റാഗിംഗും അക്രമങ്ങളും തടയാൻ സ്കൂളുകളുടെ മാതൃകയിൽ കോളേജുകളിലും പ്രൊട്ടക്ഷൻ ഗ്രൂപ്പ് ആരംഭിക്കുന്നതിന് തീരുമാനിച്ചിട്ടുണ്ടോ; വിശദാംശം വ്യക്തമാക്കുമോ;

പ്രൊട്ടക്ഷൻ ഗ്രൂപ്പുകളുടെ പ്രവർത്തനരീതി എന്താണെന്ന് വ്യക്തമാക്കുമോ; ഇതിന്റെ മേൽനോട്ട ചുമതല ആർക്കാണ്; നിലവിൽ ഏതെങ്കിലും കോളേജുകളിൽ നടപ്പാക്കിയിട്ടുണ്ടോ; വിശദാംശം വ്യക്തമാക്കുമോ?

കേരള പോലീസിന്റെ നേതൃത്വത്തിൽ സ്കൂളുകളിൽ ആരംഭിച്ച സ്റ്റുഡന്റ് പോലീസ് കേഡറ്റ് പദ്ധതി സംസ്ഥാനത്തെ കോളേജുകളിലേക്കും വ്യാപിപ്പിക്കാൻ തീരുമാനിച്ചിട്ടുണ്ടോ; വിശദാംശം വ്യക്തമാക്കുമോ;

സ്കൂളുകളിൽ നിന്നും വ്യത്യസ്തമായി എന്തൊക്കെ പ്രവർത്തനങ്ങളാണ് കോളേജുകളിൽ ഏറ്റെടുക്കാൻ ഉദ്ദേശിക്കുന്നതെന്നത് സംബന്ധിച്ച വിശദാംശം ലഭ്യമാക്കാമോ?

സംസ്ഥാനത്തെ വിവിധ ഫൈന്‍ ആര്‍ട്സ് കോളേജുകളിലെ കരിക്കുലം കാലാനുസൃതമായി പരിഷ്കരിക്കുന്നതിന് എന്തൊക്കെ നടപടികളാണ് സ്വീകരിച്ചുവരുന്നതെന്ന് അറിയിക്കാമോ?

കേരളത്തില്‍ ഉന്നതവിദ്യാഭ്യാസ മേഖലയിലെ പ്രൊഫഷണല്‍ കോളേജുകളില്‍ വിവിധ കോഴ്സുകള്‍ക്ക് അഡ്മിഷന് സ്പോര്‍ട്സ് ക്വാട്ടയില്‍ എത്ര സീറ്റുകളാണ് സംവരണം നല്കിയിട്ടുളളതെന്ന് വ്യക്തമാക്കാമോ;

കേരളത്തില്‍ ഏതെല്ലാം പ്രൊഫഷണല്‍ കോഴ്സുകള്‍ക്കാണ് സ്പോര്‍ട്സ് ക്വാട്ടയില്‍ സംവരണമുളളതെന്നും ഓരോ പ്രാെഫഷണല്‍ കോഴ്സിലും അത് എത്ര വീതമാണെന്നും കോഴ്സ് തിരിച്ച് വ്യക്തമാക്കാമോ;

കേരളത്തിലെ പ്രാെഫഷണല്‍ കോളേജുകളില്‍ വിവിധ കോഴ്സുകളിലേക്കുളള സ്പോര്‍ട്സ് ക്വാട്ട സംവരണം ആനുപാതികമായി വര്‍ദ്ധിപ്പിക്കുന്നതിനുവേണ്ട നടപടി സ്വീകരിക്കുമോ; വിശദമാക്കാമോ?

ഈ സര്‍ക്കാര്‍ ചങ്ങനാശ്ശേരി മണ്ഡലത്തിലെ ഏതെല്ലാം കോളേജുകള്‍ക്കാണ് റൂസ ഫണ്ട് അനുവദിച്ചിട്ടുള്ളതെന്നും അവ ഏതെല്ലാം പ്രവൃത്തികള്‍ക്കാണെന്നും വ്യക്തമാക്കുമോ;

പ്രസ്തുത പ്രവൃത്തികളുടെ നിലവിലെ സ്ഥിതിയും അനുവദിച്ച തുകയും വിശദമാക്കുമോ?

പി.എം.ഉഷ പദ്ധതി പ്രകാരം 'ഗ്രാന്റ്സ് ടു സ്ട്രെങ്തെൻ കോളേജസ്' എന്ന വിഭാഗത്തിൽ കോളേജുകളെ ഷോർട്ട് ലിസ്റ്റ് ചെയ്യുന്നതിനുള്ള മാനദണ്ഡം എന്താണെന്ന് വ്യക്തമാക്കുമോ;

പ്രസ്തുത മാനദണ്ഡം അനുസരിച്ച് പി.എം.ഉഷ പദ്ധതിയിൽ കേരളത്തിൽ നിന്ന് തിരഞ്ഞെടുത്ത കോളേജുകൾക്ക് ലഭിച്ച സ്കോർ വ്യക്തമാക്കാമോ;

പ്രസ്തുത സ്കോർ പ്രകാരം ആണോ കേരളത്തിൽ നിന്നുള്ള കോളേജുകളെ ഷോർട്ട് ലിസ്റ്റ് ചെയ്തത്; വിശദമാക്കാമോ;

ഫോക്കസ് ജില്ലയിൽ നിന്ന് അല്ലാത്ത കോളേജുകൾ പി.എം.ഉഷ ഗ്രാന്റ്സിന് തിരഞ്ഞെടുക്കപ്പെട്ടിട്ടുണ്ടോ; ഉണ്ടെങ്കിൽ അങ്ങനെ തിരഞ്ഞെടുക്കപ്പെടാൻ കാരണം എന്തെന്ന് വ്യക്തമാക്കാമോ;

മുൻപ് റൂസ പദ്ധതിയിൽ ധനസഹായം ലഭിച്ച കോളജുകൾ ഇത്തവണയും തിരഞ്ഞെടുക്കപ്പെട്ടിട്ടുണ്ടോ; എങ്കിൽ കാരണം വിശദീകരിക്കാമോ?

സംസ്ഥാനത്തെ സർക്കാർ കോളേജുകളിലെ അധ്യാപക തസ്തികകളിൽ എത്ര ഒഴിവുകൾ നിലവിലുണ്ടെന്ന് വിഷയം തിരിച്ച്‌ അറിയിക്കാമോ;

പ്രസ്തുത ഒഴിവുകളിൽ എത്ര എണ്ണം പി.എസ്.സി.ക്ക്‌ റിപ്പോർട്ട് ചെയ്‌തെന്നും അവ എന്നാണ് റിപ്പോർട്ട് ചെയ്തതെന്നും റിപ്പോർട്ട് ചെയ്തില്ലെങ്കിൽ അതിനുള്ള കാരണവും അറിയിക്കാമോ;

പ്രസ്തുത തസ്തികകളിലേക്കുള്ള മുഴുവൻ ഒഴിവുകളും പി.എസ്.സി.യ്ക്ക് റിപ്പോർട്ട് ചെയ്യുന്നതിനാവശ്യമായ നടപടി സ്വീകരിക്കുമോ;വ്യക്തമാക്കാമോ?

തിരൂരങ്ങാടി പോക്കർ സാഹിബ് മെമ്മോറിയൽ ഓർഫനേജ് കോളേജിൽ ഏതെല്ലാം അധ്യാപക തസ്തികയിലേക്ക് കൂടിക്കാഴ്ച നടത്തുന്നതിനുള്ള സർക്കാർ അനുമതിക്കാണ് അപേക്ഷ സമർപ്പിച്ചിട്ടുള്ളത്; വിശദമാക്കാമോ;

പ്രസ്തുത കോളേജിൽ രണ്ടാം ഫിസിക്കൽ എജുക്കേഷൻ തസ്തിക അനുവദിച്ചിട്ടുണ്ടോ; എങ്കിൽ വിശദമാക്കാമോ?

സംസ്ഥാനത്തെ സര്‍വകലാശാലകളില്‍ അദ്ധ്യാപക-അനദ്ധ്യാപക നിയമനം പി.എസ്.സിക്ക് വിട്ടിട്ടുണ്ടോ; വ്യക്തമാക്കാമോ; ഏതെങ്കിലും തസ്തികകളില്‍ യൂണിവേഴ്സിറ്റി തലത്തില്‍ നേരിട്ടുള്ള നിയമന രീതി നിലവിലുണ്ടോ; വിശദാംശങ്ങള്‍ ലഭ്യമാക്കാമോ?

കേരളത്തിലെ കോളേജ്/സർവകലാശാല അധ്യാപകർക്കുള്ള യു.ജി.സി. ഏഴാം ശമ്പള പരിഷ്കരണ പദ്ധതിയിൽ ലഭിക്കേണ്ട കേന്ദ്രവിഹിതം പ്രതിപൂരണ വ്യവസ്ഥ പ്രകാരം ഉള്ളത് ആയിരുന്നോയെന്ന് വ്യക്തമാക്കുമോ;

ഏഴാം ശമ്പള പരിഷ്കരണവുമായി ബന്ധപ്പെട്ട പ്രതിപൂരണപദ്ധതിയിലെ വ്യവസ്ഥകൾ എന്തെല്ലാമായിരുന്നു എന്ന് വ്യക്തമാക്കാമോ;

പ്രതിപൂരണ പദ്ധതി പ്രകാരം കേരളത്തിലെ കോളേജ്/യൂണിവേഴ്സിറ്റി അധ്യാപകർക്ക് നൽകേണ്ട കുടിശിക വിതരണം ചെയ്തതായ സത്യവാങ്മൂലം കേന്ദ്രസർക്കാരിന് യഥാസമയം നൽകിയിരുന്നോ;

ഇത്തരത്തിൽ കേന്ദ്രത്തിന് നൽകിയ സത്യവാങ്മൂലത്തിന്റെയും പ്രൊപ്പോസലിന്റെയും വിശദാംശങ്ങൾ ലഭ്യമാക്കാമോ;

2016-19 വർഷങ്ങളിലെ കുടിശിക കേരളത്തിലെ കോളേജ്, യൂണിവേഴ്സിറ്റി അധ്യാപകർക്ക് വിതരണം ചെയ്തിട്ടുണ്ടോ; ശമ്പള പരിഷ്കരണ കുടിശികയ്ക്കുള്ള കേന്ദ്ര ഗ്രാന്റ് ഇതുവരെ ലഭിക്കാത്തതിന്റെ കാരണം വ്യക്തമാക്കാമോ;

കേന്ദ്ര സർക്കാർ ശമ്പള പരിഷ്കരണ ഇനത്തിൽ നൽകേണ്ട വിഹിതം നൽകാത്ത സാഹചര്യത്തിൽ സംസ്ഥാന സർക്കാർ നൽകേണ്ട വിഹിതം വിതരണം ചെയ്യുവാൻ വേണ്ട നടപടികൾ സ്വീകരിക്കുമോ?

മലപ്പുറം ഗവ: വനിതാ കോളേജ് കെട്ടിട നിർമ്മാണ പദ്ധതി നിലവിൽ ടെൻഡർ ചെയ്തിട്ടും കരാറുകാരനുമായി കരാറിൽ ഏർപ്പെടുന്നതിനുള്ള കാലതാമസം എന്താണ്; പദ്ധതി നിർവ്വഹണ ഏജൻസിയായ കിറ്റ്കോ ഇക്കാര്യത്തിൽ സ്വീകരിച്ച നടപടികൾ വിശദമാക്കാമോ;

ഇപ്പോൾ കോളേജ് പ്രവർത്തിക്കുന്ന താൽക്കാലിക കെട്ടിടത്തിന്റെ വാടക കുടിശിക എത്രയാണെന്നും അത് എന്നത്തേയ്ക്ക് കൊടുത്തു തീർക്കാൻ സാധിക്കുമെന്നും വ്യക്തമാക്കാമോ?

നെന്മാറ നിയാേജക മണ്ഡലത്തില്‍ സര്‍ക്കാര്‍/എയ്ഡഡ് മേഖലയില്‍ ആര്‍ട്സ് ആന്റ് സയന്‍സ് കാേളേജുകള്‍ ഇല്ലെന്നത് വിലയിരുത്തിയിട്ടുണ്ടാേ; വിശദമാക്കുമോ;

നെന്മാറ നിയാേജക മണ്ഡലത്തിൽ പുതിയ സര്‍ക്കാര്‍ കാേളേജ് അനുവദിക്കാന്‍ നടപടി സ്വീകരിച്ചിട്ടുണ്ടാേ; ഉണ്ടെങ്കില്‍ വിശദാംശം നല്‍കുമാേ?

കാെടുവായൂര്‍ ബി.എഡ്. കാേളേജില്‍ ഏതെല്ലാം കാേഴ്സുകളാണ് നിലവിലുള്ളതെന്ന് വിശദമാക്കുമാേ;

പ്രസ്തുത കാേഴ്സുകള്‍ക്കാവശ്യമായ കെട്ടിട സൗകര്യം നിലവിലുണ്ടാേ; ഇല്ലെങ്കില്‍ കെട്ടിടം നിര്‍മ്മിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമാേ?

ഈ സർക്കാരിന്റെ കാലത്ത് മലമ്പുഴ ഐ.എച്ച്.ആർ.ഡി. കാേളേജിന്റെ ഭൗതിക സാഹചര്യങ്ങള്‍ മെച്ചപ്പെടുത്തുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമാേ;

പ്രസ്തുത കാേളേജിന്റെ ഭൗതിക സാഹചര്യം മെച്ചപ്പെടുത്തുന്നതിന് കൂടുതല്‍ ഫണ്ട് അനുവദിക്കുന്നത് പരിഗണനയിലുണ്ടാേ; എങ്കിൽ വിശദാംശം അറിയിക്കാമാേ?

