13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >13^th Session>Unstarred questions Answers

Answer Provided

Answer Not Yet Provided

THIRTEENTH KLA - 13^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സഹകരണ ബാങ്കുകളില്‍ റിസ്ക് ഫണ്ട്

2143.

ശ്രീ.കോടിയേരി ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ ബാങ്കുകളില്‍ നിന്നും വായ്പയെടുത്ത് മരണപ്പെടുകയും, മറ്റ് ഗുരുതര രോഗങ്ങള്‍ ബാധിക്കകുയും ചെയ്തവര്‍ക്ക് സര്‍ക്കാര്‍ പ്രഖ്യാപിച്ച റിസ്ക് ഫണ്ടില്‍ നിന്നും സംസ്ഥാനത്ത് എത്ര പേര്‍ക്ക് എത്ര തുക വീതം വിതരണം ചെയ്തിട്ടുണ്ടെന്ന് ജില്ല തിരിച്ച് കണക്ക് വിശദമാക്കാമോ;

(ബി)	തലശ്ശേരി അസംബ്ലി മണ്ഡലത്തില്‍ നിന്നും റിസ്ക് ഫണ്ടിനായി എത്ര അപേക്ഷ ലഭ്യമായെന്നും എത്ര പേര്‍ക്ക് എത്ര തുക വീതം അനുവദിച്ചെന്നും വിശദമാക്കാമോ?

നന്മ, ത്രിവേണി സ്റ്റോറുകള്‍

2144.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കണ്‍സ്യൂമര്‍ ഫെഡിന് കീഴില്‍ പ്രവര്‍ത്തിച്ചിരുന്ന എത്ര നന്മ സ്റ്റോറുകളും ഓഫീസുകളുമാണ് പ്രവര്‍ത്തന രഹിതമായതെന്ന് വ്യക്തമാക്കുമോ;

(ബി)	ഇത് മൂലം എത്ര ജീവനക്കാരുടെ ജോലി നഷ്ടപ്പെട്ടിട്ടുണ്ട് എന്ന് അറിയിക്കുമോ;

(സി)	സഞ്ചരിക്കുന്ന ത്രിവേണി സ്റ്റോറുകള്‍ക്ക് എത്ര വാഹനങ്ങള്‍ വാങ്ങിയിരുന്നുവെന്ന് വ്യക്തമാക്കുമോ;

(ഡി)	ഇതില്‍ എത്രയെണ്ണം ഇപ്പോള്‍ പ്രവര്‍ത്തിക്കുന്നു എന്നും പ്രവര്‍ത്തന രഹിതമായ വാഹനങ്ങള്‍ എവിടെയാണുള്ളത് എന്നും വ്യക്തമാക്കുമോ?

സഹകരണ ആശുപത്രികളിലെ ചികിത്സാ ചെലവുകള്‍

2145.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ മേഖലയില്‍ എത്ര ആശുപത്രികളാണ് പ്രവര്‍ത്തിക്കുന്നതെന്ന് അറിയിക്കുമോ;

(ബി)	പ്രസ്തുത സ്ഥാപനങ്ങളുടെ പുരോഗതിക്ക് വേണ്ടി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

(സി)	സഹകരണ ആശുപത്രികളിലെ ചികിത്സാ ചെലവുകള്‍ ശ്രദ്ധിക്കാറുണ്ടോ; ഇക്കാര്യത്തില്‍ സര്‍ക്കാരിന് നിയന്ത്രണങ്ങള്‍ ഉണ്ടോയെന്നറിയിക്കുമോ;

(ഡി)	പ്രസ്തുത ആശുപത്രികളിലെ ചികിത്സാ ചെലവ് ഏകീകരിക്കുവാന്‍ ഉദ്ദേശിക്കുന്നുണ്ടോ; വിശദാംശം അറിയിക്കുമോ?

ഐ.സി.ഡി.പി വായ്പാ കുടിശ്ശിക

2146.

ശ്രീ.കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഐ.സി.ഡി.പി വായ്പ കുടിശ്ശിക തുക തവണയായി അടയ്ക്കാന്‍ സാവകാശം അനുവദിക്കണം എന്നാവശ്യപ്പെട്ടുകൊണ്ട് ഹൈറേഞ്ച് ഡയറി കോ-ഓപ്പറേറ്റീവ് സൊസൈറ്റി ലിമിറ്റഡ്-K 10(D), ചെങ്കുളം, ഉടുമ്പന്‍ചോല എം.എല്‍.എ, മുഖാന്തിരം മന്ത്രിക്ക് അപേക്ഷ സമര്‍പ്പിക്കുകയുണ്ടായോ ;

(ബി)	ഈ അപേക്ഷയിന്‍മേല്‍ സഹകരണവകുപ്പ് സ്വീകരിച്ച നടപടികള്‍ സംബന്ധിച്ച വിശദാംശം നല്‍കാമോ ?

ആലില പദ്ധതി

2147.

ശ്രീ.കെ.അച്ചുതന്‍
,, ബെന്നി ബെഹനാന്‍
,, പാലോട് രവി
,, ആര്‍ . സെല്‍വരാജ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ വകുപ്പിന്റെ നേതൃത്വത്തില്‍ 'ആലില പദ്ധതി ' നടപ്പിലാക്കിയിട്ടുണ്ടോ;

(ബി)	പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാം; വിശദമാക്കുമോ;

(സി)	പദ്ധതിയുടെ കാലാവധി വ്യക്തമാക്കുമോ;

(ഡി)	പദ്ധതി നടത്തിപ്പിനായി എന്തെല്ലാം നടപടികള്‍ സ്വീകരിച്ചിട്ടുണ്ട്?

