കുറ്റിച്ചല്‍ ഗ്രാമപഞ്ചായത്തില്‍ ഉള്‍പ്പെട്ട 23 ആദിവാസി സെറ്റില്‍മെന്റുകളില്‍ നിരന്തരം വൈദ്യുതി വിതരണം തടസ്സപ്പെടുന്നു എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ആദിവാസി സെറ്റില്‍മെന്റുകളില്‍ മുടക്കം കൂടാതെ വൈദ്യുതി ലഭിക്കുന്നതിന് നിലവിലെ എ.ബി.സി. കേബിള്‍ മാറ്റി പകരം യു.ജി. കേബിള്‍ സ്ഥാപിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ?

കോതമംഗലം മണ്ഡലത്തിലെ കുഞ്ചിപ്പാറ, തലവച്ചപാറ ആദിവാസി കോളനികളിലെ വൈദ്യുതീകരണം സംബന്ധിച്ച നിലവിലെ സ്ഥിതി വിശദമാക്കാമോ;

ഈ ആദിവാസി കോളനികളുടെ വൈദ്യുതീകരണത്തിനായി എത്ര തുകയുടെ ഭരണാനുമതിയാണ് നല്കിയിട്ടുള്ളതെന്ന് വ്യക്തമാക്കുമോ;

ഭരണാനുമതിയിന്മേല്‍ ടെണ്ടര്‍ നടപടികള്‍ പൂര്‍ത്തിയാക്കി പ്രവൃത്തി ആരംഭിച്ചിട്ടുണ്ടോ; വിശദമാക്കുമോ;

പ്രസ്തുത ആദിവാസി കോളനികളില്‍ ഏത് തരത്തിലാണ് വൈദ്യുതീകരണം നടപ്പിലാക്കുന്നതെന്ന് വ്യക്തമാക്കാമോ;

ഈ പ്രവൃത്തി എന്നത്തേക്ക് പൂര്‍ത്തിയാക്കാനാണ് ഉദ്ദേശിക്കുന്നതെന്നും വൈദ്യുതീകരണം വേഗത്തില്‍ പൂർത്തിയാക്കുന്നതിന് നടപടി സ്വീകരിക്കുമോയെന്നും വിശദമാക്കുമോ?

രാജ്യത്തെ വെെദ്യുതി മേഖലയെ സ്വകാര്യ കമ്പനികള്‍ക്ക് യഥേഷ്ടം ഉപയോഗിക്കുവാനാകുന്ന തരത്തില്‍ വെെദ്യുതി നിയമത്തിൽ മാറ്റം വരുത്തുന്നതിനായി കേന്ദ്ര സര്‍ക്കാര്‍ കൊണ്ടുവന്നിട്ടുളള ഭേദഗതി സംസ്ഥാനത്തെ വെെദ്യുതി മേഖലയെ ഏത് രീതിയില്‍ ബാധിക്കുമെന്ന് വിലയിരുത്തിയിട്ടുണ്ടോ; വിശദമാക്കുമോ;

സംസ്ഥാനത്തിന്റെ താത്പര്യങ്ങള്‍ക്ക് വിഘാതം സൃഷ്ടിക്കുന്നതായി പറയപ്പെടുന്ന നിര്‍ദിഷ്ട ഭേദഗതിക്കെതിരെ സര്‍ക്കാര്‍ നടത്തിയിട്ടുളള ഇടപെടലുകള്‍ സംബന്ധിച്ച വിശദാംശം നല്‍കുമോ;

രാജ്യത്തെ മുഴുവന്‍ സംസ്ഥാനങ്ങളുടെയും താത്പര്യങ്ങള്‍ സ്വകാര്യ കുത്തകകള്‍ക്ക് അടിയറവ് വെയ്ക്കുന്നതിനായി രൂപം നല്‍കിയിട്ടുളളതായി പറയപ്പെടുന്ന പ്രസ്തുത ബില്ലിനെതിരെ രാജ്യത്തെ വെെദ്യുതി റെഗുലേറ്ററി കമ്മീഷനുകളുടെ കൂട്ടായ്മയായ ഫോറം ഓഫ് റെഗുലേറ്റേഴ്സ് രംഗത്തു വന്നിട്ടുണ്ടോ; വിശദമാക്കുമോ?

കെ.എസ്.ഇ.ബി. യുടെ സ്മാർട്ട് മീറ്റർ സ്ഥാപിക്കുന്നതിനുള്ള നടപടികളുടെ പുരോഗതി വ്യക്തമാക്കുമോ;

നിലവിൽ എത്ര ഉപഭോക്താക്കൾക്ക് സ്മാർട്ട് മീറ്റർ സ്ഥാപിച്ചു നൽകിയിട്ടുണ്ടെന്നും സ്മാർട്ട് മീറ്റർ സ്ഥാപിക്കുന്നതിന് എന്തൊക്കെ നടപടികളാണ് പൂർത്തീകരിക്കുവാനുള്ളതെന്നും അറിയിക്കുമോ;

സ്മാർട്ട് മീറ്റർ സ്ഥാപിക്കുന്നത് സംബന്ധിച്ച് തൊഴിലാളി യൂണിയനുകൾ എതിർപ്പ് ഉന്നയിച്ചിട്ടുണ്ടോ; എങ്കില്‍ തൊഴിലാളികൾ ഉന്നയിച്ച പ്രശ്നങ്ങൾക്ക് പരിഹാരം കണ്ടിട്ടുണ്ടോ; വിശദാംശം നൽകുമോ?

കോവിഡ് ലോക്ക് ഡൗൺ സമയത്ത് അടഞ്ഞു കിടന്ന സിനിമ തിയേറ്ററുകൾക്ക് ഇലക്ട്രിസിറ്റി ബില്ലിന്റെ ഫിക്സഡ് ചാർജ്ജിൽ 50% ഇളവ് അനുവദിച്ചിട്ടുണ്ടോ; അറിയിക്കുമോ;

ഇടത്തരം മാളുകളിൽ പ്രവർത്തിക്കുന്ന സിനിമ തീയേറ്ററുകൾക്കും ഇത് ബാധകമാണോ; വ്യക്തമാക്കുമോ;

സിനിമ തിയേറ്ററുകൾ പ്രവർത്തിക്കുന്ന മാളുകൾക്ക് ഇലക്ട്രിസിറ്റി ബില്ലിന്റെ ഫിക്സഡ് ചാർജ്ജിൽ 50% ഇളവ് അനുവദിക്കുമോ; വിശദമാക്കുമോ;

ഇടത്തരം ഷോപ്പിംഗ് മാളുകളിലെ ഇലക്ട്രിക് ബില്‍ കുടിശ്ശികയ്ക്ക് എത്ര ശതമാനം പലിശയാണ് ഈടാക്കുന്നത്; കോവിഡ് കാരണം അടഞ്ഞു കിടന്ന സമയത്തെ ബില്‍ കുടിശ്ശികയ്ക്കു് പലിശ ഇളവ് നൽകുമോ; വ്യക്തമാക്കുമോ?

പെരിന്തല്‍മണ്ണ മണ്ഡലത്തിലെ താഴേക്കോട്, പുലാമന്തോള്‍, പെരിന്തല്‍മണ്ണ കെ.എസ്.ഇ.ബി. സെക്ഷനുകള്‍ക്ക് കീഴിലെ വിവിധ ഭാഗങ്ങളില്‍ വോള്‍ട്ടേജ് ക്ഷാമം നിലനില്‍ക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇത് പരിഹരിക്കുന്നതിന് സ്വീകരിച്ച നടപടികള്‍ വിശദമാക്കുമോ;

ഈ പ്രദേശങ്ങളിലെ വോള്‍ട്ടേജ് ക്ഷാമം പരിഹരിക്കുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

കെ.എസ്.ഇ.ബി.യുടെ ബജറ്റ് എസ്റ്റിമേറ്റ് അടക്കമുള്ള രേഖകള്‍ പ്രകാരം 2022-23 സാമ്പത്തിക വര്‍ഷത്തില്‍ 495 കോടിയോളം രൂപ ലാഭമുണ്ടാകും എന്നിരിക്കെ നിരക്ക് വര്‍ധനവിന് വേണ്ടി സംസ്ഥാന വൈദ്യുതി റെഗുലേറ്ററി കമ്മീഷനില്‍ സമര്‍പ്പിച്ച ആനുവല്‍ റെക്കറിംഗ് റവന്യൂവില്‍ 2852 കോടി രൂപ നഷ്ടമുണ്ടാകും എന്ന് സൂചിപ്പിച്ചിരുന്നോ; എങ്കില്‍ ഇത് എന്തുകൊണ്ടാണെന്ന് വ്യക്തമാക്കുമോ;

നിലവില്‍ കെ.എസ്.ഇ.ബി. ലാഭത്തിലാണോ, നഷ്ടത്തിലാണോ എന്നതിന്റെ വിശദാംശം നല്‍കുമോ?

പുരപ്പുറ സൗരാേര്‍ജ്ജ പദ്ധതി പ്രകാരം കുന്നത്തുനാട് മണ്ഡലത്തില്‍ എത്ര സൗരനിലയങ്ങള്‍ സ്ഥാപിക്കാനായിട്ടുണ്ടെന്ന് അറിയിക്കുമോ;

പ്രസ്തുത പദ്ധതിയിലൂടെ പ്രതിമാസം എത്ര യൂണിറ്റ് വെെദ്യുതി ഉല്പാദിപ്പിക്കുന്നുണ്ടെന്ന് വ്യക്തമാക്കാമോ;

കുന്നത്തുനാട് മണ്ഡലത്തില്‍ നിന്നും ഇതുവരെ പ്രസ്തുത പദ്ധതിയ്ക്കായി എത്ര അപേക്ഷകള്‍ ലഭിച്ചിട്ടുണ്ടെന്നും ആയതിന്മേല്‍ സ്വീകരിച്ച നടപടികള്‍ എന്താണെന്നും വിശദമാക്കുമോ?

