13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >5^th Session>Unstarred Q & A

KERALA LEGISLATURE - UNSTARRED QUESTIONS AND ANSWERS

THIRTEENTH KLA - 5^th SESSION

(To read Questions please enable unicode-Malayalam in your system)

(To read answers Please CLICK on the Title of the Questions)

Answer Provided

Answer Not Yet Provided

Q. No	Questions
471	സഹകരണ സംഘങ്ങളും ബാങ്കുകളും ജനകീയവല്‍ക്കരിക്കാന്‍ ശ്രീ. റ്റി.യു. കുരുവിള ,, മോന്‍സ് ജോസഫ് ,, തോമസ് ഉണ്ണിയാടന്‍ ,, സി.എഫ്. തോമസ് (എ) സംസ്ഥാനത്തെ സഹകരണ സംഘങ്ങളും ബാങ്കുകളും സാധാരണ ജനങ്ങള്‍ക്ക് ഗുണകരമാകുന്ന നിലയില്‍ പ്രവര്‍ത്തനക്ഷമമാക്കുന്നതിന് എന്തെല്ലാം നടപടികളാണ് സ്വീകരിച്ച് വരുന്നത്; (ബി) സഹകരണ സ്ഥാപനങ്ങള്‍ സാധാരണക്കാരന് ലോണ്‍ നല്കുന്നതിലും കുടിശ്ശിക പിരിക്കുന്നതിലും വിവേചനം കാട്ടുന്നത് അവസാനിപ്പിക്കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ ?
472	സഹകരണസംഘം സഹകരണ ബങ്കുകള്‍ എന്നിവയുടെ പ്രവര്‍ത്തനം ശ്രീ. എ. റ്റി. ജോര്‍ജ് ,, ജോസഫ് വാഴക്കന്‍ ,, പാലോട് രവി ,, വി. പി. സജീന്ദ്രന്‍ (എ) സംസ്ഥാനത്തെ സഹകരണ സംഘം, സഹകരണ ബാങ്കുകള്‍ എന്നിവയുടെ പ്രവര്‍ത്തനം പഠിക്കുവാന്‍ സമിതിയെ നിയോഗിച്ചിട്ടുണ്ടോ; എങ്കില്‍ പ്രസ്തുത സമിതിയുടെ ഘടനയും ടേംസ് ഓഫ് റഫറന്‍സും എന്തൊക്കെയാണ്; (ബി) എത്ര കാലാവധിക്കുള്ളില്‍ റിപ്പോര്‍ട്ട് സമര്‍പ്പിക്കണമെന്നാണ് നിര്‍ദ്ദേശിച്ചിട്ടുള്ളത്?
473	സഹകരണബാങ്കുകളുടെ ലാഭത്തിന്മേലുള്ള ഈടാക്കാനുള്ള തീരുമാനം ശ്രീ. എം. ഹംസ (എ) സഹകരണ ബാങ്കുകളുടെ ലാഭത്തിന്മേല്‍ വരുമാനനികുതി ഈടാക്കാനുള്ള കേന്ദ്രസര്‍ക്കാര്‍ തീരുമാനം ശ്രദ്ധയില്‍പ്പെട്ടിട്ടുണ്ടോ; പ്രസ്തുത തീരുമാനം അനുസരിച്ച് ഇതിനകം ഓരോ ബാങ്കുകളും സര്‍ക്കാരിലേയ്ക്ക് അടച്ച നികുതിയുടെ വിശദാംശം ജില്ല തിരിച്ച് വ്യക്തമാക്കാമോ; (ബി) പ്രസ്തുത നികുതി ഒഴിവാക്കി കിട്ടുന്നതിനായി എന്തെല്ലാം നടപടികള്‍ സ്വീകരിച്ചു ?
474	സഹകരണ സംഘങ്ങളും സഹകരണ ബാങ്കുകളും ശ്രീ. കെ. മുഹമ്മദുണ്ണി ഹാജി (എ) റിസര്‍വ് ബാങ്കിന്റെ നയങ്ങളോ നടപടികളോ കേരളത്തിലെ സഹകരണ ബാങ്കുകളുടെ പ്രവര്‍ത്തനങ്ങളെ ഏതെങ്കിലും വിധത്തില്‍ പ്രതികൂലമായി ബാധിക്കുന്നുണ്ടോ; എങ്കില്‍ വിശദാംശങ്ങള്‍ വെളിപ്പെടുത്തുമോ; (ബി) പ്രാഥമിക സഹകരണ ബാങ്കുകളെ സമഗ്രമായി പരിഷ്കരിക്കാന്‍ എന്തെല്ലാം നടപടികളാണ് ഉദ്ദേശിക്കുന്നതെന്ന് വ്യക്തമാക്കുമോ; (സി) നഷ്ടത്തിലായ പ്രാഥമിക സഹകരണ സംഘങ്ങളെ പുനരുദ്ധരിക്കുന്നതിന് സ്വീകരിച്ച് വരുന്ന നടപടികളുടെ പുരോഗതി വിശദമാക്കുമോ?
