പൊതുവിപണിയില്‍ അരിവില വന്‍തോതില്‍ ഉയര്‍ന്നുകൊണ്ടിരിക്കുന്ന സാഹചര്യത്തില്‍ വില നിയന്ത്രിക്കുന്നതിന് സര്‍ക്കാര്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ; വിശദവിവരം ലഭ്യമാക്കുമോ;

പൊതുവിപണന കേന്ദ്രങ്ങളില്‍ സര്‍വ്വര്‍ തകരാര്‍മൂലം റേഷന്‍ വിതരണം മുടങ്ങുന്നത് പതിവാകുന്ന സാഹചര്യത്തില്‍ റേഷന്‍ വിതരണം മുടങ്ങാതിരിക്കാന്‍ ശാശ്വത പരിഹാര നടപടികള്‍ സ്വീകരിക്കുമോ; വ്യക്തമാക്കാമോ;

റേഷന്‍ വിതരണക്കാരുടെ പ്രതിഫലം പകുതിയായി തടഞ്ഞുവയ്ക്കുന്നത് പൊതുവിതരണ കേന്ദ്രങ്ങളെ ആശ്രയിച്ച് കഴി‍യുന്ന ലക്ഷക്കണക്കിന് കുടുംബങ്ങളെ ബാധിക്കുമെന്നിരിക്കെ റേഷന്‍ വ്യാപാരികളുടെ കമ്മീഷന്‍ പൂര്‍ണ്ണമായും നല്‍കുന്നതിനുള്ള നടപടികള്‍ സ്വീകരിക്കുമോ; വ്യക്തമാക്കാമോ?

കേന്ദ്ര സര്‍ക്കാരിന്റെ നയ സമീപനങ്ങള്‍ കാരണം നിത്യോപയോഗ സാധനങ്ങളുടെ വില വര്‍ദ്ധിക്കുന്നതായി പറയപ്പെടുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ വിലവർദ്ധന നിയന്ത്രിക്കുന്നതിനും സംസ്ഥാനത്തെ പൊതുവിതരണ സംവിധാനം സംരക്ഷിക്കുന്നതിനും നിലനിര്‍ത്തുന്നതിനും എന്തൊക്കെ പുതിയ നടപടികള്‍ സ്വീകരിക്കുമെന്ന് വ്യക്തമാക്കുമോ;

ഗ്രാമതലത്തിൽ സഞ്ചരിക്കുന്ന പൊതുവിതരണ സംവിധാനം കൂടുതല്‍ ഏര്‍പ്പെടുത്താന്‍ നടപടി സ്വീകരിക്കുമോ, എങ്കില്‍ വിശദാംശം ലഭ്യമാക്കുമോ?

മാരകരോഗങ്ങള്‍ ബാധിച്ച് ചികിത്സ നടത്തുന്ന സാമ്പത്തികമായി പിന്നാക്കം നില്‍ക്കുന്ന കുടുംബങ്ങള്‍ക്ക് മറ്റു നിബന്ധനകളില്ലാതെ റേഷന്‍ കാര്‍ഡ് മുന്‍ഗണനാ വിഭാഗത്തില്‍ ആക്കുന്നതിന് നടപടി സ്വീകരിക്കുമോ;

ആയിരം സ്ക്വയര്‍ഫീറ്റിന് തൊട്ടുമുകളില്‍ വിസ്തൃതിയുളള വീടുകളുളള കുടുംബങ്ങള്‍ക്ക് റേഷന്‍ കാര്‍ഡ് മുന്‍ഗണനാ കാര്‍ഡാക്കി മാറ്റി കിട്ടാത്തതുമൂലം ചികിത്സാ സഹായങ്ങള്‍ ലഭിക്കാതെ വരുന്നത് ഒഴിവാക്കുന്നതിനായി, ഇത്തരം കേസുകള്‍ പ്രത്യേകമായി പരിഗണിച്ച് ഇളവ് നല്‍കുന്നതിന് നടപടി സ്വീകരിക്കുമോ; വ്യക്തമാക്കാമോ?

വിശപ്പുരഹിത കേരളം പദ്ധതിയിലൂടെ സംസ്ഥാനത്ത് നാളിതുവരെ എത്ര സുഭിക്ഷ ഹോട്ടലുകള്‍ ആരംഭിച്ചിട്ടുണ്ട്; ജില്ല തിരിച്ചുള്ള വിവരം ലഭ്യമാക്കാമോ;

ബാലുശ്ശേരി മണ്ഡലത്തില്‍ സുഭിക്ഷ ഹോട്ടലുകള്‍ ആരംഭിക്കുന്നതിനായി ഇതുവരെ എത്ര അപേക്ഷകള്‍ ലഭിച്ചിട്ടുണ്ട്; പ്രസ്തുത അപേക്ഷകളിൻമേല്‍ സ്വീകരിച്ച തുടര്‍നടപടികള്‍ അറിയിക്കാമോ;

സുഭിക്ഷ ഹോട്ടലുകള്‍ ആരംഭിക്കുന്നതിന് സര്‍ക്കാര്‍ എന്തെല്ലാം സഹായങ്ങളാണ് നല്‍കിവരുന്നത്; വിശദാംശം ലഭ്യമാക്കാമോ?

വിശപ്പുരഹിത കേരളം പദ്ധതി പ്രകാരം പട്ടാമ്പി മണ്ഡലത്തിൽ അനുവദിച്ച സുഭിക്ഷ ഹോട്ടലുകൾ ഏതെല്ലാമാണെന്ന് വിശദമാക്കുമോ;

കുടുംബശ്രീയുടെ സഹായത്തോടെ മണ്ഡലത്തിലെ കൂടുതല്‍ സ്ഥലങ്ങളില്‍ സുഭിക്ഷ ഹോട്ടലുകള്‍ ആരംഭിക്കുന്നതിനുള്ള നടപടികള്‍ സ്വീകരിക്കുമോയെന്ന് വ്യക്തമാക്കുമോ?

