13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >14^th Session>Starred Questions and Answers

Answer Provided

Answer Not Yet Provided

THIRTEENTH KLA - 14^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ജലപാതാ വികസനം

*61.

ശ്രീ.പി.ശ്രീരാമകൃഷ്ണന്‍
,, പി.കെ.ഗുരുദാസന്‍
,, ഇ.പി.ജയരാജന്‍
ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിലെത്തിയശേഷം നടത്തിയ ജലപാതാ വികസനം വിശദമാക്കാമോ ;

(ബി)	കോവളം-കൊല്ലം, കോട്ടപ്പുറം-നീലേശ്വരം ജലപാതകളുടെ വികസന പുരോഗതി അറിയിക്കുമോ ;

(സി)	കൊല്ലം-കോട്ടപ്പുറം ദേശീയജലപാതാ നിര്‍മ്മാണം 2013-14ല്‍ പൂര്‍ത്തിയാക്കുമെന്ന് പ്രഖ്യാപിച്ചിരുന്നത് നടപ്പിലായോ ; ഇല്ലെങ്കില്‍ കാരണമെന്തൊണ് ;

(ഡി)	ദേശീയ ജലപാതക്കായി നടപ്പിലാക്കിയ കാര്യങ്ങള്‍ എന്തൊക്കെയെന്നും ചെലവഴിച്ച തുകയെത്രയെന്നും അറിയിക്കാമോ ?

കുടിവെള്ളം ശുദ്ധീകരിക്കാന്‍ സംവിധാനം

*62.

ശ്രീ.എം.എ.ബേബി
,, കോലിയക്കോട് എന്‍. കൃഷ്ണന്‍ നായര്‍
,, ബി.സത്യന്‍
,, വി.ശിവന്‍കുട്ടി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാന നിവാസികള്‍ക്ക് ശുദ്ധീകരിക്കാത്ത ജലമാണ് കഴിഞ്ഞ രണ്ടുവര്‍ഷമായി നല്കുന്നതെന്ന വാര്‍ത്ത ശ്രഗ്ദ്ധയിൽ പെട്ടിട്ടുണ്ടോ ഇതിന്മേൽ സ്വീകരിച്ച നടപടികള്‍ എന്തൊക്കെയാണ് ;

(ബി)	തകരാറിലായ ശുദ്ധീകരണ പ്ലാന്റിന്റെ പുനര്‍നിര്‍മ്മാണം ഏത് ഘട്ടത്തിലാണ് ;

(സി)	കുടിവെള്ള ശുദ്ധീകരണത്തിനായി എന്ത് സംവിധാനമാണ് നിലവിലുള്ളതെന്ന് അറിയിക്കാമോ ;

(ഡി)	മലിനജലം വിതരണം ചെയ്തവര്‍ക്കെതിരെ എന്ത് നടപടിയാണ് സ്വീകരിച്ചത്; വകുപ്പിന്റെ ഇത്തരം പ്രശ്നങ്ങള്‍ അന്വേഷിക്കാന്‍ തയ്യാറാകുമോ ?

ആരോഗ്യ കേന്ദ്രങ്ങളുടെ അടിസ്ഥാന സൗകര്യ വികസനം

*63.

ശ്രീമതി.പി. അയിഷാ പോറ്റി
ശ്രീ.എസ്.ശർമ്മ
,, എം. ഹംസ
,, കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റശേഷം നടത്തിയ പ്രാഥമികാരോഗ്യ കേന്ദ്രങ്ങളുടെയും സാമൂഹികാരോഗ്യ കേന്ദ്രങ്ങളുടെയും അടിസ്ഥാന സൗകര്യ വികസനം എന്തൊക്കെയായിരുന്നെന്ന് അറിയിക്കുമോ ; ഇതില്‍ കേന്ദ്ര സഹായത്തോടെയും അല്ലാതെയും ചെയ്തവ പ്രത്യേകം അറിയിക്കുമോ :

(ബി)	ആശുപത്രികളിൽ അടിസ്ഥാന സൗകര്യങ്ങളില്ലാത്തതുകൊണ്ടും ഡോക്ടര്‍മാരുടെ അഭാവംകൊണ്ടും ആവശ്യത്തിന് മരുന്ന് ലഭ്യമല്ലാത്തതിനാലും രോഗികള്‍ സ്വകാര്യ ആശുപത്രികളെ ആശ്രയിക്കാൻ നിര്‍ബന്ധിതരാകുന്ന സാഹചര്യം നിലവിലുണ്ടോ ;

(സി)	പ്രസ്തുത ആശുപത്രികളുടെ അടിസ്ഥാന സൗകര്യ വികസനത്തിനായി എന്തു പദ്ധതിയാണ് നിലവിലുള്ളതെന്ന് അറിയിക്കാമോ ?

ഭൂഗര്‍ഭ ജലശോഷണം

*64.

ശ്രീ.എം.ഉമ്മര്‍
,, റ്റി.എ.അഹമ്മദ് കബീര്‍
,, സി.മമ്മൂട്ടി
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഭൂഗര്‍ഭ ജല ലഭ്യതയുടെയോ ശേഖരത്തിന്റെയോ അടിസ്ഥാനത്തില്‍ സംസ്ഥാനത്തിന്റെ വിവിധ മേഖലകളെ ക്ലാസിഫൈ ചെയ്തിട്ടുണ്ടോ; മൊത്തം ഭൂഗര്‍ഭ ജല വിഭവശേഷി കണക്കാക്കിയിട്ടുണ്ടോ; എങ്കില്‍ വിശദമാക്കുമോ;

(ബി)	ഭൂഗര്‍ഭ ജല ശോഷണം കണക്കിലെടുത്ത് ഏതൊക്കെ പ്രദേശങ്ങളെ ക്രിട്ടിക്കല്‍, ഓവര്‍ എക്സ്പ്ലോയിറ്റഡ് എന്നീ വിഭാഗങ്ങളില്‍ ഉള്‍പ്പെടുത്തിയിട്ടുണ്ടെന്നതിന്റെ വിശദവിവരം നല്‍കാമോ;

(സി)	കാര്‍ഷിക-കാര്‍ഷികേതരാവശ്യങ്ങള്‍ക്കായി കുഴല്‍ക്കിണര്‍ നിര്‍മ്മിക്കുന്നതിന് അനുമതി നല്‍കുന്നതിനും കിണര്‍ കുഴിക്കുന്നതിനുമുള്ള വ്യവസ്ഥകള്‍ വ്യക്തമാക്കുമോ; സ്വകാര്യ -അന്യ സംസ്ഥാന ഏജന്‍സികള്‍ക്ക് കിണര്‍ കുഴിക്കാന്‍ അനുമതി നല്‍കുന്നതിനുള്ള മാനദണ്ഡമെന്താണെന്ന് വ്യക്തമാക്കുമോ?