475	സ്വയം സഹായ സംഘങ്ങള്‍ക്കുളള വായ്പയുടെ പലിശ ശ്രീമതി. ഗീതാ ഗോപി (എ) കുടുംബശ്രീ ഉള്‍പ്പെടെയുളള സ്വയം സഹായ സംഘങ്ങള്‍ക്ക് എത്ര ശതമാനം പലിശക്കാണ് സഹകരണ ബാങ്കുകള്‍ വായ്പ നല്‍കുന്നത്; (ബി) പ്രസ്തുത വായ്പക്ക് സര്‍വ്വീസ് ചാര്‍ജ് ഈടാക്കുന്നുണ്ടോ;എങ്കില്‍ എത്ര ശതമാനം; (സി) പ്രസ്തുത വായ്പകളുടെ പലിശ കുറക്കുവാന്‍ നടപടി സ്വികരിക്കുമോ; (ഡി) ഈ വായ്പകള്‍ക്ക് ഈടാക്കുന്ന സര്‍വ്വീസ് ചാര്‍ജ് ഒഴിവാക്കുവാന്‍ നടപടി സ്വീകരിക്കുമോ?
476	സഹകരണ മേഖലയിലെ അഴിമതി ശ്രീ. പി.കെ. ബഷീര്‍ (എ) സഹരണ മേഖലയിലെ അഴിമതി തടയുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; മുന്‍ സര്‍ക്കാരിന്റെ കാലത്തെ അഴിമതി സംബന്ധിച്ച അന്വേഷണത്തെത്തുടര്‍ന്ന് എത്ര കേസുകള്‍ വിജിലന്‍സ് അന്വേഷണത്തിന് ശുപാര്‍ശ ചെയ്തു; (ബി) സഹകരണ സംഘങ്ങളുടെ ഓഡിറ്റ് വിഭാഗം ശക്തിപ്പെടുത്തുന്നതിന് നടപടി സ്വീകരിക്കുമോ; (സി) സഹകരണ വിജിലന്‍സ് വിഭാഗം രൂപീകരിച്ചതിനു ശേഷം എത്ര പരാതികള്‍ വിജിലന്‍സിന് ലഭിച്ചു. ആയതില്‍ എത്ര എണ്ണത്തിന് തീര്‍പ്പു കല്‍പ്പിച്ചു എന്ന് വ്യക്തമാക്കുമോ ?
477	സംസ്ഥാന സഹകരണ ബാങ്കില്‍ നിന്ന് വായ്പയെടുത്ത സ്ഥാപനങ്ങള്‍ ശ്രീ. ഹൈബി ഈഡന്‍ ,, ലൂഡി ലൂയിസ് ,, എം. പി. വിന്‍സെന്റ് ,, വി. ഡി. സതീശന്‍ (എ) കഴിഞ്ഞ സര്‍ക്കാരിന്റെ കാലത്ത് സംസ്ഥാന സഹകരണ ബാങ്കില്‍ നിന്ന് വായ്പ എടുത്ത സ്ഥാപനങ്ങള്‍ അവ തിരിച്ചടക്കാത്ത കാര്യം ശ്രദ്ധയില്‍പെട്ടിട്ടുണ്ടോ; (ബി) എങ്കില്‍ ഇതേക്കുറിച്ച് അന്വേഷണം നടത്താന്‍ തയ്യാറാകുമോ; (സി) ഏത് തരത്തിലുള്ള അന്വേഷണമാണ് നടത്തുവാന്‍ ഉദ്ദേശിക്കുന്നതെന്ന് വ്യക്തമാക്കുമോ
478	സഹകരണമേഖലയില്‍ സബ്സിഡി ശ്രീ.ജി.സുധാകരന്‍ (എ) 2005 മുതല്‍ 2012 വരെയുളള ഓരോ വര്‍ഷത്തിലും സഹകരണ മേഖലയില്‍ സബ്സിഡി നല്‍കുന്നതിന് എന്തു തുക ചെലവായി; സാമ്പത്തിക വര്‍ഷവും ഇനവും തിരിച്ച് വിശദമാക്കുമോ; (ബി) 2012-2013 സാമ്പത്തിക വര്‍ഷം സബ്സിഡി നല്‍കുന്നതിന് എന്തു തുക വകയിരുത്തിയിട്ടുണ്ട്; ഇനം തിരിച്ച് വ്യക്തമാക്കുമോ?
