നീതി ആയോഗ് 2025-ൽ പുറത്തിറക്കിയ 2023-ലെ പ്രഥമ സാമ്പത്തിക ഭദ്രതാ സൂചികയിൽ 18 പ്രധാന സംസ്ഥാനങ്ങളുടെ പട്ടികയിൽ ഏറ്റവും പിന്നിലുള്ള 4 സംസ്ഥാനങ്ങളിലൊന്നാണ് കേരളം എന്ന വസ്തുത ഗൗരവത്തോടെ കാണുന്നുണ്ടോ;

ധനവിനിയോഗത്തിലെ കാര്യക്ഷമത, വരുമാന സമാഹരണം, സാമ്പത്തിക അച്ചടക്കം, വായ്പയും സംസ്ഥാനത്തിന്റെ മൊത്തം ആഭ്യന്തര ഉൽപാദനവും തമ്മിലുള്ള അനുപാതം, കടം താങ്ങാനുള്ള പരിധി തുടങ്ങിയ മിക്ക സൂചികകളിലും മറ്റു സംസ്ഥാനങ്ങൾക്ക് പിന്നിലായതിനുള്ള സാഹചര്യം വിലയിരുത്തിയിട്ടുണ്ടോ;

പ്രസ്തുത റിപ്പോർട്ടിന്റെ അടിസ്ഥാനത്തിൽ സംസ്ഥാനത്തിന്റെ സാമ്പത്തിക സ്ഥിതി മെച്ചപ്പെടുത്താൻ സ്വീകരിച്ച നടപടികൾ വിശദമാക്കുമോ?

ഈ സര്‍ക്കാർ വ്യവസായ മേഖലയുടെ സുസ്ഥിരവളര്‍ച്ചയ്ക്കായി നടപ്പാക്കുന്ന നയപരിപാടികളെപ്പറ്റി വിശദമാക്കുമോ;

സുസ്ഥിരഭാവി കണക്കിലെടുത്ത് സുസ്ഥിര സാങ്കേതികവിദ്യാ പദ്ധതികളില്‍ സംസ്ഥാനത്ത് നിക്ഷേപം നടത്താന്‍ ആഗോള നിക്ഷേപകര്‍ താത്പര്യം പ്രകടിപ്പിച്ചിട്ടുണ്ടോ; വിശദമാക്കാമോ;

ദാവോസില്‍ വച്ച് നടന്ന ലോക സാമ്പത്തിക ഫോറത്തിന്റെ വാര്‍ഷിക സമ്മേളനത്തില്‍ കേരളത്തിന്റെ സാധ്യതകള്‍ ഫലപ്രദമായി അവതരിപ്പിക്കുന്നതിന് കഴിഞ്ഞിട്ടുണ്ടോ; വിശദാംശം നല്‍കുമോ?

വിഴിഞ്ഞം അന്താരാഷ്ട്ര തുറമുഖത്തിന്റെ പ്രവര്‍ത്തനങ്ങള്‍ പൂര്‍ണ്ണതോതിലാകുന്നതോടെ തുറമുഖത്തെ ചരക്കുനീക്കം സുഗമമാക്കുന്നതിന്റെ ആവശ്യകത സംബന്ധിച്ച് പ്രത്യേകമായ പരിശോധനകളും വിലയിരുത്തലുകളും നടത്തിയിട്ടുണ്ടോ;

സംസ്ഥാന സര്‍ക്കാര്‍ വിഭാവനം ചെയ്ത വിഴിഞ്ഞം മുതല്‍ ബാലരാമപുരം വരെയുള്ള ഭൂഗര്‍ഭ റെയില്‍പാതയ്ക്കു വേണ്ടിയുള്ള ഡി.പി.ആര്‍. തയ്യാറാക്കിയിട്ടുണ്ടോ; എങ്കില്‍ ‍ഡി.പി.ആര്‍. തയ്യാറാക്കുന്നതിന് ആരെയാണ് ചുമതലപ്പെടുത്തിയതെന്ന് വെളിപ്പെടുത്തുമോ;

ഡി.പി.ആര്‍.ന് ദക്ഷിണ റെയില്‍വേയുടെ അനുമതിയും കേന്ദ്ര മന്ത്രാലയത്തിന്റെ പാരിസ്ഥിതികാനുമതിയും ലഭിച്ചിട്ടുണ്ടോ;

പ്രസ്തുത റെയില്‍പാതയുടെ നിര്‍മ്മാണത്തിനായി ഏതെങ്കിലും കമ്പനികള്‍ സര്‍ക്കാരിനെ സമീപിച്ചിട്ടുണ്ടോ; എങ്കില്‍ ഏതൊക്കെയാണെന്നും അത് സംബന്ധിച്ച് സര്‍ക്കാരിന്റെ തീരുമാനം എന്താണെന്നും വിശദമാക്കാമോ?

2021 ജൂലൈയിൽ കേന്ദ്ര സർക്കാർ എം.എസ്.എം.ഇ.കളുടെ നിർവചനത്തിൽ മാറ്റം വരുത്തിയിരുന്നോ; എങ്കിൽ മാറ്റം എന്താണെന്ന് വ്യക്തമാക്കാമോ;

പ്രസ്തുത മാറ്റത്തിനു ശേഷം ഉദ്യം പോർട്ടലില്‍ രാജ്യത്തെ എല്ലാ സംസ്ഥാനങ്ങളുടെയും എം.എസ്.എം.ഇ. കളുടെ എണ്ണത്തിൽ വർദ്ധനവ് ഉണ്ടായിട്ടുണ്ടോയെന്ന് അറിയിക്കുമോ;

പ്രസ്തുത മാറ്റത്തെത്തുടർന്ന് കേരളത്തിലെ എം.എസ്.എം.ഇ. കളുടെ എണ്ണത്തിലും ഗണ്യമായ വർദ്ധനവ് സംഭവിച്ചു എന്നത് വസ്തുതയാണോ; വിശദമാക്കുമോ?