വിശപ്പ് രഹിത കേരളം പദ്ധതിയില്‍ ഉള്‍പ്പെടുത്തി സംസ്ഥാനത്ത് എത്ര സുഭിക്ഷ ഹോട്ടലുകള്‍ ആരംഭിച്ചിട്ടുണ്ട്; ജില്ല തിരിച്ചുള്ള കണക്ക് നല്‍കാമോ;

സുഭിക്ഷ ഹോട്ടല്‍ പദ്ധതി വിപുലപ്പെടുത്തുന്നതിനു നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

വിശപ്പ് രഹിത കേരളം പദ്ധതി പ്രകാരം ആലപ്പുഴ മണ്ഡലത്തില്‍ അനുവദിച്ച സുഭിക്ഷ ഹോട്ടലുകള്‍ ഏതെല്ലാമെന്ന് വിശദമാക്കാമോ;

പ്രസ്തുത ഹോട്ടലുകളുടെ നിലവിലെ സ്ഥിതി സംബന്ധിച്ച വിശദവിവരം ലഭ്യമാക്കാമോ?

ഒറ്റപ്പാലം നിയോജക മണ്ഡലത്തില്‍ സംവരണ വിഭാഗത്തിലുള്ള റേഷന്‍ കാര്‍ഡുകള്‍ എ.എ.വൈ. വിഭാഗത്തിലേക്ക് മാറ്റുന്നതിനുള്ള എത്ര അപേക്ഷകള്‍ നിലവിലുണ്ടെന്നറിയിക്കുമോ;

എ.എ.വൈ. കാര്‍ഡ് ലഭിക്കുന്നതിനുള്ള മാനദണ്ഡങ്ങള്‍ എന്തെല്ലാമാണ്; വിശദാംശം ലഭ്യമാക്കാമോ?

സംസ്ഥാനത്തെ മാവേലിസ്റ്റോറുകളെ സൂപ്പര്‍ മാര്‍ക്കറ്റുകളായി ഉയര്‍ത്തുന്ന പദ്ധതിയില്‍ ചവറ നിയോജക മണ്ഡലത്തിലെ ഏതെല്ലാം മാവേലിസ്റ്റോറുകളെ ഉള്‍പ്പെടുത്തിയിട്ടുണ്ടെന്ന് അറിയിക്കാമോ?

സംസ്ഥാനത്ത് നിലവില്‍ എ.എ.വൈ. കാര്‍ഡ് ഉപഭോക്താക്കളുടെ ഒഴിവുകള്‍ ഉണ്ടോ; ഉണ്ടെങ്കില്‍ എത്ര ഒഴിവുകള്‍ ഉണ്ട്; വെളിപ്പെടുത്തുമോ;

പ്രസ്തുത ഒഴിവുകള്‍ നികത്താന്‍ നിലവില്‍ സ്വീകരിച്ച നടപടികള്‍ വിശദമാക്കാമോ?

അനര്‍ഹമായി സ്വന്തമാക്കിയ മുന്‍ഗണനാ റേഷന്‍ കാര്‍ഡുകള്‍ തിരികെ സമര്‍പ്പിക്കാന്‍ ഭക്ഷ്യവകുപ്പ് അഭ്യര്‍ത്ഥിച്ച പ്രകാരം നിരവധിപേര്‍ പ്രസ്തുത കാര്‍ഡുകള്‍ തിരികെ നല്‍കി മുന്‍ഗണനാ ലിസ്റ്റില്‍ നിന്നും സ്വയം ഒഴിവായെങ്കിലും നിരവധിപേര്‍ ഇനിയും അനര്‍ഹമായി മുന്‍ഗണനാ റേഷന്‍കാര്‍ഡുകള്‍ കെെവശം വച്ചിരിക്കുന്നു എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

അനര്‍ഹമായി കെെവശം വച്ചിരിക്കുന്ന മുന്‍ഗണനാ റേഷന്‍ കാര്‍ഡുകള്‍ മുഴുവനായും തിരിച്ചു പിടിച്ച് അര്‍ഹരായവര്‍ക്ക് നല്‍കുന്നതിന് സ്വീകരിച്ചുവരുന്ന നടപടികള്‍ എന്തെല്ലാമാണെന്ന് വിശദമാക്കാമോ?

ഈ സർക്കാർ അധികാരത്തിൽ വന്നതിനുശേഷം അനർഹമായി കൈവശം വച്ചിരുന്ന എത്ര മുൻഗണന റേഷൻ കാർഡുകൾ കണ്ടുകെട്ടിയിട്ടുണ്ടെന്നുള്ള കണക്ക് ജില്ല തിരിച്ച് അറിയിക്കാമോ ?

കാന്‍സര്‍, വൃക്കരോഗം തുടങ്ങിയ ഗുരുതര രോഗങ്ങള്‍ ബാധിച്ചവരില്‍ ആയിരം ചതുരശ്ര അടിയില്‍ കൂടുതലുളള വീടുകളുള്ളവർക്ക് പ്രസ്തുത കാരണത്താല്‍ അവരുടെ റേഷന്‍ കാര്‍ഡുകള്‍ മുന്‍ഗണനാ വിഭാഗത്തില്‍ ഉള്‍പ്പെടുത്താനാവുന്നില്ലെന്നത് സംബന്ധിച്ച പരാതികള്‍ ശ്രദ്ധയില്‍പ്പെട്ടിട്ടുണ്ടോ;

കേന്ദ്ര സർക്കാരിന്റെ മാനദണ്ഡപ്രകാരമുളള ഈ വിഷയത്തില്‍ എന്തെങ്കിലും ഇളവുകള്‍ നല്‍കുന്നതിന് സംസ്ഥാന സര്‍ക്കാരിന്റെ ഭാഗത്തുനിന്നും നടപടി സ്വീകരിച്ചിട്ടുണ്ടോ; ഇല്ലെങ്കില്‍ ഇക്കാര്യത്തില്‍ ആവശ്യമായ നടപടി സ്വീകരിക്കുമോ; വിശദാംശം നല്‍കാമോ?