479	സഹകരണ വകുപ്പിന്റെ പ്ളാന്‍ ഫണ്ട് ശ്രീ. കെ. സുരേഷ് കുറുപ്പ് (എ) സഹകരണ വകുപ്പിന്റെ പ്ളാന്‍ ഫണ്ട് തുകയും 2012 മാര്‍ച്ച് 31 വരെ ചിലവഴിച്ച തുകയും എത്ര; (ബി) സഹകരണ വകുപ്പിന്‍ കീഴിലുളള കേന്ദ്രാവിഷ്കൃത പദ്ധതികള്‍ ഏവ; ഇതിനായി ഓരോ പദ്ധതിക്കും കേന്ദ്രം അനുവദിച്ച തുകയെത്ര; (സി) സഹകരണ വകുപ്പിന്റെ ഓരോ ഹെഡിലും 2012 മാര്‍ച്ച് 31 വരെ ചിലവഴിച്ച തുകയുടെ വിശദാംശം ലഭ്യമാക്കുമോ
480	സഹകരണ റിസ്ക് ഫണ്ട് ശ്രീ. ജി. സുധാകരന്‍ (എ) സഹകരണ വായ്പ സംഘങ്ങളില്‍ നിന്നും വായ്പ എടുക്കുന്നവര്‍ക്കായി കഴിഞ്ഞ സര്‍ക്കാര്‍ ആവിഷ്ക്കരിച്ച സഹകരണ റിസ്ക് ഫണ്ടിന്റെ പ്രവര്‍ത്തനം വിശദമാക്കുമോ ; (ബി) ഈ പദ്ധതി പ്രകാരം കഴിഞ്ഞ സര്‍ക്കാരിന്റെ കാലയളവില്‍ വായ്പ എടുത്ത ആള്‍ മരണപ്പെട്ടതിനെ തുടര്‍ന്ന് എത്ര രൂപയുടെ ബാധ്യതകള്‍ എഴുതിത്തള്ളി എന്ന് വ്യക്തമാക്കുമോ ; (സി) ഇതിനകം എത്ര സംഘങ്ങളില്‍ പദ്ധതി നടപ്പിലാക്കിയിട്ടുണ്ട് ; എല്ലാ സഹകരണ വായ്പാ സംഘങ്ങളിലും പദ്ധതി നടപ്പിലാക്കാന്‍ നടപടി സ്വീകരിക്കുമോ ; (ഡി) കഴിഞ്ഞ സര്‍ക്കാര്‍ സഹകരണ റിസ്ക് ഫണ്ടിന്റെ നടത്തിപ്പിനായി എന്തു തുക നല്‍കിയെന്നും ഈ സര്‍ക്കാര്‍ ഈ പദ്ധതിയ്ക്കായി ഇതുവരെ എന്തു തുക നല്‍കിയെന്നും 2012-2013 സാമ്പത്തിക വര്‍ഷത്തില്‍ സഹകരണ റിസ്ക് ഫണ്ട് പദ്ധതിയ്ക്ക് എന്ത് തുക വകയിരുത്തിയിട്ടുണ്ടെന്നും വ്യക്തമാക്കാമോ ?
481	സഹകരണ രംഗത്തെ നിയമഭേദഗതികള്‍ ശ്രീമതി കെ. കെ. ലതിക (എ) കേന്ദ്രസര്‍ക്കാര്‍ കൊണ്ടുവന്ന ഭരണഘടനഭേദഗതികള്‍ പ്രകാരം സംസ്ഥാന സഹകരണ നിയമത്തില്‍ എന്തെല്ലാം ഭേദഗതികളാണ് വരുത്തേണ്ടത് എന്ന് പഠനം നടത്തിയിട്ടുണ്ടോ; വ്യക്തമാക്കുമോ; (ബി) എങ്കില്‍ എന്തെല്ലാം ഭേദഗതികളാണ് നിര്‍ദ്ദേശിച്ചിട്ടുള്ളതെന്ന് വ്യക്തമാക്കുമോ?
482	സഹകരണമേഖലയിലെ വികസന പ്രവര്‍ത്തനങ്ങള്‍ ശ്രീ. ജി. സുധാകരന്‍ (എ) 2005 മുതല്‍ 2012 വരെയുള്ള ഓരോ സാമ്പത്തിക വര്‍ഷവും സഹകരണമേഖലയ്ക്കുണ്ടായിരുന്ന ബഡ്ജറ്റ് വിഹിതം എത്രയായിരുന്നു; (ബി) 2005 മുതല്‍ 2012 വരെയുള്ള സാമ്പത്തിക വര്‍ഷത്തില്‍ സഹകരണ മേഖലയ്ക്കുണ്ടായിരുന്ന ബഡ്ജറ്റ് വിഹിതത്തില്‍ എത്ര തുക ഓരോ വര്‍ഷവും ചെലവഴിച്ചുവെന്ന് അറിയിക്കാമോ; (സി) 2012- 2013 വര്‍ഷത്തില്‍ സഹകരണ മേഖലയുടെ ബഡ്ജറ്റ് വിഹിതം എത്രയാണെന്ന് വ്യക്തമാക്കുമോ ?
