സംസ്ഥാനത്ത് ഒരു പഞ്ചായത്തില്‍ ഒരു കളിസ്ഥലം പദ്ധതി നടപ്പിലാക്കിയിട്ടുണ്ടോ; എങ്കിൽ പദ്ധതിയുടെ ഉദ്ദേശ്യലക്ഷ്യങ്ങള്‍ വ്യക്തമാക്കുമോ?

സംസ്ഥാനത്തെ സര്‍ക്കാര്‍/പൊതുമേഖല സ്ഥാപനങ്ങളില്‍ ഏതിലാെക്കെ സ്പോര്‍ട്സ് ടീമുകള്‍ നിലവിലുണ്ടെന്ന് വ്യക്തമാക്കാമോ;

സംസ്ഥാനത്തെ പാെതുമേഖല സ്ഥാപനങ്ങളുടെ നേതൃത്വത്തില്‍ പുതിയ സ്പോര്‍ട്സ് ടീമുകള്‍ സംഘടിപ്പിക്കാന്‍ നടപടികള്‍ സ്വീകരിക്കുമോ?

ഒരു പഞ്ചായത്തില്‍ ഒരു കളിസ്ഥലം പദ്ധതിയില്‍ ഓരോ പഞ്ചായത്തിനും സര്‍ക്കാര്‍ എത്ര രൂപ വീതമാണ് നല്‍കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

സര്‍ക്കാര്‍ വിഹിതത്തിന് പുറമേവരുന്ന തുക എങ്ങനെ കണ്ടെത്താനാണ് ഉദ്ദേശിക്കുന്നത്; വ്യക്തമാക്കാമോ;

വരുമാനം കുറഞ്ഞ പഞ്ചായത്തുകള്‍ക്ക് വിഹിതത്തില്‍ വര്‍ദ്ധനവ് വരുത്തുന്ന കാര്യം പരിഗണിക്കുമോ; വ്യക്തമാക്കാമോ?

ആലപ്പുഴ നിയോജക മണ്ഡലത്തില്‍ 2021-22 വര്‍ഷത്തെ ബഡ്ജറ്റില്‍ പ്രഖ്യാപിച്ച അത്‍ലറ്റികോ ആലപ്പി, ഉദയകുമാര്‍ സ്മാരക വോളീബോള്‍ അക്കാദമി, യുവഭാരത് ഇന്‍ഡോര്‍ വോളീബോള്‍ കോര്‍ട്ട് എന്നിവയുടെ ഭരണാനുമതി ലഭിച്ചിട്ടുണ്ടോ; വ്യക്തമാക്കാമോ;

പ്രസ്തുത പ്രവൃത്തികള്‍ക്കാവശ്യമായ തുക ഏത് ശീര്‍ഷകത്തിലാണ് വകയിരുത്തിയിരിക്കുന്നതെന്ന് വ്യക്തമാക്കുമോ;

പ്രസ്തുത പ്രവൃത്തികളുടെ വിശദമായ എസ്റ്റിമേറ്റ് തയ്യാറാക്കിയിട്ടുണ്ടോ എന്ന് വ്യക്തമാക്കുമോ?

തിരുവമ്പാടി മണ്ഡലത്തില്‍ ഒരു പഞ്ചായത്തില്‍ ഒരു കളിസ്ഥലം പദ്ധതിയില്‍ നിര്‍ദ്ദേശിക്കപ്പെട്ട കളിസ്ഥലങ്ങളുടെ വിശദാംശം ലഭ്യമാക്കുമോ?

കായിക വകുപ്പിന് കീഴില്‍ പൊതു ഇടങ്ങളില്‍ ഓപ്പണ്‍ ജിമ്മുകള്‍, ടര്‍ഫുകള്‍ എന്നിവ സ്ഥാപിക്കുന്നതിന് ഏതൊക്കെ പദ്ധതികളാണ് നിലവിലുള്ളത്; വിശദാംശം അറിയിക്കാമോ;

ഗ്രാമപഞ്ചായത്തുകളുടെ ആസ്തിയിലുള്ള കുളങ്ങള്‍ നവീകരിച്ച് നീന്തല്‍ പരിശീലനം നല്‍കുന്നതിനുള്ള പദ്ധതികള്‍ കായിക വകുപ്പ് മുഖേന നടപ്പിലാക്കുന്നുണ്ടോ; വിശദാംശം അറിയിക്കാമോ;