ആലത്തൂര്‍ മണ്ഡലത്തില്‍ ഇലക്ട്രിക് ചാര്‍ജിംഗ് സ്റ്റേഷനുകള്‍ സ്ഥാപിക്കുന്ന നടപടി നിലവില്‍ ഏത് ഘട്ടത്തിലാണെന്നും ഏതൊക്കെ പ്രദേശങ്ങളിലാണ് ചാര്‍ജിംഗ് സ്റ്റേഷനുകള്‍ സ്ഥാപിക്കുന്നതെന്നും അറിയിക്കാമോ;

ഇലക്ട്രിക് വാഹനങ്ങള്‍ കൂടുതലായി ഉപയോഗിക്കുന്ന സാഹചര്യത്തില്‍ കൂടുതല്‍ പ്രദേശങ്ങളില്‍ ചാര്‍ജിംഗ് സ്റ്റേഷനുകള്‍ അനുവദിക്കുന്നതിനുള്ള നടപടികള്‍ സ്വീകരിക്കുമോ?

അരൂര്‍ മണ്ഡലത്തില്‍ ഇലക്ട്രിക് വാഹനങ്ങള്‍ ചാര്‍ജ് ചെയ്യുന്നതിന് ഏതെല്ലാം പ്രദേശങ്ങളിലാണ് ചാര്‍ജിംഗ് പോയിന്റുകള്‍ സ്ഥാപിച്ചിട്ടുള്ളതെന്ന് വിശദമാക്കുമോ;

പ്രസ്തുത ചാര്‍ജിംഗ് സ്റ്റേഷനുകളില്‍ ഇലക്ട്രിക് വാഹനങ്ങള്‍ ചാര്‍ജ് ചെയ്യുന്നതിന് നിലവില്‍ ഫീസ് ഈടാക്കുന്നുണ്ടോ; എങ്കില്‍ ആയതിന്റെ വിശദാംശം വ്യക്തമാക്കുമോ;

പ്രസ്തുത ചാര്‍ജിംഗ് പോയിന്റുകള്‍ ഫാസ്റ്റ് ചാര്‍ജിംഗ് സെന്ററുകള്‍ ആക്കുന്നതിനുള്ള നടപടി സ്വീകരിക്കുമോ?

കെ.എസ്.ഇ.ബി.യുമായി ബന്ധപ്പെട്ട പരാതികള്‍ അദാലത്ത് നടത്തി പരിഹരിക്കുന്ന നടപടികള്‍ കഴിഞ്ഞ കുറച്ച് വര്‍ഷങ്ങളായി നടക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ അദാലത്തുകള്‍ നടത്തി പരാതികള്‍ ഇളവുകളോടെ തീര്‍പ്പ് കല്‍പ്പിക്കുന്നതിനായുള്ള നടപടി സ്വീകരിക്കുമോ; വിശദമാക്കുമോ?

നെയ്യാറ്റിന്‍കര മണ്ഡലത്തില്‍ ഏതൊക്കെ സ്ഥലങ്ങളിലാണ് വെെദ്യുതി ചാര്‍ജിംഗ് സംവിധാനം ഒരുക്കിയിട്ടുള്ളതെന്ന് സ്ഥലപ്പേര് സഹിതം വ്യക്തമാക്കുമോ?

ഷൊര്‍ണ്ണൂര്‍ മണ്ഡലത്തിലെ വിവിധ പ്രദേശങ്ങളിലെ വോള്‍ട്ടേജ് ക്ഷാമം പരിഹരിക്കുന്നതിന് കോതകുറിശ്ശിയില്‍ ആരംഭിക്കാന്‍ തീരുമാനിച്ച 110 കെ.വി. സബ്സ്റ്റേഷന്‍ നിര്‍മ്മാണം തുടങ്ങിയിട്ടുണ്ടോ; വിശദാംശം നൽകുമോ?

കുറ്റ്യാടി മണ്ഡലത്തില്‍ ഇലക്ട്രിക് വാഹന ചാര്‍ജിംഗ് സ്റ്റേഷനുകള്‍ സ്ഥാപിക്കുന്ന പ്രവൃത്തി ഏത് ഘട്ടത്തിലാണ്; സ്റ്റേഷനുകളുടെ വിശദാംശങ്ങള്‍ സഹിതം അറിയിക്കാമോ;

ഇത്തരത്തില്‍ സ്ഥാപിക്കുന്ന ചാര്‍ജിംഗ് സ്റ്റേഷനുകളില്‍ ഒരേ സമയം എത്ര വാഹനങ്ങള്‍ക്ക് ചാര്‍ജ് ചെയ്യാന്‍ സാധിക്കുമെന്ന് വിശദമാക്കുമോ;

വര്‍ദ്ധിച്ച് വരുന്ന ഇലക്ട്രിക് വാഹന ഉപഭോഗം കണക്കിലെടുത്ത് കുറ്റ്യാടി മണ്ഡലത്തില്‍ കൂടുതല്‍ ഇലക്ട്രിക് വാഹന ചാര്‍ജിംഗ് സ്റ്റേഷനുകള്‍ സ്ഥാപിക്കുന്നതിന് പദ്ധതിയുണ്ടോ; വിവരം നൽകുമോ?

കോട്ടക്കല്‍ മണ്ഡലത്തിൽ ഇലക്ട്രിക് ചാർജിംഗ് സ്റ്റേഷനുകള്‍ സ്ഥാപിക്കുന്ന പദ്ധതി ഏത് ഘട്ടത്തിലാണെന്ന് വിശദമാക്കുമോ;

ഇലക്ട്രിക് വാഹനങ്ങളുടെ ഉപയോഗം കൂടി വരുന്ന സാഹചര്യത്തില്‍ കൂടുതല്‍ ഇലക്ട്രിക് ചാര്‍ജിംഗ് സ്റ്റേഷനുകള്‍ സ്ഥാപിക്കുന്നതിനാവശ്യമായ നടപടി സ്വീകരിക്കുമോ;

ഇലക്ട്രിക് വാഹനങ്ങള്‍ ചാര്‍ജ് ചെയ്യുന്നതിന് വൈദ്യുതി പോസ്റ്റുകളില്‍ ചാര്‍ജിംഗ് പോയിന്റുകള്‍ സ്ഥാപിക്കുന്ന പദ്ധതിയുടെ വിശദാംശം നല്‍കുമോ;

കോട്ടക്കല്‍ മണ്ഡലത്തില്‍ എവിടെയെല്ലാം പോള്‍ മൗണ്ടഡ് ചാർജിംഗ് പോയിന്റുകള്‍ സ്ഥാപിച്ചിട്ടുണ്ടെന്ന് അറിയിക്കുമോ; മണ്ഡലത്തില്‍ കൂടുതല്‍ സ്ഥലങ്ങളില്‍ പോള്‍ മൗണ്ടഡ് ചാർജിംഗ് പോയിന്റുകള്‍ സ്ഥാപിക്കുന്നതിന് നടപടി സ്വീകരിക്കുമോ; വിശദമാക്കുമോ?

ആലത്തൂര്‍ മണ്ഡലത്തിൽ പാലക്കുഴി പ്രദേശത്തെ വൈദ്യുതി കണക്ഷന്‍ ലഭിച്ചിട്ടില്ലാത്ത കുടുംബങ്ങള്‍ക്ക് കണക്ഷന്‍ ലഭ്യമാക്കുന്നത്‌ സംബന്ധിച്ച് വനം വകുപ്പ് മന്ത്രിയുമായി യോഗം ചേരുന്നതിന് കെ.എസ്.ഇ.ബി. സി.എം.ഡി.ക്ക് നിര്‍ദ്ദേശം നല്‍കിയിരുന്നോ; വിവരം നല്കുമോ;

എങ്കില്‍ വനം വകുപ്പുമായി യോഗം ചേര്‍ന്നിട്ടുണ്ടോ; ആയതിന്റെ തീരുമാനം അറിയിക്കുമോ;

വിദ്യാര്‍ത്ഥികളുള്ള കുടുംബങ്ങളില്‍ ഉടന്‍ വൈദ്യുതി കണക്ഷന്‍ നൽകാനുള്ള നടപടികള്‍ സ്വീകരിക്കുമോ; വ്യക്തമാക്കുമോ?

വൈദ്യുതി കണക്ഷൻ എടുക്കുമ്പോൾ എത്ര കണക്ഷനുകൾക്ക് മുകളിലുണ്ടെങ്കിലാണ് ബസ് ബാറും കൺട്രോളും സ്ഥാപിക്കേണ്ടത്; വിശദമാക്കുമോ;

നിശ്ചിത കണക്ഷന് മുകളിലുണ്ടെങ്കിൽ ബസ് ബാറും കൺട്രോളും നിർബന്ധമാണെന്ന നിയമം നിലവിലുണ്ടോ; ഇത് സംബന്ധിച്ച് ഉത്തരവുകൾ ഉണ്ടോ; എങ്കിൽ പകർപ്പുകൾ ലഭ്യമാക്കാമോ;

വർഷങ്ങൾക്ക് മുമ്പ് പണി പൂർത്തീകരിച്ചതും ആറ് കണക്ഷനുകൾ ലഭിച്ചതും ഇപ്പോഴും നിലവിലുള്ളതുമായ ഒരു കെട്ടിടത്തിൽ പുതിയൊരു കണക്ഷൻ ആവശ്യമായി വന്നാൽ ബസ് ബാറും കണ്‍ട്രോളും ഇല്ലാതെ കണക്ഷൻ ലഭിക്കാൻ തടസ്സമുണ്ടോ; വിശദമാക്കുമോ;

കണക്ഷൻ നൽകുമ്പോൾ പാലിക്കേണ്ട ബസ് ബാറും കൺട്രോളും സംബന്ധിച്ചുള്ള മാർഗ്ഗ നിർദ്ദേശങ്ങൾ കെ.എസ്.ഇ.ബി. യുടെ ഏത് ചട്ടത്തിലാണ് പറയുന്നത്; ആയതിന്റെ പകർപ്പ് ലഭ്യമാക്കുമോ?

