‍ക്ക്

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി

സദയം മറുപടി നല്‍കുമോ:

(എ) സൌജന്യ ജനറിക് മരുന്നു വിതരണത്തിന് കൂടുതല്‍ തുക അനുവദിക്കുമെന്ന് മുഖ്യമന്ത്രി പ്രഖ്യാപിച്ചിട്ടുണ്ടോ ;

(ബി) ഇപ്പോള്‍ പ്രസ്തുത പദ്ധതി ഏതൊക്കെ ആശുപത്രികളിലാണ് പ്രാവര്‍ത്തികമാക്കിയിരിക്കുന്നതെന്ന് അറിയിക്കാമോ ;

(സി) ആവശ്യമായ ബഡ്ജറ്റ് വിഹിതം അനുവദിക്കാതെ പ്രസ്തുത പദ്ധതി നടപ്പാക്കിയതുവഴി പദ്ധയില്‍പ്പെടാത്ത ആശുപത്രികളില്‍ ചികിത്സയ്ക്കെത്തുന്ന പാവപ്പെട്ട രോഗികള്‍ക്ക് മരുന്നു ലഭ്യമാക്കുന്നതില്‍ വീഴ്ച വന്നിട്ടുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ ; സംസ്ഥാനത്തൊട്ടാകെ പദ്ധതി നടപ്പാക്കാനാവശ്യമായ തുക എത്രയെന്ന് വ്യക്തമാക്കാമോ ;

(ഡി) കെ.എം.എസ്.സി.എല്‍. വഴി വാങ്ങി വിതരണം ചെയ്യുന്ന മരുന്നുകളുടെ പ്രതിമാസ കണക്ക് പ്രസ്തുത പദ്ധതി നടപ്പാക്കുന്നതിനു മുമ്പും ശേഷവും വിലയിരുത്തിയിട്ടുണ്ടോ ; എങ്കില്‍ വിശദാംശം നല്‍കുമോ ; ഇതില്‍ കാരുണ്യ കമ്മ്യൂണിറ്റി ഫാര്‍മസികള്‍ വഴി വിറ്റഴിച്ച മരുന്നുകളെത്രയെന്നും അറിയിക്കുമോ ?