ഗതാഗതമേഖലയില്‍ പൊതുഗതാഗത രംഗത്ത് ആസൂത്രണം ചെയ്ത് നടപ്പില്‍ വരുത്തിയ ഡിജിറ്റലെെസേഷന്‍ നടപടി എന്തെല്ലാം ഗുണപരമായ മാറ്റങ്ങളാണ് ഉളവാക്കിയിട്ടുളളതെന്ന് വെളിപ്പെടുത്തുമോ;

സ്മാര്‍ട്ട് സിഗ്നല്‍ സംവിധാനങ്ങള്‍, എ.ഐ. അധിഷ്ഠിത ട്രാഫിക് മാനേജ്മെന്റ് എന്നിവ നടപ്പിലാക്കാൻ ആവിഷ്കരിച്ചിരിക്കുന്ന പദ്ധതികള്‍ എന്തെല്ലാമാണെന്ന് വിശദമാക്കുമോ;

കെ.എസ്.ആർ.ടി.സി., സ്വകാര്യബസ്സുകള്‍, ടാക്സികള്‍ എന്നിവയില്‍ മൊബെെല്‍ ആപ്ലിക്കേഷന്‍ വഴിയുളള ടിക്കറ്റ് ബുക്കിംഗ് സംവിധാനം വ്യാപകമാക്കാന്‍ എന്തെങ്കിലും പുതിയ നടപടികള്‍ സ്വീകരിച്ചിട്ടുണ്ടോ; ഉണ്ടെങ്കിൽ വിശദമാക്കുമോ;

സാരഥി, വാഹന്‍ എന്നീ ഓണ്‍ലൈന്‍ പോര്‍ട്ടലുകള്‍ വഴിയുളള ലെെസന്‍സ്, വാഹന രജിസ്ട്രേഷന്‍ എന്നിവയുടെ ഡിജിറ്റലെെസേഷന്‍ എത്രത്തോളം വിജയകരമാണെന്ന് വ്യക്തമാക്കുമോ;

ഡ്രെെവിംഗ് ലെെസന്‍സ് പുതുക്കല്‍, വാഹന ഇന്‍ഷുറന്‍സ് അടയ്കല്‍ തുടങ്ങിയ സേവനങ്ങള്‍ പൂർണ്ണമായും ഓണ്‍ലെെന്‍ വഴി ലഭ്യമാക്കുന്നതിലുള്ള വെല്ലുവിളികള്‍ എന്തെല്ലാമാണെന്ന് അറിയിക്കുമോ?

സംസ്ഥാനത്ത് കെ.എസ്.ആര്‍.ടി.സി. യുടെ വിവിധ ഡിപ്പോകളും റീജിയണല്‍ വര്‍ക് ഷോപ്പുകളുമായും ബന്ധപ്പെട്ട് ഡ്രൈവിംഗ് സ്കൂളുകളും ഡ്രൈവിംഗ് ടെസ്റ്റ് ഗ്രൗണ്ടുകളും ആരംഭിക്കുവാന്‍ സ്വീകരിച്ച നടപടികള്‍ വിശദമാക്കുമോ?

ഈ സര്‍ക്കാര്‍ കൈപ്പമംഗലം മണ്ഡലത്തില്‍ റോഡ് സേഫ്റ്റി ഫണ്ട് വിനിയോഗിച്ച് നടപ്പിലാക്കിയിട്ടുള്ള പ്രവൃത്തികള്‍, നടപ്പിലാക്കുവാന്‍ ഉദ്ദേശിക്കുന്ന പ്രവൃത്തികള്‍ എന്നിവ ഏതൊക്കെയാണെന്ന് വിശദമാക്കാമോ;

പ്രസ്തുത പ്രവൃത്തികള്‍ക്ക് ഓരോന്നിനും അനുവദിച്ച തുക എത്രയെന്ന് വ്യക്തമാക്കാമോ;

അനുവദിച്ച പ്രവൃത്തികള്‍ ഏതെല്ലാമെന്ന് വിശദമാക്കാമോ?

സംസ്ഥാനത്ത് ഇലക്ട്രിക് വാഹനങ്ങളുടെ രജിസ്ടേഷനുകളിൽ വർദ്ധനവ് ഉണ്ടായിട്ടുണ്ടോ; കഴിഞ്ഞ മൂന്ന് വർഷങ്ങളിൽ എത്ര ഇലക്ട്രിക് വാഹനങ്ങൾ രജിസ്റ്റർ ചെയ്തിട്ടുണ്ട്; കണക്കുകൾ ലഭ്യമാക്കാമോ;

ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുന്നതിന് എന്തൊക്കെ നടപടികൾ സ്വീകരിച്ചിട്ടുണ്ട്; വ്യക്തമാക്കുമോ;

ഇലക്ട്രിക് വാഹനങ്ങളുടെ എണ്ണം കൂടുന്നതിനനുസരിച്ച് സംസ്ഥാനത്ത് മതിയായ പൊതുചാർജിംഗ് സ്റ്റേഷനുകൾ ഉറപ്പാക്കുന്നതിനായി എന്ത് നടപടിയാണ് സ്വീകരിച്ചതെന്ന് വ്യക്തമാക്കുമോ; ഇക്കാര്യത്തിൽ കൂടുതൽ സൗകര്യങ്ങൾ ഏർപ്പെടുത്തുവാൻ നടപടി സ്വീകരിക്കുമോ?

സംസ്ഥാനത്ത് ഡ്രൈവിംഗ് ടെസ്റ്റുകള്‍ക്കായി ഏര്‍പ്പെടുത്തിയ പരിഷ്കാരങ്ങളില്‍ എന്തെങ്കിലും ഇളവുകള്‍ നല്‍കാന്‍ തീരുമാനിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

സംസ്ഥാനത്ത് 'സേഫ് കേരള പ്രാെജക്ട് ' വഴി റാേഡ് സുരക്ഷ ഉറപ്പാക്കാന്‍ സ്വീകരിക്കുന്ന പ്രധാന നടപടികള്‍ എന്താെക്കെയാണെന്ന് വ്യക്തമാക്കാമാേ;

സ്കൂള്‍ ബസ്സുകള്‍, പബ്ലിക്ക് ട്രാന്‍സ്പാേര്‍ട്ട് വാഹനങ്ങള്‍, ഇരുചക്ര വാഹനങ്ങള്‍ എന്നിവയ്ക്കുള്ള സുരക്ഷാ മാനദണ്ഡങ്ങള്‍ കര്‍ശനമാക്കാന്‍ പുതിയ നിയമ നിര്‍മ്മാണം നടത്തിയിട്ടുണ്ടാേ;

ട്രാഫിക് നിയമ ലംഘനങ്ങള്‍ കുറക്കുന്നതിനായി എ.ഐ. ക്യാമറകള്‍, ഇ-ചലാന്‍ എന്നിവ മുഖേനയുളള നടപടികള്‍ ശക്തിപ്പെടുത്താന്‍ ഉദ്ദേശിക്കുന്നുണ്ടാേ;

റാേഡുകളുടെ ഗുണനിലവാരം, സിഗ്നല്‍ സംവിധാനം, സ്ട്രീറ്റ് ലെെറ്റുകള്‍ എന്നിവ മെച്ചപ്പെടുത്തി റാേഡ് സുരക്ഷ ഉറപ്പു വരുത്തുന്നതിന് ബജറ്റില്‍ ആവശ്യമായ പരിഗണന ലഭിച്ചിട്ടുണ്ടാേ; വിശദമാക്കാമാേ?

ഈ സര്‍ക്കാര്‍ കോട്ടയം ജില്ലാ റോഡ് സുരക്ഷാ കൗണ്‍സില്‍ മുഖേന പൂഞ്ഞാർ മണ്ഡലത്തിൽ നടപ്പിലാക്കിയ പദ്ധതികളുടെ വിശദാംശം ലഭ്യമാക്കുമോ?