പാറശ്ശാല മണ്ഡലത്തിലെ കള്ളിക്കാട് ഗ്രാമപഞ്ചായത്ത് കേന്ദ്രീകരിച്ച് സ്പോര്‍ട്സ് യൂണിവേഴ്സിറ്റി ആരംഭിക്കുന്നതിനായി സമര്‍പ്പിച്ചിരിക്കുന്ന ഡി.പി.ആർ.- ന്മേല്‍ തുടര്‍നടപടി സ്വീകരിച്ചിട്ടുണ്ടോ; പ്രസ്തുത പദ്ധതി സര്‍ക്കാരിന്റെ പരിഗണനയിലുണ്ടോ; വിശദാംശങ്ങള്‍ അറിയിക്കാമോ?

സംസ്ഥാനത്തെ പൊതുസ്ഥലങ്ങള്‍, പാര്‍ക്കുകള്‍, ഗ്രൗണ്ടുകള്‍ എന്നിവിടങ്ങളില്‍ എല്ലാവര്‍ക്കും സൗജന്യമായി ഉപയോഗിക്കാന്‍ മിനി ജിംനേഷ്യങ്ങള്‍ സ്ഥാപിക്കാന്‍ കായിക വകുപ്പ് മുന്‍കൈ എടുക്കുമോ; വിശദാംശം ലഭ്യമാക്കുമോ?

സംസ്ഥാന സ്പോര്‍ട്സ് രംഗം സംബന്ധിച്ച വിവരങ്ങള്‍ ഉള്‍ക്കൊള്ളിച്ച് സമഗ്രമായ ഒരു സ്പോര്‍ട്സ് വെബ്‍സെെറ്റ് ഉണ്ടാക്കാന്‍ നടപടികള്‍ സ്വീകരിക്കുമോ?

ജില്ല സ്പോര്‍ട്സ് കൗണ്‍സില്‍ വഴി അരൂര്‍ മണ്ഡലത്തില്‍ എന്തൊക്കെ പദ്ധതികളാണ് നടപ്പിലാക്കിയിട്ടുളളതെന്ന് വിശദമാക്കാമോ;

ജില്ല സ്പോര്‍ട്സ് കൗണ്‍സില്‍ വഴി അരൂര്‍ മണ്ഡലത്തില്‍ നടപ്പിലാക്കാനുദ്ദേശിക്കുന്ന പദ്ധതികള്‍ എന്തെല്ലാമെന്ന് വിശദമാക്കാമോ?

സംസ്ഥാനത്തെ കായികമുന്നേറ്റത്തിന് ഉതകുന്ന തരത്തില്‍ തദ്ദേശഭരണ സ്ഥാപന തലത്തില്‍ സ്പോര്‍ട്സ് കൗണ്‍സിലിന്റെ ഘടകങ്ങള്‍ രൂപീകരിക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ;

മള്‍ട്ടി പര്‍പ്പസ് ജില്ല സ്പോര്‍ട്സ് കോംപ്ലക്സുകള്‍ നിര്‍മ്മിക്കുന്നതിന് നടപടി സ്വീകരിച്ചിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

സംസ്ഥാനത്ത് എവിടെയൊക്കെയാണ് സ്പോര്‍ട്സ് കേരള ഫുട്ബോള്‍ അക്കാദമി ആരംഭിക്കുന്നതെന്നും പ്രസ്തുത അക്കാദമികളുടെ പ്രവര്‍ത്തനങ്ങള്‍ എന്തൊക്കെയാണെന്നും വിശദമാക്കാമോ;

മലപ്പുറം ജില്ലയില്‍ പ്രസ്തുത അക്കാദമി ആരംഭിക്കുന്ന കാര്യം പരിഗണിക്കുമോ; വ്യക്തമാക്കാമോ?

കോഴിക്കോട് ജില്ലയിലെ നടുവണ്ണൂരില്‍ കായികവകുപ്പിന്റെ നേതൃത്വത്തില്‍ നിര്‍മ്മാണപ്രവര്‍ത്തനം ആരംഭിച്ച വോളീബോള്‍ അക്കാദമിയുടെ പ്രവര്‍ത്തനങ്ങള്‍, ലക്ഷ്യങ്ങള്‍ എന്നിവ വ്യക്തമാക്കാമോ?