പട്ടികജാതി കുടംബങ്ങള്‍ക്കുള്ള ഗൃഹനിര്‍മ്മാണ പദ്ധതി

*65.

ശ്രീ.കെ.കുഞ്ഞിരാമന്‍ (ഉദുമ)
,, കെ.വി.വിജയദാസ്
,, പുരുഷന്‍ കടലുണ്ടി
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി കുടംബങ്ങള്‍ക്ക് ഗൃഹനിര്‍മ്മാണ പദ്ധതിയിന്‍ കീഴില്‍ അനുവദിച്ച വീടുകളുടെ നിര്‍മ്മാണ പുരോഗതി വിലയിരുത്തിയിട്ടുണ്ടോ ; വിശദാംശങ്ങള്‍ നല്‍കുമോ ;

(ബി)	അനുവദിച്ചതില്‍ ഭൂരിഭാഗം വീടുകളുടെയും പണി പൂര്‍ത്തീകരിക്കാന്‍ സാധിക്കാത്തതിന്റെ കാരണം അറിയിക്കുമോ ;

(സി)	വീടുകളുടെ നിര്‍മ്മാണം പൂര്‍ത്തിയാക്കാനായി പ്രത്യേക ധനസഹായം ലഭ്യമാക്കാന്‍ നടപടി സ്വീകരിക്കുമോ ?

ഐ.ടി.ഐ കളില്‍ വെര്‍ച്വല്‍ ക്ലാസ്സ് റൂം

*66.

ശ്രീ.അന്‍വര്‍ സാദത്ത്
,, ലൂഡി ലൂയിസ്
,, ഹൈബി ഈഡന്‍
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	ഐ.ടി.ഐ കളില്‍ വെര്‍ച്വല്‍ ക്ലാസ്സ് റൂം ആരംഭിച്ചിട്ടുണ്ടോ; വിശദമാക്കുമോ ;

(ബി)	വെര്‍ച്വല്‍ ക്ലാസ്സ് റൂമിന്റെ ഉദ്ദേശ്യലക്ഷ്യങ്ങള്‍ എന്തെല്ലാമാണെന്ന് വ്യക്തമാക്കാമോ ;

(സി)	വെര്‍ച്വല്‍ ക്ലാസ്സ് റൂമില്‍ എന്തെല്ലാം ആധുനിക സാങ്കേതിക വിദ്യകളാണ് ഉപയോഗിക്കുന്നത്;

(ഡി)	ഏതെല്ലാം ഏജന്‍സികളുടെ സഹകരണത്തോടെയാണ് ഇവ നടപ്പിലാക്കുന്നത്; വിശദമാക്കുമോ?

അത്യാവശ്യ മരുന്നുകളുടെ അഭാവം

*67.

ശ്രീ.മാത്യു റ്റി.തോമസ്
ശ്രീമതി.ജമീല പ്രകാശം
ശ്രീ.ജോസ് തെറ്റയില്‍
,, സി.കെ.നാണു : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	വിവിധ സര്‍ക്കാര്‍ ആശുപത്രികളില്‍ അത്യാവശ്യ സന്ദര്‍ഭങ്ങളില്‍ നല്‍കാനുള്ള മരുന്നുകള്‍ പോലും ലഭ്യമല്ലെന്ന വസ്തുത ശ്രദ്ധയില്‍പ്പെട്ടിട്ടുണ്ടോ ;

(ബി)	2014-2015 സമ്പത്തിക വര്‍ഷത്തില്‍ മരുന്നുകള്‍ ലഭ്യമാക്കുന്നതിനു വേണ്ടി എത്ര തുകയാണ് ബഡ്ജറ്റില്‍ വകയിരുത്തിയിരിക്കുന്നത് ; അതില്‍ എത്ര തുക ചെലവഴിച്ചിട്ടുണ്ട് ;

(സി)	ആശുപത്രികളില്‍ മരുന്നുകള്‍ ലഭ്യമാക്കുന്നതിന് എന്ത് സംവിധാനമാണ് നിലവിലുള്ളത്; വിശദാംശങ്ങള്‍ ലഭ്യമാക്കുമോ ?

ആയൂഷ് വകുപ്പ്

*68.

ശ്രീ.കെ.അജിത്
,, വി.എസ്.സുനില്‍ കുമാര്‍
ശ്രീമതി.ഗീതാ ഗോപി
ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	അലോപ്പതിയും ഇതര വിഭാഗങ്ങളും ചേര്‍ത്ത് ആയൂഷ് വകുപ്പ് രൂപീകരിക്കാന്‍ തീരുമാനിച്ചിട്ടുണ്ടോ; എങ്കിൽ പ്രസ്തുത വകുപ്പിൽ ഏതെല്ലാം ചികിത്സാ വിഭാഗങ്ങളാണ് ഉള്‍പ്പെടുത്തിയിട്ടുളളതെന്ന് വ്യക്തമാക്കുമോ ;

(ബി)	ആയൂഷ് വകുപ്പു് രൂപീകരിക്കുന്നതുകൊണ്ടുണ്ടാകുന്ന നേട്ടങ്ങള്‍ എന്തെല്ലാമാണെന്ന് വിശദമാക്കുമോ ;

(സി)	ദേശീയ ആയൂഷ് മിഷനില്‍ നിന്നും സഹായം ലഭിക്കുന്നുണ്ടോ ;എങ്കില്‍ ഈ വര്‍ഷം എത്ര രൂപയുടെ ഏതെല്ലാം പദ്ധതികള്‍ സമര്‍പ്പിച്ചിട്ടുണ്ടെന്ന് വിശദമാക്കുമോ ?