വിനോദസഞ്ചാരത്തിന് ഉപയോഗിക്കുന്ന വാഹനങ്ങളിൽ നിയമപ്രകാരമല്ലാത്ത അലങ്കാര ലൈറ്റുകളും, ഓഡിയോ വീഡിയോ ഉപകരണങ്ങളും ഘടിപ്പിച്ചിട്ടുളളതായി കണ്ടെത്തിയിട്ടുണ്ടോ; വ്യക്തമാക്കാമോ;

ഇപ്രകാരമുളള വാഹനങ്ങൾ തീ പിടിച്ച് അപകടമുണ്ടാകുന്നതായി റിപ്പോർട്ട് ചെയ്തിട്ടുണ്ടോ; എങ്കിൽ വിശദീകരിക്കാമോ;

ഇത്തരത്തിൽ വയറിംഗ് നടത്തിയ വാഹനങ്ങൾക്കെതിരെ എന്തു നടപടിയാണ് സ്വീകരിക്കാൻ ഉദ്ദേശിക്കുന്നത്; വിശദമാക്കുമോ?

ആർ.ടി.ഒ. എൻഫോഴ്സ്മെന്റ് പരിശോധന കാര്യക്ഷമമായിരുന്നെങ്കില്‍ ഒരു പരിധി വരെ റോ‍ഡ് അപകടങ്ങള്‍ കുറയ്ക്കാൻ സാധിക്കുമായിരുന്നില്ലേയെന്ന് വ്യക്തമാക്കാമോ;

2018-ൽ ആരംഭിച്ച സേഫ് കേരള എന്‍ഫോഴ്സ്മെന്റ് ഏഴു വർഷം പിന്നിട്ടിട്ടും കാര്യപ്രാപ്തി കൈവരിക്കാത്തതെന്തുകൊണ്ടെന്ന് വ്യക്തമാക്കാമോ;

സേഫ് കേരള പദ്ധതി ഉദ്യോഗസ്ഥ ക്ഷാമം കാരണം നിലവിൽ എട്ട് മണിക്കൂർ പോലും പ്രവർത്തിക്കുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; പ്രസ്തുത എന്‍ഫോഴ്സ്മെന്റില്‍ എണ്‍പത്തി അഞ്ച് സ്ക്വാഡുകൾ ഉണ്ടെന്നു പറയപ്പെടുന്നുവെങ്കിലും നിരത്തുകളിൽ സ്ക്വാഡുകളെ കാണാൻ സാധിക്കാത്തത് എന്തുകൊണ്ടാണെന്ന് വ്യക്തമാക്കാമോ;

സേഫ് കേരള എന്‍ഫോഴ്സ്മെന്റ് ഉദ്യോഗസ്ഥരെ മറ്റു ഓഫീസ് ചുമതലകളിൽ നിന്നും പൂർണമായും ഒഴിവാക്കി എന്‍ഫോഴ്സ്മെന്റ് ചുമതലകൾ മാത്രം നൽകി അപകടങ്ങളും നിയമലംഘനങ്ങളും തടയുന്നതിനുള്ള നടപടികൾ സ്വീകരിക്കാത്തതിനുള്ള കാരണം വ്യക്തമാക്കാമോ?

ഈ സര്‍ക്കാര്‍ കോട്ടയം ജില്ലയില്‍ റോഡ് സേഫ്റ്റി ഫണ്ട് ഉപയോഗിച്ച് നടപ്പിലാക്കിയ പ്രവൃത്തികള്‍ ഏതെല്ലാമാണെന്നും വ്യക്തമാക്കുമോ;

ഓരോ പ്രവൃത്തിക്കും എന്തു തുക അനുവദിച്ചുവെന്നും അവയുടെ നിലവിലെ സ്ഥിതിയും വ്യക്തമാക്കുമോ?

വാഹനങ്ങളുടെ അമിത വേഗത തടയുന്നതിന് നിലവിൽ എന്തെല്ലാം സംവിധാനങ്ങളാണുളളത്; വാഹനങ്ങളുടെ അമിത വേഗത തടയാൻ നിലവിലുളള സംവിധാനങ്ങൾ പര്യാപ്തമാണോ എന്നു പരിശോധിച്ചിട്ടുണ്ടോ; എങ്കിൽ വിശദമാക്കാമോ;

കാതടപ്പിക്കുന്ന ശബ്ദമുളള ഹോണുകളും പല നിറത്തിലുളള ആഡംബര ലൈറ്റുകളും ഉപയോഗിച്ച് സർവ്വീസ് നടത്തുന്ന വാഹനങ്ങൾക്കെതിരെ നടപടിയെടുക്കാറുണ്ടോ; വിശദമാക്കാമോ;

നിയമ ലംഘനം നടത്തുന്ന വാഹന ഉടമകൾക്കെതിരെയും ​ഡ്രൈവർമാർക്കെതിരെയും എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്; വിശദമാക്കുമോ?

യഥാസമയം അറ്റകുറ്റപ്പണികൾ നടത്താത്തതുമൂലം കെ.എസ്.ആർ.ടി.സി. ബസ്സുകൾ വിവിധ ഡിപ്പോകളിൽ തുരുമ്പെടുത്തു കിടക്കുന്നുണ്ടോയെന്ന് വ്യക്തമാക്കാമോ;

ഇപ്രകാരം ഉപയോഗശൂന്യമായ ബസ്സുകൾ എന്തു ചെയ്യാനാണ് ഉദ്ദേശിക്കുന്നത്; ഇവയിൽ തീരെ ഉപയോഗശൂന്യമായവ പൊളിച്ചു വിൽക്കാൻ തീരുമാനിച്ചിട്ടുണ്ടോ; വിശദാംശം നൽകുമോ?

സംസ്ഥാനത്തെ എല്ലാ കെ.എസ്.ആര്‍.ടി.സി. ഡിപ്പോകളിലും ഡ്രെെവിംഗ് സ്കൂളുകള്‍ പ്രവര്‍ത്തിക്കുന്നുണ്ടോ എന്ന് വ്യക്തമാക്കാമോ;

ഇല്ലെങ്കില്‍ എല്ലാ ഡിപ്പോകളിലും ആരംഭിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

തിരൂരിൽ കെ.എസ്.ആർ.ടി.സി. ബസ് സ്റ്റേഷൻ ആരംഭിക്കുവാന്‍ തീരുമാനിച്ചിട്ടുണ്ടോ എന്ന് അറിയിക്കാമോ;

പ്രസ്തുത ബസ് സ്റ്റേഷൻ ആരംഭിക്കുന്നതിന് നിലവിൽ എന്തെങ്കിലും തടസ്സമുണ്ടെങ്കിൽ അത് എന്താണെന്ന് അറിയിക്കാമോ;

തിരൂരിൽ ഉണ്ടായിരുന്ന കെ.എസ്.ആർ.ടി.സി. സ്റ്റേ സെന്റര്‍ നിർത്തലാക്കിയത് എന്തുകൊണ്ടാണെന്ന് വിശദമാക്കാമോ; പ്രസ്തുത സ്റ്റേ സെന്റര്‍ പുനരാരംഭിക്കുമോ; വിശദാംശം നല്‍കുമോ?

കെ.എസ്.ആർ.ടി.സി. ദീർഘദൂര സർവീസുകളില്‍, സർവീസ് ആരംഭിക്കുന്നതിനു മുൻപ് ബസിന്റെ ടെക്നിക്കൽ കണ്ടിഷൻ പരിശോധിക്കാത്തതിനാല്‍ സ്ഥിരമായി യാത്രക്കിടെ ബസ് ബ്രേക്ഡൗൺ ആകുന്നതും പ്രഖ്യാപിത സ്റ്റോപ്പുകൾ കൂടാതെ കൂടുതൽ സ്റ്റോപ്പുകളിൽ ബസ്സുകൾ നിർത്തുന്നത് ഉൾപ്പെടെയുള്ള കാരണങ്ങളാൽ യാത്രാ സമയം അധികരിക്കുന്നതുമായ സ്ഥിതിവിശേഷം ഗൗരവമായി കാണുന്നുണ്ടോ; വ്യക്തമാക്കുമോ;

ദീർഘദൂര സർവീസ് നടത്തുന്ന സ്വകാര്യ ബസ്സുകൾ പോലും സമയക്രമം പാലിച്ചു പ്രഖ്യാപിത സ്റ്റോപ്പുകളിൽ മാത്രം സ്റ്റോപ്പനുവദിച്ച് ടെക്നിക്കൽ കണ്ടിഷൻ പരിശോധിച്ച് സർവീസ് നടത്തുന്ന ഈ കാലഘട്ടത്തിൽ കെ. എസ്. ആർ. ടി. സി. ബസുകൾ യാത്രാസമയക്രമം കർശനമായി പാലിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

2016 മുതൽ നാളിതുവരെ കെ.എസ്.ആർ.ടി.സി.യ്ക്ക് ലഭിച്ച വാർഷിക വരുമാനവും കെ.എസ്.ആർ.ടി.സി.യുടെ വാർഷിക ചെലവും എത്രയാണെന്ന് വര്‍ഷം, ഇനം എന്നിവ തിരിച്ച് ലഭ്യമാക്കുമോ;

കെ.എസ്.ആർ.ടി.സി.യ്ക്ക് ടിക്കറ്റേതര വരുമാനം ലഭിക്കുന്നതിനായി 2016 മുതൽ നാളിതുവരെ ആവിഷ്കരിച്ചിട്ടുള്ള പദ്ധതികൾ ഏതെല്ലാം; ഈ സർക്കാരിന്റെ കാലയളവിൽ ഓരോന്നില്‍ നിന്നും ലഭിച്ച വരുമാനം, ചെലവഴിച്ച തുക എന്നിവ സാമ്പത്തിക വര്‍ഷാടിസ്ഥാനത്തിൽ ഇനം തിരിച്ചു ലഭ്യമാക്കുമോ?

