13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >16^th Session>Starred Questions and Answers

Answer Provided

Answer Not Yet Provided

THIRTEENTH KLA - 16^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പതിമൂന്നാം കേരള നിയമസഭ

പതിനാറാം സമ്മേളനം

2016 ഫെബ്രുവരി 10, ബുധന്‍

നക്ഷത്രചിഹ്നമിട്ട ചോദ്യങ്ങള്‍‍

[ആകെ ചോദ്യങ്ങള്‍--30]

മറുപടി നല്‍കുന്ന മന്ത്രിമാര്‍

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി

ജലവിഭവ വകുപ്പുമന്ത്രി

തൊഴിലും നൈപുണ്യവും വകുപ്പുമന്ത്രി

പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി

തൊഴില്‍ നിയമങ്ങളുടെ പരിഷ്ക്കരണം

*61.

ശ്രീ.ഹൈബി ഈഡന്‍
,, ബെന്നി ബെഹനാന്‍
,, വി.ഡി.സതീശന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	തൊഴില്‍ നിയമങ്ങള്‍ പരിഷ്ക്കരിക്കാന്‍ എന്തെല്ലാം കര്‍മ്മ പദ്ധതികള്‍ നടപ്പാക്കിയിട്ടുണ്ട് എന്ന് അറിയിക്കുമോ ;

(ബി)	ആയതിന്റെ ഉദ്ദേശ്യലക്ഷ്യങ്ങൾ എന്തെല്ലാമാണെന്ന് വിശദമാക്കുമോ;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് അറിയിക്കുമോ ?

പട്ടികഗോത്ര വര്‍ഗ്ഗങ്ങള്‍ക്കിടയിലെ ശിശുമരണ നിരക്ക്

*62.

ശ്രീ.ജെയിംസ് മാത്യു
,, കെ. ദാസന്‍
,, ബി.ഡി. ദേവസ്സി
,, കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പട്ടികഗോത്ര വര്‍ഗ്ഗങ്ങള്‍ക്കിടയിലെ ശിശുമരണ നിരക്ക് പൊതുനിരക്കിന്റെ മൂന്നര ഇരട്ടി ആയിരിക്കുന്നതിന്റെ കാരണങ്ങള്‍ വിശകലനം ചെയ്തിട്ടുണ്ടോ; വിശദാംശം ലഭ്യമാക്കുമോ;

(ബി)	അട്ടപ്പാടിയിലും വയനാട്ടിലും പട്ടികഗോത്ര വര്‍ഗ്ഗ ശിശുക്കള്‍ മരണപ്പെടുന്നതിന്റെ കാരണങ്ങള്‍ വിലയിരുത്തിയിട്ടുണ്ടോ ; അതിന്റെ വിശദവിവരം അറിയിക്കാമോ;

(സി)	മുന്‍ സര്‍ക്കാര്‍ പട്ടികഗോത്ര വര്‍ഗ്ഗ മേഖലയില്‍ നടപ്പാക്കിയ സഞ്ചരിക്കുന്ന ക്ലിനിക്കുകള്‍ നിര്‍ത്തലാക്കിയത് എന്തുകൊണ്ടാണെന്ന് അറിയിക്കാമോ; ഫലപ്രദമായ രീതിയില്‍ മൊബെെല്‍ ക്ലിനിക്കുകള്‍ ആരംഭിക്കാന്‍ തയ്യാറാകുമോ;

(ഡി)	അതാതു പ്രദേശത്തെ പട്ടികഗോത്ര വര്‍ഗ്ഗത്തില്‍പ്പെട്ടവരെ അധികമായി വിവിധോദ്ദേശ്യ സ്ത്രീ-പുരുഷ ആരോഗ്യ പ്രവര്‍ത്തകരായി പരിശീലനം നല്‍കി നിയമിച്ച് പ്രശ്നപരിഹാരത്തിന് നടപടിയെടുക്കാന്‍ തയ്യാറാകുമോ?

സൗജന്യ മരുന്ന് വിതരണ പദ്ധതി

*63.

ശ്രീ.ആര്‍ . സെല്‍വരാജ്
,, കെ.ശിവദാസന്‍ നായര്‍
,, എം.എ. വാഹീദ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സൗജന്യ മരുന്ന് വിതരണ പദ്ധതി നടപ്പിലാക്കിയിട്ടുണ്ടോ എന്ന് അറിയിക്കാമോ ;

(ബി)	ആയതിന്റെ ഉദ്ദേശ്യലക്ഷ്യങ്ങൾ എന്തെല്ലാമെന്ന് വിശദമാക്കുമോ;

(സി)	പദ്ധതി നടപ്പാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് വ്യക്തമാക്കുമോ ?

മുല്ലപ്പെരിയാര്‍ ജലനിരപ്പ്

*64.

ശ്രീ.കെ.സുരേഷ് കുറുപ്പ്
ഡോ.ടി.എം.തോമസ് ഐസക്
ശ്രീ.കെ.കെ.ജയചന്ദ്രന്‍
ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)

2015 ഡിസംബറില്‍ മുല്ലപ്പെരിയാര്‍ ജലനിരപ്പ് ഉയര്‍ന്ന സാഹചര്യത്തിലും അതിനു മുന്‍പും മേല്‍നോട്ട സമിതി വേണ്ട വിധത്തില്‍ പ്രവര്‍ത്തിച്ചില്ലെന്ന കാര്യം സംപ്രീംകോടതിയുടെ ശ്രദ്ധയില്‍പ്പെടുത്തി പുതിയ സമിതിയെ നിയമിക്കാനോ, അല്ലെങ്കില്‍ ജനങ്ങളുടെ സുരക്ഷ പരിഗണിച്ച് ഫലപ്രദമായ മറ്റു സംവിധാനങ്ങള്‍ ഏര്‍പ്പെടുത്താനോ സുപ്രീംകോടതിയെ സമീപിക്കാന്‍ തയ്യാറാകാതിരുന്നതിന്റെ കാരണങ്ങള്‍ അറിയിക്കാമോ;

(ബി)	ജനങ്ങളുടെ ആശങ്ക കേന്ദ്ര സര്‍ക്കാരിനെ ധരിപ്പിച്ചിരുന്നോ; എങ്കില്‍ എന്തായിരുന്നു പ്രതികരണം;

(സി)	തമിഴ്നാട് സര്‍ക്കാരിന്റെ നിഷേധാത്മക നിലപാടിനെതിരെ നിയമപരവും ഭരണപരവുമായി നടപടികള്‍ സ്വീകരിക്കുമെന്ന് ഉറപ്പിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെ ;