കെ.എസ്.ഇ.ബി.യ്ക്ക് സ്വകാര്യ സ്ഥാപനങ്ങളിൽ നിന്നും വൈദ്യുതി ചാർജ് കുടിശ്ശികയിനത്തിൽ എത്ര തുക ലഭിക്കുവാൻ ഉണ്ട്; നിലവിലെ സർക്കാർ അധികാരത്തിൽ വന്നതിനുശേഷം കുടിശ്ശികയിനത്തിൽ എത്ര തുക പിരിച്ചെടുക്കാൻ സാധിച്ചിട്ടുണ്ട്; വിശദ വിവരം നൽകുമോ;

വൈദ്യുതി ചാർജ് വർദ്ധനവിലൂടെ നടപ്പു സാമ്പത്തിക വർഷം കെ.എസ്.ഇ.ബി.യ്ക്ക് ഉണ്ടായ അധിക വരുമാനം എത്രയാണെന്ന് വ്യക്തമാക്കുമോ;

സ്വകാര്യ വൻകിട ഉപഭോക്താക്കളിൽ നിന്നും ഭീമമായ വൈദ്യുതി ചാർജ് കുടിശ്ശിക പിരിച്ചെടുക്കുന്നതിനും ഇതര സംസ്ഥാനങ്ങളുടെ മാതൃകയിൽ ഗാർഹിക ഉപഭോക്താക്കൾക്ക് വൈദ്യുതി സൗജന്യമായും കുറഞ്ഞ നിരക്കിലും നൽകുന്നതിനും നടപടി സ്വീകരിക്കുമോ; വിശദാംശം നൽകുമോ?

അരുവിക്കര മണ്ഡലത്തില്‍ ഇലക്ട്രിക് ചാര്‍ജിംഗ് പോയിന്റുകള്‍ സ്ഥാപിച്ചിട്ടുള്ള സ്ഥലങ്ങളും എത്ര ഉപഭോക്താക്കള്‍ ഈ സൗകര്യം പ്രയോജനപ്പെടുത്തിയിട്ടുണ്ടെന്നുമുള്ള വിവരം ലഭ്യമാക്കാമോ;

മണ്ഡലത്തില്‍ കൂടുതലായി ഇത്തരം ചാര്‍ജിംഗ് പോയിന്റുകള്‍ സ്ഥാപിക്കാന്‍ പദ്ധതിയുണ്ടോ; പ്രസ്തുത വിവരം ലഭ്യമാക്കാമോ?

പ്രതിസന്ധികള്‍ നേരിടുന്ന പൊതുമേഖലാ വ്യവസായ സ്ഥാപനങ്ങളുടെ പുനരുജ്ജീവനത്തിന് സ്ഥാപനങ്ങള്‍ക്കുണ്ടായ ഭീമമായ വൈദ്യുതി കുടിശ്ശിക എഴുതിത്തള്ളുന്നതിനോ സര്‍ക്കാര്‍ ഏറ്റെടുക്കുന്നതിനോ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കുമോ;

ചെങ്ങന്നൂര്‍ മണ്ഡലത്തില്‍ കേരള സ്റ്റേറ്റ് ടെക്സ്റ്റൈല്‍സ് കോര്‍പ്പറേഷന്റെ കീഴില്‍ പ്രവര്‍ത്തിച്ചുവരുന്ന പ്രഭുറാം മില്‍സിന്റെ വൈദ്യുതി കുടിശ്ശികയായ 3 കോടി 98 ലക്ഷം രൂപ തീര്‍പ്പാക്കുന്നതിനായി സ്വീകരിച്ച നടപടികള്‍ എന്തൊക്കെയെന്ന് വിശദമാക്കുമോ;

പ്രസ്തുത നടപടികള്‍ക്കുശേഷം ഇപ്പോള്‍ ഉണ്ടായിട്ടുള്ള മൂന്ന് മാസത്തെ കുടിശ്ശിക ഘട്ടം ഘട്ടമായി അടച്ചു തീര്‍ക്കുന്നതിന് അനുമതി നല്‍കാൻ നടപടി സ്വീകരിക്കുമോ?

ഈ സർക്കാർ അധികാരത്തിൽ വന്നതിന് ശേഷം കാഞ്ഞങ്ങാട് മണ്ഡലത്തിൽ വെെദ്യുതി വകുപ്പ് നടപ്പിലാക്കിയതും നടപ്പിലാക്കികൊണ്ടിരിക്കുന്നതുമായ പദ്ധതികൾ ഏതെല്ലാമാണെന്ന് വിശദമാക്കാമോ;

പ്രസ്തുത പ്രവൃത്തികൾക്ക് എത്ര തുക വീതമാണ് വിനിയോഗിക്കുന്നതെന്ന് അറിയിക്കാമോ?

വെെദ്യുതി വകുപ്പ് നടപ്പാക്കുന്ന 'നിലാവ്' പദ്ധതിയുടെ വിശദാംശം നല്‍കുമോ;

വാമനപുരം മണ്ഡലത്തിലെ ഏതൊക്കെ ഗ്രാമപഞ്ചായത്തുകളില്‍ നിന്ന് അപേക്ഷ ലഭിച്ചിട്ടുണ്ടെന്നും ഓരോ പഞ്ചായത്തിലും ഈ പദ്ധതി പ്രകാരം സ്ഥാപിച്ച ലെെറ്റുകളുടെ എണ്ണവും നല്‍കുമോ?

കെ.എസ്.ഇ.ബി.ക്ക് കീഴില്‍ നിര്‍മ്മിക്കുവാന്‍ ഉദ്ദേശിക്കുന്ന നിര്‍ദ്ദിഷ്ട മറിപ്പുഴ, ഓളിക്കല്‍, പൂവാറന്‍തോട് ചെറുകിട ജലവൈദ്യുത പദ്ധതികളുടെ നിര്‍മ്മാണം ആരംഭിക്കാത്തതിന്റെ കാരണം വിശദമാക്കുമോ;

പ്രസ്തുത പ്രവൃത്തി ആരംഭിക്കുന്നതിന് അടിയന്തര നടപടി സ്വീകരിക്കുമോ?

ചങ്ങനാശ്ശേരി മണ്ഡലത്തിലെ ഏതെല്ലാം തദ്ദേശസ്വയംഭരണ സ്ഥാപനങ്ങളിലാണ് നിലാവ് പദ്ധതി നടപ്പിലാക്കിയിട്ടുള്ളതെന്ന് വ്യക്തമാക്കുമോ;

പ്രസ്തുത പദ്ധതിയില്‍ ഉള്‍പ്പെടുത്തി സ്ഥാപിച്ചിട്ടുള്ള തെരുവ് വിളക്കുകളുടെ എണ്ണം പഞ്ചായത്ത് തിരിച്ച് വ്യക്തമാക്കുമോ?

പൂഞ്ഞാർ മണ്ഡലത്തിലെ മാർമല ചെറുകിട ജലവൈദ്യുത പദ്ധതിയുടെ നിലവിലെ സ്ഥിതി സംബന്ധിച്ച വിശദാംശം ലഭ്യമാക്കുമോ;

പ്രസ്തുത പദ്ധതിയ്ക്കായി തീക്കോയി, തലനാട് വില്ലേജുകളിലെ ഭൂമി ഏറ്റെടുക്കുന്ന നടപടി ഏത് ഘട്ടത്തിലാണെന്ന് അറിയിക്കുമോ;

ഇത് സംബന്ധിച്ച നടപടിക്രമങ്ങൾ ത്വരിതപ്പെടുത്തി പ്രസ്തുത പദ്ധതി യാഥാർത്ഥ്യമാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

കൊണ്ടോട്ടി, എടവണ്ണപ്പാറ, മുണ്ടക്കുളം, കാരാട്, പുളിക്കൽ എന്നീ വൈദ്യുത സെക്ഷനുകൾക്ക് കീഴിൽ കൊണ്ടോട്ടി മണ്ഡലത്തിൽ നടപ്പിലാക്കികൊണ്ടിരിക്കുന്ന വിവിധ വൈദ്യുത പദ്ധതികളുടെ വിശദാംശം ലഭ്യമാക്കുമോ;

പുളിക്കൽ 110 കെ.വി. സബ്സ്റ്റേഷനുള്ള സ്ഥലമെടുപ്പ്, കൊണ്ടോട്ടി 33 കെ.വി. സബ്സ്റ്റേഷൻ സ്ഥാപിക്കൽ എന്നിവയുടെ പ്രവർത്തന പുരോഗതി വിശദമാക്കുമോ;

റീബിൽഡ് കേരളയിൽ ഉൾപ്പെടുത്തി മണ്ഡലത്തില്‍ വൈദ്യുത പദ്ധതികൾക്കായുള്ള പ്രൊപ്പോസലുകൾ സമർപ്പിച്ചിട്ടുണ്ടോ; എങ്കിൽ ആയതിന്റെ വിശദാംശങ്ങളും നിലവിലെ സ്ഥിതിയും അറിയിക്കാമോ;

വോൾട്ടേജ് ഇമ്പ്രൂവ്മെന്റ് പദ്ധതിയിൽ ഉൾപ്പെടുത്തി പുതിയ ഏതെല്ലാം പദ്ധതികളാണ് മണ്ഡലത്തില്‍ നടപ്പിലാക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

കെ.എസ്.ഇ.ബി.യുടെ ദ്യുതി പദ്ധതി പ്രകാരം ചിറയിന്‍കീഴ് മണ്ഡലത്തില്‍ നടപ്പിലാക്കിയ പ്രവൃത്തികള്‍ ഏതെല്ലാമാണെന്നും ഇതിനായി എത്ര തുക ചെലവഴിച്ചിട്ടുണ്ടെന്നുമുള്ള വിവരങ്ങള്‍ ലഭ്യമാക്കാമോ;

പ്രസ്തുത പദ്ധതിയില്‍ ഉള്‍പ്പെടുത്തി മണ്ഡലത്തില്‍ നടപ്പിലാക്കാന്‍ ഉദ്ദേശിക്കുന്ന പ്രവൃത്തികള്‍ വിശദമാക്കുമോ?

നിലവിലെ വെെദ്യുത പ്രസരണ ലെെനുകളുടെ ഉടമസ്ഥത നിശ്ചിത കാലത്തേക്ക് സ്വകാര്യ മേഖലയ്ക്ക് വിട്ടുനല്‍കാന്‍ കേന്ദ്രം നിര്‍ദേശം നല്‍കിയിട്ടുണ്ടാേ; എങ്കില്‍ എന്തെല്ലാം വ്യവസ്ഥകളാണ് കേന്ദ്രം നിർദേശിച്ചതെന്നറിയിക്കുമോ;

പ്രസ്തുത വിഷയത്തിന്മേല്‍ സംസ്ഥാനത്തിന്റെ നിലപാട് എന്താണെന്ന് വിശദമാക്കുമോ;

നിലവില്‍ ഉടമസ്ഥാവകാശം കെെമാറുന്നതിനായി എസ്.പി.വി. കള്‍ രൂപീകരിച്ചിട്ടുണ്ടാേ; എങ്കില്‍ വിശദമാക്കാമാേ?

കെ.എസ്.ഇ.ബി. നിലവിൽ സ്വീകരിച്ചുവരുന്ന ബില്ലിംഗ് രീതിയിൽ മാറ്റം വരുത്താൻ ഉദ്ദേശിക്കുന്നുണ്ടോയെന്ന് അറിയിക്കുമോ;

വൈദ്യുതി ഉപയോഗം കൂടുതലുളള സമയത്ത് കൂടുതൽ തുക ഉപഭോക്താക്കളിൽ നിന്നും ഈടാക്കുന്ന കാര്യം പരിഗണനയിലുണ്ടോ; എങ്കില്‍ ഗാർഹിക ഉപഭോക്താക്കളെ ഇത് എപ്രകാരം ബാധിക്കുമെന്ന് പരിശോധിച്ചിട്ടുണ്ടോ;

പുതിയ ബില്ലിംഗ് രീതി നടപ്പാക്കുന്നതിന് സ്മാർട്ട് മീറ്ററുകൾ സ്ഥാപിക്കേണ്ടതുണ്ടോ; വിശദാംശം നൽകുമോ?

കെ.എസ്.ഇ.ബി. വൈദ്യുതി നിരക്ക് വർദ്ധിപ്പിക്കാൻ ഉദ്ദേശിക്കുന്നുണ്ടോ; ഇതു സംബന്ധിച്ച ശിപാർശകൾ എന്തെങ്കിലും ബോർഡിന് ലഭിച്ചിട്ടുണ്ടോ;

ഉപഭോഗ സമയത്തിന്റെ അടിസ്ഥാനത്തിൽ വ്യത്യസ്ത വൈദ്യുതി നിരക്ക് ഈടാക്കുന്ന കാര്യം പരിഗണനയിൽ ഉണ്ടോ; എങ്കിൽ ഏതൊക്കെ തരത്തിലാണ് നിരക്കുകൾ ഈടാക്കാൻ ഉദ്ദേശിക്കുന്നത്; വിശദാംശം ലഭ്യമാക്കുമോ;

എത്ര രൂപയുടെ വർദ്ധനവ് വരുത്താനാണ് ഉദ്ദേശിക്കുന്നത്; വിശദാംശം ലഭ്യമാക്കുമോ?

ലൈഫ് മിഷന്‍ പദ്ധതിയുടെ ഭാഗമായി നിര്‍മ്മിക്കുന്ന വീടുകളില്‍ സൗരോര്‍ജ്ജം ലഭ്യമാക്കുന്നതിന് പദ്ധതി നടപ്പിലാക്കുന്നുണ്ടോ; വിശദാംശം നൽകുമോ?

സംസ്ഥാനത്തെ വിവിധ സര്‍ക്കാര്‍/പൊതുമേഖലാ സ്ഥാപനങ്ങളില്‍ അനെര്‍ട്ട് മുഖേന സൗരോര്‍ജ നിലയങ്ങള്‍ സ്ഥാപിക്കുന്ന പദ്ധതിയുടെ പ്രവര്‍ത്തന പുരോഗതി വിശദമാക്കാമോ?

സംസ്ഥാനത്ത് സോളാര്‍ പദ്ധതിയ്ക്ക് നല്‍കിവരുന്ന സബ്സിഡി യഥാസമയം ഉപഭോക്താക്കള്‍ക്ക് ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ സബ്സിഡി തുക സമയബന്ധിതമായി ലഭിക്കാന്‍ നടപടി സ്വീകരിക്കുമോ; വിശദമാക്കുമോ;

ജനങ്ങളെ സൗരോര്‍ജ്ജ പദ്ധതിയിലേയ്ക്ക് ആകര്‍ഷിക്കുവാന്‍ സബ്സിഡി നിരക്ക് കൂട്ടുവാന്‍ തീരുമാനിച്ചിട്ടുണ്ടോ; വിശദമാക്കുമോ?

കെ.എസ്.ഇ.ബി.-യുടെ സൗരമോഡല്‍ - ഒന്ന് പദ്ധതിയുടെ ഭാഗമായി പുരപ്പുറ സോളാര്‍ പ്ലാന്റ് പദ്ധതിയിലൂടെ സംസ്ഥാനത്ത് എത്ര കിലോവാട്ട് വെെദ്യുതി അധികമായി ഉല്പാദിപ്പിക്കാന്‍ സാധിച്ചിട്ടുണ്ട്; ജില്ലാടിസ്ഥാനത്തിലുളള കണക്ക് നൽകാമോ?

പുരപ്പുറ സൗരോര്‍ജ പദ്ധതിയില്‍ എത്ര ഉപഭോക്താക്കളെയാണ് ഉള്‍പ്പെടുത്താന്‍ ലക്ഷ്യമിടുന്നതെന്ന് വ്യക്തമാക്കാമോ;

ഇതില്‍ എന്തെല്ലാം ഇളവുകളും മാനദണ്ഡങ്ങളുമാണ് നിഷ്കര്‍ഷിച്ചിട്ടുള്ളതെന്ന് വ്യക്തമാക്കുമോ?

വൈദ്യുതി ഉല്‍പ്പാദന മേഖലയില്‍ സ്വയംപര്യാപ്തത കൈവരിക്കുന്നതിന് സ്വീകരിക്കുന്ന നടപടികള്‍ വിശദമാക്കുമോ;

ഈ സര്‍ക്കാര്‍ നിലവില്‍ വന്നശേഷം സൗരോര്‍ജ്ജ ഉല്പാദന മേഖലയില്‍ ഉണ്ടായിട്ടുള്ള വളര്‍ച്ച വിശദമാക്കുമോ;

സൗരോര്‍ജ്ജ ഉല്പാദനം വ്യാപകമാക്കുന്നതിന് പ്രത്യേക നടപടികള്‍ സ്വീകരിക്കുമോയെന്ന് അറിയിക്കുമോ;

നിലവിലുള്ള വൈദ്യുത വിതരണ ലൈനുകള്‍ കേബിള്‍ സംവിധാനത്തിലേക്ക് മാറ്റുന്ന നടപടികള്‍ എന്ന് പൂര്‍ത്തിയാകും എന്ന് വിശദമാക്കുമോ;

വൈദ്യുത ഉല്‍പ്പാദനം വര്‍ദ്ധിപ്പിച്ച് വൈദ്യുതി ചാര്‍ജ്ജ് കുറയ്ക്കുന്നത് സംബന്ധിച്ച് എന്തെങ്കിലും പദ്ധതികള്‍ ആലോചനയിലുണ്ടോ; വിശദമാക്കുമോ?

സൗരോര്‍ജ്ജ നിലയങ്ങള്‍ സ്ഥാപിക്കുന്നത് സാമ്പത്തികമായി ലാഭകരമാണെന്ന് ഗാര്‍ഹിക ഉപഭോക്താക്കളെ ബോധ്യപ്പെടുത്തുന്നതിന് എന്തൊക്കെ പ്രവര്‍ത്തനങ്ങളാണ് നടത്തിവരുന്നതെന്ന് വ്യക്തമാക്കുമോ;

ജനങ്ങളെ സൗരോര്‍ജ്ജ പദ്ധതികളിലേക്ക് ആകര്‍ഷിക്കുന്നതിന് പുതുതായി എന്തെങ്കിലും പദ്ധതികള്‍ പരിഗണനയിലുണ്ടോ; വിശദാംശം ലഭ്യമാക്കുമോ?

പൊന്നാനി കോള്‍ നിലങ്ങളില്‍ സൗരോര്‍ജ്ജ പാനലുകള്‍ സ്ഥാപിച്ച് അതിലൂടെ പമ്പ് സെറ്റുകളും മറ്റും പ്രവര്‍ത്തിപ്പിക്കുന്നതിന് നടപടി സ്വീകരിക്കുമോ; വ്യക്തമാക്കുമോ;

പൊന്നാനി മണ്ഡലത്തില്‍ പുതിയ സൗരോര്‍ജ്ജ പദ്ധതികള്‍ ആവിഷ്കരിക്കുന്നതിന് നടപടികള്‍ സ്വീകരിക്കുമോ; വിശദമാക്കുമോ?

ഭാവിയിലെ ഊർജ്ജ പ്രതിസന്ധി മറികടക്കാനായി പുരപ്പുറ സോളാര്‍ പദ്ധതി വിപുലമാക്കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

സോളാര്‍ പദ്ധതികൾക്കാവശ്യമായ സാധന സാമഗ്രികള്‍ കേരളത്തില്‍ ഉല്പാദിപ്പിക്കുന്നതിനുള്ള നടപടികള്‍ ആരംഭിക്കുമോ; വിശദാംശം ലഭ്യമാക്കുമോ?

കെ.എസ്.ഇ.ബി. മുഖാന്തരം നടപ്പിലാക്കുന്ന ഗാര്‍ഹിക പുരപ്പുറ സൗരോര്‍ജ്ജ സബ്സിഡി പദ്ധതിയില്‍ സോളാര്‍ പാനലുകളുടെ ഇന്‍സ്റ്റലേഷന്‍ പൂര്‍ത്തിയാകുന്നതിന് മുന്‍പ് സോളാര്‍ പാനല്‍ സ്ഥാപിക്കുന്ന കമ്പനിക്ക് ഉപഭോക്താവ് ഏതെങ്കിലും തരത്തിലുള്ള പേയ്മെന്റ് നല്‍കേണ്ടതുണ്ടോ; എങ്കില്‍ മുന്‍കൂറായി തുക ലഭിച്ചതിന് ശേഷം പ്രസ്തുത കമ്പനികള്‍ സമയബന്ധിതമായി പാനലുകളുടെ ഇന്‍സ്റ്റലേഷന്‍ പൂര്‍ത്തികരിച്ച് ഗ്രി‍ഡ് കണക്റ്റിവിറ്റി ലഭ്യമാക്കുമെന്ന് ഉറപ്പുവരുത്തുന്നതിനായി കെ.എസ്.ഇ.ബി. സ്വീകരിക്കുന്ന നടപടികള്‍ വിശദമാക്കാമോ;

പ്രസ്തുത പദ്ധതിയില്‍ ചേരുന്ന ഉപഭോക്താവ് തുക ഒടുക്കിക്കഴിഞ്ഞാല്‍ സോളാര്‍ പാനല്‍, അനുബന്ധ ഉപകരണങ്ങള്‍, നെറ്റ്-മീറ്റര്‍ എന്നിവ സ്ഥാപിച്ച് ഗ്രി‍ഡ് കണക്റ്റിവിറ്റി ലഭ്യമാക്കുന്നത് വരെയുള്ള പ്രവൃത്തികള്‍ ‍ എത്ര സമയത്തിനുള്ളില്‍ പൂര്‍ത്തികരിക്കുന്നതിനാണ് പാനല്‍ സ്ഥാപിക്കുന്ന കമ്പനികള്‍ക്ക് നിര്‍ദേശം നല്‍കിയിട്ടുള്ളത്; പ്രസ്തുത പ്രവൃത്തികള്‍ കെ.എസ്.ഇ.ബി.-യുടെ മേല്‍നോട്ടത്തില്‍ പൂര്‍ത്തിയാക്കുമോ; ഇല്ലെങ്കില്‍ കാരണം വിശദമാക്കാമോ;

പ്രസ്തുത പദ്ധതിയില്‍ ചേരുന്ന ഉപഭോക്താവ് സ്വീകരിക്കേണ്ട നടപടികള്‍ വിശദമാക്കാമോ;

മീറ്ററിന്റെ വില അടയ്ക്കുവാന്‍ തയ്യാറുള്ള എല്ലാ ഉപഭോക്താക്കള്‍ക്കും നല്‍കുവാനാവശ്യമായ നെറ്റ്-മീറ്റര്‍ കെ.എസ്.ഇ.ബി.-യുടെ പക്കല്‍ ലഭ്യമാണോ; ലഭ്യമാകാത്തപക്ഷം ഉപഭോക്താവ് കൈക്കൊള്ളേണ്ട നടപടികള്‍ വിശദമാക്കാമോ;

കെ.എസ്.ഇ.ബി. മുഖാന്തിരം സോളാര്‍ പാനല്‍ സ്ഥാപിക്കുന്നതിന് നാളിതുവരെ എത്ര അപേക്ഷകള്‍ ലഭിച്ചിട്ടുണ്ട്; ആയതില്‍ എത്ര ഇന്‍സ്റ്റലേഷനുകള്‍ പൂര്‍ത്തികരിച്ചിട്ടുണ്ട്; നിലയത്തിന്റെ ശേഷിക്കനുസരിച്ച് തരംതിരിച്ച് ജില്ലാടിസ്ഥാനത്തില്‍ പട്ടികപ്പെടുത്തി വിശദാംശം ലഭ്യമാക്കുമോ;

പ്രസ്തുത പദ്ധതിയുടെ ഭാഗമായി കെ.എസ്.ഇ.ബി. മുഖാന്തിരം സോളാര്‍ പാനല്‍ സ്ഥാപിക്കുന്നതിന് ഏതൊക്കെ കമ്പനികള്‍ക്കാണ് അംഗീകാരം ലഭിച്ചിട്ടുള്ളത്; ഓരോ കമ്പനിക്കും എത്ര ശേഷിയുള്ള സൗരോര്‍ജ്ജ നിലയം സ്ഥാപിക്കുന്നതിനാണ് അനുമതിയുള്ളത്; ഓരോ കമ്പനിക്കും എത്ര വീതം ഓര്‍ഡറുകള്‍ ലഭിച്ചിട്ടുണ്ട്; നാളിതുവരെ എത്ര ഇന്‍സ്റ്റലേഷനുകള്‍ പൂര്‍ത്തികരിച്ച് ഗ്രി‍ഡ് കണക്റ്റിവിറ്റി ലഭ്യമാക്കിയിട്ടുണ്ട്; നിലയത്തിന്റെ ശേഷിക്കനുസരിച്ച് തരംതിരിച്ച് ജില്ലാടിസ്ഥാനത്തില്‍ പട്ടികപ്പെടുത്തി വിശദാംശം ലഭ്യമാക്കുമോ?

പാരമ്പര്യേതര ഊർജ്ജ പദ്ധതികള്‍ പ്രോത്സാഹിപ്പിക്കുന്നതിന് എന്തെല്ലാം നടപടികളാണ് സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ; ഏതെല്ലാം ഏജന്‍സികള്‍ മുഖേനയാണ് പ്രസ്തുത പദ്ധതികള്‍ നടപ്പിലാക്കുന്നതെന്ന് അറിയിക്കുമോ?

സംസ്ഥാനത്ത് സാേളാര്‍ വെെദ്യുതി ഉല്പാദനം പ്രാേത്സാഹിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമാേ;

സാേളാര്‍ പദ്ധതികളിലൂടെ നിലവില്‍ എത്ര മെഗാവാട്ട് വെെദ്യുതിയാണ് ഉല്പാദിപ്പിക്കുന്നതെന്ന് വിശദമാക്കുമാേ?

അനെര്‍ട്ട് മുഖാന്തരം നടപ്പിലാക്കുന്ന ഗാര്‍ഹിക പുരപ്പുറ സൗരോര്‍ജ്ജ സബ്സിഡി പദ്ധതിയില്‍ സോളാര്‍ പാനലുകളുടെ ഇന്‍സ്റ്റലേഷന്‍ പൂര്‍ത്തിയാകുന്നതിന് മുന്‍പ് സോളാര്‍ പാനല്‍ സ്ഥാപിക്കുന്ന കമ്പനിക്ക് ഉപഭോക്താവ് ഏതെങ്കിലും തരത്തിലുള്ള പേയ്മെന്റ് നല്‍കേണ്ടതുണ്ടോ; എങ്കില്‍ മുന്‍കൂറായി തുക ലഭിച്ചതിന് ശേഷം പ്രസ്തുത കമ്പനികള്‍ സമയബന്ധിതമായി പാനലുകളുടെ ഇന്‍സ്റ്റലേഷന്‍ പൂര്‍ത്തീകരിച്ച് ഗ്രി‍ഡ് കണക്റ്റിവിറ്റി ലഭ്യമാക്കുമെന്ന് ഉറപ്പുവരുത്തുന്നതിനായി അനെര്‍ട്ട് സ്വീകരിക്കുന്ന നടപടികള്‍ വ്യക്തമാക്കാമോ;

പ്രസ്തുത പദ്ധതിയില്‍ ചേരുന്ന ഉപഭോക്താവ് തുക ഒടുക്കിക്കഴിഞ്ഞാല്‍ സോളാര്‍ പാനല്‍, അനുബന്ധ ഉപകരണങ്ങള്‍, നെറ്റ്-മീറ്റര്‍ എന്നിവ സ്ഥാപിച്ച് കെ.എസ്.ഇ.ബി.-യില്‍ നിന്നും ഗ്രി‍ഡ് കണക്റ്റിവിറ്റി ലഭ്യമാക്കുന്നത് വരെയുള്ള പ്രവൃത്തികള്‍ എത്ര സമയത്തിനുള്ളില്‍ പൂര്‍ത്തീകരിക്കുന്നതിനാണ് പാനല്‍ സ്ഥാപിക്കുന്ന കമ്പനികള്‍ക്ക് നിര്‍ദേശം നല്‍കിയിട്ടുള്ളതെന്നും പ്രസ്തുത പ്രവൃത്തികള്‍ അനെര്‍ട്ടിന്റെ മേല്‍നോട്ടത്തില്‍ പൂര്‍ത്തീകരിക്കുമോയെന്നും അറിയിക്കുമോ; ഇല്ലെങ്കില്‍ കാരണം വിശദമാക്കാമോ;

പദ്ധതിയില്‍ ചേരുന്ന ഉപഭോക്താവിന്റെ ഭാഗത്തുനിന്നും പൂര്‍ത്തിയാക്കേണ്ട നടപടികള്‍ അറിയിക്കാമോ;

അനെര്‍ട്ട് മുഖാന്തരം സോളാര്‍ പാനല്‍ സ്ഥാപിക്കുന്നതിന് നാളിതുവരെ എത്ര അപേക്ഷകള്‍ ലഭിച്ചിട്ടുണ്ട്, ആയതില്‍ എത്ര ഇന്‍സ്റ്റലേഷനുകള്‍ പൂര്‍ത്തീകരിച്ചിട്ടുണ്ട്; വിശദാംശം സ്ഥാപിക്കുന്ന നിലയത്തിന്റെ ശേഷിക്കനുസരിച്ച് തരംതിരിച്ച് ജില്ലാടിസ്ഥാനത്തില്‍ പട്ടികപ്പെടുത്തി ലഭ്യമാക്കുമോ;

പ്രസ്തുത പദ്ധതിയുടെ ഭാഗമായി അനെര്‍ട്ട് മുഖാന്തരം സോളാര്‍ പാനല്‍ സ്ഥാപിക്കുന്നതിന് ഏതൊക്കെ കമ്പനികള്‍ക്കാണ് അംഗീകാരം ലഭിച്ചിട്ടുള്ളത്; ഓരോ കമ്പനിക്കും എത്ര ശേഷിയുള്ള സൗരോര്‍ജ്ജ നിലയം സ്ഥാപിക്കുന്നതിനാണ് അനുമതിയുള്ളത്; ഓരോ കമ്പനിക്കും എത്ര വീതം ഓര്‍ഡറുകള്‍ ലഭിച്ചിട്ടുണ്ട്; നാളിതുവരെ എത്ര ഇന്‍സ്റ്റലേഷനുകള്‍ പൂര്‍ത്തീകരിച്ച് ഗ്രി‍ഡ് കണക്റ്റിവിറ്റി ലഭ്യമാക്കിയിട്ടുണ്ട്; വിശദാംശം നിലയത്തിന്റെ ശേഷിക്കനുസരിച്ച് തരംതിരിച്ച് ജില്ലാടിസ്ഥാനത്തില്‍ പട്ടികപ്പെടുത്തി ലഭ്യമാക്കുമോ?