പകര്‍ച്ചവ്യാധികളുടെ നിയന്ത്രണവും പ്രതിരോധവും

*69.

ശ്രീ.ബി.സത്യന്‍
,, ഇ.പി.ജയരാജന്‍
,, സി.രവീന്ദ്രനാഥ്
,, സി.കെ സദാശിവന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഈ വര്‍ഷം മെയ് പകുതി വരെ ഒമ്പതര ലക്ഷത്തോളം പേര്‍ക്ക് പനിയും മറ്റു പകര്‍ച്ചവ്യാധികളും ബാധിച്ചെന്ന ആരോഗ്യവകുപ്പിന്റെ റിപ്പോര്‍ട്ടിന്റെ അടിസ്ഥാനത്തില്‍ സ്വീകരിച്ച നിയന്ത്രണ, പ്രതിരോധ മാര്‍ഗ്ഗങ്ങള്‍ എന്തൊക്കെയെന്ന് അറിയിക്കാമോ ;

(ബി)	ശുചീകരണ പ്രവര്‍ത്തനത്തിലുണ്ടായ അനാസ്ഥയാണ് പകര്‍ച്ചവ്യാധികള്‍ വ്യാപിക്കാന്‍ കാരണമായതെന്ന പരാതി പരിശോധിച്ചിട്ടുണ്ടോ ;

(സി)	മഴക്കാല പൂര്‍വ്വ ശുചീകരണത്തിനും പ്രാഥമികാരോഗ്യ കേന്ദ്രങ്ങള്‍ മുതല്‍ മെഡിക്കല്‍ കോളേജുകള്‍ വരെയുള്ള ആശുപത്രികളില്‍ ആവശ്യാനുസരണം മരുന്നു ലഭ്യമാക്കാനും സ്വീകരിച്ച നടപടികള്‍ അറിയിക്കാമോ ?

വിനോദ സഞ്ചാര വകുപ്പിന്റെ പദ്ധതികളില്‍ ക്രമക്കേട്

*70.

ശ്രീ.സി.ദിവാകരന്‍
,, ജി.എസ്.ജയലാല്‍
,, ഇ.കെ.വിജയന്‍
,, ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	വിനോദ സഞ്ചാര വകുപ്പ് കേന്ദ്ര സഹായത്തോടെ നടപ്പാക്കിയ പദ്ധതികളില്‍ വന്‍ ക്രമക്കേടുകള്‍ നടന്നിട്ടുള്ളതായി കേന്ദ്ര വിനോദ സഞ്ചാര വകുപ്പിന്റെ പരിശോധനാ വിഭാഗം കണ്ടെത്തിയിട്ടുണ്ടോ ;എങ്കില്‍ ഏതെല്ലാം പദ്ധതികളിലാണ് ക്രമക്കേടുകള്‍ നടന്നതായി കണ്ടെത്തിയിട്ടുള്ളതെന്ന് വെളിപ്പെടുത്തുമോ ;

(ബി)	സാമ്പത്തിക ക്രമക്കേടുകള്‍ക്ക് പുറമെ നിര്‍മ്മാണ പ്രവര്‍ത്തനങ്ങള്‍, പദ്ധതിച്ചെലവ്, പദ്ധതി നടപ്പാക്കാനെടുത്ത സമയം എന്നിവയിലും ക്രമക്കേട് നടന്നതായി കണ്ടെത്തിയിട്ടുണ്ടോ ;

(സി)	പൊതുമേഖലയില്‍ വിനോദ സഞ്ചാര രംഗത്തു വേണ്ടത്ര പുരോഗതി ഉണ്ടാകുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ ; എങ്കില്‍ ആയത് പരിഹരിക്കുന്നതിന് എന്തു നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ ?

ജന്‍ ഔഷധി സെന്ററുകള്‍

*71.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ സാധാരണക്കാര്‍ക്ക് കുറഞ്ഞ നിരക്കില്‍ ജനറിക് മരുന്നുകള്‍ ലഭ്യമാക്കാന്‍ കേരളത്തില്‍ ജന്‍ ഔഷധി സെന്ററുകള്‍ ആരംഭിക്കുമെന്ന് കേന്ദ്ര കെമിക്കല്‍സ്ആ൯റ് ഫെ൪ട്ടിലൈസേഷ്സ് വകുപ്പ് മന്ത്രി എച്ച്.എന്‍. അനന്തകുമാര്‍ പ്രഖ്യാപിച്ചത് ശ്രദ്ധയില്‍പെട്ടിട്ടുണ്ടോ;

(ബി)	സംസ്ഥാനസര്‍ക്കാര്‍ ഇതുമായി ബന്ധപ്പെട്ട്എന്തെങ്കിലും നടപടികള്‍ സ്വീകരിച്ചിട്ടുണ്ടോ;

(സി)	മരുന്നുകള്‍ക്ക് 60% വരെ വിലക്കുറവ് ഉണ്ടാകുന്ന പ്രസ്തുത പദ്ധതി, ജില്ലാ, താലൂക്ക് ആശുപത്രികളില്‍ നടപ്പാക്കാന്‍ നടപടി സ്വീകരിക്കുമോ?

ആയുര്‍വ്വേദ മെഡിക്കല്‍ വിദ്യാര്‍ത്ഥികള്‍ക്ക് സര്‍ക്കാര്‍ ആശുപത്രികളില്‍ പ്രസവ ശുശ്രൂഷാ പരിശീലനം

*72.