483	സഹകരണമേഖലയിലെ ആശുപത്രികള്‍ ശ്രീ. ബാബു എം. പാലിശ്ശേരി (എ) സംസ്ഥാനത്ത് സഹകരണ മേഖലയില്‍ എത്ര ആശുപത്രികള്‍ പ്രവര്‍ത്തിക്കുന്നുണ്ട്; (ബി) ഇവയില്‍ പാവപ്പെട്ട രോഗികള്‍ക്ക് സൌജന്യ ചികിത്സ നല്‍കുന്ന സ്ഥാപനങ്ങള്‍ എത്രയെണ്ണമുണ്ട്; (സി) സഹകരണ ആശുപത്രികളില്‍ പാവപ്പെട്ട രോഗികള്‍ക്ക് സൌജന്യ ചികിത്സ നല്‍കുന്നതിന് സര്‍ക്കാര്‍ എന്തെങ്കിലും സഹായം നല്‍കി വരുന്നുണ്ടോ; എങ്കില്‍ വിശദാംശം വ്യക്തമാക്കുമോ?
484	സഹകരണ വകുപ്പിലെ ഇന്‍സ്പെക്ടര്‍/ഓഡിറ്റര്‍ തസ്തിക ശ്രീ. കെ. കുഞ്ഞിരാമന്‍ (ഉദുമ) (എ) സഹകരണ വകുപ്പിലെ ഇന്‍സ്പെക്ടര്‍/ഓഡിറ്റര്‍ തസ്തികയ്ക്കുള്ള അടിസ്ഥാന യോഗ്യത എന്താണെന്ന് വിശദമാക്കാമോ ; (ബി) പി.എസ്.സി. മുഖേന ബി.കോം കോ-ഓപ്പറേഷന്‍ കഴിഞ്ഞ് മേല്‍ തസ്തികയില്‍ ജോലി ചെയ്യുന്നവരെ വീണ്ടും സര്‍ക്കാര്‍ ചെലവില്‍ ജെ.ഡി.സി. ട്രയിനിംഗിന് അയയ്ക്കാറുണ്ടോ ; (സി) എങ്കില്‍ സര്‍ക്കാരിന് സാമ്പത്തിക നഷ്ടം ഉണ്ടാക്കുന്ന ഈ സമ്പ്രയം തുടരുന്നത് എന്തിനാണെന്ന് വിശദമാക്കാമോ ; (ഡി) എങ്കില്‍ ഇത് ഒഴിവാക്കുന്ന കാര്യം പരിഗണിക്കുമോ ; വിശദാംശങ്ങള്‍ വെളിപ്പെടുത്തുമോ ?
485	നിക്ഷേപ സമാഹരണം ശ്രീ. കെ. കുഞ്ഞിരാമന്‍ (ഉദുമ) (എ) 2012 മാര്‍ച്ച് മാസത്തില്‍ സംസ്ഥാനത്തെ സഹകരണ സ്ഥാപനങ്ങള്‍ക്ക് നിക്ഷേപ സമാഹരണത്തിന് സഹകരണ വകുപ്പ് ഉത്തരവ് പുറപ്പെടുവിച്ചിരുന്നുവോ; (ബി) ഇല്ലെങ്കില്‍ ഉത്തരവ് നല്‍കാതിരിക്കാനുള്ള കാരണം എന്താണെന്ന് വിശദമാക്കാമോ; (സി) ഇതേ കാലയളവില്‍ കുടിശ്ശിക നിവാരണത്തിനായി സഹകരണ വകുപ്പ് ഉത്തരവ് നല്‍കിയിരുന്നുവോ; (ഡി) ഇല്ലെങ്കില്‍ കാരണം എന്താണെന്ന് വിശദമാക്കാമോ?
486	സഹകരണ നിക്ഷേപങ്ങള്‍ പ്രോത്സാഹിപ്പിക്കുന്നതിന് നടപടികള്‍ ശ്രീ. ഹൈബി ഈഡന്‍ ,, റ്റി. എന്‍. പ്രതാപന്‍ ,, വി. പി. സജീന്ദ്രന്‍ ,, എം.എ. വാഹീദ് (എ) സഹകരണ നിക്ഷേപങ്ങള്‍ പ്രോത്സാഹിപ്പിക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വിശദമാക്കുമോ ; (ബി) നിക്ഷേപങ്ങള്‍ക്ക് സര്‍ക്കാര്‍ ഗ്യാരണ്ടി നല്‍കുന്ന കാര്യം പരിഗണിക്കുമോ ; (സി) ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ?