വയനാട് ദുരന്തനിവാരണ പദ്ധതികൾക്കായി 529.5 കോടി രൂപയുടെ വായ്പ കേന്ദ്ര സർക്കാർ അനുവദിച്ചിട്ടുണ്ടോ; വിശദമാക്കുമോ;

ഏതെല്ലാം പദ്ധതികൾക്കായാണ് ഈ തുക അനുവദിച്ചിരിക്കുന്നത് എന്നറിയിക്കുമോ;

ഈ പദ്ധതിയിലെ തുക ചെലവഴിക്കുന്നത് സംബന്ധിച്ച് കേന്ദ്ര സർക്കാർ നിർദ്ദേശിച്ചിരിക്കുന്ന വ്യവസ്ഥകൾ എന്തെല്ലാമാണ്; വ്യക്തമാക്കുമോ;

ഉപാധികളോടെ വായ്പ അനുവദിച്ച കാര്യത്തിൽ സംസ്ഥാനത്തിന്റെ നിലപാട് കേന്ദ്ര സർക്കാരിനെ അറിയിച്ചിട്ടുണ്ടോ; വിശദമാക്കുമോ?

കേന്ദ്ര സര്‍ക്കാര്‍ സൃഷ്ടിച്ച സാമ്പത്തിക ഞെരുക്കത്തിലും സര്‍ക്കാര്‍ നടപ്പാക്കിയ വികസന പരിപാടികളുടെ ഗുണഫലമായി സാമ്പത്തിക വളര്‍ച്ചയില്‍ പുരാേഗതി നേടുവാന്‍ സംസ്ഥാനത്തിന് കഴിഞ്ഞിട്ടുണ്ടാേ; വിശദമാക്കുമാേ;

സംസ്ഥാനത്തിന്റെ ദുരന്തനിവാരണ ചെലവിലുണ്ടായ ഗണ്യമായ വര്‍ദ്ധനവിനിടയിലും ക്ഷേമ പ്രവര്‍ത്തനങ്ങള്‍ക്ക് മുടക്കം വരുത്താതെ വികസന പദ്ധതികള്‍ക്കുള്ള പൊതു ചെലവ് ഉയര്‍ത്തിക്കാെണ്ടു വരുന്നതിന് തനത് നികുതി വരുമാനത്തിലുണ്ടായ വര്‍ദ്ധനവ് സഹായകമായിട്ടുണ്ടാേ; വിശദമാക്കുമാേ;

കേന്ദ്രസര്‍ക്കാര്‍ നിഷേധാത്മക നിലപാട് സ്വീകരിച്ചിട്ടും അടിസ്ഥാന സൗകര്യ വികസന മേഖലയില്‍ വലിയ താേതിലുള്ള വികസനം സാധ്യമാക്കുന്നതിൽ സംസ്ഥാനത്തിന്റെ സാമ്പത്തിക നയം നിര്‍ണ്ണായകമായിരുന്നാേ; വിശദമാക്കുമാേ?

വൈദ്യുതി ഉല്പാദന മേഖലയില്‍ സംസ്ഥാനം വിഭാവനം ചെയ്തിട്ടുള്ള പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ;

വൈദ്യുതി ഉല്പാദനത്തിനായി സംസ്ഥാനത്തിന് അനുയോജ്യമായ പുതിയ മേഖലകള്‍ കണ്ടെത്തുന്നത് സംബന്ധിച്ച് പഠനങ്ങള്‍ നടത്തിയിട്ടുണ്ടോ; കാറ്റാടിപ്പാടങ്ങള്‍ക്ക് അനുയോജ്യമായ പ്രദേശങ്ങള്‍ സംസ്ഥാനത്തുണ്ടോ; വിശദാംശം നല്‍കുമോ;

ഓഫ് ഷോര്‍ കാറ്റാടി വൈദ്യുത പദ്ധതിയുടെ സാധ്യത പരിശോധിച്ചിട്ടുണ്ടോ; സംസ്ഥാനത്തെ സാഹചര്യം ഇതിനനുയോജ്യമാണോ; വിശദമാക്കുമോ;

സംസ്ഥാനത്ത് പമ്പ്ഡ് സ്റ്റോറേജ് വൈദ്യുത പദ്ധതികള്‍ സ്ഥാപിക്കുന്നതിനുള്ള സാധ്യത പരിശോധിച്ചിട്ടുണ്ടോ; വിശദമാക്കുമോ?