ശ്രീ.കെ.എന്‍.എ.ഖാദര്‍
,, എന്‍ .എ.നെല്ലിക്കുന്ന്
,, പി.ഉബൈദുള്ള
,, വി.എം.ഉമ്മര്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ആയുര്‍വ്വേദ മെഡിക്കല്‍ വിദ്യാര്‍ത്ഥികള്‍ക്ക് സര്‍ക്കാര്‍ ആശുപത്രികളില്‍ നിലവിലുണ്ടായിരുന്ന പ്രസവ ശുശ്രൂഷാ പരിശീലന സൗകര്യം നിഷേധിച്ച് തീരുമാനം കൈക്കൊണ്ടിട്ടുണ്ടോ; എങ്കില്‍ അതിനുള്ള കാരണം വ്യക്തമാക്കുമോ;

(ബി)	എല്ലാ വിഭാഗങ്ങള്‍ക്കും പ്രാധാന്യം നല്‍കിക്കൊണ്ട് നടപ്പാക്കിയ ഹോളിസ്റ്റിക് കാഴ്ചപ്പാട് ലോകം മുഴുവന്‍ സ്വീകരിച്ചുകൊണ്ടിരിക്കുന്ന സാഹചര്യത്തില്‍ അതിനു വിരുദ്ധമായ തീരുമാനമുണ്ടായിട്ടുണ്ടെങ്കില്‍ അത് പുന:പരിശോധിക്കുമോ;

(സി)	വൈദ്യ ശുശ്രൂഷാരംഗത്തെ എല്ലാ വിഭാഗങ്ങളെയും കൂട്ടിയിണക്കുന്നതിനും, ഓരോ വിഭാഗത്തിന്റെയും പ്രയോഗക്ഷമത ഉറപ്പുവരുത്താനുമുള്ള ഗവേഷണ നിരീക്ഷണങ്ങള്‍ ഏര്‍പ്പെടുത്തുകയും ചെയ്യുമോ?

സ്വാശ്രയ മേഖലയിലെ എം.ബി. ബി.എസ്. പ്രവേശനം

*73.

ശ്രീമതി.ഗീതാ ഗോപി
ശ്രീ.പി.തിലോത്തമന്‍
,, ഇ.ചന്ദ്രശേഖരന്‍
,, കെ.രാജു : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്വാശ്രയ മേഖലയിലും പൊതു മേഖലയിലും എത്ര വീതം മെഡിക്കല്‍ കോളേജുകളുണ്ട് ;

(ബി)	സ്വാശ്രയ മേഖലയില്‍ എം.ബി.ബി.എസ്സിന് എത്ര സീറ്റുകളുണ്ട്; പൊതു മേഖലയില്‍ എത്ര സീറ്റുകളുണ്ട് ;

(സി)	എം.ബി. ബി.എസ്. പ്രവേശനം സംബന്ധിച്ച് മാനേജ്‍മെന്റുകളും സര്‍ക്കാരുമായി ഏതെങ്കിലും തരത്തിലുള്ള കരാര്‍ ഉണ്ടാക്കിയിട്ടുണ്ടോ ; എങ്കില്‍ അതിന്റെ വിശദാംശങ്ങള്‍ അറിയിക്കുമോ ;

(ഡി)	സര്‍ക്കാരും മാനേജുമെന്റുകളും തമ്മില്‍ കരാറുണ്ടാക്കാത്ത സാഹചര്യത്തില്‍ നൂറു ശതമാനം സീറ്റിലും മാനേജുമെന്റ് നേരിട്ട് പ്രവേശനം നല്‍കുമെന്ന കാര്യം ശ്രദ്ധയില്‍പ്പെട്ടിട്ടുണ്ടോ ?

നിര്‍മ്മാണ മേഖലയിലെ സ്തംഭനം

*74.

ശ്രീ.എളമരം കരീം
ഡോ.ടി.എം.തോമസ് ഐസക്
ശ്രീ.ബി.ഡി. ദേവസ്സി
,, കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	നിര്‍മ്മാണ മേഖലയിലെ തൊഴിലാളികള്‍ തൊഴിലില്ലായ്മ കാരണം കടുത്ത പ്രതിസന്ധിയിലാണെന്ന കാര്യം തൊഴിൽ വകുപ്പ് പരിശോധിച്ചിട്ടുണ്ടോ ;

(ബി)	നിര്‍മ്മാണ മേഖലയിലെ സ്തംഭനം പരിഹരിക്കാന്‍ വകുപ്പ് നടപടി സ്വീകരിക്കുമോ ;

(സി)	സര്‍ക്കാര്‍, കരാറുകാര്‍ക്ക് കുടിശ്ശിക വരുത്തിയതു കാരണം വിവിധ വികസന പ്രവര്‍ത്തനങ്ങള്‍ നടക്കുന്നില്ല എന്നതും അതിനാല്‍ തൊഴിലാളികള്‍ പ്രതിസന്ധിയിലാണ് എന്നതും ശ്രദ്ധയില്‍പ്പെട്ടിട്ടുണ്ടോ ; ഇത് പരിഹരിക്കാന്‍ എന്ത്മാര്‍ഗ്ഗമാണ് സ്വീകരിക്കാനുദ്ദേശിക്കുന്നത് ?

പട്ടികജാതി പിന്നാക്ക വിഭാഗങ്ങള്‍ക്കായുളള ക്ഷേമ പ്രവര്‍ത്തനങ്ങള്‍

*75.

ശ്രീ.റ്റി.യു. കുരുവിള
,, സി.എഫ്.തോമസ്
,, മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പിന്നാക്ക വിഭാഗങ്ങള്‍ക്ക് നല്‍കി വരുന്ന ക്ഷേമ പ്രവര്‍ത്തനങ്ങള്‍ കൂടുതല്‍ കാര്യക്ഷമവും കാലോചിതവുമായി നടപ്പാക്കുന്നതിന് സ്വീകരിച്ചു വരുന്ന നടപടികള്‍ വ്യക്തമാക്കാമോ ;

(ബി)	പട്ടികജാതി വികസന കോര്‍പ്പറേഷനെയും പിന്നോക്ക വിഭാഗ കോര്‍പ്പറേഷനെയും കൂടുതല്‍ കാര്യക്ഷമമാക്കുന്നതിനും ഇവയിലൂടെ നടപ്പിലാക്കുന്ന വിവിധ പദ്ധതികളുടെ നടപടിക്രമം കൂടുതല്‍ ലളിതമാക്കുന്നതിനും നടപടികള്‍ സ്വീകരിക്കുമോ ; വിശദാംശം ലഭ്യമാക്കുമോ ?