(ഡി)	അന്തര്‍ദ്ദേശീയ വിദഗ്ദ്ധര്‍ ഉള്‍പ്പെട്ട സംഘത്തെക്കൊണ്ട് അണക്കെട്ട് പരിശോധിപ്പിക്കാന്‍ എന്തെങ്കിലും നടപടി സ്വീകരിച്ചുവെങ്കില്‍ അറിയിക്കാമോ; ഇല്ലെങ്കില്‍ അതിനുള്ള കാരണം എന്തായിരുന്നു; വ്യക്തമാക്കുമോ;

(ഇ)	നാല്പതു ലക്ഷത്തിലധികം വരുന്ന ജനങ്ങളുടെ സുരക്ഷ കണക്കിലെടുത്ത് മനുഷ്യാവകാശ കമ്മീഷനെ ഇടപെടുവിക്കാന്‍ നടപടി സ്വീകരിക്കാതിരുന്നതെന്തുകൊണ്ടെന്ന് അറിയിക്കുമോ?

ഷോപ്സ് ആന്റ് എസ്റ്റാബ്ലിഷ്‍മെന്റ് ആക്ട് പ്രകാരം തൊഴില്‍ നിയമപരിഷ്ക്കരണം.

*65.

ശ്രീ.കെ.എം.ഷാജി
,, റ്റി.എ.അഹമ്മദ് കബീര്‍
,, കെ.എന്‍.എ.ഖാദര്‍
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	ഷോപ്സ് ആന്റ് എസ്റ്റാബ്ലിഷ്‍മെന്റ് ആക്ട് പ്രകാരമുള്ള തൊഴില്‍ നിയമങ്ങളില്‍ മാറ്റം വരുത്താനുള്ള കേന്ദ്ര സര്‍ക്കാരിന്റെ നീക്കത്തില്‍ സംസ്ഥാന സര്‍ക്കാര്‍ നിലപാട് സ്വീകരിച്ചിട്ടുണ്ടോ; എങ്കില്‍ വിശദമാക്കുമോ;

(ബി)	പുതിയ നിയമം തൊഴില്‍ മേഖലയെ ഏതു വിധം സ്വാധീനിക്കുമെന്ന് പരിശോധിച്ചിട്ടുണ്ടോ; വ്യക്തമാക്കുമോ;

(സി)	നിയമ പരിഷ്ക്കരണം തൊഴില്‍ താല്പര്യങ്ങള്‍ക്ക് ഹാനികരമാവാതിരിക്കാന്‍ ആവശ്യമായ മുന്‍കരുതലുകള്‍ സ്വീകരിക്കുമോ; എങ്കില്‍ വിശദമാക്കുമോ?

മെഡിക്കല്‍ കോളേജുകള്‍

*66.

ശ്രീ.കെ.കുഞ്ഞിരാമന്‍ (ഉദുമ)
,, ഇ.പി.ജയരാജന്‍
പ്രൊഫ. സി.രവീന്ദ്രനാഥ്
ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ പ്രഖ്യാപിച്ച മെഡിക്കല്‍ കോളേജുകള്‍ ഏതൊക്കെ; അവയെല്ലാം നിലവില്‍ വന്നിട്ടുണ്ടോ;

(ബി)	മെഡിക്കല്‍ കൗണ്‍സില്‍ ഓഫ് ഇന്ത്യയുടെ മാനദണ്ഡമനുസരിച്ച് ഓരോ മെഡിക്കല്‍ കോളേജും പ്രവര്‍ത്തിക്കുന്നതിന് സജ്ജമാക്കേണ്ട അടിസ്ഥാന സൗകര്യങ്ങളും ഫാക്കല്‍റ്റികളും എന്തെല്ലാമാണെന്ന് വ്യക്തമാക്കാമോ ;

(സി)	പ്രസ്തുത മെഡിക്കല്‍ കോളേജുകളില്‍ എന്തെല്ലാം അടിസ്ഥാന സൗകര്യങ്ങളാണ് ഇനിയും ഒരുക്കുവാനുള്ളത്;

(ഡി)

മെഡിക്കല്‍ കൗണ്‍സിലിന്റെ അംഗീകാരം ലഭിക്കാന്‍, നിലവില്‍ പ്രവര്‍ത്തിച്ചു കൊണ്ടിരിക്കുന്ന മെഡിക്കല്‍ കോളേജുകളിലെ ഡോക്ടര്‍മാരെ പുതിയ മെഡിക്കല്‍ കോളേജുകളിലേക്ക് സ്ഥലംമാറ്റുന്ന അശാസ്ത്രീയ നടപടി മൂലം, നിലവിലുള്ള മെഡിക്കല്‍ കോളേജുകളുടെ പ്രവര്‍ത്തനം താറുമാറാകുകയും രോഗികള്‍ ചികിത്സ ലഭിക്കാതെ വലയുകയും ചെയ്യുന്ന സ്ഥിതിവിശേഷം ശ്രദ്ധയില്‍പ്പെട്ടിട്ടുണ്ടോ;

(ഇ)	അംഗീകാരം നേടിയെടുക്കുന്നതിന് നിലവിലുള്ള മെഡിക്കല്‍‌ കോളേജുകളിലെ ഡോക്ടര്‍മാരെ തസ്തികയോടൊപ്പം മാറ്റിക്കൊണ്ടുപോകുന്ന നടപടി നിര്‍ത്തലാക്കാമോ?

വൈദ്യചികിത്സാ മേഖലയിലെ അനാരോഗ്യ പ്രവണതകള്‍

*67.

ഡോ.എന്‍. ജയരാജ്
ശ്രീ.എം.വി.ശ്രേയാംസ്‌ കുമാര്‍
,, റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	രോഗനിര്‍ണ്ണയത്തിലും മരുന്നുകള്‍ നിര്‍ദ്ദേശിക്കുന്നതിലും ശസ്ത്രക്രിയകള്‍ നടത്തുന്നതിലും മറ്റും അവലംബിക്കുന്ന അനാരോഗ്യകരമായ പ്രവണതകള്‍ മൂലം പൊതുജനാരോഗ്യ രംഗത്തുണ്ടാകുന്ന വെല്ലുവിളികളെ സംബന്ധിച്ചുള്ള റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(ബി)	പ്രസ്തുത മേഖലയില്‍ ഒരു 'മെഡിക്കല്‍ ഓഡിറ്റ് വിംഗ്' ഏര്‍പ്പെടുത്തുന്ന കാര്യത്തില്‍ നയം വ്യക്തമാക്കുമോ;

(സി)	വൈദ്യചികിത്സാ മേഖലയിലെ സേവനങ്ങള്‍ കാര്യക്ഷമമാക്കുന്നതിനും അനാരോഗ്യ പ്രവണതകള്‍ ഫലപ്രദമായി തടയുന്നതിനും ഉതകുന്ന തരത്തില്‍ നിയമനിര്‍മ്മാണം നടത്തുവാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

ആരാധനാലയങ്ങുടെ സ്ഥലം

*68.