സഹകരണ മേഖലയുടെ സമഗ്ര പുരോഗതി ലക്ഷ്യമിട്ട് നടപ്പാക്കുന്ന നയപരിപാടികളുടെ ഫലമായി ബാങ്കിംഗ് പ്രവര്‍ത്തനങ്ങളില്‍ രാജ്യത്തെ ഒന്നാമത്തെ സഹകരണ ബാങ്കായി കേരള ബാങ്കിനെ മാറ്റുവാന്‍ കഴിഞ്ഞിട്ടുണ്ടോ; വ്യക്തമാക്കുമോ;

കേരള ബാങ്കിന് അഞ്ച് വര്‍ഷം കൊണ്ട് ഉണ്ടായിട്ടുള്ള നേട്ടങ്ങള്‍ വിലയിരുത്തിയിട്ടുണ്ടോ; അറിയിക്കുമോ;

യുവതലമുറയെ സഹകരണ മേഖലയിലേക്ക് ആകര്‍ഷിക്കുന്നതിനും മെച്ചപ്പെട്ട തൊഴിലവസരങ്ങള്‍ പ്രദാനം ചെയ്യുന്നതിനും ബാങ്ക് നടപ്പാക്കുന്ന പ്രവര്‍ത്തനങ്ങള്‍ ലക്ഷ്യത്തിലേക്കെത്തുന്നുണ്ടോ; വിശദമാക്കുമോ?

ശബരിമലയില്‍ വികസന പ്രവര്‍ത്തനങ്ങള്‍ ഏകോപിപ്പിക്കുന്നതിന് വികസന അതോറിറ്റി രൂപീകരിക്കുന്നത് പരിഗണനയിലുണ്ടോ; വിശദമാക്കുമോ;

ശബരിമല വികസനവുമായി ബന്ധപ്പെട്ട നിര്‍മ്മാണ പ്രവര്‍ത്തനങ്ങളുടെ നിലവിലെ സ്ഥിതി വിലയിരുത്തിയിട്ടുണ്ടോ; വിശദമാക്കുമോ;

ശബരിമല മാസ്റ്റര്‍ പ്ലാനിന്റെ ഭാഗമായി നടപ്പാക്കുന്ന പദ്ധതികള്‍ വിശദമാക്കുമോ?

സംസ്ഥാനത്തെ തുറമുഖങ്ങളുടെയും അനുബന്ധ മേഖലകളുടെയും വികസനം ലക്ഷ്യമിട്ട് നടപ്പിലാക്കിയിട്ടുള്ള വികസന പ്രവര്‍ത്തനങ്ങള്‍ ചരക്കുനീക്കം സുഗമമാക്കുന്നതിന് സഹായകമായിട്ടുണ്ടോ; അറിയിക്കുമോ;

വിവിധ തുറമുഖങ്ങളിലേക്കുള്ള ലോജിസ്റ്റിക് കണക്ടിവിറ്റി ഉറപ്പുവരുത്തുന്നതിനുള്ള നിര്‍മ്മാണ പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

കേന്ദ്രസര്‍ക്കാരിന്റ 2024-ലെ ലീ‍ഡ്സ് (ലോജിസ്റ്റിക്സ് ഈസ് എക്രോസ് ഡിഫറന്റ് സ്റ്റേറ്റ്സ്) റിപ്പോര്‍ട്ട് പ്രകാരം തീരദേശ സംസ്ഥാനങ്ങളുടെ പട്ടികയില്‍ നിന്നും കേരളത്തിന് മികച്ച നേട്ടമുണ്ടാക്കാന്‍ സാധിച്ചിട്ടുണ്ടോ; ഈ നേട്ടത്തിനാധാരമായി തുറമുഖ മേഖലയില്‍ നടത്തിയിട്ടുള്ള വികസന പ്രവര്‍ത്തനങ്ങള്‍ വിശദമാക്കുമോ?

സംസ്ഥാനത്ത് ആരംഭിക്കുന്ന 40 ലക്ഷത്തിന് മുകളിൽ വിറ്റുവരവുള്ള ചരക്ക് സ്ഥാപനങ്ങൾക്കും 20 ലക്ഷത്തിനു മുകളിൽ വരുമാനമുള്ള സേവനം നൽകുന്ന സ്ഥാപനങ്ങൾക്കും ജി.എസ്.ടി. രജിസ്ട്രേഷൻ നിർബന്ധമായിരിക്കെ കഴിഞ്ഞ മൂന്ന് വർഷത്തിനുള്ളില്‍ കേരളത്തിൽ ആരംഭിച്ച മൂന്ന് ലക്ഷം സംരംഭങ്ങളിൽ ഭൂരിഭാഗവും ജി.എസ്.ടി. രജിസ്ട്രേഷനിൽ പ്രതിഫലിക്കാത്തത് എന്തുകൊണ്ടാണെന്ന് വ്യവസായ വകുപ്പ് പരിശോധിച്ചിട്ടുണ്ടോ; എങ്കിൽ കാരണം വിശദമാക്കാമോ?

കേന്ദ്രസർക്കാർ സൃഷ്ടിച്ച ധനഞെരുക്കം അതിജീവിക്കുന്നതിനായി തനത് നികുതി വരുമാനം ഉയർത്താൻ സ്വീകരിച്ച പ്രവർത്തനങ്ങൾ ഫലവത്തായിട്ടുണ്ടോ; വിശദമാക്കുമോ;

നടപ്പ് സാമ്പത്തിക വർഷം തനത് നികുതി വരുമാനം വർദ്ധിച്ചത് എത്രയായിരുന്നു; എന്തു തുക ഈയിനത്തിൽ സമാഹരിക്കാൻ കഴിഞ്ഞു; വ്യക്തമാക്കുമോ;

2025-26 സാമ്പത്തിക വർഷത്തിൽ ഈയിനത്തിൽ പ്രതീക്ഷിക്കുന്ന തുകയെത്രയാണ്; വിശദമാക്കുമോ;

നികുതി പിരിവ് കാര്യക്ഷമമാക്കുന്നതിനും നികുതി വെട്ടിപ്പ് കണ്ടെത്തുന്നതിനും ഈടാക്കുന്നതിനും നടപ്പിലാക്കിയിട്ടുള്ള പ്രവർത്തനങ്ങൾ നികുതി വരുമാനം ഉയർത്തുന്നതിന് സഹായകമായിരുന്നോ; വിശദമാക്കുമോ?