കുട്ടനാട് പാക്കേജ്

*76.

ശ്രീ.ആര്‍. രാജേഷ്
ഡോ.ടി.എം.തോമസ് ഐസക്
ശ്രീ.ജി.സുധാകരന്‍
,, എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കുട്ടനാട് പാക്കേജിന്റെ ഭാഗമായി ജലവിഭവ വകുപ്പ് വിഭാവനം ചെയ്ത പദ്ധതികള്‍ എന്തൊക്കെയാണെന്ന് വിശദമാക്കാമോ; ഓരോ പദ്ധികളുടെയും നിലവിലെ സ്ഥിതി അറിയിക്കാമോ;

(ബി)	പദ്ധതികള്‍ ഒന്നും പൂര്‍ത്തീകരിക്കുവാന്‍ സാധിക്കാത്തതിന്റെ കാരണം വിശകലനം ചെയ്തിട്ടുണ്ടോ; എങ്കില്‍ അറിയിക്കാമോ;

(സി)	തുക അനുവദിക്കുന്നതിലും അനുവദിച്ച തുക വിനിയോഗിക്കുന്നതിലും വന്ന വീഴ്ചകള്‍ അവലോകനം ചെയ്തിട്ടുണ്ടോ;

(ഡി)	പാക്കേജ് നടപ്പിലാക്കാനുള്ള സമയം കേന്ദ്രസര്‍ക്കാര്‍ നീട്ടി നല്‍കിയിട്ടുണ്ടോ; അല്ലാത്തപക്ഷം പദ്ധതി എങ്ങനെ പൂര്‍ത്തീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

അന്യസംസ്ഥാനങ്ങളില്‍ നിന്നെത്തുന്ന പച്ചക്കറികളും പഴങ്ങളും

*77.

ശ്രീ.പി.കെ.ഗുരുദാസന്‍
,, വി.ശിവന്‍കുട്ടി
,, എ. പ്രദീപ്കുമാര്‍
,, സാജു പോള്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	അന്യസംസ്ഥാനങ്ങളില്‍ നിന്നെത്തുന്ന മാരകവിഷം തളിച്ച പച്ചക്കറികളും പഴങ്ങളും തടയുന്നതിനായി എന്തൊക്കെ നടപടികള്‍ സ്വീകരിക്കുമെന്നാണ് ഉറപ്പ് നല്കിയിരുന്നത്; ഇതില്‍ ഏതൊക്കെ നടപ്പിലാക്കിയിട്ടുണ്ട്;

(ബി)	അന്യസംസ്ഥാനങ്ങളില്‍ നിന്നെത്തുന്ന മാരകവിഷം തളിച്ച പച്ചക്കറികളും പഴങ്ങളും തടയുവാന്‍ എന്ത് നടപടിയാണ് എടുത്തിട്ടുള്ളത് ;

(സി)	വിഷമയമായ സാധനങ്ങള്‍ വില്‍ക്കുന്ന മൊത്തക്കച്ചവടക്കാര്‍ക്കും മറ്റുമെതിരെ കര്‍ശന നടപടി സ്വീകരിക്കുമോ;

(ഡി)	രാസവസ്തുക്കളുടെ സാന്നിദ്ധ്യം പരിശോധിക്കാനുളള സംവിധാനങ്ങള്‍ എവിടെയൊക്കെയാണ് ഉള്ളതെന്നും അതിനു വരുന്ന ചെലവ്എത്രയെന്നും അറിയിക്കുമോ?

ഇടുക്കി ഡാമിന്റെ സുരക്ഷയെക്കുറിച്ചുള്ള കേന്ദ്ര ജല കമ്മീഷന്റെ പഠന റിപ്പോര്‍ട്ട്

*78.

ശ്രീ.വി.എസ്.സുനില്‍ കുമാര്‍
,, ഇ.ചന്ദ്രശേഖരന്‍
,, പി.തിലോത്തമന്‍
ശ്രീമതി.ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി ഡാമിന്റെ സുരക്ഷയെക്കുറിച്ചുള്ള കേന്ദ്ര ജല കമ്മീഷന്റെ പഠന റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയതിലെ പ്രധാന നിഗമനങ്ങള്‍ എന്തെല്ലാമാണെന്ന് വിശദമാക്കുമോ;

(ബി)	വെള്ളം നിറയുമ്പോള്‍ ഡാമിന്റെ പുറത്തേയ്ക്കുള്ള തള്ളലില്‍ വ്യത്യാസമുണ്ടാകുന്നതായി കണ്ടെത്തിയിട്ടുണ്ടോ;

(സി)	ഡാമിന്റെ കോണ്‍ക്രീറ്റ് ബ്ലോക്കുകളെക്കുറിച്ച് പഠനം നടത്തിയിട്ടുണ്ടോ; ഉണ്ടെങ്കില്‍ പഠന റിപ്പോര്‍ട്ടിലെ നിഗമനങ്ങള്‍ വെളിപ്പെടുത്തുമോ?

മുല്ലപ്പെരിയാര്‍ ഡാം

*79.