ശ്രീ.ബാബു എം. പാലിശ്ശേരി
,, എം.എ.ബേബി
,, പി.ശ്രീരാമകൃഷ്ണന്‍
,, ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ ക്ഷേത്രങ്ങളുടെ സ്ഥലം സര്‍ക്കാര്‍ കൈയടക്കി വെച്ചിട്ടുണ്ടോ ; വ്യക്തമാക്കാമോ;

(ബി)	സര്‍ക്കാര്‍ ഒരു വിഭാഗത്തിന്റെ മാത്രം ആരാധനാലയങ്ങള്‍ ഏറ്റെടുക്കുകയും സ്വത്ത് കൈക്കലാക്കുകയും ചെയ്യുന്നുണ്ടെന്ന ആക്ഷേപത്തിന്റെ നിജസ്ഥിതി വെളിപ്പെടുത്താമോ;

(സി)	ആരാധനാലയങ്ങളുടെ പരിസരത്ത് മറ്റ് മതവിശ്വാസികളെ കച്ചവടം ചെയ്യാന്‍ അനുവദിക്കില്ലെന്ന ചില സംഘടനകളുടെ നിലപാടിനോട് സര്‍ക്കാര്‍ എന്ത് നടപടി സ്വീകരിച്ചു ;വ്യക്തമാക്കുമോ;

(ഡി)	പ്രധാന ആരാധനാലയങ്ങളുടെ പരിസരത്ത് മറ്റു മതവിശ്വാസികള്‍ നുഴഞ്ഞു കയറുന്നുണ്ടെന്ന കാര്യം പരിശോധിച്ചിരുന്നോ; എങ്കില്‍ വിശദാംശം അറിയിക്കാമോ;

(ഇ)	ആരാധനാലയങ്ങളുടെ സ്ഥലം വര്‍ഗീയ ശക്തികള്‍ വിഭാഗീയ പ്രവര്‍ത്തനങ്ങള്‍ക്കായി വ്യാപകമായി ഉപയോഗിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഇതു തടയാന്‍ നടപടി സ്വീകരിക്കാന്‍ തയ്യാറാകുമോ?

ഉത്തരവാദിത്ത ടൂറിസം പദ്ധതി

*69.

ശ്രീ.എം.എ. വാഹീദ്
,, കെ.ശിവദാസന്‍ നായര്‍
,, പി.സി വിഷ്ണുനാഥ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ഉത്തരവാദിത്ത ടൂറിസം പദ്ധതി നടപ്പാക്കിയിട്ടുണ്ടോ എന്ന് അറിയിക്കുമോ ;

(ബി)	ആയതിന്റെ ഉദ്ദേശ്യലക്ഷ്യങ്ങൾ എന്തെല്ലാമാണെന്ന് വിശദമാക്കുമോ ;

(സി)	ഇത് നടപ്പാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് വ്യക്തമാക്കുമോ ?

ടൂറിസം മേഖലയില്‍ പ്രതിസന്ധി

*70.

ശ്രീ.ജി.എസ്.ജയലാല്‍
,, ഇ.ചന്ദ്രശേഖരന്‍
,, വി.ശശി
,, പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തേയ്ക്കുള്ള വിദേശീയരായ വിനോദസഞ്ചാരികളുടെ വരവ് കുറഞ്ഞിട്ടുണ്ടോ; ഉണ്ടെങ്കില്‍ ഇതുമൂലം ടൂറിസം മേഖലയില്‍ ഉണ്ടായിട്ടുള്ള പ്രതിസന്ധി തരണം ചെയ്യുന്നതിന് എന്തു നടപടികളാണുള്ളതെന്ന് വ്യക്തമാക്കുമോ;

(ബി)	കൂടുതല്‍ വിദേശ വിനോദ സഞ്ചാരികളെ സംസ്ഥാനത്തേയ്ക്ക് ആകര്‍ഷിക്കത്തക്ക തരത്തിലുള്ള പരിപാടികള്‍ ആവിഷ്ക്കരിച്ചു നടപ്പാക്കുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അത് പരിഹരിക്കുന്നതിന് എന്തു നടപടികളാണുള്ളതെന്ന് വിശദമാക്കുമോ?

ശ്രീ ചിത്രാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സിലെ ചികിത്സാ നിരക്ക് വര്‍ദ്ധന

*71.

ശ്രീ.തോമസ് ഉണ്ണിയാടന്‍
,, സി.എഫ്.തോമസ്
,, മോന്‍സ്‌ ജോസഫ്
,, റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ശ്രീ ചിത്രാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സില്‍ സാമ്പത്തിക പ്രതിസന്ധിയുടെ പേരില്‍ ചികിത്സാ നിരക്കുകള്‍ വര്‍ദ്ധിപ്പിച്ചത് സാധാരണക്കാരെ ബുദ്ധിമുട്ടിലാക്കിയത് ശ്രദ്ധയില്‍പ്പെട്ടിട്ടുണ്ടോ ;

(ബി)	നിര്‍ദ്ധനരായ രോഗികള്‍ക്ക് പ്രതിലോമകരമായി ഭവിക്കുന്ന ചികിത്സാ നിരക്ക് വര്‍ദ്ധനവ് പിന്‍വലിക്കുന്നതിനും പ്രസ്തുത ആശുപത്രിയുടെ പ്രവര്‍ത്തനത്തിനു് ആവശ്യമായ കേന്ദ്രവിഹിതം ലഭ്യമാക്കുന്നതിനും നടപടികള്‍ സ്വീകരിച്ചിട്ടുണ്ടോ; ഇല്ലെങ്കില്‍ ആവശ്യമായ അടിയന്തര നടപടികള്‍ സ്വീകരിക്കുമോ ?

സ്വകാര്യ ആശുപത്രികളുടെയും, ക്ലിനിക്കല്‍ ലബോറട്ടറികളുടെയും പ്രവര്‍ത്തനം നിയന്ത്രിക്കാനുളള നിയമനിര്‍മ്മാണം

*72.