കേരളാ കോ ഓപ്പറേറ്റീവ് ഡെപ്പോസിറ്റ് ഗ്യാരന്റി സ്കീം

2148.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ സ്ഥാപനങ്ങളിലെ നിക്ഷേപങ്ങളും സുരക്ഷിതത്വത്തിനായി സര്‍ക്കാര്‍ സ്വീകരിച്ച് ഡെപ്പോസിറ്റ് ഗാരന്റി ഫണ്ട് ബോര്‍ഡില്‍ വിഹിതം അടയ്ക്കുന്നതിന് സ്വീകരിച്ചിരിക്കുന്ന നിര്‍ദ്ദേശങ്ങള്‍ എന്തെല്ലാമെന്ന് വ്യക്തമാക്കാമോ;

(ബി)	ഒരു നിക്ഷേപകന് ഒരു ലക്ഷത്തിനുമേല്‍ നിക്ഷേപം ഉണ്ടെങ്കില്‍ ക്ളെയിം ഒരുലക്ഷം മാത്രം എന്ന നിര്‍ബന്ധന നിക്ഷേപകന് സുരക്ഷിതത്വം ഇല്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇത് ഒഴിവാക്കാന്‍ ശ്രമിക്കുമോ;

(സി)	നിക്ഷേപകന്റെ മുഴുവന്‍ തുകയ്ക്കും സുരക്ഷിതത്വം നല്‍കുന്ന കാര്യം പരിഗണിക്കുമോ;

(ഡി)	കേരളാ കോ ഓപ്പറേറ്റീവ് ഡെപ്പോസിറ്റ് ഗ്യാരന്റി സ്കീമിന്റെ ഉദ്ദേശ ലക്ഷ്യം അറിയിക്കാമോ?

കള്ള് സഹകരണ സംഘങ്ങള്‍

2149.

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രവര്‍ത്തിച്ചു വരുന്ന കള്ള് സഹകരണ സംഘങ്ങളുടെ ജില്ല തിരിച്ചുള്ള കണക്ക് വ്യക്തമാക്കുമോ;

(ബി)	പ്രസ്തുത സംഘങ്ങളില്‍ എത്രയെണ്ണം ഇപ്പോള്‍ ലാഭത്തില്‍ പ്രവര്‍ത്തിക്കുന്നുണ്ടെന്ന് വ്യക്തമാക്കുമോ;

(സി)	ടി സംഘങ്ങളെ കള്ള് വ്യവസായത്തില്‍ നിന്നും സര്‍ക്കാര്‍ ഒഴിവാക്കിയതിന്റെ കാരണം വ്യക്തമാക്കുമോ;

(ഡി)	കള്ള് സഹകരണ സംഘങ്ങളുടെ ബെെലോ പ്രകാരം അവയ്ക്ക് കള്ള് വ്യവസായം നടത്തുന്നതിന് തടസ്സമുണ്ടോ;

(ഇ)	ടി സംഘങ്ങള്‍ക്ക് സര്‍ക്കാര്‍ അംഗീകരിച്ച് നല്‍കിയ ബെെലോ പ്രകാരം കള്ള് വ്യവസായം നടത്താമെന്നിരിക്കേ, അവയ്ക്ക് കള്ള് ഷാപ്പുകള്‍ അനുവദിക്കുന്നതില്‍ വിലക്ക് ഏര്‍പ്പെടുത്തിയതിന്റെ നിയമവശം പരിശോധിച്ചിട്ടുണ്ടോ; എങ്കിൽ വിശദാംശങ്ങള്‍ നല്‍കുമോ ?

സഹകരണ ഭവന്‍ നിര്‍മ്മാണം

2150.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരത്ത് നിര്‍മ്മിക്കുന്ന സഹകരണഭവന്‍ കെട്ടിടനിര്‍മ്മാണത്തിന് എത്ര തുകയുടെ എസ്റ്റിമേറ്റിനാണ് ഭരണാനുമതി ലഭിച്ചിട്ടുള്ളത്;

(ബി)	സഹകരണ ഭവന്‍ നിര്‍മ്മാണത്തിന് എത്ര തുകയാണ് ബഡ്ജറ്റ് അലോക്കേഷനായി അനുവദിച്ചിട്ടുള്ളത്;

(സി)	സഹകരണഭവന്‍ നിര്‍മ്മാണത്തിനാവശ്യമായ തുക മറ്റു മാര്‍ഗ്ഗങ്ങളിലൂടെ വകുപ്പുതന്നെ കണ്ടെത്തണമെന്ന് ധനവകുപ്പ് നിര്‍ദ്ദേശിച്ചിട്ടുണ്ടോ; ഏത് ഉത്തരവു പ്രകാരമാണ് നിര്‍ദ്ദേശിച്ചത്; ഉത്തരവിന്റെ പകര്‍പ്പ് ലഭ്യമാക്കുമോ;

(ഡി)	സഹകരണഭവന്‍ നിര്‍മ്മാണത്തിന് സഹകരണസംഘങ്ങളില്‍ നിന്നും സഹകരണ സ്ഥാപനങ്ങളില്‍ നിന്നും ഫണ്ട് ശേഖരിക്കുന്നതിനായി ഉത്തരവു പൂറപ്പെടുവിക്കുകയുണ്ടായോ; ഉത്തരവിന്റെ പകര്‍പ്പ് ലഭ്യമാക്കുമോ;