ഈ സർക്കാരിന്റെ കാലത്ത് കാഞ്ഞങ്ങാട് മണ്ഡലത്തിൽ എത്ര എ.പി.എൽ. കാർഡുകൾ മുൻഗണനാ വിഭാഗത്തിലേക്ക് മാറ്റി നൽകിയെന്ന് വിശദമാക്കാമോ;

മുൻഗണനാ വിഭാഗത്തിൽ ഉൾപ്പെടുന്നതിനായി കാഞ്ഞങ്ങാട് മണ്ഡലത്തിൽ നിന്ന് എത്ര അപേക്ഷകൾ ലഭിച്ചുവെന്ന് വിശദമാക്കാമോ?

സംസ്ഥാനത്ത് ബി.പി.എല്‍. കാര്‍ഡുകള്‍ അനധികൃതമായി നിലനിര്‍ത്തിയിരിക്കുന്ന കുടുംബങ്ങളില്‍ നിന്നും പിഴ ഈടാക്കുന്ന നടപടി പ്രകാരം പരിശോധന നടത്തി പിഴ തുക നിശ്ചയിക്കുന്ന നടപടികളില്‍ പോരായ്മ ഉളളതായി സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ;

തുക നിര്‍ണ്ണയിക്കുന്നതിന് മാനദണ്ഡമാക്കുന്ന പരിശോധന ഘടകങ്ങള്‍ ഏതെല്ലാം എന്ന് വിശദമാക്കാമോ;

സര്‍ക്കാര്‍ / സന്നദ്ധ സംഘടനകള്‍ / ജീവകാരുണ്യ സ്ഥാപനങ്ങള്‍ എന്നിവരുടെ ധനസഹായത്താല്‍ വീട് നിര്‍മ്മാണം പൂര്‍ത്തിയാക്കിയ നിര്‍ധനരായ കുടുംബങ്ങളെ അവര്‍ പാര്‍ക്കുന്ന വീടിന്റെ സ്ഥിതി മാത്രം പരിഗണിച്ച് ബി.പി.എല്‍-ല്‍ നിന്നും ഒഴിവാക്കി പിഴ ചുമത്തുന്ന നടപടി ശ്രദ്ധയില്‍പെട്ടിട്ടുണ്ടോ;

ഇത്തരം പരാതികള്‍ പരിഹരിക്കുവാന്‍ കാര്യക്ഷമമായ ജനകീയ സമിതികളുടെ സേവനം പ്രയോജനപ്പെടുത്തുന്നതിന് നടപടി സ്വീകരിക്കുമോ വ്യക്തമാക്കാമോ?

സ്ഥിരമായി സസ്പെന്റ് ചെയ്യപ്പെടുകയോ ക്യാന്‍സല്‍ ചെയ്യപ്പെടുകയോ ചെയ്തിട്ടുളള റേഷന്‍ കടകള്‍ പുതിയ ലെെസന്‍സികള്‍ക്ക് നല്‍കാനുളള ഉത്തരവ് പുറപ്പെടുവിച്ചിട്ടുണ്ടോ; വിശദമാക്കാമോ;

ഉണ്ടെങ്കില്‍ നെടുമങ്ങാട് താലൂക്കില്‍ ഏതെല്ലാം റേഷന്‍ കടകളാണ് ഇത്തരത്തില്‍ പുതിയതായി ലെെസന്‍സികള്‍ക്ക് നല്‍കാന്‍ തീരുമാനിച്ചിട്ടുളളതെന്ന് വ്യക്തമാക്കാമോ;

എന്തെല്ലാം മാനദണ്ഡങ്ങളാണ് പുതുതായി റേഷന്‍ കട അനുവദിക്കുന്നതിന് ഏര്‍പ്പെടുത്തിയിട്ടുളളതെന്ന് വിശദമാക്കാമോ; മാനദണ്ഡങ്ങളുടെ പകര്‍പ്പ് ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം പുതിയതായി റേഷന്‍ കടകള്‍ ആരംഭിക്കുന്നതിന് കോട്ടയം ജില്ലയില്‍ നിന്ന് എത്ര അപേക്ഷകള്‍ ലഭിച്ചിട്ടുണ്ടെന്നും ലഭിച്ച അപേക്ഷകളില്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കുമോ;

ജില്ലയില്‍ എത്ര പുതിയ റേഷന്‍ കടകള്‍ ആരംഭിച്ചിട്ടുണ്ടെന്നും അവ എവിടെയെല്ലാമാണെന്നും വ്യക്തമാക്കുമോ?

പുതിയ റേഷന്‍കടകള്‍ അനുവദിക്കുന്നതിന് എന്തെല്ലാം മാനദണ്ഡങ്ങളാണ് നിഷ്കര്‍ഷിച്ചിട്ടുള്ളതെന്ന് വിശദമാക്കാമോ?