ശ്രീ.സാജു പോള്‍
,, ബി.സത്യന്‍
,, സി.കെ സദാശിവന്‍
,, കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സ്വകാര്യ ആശുപത്രികളുടെയും ,ക്ലിനിക്കല്‍ ലബോറട്ടറികളുടെയും പ്രവര്‍ത്തനം നിയന്ത്രിക്കാന്‍ കേന്ദ്ര നിയമത്തിന്റെ മാതൃകയില്‍ നിയമനിര്‍മ്മാണം നടത്തുമെന്ന് 2011 മുതല്‍ പലതവണ നല്‍കിയ ഉറപ്പ് പാലിക്കാതിരിക്കുന്നതിന്റെ കാരണങ്ങള്‍ വിശദമാക്കാമോ;

(ബി)	നിയമത്തിന്റെ അഭാവത്തില്‍ സ്വകാര്യ ആശുപത്രികളിലെയും ലബോറട്ടറികളിലെയും ജീവനക്കാരുടെ യോഗ്യത ഉറപ്പുവരുത്താനും സേവന നിലവാരം ഉറപ്പാക്കാനും സാധിക്കാതെ പോയത് സ്വകാര്യ ആശുപത്രികള്‍ക്കും ലബോറട്ടറികള്‍ക്കും വന്‍ചൂഷണത്തിന് വഴിയൊരുക്കിയെന്ന ആക്ഷേപം ശ്രദ്ധയിൽ പെട്ടിട്ടുണ്ടോ?

കാരുണ്യ ഫാര്‍മസികള്‍

*73.

ശ്രീ.എ.കെ.ബാലന്‍
,, കെ.രാധാകൃഷ്ണന്‍
ശ്രീമതി.കെ.കെ.ലതിക
,, കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമാര്‍ക്കറ്റില്‍ മരുന്നുവില വളരെ ഉയരാന്‍ കാരണം, സര്‍ക്കാര്‍ ആശുപത്രികളില്‍ ആവശ്യത്തിനു മരുന്നില്ലാത്തതും കാരുണ്യ ഫാര്‍മസികള്‍ ആവശ്യാനുസരണം സ്ഥാപിച്ച് വില നിയന്ത്രണം സാദ്ധ്യമാക്കാത്തതുമാണെന്ന ആക്ഷേപം പരിശോധിച്ചിട്ടുണ്ടോ;

(ബി)	ഫാര്‍മസി സ്ഥാപിക്കുന്നതിനുള്ള സ്ഥലം ഉണ്ടെങ്കില്‍ മറ്റു ചെലവില്ലാതെ കുറഞ്ഞ വിലയ്ക്ക് മരുന്നു ലഭ്യമാക്കാമെന്നിരിക്കെ പ്രാഥമികാരോഗ്യ കേന്ദ്രങ്ങള്‍ ഉള്‍പ്പെടെ എല്ലാ സര്‍ക്കാര്‍ ആശുപത്രികളിലും സ്ഥലം ലഭ്യമാക്കി കാരുണ്യ ഫാര്‍മസി തുടങ്ങുവാന്‍ എന്തെങ്കിലും തടസ്സമുണ്ടോ;

(സി)	കാന്‍സര്‍ പോലുള്ള രോഗങ്ങള്‍ക്കുള്ള മരുന്നുകള്‍ക്ക് പരമാവധി വില്പനവില രേഖപ്പെടുത്തി രോഗികളെ ചൂഷണം ചെയ്യുന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)

കാന്‍സര്‍ രോഗത്തിനുള്ള ആഡ്‍ലി ഫോര്‍മുലേഷന്‍സ് കമ്പനി നിര്‍മ്മിക്കുന്ന, കാരുണ്യ ഫാര്‍മസികളില്‍ 1007/- രൂപയ്ക്ക് ലഭിക്കുന്ന മരുന്നിന് പരമാവധി വിലയായി 16,500/-, 455/-രൂപയുടെ മരുന്നിന് 4400/-, 705/- രൂപയുടെ മരുന്നിന് 14750/-, 739/- രൂപയുടെ മരുന്നിന് 10,100/- തുടങ്ങിയ രീതിയില്‍ രേഖപ്പെടുത്തി രോഗികളെ കൊള്ളയടിക്കുന്നത് നിയന്ത്രിക്കാന്‍ എന്തു നടപടി സ്വീകരിക്കാനാണുദ്ദേശിക്കുന്നെന്ന് അറിയിക്കാമോ;

(ഇ)	സര്‍ക്കാര്‍ ആശുപത്രികളിലെ ഡോക്ടര്‍മാര്‍ ഉള്‍പ്പെടെ ചേരുവനാമം (ജെനറിക് നെയിം) ഉപയോഗിക്കാതെ ബ്രാന്‍ഡ് പേരില്‍ മരുന്നു കുറിക്കുന്നതിന്റെ പിന്നിലുള്ള താല്പര്യം കര്‍ശനമായി നിയന്ത്രിക്കാന്‍ ഉദ്ദേശിക്കുന്നുണ്ടോ; എങ്കില്‍ എങ്ങനെ നടപ്പാക്കുമെന്ന് അറിയിക്കാമോ?

നോക്കുകൂലി പ്രശ്ന പരിഹാര പദ്ധതി

*74.

ശ്രീ.വര്‍ക്കല കഹാര്‍
,, പി.സി വിഷ്ണുനാഥ്
,, അന്‍വര്‍ സാദത്ത്
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	നോക്കുകൂലി പ്രശ്നം പരിഹരിക്കുന്നതിന് എന്തെല്ലാം കര്‍മ്മ പദ്ധതികള്‍ നടപ്പാക്കിയിട്ടുണ്ട്; വിശദമാക്കുമോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	പദ്ധതി നടപ്പിലാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ഭൂഗര്‍ഭ ജല വിതാനത്തെ സംബന്ധിച്ച പഠനം

*75.

ശ്രീ.കെ.എന്‍.എ.ഖാദര്‍
,, കെ.എം.ഷാജി
,, പി.ബി. അബ്ദുൾ റസാക്
,, റ്റി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഭൂഗര്‍ഭ ജല വിതാനത്തിലെ ഏറ്റക്കുറച്ചിലുകള്‍ കാലാകാലങ്ങളില്‍ പഠന വിധേയമാക്കാറുണ്ടോ;

(ബി)	എങ്കില്‍ കഴിഞ്ഞ അഞ്ചു വര്‍ഷത്തെ പഠന ഫലം എന്തായിരുന്നു എന്ന് വെളിപ്പെടുത്തുമോ;

(സി)	ഏറ്റവും ഗുരുതര ജലശോഷണം ഏതൊക്കെ മേഖലകളിലാണെന്ന് കണ്ടെത്തിയിട്ടുണ്ടോ; പരിഹാര നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?