ശ്രീ.എ. കെ. ശശീന്ദ്രന്‍
,, തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മുല്ലപ്പെരിയാര്‍ ഡാമിന്റെ മേല്‍നോട്ട സമിതി എന്നാണ് അവസാനമായി യോഗം ചേര്‍ന്നതെന്ന് വ്യക്തമാക്കാമോ; മേല്‍നോട്ട സമിതി യോഗം ചേരുന്നതില്‍ കാലവിളംബം ഉണ്ടായത് എന്തുകൊണ്ടാണെന്ന് വ്യക്തമാക്കാമോ;

(ബി)	മുല്ലപ്പെരിയാറിനെ സംബന്ധിക്കുന്ന ഫയല്‍ സെക്രട്ടേറിയറ്റിലെ രഹസ്യ ഫയലുകള്‍ സൂക്ഷിക്കുന്ന സെക്ഷനിലാണോ സൂക്ഷിക്കുന്നതെന്ന് വ്യക്തമാക്കാമോ;

(സി)	മുല്ലപ്പെരിയാറിനെക്കുറിച്ചുള്ള ക്യാബിനറ്റ് തീരുമാനങ്ങള്‍ ഉള്‍ക്കൊള്ളുന്ന ഫയല്‍ അതതു സമയങ്ങളില്‍ , മുമ്പ് ചോര്‍ന്നത് പരിഗണിച്ച്, രഹസ്യമായി സൂക്ഷിക്കുന്ന കാര്യം പരിഗണിക്കുമോ;

(ഡി)

144 അടി വെള്ളം ശേഖരിച്ചിട്ടും അണക്കെട്ടിന് കുഴപ്പങ്ങള്‍ ഒന്നും സംഭവിക്കുന്നില്ലെന്ന കാരണത്താല്‍ സംഭരണ ശേഷി 154 അടിയായി വര്‍ദ്ധിപ്പിയ്ക്കണമെന്ന ആവശ്യവുമായി സുപ്രീംകോടതിയെ സമീപിയ്ക്കാനുള്ള തമിഴ്നാടിന്റെ നീക്കം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്തൊക്കെ നടപടികളാണ് സ്വീകരിയ്ക്കുന്നതെന്ന് വെളിപ്പെടുത്താമോ?

ആശുപത്രികളില്‍ ലാബുകള്‍ നിര്‍മ്മിക്കാന്‍ നടപടി

*80.

ശ്രീ.രാജു എബ്രഹാം
,, കെ.രാധാകൃഷ്ണന്‍
,, സി.കൃഷ്ണന്‍
ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ആശുപത്രികളില്‍ എത്തുന്ന സാധാരണക്കാര്‍ സ്വകാര്യ ലാബുകളെ ആശ്രയിക്കേണ്ടി വരുന്ന സാഹചര്യം എന്തുകൊണ്ടെന്ന് പരിശോധിച്ചിട്ടുണ്ടോ;

(ബി)	താഴെതട്ടിലുള്ള ആശുപത്രികളില്‍ മാത്രമല്ല, മെഡിക്കല്‍ കോളേജുകളില്‍ പോലും അത്യാവശ്യ രോഗ നിര്‍ണ്ണയ പരിശോധനയ്ക്കായി സ്വകാര്യ സ്ഥാപനങ്ങളെ ആശ്രയിക്കേണ്ടി വരുന്നത് ശ്രദ്ധയിൽ പെട്ടിട്ടുണ്ടോ ;

(സി)	ഡോക്ടര്‍മാരില്‍ ചെറുതല്ലാത്ത ഒരു വിഭാഗം നിശ്ചിത സ്വകാര്യ ലാബുകളില്‍ തന്നെ പരിശോധിക്കണമെന്ന് രോഗികളോട് ആവശ്യപ്പെട്ട് സര്‍ക്കാര്‍ ആശുപത്രികളിലെ സൗകര്യമില്ലായ്മ പണസമ്പാദനത്തിനുള്ള മാര്‍ഗ്ഗമാക്കി മാറ്റുന്നത് ശ്രദ്ധയില്‍പ്പെട്ടിട്ടുണ്ടോ ;

(ഡി)	പ്രസ്തുത സാഹചര്യത്തിന് അറുതി വരുത്താന്‍ പ്രാഥമികാരോഗ്യകേന്ദ്രം മുതലുള്ള സര്‍ക്കാര്‍ ആശുപത്രികളില്‍ ലാബുകള്‍ നിര്‍മ്മിക്കാന്‍ നടപടി സ്വീകരിക്കുമോ?

കുടിവെള്ള പദ്ധതികള്‍

*81.

ശ്രീ.മോന്‍സ്‌ ജോസഫ്
,, റ്റി.യു. കുരുവിള
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നിര്‍മ്മാണത്തിലിരിക്കുന്ന കുടിവെള്ള പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിന് സ്വീകരിച്ചു വരുന്ന നടപടികള്‍ വിശദമാക്കുമോ ;

(ബി)	എല്ലാ നഗരസഭകളിലും കോര്‍പ്പറേഷന്‍ അതിര്‍ത്തിയിലുള്ള കടലോര മേഖലകളിലും ജപ്പാന്‍ കുടിവെള്ള പദ്ധതി വ്യാപിപ്പിക്കുന്നതിന് നടപടികള്‍ ഉണ്ടാകുമോ ; എങ്കില്‍ വിശദാംശം നല്‍കുമോ ?

പട്ടികജാതിക്കാരുടെ വായ്പാ കുടിശ്ശിക

*82.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, പി.സി വിഷ്ണുനാഥ്
,, പാലോട് രവി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗത്തില്‍പ്പെട്ടവര്‍ വായ്പാ കുടിശ്ശികമൂലം പ്രയാസമനുഭവിക്കുന്നത് ശ്രദ്ധയില്‍പ്പെട്ടിട്ടുണ്ടോ ; വിശദാംശങ്ങള്‍ വ്യക്തമാക്കുമോ ;

(ബി)	പ്രസ്തുത വായ്പകളും കുടിശ്ശികയും എഴുതിത്തള്ളുന്നതിന് പദ്ധതി തയ്യാറാക്കാന്‍ ഉദ്ദേശിക്കുന്നുണ്ടോ ; വിശദാംശം വെളിപ്പെടുത്താമോ ?

ആശുപത്രികളില്‍ സ്പെഷ്യാലിറ്റി യൂണിറ്റ്

*83.