റേഷൻ കടകളിലെ ഇ പോസ് മെഷീൻ സംവിധാനം തകരാറിലായി റേഷൻ വിതരണം തടസ്സപ്പെടുന്നത് സംബന്ധിച്ച് പരാതികൾ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ഈ വര്‍ഷം ഇത്തരത്തില്‍ എത്ര തവണ റേഷന്‍ വിതരണം തടസ്സപ്പെട്ടുവെന്ന് വെളിപ്പെടുത്തുമോ;

ഇക്കാര്യത്തിൽ സംസ്ഥാനത്തെ ഡാറ്റാ സെന്ററിനാണോ കേന്ദ്ര സെർവറുകൾക്കാണോ പ്രശ്നമെന്നത് വിലയിരുത്താൻ പഠനമോ അന്വേഷണമോ നടത്തിയിട്ടുണ്ടോയെന്ന് അറിയിക്കുമോ;

ഇ പോസ് മെഷീൻ തകരാർ കണ്ടെത്തുന്ന സന്ദർഭങ്ങളിൽ ഒ.ടി.പി. ഉപയോഗിച്ച് റേഷൻ വിതരണം നടത്തുന്ന കണക്കും ഇ പോസിൽ ബയോമെട്രിക് വിതരണം നടത്തുന്ന കണക്കും താരതമ്യം ചെയ്യാറുണ്ടോയെന്ന് വ്യക്തമാക്കുമോ;

ഇപോസ് മെഷീൻ തകരാർ സംബന്ധിച്ച് സ്വതന്ത്ര ഏജൻസിയെ കൊണ്ട് ടെക്നിക്കൽ ഓഡിറ്റ് നടത്തണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കുമോ;

ഇത്തരമൊരു ഓഡിറ്റിനോ അന്വേഷണത്തിനോ സർക്കാർ തയാറാകുമോയെന്ന് അറിയിക്കുമോ?

പൂഞ്ഞാർ നിയോജകമണ്ഡലത്തിലെ മീനച്ചില്‍ താലൂക്കില്‍ ഉള്‍പ്പെടുന്ന പൂഞ്ഞാർ പഞ്ചായത്ത് പതിനൊന്നാം വാർഡിൽ ചേന്നാട്, തീക്കോയി പഞ്ചായത്ത് പതിനൊന്നാം വാർഡിൽ വെട്ടിപ്പറമ്പ് എന്നിവിടങ്ങളിൽ പുതിയ റേഷൻ കടകൾ അനുവദിക്കുന്നതിനായി സമര്‍പ്പിച്ച അപേക്ഷയിന്‍മേല്‍ സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ;

പ്രസ്തുത സ്ഥലങ്ങളിൽ പുതിയ റേഷൻ കടകൾ അനുവദിക്കുന്നതിനാവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

കുന്നുംകുളം നഗരസഭാ പരിധിയില്‍ ഉൾപ്പെട്ട ആനയ്ക്കലില്‍ അനുവദിച്ച റേഷന്‍ കട ആരംഭിക്കുന്നതിന് എന്താെക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

പ്രസ്തുത റേഷൻ കട എന്ന് ആരംഭിക്കാനാകുമെന്ന് വ്യക്തമാക്കുമോ?

കൊല്ലം താലൂക്ക്‌ സപ്ലൈ ആഫീസ്‌ പരിധിയിലുള്ള പരവൂർ ചാത്തന്നൂർ ഫർക്കകളിലുൾപ്പെട്ട 231, 236, 238, 246, 276, 281, 287, 300 എന്നീ നമ്പരുകളിലുള്ള റേഷൻകടകൾക്ക്‌ സ്ഥിരം ലൈസൻസികളെ നിയമിക്കുന്നതിന് നടപടികൾ സ്വീകരിച്ചിട്ടുണ്ടോ എന്ന് വ്യക്തമാക്കാമോ;

മേൽ പറഞ്ഞിട്ടുള്ള റേഷൻ കടകൾക്കേതിനെങ്കിലും സ്ഥിരം ലൈസൻസികളെ നിയമിക്കാൻ ഇതിനകം നടപടികൾ സ്വീകരിച്ചിട്ടില്ലെങ്കിൽ ആയതിന്റെ കാരണം വിശദമാക്കാമോ;

സ്ഥിരം ലൈസൻസികളെ നിയമിക്കുന്നതിനുള്ള നടപടികൾ എന്ന് പൂര്‍ത്തീകരിക്കാൻ കഴിയുമെന്ന് അറിയിക്കാമോ?

സംസ്ഥാനത്തെ റേഷന്‍കടകള്‍ സ്മാര്‍ട്ട് റേഷന്‍കടകളാക്കുന്നതിനു വേണ്ടി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

റേഷന്‍കടകള്‍ സ്മാര്‍ട്ടാകുന്നതിലൂടെ എന്തെല്ലാം അധിക സൗകര്യങ്ങളാണ് ഗുണഭോക്താക്കള്‍ക്ക് ലഭിക്കുക; വിശദമാക്കുമോ?

കുന്നംകുളം മണ്ഡലത്തില്‍ പുതുതായി റേഷന്‍ കടകൾ അനുവദിക്കണമെന്നാവശ്യപ്പെട്ട് അപേക്ഷകള്‍ ലഭിച്ചിട്ടുണ്ടാേ; ഉണ്ടെങ്കില്‍ പ്രസ്തുത അപേക്ഷകളിന്മേൽ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമാേ?

വടക്കാ‍‍ഞ്ചേരി മണ്ഡലത്തിലെ റേഷന്‍ കടകളുടെ പ്രവര്‍ത്തന സുതാര്യത ഉറപ്പുവരുത്തുന്നതിനായി രൂപീകരിച്ച വിജിലന്‍സ് കമ്മിറ്റികളുടെ പ്രവര്‍ത്തനം വിലയിരുത്തിയിട്ടുണ്ടോ; വ്യക്തമാക്കുമോ;

പ്രസ്തുത വിജിലന്‍സ് കമ്മിറ്റിയുടെ റിപ്പോര്‍ട്ട് താലൂക്കടിസ്ഥാനത്തില്‍ ലഭ്യമാക്കാമോ?