കുടിവെള്ള പദ്ധതികള്‍

*76.

ശ്രീ.റോഷി അഗസ്റ്റിന്‍
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	വിവിധ വകുപ്പുകളുടെ കീഴില്‍ ആരംഭിച്ച കുടിവെള്ള പദ്ധതികളുടെ നിലവിലെ സ്ഥിതി സംബന്ധിച്ച് പഠനം നടത്തിയിട്ടുണ്ടോ; വിശദാംശങ്ങള്‍ നല്‍കുമോ;

(ബി)	പ്രസ്തുത കുടിവെള്ള പദ്ധതികളില്‍ ഏതെങ്കിലും പ്രവര്‍ത്തനരഹിതമായ അവസ്ഥ നേരിടുന്നുണ്ടോ; ആയതിന്റെ കാരണമെന്തെന്ന് പരിശോധിച്ചിട്ടുണ്ടോ; വിശദാംശങ്ങള്‍ നല്‍കുമോ;

(സി)	ഇപ്രകാരം പ്രവര്‍ത്തനരഹിതമായിട്ടുള്ള കുടിവെള്ള പദ്ധതികളുടെ പ്രവര്‍ത്തനം പുനരാരംഭിക്കുന്നതിന് ആവശ്യമായ നടപടി സ്വീകരിക്കുമോ?

ജീവിത ശൈലി രോഗനിര്‍ണ്ണയവും ചികിത്സയും

*77.

ശ്രീ.ടി.എന്‍. പ്രതാപന്‍
,, എ.പി.അബ്ദുള്ളക്കുട്ടി
,, വി.റ്റി.ബല്‍റാം
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ജീവിത ശൈലി രോഗനിര്‍ണ്ണയവും ചികിത്സയും സൗജന്യമായി നല്‍കുന്ന പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	പ്രസ്തുത പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

പൂട്ടിയ തോട്ടങ്ങള്‍ തുറക്കുന്നതിനുള്ള കര്‍മ്മപദ്ധതി

*78.

ശ്രീ.ബെന്നി ബെഹനാന്‍
,, ലൂഡി ലൂയിസ്
,, ജോസഫ് വാഴയ്ക്കൻ
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	പൂട്ടിക്കിടക്കുന്ന തോട്ടങ്ങള്‍ തുറക്കുന്നതിന് എന്തെല്ലാം കര്‍മ്മപദ്ധതികള്‍ നടപ്പാക്കിയിട്ടുണ്ട് എന്ന് അറിയിക്കാമോ ;

(ബി)	ഇതിന്റെ ഉദ്ദേശ്യലക്ഷ്യങ്ങൾ എന്തെല്ലാമാണെന്ന് വിശദമാക്കാമോ;

ആയുര്‍വ്വേദ സംസ്ഥാനമാക്കന്‍ കര്‍മ്മ പദ്ധതി

*79.

ശ്രീ.വി.ഡി.സതീശന്‍
,, എ.പി.അബ്ദുള്ളക്കുട്ടി
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തെ ആയുര്‍വ്വേദ സംസ്ഥാനമാക്കുന്നതിന് കര്‍മ്മ പദ്ധതികള്‍ ആവിഷ്കരിച്ചിട്ടുണ്ടോ;

(ബി)	എന്തെല്ലാം ലക്ഷ്യങ്ങളാണ് ഇതുവഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശം വ്യക്തമാക്കാമോ?

ഔഷധ ഗുണനിലവാര പരിശോധന

*80.

ശ്രീ.വി.ശിവന്‍കുട്ടി
,, കെ.കെ.നാരായണന്‍
,, എ.എം. ആരിഫ്
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കേരള മെഡിക്കല്‍ സര്‍വ്വീസസ് കോര്‍പ്പറേഷന് മരുന്നു വിതരണം ചെയ്യുന്ന കരാറുകാര്‍ ഓരോ ബാച്ചിനുമൊപ്പം എന്‍.എ. ബി.എല്‍. അക്രഡിറ്റഡ്/കേന്ദ്ര മരുന്നു പരിശോധനാ ലബോറട്ടറിയില്‍ നിന്നുള്ള സാക്ഷ്യപത്രം ഹാജരാക്കണമെന്ന നിബന്ധന 2015-16 വര്‍ഷം ഒഴിവാക്കിയിരുന്നോ; എങ്കില്‍ കാരണമെന്തെന്ന് വിശദീകരിക്കുമോ;

(ബി)	മരുന്നു നിലവാരം ഉറപ്പാക്കാനായി എന്തെങ്കിലും പകരം സംവിധാനമുണ്ടോ; എങ്കില്‍ എന്താണ്; ഓരോ ബാച്ചും സംസ്ഥാനത്തെ ഔഷധ ഗുണനിലവാര പരിശോധന ലബോറട്ടറിയില്‍ പരിശോധിച്ചതിനു ശേഷമാണോ സര്‍ക്കാര്‍ ആശുപത്രികളിലൂടെ രോഗികള്‍ക്ക് നല്‍കാനായി വിതരണം ചെയ്യുന്നത്;

(സി)

റാന്‍ഡം പരിശോധനാ ഫലം വെളിപ്പെടുത്താമോ; ഗുണനിലവാരമില്ലെന്നു കണ്ടെത്തിയതില്‍ എത്ര ബാച്ചുകള്‍ ഗുണപരിശോധനാ റിപ്പോര്‍ട്ടുകള്‍ ലഭിക്കുന്നതിനു മുമ്പ് വിതരണം ചെയ്തിരുന്നു; ഏതൊക്കെ കമ്പനികളെ കരിമ്പട്ടികയില്‍പ്പെടുത്തി; ഏതൊക്കെ കമ്പനികള്‍ക്കെതിരെ ക്രിമിനല്‍ നിയമനടപടി സ്വീകരിച്ചു; ഏതെങ്കിലും രോഗിക്ക് നഷ്ടപരിഹാരം നല്‍കിയോ ;

(ഡി)	സര്‍ക്കാര്‍ ആശുപത്രികളെ ആശ്രയിക്കാന്‍ നിര്‍ബന്ധിതരാകുന്ന പാവപ്പെട്ട രോഗികളെ മരുന്നു കമ്പനികളുടെ പരീക്ഷണ വസ്തുവാക്കി മാറ്റുന്നതായ ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു പരിഹരിയ്ക്കുന്നതിന് നടപടി സ്വീകരിയ്ക്കുമോ?