ഓൺലൈൻ സേവനങ്ങളിലടക്കം പുതിയ തൊഴിൽ മേഖലകളിലെ തൊഴിലാളികളുമായി സഹകരിക്കാൻ സഹകരണമേഖലയെ പ്രാപ്തമാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ഓൺലൈൻ പ്ലാറ്റ്‍ഫോമിൽ പ്രവർത്തിക്കുന്നവർ, ഷോപ്പുകളിലെയും വാണിജ്യസ്ഥാപനങ്ങളിലെയും തൊഴിലാളികൾ എന്നിവരുടെ ക്ഷേമത്തിനായി കേരള സ്റ്റേറ്റ് ഷോപ്സ് ആൻഡ് കൊമേഴ്‌സ്യൽ എസ്റ്റാബ്ലിഷ്‌മെന്റ് ആൻഡ് ഗിഗ് വർക്കേഴ്‌സ് വെൽഫയർ സഹകരണ സംഘം ആരംഭിക്കുന്നതിന് നടപടികള്‍ സ്വീകരിച്ചിട്ടുണ്ടോ; അറിയിക്കുമോ;

സംസ്ഥാനത്തെ സാധാരണക്കാരായ വിദ്യാർത്ഥികളെയും യുവാക്കളെയും തൊഴിലന്വേഷകരെയും സഹായിക്കുക എന്ന ലക്ഷ്യത്തോടുകൂടി സഹകരണ വകുപ്പ് നൈപുണ്യ വികസന വായ്പാ പദ്ധതി ആവിഷ്കരിച്ചിട്ടുണ്ടോ; വെളിപ്പെടുത്തുമോ;

പട്ടികജാതി/പട്ടികവര്‍ഗ്ഗ സഹകരണ സംഘങ്ങളുടെ പ്രവര്‍ത്തനം മെച്ചപ്പെടുത്തുന്നതിനും സ്വയംപര്യാപ്തത കൈവരിക്കുന്നതിനും കഴിയുന്നവിധം പുനര്‍ജനി പദ്ധതി വിപുലപ്പെടുത്താന്‍ നടപടി സ്വീകരിച്ചിട്ടുണ്ടോ; വിശദമാക്കുമോ?

രാജ്യത്ത് വൈദ്യുതി പ്രസരണനഷ്ടം ഏറ്റവും കുറവുള്ള സംസ്ഥാനമായി മാറുവാന്‍ കേരളത്തിന് കഴിഞ്ഞിട്ടുണ്ടോ; പ്രസരണനഷ്ടം കുറയ്ക്കുന്നതിനായി ഈ രംഗത്ത് വരുത്തിയിട്ടുള്ള പരിഷ്കാരങ്ങള്‍ വിശദമാക്കുമോ;

സംസ്ഥാനത്തെ വൈദ്യുതി പ്രസരണനഷ്ടം ഇനിയും കുറയ്ക്കുവാന്‍ ലക്ഷ്യമിടുന്നുണ്ടോ; ഇതിനായി നടപ്പാക്കി വരുന്ന പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

പ്രസരണനഷ്ടം കുറയ്ക്കുവാന്‍ കഴിഞ്ഞിട്ടും പ്രസരണചെലവില്‍ വര്‍ദ്ധനവ് ഉണ്ടാകുന്നുണ്ടോ; എങ്കില്‍ ഇതിനുള്ള കാരണം വിശദമാക്കാമോ?

കേന്ദ്ര ഏജന്‍സികളുടെ ഇടപെടലും കുപ്രചാരണങ്ങളും ഉണ്ടായിട്ടും സഹകരണ സംഘങ്ങള്‍ക്ക് കഴിഞ്ഞ വര്‍ഷത്തെക്കാള്‍ വളര്‍ച്ച നേടാന്‍ സാധിച്ചിട്ടുണ്ടോ; വ്യക്തമാക്കുമോ;

ഇതു സംബന്ധിച്ച് സാമ്പത്തികാവലോകന റിപ്പോര്‍ട്ടില്‍ പരാമര്‍ശിച്ചിട്ടുള്ള കാര്യങ്ങൾ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

സഹകരണ സംഘങ്ങളിലെ നിക്ഷേപത്തില്‍ തൃപ്തികരമായ വളര്‍ച്ച നേടിയിട്ടുണ്ടോയെന്നും നിക്ഷേപ വളര്‍ച്ചയ്ക്കാനുപാതികമായി വായ്പാ വിതരണവും വര്‍ദ്ധിച്ചിട്ടുണ്ടോയെന്നും വ്യക്തമാക്കുമോ;

മറ്റു ബാങ്കുകളുമായി താരതമ്യം ചെയ്യുമ്പോള്‍ വായ്പാ നിക്ഷേപ അനുപാതം വര്‍ദ്ധിച്ചിട്ടുണ്ടോ; നബാര്‍ഡിന്റെ ക്ലാസിഫിക്കേഷനില്‍ വന്നിട്ടുള്ള കുറവ് സഹകരണ ബാങ്കുകളെയാകെ പ്രതികൂലമായി ബാധിച്ചിട്ടുണ്ടോ; വിശദമാക്കുമോ?

ഈ സര്‍ക്കാര്‍ വന്നശേഷം സംസ്ഥാനത്തെ മാരിടെെം ബോര്‍ഡിന്റെ പ്രവര്‍ത്തനങ്ങള്‍ സംബന്ധിച്ച് അവലോകനം നടത്തിയിട്ടുണ്ടോ; വ്യക്തമാക്കുമോ;

വിഴിഞ്ഞം തുറമുഖത്തിന്റെ വികസന സാധ്യതകള്‍ കണക്കിലെടുത്ത് സംസ്ഥാനത്തെ ഇടത്തരം തുറമുഖങ്ങൾ കൂടി നവീകരിച്ച് കടല്‍വഴിയുളള ചരക്ക് ഗതാഗതം പരിപോഷിപ്പിക്കുന്നതിനും തൊഴിലവസരങ്ങളും വരുമാനവും വര്‍ദ്ധിപ്പിക്കുന്നതിനും സ്വീകരിച്ചുവരുന്ന നടപടികള്‍ എന്തെല്ലാമാണെന്ന് അറിയിക്കുമോ;

കേരള മാരിടെെം അക്കാദമി കാലോചിതമായി പരിഷ്കരിക്കുന്നതിനും അതിന്റെ പ്രവര്‍ത്തനങ്ങള്‍ ഫലപ്രദമാക്കുന്നതിനും നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് ആരംഭിക്കുന്ന 40 ലക്ഷത്തിന് മുകളിൽ വിറ്റുവരവുള്ള ചരക്ക് സ്ഥാപനങ്ങൾക്കും 20 ലക്ഷത്തിന് മുകളിൽ വരുമാനമുള്ള സേവനങ്ങൾ നൽകുന്ന സ്ഥാപനങ്ങൾക്കും ജി.എസ്. ടി. രജിസ്ട്രേഷൻ നിർബന്ധമായിരിക്കെ വ്യവസായ വകുപ്പ് അവകാശപ്പെടുന്നതുപോലെ കഴിഞ്ഞ മൂന്ന് വർഷങ്ങൾകൊണ്ട് മൂന്ന് ലക്ഷം സംരംഭങ്ങൾ ആരംഭിച്ചിരുന്നെങ്കിൽ ഈ സംരംഭങ്ങളുടെ ഭൂരിഭാഗവും സംസ്ഥാനത്തിന്റെ ജി.എസ്.ടി. രജിസ്ട്രേഷനിൽ പ്രതിഫലിക്കുമായിരുന്നില്ലേ; ഇക്കാര്യം പരിശോധിച്ചിട്ടുണ്ടോ; കാരണം വിശദമാക്കുമോ?

കാര്‍ഷിക മേഖലയില്‍ വന്‍ മുന്നേറ്റം ലക്ഷ്യമിട്ട് വിവിധ മേഖലകളില്‍ സര്‍ക്കാര്‍ നടപ്പാക്കുന്ന പദ്ധതികളുടെ ഭാഗമായി സംസ്ഥാനത്തെ ഹോര്‍ട്ടികള്‍ച്ചര്‍ ഹബ്ബാക്കി മാറ്റുന്നതിന് സഹകരണ മേഖലയില്‍ പദ്ധതി തയ്യാറാക്കിയിട്ടുണ്ടോ; ഉണ്ടെങ്കിൽ വിശദമാക്കുമോ;

പ്രസ്തുത പദ്ധതിയുമായി ബന്ധപ്പെട്ട പ്രവര്‍ത്തനങ്ങള്‍ക്ക് ഏകദേശം എത്ര രൂപ ചെലവ് പ്രതീക്ഷിക്കുന്നുവെന്നും അതിനുള്ള തുക എങ്ങനെ കണ്ടെത്താനാണ് തീരുമാനിച്ചിട്ടുള്ളതെന്നും വിശദമാക്കുമോ;

പ്രസ്തുത പദ്ധതിയുടെ ഭാഗമായി ഗുണമേന്മയുള്ള നടീല്‍വസ്തുക്കളുടെ ഉല്‍പ്പാദനം, സംഭരണം, വിതരണം എന്നിവയ്ക്കായി പ്രത്യേക പദ്ധതികള്‍ നടപ്പാക്കാന്‍ തീരുമാനിച്ചിട്ടുണ്ടോ; എങ്കിൽ വിശദമാക്കുമോ;

നേരിട്ടുള്ള വിപണനം സാധ്യമല്ലാതെ വരുന്ന അവസരങ്ങളില്‍ കാര്‍ഷികോല്പന്നങ്ങളെ മൂല്യവര്‍ദ്ധിത ഉല്‍പ്പന്നങ്ങളാക്കുന്നതിനും അവയെ സംസ്കരിച്ച് സൂക്ഷിക്കുന്നതിനും പദ്ധതിയുണ്ടോ; എങ്കിൽ വിശദമാക്കുമോ?

കേരളത്തിന്റെ സ്റ്റാർട്ടപ്പ് മേഖല സമാനതകളില്ലാത്ത മുന്നേറ്റമാണ്‌ നടത്തുന്നതെന്ന്‌ വ്യക്തമാക്കുന്ന ആഗോള സ്റ്റാർട്ടപ്പ് ആവാസവ്യവസ്ഥാ റിപ്പോർട്ട് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ലോകത്തെ ഏറ്റവും മികച്ച പബ്ലിക് ബിസിനസ് ഇൻക്യുബേറ്റർ ആയി കേരള സ്റ്റാർട്ടപ്പ് മിഷൻ തെരഞ്ഞെടുക്കപ്പെട്ടിട്ടുണ്ടോ; വിശദമാക്കാമോ;

ഈ സർക്കാരിന്റെ പ്രവർത്തനഫലമായി ലോക നിലവാരത്തിലുള്ള ഉൽപ്പന്നങ്ങളും സേവനങ്ങളുമായി ലോകശ്രദ്ധയാകർഷിക്കാന്‍ കേരളത്തിലെ സ്റ്റാര്‍ട്ടപ്പുകൾക്ക് കഴിഞ്ഞിട്ടുണ്ടോ; രാജ്യത്തെ ഏറ്റവും മികച്ച മൂന്ന് ആർട്ടിഫിഷ്യൽ ഇന്റലിജൻസ് സ്റ്റാർട്ടപ്പുകളിലൊന്നായി കേരളത്തിൽനിന്നുള്ള ജെൻ റോബോട്ടിക്‌സിനെ കേന്ദ്ര ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം തിരഞ്ഞെടുത്തിട്ടുണ്ടോ; വിശദമാക്കുമോ;

സ്റ്റാർട്ടപ്പ് സംരംഭങ്ങളുടെ വിപുലീകരണത്തിന് സ്വീകരിച്ചിട്ടുള്ള നടപടികള്‍ എന്തെല്ലാമാണ്; സ്റ്റാര്‍ട്ടപ്പുകൾക്ക് മികച്ച രീതിയിൽ രൂപകൽപ്പന ചെയ്ത തൊഴിലിടവും സൗകര്യങ്ങളും ലഭ്യമാക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?

സംസ്ഥാനത്ത് കഴിഞ്ഞ മൂന്ന് വർഷത്തിനുള്ളിൽ മൂന്ന് ലക്ഷം സംരംഭങ്ങൾ തുടങ്ങിയെങ്കിൽ അതുമൂലം രാജ്യത്തിന്റെ ജി.ഡി.പി.യിലേക്കുള്ള സംസ്ഥാന വിഹിതത്തിൽ വർദ്ധനവ് ഉണ്ടാകാത്തതിന്റെ കാരണം പരിശോധിച്ചിട്ടുണ്ടോ; വ്യക്തമാക്കുമോ;

രാജ്യത്തിന്റെ ജി.ഡി.പി.യിലേക്കുള്ള സംസ്ഥാന വിഹിതം 2022-ലും 2023-ലും 3.8 ശതമാനത്തിൽ തന്നെ മാറ്റമില്ലാതെ തുടരുകയാണെന്ന് പ്രധാനമന്ത്രിയുടെ സാമ്പത്തിക ഉപദേശക സമിതിയുടെ റിപ്പോര്‍ട്ട് വെളിപ്പെടുത്തിയത് ശ്രദ്ധയിൽപ്പെട്ടിട്ടുണ്ടോ;

സംസ്ഥാനത്ത് തുടങ്ങുന്ന വ്യവസായങ്ങൾ ജി.എസ്.ഡി.പി.യിലേക്ക് സംഭാവന ചെയ്യുന്നതിന് ആറേഴ് വർഷമെടുക്കുമെന്നത് വസ്തുതയാണോ; എങ്കിൽ ഇതിന്റെ കാരണം വിശദമാക്കുമോ?

കിഫ്ബിയുടെ വരുമാനത്തിൽ വർദ്ധനവ് വരുത്താനായി സ്വീകരിക്കാനുദ്ദേശിക്കുന്ന നടപടികൾ എന്തൊക്കെയാണെന്ന് വ്യക്തമാക്കാമോ;

കിഫ്ബിയുടെ വരുമാനത്തിൽ വർദ്ധനവ് വരുത്തുന്നതിന്റെ ഭാഗമായി കിഫ്‌ബി ഫണ്ട് ഉപയോഗിച്ച് പണിത റോഡുകളിൽ ടോൾ ഏർപ്പെടുത്താൻ തീരുമാനിച്ചിട്ടുണ്ടോ; എങ്കിൽ ഇതിന്റെ കാരണം വിശദമാക്കാമോ;

കിഫ്ബിയുടെ പ്രവർത്തനം പ്രതിസന്ധിയിലായ സാഹചര്യത്തിലാണോ ടോൾ പിരിക്കാനുള്ള നീക്കം എന്ന് വ്യക്തമാക്കാമോ?

കേന്ദ്രാവിഷ്കൃത പദ്ധതികളുടെ സംസ്ഥാന വിഹിതം ഏകപക്ഷീയമായി വർദ്ധിപ്പിച്ചത് സംസ്ഥാനത്തിന്റെ ധനസ്ഥിതിയിൽ ഉണ്ടാക്കിയിട്ടുള്ള അധിക ചെലവ് എത്രയെന്ന് കണക്കാക്കിയിട്ടുണ്ടോ; അറിയിക്കുമോ;

കേന്ദ്രാവിഷ്കൃത പദ്ധതികളിൽ സംസ്ഥാന പങ്കാളിത്തം കൂടിയിട്ടുള്ള സാഹചര്യത്തിൽ സംസ്ഥാന വിഹിതം വർദ്ധിപ്പിക്കുന്നതിലൂടെ പദ്ധതി രൂപീകരണത്തിലും നടത്തിപ്പിലും സംസ്ഥാനങ്ങളുടെ താൽപര്യം കൂടി സംരക്ഷിക്കുവാൻ കഴിയുന്നുണ്ടോ; വെളിപ്പെടുത്തുമോ;

അഖിലേന്ത്യാ പരിഗണനകൾ വച്ച് കേന്ദ്രം തയ്യാറാക്കുന്ന പദ്ധതികൾ സംസ്ഥാനത്തിന്റെ സാഹചര്യത്തിനനുസരിച്ച് നടപ്പാക്കുന്നതിന് കേന്ദ്ര സർക്കാർ നൽകുന്ന തുക പര്യാപ്തമാണോ; വിശദമാക്കാമോ;

കേന്ദ്രാവിഷ്കൃത പദ്ധതികളിലെ കേന്ദ്ര വിഹിതം കൃത്യമായി ലഭിക്കുന്നുണ്ടോയെന്ന് അറിയിക്കുമോ?

പൊതുമേഖലാ സ്ഥാപനങ്ങളുടെ സമഗ്ര വികസനം ലക്ഷ്യമിട്ട് നടപ്പാക്കുന്ന പദ്ധതികൾ വിലയിരുത്തിയിട്ടുണ്ടോ; പ്രസ്തുത പദ്ധതികളുടെ ഭാഗമായി പൊതുമേഖലയിൽ ഉണ്ടായിട്ടുള്ള നേട്ടങ്ങൾ വിശദമാക്കുമോ;

ചന്ദ്രയാൻ-3 അടക്കമുള്ള ബഹിരാകാശ ദൗത്യങ്ങൾക്ക് വേണ്ടി ഉന്നത നിലവാരത്തിലും ഉയർന്ന സാങ്കേതിക മികവുള്ള കമ്പോണന്റുകൾ നിർമ്മിച്ച് നൽകുവാന്‍ സംസ്ഥാനത്തെ പൊതുമേഖലാ സ്ഥാപനങ്ങൾക്ക് ഓർഡർ ലഭിച്ചിരുന്നോ; വിശദമാക്കാമോ;

പ്രതിരോധ മേഖലയുമായി ബന്ധപ്പെട്ട് പ്രവർത്തിക്കുവാൻ സംസ്ഥാന പൊതുമേഖലാ സ്ഥാപനങ്ങൾക്ക് കഴിഞ്ഞിട്ടുണ്ടോയെന്ന് വ്യക്തമാക്കാമോ?

സംസ്ഥാനത്തെ ദുര്‍ഘടമായ വനാന്തരങ്ങളിലെ 'ഉന്നതി'കളില്‍ വെെദ്യുതിയെത്തിക്കുന്നതിന് നടപ്പാക്കിവരുന്ന പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

രാജ്യത്താദ്യമായി വനമേഖലയില്‍ സമ്പൂര്‍ണ ഗ്രിഡ്ബന്ധിത സൗരോര്‍ജ്ജവല്‍ക്കരണം സംസ്ഥാനത്ത് നടപ്പാക്കുവാന്‍ കഴിഞ്ഞിട്ടുണ്ടോ; വിശദമാക്കുമോ;

വനമേഖലയിലെ നിര്‍ധന കുടുംബങ്ങള്‍ക്ക് മിച്ചമുളള വെെദ്യുതി ഗ്രിഡിലേക്ക് നല്‍കുന്നതിനും അതിലൂടെ വരുമാനം ലഭ്യമാക്കുന്നതിനുമുള്ള പദ്ധതി പൂര്‍ണ്ണതോതില്‍ നടപ്പാക്കാന്‍ കഴിഞ്ഞിട്ടുണ്ടോ; വിശദമാക്കുമോ?

സംസ്ഥാനത്ത് കഴിഞ്ഞ മൂന്ന് വർഷത്തിനുള്ളിൽ മൂന്ന് ലക്ഷത്തിലധികം സംരംഭങ്ങൾ തുടങ്ങിയെന്ന കണക്ക് എപ്രകാരമാണ് തിട്ടപ്പെടുത്തിയതെന്ന് വ്യക്തമാക്കുമോ;

വ്യവസായ വകുപ്പിന്റെ ഏകജാലക പോർട്ടലായ കെ-സ്വിഫ്റ്റ് മുഖേനയല്ലാതെ സംസ്ഥാനത്ത് ഏതൊക്കെ രീതിയിൽ സംരംഭങ്ങൾ രജിസ്റ്റർ ചെയ്യാമെന്ന് വ്യക്തമാക്കുമോ;

സർക്കാർ അവകാശപ്പെടുന്ന 3 ലക്ഷം സംരംഭങ്ങൾ ഏത് പോർട്ടലിലാണ് രജിസ്റ്റർ ചെയ്തിരിക്കുന്നതെന്നും ഇതിന്റെ വിശദവിവരം പൊതുജനങ്ങൾക്ക് ലഭ്യമാക്കാത്തതിന്റെ കാരണം എന്താണെന്നും വ്യക്തമാക്കാമോ?