കായിക വികസനത്തിന്റെ ഭാഗമായി മലപ്പുറം ജില്ലയില്‍ പുതിയ പദ്ധതികള്‍ ആരംഭിക്കുന്ന കാര്യം പരിഗണനയിലുണ്ടോ;

ഒരു പഞ്ചായത്തില്‍ ഒരു കളി സ്ഥലം പദ്ധതിയുടെ ഭാഗമായി സ്റ്റേഡിയങ്ങളുടെ നിര്‍മ്മാണം സംബന്ധിച്ച് ജില്ല തിരിച്ചുള്ള വിശദ വിവരം ലഭ്യമാക്കുമോ?

പഞ്ചായത്തുകളില്‍ ഒരു കളിക്കളം പദ്ധതി പ്രകാരം അനുവദിച്ച പഞ്ചായത്ത് സ്റ്റേഡിയങ്ങളുടെ പരിപാലനം നടത്താത്തതുകൊണ്ട് ചില സ്റ്റേഡിയങ്ങള്‍ നശിച്ചുപോകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അവ പരിപാലിക്കുന്നതിന് നടപടി സ്വീകരിക്കുമോ; വിശദീകരിക്കാമോ?

തിരുവമ്പാടി സ്റ്റേഡിയം നിര്‍മ്മാണത്തിനായുള്ള ടെന്‍ഡര്‍ ആക്സപ്റ്റന്‍സ് കമ്മറ്റി ചേരുന്നതിനുള്ള കാലതാമസം ശ്രദ്ധയില്‍പ്പെട്ടിട്ടുണ്ടോ;

ടെന്‍ഡര്‍ അംഗീകരിക്കുന്നതിന് അടിയന്തര നടപടികള്‍ സ്വീകരിക്കുമോ?

സ്റ്റേഡിയങ്ങളുടെ നവീകരണത്തിനായി എന്ത് തുകയാണ് ഈ വർഷം ബജറ്റിൽ നീക്കിവച്ചിട്ടുള്ളതെന്നും സ്റ്റേഡിയങ്ങളുടെ മറ്റ് അടിസ്ഥാനസൗകര്യ വികസനത്തിനായി കായിക വകുപ്പ് വഴി എന്തെല്ലാം പദ്ധതികള്‍ നിലവിലുണ്ടെന്നും വിശദമാക്കുമോ;

മങ്കട നിയോജക മണ്ഡലത്തില്‍ ഓരോ പഞ്ചായത്തിന് കീഴിലും എത്ര സ്റ്റേഡിയങ്ങള്‍ ഉണ്ട്; ഇവയുടെ നവീകരണത്തിനായി കായിക വകുപ്പ് തുക വകയിരുത്തിയിട്ടുണ്ടോ; ഇല്ലെങ്കില്‍ ഇവയ്ക്കായി എന്ന് തുക അനുവദിയ്ക്കാന്‍ കഴിയുമെന്ന് വ്യക്തമാക്കുമോ?

2016-ന് ശേഷം കായിക രംഗത്തെ മികവ് കണക്കിലെടുത്ത് എത്ര പേർക്ക് സര്‍ക്കാര്‍ സര്‍വ്വീസില്‍ സ്ഥിര നിയമനം നല്കിയിട്ടുണ്ടെന്ന് വിശദമാക്കാമോ;

എങ്കില്‍ ഇവർ ആരൊക്കെയാണെന്നും ഇവരുടെ കായികയിനവും എവിടെയൊക്കെയാണ് നിയമനം നൽകിയതെന്നും വ്യക്തമാക്കാമോ?

കഴിഞ്ഞ സര്‍ക്കാരിന്റെ കാലത്ത് എത്ര കായിക താരങ്ങള്‍ക്ക് സര്‍ക്കാര്‍ സര്‍വ്വീസില്‍ നിയമനം നല്‍കാന്‍ സാധിച്ചിട്ടുണ്ടെന്ന് അറിയിക്കാമോ;

കായിക താരങ്ങളുടെ വിവിധ പ്രശ്നങ്ങള്‍ പരിഹരിക്കുന്നതിന് സംസ്ഥാന, ജില്ല സ്പോര്‍ട്സ് കൗണ്‍സിലുകള്‍ വഹിക്കുന്ന പങ്ക് വിശദമാക്കാമോ;

ഒളിംപിക്സ് അടക്കമുള്ള മത്സരങ്ങളിലേയ്ക്ക് കായിക പ്രതിഭകളെ വാര്‍ത്തെടുക്കുന്നതിന് വേണ്ടി സ്പോര്‍ട്സ് കൗണ്‍സിലുകളെ നവീകരിക്കുന്നതിന് നടപടികള്‍ സ്വീകരിക്കുമോ?

ഗ്രാമ പ്രദേശങ്ങളില്‍ നിന്നും ഫുട്ബോള്‍ കളിയില്‍ കഴിവുള്ള കുട്ടികളെ കണ്ടെത്തി പ്രോത്സാഹിപ്പിക്കുന്നതിന് നിലവില്‍ എന്തെങ്കിലും പദ്ധതിയുണ്ടോ; വിശദമാക്കുമോ;

എങ്കിൽ പ്രസ്തുത പദ്ധതി കൂടുതല്‍ മേഖലകളിലേക്ക് വ്യാപിപ്പിക്കുവാന്‍ നടപടി സ്വീകരിക്കുമോ?

സംസ്ഥാനത്തെ സ്പോർട്സ് ക്ലബ്ബുകളെ ശാക്തീകരിക്കുന്നതിനായി സ്വീകരിച്ചിട്ടുള്ള നടപടികൾ വിശദമാക്കാമോ;

ഗ്രാമീണ സ്പോർട്സിൽ നിന്നും കണ്ടെത്തുന്ന പ്രതിഭകളെ മികച്ച പരിശീലനത്തിലൂടെ പ്രൊഫഷണലുകൾ ആക്കി മാറ്റുന്നതിനായി എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് അറിയിക്കാമോ;

പ്രൈമറി തലം മുതൽ ഓരോ കുട്ടികള്‍ക്കും അവർക്ക് അനുയോജ്യമായ കായികയിനം തെരഞ്ഞെടുക്കുന്നതിനുള്ള സാഹചര്യമൊരുക്കാൻ നടത്തിയിട്ടുള്ള പ്രവർത്തനങ്ങൾ വിശദമാക്കാമോ;

സ്കൂളുകളിലെ കായിക അദ്ധ്യാപകരുടെ നിലവാരം മെച്ചപ്പെടുത്തുന്നതിനായി നടപ്പിലാക്കുന്ന പരിശീലന പരിപാടികൾ എന്തൊക്കെയെന്ന് വിശദമാക്കാമോ?

സംസ്ഥാനത്തെ കായിക രംഗത്ത് ഏറ്റവും ശ്രദ്ധേയമായ പ്രവര്‍ത്തനം നടത്തിവരുന്ന സ്പോര്‍ട്സ് ക്ലബ്ബുകള്‍ക്ക് ധനസഹായം നല്‍കാന്‍ നടപടികള്‍ സ്വീകരിക്കുമോ;

ഇത്തരം ക്ലബ്ബുകളുടെ അധീനതയിലുള്ള ഗ്രൗണ്ടുകള്‍ പുനരുദ്ധരിക്കാന്‍ നടപടികള്‍ സ്വീകരിക്കുമോ; വിശദമാക്കാമോ?

വഖഫ് ആക്ട് സെക്ഷന്‍ 51 (IA) പ്രകാരം ഗവ. സ്കൂള്‍ നിര്‍മ്മിക്കുന്നതിന് വഖഫ് ഭൂമി ഏറ്റെടുക്കുന്നതിനോ വിട്ട് കൊടുക്കുന്നതിനോ നിയമ പ്രശ്നങ്ങളോ മറ്റ് തടസ്സങ്ങളോ ഉണ്ടോ; വിശദാംശം ലഭ്യമാക്കാമോ;

1919 മുതല്‍ വഖഫ് ഭൂമിയില്‍ പ്രവര്‍ത്തിച്ച് വരുന്ന ഗവ. സ്കൂള്‍ കെട്ടിടം പൊളിച്ച് മാറ്റി പുതിയ കെട്ടിടം നിര്‍മ്മിക്കുന്നതിന് തടസ്സങ്ങളുണ്ടോ; വിശദാംശം ലഭ്യമാക്കാമോ;

അപ്രകാരം സ്കൂള്‍ നിര്‍മ്മിക്കുന്ന ഭൂമിയുടെ അവകാശം ആരില്‍ നിക്ഷിപ്തമായിരിക്കും എന്നറിയിക്കാമോ; വിശദാംശങ്ങള്‍ ലഭ്യമാക്കാമോ?

വര്‍ഷങ്ങളായി പൊതു ആവശ്യത്തിനായി ഉപയോഗിച്ചുകൊണ്ടിരിക്കുന്ന വഖഫ് ബോര്‍ഡിന്റെ കീഴിലുള്ള സ്ഥലം ബന്ധപ്പെട്ട വകുപ്പിന് വിട്ടുകൊടുക്കാന്‍ കഴിയുമോ; എങ്കില്‍ അതിന്റെ നടപടികള്‍ എന്തൊക്കെയാണെന്ന് വിശദമാക്കാമോ?

വഖഫ് ഭൂമിയുടെ സർവ്വേ പ്രവർത്തനങ്ങൾ കൊണ്ടുള്ള നേട്ടങ്ങൾ എന്തൊക്കെയാണെന്നും നിലവിൽ ഇത് എത് ഘട്ടത്തിലാണെന്നും ജില്ല തിരിച്ച് വ്യക്തമാക്കുമോ;

കാലങ്ങളായി വഖഫ് സ്ഥാപനത്തിന്റെ സ്വാധീനത്തിൽ ഉള്ളതും എന്നാൽ സ്ഥാപനത്തിന്റെ പേരിൽ രേഖയില്ലാത്തതുമായ ഭൂമി വഖഫ് സർവ്വേയിൽ ഉൾപ്പെടുമോ; ഇത് വഖഫ് ഭൂമിയായി പരിഗണിക്കുമോ?

സംസ്ഥാനത്ത് വഖഫ് സ്വത്തുക്കളുടെ നിയമപരമായ സംരക്ഷണവും പരിപാലനവും ഉറപ്പാക്കുവാന്‍ സ്വീകരിച്ച നടപടികള്‍ വിശദമാക്കാമോ;

വഖഫ് സ്വത്തുക്കള്‍ അനര്‍ഹമായി കെെവശം വച്ചിരിക്കുന്നവരെ കണ്ടെത്തി നിയമ നടപടി സ്വീകരിക്കുന്നതിന് സര്‍ക്കാര്‍ തയ്യാറാകുമോ;

വഖഫ് ബോര്‍ഡിന് കീഴിലുള്ള ജമാഅത്തുകളും പള്ളികളും സംരക്ഷിക്കുന്നതിനും സര്‍വ്വേ, രജിസ്ട്രേഷന്‍ നടപടികള്‍ കാര്യക്ഷമതയോടെ സമയബന്ധിതമായി പൂർത്തിയാക്കുന്നതിനും നടപടി സ്വീകരിക്കുമോ;

വഖഫ് ബോര്‍ഡിലേയ്ക്കുള്ള ജീവനക്കാരുടെ നിയമനം പി.എസ്.സി. വഴിയാക്കുന്നതിലൂടെ ബോര്‍ഡില്‍ അമുസ്ലീം വിഭാഗങ്ങള്‍ക്ക് അവസരമൊരുക്കുകയാണെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ നിജസ്ഥിതി വ്യക്തമാക്കുമോ?

2022-ലെ ഹജ്ജ് യാത്രയുമായി ബന്ധപ്പെട്ട് സംസ്ഥാനത്ത് എന്തെല്ലാം മുന്നൊരുക്കങ്ങൾ നടത്താൻ ഉദ്ദേശിക്കുന്നുണ്ടെന്ന് വ്യക്തമാക്കുമോ;

കരിപ്പൂരിലെ സംസ്ഥാന ഹജ്ജ് ഹൗസിൽ പുതിയ സൗകര്യങ്ങൾ ഏർപ്പെടുത്തുന്നതിന് എന്തെല്ലാം നടപടികൾ സ്വീകരിച്ചുവരുന്നു; വിശദാംശങ്ങൾ ലഭ്യമാക്കുമോ;

ഹജ്ജ് എംബാർകേഷൻ പോയിന്റ് കരിപ്പൂരിൽ നിലനിർത്തുന്നതിന് എന്തല്ലാം നടപടികൾ സ്വീകരിച്ചിരിക്കുന്നു എന്ന് വ്യക്തമാക്കുമോ?

06603/06604 മംഗലാപുരം-തിരുവനന്തപുരം-മംഗലാപുരം മാവേലി എക്സ്പ്രസ് നാഗര്‍കോവിലിലേക്ക് നീട്ടുന്നതിന് നടപടികള്‍ സ്വീകരിക്കുമോ; ഇക്കാര്യം റെയില്‍വേയുടെ ശ്രദ്ധയില്‍പ്പെടുത്തിയിട്ടുണ്ടോ;

06325/06326 നിലമ്പൂര്‍-കോട്ടയം-നിലമ്പൂര്‍ എക്സ്പ്രസ് ട്രെയിന് എ.സി. ചെയര്‍ കാര്‍ കോച്ച് അനുവദിക്കുന്നതിന് നടപടി സ്വീകരിക്കുമോ;

06466 നിലമ്പൂര്‍-ഷൊര്‍ണൂര്‍ പാസഞ്ചര്‍ ട്രെയിന്‍, 06458 ഷൊര്‍ണൂര്‍-കോയമ്പത്തൂര്‍ ട്രെയിന്‍ എന്നിവ സംയോജിപ്പിച്ച് നിലമ്പൂര്‍-കോയമ്പത്തൂര്‍-നിലമ്പൂര്‍ സ്പെഷ്യല്‍ ആയി ഒാടിക്കുന്നതിന് നടപടി സ്വീകരിക്കുമോ;

കണ്ണൂര്‍-തിരുവനന്തപുരം ജനശതാബ്ദി എക്സ്പ്രസ്സിന് ഷൊര്‍ണൂരില്‍ കണക്ഷന്‍ കിട്ടുന്ന വിധം നിലമ്പൂര്‍-ഷൊര്‍ണൂര്‍ പാസഞ്ചര്‍ ട്രെയിനിന്റെ സമയം ക്രമീകരിക്കാൻ നടപടി സ്വീകരിക്കുമോ?

സംസ്ഥാനത്തെ റെയില്‍വേ വികസനത്തോട് കേന്ദ്രം വിമുഖത കാട്ടുന്നു എന്ന ആക്ഷേപത്തോട് സംസ്ഥാന സര്‍ക്കാരിന്റെ നിലപാട് വിശദമാക്കാമോ;

ഗ്രാമീണ മേഖലയ്ക്ക് ഗുണം ചെയ്യുന്ന അമ്പലപ്പുഴ-എറണാകുളം പാതയിരട്ടിപ്പക്കല്‍ തുടങ്ങി അനേകം പദ്ധതികള്‍ക്ക് തുച്ഛമായ തുക മാത്രം വകയിരുത്തി സംസ്ഥാനത്തെ അവഗണിക്കുന്ന കേന്ദ്ര നയം തിരുത്തിക്കുന്നതിന് സര്‍ക്കാര്‍ സ്വീകരിച്ച നടപടികള്‍ എന്തൊക്കെ എന്ന് വ്യക്തമാക്കാമോ?

സംസ്ഥാനത്ത് റെയില്‍ വികസനത്തില്‍ ഉണ്ടായ ദുരവസ്ഥ സംബന്ധിച്ച് വിലയിരുത്തല്‍ നടത്തിയിട്ടുണ്ടോ; വിശദമാക്കാമോ;

എങ്കിൽ ഈ വികസന മുരടിപ്പിന്റെ കാരണങ്ങള്‍ പരിശോധിച്ചിട്ടുണ്ടോ; വിശദമാക്കാമോ;

സംസ്ഥാനത്തിന്റെ സമഗ്ര റെയില്‍വേ വികസനത്തിന് ആവശ്യമായ കാര്യങ്ങള്‍ ക്രോഡീകരിച്ച് നല്‍കുന്നതിന് എം.പി.മാരുടെയും ബന്ധപ്പെട്ടവരുടെയും യോഗം വിളിച്ച് ചേര്‍ത്തിരുന്നോ; എങ്കില്‍ അതിന്റെ അടിസ്ഥാനത്തില്‍ മെമ്മോറാണ്ടം കേന്ദ്ര സര്‍ക്കാരിന് കൈമാറിയിട്ടുണ്ടോ; എങ്കിൽ ആയതിന്റെ ഉള്ളടക്കം വിശദമാക്കാമോ?

കോവിഡ് കാലത്ത് നിര്‍ത്തലാക്കിയ സംസ്ഥാനത്തെ മുഴുവന്‍ ട്രെയിനുകളും പുനസ്ഥാപിച്ചിട്ടുണ്ടോ; ഇല്ലെങ്കില്‍ ഇതിനായി കേന്ദ്ര സര്‍ക്കാരില്‍ സമ്മര്‍ദ്ദം ചെലുത്തുമോ; വ്യക്തമാക്കാമോ;

ട്രെയിനുകളില്‍ അൺ റിസര്‍വ്ഡ് ടിക്കറ്റുകള്‍ പുനഃസ്ഥാപിക്കാന്‍ ആവശ്യമായ നടപടികള്‍ സ്വീകരിക്കാന്‍ കേന്ദ്ര സര്‍ക്കാരിനെ സമീപിക്കുമോ; വ്യക്തമാക്കാമോ?