പ്രാഥമികാരോഗ്യ കേന്ദ്രങ്ങളിലെ അടിസ്ഥാന സൗകര്യ വികസനം

*81.

ശ്രീ.കോലിയക്കോട് എന്‍. കൃഷ്ണന്‍ നായര്‍
,, എസ്.ശർമ്മ
,, എം. ഹംസ
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	പ്രാഥമിക ദ്വിതീയ ആരോഗ്യ പരിപാലന മേഖല ശക്തിപ്പെടുത്തുന്നതില്‍ പരാജയപ്പെട്ടിട്ടുണ്ടോ; വിശദമാക്കുമോ ;

(ബി)	പ്രാഥമികാരോഗ്യ കേന്ദ്രങ്ങളിലെയും സാമൂഹികാരോഗ്യ കേന്ദ്രങ്ങളിലെയും താലൂക്കാശുപത്രികളിലെയും അടിസ്ഥാന സൗകര്യ വികസനത്തിനായി നിലവിലുള്ള സർക്കാരിന്റെ കാലത്ത് ആരോഗ്യ വകുപ്പ് സ്വീകരിച്ച നടപടികൾ വിശദമാക്കാമോ;

(സി)	പ്രാഥമികാരോഗ്യകേന്ദ്രങ്ങളിലെ അടിസ്ഥാന സൗകര്യ വികസനം തദ്ദേശ സ്വയംഭരണ സ്ഥാപനങ്ങളെ ഏല്പിക്കുന്നത് ബഹുജനാരോഗ്യരംഗത്തെ പ്രതികൂലമായി ബാധിക്കുന്നുണ്ടെന്ന ആക്ഷപം പരിശോധിച്ചിട്ടുണ്ടോ;

(ഡി)	പ്രാഥമിക തലത്തിലെ സര്‍ക്കാര്‍ ആശുപത്രികളില്‍ രോഗനിര്‍ണ്ണയ പരിശോധനാ സൗകര്യം ഇല്ലാത്തതിനാല്‍ രോഗികള്‍ സ്വകാര്യ ആശുപത്രികളെയും പരിശോധനാ സ്ഥാപനങ്ങളേയും ആശ്രയിക്കാന്‍ നിര്‍ബന്ധിതരാകുന്നു എന്ന ആക്ഷേപം വിലയിരുത്തിയിട്ടുണ്ടോ;

(ഇ)	നിരവധി പ്രാഥമികാരോഗ്യ കേന്ദ്രങ്ങളില്‍ ഡോക്ടര്‍മാര്‍ ഇല്ലെന്നും മരുന്നുകള്‍ ലഭ്യമല്ലെന്നുമുള്ള ആക്ഷപം പരിശോധിച്ചിട്ടുണ്ടോ; എങ്കില്‍ എന്ത് പരിഹാര നടപടികള്‍ സ്വീകരിച്ചെന്ന് അറിയിക്കാമോ?

നേഴ്സിംഗ് റിക്രൂട്ട്മെന്റ്

*82.

ശ്രീ.ബി.ഡി. ദേവസ്സി
,, ബാബു എം. പാലിശ്ശേരി
ശ്രീമതി.കെ.കെ.ലതിക
ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര-സംസ്ഥാന സര്‍ക്കാരുകള്‍ റിക്രൂട്ട്മെന്റ് സൗകര്യമൊരുക്കാതെ നേഴ്സിംഗ് റിക്രൂട്ട്മെന്റ്, എംബസി വഴിയാക്കിയത് സംസ്ഥാനത്തെ നേഴ്സുമാരെ ഗുരുതരമായ പ്രതിസന്ധിയിലാക്കിയ കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഇന്ത്യയില്‍ നിന്നുള്ള നേഴ്സിംഗ് റിക്രൂട്ട്മെന്റ് നടപടികള്‍ സങ്കീര്‍ണ്ണമായതോടെ തൊഴില്‍ദാതാക്കള്‍ മറ്റ് രാജ്യങ്ങളില്‍ നിന്ന് റിക്രൂട്ട്മെന്റ് നടത്തുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

(സി)	റിക്രൂട്ട്മെന്റ് സംവിധാനം ലളിതവല്‍ക്കരിക്കാനും കാര്യക്ഷമമാക്കാനും തൊഴില്‍ വകുപ്പ് ഇടപെടല്‍ നടത്തുമോ;

(ഡി)

വിദേശ രാജ്യങ്ങളിലേക്കുള്ള റിക്രൂട്ട്മെന്റ് പരിമിതപ്പെട്ടതുകാരണം സംസ്ഥാനത്തും രാജ്യത്തിന്റെ മറ്റു ഭാഗങ്ങളിലും നേഴ്സുമാരുടെ ശമ്പളം കുറച്ച് അവരെ കൂടുതല്‍ ചൂഷണത്തിനു വിധേയമാക്കുന്നുവെന്നത് ശ്രദ്ധയില്‍പ്പെട്ടിട്ടുണ്ടോ; നേഴ്സുമാര്‍ അഭിമൂഖീകരിക്കുന്ന പ്രശ്നങ്ങള്‍ കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തി പരിഹാരം കാണാന്‍‍ എന്തു നടപടി സ്വീകരിച്ചെന്ന് അറിയിക്കാമോ?

ശുദ്ധജല വിതരണ പദ്ധതികള്‍

*83.