പാറശാല മണ്ഡലത്തിലെ ആദിവാസി ഊരുകളിലെ എല്ലാ കുടുംബങ്ങള്‍ക്കും ഭക്ഷ്യധാന്യങ്ങള്‍ ലഭ്യമാകുന്നുണ്ടെന്ന് ഉറപ്പ് വരുത്തുന്നതിന് എന്തെല്ലാം പ്രവര്‍ത്തനങ്ങളാണ് നടപ്പാക്കി വരുന്നതെന്ന് വിശദമാക്കുമോ;

പ്രസ്തുത മണ്ഡലത്തിലെ സഞ്ചരിക്കുന്ന റേഷന്‍ കടകളുടെ പ്രവര്‍ത്തനം ഏതൊക്കെ പ്രദേശങ്ങളിലാണ് വ്യാപിപ്പിച്ചിട്ടുള്ളത്; വിശദാംശം അറിയിക്കാമോ; പ്രസ്തുത പദ്ധതിയിലൂടെ മണ്ഡലത്തിലെ മുഴുവന്‍ ആദിവാസി ഊരുകളിലും ഭക്ഷ്യസാധനങ്ങള്‍ എത്തിക്കാന്‍ സാധിക്കുന്നുണ്ടോ; വിശദമാക്കാമോ;

സഞ്ചരിക്കുന്ന റേഷന്‍കട പദ്ധതിക്കായി എം.എല്‍.എ.മാരുടെ വികസന ഫണ്ട് വിനിയോഗിച്ച് വാഹനം വാങ്ങുന്നതിന് തീരുമാനിച്ചിട്ടുണ്ടോയെന്ന് വ്യക്തമാക്കാമോ;

ഇത്തരത്തില്‍ വാങ്ങുന്ന വാഹനങ്ങളുടെ ഇന്ധനം, ഡ്രൈവറുടെ ശമ്പളം, മെയിന്റനന്‍സ് ഉള്‍പ്പെടെയുള്ള ആവര്‍ത്തനചെലവുകള്‍ ഏതു രീതിയില്‍ നിര്‍വഹിക്കുന്നതിനാണ് നിശ്ചയിച്ചിട്ടുള്ളത്; വിശദാംശം ലഭ്യമാക്കാമോ?

അരിയുടെ വില വര്‍ദ്ധനവ് തടയുന്നതിന് വേണ്ടി മറ്റു സംസ്ഥാനങ്ങളില്‍ നിന്ന് അരി ഇറക്കുമതി ചെയ്യാന്‍ ഉദ്ദേശിക്കുന്നുണ്ടോ; ഉണ്ടെങ്കില്‍ വിശദവിവരം ലഭ്യമാക്കാമോ;

ആവശ്യക്കാര്‍ക്ക് വിതരണം ചെയ്യാതെ അരി ഗോഡൗണുകളില്‍ നശിച്ചുപോകുന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ഇത്തരത്തില്‍ എത്രമാത്രം അരിയാണ് നശിച്ചുപോയിട്ടുള്ളതെന്നതിന്റെ കണക്ക് ലഭ്യമാണോ; വിശദമാക്കാമോ;

മാസങ്ങളായി റേഷന്‍ കടകളിലൂടെ കാര്‍ഡ് ഉടമകള്‍ക്ക് പുഴുക്കലരി നല്‍കാതെ പച്ചരി മാത്രം നല്‍കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇതു പരിഹരിക്കാന്‍ എന്തൊക്കെ മാര്‍ഗ്ഗങ്ങളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കാമോ;

പച്ചരി ആവശ്യത്തില്‍ അധികമായി സംഭരിക്കുന്നുണ്ടോ; ഉണ്ടെങ്കില്‍ ആയത് അരിമാവ് ഉള്‍പ്പെടെയുള്ള ഉല്‍പ്പന്നങ്ങളാക്കി മാറ്റുന്നതിനും വിതരണം ചെയ്യുന്നതിനും സംവിധാനം ഏര്‍പ്പെടുത്തുവാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

നിലവില്‍ കമ്മീഷന്‍ വെട്ടിക്കുറച്ചത് കാരണം റേഷന്‍ കട ഉടമകള്‍ നേരിടുന്ന പ്രയാസങ്ങള്‍ പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കാമോ?

സംസ്ഥാന ഭക്ഷ്യ-പൊതുവിതരണ വകുപ്പ് 2022 ഒക്ടോബർ, നവംബർ മാസങ്ങളിലേക്കുള്ള റേഷൻ ഫണ്ട് വെട്ടിക്കുറയ്ക്കുകയുണ്ടായോ;

എങ്കില്‍ റേഷൻ ഫണ്ടിലെ തുക ഏതൊക്കെ ആവശ്യങ്ങൾക്കായിട്ടാണ് മാറ്റി വെച്ചിട്ടുള്ളത്; വിശദാംശം ലഭ്യമാക്കുമോ;

ഫണ്ട് വെട്ടിക്കുറച്ചതുമൂലം സംസ്ഥാനത്തെ റേഷൻ വ്യാപാരികൾക്കുള്ള കമ്മീഷന്‍ നിലവില്‍ ലഭിച്ചുകൊണ്ടിരിക്കുന്ന തുകയുടെ 50 ശതമാനത്തിൽ താഴെയാകുന്ന സാഹചര്യം ഉണ്ടാകുമോ; എങ്കിൽ റേഷൻ വ്യാപാരികൾക്ക് നഷ്ടമാകുന്ന ബാക്കി കമ്മീഷൻ തുക എപ്പോൾ വിതരണം ചെയ്യാനാകുമെന്ന് വെളിപ്പെടുത്താമോ;

ഭക്ഷ്യഭദ്രതാ നിയമം നടപ്പിലാക്കിയപ്പോള്‍ റേഷൻ ക്രമക്കേട് തടയാൻ റേഷൻ വ്യാപാരികൾക്ക് ജീവിക്കാനാവശ്യമായ വേതനം നൽകണമെന്ന വിദഗ്ദ്ധ സമിതിയുടെ ശിപാർശയുടെ അടിസ്ഥാനത്തിലാണോ മിനിമം വേതനം ഉറപ്പാക്കുന്ന രീതിയിലുള്ള കമ്മീഷൻ വ്യവസ്ഥ ഉണ്ടാക്കിയതെന്ന് അറിയിക്കാമോ;