സംസ്ഥാനത്ത് വ്യാവസായിക രംഗത്ത് നിലവിലെ സര്‍ക്കാര്‍ നടപ്പാക്കിയിട്ടുള്ള പരിഷ്കരണങ്ങളുടെ ഫലമായി നിക്ഷേപ സൗഹൃദ സംസ്ഥാനങ്ങളുടെ പട്ടികയില്‍ ഒന്നാം സ്ഥാനത്ത് എത്താന്‍ കഴിഞ്ഞിട്ടുണ്ടോ; വ്യക്തമാക്കുമോ;

സംസ്ഥാനം നിക്ഷേപ സൗഹൃദമായി മാറിയത് സംബന്ധിച്ച് വ്യാവസായിക ലോകം ചര്‍ച്ച ചെയ്യുന്ന അവസരത്തില്‍ ഇതു സംബന്ധിച്ച് ചില കേന്ദ്രങ്ങള്‍ തെറ്റായ പ്രചരണം നടത്തുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദമാക്കുമോ;

ഇത്തരത്തില്‍ സംസ്ഥാന താല്‍പര്യത്തിന് വിരുദ്ധമായി ദുഷ്‍പ്രചരണങ്ങള്‍ നടത്തുന്നവര്‍ പോലും പിന്നീട് ആധികാരിക രേഖകളും സംസ്ഥാനത്തെ സാഹചര്യങ്ങളും പഠന വിധേയമാക്കി ബോധ്യപ്പെട്ടതിനുശേഷം മുന്‍ നിലപാട് തിരുത്തുവാന്‍ തയ്യാറായിട്ടുണ്ടോ; ഉണ്ടെങ്കിൽ വിശദമാക്കുമോ?

സംസ്ഥാനത്തിന്റെ ആഭ്യന്തര കടം മുൻവർഷങ്ങളെ അപേക്ഷിച്ച് ക്രമാതീതമായി വർദ്ധിച്ചുവരുന്നത് പരിശോധിച്ചിട്ടുണ്ടോ; വ്യക്തമാക്കുമോ;

നികുതി പിരിവില്‍ വീഴ്ച വരുത്തുക വഴി ധന ഉത്തരവാദിത്ത നിയമത്തിലെ വ്യവസ്ഥകള്‍ പാലിക്കാന്‍ കഴിയാതെ വന്നിട്ടുണ്ടോയെന്ന് അറിയിക്കുമോ;

പ്രസ്തുത നിയമവ്യവസ്ഥകള്‍ ലംഘിക്കപ്പെടുന്നതിന്റെ ഭവിഷ്യത്തുകള്‍ എന്തൊക്കെയെന്ന് വിശദമാക്കാമോ; ഇത് മൂലം കേന്ദ്രത്തിൽ നിന്നുള്ള ഗ്രാന്റ് ഉൾപ്പെടെയുള്ള ധനസഹായങ്ങളിൽ കുറവ് വന്നിട്ടുണ്ടോ; വ്യക്തമാക്കുമോ?

സംസ്ഥാനത്തിന്റെ വൈദ്യുത പ്രതിസന്ധി പരിഹരിക്കുന്നതിനായി ആണവ നിലയം സ്ഥാപിക്കുന്നതിന്റെ സാധ്യത പരിശോധിച്ചിട്ടുണ്ടോ; വിശദമാക്കാമോ;

ആണവ നിലയം സ്ഥാപിക്കുന്നതിന് കേന്ദ്ര സർക്കാരിന്റെ സഹായം തേടിയിട്ടുണ്ടോ; വ്യക്തമാക്കാമോ;

സംസ്ഥാനത്ത് സുലഭമായ തോറിയം ഉപയോഗിച്ച് വൈദ്യുത നിലയം ആരംഭിക്കുന്നതിനുളള നിർദ്ദേശങ്ങളുണ്ടോ; വിശദമാക്കുമോ?

അടിസ്ഥാനസൗകര്യ വികസനം ലക്ഷ്യമിട്ട് നടപ്പാക്കിവരുന്ന ശബരിമല മാസ്റ്റര്‍പ്ലാന്‍ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കുമോ;

ശബരിമലയുടെ സമഗ്രവികസനം ലക്ഷ്യമിട്ട് മാസ്റ്റര്‍പ്ലാനിന് അനുസൃതമായി ഒരു ലേ ഔട്ട് പ്ലാനിന് സര്‍ക്കാര്‍ അംഗീകാരം നല്‍കിയിട്ടുണ്ടോ; വിശദമാക്കുമോ;

ഇതിന്റെ ഭാഗമായി നിലയ്ക്കലിനെ സമ്പൂര്‍ണ്ണ ബേസ് ക്യാമ്പാക്കി ഒരു ടൗണ്‍ഷിപ്പ് സ്ഥാപിക്കുന്നത് പരിഗണനയിലുണ്ടോ; വിശദമാക്കുമോ?

‘ക്ലീൻ എനർജി’ എന്നറിയപ്പെടുന്ന ഹരിത ഹൈഡ്രജൻ ഉൽപ്പാദനത്തിനുള്ള സംസ്ഥാനത്തെ അനുകൂലാന്തരീക്ഷം പരമാവധി പ്രയോജനപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

2040-ഓടെ നൂറുശതമാനം പുനരുപയോഗ ഊർജ്ജ അധിഷ്ഠിത സംസ്ഥാനമായി കേരളത്തെ പരിവര്‍ത്തനം ചെയ്യാന്‍ ലക്ഷ്യമിടുന്നുണ്ടോ; വ്യക്തമാക്കുമോ;

ഇതിന്റെ ഭാഗമായി ഹൈഡ്രജൻവാലി ഇന്നൊവേഷൻ ക്ലസ്‌റ്ററുകൾ സ്ഥാപിക്കാനുള്ള നടപടികള്‍ പരിഗണനയിലുണ്ടോ; അറിയിക്കുമോ;

ഹൈഡ്രജൻ ഉൽപ്പാദനവും വിതരണവും എന്നതിന് പുറമേ ഈ രംഗത്തെ ഗവേഷണങ്ങളും കണ്ടുപിടിത്തങ്ങളും പ്രസ്തുത പദ്ധതിയുടെ ഭാഗമായി പരിഗണനയിലുണ്ടോ; വിശദമാക്കാമോ?