13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >14^th Session>Unstarred questions Answers

Answer Provided

Answer Not Yet Provided

THIRTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

തോട്ടുകര പാലത്തിന് ഭരണാനുമതി

5283.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തൃക്കരിപ്പൂര്‍ മണ്ഡലത്തിലെ പടന്ന മൂസഹാജി മുക്കിനെ കിനാത്തിലുമായി ബന്ധിപ്പിക്കുന്ന തോട്ടുകര പാലത്തിന് ഭരണാനുമതി നല്‍കുന്നതിന് എന്താണ് തടസ്സമെന്ന് വ്യക്തമാക്കാമോ ; പ്രസ്തുത പ്രവൃത്തിക്ക് എന്ന് ഭരണാനുമതി നല്‍കാന്‍ കഴിയുമെന്ന് വ്യക്തമാക്കാമോ ?

നടപ്പാതകളിലെ കയ്യേറ്റം

5284.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	റോ‍ഡുകളുടെ നടപ്പാതകളിലെ കയ്യേറ്റം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത്തരം കയ്യേറ്റങ്ങള്‍ ഒഴിപ്പിക്കുന്നതിന് അടിയന്തര നടപടി സ്വീകരിക്കുമോ;

(സി)	നടപ്പാതകള്‍ കയ്യേറി സ്വകാര്യസ്ഥാപനങ്ങളും മറ്റും പാര്‍ക്കിംഗ് സ്ഥലമായി ഉപയോഗിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	ഇത് കാല്‍നട യാത്രക്കാര്‍ക്കും മറ്റും തടസ്സങ്ങള്‍ സൃഷ്ടിക്കുന്ന സാഹചര്യത്തില്‍ ഇത്തരക്കാര്‍ക്കെതിരെ കര്‍ശന നടപടി സ്വീകരിക്കുമോ;

(ഇ)	കയ്യേറ്റങ്ങള്‍ക്കെതിരെ സ്വീകരിച്ച നടപടി വ്യക്തമാക്കുവാന്‍ ആവശ്യപ്പെട്ട് സുപ്രീംകോടതിയുടെ നോട്ടീസ് ലഭിച്ചിട്ടുണ്ടോ;

(എഫ്)

എങ്കില്‍ ആയതിന്റെ അടിസ്ഥാനത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

കുട്ടനാട്ടിലെ നിര്‍മ്മാണ പ്രവൃത്തികള്‍

5285.

ശ്രീ.തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പ് കുട്ടനാട്ടില്‍ നടപ്പിലാക്കിയ പ്രവൃത്തികളുടെ ലിസ്റ്റ് ലഭ്യമാക്കുമോ;

(ബി)	അതിൽ ഏതെല്ലാം പ്രവൃത്തികള്‍ പൂര്‍ത്തീകരിച്ചുവെന്നും ഇനി ഏതെല്ലാം പ്രവൃത്തികള്‍ പൂര്‍ത്തീകരിക്കാനുണ്ടെന്നുമുള്ള വിശദമായ റിപ്പോര്‍ട്ട് ലഭ്യമാക്കുമോ;

(സി)	പ്രസ്തുത പ്രവൃത്തികളില്‍ ഏതെല്ലാം ആണ് റദ്ദുചെയ്തിട്ടുള്ളതെന്ന് വിശദമാക്കുമോ?

ഇ-ഗവേണന്‍സ് പദ്ധതികള്‍

5286.

ശ്രീ.ടി.എന്‍. പ്രതാപന്‍
,, എ.പി.അബ്ദുള്ളക്കുട്ടി
,, ആര്‍ . സെല്‍വരാജ്
,, വി.റ്റി.ബല്‍റാം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പി.ഡബ്ല്യൂ .ഡി വകുപ്പില്‍ ഇ-ഗവേണന്‍സ് പദ്ധതികള്‍ നടപ്പാക്കാന്‍ ഉദ്ദേശിക്കുന്നുണ്ടോ;

(ബി)	എന്തെല്ലാം ലക്ഷ്യങ്ങളാണ് പ്രസ്തുത പദ്ധതി വഴി കൈവരിക്കാനുദ്ദേശിക്കുന്നതെന്നു വ്യക്തമാക്കാമോ;

(സി)	പ്രസ്തുത പദ്ധതിക്കായി സ്വീകരിച്ച നടപടികൾ എന്തൊക്കെയാണ്?

സി.ആര്‍.എഫ് ഫണ്ടുപയോഗിച്ച് റോഡ് നിര്‍മ്മാണം

5287.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലയില്‍പ്പെടുന്ന പാങ്ങോട് - ശിവഗിരി റോഡ് നിര്‍മ്മാണത്തിനായുള്ള എസ്റ്റിമേറ്റിന് സി. ആര്‍. എഫില്‍ (CRF) ഉള്‍പ്പെടുത്തി അനുവാദം ലഭിക്കുന്നതിന് ശിപാര്‍ശ നല്‍കിയത് എന്നാണ്;

(ബി)	പ്രസ്തുത പ്രവൃത്തിക്ക് ഭരണാനുമതി ലഭിച്ചത് എന്നാണ്;

(സി)	സി. ആര്‍. എഫ് (CRF) അനുവദിക്കുന്നതിന്റെ മാനദണ്ഡങ്ങള്‍ വിശദമാക്കുമോ;

(ഡി)	ഈ സര്‍ക്കാര്‍ അധികാരമേറ്റ ശേഷം കൊല്ലം ജില്ലയില്‍പ്പെടുന്ന എത്ര റോഡുകള്‍ക്ക് സി. ആര്‍. എഫില്‍ ഉള്‍പ്പെടുത്തി ഭരണാനുമതി ലഭിച്ചിരുന്നു; അതിന്‍െറ വിശദാംശങ്ങള്‍ ലഭ്യമാക്കുമോ?

പി.ഡബ്ള്യു.ഡി യുടെ ഗവണ്‍മെന്റ് ഒബ്സര്‍വേറ്ററി ക്വാര്‍ട്ടേഴ്സ്

5288.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരത്ത്, പി.ഡബ്ള്യു.ഡി യുടെ കീഴിലുള്ള ഗവണ്‍മെന്റ് ഒബ്സര്‍വേറ്ററി ക്വാര്‍ട്ടേഴ്സ് അലോട്ട് ചെയ്യുമ്പോള്‍ എന്തെല്ലാം തരം ചാര്‍ജുകള്‍ ആണ് താമസക്കാര്‍ അടയ്ക്കണമെന്ന് വ്യവസ്ഥയുള്ളത്; വിശദമാക്കുമോ;

(ബി)	ക്വാര്‍ട്ടേഴ്സുകള്‍ അലോട്ട് ചെയ്യുമ്പോള്‍ ഇത് സംബന്ധിച്ച് സമ്മതപത്രം ഇവരില്‍ നിന്ന് എഴുതി വാങ്ങാറുണ്ടോ; വിശദാംശങ്ങള്‍ നല്കാമോ;

(സി)	പ്രസ്തുത ഒബ്സര്‍വേറ്ററി ക്വാര്‍ട്ടേഴ്സിലുള്ള വൈദ്യുതി കണക്ഷനുകളുടെ ഉപഭോക്താവ് ആരാണ്; വിശദമാക്കാമോ;

(ഡി)	പ്രസ്തുത ക്വാട്ടേഴ്സില്‍ ഉള്ള വൈദ്യുതി കണക്ഷനുകള്‍ക്ക് സെക്യൂരിറ്റി ഡിപ്പോസിറ്റ് അടയ്ക്കാന്‍ താമസക്കാര്‍ നിര്‍ബന്ധിതരാകുന്നു എന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ഇ)	സെക്യൂരിറ്റി ഡിപ്പോസിറ്റ് ഉപഭോക്താവില്‍ നിന്നു മാത്രം ഈടാക്കാന്‍ വ്യവസ്ഥയുള്ള സ്ഥിതിക്ക് ഇത് പി.ഡബ്ള്യു.ഡി തന്നെ ഏറ്റെടുത്ത് ഉപയോഗിക്കുന്ന വൈദ്യുതി ചാര്‍ജ്ജ് മാത്രം താമസിക്കുന്നവരില്‍ നിന്നും ഈടാക്കാന്‍ വേണ്ട നടപടികള്‍ എടുക്കാമോ?

ലോക ബാങ്ക് ധനസഹായത്തോടെയുള്ള പദ്ധതികള്‍

5289.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് റോഡുകളുടെ അറ്റകുറ്റപ്പണികള്‍ക്കായി ലോക ബാങ്ക് ധനസഹായത്തോടെയുള്ള പദ്ധതികള്‍ക്കായി നടപ്പു സാമ്പത്തിക വര്‍ഷം എത്ര തുക വകയിരുത്തിയിട്ടുണ്ട്;

(ബി)	പ്രസ്തുത പദ്ധതി പ്രകാരം അറ്റകുറ്റപ്പണികള്‍ നടത്തുവാനുള്ള പൊതുമരാമത്ത് റോഡുകളുടെ മുന്‍ഗണനാ പട്ടിക പൊതുമരാമത്ത് വകുപ്പ് തയ്യാറാക്കുകയുണ്ടായോ;

(സി)	പ്രസ്തുത പദ്ധതിയില്‍ ഉള്‍പ്പെടുത്തുന്നതിനായി കണ്ണൂര്‍ ജില്ലയിലെ ഏതെല്ലാം പൊതുമരാമത്ത് റോഡുകളാണ് തെരെഞ്ഞെടുത്തിട്ടുള്ളതെന്നും ഓരോ റോഡുകളുടെ നിര്‍മ്മാണത്തിനും എത്ര തുക വീതമാണ് വേണ്ടിവരുന്നതെന്നും വ്യക്തമാക്കുമോ?

ഓരോ നിയോജകമണ്ഡലത്തിനും അനുവദിച്ച പ്രവൃത്തികളും തുകയും

5290.

ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	യു.ഡി.എഫ്. സര്‍ക്കാര്‍ അധികാരത്തില്‍ വന്നതിന് ശേഷം ഓരോ നിയോജകമണ്ഡലത്തിനും പൊതുമരാമത്ത് വകുപ്പ് അനുവദിച്ച പ്രവൃത്തികളും തുകയും പ്രത്യേകം പ്രത്യേകം വിശദമാക്കാമോ ;

(ബി)	ഓരോ പ്രവൃത്തിയുടെയും നിര്‍വഹണം ഏത് ഘട്ടത്തിലാണെന്ന് പ്രത്യേകം പ്രത്യേകം വ്യക്തമാക്കാമോ ?

റോഡ് സുരക്ഷാ പ്രവര്‍ത്തനങ്ങള്‍

5291.

ശ്രീ.ഡൊമിനിക് പ്രസന്റേഷന്‍
,, ഐ.സി.ബാലകൃഷ്ണന്‍
,, ആര്‍ . സെല്‍വരാജ്
,, എം.പി.വിന്‍സെന്‍റ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡ് സുരക്ഷാ പ്രവര്‍ത്തനങ്ങള്‍ക്ക് മരാമത്ത് വകുപ്പ് പദ്ധതി രൂപീകരിച്ചിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇതുവഴി കൈവരിക്കാനുദ്ദേശിച്ചത് ;

(സി)	ഇതിനായി ഭരണ തലത്തില്‍ എന്തെല്ലാം നടപടികളാണ് എടുത്തത് ?

ഹെവി മെയിന്റനന്‍സ് പദ്ധതി

5292.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഹെവി മെയിന്റനന്‍സ് പദ്ധതി ഇനി എത്ര കിലോമീറ്റര്‍ സംസ്ഥാന പാതകളില്‍ നടപ്പിലാക്കാനുണ്ട് എന്ന് അറിയിക്കാമോ ;

(ബി)	പ്രസ്തുത പദ്ധതി എന്നത്തേക്ക് പൂര്‍ത്തിയാക്കാനാകുമെന്ന് പ്രതീക്ഷിക്കുന്നുവെന്ന് അറിയിക്കുമോ ?

പാലം നിര്‍മ്മാണത്തിന്റെ ഭാഗമായി പുഴയില്‍ നിക്ഷേപിക്കുന്ന മണ്ണ് യഥാസമയം നീക്കം ചെയ്യാൻ നടപടി

5293.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പാലങ്ങളുടെ നിര്‍മ്മാണത്തിന്റെ ഭാഗമായി പുഴകളിൽ നിക്ഷേപിക്കുന്ന മണ്ണ് പാലത്തിന്റെ പ്രവൃത്തി പൂര്‍ത്തിയായാലും നീക്കാത്തതിനാല്‍ പുഴകളില്‍ മത്സ്യസമ്പത്തിനുണ്ടാക്കുന്ന ശോഷണവും പാരിസ്ഥിതിക പ്രശ്നവും കണക്കിലെടുത്ത് യഥാസമയം നീക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുളളത്;

(ബി)	കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ ചാട്ടൂല്‍-ചുങ്കം പാലത്തിന്റെ നിര്‍മ്മാണവുമായി ബന്ധപ്പെട്ട് പുഴയില്‍ നിക്ഷേപിച്ച മണ്ണ് നീക്കം ചെയ്യുന്നതിന് നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

പാലം നിര്‍മ്മാണത്തിന്റെ പുഴയില്‍ നിക്ഷേപിച്ച മണ്ണ്

5294.

(എ)	പാലം നിര്‍മ്മാണത്തിന്റെ ഭാഗമായി പുഴകളില്‍ നിക്ഷേപിക്കുന്ന മണ്ണ് പാലത്തിന്റെ നിര്‍മ്മാണം പൂര്‍ത്തിയായാലും നീക്കം ചെയ്യാത്തതിനാല്‍ പുഴകളില്‍ മത്സ്യസമ്പത്തിനുണ്ടാകുന്ന കുറവും പാരിസ്ഥിതിക പ്രശ്നവും കണക്കിലെടുത്ത് ഈ പ്രശ്നത്തിന് എന്തൊക്കെ പരിഹാരങ്ങളാണ് പൊതുമരാമത്ത് വകുപ്പ് സ്വീകരിച്ചിട്ടുള്ളത്;

(ബി)	കണ്ണൂര്‍ ജില്ലയിലെ മാട്ടൂല്‍ - മടക്കര പാലത്തിന്റെ നിര്‍മ്മാണവുമായി ബന്ധപ്പെട്ട് നിക്ഷേപിച്ച മണ്ണ് നീക്കം ചെയ്യുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കുമോ?

ആസ്തി വികസന സ്കീമിലെ സ്കൂളുകളിലെ കെട്ടിട നിര്‍മ്മാണം

5295.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	എം.എല്‍.എ. ആസ്തി വികസന സ്കീമില്‍ ഉള്‍പ്പെടുത്തി നടപ്പാക്കുന്ന കടമക്കുടി, എളങ്കുന്നപ്പുഴ എന്നീ സര്‍ക്കാര്‍ സ്കൂളുകളിലെ കെട്ടിട നിര്‍മ്മാണ പ്രവൃ‍ത്തികള്‍ പൂര്‍ത്തിയാക്കാതെ അനിശ്ചിതമായി നീണ്ടുപോകുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	നിര്‍മ്മാണം നിശ്ചിത സമയപരിധിക്കുള്ളില്‍ പൂര്‍ത്തിയാക്കുന്നതിന് സ്വീകരിച്ചിരിക്കുന്ന നടപടി എന്തെന്ന് വിശദമാക്കാമോ;

(സി)	പ്രസ്തുത പ്രവൃത്തികള്‍ നടപ്പാക്കുന്നതിനുള്ള തടസ്സമെന്തെന്ന് വിശദമാക്കാമോ?

നോണ്‍ പ്ലാന്‍ ഫണ്ട് ഉപയോഗിച്ച് റോഡുകളുടെ സൗകര്യങ്ങള്‍

5296.

ശ്രീ.കെ.കെ.ജയചന്ദ്രന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	2012-13, 2013-2014, 2014-2015, 2015-2016 വര്‍ഷങ്ങളില്‍ നോണ്‍ പ്ലാന്‍ ഫണ്ട് ഉപയോഗിച്ച് റോഡുകളുടെ സൗകര്യങ്ങള്‍ മെച്ചപ്പെടുത്തുന്നതിന് ഓരോ നിയോജകമണ്ഡലത്തിലും എത്ര രൂപ വീതം അനുവദിച്ചിട്ടുണ്ട്; ഓരോ നിയോജകമണ്ഡലങ്ങളും തിരിച്ച് വിശദാംശം ലഭ്യമാക്കാമോ?

സിറ്റി റോഡ് ഇംപ്രൂവ്മെന്റ് പദ്ധതി

5297.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സിറ്റി റോഡ് ഇംപ്രൂവ്മെന്റ് പദ്ധതിയില്‍ (CRIP) ഉള്‍പ്പെടുത്തി മലപ്പുറം നഗരത്തിലെ റോഡുകളുടെ പുനരുദ്ധാരണത്തിന് നാളിതുവരെ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ ;

(ബി)	എത്ര കിലോമീറ്റര്‍ റോഡുകളാണ് പ്രസ്തുത പദ്ധതിയില്‍ വരുന്നതെന്നും അതിനായി എന്തു തുക ചെലവഴിച്ചുവെന്നും വ്യക്തമാക്കുമോ;

(സി)	പദ്ധതിയുടെ നിര്‍മ്മാണചുമതല ആരാണ് വഹിക്കുന്നതെന്നും ഇതുവഴി എന്തെല്ലാം ആധുനികവല്‍ക്കരണ പരിപാടികളാണ് നടപ്പാക്കുന്നതെന്നും വ്യക്തമാക്കാമോ ?

റാന്നി നിയോജക മണ്ഡലത്തില്‍ കരാര്‍ കുടിശ്ശികമൂലം മുടങ്ങിയ പ്രവർത്തനങ്ങൾ പുനരാരംഭിക്കാന്‍ നടപടി

5298.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കരാറുകാര്‍ക്ക് കുടിശ്ശിക നല്‍കാത്തതിനെത്തുടര്‍ന്ന് റാന്നി നിയോജക മണ്ഡലത്തില്‍ പൊതുമരാമത്ത് വകുപ്പിന്റെ ഏതെങ്കിലും റോഡിന്റെയോ കെട്ടിടത്തിന്റെയോ പാലത്തിന്റെയോ പണി മുടങ്ങിയിട്ടുണ്ടോ ; ഉണ്ടെങ്കില്‍ ഏതൊക്കെയെന്ന് ഇനം തിരിച്ച് വ്യക്തമാക്കാമോ ;

(ബി)	ഇത്തരത്തില്‍ മുടങ്ങിയ പണികള്‍ പുനരാരംഭിക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ ; ഉണ്ടെങ്കില്‍ എന്തൊക്കെയെന്ന് വിശദമാക്കാമോ ; ഇല്ലെങ്കില്‍ കാരണം വിശദീകരിക്കാമോ ;

(സി)	വെച്ചൂച്ചിറ ഗവണ്‍മെന്റ് പോളിടെക്നിക്ക് കെട്ടിടത്തിന്റെ പണി മുടങ്ങാനുണ്ടായ സാഹചര്യം വ്യക്തമാക്കാമോ ; പ്രശ്നം പരിഹരിക്കാന്‍ എന്തു നടപടി സ്വീകരിച്ചു എന്നു വിശദമാക്കുമോ ?

തദ്ദേശ സ്വയംഭരണ സ്ഥാപനങ്ങളുടെ റോഡുകള്‍ ഒറ്റത്തവണ വ്യവസ്ഥയില്‍ പരിഷ്കരിക്കാൻ നടപടി

5299.

ശ്രീ.ജോസഫ് വാഴയ്ക്കൻ
,, വര്‍ക്കല കഹാര്‍
,, ഷാഫി പറമ്പില്‍
,, പാലോട് രവി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശ സ്വയംഭരണ സ്ഥാപനങ്ങളുടെ അധീനതയില്‍ ഉണ്ടായിരുന്ന റോഡുകള്‍ ഒറ്റത്തവണ വ്യവസ്ഥയില്‍ പരിഷ്കരിച്ച് ഗതാഗതയോഗ്യമാക്കിയിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇതുവഴി കൈവരിക്കാനുദ്ദേശിച്ചത് ;

(സി)	ഇതിനായി ഭരണതലത്തില്‍ എന്തെല്ലാം നടപടികളാണ് എടുത്തത് ?