കോവിഡ് കാലയളവിൽ ഭക്ഷ്യധാന്യ കിറ്റ് വിതരണം ചെയ്തതിന്റെ കുടിശ്ശിക വ്യാപാരികൾക്ക് പൂർണ്ണമായും വിതരണം ചെയ്തിട്ടുണ്ടോ; ഇല്ലെങ്കിൽ എത്ര തുകയാണ് കുടിശ്ശികയുള്ളതെന്ന് വെളിപ്പെടുത്താമോ;

കുടിശ്ശികയുള്ളപ്പോൾ വീണ്ടും കമ്മീഷൻ തുക കുറയ്ക്കുന്നത് കെട്ടിട വാടക, വൈദ്യുതി ചാർജ്, സെയിൽസ്‍മാൻമാർക്കുള്ള വേതനം എന്നീ ചെലവുകൾക്ക് പോലും പണം കണ്ടെത്താൻ റേഷന്‍ കടക്കാര്‍ക്ക് കഴിയാത്ത സാഹചര്യമുണ്ടാക്കുമെന്ന് സർക്കാർ വിലയിരുത്തുന്നുണ്ടോ;

എങ്കിൽ റേഷൻ വ്യാപാരികളുടെ ഈ പ്രതിസന്ധി പരിഹരിക്കുന്നതിന് എന്തൊക്കെ അടിയന്തര നടപടികൾ സ്വീകരിക്കുമെന്ന് അറിയിക്കാമോ?

സംസ്ഥാനത്ത് പൊതുവിതരണ സമ്പ്രദായത്തിലൂടെ ഫോർട്ടിഫൈഡ് റൈസ് നിർബന്ധമായും കൊടുക്കണമെന്ന് കേന്ദ്രസർക്കാർ നിഷ്കര്‍ഷിച്ചിട്ടുണ്ടോയെന്ന് വെളിപ്പെടുത്താമോ;

2022 നവംബർ മാസം നടന്ന സംസ്ഥാന ഭക്ഷ്യസെക്രട്ടറിമാരുടെ യോഗത്തിൽ കേന്ദ്രം ഇക്കാര്യത്തില്‍ എന്ത് നിലപാട് സ്വീകരിച്ചുവെന്നും സംസ്ഥാനം എന്ത് നിലപാട് അറിയിച്ചുവെന്നും വിശദമാക്കുമോ;

കേരളത്തിൽ സപ്ലൈകോ സംഭരിച്ച് മില്ലി‍ൽ കുത്തി അരിയാക്കുന്ന കസ്റ്റം മിൽ‍ഡ് റൈസ് (സി.എം.ആർ.) എത്രത്തോളം പോഷകസമ്പുഷ്ടമാണെന്ന് ലാബില്‍ പരിശോധിച്ചിട്ടുണ്ടോ; ഉണ്ടെങ്കില്‍ പരിശോധനാ ഫലം ലഭ്യമാക്കുമോ;

ഈ പരിശോധനാ ഫലം കേന്ദ്രത്തെ അറിയിച്ചിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ കേന്ദ്രത്തിന്റെ പ്രതികരണം ലഭ്യമായിട്ടുണ്ടോ; വിശദമാക്കുമോ;

വയനാട് ജില്ലയിൽ ഫോർട്ടിഫൈഡ് റൈസ് വിതരണം ചെയ്യുന്നുണ്ടോ; ഉണ്ടെങ്കില്‍ ഏതൊക്കെ റേഷന്‍ കടകളിലാണെന്നത് താലൂക്ക് അടിസ്ഥാനത്തില്‍‌ വിശദമാക്കുമോ?

കോഴിക്കോട് ജില്ലയില്‍ അടുത്തമാസം മുതല്‍ റേഷന്‍ കടകളില്‍ വിതരണം ചെയ്യുന്നതിന് വേണ്ടി ഗോഡൗണുകളില്‍ എത്തിയിരിക്കുന്നത് മുഴുവനായും പച്ചരിയാണെന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത മേഖലയിലെ ആളുകള്‍ ഭൂരിഭാഗവും പുഴുക്കലരി ഉപയോഗിച്ച് ശീലിച്ചവരാണെന്നത് ശ്രദ്ധയില്‍പ്പെട്ടിട്ടുണ്ടോ;

ഇവർക്ക് പുഴുക്കലരി നല്‍കുന്നതിന് ആവശ്യമായ നടപടി സ്വീകരിക്കുമോയെന്ന് അറിയിക്കുമോ?

അരി ഉൾപ്പെടെയുളള നിത്യോപയോഗ സാധനങ്ങളുടെ വില കഴിഞ്ഞ മാസങ്ങളിലെ വിലയെക്കാൾ ഇരട്ടിയിലധികം വർദ്ധിച്ചതായി ശ്രദ്ധയിൽപ്പെട്ടിട്ടുണ്ടോ; എങ്കിൽ അതിന്റെ കാരണങ്ങൾ പരിശോധിച്ചിട്ടുണ്ടോ; വിശദമാക്കുമോ;

വിലക്കയറ്റം നിയന്ത്രിക്കുന്നതിന് സ്വീകരിക്കാനുദ്ദേശിക്കുന്ന നടപടികൾ വിശദമാക്കുമോ;

നിത്യോപയോഗ സാധനങ്ങൾ ന്യായമായ വിലയിൽ റേഷൻ കടകൾ വഴി വിതരണം ചെയ്യാൻ നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് ഭക്ഷ്യവസ്തുക്കളുടെ വിലനിലവാരം പിടിച്ചു നിര്‍ത്തുന്നതിന് സ്വീകരിച്ച നടപടികള്‍ വിശദമാക്കാമോ;

റേഷന്‍കടകള്‍ വഴി എല്ലാ നിത്യോപയോഗ സാധനങ്ങളും ലഭ്യമാക്കുന്ന പദ്ധതി ആലോചനയിലുണ്ടോ ; എങ്കിൽ വിശദമാക്കാമോ;

റേഷന്‍ കടകള്‍ വഴി എൽ.പി.ജി. വിതരണം നടത്തുന്ന പദ്ധതി ആലോചനയിലുണ്ടോ എന്ന് വ്യക്തമാക്കുമോ?