ഈ സർക്കാരിന്റെ കാലത്ത് കോങ്ങാട് മണ്ഡലത്തിലെ പത്തിരിപ്പാല സര്‍ക്കാര്‍ ആര്‍ട്സ് ആന്റ് സയന്‍സ് കോളേജിന്റെ വികസനത്തിന് എന്തെല്ലാം പദ്ധതികളാണ് അനുവദിച്ചിട്ടുള്ളതെന്ന് ഓരോ പദ്ധതിയുടെയും പുരോഗതി സഹിതം വിശദമാക്കാമോ?

കോഴിക്കോട് ഗവ. ലോ കോളേജിനെ മികവിന്റെ കേന്ദ്രമാക്കുന്നതിന് 2021-22 വര്‍ഷത്തെ ബജറ്റില്‍ നീക്കിവെച്ച പതിനഞ്ച് കോടി രൂപ വിനിയോഗിച്ച് എന്തെല്ലാം പ്രവര്‍ത്തനങ്ങളാണ് നടക്കുന്നത്; വ്യക്തമാക്കുമോ;

പ്രവര്‍ത്തനങ്ങളുടെ നിലവിലെ സ്ഥിതി വ്യക്തമാക്കുമോ?

2011-16, 2016-2021,2021-2024 എന്നീ കാലയളവുകളിൽ കേരളത്തില്‍ നിന്നും വിദേശ രാജ്യങ്ങളിലേയ്ക്ക് പഠനത്തിന് പോകുന്ന വിദ്യാര്‍ത്ഥികളുടെ എണ്ണം സംബന്ധിച്ച വിശദാംശം ലഭ്യമാക്കുമോ?

കേരളത്തിലെ കോളേജുകളിൽ പുതിയ കോഴ്സുകൾ ആരംഭിക്കുന്നതിന് തീരുമാനിച്ചിട്ടുണ്ടോ; വിശദമാക്കാമോ;

ബാലുശ്ശേരി മണ്ഡലത്തിലെ ഡോ. ബി.ആർ.അംബേദ്ക്കർ മെമ്മോറിയൽ ആർട്സ്&സയൻസ് കോളേജിൽ പുതിയ കോഴ്സുകൾ ആരംഭിക്കുന്നതിനായി കോളേജ് അപേക്ഷ സമർപ്പിച്ചിട്ടുണ്ടോ; എങ്കിൽ പ്രസ്തുത അപേക്ഷയിൽ സർക്കാർ സ്വീകരിച്ചു വരുന്ന നടപടികൾ അറിയിക്കാമോ?

സ്വകാര്യ സർവകലാശാലകൾക്ക് അഫിലിയേറ്റഡ് കോളേജുകൾ സ്ഥാപിക്കാൻ സാധിക്കുമോ; വിശദമാക്കുമോ;

സ്വകാര്യ സർവകലാശാലകൾക്ക് വിദേശത്ത് ഓഫ് ക്യാമ്പസ് സെന്ററുകളും പഠനകേന്ദ്രങ്ങളും തുറക്കുന്നതിനുള്ള നടപടിക്രമങ്ങൾ എന്തൊക്കെയാണെന്ന് വ്യക്തമാക്കുമോ; ഇക്കാര്യത്തിൽ നിലവിലെ നിയമത്തിൽ വ്യവസ്ഥ ഉണ്ടോ; ഉണ്ടെങ്കിൽ ആയത് യു.ജി.സി. ഗൈഡ് ലൈന് അനുസൃതമാണോയെന്ന് വ്യക്തമാക്കുമോ;

സിലബസ്, പരീക്ഷ നടത്തിപ്പ്, ഫലപ്രഖ്യാപനം, ബിരുദം നൽകൽ തുടങ്ങിയ അധികാരങ്ങൾ നൽകിയിട്ടുള്ള സ്വകാര്യ സർവകലാശാലകളുടെ പ്രവർത്തനങ്ങളിൽ ക്രമക്കേടുകൾ ഉണ്ടാകുന്ന പക്ഷം ആയത് പരിശോധിക്കുന്നതിനും തുടർനടപടികൾ സ്വീകരിക്കുന്നതിനും ഏതു രീതിയിലുള്ള സംവിധാനമാണ് നിലവിലെ നിയമപ്രകാരം വ്യവസ്ഥ ചെയ്തിട്ടുള്ളത്; വിശദാംശം വ്യക്തമാക്കുമോ?

ഈ സർക്കാരിന്റെ കാലത്ത് ഉന്നതവിദ്യാഭ്യാസ വകുപ്പിന്റെ കീഴില്‍ പയ്യന്നൂര്‍ നിയോജകമണ്ഡല പരിധിയില്‍ അനുവദിച്ച ഫണ്ടും നടപ്പിലാക്കിയ പദ്ധതികളും അവയുടെ നിലവിലെ സ്ഥിതിയും അറിയിക്കാമോ?

സംസ്ഥാനത്ത് സ്വകാര്യ സർവകലാശാലകൾ ആരംഭിക്കുമ്പോൾ അധ്യാപക അനധ്യാപക നിയമനങ്ങളിൽ കേരളത്തിൽ നിന്നുള്ള അഭ്യസ്തവിദ്യരായ യുവജനങ്ങൾക്ക് പ്രാതിനിധ്യം ഉറപ്പാക്കുന്ന രീതിയിൽ എന്തെങ്കിലും വ്യവസ്ഥ ഉൾപ്പെടുത്തിയിട്ടുണ്ടോ; വിശദാംശം വ്യക്തമാക്കുമോ?

സംസ്ഥാനത്ത് ആര്‍ട്സ് ആൻഡ് സയന്‍സ് കോളേജുകളില്‍ പരമ്പരാഗതമായി നടത്തിവരുന്ന ഏതൊക്കെ കോഴ്സുകളില്‍ കുട്ടികള്‍ കുറയുന്നു എന്നത് സംബന്ധിച്ച വിശദാംശം ലഭ്യമാക്കുമോ;

കുട്ടികള്‍ കുറയുന്ന പരമ്പരാഗതകോഴ്സുകൾക്ക് പകരം കാലഘട്ടത്തിനനുസരിച്ച് പുതിയ കോഴ്സുകള്‍ ആരംഭിക്കുന്നതിന് സര്‍ക്കാര്‍ നടപടി സ്വീകരിക്കുമോ; വിശദമാക്കാമോ?

സംസ്ഥാനത്തെ വിവിധ ലോ കോളേജുകളില്‍ സായാഹ്ന കോഴ്സുകള്‍ ആരംഭിക്കുന്ന കാര്യം പരിഗണനയിലുണ്ടോ; വിശദമാക്കാമോ?

പൂഞ്ഞാർ മണ്ഡലത്തിലെ ഐ.എച്ച്.ആര്‍.ഡി. എഞ്ചിനീയറിങ് കോളേജിൽ ക്യാമ്പസ് ഇന്‍ഡസ്ട്രിയല്‍ പാർക്ക് പദ്ധതി നടപ്പിലാക്കുന്നതിനായി സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ?

സംസ്ഥാനത്തെ ഏതെല്ലാം പോളിടെക്നിക് കോളേജുകളിലാണ് സായാഹ്ന കോഴ്സുകള്‍ നിലവിലുള്ളത്; സ്ഥാപനം, ട്രേഡ് തിരിച്ച് വിശദമാക്കുമോ;

കൂടുതല്‍ സ്ഥാപനങ്ങളില്‍ സായാഹ്ന കോഴ്സുകള്‍ ആരംഭിക്കുന്നത് പരിഗണനയിലുണ്ടോ; ഉണ്ടെങ്കിൽ ഇതിനായി സ്വീകരിച്ച നടപടികള്‍ വ്യക്തമാക്കുമോ?

കോട്ടയ്ക്കല്‍ നിയോജകമണ്ഡലത്തിലെ കുറ്റിപ്പുറം ടെക്നിക്കല്‍ ഹൈസ്കൂളില്‍ പോളിടെക്നിക്ക് കോളേജ് ആരംഭിക്കുന്നത് സംബന്ധിച്ച് ഉന്നത വിദ്യാഭ്യാസ വകുപ്പ് സ്വീകരിച്ച നടപടികള്‍ എന്തെല്ലാമെന്ന് അറിയിക്കുമോ;

പ്രസ്തുത വിഷയം സംബന്ധിച്ച് സാങ്കേതിക വിദ്യാഭ്യാസ ഡയറക്ടര്‍ സമര്‍പ്പിച്ച പ്രൊപ്പോസലിന്‍മേല്‍ സ്വീകരിച്ച നടപടികളുടെ വിശദാംശം അറിയിക്കുമോ;

കുറ്റിപ്പുറത്ത് പുതിയ പോളിടെക്നിക് കോളേജ് അനുവദിക്കുന്നതിനുള്ള പ്രൊപ്പോസല്‍ എ.ഐ.സി.ടി.ഇ. ലേക്ക് സമയ പരിധിക്കുള്ളില്‍ സമര്‍പ്പിക്കുന്നതിന് സ്വീകരിച്ച നടപടികള്‍ അറിയിക്കാമോ?

എ.ഐ.സി.ടി.ഇ. മാനദണ്ഡപ്രകാരം 2016-നു മുൻപ് നിയമിക്കപ്പെട്ട സംസ്ഥാനത്തെ പോളിടെക്നിക് അധ്യാപകർക്ക് നിലവിൽ ആറ്/ഏഴ് കേന്ദ്ര ശമ്പള കമ്മീഷൻ പേ സ്കെയിലുകളിലേക്ക് ഓപ്ഷൻ നൽകുന്നതിന് വ്യവസ്ഥയുണ്ടോയെന്ന് വിശദമാക്കാമോ;

സാങ്കേതിക വിദ്യാഭ്യാസ വകുപ്പിന് കീഴിൽ വരുന്ന പോളിടെക്നിക്കിലെ അധ്യാപകർക്കും എൻജിനീയറിങ് കോളേജിലെ അധ്യാപകർക്കും സർവീസ്, ശമ്പളം എന്നിവ സംബന്ധിച്ച് ബാധകമായ ചട്ടങ്ങൾ ഏതെന്ന് വിശദമാക്കാമോ;

ഇവര്‍ക്ക് വ്യത്യസ്തമായ ചട്ടങ്ങളാണോ നിലവിലുള്ളതെന്നും ആറ്/ഏഴ് കേന്ദ്ര ശമ്പളകമ്മീഷൻ പ്രഖ്യാപിച്ച സ്കെയിലുകളിലേക്ക് ഓപ്ഷൻ നൽകുന്നതിന് നിലവിൽ എൻജിനീയറിങ് കോളേജിലെ അധ്യാപകർക്ക് വ്യവസ്ഥ ഉണ്ടോയെന്നും വ്യക്തമാക്കാമോ;

പോളിടെക്നിക്കിൽ സേവനമനുഷ്ഠിച്ചുവരുന്ന ഏതെല്ലാം അധ്യാപകരെയാണ് നിലവിൽ ആറാമത് കേന്ദ്ര ശമ്പളകമ്മീഷൻ സ്കെയിലുകൾ ഓപ്റ്റ് ചെയ്യുന്നതിൽ നിന്ന് ഒഴിവാക്കിയതെന്നും ഒഴിവാക്കിയതിന്റെ കാരണവും ചട്ടവും നിയമങ്ങളും ഏതെന്നും അറിയിക്കാമോ;

കേന്ദ്ര ചട്ടത്തിലെ വ്യവസ്ഥ പ്രകാരം എൻജിനീയറിങ് കോളേജിലെയും പോളിടെക്നിക്കിലെയും അധ്യാപകർക്ക് ഒരേ മാനദണ്ഡമായിരിക്കെ ഇക്കാര്യത്തിൽ മാത്രം വ്യത്യസ്തമായ ഉത്തരവ് പുറപ്പെടുവിക്കുവാൻ ഇടയായ സാഹചര്യം എന്താണെന്ന് വ്യക്തമാക്കാമോ;

ഇക്കാര്യത്തിൽ പുന:ക്രമീകരണം നടത്തി 2016 ന് മുമ്പ് നിയമിതരായ പോളിടെക്നിക്ക് അധ്യാപകർക്ക് ആറാം ശമ്പള കമ്മിഷന്‍ വ്യവസ്ഥ പ്രകാരം ഓപ്ഷൻ നൽകുന്നതിന് അനുവദിച്ച് ഉത്തരവ് പുറപ്പെടുവിക്കുമോ; ഇല്ലെങ്കിൽ ആയതിന്റെ കാരണങ്ങൾ എന്തെല്ലാമെന്ന് വിശദമാക്കാമോ?

തിരൂരങ്ങാടി മണ്ഡലത്തിൽപ്പെട്ട എടരിക്കോട് പഞ്ചായത്തിലെ കോട്ടക്കൽ ഗവൺമെന്റ് വനിതാ പോളിടെക്നിക് കോളേജിന് കെട്ടിട നിർമ്മാണത്തിന് ഭരണാനുമതി ലഭ്യമാക്കുകയും പ്രവർത്തനോദ്ഘാടനം നിർവഹിക്കുകയും ചെയ്തിട്ടുണ്ടെങ്കിലും ഇന്നേവരെ നിർമ്മാണം ആരംഭിക്കാത്തത് ശ്രദ്ധയിൽപ്പെട്ടിട്ടുണ്ടോയെന്ന് വിശദമാക്കാമോ;

വർഷങ്ങൾ കഴിഞ്ഞിട്ടും പ്രസ്തുത നിർമ്മാണം ആരംഭിക്കാതിരിക്കാനുള്ള കാരണങ്ങൾ എന്തൊക്കെയാണ്; ഇവ പരിഹരിക്കുന്നതിനായി എന്തെല്ലാം നടപടികൾ സ്വീകരിച്ചിട്ടുണ്ടെന്നുള്ള വിശദവിവരം ലഭ്യമാക്കാമോ;

മുൻപ് തയ്യാറാക്കിയ എസ്റ്റിമേറ്റ് അനുസരിച്ച് പ്രവർത്തനം ആരംഭിക്കുന്നതിന് സാങ്കേതിക പ്രശ്നങ്ങൾ നിലനിൽക്കുന്നുണ്ടെങ്കിൽ എസ്റ്റിമേറ്റ് പുനർനിർണയം നടത്തി ലഭ്യമായ തുകയ്ക്ക് അനുസൃതമായി പ്രവർത്തനം പൂർത്തീകരിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

നിർമ്മാണ പ്രവൃത്തി എപ്പോൾ ആരംഭിക്കാനാകും; നിർമ്മാണം പൂർത്തിയാക്കി ഈ കോളേജ് കെട്ടിടം എപ്പോൾ പ്രവർത്തനസജ്ജമാകും എന്നും വിശദമാക്കാമോ?