കൊല്ലം ജില്ലയിലെ ഗ്രാമീണ റോഡുകളുടെ പുനരുദ്ധാരണം

5300.

ശ്രീ.സി.ദിവാകരന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	2014-15-ല്‍ കൊല്ലം ജില്ലയില്‍ എത്ര ഗ്രാമീണ റോഡുകള്‍ക്കാണ് പുനരുദ്ധാരണത്തിന് തുക അനുവദിച്ചതെന്നു വ്യക്തമാക്കാമോ; എത്ര തുക വീതമാണെന്ന് മണ്ഡലം തിരിച്ച് അറിയിക്കാമോ?

പൊങ്ങം റെയില്‍വേ ഓവര്‍ബ്രിഡ്ജ്

T 5301.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	എന്‍.എച്ച് 47 നെയും എന്‍.എച്ച്. 17 നെയും തമ്മില്‍ ബന്ധിപ്പിക്കുന്ന റോഡില്‍ നിലവിലുള്ള പൊങ്ങം റെയില്‍വേ ഓവര്‍ബ്രിഡ്ജ് പുതുക്കിപ്പണിയുന്നതിന് ആവശ്യമായ നടപടികള്‍ സ്വീകരിച്ചിട്ടുണ്ടോ ;

(ബി)	പ്രസ്തുത റെയില്‍വേ മേല്‍പ്പാലം വീതികൂട്ടി പുതുക്കിപ്പണിയുന്നതിന് ആവശ്യമായ നടപടികള്‍ സ്വീകരിക്കുമോ ?

വൈക്കം നിയോജകമണ്ഡലത്തിലെ പ്രവൃത്തികള്‍

5302.

ശ്രീ.കെ.അജിത് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരധികാരമേറ്റശേഷം വൈക്കം നിയോജകമണ്ഡലത്തില്‍ ഏതെല്ലാം പ്രവൃത്തികള്‍ക്കാണ് ഭരണാനുമതി നല്‍കിയിട്ടുള്ളത്; ഓരോ പ്രവ‍ൃത്തിക്കും എത്ര തുക വീതമാണ് അനുവദിച്ചിട്ടുളളത്; വെളിപ്പെടുത്തുമോ;

(ബി)	ഭരണാനുമതി നല്‍കിയ പ്രവൃത്തികളില്‍ ഇനിയും ആരംഭിച്ചിട്ടില്ലാത്ത പ്രവൃത്തികള്‍ ഏതൊക്കെ; അവ ആരംഭിക്കാന്‍ വൈകിയതിനുള്ള കാരണങ്ങള്‍ വ്യക്തമാക്കുമോ;

(സി)	ഭരണാനുമതി നല്‍കുന്ന ജോലികളുടെ ഗുണനിലവാരം ഉറപ്പാക്കാന്‍ എന്തെല്ലാം നടപടികളാണ് വകുപ്പുതലത്തില്‍ സ്വീകരിക്കുന്നത്; വ്യക്തമാക്കുമോ?

കൊല്ലം, കാഞ്ഞിരപ്പള്ളി ബൈപ്പാസുകളുടെ നിര്‍മ്മാണം

5303.

(എ)	കൊല്ലം, കാഞ്ഞിരപ്പള്ളി ബൈപ്പാസ് നിര്‍മ്മാണത്തിനുള്ള പ്രധാന തടസ്സങ്ങള്‍ എന്തൊക്കെയാണെന്നു വിശദമാക്കാമോ ;

(ബി)	പ്രസ്തുത ബൈപ്പാസ് നിര്‍മ്മാണം എന്നത്തേക്ക് പൂര്‍ത്തിയാകുമെന്ന് വ്യക്തമാക്കാമോ?

(സി)

(ഡി)

സ്കൂള്‍ മേഖലകളിൽ റോഡ് സുരക്ഷ

5304.

ശ്രീ.എ.റ്റി.ജോര്‍ജ്
,, അന്‍വര്‍ സാദത്ത്
,, വി.റ്റി.ബല്‍റാം
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ മേഖലകള്‍ തെരഞ്ഞെടുത്ത് റോഡ് സുരക്ഷ കാര്യക്ഷമമാക്കുന്നതിന് പദ്ധതി നടപ്പാക്കിയിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിച്ചത് ;

(സി)	ഇതിനായി ഭരണതലത്തില്‍ എന്തെല്ലാം നടപടികളാണ് എടുത്തത് ?

ഗ്രീന്‍ ബില്‍ഡിംഗ് പോളിസി നടപ്പാക്കാന്‍ നടപടി

5305.

ശ്രീ.എം.വി.ശ്രേയാംസ്‌ കുമാര്‍
,, റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഗ്രീന്‍ ബില്‍ഡിംഗ് പോളിസി നടപ്പാക്കുന്ന കാര്യത്തില്‍ തിരുമാനം വ്യക്തമാക്കുമോ ;

(ബി)	ഗ്രീന്‍ ബില്‍ഡിംഗ് പോളിസി നടപ്പാക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ;

(സി)	സ്വകാര്യ മേഖലയില്‍കൂടി ഈ പദ്ധതി നടപ്പാക്കുന്നതിന് നടപടി സ്വീകരിക്കുമോ എന്ന് വ്യക്തമാക്കുമോ ?

ചേലക്കര മണ്ഡലത്തിലെ പി.ഡബ്ല്യൂ.ഡി കെട്ടിടങ്ങളുടെ നിര്‍മ്മാണം

5306.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ചേലക്കര മണ്ഡലത്തില്‍ പി.ഡബ്ല്യൂ.ഡി നിര്‍മ്മാണം ആരംഭിച്ചതിനുശേഷം പണി മുടങ്ങിക്കിടക്കുന്ന കെട്ടിടങ്ങളുടെ വിശദാംശങ്ങള്‍ ലഭ്യമാക്കാമോ;

(ബി)	ഓരോ കെട്ടിടത്തിന്റെയും നിര്‍മ്മാണം എന്നാണ് ആരംഭിച്ചതെന്നും എത്ര തുകയ്ക്കാണ് ടെന്ററുകള്‍ അംഗീകരിച്ചിട്ടുള്ളതെന്നും പറയാമോ;

(സി)	പ്രസ്തുത കെട്ടിടങ്ങളുടെ നിര്‍മ്മാണം തടസ്സപ്പെടാനുള്ള കാരണങ്ങള്‍ വ്യക്തമാക്കാമോ;

(ഡി)	തടസ്സങ്ങള്‍ ഒഴിവാക്കി എപ്പോള്‍ അവയുടെ നിര്‍മ്മാണം ആരംഭിക്കുവാന്‍ കഴിയുമെന്നും എപ്പോള്‍ പൂര്‍ത്തിയാക്കാന്‍ കഴിയുമെന്നും വിശദമാക്കാമോ?

പെരപ്പയം പാലത്തിന്റെ ടെന്‍ഡര്‍ നടപടികള്‍

5307.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ചടയമംഗലം മണ്ഡലത്തിലെ പെരപ്പയം പാലത്തിന്റെ ഭരണാനുമതി ലഭ്യമായ സാഹചര്യത്തില്‍ ടെന്‍ഡര്‍ നടപടികള്‍ സത്വരം സ്വീകരിക്കുന്നതിന് ആവശ്യമായ ഉത്തരവ് നല്‍കുമോ?

കണ്ണൂര്‍ ജില്ലയിലെ മേജര്‍ ജില്ലാ റോഡുകള്‍

5308.

(എ)	പുതുതായി മേജര്‍ ജില്ലാ റോഡുകളായി പ്രഖ്യാപിച്ച് പൊതുമരാമത്ത് വകുപ്പിന്റെ അധീനതയില്‍ വന്നിട്ടുള്ള ആകെ എത്ര കിലോമീറ്റര്‍ റോഡുകളാണ് കണ്ണൂര്‍ ജില്ലയിലുള്ളത്;

(ബി)	ഇത്തരത്തില്‍ മട്ടന്നൂര്‍ നിയോജകമണ്ഡലത്തിലെ ഏതെല്ലാം റോഡുകള്‍ വകുപ്പ് ഏറ്റെടുത്തിട്ടുണ്ട് ;

(സി)	എങ്കില്‍ ഏറ്റെടുത്ത ഏതെല്ലാം റോഡുകളുടെ പുനരുദ്ധാരണ പ്രവര്‍ത്തനങ്ങള്‍ വകുപ്പ് ഏറ്റെടുത്തുവെന്നും എത്ര തുക അനുവദിച്ചിട്ടുണ്ടെന്നും വ്യക്തമാക്കുമോ ?

അങ്കമാലി ബെെപ്പാസ് നിര്‍മ്മാണം

5309.

ശ്രീ.ജോസ് തെറ്റയില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം അങ്കമാലി ബെെപ്പാസ് നിര്‍മ്മാണത്തെ സംബന്ധിച്ച് ചര്‍ച്ച ചെയ്യുന്നതിനായി യോഗം വിളിച്ചുചേര്‍ത്തതെന്നാണ്;

(ബി)	പ്രസ്തുത യോഗത്തിലെ തീരുമാനങ്ങള്‍ എന്തായിരുന്നു എന്ന് വ്യക്തമാക്കാമോ;

(സി)	പ്രാഥമിക പ്രൊജക്ട് റിപ്പോര്‍ട്ട് സമര്‍പ്പിക്കുവാന്‍ ഏത് ഏജന്‍സിയെയാണ് ഏല്പിച്ചിട്ടുളളത്;

(ഡി)	പ്രാഥമിക പ്രൊജക്ട് റിപ്പോര്‍ട്ട് തയ്യാറാക്കുന്നതിനായി പ്രസ്തുത ഏജന്‍സിയെ ഏല്പിച്ചത് എന്നാണെന്ന് വ്യക്തമാക്കാമോ

(ഇ)	പ്രസ്തുത ഏജന്‍സി പ്രാഥമിക പ്രൊജക്ട് റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ ഇത് എന്നാണെന്ന് വ്യക്തമാക്കാമോ;

(എഫ്)

ഇതിന്റെ അടിസ്ഥാനത്തില്‍ വിശദമായ പ്രൊജക്ട് റിപ്പോര്‍ട്ട്തയ്യാറാക്കുവാന്‍ ഏത് ഏജന്‍സിയെയാണ് ഏല്പിച്ചിട്ടുളളത്; എങ്കില്‍ ഇത് എന്നാണെന്ന് വ്യക്തമാക്കാമോ;

(ജി)	വിശദമായ പഠനങ്ങള്‍ക്ക് ശേഷം കഴിഞ്ഞ സര്‍ക്കാരിന്റെ ബജറ്റില്‍ 1000 കോടി രൂപയുടെ പദ്ധതിയില്‍ ഉള്‍ക്കൊളളിച്ചിരുന്ന അങ്കമാലി ബെെപ്പാസിനെ കഴിഞ്ഞ അഞ്ച് ബജറ്റുകളില്‍ നിന്നും ഒഴിവാക്കാനുളള കാരണം വിശദമാക്കാമോ?

തലശ്ശേരി മണ്ഡലത്തിലെ റോഡ് നവീകരണ പ്രവൃത്തികള്‍

5310.

ശ്രീ.കോടിയേരി ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തലശ്ശേരി അസംബ്ലി മണ്ഡലത്തില്‍ പൊതുമരാമത്ത് വകുപ്പിന് കീഴില്‍ ഏതെല്ലാം റോഡ് നിര്‍മ്മാണ നവീകരണ പ്രവൃത്തികളാണ് നിര്‍ദ്ദേശിക്കപ്പെട്ടിട്ടുള്ളതെന്നും നിലവിലുള്ളതെന്നും വിശദമാക്കാമോ;

(ബി)	ഓരോ പ്രവൃത്തിയും ഏതൊക്കെ പദ്ധതികളിലാണ് ഉള്‍പ്പെടുത്തിയതെന്നും ഓരോ പ്രവൃത്തിക്കും എന്തു തുകയാണ് നീക്കിവെച്ചതെന്നും വിശദമാക്കാമോ;

(സി)	ഇതില്‍ ഏതൊക്കെ പ്രവൃത്തികള്‍ക്ക് ഭരണാനുമതി ലഭ്യമാക്കിയെന്ന് വിശദമാക്കാമോ?

അങ്കമാലി മൂക്കന്നൂര്‍ - ഏഴാറ്റുമുഖം റോഡ് നവീകരണം

5311.

(എ)	അങ്കമാലി നിയോജക മണ്ഡലത്തില്‍ ദേശീയപാതയില്‍, കരയാംപറമ്പ് കവലയില്‍ വന്നുചേരുന്ന മൂക്കന്നൂര്‍ - ഏഴാറ്റുമുഖം റോഡ് ഉയര്‍ത്തി സ്ഥലത്തെ അപായങ്ങള്‍ പരിഹരിക്കുന്നതിനായി നടപടികള്‍ സ്വീകരിച്ചിട്ടുണ്ടോ;

(ബി)	എങ്കില്‍ സ്വീകരിച്ചിട്ടുള്ള നടപടി എന്തെന്ന് വിശദമാക്കാമോ;

(സി)	പ്രസ്തുത റോഡ്‌ ഉയർത്തുന്നതിനായി സമര്‍പ്പിച്ചിരുന്ന മൂന്നരക്കോടി രൂപയുടെ എസ്റ്റിമേറ്റിന് ഭരണാനുമതി നല്‍കുന്നതിനുള്ള കാലതാമസത്തിന്റെ കാരണം വിശദമാക്കാമോ;

(ഡി)	പ്രസ്തുത എസ്റ്റിമേറ്റിന് എന്നത്തേക്ക് ഭരണാനുമതി ലഭ്യമാക്കുമെന്ന് വ്യക്തമാക്കാമോ?

മേപ്പാടി പോളിടെക്നിക്കിന്‍െറ നിര്‍മ്മാണ പുരോഗതി

5312.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കല്‍പ്പറ്റ നിയോജക മണ്ഡലത്തിലെ മേപ്പാടി പോളിടെക്നിക്കിന്‍െറ നിര്‍മ്മാണപ്രവര്‍ത്തനം ഏതു ഘട്ടത്തിലാണെന്ന് വ്യക്തമാക്കുമോ ;

(ബി)	പ്രസ്തുത നിര്‍മ്മാണപ്രവര്‍ത്തനങ്ങള്‍ക്ക് ഫണ്ട് ലഭിക്കാത്തതിനുള്ള കാരണം വ്യക്തമാക്കുമോ ;

(സി)	ഇതു സംബന്ധിച്ച് ഏതെല്ലാം വകുപ്പുകളില്‍ ഫയലുകള്‍ നിലവിലുള്ളതായി അറിവുണ്ട് ; വ്യക്തമാക്കുമോ ?

തലശ്ശേരി-വളവുപാറ റോഡിന്റെ നിര്‍മ്മാണം

5313.

(എ)	കേരളാ സ്റ്റേറ്റ് ട്രാന്‍സ്പോര്‍ട്ട് പ്രോജക്റ്റിന്റെ രണ്ടാം ഘട്ടത്തില്‍ ഉള്‍പ്പെടുത്തി ഭരണാനുമതി നല്‍കിയ തലശ്ശേരി-വളവുപാറ റോഡിന്റെ നിര്‍മ്മാണ പ്രവര്‍ത്തനങ്ങള്‍ ഇപ്പോള്‍ ഏതു ഘട്ടത്തിലാണെന്നു വിശദമാക്കുമോ;

(ബി)	തലശ്ശേരി - വളവുപാറ റോഡില്‍ ആകെ എത്ര പാലങ്ങളാണു നിര്‍മ്മിക്കുവാന്‍ ഉദ്ദേശിക്കുന്നത്;

(സി)	ഓരോ പാലം നിര്‍മ്മാണവും ഏതു ഘട്ടത്തിലാണെന്നു വ്യക്തമാക്കുമോ;

(ഡി)	തലശ്ശേരി - വളവുപാറ റോഡ് നിര്‍മ്മാണം എപ്പോള്‍ പൂര്‍ത്തകരിക്കുവാന്‍ കഴിയുമെന്ന് വ്യക്തമാക്കുമോ?

കടമക്കുടി -പിഴല പാലത്തിന്റെ നിര്‍മ്മാണം

5314.

(എ)	കടമക്കുടി ദ്വീപിനെ പ്രധാനകരകളുമായി ബന്ധിപ്പിക്കുന്ന കടമക്കുടി-പിഴല പാലത്തിന്റെ നിര്‍മ്മാണത്തിന് സ്വീകരിച്ച നടപടി വ്യക്തമാക്കാമോ;

(ബി)	കൊച്ചി നഗരത്തെ വടക്കന്‍ ജില്ലകളുമായി ബന്ധിപ്പിക്കുന്ന ഏറ്റവും ലാഭകരമായ പാത നിലവില്‍ വരണമെങ്കില്‍ കടമക്കുടി -പിഴല പാലം അനിവാര്യമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത പാലത്തിന്റെ നിര്‍മ്മാണത്തിന് നടപടി സ്വീകരിക്കാമോ ?

നീലേശ്വരം -ചട്ടഞ്ചാല്‍ റോഡ് നിര്‍മാണം

5315.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	എന്‍.എച്ച്.66 ല്‍ നീലേശ്വരം മുതല്‍ ചട്ടഞ്ചാല്‍ വരെ ഉപരിതലം പുതുക്കുന്നതിനുള്ള നടപടി ഏത് വരെയായെന്ന് അറിയിക്കാമോ ;

(ബി)	പ്രസ്തുത മേഖലയില്‍ വലിയ കുഴികള്‍ രൂപപ്പെടുകയും അപക‍ടങ്ങള്‍ തുടര്‍ച്ചയായി ഉണ്ടാകുകയും ചെയ്യുന്നകാര്യം ശ്രദ്ധയില്‍പ്പെട്ടിട്ടുണ്ടോ ;

(സി)	പ്രസ്തുത കുഴികള്‍ അടിയന്തരമായി നികത്തുന്നതിന് നടപടി സ്വീകരിക്കുമോ ?

വൈപ്പിന്‍ മണ്ഡലത്തിലെ ഗ്രാമീണ റോഡുകള്‍

5316.

(എ)	വൈപ്പിന്‍ മണ്ഡലത്തിലെ ഗ്രാമീണ റോഡുകള്‍ പുനരുദ്ധരിക്കുന്നതിന് അനുമതി നല്‍കിയിട്ടുണ്ടോ; വിശദമാക്കാമോ ;

(ബി)	എത്ര പ്രവ‍ൃത്തികള്‍ക്കായി എത്ര തുകയാണ് അനുവദിച്ചിട്ടുള്ളതെന്ന് വ്യക്തമാക്കാമോ ?

നീലേശ്വരം പാലത്തിന്റെ ശോച്യാവസ്ഥ

5317.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ പാത 66 ല്‍ നീലേശ്വരം പാലം കാലപ്പഴക്കത്താല്‍ ഗതാഗതയോഗ്യമല്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പാലം എന്നാണ് നിര്‍മ്മിച്ചതെന്നും നിലവില്‍ പാലം ദേശീയപാതയിലെ ഭാരമേറിയ വാഹനങ്ങള്‍ കടന്നുപാേകത്തക്കരീതിയില്‍ ഫിറ്റ്നസ്സ് ഉള്ളതാണോ എന്നും വ്യക്തമാക്കാമോ;

(സി)	പ്രസ്തുത പാലം പുനര്‍നിര്‍മ്മിക്കുന്നതിന് അടിയന്തര നടപടികള്‍ സ്വീകരിക്കുമോ;വിശദാംശങ്ങള്‍ ലഭ്യമാക്കാമാേ?

ഒറ്റത്തവണ തീര്‍പ്പാക്കല്‍ പദ്ധതി

5318.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റത്തവണ തീര്‍പ്പാക്കല്‍ പദ്ധതി പ്രകാരം ഒരു റോഡുപോലും നല്‍കാത്ത എത്ര അസംബ്ലി മണ്ഡലങ്ങള്‍ ഉണ്ട്; വിശദീകരണം നല്‍കുമോ ;

വൈപ്പിന്‍ കുഴപ്പള്ളിപ്പാലം നിര്‍മ്മാണത്തിന്റെ കാലതാമസം

5319.