കേന്ദ്രസർക്കാർ നയങ്ങളുടെയും പെട്രോളിയം ഉല്പന്നങ്ങളുടെ വിലവർദ്ധനവിന്റെയും ഫലമായി ഉപഭോക്തൃ സംസ്ഥാനമായ കേരളത്തിലുണ്ടാകുന്ന ഭക്ഷ്യവസ്തുക്കളുടെ വിലവർദ്ധനവ് ശ്രദ്ധയിൽപ്പെട്ടിട്ടുണ്ടോ;

വിപണിയിൽ കാര്യക്ഷമമായ ഇടപെടലുകൾ നടത്തി ഭക്ഷ്യവസ്തുക്കളുടെ വിലവർദ്ധനവ് നിയന്ത്രിക്കുന്നതിനുവേണ്ടി സ്വീകരിച്ചിട്ടുളള നടപടികൾ എന്തെല്ലാമെന്ന് വിശദമാക്കാമോ;

ഇതര സംസ്ഥാനങ്ങളുടെ സഹകരണത്തോടെ ഭക്ഷ്യവസ്തുക്കൾ നേരിട്ട് സംഭരിച്ച് ജനങ്ങൾക്ക് കുറഞ്ഞ വിലയ്ക്ക് ലഭ്യമാക്കുന്നതിന് എന്തെല്ലാം നടപടികൾ സ്വീകരിച്ചുവരുന്നുവെന്ന് വ്യക്തമാക്കുമോ;

സംസ്ഥാനത്ത് ഭക്ഷ്യവസ്തുക്കളുടെ കരിഞ്ചന്തയും പൂഴ്‍ത്തിവെയ്പും തടയുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

നിത്യോപയോഗ സാധനങ്ങളുടെ വില ക്രമാതീതമായി വര്‍ദ്ധിക്കുന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

വിലക്കയറ്റം തടയുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

2021-2022, 2022-2023 വര്‍ഷങ്ങളില്‍ കേന്ദ്ര വിഹിതത്തില്‍ ഉള്‍പ്പെടുത്തി അരിയും മറ്റ് നിത്യോപയോഗ സാധനങ്ങളും സംസ്ഥാനത്തിന് ലഭിച്ചത് എത്രയെന്ന് വ്യക്തമാക്കാമോ; ഇതു പൂര്‍ണ്ണമായും ഉപഭോക്താക്കള്‍ക്ക് വിതരണം ചെയ്തിട്ടുണ്ടോ; വിശദവിവരം ലഭ്യമാക്കാമോ?

സംസ്ഥാനത്ത് അരി വില നിയന്ത്രിക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

റേഷന്‍ കടകളില്‍ സ്റ്റോക്ക് ഇല്ലാത്തതിനാൽ സ്ഥിരമായി റേഷൻ വാങ്ങുന്ന 9 ലക്ഷം കുടുംബങ്ങൾക്ക് അരി നഷ്ടപ്പെട്ടുവെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കാന്‍ നടപടി സ്വീകരിക്കുമോ എന്ന് വ്യക്തമാക്കാമോ;

റേഷന്‍ കടകളില്‍ സ്റ്റോക്ക് എത്തിക്കുന്നതിന് സിവിൽ സപ്ലൈസ് കോർപ്പറേഷന് വീഴ്ച ഉണ്ടായിട്ടുണ്ടോയെന്ന് വ്യക്തമാക്കാമോ;

അരിവില വര്‍ദ്ധിക്കുന്നതിന് കാരണം എഫ്.സി.ഐ.യിൽ നിന്നും കൃത്യമായി റേഷൻ സ്റ്റോക്ക് എടുക്കാത്തത് കൊണ്ടാണോയെന്ന് അറിയിക്കാമോ?

നിത്യോപയോഗ സാധനങ്ങളുടെ വില നിലവാരം ഉയരുന്നതിനുള്ള കാരണങ്ങള്‍ എന്തൊക്കെയാണെന്നു വിലയിരുത്തിയിട്ടുണ്ടോ; വിശദമാക്കാമോ;

വില നിലവാരം നിയന്ത്രിക്കുന്നതിന് വേണ്ടി സ്വീകരിച്ച നടപടികള്‍ എന്തെല്ലാം; വിശദീകരിക്കാമോ?

സംസ്ഥാനത്ത് അരി,പച്ചക്കറി, പാൽ ഉൾപ്പെടെയുള്ള ഭക്ഷ്യ സാധനങ്ങൾക്ക് പൊതു വിപണിയിൽ ക്രമാതീതമായ വർദ്ധനവ് ഉണ്ടാകുന്ന വിവരം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

വില വർദ്ധിക്കാൻ ഇടയായ സാഹചര്യങ്ങൾ എന്തെല്ലാമാണെന്ന് വിശദമാക്കുമോ;

വിലക്കയറ്റം നിയന്ത്രിക്കുന്നതിനും വിപണിയിൽ ഇടപെടുന്നതിനും ഇതിനകം എന്തെല്ലാം നടപടികൾ സ്വീകരിച്ചിട്ടുണ്ട് എന്ന് വിശദമാക്കുമോ;

റേഷൻ കടകൾ, മാവേലി സ്റ്റോർ, ഹോർട്ടികോർപ്പ് തുടങ്ങിയവയിലൂടെ അവശ്യസാധനങ്ങൾ സബ്സിഡി നിരക്കിൽ വിതരണം ചെയ്ത് പൊതുജനങ്ങളെ സഹായിക്കുന്നതിനുള്ള നടപടി സ്വീകരിക്കുമോ?