പയ്യന്നൂർ വനിതാ റസിഡൻഷ്യൽ പോളിടെക്നിക്ക് കോളേജിൽ പുതിയ കോഴ്സുകൾ അനുവദിക്കുന്ന കാര്യം പരിഗണനയിലുണ്ടോ; അറിയിക്കാമോ;

പയ്യന്നൂർ വനിതാ പോളിടെക്നിക്ക് കോളേജ് മിക്സഡ് ആക്കുന്നതിനുള്ള നടപടികൾ സ്വീകരിച്ചുവരുന്നുണ്ടോ; വ്യക്തമാക്കാമോ?

2024-2025-ലെ ബഡ്ജറ്റില്‍ സാങ്കേതികവിദ്യാഭ്യാസ വകുപ്പിന് ഓരോ ശീര്‍ഷകത്തിലും വകയിരുത്തിയ പദ്ധതി-പദ്ധതിയേതര വിഹിതം എത്രയെന്നു വ്യക്തമാക്കുമോ;

ഓരോ ഇനത്തിലും ഇതിനകം ചെലവഴിച്ച തുക എത്രയെന്നു വ്യക്തമാക്കുമോ;

2024-25 സാമ്പത്തികവര്‍ഷത്തില്‍ സാങ്കേതിക വിദ്യാഭ്യാസ വകുപ്പിന് അനുവദിച്ച കേന്ദ്രാവിഷ്‌കൃത പദ്ധതികള്‍ ഏതൊക്കെയാണ്; ഓരോന്നിനും വകയിരുത്തിയ തുകയും, ഇതുവരെ ചെലവായ തുകയും എത്രയെന്നു വിശദമാക്കുമോ?

ഉന്നതവിദ്യാഭ്യാസ രംഗത്തെ പഠനനിലവാരം ഉയർത്തുന്നതിന് വേണ്ടി എ.ഐ.സി.ടി.ഇ. നിർദ്ദേശിച്ച കരിയർ അഡ്വാൻസ്‌മെന്റ് സ്കീം നടപ്പിലാക്കാത്തത് കോളേജുകളുടെ പഠനനിലവാരത്തെ സാരമായി ബാധിച്ചിട്ടുണ്ട് എന്നത് ശ്രദ്ധയിൽപ്പെട്ടിട്ടുണ്ടോ;

ഇത് സംബന്ധിച്ച് ഐ.എച്ച്.ആർ.ഡി. ഡയറക്ടർ എന്തെങ്കിലും ശിപാർശകൾ നൽകിയിരുന്നോ; പ്രസ്തുത ശിപാര്‍ശയിന്മേൽ സ്വീകരിച്ചിട്ടുള്ള നടപടികൾ വിശദമാക്കുമോ;

ഐ.എച്ച്.ആർ.ഡി. യിൽ കരിയർ അഡ്വാൻസ്‌മെന്റ് സ്കീം നടപ്പാക്കിയിട്ടുണ്ടോ; ഇല്ലെങ്കില്‍ അതിനുള്ള തടസ്സം എന്താണെന്നും എപ്പോള്‍ നടപ്പാക്കുമെന്നും അറിയിക്കുമോ?

നിലവില്‍ ടെക്നിക്കല്‍ ഹെെസ്കൂളില്‍ പഠിക്കുന്ന എസ്.എസ്.എൽ.സി. വിദ്യാര്‍ത്ഥികള്‍ക്ക് പ്ലസ് വണ്‍ പ്രവേശനത്തിനു പ്രയാസം നേരിടുന്നത് ശ്രദ്ധയില്‍പെട്ടിട്ടുണ്ടോ; എങ്കിൽ വിശദമാക്കുമോ;

ടെക്നിക്കല്‍ ഹെെസ്കൂളുകള്‍ ഹയര്‍ സെക്കണ്ടറി സ്കൂളുകളാക്കി മാറ്റുന്നതിന് നടപടി സ്വീകരിക്കുമോ; വ്യക്തമാക്കാമോ;

ടെക്നിക്കല്‍ ഹെെസ്കൂളുകളില്‍ നിന്നും എസ്.എസ്.എൽ.സി. പാസാകുന്ന വിദ്യാര്‍ത്ഥികള്‍ക്ക് കൂടുതല്‍ പഠനാവസരം ലഭിക്കുന്ന രീതിയിലുളള കോഴ്സുകള്‍ ആരംഭിക്കുന്ന കാര്യം പരിഗണനയിലുണ്ടോ; എങ്കിൽ വിശദമാക്കുമോ?

സാങ്കേതിക വിദ്യാഭ്യാസ വകുപ്പിന്റെ കീഴിലുള്ള ഏതെല്ലാം സ്ഥാപനങ്ങളില്‍ കമ്പ്യൂട്ടര്‍ ആപ്ലിക്കേഷന്‍ ആന്റ് ബിസിനസ്സ് മാനേജ്മെന്റ് കോഴ്സ് നടത്തുന്നുണ്ടെന്ന് വ്യക്തമാക്കാമോ;

പ്രസ്തുത കോഴ്സ് പി.എസ്.സി അംഗീകരിച്ചിട്ടുണ്ടോ; എങ്കിൽ ടി കോഴ്സ് യോഗ്യതയായി നോട്ടിഫിക്കേഷൻ പുറപ്പെടുവിച്ചിട്ടുണ്ടോ; ഉണ്ടെങ്കിൽ വിശദാംശം നല്കാമോ;

സാങ്കേതിക വിദ്യാഭ്യാസ വകുപ്പിൽ ക്ലാസ്സ് IV ജീവനക്കാരിൽ നിന്നും തസ്തികമാറ്റം വഴിയുള്ള ട്രേഡ്സ്മാൻ തസ്തികയിലേയ്ക്ക് സി.എ.ബി.എം. യോഗ്യതയുള്ളവരെ പരിഗണിക്കുന്നുണ്ടോ; ഇല്ലെങ്കിൽ കാരണം വ്യക്തമാക്കുമോ;

ട്രേഡ്സ്‍മാന്‍ തസ്തികയിലേയ്ക്ക് പരിഗണിക്കുന്നതിനുള്ള യോഗ്യത എന്തൊക്കെയാണ്; വ്യക്തമാക്കാമോ;

തസ്തിക മാറ്റം വഴിയുള്ള ട്രേഡ്സ്‍മാന്‍ തസ്തികയിലേക്ക് നിയമനം നടത്തുന്നതിനുള്ള യോഗ്യത നിശ്ചയിക്കുന്നത് പൊതുവിദ്യാഭ്യാസ ഡയറക്ടറാണോ, സ്റ്റേറ്റ് ഇൻസ്റ്റിറ്റ്യൂട്ട് ഓഫ് ടെക്നിക്കൽ ടീച്ചേഴ്‌സ് ട്രെയിനിംഗ് & റിസർച്ച് ആണോയെന്ന് വ്യക്തമാക്കാമോ?

രാജ്യത്തെ ഉന്നതവിദ്യാഭ്യാസ മേഖലയെ കാവിവല്‍ക്കരിക്കുന്നതിനും അരാഷ്ട്രീയവല്‍ക്കരിക്കുന്നതിനുമുള്ള ശ്രമങ്ങള്‍ക്കിടയിലും സംസ്ഥാനത്തെ സര്‍വകലാശാലകള്‍ ബദല്‍നിലപാടുമായി മുന്നേറുന്ന സവിശേഷമായ സാഹചര്യം രൂപപ്പെടുത്തുന്നതില്‍ സ്വീകരിച്ച നടപടികള്‍ വിശദമാക്കുമോ;

യു.ജി.സി.യുടെ കരട് ഭേദഗതി നിര്‍ദ്ദേശത്തിലെ അപകടങ്ങളെ അതിജീവിക്കുന്നതിനായും സംസ്ഥാനത്തെ സര്‍വകലാശാലകളില്‍ ജനാധിപത്യവും സര്‍ഗ്ഗാത്മകതയും ഉന്നതനിലവാരവും നിലനിര്‍ത്തുന്നതിനുമായി എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കുമോ;

ഈ സര്‍ക്കാരിന്റെ കാലയളവിൽ നീതി ആയോഗ് അടക്കമുളള ദേശീയ ഏജന്‍സികളില്‍ നിന്നും സംസ്ഥാനത്തെ സര്‍വകലാശാലകള്‍ക്കും കോളേജുകള്‍ക്കും ലഭിച്ചിട്ടുളള അംഗീകാരങ്ങള്‍ എന്തെല്ലാമാണെന്ന് വ്യക്തമാക്കുമോ;

പ്രസ്തുത കാലയളവില്‍ പഠന-ഗവേഷണ-പഠനേതര പ്രവര്‍ത്തനങ്ങള്‍ക്കായി പശ്ചാത്തല-സാങ്കേതിക സൗകര്യങ്ങള്‍ ഒരുക്കുന്നതിന് എന്തു തുക ചെലവഴിച്ചിട്ടുണ്ടെന്ന് അറിയിക്കുമോ?

നാലുവർഷ ബിരുദ പ്രോഗ്രാമുകളുടെ രണ്ടാം സെമസ്റ്റർ പരീക്ഷകൾക്കുളള ചോദ്യബാങ്ക് തയ്യാറാക്കുന്നതുമായി ബന്ധപ്പെട്ട് വിവിധ ബോർഡ് ഓഫ് സ്റ്റഡീസുകളുടെ കീഴിൽ ഇതുവരെ നടത്തിയ വർക് ഷോപ്പുകളുടെയും അവയിൽ പങ്കെടുത്ത അധ്യാപകരുടെയും ആകെ തയാറാക്കിയ ചോദ്യങ്ങളുടെയും വിശദാംശം ലഭ്യമാക്കാമോ;

വരാനിരിക്കുന്ന സെമസ്റ്റർ പരീക്ഷകൾക്കുളള മുഴുവൻ ചോദ്യപേപ്പറുകളും ചോദ്യ ബാങ്ക് രീതിയിലൂടെ തയാറാക്കുന്നതിന് സർവകലാശാലകൾ പൂർണ്ണതോതിൽ സജ്ജരാണോയെന്ന് വ്യക്തമാക്കാമോ;

അതാത് സർവകലാശാലകളിലെ സാങ്കേതിക വിഭാഗത്തിലെ ജീവനക്കാർ വികസിപ്പിച്ചെടുത്ത സോഫ്റ്റ്‍വെയറുകൾ ഉപയോഗിച്ചാണോ അല്ലെങ്കിൽ സർവകലാശാലയ്ക്ക് പുറത്തുനിന്നുള്ള വ്യക്തികളോ/ ഏജൻസികളോ വികസിപ്പിച്ചെടുത്ത സോഫ്റ്റ്‍വെയറുകൾ മുഖേനയാണോ ചോദ്യബാങ്കിലേക്കുളള ചോദ്യങ്ങൾ അപ്‌ലോഡ് ചെയ്യുന്നതെന്ന് വിശദമാക്കാമോ;

പുറമെയുള്ള വ്യക്തികളുടെയോ/ഏജൻസികളുടെയോ സോഫ്റ്റ്‌വെയർ ഉപയോഗപ്പെടുത്തിയാണെങ്കിൽ പ്രസ്തുത വ്യക്തികളുടെ/ഏജൻസികളുടെ പേര്, വിലാസം, അവർ സർവകലാശാലകളുമായി ഏർപ്പെട്ട കരാറിന്റെ വിശദാംശങ്ങൾ എന്നിവ പകർപ്പുകൾ സഹിതം ലഭ്യമാക്കാമോ?

ഗ്രാന്റ്-ഇന്‍-എയ്ഡ് സ്ഥാപനങ്ങളുമായി ബന്ധപ്പെട്ട് ധനകാര്യ(വ്യയം-എ)വകുപ്പ് പുറപ്പെടുവിച്ച 13.11.2024- ലെ .61/2024/ധന നം. സര്‍ക്കുലര്‍ സംസ്ഥാനത്തെ ഏതെല്ലാം സര്‍വകലാശാലകള്‍ക്ക് ബാധകമാണെന്ന് വിശദമാക്കാമോ;

ഉന്നത വിദ്യാഭ്യാസ വകുപ്പിനും, മറ്റു വകുപ്പുകള്‍ക്കും കീഴില്‍ വരുന്ന സംസ്ഥാനത്തെ ഏതെല്ലാം സര്‍വകലാശാലകളെയാണ് ഗ്രാന്റ്-ഇന്‍-എയ്ഡ് സ്ഥാപനങ്ങളായി കണക്കാക്കുന്നതെന്ന് അറിയിക്കാമോ?

സര്‍വകലാശാലകളുടെ അടിസ്ഥാനസൗകര്യ വികസനത്തിനായി സര്‍ക്കാര്‍ എന്തെല്ലാം പദ്ധതികളാണ് ആവിഷ്കരിച്ച് നടപ്പാക്കിയിട്ടുള്ളതെന്ന് വിശദമാക്കാമോ;

സര്‍വകലാശാലയിലെ ഗവേഷണ പ്രവര്‍ത്തനങ്ങള്‍ പ്രോത്സാഹിപ്പിക്കുന്നതിനായി സംസ്ഥാന സര്‍ക്കാര്‍ നൽകിവരുന്ന ധനസഹായം മുന്‍ വര്‍ഷങ്ങളിലേക്കാള്‍ വര്‍ദ്ധിപ്പിച്ചിട്ടുണ്ടോ; വിശദാംശം നൽകുമോ;

സര്‍വകലാശാലയിലെ സംരംഭകത്വ വികസനം പ്രേത്സാഹിപ്പിക്കാന്‍ ഇന്നോവേഷൻ ആൻഡ് എന്റർപ്രന്വർഷിപ് ഡെവലപ്മെന്റ് സെന്റേഴ്സ് (ഐ.ഇ.ഡി.സി.) പോലുള്ള പദ്ധതികള്‍ എത്രത്തോളം ഫലപ്രദമാണെന്ന് വിശദമാക്കാമോ;

2023-24 വര്‍ഷ കാലയളവിൽ ഉന്നത വിദ്യാഭ്യാസ വകുപ്പിന് കീഴിലെ സര്‍വകശാലകള്‍ക്ക് മാത്രമായി പ്ലാന്‍ - നോണ്‍പ്ലാന്‍ ഫണ്ട് ഇനത്തിൽ അനുവദിച്ച തുക എത്രയെന്ന് വെളിപെടുത്താമോ;

കഴിഞ്ഞ നാല് വര്‍ഷത്തിനുള്ളില്‍ ഉന്നത വിദ്യാഭ്യാസ മേഖലയില്‍ എത്ര കോടി രൂപയുടെ വികസന പ്രവര്‍ത്തനങ്ങളാണ് നടന്നതെന്ന് വിശദമാക്കാമോ;

ഇതില്‍ അടിസ്ഥാന സൗകര്യ വിപുലീകരണത്തിന് ചെലവഴിച്ച തുക എത്രയെന്ന് അറിയിക്കാമോ?

മെഡിക്കല്‍ പ്രൊഫഷണല്‍ ബിരുദമായ ബി.എച്ച്.എം.എസ് ബിരുദം പൂര്‍ത്തിയാക്കിയതിനുശേഷം ബി.എഡ്-ഉം, കെ-ടെറ്റ് ഉം യോഗ്യത നേടിയ ഉദ്യോഗാര്‍ത്ഥികള്‍ക്ക് പ്രസ്തുത മെഡിക്കല്‍ ബിരുദത്തിന് അനുഗുണമായി നേടിയ ബി.എഡ്-ന് തുല്യതയില്ല എന്ന പേരിൽ യു.പി.എസ്.ടി/എച്ച്.എസ്.ടി ജോലി ചെയ്യാനുള്ള അവസരം നിഷേധിക്കുന്നതായി ശ്രദ്ധയിൽപ്പെട്ടിട്ടുണ്ടോ; ഇതുസംബന്ധിച്ചുള്ള പരാതികൾ സർക്കാർ മുൻപാകെ വന്നിട്ടുണ്ടോ; എങ്കിൽ ഇതിന്മേൽ സ്വീകരിച്ച തുടർനടപടികൾ എന്തെല്ലാമാണെന്ന് വിശദമാക്കാമോ;

പ്രസ്തുത വിഷയം ഉന്നത വിദ്യാഭ്യാസ കൗൺസിൽ മുൻപാകെ പരിഗണനയ്ക്ക് വന്നിട്ടുണ്ടോ; വ്യക്തമാക്കാമോ; എങ്കിൽ ഇതിന്മേൽ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

മെഡിക്കൽ വിദ്യാഭ്യാസ യോഗ്യതയും, ബി.എഡ്-ഉം, കെ-ടെറ്റ് ഉം യോഗ്യതയുള്ളവർക്ക് അധ്യാപക ജോലിക്ക് പരിഗണിക്കുവാൻ വേണ്ടി ബി.എഡ്-ന് തുല്യത നൽകുവാൻ ബന്ധപ്പെട്ട യൂണിവേഴ്സിറ്റികൾക്ക് നിർദ്ദേശം നൽകുമോയെന്ന് വ്യക്തമാക്കാമോ?

ഉന്നത വിദ്യാഭ്യാസ മേഖലയിൽ കഴിഞ്ഞ പത്ത് വർഷത്തിനുള്ളിൽ മാനവിക വിഷയങ്ങളുമായി ബന്ധപ്പെട്ട് എത്ര പുതിയ കോഴ്സുകളാണ് ആരംഭിച്ചിട്ടുളളത്; കോഴ്സുകള്‍ ആരംഭിച്ച വര്‍ഷം, സ്ഥാപനം തുടങ്ങിയ വിശദാംശങ്ങള്‍ അറിയിക്കുമോ;

മലയാള ഭാഷാ പഠനവുമായി ബന്ധപ്പെട്ട് പുതിയ കോഴ്സുകൾ ആരംഭിച്ചിട്ടുണ്ടോ; ഉന്നത വിദ്യാഭ്യാസ മേഖലയിലെ കോഴ്സുകൾക്ക് മലയാളം അദ്ധ്യയന മാർഗമായി സ്വീകരിക്കുന്നതിനോ പരീക്ഷ മലയാളത്തിലെഴുതാൻ വിദ്യാർത്ഥികളെ പ്രേരിപ്പിക്കുന്നതിനോ എന്തെങ്കിലും നടപടികള്‍ ആവിഷ്കരിച്ചിട്ടുണ്ടോ; വിശദമാക്കുമോ;

കേരളത്തിലെ സർവകലാശാലകൾക്ക് കീഴിൽ ബി.എഡ്. കോഴ്സുകൾ നടത്തുന്ന എത്ര സ്ഥാപനങ്ങൾ ഉണ്ട്; കഴിഞ്ഞ പത്ത് വർഷത്തിനുള്ളിൽ എത്ര ബി എഡ് കോളജുകള്‍ പുതുതായി ആരംഭിച്ചു; എത്ര എണ്ണം പൂട്ടി; വിശദമാക്കാമോ?

ഏതൊക്കെ സര്‍വകലാശാലകൾക്കാണ് പശ്ചാത്തല സൗകര്യ വികസനത്തിനായി കിഫ്ബി ധനസഹായം അനുവദിച്ചിട്ടുള്ളത്; എത്ര കോടി രൂപയാണ് ഇത്തരത്തില്‍ അനുവദിച്ചത്; സര്‍വകലാശാല തിരിച്ച് വ്യക്തമാക്കാമോ?

സംസ്ഥാനത്ത് വിദ്യാര്‍ത്ഥികളുടെ തൊഴില്‍ശേഷിയും ഗവേഷണാഭിരുചിയും വികസിപ്പിക്കുന്നതിന് സര്‍വ്വകലാശാലാ-കോളേജ് തലങ്ങളില്‍ എന്തെല്ലാം പരിഷ്ക്കരണ പ്രവര്‍ത്തനങ്ങളാണ് നടന്നുവരുന്നതെന്ന് വ്യക്തമാക്കുമോ;

സംസ്ഥാനത്ത് നടപ്പിലാക്കിയ പുതിയ ബിരുദ കോഴ്സ് ഘടന പ്രസ്തുത ലക്ഷ്യം നേടുന്നതിന് സഹായകമാണോയെന്ന് അറിയിക്കുമോ;

കുട്ടികള്‍ക്ക് അവരുടെ അഭിരുചിക്കും ശേഷിക്കും അനുസരിച്ച് പഠനം രൂപകല്പന ചെയ്യാന്‍ പറ്റുന്നവിധം വിദ്യാര്‍ത്ഥി കേന്ദ്രീകൃതമായിട്ടാണോ കോഴ്സ് ഘടനയില്‍ പഠനപ്രവര്‍ത്തനങ്ങള്‍ വിഭാവനം ചെയ്തിട്ടുളളത്; വിശദമാക്കുമോ?

സംസ്ഥാനത്തിന് പുറത്ത് പഠനാവസരങ്ങൾ തേടുന്ന വിദ്യാർഥികളെ ഇവിടെ നിലനിർത്തുന്നതിനും വിദേശത്തുനിന്നുള്ള വിദ്യാർത്ഥികളെ ഇവിടേക്ക് ആകർഷിക്കുന്നതിനും ഉന്നതവിദ്യാഭ്യാസ മേഖലയിൽ നൂതന പഠന സൗകര്യങ്ങളും മികച്ച സാഹചര്യങ്ങളും ഉറപ്പാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ഉന്നതവിദ്യാഭ്യാസ ഹബ്ബാക്കി മാറ്റുന്നതിന് സ്വകാര്യമേഖലയുടെ പങ്കാളിത്തം കൂടി ഉറപ്പാക്കുന്നതിന് തീരുമാനിച്ചിട്ടുണ്ടോ; വിശദമാക്കുമോ;

പൊതു സർവകലാശാലകളുടെ നിലവാരമുയർത്തി ശാക്തീകരിക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് അറിയിക്കുമോ;

ആരംഭിക്കാനിരിക്കുന്ന സ്വകാര്യ സർവ്വകലാശാലകളിൽ സാമ്പത്തിക സാമൂഹിക സമത്വം ഉറപ്പാക്കുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ ?

കേരള സർവകലാശാലയിൽ നാലുവർഷ ബിരുദത്തിന്റെ രണ്ടാം സെമസ്റ്റർ പകുതിയായപ്പോൾ മൂന്ന് കോഴ്സുകളുടെ സിലബസ് വ്യത്യാസം വരുത്തിയത് ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം നൽകുമോ;

സെമസ്റ്റർ തുടങ്ങിയതിനുശേഷം സിലബസിൽ മാറ്റം വരുത്തിയതിനിടയാക്കിയ സാഹചര്യം എന്താണെന്ന് വ്യക്തമാക്കുമോ; ഇപ്രകാരം മാറ്റം വരുത്തിയത് മൂലം കുട്ടികളും അധ്യാപകരും ആശയക്കുഴപ്പത്തിൽ ആയിട്ടുള്ളത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

സിലബസ് പരിഷ്കരണത്തിന് ആരെയാണ് ചുമതലപ്പെടുത്തിയിട്ടുള്ളതെന്ന് വ്യക്തമാക്കുമോ;

പ്രസ്തുത സിലബസ് പരിഷ്കരണം നടത്തിയത് സംബന്ധിച്ച് സർവകലാശാല റിപ്പോർട്ട് തേടിയിട്ടുണ്ടോ; ഇക്കാര്യത്തിൽ ആർക്കെങ്കിലും വീഴ്ച സംഭവിച്ചതായി കണ്ടെത്തിയിട്ടുണ്ടോ; എങ്കിൽ എന്ത് നടപടി സ്വീകരിച്ചുവെന്നറിയിക്കുമോ; വിശദമാക്കുമോ; വിദ്യാർത്ഥികളുടെയും അധ്യാപകരുടെയും ആശങ്ക പരിഹരിക്കുന്നതിന് എന്ത് തുടർനടപടി സ്വീകരിക്കുമെന്ന് വ്യക്തമാക്കുമോ?

പയ്യന്നൂര്‍ മണ്ഡലത്തിലെ പെരിങ്ങോം ഗവ. ആര്‍ട്സ് ആന്റ് സയന്‍സ് കോളേജില്‍ പുതിയ കോഴ്സുകള്‍ അനുവദിക്കുന്നത് പരിഗണനയില്‍ ഉണ്ടോയെന്ന് അറിയിക്കാമോ?

തിരുവനന്തപുരം യൂണിവേഴ്‌സിറ്റി കോളേജിൽ ഭിന്നശേഷി വിദ്യാർത്ഥിയെ പ്രമുഖ വിദ്യാർത്ഥി സംഘടനാ പ്രവർത്തകർ മർദ്ദനത്തിനിരയാക്കിയ സംഭവത്തിൽ സ്വീകരിച്ച നടപടികൾ വിശദമാക്കാമോ?

കാസർകോട് ചാലയിലെ കണ്ണൂർ സർവകലാശാല ക്യാംപസിൽ ബഹുഭാഷാ പഠന കേന്ദ്രം പ്രവർത്തിക്കുന്നുണ്ടോയെന്ന് വ്യക്തമാക്കാമോ;

ഈ പഠന കേന്ദ്രം തുടങ്ങിയതെപ്പോഴാണെന്ന് വ്യക്തമാക്കാമോ;

രാജ്യത്ത് മറ്റേതെങ്കിലും സർവകലാശാലയുടെ കീഴിൽ ബഹുഭാഷാ പഠന കേന്ദ്രം പ്രവര്‍ത്തിക്കുന്നുണ്ടോയെന്ന വിവരം ലഭ്യമാണോ; വ്യക്തമാക്കാമോ;

നിലവില്‍ പ്രസ്തുത ബഹുഭാഷാ പഠന​കേന്ദ്രത്തിന്റെ പ്രവർത്തനം നിലച്ചിട്ടുണ്ടോയെന്ന് വ്യക്തമാക്കാമോ; എങ്കിൽ അതിനുളള കാരണമെന്താണെന്ന് വിശദമാക്കാമോ;

ഈ പഠനകേന്ദ്രത്തിന്റെ നടത്തിപ്പ് ആരെയാണ് ഏൽപ്പിച്ചതെന്നും അവരുടെ കീഴിൽ എത്ര സ്റ്റാഫുണ്ടെന്നും വ്യക്തമാക്കാമോ; ഇവർക്ക് ഇതുവരെ നൽകിയ ശമ്പളം എത്രയാണെന്നും വ്യക്തമാക്കാമോ;

നാളിതുവരെ പ്രസ്തുത പഠന കേന്ദ്രത്തിന് കണ്ണൂർ സർവകലാശാല എത്ര തുക അനുവദിച്ചിട്ടുണ്ടെന്ന് വ്യക്തമാക്കാമോ; പ്രസ്തുത പഠന കേന്ദ്രം സമർപ്പിച്ച എതെങ്കിലും പദ്ധതിക്ക് പണം അനുവദിക്കാനുണ്ടോയെന്ന് വ്യക്തമാക്കാമോ; വിശദാംശം നൽകാമോ;

രാജ്യത്ത് ഒരു സർവകലാശാലയുടെ കീഴിൽ നടത്തുന്ന ഏക ബഹുഭാഷാ പഠന കേന്ദ്രമായ പ്രസ്തുത സ്ഥാപനം നിലനിർത്താനും സംരക്ഷിക്കാനും നടപടികൾ സ്വീകരിക്കുമോയെന്ന് വ്യക്തമാക്കാമോ?

സര്‍വകലാശാലകളില്‍ വെെസ് ചാന്‍സലര്‍മാരെ നിയമിക്കുന്നതിന് യു.ജി.സി. എന്തൊക്കെ പുതിയ മാനദണ്ഡങ്ങളാണ് കൊണ്ടുവന്നിട്ടുളളതെന്ന് വ്യക്തമാക്കാമോ;

പ്രസ്തുത മാനദണ്ഡങ്ങൾ സര്‍വ്വകലാശാലകളിലെ നിലവിലുളള സാഹചര്യത്തെ ഏത് രീതിയിലാണ് ബാധിക്കുകയെന്ന് പരിശോധിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ?

സംസ്ഥാനത്തെ സര്‍വകലാശാലകളില്‍ അസിസ്റ്റന്റ് തസ്തികയില്‍ എത്ര ഒഴിവുണ്ടെന്നും അതില്‍ എത്ര എണ്ണം പി. എസ്. സി. യ്ക്ക് റിപ്പോര്‍ട്ട് ചെയ്തിട്ടുണ്ടെന്നും വ്യക്തമാക്കാമോ;

31.12.2025 വരെ അസിസ്റ്റന്റ് തസ്തികയില്‍ എത്ര ഒഴിവുകള്‍ പ്രതീക്ഷിക്കുന്നുണ്ട് എന്ന് വ്യക്തമാക്കാമോ?

സംസ്ഥാനത്തെ എയ്ഡഡ് ആര്‍ട്സ് ആന്‍ഡ് സയന്‍സ് കോളേജുകളില്‍ എസ്.സി., എസ്.ടി., ഒ.ബി.സി., വിഭാഗങ്ങളില്‍പ്പെട്ട എത്ര അധ്യാപകരുണ്ട്; ഓരോ കോളേജുകളിലെയും അധ്യാപകരുടെ ടോട്ടല്‍ സ്ട്രെങ്‍തും കാറ്റഗറി തിരിച്ചുള്ള വിശദാംശവും ലഭ്യമാക്കാമോ?

യൂണിവേഴ്സിറ്റി (ഭേദഗതി)നിയമം 21 of 2019 പ്രകാരം സർവകലാശാലകളിലെ രജിസ്ട്രാർ, പരീക്ഷ കൺട്രോളർ, ഫിനാൻസ് ഓഫീസർ തുടങ്ങിയ പദവികളിൽ ഉദ്യോഗസ്ഥരുടെ സേവന കാലയളവ് പരിമിതപ്പെടുത്തിയിട്ടുണ്ടോ;

പ്രസ്തുത ആക്ട് നിലവിൽ വന്നതിനു ശേഷം വിവിധ സർവകലാശാലകളിൽ രജിസ്ട്രാർ, പരീക്ഷ കൺട്രോളർ, ഫിനാൻസ് ഓഫീസർ തുടങ്ങിയ തസ്തികകളിൽ നിയമിതരായ ജീവനക്കാരുടെ പേര്, തസ്തികയിൽ ചുമതലയേറ്റെടുത്ത തീയതി, കാലാവധി പൂർത്തിയാകുന്ന തീയതി, കൈപ്പറ്റിയ പ്രതിമാസ വേതനം, അനുവദിച്ച വാർഷിക ഇൻക്രിമെന്റുകൾ തുടങ്ങിയ വിശദാംശങ്ങൾ ലഭ്യമാക്കാമോ;

പ്രസ്തുത തസ്തികകളിൽ നിയമിതരാകുന്നതിന് മുമ്പ് പ്രസ്തുത ജീവനക്കാർ ജോലി ചെയ്തിരുന്ന തസ്തിക, സ്ഥാപനം, വിരമിക്കേണ്ട തീയതി, മാതൃവകുപ്പിൽ നിന്നും അവസാനം കൈപ്പറ്റിയ പ്രതിമാസ വേതനം എന്നിവ സംബന്ധിച്ച വിവരം ലഭ്യമാക്കാമോ;

2021-ലെ 21-ാം ആക്ട് നിലവിൽ വന്നതിനുശേഷം വിവിധ സർവകലാശാലകളിൽ രജിസ്ട്രാർ, പരീക്ഷ കൺട്രോളർ, ഫിനാൻസ് ഓഫീസർ തുടങ്ങിയ തസ്തികകളിലേക്കുള്ള നിയമനം എപ്രകാരമാണ് നടത്തിയതെന്നും പ്രസ്തുത നിയമനങ്ങളില്‍ സ്ഥിരം നിയമനം, അന്യത്ര സേവനം എന്നിവ ഇനം തിരിച്ച് വിശദമാക്കാമോ;

സർവകലാശാലകളുടെ ആക്ട്, സ്റ്റാറ്റ്യൂട്ട്, ഓർഡിനൻസ് എന്നിവയിലെ വ്യവസ്ഥകൾ പ്രകാരം മേൽ തസ്തികകളിൽ അന്യത്ര സേവന രീതിയിൽ നിയമിക്കപ്പെടുന്നതിനുളള അർഹത, യോഗ്യത എന്നിവ വിശദമാക്കാമോ;

2021-ലെ 21-ാം ആക്ടിലെ വ്യവസ്ഥകൾ പ്രകാരം പരിമിത കാലത്തേക്ക് സർവകലാശാലകളിൽ രജിസ്ട്രാർ, പരീക്ഷ കൺട്രോളർ, ഫിനാൻസ് ഓഫീസർ തുടങ്ങിയ തസ്തികകളിൽ നിയമിക്കപ്പെടുന്ന ജീവനക്കാരുടെ പെൻഷൻ ആനുകൂല്യങ്ങൾ അനുവദിക്കുന്നത് എപ്രകാരമാണെന്നും, ആക്ട് നിലവിൽ വന്നതിനുശേഷം കാലാവധി പൂർത്തിയാക്കിയ/വിരമിച്ച മേൽ തസ്തികകളിലെ ജീവനക്കാരുടെ പെൻഷൻ ആനുകൂല്യങ്ങൾ അനുവദിച്ചത് ബന്ധപ്പെട്ട സർവകലാശാലകളിൽ നിന്നാണോ അതോ അവരുടെ മാതൃവകുപ്പ്/സ്ഥാപനത്തിൽ നിന്നാണോയെന്നും വിശദമാക്കാമോ;

കേവലം പരിമിത കാലത്തേക്ക് നിയമിക്കപ്പെടുന്ന പ്രസ്തുത ജീവനക്കാരുടെ പെൻഷൻ ആനുകൂല്യങ്ങൾ സർവ്വകലാശാലകൾ വഹിക്കേണ്ടിവരുന്നത്, പ്രസ്തുത സർവകലാശാലകൾക്ക് സാമ്പത്തിക ബാധ്യത വരുത്തുന്നതാകയാൽ, അന്യത്ര സേവനത്തിലേതുപോലെ ജോലി ചെയ്ത കാലയളവിലേക്കുളള ശമ്പളവും, മറ്റാനുകൂല്യങ്ങളും മാത്രം സർവ്വകലാശാലകളിൽ നിന്നും അനുവദിക്കുന്നരീതിയിൽ ചട്ടങ്ങളിൽ ഭേദഗതി വരുത്തുമോയെന്ന് വിശദമാക്കാമോ?

University Laws (Amendment) Act 21 of 2019 പ്രകാരം സർവകലാശാലകളിലെ രജിസ്ട്രാർ, പരീക്ഷാ കൺട്രോളർ, ഫിനാൻസ് ഓഫീസർ എന്നീ പദവികള്‍ വഹിക്കുന്ന ഉദ്യോഗസ്ഥരുടെ സേവന കാലയളവ് പരിമിതപ്പെടുത്തിയിട്ടുണ്ടോ; വ്യക്തമാക്കാമോ;

പ്രസ്തുത ആക്ട് നിലവിൽ വന്നതിനു ശേഷം വിവിധ സർവകലാശാലകളിൽ രജിസ്ട്രാർ, പരീക്ഷാ കൺട്രോളർ, ഫിനാൻസ് ഓഫീസർ തുടങ്ങിയ തസ്തികകളിൽ നിയമിതരായ ജീവനക്കാരുടെ പേര്, തസ്തികയിൽ ചുമതലയേറ്റെടുത്ത തീയതി, കാലാവധി പൂർത്തിയാകുന്ന തീയതി, കൈപ്പറ്റിയ പ്രതിമാസ വേതനം, അനുവദിച്ച വാർഷിക ഇൻക്രിമെന്റുകൾ തുടങ്ങിയ വിശദാംശങ്ങൾ ലഭ്യമാക്കാമോ;

പ്രസ്തുത തസ്തികകളിൽ നിയമിതരാകുന്നതിന് മുമ്പ് പ്രസ്തുത ജീവനക്കാർ ജോലി ചെയ്തിരുന്ന തസ്തിക, സ്ഥാപനം, വിരമിക്കേണ്ട തീയതി, മാതൃവകുപ്പിൽ നിന്നും അവസാനം കൈപ്പറ്റിയ പ്രതിമാസ വേതനം എന്നിവ സംബന്ധിച്ച വിവരം ലഭ്യമാക്കാമോ;

2021-ലെ 21-ാം ആക്ട് നിലവിൽ വന്നതിനുശേഷം വിവിധ സർവകലാശാലകളിൽ രജിസ്ട്രാർ, പരീക്ഷാ കൺട്രോളർ, ഫിനാൻസ് ഓഫീസർ തുടങ്ങിയ തസ്തികകളിലേക്കുള്ള നിയമനം എപ്രകാരമാണ് നടത്തിയതെന്നും പ്രസ്തുത നിയമനങ്ങളില്‍ സ്ഥിരം നിയമനം, അന്യത്ര സേവനം എന്നിവ ഇനം തിരിച്ച് വിശദമാക്കാമോ;

സർവകലാശാലകളുടെ ആക്ട്, സ്റ്റാറ്റ്യൂട്ട്, ഓർഡിനൻസ് എന്നിവയിലെ വ്യവസ്ഥകൾ പ്രകാരം മേൽ തസ്തികകളിൽ അന്യത്ര സേവന രീതിയിൽ നിയമിക്കപ്പെടുന്നതിനുളള അർഹത, യോഗ്യത എന്നിവ വിശദമാക്കാമോ;

2021-ലെ 21-ാം ആക്ടിലെ വ്യവസ്ഥകൾ പ്രകാരം പരിമിത കാലത്തേക്ക് സർവകലാശാലകളിൽ രജിസ്ട്രാർ, പരീക്ഷാ കൺട്രോളർ, ഫിനാൻസ് ഓഫീസർ തുടങ്ങിയ തസ്തികകളിൽ നിയമിക്കപ്പെടുന്ന ജീവനക്കാരുടെ പെൻഷൻ ആനുകൂല്യങ്ങൾ അനുവദിക്കുന്നത് എപ്രകാരമാണെന്നും, ആക്ട് നിലവിൽ വന്നതിനുശേഷം കാലാവധി പൂർത്തിയാക്കിയ/വിരമിച്ച മേൽ തസ്തികകളിലെ ജീവനക്കാരുടെ പെൻഷൻ ആനുകൂല്യങ്ങൾ അനുവദിച്ചത് ബന്ധപ്പെട്ട സർവകലാശാലകളിൽ നിന്നാണോ അല്ലെങ്കിൽ അവരുടെ മാതൃവകുപ്പ്/സ്ഥാപനത്തിൽ നിന്നുമായിരുന്നോയെന്നും വ്യക്തമാക്കാമോ; വിശദമാക്കുമോ;

കേവലം പരിമിത കാലത്തേക്ക് നിയമിക്കപ്പെടുന്ന പ്രസ്തുത ജീവനക്കാരുടെ പെൻഷൻ ആനുകൂല്യങ്ങൾ സർവകലാശാലകൾ വഹിക്കേണ്ടിവരുന്നത്, പ്രസ്തുത സർവകലാശാലകൾക്ക് സാമ്പത്തിക ബാധ്യത വരുത്തുന്നതാകയാൽ, അന്യത്ര സേവനത്തിലേതു പോലെ ജോലി ചെയ്ത കാലയളവിലേക്കുളള ശമ്പളവും, മറ്റാനുകൂല്യങ്ങളും മാത്രം സർവകലാശാലകളിൽ നിന്നും അനുവദിക്കുന്നരീതിയിൽ ചട്ടങ്ങളിൽ ഭേദഗതി വരുത്തുമോയെന്ന് അറിയിക്കുമോ;വിശദമാക്കാമോ?

ശ്രീനാരായണ ഓപ്പണ്‍ സര്‍വ്വകലാശാലയില്‍ നിലവില്‍ ഏതെല്ലാം കാേഴ്സുകളാണ് ഉള്ളതെന്ന് വിശദമാക്കുമാേ;

ഇത്തരം കാേഴ്സുകളിലൂടെ എത്ര വിദ്യാര്‍ത്ഥികള്‍ക്കാണ് പ്രയാേജനം ലഭിക്കുന്നതെന്ന് വിശദമാക്കുമാേ;

ശ്രീനാരായണഗുരു ഓപ്പണ്‍ സര്‍വകലാശാലയ്ക്ക് നിലവില്‍ എന്തെല്ലാം സഹായങ്ങളാണ് സര്‍ക്കാര്‍ നല്‍കിയിട്ടുള്ളതെന്ന് വിശദമാക്കുമാേ?

സംസ്ഥാനത്തെ ക്യാമ്പസുകളിൽ വിദ്യാര്‍ത്ഥികളുടെ ലഹരി ഉപയോഗം വർധിച്ചുവരുന്നത് ഉന്നത വിദ്യാഭ്യാസ വകുപ്പിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദമാക്കുമോ;

ഇതിനെതിരെ ക്യാമ്പസുകളിൽ ബോധവത്ക്കരണ പരിപാടികള്‍ നടത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വ്യക്തമാക്കുമോ;

ക്യാമ്പസുകളിൽ വിദ്യാര്‍ത്ഥികളുടെ ലഹരി ഉപയോഗം തടയാൻ ഉന്നത വിദ്യാഭ്യാസ വകുപ്പ് മറ്റു വകുപ്പുകളുമായി ചേർന്ന് നടപടികൾ സ്വീകരിക്കുമോ; വിശദമാക്കുമോ?

സംസ്ഥാനത്തെ സർവകലാശാലകളിൽ കിഫ്ബി മുഖേന നടപ്പിലാക്കിയതും നിലവിൽ നടപ്പിലാക്കിവരുന്നതുമായ മുഴുവൻ പദ്ധതികളുടെയും പേര്, അടങ്കൽ തുക, ചെലവഴിച്ച തുക, പൂർത്തീകരിച്ച/പുർത്തീകരിക്കാനുദ്ദേശിക്കുന്ന തീയതി എന്നിവയുൾപ്പെടെയുളള വിശദാംശങ്ങൾ ലഭ്യമാക്കാമോ;

കിഫ്ബി മുഖേന നടപ്പിലാക്കിയ/നടപ്പിലാക്കിവരുന്ന വിവിധ നിർമ്മാണ പ്രവർത്തനങ്ങൾ ഏറ്റെടുത്ത് നടത്തുന്ന ഏജൻസികളുടെ വിശദാംശങ്ങൾ, പദ്ധതി പ്രവർത്തനങ്ങൾക്ക് സർവകലാശാല ഫണ്ടിൽ നിന്ന് തുക ചെലവഴിക്കേണ്ടി വന്നിട്ടുണ്ടെങ്കിൽ ആയതിന്റെ വിശദാംശങ്ങൾ എന്നിവ പദ്ധതികൾ തിരിച്ച് പ്രത്യേകം ലഭ്യമാക്കാമോ;

കിഫ്ബി മുഖേന നടപ്പിലാക്കിവരുന്ന വിവിധ പദ്ധതികളുടെ ഡി.പി.ആർ, സ്ട്രക്ച്ചറൽ ഡിസൈൻ തയ്യാറാക്കൽ, ജി.ആര്‍. ഐ.എച്ച്.എ. ഡോക്യൂമെന്റേഷൻ സർവീസസ് എന്നിവയ്ക്കും മറ്റ് പ്രവർത്തനങ്ങൾക്കുമായും ചുമതലപ്പെടുത്തിയ ഏജൻസികളുടെ/സ്ഥാപനങ്ങളുടെ വിശദാംശങ്ങളും ഓരോ ഇനങ്ങൾക്കും അവർ ആവശ്യപ്പെട്ട/ടെൻഡറിൽ ക്വാട്ട് ചെയ്ത നിരക്കുകളും മേൽ പ്രവർത്തനങ്ങൾക്ക് നാളിതുവരെ സർവകലാശാലകൾ ചെലവഴിച്ച തുകയുടെ വിശദാംശങ്ങളും പദ്ധതി തിരിച്ച് പ്രത്യേകം ലഭ്യമാക്കാമോ;

കിഫ്ബി മുഖേന നടപ്പിലാക്കിവരുന്ന വിവിധ പദ്ധതികളുടെ കൺസൾട്ടൻസിയായി പ്രവർത്തിച്ച ഏജൻസികളുടെ/സ്ഥാപനങ്ങളുടെ വിശദാംശങ്ങളും പ്രസ്തുത ഏജൻസികൾ/സ്ഥാപനങ്ങൾക്കായി നാളിതുവരെ സർവകലാശാലകൾ ചെലവഴിച്ച തുകയുടെ വിശദാംശങ്ങളും ലഭ്യമാക്കാമോ?

സംസ്ഥാനത്ത് നിലവില്‍ പ്രവർത്തിച്ചുവരുന്ന സ്വകാര്യ/കല്പിത സര്‍വകലാശാലകളുടെ വിശദാംശങ്ങള്‍ ലഭ്യമാക്കാമോ;

സംസ്ഥാനത്തിനു പുറത്തുള്ള ഏതെങ്കിലും സ്വകാര്യ/കല്പിത സര്‍വകലാശാലകളുടെ കേന്ദ്രങ്ങള്‍/ഓഫ് ക്യാമ്പസ് സെന്ററുകള്‍ കേരളത്തില്‍ നിലവില്‍ പ്രവര്‍ത്തിച്ചുവരുന്നതായി ശ്രദ്ധയില്‍പെട്ടിട്ടുണ്ടോ; ഉണ്ടെങ്കില്‍ അവയുടെ വിശദാംശങ്ങളും പ്രസ്തുത ഓഫ് ക്യാമ്പസ് സെന്ററുകള്‍ക്ക് യു.ജി.സി.യും സംസ്ഥാന സര്‍ക്കാരും നല്കിയ അനുമതിയുടെ വിശദാംശങ്ങളും ലഭ്യമാക്കാമോ;

ജെയിന്‍ ഡീംഡ് സര്‍വകലാശാലയുടെ കേന്ദ്രം സംസ്ഥാനത്ത് പ്രവര്‍ത്തിച്ചുവരുന്നുണ്ടോ; ഉണ്ടെങ്കില്‍ പ്രസ്തുത ഓഫ് ക്യാമ്പസ് സെന്ററിന് യു.ജി.സി.യും സംസ്ഥാന സര്‍ക്കാരും നൽകിയ അനുമതിയുടെ വിശദാംശങ്ങള്‍ ലഭ്യമാക്കാമോ;

സംസ്ഥാനത്തെ പൊതു സര്‍വകലാശാലകള്‍ക്ക് സംസ്ഥാനത്തിനകത്തോ പുറത്തോ ഓഫ് ക്യാമ്പസ് സെന്ററുകള്‍ തുടങ്ങുന്നതിന് നിലവില്‍ അനുമതിയുണ്ടോയെന്നു വ്യക്തമാക്കാമോ; പൊതു സര്‍വകലാശാലകളെ സംസ്ഥാനത്തിനു പുറത്തും വിദേശ രാജ്യങ്ങളിലും ഓഫ് ക്യാമ്പസ് സെന്ററുകള്‍ തുടങ്ങുന്നതില്‍ നിന്നും വിലക്കുന്നതിനുളള കാരണം വിശദമാക്കാമോ;

നിര്‍ദ്ദിഷ്ട സ്വകാര്യ സര്‍വകലാശാല ബില്ലിലെ വ്യവസ്ഥകള്‍ പ്രകാരം സംസ്ഥാനത്ത് ആരംഭിക്കുന്ന സ്വകാര്യ സര്‍വകലാശാലകള്‍ക്ക് സംസ്ഥാനത്തിനു പുറത്ത് ഓഫ് ക്യാമ്പസ് സെന്ററുകള്‍ തുടങ്ങുന്നതിന് അനുമതി നൽകുന്നുണ്ടോയെന്നു വിശദമാക്കാമോ;

പൊതു സര്‍വകലാശാലകളെ ഓഫ് ക്യാമ്പസ് സെന്ററുകള്‍ തുടങ്ങുന്നതില്‍ നിന്നും വിലക്കുന്നതു മൂലം ഉന്നത വിദ്യാഭ്യാസ രംഗത്ത് ഏത് രീയിലുളള പുരോഗതിയാണ് ലക്ഷ്യം വെക്കുന്നതെന്നു വിശദമാക്കാമോ?

സംസ്ഥാനത്തെ സ്വാശ്രയ മെഡിക്കൽ കോളേജുകൾ സ്വകാര്യ സർവകലാശാലയുടെ ഭാഗമാകുമ്പോൾ നിലവിൽ എൻട്രൻസ് കമ്മീഷണറുടെ മെറിറ്റ് അലോട്ട്മെന്റ് പ്രകാരം നടക്കുന്ന അഡ്മിഷനുകൾ അതേ അനുപാതത്തിൽ നിലനിർത്തുവാൻ സാധിക്കുമോ; വ്യക്തമാക്കുമോ;

മേൽപ്പറഞ്ഞ രീതിയിൽ സ്ഥാപിക്കുന്ന സർവകലാശാലകളുടെ ഭാഗമായി മാറുന്ന സ്വാശ്രയ കോളേജുകളിൽ ഫീസ് നിയന്ത്രിക്കുന്നതിന് സർക്കാരിന് ഏതെങ്കിലും രീതിയിൽ ഇടപെടൽ നടത്താൻ സാധിക്കുമോ; വിശദാംശം വ്യക്തമാക്കുമോ ;

സ്വകാര്യ സർവകലാശാലകൾക്ക് മൾട്ടി ക്യാമ്പസുകൾ സ്ഥാപിക്കുവാൻ സാധിക്കുമോ; ഇത് യു.ജി.സി. റെഗുലേഷനു അനുസൃതമാണോ; വിശദാംശം ലഭ്യമാക്കുമോ?

2022-23 സാമ്പത്തിക വർഷത്തെ ബജറ്റ് പ്രസംഗത്തിൽ ബഹു.ധനകാര്യവകുപ്പ് മന്ത്രി പറഞ്ഞ പുതിയ പ്രോജക്ട് മോഡിലെ ഹ്രസ്വകാല കോഴ്‌സുകളുടെയും പി.ജി. കോഴ്‌സുകളുടെയും ഫാക്കൽറ്റികൾക്ക് ശമ്പളം നൽകുന്നതിനായി വിവിധ സർവകലാശാലകൾക്ക് 2022-23 സാമ്പത്തിക വർഷം അനുവദിച്ച പ്ലാൻ ഫണ്ട് എത്രയെന്ന് വ്യക്തമാക്കുമോ;

പ്രോജക്ട് മോഡ് കോഴ്സുകളുടെ അധ്യാപക ജീവനക്കാർക്ക് ശമ്പളം നൽകുന്നതിനായി കണ്ണൂർ സർവകലാശാലയ്ക്ക് നാളിതുവരെ അനുവദിച്ച പ്ലാൻ ഫണ്ട് എത്രയെന്ന് വ്യക്തമാക്കുമോ;

കണ്ണൂർ സർവകലാശാലയിലെ പ്രോജക്ട് മോഡ് കോഴ്സുകളുടെ ഫാക്കൽറ്റികൾ അവരുടെ സേവനം മുഴുവൻ നൽകിയിട്ടും അവർക്ക് ശമ്പളം നൽകാത്തതിന്റെയും അവരുടെ സേവന കരാർ പുതുക്കാത്തതിന്റെയും കാരണം അറിയിക്കുമോ; നിലവിൽ 3 മാസത്തിൽ കൂടുതൽ ജീവനക്കാർക്കുളള ശമ്പളം വിതരണം ചെയ്തിട്ടില്ലയെന്നകാര്യം ശ്രദ്ധയിൽപ്പെട്ടിട്ടുണ്ടോ; കണ്ണൂർ സർവകലാശാലയിലെ നിലവിലെ ശമ്പള വിതരണ സ്ഥിതി സംബന്ധിച്ച്‌ വിശദമാക്കാമോ;

കണ്ണൂർ സർവകലാശാലയിൽ പ്രോജക്ട് മോഡ് കോഴ്‌സുകളുടെ രണ്ടാം ബാച്ചിൽ എത്ര വിദ്യാർത്ഥികൾക്ക് പ്രവേശനം ലഭിച്ചു; ഫാക്കൽറ്റി ജീവനക്കാർക്ക് ശമ്പളം നൽകാത്തത് പ്രവേശനം ലഭിച്ച വിദ്യാർത്ഥികളുടെ പഠനത്തെ ബാധിക്കില്ലേ എന്നറിയിക്കുമോ; വിശദമാക്കാമോ;

കണ്ണൂർ സർവകലാശാലയിൽ പ്രോജക്ട് മോഡ് കോഴ്‌സുകൾ നടത്തുന്നതിന് ആവശ്യമായ അടിസ്ഥാന സൗകര്യ വികസനത്തിന് സർക്കാർ മതിയായ ഫണ്ട് അനുവദിച്ചിട്ടുണ്ടോ; വകുപ്പിലെ അടിസ്ഥാന സൗകര്യങ്ങളുടെ അപര്യാപ്തത സംബന്ധിച്ച് വിദ്യാർത്ഥികൾ നിലവിൽ പരാതിപ്പെടുന്ന സാഹചര്യത്തിൽ ആശങ്കകൾ പരിഹരിക്കുന്നതിനും ശരിയായ അടിസ്ഥാന സൗകര്യങ്ങൾ ഉറപ്പാക്കുന്നതിനും എന്തെല്ലാം നടപടികളാണ് സ്വീകരിക്കുന്നതെന്ന് വ്യക്തമാക്കാമോ;

പ്രോജക്ട് മോഡ് കോഴ്‌സുകൾ നടത്തുന്നതിന് ആവശ്യമായ പ്ലാൻ ഫണ്ട് അനുവദിക്കാൻ കഴിയാത്തതിനാൽ പ്രോജക്ട് മോഡ് കോഴ്സുകളിലേക്ക് നിയമിക്കപ്പെടുന്ന അധ്യാപക ജീവനക്കാരുടെ വാർഷിക കരാർ പുതുക്കരുതെന്ന് സർവകലാശാലകൾക്ക് നിർദ്ദേശം നൽകിയിട്ടുണ്ടോ; വ്യക്തമാക്കാമോ;

കണ്ണൂർ സർവകലാശാലയിലെ ഏതൊക്കെ വകുപ്പുകളാണ് പ്രോജക്ട് മോഡ് കോഴ്സുകൾ നടത്തുന്നതെന്നും പ്രസ്തുത കോഴ്സുകളിലേക്ക് എത്ര ഫാക്കൽറ്റികളെ നിയമിച്ചിട്ടുണ്ടെന്നും അറിയിക്കുമോ; കണ്ണൂർ സർവകലാശാലയിലെ പ്രോജക്ട് മോഡ് കോഴ്‌സുകളിലേക്ക് നിയമിക്കപ്പെടുന്ന അധ്യാപകർക്ക് അവരുടെ ശമ്പളത്തിൽ നിന്ന് കിഴിവുകൾ വരുത്തിയതിന് ടിഡിഎസ് സർട്ടിഫിക്കറ്റുകൾ നൽകുന്നുണ്ടോ; 2022-23 സാമ്പത്തിക വർഷത്തെ ബജറ്റ് പ്രസംഗത്തിൽ ബഹു. ധനകാര്യവകുപ്പ് മന്ത്രി പ്രഖ്യാപിച്ച പുതിയ ഹ്രസ്വകാല കോഴ്‌സുകളും പി.ജി.കോഴ്‌സുകളും പ്രോജക്ട് മോഡിൽ നടത്തുന്ന മറ്റ് സർവകലാശാലകളിലെ അധ്യാപക ജീവനക്കാരുടെ ശമ്പളത്തിന്റെയും കരാർ പുതുക്കലിന്റെയും സ്ഥിയെന്തെന്ന് വ്യക്തമാക്കാമോ?

വൻതോതിലുളള മൂലധന നിക്ഷേപം നടത്തി ആരംഭിക്കുന്ന സ്വകാര്യ സർവകലാശാലകളിൽ പഠിപ്പിക്കുന്ന വിഷയങ്ങൾ ന്യൂ ജനറേഷൻ കോഴ്സുകളായിരിക്കുമോ എന്ന് വ്യക്തമാക്കാമോ;

സോഷ്യൽ സയൻസ്, ഫണ്ടമെന്റൽ സയൻസ്, ഹ്യുമാനിറ്റീസ് എന്നീ വിഷയങ്ങളെ കയ്യൊഴിയുന്നതു മൂലം ഉണ്ടാകുന്ന പ്രായോഗികമായ പ്രയാസങ്ങളെ കുറിച്ച് ആലോചിച്ചിട്ടുണ്ടോ; വിശദമാക്കുമോ;

അധ്യാപക നിയമനങ്ങളിൽ കേരള സർക്കാരിന് ഏതു തരത്തിലുളള നിയന്ത്രണങ്ങളാണ് ഈ സർവകലാശാലകളിൽ ഏർപ്പെടുത്താൻ കഴിയുക എന്ന് വ്യക്തമാക്കാമോ;

സ്വകാര്യ സർവ്വകലാശാലകളിലെ വിദ്യാർത്ഥി പ്രവേശനവും അവരുടെ ഫീസ് ഘടനയും നിലവിൽ സംവരണ സമുദായങ്ങളുടെ പ്രവേശനത്തിനുളള മാനദണ്ഡങ്ങളും സംബന്ധിച്ച് സർക്കാരിന്റെ നിലപാട് എന്താണെന്ന് വ്യക്തമാക്കാമോ;

സ്വകാര്യ സർവകലാശാലകളിലെ ചാൻസലർമാരുടെ നിയമനത്തിൽ സർക്കാരിന് എന്തെങ്കിലും നിയന്ത്രണമുണ്ടോയെന്ന് വ്യക്തമാക്കാമോ; ഇല്ലെങ്കിൽ ചാൻസലർ പദവി വഹിക്കുന്ന ആൾക്ക് വിദ്യാഭ്യാസം പ്രഥമമായി ലക്ഷ്യം വയ്ക്കുന്ന സാമൂഹിക മുന്നേറ്റത്തെ സാക്ഷാത്ക്കരിക്കാൻ സാധിക്കാതെ വരികയാണെങ്കിൽ സർക്കാരിന് എന്തു നടപടികളാണ് സ്വീകരിക്കാൻ കഴിയുക എന്ന് വ്യക്തമാക്കാമോ?

സംസ്ഥാനത്തെ വിവിധ സര്‍വകലാശാലകളില്‍ നിന്ന് ഡിസ്റ്റന്‍സ് എഡ്യൂക്കേഷന്‍/ പാരലല്‍ സ്റ്റഡി എന്നിവയിലൂടെ വിവിധ യോഗ്യതകള്‍ കരസ്ഥമാക്കിയവരുടെ സര്‍ട്ടിഫിക്കറ്റുകള്‍ നഷ്ടപ്പെടുകയും രജിസ്റ്റര്‍ നമ്പറുകള്‍ വീണ്ടെടുക്കാനാവാത്ത വിധം നഷ്ടപ്പെടുകയും ചെയ്യുന്ന സ്ഥിതിയിൽ വിദ്യാര്‍ത്ഥികള്‍ നേരിടുന്ന ബുദ്ധിമുട്ട് വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ;

യോഗ്യത നേടിയ വര്‍ഷവും പരീക്ഷാ കേന്ദ്രത്തിന്റെ പേരും മാത്രം അറിയാവുന്ന ഇത്തരം സാഹചര്യങ്ങളിലുള്ളവര്‍ക്ക് രജിസ്റ്റര്‍ നമ്പര്‍ വീണ്ടെടുത്ത് നല്‍കുന്നതിന് എന്തുമാര്‍ഗ്ഗമാണ് സ്വീകരിച്ചു വരുന്നത് എന്നറിയിക്കുമോ ; വ്യക്തമാക്കാമോ;

ഇവര്‍ക്ക് ഡ്യൂപ്ലിക്കേറ്റ് സര്‍ട്ടിഫിക്കറ്റുകള്‍ ലഭിക്കുന്നതിലെ കാലതാമസം ഒഴിവാക്കാന്‍ സര്‍വകലാശാലകള്‍ സ്വീകരിച്ചു വരുന്ന നടപടി എന്തെല്ലാമാണ്; വിശദമാക്കുമോ;?

വിദൂരവിദ്യാഭ്യാസത്തെ ശാക്തീകരിക്കാൻ 2020 ഒക്ടോബർ മാസം സ്ഥാപിതമായ ശ്രീനാരായണഗുരു ഓപ്പൺ സർവകലാശാലയുടെ സുഗമമായ പ്രവർത്തനത്തിനായി സർക്കാർ നടത്തിയ പ്രവർത്തനങ്ങൾ എന്തെല്ലാമെന്ന് അറിയിക്കാമോ;

ശ്രീനാരായണഗുരു ഓപ്പൺ സർവകലാശാല അഡ്മിനിസ്ട്രേറ്റീവ് വിങ്ങിൽ സ്ഥിര തസ്തികകൾ സൃഷ്ടിക്കാൻ സർവകലാശാല സമർപ്പിച്ച പ്രൊപ്പോസലുകളിൽ സർക്കാരിന്റെ തീരുമാനം എന്തെന്ന് അറിയിക്കാമോ;

ശ്രീ നാരായണഗുരു ഓപ്പൺ യൂണിവേഴ്സിറ്റിയിലെ അഡ്മിനിസ്ട്രേറ്റീവ് വിങ്ങിൽ എത്ര സ്ഥിരം തസ്തികകൾ സൃഷ്ടിക്കാൻ ആണ് സർക്കാർ ഉദ്ദേശിക്കുന്നത് എന്നറിയിക്കാമോ; ഇരുപത്തിയെട്ട് പ്രോഗ്രാമുകൾക്ക് (എഫ്.വൈ.യു.ജി.പി - 6, യു.ജി - 10, പി.ജി - 12) യു.ജി.സി. അംഗീകാരം ഉള്ളതും 22000ത്തോളം വിദ്യാർത്ഥികൾ നിലവിൽ പഠിച്ചുകൊണ്ടിരിക്കുന്നതുമായ പ്രസ്തുത യൂണിവേഴ്സിറ്റിയിൽ നാളിതുവരെയും സ്ഥിരം തസ്തിക സൃഷ്ടിക്കാത്തതിന്റെ കാരണം വ്യക്തമാക്കാമോ;

കേരള, എം.ജി., കാലിക്കറ്റ്‌, കണ്ണൂർ സർവകലാശാലകളിലെ ഓപ്പൺ പ്രോഗ്രാമുകൾ ശ്രീനാരായണഗുരു ഓപ്പൺ യൂണിവേഴ്സിറ്റിയിലേക്ക് മാറ്റിയത് വഴി പ്രസ്തുത നാല് യൂണിവേഴ്സിറ്റികൾക്ക് പ്രതിവർഷം തനതു വരുമാനത്തിൽ വരുന്ന നഷ്ടം എത്രയെന്ന് വിശദീകരിക്കാമോ; ഇതുമൂലം പ്രസ്തുത യൂണിവേഴ്സിറ്റികളിൽ നഷ്ടപെട്ട തസ്തികകൾ ശ്രീനാരായണഗുരു ഓപ്പൺ യൂണിവേഴ്സിറ്റിയിൽ സൃഷ്ടിക്കാനുള്ള എന്തെങ്കിലും നടപടിക്രമങ്ങൾ സർക്കാരിന്റെ ഭാഗത്തു നിന്ന് നാളിതുവരെ ഉണ്ടായിട്ടുണ്ടോ; ഉണ്ടെങ്കിൽ വിശദീകരിക്കാമോ?

സംസ്ഥാനത്ത് അറബിക് യൂണിവേഴ്സിറ്റി സ്ഥാപിക്കുന്നത് സംബന്ധിച്ച നിര്‍ദേശം നിലവിലുണ്ടോ; ഉണ്ടെങ്കിൽ ഇത് സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; വിശദ വിവരങ്ങള്‍ ലഭ്യമാക്കാമോ?

സംസ്ഥാനത്ത് സ്വകാര്യ സർവകലാശാലകൾക്ക് ഒന്നിലധികം ക്യാമ്പസുകൾ തുടങ്ങാൻ അനുമതി നൽകിയിട്ടുണ്ടോ; എങ്കിൽ അതിന്റെ കാരണം വിശദമാക്കുമോ;

സ്വകാര്യ സർവകലാശാല സംബന്ധിച്ച 2003-ലെ യു.ജി.സി. റെഗുലേഷന് അനുസൃതമാണോ ഈ നടപടി എന്ന് വ്യക്തമാക്കുമോ?

2016-17 സാമ്പത്തിക വർഷം മുതൽ സർവകലാശാലകളിലെ വിവിധ നിർമ്മാണ പ്രവർത്തനങ്ങൾക്ക് കൺസൾട്ടൻസി ആയി പ്രവർത്തിച്ച ഏജൻസികളുടെ/സ്ഥാപനങ്ങളുടെ വിശദാംശങ്ങളും, പ്രസ്തുതയിനത്തിൽ ഓരോ ഏജൻസികൾക്കും അനുവദിച്ച തുകയുടെ വിശദാംശങ്ങളും പ്രവൃത്തികളുടെ അടിസ്ഥാനത്തിൽ ഇനം തിരിച്ച് ലഭ്യമാക്കാമോ;

പ്രസ്തുത സാമ്പത്തിക വർഷം മുതൽ വിവിധ പദ്ധതികളുടെ ഡി.പി.ആർ. തയ്യാറാക്കൽ, സ്ട്രക്ചറൽ ഡിസൈൻ തയ്യാറാക്കൽ എന്നിവയ്ക്ക് ചുമതലപ്പെടുത്തിയ ഏജൻസികളുടെ/സ്ഥാപനങ്ങളുടെ വിശദാംശങ്ങളും, ഓരോ ഇനങ്ങൾക്കും അവർ ആവശ്യപ്പെട്ട/ടെൻഡറിൽ ക്വോട്ട് ചെയ്ത നിരക്കുകളും, മേൽ പ്രവർത്തനങ്ങൾക്ക് സർവകലാശാലകൾ ചെലവഴിച്ച തുകയുടെ വിശദാംശങ്ങളും പദ്ധതി തിരിച്ച് ലഭ്യമാക്കാമോ;

സർവകലാശാലകളിലെ എഞ്ചിനീയറിംഗ് വിഭാഗത്തിൽ നിലവിലുള്ള ആകെ ജീവനക്കാരുടെ എണ്ണം,സാങ്കേതിക ജീവനക്കാരുടെ തസ്തിക തിരിച്ചുളള വിശദാംശങ്ങൾ, സ്ഥിരം ജീവനക്കാരുടെയും, താത്കാലിക ജീവനക്കാരുടെയും ആകെ എണ്ണം എന്നിവ ലഭ്യമാക്കാമോ; പ്രസ്തുത വിഭാഗം ബൃഹത് പദ്ധതികളുൾപ്പെടെയുളള നിർമ്മാണ പ്രവൃത്തികളുടെ ഡി.പി.ആർ, സ്ട്രക്ചറൽ ഡിസൈൻ മുതലായവ തയ്യാറാക്കുന്നതിന് പ്രാപ്തരാണോ; വിശദമാക്കാമോ;

നിർമ്മാണ പ്രവർത്തികളുടെ ഡി.പി.ആർ, സ്ട്രക്ചറൽ ഡിസൈൻ മുതലായവ തയ്യാറാക്കുന്നതിനും മറ്റും കൺസൾട്ടൻസി ആയി ബാഹ്യ ഏജൻസികളെ ചുമതലപ്പെടുത്തുന്നതിന്റെ കാരണം വിശദമാക്കാമോ;

സർവകലാശാലകളിലെ എഞ്ചിനീയറിംഗ് വിഭാഗത്തിൽ ഉൾപ്പെടുന്ന യൂണിവേഴ്സിറ്റി എഞ്ചിനീയർ, എക്സിക്യൂട്ടീവ് എഞ്ചിനീയർ (സിവിൽ, ഇലക്ട്രിക്കൽ), ഇൻസ്ട്രുമെന്റേഷൻ എഞ്ചിനീയർ എന്നീ തസ്തികകളിൽ മേൽ കാലയളവിൽ ചുമതല വഹിച്ചിരുന്ന ജീവനക്കാരിൽ ആർക്കെങ്കിലും അവശ്യ യോഗ്യത ഇല്ലാത്തതിനാലാണോ സർവകലാശാലയിലെ പല നിർമ്മാണ പ്രവർത്തനങ്ങളുടെയും ഡി.പി.ആർ, സ്ട്രക്ചറൽ ഡിസൈൻ എന്നിവ തയ്യാറാക്കുന്നതിൽ നിന്ന് സർവകലാശാല എഞ്ചിനീയറിംഗ് വിഭാഗത്തെ ഒഴിവാക്കിയത്; വിശദമാക്കാമോ;

സർവകലാശാലകളിലെ നിർമ്മാണ പ്രവർത്തനങ്ങളുടെ ഡി.പി.ആർ തയ്യാറാക്കുന്നതിന് ആവശ്യമായ വൈദഗ്ധ്യം എഞ്ചിനീയറിംഗ് വിഭാഗത്തിന് ഇല്ലെന്ന് ഏതെങ്കിലും സർവകലാശാല എഞ്ചിനീയർ അല്ലെങ്കിൽ എക്സിക്യൂട്ടീവ് എഞ്ചിനീയർ ചുമതല വഹിക്കുന്ന ഉദ്യോഗസ്ഥൻ അറിയിച്ചതിന്റെ അടിസ്ഥാനത്തിൽ സർവകലാശാല സിൻഡിക്കേറ്റ് പ്രസ്തുത പ്രവൃത്തിക്ക് ഊരാളുങ്കൽ ലേബർ കോൺട്രാക്ട് സൊസൈറ്റിയെപോലെയുളള അക്രഡിറ്റഡ് ഏജൻസികളെ ചുമതലപ്പെടുത്തിയതായുള്ള വിഷയം ശ്രദ്ധയിൽപെട്ടിട്ടുണ്ടോ; ഉണ്ടെങ്കിൽ എഞ്ചിനീയറിംഗ് വിഭാഗത്തിൽ നിന്നുളള കമ്മ്യൂണിക്കേഷനുകളുടെ പകർപ്പ് ലഭ്യമാക്കാമോ?

2022, 2023 വർഷങ്ങളിൽ കാലിക്കറ്റ് സർവകലാശാലയിൽ ഇ-ലേണിങ് സ്റ്റുഡിയോ, ഡിജിറ്റൽ ക്ലാസ് റൂം എന്നിവ സ്ഥാപിച്ചത് ഏത് കമ്പനിയാണെന്ന് വ്യക്തമാക്കുമോ;

പ്രസ്തുത ഡിജിറ്റൽ ക്ലാസ് റൂമുകൾ എല്ലാം നിലവിൽ പൂർണതോതിൽ പ്രവർത്തനക്ഷമമാണോയെന്ന് വിശദമാക്കാമോ;

പ്രസ്തുത ഡിജിറ്റൽ ക്ലാസ് റൂമുകൾ സ്ഥാപിക്കാൻ ഉണ്ടാക്കിയ ജെം ബിഡ് ഡോക്യുമെന്റിൽ വാറണ്ടി കാലയളവിൽ പരിപാലനം, റിപ്പയർ എന്നിവയ്ക്ക് കാലതാമസം നേരിട്ടാൽ പിഴ ഈടാക്കാനുള്ള വ്യവസ്ഥ ഉൾപ്പെടുത്തിയിട്ടുണ്ടോയെന്നു വ്യക്തമാക്കാമോ; എങ്കിൽ റിപ്പയർ ചെയ്യാൻ കാലതാമസം നേരിട്ടാൽ ഈടാക്കേണ്ട പിഴ എത്രയാണെന്ന് വിശദമാക്കാമോ;

പ്രസ്തുത ഡിജിറ്റൽ ക്ലാസ് റൂമുകൾ സ്ഥാപിച്ച കമ്പനി റിപ്പയർ/റെക്റ്റിഫിക്കേഷൻ/സർവീസ് എന്നിവയ്ക്ക് കാലതാമസം വരുത്തിയതായി ശ്രദ്ധയിൽപെട്ടിട്ടുണ്ടോ; കാലതാമസം വരുത്തിയെന്ന് സർവകലാശാല ഉദ്യോഗസ്ഥർ റിപ്പോർട്ട് ചെയ്തിട്ടുണ്ടെങ്കിൽ ആയതിന്റെ വിശദാംശങ്ങൾ ലഭ്യമാക്കാമോ;

റിപ്പയറിംഗ്/റെക്ടിഫിക്കേഷൻ/സർവ്വീസിംഗ് എന്നിവയിൽ കാലതാമസം വരുത്തിയതിന് പ്രസ്തുത കമ്പനിയിൽ നിന്നും പിഴ ഈടാക്കിയിട്ടുണ്ടോയെന്നും നാളിതുവരെ എത്ര രൂപ പിഴ ഈടാക്കിയെന്നും വിശദമാക്കാമോ; പിഴ ഈടാക്കിയിട്ടില്ലെങ്കിൽ എന്തുകൊണ്ടാണെന്ന് വ്യക്തമാക്കാമോ;

വാറണ്ടി കാലയളവിൽ പരിപാലനം, റിപ്പയർ എന്നിവയ്ക്ക് കാലതാമസം നേരിട്ടാൽ പിഴ ഈടാക്കാനുള്ള വ്യവസ്ഥ നിലനിൽക്കെ റിപ്പയറിംഗ്/റെക്ടിഫിക്കേഷൻ/സർവ്വീസിംഗ് എന്നിവയിൽ കാലതാമസം വരുത്തിയതിന് പ്രസ്തുത കമ്പനിയിൽ നിന്നും പിഴ ഈടാക്കാതിരുന്നതിന് ഉത്തരവാദികളായ സർവകലാശാല ഉദ്യോഗസ്ഥർ ആരെല്ലാമാണെന്ന് വ്യക്തമാക്കാമോ;

പ്രസ്തുത ഉദ്യോഗസ്ഥർക്കെതിരെ സർവകലാശാല നിയമപരമായ നടപടികൾ എടുത്തിട്ടുണ്ടോയെന്നു വിശദമാക്കാമോ?

തിരുവനന്തപുരത്തെ ടെക്നോളജി ഹബ്ബാക്കി മാറ്റുന്നതിന് വകുപ്പ് എന്തെല്ലാം പദ്ധതികളാണ് തയ്യാറാക്കിയിട്ടുള്ളത്; ആയതിന്റെ പുരോഗതി വിശദമാക്കാമോ?

ഒറ്റപ്പെട്ടു പോകുന്ന വയോജനങ്ങള്‍ക്ക് മരുന്ന്, ‍ഡോക്ടര്‍മാരുടെ സേവനം, മറ്റ് മെഡിക്കല്‍ അസിസ്റ്റന്‍സ്, കൗണ്‍സലിംഗ് തുടങ്ങിയവ ലഭ്യമാക്കുന്നതിന് സംസ്ഥാനത്ത് 'വയോരക്ഷ' എന്ന പേരില്‍ പ്രത്യേക പദ്ധതി ആവിഷ്കരിച്ചിട്ടുണ്ടോ; വിശദാംശം നല്‍കാമോ;

വീടുകളില്‍ വയോജനങ്ങളുടെ പരിചരണം ഹോം നഴ്സുമാരെ ഏല്‍പ്പിക്കുന്നത് വ്യാപകമായി വരുന്ന പശ്ചാത്തലത്തില്‍ ഹോം നഴ്സുമാര്‍ക്ക് പ്രോട്ടോകോള്‍ തയ്യാറാക്കുന്നതിന് പദ്ധതിയുണ്ടോ; ഹോം നഴ്‌സുമാരുടെ സേവനം ലഭ്യമാക്കുന്ന ഏജന്‍സികളെ നിയന്ത്രിക്കുന്നതിന് മാനദണ്ഡം കൊണ്ടുവരുന്നതിന് നടപടി സ്വീകരിക്കുമോ;

സര്‍ക്കാരിന്റെ വിവിധ വയോജനസംരക്ഷണ പദ്ധതികളെക്കുറിച്ച് വയോജനങ്ങള്‍ക്ക് ഡിജിറ്റല്‍ സാക്ഷരത നല്‍കുന്നതിനുള്ള പദ്ധതി പരിഗണനയിലുണ്ടോ; വിശദമാക്കാമോ?

ആലപ്പുഴ ജില്ലയിൽ 2021-2022 സാമ്പത്തികവർഷം മുതൽ ഏതെല്ലാം മാരകരോഗങ്ങൾ പിടിപെട്ടവർക്ക് സാമൂഹ്യ സുരക്ഷാ മിഷൻ മുഖേന എത്ര തുക സഹായമായി ലഭ്യമാക്കിയിട്ടുണ്ടെന്ന് മണ്ഡലം അടിസ്ഥാനത്തിൽ വിശദമാക്കുമോ?

സംസ്ഥാനത്ത് ഭിന്നശേഷിക്കാരായ വ്യക്തികളുടെ ക്ഷേമത്തിനായി വികലാംഗ ക്ഷേമ കോര്‍പ്പറേഷന്‍ മുഖേന സംസ്ഥാന സര്‍ക്കാര്‍ നടപ്പിലാക്കി വരുന്ന പദ്ധതികള്‍ ഏതെല്ലാമാണെന്ന് വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം ഓരോ പദ്ധതിയും മുഖേന എത്ര ഗുണഭോക്താക്കള്‍ക്ക് സഹായം നല്‍കി വരുന്നുണ്ട്; വിശദമാക്കാമോ?

ക്യാന്‍സര്‍ സുരക്ഷ പദ്ധതിയ്ക്കായി 2015-16 മുതല്‍ 2024-25 വരെ വകയിരുത്തിയ തുകയുടെയും ചെലവഴിച്ച തുകയുടെയും വിശദാംശം ലഭ്യമാക്കുമോ;

പ്രസ്തുത പദ്ധതി പ്രകാരം വിവിധ ആശുപത്രികൾക്ക് നിലവിൽ അനുവദിക്കാനുള്ള കുടിശിക സംബന്ധിച്ച വിവരം ലഭ്യമാക്കാമോ?

2021 ജൂണ്‍ മുതല്‍ ഇതുവരെ കുറ്റ്യാടി മണ്ഡലത്തിലെ എട്ട് ഗ്രാപഞ്ചായത്തുകളിലായി 'വീ കെയര്‍' പദ്ധതി പ്രകാരം എത്ര പേര്‍ക്ക് ധനസഹായം അനുവദിച്ചിട്ടുണ്ടെന്ന് അനുവദിച്ച തുക സഹിതം വിശദമാക്കാമോ?

മാതാപിതാക്കളിൽ ആരെങ്കിലുമോ അല്ലെങ്കിൽ ഇരുവരുമോ മരണപ്പെട്ട് സാമ്പത്തികമായി പിന്നാക്കം നിൽക്കുന്ന കുട്ടികൾക്കുള്ള വിദ്യാഭ്യാസ ധനസഹായ പദ്ധതിയായ 'സ്നേഹപൂർവ്വം' പദ്ധതിയുടെ 2024-25 ലെ പദ്ധതിവിഹിതത്തിൽ വെട്ടിക്കുറവ് വരുത്തിയിട്ടുണ്ടോ; എങ്കിൽ അതിനുള്ള കാരണം വിശദമാക്കുമോ;

പ്രസ്തുത പദ്ധതിയുടെ അടങ്കൽ തുക വെട്ടിക്കുറച്ച നടപടി പിൻവലിച്ചുകൊണ്ട് അർഹതപ്പെട്ട എല്ലാവർക്കും കുടിശിക കൂടാതെ ധനസഹായം വിതരണം ചെയ്യാൻ അടിയന്തര നടപടി സ്വീകരിക്കുമോ; വിശദമാക്കുമോ?

2015-ലെ ഭിന്നശേഷിക്കാരുടെ സെന്‍സസ് പ്രകാരം അരുവിക്കര മണ്ഡലത്തിലെ ഓട്ടിസം ബാധിതരുടെ എണ്ണം പഞ്ചായത്ത് അടിസ്ഥാനത്തില്‍ അറിയിക്കുമോ?

ഗുരുതരമായ രോഗം ബാധിച്ചവർക്ക് ധനസഹായം നൽകിവരുന്ന സമാശ്വാസം പദ്ധതിയുടെ 2024-25-ലെ പദ്ധതി വിഹിതത്തിൽ വെട്ടിക്കുറവ് വരുത്തിയിട്ടുണ്ടോ;

എങ്കിൽ പദ്ധതി വിഹിതത്തിൽ വെട്ടിക്കുറവ് വരുത്താനുള്ള കാരണം വിശദമാക്കാമോ;

പ്രസ്തുത പദ്ധതിയുടെ പദ്ധതി അടങ്കൽ വെട്ടിക്കുറച്ച നടപടി പിൻവലിച്ചുകൊണ്ട് അർഹതപ്പെട്ട എല്ലാവർക്കും കുടിശിക കൂടാതെ ധനസഹായം വിതരണം ചെയ്യാൻ അടിയന്തര നടപടി സ്വീകരിക്കുമോ; വിശദമാക്കുമോ?

ലൈബ്രറി സെസ് ഇനത്തില്‍ കുടിശിക നൽകാനുള്ള തദ്ദേശ സ്വയംഭരണ സ്ഥാപനങ്ങളുടെ വിവരം ലഭ്യമാക്കുമോ; പ്രസ്തുത കുടിശിക ഈടാക്കുവാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ?