2022-23 വർഷത്തെ ബഡ്ജറ്റിൽ തുറമുഖ വകുപ്പിന് എത്ര തുകയാണ് വകയിരുത്തിയതെന്ന് വ്യക്തമാക്കാമോ;

ഈ തുക മുഴുവൻ ധനകാര്യ വകുപ്പിൽ നിന്ന് അനുവദിച്ചുകിട്ടിയിരുന്നോ എന്ന് വ്യക്തമാക്കുമോ;

ഈ തുക ഏതെല്ലാം മേഖലകള്‍ക്ക് എത്ര വീതമാണ് അനുവദിച്ചതെന്ന് ജില്ല തിരിച്ച് അറിയിക്കുമോ;

വകയിരുത്തിയ തുക ഏതെല്ലാം പ്രവൃത്തികൾക്ക് അനുവദിച്ചുവെന്ന് പ്രവൃത്തിയും ജില്ലയും തിരിച്ച് വ്യക്തമാക്കാമോ;

പ്രസ്തുത പ്രവൃത്തികളുടെ നിലവിലെ സ്ഥിതി ജില്ല തിരിച്ച് വ്യക്തമാക്കാമോ?

അഴീക്കല്‍ പോര്‍ട്ട് റീജിയണല്‍ പോര്‍ട്ടായി ഉയര്‍ത്തുന്നതിന്റെ ഭാഗമായി എന്തൊക്കെ നടപടികളാണ് സ്വീകരിച്ചിട്ടുളളത്; വിശദാംശം ലഭ്യമാക്കാമോ;

കപ്പലുകളിലേക്ക് ശുദ്ധജല വിതരണത്തിനായി നിര്‍മ്മിക്കാന്‍ ഉദ്ദേശിക്കുന്ന വിതരണ പ്ലാന്റിന്റെ പ്രവര്‍ത്തന പുരോഗതി അറിയിക്കാമോ?

അഴീക്കല്‍ തുറമുഖത്തെ ഡ്രെഡ്ജിംഗ് മെറ്റീരിയല്‍ നീക്കം ചെയ്യുന്നതിനായി നാലാമത് ടെണ്ടര്‍ വിളിച്ചിട്ടുണ്ടോ; ആയതിന്റെ വിശദാംശം ലഭ്യമാക്കാമോ;

മെറ്റീരിയല്‍സ് വാങ്ങുന്നതിനുള്ള ടെണ്ടര്‍ നടപടിയില്‍ പങ്കാളിത്തം ഇല്ലെങ്കില്‍ മറ്റെന്ത് നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദാംശം ലഭ്യമാക്കാമോ?

വിഴിഞ്ഞം തുറമുഖ പദ്ധതിക്കായി സംസ്ഥാന സർക്കാർ നാളിതുവരെ എത്ര തുക കൈമാറി നൽകിയിട്ടുണ്ട്; ഓരോ ഇനത്തിലും കൈമാറിയ തുകയുടെ വിശദാംശം വ്യക്തമാക്കുമോ;

പ്രസ്തുത പദ്ധതിക്കുള്ള സംസ്ഥാന വിഹിതം നൽകുന്നതിനായി സർക്കാർ കടമെടുക്കുവാൻ തീരുമാനിച്ചിട്ടുണ്ടോ; എങ്കിൽ ഏത് ഏജൻസിയിൽ നിന്നാണ് കടം എടുക്കുന്നത്; എത്ര രൂപയാണ് ഇപ്രകാരം കടമെടുക്കുന്നത്; പ്രസ്തുത വായ്പയുടെ തിരിച്ചടവ് മാനദണ്ഡങ്ങള്‍ വ്യക്തമാക്കുമോ;

വിഴിഞ്ഞം പദ്ധതിയുടെ കരാർ പ്രകാരം പദ്ധതി പൂർത്തീകരിക്കേണ്ടത് എന്നായിരുന്നു; പ്രസ്തുത സമയത്തിനുള്ളിൽ പദ്ധതി പൂർത്തീകരിക്കാൻ സാധിക്കാത്തതിനാൽ തുറമുഖ നിർമാണ കമ്പനിയിൽ നിന്നും നഷ്ടപരിഹാരം ഈടാക്കുന്നതിന് കരാറിൽ വ്യവസ്ഥ ഉണ്ടോ; എങ്കിൽ പ്രസ്തുത വ്യവസ്ഥ പ്രകാരം നഷ്ടപരിഹാരം ഈടാക്കുന്നതിന് സംസ്ഥാനസർക്കാർ നാളിതുവരെ എന്തൊക്കെ നടപടി സ്വീകരിച്ചിട്ടുണ്ട്; വ്യക്തമാക്കുമോ?