(എ)	വൈപ്പിന്‍, പള്ളിപ്പുറം സ്റ്റേറ്റ് ഹൈവേയിലെ അപകടാവസ്ഥയിലായ കുഴപ്പള്ളിപ്പാലത്തിന്റെയും അനുബന്ധ പാലത്തിന്റെയും നിര്‍മ്മാണത്തിനു കാലതാമസം നേരിടുന്നത് എന്തുകൊണ്ടാണെന്ന് വ്യക്തമാക്കാമോ;

(ബി)	പ്രസ്തുത പ്രവൃത്തി നടപ്പാക്കുന്നതിന് അനുബന്ധ സ്ഥലമുടമകള്‍ സമ്മതം അറിയിച്ചിട്ടുണ്ടോ; വിശദമാക്കാമോ;

(സി)	പ്രസ്തുത പ്രവൃത്തി നടപ്പില്‍ വരുത്തുന്നതിന് ഏതെങ്കിലും തരത്തിലുള്ള തടസ്സങ്ങള്‍ നിലവിലുണ്ടോ; വിശദമാക്കാമോ;

(ഡി)	പ്രസ്തുത പാലങ്ങളുടെ നിർമ്മാണം എപ്പോൾ ആരംഭിക്കാനാകുമെന്ന് വ്യക്തമാക്കാമോ?

അയ്യമ്പുഴ-മഞ്ഞപ്ര റോഡില്‍ കോതായിതോട് പാലം

5320.

(എ)	അയ്യമ്പുഴ-മഞ്ഞപ്ര റോഡില്‍ ഗതാഗതയോഗ്യമല്ലാതായിരിക്കുന്ന കോതായിതോട് പാലത്തിന്റെ ജീര്‍ണ്ണാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	375 ലക്ഷം രൂപയ്ക്ക് പുതുക്കിയ ഭരണാനുമതി നല്‍കിയിട്ടും പ്രസ്തുത പ്രവൃത്തി ആരംഭിക്കുന്നതിനാവശ്യമായ നടപടികള്‍ സ്വീകരിക്കാത്തതിന്റെ കാരണം വിശദമാക്കാമോ;

(സി)	12.08.2010 ല്‍ സ്ഥലമെടുപ്പ് നടപടികള്‍ ആരംഭിച്ച ഈ പാലത്തിന്റെ സ്ഥലമെടുപ്പ് നടപടികള്‍ പൂര്‍ത്തീകരിക്കാനും നിര്‍മ്മാണ പ്രവൃത്തികള്‍ ആരംഭിക്കാനും സാധിക്കാത്തതിന് ഉത്തരവാദികള്‍ ആരാണെന്നും ഇവര്‍ക്കെതിരെ നടപടികള്‍ സ്വീകരിക്കാത്തതിന് കാരണം എന്തെന്നും വിശദമാക്കാമോ;

(ഡി)	നടപടിക്രമങ്ങളിലെ അനാസ്ഥകള്‍കൊണ്ട് അനാവശ്യതെറ്റുകള്‍ വരുത്തി വിശദീകരണ റിപ്പോര്‍ട്ടുകള്‍ ആവശ്യപ്പെട്ട് കോതായിതോട് പാലത്തിന്റെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്ന കാര്യത്തില്‍ കാലതാമസം വരുത്തുന്നത് പരിഹരിക്കുവാന്‍ ഉദ്ദേശിക്കുന്ന നടപടി എന്തെന്ന് വിശദമാക്കാമോ;

(ഇ)	സ്ഥലമെടുപ്പ് നടപടികള്‍ എന്നത്തേക്ക് പൂര്‍ത്തീകരിക്കുവാന്‍ സാധിക്കുമെന്നും നിര്‍മ്മാണപ്രവൃത്തികള്‍ എന്നത്തേക്ക് ആരംഭിക്കാന്‍ സാധിക്കുമെന്നും വ്യക്തമാക്കാമോ?

പാലങ്ങളിലെ ടോള്‍ പിരിവ്

5321.

(എ)	പൊതുമരാമത്തു വകുപ്പിന് കീഴിലുള്ള പാലങ്ങളില്‍ ടോള്‍ പിരിവിന് അനുമതി നല്കിയവയുടെ എണ്ണം വ്യക്തമാക്കാമോ ;

(ബി)	പല പാലങ്ങള്‍ക്കും പിരിച്ചെടുക്കേണ്ട തുകയില്‍ കൂടുതല്‍ പിരിച്ചെടുത്തിട്ടും, കരാറുകാര്‍ ടോള്‍ പിരിവ് തുടരുന്നതായ പരാതികള്‍ ശ്രദ്ധയില്‍പ്പെട്ടിട്ടുണ്ടോ ;

(സി)	കരാറുകാര്‍ പലപ്പോഴും വാഹനങ്ങളുടെ എണ്ണം കുറച്ചുകാണിച്ചും മറ്റും ടോള്‍ പിരിവിനുള്ള അടിസ്ഥാന തുക നിശ്ചയിക്കുന്ന മാനദണ്ഡങ്ങളെ അട്ടിമറിയ്ക്കാറുണ്ടെന്ന വസ്തുത ശ്രദ്ധയില്‍പ്പെട്ടിട്ടുണ്ടോയെന്നു വ്യക്തമാക്കാമോ;

(ഡി)	പാലങ്ങളിലെ ടോള്‍ പിരിവിന് പുനര്‍ അനുമതി നല്‍കുന്നതിന് മുമ്പ് പ്രസ്തുത പരാതികളുടെ അടിസ്ഥാനത്തില്‍ കൂടുതല്‍ പരിശോധനകള്‍ക്ക് തയ്യാറാകുമോയെന്നു വ്യക്തമാക്കാമോ ?

കുറ്റപ്പുഴ മേല്‍പ്പാലം

5322.

ശ്രീ.മാത്യു റ്റി.തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	റെയില്‍പാത ഇരട്ടിപ്പിക്കലുമായി ബന്ധപ്പെട്ട് തിരുവല്ല മുനിസിപ്പാലിറ്റി യിലെ കുറ്റപ്പുഴ മേല്‍പ്പാലം പുനര്‍നിര്‍മ്മിക്കുവാന്‍ റെയില്‍വേക്ക് അനുമതി നല്‍കിയിട്ടുണ്ടോ ;

(ബി)	എങ്കില്‍ അത് എന്നാണെന്നും ഏത് ഉത്തരവ് പ്രകാരമാണെന്നും ഏത് ഉദ്യോഗസ്ഥനാണ് അനുമതി നല്‍കിയതെന്നും, അദ്ദേഹം ഇപ്പോള്‍ സര്‍വ്വീസില്‍ ഉണ്ടോ എന്നും, ഉന്നത ഉദ്യോഗസ്ഥരുടെയോ, സര്‍ക്കാരിന്റെയോ അംഗീകാരത്തോടെയാണോ അനുമതി നല്‍കിയത് എന്നും വ്യക്തമാക്കാമോ ;

(സി)	പുതിയ മേല്‍പ്പാലം പണിയുന്നത് റയില്‍വേ തയ്യാറാക്കിയ ഡിസൈന്‍ പ്രകാരമാണോ ;

(ഡി)	പ്രസ്തുത ഡിസൈന്‍ പൊതുമരാമത്ത് വകുപ്പിന്റെ അനുമതിയോടെയാണോ തയ്യാറാക്കിയത്;

(ഇ)	ഇത് സംബന്ധിച്ച് പൊതുമരാമത്ത് ഡിവിഷനില്‍ എന്തെല്ലാം ഉത്തരവുകളും രേഖകളും സൂക്ഷിച്ചിട്ടുണ്ടെന്ന് വ്യക്തമാക്കാമോ;

(എഫ്)

പുതിയ മേല്‍പ്പാലവും അപ്രോച്ച് റോഡും റോഡപകടങ്ങള്‍ ക്ഷണിക്കുന്ന തരത്തില്‍ അപായകരമായിട്ടാണ് രൂപകല്പന ചെയ്തിട്ടുള്ളത് എന്ന പരാതി ശ്രദ്ധയില്‍പെട്ടിട്ടുണ്ടോ ; എങ്കില്‍ അത് പരിഹരിക്കാന്‍ എന്തെല്ലാം നടപടികള്‍ സ്വീകരിച്ചു എന്നു വ്യക്തമാക്കാമോ ;

(ജി)

പുതിയ മേല്‍പാലവും അപ്രോച്ച് റോഡും സംബന്ധിച്ച് വ്യക്തത വരുത്തുന്നത് വരെ പഴയ മേല്‍പാലം പൊളിച്ചു മാറ്റരുതെന്ന മുഖ്യമന്ത്രിയുടെ സ്റ്റേ ഉത്തരവ് നിലവിലുണ്ടോ ; പുതുതായി നിര്‍മ്മിച്ച മേല്‍പാലത്തിലേക്ക് മുത്തൂര്‍ ഭാഗത്തുനിന്നും വരുന്ന വാഹനങ്ങല്‍ പ്രവേശിക്കുന്നതിന് ഉള്ള തടസ്സങ്ങള്‍ മാറ്റുന്നതിന്, പഴയ മേല്‍പാലം ഇരിക്കുന്ന സ്ഥലത്ത് പുതിയ ഒരു പാലം കൂടി പണിത് അപായസാദ്ധ്യതകള്‍ ഇല്ലാതാക്കണമെന്ന നിര്‍ദ്ദേശം പരിഗണനയിലുണ്ടോ ?

കല്‍പ്പറ്റ മണ്ഡലത്തിലെ മണിയങ്കോട് റോഡ്

5323.