(ഇ)	സഹകരണസ്ഥാപനങ്ങളിലെ ജീവനക്കാരില്‍ നിന്നും സഹകരണവകുപ്പ് ജീവനക്കാരില്‍ നിന്നും ഫണ്ട് ശേഖരിക്കുന്നതിനായി ഉത്തരവു പുറപ്പെടുവിക്കുകയുണ്ടായോ; ഉത്തരവിന്റെ പകര്‍പ്പ് ലഭ്യമാക്കുമോ;

(എഫ്)

സഹകരണവകുപ്പിലൂടെ ഏത് ആവശ്യങ്ങള്‍ നേടുവാനും എത്തുന്ന പൊതുജനങ്ങളില്‍ നിന്നും സഹകരണഭവനനിര്‍മ്മാണത്തിന് ആവശ്യമായ ഫണ്ട് ശേഖരണം നടത്തുവാന്‍ നിര്‍ദ്ദേശം നല്‍കിയിട്ടുണ്ടോ;

(ജി)

സഹകരണഭവനനിര്‍മ്മാണത്തിനായി സഹകരണ സ്ഥാപനങ്ങളില്‍ നിന്നും , സഹകരണ സ്ഥാപനങ്ങളിലെ ജീവനക്കാരില്‍ നിന്നും എത്ര തുക ശേഖരിക്കുയുണ്ടായി; പൊതുജനങ്ങളില്‍ നിന്നും എത്ര തുക ശേഖരിക്കുകയുണ്ടായി; സംസ്ഥാന ഗവണ്‍മെന്റിന്റെ ഭാഗമായി പ്രവര്‍ത്തിക്കുന്ന സഹകരണ വകുപ്പിന്റെ ആസ്ഥാനമന്ദിരം നിര്‍മ്മിക്കുന്നതിന് ബഡ്ജറ്റ് വിഹിതം ലഭ്യമാക്കാതെ ഇത്തരത്തില്‍ ഫണ്ട് ശേഖരണം നടത്തുന്നതിനുള്ള ന്യായീകരണം എന്താണെന്ന് വ്യക്തമാക്കുമോ?

സഹകരണ സംഘങ്ങളെ പ്രവര്‍ത്തന സജ്ജമാക്കുന്നതിനായുള്ള പദ്ധതികള്‍

2151.

ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതുതായി പ്രവര്‍ത്തനമാരംഭിച്ചതും സാമ്പത്തിക പരിമിതികള്‍ മൂലം പ്രവര്‍ത്തനം മന്ദഗതിയിലുമായ സഹകരണ സംഘങ്ങളെ പ്രവര്‍ത്തന സജ്ജമാക്കുന്നതിനായി എന്തെങ്കിലും പദ്ധതികള്‍ പ്രഖ്യാപിക്കാന്‍ ആലോചിക്കുന്നുണ്ടോ; എങ്കില്‍ വിശദമാക്കുമോ;

(ബി)	പ്രാഥമിക പ്രവര്‍ത്തനങ്ങള്‍ക്കായി ഗ്രാന്റോ പലിശ രഹിത വായ്പകളോ നല്‍കുന്നകാര്യം പരിഗണിക്കുമോ;

(സി)	സംഘങ്ങളുടെ സാമ്പത്തിക സമാഹരണത്തിന് സുതാര്യവും സുരക്ഷിതവുമായ മാര്‍ഗ്ഗ നിര്‍ദ്ദേശം നല്‍കുമോ;

(ഡി)	നിക്ഷേപങ്ങള്‍ സ്വീകരിക്കുന്നതിനായുള്ള നിബന്ധനകൾ വ്യക്തമാക്കാമോ ?

സഹകരണ സംഘങ്ങളുടെ പ്രവര്‍ത്തനം

2152.

ശ്രീ.സി.പി.മുഹമ്മദ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

സഹകരണ സംഘങ്ങളില്‍ നിന്നും വായ്പയെടുത്ത് തിരിച്ചടവില്‍ വീഴ്ച വരുത്തിയിട്ടുള്ളവര്‍ക്കെതിരെ നിയമപ്രകാരം നടപടിയെടുക്കാന്‍ വ്യവസ്ഥ ഉണ്ടായിരിക്കെ സര്‍വ്വീസ് സഹകരണ സംഘങ്ങള്‍ ഉള്‍പ്പെടെയുള്ള പല സംഘങ്ങളും വീഴ്ചക്കാര്‍ക്കെതിരെ ബ്ലേഡ് മാഫിയ സംഘങ്ങള്‍ പോലെ പ്രവര്‍ത്തിച്ചു വരുന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	സഹകരണ സംഘങ്ങളില്‍ നിന്നും വായ്പയെടുത്തവരില്‍ നിന്നും മുന്‍കൂറായി വാങ്ങുന്ന തുകയെഴുതാത്ത ചെക്കു ലീഫുകള്‍ പല സംഘങ്ങളും ദുരുപയോഗം ചെയ്ത് വായ്പകാര്‍ക്കെതിരെ ചെക്കു കേസുകള്‍ ഫയല്‍ ചെയ്യുന്ന കാര്യം ശ്രദ്ധയില്‍പെട്ടിട്ടുണ്ടോ;

(സി)	ഇതു സംബന്ധിച്ചു സഹകരണ സംഘം രജിസ്ട്രാര്‍ക്ക് ലഭിക്കുന്ന പരാതികളിന്മേല്‍ യുദ്ധകാലടിസ്ഥാനത്തില്‍ നടപടിയെടുക്കുവാനും വായ്പക്കാര്‍ക്ക് നീതി ലഭിക്കുവാനും സംഘം ഭാരവാഹികള്‍ക്കെതിരെ നടപടിയെടുക്കാനും നിര്‍ദ്ദേശം നല്‍കാമോ?