കെ.എസ്.ആര്‍.ടി.സി. യിൽ അവസാനമായി പെൻഷൻ പരിഷ്കരിച്ചത് എന്നാണെന്നും ഇത് പ്രാബല്യത്തിൽ വന്നത് എന്ന് മുതലാണെന്നും വിശദമാക്കാമോ; വിരമിച്ച ജീവനക്കാർക്ക് ഇപ്പോൾ നൽകിവരുന്നത് പരിഷ്കരിച്ച പെൻഷൻ ആണോയെന്ന് വ്യക്തമാക്കാമോ;

വിരമിച്ച ജീവനക്കാർക്ക് ആനുകൂല്യങ്ങൾ നൽകാനായി ഹൈക്കോടതി നിർദ്ദേശപ്രകാരം രൂപീകരിച്ച കോർപ്പസ് ഫണ്ടിൽ നിന്നും തുക വക മാറ്റി ചിലവഴിച്ചത് മൂലം പെൻഷൻ ആനുകൂല്യങ്ങൾ നൽകുന്നതിൽ തടസ്സം ഉണ്ടാകുന്നത് സർക്കാരിന്റെ ശ്രദ്ധയിൽപെട്ടിട്ടുണ്ടോ; എങ്കിൽ ഇത് പുന:സ്ഥാപിച്ച് പെൻഷൻ ആനുകൂല്യങ്ങൾ നൽകുന്നതിലെ കാലതാമസം ഒഴിവാക്കാൻ നടപടി സ്വീകരിക്കുമോ; വിശദമാക്കുമോ?

കെ.എസ്.ആർ.ടി.സി. പെൻഷൻ, റിട്ടയർമെന്റ് ആനുകൂല്യങ്ങൾ എന്നിവയിലായി നാളിതുവരെ എത്ര കുടിശികയുണ്ടെന്ന് ഇനം തിരിച്ച് വ്യക്തമാക്കുമോ;

പ്രസ്തുത കുടിശ്ശിക എന്നത്തേക്ക് പൂർണ്ണമായും വിതരണം ചെയ്യാൻ സാധിക്കുമെന്ന് വ്യക്തമാക്കുമോ?

കെ.എസ്.ആര്‍.ടി.സി.യിൽ നിന്നും വിരമിച്ചവർക്ക് പെൻഷൻ ആനുകൂല്യം ഇനത്തിൽ നിലവിൽ എത്ര തുക കുടിശ്ശിക നല്‍കാനുണ്ട് ; വിശദാംശം ഇനം തിരിച്ചു വ്യക്തമാക്കുമോ ;

വിരമിക്കൽ ആനുകൂല്യങ്ങൾ ലഭിക്കാതെ എത്ര പേര്‍ മരണപ്പെട്ടിട്ടുണ്ട് ;വിശദാംശം നൽകുമോ;

നിലവിൽ കെ.എസ്.ആര്‍.ടി.സി.യിലുള്ള സ്ഥിരം ജീവനക്കാര്‍, പെൻഷൻകാര്‍, കരാർ തൊഴിലാളികൾ, സ്വിഫ്റ്റിലെ ജീവനക്കാർ എന്നിവരുടെ എണ്ണം ലഭ്യമാക്കാമോ?

01-06-2016 മുതൽ 31-12-2024 വരെ കെ. എസ്.ആർ.ടി.സി. യിൽ മെഡിക്കൽ റീഇമ്പേഴ്സ്മെന്റ് ഇനത്തിൽ ഹയർ ഗ്രേഡ് ഓഫീസർമാർ മുതൽ കണ്ടക്ടർ, ഡ്രൈവർമാർ വരെ ഓരോ വിഭാഗത്തിലുമുള്ള ആകെ എത്രപേർ എന്ത് തുകയ്ക്കു വീതം അപേക്ഷ നൽകിയെന്നും ഇതിൽ ഓരോ വിഭാഗത്തിലുമുള്ളവർക്കും അനുവദിച്ചു നൽകിയ തുക സംബന്ധിച്ച കണക്കുകൾ പട്ടിക തിരിച്ചു വെളിപ്പെടുത്തുമോ;

അപേക്ഷകര്‍ എല്ലാം സർക്കാർ ആശുപത്രികളിലോ/നിർദേശിക്കപ്പെട്ട ആശുപത്രികളിലോ ചികിത്സ നടത്തിയവരായിരുന്നോ; സംസ്ഥാനത്തിന് പുറത്തുൾപ്പെടെ മറ്റുളളയിടങ്ങളിൽ ചികിത്സ നടത്തിയവരായിരുന്നെങ്കിൽ അപേക്ഷിച്ച തുക, അനുവദിച്ച തുക, ചികിത്സ നടത്തിയ ഇടം ഉള്‍പ്പെടെ അപേക്ഷകന്റെ പേരും തസ്തികയും സഹിതം പട്ടിക തിരിച്ചു വ്യക്തമാക്കുമോ;

പ്രസ്തുത കാലയളവിൽ അപേക്ഷ സമർപ്പിച്ചവരിൽ അപേക്ഷാ തുകയുടെ തൊണ്ണൂറ് ശതമാനമോ അല്ലെങ്കിൽ പൂർണ്ണമായോ അനുവദിക്കപ്പെട്ടവർ ആരൊക്കെയെന്ന് തസ്തിക തിരിച്ച് പേര് സഹിതം കണക്ക് ലഭ്യമാക്കുമോ;

01-01-2024 മുതൽ 31-10-2024 വരെ സർക്കാർ ആശുപത്രികളിൽ ഡോക്ടറുടെ കുറിപ്പ് പ്രകാരം മാത്രം ഓപ്പറേഷനും ബന്ധപ്പെട്ട ചികിത്സയും നടത്തിയവരുടെ അപേക്ഷയുടെ മൂന്നിലൊന്ന് തുക മാത്രം അനുവദിച്ചു നല്കിയതിന്റെ മാനദണ്ഡം വ്യക്തമാക്കുമോ; ഈ മാനദണ്ഡം എല്ലാ ജീവനക്കാർക്കും ഒരുപോലെ ബാധകമാക്കിയിരുന്നോ; 01-06-2016 മുതൽ 31-12-2024 വരെ കെ.എസ്.ആർ.ടി.സി. യിൽ മെഡിക്കൽ റീഇമ്പേഴ്സ്മെന്റ് ഇനത്തിൽ സമർപ്പിക്കുന്ന അപേക്ഷകളിൽ അനുവദിക്കുന്ന തുകയിൽ ഹയർ ഗ്രേഡ് ഓഫീസർമാർ, മിനിസ്റ്റീരിയൽ വിഭാഗക്കാർ എന്നിവരും കണ്ടക്ടർ, ഡ്രൈവർമാർ എന്നിവരും തമ്മിൽ അനുവർത്തിച്ചു വരുന്നതായി പറയപ്പെടുന്ന വിവേചനം ഇനിയെങ്കിലും അവസാനിപ്പിക്കുന്നതിന് ആലോചിക്കുമോയെന്ന് വ്യക്തമാക്കുമോ?

കെ.എസ്.ആർ.ടി.സി.യിലെ ജീവനക്കാരിൽ കണ്ടക്ടർമാരുടെയും ഡ്രൈവർമാരുടെയും സിംഗിൾ ഡ്യൂട്ടി സമയം സൈൻ ഓൺ മുതൽ സൈൻ ഓഫ് വരെ എട്ട് മണിക്കൂറും മിനിസ്റ്റീരിയൽ വിഭാഗം ജീവനക്കാരുടെ സിംഗിൾ ഡ്യൂട്ടി സമയം രാവിലെ 10 മുതൽ വൈകുന്നേരം 5 വരെ ഒരു മണിക്കൂര്‍ ഇടവേള ഒഴികെ ആറ് മണിക്കൂറും ആണെന്നിരിക്കെ മിനിസ്റ്റീരിയൽ വിഭാഗം ജീവനക്കാർക്ക് മാത്രമായി ഓരോ മാസത്തിലെയും രണ്ടാം ശനിയാഴ്ച പൊതു അവധിയായി നൽകുന്നുണ്ടോ; ഉണ്ടെങ്കില്‍ അതേ അനുപാതത്തിൽ കണ്ടക്ടർമാർക്കും ഡ്രൈവർമാർക്കും കൂടി അവധി അനുവദിക്കുന്നതിന് നടപടികള്‍ സ്വീകരിക്കുമോ;

പ്രസ്തുത ആനുകൂല്യം കണ്ടക്ടര്‍മാര്‍ക്കും ഡ്രൈവര്‍മാര്‍ക്കും കൂടി അനുവദിക്കുന്നതിന് അടിയന്തിര നടപടി സ്വീകരിക്കുമോ?

ബജറ്റ് ടൂറിസം സെല്ലിന്റെ ആഭിമുഖ്യത്തില്‍ തിരുവനന്തപുരം ജില്ലയില്‍ കെ.എസ്.ആര്‍.ടി.സി. പുതിയതായി നടപ്പിലാക്കാന്‍ ഉദ്ദേശിക്കുന്ന പദ്ധതികളുടെ വിശദാംശങ്ങള്‍ നല്‍കുമോ?

കെ.എസ്.ആർ.ടി.സി. സ്വിഫ്റ്റ് ബസുകൾ മുഴുവൻ എ.സി. ആക്കുവാൻ തീരുമാനിച്ചിട്ടുണ്ടോ; വിശദാംശം വ്യക്തമാക്കുമോ;

ഏത് കമ്പനി ആണ് പ്രസ്തുത പ്രവൃത്തി ചെയ്യുന്നത്; കമ്പനിയെ തിരഞ്ഞെടുത്ത നടപടിക്രമം എന്താണെന്ന് വ്യക്തമാക്കുമോ; ആയതിന്റെ രേഖകളുടെ പകർപ്പ് ലഭ്യമാക്കുമോ;

ഒരു ബസ് എ.സി. ആക്കുന്നതിന് എത്ര തുകയാണ് ചെലവാകുന്നത്; ഈ ഇനത്തിൽ ആകെ എത്ര തുക ചെലവഴിക്കേണ്ടി വരും എന്നാണ് കണക്കാക്കിയിട്ടുള്ളത്; പ്രസ്തുത തുക ഏത് രീതിയിൽ കണ്ടെത്തുവാനാണ് ഉദ്ദേശിക്കുന്നത്; വ്യക്തമാക്കുമോ?

കോഴിക്കോട് ജില്ലയില്‍ നിന്നും വിവിധ വിനോദസഞ്ചാര കേന്ദ്രങ്ങളിലേക്ക് കെ.എസ്.ആര്‍.ടി.സി. ബസുകള്‍ പ്രത്യേകം ക്രമീകരിച്ചിട്ടുണ്ടോ; എങ്കില്‍ ബസുകളുടെ റൂട്ടും സമയവും അടക്കമുള്ള വിശദവിവരം അറിയിക്കാമോ?

2016 മുതലുള്ള സർക്കാരിന്റെ കാലത്ത് നിരത്തിലോടാൻ അനുയോജ്യമല്ലെന്ന് കണ്ടെത്തിയതിനാൽ കണ്ടം ചെയ്തോ മറ്റു തരത്തിലോ ഒഴിവാക്കിയ കെ.എസ്.ആർ.ടി.സി. ബസുകളുടെ എണ്ണം എത്രയാണെന്ന് വ്യക്തമാക്കുമോ;

കെ.എസ്.ആർ.ടി.സി. ക്ക് പുതിയ റൂട്ടുകൾ അനുവദിക്കുന്നതിന് ബസുകളുടെ കുറവാണ് വിഘാതമാകുന്നതെങ്കിൽ പുതിയ ബസുകൾ വാങ്ങി യാത്രാക്ലേശം അനുഭവിക്കുന്ന റൂട്ടുകളിൽ സര്‍വീസ് നടത്തുന്നതിന് നടപടി സ്വീകരിക്കുമോ?

ആലത്തൂര്‍ മണ്ഡലത്തില്‍ നിലവിലുള്ള കെ.എസ്.ആര്‍.ടി.സി. റൂട്ടുകള്‍ ഏതാെക്കെയാണെന്ന് അറിയിക്കാമാേ;

2016 ന് ശേഷം മണ്ഡലത്തില്‍ റദ്ദ് ചെയ്തതും പുതുതായി ആരംഭിച്ചതുമായ സര്‍വ്വീസുകള്‍ ഏതാെക്കെയാണെന്ന് വര്‍ഷം തിരിച്ച് വിശദമാക്കാമോ?

സ്മാര്‍ട്ട് സിറ്റി ഫണ്ട് ഉപയോഗിച്ച് കെ.എസ്.ആര്‍.ടി.സി. യ്ക്ക് വാങ്ങി നല്‍കിയ ഇലക്ട്രിക് ബസുകള്‍ കൊച്ചി കോര്‍പ്പറേഷന് അനുവദിച്ചിട്ടുണ്ടോ; എങ്കിൽ എത്ര ബസുകളാണ് അനുവദിച്ചിട്ടുള്ളതെന്നും പ്രസ്തുത ബസുകള്‍ എന്നത്തേക്ക് സര്‍വീസ് ആരംഭിക്കുമെന്നും വ്യക്തമാക്കാമോ;

കൊച്ചി നഗരത്തിലെയും ഉപനഗരമായ വൈപ്പിന്‍ മണ്ഡലത്തിലെ പ്രമുഖ ടൂറിസം സെന്ററുകളായ ചെറായി, മുനമ്പം, കുഴുപ്പിള്ളി, പുതുവൈപ്പ് ഉള്‍പ്പെടെയുള്ള ബീച്ചുകളെയും സഹോദരന്‍ അയ്യപ്പന്‍ സ്മാരകം, പള്ളിപ്പുറം കോട്ട, വല്ലാര്‍പാടം പള്ളി, കടമക്കുടി തുടങ്ങിയവയെയും ബന്ധിപ്പിച്ചുകൊണ്ട് പ്രസ്തുത ബസുകള്‍ക്ക് റൂട്ട് അനുവദിക്കാന്‍ നടപടി സ്വീകരിക്കുമോയെന്ന് അറിയിക്കാമോ?

അന്തർസംസ്ഥാന റൂട്ടിലുള്ളതും കുമ്പള ഗ്രാമ പഞ്ചായത്തിന്റെ ഗ്രാമീണ ബസും അല്ലാതെ മഞ്ചേശ്വരം മണ്ഡത്തിൽ എത്ര കെ.എസ്.ആർ.ടി.സി. ബസുകൾ പ്രദേശികമായി സർവ്വീസ് നടത്തുന്നുണ്ടെന്ന് വ്യക്തമാക്കുമോ; അവയുടെ റൂട്ടും ടൈമും വ്യക്തമാക്കാമോ;

ഇല്ലെങ്കിൽ ഇത് പോലെ പ്രദേശികമായി കെ.എസ്.ആർ.ടി.സി. ബസുകൾ സർവ്വീസ് നടത്താത്ത എത്ര മണ്ഡലങ്ങൾ ഉണ്ടെന്നും അവ ഏതൊക്കെയാണെന്നും വ്യക്തമാക്കാമോ;

ഇക്കാലത്തും ആവശ്യമായ ബസ് സൗകര്യങ്ങൾ ഇല്ലാതെ സാധാരണക്കാരായ ജനങ്ങൾ പ്രയാസപ്പെടുന്ന വിവിധ പ്രദേശങ്ങൾ ഉള്ള മഞ്ചേശ്വരം മണ്ഡലത്തിൽ പുതുതായി കെ.എസ്.ആർ.ടി.സി. ബസുകൾ സർവ്വീസ് നടത്താൻ തയ്യാറാവുമോയെന്ന് വ്യക്തമാക്കുമോ?