ഈ സർക്കാർ അധികാരത്തിൽ വന്നപ്പോൾ നിത്യോപയോഗ സാധനങ്ങളുടെ വില നിലവാരം എന്തായിരുന്നുവെന്ന് ഇനം തിരിച്ച് വ്യക്തമാക്കുമോ;

നിത്യോപയോഗ സാധനങ്ങളുടെ 2022 നവംബർ 30-ലെ വില നിലവാരം വ്യക്തമാക്കുമോ;

വില നിലവാരം ഉയരാതിരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ;

ഈ സർക്കാർ അധികാരത്തിൽ വന്നതിന് ശേഷം 2022 നവംബർ 30 വരെയുളള കാലയളവിൽ മാവേലി സ്റ്റോറുകളിലെ നിത്യോപയോഗ സാധനങ്ങളുടെ വിലയും മാർക്കറ്റ് വിലയും തമ്മിലുളള വ്യത്യാസം എത്രയാണെന്ന് വെളിപ്പെടുത്താമോ?

സിവില്‍സപ്ലൈസ് കോര്‍പ്പറേഷന്റെ തളിപ്പറമ്പ് താലൂക്ക് ഡിപ്പോ മുഖേനയാണ് നിലവില്‍ പയ്യന്നൂര്‍ താലൂക്കിന്റെ പരിധിയില്‍ വരുന്ന സിവില്‍ സപ്ലൈസ് വില്പനശാലകളിലേക്ക് സാധനങ്ങള്‍ എത്തിക്കുന്നത് എന്ന കാര്യം ശ്രദ്ധയിൽപ്പെട്ടിട്ടുണ്ടോ; പയ്യന്നൂര്‍ താലൂക്ക് നിലവില്‍ വന്ന സാഹചര്യത്തില്‍ പയ്യന്നൂര്‍ ആസ്ഥാനമായി പുതിയ സപ്ലൈകോ താലൂക്ക് ഡിപ്പോ അനുവദിക്കാന്‍ ആവശ്യമായ നടപടികള്‍ സ്വീകരിക്കുമോയെന്നറിയിക്കാമോ?

സംസ്ഥാനത്ത് നെല്ലുസംഭരണം ഊർജ്ജിതമാക്കുന്നതിനും നെല്ലുസംഭരണവുമായി ബന്ധപ്പെട്ട പ്രശ്നങ്ങൾക്ക് പരിഹാരം കാണുന്നതിനും കർഷകർക്ക് സഹായമാകുന്ന എന്തെല്ലാം നിലപാടുകളാണ് സ്വീകരിച്ചിട്ടുളളതെന്ന് വിശദമാക്കുമോ;

നെല്ല് സംഭരണ പദ്ധതിക്ക് കീഴിൽ കർഷകരിൽ നിന്നും സപ്ലൈകോ സംഭരിച്ച നെല്ലിന്റെ വിലയിനത്തിൽ കർഷകർക്ക് നൽകാനുള്ള തുക പൂർണ്ണമായും വിതരണം ചെയ്യുന്നതിന് നടപടികള്‍ സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ;

നെല്ല് സംഭരണത്തിനുശേഷം നെല്ലിന്റെ വില കർഷകർക്ക് താമസം കൂടാതെ ലഭ്യമാക്കുന്നതിന് നടപടികൾ സ്വീകരിക്കുമോ; വിശദാംശം ലഭ്യമാക്കാമോ?

പാലക്കാട് ജില്ലയിലെ നെല്ല് സംഭരണം സമയബന്ധിതമായി നടത്താന്‍ കഴിയാത്തത് ശ്രദ്ധയില്‍പ്പെട്ടിട്ടുണ്ടോ;

ഇത്തരത്തില്‍ നെല്ല് സംഭരണം വെെകാനിടയായ സാഹചര്യം വിശദമാക്കുമോ?

ദേശീയ ഭക്ഷ്യസുരക്ഷ നിയമ പ്രകാരം റേഷന്‍ വിതരണത്തിന് ആവശ്യമായ ഗോ‍‍ഡൗണ്‍ ഇല്ലാത്ത താലൂക്കുകളില്‍ ഗോഡൗണ്‍ നിര്‍മ്മിക്കുന്ന പദ്ധതി പ്രകാരം പയ്യന്നൂര്‍ താലൂക്കിലെ എരമം വില്ലേജിലെ പുല്ലുപാറയില്‍ ഗോഡൗണ്‍ നിര്‍മ്മിക്കുന്നതിന് തീരുമാനിക്കുകയും പ്രവൃത്തി ഉദ്ഘാടനം നടത്തുകയും ചെയ്ത വിവരം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ആയതിന്റെ തുടര്‍ നടപടികള്‍ ഏതുവരെ ആയെന്ന് വിശദമാക്കാമോ;

കെട്ടിട നിര്‍മ്മാണത്തിന്റെ ചുമതല വഹിക്കുന്ന നിര്‍വ്വഹണ ഏജന്‍സി ഏത് വകുപ്പിന് കീഴിലാണെന്ന് അറിയിക്കാമോ?

നെയ്യാറ്റിന്‍കര നഗരസഭ പ്രദേശത്തു ആരംഭിക്കുന്ന സുഭിക്ഷ ഹോട്ടലിന്റെ പൂര്‍ത്തിയായ നടപടികൾ ഏതൊക്കെയെന്ന് വിശദമാക്കാമോ;

സുഭിക്ഷ ഹോട്ടല്‍ പ്രവര്‍ത്തനം എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ?