സംസ്ഥാനത്തെ എല്ലാ വിനോദസഞ്ചാര കേന്ദ്രങ്ങളിലും ഗ്രീൻ ​പ്രോട്ടോ​ക്കോൾ ഏർപ്പെടുത്തിയിട്ടുണ്ടോ; വിനോദസഞ്ചാര കേന്ദ്രങ്ങളിലെ പ്ലാസ്റ്റിക് മാലിന്യം ഒഴിവാക്കുന്നതിന് ഗ്രീൻ ​പ്രോട്ടോ​ക്കോൾ ഏർപ്പെടുത്തുന്നത് അത്യന്താപേക്ഷിത​മാണെന്ന കാര്യം ഗൗരവമായി കാണുന്നുണ്ടോ; വിശദമാക്കുമോ;

ഗ്രീൻ ​പ്രോട്ടോ​ക്കോൾ ഏർപ്പെടുത്തിയിട്ടില്ലാത്ത വിനോദസഞ്ചാര കേന്ദ്രങ്ങളിൽ ആയത് അടിയന്തരമായി നടപ്പിലാക്കുമോയെന്ന് അറിയിക്കുമോ;

വിനോദസഞ്ചാര മേഖലകളിലെ മാലിന്യനിക്ഷേപവും പ്ലാസ്റ്റിക്കി​ന്റെ ഉപയോഗവും തടയുന്നതിന് സ്ഥിരം നിരീക്ഷണ സംവിധാനങ്ങൾ ഏർപ്പെടുത്തുമോ; വ്യക്തമാക്കുമോ?

ടൂറിസം ഇന്‍വെസ്റ്റേഴ്സ് മീറ്റിന്റെ ഭാഗമായി എത്ര പദ്ധതികള്‍ ആരംഭിച്ചിട്ടുണ്ടെന്ന് വ്യക്തമാക്കാമോ;

ടൂറിസം ഇന്‍വെസ്റ്റേഴ്സ് മീറ്റിലെ പദ്ധതികള്‍ പ്രാവര്‍ത്തികമാക്കാന്‍ സ്വീകരിച്ച നടപടികള്‍ വിശദമാക്കാമോ;

പദ്ധതികള്‍ തടസ്സമില്ലാതെ ആരംഭിക്കാന്‍ ഏകജാലക സംവിധാനം ഏര്‍പ്പെടുത്തിയിട്ടുണ്ടോയെന്ന് അറിയിക്കുമോ;

ട്രാവല്‍, ഹോസ്പിറ്റാലിറ്റി മേഖലകൾ നവീകരിക്കുന്നതിനുതകുന്ന പദ്ധതികള്‍ക്ക് നിക്ഷേപം സമാഹരിക്കാന്‍ എത്രമാത്രം സാധ്യമായിട്ടുണ്ടെന്ന് വിലയിരുത്തിയിട്ടുണ്ടോ; വിശദമാക്കുമോ?

ലഹരിയുടെ ദൂഷ്യവശങ്ങളെയും അവ സമൂഹത്തിൽ ഉണ്ടാക്കുന്ന ഗുരുതര പ്രത്യാഘാതങ്ങളെയും കുറിച്ച് വിദ്യാർത്ഥികൾക്കിടയിൽ അവബോധം സൃഷ്ടിക്കാൻ വകുപ്പ് സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

ലഹരിയുടെ ദൂഷ്യവശങ്ങളും അവ സമൂഹത്തിൽ ഉണ്ടാക്കുന്ന ഗുരുതര പ്രത്യാഘാതങ്ങളും പാഠ്യ പദ്ധതിയുടെ ഭാഗമായി ഉൾപ്പെടുത്തിയിട്ടുണ്ടോ;

ഇല്ലെങ്കിൽ അവ ഉൾപ്പെടുത്താൻ അടിയന്തര നടപടികൾ സ്വീകരിക്കുമോയെന്ന് വ്യക്തമാക്കാമോ?

ദേശീയ പാത 66-ന്റെ പ്രവൃത്തി പുരോഗതി ഇപ്പോള്‍ ഏത് ഘട്ടത്തിലാണ്; മിഷന്‍ 2025 എന്ന പദ്ധതി ആവിഷ്കരിച്ചതിന് ശേഷം പ്രസ്തുത പ്രവൃത്തിയില്‍ പുരോഗതി ഉണ്ടായിട്ടുണ്ടോ; പൂര്‍ത്തിയായ റീച്ചുകളുടെ വിശദവിവരങ്ങള്‍ ജില്ലാടിസ്ഥാനത്തില്‍ അറിയിക്കാമോ;

ദേശീയ പാത 66-ന്റെ പ്രവൃത്തിയില്‍ ഉള്‍പ്പെട്ടിട്ടുള്ള റെയില്‍വേ ഓവര്‍ ബ്രിഡ്ജുകളുടെയും ഫ്ലെെ ഓവറുകളുടെയും അണ്ടര്‍ പാസ്സുകളുടെയും പ്രവൃത്തി പുരോഗതി വിശദമാക്കാമോ;

നിർമ്മാണപ്രവൃത്തിയിലെ അപാകതകള്‍ മൂലം മഴക്കാലത്ത് റോഡുകളില്‍ ഉണ്ടായ പ്രശ്നങ്ങള്‍ പ്രത്യേകമായി പഠിച്ച് അവ ഭാവിയില്‍ ആവര്‍ത്തിക്കാത്തവിധം പരിഹരിക്കുന്നതിന് സംവിധാനങ്ങള്‍ ഉണ്ടാക്കിയിട്ടുണ്ടോ?