പിറവം, കൂത്താട്ടുകുളം ഡിപ്പോകളില്‍നിന്നും നിന്നും പുതിയ കെ.എസ്.ആര്‍.ടി.സി. സര്‍വ്വീസുകള്‍ ആരംഭിക്കുന്നതിനുള്ള എത്ര അപേക്ഷകള്‍ നിലവില്‍ പരിഗണനയിലുണ്ട്; വിശദമാക്കാമോ; ഓരോന്നിലും സ്വീകരിച്ച തുടര്‍നടപടികള്‍ വിശദമാക്കുമോ;

ഇതിന്‍ പ്രകാരം എത്ര സര്‍വ്വീസുകള്‍ ആരംഭിച്ചിട്ടുണ്ടെന്നും സര്‍വ്വീസുകള്‍ ആരംഭിക്കുന്നതിനായി സ്വീകരിക്കുന്ന നടപടികള്‍ എന്തെല്ലാമെന്നും വിശദമാക്കുമോ?

കോവിഡ് ലാേക്ക് ഡൗണിന് മുമ്പ് മണ്ണാര്‍ക്കാട് കെ.എസ്.ആര്‍.ടി.സി. ഡിപ്പാേയില്‍ നിന്നും ഒറ്റപ്പാലം വഴി തൃശൂരിലേക്കും കാേട്ടയത്തേക്കും നടത്തിയിരുന്ന ബസ് സര്‍വ്വീസ് പുനരാരംഭിക്കുവാന്‍ നടപടി സ്വീകരിക്കുമാേയെന്ന് അറിയിക്കുമോ?

നിലവിലെ സര്‍ക്കാരിന്റെ കാലത്ത് ഗതാഗത വകുപ്പിന്റെ കീഴില്‍ പയ്യന്നൂര്‍ മണ്ഡല പരിധിയില്‍ അനുവദിച്ച ഫണ്ടുകളും നടപ്പിലാക്കിയ പദ്ധതികളും എന്തൊക്കെയാണ് എന്നും ഓരോന്നിന്റെ നിലവിലെ അവസ്ഥയും അറിയിക്കാമോ?

പാരിസ്ഥിതിക പ്രശ്നങ്ങളും അപകടങ്ങളും താരതമ്യേന കുറയ്ക്കുന്നതിനും, റോഡ് ഗതാഗതക്കുരുക്ക് ഒഴിവാക്കുന്നതിനും വിനോദസഞ്ചാരികളെ ഏറെ ആകര്‍ഷിക്കുന്നതിനും ജലഗതാഗത മേഖല വഹിക്കുന്ന പങ്ക് പ്രത്യേകം പരിശോധിച്ചിട്ടുണ്ടോ;

വെള്ളത്താല്‍ ചുറ്റപ്പെട്ട കുട്ടനാടന്‍ ഗ്രാമങ്ങളിലെയും പെരുമ്പളം പോലുള്ള ദ്വീപുകളിലെയും ഏക ഗതാഗത മാര്‍ഗ്ഗം എന്ന നിലയില്‍ ജലഗതാഗത വകുപ്പിന്റെ ബോട്ട് സര്‍വ്വീസുകള്‍ കൂട്ടുന്നതിനും വിനോദസഞ്ചാര മേഖലകളെ ബന്ധിപ്പിച്ചുകൊണ്ടുള്ള പുതിയ സര്‍വ്വീസുകള്‍ ആരംഭിക്കുന്നതിനും നടപടി സ്വീകരിക്കുമോ;

ഈ സര്‍ക്കാരിന്റെ കാലത്ത് ജലഗതാഗത വകുപ്പിൽ എന്തെല്ലാം നവീകരണ പ്രവര്‍ത്തനങ്ങളാണ് ആവിഷ്കരിച്ചു നടപ്പാക്കി വരുന്നതെന്ന് അറിയിക്കുമോ;

ബോട്ടുകളുടെ അറ്റകുറ്റപ്പണികള്‍ സമയബന്ധിതമായി നടപ്പിലാക്കുന്നതിനും, ഇന്ധന ഉപഭോഗത്തിന്റെയും സ്പെയര്‍പാര്‍ട്സുകളുടെയും നിയന്ത്രണത്തിനും പദ്ധതികള്‍ ആവിഷ്കരിച്ചിട്ടുണ്ടോ; എങ്കില്‍ വിശദമാക്കാമോ;

ടിക്കറ്റിതര വരുമാനം വര്‍ദ്ധിപ്പിക്കുന്നതിന് എന്തെല്ലാം പദ്ധതികളാണ് നിലവിലുള്ളതെന്നും അതുവഴി ലഭിച്ച തുക എത്രയെന്നുമുള്ള വിശദാംശം അറിയിക്കാമോ?

തൃക്കരിപ്പൂര്‍ മണ്ഡലത്തില്‍ വര്‍ഷങ്ങളായി പ്രവര്‍ത്തിച്ചുവരുന്ന കൊറ്റി-കോട്ടപ്പുറം ജലപാതയില്‍ യാത്രാബോട്ടുകളുടെ അപര്യാപ്തത പരിഹരിക്കാന്‍ നടപടികള്‍ സ്വീകരിച്ചിട്ടുണ്ടോ;

പ്രസ്തുത റൂട്ട് കാര്യക്ഷമമാക്കുന്നതിന് വകുപ്പ് എന്താെക്കെ പദ്ധതികളാണ് ആവിഷ്ക്കരിച്ചതെന്ന് വ്യക്തമാക്കാമോ?

ജലഗതാഗത വകുപ്പില്‍ നിലവിലെ ജീവനക്കാര്‍ എത്രയാണെന്ന് കാറ്റഗറി തിരിച്ച് വ്യക്തമാക്കാമോ;

മിനിസ്റ്റീരിയല്‍ ജീവനക്കാരുടെ കാറ്റഗറി തിരിച്ചുള്ള എണ്ണവും ഓരോ ഓഫീസിലെയും സ്റ്റാഫ് പാറ്റേണും വ്യക്തമാക്കാമോ;

ജലഗതാഗത വകുപ്പിലെ എത്ര സ്റ്റേഷനുകളില്‍ കാഷ്യർ, ഓയില്‍മാന്‍, പമ്പ് ഓപ്പറേറ്റര്‍ തസ്തികകളുണ്ടെന്നും ആയതില്‍ എത്ര സ്റ്റേഷനുകളില്‍ പ്രസ്തുത തസ്തികകളിൽ സ്ഥിരം ജീവനക്കാരുണ്ടെന്നും വ്യക്തമാക്കാമോ?

ക്യാമറ ഉപയോഗിച്ച് ഹെൽമെറ്റും സീറ്റ് ബെൽറ്റും ഉപയോഗിക്കാത്തത് പോലുള്ള നിയമലംഘനങ്ങളിൽ മാത്രം ശ്രദ്ധ കേന്ദ്രീകരിക്കുന്നതും ആർ.ടി.ഒ. എൻഫോഴ്സ്മെന്റ് വേണ്ടവിധം ഉപയോഗപ്പെടുത്താത്തതും മൂലം മറ്റു തരത്തിലുള്ള നിയമലംഘനങ്ങൾ വർദ്ധിച്ചു വരുന്നതായി കണ്ടെത്തിയിട്ടുണ്ടോ; എങ്കിൽ ഇത് തരണം ചെയ്യാൻ എന്ത് നടപടി സ്വീകരിക്കുന്നുണ്ട്;

ദേശീയ പാതാ ഗതാഗത സുരക്ഷക്കായി പ്രത്യേക എം.വി.ഡി. എൻഫോഴ്സ്മെന്റ് സ്ക്വാഡുകൾ രൂപീകരിക്കുന്നതിന് പദ്ധതിയുണ്ടോ?

സംസ്ഥാനത്ത് 2018-ൽ നിരത്തിലുള്ള ആകെ വാഹനങ്ങളുടെ എണ്ണം ഒരു കോടി ആയിരുന്നത് നിലവിൽ 1.75 കോടിയായി വർദ്ധിച്ച സാഹചര്യത്തിൽ മോട്ടോർ വാഹന വകുപ്പിൽ കൂടുതൽ ഉദ്യോഗസ്ഥരെ നിയമിച്ചുകൊണ്ട് വകുപ്പിനെ ശക്തിപ്പെടുത്തുന്ന കാര്യം പരിഗണനയിലുണ്ടോയെന്ന് അറിയിക്കാമോ; ഉണ്ടെങ്കിൽ ഇതിനായി എന്തൊക്കെ നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

സംസ്ഥാനത്തെ റോഡപകടങ്ങളും നിയമലംഘനങ്ങളും കുറയ്ക്കാനായി 2018-ൽ നടപ്പാക്കിയ "സേഫ് കേരള പദ്ധതി" യുടെ എൻഫോഴ്‌സ്‌മെന്റ് സ്ക്വാഡുകളില്‍ ആവശ്യത്തിന് ജീവനക്കാരില്ലാത്ത കാരണത്താൽ പ്രതിദിനം എട്ട് മണിക്കൂർ മാത്രമാണ് പ്രവർത്തിക്കുന്നതെന്ന വിവരം ശ്രദ്ധയിൽപ്പെട്ടിട്ടുണ്ടോ;

മോട്ടോർ വാഹന വകുപ്പിലെ ഉദ്യോഗസ്ഥ ക്ഷാമം പരിഹരിക്കുന്നതിന് ഗതാഗത കമ്മീഷണറേറ്റിൽ നിന്നും, 198 മോട്ടോർ വെഹിക്കിൾ ഇൻസ്പെക്ടർമാരുടെയും 510 അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർമാരുടെയും അധിക തസ്തികകൾ സൃഷ്ടിക്കുന്നതിനുള്ള A1/171/2022-TC, A1/29/2024-TC നമ്പർ ശിപാർശകളിന്മേൽ എന്തെല്ലാം നടപടികൾ സ്വീകരിച്ചിട്ടുണ്ട് എന്ന് അറിയിക്കാമോ;

വാഹന ബാഹുല്യവും രാജ്യത്തെ ആകെ വാഹന അപകടങ്ങളുടെ 10 ശതമാനവും സംഭവിക്കുന്നത് ജനസംഖ്യയുടെ 2.7 ശതമാനം മാത്രമുള്ള കേരളത്തിലാണെന്ന വസ്തുതയും കണക്കിലെടുത്ത് മതിയായ തസ്തികകളും സാങ്കേതിക സൗകര്യങ്ങളും സൃഷ്ടിച്ച് മോട്ടോർ വാഹന വകുപ്പിനെ കാലാനുസൃതമായി നവീകരിക്കുന്നതിനും ശക്തിപ്പെടുത്തുന്നതിനുമായി നടപടികൾ സ്വീകരിക്കാമോ?

വാഹനങ്ങളുടെ രജിസ്ട്രേഷൻ സർട്ടിഫിക്കറ്റിന്റെ അച്ചടി നടക്കാത്തതിന്റെ കാരണങ്ങൾ വ്യക്തമാക്കാമോ;

ആർ.സി. ലഭിക്കാത്തതിനാൽ വാഹന ഉടമകൾ അനുഭവിക്കുന്ന പ്രയാസങ്ങൾ പരിഹരിക്കാൻ എന്തൊക്കെ നടപടികൾ ആണ് സ്വീകരിച്ച് വരുന്നതെന്ന് വിശദമാക്കാമോ?

മോട്ടോർ വാഹന നിയമലംഘനങ്ങൾ കണ്ടെത്തി നടപടി സ്വീകരിക്കേണ്ട മോട്ടോർ വാഹന വകുപ്പിലെ എൻഫോഴ്സ്മെന്റ് വിഭാഗത്തിന്റെ പ്രവർത്തനം ഫലപ്രദമല്ല എന്നത് പരിശോധിച്ചിട്ടുണ്ടോ;

വാഹനത്തിന്റെ വേഗം നിയന്ത്രിക്കുന്ന ഇലക്ട്രോണിക് യൂണിറ്റിൽ മാറ്റം വരുത്തുന്ന വാഹന ഉടമകൾക്കെതിരെയും വർക്ക് ഷോപ് ഉടമകൾക്കെതിരെയും നടപടി സ്വീകരിക്കാറുണ്ടോയെന്ന് വിശദമാക്കുമോ;

മോട്ടോർ വാഹന നിയമ ലംഘനം നടത്തുന്നവർക്കെതിരെ സ്വീകരിക്കാൻ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ?

വാഹന പരിശോധനയ്ക്കായി ഫീൽഡിൽ ഇറങ്ങുന്ന ഉദ്യോഗസ്ഥരുടെ ഡ്യൂട്ടി മാനേജ്മെന്റിനായി മോട്ടോർ വാഹന വകുപ്പ് പ്രത്യേക ആപ്പ് തയ്യാറാക്കിയിട്ടുണ്ടോ; ഉണ്ടെങ്കിൽ വിശദാംശം വ്യക്തമാക്കുമോ;

പ്രസ്തുത ആപ്പുകളുടെ പ്രവർത്തനരീതി എന്താണ്; എന്തൊക്കെ കാര്യങ്ങളാണ് മോണിറ്റർ ചെയ്യപ്പെടുന്നത്; വകുപ്പിന്റെ കാര്യക്ഷമത വർദ്ധിപ്പിക്കുന്നതിന് പ്രസ്തുത ക്രമീകരണം പ്രയോജനപ്പെട്ടതായി വിലയിരുത്തുന്നുണ്ടോ;

പ്രസ്തുത ആപ്പുകൾ തയ്യാറാക്കുന്നതിന് ആകെ എത്ര തുക ചെലവഴിച്ചു; ഏത് കമ്പനിയാണ് ആപ്പുകൾ തയ്യാറാക്കിയത്; കമ്പനിയെ തെരഞ്ഞെടുത്ത നടപടിക്രമം എന്താണ്; വിശദാംശം വ്യക്തമാക്കുമോ?

മോട്ടോർ വാഹന വകുപ്പിന്റെ സേവനങ്ങൾ വേഗt ലഭ്യമാക്കാൻ സ്വീകരിച്ചു വരുന്ന നടപടികൾ എന്തെല്ലാമാണെന്ന് വ്യക്തമാക്കുമോ;

മോട്ടോർ വാഹന വകുപ്പിന്റെ സേവനങ്ങൾ ലഭ്യമാക്കുന്നതിനുള്ള നടപടിക്രമങ്ങൾ ലളിതമാക്കാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

മോട്ടോർ വാഹന വകുപ്പിൽ ടാക്സ് ഇന്റലിജൻസ് വിങ് രൂപീകരിക്കുന്നതിന് പദ്ധതിയുണ്ടോ; വിശദമാക്കുമോ;

ടാക്സ് ഇന്റലിജൻസ് വിങിന്റെ പ്രവർത്തനം എപ്രകാരമായിരിക്കുമെന്ന് അറിയിക്കുമോ;

ഈ പ്രൊപ്പോസൽ നിലവിൽ ഏത് ഘട്ടത്തിലാണ്; ഇതിനായി പുതിയ തസ്തികകൾ സൃഷ്ടിക്കപ്പെടേണ്ടതുണ്ടോ; വിശദമാക്കുമോ?

കൊടുവള്ളി ‍ജോയിന്റ് ആർ.ടി.ഒ. പരിധിയില്‍ ഡ്രൈവിംഗ് ടെസ്റ്റ് കേന്ദ്രങ്ങൾ നിർത്തലാക്കുന്നതിന് തീരുമാനിച്ചിട്ടുണ്ടോയെന്ന് വ്യക്തമാക്കാമോ; എങ്കിൽ കാരണം വിശദമാക്കാമോ;

ജനങ്ങളുടെ ബുദ്ധിമുട്ട് ഒഴിവാക്കുന്നതിനായി മുക്കം ഉൾപ്പടെയുള്ള ഡ്രൈവിംഗ് ടെസ്റ്റ് കേന്ദ്രങ്ങൾ നിലനിര്‍ത്തുന്നതിന് നടപടികൾ സ്വീകരിക്കുമോ?

അന്തർദേശീയ ഡ്രൈവിംഗ് പരിശീലനം സാധ്യമാക്കുന്നതിന് വേണ്ടി ഗതാഗത വകുപ്പ് മലപ്പുറത്ത് അനുവദിച്ച ഷാർജ മോഡൽ ഇന്റർ നാഷണൽ ഡ്രൈവിംഗ് ആന്റ് കോച്ചിംഗ് സെന്റർ ആരംഭിക്കുന്നത് സംബന്ധിച്ച നടപടികളുടെ പുരോഗതികൾ വ്യക്തമാക്കാമോ;

20.01.2020-ാം തീയതിയിലെ ജി.ഒ.(സാധാ) No.24/2020/ട്രാന്‍സ്. നമ്പർ ഉത്തരവ് പ്രകാരം ഭരണാനുമതി ലഭിച്ച പ്രസ്തുത പദ്ധതി ആരംഭിക്കുന്നതിനു സ്ഥലം ലഭ്യമായിട്ടുണ്ടോ; പദ്ധതി നടപ്പിലാക്കുന്നതിന് എത്രയാണ് ഫണ്ട്‌ അനുവദിച്ചിട്ടുള്ളത്; വിശദാംശം നൽകാമോ;

ഷാർജ മോഡൽ ഇന്റർ നാഷണൽ ഡ്രൈവിംഗ്ആന്റ് കോച്ചിങ് സെന്ററിനു കീഴിൽ എന്തെല്ലാം സൗകര്യങ്ങളാണ് ലഭ്യമാവുകയെന്നും പ്രസ്തുത കേന്ദ്രം എത്രയും വേഗം ആരംഭിക്കുന്നതിനു വേണ്ട സത്വര നടപടികൾ സ്വീകരിക്കാമോയെന്നും വ്യക്തമാക്കുമോ?

മഞ്ചേശ്വരം താലൂക്കിലെ കുമ്പളയിൽ ജോയിന്റ് ആർ.ടി.ഒ. ഓഫീസ് തുടങ്ങുന്നതിന് പ്രൊപ്പോസൽ ലഭിച്ചിട്ടുണ്ടോ;

പ്രസ്തുത ജോയിന്റ് ആർ.ടി.ഒ. ഓഫീസ് എപ്പോൾ യാഥാർത്ഥ്യമാകുമെന്ന് വിശദമാക്കാമോ?

മീറ്റർ പ്രവർത്തിപ്പിക്കാതെ സർവീസ് നടത്തുന്ന ഓട്ടോറിക്ഷകൾക്കെതിരെ കർശന നടപടികൾ സ്വീകരിക്കുന്നതിന്റെ ഭാഗമായി 'മീറ്ററിട്ടില്ലെങ്കിൽ യാത്ര സൗജന്യം' എന്ന സ്റ്റിക്കർ ഓട്ടോറിക്ഷകളിൽ പതിപ്പിക്കുവാനുള്ള മോട്ടോർ വാഹന വകുപ്പിന്റെ തീരുമാനത്തിന്റെ പ്രത്യാഘാതങ്ങൾ പരിശോധിച്ചിട്ടുണ്ടോ;

പ്രസ്തുത തീരുമാനം നടപ്പാക്കും മുമ്പ് തൊഴിലാളി സംഘടനകളുമായി ചർച്ച ചെയ്യുവാനും അശാസ്ത്രീയ തീരുമാനങ്ങൾ പുനഃപരിശോധിക്കുവാനും നടപടി സ്വീകരിക്കുമോ;

അപ്രായോഗികവും ജനാധിപത്യ വിരുദ്ധവും തൊഴിലാളി ദ്രോഹപരവുമായ സ്റ്റേറ്റ് ട്രാൻസ്‌പോർട്ട് അതോറിറ്റിയുടെ ഇത്തരം തീരുമാനങ്ങൾ പിൻവലിക്കുവാൻ നിർദേശം നൽകുമോയെന്ന് വ്യക്തമാക്കുമോ?

മോട്ടോർവാഹന ചട്ടമനുസരിച്ച് സർക്കാർ വകുപ്പുകൾ ഉൾപ്പെടെയുള്ള വിവിധ വിഭാഗങ്ങളുടെ വാഹനങ്ങളിൽ ബോർഡുകൾ സ്ഥാപിക്കുന്നതിന് മാനദണ്ഡം നിലവിലുണ്ടോ; എങ്കിൽ ഏതെല്ലാം വാഹനങ്ങളിൽ ബോർഡ് സ്ഥാപിക്കുവാൻ അനുമതിയുണ്ട് എന്നതിന്റെ വിശദാംശം നൽകുമോ;

സ്വകാര്യ സംഘടനകളും സ്ഥാപനങ്ങളും തങ്ങളുടെ വാഹനങ്ങളിൽ ബോർഡ് സ്ഥാപിക്കുന്നത് ശ്രദ്ധയിൽപ്പെട്ടിട്ടുണ്ടോ; ഇത് മോട്ടോർവാഹന ചട്ടങ്ങളിലെ മാനദണ്ഡ പ്രകാരമാണോ എന്ന് വ്യക്തമാക്കാമോ; അല്ലെങ്കിൽ പ്രസ്തുത വാഹന ഉടമകൾക്കെതിരെ കർശന നടപടി സ്വീകരിക്കുമോ?

കുറഞ്ഞ ചെലവില്‍ മികച്ച പഠനം നല്‍കുന്ന കെ.എസ്.ആര്‍.ടി.സി. ഡ്രൈവിംഗ് സ്കൂളുകള്‍ ആദ്യ ഘട്ടത്തില്‍ എവിടെയെല്ലാമാണ് ആരംഭിച്ചിട്ടുള്ളത്; വ്യക്തമാക്കാമോ?

01.03.2025 മുതൽ വാഹനങ്ങളുടെ ആർ.സി. ബുക്കിന്റെ പ്രിന്റിംഗ് അവസാനിപ്പിച്ച സാഹചര്യത്തിൽ വാഹന ഉടമകൾക്ക് സുഗമമായി ആർ.സി. ബുക്ക് ഡൗൺലോഡ് ചെയ്യുന്നതിന് എന്തെല്ലാം സംവിധാനങ്ങൾ ഏർപ്പെടുത്തിയിട്ടുണ്ട്; വിശദമാക്കുമോ;

ഇപ്രകാരം ആർ.സി. ബുക്ക് ഡൗൺലോഡ് ചെയ്യുന്നതിന് ഫീസ് ഏർപ്പെടുത്തിയിട്ടുണ്ടോ; ഓൺ ലൈൻ സേവനങ്ങൾ സൗജന്യമായി നൽകുന്നതിന് നടപടി സ്വീകരിക്കുമോയെന്ന് അറിയിക്കുമോ; ആർ.സി. ബുക്ക് ഡൗൺലോഡ് ചെയ്ത് ഉപയോഗിക്കുന്ന രീതി ജനങ്ങളുടെ ഇടയിൽ വേണ്ടത്ര പ്രചരണം നൽകാൻ എന്തെല്ലാം നടപടികള്‍ സ്വീകരിച്ചിട്ടുണ്ട്;

നിലവിലെ കണക്കുകൾ പ്രകാരം ഇനി എത്ര ആർ.സി ബുക്കുകൾ പ്രിന്റ് ചെയ്ത് നൽകാനുണ്ടെന്നും ഇവ എന്നു മുതലുള്ളതാണെന്നും അറിയിക്കുമോ; പ്രസ്തുത ആര്‍.സി. ബുക്കുകള്‍ എന്നത്തേക്ക് പ്രിന്റ് ചെയ്ത് നൽകാനാവുമെന്ന് വ്യക്തമാക്കുമോ?

സംസ്ഥാനത്ത് എവിടെയെല്ലാമാണ് കേന്ദ്രസര്‍ക്കാരിന്റെ വാഹനം പൊളിക്കല്‍ നയവുമായി ബന്ധപ്പെട്ട് കേന്ദ്രങ്ങള്‍ സ്ഥാപിക്കുവാന്‍ തീരുമാനം എടുത്തിട്ടുള്ളതെന്നും അതിനായി നാളിതുവരെ സ്വീകരിച്ച നടപടികള്‍ എന്തെല്ലാമാണെന്നും അറിയിക്കുമോ;

വാഹനം പൊളിക്കല്‍ കേന്ദ്രം തുടങ്ങുന്നതിന്റെ മാനദണ്ഡങ്ങള്‍, ഇതിനാവശ്യമായ അടിസ്ഥാന സൗകര്യങ്ങള്‍, ഇവയ്ക്കായി ടെണ്ടര്‍ നടപടികളിലൂടെ കണ്ടെത്തുന്ന കമ്പനിക്ക് ഉണ്ടായിരിക്കേണ്ട യോഗ്യതകള്‍ എന്നിവ എന്തെല്ലാമാണെന്ന് വ്യക്തമാക്കുമോ; വാഹന പൊളിക്കലുമായി ബന്ധപ്പെട്ട മേഖലയില്‍ പ്രവര്‍ത്തിച്ച കമ്പനികള്‍ക്ക് പദ്ധതി നടത്തിപ്പിന് മുന്‍ഗണന ഉണ്ടാവുമോ എന്ന് അറിയിക്കുമോ;

പ്രസ്തുത പൊളിക്കല്‍ കേന്ദ്രങ്ങള്‍ എന്നത്തേക്ക് തുടങ്ങുന്നതിനാണ് ഉദ്ദേശിക്കുന്നതെന്ന് വെളിപ്പെടുത്തുമോ?

രണ്ടാം ഘട്ടത്തില്‍ സംസ്ഥാനത്ത് എവിടെയെല്ലാമാണ് കെ.എസ്.ആർ.ടി.സി. ഡ്രൈവിംഗ് സ്കൂളുകള്‍ ആരംഭിക്കാന്‍ പോകുന്നത്; വ്യക്തമാക്കാമോ?

ഗതാഗത വകുപ്പിൽ നിന്ന് നൽകുന്ന വാഹനങ്ങളുടെ ആർ.സി. ബുക്ക്, ഡ്രൈവിംഗ് ലൈസൻസ് തുടങ്ങിയവ പൂർണ്ണമായും ഡിജിറ്റൽ സംവിധാനത്തിലൂടെയാണോ നൽകുന്നത്; വ്യക്തമാക്കാമോ;

ആർ.സി. ബുക്കും ഡ്രൈവിംഗ് ലൈസൻസും പ്രിന്റ് ചെയ്തു നൽകിയിരുന്നപ്പോൾ സ്വീകരിച്ചിരുന്ന സർവീസ് ചാർജും തപാൽ ചാർജും ഡിജിറ്റൽ സംവിധാനത്തിലേക്ക് മാറിയപ്പോൾ ഒഴിവാക്കിയിട്ടുണ്ടോ; ഉണ്ടെങ്കിൽ വിശദമാക്കാമോ;

ഹൈപ്പോത്തിക്കേഷൻ ടെർമിനേഷൻ, ഹൈപ്പോത്തിക്കേഷൻ നോട്ടിംഗ്, പേരുമാറ്റം തുടങ്ങി ഒറ്റ സർവീസ് ചാർജ് ആയിരുന്നവ ഡിജിറ്റൽ കാർഡ് സംവിധാനത്തിലേക്ക് മാറിയപ്പോൾ ഓരോന്നിനും പ്രത്യേകമായി സർവീസ് ചാർജ് ഈടാക്കുന്നുണ്ടോ; വ്യക്തമാക്കാമോ;

വാഹനങ്ങളുടെ ആർ.സി. ബുക്ക് പൂർണ്ണമായും ഡിജിറ്റൽ സംവിധാനത്തിലൂടെ നൽകുമ്പോൾ ഡിജിറ്റൽ കാർഡ് ആക്കുന്നതിനായി പി.ഡി.എഫ്. ആയോ ഇമേജ് ആയോ ഡൗൺലോഡ് ചെയ്യുന്നതിനുള്ള സംവിധാനം പരിവാഹൻ ആപ്പിൽ ഒരുക്കിയിട്ടുണ്ടോ; ഇല്ലെങ്കിൽ അതിനുള്ള സംവിധാനം ഒരുക്കുമോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം റോഡ് സേഫ്റ്റി ഫണ്ടിൽ എത്ര തുക ലഭിച്ചിട്ടുണ്ടെന്നും എത്ര തുക ചെലവഴിച്ചിട്ടുണ്ടെന്നുമുള്ള വിശദാംശം ഇനം തിരിച്ചു വ്യക്തമാക്കുമോ;

ഈ കാലയളവിൽ പ്രസ്തുത ഫണ്ട് ഉപയോഗിച്ച് എന്തെല്ലാം പദ്ധതികളാണ് ആവിഷ്കരിച്ചിട്ടുളളത്; വ്യക്തമാക്കുമോ?

സംസ്ഥാനത്ത് 2021 മുതൽ നാളിതുവരെ മദ്യമോ മറ്റ് ലഹരിവസ്തുക്കളോ ഉപയോഗിച്ചതിന് ശേഷം വാഹനം ഓടിച്ചത് മൂലം നടന്ന റോഡ് അപകടങ്ങളുടെ എണ്ണം വർഷം, ജില്ല എന്നിവ തിരിച്ച് ലഭ്യമാക്കാമോ;

ഇപ്രകാരം നടന്ന റോഡ് അപകടങ്ങളിൽ മരണപ്പെട്ടവരുടെ എണ്ണം വർഷം, ജില്ല എന്നിവ തിരിച്ച് ലഭ്യമാക്കാമോ;

മദ്യമോ മറ്റ് ലഹരിവസ്തുക്കളോ ഉപയോഗിച്ചതിന് ശേഷം വാഹനം ഓടിക്കുകയാണെങ്കിൽ നൽകുന്ന ശിക്ഷ എന്താണെന്ന് അറിയിക്കാമോ;

മദ്യമോ മറ്റ് ലഹരിവസ്തുക്കളോ ഉപയോഗിച്ചതിന് ശേഷം വാഹനം ഓടിച്ച കാരണത്താൽ 2021 മുതൽ നാളിതുവരെ നിയമനടപടികൾ നേരിട്ടവരുടെ എണ്ണം വർഷം, ജില്ല എന്നിവ തിരിച്ച് ലഭ്യമാക്കാമോ;

ഇവരിൽ ശിക്ഷിക്കപ്പെട്ടവരുടെ എണ്ണം വർഷം, ജില്ല എന്നിവ തിരിച്ച് ലഭ്യമാക്കാമോ?

കെ.എസ്.ആർ.ടി.സി. ഡ്രൈവിംഗ് സ്കൂളുകളില്‍ എസ്.സി./എസ്.റ്റി വിഭാഗത്തില്‍ ഉള്‍പ്പെടുന്നവര്‍ക്ക് ഫീസ് ഇളവ് ലഭ്യമാണോ; വ്യക്തമാക്കാമോ?

സംസ്ഥാനത്തെ അതിർത്തികളിൽ പ്രവർത്തിച്ചിരുന്ന ആർ.ടി.ഒ. ചെക്ക്പോസ്റ്റുകൾ അടച്ചുപൂട്ടിയതിനാൽ നികുതി ഇനത്തിൽ സർക്കാരിന് നഷ്ടം സംഭവിക്കുന്നതായുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിന്റെ സത്യാവസ്ഥ വ്യക്തമാക്കുമോ;

സംസ്ഥാനത്തെ വിവിധ ആർ.ടി.ഒ. ചെക്ക്പോസ്റ്റുകളിൽ നിന്നും ഈ സർക്കാരിന്റെ ഭരണകാലത്ത് ഓരോ സാമ്പത്തിക വർഷവും ലഭിച്ച വരുമാനം ഇനം തിരിച്ച് വ്യക്തമാക്കുമോ?

സംസ്ഥാനത്തെ റോഡുകളിൽ വാഹനങ്ങളുടെ അമിതവേഗം മൂലം ഉണ്ടാകുന്ന അപകടങ്ങൾ കുറയ്ക്കുന്നതിന് സർക്കാർ ഒരുക്കിയിട്ടുള്ള നിരീക്ഷണ സംവിധാനങ്ങൾക്ക് കഴിഞ്ഞിട്ടുണ്ടോയെന്ന് വിലയിരുത്തിയിട്ടുണ്ടോ; വിശദമാക്കുമോ;

റോഡുകളിൽ വാഹനങ്ങളുടെ അമിതവേഗം നിരീക്ഷിക്കുന്നതിന് നിലവില്‍ ഒരുക്കിയിട്ടുളള സംവിധാനങ്ങള്‍ എന്തെല്ലാമാണെന്ന് വിശദമാക്കുമോ;

അമിതവേഗത മൂലം ഉണ്ടാകുന്ന അപകടങ്ങളിൽ കാരണക്കാരാകുന്നവർക്കെതിരെ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കുമോ;

വാഹനങ്ങളുടെ വേഗം നിരീക്ഷിക്കുന്നതിന് ജിയോ ഫെൻസിങ് സംവിധാനം നടപ്പാക്കാനുദ്ദേശിക്കുന്നുണ്ടോ; വിശദമാക്കുമോ?