(എ)	കല്‍പ്പറ്റ നിയോജക മണ്ഡലത്തിലെ മണിയങ്കോട് റോഡിന്‍െറ ശോച്യാവസ്ഥ ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(ബി)	പ്രസ്തുത റോഡ് നന്നാക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

അമ്പലപ്പുഴ പഴയ നടക്കാവ് റോഡ്‌ നിര്‍മ്മാണം

5324.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	അമ്പലപ്പുഴ പഴയ നടക്കാവ് റോഡിന്റെ ശോച്യാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	പഴയ നടക്കാവ് റോഡിന്റെ നിര്‍മ്മാണത്തിന് എത്ര കോടി രൂപയുടെ ടെണ്ടര്‍ ആണ് നല്‍കിയത്; ആരാണ് കരാറുകാരന്‍; കരാര്‍ അനുസരിച്ച് നിര്‍മ്മാണം എന്ന് പൂര്‍ത്തിയാക്കേണ്ടിയിരുന്നു; വ്യക്തമാക്കുമോ;

(സി)	ഈ റോഡിന്റെ നിര്‍മ്മാണത്തില്‍ എന്തെങ്കിലും തടസ്സങ്ങള്‍ ഉണ്ടോ; വിശദമാക്കാമോ ?

കടിയങ്ങാട് പാലം നിര്‍മ്മാണം

5325.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കടിയങ്ങാട് പാലം നിര്‍മ്മിക്കുന്നതിന് ഭരണാനുമതി, സാങ്കേതികാനുമതി എന്നിവ ലഭിച്ചത് എപ്പോഴാണ് എന്ന് വ്യക്തമാക്കുമോ;

(ബി)	ടെന്റര്‍ നടപടികള്‍ പൂര്‍ത്തീകരിച്ചത് എപ്പോഴാണെന്ന് വ്യക്തമാക്കുമോ;

(സി)	പ്രസ്തുത പാലം നിര്‍മ്മാണ പ്രവൃത്തി ആരംഭിക്കുന്നതിനുള്ള കാലതാമസത്തിന് കാരണങ്ങള്‍ എന്തെല്ലാമെന്ന് അറിയിക്കുമോ;

(ഡി)	പാലം നിര്‍മ്മാണ പ്രവൃത്തി ആരംഭിക്കുന്നതിന് അടിയന്തര നടപടികള്‍ സ്വീകരിക്കുമോ?

കുന്ദംകുളം ടൗണില്‍ ഫ്ലൈഓവര്‍

5326.

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തൃശ്ശൂര്‍ ജില്ലയില്‍ കുന്ദംകുളം ടൗണിലാണ് ഏറ്റവും കൂടുതല്‍ ഗതാഗത തിരക്കും ട്രാഫിക് ജാമും അനുഭവപ്പെടുന്നത് എന്ന് ശ്രദ്ധയില്‍പ്പെട്ടിട്ടുണ്ടോ ;

(ബി)	ഉണ്ടെങ്കില്‍ ഇത് പരിഹരിക്കുന്നതിന് കുന്ദംകുളം ടൗണില്‍ ഫ്ലൈഓവര്‍ നിര്‍മ്മിക്കാന്‍ നടപടി സ്വീകരിക്കുമോ ; വിശദാംശം വ്യക്തമാക്കാമോ ?

കാരന്തൂര്‍ മെഡിക്കല്‍ കോളേജ് റോഡ് പരിഷ്കരണ പദ്ധതി

5327.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ കാരന്തൂര്‍ മെഡിക്കല്‍ കോളേജ് റോഡ് പരിഷ്കരണ പദ്ധതി നിലവിലുണ്ടോ;

(ബി)	ഉണ്ടെങ്കില്‍ സര്‍ക്കാരില്‍ ഇതിന്റെ ഡി.പി.ആര്‍. സമര്‍പ്പിച്ചിട്ടുണ്ടോ;

(സി)	പദ്ധതിയുടെ ഇപ്പോഴത്തെ അവസ്ഥ വ്യക്തമാക്കാമോ?

കുറ്റ്യാടി മണ്ഡലത്തിലെ മരാമത്ത് പ്രവൃത്തികള്‍

5328.

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കുറ്റ്യാടി മണ്ഡലത്തില്‍ ഭരണാനുമതി ലഭിച്ച മരാമത്ത് പ്രവൃത്തികള്‍ ഏതൊക്കെയെന്ന് വ്യക്തമാക്കുമോ ;

(ബി)	പ്രസ്തുത പ്രവൃത്തികള്‍ക്ക് സാങ്കേതികാനുമതി ലഭ്യമാക്കുന്നതിനുള്ള തടസ്സങ്ങള്‍ എന്താെക്കെയെന്ന് വ്യക്തമാക്കുമോ ?

അമ്പലപ്പുഴ ദേശീയപാതയിലെ മരംമുറി

5329.

(എ)	അമ്പലപ്പുഴ മണ്ഡലത്തില്‍ ദേശീയപാതയ്ക്കരികില്‍ അപകടാവസ്ഥയില്‍ നില്‍ക്കുന്ന എത്ര മരങ്ങള്‍ മുറിച്ചു എന്ന് വ്യക്തമാക്കാമോ;

(ബി)	മരങ്ങള്‍ മുറിച്ചുമാറ്റുന്നതിനായി സ്വീകരിച്ച മാനദണ്ഡങ്ങള്‍ എന്തൊക്കെയാണ്; വിശദമാക്കാമോ;

(സി)	മരങ്ങള്‍ മുറിച്ചുമാറ്റുന്നതിന് കരാര്‍ നല്‍കിയിട്ടുണ്ടോ; എങ്കില്‍ എന്തു തുകയ്ക്കാണ് കരാര്‍ നല്‍കിയത്; ഇല്ലെങ്കില്‍ മരങ്ങള്‍ മുറിച്ചുമാറ്റുന്നതിനായി എന്തു തുക ചെലവായി; വ്യക്തമാക്കാമോ;

(ഡി)	മുറിച്ചുമാറ്റിയ തടികള്‍ എവിടെയാണ് സൂക്ഷിച്ചിരിക്കുന്നത്; ഈ തടി എന്തു ചെയ്യാനാണ് ഉദ്ദേശിക്കുന്നത്; ഇങ്ങനെ മുറിച്ചുമാറ്റിയ തടിയുടെ ഇനം തിരിച്ചുള്ള അളവ് വ്യക്തമാക്കുമോ;

(ഇ)	മരം മുറിച്ചതിന്റെ അവശിഷ്ടങ്ങള്‍ ദേശീയപാതയ്ക്ക് സമീപം അപകടകരമാം വിധം കൂട്ടിയിട്ടിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ സ്വീകരിച്ച നടപടി വ്യക്തമാക്കാമോ?

കാസര്‍ഗോഡ് കോട്ടിക്കുളം റെയില്‍വേ സ്റ്റേഷനു സമീപം റെയില്‍വേ ഓവര്‍ ബ്രിഡ്ജ്

5330.

(എ)	കാസര്‍ഗോഡ് കോട്ടിക്കുളം റെയില്‍വേ സ്റ്റേഷനു സമീപം റെയില്‍വേ ഓവര്‍ ബ്രിഡ്ജ് സ്ഥാപിക്കുന്നതിന് റെയില്‍വേയ്ക്ക് സ്ഥലം കൈമാറി നല്‍കിയിട്ടുണ്ടോ; വിശദാംശങ്ങള്‍ അറിയിക്കാമോ;

(ബി)	പ്രസ്തുത മേല്‍പ്പാലം നിര്‍മ്മിക്കുന്നതിന് DPR തയ്യാറാക്കുന്നതിന് റോഡ്സ് ആന്റ് ബ്രിഡ്ജസ് ഡവലപ്പ്മെന്റ് കോര്‍പ്പറേഷന്‍ ഓഫ് കേരള ആരെയാണ് ഏല്‍പ്പിച്ചിട്ടുള്ളത്;

(സി)	പ്രസ്തുത സ്ഥാപനം DPR തയ്യാറാക്കി നല്‍കിയിട്ടുണ്ടോ; വിശദാംശങ്ങള്‍ അറിയിക്കാമോ;

(ഡി)	പ്രസ്തുത മേല്‍പ്പാലം നിര്‍മ്മിക്കുന്നതിനുള്ള നടപടികളുടെ പുരോഗതി അറിയിക്കുമോ?

കുന്നംകുളം നിയോജകമണ്ഡലത്തിലെ റോഡ്‌ അറ്റകുറ്റപ്പണികൾ

5331.

(എ)	റോഡുകളിലെ കുഴി അടയ്ക്കുന്നതിനും, അറ്റകുറ്റപ്പണി നടത്തി ഗതാഗതയോഗ്യമാക്കുന്നതിനും വിവിധ പദ്ധതികളിലായി ഏതെല്ലാം പി.ഡബ്ല്യൂ.ഡി റോഡുകള്‍ക്കാണ് 2014 ൽ കുന്നംകുളം നിയോജകമണ്ഡലത്തില്‍ തുക അനുവദിച്ചത്;

(ബി)	ഓരോ റോഡുകള്‍ക്കും അനുവദിച്ച തുക എത്രവീതമെന്ന് വ്യക്തമാക്കാമോ;

(സി)	ഇതില്‍ ഏതെല്ലാം റോഡുകള്‍ കുഴികള്‍ അടച്ചും അറ്റകുറ്റപ്പണി നടത്തിയും ഗതാഗതയോഗ്യമാക്കി;

(ഡി)	ഇനി എത്ര പ്രവൃത്തികള്‍ പൂര്‍ത്തീകരിക്കാനുണ്ട്; ഇതിന് എന്താണ് തടസ്സം എന്ന് വ്യക്തമാക്കാമോ;

(ഇ)	മുഴുവന്‍ പ്രവൃത്തികളും അടിയന്തരമായി പൂര്‍ത്തീകരിക്കുവാന്‍ നടപടി സ്വീകരിക്കുമോ; വിശദാംശം വ്യക്തമാക്കാമോ?

വൈപ്പിനിലെ പൂര്‍ത്തീകരിക്കാത്ത പ്രവ‍ൃത്തികൾ

5332.