ശ്രീ.സി.കെ.നാണു
ശ്രീമതി.ജമീലാ പ്രകാശം
ശ്രീ.ജോസ് തെറ്റയില്‍
,, മാത്യു റ്റി.തോമസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ആകെ എത്ര വന്‍കിട ശുദ്ധജല വിതരണ പദ്ധതികള്‍ പ്രവര്‍ത്തിക്കുന്നുണ്ട്; അവ ഏതെല്ലാം;

(ബി)	പദ്ധതികളുടെ ജലസ്രോതസ്സ് മുതല്‍ വിതരണത്തിന്റെ അവസാനം വരെയുള്ള സംവിധാനങ്ങള്‍ നിരന്തരമായ പരിശോധനയ്ക്കും പോരായ്മകള്‍ പരിഹരിക്കാനുമുള്ള നടപടികള്‍ക്കും വിധേയമാക്കാന്‍ എന്ത് വ്യവസ്ഥയാണ് നിലവിലുള്ളത്; വിശദാംശങ്ങള്‍ വ്യക്തമാക്കാമോ;

(സി)	തിരുവനന്തപുരം നഗരത്തിലും പ്രാന്ത പ്രദേശത്തും ശുദ്ധജലം എത്തിക്കുന്ന അരുവിക്കരയിലെ ജലസ്രോതസ്സിന്റെ വൃഷ്ടി പ്രദേശത്ത് മനുഷ്യ വിസര്‍ജ്ജ്യം ഉള്‍പ്പെടെയുള്ള മാലിന്യങ്ങള്‍ കെട്ടിക്കിടക്കുന്നു എന്ന റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ അത് സംബന്ധിച്ച വിശദാംശങ്ങളും അതിന്മേല്‍ സ്വീകരിച്ച നടപടികളും എന്തെല്ലാമാണെന്ന് വ്യക്തമാക്കുമോ?

കുട്ടികളിലെ വൃക്കരോഗം

*84.

ശ്രീമതി.ഗീതാ ഗോപി
ശ്രീ.വി.എസ്.സുനില്‍ കുമാര്‍
,, ചിറ്റയം ഗോപകുമാര്‍
ശ്രീമതി.ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കുട്ടികളുടെ ഇടയില്‍ വൃക്കരോഗം വ്യാപകമാകുന്നതു സംബന്ധിച്ച് ഏതെങ്കിലും തരത്തിലുള്ള പഠനങ്ങള്‍ നടത്തിയിട്ടുണ്ടോ; ഉണ്ടെങ്കില്‍ അതിന്റെ വിശദാംശങ്ങള്‍ വെളിപ്പെടുത്തുമോ;

(ബി)	ഇത്തരത്തില്‍ വൃക്കരോഗം വ്യാപകമാകുന്നതിനുള്ള കാരണങ്ങള്‍ എന്തെല്ലാമാണെന്ന് കണ്ടെത്തിയിട്ടുണ്ടോ; ഉണ്ടെങ്കില്‍ വിശദമാക്കുമോ;

(സി)	വൃക്കരോഗങ്ങളെ പ്രതിരോധിക്കുന്നതു സംബന്ധിച്ച് എന്തെല്ലാം നടപടികള്‍ സ്വീകരിച്ചു വരുന്നുണ്ടെന്ന് വ്യക്തമാക്കുമോ?

തോട്ടം തൊഴിലാളികളുടെ വേതനം

*85.

ശ്രീ.സി.ദിവാകരന്‍
,, കെ.അജിത് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	തോട്ടം തൊഴിലാളികളുടെ വേതനവും മറ്റാനുകൂല്യങ്ങളും പുതുക്കുന്നതിനായി പ്ലാന്റേഷന്‍ ലേബര്‍ കമ്മിറ്റി യോഗത്തില്‍ തീരുമാനമുണ്ടായിട്ടുണ്ടോ; എങ്കില്‍ പ്രസ്തുത കമ്മിറ്റിയില്‍ എടുത്ത തീരുമാനങ്ങള്‍ എന്തെല്ലാമാണെന്ന് വ്യക്തമാക്കുമോ;

(ബി)	തോട്ടം തൊഴിലാളി സമരം ഒത്തുതീര്‍പ്പാക്കുന്നതിന് ആധാരമായി സ്വീകരിച്ച വ്യവസ്ഥകള്‍ എന്തെല്ലാം; പ്രസ്തുത വ്യവസ്ഥകള്‍ നടപ്പാക്കാന്‍ കഴിഞ്ഞിട്ടുണ്ടോ; ഇല്ലെങ്കില്‍ കാരണം വെളിപ്പെടുത്തുമോ;

(സി)	തേയില, കാപ്പി,റബ്ബര്‍, ഏലം, തുടങ്ങിയ തോട്ടങ്ങളിലെ തൊഴിലാളികളുടെ അദ്ധ്വാനഭാരം വര്‍ദ്ധിപ്പിക്കണമെന്ന ആവശ്യത്തിന്മേലുള്ള നിലപാട് വിശദമാക്കുമോ?

പ്ലാന്റേഷന്‍ ലേബര്‍ കമ്മിറ്റി കരാര്‍

*86.

ശ്രീ.എസ്.രാജേന്ദ്രന്‍
,, കെ.കെ.ജയചന്ദ്രന്‍
,, കോലിയക്കോട് എന്‍. കൃഷ്ണന്‍ നായര്‍
,, ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	പ്ലാന്റേഷന്‍ ലേബര്‍ കമ്മിറ്റി കരാര്‍ ഒപ്പു വെക്കാന്‍ കഴിയാതിരുന്നതിന്റെ കാരണം വിശദീകരിക്കുമോ; ഇക്കാര്യത്തില്‍ സര്‍ക്കാര്‍ നിലപാട് വ്യക്തമാക്കാമോ; വേതനം പുതുക്കാനായി എന്ത് തുടര്‍ നടപടിയാണ് സ്വീകരിക്കാനുദ്ദേശിക്കുന്നത്;

(ബി)	നിലവിലെ ലേല കേന്ദ്രങ്ങളെ ഒഴിവാക്കി കമ്മ്യൂണിറ്റി ട്രേഡിംഗ് സമ്പ്രദായം നടപ്പാക്കണമെന്ന ആവശ്യം നടപ്പിലാക്കുമോ; ഇല്ലെങ്കില്‍ അതിന്റെ കാരണം വ്യക്തമാക്കാമോ;

(സി)	മാനേജ് മെന്റുകളില്‍ നിന്ന് തോട്ടം ഏറ്റെടുത്ത് പ്ലാന്റേഷന്‍ കോര്‍പ്പറേഷന്‍ വഴിയോ ദിനേശ് മാതൃകയില്‍ സഹകരണ സംഘങ്ങള്‍ വഴിയോ നടത്താന്‍ ആവശ്യമായ നിയമനിര്‍മ്മാണത്തിനും, മറ്റു നടപടികള്‍ സ്വീകരിക്കാനും തയ്യാറാകുമോ;

(ഡി)	നിയമലംഘകരായ മാനേജ് മെന്റുകള്‍ക്കെതിരെ എന്തു നടപടി സ്വീകരിക്കുമെന്ന് അറിയിക്കാമോ?

വീട് നിര്‍മ്മാണത്തിനായി അനുവദിക്കുന്ന തുക വര്‍ദ്ധിപ്പിക്കുവാന്‍ നടപടി

*87.