സഹകരണ ബാങ്കുകള്‍ കാര്‍ഷികാവശ്യങ്ങള്‍ക്ക് നല്കുന്ന വായ്പ

2153.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ ബാങ്കുകളുടെ വായ്പകളില്‍ 25% കാര്‍ഷികാവശ്യങ്ങള്‍ക്ക് നല്കണമെന്ന നിര്‍ദ്ദേശം പാലിക്കപ്പെടുന്നുണ്ടോ ; പരമ്പരാഗത തൊഴില്‍ മേഖലയെയും കാര്‍ഷികമേഖലയെയും അഭിവൃദ്ധിപ്പെടുത്തുന്നതിന് സഹകരണ ബാങ്ക് വായ്പകള്‍ എപ്രകാരമാണ് അനുവദിച്ചുവരുന്നതെന്നു പറയാമോ ;

(ബി)	പ്രസ്തുത മേഖലകളുടെ അഭിവൃദ്ധി ലക്ഷ്യമിട്ട് ഒരു നിശ്ചിത ശതമാനം സഹകരണ വായ്പകള്‍ വിനിയോഗിക്കപ്പെടുന്നതിനും അവ മോണിറ്റര്‍ ചെയ്യപ്പെടുന്നതിനും ഒരു സംവിധാനം ഉണ്ടാക്കുമോ;വ്യക്തമാക്കാമോ ?

സഹകരണ ബാങ്കുകളുടെ പുനരുദ്ധാരണം

2154.

ശ്രീ.സി.ദിവാകരന്‍ : താഴെ കാണുന്ന ചോദ്യത്തിന് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ സഹകരണ ബാങ്കുകളുടെ പുനരുദ്ധാരണത്തിനു സ്വീകരിച്ചിട്ടുള്ള നടപടികള്‍ എന്തെല്ലാമാണ്; അത് പ്രകാരം ഉണ്ടായ നേട്ടങ്ങള്‍ എന്തെല്ലാമാണ്?

ജില്ലാ സഹകരണ ബാങ്കുകളിലെ പാര്‍ട്ട് ടെെം ജീവനക്കാരുടെ പ്രൊമൊഷന്‍

2155.

(എ)

ജില്ലാ സഹകരണ ബാങ്കുകളില്‍ പാര്‍ട്ട് ടെെം സ്വീപ്പര്‍മാര്‍ക്ക് ശിപായി തസ്തികയിലേക്ക് പ്രൊമോഷന്‍ നല്‍കുന്നതിനുള്ള മാനദണ്ഡം വിശദമാക്കുമോ; പ്രൊമോഷന്‍ ലഭിക്കാന്‍ അര്‍ഹതയുള്ള നിരവധി പാര്‍ട്ട് ടെെം സ്വീപ്പര്‍മാര്‍ നിലവിലുണ്ടെന്ന കാര്യം ശ്രദ്ധയില്‍പെട്ടിട്ടുണ്ടോ; ഇവരുടെ പ്രൊമോഷന്‍ ക്വാട്ട വര്‍ദ്ധിപ്പിക്കുവാന്‍ അടിയന്തിര നടപടി സ്വീകരിക്കുമോ;

(ബി)	ജില്ലാ സഹകരണ ബാങ്കുകളിലെ സബ് സ്റ്റാഫ് ജീവനക്കാരുടെ പ്രൊമോഷന്‍ തസ്തിക പുന:സ്ഥാപിക്കാന്‍ നടപടി സ്വീകരിക്കാത്തത് എന്ത്കൊണ്ടാണെന്നു പറയാമോ; ഇതു പുനഃസ്ഥാപിക്കുവാന്‍ നടപടി സ്വീകരിക്കുമോ?

സംസ്ഥാന സഹകരണ വിജിലന്‍സ് വിഭാഗം

2156.

ശ്രീ.അന്‍വര്‍ സാദത്ത്
,, ജോസഫ് വാഴയ്ക്കൻ
,, പി.എ.മാധവന്‍
,, പാലോട് രവി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സഹകരണ വിജിലന്‍സ് വിഭാഗത്തിന്റെ അധികാരങ്ങള്‍ എന്തൊക്കെയാണെന്ന് വിശദീകരിക്കുമോ;

(ബി)	സഹകരണ വിജിലന്‍സ് വിഭാഗം നിലവില്‍ വന്നശേഷം എത്ര കേസുകള്‍ അന്വേഷിച്ചിട്ടുണ്ട് ; വര്‍ഷം തിരിച്ച് വ്യക്തമാക്കുമോ;

(സി)	ഇതില്‍ എത്ര കേസുകള്‍ ഇനിയും അന്വേഷണം പൂര്‍ത്തീകരിച്ച് റിപ്പോര്‍ട്ട് നല്‍കാനുണ്ട്; വിശദമാക്കാമോ;

(ഡി)	വിജിലന്‍സ് വിഭാഗത്തിന്റെ ശമ്പളത്തിനും മറ്റാനുകൂല്യങ്ങള്‍ക്കും വാഹനങ്ങളുടെ ഇന്ധന ചെലവ് ഉള്‍പ്പെടെ നാളിതവരെ എന്ത് തുക ചെലവഴിച്ചിട്ടുണ്ട്; ഒരു കേസന്വേഷണത്തിന് ശരാശരി എന്ത് തുക ചെലവ് വന്നിട്ടുണ്ട്;

(ഇ)	നിലവിലെ സഹകരണ വിജിലന്‍സിന്റെ പ്രവര്‍ത്തനത്തില്‍ പോരായ്മകളുണ്ടെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ; എങ്കില്‍ സഹകരണ വിജിലന്‍സ് സംവിധാനം പുനസംഘടിപ്പിക്കാന്‍ നടപടി സ്വീകരിക്കുമോ?