(എ)	ഭരണാനുമതി ലഭിച്ചതും ടെണ്ടര്‍ നടപടികള്‍ പൂര്‍ത്തീകരിച്ചതുമായ എത്ര പ്രവര്‍ത്തികളാണ് വൈപ്പിന്‍ മണ്ഡലത്തില്‍ ഇനിയും പൂര്‍ത്തീകരിക്കാത്തത്/ആരംഭിക്കാത്തത് എന്ന് വിശദമാക്കാമോ:

(ബി)	നിശ്ചിത സമയപരിധി കഴിഞ്ഞിട്ടും പൂര്‍ത്തിയാക്കാത്ത പ്രവ‍ൃത്തികളുടെ വിശദാംശം ലഭ്യമാക്കാമോ;

(സി)	നിശ്ചിത സമയ പരിധിക്കുളളില്‍ പ്രവ‍ൃത്തി പൂര്‍ത്തിയാക്കാത്ത കോണ്‍ട്രാക്ടര്‍മാര്‍ക്കെതിരെ സ്വീകരിച്ച നടപടി വിശദമാക്കാമോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കാമോ ?

കുരിശുമൂട്-അടയ്പാട് അവിച്ചകുളം തെങ്ങിനാല്‍ റോഡ് (പള്ളിക്കല്‍ ഗ്രാമപഞ്ചായത്ത്) നവീകരണം

5333.

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	അടൂര്‍ നിയോജകമണ്ഡലത്തിലെ കുരിശുമൂട്-അടയ്പാട് അവിച്ചകുളം തെങ്ങിനാല്‍ റോഡ് (പള്ളിക്കല്‍ ഗ്രാമപഞ്ചായത്ത്) നവീകരിക്കുന്നതിനുവേണ്ടി സ്ഥലം എം.എല്‍.എ. നിവേദനങ്ങൾ നല്‍കിയിട്ടുണ്ടോ ; ഉണ്ടെങ്കില്‍ എന്നാണ് പ്രസ്തുത നിവേദനങ്ങൾ നല്‍കിയിട്ടുള്ളത് ;

(ബി)	പ്രസ്തുത ആവശ്യം ഉന്നയിച്ച് സ്ഥലം എം.എല്‍.എ. എത്ര പ്രാവശ്യം നിവേദനങ്ങൾ നല്‍കിയിട്ടുണ്ട് ;

(സി)	പ്രസ്തുത നിവേദനങ്ങളുടെ അടിസ്ഥാനത്തില്‍ സ്വീകരിച്ച നടപടികള്‍ വിശദീകരിക്കാമോ ; ബന്ധപ്പെട്ട ഫയലിന്റെ പകര്‍പ്പ് ലഭ്യമാക്കുമോ ?

ചാവക്കാടു്-വടക്കാഞ്ചേരി റോഡ്‌ പുനരുദ്ധാരണം

5334.

(എ)	2009-10 സാമ്പത്തിക വര്‍ഷത്തില്‍ ഭരണാനുമതി ലഭിച്ച ചാവക്കാടു്-വടക്കാഞ്ചേരി പി.ഡബ്ല്യൂ.ഡി റോഡിലെ ചാട്ടുകുളം മുതല്‍ കുന്നംകുളം വരെയുള്ള ഭാഗത്തെ റോഡ് പുനരുദ്ധാരണ പ്രവര്‍ത്തിയുടെ ഇപ്പോഴത്തെ അവസ്ഥ എന്താണെന്നു വ്യക്തമാക്കാമോ;

(ബി)	പ്രസ്തുത റോഡിന്റെ പുനരുദ്ധാരണം സമയബന്ധിതമായി തീര്‍ക്കാന്‍ കഴിയാതെപോയത് എന്തുകൊണ്ടാണെന്നു വ്യക്തമാക്കാമോ;

(സി)	പ്രസ്തുത റോഡിന്റെ പുനരുദ്ധാരണ പ്രവര്‍ത്തി വേഗത്തില്‍ ചെയ്തുതീര്‍ക്കുന്നതിന് എന്തു നടപടികള്‍ സ്വീകരിച്ചിട്ടുണ്ട്; വിശദാംശം ലഭ്യമാക്കുമോ?

പയ്യന്നൂര്‍ നിയോജക മണ്ഡലത്തില്‍ ആസ്തി വികസന പദ്ധതി

5335.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പയ്യന്നൂര്‍ നിയോജക മണ്ഡലത്തില്‍ ആസ്തി വികസന പദ്ധതിയില്‍ ഉള്‍പ്പെടുത്തി ഭരണാനുമതി ലഭിച്ച കെട്ടിടങ്ങളുടെ നിലവിലുള്ള അവസ്ഥ വിശദമാക്കാമോ;

(ബി)	പ്രസ്തുത കെട്ടിടങ്ങളുടെ നിര്‍മ്മാണ പ്രവൃത്തി എപ്പോള്‍ പൂര്‍ത്തീകരിക്കാന്‍ സാധിക്കുമെന്ന് അറിയിക്കാമോ?

കൊട്ടാരക്കര ഗ്രാമീണ റോഡുകളുടെ നവീകരണം

5336.

(എ)	ഈ സര്‍ക്കാരിന്റെ കാലയളവില്‍ കൊട്ടാരക്കര നിയോജക മണ്ഡലത്തില്‍ ഗ്രാമീണ റോഡുകളുടെ നവീകരണത്തിനായി എത്ര തുക ചെലവഴിച്ചു; ഏതെല്ലാം റോഡുകള്‍ നവീകരിച്ചു;

(ബി)	പ്രസ്തുത പ്രവൃത്തികളില്‍ പൂര്‍ത്തീകരിക്കാതെ അവശേഷിക്കുന്നത് ഏതെല്ലാമാണ്;

(സി)	ഈ സര്‍ക്കാരിന്റെ കാലയളവില്‍ കൊട്ടാരക്കര നിയോജക മണ്ഡലത്തില്‍ പൊതുമരാമത്ത് വകുപ്പ് ഏറ്റെടുത്ത ഗ്രാമീണറോഡുകളുടെ പേരും ചെയിനേജും വെളിപ്പെടുത്തുമോ?

പയ്യന്നൂര്‍ റെയില്‍വേ സ്റ്റേഷന്‍ അപ്രോച്ച് റോഡ് നവീകരണം

5337.

(എ)	പയ്യന്നൂര്‍ റെയില്‍വേ സ്റ്റേഷന്‍ അപ്രോച്ച് റോഡ് പൊട്ടിപ്പൊളിഞ്ഞ് കിടക്കുന്നത് ശ്രദ്ധയില്‍പ്പെട്ടിട്ടുണ്ടോ ;

(ബി)	പ്രസ്തുത റോഡ് നവീകരിക്കുന്നതിന് സ്വീകരിച്ച നടപടികള്‍ വിശദമാക്കാമോ ?

പയ്യന്നൂര്‍ മണ്ഡലത്തിലെ വെള്ളൂര്‍ - പാടിയോട്ടുചാല്‍ - പുളിങ്ങോം റോഡ്

5338.

(എ)	പയ്യന്നൂര്‍ മണ്ഡലത്തിലെ മേജര്‍ ജില്ലാ റോഡായ വെള്ളൂര്‍ - പാടിയോട്ടുചാല്‍ - പുളിങ്ങോം റോഡ് സി.ആര്‍.എഫ് പദ്ധതിയില്‍ ഉള്‍പ്പെടുത്തി മെക്കാഡം ടാറിംഗ് നടത്തുന്നതിനുവേണ്ടിയുള്ള പ്രൊപ്പോസല്‍ കേന്ദ്ര സര്‍ക്കാരിനു സമര്‍പ്പിച്ചിട്ടുണ്ടോ ; വിശദാംശങ്ങള്‍ ലഭ്യമാക്കാമോ ;

(ബി)	പ്രസ്തുത പ്രവൃത്തിക്ക് എപ്പോള്‍ ഭരണാനുമതി ലഭ്യമാക്കാന്‍ സാധിക്കുമെന്ന് അറിയിക്കാമോ ?

ആറ്റിങ്ങല്‍ പട്ടണത്തില്‍ നാഷണല്‍ ഹെെവെയുടെ വീതി കൂട്ടുന്ന പ്രവൃത്തി

5339.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ആറ്റിങ്ങല്‍ പട്ടണത്തില്‍ നാഷണല്‍ ഹെെവെയുടെ വീതി കൂട്ടുന്നതിന് 22.75 കോടി രൂപയുടെ ഭരണാനുമതി ലഭ്യമായതിന്റെ തുടര്‍നടപടികള്‍ ഏത് ഘട്ടത്തിലാണെന്ന് വിശദമാക്കാമോ;

(ബി)	ഇതുമായി ബന്ധപ്പെട്ട് ഈ മാസം 9-ാം തീയതി പൊതുമരാമത്ത് വകുപ്പ് മന്ത്രി വിളിച്ചു ചേര്‍ത്ത യോഗ തീരുമാനങ്ങളുടെ പകര്‍പ്പ് ലഭ്യമാക്കാമോ;

(സി)	പ്രസ്തുത പ്രവൃത്തി എന്നത്തേക്ക് പൂര്‍ത്തിയാക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ?

പെരുമ്പാവൂര്‍ ടൗണ്‍ ബൈപ്പാസ് റോഡ്‌ നിർമ്മാണം

5340.

ശ്രീ.സാജു പോള്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പെരുമ്പാവൂര്‍ ടൗണ്‍ ബൈപ്പാസ് റോ‍ഡിന്റെ നിര്‍മ്മാണ പുരോഗതി വിലയിരുത്തിയിട്ടുണ്ടോ;

(ബി)	പെരുമ്പാവൂര്‍ ബൈപ്പാസിനോടൊപ്പം G.O.(Rt)706/10/PWD dt.29.4.10 പ്രകാരം ഭരണാനുമതി നല്‍കിയ പ്രവൃത്തികളുടെ നിര്‍മ്മാണം ആരംഭിച്ചിട്ടുണ്ടോ; പുരോഗതി വ്യക്തമാക്കുമോ;

(സി)	സ്ഥലം ഏറ്റെടുക്കല്‍ നടപടികള്‍ പുനരാരംഭിക്കാത്തതിന്റെ കാരണം വ്യക്തമാക്കാമോ;

(ഡി)	സ്ഥലം ഏറ്റെടുക്കല്‍ പൂര്‍ത്തിയാക്കി നിര്‍മ്മാണം ആരംഭിക്കാന്‍ നടപടി സ്വീകരിക്കുമോ?

ദേശീയപാതകളിലെ പ്രധാന ജംഗ്ഷനുകളില്‍ ഫ്ലൈഓവറുകൾ

5341.