ശ്രീമതി.ജമീല പ്രകാശം
ശ്രീ.മാത്യു റ്റി.തോമസ്
,, സി.കെ.നാണു
,, ജോസ് തെറ്റയില്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	എത്ര ആശുപത്രികളിലാണ് സ്പെഷ്യാലിറ്റി യൂണിറ്റോടു കൂടിയ ചികിത്സാ സമ്പ്രദായം ഏര്‍പ്പെടുത്താന്‍ ഉത്തരവ് പുറപ്പെടുവിച്ചിട്ടുള്ളതെന്നും എന്നാണ് ഉത്തരവ് പുറപ്പെടുവിച്ചതെന്നും അറിയിക്കുമോ;

(ബി)	പ്രസ്തുത ഉത്തരവ് അനുസരിച്ച് എന്തെല്ലാം പ്രവര്‍ത്തനങ്ങളാണ് നാളിതുവരെ നടത്തിയിട്ടുള്ളത്;വിശദാംശങ്ങള്‍ വ്യക്തമാക്കുമോ?

അന്യസംസ്ഥാന തൊഴിലാളികളും ആരോഗ്യ പ്രശ്നങ്ങളും

*84.

ശ്രീ.റോഷി അഗസ്റ്റിന്‍
ഡോ.എന്‍. ജയരാജ്
ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ അന്യസംസ്ഥാന തൊഴിലാളി ക്യാമ്പുകളിലെ വൃത്തിഹീനമായ സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ക്യാമ്പുകളിലെ ശുചിത്വ നിലവാരത്തെക്കുറിച്ച് സുരക്ഷാ കേരളം പദ്ധതിയുടെ ഭാഗമായി പ്രത്യേക പരിശോധനകള്‍ നടത്തിയിട്ടുണ്ടോ; വ്യക്തമാക്കുമോ;

(സി)	പ്രസ്തുത ക്യാമ്പുകളിലെ ശുചിത്വമില്ലായ്മ ആരോഗ്യപ്രശ്നങ്ങള്‍ക്ക് കാരണമായിട്ടുണ്ടോ; വിശദാംശങ്ങള്‍ നല്‍കുമോ?

വിനോദസഞ്ചാര വികസന പദ്ധതി

*85.

ശ്രീ.പി.ബി. അബ്ദുൾ റസാക്
,, പി.കെ.ബഷീര്‍
,, എന്‍. ഷംസുദ്ദീന്‍
,, അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വിനോദസഞ്ചാര കേന്ദ്രങ്ങളും വിദേശരാജ്യങ്ങളിലെ വിനോദസഞ്ചാരകേന്ദ്രങ്ങളും കൂട്ടിയിണക്കിയുളള വിനോദസഞ്ചാര വികസന പദ്ധതി പരിഗണനയിലുണ്ടോ;

(ബി)	എങ്കില്‍ ഏതൊക്കെ രാജ്യങ്ങളുമായി ചേര്‍ന്നാണ് ധാരണയുണ്ടാക്കി യിട്ടുളളതെന്ന് വ്യക്തമാക്കുമോ;

(സി)	ഇതുമൂലം സംസ്ഥാന ടൂറിസം മേഖലയ്ക്കുണ്ടാകാനിടയുളള നേട്ടങ്ങളെക്കുറിച്ച് വിലയിരുത്തിയിട്ടുണ്ടോ; വിശദമാക്കുമോ?

ആധാര്‍ അടിസ്ഥാനമാക്കിയുളള ക്ഷേമനിധി ആനുകൂല്യങ്ങള്‍

*86.

ശ്രീ.എം.എ. വാഹീദ്
,, പി.എ.മാധവന്‍
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷേമനിധി ആനുകൂല്യങ്ങള്‍ ആധാര്‍ അടിസ്ഥാനമാക്കി ബാങ്ക് വഴി വിതരണം ചെയ്യുന്ന സംവിധാനത്തിന് തുടക്കം കുറിച്ചിട്ടുണ്ടോ ;

(ബി)	പ്രസ്തുത സംവിധാനം വഴിയുളള ആനുകൂല്യങ്ങള്‍ക്ക് രജിസ്ടേഷന്‍ നിര്‍ബന്ധമാക്കിയിട്ടുണ്ടോ ; എങ്കില്‍ വിശദാംശങ്ങള്‍ നല്‍കാമോ ;

(സി)	ഇതിനായി ഒരുക്കാന്‍ ഉദ്ദേശിക്കുന്ന സൗകര്യങ്ങള്‍ എന്തെല്ലാം ; സ്വീകരിച്ച നടപടികള്‍ വ്യക്തമാക്കാമോ ?

മറുനാടന്‍ തൊഴിലാളികളുടെ വാസകേന്ദ്രങ്ങളിലെ പരിശോധന

*87.

ശ്രീ.പി.കെ.ബഷീര്‍
,, അബ്ദുറഹിമാന്‍ രണ്ടത്താണി
,, എന്‍. ഷംസുദ്ദീന്‍
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	മറുനാടന്‍ തൊഴിലാളികളുടെ വാസകേന്ദ്രങ്ങളിലെ പരിശോധനയിലെ കണ്ടെത്തലുകള്‍ വിശദമാക്കുമോ ;

(ബി)	കണ്ടെത്തലുകളുടെ അടിസ്ഥാനത്തില്‍ എന്തൊക്കെ പരിഹാര നടപടികള്‍ സ്വീകരിച്ചിട്ടുണ്ട് ;

(സി)	ഈ കേന്ദ്രങ്ങളിലെ തൊഴിലാളികളുടെയും അടിസ്ഥാന സൗകര്യങ്ങളുടെയും സ്ഥിതി നിരീക്ഷിക്കാനും പരിഹാര നടപടികള്‍ സ്വീകരിക്കാനും സ്ഥിരം സംവിധാനം ഒരുക്കുന്ന കാര്യം പരിശോധിക്കുമോ ?

ഒൗഷധ വില നിയന്ത്രണം

*88.