മുന്‍ സര്‍ക്കാരിന്റെ കാലം മുതല്‍ നാളിതുവരെ എത്ര വൈദ്യുതി സെക്ഷന്‍ ഓഫീസുകളാണ് സ്വന്തം കെട്ടിടത്തില്‍ പ്രവൃത്തിക്കുന്നതെന്നും ഇതുവഴി എത്ര രൂപയുടെ പ്രതിമാസ അധിക ചെലവ് കുറഞ്ഞിട്ടുണ്ടെന്നും വ്യക്തമാക്കുമോ?

മണലൂര്‍ മണ്ഡലത്തിലെ കൂനംമൂച്ചി, വെങ്കിടങ്ങ്, കേച്ചേരി കെ.എസ്.ഇ.ബി. ഓഫീസുകള്‍ വാടക കെട്ടിടത്തിലാണ് പ്രവര്‍ത്തിക്കുന്നതെന്നും പ്രസ്തുത ഓഫീസുകള്‍ക്ക് സൗകര്യങ്ങള്‍ തീരെ കുറവാണെന്നതും ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ഓഫീസുകള്‍ക്കായി സ്വന്തം കെട്ടിടം നിര്‍മ്മിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; ഇല്ലെങ്കില്‍ ആയതിന് വേണ്ട നടപടി സ്വീകരിക്കുമോ?

കോട്ടക്കല്‍ കെ‌.എസ്‌.ഇ‌.ബി. സെക്ഷന്‍ വിഭജിച്ച് ഇന്ത്യാനൂര്‍ സെക്ഷന്‍ രൂപീകരിക്കുന്നതുമായി ബന്ധപ്പെട്ട പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വിശദമാക്കുമോ;

സെക്ഷന്‍ ഓഫീസ് കെട്ടിടത്തിന്റെ വാടക നല്‍കുന്നത് സംബന്ധിച്ച തീരുമാനം തദ്ദേശസ്വയംഭരണ വകുപ്പില്‍ നിന്നും ലഭ്യമായിട്ടുണ്ടോ; എങ്കില്‍ പ്രസ്തുത തീരുമാനത്തിന്മേല്‍ സ്വീകരിച്ച തുടര്‍നടപടികള്‍ വിശദമാക്കുമോ;

ഓഫീസ് പ്രവര്‍ത്തിക്കുന്നതിനായി 3 വര്‍ഷത്തേക്ക് സൗജന്യമായി കെട്ടിടം ലഭിച്ചതിനാൽ ഇന്ത്യാനൂര്‍ സെക്ഷന്‍ രൂപീകരിക്കുന്നതിനുള്ള അടിയന്തര നടപടി സ്വീകരിക്കുമോ?

ഉപഭോക്താക്കൾ കൂടുതലുള്ള ഇലക്ട്രിക്കല്‍ സെക്ഷനുകള്‍ വിഭജിക്കാന്‍ ഉദ്ദേശിക്കുന്നുണ്ടോ; എങ്കിൽ തൃശ്ശൂര്‍ ജില്ലയില്‍ പരിഗണനയിലുള്ള സെക്ഷനുകള്‍ ഏതെല്ലാം; വിശദമാക്കുമോ?

പാടൂര്‍ സബ്‌സ്റ്റേഷനില്‍ നിന്നും വിതരണം ചെയ്യുന്ന ഉയര്‍ന്ന ആവൃത്തിയുളള ഫീഡറുകളുടെ എണ്ണം എത്രയാണ്; ഇവയില്‍ എത്രയെണ്ണമാണ് എ.ബി.സി- യിലേക്ക് മാറ്റിയിരിക്കുന്നത്; വ്യക്തമാക്കുമോ;

വെെദ്യുതി ബോര്‍ഡിന്റെ ഈസ് ഓഫ് ഡൂയിംഗ് ബിസിനസ്സ് പ്രകാരമുളള ഓണ്‍ലെെന്‍ സേവനങ്ങള്‍ നിലവില്‍ ഈ സെക്ഷനില്‍ പ്രാവര്‍ത്തികമാക്കിയിട്ടുണ്ടോ; വിശദാംശം നൽകുമോ;

പാടൂര്‍ ഇലക്ട്രിക്കല്‍ സെക്ഷന്‍ ഓഫീസിന് സ്വന്തം കെട്ടിടം നിര്‍മ്മിച്ച് ആയതിലേക്ക് മാറ്റുന്നതിനുളള നടപടികള്‍ പരിഗണനയിലുണ്ടോ; വിശദ വിവരം ലഭ്യമാക്കാമോ;

പ്രസ്തുത വെെദ്യുതി ഓഫീസില്‍ നിന്നും മികച്ച സേവനം ലഭ്യമാക്കുന്നതിന് ആധുനികവത്കരണം നടത്തുന്നത് പരിഗണനയിലുണ്ടോ; വിശദാംശം നൽകാമോ;

പാടൂര്‍ ഇലക്ട്രിക്കല്‍ സെക്ഷനെ മികച്ച ഉപഭോക്തൃ സേവന കേന്ദ്രമാക്കി മാറ്റുന്നതിന് ആവിഷ്കരിച്ചിട്ടുളള പദ്ധതികള്‍ ഏതൊക്കെയാണെന്ന് വ്യക്തമാക്കുമോ?

വാടക കെട്ടിടത്തില്‍ പ്രവര്‍ത്തിച്ച് വരുന്ന വടക്കാഞ്ചേരി മണ്ഡലത്തിലെ പെരിങ്ങണ്ടൂര്‍ മെഡിക്കല്‍ കോളേജ് ഇലക്ട്രിക്കല്‍ സെക്ഷന്‍ ഓഫീസിനായി മെഡിക്കല്‍ കോളേജ് വികസന സമിതിയുടെ 26.10.2019-ലെ തീരുമാന പ്രകാരം വിട്ടു നല്‍കുന്ന 20 സെന്റ് ഭൂമി ഏറ്റെടുക്കുന്നതിനും പുതിയ കെട്ടിടം നിര്‍മ്മിക്കുന്നതിനുമുള്ള പ്രൊപ്പോസലിന്റെ നിലവിലെ സ്ഥിതി വിശദമാക്കുമോ?

സംസ്ഥാനത്ത് വൈദ്യുതി വകുപ്പിന്റെ എല്ലാ സെക്ഷന്‍ ഓഫീസുകളും സ്വന്തം കെട്ടിടങ്ങളിലാണോ പ്രവര്‍ത്തിക്കുന്നത്; സ്വന്തമായി കെട്ടിടം ഇല്ലാത്ത സെക്ഷന്‍ ഓഫീസുകള്‍ക്ക് കെട്ടിടം നിര്‍മ്മിച്ചു നല്‍കുന്നത് പരിഗണനയിലുണ്ടോ;

ചെങ്ങന്നൂര്‍ മണ്ഡലത്തില്‍ സ്വന്തമായി കെട്ടിടം ഇല്ലാത്ത എത്ര സെക്ഷന്‍ ഓഫീസുകള്‍ ഉണ്ട്; പ്രസ്തുത ഓഫീസുകള്‍ക്ക് കെട്ടിടം നിര്‍മ്മിച്ചു നല്‍കുന്നതിന് നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ; ഇല്ലെങ്കില്‍ ഈ വിഷയത്തിൽ എന്ത് നടപടി സ്വീകരിക്കുമെന്ന് വിശദമാക്കുമോ?

കുറ്റ്യാടി ടൗണിലെയും പുറമേരി ഗ്രാമപഞ്ചായത്തിലെ പെരുമുണ്ടചെരി എന്ന പ്രദേശത്തിലെയും വോള്‍ട്ടേജ് ക്ഷാമം പരിഹരിക്കുന്നതിന് സ്വീകരിച്ച നടപടികള്‍ അറിയിക്കുമോ;

മണിയൂര്‍ ഗ്രാമപഞ്ചായത്തില്‍ സ്ഥാപിക്കാന്‍ ഉദ്ദേശിക്കുന്ന സബ്സ്റ്റേഷന്‍ നിര്‍മ്മാണ പ്രവര്‍ത്തനം ഏത് ഘട്ടത്തിലാണെന്ന് വിശദമാക്കാമോ; പ്രസ്തുത സബ്സ്റ്റേഷന്‍ സ്ഥാപിതമാകുന്നതോടെ കുറ്റ്യാടി, പുറമേരി ഗ്രാമപഞ്ചായത്തുകളില്‍ വോള്‍ട്ടേജ് ക്ഷാമത്തിന് പരിഹാരം ഉണ്ടാകുമോ; വ്യക്തമാക്കുമോ?

​ വേങ്ങര മണ്ഡലത്തിലെ വിവിധ പ്രദേശങ്ങളിൽ നിലവില്‍ ​വൈദ്യുതി വിതരണത്തില്‍ നേരിടുന്ന പ്രശ്നങ്ങൾ ശാശ്വതമായി പരിഹരിക്കുന്നതിനായി വേങ്ങരയിൽ 110 കെ.വി. സബ്സ്റ്റേഷൻ സ്ഥാപിക്കുന്നതിനുളള നടപടികൾ ഏത് ഘട്ടത്തിലാണെന്ന് വ്യക്തമാക്കുമോ;

പ്രസ്തുത സബ്സ്റ്റേഷന്‍ നിർമ്മാണം പൂർത്തിയാക്കി പ്രവർത്തനം തുടങ്ങുന്നതിന് അടിയന്തര നടപടികൾ സ്വീകരിക്കുമോ; വിശദമാക്കുമോ?