ശ്രീ.സി.മോയിന്‍ കുട്ടി
,, പി.ഉബൈദുള്ള
,, എന്‍ .എ.നെല്ലിക്കുന്ന്
,, കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ദേശീയപാതകളില്‍ ക്രോസ് റോഡുകള്‍ വന്നുചേരുന്ന പ്രധാന ജംഗ്ഷനുകളില്‍ ഫ്ലൈഓവറുകള്‍ നിര്‍മ്മിക്കാനുളള പദ്ധതി പരിഗണനയിലുണ്ടോ ;

(ബി)	ഇല്ലെങ്കില്‍ ദേശീയ പാതകളിലെ പ്രധാന ജംഗ്ഷനുകള്‍ കണ്ടെത്തി , അവിടങ്ങളില്‍ ഫ്ലൈഓവര്‍ നിര്‍മ്മിച്ച് ഗതാഗത തടസ്സവും അപകടങ്ങളും ഒഴിവാക്കുന്നതിനുളള ഒരു സമഗ്ര പദ്ധതി ആവിഷ്കരിച്ച് നടപ്പാക്കുമോ ?

കല്ല്യാശ്ശേരി മണ്ഡലത്തിലെ കെട്ടിടങ്ങളും റോഡുകളും

5342.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പ് മുഖേന ഭരണാനുമതി ലഭിച്ച കല്ല്യാശ്ശേരി മണ്ഡലത്തിലെ കെട്ടിടങ്ങളുടെയും പാലങ്ങളുടെയും വിശദാംശം നല്‍കുമോ;

(ബി)	ഭരണാനുമതി ലഭിച്ചവയില്‍ പൂര്‍ത്തിയായതും പൂര്‍ത്തിയാക്കാന്‍ ബാക്കിയുള്ളതുമായ പ്രവൃത്തികള്‍ ഏതൊക്കെയാണെന്നറിയിക്കുമോ?

ചാത്തങ്കരയിലെ കോണ്‍കോര്‍ഡ് പാലം

5343.

(എ)	ചാത്തങ്കരയിലെ കോണ്‍കോര്‍ഡ് പാലത്തിന്റെ ഇന്‍വെസ്റ്റിഗേഷന്‍ നടത്തി എസ്റ്റിമേറ്റ് തയ്യാറാക്കിയിട്ടുണ്ടോയെന്നു വ്യക്തമാക്കാമോ;

(ബി)	ഉണ്ടെങ്കില്‍ അതിന്റെ വിശദാംശങ്ങള്‍ വെളിപ്പെടുത്താമോ?

കടുത്തുരുത്തി കമ്മ്യൂണിറ്റി ഹാള്‍ നിര്‍മ്മാണം

5344.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കടുത്തുരുത്തി കമ്മ്യൂണിറ്റി ഹാള്‍ നിര്‍മ്മാണം സംബന്ധിച്ച പൊതുമരാമത്ത് വകുപ്പിലെ 12311 / E1 / PWD /2014 നമ്പര്‍ ഫയലിന്റെ പുരോഗതി അറിയിക്കാമോ ;

(ബി)	പ്രസ്തുത നിര്‍മ്മാണ പ്രവൃത്തിക്ക് പുതുക്കിയ എസ്റ്റിമേറ്റ് തയ്യാറാക്കി സമര്‍പ്പിച്ചിട്ടുണ്ടോ ; ആയത് ഭരണാനുമതി ലഭിക്കുന്നതിന് ധനകാര്യ വകുപ്പിലേക്ക് അയയ്ക്കുന്നതിനുള്ള അടിയന്തര നടപടി സ്വീകരിക്കുമോ?

വള്ളിക്കുന്നം വില്ലേജാഫീസിന് പുതിയ കെട്ടിടം

5345.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര നിയോജകമണ്ഡലത്തില്‍ വള്ളിക്കുന്നം വില്ലേജാഫീസ് കെട്ടിടം സുരക്ഷിതമല്ലെന്നതു ശ്രദ്ധയില്‍പ്പെട്ടിട്ടുണ്ടോ;

(ബി)	വള്ളിക്കുന്നം വില്ലേജാഫീസിന് പുതിയ കെട്ടിടം നിര്‍മ്മിക്കുന്നതിന് ആവശ്യമായ നടപടികള്‍ സ്വീകരിക്കുമോ; വിശദാംശങ്ങള്‍ ലഭ്യമാക്കുമോ;

(സി)	വള്ളിക്കുന്നം പഞ്ചായത്തിലെ കൃഷി ഓഫീസിന് കെട്ടിടം നിര്‍മ്മിക്കുന്നതിന് ആവശ്യമായ ഫണ്ട് ലഭ്യമാക്കുന്നതിന് നടപടികള്‍ സ്വീകരിക്കുമോ;

(ഡി)	പ്രസ്തുത പ്രവ‍ൃത്തികളുടെ എസ്റ്റിമേറ്റ് തയ്യാറാക്കി പൊതുമരാമത്ത് വകുപ്പിന് നല്‍കുന്നതിന് പി.ഡബ്ല്യു.ഡി കെട്ടിട വിഭാഗത്തിന് ചുതമല നല്‍കി ആവശ്യമായ നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കുമോ?

തമിഴ്‍നാട്ടിലെ കുറ്റാലത്തുളള പൊതുമരാമത്ത് വകുപ്പിന്റെ ഒാഫീസ്

5346.

(എ)

തമിഴ്‍നാട്ടിലെ കുറ്റാലത്ത് കേരള സര്‍ക്കാരിന്റെ ഉടമസ്ഥതയില്‍ എത്ര ഭൂമിയാണ് ഉളളത്; ഈ ഭൂമിയില്‍ കെെയ്യേറ്റം നടക്കുന്നതായി നേരത്തെ വാര്‍ത്തകള്‍ വന്നത് ശ്രദ്ധയില്‍പ്പെട്ടിട്ടുണ്ടോ;കെെയ്യേറ്റം ഒഴിപ്പിക്കാനും വസ്തു സര്‍ക്കാരിന്റെ അധീനതയില്‍ നിലനിര്‍ത്താനും സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ; ഇവിടെ പൊതുമരാമത്ത് വകുപ്പിന്റെ ഒാഫീസ് പ്രവര്‍ത്തിക്കുന്നുണ്ടോ; കെയര്‍ടേക്കര്‍മാരെ നിയമിച്ചിട്ടുണ്ടോ; വിശദാംശങ്ങള്‍ വ്യക്തമാക്കാമോ;

(ബി)

പ്രസ്തുത ഭൂമിയില്‍ എത്ര കെട്ടിടങ്ങളാണ് ഉളളത്; കെട്ടിടങ്ങളുടെ വിശദാംശങ്ങള്‍ ലഭ്യമാക്കാമോ; ഒാരോ കെട്ടിടത്തിലും എന്തൊക്കെ സൗകര്യങ്ങളാണ് ഉളളത് ; ഈ കെട്ടിടങ്ങളിലെ മുറികള്‍ വിനോദ സഞ്ചാരികള്‍ക്ക് നല്‍കാറുണ്ടോ; ഉണ്ടെങ്കില്‍ ഇവയുടെ വാടക നിരക്ക് സഹിതം വിശദാംശങ്ങള്‍ ലഭ്യമാക്കാമോ ; കഴിഞ്ഞ 5 വര്‍ഷം പ്രതിവര്‍ഷം ഇവിടെ നിന്നും വാടകയിനത്തില്‍ എത്ര തുക ലഭിച്ചുവെന്ന് വ്യക്തമാക്കാമോ;

(സി)	കുറ്റാലത്തെത്തുന്ന കൂടുതല്‍ വിനോദ സഞ്ചാരികള്‍ക്ക് ഇവിടെ താമസസൗകര്യം ലഭ്യമാക്കുന്നതിനും മുറി ബുക്കു ചെയ്യുന്നതിനുമായി ഒാണ്‍ ലെെന്‍ സൗകര്യം ഉള്‍പ്പെടെയുളള സൗകര്യങ്ങള്‍ ഏര്‍പ്പെടുത്താന്‍ നടപടി സ്വീകരിയ്ക്കുമോ?

എന്‍.എച്ച്.220 യുടെ വീതി കൂട്ടാനുള്ള പണികള്‍

5347.

(എ)	എന്‍.എച്ച്.220 (കോട്ടയം-കുമളി) ന്റെ വീതി കൂട്ടാനുള്ള പണികള്‍ എന്നാണ് ആരംഭിക്കുക;

(ബി)	മേല്‍പ്പറഞ്ഞ റോഡില്‍ വാഴൂര്‍ പുളിക്കല്‍ കവല മുതല്‍ പൊന്‍കുന്നം വരെയുള്ള ദൂരം ഇരുവശത്തും എത്ര മീറ്റര്‍ വീതമാണ് ഏറ്റെടുക്കുന്നത്; അതിനുള്ള നടപടികള്‍ പൂര്‍ത്തിയാക്കി അടയാളം ചെയ്തോ; ഇല്ലെങ്കില്‍ എപ്പോള്‍ പൂര്‍ത്തിയാകും;

(സി)	പ്രസ്തുത പ്രദേശത്ത് റോഡിന് ഇരുവശത്തും നിര്‍മ്മാണ പ്രവര്‍ത്തനങ്ങള്‍ക്ക് ഏതെങ്കിലും തരത്തിലുള്ള വിലക്ക് ഏര്‍പ്പെടുത്തിയിട്ടുണ്ടോ;

(ഡി)	പ്രസ്തുത പ്രദേശത്ത് നിലവില്‍ എത്ര കെട്ടിടങ്ങള്‍ വീതി കൂട്ടലിനായി പൊളിക്കേണ്ടിവരും;

(ഇ)	മേല്‍പ്പറഞ്ഞിരിക്കുന്ന ദൂരത്തില്‍ റോഡില്‍ എത്ര കൊടും വളവുകള്‍ നിര്‍ണ്ണയിച്ചിട്ടുണ്ട്; ഈ ഭാഗങ്ങളില്‍ കൂടുതലായി സ്ഥലം ഏറ്റെടുക്കേണ്ടതായിട്ടുണ്ടോ: വിശദമാക്കുമോ?

Website maintained by Information System Section, Kerala Legislative Assembly, Thiruvananthapuram.