ശ്രീ.കെ.വി.അബ്ദുള്‍ ഖാദര്‍
,, എളമരം കരീം
,, ജെയിംസ് മാത്യു
ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്രസര്‍ക്കാര്‍ ഒൗഷധ വില നിയന്ത്രണ നിയമത്തില്‍ ഇളവു വരുത്തിയത് സംസ്ഥാനത്ത് മരുന്നുകള്‍ക്ക് വില കുതിച്ചുയരുവാന്‍ കാരണമായത് പരിശോധിച്ചിട്ടുണ്ടോ;

(ബി)	സാധാരണക്കാരന് നിലവാരമുള്ള ആരോഗ്യസേവനം സാമ്പത്തിക ക്ലേശം കൂടാതെ നല്‍കുന്നതിന് 1977-ലെ ഒൗഷധ വില നിയന്ത്രണ നിയമത്തിന്റെ മാതൃകയില്‍ സമഗ്രമായ നിയമം നടപ്പാക്കാന്‍ കേന്ദ്രസര്‍ക്കാരിനോട് ആവശ്യപ്പെടുന്നതിനുനടപടി സ്വീകരിക്കുമോ ;

(സി)	ഒൗഷധ വിലക്കയറ്റത്തില്‍ നിന്ന് ആശ്വാസം നല്‍കാനായി കേരള സ്റ്റേറ്റ് ഡ്രഗ്സ് ആന്റ് ഫാര്‍മസ്യൂട്ടിക്കല്‍സിന്റെ പ്രവര്‍ത്തനം വിപുലീകരിക്കാനും നവീകരിക്കാനും നടപടി സ്വീകരിക്കുമോ ?

സ്വകാര്യ- സ്വാശ്രയ കോളേജുകള്‍

*89.

ശ്രീ.സാജു പോള്‍
,, കോടിയേരി ബാലകൃഷ്ണന്‍
,, ടി.വി.രാജേഷ്
ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഈ വര്‍ഷത്തെ എം.ബി.ബി.എസ്. പ്രവേശനം സംബന്ധിച്ച് സ്വകാര്യ - സ്വാശ്രയ മെഡിക്കല്‍ കോളേജ് മാനേജ്‍മെന്റുമായി ഏതെങ്കിലും കരാറില്‍ ഏര്‍പ്പെട്ടിട്ടുണ്ടോ ; വിശദാംശം ലഭ്യമാക്കുമോ ;

(ബി)	സംസ്ഥാനത്തെ 14 സ്വകാര്യ- സ്വാശ്രയ കോളേജുകളെ പ്രവേശന പരീക്ഷാ പ്രോസ്പെക്റ്റസില്‍ ഉള്‍പ്പെടുത്തിയത് പ്രസ്തുത കരാറിന്റെ അടിസ്ഥാനത്തിലാണോ ; വിശദമാക്കാമോ ;

(സി)

കഴിഞ്ഞ അക്കാദമിക് വര്‍ഷം ഏകപക്ഷീയമായി പ്രവേശനം നടത്തിയ കേരള പ്രൈവറ്റ് കോളേജ് മാനേജ്‍മെന്റ് അസോസിയേഷനു കീഴിലുള്ള കോളേജുകളെ പ്രോസ്പെക്ടസില്‍ ഉള്‍പ്പെടുത്തിയിരിക്കുന്നത് കോളേജുകളുടെ സമ്മതത്തോടെയാണോ ;എങ്കില്‍ പ്രസ്തുത കോളേജുകളില്‍ വിദ്യാര്‍ത്ഥികള്‍ക്ക് പ്രവേശനം ലഭിക്കുന്നത് ഏതെങ്കിലും വ്യവസ്ഥയുടെ അടിസ്ഥാനത്തിലാണോ ;

(ഡി)	കേരള ക്രിസ്ത്യന്‍ പ്രൊഫഷണല്‍ കോളേജ് മാനേജ്‍മെന്റ് അസോസിയേഷനു കീഴിലുള്ള കോളേജുകളെ പ്രോസ്പെക്ടസില്‍ ഉള്‍പ്പെടുത്തിയിരിക്കുന്നത് ഏതൊക്കെ വ്യവസ്ഥകള്‍ക്ക് വിധേയമായാണ്?

ടൂറിസ്റ്റ് കേന്ദ്രങ്ങളില്‍ ആധുനിക മാലിന്യ നിര്‍മ്മാര്‍ജ്ജന പ്ലാന്റുകള്‍

*90.

ശ്രീ.വി.ഡി.സതീശന്‍
,, കെ.അച്ചുതന്‍
,, ഡൊമിനിക് പ്രസന്റേഷന്‍
,, ടി.എന്‍. പ്രതാപന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പ്രമുഖ ടൂറിസ്റ്റ് കേന്ദ്രങ്ങളില്‍ ആധുനിക മാലിന്യ നിര്‍മ്മാര്‍ജ്ജന പ്ലാന്റുകള്‍ സ്ഥാപിക്കുന്ന പദ്ധതി നടപ്പിലാക്കിയിട്ടുണ്ടോ ; വിശദമാക്കുമോ ;

(ബി)	എന്തെല്ലാം ആധുനിക സാങ്കേതിക വിദ്യകളാണ് ഇതിന് വേണ്ടി ഉപയോഗപ്പെടുത്തുന്നത്; വിശദാംശങ്ങള്‍ എന്തെല്ലാം;

(സി)	തദ്ദേശസ്വയംഭരണ സ്ഥാപനങ്ങളെ പദ്ധതിക്ക് വേണ്ടി പ്രയോജനപ്പെടുത്തിയത് എങ്ങനെയാണെന്ന് വിശദമാക്കുമോ;

(ഡി)	പദ്ധതി നടപ്പിലാക്കാന്‍ എടുത്ത നടപടികള്‍ എന്തെല്ലാമാണ്; വിശദാംശങ്ങള്‍ നല്‍കുമോ?

Website maintained by Information System Section, Kerala Legislative Assembly, Thiruvananthapuram.