ശ്രീ.കെ.രാധാകൃഷ്ണന്‍
,, ഇ.പി.ജയരാജന്‍
,, പുരുഷന്‍ കടലുണ്ടി
,, കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പട്ടികജാതിയില്‍പ്പെട്ട വീടില്ലാത്തവര്‍ക്ക് അനുവദിച്ച വീടുകളില്‍ മൂന്നിലൊന്നു മാത്രം പൂര്‍ത്തിയാക്കാനിടയായ സാഹചര്യം പരിശോധിച്ചിട്ടുണ്ടോ; വിശദാംശം അറിയിക്കുമോ;

(ബി)	വീടു നിര്‍മ്മാണം പൂര്‍ത്തീകരിക്കാന്‍ സാധിക്കാതെ പോകുന്നത് പരിഹരിക്കാനായി സ്വീകരിച്ച നടപടികള്‍ എന്തൊക്കെയെന്ന് അറിയിക്കുമോ;

(സി)	വീട് നിര്‍മ്മാണത്തിനായി അനുവദിക്കുന്ന തുക വര്‍ദ്ധിപ്പിക്കുകയും പലിശരഹിത വായ്പ നല്‍കി പൂര്‍ത്തീകരിക്കാത്ത വീടുകള്‍ പൂര്‍ത്തിയാക്കാന്‍ ആവശ്യമായ സാഹചര്യം സൃഷ്ടിക്കുകയും ചെയ്യുമോ?

ശ്രീ ചിത്രാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ്

*88.

ശ്രീ.രാജു എബ്രഹാം
,, കോടിയേരി ബാലകൃഷ്ണന്‍
,, ബി.സത്യന്‍
,, റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)

ഹൃദയ- നാഡീവ്യൂഹ വിദഗ്ധ ചികിത്സയ്ക്ക് സാധാരണക്കാര്‍ക്ക് ആശ്രയമായിരുന്ന ശ്രീ ചിത്രാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് കേന്ദ്ര സര്‍ക്കാരില്‍ നിന്നു വേണ്ട സഹായം ലഭിക്കാത്ത കാരണം ചൂണ്ടിക്കാട്ടി നിരക്ക് വര്‍ദ്ധിപ്പിച്ചതു സാധാരണക്കാരെ വളരെ ബുദ്ധിമുട്ടിലാക്കിയിരിക്കുന്നത് പരിശോധിച്ചിരുന്നോ എന്ന് വ്യക്തമാക്കാമോ ;

(ബി)	ആയത്‌ കണക്കിലെടുത്ത് കേന്ദ്ര സര്‍ക്കാരില്‍ നിന്ന് അധിക ധനസഹായം ലഭ്യമാക്കാനായി എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ വിശദമാക്കാമോ ;

(സി)	സ്ഥാപനത്തിന് ഉണ്ടെന്ന് പറയപ്പെടുന്ന സാമ്പത്തിക പ്രതിസന്ധി പരിഹരിക്കാനായി എന്തെങ്കിലും നടപടി സ്വീകരിക്കാന്‍ തയ്യാറാകുമോ; വിശദമാക്കാമോ?

ചെറുകിട ജലസംഭരണ സംവിധാനങ്ങള്‍

*89.

ശ്രീ.പുരുഷന്‍ കടലുണ്ടി
,, പി.ശ്രീരാമകൃഷ്ണന്‍
പ്രൊഫ. സി.രവീന്ദ്രനാഥ്
ശ്രീ.എം. ഹംസ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്ത് ലഭിക്കുന്ന മഴവെള്ളം ഭൂമിയില്‍ പിടിച്ചു നിര്‍ത്താനായി നദികള്‍, അരുവികള്‍, നീര്‍ച്ചാലുകള്‍ എന്നിവയുള്‍പ്പെടെ സൗകര്യമുള്ളിടത്തൊക്കെ ചെറുകിട ജലസംഭരണ സംവിധാനങ്ങള്‍ ഒരുക്കുന്നതിന് തദ്ദേശസ്വയംഭരണ സ്ഥാപനങ്ങള്‍ക്കും വ്യക്തികള്‍ക്കും സാമ്പത്തിക സഹായം നല്‍കുന്നതിനായി 100 കോടി രൂപ വകയിരുത്തിയ 2014-15 ബജറ്റിലെ മുന്‍ഗണനാപദ്ധതിയുടെ നിലവിലെ സ്ഥിതി വിശദമാക്കാമോ;

(ബി)	ഈ പദ്ധതി പ്രകാരം എത്ര പ്രോജക്ടുകള്‍ നടപ്പാക്കിയെന്ന് അറിയിക്കാമോ;

(സി)	തദ്ദേശസ്വയംഭരണ സ്ഥാപനങ്ങള്‍ക്കും വ്യക്തികള്‍ക്കും ഈ പദ്ധതിക്കായി എത്ര തുക നല്‍കിയെന്നും അതിനു സ്വീകരിച്ച മാനദണ്ഡവും അറിയിക്കാമോ?

ആള്‍ ഇന്ത്യാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ്

*90.

ശ്രീ.എം.എ.ബേബി
,, കോലിയക്കോട് എന്‍. കൃഷ്ണന്‍ നായര്‍
,, കെ.സുരേഷ് കുറുപ്പ്
ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിൽ ആള്‍ ഇന്ത്യാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് (എയിംസ്) നേടിയെടുക്കുന്നതിൽ പരാജയപ്പെട്ടതിന്റെ കാരണങ്ങള്‍ അറിയിക്കാമോ;

(ബി)	എയിംസ് അനുവദിക്കാനായി കേന്ദ്രസര്‍ക്കാര്‍ എന്തെല്ലാം നിബന്ധനകളാണ് വെച്ചിരുന്നതെന്നും, അവ പാലിക്കുവാൻ കഴിയാതെ പോയതിന്റെ കാരണങ്ങളും വിശദമാക്കാമോ;

(സി)	അടുത്ത സാമ്പത്തിക വർഷമെങ്കിലും എയിംസ് അനുവദിപ്പിക്കാനായി എന്തു നടപടി സ്വീകരിക്കുമെന്ന് അറിയിക്കുമോ?

കേരള നിയമസഭാ സെക്രട്ടേറിയറ്റ്‌,

പി.ഡി.ശാരംഗധരന്‍,

തിരുവനന്തപുരം,

സെക്രട്ടറി.

01-02-2016

Website maintained by Information System Section, Kerala Legislative Assembly, Thiruvananthapuram.