487	സഹകരണ സ്ഥാപനങ്ങളിലെ ആകെ നിക്ഷേപം ശ്രീ. ജി. സുധാകരന്‍ (എ) ഈ സര്‍ക്കാര്‍ ചുമതല ഏല്‍ക്കുമ്പോള്‍ സംസ്ഥാനത്തെ സഹകരണ സ്ഥാപനങ്ങളിലെ ആകെ നിക്ഷേപം എത്ര കോടി രൂപയായിരുന്നു ; (ബി) സഹകരണ സ്ഥാപനങ്ങളിലെ നിക്ഷേപം വര്‍ദ്ധിപ്പിക്കാന്‍ എന്തെല്ലാം നടപടികളാണ് സ്വീകരിച്ചത് ; (സി) ഈ സര്‍ക്കാര്‍ അധികാരമേറ്റ ശേഷം സഹകരണസ്ഥാപനങ്ങളിലെ നിക്ഷേപങ്ങളില്‍ വര്‍ദ്ധനവുണ്ടായിട്ടുണ്ടോ ; വിശദമാക്കുമോ ; (ഡി) 2012 മേയ് 31 ന് സഹകരണ സ്ഥാപനങ്ങളിലെ ആകെ നിക്ഷേപം എത്രയാണെന്ന് വ്യക്തമാക്കുമോ ?
488	പ്രാഥമിക വായ്പാ സഹകരണ സംഘങ്ങളിലെ നിക്ഷേപ സുരക്ഷ ശ്രീ. വി. ഡി. സതീശന്‍ ,, എം. എ. വാഹീദ് ,, എം. പി. വിന്‍സെന്റ് ,, കെ. മുരളീധരന്‍ (എ) പ്രാഥമിക വായ്പാ സഹകരണ സംഘങ്ങളിലെ നിക്ഷേപ സുരക്ഷയ്ക്കായി എന്തെല്ലാം പദ്ധതികളാണ് ആസൂത്രണം ചെയ്തിരിക്കുന്നത് ; (ബി) ഇതിനായി പ്രത്യേക നിക്ഷേപ സുരക്ഷാ ബോര്‍ഡ് രൂപീകരിക്കുവാന്‍ തീരുമാനിച്ചിട്ടുണ്ടോ ; (സി) എങ്കില്‍ ബോര്‍ഡിന്റെ ലക്ഷ്യങ്ങളും പ്രവര്‍ത്തനങ്ങളും എന്തൊക്കെയാണെന്നും ഇത് നടപ്പിലാക്കുവാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്നും വ്യക്തമാക്കുമോ ?
489	നിയമസഭ സാമാജികര്‍ക്ക് ഭവന വായ്പ തിരിച്ചടയ്ക്കുമ്പോള്‍ ലഭിക്കേണ്ട ഇന്‍സന്റീവ് പ്രൊഫ. സി. രവീന്ദ്രനാഥ് (എ) ഭവനവായ്പ എടുത്തിട്ടുള്ള നിയമസഭാ സാമാജികര്‍ക്ക് ലോണ്‍ തുക തിരിച്ചടക്കുമ്പോള്‍ ലഭിക്കേണ്ട ഇന്‍സന്റീവ് ലഭ്യമായില്ല എന്ന വിവരം ശ്രദ്ധയില്‍പ്പെട്ടിട്ടുണ്ടോ; (ബി) എങ്കില്‍, തുക ലഭിക്കുന്നതിന് ഏതെങ്കിലും വിധത്തിലുള്ള തടസ്സം നിലനില്‍ക്കുന്നുണ്ടോ; (സി) തടസ്സം, നീക്കി തുക എത്രയും പെട്ടെന്ന് ലഭ്യമാക്കാന്‍ ആവശ്യമായ നടപടി സ്വീകരിക്കുമോ