പബ്ലിക് റിസ്ക് ഫണ്ട്

2157.

ശ്രീ.സി.പി.മുഹമ്മദ്
,, തേറമ്പില്‍ രാമകൃഷ്ണന്‍
,, ലൂഡി ലൂയിസ്
,, എം.പി.വിന്‍സെന്‍റ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ മേഖലയില്‍ പബ്ലിക് റിസ്ക് ഫണ്ട് നടപ്പിലാക്കിയിട്ടുണ്ടോയെന്ന് വ്യക്തമാക്കുമോ ;

(ബി)	പബ്ലിക് റിസ്ക് ഫണ്ട് നടപ്പിലാക്കുന്നത് മൂഖേന എന്തെല്ലാം ലക്ഷ്യങ്ങളാണ് കൈവരിക്കാനുദ്ദേശിക്കുന്നതെന്ന് വിശദമാക്കുമോ ;

(സി)	പ്രസ്തുത പദ്ധതിയനുസരിച്ച് എന്തെല്ലാം ആനുകൂല്യങ്ങളും സഹായങ്ങളുമാണ് നല്‍കിയിട്ടുള്ളതെന്നു വിശദമാക്കാമോ;

(ഡി)	ഏതെല്ലാം തലത്തിലുള്ള സഹകരണ സംഘങ്ങളിലും ബാങ്കുകളിലുമാണ്‌ പദ്ധതി നടപ്പാക്കിയതെന്നു വിശദീകരിക്കാമോ ?

ത്രിവേണി / നന്മ സ്റ്റോറുകള്‍

2158.

ശ്രീ.ടി.വി.രാജേഷ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ വന്നതിനുശേഷം കണ്‍സ്യൂമര്‍ഫെഡിന്റെ കീഴില്‍ എത്ര ത്രിവേണി / നന്മ സ്റ്റോറുകള്‍ ആരംഭിച്ചിട്ടുണ്ട് ; എത്ര എണ്ണം പൂട്ടിയിട്ടുണ്ട് ;

(ബി)	കണ്ണൂര്‍ ജില്ലയില്‍ ആരംഭിച്ച ത്രിവേണി / നന്മ സ്റ്റോറുകളുടെ വിശദാംശം നല്‍കുമോ ;

(സി)	നിത്യോപയോഗ സാധനങ്ങള്‍ യഥാസമയം ലഭ്യമാക്കാത്തത് മൂലം പ്രസ്തുത സ്ഥാപനങ്ങള്‍ പൂട്ടുന്നത് ശ്രദ്ധയില്‍പ്പെട്ടിട്ടുണ്ടോ ;

(ഡി)	ഇത്തരം സഹകരണ സ്ഥാപനങ്ങളെ ശക്തിപ്പെടുത്തുന്നതിനും അതുവഴി ജനങ്ങള്‍ക്ക് വിലക്കുറവില്‍ നിത്യോപയോഗ സാധനങ്ങള്‍ ലഭ്യമാക്കുന്നതിനും എന്തെങ്കിലും പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ ?

റിസര്‍വ് ബാങ്ക് മാര്‍ഗ്ഗ നിര്‍ദ്ദേശങ്ങള്‍

2159.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ ബാങ്കുകളെ തകര്‍ക്കുന്ന നിലയില്‍ റിസര്‍വു് ബാങ്ക് പുതിയ മാര്‍ഗ്ഗ നിര്‍ദ്ദേശങ്ങള്‍ ഇറക്കിയിട്ടുണ്ടോ;

(ബി)	എങ്കില്‍ വിശദാംശങ്ങള്‍ ലഭ്യമാക്കാമോ;

(സി)	ഇതു സംബന്ധിച്ച് സംസ്ഥാന സര്‍ക്കാര്‍ സ്വീകരിച്ച നിലപാട് എന്താണെന്ന് വിശദമാക്കാമോ?

നിക്ഷേപക സുരക്ഷാ ഫണ്ട് ബോര്‍ഡ്

2160.

ശ്രീ.എ.പി.അബ്ദുള്ളക്കുട്ടി
,, ടി.എന്‍. പ്രതാപന്‍
,, ആര്‍ . സെല്‍വരാജ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	നിക്ഷേപക സുരക്ഷാ ഫണ്ട് ബോര്‍ഡ് രൂപീകരിച്ചിട്ടുണ്ടോ; എങ്കിൽ വിശദമാക്കുമോ;

(ബി)	എന്തെല്ലാം ലക്ഷ്യങ്ങളാണ് ബോര്‍ഡിന്റെ പ്രവര്‍ത്തനങ്ങള്‍ മുഖേന കെെവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	സഹകരണ സംഘങ്ങളിലെ നിക്ഷേപങ്ങള്‍ക്ക് സുരക്ഷിതത്വം ഉറപ്പാക്കാന്‍ എന്തെല്ലാം കാര്യങ്ങളാണ് ബോര്‍ഡിന്റെ പ്രവര്‍ത്തനങ്ങളില്‍ ഉള്‍പ്പെടുത്തിയിരിക്കുന്നത്; വിശദമാക്കുമോ;

(ഡി)	ഏതെല്ലാം തരം സഹകരണ സംഘത്തിലെ നിക്ഷേപങ്ങള്‍ക്കാണ് സുരക്ഷിതത്വം ഉറപ്പ് വരുത്തുന്നത്; വിശദാംശങ്ങള്‍ ലഭ്യമാക്കുമോ ?