കോട്ടക്കല്‍ മണ്ഡലത്തിലെ മരവട്ടം-കാടാമ്പുഴ 110 കെ.വി. സബ് സ്റ്റേഷന്‍ നിര്‍മ്മാണം ഏത് ഘട്ടത്തിലാണെന്ന് വിശദമാക്കുമോ;

സബ് സ്റ്റേഷന് വേണ്ടി സ്ഥലം ഏറ്റെടുക്കല്‍ നടപടികള്‍ ഏത് ഘട്ടത്തിലാണെന്ന് അറിയിക്കാമോ;

ഭൂമി ഏറ്റെടുക്കുന്നതിന്റെ ഭാഗമായി എസ്റ്റാബ്ലിഷ്‌മെന്റ് ചാര്‍ജ് അടയ്ക്കുന്നത് വേഗത്തിലാക്കുന്നതിന് നടപടി സ്വീകരിക്കുമോ;

പ്രസ്തുത സബ് സ്റ്റേഷന്റെ നിര്‍മ്മാണം അടിയന്തരമായി പൂര്‍ത്തികരിക്കുന്നതിന് നടപടി സ്വീകരിക്കുമോ?

കാസര്‍ഗോഡ് ജില്ലയിലെ കുറ്റിക്കോല്‍ 110 കെ.വി. സബ്‌സ്റ്റേഷന്റെ നിലവിലെ നിര്‍മ്മാണ പുരോഗതി വിശദമാക്കുമോ;

പ്രസ്തുത സബ്സ്റ്റേഷന്‍ നിര്‍മ്മാണത്തില്‍ ഏതൊക്കെ പ്രവൃത്തികള്‍ നിലവില്‍ അവശേഷിക്കുന്നുണ്ടെന്നും ആയതിനായി സ്വീകരിച്ച നടപടികളും വിശദമാക്കാമോ?

തിരൂരങ്ങാടി മണ്ഡലത്തിലെ നിർദിഷ്ട വെന്നിയൂർ വൈദ്യുതി ഭവൻ, വെന്നിയൂർ സബ്സ്റ്റേഷൻ എന്നിവയുടെ നിർമ്മാണ പുരോഗതി വിശദമാക്കുമോ;

പ്രസ്തുത പ്രവൃത്തിയിൽ പൂർത്തീകരിച്ച നടപടികൾ എന്തെല്ലാമാണെന്നും ശേഷിക്കുന്നവ എന്നത്തേക്ക് പൂർത്തിയാക്കാൻ കഴിയുമെന്നും വിശദമാക്കുമോ?

പാറശാല മണ്ഡലത്തിലെ മലയോര പഞ്ചായത്തുകളിലെ വോള്‍ട്ടേജ് ക്ഷാമം പരിഹരിക്കുന്നതിനായി ഒറ്റശേഖരമംഗലം കേന്ദ്രമാക്കി ഒരു സബ്സ്റ്റേഷന്‍ ആരംഭിക്കുന്നതിനായി ഭൂമി ഏറ്റെടുക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദാംശം അറിയിക്കുമോ;

പ്രസ്തുത പദ്ധതി ആരംഭിക്കുന്നതിന്റെ ഭാഗമായി സ്വീകരിച്ചിട്ടുള്ള നടപടികള്‍ വ്യക്തമാക്കുമോ; നിര്‍മ്മാണം എന്നത്തേക്ക് ആരംഭിക്കാനാകുമെന്നും എത്ര തുക ചെലവ് പ്രതീക്ഷിക്കുന്നുവെന്നും വെളിപ്പെടുത്തുമോ; വിശദാംശം ലഭ്യമാക്കുമോ?

കെ.എസ്.ഇ.ബി.യിലെ ജൂനിയർ അസിസ്റ്റൻറ്, കാഷ്യർ തസ്തികകളില്‍ എത്ര ഒഴിവുകളാണ് നിലവിലുള്ളതെന്ന് വ്യക്തമാക്കുമോ;

2018 മുതൽ 2022 വരെ വിവിധ തസ്തികകളിലെ എത്ര ജീവനക്കാർക്ക് ഉയർന്ന തസ്തികകളിലേക്ക് പ്രമോഷൻ നൽകി, എത്ര ജീവനക്കാർ സർവീസിൽ നിന്നും വിരമിച്ചു എന്നത് പട്ടിക തിരിച്ച് വ്യക്തമാക്കുമോ;

നിലവിലുള്ള എത്ര വേക്കൻസികളിലേക്ക് പി.എസ്.സി. മുഖേന നിയമനം നടത്താൻ ആവശ്യപ്പെട്ടിട്ടുണ്ടെന്ന് വ്യക്തമാക്കുമോ?

ഈ സർക്കാർ അധികാരത്തിൽ വന്നതിനുശേഷം ഊർജ്ജ വകുപ്പിലും വകുപ്പിന്റെ കീഴിലുള്ള സ്ഥാപനങ്ങളിലും എത്ര താൽക്കാലിക നിയമനങ്ങൾ/ കരാർ നിയമനങ്ങൾ നടത്തിയിട്ടുണ്ട്; ഏതൊക്കെ തസ്തികകളിലാണ് ഇപ്രകാരം നിയമനം നടത്തിയിട്ടുള്ളത്;

ഇപ്രകാരം നിയമിതരായവർക്ക് വേതനവും മറ്റു ആനുകൂല്യങ്ങളും നൽകുന്നതിനായി 2022 ഒക്ടോബർ മാസം അനുവദിച്ച ആകെ തുക എത്രയാണെന്ന് വ്യക്തമാക്കുമോ;

ഇതിൽ എംപ്ലോയ്മെന്റ് എക്സ്ചേഞ്ച് മുഖേന നടത്തിയ നിയമനങ്ങൾ എത്രയാണ്; മറ്റുള്ള നിയമനങ്ങളില്‍ റിക്രൂട്ടിങ്ങിനായി അവലംബിച്ച മാര്‍ഗ്ഗം എന്താണ്; ഏത് ഏജന്‍സി മുഖേനയാണ് നിയമനം നടത്തിയത്; വിശദാംശം നല്‍കാമോ?

മലപ്പുറം മണ്ഡലത്തിൽ അനുവദിച്ച ഇലക്ട്രിക് വാഹനങ്ങളുടെ ചാർജിംഗ് സ്റ്റേഷനുകളില്‍ എത്രയെണ്ണം പ്രവർത്തനം ആരംഭിച്ചുവെന്നും മറ്റുള്ളവ സ്ഥാപിക്കാനുള്ള നടപടികളുടെ പുരോഗതി എന്താണെന്നും വിശദമാക്കുമോ;

മലപ്പുറം മണ്ഡലത്തിലെ പുല്പറ്റ പഞ്ചായത്തിൽ ചാർജിംഗ് സ്റ്റേഷൻ സ്ഥാപിക്കുന്നതിന് അനുയോജ്യമായ സ്ഥലം ലഭ്യമാക്കിയിട്ടുണ്ടോ; നടപടികൾ സംബന്ധിച്ച വിശദാംശം നൽകുമോ ?

മലയോര ഹെെവേയുടെ ഭാഗമായി നിലമ്പൂര്‍ ഡിവിഷനിലെ പൂക്കോട്ടുംപാടം സെക്ഷന് കീഴില്‍ ഇലക്ട്രിക് പോസ്റ്റുകള്‍ മാറ്റി സ്ഥാപിക്കാനുണ്ടോ; എങ്കില്‍ എത്ര ഇലക്ട്രിക് പോസ്റ്റുകൾ ഏതെല്ലാം സ്ഥലങ്ങളിലാണ് മാറ്റി സ്ഥാപിക്കേണ്ടതെന്ന് അറിയിക്കാമോ;

മേല്‍ സ്ഥലങ്ങളിലെ ഇലക്ട്രിക് പോസ്റ്റുകള്‍ മാറ്റി സ്ഥാപിക്കുന്നതിന് പൊതുമരാമത്ത് വകുപ്പ് പണം അടച്ചിട്ടുണ്ടോ; പണം അടച്ചിട്ടും പോസ്റ്റുകള്‍ മാറ്റി സ്ഥാപിക്കാന്‍ കഴിയാത്തതിന്റെ കാരണം വിശദമാക്കാമോ;

ഇലക്ട്രിക് പോസ്റ്റുകള്‍ മാറ്റാത്തതു കാരണം മലയോര ഹെെവേയുടെ പ്രവൃത്തി തടസ്സപ്പെടുന്നതിനാല്‍ അടിയന്തരമായി പോസ്റ്റുകള്‍ മാറ്റി സ്ഥാപിക്കുന്നതിന് നടപടി സ്വീകരിക്കുമോ;

മലയോര ഹെെവേക്കായി നിലവിലുണ്ടായിരുന്ന റോഡ് വീതി കൂട്ടിയത് കാരണം ഇലക്ട്രിക് ലെെന്‍ വലിക്കുന്നതിന് സാങ്കേതിക തടസ്സങ്ങളുണ്ടെങ്കില്‍ മേല്‍ പ്രദേശങ്ങളില്‍ ഏരിയല്‍ ബഞ്ച്ഡ് കേബിളുകള്‍ ഉപയോഗിക്കാന്‍ നിര്‍ദ്ദേശം നല്‍കുമോ; എ.ബി. കേബിളുകള്‍ സ്ഥാപിക്കുന്നതിനുളള എസ്റ്റിമേറ്റ് തയ്യാറാക്കി പൊതുമരാമത്ത് വകുപ്പിന് സമര്‍പ്പിച്ചിട്ടുണ്ടോ; ഇല്ലെങ്കില്‍ അടിയന്തരമായി സമര്‍പ്പിക്കുന്നതിന് നടപടി സ്വീകരിക്കുമോ;

മേല്‍ പ്രദേശങ്ങളില്‍ ഏരിയല്‍ ബഞ്ച്ഡ് കേബിളുകൾ അപ്രായോഗികമെങ്കില്‍ അണ്ടര്‍ ഗ്രൗണ്ട് കേബിളുകള്‍ വഴി വെെദ്യുതി നല്‍കാനാകുമോ; എങ്കിൽ ഇതിന് വേണ്ടിവരുന്ന കൂടുതൽ തുക പൊതുമരാമത്ത് വകുപ്പ് നല്‍കാന്‍ സന്നദ്ധമെന്ന് അറിയിച്ചതിനാല്‍ പ്രസ്തുത പ്രശ്നം പരിഹരിക്കുമോ; വിശദമാക്കാമോ?