490	വായ്പ തിരിച്ചടവിലെ ഇളവുകള്‍ ശ്രീ. ജി. സുധാകരന്‍ (എ) സഹകരണ വായ്പാ സംഘങ്ങള്‍ നല്‍കുന്ന വായ്പകളുടെ പലിശയും മറ്റു ചെലവുകളും മുതലിനേക്കാള്‍ അധികമായി ഈടാക്കരുതെന്ന് നിര്‍ദ്ദേശിച്ചിട്ടുണ്ടോ ; എങ്കില്‍ വിശദാംശം നല്‍കുമോ; (ബി) ഇല്ലെങ്കില്‍ സഹകരണ സ്ഥാപനങ്ങളിലെ എന്‍.പി.എ പിരിച്ചെടുക്കുന്നതിന് ഈ നിര്‍ദ്ദേശം നല്‍കുമോ ; (സി) വായ്പ തിരിച്ചടവിന് ഇപ്പോള്‍ എന്തെല്ലാം ഇളവുകളാണ് വായ്പക്കാരന് നല്‍കുന്നതെന്ന് വ്യക്തമാക്കുമോ
491	സഹകരണ ബാങ്കുകളില്‍ വായ്പ തിരിച്ചടവ് വ്യവസ്ഥകള്‍ ഉദാരമാക്കുന്നതിന് നടപടികള്‍ ശ്രീ. ഹൈബി ഈഡന്‍ ,, പാലോട് രവി ,, വി.പി. സജീന്ദ്രന്‍ ,, കെ. മുരളീധരന്‍ (എ) സഹകരണ ബാങ്കുകളില്‍ വായ്പ തിരിച്ചടവ് വ്യവസ്ഥകള്‍ ഉദാരമാക്കുന്നതിന് നടപടികള്‍ സ്വീകരിച്ചിട്ടുണ്ടോ ; (ബി) സഹകരണ ബാങ്കുകള്‍ നല്‍കുന്ന വായ്പകള്‍ക്കുള്ള റിസ്ക് ഫണ്ട് സ്കീമില്‍ വായ്പ എടുക്കുന്നവര്‍ക്കായി എന്തെല്ലാം ഇളവുകളാണ് വരുത്തുവാന്‍ ഉദ്ദേശിക്കുന്നത് ; (സി) വിദ്യാഭ്യാസ വായ്പകള്‍ക്ക് പഠനകാലത്ത് പലിശ ഒഴിവാക്കി കൊടുക്കുവാനുള്ള പദ്ധതി സഹകരണ ബാങ്കുകളില്‍ നടപ്പാക്കുമോ ?
492	വാര്‍ഷിക വായ്പ അവലോകന റിപ്പോര്‍ട്ട് ശ്രീമതി പി. അയിഷാ പോറ്റി (എ) സംസ്ഥാനത്തെ ജില്ലാ സഹകരണ ബാങ്കുകള്‍ നിര്‍ത്തലാക്കാന്‍ ആര്‍.ബി.ഐ തയ്യാറാക്കിയ വാര്‍ഷിക വായ്പ അവലോകന റിപ്പോര്‍ട്ടില്‍ നിര്‍ദ്ദേശമുണ്ടെങ്കില്‍ വിശദാംശങ്ങള്‍ വെളിപ്പെടുത്തുമോ ; (ബി) പ്രസ്തുത റിപ്പോര്‍ട്ടില്‍ സംസ്ഥാനത്തെ സഹകരണ ബാങ്കുകളെയും സഹകരണ സംഘങ്ങളെയും ബാധിക്കുന്ന പരാമര്‍ശങ്ങള്‍ വിശദമാക്കുമോ ?
493	ജില്ലാസഹകരണ ബാങ്കുകളിലെ തെരഞ്ഞെടുപ്പ് ശ്രീ. കെ.വി. വിജയദാസ് (എ) ജില്ലാസഹകരണ ബാങ്കുകളിലേയ്ക്കുള്ള തെരഞ്ഞെടുപ്പിനായി തയ്യാറാക്കുന്ന ലിസ്റില്‍ കടലാസ് സംഘങ്ങളെ ഉള്‍പ്പെടുത്തി ഭരണസമിതി പിടിച്ചെടുക്കുന്നതിനുള്ള നടപടി അഡ്മിനിസ്ട്രേറ്റര്‍മാര്‍ സ്വീകരിച്ചു വരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനെതിരെ ശക്തമായ നടപടി സ്വീകരിക്കുമോ; (ബി) അഡ്മിനിസ്ട്രേറ്റര്‍ ഭരണം അവസാനിപ്പിച്ച് ജനാധിപത്യസമിതികളെ തെരഞ്ഞെടുക്കുന്നതിനുള്ള നടപടി എന്ന് പൂര്‍ത്തീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?