സംസ്ഥാനത്തെ വിവിധ താലൂക്ക് ഓഫീസുകളിലായി രണ്ടുലക്ഷത്തോളം പരാതികൾ തീർപ്പാക്കാതെ കെട്ടിക്കിടക്കുന്നതായി പറയപ്പെടുന്ന വിഷയം പരിശോധിച്ചിട്ടുണ്ടോ; വ്യക്തമാക്കുമോ;

സർവേ സംബന്ധമായ പരാതികൾ പരിഹരിക്കുന്നതിനായി സ്വീകരിക്കാൻ ഉദ്ദേശിക്കുന്ന നടപടികൾ എന്തെല്ലാമെന്ന് വിശദമാക്കുമോ;

താലൂക്ക്, സർവേ ഓഫീസുകളിൽ കെട്ടിക്കിടക്കുന്ന പരാതികൾ പരിഹരിക്കുന്നതിനായി മാർഗ്ഗനിർദ്ദേശം പുറപ്പെടുവിക്കാനുദ്ദേശിക്കുന്നുണ്ടോ; വിശദാംശം ലഭ്യമാക്കുമോ?

പൊതുവിദ്യാലയങ്ങളിൽ മുൻവർഷത്തേക്കാൾ 1.17 ലക്ഷം കുട്ടികളുടെ കുറവ് ഉണ്ടായതായി കണ്ടെത്തിയിട്ടുണ്ടോ; ഇതിന്റെ കാരണങ്ങൾ എന്തെല്ലാമാണെന്ന് പരിശോധിച്ചിട്ടുണ്ടോ; വിശദമാക്കുമോ;

കുട്ടികൾ കുറയുന്നതുമൂലം അധ്യാപക തസ്തികകളിൽ കുറവ് ഉണ്ടാകാൻ സാധ്യതയുണ്ടോ; അറിയിക്കുമോ;

പൊതുവിദ്യാലയങ്ങളുടെ പ്രവർത്തനം മെച്ചപ്പെടുത്താൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

വിനോദസഞ്ചാര വകുപ്പ് കേന്ദ്ര സര്‍ക്കാര്‍ സഹായത്തോടെ നടപ്പാക്കിയ പദ്ധതികളില്‍ ക്രമക്കേടുകള്‍ നടന്നിട്ടുള്ളതായി കേന്ദ്ര വിനോദസഞ്ചാര വകുപ്പിന്റെ പരിശോധനാ വിഭാഗം കണ്ടെത്തിയിട്ടുണ്ടോ; എങ്കിൽ ഏതെല്ലാം പദ്ധതികളിലാണ് ക്രമക്കേടുകള്‍ നടന്നതായി കണ്ടെത്തിയിട്ടുള്ളതെന്ന് അറിയിക്കുമോ;

സാമ്പത്തിക ക്രമക്കേടുകള്‍ക്ക് പുറമെ നിര്‍മ്മാണ പ്രവര്‍ത്തനങ്ങള്‍, പദ്ധതിച്ചെലവ്, പദ്ധതി നടപ്പാക്കാനെടുത്ത സമയം എന്നിവയിലും ക്രമക്കേട് നടന്നതായി കണ്ടെത്തിയിട്ടുണ്ടോ; വ്യക്തമാക്കുമോ;

പൊതുമേഖലയില്‍ വിനോദസഞ്ചാര രംഗത്തു വേണ്ടത്ര പുരോഗതി ഉണ്ടാകുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് എന്തു നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ;

വിനോദസ‍ഞ്ചാര മേഖലയില്‍ നിർമ്മിച്ചിട്ടുള്ള കണ്ണാടി പാലങ്ങൾ സുരക്ഷിതമാണെന്ന് ശാസ്ത്രീയമായി തെളിയിച്ചിട്ടുണ്ടോ; വിശദമാക്കാമോ;

വിനോദസഞ്ചാര വകുപ്പ് നടപ്പിലാക്കിയ ഫ്ലോട്ടിംഗ് ബ്രിഡ്ജുകള്‍ വിജയകരമായിരുന്നോ; അവ ശാസ്ത്രീയമാണോ; അവയുടെ സുരക്ഷിതത്വം എത്രമാത്രം ഉറപ്പുവരുത്തുവാന്‍ സാധിച്ചിട്ടുണ്ടെന്ന് അറിയിക്കാമോ?

അസംഘടിത മേഖലയിലെ തൊഴിലാളികളുടെ സേവന ആനുകൂല്യങ്ങള്‍ എന്തൊക്കെയാണെന്ന് വ്യക്തമാക്കാമോ;

അസംഘടിത മേഖലയിലെ തൊഴിലാളികള്‍ക്ക് ഗൃഹനിര്‍മ്മാണത്തിന് സഹായം നല്‍കിവരുന്നുണ്ടോ; എങ്കില്‍ വിശദമാക്കുമോ;

സ്ത്രീ തൊഴിലാളികള്‍ക്ക് പ്രസവാനുകൂല്യങ്ങള്‍ ലഭ്യമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്നും ഇതിനായി പ്രത്യേക പദ്ധതി രൂപീകരിച്ചിട്ടുണ്ടോയെന്നും അറിയിക്കുമോ;

തൊഴിലാളികളുടെ കുട്ടികള്‍ക്കുളള വിദ്യാഭ്യാസാനുകൂല്യങ്ങള്‍ വിതരണം ചെയ്യുന്നതിലെ പുരോഗതി വിശദമാക്കാമോ?

ടൂറിസം മേഖലയിൽ സ്ത്രീ പങ്കാളിത്തം ഉറപ്പുവരുത്തുന്നതിനായി രൂപപ്പെടുത്തിയ പദ്ധതികളുടെ പുരോഗതി വിലയിരുത്തിയിട്ടുണ്ടോ; വ്യക്തമാക്കാമോ;

സ്ത്രീകളുടെ ഉടമസ്ഥതയിലുള്ളതോ സ്ത്രീകൾ നയിക്കുന്നതോ ആയ യൂണിറ്റുകൾ ഉത്തരവാദിത്വ ടൂറിസം മിഷൻ സൊസൈറ്റിയിൽ രജിസ്റ്റർ ചെയ്തത് സംബന്ധിച്ച വിശദാംശം ലഭ്യമാണോ;

സ്ത്രീകളുടെ ഉടമസ്ഥതയിലുള്ള സ്റ്റാർട്ടപ്പുകൾക്ക് നൽകിവരുന്ന സഹായവും പ്രസ്തുത രംഗത്തെ പുരോഗതിയും വെളിപ്പെടുത്തുമോ;

സ്ത്രീകളുടെ ചെറുസംഘങ്ങളായുള്ള യാത്രകളെ പ്രോത്സാഹിപ്പിക്കാൻ സ്വീകരിച്ചിട്ടുള്ള നടപടികൾ വിശദമാക്കാമോ?

ഡെസ്റ്റിനേഷന്‍ ചലഞ്ച് പദ്ധതിയുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

പ്രസ്തുത പദ്ധതി പ്രകാരം എത്ര കേന്ദ്രങ്ങള്‍ വിനോദസഞ്ചാര കേന്ദ്രങ്ങളായി വികസിപ്പിക്കപ്പെട്ടിട്ടുണ്ടെന്ന് വ്യക്തമാക്കാമോ;

പ്രസ്തുത പദ്ധതി പ്രകാരം പുതിയ കേന്ദ്രങ്ങള്‍ തിരഞ്ഞെടുക്കുന്നതിനും വികസിപ്പിക്കുന്നതിനുമായി ആസൂത്രണം ചെയ്ത തുടര്‍പ്രവര്‍ത്തനങ്ങള്‍ വിവരിക്കാമോ;

നിലവില്‍ പൂര്‍ത്തീകരിച്ചിട്ടുള്ള പദ്ധതികളില്‍ സ്വകാര്യ പങ്കാളിത്തം വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ?

വയനാട് ദുരന്തബാധിതർക്ക് സഹായം ലഭ്യമാക്കുന്നതിനായി അന്തിമ ലിസ്റ്റ് പ്രസിദ്ധീകരിച്ചിട്ടുണ്ടോ; വിശദമാക്കുമോ;

വയനാട് ദുരന്തബാധിതർക്ക് ദിവസംതോറും നൽകിക്കൊണ്ടിരുന്ന 300 രൂപ 2024 ഒക്ടോബർ മുതൽ നിർത്തലാക്കിയിട്ടുണ്ടോ; എങ്കിൽ ആയതിന്റെ കാരണവും ഇത് പുനഃസ്ഥാപിക്കാൻ നടപടി സ്വീകരിക്കുമോയെന്നും വ്യക്തമാക്കുമോ?

തൊഴില്‍ വകുപ്പിന് കീഴിലുളള ക്ഷേമനിധി ബോര്‍ഡുകളുടെ പ്രവര്‍ത്തനം കൂടുതല്‍ കാര്യക്ഷമമാക്കേണ്ടതിന്റെ ആവശ്യകത വിലയിരുത്തിയിട്ടുണ്ടോ; എങ്കില്‍ അതിനായി ആവിഷ്കരിക്കാനുദ്ദേശിക്കുന്ന പദ്ധതികള്‍ എന്തെല്ലാമാണെന്ന് വ്യക്തമാക്കുമോ;

ക്ഷേമനിധി ബോര്‍ഡുകളുടെ സംയോജനം നിലവില്‍ ഏത് ഘട്ടത്തിലാണെന്ന് വെളിപ്പെടുത്തുമോ;

തൊഴിലാളികള്‍ക്ക് അംഗത്വവും ആനുകൂല്യങ്ങളും നല്‍കുന്നതിനായി ഏകീകൃത സോഫ്റ്റ്‍വെയര്‍ പ്രാവര്‍ത്തികമാക്കിയിട്ടുണ്ടോ; എങ്കില്‍ പ്രസ്തുത സോഫ്റ്റ്‍വെയര്‍ പ്രയോജനപ്രദമാണോ;

നിലവിലെ അംഗത്വ രജിസ്ട്രേഷന്‍ നടപടികളുടെയും ആനുകൂല്യ വിതരണങ്ങളുടെയും പുരോഗതി അറിയിക്കാമോ?

വനങ്ങളും മലകളും ജലാശയങ്ങളും അടങ്ങിയ സംസ്ഥാനത്തിന്റെ ഭൂപ്രകൃതി സാഹസിക വിനോദസഞ്ചാരത്തിന് അനുയോജ്യമാണെന്ന് കരുതുന്നുണ്ടോ;

പാരാഗ്ലൈഡിംഗ്, ​കനോയിംഗ് തുടങ്ങിയ സാഹസിക വിനോദങ്ങൾക്കായുള്ള സൗകര്യങ്ങൾ വികസിപ്പിക്കുന്ന വിഷയം ആലോചനയിലുണ്ടോ; വ്യക്തമാക്കുമോ;

മലബാർ മേഖലയിൽ ഇത്തരം സൗകര്യമേർപ്പെടുത്താൻ നടപടി സ്വീകരിക്കുമോ; എങ്കിൽ വിശദാംശം നൽകുമോ?

പൊതുമരാമത്ത് വകുപ്പ് പാലം വിഭാഗത്തിന്റെ പരിപാലനത്തില്‍ നിലവിലുള്ള പാലങ്ങളുടെ വിശദാംശം നല്‍കാമോ;

2023-24 സാമ്പത്തിക വർഷത്തില്‍ പൂര്‍ത്തിയാക്കിയ പാലങ്ങളുടെ വിശദവിവരവും ചെലവഴിച്ച തുകയുടെ വിശദാംശവും അറിയിക്കാമോ;

പാലങ്ങളുടെ നിര്‍മ്മാണത്തില്‍ ആധുനിക സാങ്കേതികവിദ്യ ഉപയോഗപ്പെടുത്തുന്നതിനും മനോഹാരിത വര്‍ദ്ധിപ്പിക്കുന്നതിനും സ്വീകരിച്ചുവരുന്ന നടപടികള്‍ വിശദമാക്കാമോ;

പാലങ്ങളുടെ സംരക്ഷണത്തിലും പരിപാലനത്തിലും ആധുനികമായ എന്തെല്ലാം സംവിധാനങ്ങളാണ് വികസിപ്പിച്ചിട്ടുള്ളതെന്ന് വ്യക്തമാക്കാമോ?

ലെവല്‍ ക്രോസ് ഇല്ലാത്ത കേരളം പദ്ധതിയില്‍ ഉള്‍പ്പെടുത്തി നിര്‍മ്മാണം പൂര്‍ത്തിയാക്കിയ റെയില്‍വേ മേല്‍പ്പാലങ്ങളുടെ വിശദാംശം നല്‍കാമോ;

നിലവില്‍ നിര്‍മ്മാണം പുരോഗമിക്കുന്ന റെയില്‍വേ മേല്‍പ്പാലങ്ങള്‍ ഏതൊക്കെയെന്ന് വ്യക്തമാക്കാമോ; പ്രസ്തുത പ്രവൃത്തികളുടെ നിർമ്മാണപുരോഗതി അറിയിക്കാമോ;

റെയില്‍വേ മേല്‍പ്പാലങ്ങളുടെ നിര്‍മ്മാണത്തിനായി എത്ര കോടി രൂപയാണ് അനുവദിച്ചിട്ടുള്ളതെന്നും ഏതൊക്കെ ആർ.ഒ.ബി. കള്‍ക്കാണ് നിലവില്‍ ഭരണാനുമതി ലഭിച്ചിട്ടുള്ളതെന്നും അറിയിക്കാമോ;

റെയില്‍വേ മേല്‍പ്പാലങ്ങളുടെ നിര്‍മ്മാണത്തില്‍ നവീന സാങ്കേതിക സാധ്യതകള്‍ ഉപയോഗപ്പെടുത്തുന്നുണ്ടോ; വിശദമാക്കാമോ?

കേരള ഇന്‍ഫ്രാസ്ട്രക്ചര്‍ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്) സംസ്ഥാനത്തിന്റെ ഡിജിറ്റല്‍ വിദ്യാഭ്യാസ മേഖലയില്‍ നല്‍കിവരുന്ന സേവനങ്ങള്‍ വിശദമാക്കാമോ;

ഭൗതിക സാഹചര്യ വികസനത്തില്‍ കൈറ്റിന്റെ പങ്ക് വിശദമാക്കുമോ;

ഡിജിറ്റല്‍ ക്ലാസുകളുടെ മേഖലയില്‍ കൈറ്റ് നല്‍കിവരുന്ന സേവനങ്ങള്‍ വിവരിക്കാമോ;

ആനിമേഷന്‍, റോബോട്ടിക്സ്, എ.ഐ. തുടങ്ങിയ മേഖലകളില്‍ അദ്ധ്യാപകര്‍ക്കും വിദ്യാര്‍ത്ഥികള്‍ക്കും പരിശീലനം നല്‍കുന്നതിന് കൈറ്റിന്റെ സേവനങ്ങള്‍ ഉപയോഗപ്പെടുത്തുന്നുണ്ടോ;

സ്കൂള്‍ വിദ്യാഭ്യാസത്തിനായുള്ള സംസ്ഥാനത്തിന്റെ സ്വന്തം എ.ഐ. എഞ്ചിന്‍ വികസിപ്പിക്കുന്നതിനുള്ള ശ്രമങ്ങളുടെ പുരോഗതി വിശദമാക്കാമോ?

സംസ്ഥാനത്ത് നദികളിലെ പ്രളയജല നിര്‍ഗ്ഗമനം സുഗമമാക്കുന്നതിന്റെ ഭാഗമായി നദികളിൽ സാൻഡ് ഓഡിറ്റിംഗ് നടത്തിയിട്ടുണ്ടാേ; എങ്കില്‍ ഇതിലൂടെ എന്താെക്കെയാണ് ലക്ഷ്യമിടുന്നത്; വിശദാംശം നല്‍കുമാേ;

പ്രളയ ജലനിരപ്പിനെപ്പറ്റിയുള്ള ശാസ്ത്രീയ പഠനത്തിന്റെ ഭാഗമായി നദികളില്‍ ഫ്ലഡ് ലെവല്‍ മാര്‍ക്കിംഗ് നടത്തിയിട്ടുണ്ടാേ; വിശദാംശം നല്‍കുമാേ;

നദികളിലും അനുബന്ധ ജലാശയങ്ങളിലും അടിഞ്ഞുകൂടി കിടക്കുന്ന മണല്‍ പരിസ്ഥിതി പ്രശ്നങ്ങള്‍ ഉണ്ടാകാത്തവിധം വാരിമാറ്റി നീരാെഴുക്ക് സുഗമമാക്കുന്നതിനായി പദ്ധതി ആവിഷ്കരിച്ച് നടപ്പാക്കുമാേയെന്ന് വ്യക്തമാക്കുമോ?

വിവിധ തൊഴിലാളി ക്ഷേമനിധി ബോർഡുകൾവഴി വിതരണം ചെയ്യേണ്ട ആനുകൂല്യങ്ങൾ യഥാസമയം വിതരണം ചെയ്യാൻ കഴിയുന്നില്ലെന്നത് പരിശോധിച്ചിട്ടുണ്ടോ; എങ്കിൽ വിശദാംശം നൽകുമോ;

പെൻഷൻ ഉൾപ്പെടെയുളള വിവിധ ആനുകൂല്യങ്ങളുടെ കുടിശിക എന്നത്തേക്ക് വിതരണം ചെയ്യാൻ കഴിയുമെന്ന് വ്യക്തമാക്കുമോ?

സംസ്ഥാനത്ത് യുവാക്കൾക്കിടയിലെ തൊഴിലില്ലായ്മ ദേശീയ ശരാശരിയേക്കാൾ ഉയർന്നുനിൽക്കുന്ന കാര്യം ഗൗരവത്തോടെ കാണുന്നുണ്ടോ;

നൂതന സാങ്കേതികവിദ്യകൾ വഴിയുള്ള തൊഴില്‍ സാധ്യതകള്‍ പ്രയോജനപ്പെടുത്തുന്നതിനായി തൊഴിലന്വേഷകരെയും വിദ്യാര്‍ത്ഥികളെയും സജ്ജരാക്കുന്നതിനായി നടത്തിവരുന്ന വിവിധ നെെപുണ്യ വികസന പരിശീലന പരിപാടികള്‍ ഏതൊക്കെയെന്ന് അറിയിക്കുമോ;

യുവാക്കൾക്കിടയിലെ തൊഴിലില്ലായ്മ പരിഹരിക്കാൻ സ്വീകരിച്ച നടപടികൾ വിശദമാക്കുമോ?

സംസ്ഥാനത്ത് സാറ്റലൈറ്റ് സർവേ പൂർത്തീകരിക്കാൻ സ്വീകരിച്ചുവരുന്ന നടപടികൾ എന്തെല്ലാമാണെന്ന് വ്യക്തമാക്കുമോ;

സാറ്റലൈറ്റ് സർവേയിലെ പരാതികൾ പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നത്; വിശദാംശം ലഭ്യമാക്കുമോ?

പാലക്കാട് എലപ്പുള്ളിയിൽ മദ്യനിർമ്മാണ യൂണിറ്റ് ആരംഭിക്കാൻ ഒയാസിസ് കമ്പനിക്ക് 24.59 ഏക്കർ ഭൂമി രജിസ്റ്റർ ചെയ്ത് നൽകിയിട്ടുണ്ടോ; എങ്കിൽ എന്നാണ് രജിസ്റ്റർ ചെയ്തതെന്ന് വ്യക്തമാക്കാമോ;

കമ്പനികൾക്ക് നിയമാനുസരണം കൈവശം വയ്ക്കാവുന്ന ഭൂമിയുടെ പരിധി 15 ഏക്കർ ആണെന്നിരിക്കെ ഒയാസിസ് കമ്പനിക്ക് 24.59 ഏക്കർ ഭൂമി രജിസ്റ്റർ ചെയ്ത് നല്‍കിയത് നിയമാനുസൃതമാണോയെന്ന് വ്യക്തമാക്കാമോ;

എങ്കിൽ പ്രസ്തുത രജിസ്ട്രേഷൻ സാധൂകരിച്ചു നൽകിയത് ഏതു നിയമത്തിന്റെ അടിസ്ഥാനത്തിലാണ് എന്ന് വ്യക്തമാക്കുമോ?

ആഗോള നിക്ഷേപക ഉച്ചകോടിയിൽ സംസ്ഥാനത്തിന്റെ റോഡ് വികസനത്തിന് നിർണ്ണായകമായ പദ്ധതികൾ കേന്ദ്ര ഉപരിതല ഗതാഗതവകുപ്പ് മന്ത്രി പ്രഖ്യാപിച്ചിട്ടുണ്ടോ; വിശദമാക്കുമോ;

വ്യവസായവികസനം, വിനോദസഞ്ചാരം തുടങ്ങിയ മേഖലകളിലെ വളർച്ചയ്ക്ക് ഇപ്പോൾ പ്രഖ്യാപിച്ച റോഡ് വികസന പദ്ധതികൾ സഹായകമാകുമെന്ന് വിലയിരുത്തിയിട്ടുണ്ടോ; വ്യക്തമാക്കുമോ;

വിഴിഞ്ഞം പദ്ധതിയുമായി ബന്ധപ്പെട്ട ഏതെല്ലാം റോഡ് വികസന പദ്ധതികളാണ് നിക്ഷേപക ഉച്ചകോടിയുടെ ഭാഗമായി പരിഗണിക്കപ്പെട്ടിട്ടുള്ളത്; വിശദമാക്കുമോ;

സംസ്ഥാനത്തെ വ്യവസായവൽക്കരണത്തിന് ഉതകുന്ന തരത്തിൽ ഇതര സംസ്ഥാനങ്ങളുമായുള്ള റോഡ് കണക്ടിവിറ്റി സാധ്യമാക്കുന്നതിന് ഇപ്പോൾ പ്രഖ്യാപിക്കപ്പെട്ടിട്ടുള്ള റോഡ് വികസന പദ്ധതികൾ എത്രത്തോളം സഹായകമാണെന്ന് വ്യക്തമാക്കുമോ?

കേരളത്തിൽ രജിസ്റ്റർ ചെയ്തിട്ടുള്ള ഫാക്ടറികളിൽ ജോലി ചെയ്യുന്ന തൊഴിലാളികളുടെ സുരക്ഷയും ആരോഗ്യവും സംരക്ഷിക്കുന്നതിന് ഫാക്ടറീസ് ആന്റ് ബോയിലേഴ്സ് വകുപ്പ് ലഭ്യമാക്കുന്ന സേവനങ്ങൾ എന്തൊക്കെയാണ് എന്ന് അറിയിക്കുമോ;

ഫാക്ടറി രജിസ്ട്രേഷന്റേയും ലൈസൻസിംഗിന്റേയും രംഗത്ത് വകുപ്പിന്റെ ചുമതലകൾ എന്തെല്ലാമെന്ന് വ്യക്തമാക്കാമോ;

ദുരന്ത മുന്നറിയിപ്പുകള്‍ നൽകുന്നതിനും സുരക്ഷാപ്രവർത്തനങ്ങള്‍ സംഘടിപ്പിക്കുന്നതിനും എന്തെല്ലാം സംവിധാനങ്ങളാണ് തയ്യാറാക്കിയിട്ടുള്ളതെന്ന് വിശദമാക്കുമോ;

തൊഴിൽപരമായ രോഗങ്ങൾ കണ്ടെത്തുന്നതിന് വകുപ്പിന് സംവിധാനങ്ങളുണ്ടോ; എങ്കിൽ വ്യക്തമാക്കാമോ?

ഭൂമി തരം മാറ്റുന്നതിനും ഡാറ്റാബാങ്കിൽ നിന്നും ഒഴിവാക്കുന്നതിനുമായി ലഭിച്ചിട്ടുള്ള അപേക്ഷകളുടെ ബാഹുല്യം റവന്യൂ ഓഫീസുകളുടെ പതിവ് പ്രവർത്തനങ്ങളെ ബാധിക്കുന്നതായുള്ള വിവരം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഇപ്രകാരം ലഭിക്കുന്ന അപേക്ഷകളിൽ ഭൂരിഭാഗവും ഡാറ്റാബാങ്കിൽ നിന്ന് ഒഴിവാക്കുന്നതിന് വേണ്ടിയുള്ളതാണെന്നത് വസ്തുതയാണോ; വ്യക്തമാക്കുമോ;

വില്ലേജുകളിൽ തയ്യാറാക്കിയിട്ടുള്ള ഡാറ്റാബാങ്കിലെ ന്യൂനതകള്‍ പരിഹരിച്ച് കുറ്റമറ്റതാക്കുന്നതിന് ഉദ്ദേശിക്കുന്നുണ്ടോ; വിശദമാക്കുമോ?

2011-16 കാലത്ത് പൊതുവിദ്യാലയങ്ങളിൽനിന്നും വിദ്യാര്‍ഥികള്‍ കൊഴിഞ്ഞുപോയതിന്റെ വിശദാംശങ്ങള്‍ വിലയിരുത്തിയിട്ടുണ്ടോ; എങ്കില്‍ ലഭ്യമാക്കുമോ;

2016 മുതല്‍ 2024 വരെയുളള കാലഘട്ടത്തില്‍ പ്രസ്തുത കൊഴിഞ്ഞുപോക്ക് തടയാനും കൂടുതല്‍ വിദ്യാര്‍ഥികളെ പൊതുവിദ്യാലയങ്ങളിലേക്ക് ആകര്‍ഷിക്കാനും കഴിഞ്ഞിട്ടുണ്ടോ; വിശദമാക്കുമോ;

2011-16 കാലത്ത് അടച്ചുപൂട്ടിയ വിദ്യാലയങ്ങളുടെ വിവരം അറിയിക്കാമോ;

പ്രസ്തുത വിദ്യാലയങ്ങള്‍ പൊതുവിദ്യാഭ്യാസ മേഖലയില്‍ നിലനിര്‍ത്തുന്നതിന് 2016 മുതല്‍ നടത്തിവരുന്ന പ്രവര്‍ത്തനങ്ങള്‍ വിശദീകരിക്കാമോ?

സംസ്ഥാനത്ത് ടൂറിസം മേഖലയില്‍ പുതിയ സ്റ്റാര്‍ട്ടപ്പുകള്‍ വളര്‍ന്നു വരുന്നതായി വിലയിരുത്തിയിട്ടുണ്ടോയെന്ന് വ്യക്തമാക്കുമോ;

ഇപ്രകാരമുള്ള സ്റ്റാര്‍ട്ടപ്പുകളെ പ്രോത്സാഹിപ്പിക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കുമോ;

പ്രസ്തുത സ്റ്റാര്‍ട്ടപ്പുകളുമായി യോജിച്ച് പ്രവര്‍ത്തിക്കാന്‍ പദ്ധതികള്‍ തയ്യാറാക്കിയിട്ടുണ്ടോ; എങ്കില്‍ ഏതൊക്കെ വിഭാഗങ്ങളിലാണ് സ്റ്റാര്‍ട്ടപ്പുകളുമായി യോജിച്ച് പ്രവര്‍ത്തിക്കാൻ തീരുമാനിച്ചിട്ടുള്ളതെന്ന് അറിയിക്കുമോ;

പരിസ്ഥിതി സൗഹൃദ സ്റ്റാര്‍ട്ടപ്പുകള്‍ ആരംഭിക്കുന്നതിന് മുന്‍ഗണന ലഭ്യമാകും വിധം പദ്ധതികള്‍ തയ്യാറാക്കിയിട്ടുണ്ടോ; എങ്കിൽ വിശദമാക്കാമോ?

സംസ്ഥാനത്ത് അടുത്ത അധ്യയനവർഷം മുതൽ സ്കൂൾ പഠനം പൂർണ്ണമായും ഡിജിറ്റലാക്കുവാന്‍ നടപടി സ്വീകരിച്ചിട്ടുണ്ടോ; ഉണ്ടെങ്കിൽ വിശദമാക്കാമോ;

സ്വയം പഠനത്തിനായി പ്രത്യേക പോർട്ടൽ രൂപീകരിക്കുമോ; വിശദമാക്കുമോ;

ഇംഗ്ലീഷ് വിദ്യാഭ്യാസം മെച്ചപ്പെടുത്തുവാൻ ഇംഗ്ലീഷിനായി യൂട്യൂബ് ചാനൽ ആവിഷ്കരിച്ച് നടപ്പാക്കുമോ;

ഒരോ പാഠ്യപദ്ധതിയും രസകരമാക്കുന്നതിനും വിദ്യാർത്ഥികളിൽ താൽപര്യം ജനിപ്പിക്കുന്നതിനുമായി പാഠ്യപദ്ധതിയുടെ ഇ-ഉള്ളടക്കം ലഭ്യമാക്കാൻ നടപടി സ്വീകരിക്കുമോ?

സാങ്കേതിക വിദ്യാഭ്യാസ സമ്പ്രദായം കാലാനുസൃതമായ പരിഷ്കരണത്തിനും പുനഃസംഘടനയ്ക്കും വിധേയമാക്കണമെന്ന വസ്തുത വിശകലന വിധേയമാക്കിയിട്ടുണ്ടോ; വിശദമാക്കുമോ;

ഐ.ടി.ഐ.കളിലെ നിലവിലെ കോഴ്സുകളും പഠന സമ്പ്രദായവും സമൂലമായ പുനഃസംഘടനയ്ക്ക് വിധേയമാക്കുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ;

കാലഹരണപ്പെട്ട ഐ.ടി.ഐ. കോഴ്സുകൾ ഘട്ടംഘട്ടമായി നിർത്തലാക്കുന്നതിനും കാലാനുസൃതമായി ഏറെ പ്രസക്തിയുള്ള നൈപുണ്യ പരിശീലന പദ്ധതികൾ ആരംഭിക്കുന്നതിനും ഉദ്ദേശിക്കുന്നുണ്ടോ; വിശദീകരിക്കുമോ;

ആയാസകരമായ തൊഴില്‍ പരിശീലന കോഴ്സുകളിലേക്കുൾപ്പെടെ പെൺകുട്ടികൾ പ്രവേശനം നേടുന്ന സാഹചര്യത്തിൽ ഐ.ടി.ഐ. പഠനം സ്ത്രീ സൗഹൃദമാക്കുന്നതിന്റെ ഭാഗമായി എന്തെല്ലാം പരിഷ്കാരങ്ങളാണ് കൊണ്ടുവരാന്‍ ഉദ്ദേശിക്കുന്നതെന്ന് അറിയിക്കുമോ;

നൈപുണ്യപരിശീലനത്തോടൊപ്പം തൊഴിൽ ചെയ്യുന്നതിന് കഴിയും വിധം ഐ.ടി.ഐ. ക്ലാസുകളുടെ സമയം ക്രമപ്പെടുത്താനുദ്ദേശിക്കുന്നുണ്ടോ; വിശദമാക്കുമോ?

പഠനത്തിൽ മികവുളള കുട്ടികളെ കൃത്യമായി കണ്ടെത്തുന്ന രീതിയിൽ സ്കൂൾ പരീക്ഷകളെ മാറ്റുന്നതിനായി ഉദ്ദേശിക്കുന്നുണ്ടോ;

ഇതിനായി എന്തെങ്കിലും പഠനം നടത്തിയിരുന്നോ; വിശദാംശം നൽകുമോ?

രജിസ്ട്രേഷന്‍ ഓഫീസുകള്‍ കിഫ്ബിയില്‍ ഉള്‍പ്പെടുത്തി പുനര്‍നിര്‍മ്മിക്കാനുളള പദ്ധതികളുടെ പുരോഗതി വിശദമാക്കാമോ;

2023-24 സാമ്പത്തിക വര്‍ഷത്തില്‍ രജിസ്ട്രേഷന്‍ വകുപ്പില്‍ നിന്നുളള വരുമാനം സംബന്ധിച്ച വിശദവിവരം അറിയിക്കാമോ;

ആധാരങ്ങള്‍ രജിസ്റ്റര്‍ ചെയ്യുന്നതിലെ കൃത്രിമത്വം ഒഴിവാക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കാമോ;

ഒരു ജില്ലക്കാർക്ക് ജില്ലയിലെ ഏത് രജിസ്ട്രാര്‍ ഓഫീസിലും ആധാരങ്ങള്‍ രജിസ്റ്റര്‍ ചെയ്യുന്നതിനുളള സൗകര്യം നിലവില്‍ വന്നിട്ടുണ്ടോ; വിശദാംശം നല്‍കാമോ;

സംസ്ഥാനത്തെവിടെയും ആധാരങ്ങള്‍ രജിസ്റ്റര്‍ ചെയ്യുന്നതിനുളള സൗകര്യം ഒരുക്കുന്നതിന് സ്വീകരിച്ചുവരുന്ന നടപടികളുടെ പുരോഗതി അറിയിക്കാമോ?