കേരള സംസ്ഥാന വൈദ്യുതി ബോർഡ് എല്ലാ നിയോജകമണ്ഡലങ്ങളിലും പോൾ മൗണ്ടഡ് ചാർജിംഗ് സ്റ്റേഷനുകൾ സ്ഥാപിക്കുന്നതിന് തീരുമാനമെടുത്തിട്ടുണ്ടോ; എങ്കിൽ വിശദാംശങ്ങൾ വെളിപ്പെടുത്തുമോ;

നാളിതുവരെ ഏതെല്ലാം മണ്ഡലങ്ങളിൽ പ്രസ്തുത പദ്ധതി നടപ്പിലാക്കിയെന്ന് അറിയിക്കാമോ;

വേങ്ങര മണ്ഡലത്തിൽ ഈ പദ്ധതി നടപ്പിലാക്കുന്നതിനായി സ്വീകരിച്ച നടപടികൾ എന്തെല്ലാമാണെന്ന് വിശദീകരിക്കുമോ?

സംസ്ഥാനത്ത് സ്മാര്‍ട്ട് മീറ്റര്‍ പദ്ധതി നടപ്പാക്കാന്‍ ഉദ്ദേശിക്കുന്നുണ്ടോ; എങ്കില്‍ പദ്ധതിയുടെ നിലവിലെ പുരോഗതി അറിയിക്കാമോ;

പ്രസ്തുത പദ്ധതി കൊണ്ട് ലക്ഷ്യമിടുന്നതെന്തെന്ന് വിശദമാക്കാമോ;

പ്രസ്തുത പദ്ധതി സംസ്ഥാനത്ത് എന്നത്തേക്ക് പൂര്‍ണ്ണമായും നടപ്പാക്കാനാണ് ഉദ്ദേശിക്കുന്നതെന്ന് വിശദമാക്കുമോ?

സംസ്ഥാനത്ത് പോൾ മൗണ്ടഡ് ചാർജിങ് സ്റ്റേഷനുകൾ സ്ഥാപിക്കുന്നത് എവിടെയൊക്കെയാണെന്ന് ജില്ല തിരിച്ച് വ്യക്തമാക്കുമോ;

പ്രസ്തുത സ്റ്റേഷനുകളില്‍ എത്രയെണ്ണം പ്രവർത്തനക്ഷമം ആയിട്ടുണ്ടെന്നും ശേഷിക്കുന്നവ എപ്പോൾ പ്രവർത്തനക്ഷമമാകുമെന്നും വ്യക്തമാക്കുമോ;

ഇത്തരം ചാർജിങ് സ്റ്റേഷനുകൾ സ്ഥാപിക്കുന്നതിനായി ആകെ എത്ര തുക ചെലവഴിച്ചു; ഇവയുടെ പ്രവർത്തനക്ഷമത സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; എങ്കിൽ ഇത് സംബന്ധിച്ച റിപ്പോർട്ടിന്റെ പകർപ്പ് ലഭ്യമാക്കുമോ?

ചവറ മണ്ഡലത്തില്‍ സ്ഥാപിക്കാന്‍ തീരുമാനിച്ച പോള്‍ മൗണ്ടഡ് ചാര്‍ജിംഗ് സ്റ്റേഷനുകളില്‍ എത്രയെണ്ണം സ്ഥാപിച്ചിട്ടുണ്ട് എന്ന് അറിയിക്കുമോ; സ്ഥാപിച്ചവയില്‍ എത്ര എണ്ണം പ്രവര്‍ത്തനസജ്ജമായി എന്നും ഇനി എത്ര എണ്ണം സ്ഥാപിക്കാനുണ്ടെന്നും അറിയിക്കുമോ?

സംസ്ഥാനത്ത് ഇലക്ട്രിക് വാഹനങ്ങള്‍ ചാര്‍ജ് ചെയ്യാനുളള ചാര്‍ജിങ് സ്റ്റേഷനുകളില്‍ ശരാശരി എത്ര വാഹനങ്ങള്‍ ചാര്‍ജ് ചെയ്തു വരുന്നു; വിവരം നൽകാമോ ;

ഇതില്‍ നിന്നും സര്‍ക്കാരിന് എത്ര രൂപ ലഭിക്കുന്നു; വിശദാംശം ലഭ്യമാക്കാമോ?

ഇടുക്കി ജില്ലയിൽ ഏതൊക്കെ സ്ഥലങ്ങളിലാണ് നിലവിൽ ഇലക്ട്രിക് ചാർജിംഗ് കേന്ദ്രങ്ങൾ സ്ഥാപിച്ചിരിക്കുന്നതെന്ന് വ്യക്തമാക്കുമോ;

പീരുമേട് മണ്ഡലത്തിൽ ഏതൊക്കെ സ്ഥലങ്ങളിലാണ് നിലവിൽ ഇലക്ട്രിക് ചാർജിംഗ് കേന്ദ്രങ്ങൾ സ്ഥാപിച്ചിരിക്കുന്നതെന്ന് അറിയിക്കുമോ;

ഇലക്ട്രിക് ചാർജിംഗ് യൂണിറ്റുകൾ സ്ഥാപിക്കുവാനുള്ള മാനദണ്ഡങ്ങൾ വിശദമാക്കാമോ?

കക്കയത്തെ കെ.എസ് .ഇ.ബി. -യുടെ ഉടമസ്ഥതയിലുളള ഭൂമിയിൽ കുടുംബാരോഗ്യകേന്ദ്രത്തിന് പുതിയ കെട്ടിടമുണ്ടാക്കാൻ അനുമതി നല്‍കിയിട്ടുണ്ടോ; വിശദ വിവരം നൽകുമോ;

കക്കയം കുടുംബാരോഗ്യ കേന്ദ്രത്തിന് പുതിയ കെട്ടിടം നിര്‍മ്മിക്കാൻ പെര്‍മിസീവ് സാങ്ഷന്‍ അനുവദിക്കാത്തത് കാരണം 1.4 കോടി രൂപയുടെ നിര്‍മ്മാണ പ്രവൃത്തി തടസ്സപ്പെട്ടിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ?

കൊച്ചി മണ്ഡലത്തിലെ വിവിധ വെെദ്യുതീകരണ പ്രവൃത്തികള്‍ക്കായി എം.എല്‍.എ. സ്പെഷ്യല്‍ ഡെവലപ്പ്മെന്റ് ഫണ്ട് അനുവദിച്ചിട്ടും പ്രവൃത്തി നടപ്പാക്കുന്നതിനുളള ഭരണാനുമതി നല്‍കി നാളുകളേറെയായിട്ടും നിര്‍വ്വഹണ ഉദ്യോഗസ്ഥന്‍ പ്രവൃത്തി നടപ്പാക്കാന്‍ തയ്യാറാകാത്ത വിവരം ശ്രദ്ധയില്‍പ്പെട്ടിട്ടുണ്ടോ;

എം.എല്‍.എ. ഫണ്ട് വിനിയോഗിച്ചുളള പ്രവൃത്തികള്‍ നടപ്പാക്കുന്നതിന് മുന്‍കൂറായി പണം കെട്ടിവയ്ക്കണമെന്ന നിര്‍ദേശം കെ.എസ്.ഇ.ബി. ഡയറക്ടര്‍ ബോര്‍ഡോ, സര്‍ക്കാരോ പുറപ്പെടുവിച്ചിട്ടുണ്ടോ; വിശദമാക്കുമോ?

വൈദ്യുത ചാർജിംഗ് സ്റ്റേഷനുകൾ സ്ഥാപിക്കുന്ന പ്രവൃത്തികള്‍ ഇപ്പോൾ ഏത് ഘട്ടത്തിലാണെന്ന് അറിയിക്കുമോ;

പ്രസ്തുത ചാര്‍ജിംഗ് സ്റ്റേഷനുകള്‍ സ്ഥാപിക്കുന്നതിന് ഓരോ ജില്ലയിലും ആരെയാണ് ചുമതലപ്പെടുത്തിയിരിക്കുന്നതെന്നും ഓരോ ജില്ലയിലും എത്രയെണ്ണം സ്ഥാപിച്ചു എന്നും വിശദമാക്കുമോ;

ജനപ്രതിനിധികൾ നിർദ്ദേശിച്ച സ്ഥലത്ത് ചാര്‍ജിംഗ് സ്റ്റേഷനുകള്‍ സ്ഥാപിക്കുന്നതിന്റെ പുരോഗതി വിലയിരുത്തിയിട്ടുണ്ടോ; എങ്കിൽ വിശദാംശം ലഭ്യമാക്കുമോ;

കൊണ്ടോട്ടി മണ്ഡലത്തിൽ സ്ഥാപിക്കാൻ നിർദ്ദേശിച്ച മുസ്ല്യാരങ്ങാടി, കൊണ്ടോട്ടി എന്നിവിടങ്ങളിലെ ചാർജിംഗ് സ്റ്റേഷനുകൾ അനുയോജ്യമായ സ്ഥലത്തല്ല എന്ന പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ അവ മാറ്റി സ്ഥാപിക്കുന്നതിന് നടപടി സ്വീകരിക്കുമോ?

വീടുകളിലേക്കും വ്യവസായ സ്ഥാപനങ്ങളിലേക്കും മറ്റും വെെദ്യുതി കണക്ഷന്‍ നല്‍കുവാനുള്ള ലോ ടെന്‍ഷന്‍, ഹൈ ടെന്‍ഷന്‍ ലെെനുകളുടെ താഴെയുളള മരങ്ങളുടെയും ചെടികളുടെയും ശിഖരങ്ങള്‍ സാധാരണയായി എത്ര ഇടവേളകളിലാണ് വെട്ടിമാറ്റുന്നത്;

പ്രസ്തുത പ്രവൃത്തി വകുപ്പ് നേരിട്ടാണോ അതോ കരാര്‍ നല്‍കിയാണോ ചെയ്തുവരുന്നത്;

സര്‍ക്കാരിന് വലിയ സാമ്പത്തിക നഷ്ടം ഉണ്ടാക്കുന്ന ഇത്തരം പ്രവൃത്തി ഒരു പരിധി വരെ നിയന്ത്രിക്കാന്‍ ഇലക്ട്രിക് ലെെനിനു താഴെയുളള ചെടികളും മരങ്ങളും പൂര്‍ണ്ണമായി നീക്കം ചെയ്യുന്നതിനുളള നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കുമോ?