494	ജില്ലാ സഹകരണ ബാങ്കിലെ ഭരണസമിതികളെ പിരിച്ചുവിട്ട നടപടി ശ്രീ.എസ്.ശര്‍മ്മ (എ) സര്‍ക്കാര്‍ പുറപ്പെടുവിച്ച ഓര്‍ഡിനന്‍സ് വഴി സംസ്ഥാനത്തെ എത്ര ജില്ലാ സഹകരണ ബാങ്കുകളുടെ തെരഞ്ഞെടുക്കപ്പെട്ട ഭരണ സമിതികളെ പിരിച്ച് വിടുകയുണ്ടായെന്ന് വ്യക്തമാക്കാമോ; (ബി) പുതിയ ജില്ലാ ഭരണ സമിതികളെ തെരഞ്ഞെടുക്കുന്നതിനു സ്വീകരിച്ച നടപടികള്‍ എന്തെല്ലാമാണ്; (സി) ഭരണസമിതികളെ പിരിച്ചുവിടുന്ന ഘട്ടത്തില്‍ വോട്ടവകാശമുളള എത്ര അംഗങ്ങള്‍ ഓരോ ജില്ലാബാങ്കിലും ഉണ്ടായിരുന്നു; മറ്റ് അംഗങ്ങള്‍ എത്രയായിരുന്നു; ജില്ല തിരിച്ച് കണക്കുകള്‍ വെളിപ്പെടുത്തുമോ; (ഡി) ഓര്‍ഡിനന്‍സിലെ വ്യവസ്ഥകള്‍ പ്രകാരം വോട്ടവകാശം ലഭിച്ചവരെത്ര; ഇതിനു പുതിയ വ്യവസ്ഥ പ്രകാരം വോട്ടവകാശം ലഭിച്ചവരെത്ര; ജില്ല തിരിച്ച കണക്കുകള്‍ വിശദമാക്കാമോ; (ഇ) ഓര്‍ഡിനന്‍സിലെ വ്യവസ്ഥ പ്രകാരം ജില്ലാ ബാങ്കുകളില്‍ അംഗത്വമുളള ഏതെല്ലാം വിഭാഗത്തില്‍പ്പെട്ട, ഏത് തീയതിക്ക് ശേഷം അംഗത്വം ലഭിച്ചവര്‍ക്കാണ് ഇപ്പോള്‍ വോട്ടവകാശം ഇല്ലാത്തത്; ജില്ല തിരിച്ച്ച്ച കണക്കുകള്‍ വ്യക്തമാക്കാമോ?
495	കേരളത്തിലെ ജില്ലാ സഹകരണ ബാങ്കുകള്‍ നിര്‍ത്തലാക്കണമെന്ന നിര്‍ദ്ദേശം ശ്രീ. കോടിയേരി ബാലകൃഷ്ണന്‍ (എ) റിസര്‍വ് ബാങ്ക് ഓഫ് ഇന്ത്യയുടെ വാര്‍ഷിക വായ്പാ അവലോകന റിപ്പോര്‍ട്ടില്‍ കേരളത്തിലെ ജില്ലാ സഹകരണ ബാങ്കുകള്‍ നിര്‍ത്തലാക്കണമെന്ന നിര്‍ദ്ദേശം ശ്രദ്ധയില്‍പ്പെട്ടിട്ടുണ്ടോ; (ബി) എങ്കില്‍ സംസ്ഥാനത്ത് സഹകരണ മേഖലയില്‍ ഈ നിര്‍ദ്ദേശം മൂലം ഉടലെടുത്ത ആശങ്ക അകറ്റുന്നതിന് നടപടികള്‍ സ്വീകരിച്ചിട്ടുണ്ടോ; (സി) എങ്കില്‍ എന്തെല്ലാം നടപടികളാണ് സ്വീകരിച്ചതെന്ന് വെളിപ്പെടുത്തുമോ?
496	വനിതാ സഹകരണ സൊസൈറ്റികള്‍ക്കുള്ള സഹായം ശ്രീ. പുരുഷന്‍ കടലുണ്ടി (എ) വനിതാ സഹകരണ സൊസൈറ്റികളെ സഹായിക്കുന്നതിന് 2012-13 സാമ്പത്തിക വര്‍ഷത്തില്‍ ഏതെല്ലാം പരിപാടികളാണ് ഉള്ളത്; (ബി) ഇതിനു വേണ്ടി എത്ര തുക വകയിരുത്തിയിട്ടുണ്ട്; (സി) സൊസൈറ്റികളെ ധനസഹായത്തിനായി തെരഞ്ഞെടുക്കുന്നതിനുള്ള മാനദണ്ഡമെന്താണ്?
497	വൈദ്യനാഥന്‍ കമ്മീഷന്‍ റിപ്പോര്‍ട്ടിലെ ശുപാര്‍ശകള്‍ ശ്രീ. കെ. കുഞ്ഞമ്മത് മാസ്റര്‍ (എ) വൈദ്യനാഥന്‍ കമ്മീഷന്‍ റിപ്പോര്‍ട്ടിലെ ശുപാര്‍ശകള്‍ സഹകരണ മേഖലയില്‍ നടപ്പിലാക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ; (ബി) പ്രസ്തുത കമ്മീഷന്‍ നിര്‍ദ്ദേശങ്ങള്‍ സഹകരണ വായ്പാ മേഖലയെ പ്രതികൂലമായി ബാധിക്കുമെന്ന് സര്‍ക്കാര്‍ കരുതുന്നുണ്ടോ ; (സി) സര്‍ക്കാര്‍ ഇത് സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; വിശദാംശങ്ങള്‍ വ്യക്തമാക്കുമോ ?
498	ഇന്റഗ്രേറ്റഡ് കോ-ഓപ്പറേറ്റീവ് ഡെവലപ്മെന്റ് പ്രോജക്ട് ശ്രീ. സി.പി. മുഹമ്മദ് ,, കെ. അച്ചുതന്‍ ,, തേറമ്പില്‍ രാമകൃഷ്ണന്‍ ,, കെ. ശിവദാസന്‍ നായര്‍ (എ) ഇന്റഗ്രേറ്റഡ് കോ-ഓപ്പറേറ്റീവ് ഡെവലപ്മെന്റ് പ്രോജക്ടിന്റെ രണ്ടാം ഘട്ടം നടപ്പാക്കുന്നതിന് തീരുമാനിച്ചിട്ടുണ്ടോ; (ബി) ഇതിന്റെ ഉദ്ദേശലക്ഷ്യങ്ങള്‍ എന്തൊക്കെയാണെന്നും ഏതെല്ലാം ഏജന്‍സികളുടെ സഹായത്തോടെയാണ് ഇത് നടപ്പാക്കുന്നതെന്നും വ്യക്തമാക്കുമോ?
499	ജൂനിയര്‍ ഡിപ്ളോമ ഇന്‍ കോ-ഓപ്പറേഷന്‍ പരീക്ഷയില്‍ സംഭവിച്ച വീഴ്ചകള്‍ ശ്രീ. പി. തിലോത്തമന്‍ (എ) ചേര്‍ത്തല സഹകരണ പരിശീലന കേന്ദ്രത്തില്‍ നടത്തിയ ജൂനിയര്‍ ഡിപ്ളോമ ഇന്‍ കോ-ഓപ്പറേഷന്‍ പരീക്ഷയില്‍ താളപ്പിഴ സംഭവിച്ചതായും ചോദ്യപേപ്പര്‍ തികയാതെ വന്നപ്പോള്‍ ചോദ്യം ഉറക്കെ വിളിച്ചു പറഞ്ഞ് പരീക്ഷാര്‍ത്ഥികളെക്കൊണ്ട് എഴുതിപ്പിച്ചതായും പൂതിയ സ്കീം പ്രകാരം പരീക്ഷ എഴുതേണ്ടവര്‍ക്ക് പഴയ സ്കീം പ്രകാരമുള്ള ചോദ്യപേപ്പര്‍ നല്‍കിയതായുമുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; (ബി) ഇതു സംബന്ധിച്ച് എന്തെങ്കിലും അന്വേഷണം നടത്തിയിട്ടുണ്ടോ; (സി) ഇപ്രകാരം ഗുരുതരമായ വീഴ്ചകള്‍ മേലില്‍ സംഭവിക്കാതിരിക്കുന്നതിന് എന്ത് നടപടികള്‍ സ്വീകരിക്കുമെന്ന് വ്യക്തമാക്കാമോ?
500	വയനാട് ജില്ലാ സഹകരണ ബാങ്കിലെ ഡെപ്പോസിറ്റ് കളക്ഷന്‍ ഏജന്റുമാര്‍ക്ക് ക്ഷേമനിധി ഏര്‍പ്പെടുത്താന്‍ നടപടി ശ്രീ. എം. വി. ശ്രേയാംസ് കുമാര്‍ (എ) സംസ്ഥാനത്തെ സഹകരണ ബാങ്കുകളിലെ ഡെപ്പോസിറ്റു കളക്ഷന്‍ ഏജന്റുമാര്‍ക്ക് നല്‍കി വരുന്ന സേവന വേതനവ്യവസ്ഥകള്‍ എന്തെല്ലാമെന്ന് വ്യക്തമാക്കുമോ ; (ബി) വയനാട് ജില്ലാ സഹകരണ ബാങ്കിലെ ഡെപ്പോസിറ്റ് കളക്ഷന്‍ ഏജന്റുമാര്‍ക്ക് ക്ഷേമനിധി ഏര്‍പ്പെടുത്തിയിട്ടുണ്ടോ ; (സി) എങ്കില്‍ വിശദാംശം ലഭ്യമാക്കുമോ ; (ഡി) ഇല്ലെങ്കില്‍ കാരണം വ്യക്തമാക്കുമോ ; (ഇ) പ്രസ്തുത കളക്ഷന്‍ ഏജന്റുമാര്‍ക്ക് ക്ഷേമനിധി ഏര്‍പ്പെടുത്തുന്നതിന് നടപടി സ്വീകരിക്കുമോ ?
<<back	next page>>

Website maintained by Information System Section, Kerala Legislative Assembly, Thiruvananthapuram.