ത്രിവേണി, നീതി, നന്മ സ്റ്റോറുകളുടെ പ്രവര്‍ത്തനം

2161.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ആലപ്പുഴ ജില്ലയില്‍ ഈ സര്‍ക്കാര്‍ അധികാരത്തില്‍ വന്നശേഷം എത്ര ത്രിവേണി, നീതി, നന്മ സ്റ്റോറുകള്‍ പുതുതായി ആരംഭിച്ചു; അവയില്‍ എത്ര എണ്ണം അടച്ചുപൂട്ടി ; വിശദവിവരം നല്‍കുമോ ;

(ബി)	അടച്ചുപൂട്ടാനുണ്ടായ സാഹചര്യം വ്യകതമാക്കാമോ ;

(സി)	ത്രിവേണി സ്റ്റോറുകളില്‍ ആവശ്യത്തിന് സാധനങ്ങള്‍ ലഭ്യമാകാത്തതാണ് ത്രിവേണി സ്റ്റോറുകളും നന്മ സ്റ്റോറുകളും നഷ്ടത്തില്‍ പ്രവര്‍ത്തിക്കാന്‍ കാരണമെന്ന് ശ്രദ്ധയില്‍പ്പെട്ടിട്ടുണ്ടോ ;

കാരശ്ശേരി സര്‍വ്വീസ് സഹകരണ ബാങ്ക്

2162.

ശ്രീ.എളമരം കരീം : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ കാരശ്ശേരി സര്‍വ്വീസ് സഹകരണ ബാങ്കിന്, ജില്ലായിലാകെ പ്രവര്‍ത്തിക്കാന്‍ സഹകരണ വകുപ്പ് അനുമതി നല്കിയിട്ടുണ്ടോ;

(ബി)	മേല്‍പറഞ്ഞവിധം അനുമതി നല്കിയതിന് നിയമ സാധുതയുണ്ടോ;

(സി)	പ്രസ്തുത ബാങ്കിന്റെ പ്രവര്‍ത്തനപരിധി കോഴിക്കോട് ജില്ലയാകെ എന്ന് തീരുമാനിക്കുന്നതിനെതിരെ, ജില്ലയിലെ മറ്റ് സഹകരണ ബാങ്കുകള്‍ കൂട്ടായി എതിര്‍പ്പ് പ്രകടിപ്പിച്ചത് ശ്രദ്ധയില്‍പെട്ടിട്ടുണ്ടോ?

പട്ടികജാതി വിഭാഗങ്ങൾക്കായി രജിസ്റ്റര്‍ ചെയ്ത സഹകരണ സ്ഥാപനങ്ങൾ

2163.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടികജാതി വിഭാഗങ്ങളില്‍പ്പെട്ടവരുടെ ക്ഷേമത്തിനായി രജിസ്റ്റര്‍ ചെയ്തിട്ടുള്ള എത്ര സഹകരണ സ്ഥാപനങ്ങളാണുള്ളതെന്നു വ്യക്തമാക്കാമോ ;

(ബി)	ഇവയില്‍ ലാഭത്തില്‍ പ്രവര്‍ത്തിക്കുന്നവ എത്രയെന്നും നഷ്ടത്തില്‍ പ്രവര്‍ത്തിക്കുന്നവ എത്രയെന്നും പൂട്ടിക്കിടക്കുന്നവ എത്രയെന്നും വിശദമാക്കാമോ ;

(സി)	നഷ്ടത്തില്‍ പ്രവര്‍ത്തിക്കുന്നവ ലാഭകരമാക്കാന്‍ നടപടിയുണ്ടോ എന്ന് വിശദമാക്കാമോ ?

സഹകരണമേഖലയെ ദുര്‍ബലമാക്കുന്ന നയങ്ങളും നിലപാടുകളും

2164.

ശ്രീ.ഇ.പി.ജയരാജന്‍
,, എം.ചന്ദ്രന്‍
,, കോലിയക്കോട് എന്‍. കൃഷ്ണന്‍ നായര്‍
,, കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സംസ്ഥാന സര്‍ക്കാരുകളുടെ നയങ്ങളുടെയും നിലപാടുകളുടെയും ഫലമായി സംസ്ഥാനത്തെ സഹകരണമേഖല ദുര്‍ബലമാക്കുന്നുണ്ടോ :

(ബി)	അടിക്കടിയുള്ള സഹകരണ നിയമത്തിലെ ഭേദഗതിയും നിര്‍ദ്ദേശങ്ങളും സഹകരണ പ്രസ്ഥാനങ്ങളെ തകര്‍ക്കുന്നുണ്ടോ;

(സി)	എങ്കില്‍ സഹകരണ മേഖലയെ തകര്‍ക്കുന്ന നിലപാടുകള്‍ തിരുത്തിക്കുന്നതിന് സര്‍ക്കാര്‍ സ്വീകരിക്കേണ്ട കാര്യങ്ങളെക്കുറിച്ച് വിവിധ മേ ഖലകളില്‍ നിന്നും ഉയരുന്ന നിര്‍ദ്ദേശങ്ങള്‍ സ്വീകരിക്കുന്നതിന് തയ്യാറാകുമോയെന്ന് വിശദമാക്കാമോ?

കേപ്പിന്‍റെ കീഴിലുള്ള അസിസ്റ്റന്റ് തസ്തികകള്‍ .

2165.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കേപ്പിന്‍റെ കീഴിലുള്ള സ്ഥാപനങ്ങളിലും ഹെഡ് ഓഫീസിലുമായി എത്ര അസിസ്റ്റന്റ്മാരുടെ തസ്തികകള്‍ നിലവിലുണ്ട്; ഇവയില്‍ സ്ഥിരമായും കരാര്‍ വ്യവസ്ഥയിലും എത്രപേരാണുള്ളത്; സ്ഥിരം അസിസ്റ്റന്റ്മാരുടെ എത്ര ഒഴിവുകളാണ് ഉള്ളത്; ഇതില്‍ കരാറുകാര്‍ ജോലിചെയ്യുന്നുണ്ടോ; ഇനം തിരിച്ചുള്ള വിവരം നല്‍കുമോ;

(ബി)	അവസാനമായി ഈ തസ്തികയിലേക്ക് നിയമനം നടത്തിയത് എന്നായിരുന്നു; പുതുതായി നിയമന നടപടികള്‍ തുടങ്ങിയിട്ടുണ്ടോ; ഇല്ലെങ്കില്‍ ഏന്തുകൊണ്ടെന്നറിയിക്കാമോ;

(സി)	ഈ സര്‍ക്കാര്‍ അധികാരത്തില്‍ വന്നതിനു ശേഷം ഈ തസ്തികയില്‍ സ്ഥിരം നിയമനം നടത്തിയിട്ടുണ്ടോ?

കണ്‍സ്യൂമര്‍ ഫെഡിന് കിട്ടാനുള്ള തുക .

T 2166.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കണ്‍സ്യൂമര്‍ ഫെഡിന് കുടിശ്ശികയിനത്തില്‍ എത്ര തുക നല്‍കാനുണ്ട്; വിശദാംശങ്ങള്‍ അറിയിക്കാമോ;

(ബി)	കുടിശ്ശിക തുക നല്‍കാത്തതു കാരണം കണ്‍സ്യൂമര്‍ ഫെഡിന്റെ കീഴില്‍ തുടങ്ങിയിട്ടുളള പല സ്ഥാപനങ്ങളും അടച്ചു പൂട്ടേണ്ടി വന്നിട്ടുണ്ടോ;

(സി)	എങ്കില്‍ എത്ര സ്ഥാപനങ്ങള്‍ ; വിശദാംശങ്ങള്‍ നല്കാമോ ;

കണ്‍സ്യൂമര്‍ ഫെഡിന് കീഴിലുള്ള സ്ഥാപനങ്ങൾ

2167.

(എ)	നന്മ / ത്രിവേണി സ്റ്റോറുകളില്‍ താല്‍ക്കാലിക ജീവനക്കാരുള്‍പ്പെടെ എത്ര ജീവനക്കാര്‍ ജോലി ചെയ്യുന്നുണ്ട് എന്ന് വ്യക്തമാക്കുമോ ;

(ബി)	ഇൗ സര്‍ക്കാര്‍ അധികാരത്തില്‍ വന്നശേഷം എത്ര ജീറ്വനക്കാരെ നിയമിച്ചിട്ടുണ്ട് എന്ന് വെളിപ്പെടുത്തുമോ ;

(സി)	കണ്‍സ്യൂമര്‍ ഫെഡിന് കീഴിലുള്ള സ്ഥാപനങ്ങളില്‍ ആവശ്യമായ ജീവനക്കാരുടെ എണ്ണമെത്രയെന്ന് വ്യക്തമാക്കുമോ ;

(ഡി)	ഇന്റേണല്‍ വിജിലന്‍സ് ഓഫീസര്‍മാരായി ഇപ്പോള്‍ എത്ര പേരെ നിയമിച്ചിട്ടുണ്ട് എന്നും ഇവരുടെ സേവന വേതന വ്യവസ്ഥകള്‍ എന്തൊക്കെയാണെന്നും വെളിപ്പെടുത്തുമോ ;

(ഇ)	കണ്‍സ്യൂമര്‍ ഫെഡിന്റെ ഇപ്പോഴത്തെ ആസ്തി, ബാധ്യതകളുടെ വിശദാംശങ്ങള്‍ വ്യക്തമാക്കുമോ ;

(എഫ്)

ഉത്സവ കാലയളവില്‍ സാധനങ്ങള്‍ക്ക് സബ്സിഡി നല്കിയ വകയില്‍ സര്‍ക്കാരില്‍ നിന്ന് എത്ര രൂപ ലഭിക്കാനുണ്ട് ; വിശദാംശങ്ങള്‍ വ്യക്തമാക്കുമോ ?

കുന്നുമ്മല്‍ സര്‍വ്വീസ് സഹകരണ ബാങ്ക്

2168.

ശ്രീ.സി.കെ സദാശിവന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കുന്നുമ്മല്‍ സര്‍വ്വീസ് സഹകരണ ബാങ്ക് (കുന്നുമ്മ SCB 1040) ഓഫീസും ഗോഡൗണും നിര്‍മ്മിക്കുന്നതിനായി NCDC ഫണ്ട് ലഭ്യമാക്കുന്നതിന് ആലപ്പുഴ ജെ.ആര്‍.മുഖേന (P 1 4949/14) സഹകരണ രജിസ്ട്രാര്‍ ഓഫീസിലേയ്ക്ക് അപേക്ഷ സമര്‍പ്പിച്ചിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ പ്രസ്തുത ഫണ്ട് ലഭ്യമാക്കി നിര്‍മ്മാണ പ്രവര്‍ത്തനം നടത്തുന്നതിനാവശ്യമായ ഉത്തരവു നല്‍കുന്നതിന് നടപടികള്‍ സ്വീകരിക്കുമോ?

സഹകരണവകുപ്പിനു കീഴിലുള്ള സംഘങ്ങള്‍

2169.

(എ)	സഹകരണവകുപ്പിനു കീഴില്‍ എത്ര അപെക്സ്‌ സംഘങ്ങള്‍ രജിസ്റ്റര്‍ ചെയ്തിട്ടുണ്ട്; എത്ര കേന്ദ്ര സംഘങ്ങള്‍ രജിസ്റ്റര്‍ ചെയ്തിട്ടുണ്ട്; അവയുടെ പേരു വിവരം നല്‍കാമോ;

(ബി)	വകുപ്പിനു കീഴിലുളള ആഡിറ്റ് വിഭാഗം സഹകരണസംഘം രജിസ്ട്രാര്‍ വഴി രജിസ്റ്റര്‍ ചെയ്യാത്ത എത്ര അപെക്സ് കേന്ദ്രസംഘങ്ങളുടെ കണക്കുകള്‍ ആഡിറ്റ് ചെയ്തു വരുന്നുണ്ട്; അവയുടെ പേരു വിവരം നല്‍കാമോ;

(സി)	ഒന്നിലേറെ സംസ്ഥാനങ്ങള്‍ പ്രവര്‍ത്തന പരിധിയുളള രജിസ്റ്റര്‍ ചെയ്ത എത്ര സംഘങ്ങളാണ് പ്രവര്‍ത്തിച്ചു വരുന്നത് ; അവ ഏതൊക്കെയാണ്;

(ഡി)	ഇത്തരം സംഘങ്ങളുടെ കണക്കുകള്‍ ആഡിറ്റു ചെയ്യുന്നത് ആരാണ് ; വിശദമാക്കുമോ ?

സ്വദേശി ഉല്പന്നങ്ങളുടെ ഉല്പാദനം വിപണനം

2170.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഖാദി-ഗ്രാമമവ്യവസായ വകുപ്പിന്റെ ആഭിമുഖ്യത്തില്‍ സ്വദേശി ഉല്പന്നങ്ങളുടെ ഉല്പാദനത്തിനും വിപണനത്തിനും നല്കിവരുന്ന സഹായങ്ങൾ വ്യക്തമാക്കാമോ ;

(ബി)	ഇത്തരത്തില്‍ എത്ര യൂണിറ്റുകള്‍ക്കാണ് സഹായം നല്കിവരുന്നത് ;

(സി)	2014-15 സാമ്പത്തിക വര്‍ഷത്തില്‍ ഇതിനായി എത്ര തുക ചെലവഴിച്ചിട്ടുണ്ടെന്നു വ്യക്തമാക്കാമോ ?

ഖാദി വ്യവസായ നവീകരണം

2171.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഖാദി വ്യവസായ നവീകരണവുമായി ബന്ധപ്പെട്ട് പി. ഗോപിനാഥന്‍ നായര്‍ കമ്മിറ്റി നല്‍കിയ റിപ്പോര്‍ട്ടിലെ നിര്‍ദ്ദേശം അനുസരിച്ച് എത്ര തുക അനുവദിച്ചിട്ടുണ്ടെന്ന് വിശദമാക്കാമോ;

(ബി)	അനുവദിച്ച തുകയുടെ വിനിയോഗം സംബന്ധിച്ച വിശദാംശങ്ങള്‍ ലഭ്യമാക്കാമോ?

ഖാദി പ്രോത്സാഹിപ്പിക്കുന്നതിനുള്ള പദ്ധതികള്‍

2172.

ശ്രീ.എ.എ.അസീസ്
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യത്തിന് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഖാദിയുടെ പ്രോത്സാഹനത്തിനും പ്രചരണത്തിനുമായി കേന്ദ്ര സര്‍ക്കാരില്‍ നിന്നും എന്തൊക്കെ സഹായങ്ങളാണ് ലഭിക്കുന്നതെന്ന് വ്യക്തമാക്കുമോ?

ഇന്‍കം സപ്പോര്‍ട്ട് സ്കീം

2173.

(എ)	ഇന്‍കം സപ്പോര്‍ട്ട് സ്കീം പ്രകാരം 2014-15 വര്‍ഷത്തില്‍ ഖാദി മേഖലയ്ക്ക് എത്ര തുക അനുവദിച്ചിട്ടുണ്ടെന്നും അതില്‍ എത്ര തുക ഖാദി സ്ഥാപനങ്ങള്‍ക്ക് നല്‍കിയിട്ടുണ്ടെന്നും സ്ഥാപനം അടിസ്ഥാനത്തില്‍ വിശദമാക്കാമോ;

(ബി)	ഈ ഇനത്തില്‍ തൊഴിലാളികള്‍ക്ക് ഏതു മാസം വരെയുള്ള കൂലി വിതരണം ചെയ്തിട്ടുണ്ടെന്നും ഏത്ര തുക വിതരണം ചെയ്തിട്ടുണ്ടെന്നും ഖാദിസ്ഥാപനങ്ങള്‍ അടിസ്ഥാനമാക്കി വിശദമാക്കാമോ?

Website maintained by Information System Section, Kerala Legislative Assembly, Thiruvananthapuram.