ടൂറിസം മേഖലയിൽ പ്രവർത്തിക്കുന്ന സ്വകാര്യ ബോട്ടുകൾക്ക് ലൈസൻസ് അനുവദിക്കുന്നതിനുള്ള നടപടിക്രമങ്ങൾ വ്യക്തമാക്കുമോ;

നിയമാനുസൃത ലൈസൻസ് പുതുക്കുന്നതിന് മുൻപ് വാർഷിക പരിശോധന നടത്താറുണ്ടോ; എങ്കിൽ ആരാണ് പരിശോധന നടത്തുന്നതെന്ന് വ്യക്തമാക്കുമോ;

ഇപ്രകാരമുള്ള വാർഷിക പരിശോധനയുടെ അടിസ്ഥാനത്തിൽ 2017 മുതൽ നാളിതുവരെ ലൈസൻസ് റദ്ദാക്കിയ ജലയാനങ്ങളുടെ വിശദാംശം ജില്ല തിരിച്ച് വിശദമാക്കുമോ?

ടൂറിസം മേഖലയിൽ പ്രവർത്തിക്കുന്ന സ്വകാര്യ ബോട്ടുകൾക്ക് രജിസ്ട്രേഷൻ ലഭിക്കുന്നതിന് ആവശ്യമായ രേഖകൾ എന്തൊക്കെയാണെന്ന് വ്യക്തമാക്കുമോ;

ഇത്തരം ബോട്ടുകൾ സർവീസ് നടത്തുമ്പോൾ നിർബന്ധമായും ബോട്ടിനുള്ളിൽ സൂക്ഷിച്ചിരിക്കേണ്ട രേഖകൾ എന്തൊക്കെയാണെന്ന് വ്യക്തമാക്കുമോ;

ടൂറിസ്റ്റുകൾക്കായി പ്രവർത്തിക്കുന്ന ക്രൂയിസ് ബോട്ടുകൾ, ഹൗസ് ബോട്ടുകൾ എന്നിവയുടെ വാടക നിരക്ക്, ബോട്ടുകളിൽ സൂക്ഷിച്ചിരിക്കേണ്ട രേഖകൾ എന്നിവ സംബന്ധിച്ച് സഞ്ചാരികളെ മുൻകൂട്ടി അറിയിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

സംസ്ഥാനത്തി ​ന്റെ വിവിധ തുറമുഖങ്ങളിൽ നിന്നും ലക്ഷദ്വീപ്, ഗോവ, മാംഗ്ലൂർ എന്നിവിടങ്ങളിലേക്ക് ചരക്ക്, യാത്രാ കപ്പൽ സർവീസുകള്‍ ആരംഭിക്കുന്ന കാര്യം പരിശോധിച്ചിട്ടുണ്ടോ;

എങ്കില്‍ ഇതിനായി എന്തെങ്കിലും പഠനം നടത്തിയിട്ടുണ്ടോ;

പ്രസ്തുത കപ്പൽ സർവീസുകള്‍ എന്നത്തേക്ക് ആരംഭിക്കുവാൻ കഴിയുമെന്ന് വിശദമാക്കുമോ?

തുറമുഖ വകുപ്പിന്റെ കീഴിൽ മലപ്പുറം ജില്ലയിലെ പുളിക്കൽ വലിയ പറമ്പ് പ്രദേശത്ത് കരിങ്കൽ ക്വാറി നിലവിലുണ്ടോ;

എങ്കിൽ വകുപ്പിന് കീഴില്‍ എത്ര സ്ഥലം ഇവിടെയുണ്ടെന്നും ഇവിടെ നിന്നും ഖനനം ചെയ്യാൻ സാധിക്കുന്ന കരിങ്കല്ലിന്റെ അളവ് എത്രയാണെന്നും വ്യക്തമാക്കുമോ;

പ്രസ്തുത ക്വാറിയ്ക്ക് ചുറ്റുവേലി കെട്ടിയപ്പോൾ പ്രദേശവാസികൾ ഉപയോഗിച്ചിരുന്ന വഴി അടച്ചത് സംബന്ധിച്ച് ഗ്രാമപഞ്ചായത്തും പരിസരവാസികളും പരാതിപ്പെട്ടത് ശ്രദ്ധയിൽപെട്ടിട്ടുണ്ടോ; എങ്കിൽ ഇത് പരിഹരിക്കുന്നതിന് നടപടി സ്വീകരിക്കുമോ;

ക്വാറിയിലേക്ക് എത്തിച്ചേരുന്ന റോഡ് നവീകരിക്കുന്നതിന് നടപടി സ്വീകരിക്കുമോ?

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ കടന്നപ്പള്ളി-പാണപ്പുഴ ഗ്രാമപഞ്ചായത്തില്‍പ്പെട്ട ചന്തപ്പുരയില്‍ സ്ഥാപിക്കുന്ന തെയ്യം മ്യൂസിയത്തിന്റെ നിര്‍മ്മാണ പുരോഗതി അറിയിക്കാമോ?

മ്യൂസിയം വകുപ്പില്‍ ഹിസ്റ്ററി ബിരുദം വിദ്യാഭ്യാസ യോഗ്യതയുള്ള ഗ്രേഡ് I ക്യൂറേറ്ററുടെ എത്ര തസ്തികകളാണ് നിലവിലുള്ളതെന്ന് വ്യക്തമാക്കാമോ;

പ്രസ്തുത തസ്തികയിലെ നിയമന രീതി വ്യക്തമാക്കാമോ;

പ്രസ്തുത തസ്തികയില്‍ നിലവില്‍ എത്ര പേരാണ് സേവനം അനുഷ്ഠിക്കുന്നതെന്ന് വിശദമാക്കാമോ?

തൃശ്ശൂർ നിയോജക മണ്ഡലത്തിലെ തെക്കേമഠം പുനരുദ്ധാരണത്തിനായി സാംസ്കാരികകാര്യ വകുപ്പില്‍ നിന്നും തുക അനുവദിച്ചിട്ടുണ്ടോ;

പ്രസ്തുത പദ്ധതിയുടെ നിലവിലെ സ്ഥിതി വിശദമാക്കാമോ?

തൃശ്ശൂർ നിയോജകമണ്ഡലത്തിൽ 2016-17 മുതൽ 2023-24 വരെ ബഡ്ജറ്റിൽ പുരാവസ്തുവകുപ്പ് വഴി അനുവദിച്ചിട്ടുള്ള പദ്ധതികളുടെ വിശദവിവരങ്ങൾ ലഭ്യമാക്കാമോ;

പ്രസ്തുത പദ്ധതികളിൽ പൂർത്തിയാക്കാത്ത പദ്ധതികളുടെ വിവരവും ആയതിന്റെ കാരണവും ലഭ്യമാക്കാമോ?

ചരിത്ര വസ്തുതകളെയും യാഥാർത്ഥ്യങ്ങളെയും വളച്ചൊടിക്കാനുള്ള സംഘടിത ശ്രമങ്ങളുടെ ഭാഗമായി ചില നിക്ഷിപ്ത താല്പര്യക്കാരുടെ ഭാഗത്തുനിന്നും നിരന്തരം ഉണ്ടാകുന്ന സമീപകാല സംഭവങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കില്‍ വിശദമാക്കുമോ;

സംസ്ഥാന പുരാവസ്തു വകുപ്പിന്റെ പ്രവർത്തനം വിശകലന വിധേയമാക്കിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

കേരളീയ പൈതൃകമൂല്യങ്ങളുടെ ശേഖരമായ പുരാരേഖകളെ ശാസ്ത്രീയമായി സംരക്ഷിക്കുന്നതിനുവേണ്ടി നടപ്പിലാക്കുന്ന പ്രവർത്തനങ്ങളുടെ വിശദാംശം ലഭ്യമാക്കുമോ;

ചരിത്രപാഠങ്ങളെ ശാസ്ത്രീയമായി സ്വാംശീകരിച്ചുകൊണ്ട് മാനവികതയിൽ ഊന്നിയ പുതിയ തലമുറയുടെ സൃഷ്ടിക്ക് വേണ്ടി സംസ്ഥാന പുരാവസ്തു, പുരാരേഖാ വകുപ്പുകള്‍ നടപ്പിലാക്കുന്ന പ്രവർത്തനങ്ങളുടെ വിശദാംശം ലഭ്യമാക്കുമോ?

പാറശാല മണ്ഡലത്തിലെ പാണ്ഡവന്‍പാറ കേന്ദ്രമാക്കി ചരിത്ര വിദ്യാര്‍ത്ഥികള്‍ക്ക് സഹായകരമാകുന്ന തരത്തില്‍ ഒരു അമിനിറ്റി സെന്റര്‍ സ്ഥാപിക്കുന്നതിനുള്ള നടപടി സ്വീകരിക്കുമോ;

പാണ്ഡവന്‍പാറയെ സംരക്ഷിക്കുന്നതിനായി സ്വീകരിച്ചിട്ടുള്ള നടപടികള്‍ എന്തൊക്കെയാണ്; വിശദാംശം അറിയിക്കാമോ;

പാറശാല മണ്ഡലത്തിലെ വെള്ളറട, കുന്നത്തുകാല്‍ ഗ്രാമപഞ്ചായത്തുകളിലായി സ്ഥിതിചെയ്യുന്ന പൂങ്കോട്ട് പാറയെ സംരക്ഷിത മേഖലയാക്കി മാറ്റുന്നതിനുള്ള നടപടി സ്വീകരിക്കുമോ; വിശദാംശം ലഭ്യമാക്കാമോ?