ഫിഷറീസ് ടൂറിസം സാധ്യതകള്‍ പരമാവധി പ്രയോജനപ്പെടുത്തുന്നതിനായുള്ള അടിസഥാന സൗകര്യ വികസനത്തിന് വിനോദസഞ്ചാര വകുപ്പുമായി ചേര്‍ന്ന് പദ്ധതി തയ്യാറാക്കുമോ; വിശദാംശം വ്യക്തമാക്കുമോ?

അഴിക്കോട് മണ്ഡലത്തിലെ അഴീക്കല്‍ ഗവണ്‍മെന്റ് ഫിഷറീസ് ഹയര്‍ സെക്കന്ററി സ്കൂളില്‍ പുതിയ വി.എച്ച്.എസ്.ഇ. കോഴ്സുകള്‍ ആരംഭിക്കുന്ന കാര്യം പരിഗണനയിലുണ്ടോ;

ഫിഷ് പ്രോസസിംഗ്, ഹാച്ചറി എന്നീ കോഴ്സുകള്‍ ആരംഭിക്കുന്നതിനുള്ള നടപടികള്‍ സ്വീകരിക്കുമോ; ഇല്ലെങ്കില്‍ കോഴ്സുകള്‍ അനുവദിക്കാതിരിക്കുന്നതിനുള്ള കാരണം വ്യക്തമാക്കാമോ;

നിലവിലുള്ള ലാബ് സംവിധാനവും അധ്യാപകരേയും ഉപയോഗിച്ചുകൊണ്ട് സി.എം.എഫ്.ആര്‍.ഐ., കെ.യു.എഫ്.ഒ.എസ്. എന്നീ യൂണിവേഴ്സിറ്റികളുടെ സര്‍ട്ടിഫിക്കറ്റ് കോഴ്സുകള്‍ അനുവദിക്കുന്ന കാര്യം പരിഗണിക്കുമോ;

പുതിയ കോഴ്സുകള്‍ അനുവദിക്കുന്നതിനുള്ള മാനദണ്ഡങ്ങള്‍ വ്യക്തമാക്കാമോ?

സംസ്ഥാനത്തെ അക്വാട്ടിക് ആനിമല്‍ ഹെല്‍ത്ത് ലബോറട്ടറികളുടെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശം നല്‍കുമോ?

മത്സ്യമേഖലയിലെ പദ്ധതികളുടെ ധനവിനിയോഗവും പ്രഖ്യാപിത ഭൗതിക നേട്ടങ്ങളും തമ്മില്‍ പൊരുത്തപ്പെടാത്ത സാഹചര്യത്തില്‍ ആയത് പരിഹരിക്കുന്നതിന് പദ്ധതി ആസൂത്രണത്തില്‍ എന്തൊക്കെ മുന്‍കരുതലുകള്‍ സ്വീകരിക്കുമെന്ന് വ്യക്തമാക്കുമോ?

കൊല്ലം നിയോജകമണ്ഡല പരിധിയില്‍ ഹാര്‍ബര്‍ എന്‍ജിനീയറിംഗ് വകുപ്പ് മുഖേന നടപ്പിലാക്കുന്നതിനായി 2019-20 മുതല്‍ ഭരണാനുമതി ലഭിച്ചതും നിര്‍വ്വഹണം പുരോഗമിക്കുന്നതുമായ വിവിധ പ്രവൃത്തികള്‍ എതെല്ലാമാണ്; അവയുടെ നിലവിലെ സ്ഥിതി സഹിതം വിശദവിവരം ലഭ്യമാക്കുമോ?

മാവേലിക്കര മണ്ഡലത്തില്‍ 2016-2021 ജൂലൈ വരെയുള്ള കാലയളവില്‍ വിവിധ റോഡുകളുടെ പുനരുദ്ധാരണത്തിന് മത്സ്യബന്ധന വകുപ്പില്‍ നിന്നും അനുവദിച്ച തുകയുടെ വിശദവിവരവും പ്രവൃത്തികളുടെ നിലവിലെ സ്ഥിതിവിവരവും ലഭ്യമാക്കുമോ?

കല്ല്യാശ്ശേരി മണ്ഡലത്തിലെ ഭരണാനുമതി ലഭിച്ചതും പ്രവൃത്തി നടന്നുവരുന്നതുമായ തീരദേശ റോഡുകളുടെ വിശദാംശം ലഭ്യമാക്കാമോ;

പ്രസ്തുത പ്രവൃത്തികള്‍ എപ്പോൾ പൂര്‍ത്തിയാക്കാന്‍ കഴിയുമെന്നറിയിക്കുമോ?

മത്സ്യത്തില്‍ മായം ചേര്‍ത്ത് വില്പന നടത്തുന്നവരെ പിടികൂടുന്നതിന് സര്‍ക്കാര്‍ എന്തെല്ലാം പദ്ധതികളാണ് ആസൂത്രണം ചെയ്തിട്ടുള്ളതെന്ന് വ്യക്തമാക്കാമോ;

ഫിഷറീസ് കണ്‍ട്രോള്‍ റൂമുകളില്‍ നിന്നും പൊതുവായ എന്തെല്ലാം സഹായങ്ങളാണ് പൊതുജനങ്ങള്‍ക്കും മത്സ്യബന്ധന തൊഴിലാളികള്‍ക്കും ലഭിക്കുന്നതെന്ന് വ്യക്തമാക്കാമോ?

മാര്‍ക്കറ്റുകളില്‍ വില്‍പ്പനയ്ക്കെത്തുന്ന മത്സ്യത്തില്‍ മായം കലര്‍ത്തുന്നത് കണ്ടെത്താന്‍ എന്തൊക്കെ നടപടികള്‍ സ്വീകരിച്ചിട്ടുണ്ട് ;

ഇതരസംസ്ഥാനത്ത് നിന്നും മറ്റ് രാജ്യത്ത് നിന്നും ഇറക്കുമതി ചെയ്യുന്ന മത്സ്യങ്ങള്‍ പരിശോധിക്കാന്‍ നിലവില്‍ എന്തൊക്കെ സൗകര്യങ്ങളാണ് ലഭ്യമായിട്ടുള്ളത്?

ഗുണ നിലവാരമുള്ള മത്സ്യങ്ങളും മത്സ്യ ഉല്‍പന്നങ്ങളും ഗുണഭോക്താക്കള്‍ക്ക് ലഭ്യമാക്കുന്നതിന് എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കുമോ;

മത്സ്യമാര്‍ക്കറ്റുകള്‍ ആധുനീകരിക്കുന്ന പദ്ധതിയില്‍ സംസ്ഥാനത്ത് എത്ര മാര്‍ക്കറ്റുകള്‍ പൂര്‍ത്തീകരിച്ചുവെന്ന് വ്യക്തമാക്കുമോ;

ഗുണമേന്‍മയുള്ള മത്സ്യം ലഭ്യമാക്കുന്നതിനും അവയുടെ വിപണനത്തിനും ഇടത്തട്ടുകാരുടെ ചൂഷണത്തില്‍ നിന്നും മത്സ്യത്തൊഴിലാളികളെ രക്ഷിക്കുന്നതിനും നിയമ നിര്‍മ്മാണം നടത്തുന്നതിനുള്ള നടപടി സര്‍ക്കാര്‍ സ്വീകരിക്കുമോ?

സംസ്ഥാനത്തെ മത്സ്യമാര്‍ക്കറ്റുകളുടെ നവീകരണം സംബന്ധിച്ച് സര്‍ക്കാര്‍ നയം വ്യക്തമാക്കാമോ;

മത്സ്യമാര്‍ക്കറ്റുകള്‍ നവീകരിക്കാനും ആധുനികവല്‍ക്കരിക്കാനും നടപടി സ്വീകരിക്കുമോ;

പാതി വഴിയില്‍ നിലച്ചുപോയ മാര്‍ക്കറ്റുകളുടെ നവീകരണ പദ്ധതികള്‍ പൂര്‍ത്തീകരിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ; വ്യക്തമാക്കുമോ;

മാർക്കറ്റുകളുടെ മുടങ്ങിക്കിടക്കുന്ന പണി പൂർത്തീകരിച്ചു് വഴിവാണിഭക്കാരെ മാർക്കറ്റുകളിൽ പുനരധിവസിപ്പിക്കുന്നതിനുള്ള നടപടി കൈക്കൊള്ളുമോ ?

രാസവസ്തുക്കള്‍ ഉപയോഗിച്ചുള്ള മത്സ്യവില്പന തടയുന്നതിന് എന്തൊക്കെ നടപടികള്‍ ആണ് സ്വീകരിച്ചിട്ടുള്ളത്;

തദ്ദേശ സ്ഥാപനങ്ങള്‍ വഴി ഇത്തരം വില്പന തടയുന്നതിന് എന്തെങ്കിലും പദ്ധതിയുണ്ടോ;

അന്യ സംസ്ഥാനത്ത് നിന്നും വരുന്ന മത്സ്യങ്ങളുടെ ഗുണനിലവാരം ഉറപ്പുവരുത്തുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ട് എന്ന് വ്യക്തമാക്കാമോ;

മത്സ്യങ്ങള്‍ കേടുകൂടാതെ സൂക്ഷിക്കുന്നതിന് എന്തൊക്കെ പദ്ധതികള്‍ നിലവിലുണ്ട്; വടകര താലൂക്കില്‍ ഇത് സംബന്ധിച്ച് നിലവിലുള്ള സംവിധാനങ്ങള്‍ പര്യാപ്തമാണോ; വ്യക്തമാക്കാമോ;

പ്രസ്തുത താലൂക്കില്‍ രാസവസ്തുക്കള്‍ ഉപയോഗിച്ചുള്ള മത്സ്യവില്പന സംബന്ധിച്ച് എത്ര കേസുകള്‍ നിലവിലുണ്ട് ; വിശദവിവരങ്ങള്‍ അറിയിക്കാമോ?

അയല്‍ സംസ്ഥാനങ്ങളില്‍ നിന്നും വരുന്ന പഴകിയതും രാസപദാര്‍ത്ഥങ്ങള്‍ മാരകമായ തോതില്‍ കലര്‍ത്തിയതുമായ മത്സ്യം സംസ്ഥാനത്ത് വില്‍ക്കുന്നത് കണക്കിലെടുത്ത് ഇത്തരം മത്സ്യം വില്പന നടത്തുന്നവര്‍ക്ക് എതിരെ ഫലപ്രദമായ നടപടികള്‍ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

തീരദേശ വികസന കോര്‍പ്പറേഷൻ മുഖേന നടപ്പിലാക്കുന്ന സീഫുഡ് റസ്റ്റോറന്റ് സംബന്ധിച്ച വിശദാംശങ്ങള്‍ ലഭ്യമാക്കുമോ;

സംസ്ഥാനത്തെ മുഴുവൻ തീരദേശങ്ങളുമായി ബന്ധപ്പെട്ട് ഇത്തരത്തിലുള്ള സംരംഭങ്ങള്‍ ആരംഭിക്കുവാൻ ഉദ്ദേശിക്കുന്നുണ്ടോ?

വര്‍ക്കല മണ്ഡലത്തിലെ ഏതെല്ലാം മത്സ്യ മാര്‍ക്കറ്റുകളാണ് ആധുനിക മത്സ്യ മാര്‍ക്കറ്റുകളായി ഉയര്‍ത്തുന്നതിന് തെരഞ്ഞെടുത്തിട്ടുള്ളത്‌ എന്ന് വ്യക്തമാക്കാമോ;

ഓരോന്നിനും അനുവദിച്ചിട്ടുള്ള ഫണ്ട് എത്രയെന്ന് വ്യക്തമാക്കാമോ;

ഓരോന്നിന്റെയും നിര്‍മ്മാണത്തിനുള്ള നടപടികളുടെ പുരോഗതി വിശദമാക്കാമോ;

പ്രസ്തുത നടപടികള്‍ ത്വരിതപ്പെടുത്തുമോയെന്ന് അറിയിക്കാമോ?

ശീതജല-ശുദ്ധജല-സമുദ്രജല അലങ്കാലമത്സ്യങ്ങളുടെ വ്യാവസായിക അടിസ്ഥാനത്തിലുള്ള ഉല്പാദനവും വിപണനവും കയറ്റുമതിയും പ്രോത്സാഹിപ്പിക്കുന്നതിനായി ഒരു പ്രത്യേക കര്‍മ്മപദ്ധതി ആവിഷ്കരിക്കുമോ; വ്യക്തമാക്കുമോ?

സംസ്ഥാനത്താകമാനമുള്ള മത്സ്യത്തൊഴിലാളികള്‍ എത്രയെന്നും ഇവരില്‍ പരമ്പരാഗത മത്സ്യത്തൊഴിലാളികളായി എത്ര കുടുംബങ്ങള്‍ ഉണ്ടെന്നും വ്യക്തമാക്കുമോ;

പരമ്പരാഗത മത്സ്യത്തൊഴിലാളികളുടെ ഉപജീവനാവകാശം സംരക്ഷിക്കാനായി സമഗ്ര ജല പരിഷ്കരണ നയം രൂപീകരിക്കുവാന്‍ സര്‍ക്കാര്‍ ഉദ്ദേശിക്കുന്നുണ്ടോ; ഉണ്ടെങ്കില്‍ വിശദാംശം ലഭ്യമാക്കുമോ;

പരമ്പരാഗത മത്സ്യത്തൊഴിലാളികളുടെ ഉപജീവനത്തിന് വിഘാതമാകുന്ന ഇതര സംസ്ഥാന മത്സ്യബന്ധന ബോട്ടുകളെ നിയന്ത്രിക്കാന്‍ എന്തൊക്കെ നടപടികള്‍ സ്വീകരിക്കാനാണ് സര്‍ക്കാര്‍ ഉദ്ദേശിക്കുന്നത്; വിശദാംശം വ്യക്തമാക്കുമോ?

രാജ്യത്തെ ആഴക്കടല്‍ മത്സ്യബന്ധനത്തിന് ആഗോള കുത്തകകള്‍ക്ക് കേന്ദ്രസര്‍ക്കാര്‍ അനുമതി നല്‍കിയതിനെത്തുടര്‍ന്നുണ്ടായ അശാസ്ത്രീയ മത്സ്യബന്ധനം മൂലവും പാരിസ്ഥിതിക പ്രശ്നങ്ങളാലും സംസ്ഥാനത്തിന്റെ മത്സ്യലഭ്യതയിലുണ്ടായിട്ടുള്ള കുറവ് സര്‍ക്കാര്‍ വിലയിരുത്തിയിട്ടുണ്ടോ;

2011-2021 കാലയളവിലുള്ള മത്സ്യലഭ്യതയുടെ വിശദാംശം സര്‍ക്കാര്‍ പരിശോധിച്ചിട്ടുണ്ടോ; ഇതുസംബന്ധിച്ച വിവിധ പഠനങ്ങള്‍ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

മുന്‍ സര്‍ക്കാരിന്റെ കാലത്ത് മത്സ്യലഭ്യത വര്‍ദ്ധിപ്പിക്കുന്നതിന് നടപ്പാക്കിയ പദ്ധതികള്‍ എന്തെല്ലാമായിരുന്നു;

പ്രസ്തുത പദ്ധതികള്‍ ഈ സര്‍ക്കാര്‍ തുടര്‍ന്നുകൊണ്ടുപോകാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കുമോ?

രൂക്ഷമായ കടലാക്രമണം നേരിടുന്ന മണലൂര്‍ മണ്ഡലത്തിലെ വാടാനപ്പള്ളി പഞ്ചായത്തിലെ തീരദേശ പ്രദേശങ്ങളില്‍ ഇക്കൊല്ലം ഉണ്ടായ നാശനഷ്ടങ്ങള്‍ എന്തെല്ലാമാണെന്ന് വിലയിരുത്തിയിട്ടുണ്ടോ; എങ്കിൽ വിശദാംശങ്ങള്‍ നല്‍കാമോ;

പ്രസ്തുത പഞ്ചായത്തിലെ തീരദേശം സംരക്ഷിക്കാനായി എടുത്തിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ?

കടല്‍ക്ഷോഭത്തില്‍ മത്സ്യത്തൊഴിലാളികളുടെ ബോട്ട് നഷ്ടപ്പെട്ടാല്‍ എന്തൊക്കെ സാമ്പത്തിക സഹായങ്ങളാണ് നിലവില്‍ ഫിഷറീസ് വകുപ്പ് നല്‍കുന്നതെന്ന് വ്യക്തമാക്കുമോ;

കടല്‍ക്ഷോഭത്തില്‍ ബോട്ട് നഷ്ടപ്പെട്ടതിനെ തുടര്‍ന്ന് സാമ്പത്തിക സഹായം അനുവദിക്കണമെന്ന ശ്രീ.വര്‍ഗ്ഗീസ് ബാബു, ഫോര്‍ട്ട് കൊച്ചിയുടെ നിവേദനത്തിന്റെ അടിസ്ഥാനത്തില്‍, ഫയല്‍ നമ്പര്‍ ബി3/113/2020/മതുവ. തീയതി 19.02.2020 ൻമേൽ എന്തുനടപടിയാണ് ഫിഷറീസ് വകുപ്പ് ഇതുവരെ സ്വീകരിച്ചത്; വിശദാംശം വ്യക്തമാക്കുമോ?

കോസ്റ്റല്‍ ഏരിയ ഡെവലപ്പ്മെന്റ് കോര്‍പ്പറേഷന്‍ കിഫ്ബിയുടെ സഹായത്തോടെ കായംകുളം ഗവണ്‍മെന്റ് ഗേള്‍സ് ഹെെസ്കൂളിന്റെ ഭൗതിക സാഹചര്യങ്ങള്‍ മെച്ചപ്പെടുത്തുന്നതിനുവേണ്ടി തയ്യാറാക്കിയ പദ്ധതിയുടെ നിലവിലെ പുരോഗതി വിശദമാക്കാമോ?

സംസ്ഥാനത്തെ മത്സ്യത്തൊഴിലാളികള്‍ക്ക് ഗ്രൂപ്പ് ആക്സിഡന്റ് ഇന്‍ഷുറന്‍സ് ഏര്‍പ്പെടുത്തിയിട്ടുണ്ടോ;

ഉണ്ടെങ്കില്‍ പ്രസ്തുത പദ്ധതിയില്‍ ഉള്‍പ്പെട്ടിരിക്കുന്നവരുടെ എണ്ണം ജില്ല തിരിച്ച് വ്യക്തമാക്കുമോ?

മത്സ്യവിളകളുടെ സംരക്ഷണത്തിനായി ഇന്‍ഷുറന്‍സ് പദ്ധതി നടപ്പിലാക്കിയിട്ടുണ്ടോ; വിശദാംശങ്ങള്‍ വ്യക്തമാക്കുമോ?

പുനര്‍ ഗേഹം പദ്ധതി പ്രകാരം വീട് മാറിതാമസിക്കുന്നതിലേക്കായി കൊയിലാണ്ടി മണ്ഡലം പരിധിയില്‍ നിന്നും എത്ര അപേക്ഷകള്‍ ലഭിച്ചിട്ടുണ്ടെന്നറിയിക്കുമോ;

പ്രസ്തുത അപേക്ഷയിന്മേല്‍ എത്രപേര്‍ക്ക് പണം അനുവദിച്ചിട്ടുണ്ട്; വിശദമാക്കാമോ;

എത്ര പേരുടെ അപേക്ഷയാണ് പണം അനുവദിക്കാനാവാതെ തീര്‍പ്പാവാതിരിക്കുന്നത്; ആയതിന് തടസ്സങ്ങളുണ്ടെങ്കില്‍ എന്തെല്ലാമാണെന്ന് വിശദമാക്കാമോ;

ആവശ്യത്തിന് ഭൂമി ലഭ്യമാകാത്തത് ശ്രദ്ധയില്‍പ്പെട്ടിട്ടുണ്ടോ; മുട്ടത്തറ ഫ്ലാറ്റ് മാതൃകയില്‍ ഫിഷറീസ് വകുപ്പ് തന്നെ ഭൂമി ഏറ്റെടുത്ത് ഈ പദ്ധതി പ്രകാരം ഫ്ലാറ്റ് നിര്‍മിക്കുന്നതിനായി നടപടികള്‍ സ്വീകരിക്കുമോ; വിശദമാക്കാമോ?

സംസ്ഥാനത്ത് ആകെ എത്ര മത്സ്യത്തൊഴിലാളി കുടുംബങ്ങള്‍ ഭവനരഹിതരോ ഭൂരഹിത ഭവനരഹിതരോ ആയി ഉണ്ടെന്ന് കണക്കാക്കാനായി സര്‍വ്വേ നടത്തിയിരുന്നോ; വിശദാംശം നല്‍കുമോ;

സമുദ്ര തീരത്ത് വേലിയേറ്റ പരിധിയില്‍ നിന്നു അന്‍പത് മീറ്ററിനുള്ളില്‍ താമസിക്കുന്നവരെ പുനരധിവസിപ്പിക്കാന്‍ ആവിഷ്കരിച്ചിട്ടുള്ള പുനര്‍ഗേഹം പദ്ധതിയുടെ വിശദാംശം അറിയിക്കാമോ;

പുനർഗേഹം പദ്ധതി പ്രകാരം എത്ര കുടുംബങ്ങളെ പുനരധിവസിപ്പിച്ചുവെന്നതിന്റെ കണക്ക് ലഭ്യമാണോ; ഇനി എത്ര കുടുംബങ്ങളെ കൂടി പുനരധിവസിപ്പിക്കേണ്ടതുണ്ടെന്നാണ് കണക്കാക്കിയിരിക്കുന്നത്; വിശദമാക്കാമോ?

പുനര്‍ഗേഹം പദ്ധതി പ്രകാരം തീരത്തിന് 50 മീറ്റര്‍ ചുറ്റളവില്‍ താമസിക്കുന്ന എത്ര മത്സ്യത്തൊഴിലാളികള്‍ക്ക് 2020- 21 സാമ്പത്തിക വര്‍ഷം വസ്തു വാങ്ങി വീട് വയ്ക്കുവാന്‍ സഹായം നല്‍കിയിട്ടുണ്ട്; ജില്ല തിരിച്ച് വ്യക്തമാക്കുമോ?

മത്സ്യത്തൊഴിലാളികൾക്ക് വീട് നിർമ്മിക്കുന്നതിനായി സംസ്ഥാന സർക്കാർ നൽകുന്ന ആറ് ലക്ഷം രൂപ പര്യാപ്തമല്ല എന്ന പരാതി ലഭിച്ചിട്ടുണ്ടോ; ഉണ്ടെങ്കിൽ ഇത് പരിഹരിക്കാൻ മുൻകൈയെടുക്കുമോ;

കടൽക്ഷോഭവും ഉപ്പുകലർന്ന കാറ്റും കാരണം മത്സ്യത്തൊഴിലാളികളുടെ വീടുകൾക്ക് പെട്ടെന്ന് കേടുപാടുകൾ സംഭവിക്കുന്നതിനാല്‍ കൂടുതൽ സാങ്കേതിക മികവുള്ള വീടുകൾ വയ്ച്ചുനൽകാൻ പ്രത്യേക പദ്ധതികൾ നടപ്പിലാക്കിയിട്ടുണ്ടോ; ഉണ്ടെങ്കിൽ വിശദാംശങ്ങൾ നൽകാമോ;

മത്സ്യത്തൊഴിലാളികള്‍ക്ക് ശൗചാലയങ്ങൾ നിര്‍മ്മിക്കുവാനായി പ്രത്യേക പദ്ധതി നിലവിലുണ്ടോ; ഉണ്ടെങ്കിൽ വിശദാംശങ്ങൾ നൽകാമോ?

തീരദേശ വികസന കോര്‍പ്പറേഷന്‍ മുഖേനയുള്ള ഏതെല്ലാം പ്രവൃത്തികളാണ് കല്ല്യാശ്ശേരി മണ്ഡലത്തില്‍ നടപ്പിലാക്കിയിട്ടുള്ളത്; വിശദമാക്കാമോ?

കൊല്ലം നിയോജകമണ്ഡല പരിധിയില്‍ തീരദേശവികസന കോര്‍പ്പറേഷന്‍ മുഖേന നടപ്പിലാക്കുന്നതിനായി 2019‌‌-20 മുതല്‍ ഭരണാനുമതി ലഭിച്ചതും നിര്‍വ്വഹണം പുരോഗമിക്കുന്നതുമായ വിവിധ പ്രവൃത്തികള്‍ എതെല്ലാമാണ്;

അവയുടെ നിലവിലെ സ്ഥിതി സംബന്ധിച്ച വിശദവിവരം അറിയിക്കുമോ?

മത്സ്യത്തൊഴിലാളി വനിതകള്‍ക്ക് ഇതര ഉപജീവന മാര്‍ഗ്ഗങ്ങളില്‍ പരിശീലനം നല്‍കുന്നതിന് എസ്.എ.എഫ്.(സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍ വുമൺ) പദ്ധതി നടപ്പാക്കുന്നുണ്ടോ; വിശദമാക്കുമോ?

സംസ്ഥാനത്ത് ടൗട്ടെ ചുഴലിക്കാറ്റിനെ തുടര്‍ന്നുണ്ടായ നാശനഷ്ടങ്ങള്‍ക്ക് ദുരന്തനിവാരണ അതോറിറ്റി പ്രഖ്യാപിച്ച സഹായങ്ങള്‍ മത്സ്യത്തൊഴിലാളികള്‍ക്ക് വിതരണം ചെയ്തിട്ടുണ്ടോ;

പ്രസ്തുത സഹായങ്ങൾ എന്നത്തേക്ക് വിതരണം ചെയ്തുതീര്‍ക്കാന്‍ കഴിയുമെന്ന് വ്യക്തമാക്കാമോ;

മത്സ്യത്തൊളിലാളികള്‍ക്കുളള പഞ്ഞമാസ സമാശ്വാസ പദ്ധതിയില്‍ അടച്ച തുക നല്‍കിയിട്ടില്ല എന്ന പരാതി പരിശോധിച്ചിട്ടുണ്ടോ;

ഉണ്ടെങ്കില്‍ തുക ഉടന്‍ വിതരണം ചെയ്യുന്നതിനുളള നടപടി സ്വീകരിക്കുമോ?

തീരദേശത്തെ പശ്ചാത്തല സൗകര്യവികസനത്തിനായി എന്തൊക്കെ പദ്ധതികളാണ് നടപ്പിലാക്കിവരുന്നത്; പദ്ധതികളെക്കുറിച്ച് വിശദവിവരം ലഭ്യമാക്കുമോ;

തീരദേശത്ത് താമസിക്കുന്ന മത്സ്യത്തൊഴിലാളി കുടുംബങ്ങളുടെ പുനരധിവാസത്തിനായി നടത്തുന്ന പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കുമോ;

പ്രകൃതി ക്ഷോഭത്തില്‍ വീടും മത്സ്യബന്ധന ഉപകരണങ്ങളും നഷ്ടപ്പെട്ടവര്‍ക്ക് നഷ്ടപരിഹാരം നല്‍കുന്നതിന് സ്വീകരിച്ച നടപടിക്രമങ്ങള്‍ എന്തൊക്കെയാണെന്ന് വിശദമാക്കുമോ?

2019 -ലെ സി.ആർ.ഇസെഡ്. വിജ്ഞാപനമനുസരിച്ചുള്ള തീരമേഖലാ പരിപാലന പദ്ധതി അന്തിമമാക്കാൻ കാലതാമസം ഉണ്ടാകുന്നുണ്ടോ; അതിന്റെ കാരണം വിശദമാക്കാമോ;

പദ്ധതി തയാറാക്കുന്നതിൽ ഏറ്റവും പ്രധാനപ്പെട്ട ഘട്ടമായ പൊതു അദാലത്ത് നടത്തുന്നതിൽ ആശയക്കുഴപ്പം നിലനിൽക്കുന്നു എന്നത് വസ്തുതയാണോ; എങ്കിൽ ഇത് പരിഹരിക്കാൻ എന്തൊക്കെ നടപടികളാണ് സ്വീകരിച്ചുവരുന്നതെന്ന് അറിയിക്കുമോ;

പ്രസ്തുത വിജ്ഞാപനമനുസരിച്ചുള്ള തീരമേഖലാ പരിപാലന പദ്ധതി എന്ന് പൂർത്തിയാക്കാൻ സാധിക്കും എന്നാണ് കരുതുന്നത്; വിശദാംശങ്ങൾ നൽകാമോ ?

സംരംഭകര്‍ക്ക് സംയോജിത മത്സ്യകൃഷിയില്‍ ആവശ്യമായ സാങ്കേതിക പരിജ്ഞാനവും പരിശീലനവും നല്‍കുന്നതിനായി കര്‍മ്മ പദ്ധതി ആവിഷ്കരിക്കുമോ; വ്യക്തമാക്കുമോ?

ഉള്‍നാടന്‍ മത്സ്യത്തൊഴിലാളികൾ ഉള്‍പ്പെടെ മുഴുവന്‍ മത്സ്യത്തൊഴിലാളികളും അനുഭവിക്കുന്ന വലിയ കഷ്ടത പരിഗണിച്ച് മത്സ്യഫെഡ് ഉള്‍പ്പെടെ ഉള്ള സ്ഥാപനങ്ങളില്‍ നിന്നും എടുത്ത ലോണുകളിൽ, അര്‍ഹതപ്പെട്ടവര്‍ക്ക്‌ ആവശ്യമായ ഇളവുകള്‍ നല്‍കുന്നതിന് നടപടികള്‍ ഉണ്ടാകുമോ; വിശദാംശം ലഭ്യമാക്കുമോ;

മത്സ്യത്തൊഴിലാളികള്‍ അനുഭവിക്കുന്ന ജീവിത പ്രതിസന്ധി പഠിച്ച് പരിഹരിക്കുന്നതിന് ഒരു കമ്മീഷനെ നിയമിക്കുന്നതിനു നടപടികള്‍ ഉണ്ടാകുമോ; എങ്കില്‍ വിശദാംശം ലഭ്യമാക്കുമോ?

മത്സ്യമേഖലയുടെ വികസനത്തിനായി ധനകാര്യ കമ്മീഷൻ അനുവദിക്കുന്ന തുക ഫലപ്രദമായി ചെലവഴിക്കാൻ സാധിക്കാതെ വരുന്നതായി സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

മത്സ്യമേഖലയുടെയും മത്സ്യത്തൊഴിലാളികളുടെയും വികസനത്തിനായി ധനകാര്യ കമ്മീഷൻ അനുവദിച്ച തുക എത്ര ശതമാനം വീതം കഴിഞ്ഞ അഞ്ചുവർഷം ചെലവഴിക്കാൻ കഴിഞ്ഞുവെന്ന് കണക്കാക്കിയിട്ടുണ്ടോ; എങ്കില്‍ വിശദാംശം വെളിപ്പെടുത്തുമോ;

മത്സ്യത്തൊഴിലാളി ക്ഷേമത്തിന് അനുവദിക്കുന്ന തുക ചെലവഴിക്കാതെ ലാപ്സ് ആകുന്ന സാഹചര്യമുണ്ടെങ്കില്‍ അതിന് ഉത്തരവാദികളാകുന്നവർക്കെതിരെ കർശന നടപടി സ്വീകരിക്കുമോയെന്ന് വ്യക്തമാക്കുമോ?

മുന്‍ സർക്കാരിന്റെ കാലത്ത്‌ തീരദേശ പരിപാലനത്തിനായി വിവിധ ബഡ്ജറ്റുകളിൽ പ്രഖ്യാപിച്ച പന്ത്രണ്ടായിരം കോടിയോളം രൂപയുടെ പാക്കേജ് നടപ്പിലാക്കാൻ സാധിച്ചിട്ടുണ്ടോ; വിശദാംശങ്ങൾ നൽകാമോ;

പ്രസ്തുത ബഡ്ജറ്റുകളിൽ പ്രഖ്യാപിച്ച പദ്ധതികളുടെ രൂപരേഖ തയ്യാറാക്കിയിരുന്നോ; എങ്കിൽ ഏതൊക്കെ പദ്ധതികളുടെ രൂപരേഖയാണ് തയ്യാറാക്കിയത് എന്ന് വിശദമാക്കാമോ;

തുടരെ ഉണ്ടാകുന്ന കടലാക്രമണത്തിൽ നിന്നും തീരദേശത്തെ സംരക്ഷിക്കാന്‍ സമഗ്രമായ പദ്ധതി നടപ്പിലാക്കുമോ; വിശദാംശങ്ങൾ നൽകാമോ?

കായംകുളം മണ്ഡലത്തില്‍ 2016 മുതല്‍ നാളിതുവരെ ഫിഷറീസ് വകുപ്പ് വഴി ഭരണാനുമതി ലഭിച്ച പ്രവൃത്തികള്‍ ഏതൊക്കെയെന്ന് വിശദമാക്കാമോ;

പ്രസ്തുത പ്രവൃത്തികളുടെ ഭരണാനുമതി, സാങ്കേതികാനുമതി, കരാര്‍ വച്ച തീയതി, നിലവിലുള്ള പുരോഗതി എന്നിവ വിശദമാക്കാമോ?

മത്സ്യബന്ധനത്തൊഴിലാളികളുടെ സഹായത്തോടെ കായലിനടിത്തട്ടിലുള്ള പ്ലാസ്റ്റിക് മാലിന്യങ്ങള്‍ നീക്കം ചെയ്യുന്നതിന് പദ്ധതി തയ്യാറാക്കിയിട്ടുണ്ടോ;

ഉണ്ടെങ്കില്‍ പദ്ധതിയുടെ നിലവിലെ സ്ഥിതി വ്യക്തമാക്കുമോ?

2019 -ലെ സി.ആർ.ഇസെഡ്. വിജ്ഞാപനമനുസരിച്ചുള്ള തീരദേശ പരിപാലന പദ്ധതി 2020-ൽ തയ്യാറാകേണ്ടതായിരുന്നെങ്കിലും മാപ്പിങ് ഉൾപ്പെടെയുള്ള നടപടികൾ വൈകുന്നതായി സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

പുതിയ മാനദണ്ഡങ്ങൾ അനുസരിച്ച് വീട് വയ്ക്കാൻ കാത്തിരിക്കുന്ന ആയിരക്കണക്കിന് ജനങ്ങൾക്ക് പ്രസ്തുത വിജ്ഞാപനമനുസരിച്ചുള്ള തീരദേശ പരിപാലന പദ്ധതി വൈകുന്നത് മൂലം ഉളവായിട്ടുള്ള ബുദ്ധിമുട്ട് ശ്രദ്ധയിൽപ്പെട്ടിട്ടുണ്ടോ;

പ്രസ്തുത പദ്ധതി വേഗത്തിലാക്കാൻ എന്തൊക്കെ നടപടികളാണ് സ്വീകരിച്ചിരിക്കുന്നത്; വിശദമാക്കാമോ?

കേന്ദ്ര സര്‍ക്കാര്‍ നടപ്പിലാക്കുന്ന ബ്ലൂ എക്കോണമി കേരളത്തിലെ മത്സ്യത്തൊഴിലാളികളെ ഏതെല്ലാം തരത്തില്‍ ബാധിക്കുും; വിശദമാക്കാമോ;

പ്രസ്തുത നയത്തിനെതിരെ സര്‍ക്കാര്‍ സ്വീകരിക്കാന്‍ ഉദ്ദേശിക്കുന്ന നടപടികള്‍ വിശദമാക്കുമോ?

ഉള്‍നാടന്‍ മത്സ്യ കൃഷി പ്രോത്സാഹിപ്പിക്കുന്നതിനായി വകുപ്പ് ആവിഷ്കരിച്ച പദ്ധതികള്‍ ഏതൊക്കെയാണ്; വിശദാംശങ്ങള്‍ വ്യക്തമാക്കാമോ;

മത്സ്യ കൃഷി നടത്തുന്ന കര്‍ഷകര്‍ക്ക് ഗുണമേന്മയുള്ള മത്സ്യ കുഞ്ഞുങ്ങള്‍, വിപണി, വായ്പ എന്നിവ ഒരുക്കുന്നതിനുള്ള പദ്ധതികള്‍ നിലവില്‍ ഉണ്ടോ; ഇല്ലെങ്കില്‍ ഇതിനാവശ്യമായ നടപടികള്‍ സ്വീകരിക്കുമോ?

കേരളത്തിലെ ഉള്‍നാടന്‍ ജലാശയങ്ങളെ മത്സ്യോല്പാദനത്തിന് ഫലപ്രദമായി പ്രയോജനപ്പെടുത്തുവാന്‍ കഴിയുന്നില്ല എന്ന വിമര്‍ശനം ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ ഇക്കാര്യത്തില്‍ എന്തൊക്കെ പരിഹാരനടപടികള്‍ സ്വീകരിക്കുമെന്ന് വ്യക്തമാക്കുമോ?

ഉൾനാടൻ മത്സ്യകൃഷി പദ്ധതിയിൽ പൂഞ്ഞാർ നിയോജക മണ്ഡലത്തെ ഉൾപ്പെടുത്തിയിട്ടുണ്ടോ;

മീനച്ചിലാർ, മണിമലയാർ, പമ്പ തുടങ്ങിയ നദികൾ കടന്നുപോകുന്ന പ്രസ്തുത മണ്ഡലത്തിൽ ഉൾനാടൻ മത്സ്യകൃഷിയുടെ സാധ്യത കണക്കിലെടുത്തു് പ്രസ്തുത പദ്ധതി നടപ്പിലാക്കാൻ നടപടി സ്വീകരിക്കുമോ?

സംസ്ഥാനത്ത് ഉള്‍നാടന്‍ മത്സ്യകൃഷിക്ക് സാധ്യതയുള്ള ജലസംഭരണികളേയും പൊതുജലാശയങ്ങളേയും കണ്ടെത്തി പ്രയോജനപ്പെടുത്തുവാന്‍ സാങ്കേതിക സര്‍വ്വേ നടത്തിയിട്ടുണ്ടോ; വ്യക്തമാക്കുമോ?

കോവിഡ് ലോക്ഡൗണ്‍ കാലയളവില്‍ വരുമാനം നിലച്ച സാധാരണക്കാര്‍ വ്യാപകമായി വീടുകളോടനുബന്ധിച്ച് മത്സ്യ കൃഷി ആരംഭിച്ചിട്ടുണ്ടെന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

കൃഷി വകുപ്പ് മുഖേന ഇത് പ്രോത്സാഹിപ്പിക്കാന്‍ എന്തെങ്കിലും നടപടികള്‍ സ്വീകരിക്കുന്നുണ്ടോ?

സംസ്ഥാനത്ത് പൊതു മേഖലയില്‍ മത്സ്യവിത്ത് ഉത്പാദനത്തിനുള്ള കേന്ദ്രങ്ങള്‍ ഏതൊക്കെയാണ്; ഇവിടെ പ്രതിവര്‍ഷം ശരാശരി എത്ര മത്സ്യവിത്ത് ഉത്പാദിപ്പിക്കപ്പെടുന്നുണ്ട്; മത്സ്യവിത്ത് ഉത്പാദനം വര്‍ദ്ധിപ്പിക്കുവാന്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ?

ഉള്‍നാടന്‍ മത്സ്യോല്പാദനം വര്‍ദ്ധിപ്പിക്കുന്നതിനായി കര്‍ഷകര്‍ക്ക് നല്‍കുന്ന ശാസ്ത്രീയ പരിശീലനത്തിന്റെയും സാമ്പത്തിക സഹായത്തിന്റെയും വിശദാംശങ്ങള്‍ ലഭ്യമാക്കുമോ;

ഉള്‍നാടന്‍ മത്സ്യകൃഷിക്കായി എറണാകുളം ജില്ലയില്‍ നടപ്പിലാക്കി വരുന്ന പദ്ധതികളുടെ വിശദവിവരം ലഭ്യമാക്കുമോ?

കേരളത്തിലെ ഉള്‍നാടന്‍ ജലാശയങ്ങളില്‍ എത്ര ശതമാനം മത്സ്യകൃഷിക്കായി പ്രയോജനപ്പെടുത്തിയിട്ടുണ്ടെന്ന് വിലയിരുത്തിയിട്ടുണ്ടോ;

ഈ മേഖലയിലെ സാധ്യതകള്‍ പൂര്‍ണ്ണമായും വിനിയോഗിക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

സുഭിക്ഷകേരളം പദ്ധതി മുഖേന മത്സ്യകൃഷിയില്‍ ഉല്പാദന വര്‍ദ്ധനവ് ഉണ്ടായിട്ടുണ്ടോ; വിശദാംശങ്ങള്‍ ലഭ്യമാക്കാമോ;

ഉല്പാദിപ്പിക്കുന്ന മത്സ്യം വിറ്റഴിക്കാന്‍ പ്രയാസം നേരിടുന്നുവെന്ന പരാതി പരിഹരിക്കാന്‍ എന്ത് നടപടിയാണ് സ്വീകരിക്കാന്‍ ഉദ്ദേശിക്കുന്നത്?

ഫിഷറീസ് വകുപ്പിന് കീഴിലുള്ള മലമ്പുഴ അക്വേറിയം ആധുനിക നിലവാരത്തിലേക്ക് ഉയര്‍ത്തുവാന്‍ ഫിഷറീസ് വകുപ്പ് പദ്ധതി തയ്യാറാക്കിയിട്ടുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ?

കുണ്ടറ മണ്ഡലത്തില്‍ ഫിഷറീസ് വകുപ്പിന് കീഴില്‍ നിലവില്‍ ഏതൊക്കെ പ്രവൃത്തികളാണ് നടന്നുകൊണ്ടിരിക്കുന്നതെന്ന് അറിയിക്കുമോ;

ഇതില്‍ ഭരണാനുമതി ലഭിച്ചിട്ടും തുടങ്ങിയിട്ടില്ലാത്ത പ്രവൃത്തികള്‍, ടെന്‍ഡര്‍ ചെയ്തിട്ടുളള പ്രവൃത്തികള്‍, എഗ്രിമെന്റ് ചെയ്തിട്ടുളള പ്രവൃത്തികള്‍ എന്നിങ്ങനെ തരം തിരിച്ച് നല്‍കാമോ?

വേമ്പനാട്ട് കായലിലെ പോളപായല്‍ നീക്കം ചെയ്യുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

പോളപായലിന്റെ വരവ് മൂലം ഊന്നിവലകള്‍ക്കും മറ്റ് മത്സ്യബന്ധന ഉപകരണങ്ങള്‍ക്കും നാശനഷ്ടം സംഭവിച്ചതിന് സര്‍ക്കാര്‍ നഷ്ടപരിഹാരം നല്‍കിയിട്ടുണ്ടോ;

ഊന്നിവലകളുടെയും മറ്റും നാശനഷ്ടം വിലയിരുത്തിയിട്ടുണ്ടോ?

കായംകുളം, കരുനാഗപ്പള്ളി മണ്ഡലത്തിലെ തീരദേശവാസികളുടെ ചിരകാല സ്വപ്നമായ റ്റി.എം. ചിറ പാലം എന്ന ആവശ്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ ഈ വിഷയത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

റ്റി.എം. ചിറ പാലം യാഥാര്‍ത്ഥ്യമാക്കുന്നതിന് ആവശ്യമായ നടപടികള്‍ സ്വീകരിക്കുമോ?

ഹാര്‍ബര്‍ നിര്‍മ്മാണത്തിലെ അപാകതകള്‍ കാരണം മുതലപ്പൊഴി ഉള്‍പ്പെടെയുള്ള അഴിമുഖങ്ങളില്‍ മണല്‍തിട്ടകൾ രൂപപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

മണല്‍തിട്ടകൾ യഥാസമയം ഡ്രഡ്ജ് ചെയ്ത് നീക്കാത്തതിനാല്‍ അവ മത്സ്യബന്ധന ബോട്ടുകളുടെ സഞ്ചാരം തടസ്സപ്പെടുത്തുന്നത് ഒഴിവാക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; വ്യക്തമാക്കുമോ;

തീരപ്രദേശത്ത്‌ അശാസ്ത്രീയമായ രീതിയില്‍ നിര്‍മ്മാണം നടത്തിയതിന്റെ ഫലമായി തീരശോഷണം ഉള്‍പ്പെടെയുളള വിവിധ പ്രതിസന്ധികള്‍ നേരിടുന്ന തുറമുഖങ്ങളിലെ പ്രശ്നങ്ങള്‍ ശാസ്ത്രീയമായി പഠിച്ച് പരിഹാരം കണ്ടെത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

ആലപ്പുഴ ജില്ലയിലെ ചെത്തി ഹാര്‍ബര്‍ നിര്‍മ്മാണത്തിന്റെ പുരോഗതിയെക്കുറിച്ച് വിശദമാക്കാമോ;

നിര്‍മ്മാണ പ്രവര്‍ത്തനം വേഗത്തിലാക്കുന്നതിന് നടപടി സ്വീകരിക്കുമോ ; വ്യക്തമാക്കാമോ?

മുതലപ്പൊഴി തുറമുഖത്ത് കഴിഞ്ഞ പത്ത് വർഷത്തിനുള്ളിൽ എത്ര തൊഴിലാളികൾ മരണപ്പെട്ടു;

പ്രസ്തുത ദുരന്തത്തിന്റെ കാരണമെന്താണെന്ന് പരിശോധിച്ചിട്ടുണ്ടൊ; ഉണ്ടെങ്കിൽ സ്വീകരിച്ച നടപടികൾ വ്യക്തമാക്കാമോ?

കോട്ടപ്പള്ളി ഫിഷിംഗ് ഹാര്‍ബറിന്റെ പുനരുദ്ധാരണത്തിന് എത്ര രൂപയുടെ പദ്ധതിക്കാണ് അംഗീകാരം നല്‍കിയത്; എന്തൊക്കെ പ്രവൃത്തികളാണ് ഇതില്‍ ഉള്‍ക്കൊള്ളിച്ചിരുന്നത്;

നിര്‍മ്മാണ പ്രവൃത്തികള്‍ എന്നാണ് ആരംഭിച്ചത്; നിര്‍മ്മാണം പൂര്‍ത്തീകരിച്ചിട്ടുണ്ടോ; നിര്‍മ്മാണ കാലാവധി എത്ര വര്‍ഷമാണ്; നിര്‍മ്മാണ പുരോഗതി വിശദാംശങ്ങള്‍ സഹിതം വ്യക്തമാക്കാമോ;

അശാസ്ത്രീയമായ നിര്‍മ്മാണം മൂലം പോര്‍ട്ടിന്റെ പൂര്‍ണ്ണ പ്രയോജനം ലഭിക്കുന്നില്ലെന്ന മത്സ്യമേഖലയുടെ പരാതി ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കാന്‍ എന്ത് നടപടി സ്വീകരിക്കാനാണ് ഉദ്ദേശിക്കുന്നത്; വിശദാംശങ്ങള്‍ ലഭ്യമാക്കാമോ?

സംസ്ഥാനത്ത് തീരശോഷണം വര്‍ദ്ധിക്കുന്നതായ സ്ഥിതിവിശേഷം പഠനവിധേയമാക്കിയിട്ടുണ്ടോ; ഉണ്ടെങ്കില്‍ വിശദാംശങ്ങള്‍ വെളിപ്പെടുത്താമോ;

തുറമഖങ്ങള്‍ ഉള്‍പ്പെടെയുള്ള മനുഷ്യനിര്‍മ്മിതികള്‍ തീരശോഷണത്തിന്റെ തോത് വര്‍ദ്ധിപ്പിക്കുന്നതായി കണ്ടെത്തിയിട്ടുണ്ടോ; വിശദമാക്കാമോ;

തീരശോഷണം വര്‍ദ്ധിക്കുന്നത് മൂലമുണ്ടാകുന്ന പാരിസ്ഥിതിക ആഘാതത്തെ പ്രതിരോധിക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കാമോ?

മഞ്ചേശ്വരം മണ്ഡലത്തില്‍ കടലാക്രമണം നേരിടുന്നതിന് ഏതൊക്കെ പ്രവൃത്തികളാണ് ചെയ്തു കൊണ്ടിരിക്കുന്നത്;

കടല്‍ഭിത്തി നിര്‍മ്മാണം എവിടെയൊക്കെയാണ് നടന്നുകൊണ്ടിരിക്കുന്നത്; കടല്‍ഭിത്തി നിര്‍മ്മിക്കേണ്ട പ്രദേശങ്ങള്‍ ഏതൊക്കെയാണ്; ഇതിന് എന്തെല്ലാം നടപടികൾ സ്വീകരിച്ചു;

ആധുനിക സാങ്കേതിക വിദ്യ ഉപയോഗിച്ച് കടല്‍ക്ഷോഭം തടയാനുള്ള പദ്ധതികള്‍ സര്‍ക്കാരിന്റെ പരിഗണനയില്‍ ഉണ്ടോ; ഇതിന്റെ വിശദാംശങ്ങള്‍ ലഭ്യമാക്കാമോ; പദ്ധതി എപ്പോള്‍ നടപ്പിലാക്കുമെന്ന് വ്യക്തമാക്കാമോ;

രൂക്ഷമായ കടല്‍ക്ഷോഭം നേരിടുന്ന മഞ്ചേശ്വരം മണ്ഡലത്തില്‍ തീരദേശ മേഖലകളിൽ കടല്‍ഭിത്തി നിര്‍മ്മിക്കുന്നതിനും ആധുനിക സാങ്കേതിക വിദ്യ ഉപയോഗിച്ചുള്ള പദ്ധതികള്‍ നടപ്പിലാക്കുന്നതിനും നടപടി സ്വീകരിക്കുമോ;

പദ്ധതികള്‍ എപ്പോള്‍ പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ?

കുണ്ടറ നിയോജകമണ്ഡലത്തില്‍ ഹാര്‍ബര്‍ എഞ്ചിനീയറിംഗ് വകുപ്പിന് കീഴില്‍ ഏതൊക്കെ പ്രവൃത്തികളാണ് നിലവില്‍ നടന്നുവരുന്നതെന്ന് അറിയിക്കാമോ;

ഭരണാനുമതി ലഭിച്ചിട്ടും തുടങ്ങിയിട്ടില്ലാത്ത പ്രവൃത്തികള്‍, ടെന്‍ഡര്‍ ചെയ്തിട്ടുളള പ്രവൃത്തികള്‍, എഗ്രിമെന്റ് ചെയ്തിട്ടുളള പ്രവൃത്തികള്‍ എന്നിവ തരംതിരിച്ച് വിശദമാക്കാമോ?

ഓർഡിനൻസിലൂടെ കേരള ഫിഷറീസ് സർവകലാശാല ഡീൻ (ഫിഷറീസ് ) തസ്തിക സൃഷ്ടിച്ചിരുന്നോ; പ്രസ്തുത തസ്തികയിൽ നിയമനം നടത്തുന്നതിന് അനുബന്ധ ചട്ടങ്ങൾ നിലവിലുണ്ടോ; ചട്ടങ്ങൾ ലംഘിച്ച് പ്രസ്തുത തസ്തികയിൽ വൈസ് ചാൻസലറുടെ ഭാര്യയെ നിയമിച്ചിരുന്നോ;

ഇന്റർവ്യൂവില്‍ വൈസ് ചാൻസലർ പങ്കെടുത്തുവോ എന്നും ആരാണ് അദ്ധ്യക്ഷത വഹിച്ചതെന്നും അറിയിക്കുമോ; സർവ്വകലാശാല ചട്ടമനുസരിച്ച് ഫിഷറീസ് വൈസ് ചാൻസലർ അല്ലാതെ മറ്റൊരാൾ കമ്മിറ്റിയിൽ അദ്ധ്യക്ഷത വഹിച്ചത് നിയമാനുസൃതമാണോ; വ്യക്തമാക്കുമോ?

കെ.എസ്.എഫ്.ഡി.സി. യുടെ കീഴില്‍ പയ്യന്നൂരില്‍ നിര്‍മ്മിക്കുന്ന തീയേറ്റര്‍ കോംപ്ലക്സിന്റെ നിര്‍മ്മാണ പുരോഗതി വിശദമാക്കാമോ;

നിര്‍മ്മാണം എപ്പോള്‍ പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്?

കോഴിക്കോട് ജില്ലയിലെ ഒളവണ്ണയില്‍ ഇൻഡോ-ഷാര്‍ജ കള്‍ച്ചറല്‍ സെന്റര്‍ സ്ഥാപിക്കുന്നതിന് എത്ര ഏക്കര്‍ സ്ഥലമാണ് ഏറ്റെടുക്കാന്‍ തീരുമാനിച്ചിട്ടുള്ളതെന്ന് വ്യക്തമാക്കാമോ;

സ്ഥലം ഏറ്റെടുക്കല്‍ നടപടികളുടെ നിലവിലുള്ള സ്ഥിതി എന്താണെന്ന് വിശദമാക്കാമോ;

പ്രസ്തുത സ്ഥലം, ഭൂമി ഏറ്റെടുക്കല്‍ നിയമപ്രകാരമാണോ അതോ നെഗോഷ്യേറ്റഡ് പര്‍ച്ചേസ് പ്രകാരമാണോ ഏറ്റെടുക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

സാമ്പത്തികമായി പിന്നാക്കം നിൽക്കുന്ന സമർത്ഥരായ യുവകലാകാരന്മാർക്ക് അവരുടെ കലാസൃഷ്ടികൾ (കഥ, കവിത, തിരക്കഥ, പെയിന്റിംഗ് തുടങ്ങിയവ) ആധികാരികമായി പ്രദർശിപ്പിക്കുവാൻ ആവശ്യമായ സ്വതന്ത്ര പ്ലാറ്റ്ഫോമിന്റെ അപര്യാപ്തത ശ്രദ്ധയിൽപ്പെട്ടിട്ടുണ്ടോ;

ഭാവിയിൽ ഇത്തരം കലാകാരന്മാരുടെ നിലവാരമുള്ള കലാസൃഷ്ടികൾ പ്രദർശിപ്പിക്കുന്നതിന് വേണ്ടി ദേശീയ നിലവാരമുള്ള വെബ് സൈറ്റ്/സ്വതന്ത്ര ആപ്പ് സാംസ്കാരിക വകുപ്പിന് കീഴിൽ ആരംഭിക്കുവാൻ പദ്ധതിയുണ്ടോയെന്ന് വ്യക്തമാക്കാമോ?

വൈപ്പിന്‍ മണ്ഡലത്തിലെ പള്ളിപ്പുറം വില്ലേജിൽ ചെറായിയില്‍ സഹോദരന്‍ അയ്യപ്പന്‍ സ്മാരകത്തിന് സമീപത്തായി, സഹോദരന്‍ അയ്യപ്പന്‍ മിശ്രഭോജനം നടത്തിയതിന്റെ സ്മരണാര്‍ത്ഥം സ്മാരകം നിര്‍മ്മിക്കുന്നതിനായി സ്ഥലം ഏറ്റെടുക്കുന്ന പ്രവൃത്തിയുടെ നിലവിലെ സ്ഥിതി വിശദമാക്കാമോ;

ഇതുസംബന്ധിച്ച് സാംസ്കാരിക വകുപ്പിലെ A2/12/2015 നമ്പര്‍ ഫയലിന്മേല്‍ സ്വീകരിച്ചിട്ടുള്ള നടപടി വ്യക്തമാക്കാമോ?

കഴിഞ്ഞ സര്‍ക്കാരിന്റെ അവസാന ബഡ്ജറ്റില്‍ തെയ്യം കലയുടെ കുലപതി മണക്കാടന്‍ ഗുരുക്കള്‍ക്കും നര്‍ത്തകരത്നം കണ്ണന്‍ പെരുവണ്ണാനും ഉചിതമായ സ്മാരകം എന്ന നിലയില്‍ കൊടക്കാട് കേന്ദ്രീകരിച്ച് ഒരു ഫോക്‌ലോര്‍ വില്ലേജിനായി 5 കോടി രൂപയുടെ 20% തുക വകയിരുത്തിയതിന്റെ അടിസ്ഥാനത്തില്‍ ഫോക്‌ലോര്‍ അക്കാദമി മുഖാന്തരം ഈ പദ്ധതി അടിയന്തരമായി നടപ്പിലാക്കാന്‍ നടപടികള്‍ ഉണ്ടാകുമോ?

മഹാകവി മോയിൻകുട്ടി വൈദ്യർ മാപ്പിള കലാ അക്കാദമിയുടെ പ്രവർത്തനത്തിന് എന്തെല്ലാം സഹായങ്ങൾ ആണ് സർക്കാർ നൽകിവരുന്നത്; കഴിഞ്ഞ സാമ്പത്തിക വർഷം ഈ അക്കാദമി എന്തെല്ലാം പരിപാടികൾ സംഘടിപ്പിച്ചിട്ടുണ്ട്;

ഈ കലാ അക്കാദമിയുടെ പി.എസ്.റ്റി.ബി. അക്കൗണ്ടിൽ നിന്നും സർക്കാരിന്റെ കൺസോളിഡേറ്റഡ് ഫണ്ടിലേക്ക് സർക്കാർ തുക പിൻവലിച്ചിട്ടുണ്ടോ; എങ്കിൽ എത്ര രൂപയാണ് ഇത്തരത്തിൽ പിൻവലിച്ചത്; സർക്കാരിന്റെ എന്തെല്ലാം ആവശ്യങ്ങൾ നിറവേറ്റാനാണ് സാംസ്കാരിക വകുപ്പ് തുക തിരികെ നൽകിയത്;

ഇത്തരത്തിൽ ഈ കലാ അക്കാദമിയുടെ അക്കൗണ്ടിൽ നിന്ന് തുക സർക്കാരിന്റെ ദൈനംദിന ചെലവുകൾക്ക് വേണ്ടി നൽകേണ്ടി വരുന്നത് സ്ഥാപനത്തിന്റെ നല്ല രീതിയിലുള്ള പ്രവർത്തനത്തിന് വിഘാതം ഉണ്ടാക്കുമെന്ന കാര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം ലഭ്യമാക്കുമോ?

റാന്നി നിയോജക മണ്ഡലത്തിൽ 2016 ജൂൺ 30 മുതൽ 2021 ജൂൺ 30 വരെ സാംസ്ക്കാരിക വകുപ്പ് നടപ്പിലാക്കിയ പദ്ധതികളുടെ വിശദവിവരം, ഭരണാനുമതിയുടെ പകർപ്പുകള്‍ സഹിതം ലഭ്യമാക്കാമോ;

ഭരണാനുമതി ലഭിച്ച പ്രവൃത്തികളിൽ പൂർത്തിയാക്കുവാൻ സാധിക്കാത്തവ ഉണ്ടെങ്കിൽ കാരണസഹിതം വിശദമാക്കാമോ?

തലശ്ശേരി മണ്ഡലത്തില്‍ പുതുതായി അനുവദിച്ച തെയ്യം കലാ അക്കാദമി ആസ്ഥാനമാക്കി അക്കാഡമിയുടെ പ്രവര്‍ത്തനമേഖല വിപുലപ്പെടുത്തുന്നത് സര്‍ക്കാരിന്റെ പരിഗണനയില്‍ ഉണ്ടോ;

ഉണ്ടെങ്കില്‍ ആയതിന് വേണ്ടി എന്തെല്ലാം നടപടികളാണ് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്നത്?

സാംസ്കാരിക വകുപ്പിന് കീഴിലുള്ള കൊണ്ടോട്ടി മഹാകവി മോയിന്‍കുട്ടി വൈദ്യര്‍ സ്മാരക അക്കാദമിക്ക് നടപ്പുവര്‍ഷത്തെ ബജറ്റില്‍ പദ്ധതിയേതര വിഹിതമായി അനുവദിച്ച തുക മുൻവര്‍ഷത്തെ ഒരു കോടി രൂപയിൽ നിന്ന് 25 ലക്ഷമായി കുറഞ്ഞത് ശ്രദ്ധയില്‍പ്പെട്ടിട്ടുണ്ടോ;

ഒട്ടേറെ സാംസ്കാരിക പ്രവര്‍ത്തനങ്ങള്‍ക്ക് നേതൃത്വം നല്‍കുന്ന അക്കാദമിക്ക്, മുൻ വര്‍ഷത്തെ പോലെ പണം വകയിരുത്തുന്നതിന് നടപടി സ്വീകരിക്കുമോ?

കേരളത്തിലെ ഉത്സവ സീസണുകളില്‍ തിറ, തെയ്യം തുടങ്ങിയ അനുഷ്ഠാനകലകളിലേർപ്പെട്ടിരുന്ന കലാകാരന്‍മാരും ചെണ്ട, തിമില തുടങ്ങിയ വാദ്യോപകരണങ്ങൾ ഉപയോഗിച്ചിരുന്ന കലാകാരന്‍മാരും കോവിഡ് കാലത്ത് ജോലി നഷ്ടമായി ദുരിതമനുഭവിക്കുന്നത് സര്‍ക്കാരിന്റെ ശ്രദ്ധയില്‍ വന്നിട്ടുണ്ടോ;

ഇത്തരക്കാര്‍ക്ക് കോവിഡ് പരിഗണിച്ച് ഏതെങ്കിലും തരത്തിലുള്ള ആശ്വാസ ധനസഹായം നിലവില്‍ പ്രഖ്യാപിച്ചിട്ടുണ്ടോ; ഉണ്ടെങ്കില്‍ ആയതിന്റെ വിശദാംശങ്ങള്‍ ലഭ്യമാക്കാമോ;

ഇതുവരെയും സഹായം നല്‍കിയിട്ടില്ലെങ്കില്‍ ആയത് നല്‍കുവാനുള്ള നടപടികള്‍ സര്‍ക്കാര്‍ ആലോചിച്ചു വരുന്നുണ്ടോ; വിശദമാക്കാമോ?

വാമനപുരം മണ്ഡലത്തിന്റെ പരിധിയില്‍ കഴിഞ്ഞ സര്‍ക്കാരിന്റെ കാലത്ത് ഏതെല്ലാം സാംസ്കാരിക സംഘടനകള്‍ക്കാണ് ആവര്‍ത്തന ഫണ്ടും അനാവര്‍ത്തന ഫണ്ടും അനുവദിച്ചിട്ടുള്ളത്; വിശദമാക്കാമോ;

ഓരോ സംഘടനയ്ക്കും അനുവദിച്ചിട്ടുള്ള തുക എത്രയെന്ന് വ്യക്തമാക്കാമോ;

പ്രസ്തുത സംഘടനകള്‍ സമര്‍പ്പിച്ചിട്ടുള്ള പ്രാേജക്ടുകളുടെ പകര്‍പ്പ് നല്‍കാമോ?

കല്പിത സര്‍വ്വകലാശാലയായ കേരള കലാമണ്ഡലത്തില്‍ 8-ാം ക്ലാസ് മുതല്‍ എം.ഫില്‍. വരെ പഠിക്കുന്ന വിദ്യാര്‍ത്ഥികളുടെ എണ്ണം ജനറല്‍, എസ്‍.സി., എസ്.റ്റി., ഒ.ഇ.സി. എന്ന രീതിയില്‍ തരം തിരിച്ച് ലഭ്യമാക്കാമോ;

ഇതില്‍ ഏതെല്ലാം വിഭാഗക്കാര്‍ക്ക് എത്ര രൂപ സ്റ്റെെപന്റ് ഇനത്തിൽ ലഭിക്കുന്നുണ്ട് എന്ന് വ്യക്തമാക്കാമോ;

വരുമാന പരിധി നോക്കാതെ കലാമണ്ഡലത്തിലെ വിദ്യാര്‍ത്ഥി- വിദ്യാര്‍ത്ഥിനികള്‍ക്ക് സ്റ്റെെപന്റ് ലഭ്യമാക്കുന്നുണ്ടോയെന്ന് അറിയിക്കുമോ ;

സ്റ്റെെപന്റ് ലഭ്യമാക്കുന്നതിന് എന്തെങ്കിലും തടസ്സം ഉണ്ടോ;

ഇല്ലെങ്കില്‍ ലഭ്യമാക്കാന്‍ ആവശ്യമായ നടപടി സ്വീകരിക്കാമോ?

രാജാ രവി വര്‍മ്മക്ക് സ്മാരകം നിര്‍മ്മിക്കാന്‍ സാംസ്കാരിക വകുപ്പ് പദ്ധതി തയ്യാറാക്കിയിട്ടുണ്ടോ; ഉണ്ടെങ്കില്‍ എന്തെല്ലാമാണ് പദ്ധതിയുടെ ഭാഗമായി നടപ്പിലാക്കുന്നത്; വിശദമാക്കുമോ?

കലാഭവന്‍ മണിക്ക് ഉചിതമായ സ്മാരകം നിര്‍മ്മിക്കുന്നതിന് നടപടി സ്വീകരിക്കാനുദ്ദേശിക്കുന്നുണ്ടോ; എങ്കില്‍ സ്മാരകം നിർമ്മിക്കുന്നത് എവിടെയാണെന്നും നിര്‍മ്മാണം എന്നേക്ക് ആരംഭിക്കുവാന്‍ കഴിയുമെന്നും വ്യക്തമാക്കാമോ?

കേരള കലാമണ്ഡലം പിറവിയെടുത്ത സ്ഥലം എന്ന പ്രാധാന്യം കണക്കിലെടുത്ത് കുന്നംകുളത്തെ കക്കാട് കലാമണ്ഡലത്തിന്റെ ഒരു പഠന കളരി ആരംഭിക്കാന്‍ ഉദ്ദേശിക്കുന്നുണ്ടോ എന്ന് വ്യക്തമാക്കാമോ;

ഇക്കാര്യത്തില്‍ കലാമണ്ഡലം ഭരണസമിതി ശിപാര്‍ശ ചെയ്തിട്ടുണ്ടോ;

ഉണ്ടെങ്കില്‍ പ്രസ്തുത ശിപാര്‍ശയിന്മേല്‍ എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ?

കോവിഡ് 19 ന്റെ പശ്ചാത്തലത്തില്‍ കലാകാരന്മാര്‍ക്ക് പൊതു വേദികള്‍ നഷ്ടപ്പെടുന്നതുകൊണ്ട് പരിപാടികള്‍ നടത്താൻ കഴിയാതെ ജീവിത മാര്‍ഗ്ഗം വഴിമുട്ടിയ അവസ്ഥ ശ്രദ്ധയില്‍പ്പെട്ടിട്ടുണ്ടോ;

ഇത്തരം കലാകാരന്മാര്‍ക്ക് ഓൺലൈൻ പ്ലാറ്റ്ഫോം ഒരുക്കിയും ധനസഹായം നല്‍കിയും ഉള്ള പരിപാടികള്‍ക്ക് സാംസ്കാരിക വകുപ്പ് പദ്ധതികള്‍ ആവിഷ്കരിക്കുമോ?

കലാകാര ക്ഷേമ പെന്‍ഷനുകള്‍ക്കുള്ള മാനദണ്ഡങ്ങളും നടപടിക്രമങ്ങളും വിശദമാക്കാമോ;

അവശ കലാകാരന്‍മാര്‍ക്കുള്ള ക്ഷേമ പെന്‍ഷന്‍ പലര്‍ക്കും ലഭിക്കുന്നില്ല എന്ന പരാതി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കാന്‍ നടപടി സ്വീകരിക്കാമോ?

കോവിഡ് മഹാമാരിയെ തുടര്‍ന്ന് വളരെയധികം ദുരിതത്തിലായ കലാകാരന്‍മാര്‍ക്ക് സഹായത്തിനായി സര്‍ക്കാര്‍ സ്വീകരിച്ച നടപടികളെക്കുറിച്ച് വിശദമാക്കാമോ;

വേദികള്‍ നഷ്ടമാകുകയും ജീവിതമാര്‍ഗ്ഗം നഷ്ടമാകുകയും ചെയ്ത കലാകാരന്മാരുടെ ആശ്വാസത്തിനായി സര്‍ക്കാര്‍ സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ;

ഈ മേഖലയില്‍ പുതിയ എന്തെല്ലാം പദ്ധതികളാണ് ആവിഷ്ക്കരിക്കാന്‍ ഉദ്ദേശിക്കുന്നത് വ്യക്തമാക്കുമോ?

സംസ്ഥാനത്തെ സിനിമ വ്യവസായത്തെ സംരക്ഷിക്കുന്നതിനും പ്രോത്സാഹിപ്പിക്കുന്നതിനുമായി കഴിഞ്ഞ സര്‍ക്കാര്‍ നടത്തിയ ഇടപെടലുകള്‍ എന്തെല്ലാമായിരുന്നുവെന്ന് അറിയിക്കാമോ;

മലയാള സിനിമ മേഖലയിലെ പ്രശ്നങ്ങള്‍ സംബന്ധിച്ച് പഠിച്ച് റിപ്പോര്‍ട്ട് സമര്‍പ്പിക്കുന്നതിനായി നിയോഗിച്ച ജസ്റ്റിസ് കെ.ഹേമ അദ്ധ്യക്ഷയായ സമിതിയുടെ പഠന റിപ്പോര്‍ട്ട് സര്‍ക്കാരിന് സമര്‍പ്പിച്ചിട്ടുണ്ടോ;

പ്രസ്തുത റിപ്പോര്‍ട്ട് പരിശോധിച്ചിട്ടുണ്ടോ; എങ്കില്‍ അതിന്റെ വിശദാംശം ലഭ്യമാക്കാമോ;

സിനിമ മേഖലയില്‍ സ്ത്രീകള്‍ നേരിടുന്നതായി പറയപ്പെടുന്ന പ്രശ്നങ്ങള്‍ പരിഹരിക്കുന്നതിനാവശ്യമായ എന്തെല്ലാം നിര്‍ദ്ദേശങ്ങളാണ് പ്രസ്തുത റിപ്പോര്‍ട്ടില്‍ ഉള്ളതെന്ന് വെളിപ്പെടുത്താമോ?

സാംസ്കാരിക വകുപ്പിന് കീഴില്‍ മുൻ സര്‍ക്കാരിന്റെ കാലത്ത് രൂപീകരിച്ച മലയാളം മിഷന്റെ പ്രവര്‍ത്തന പുരോഗതി വ്യക്തമാക്കാമോ;

പ്രസ്തുത മിഷന്റെ പ്രവര്‍ത്തനം മൂലം സംസ്ഥാനത്തിന് ഉണ്ടായ നേട്ടങ്ങള്‍ എന്തെല്ലാമാണ്;

മിഷന്റെ പ്രവര്‍ത്തനത്തിന്റെ ഭാഗമായി ഉണ്ടാകുന്ന പ്രതിമാസ ചെലവുകളുടെ വിശദാംശങ്ങള്‍ ഇനം തിരിച്ച് ലഭ്യമാക്കാമോ;

മിഷനില്‍ പ്രവര്‍ത്തിക്കുന്ന ജീവനക്കാരുടെ നിയമന രീതി, തെരഞ്ഞെടുക്കുന്ന രീതി, തസ്തികകള്‍ തുടങ്ങിയ വിവരങ്ങള്‍ ലഭ്യമാക്കാമോ;

മിഷൻ മേധാവിയുടെ നിയമന രീതിയും അനുവദിക്കുന്ന മറ്റ് സൗകര്യങ്ങളും എന്തെല്ലാമാണ് എന്ന് വ്യക്തമാക്കാമോ?

സ്ത്രീധന സമ്പ്രദായമുള്‍പ്പെടെ സ്ത്രീകള്‍ക്കെതിരെ നടക്കുന്ന അതിക്രമങ്ങള്‍ക്കെതിരെ സമൂഹത്തെ ബോധവല്‍ക്കരിക്കുന്നതിനായി സാംസ്കാരിക വകുപ്പ് എന്തെങ്കിലും പരിപാടികള്‍ സംഘടിപ്പിക്കുന്നുണ്ടോ;

വിവിധ സാംസ്കാരിക സംഘങ്ങളെ കൂട്ടിയോജിപ്പിച്ചും വിവിധ സംഘടനകളുടെ സഹായത്തോടെയും ദീര്‍ഘകാലം നീണ്ടു നില്‍ക്കുന്ന ബോധവല്‍ക്കരണ പരിപാടികള്‍ സംഘടിപ്പിക്കാന്‍ തയ്യാറാകുമോയെന്ന് വ്യക്തമാക്കാമോ?

കലാകാര പെന്‍ഷന്‍ അനുവദിക്കുന്നതിനുള്ള നടപടിക്രമങ്ങള്‍ എന്തെല്ലാമാണെന്ന് വിശദമാക്കാമോ;

സാമൂഹ്യ സുരക്ഷാപെന്‍ഷന്‍ ലഭിച്ചുകൊണ്ടിരിക്കുന്നവര്‍ക്ക് കലാകാര പെന്‍ഷന് അപേക്ഷിക്കാന്‍ കഴിയുമോ;

ഏത് തീയതി വരെ ലഭിച്ച അപേക്ഷകളിലാണ് തീരുമാനം എടുത്തതെന്ന് വ്യക്തമാക്കാമോ?

യുവജനക്ഷേമത്തിനായി എന്തൊക്കെ പദ്ധതികളാണ് കേരള സ്റ്റേറ്റ് യൂത്ത് വെല്‍ഫെയര്‍ ബോര്‍ഡ് നടപ്പിലാക്കുന്നത്; ഇനം തിരിച്ച് വ്യക്തമാക്കാമോ;

വിദ്യാര്‍ത്ഥികള്‍ക്ക് മത്സര പരീക്ഷകളില്‍ നല്ല പ്രകടനം കാഴ്ചവയ്ക്കുന്നതിന് എന്തൊക്കെ നടപടികളാണ് ബോര്‍ഡ് സ്വീകരിക്കുന്നതെന്ന് വ്യക്തമാക്കാമോ; കോഴ്സുകള്‍ ഏതൊക്കെയെന്ന് വ്യക്തമാക്കാമോ;

ബോര്‍ഡ് നടത്തുന്ന കോഴ്സുകള്‍ കോഴിക്കോട് ജില്ലയില്‍ നിലവിലുണ്ടോ; ഉണ്ടെങ്കില്‍ പ്രായപരിധി, യോഗ്യത എന്നിവ വ്യക്തമാക്കാമോ;

കലാകായിക മേഖലയില്‍ യുവജനക്ഷേമ ബോര്‍ഡ് നടപ്പിലാക്കുന്ന പ്രോജക്ടുകള്‍ ഏതൊക്കെയെന്ന് വ്യക്തമാക്കാമോ;

കോവിഡ് കാരണം ഓണ്‍ലൈന്‍ കോഴ്സുകള്‍ നടത്തുന്നുണ്ടോ; ഉണ്ടെങ്കില്‍ വിശദവിവരങ്ങള്‍ അറിയിക്കുമോ?

യുവജന ക്ഷേമ ബോർഡിന് കീഴിൽ തദ്ദേശസ്വയംഭരണ സ്ഥാപനങ്ങളിൽ പ്രവർത്തിക്കുന്ന യൂത്ത് കോ- ഓർഡിനേറ്റർമാർക്കുള്ള വേതനം കഴിഞ്ഞ ആറു മാസമായി ലഭിക്കുന്നില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ;

കോവിഡ് പ്രതിരോധ പ്രവർത്തനങ്ങളില്‍ സജീവ സാന്നിധ്യമറിയിച്ച യൂത്ത് കോ- ഓർഡിനേറ്റർമാർക്കുള്ള വേതനം സമയബന്ധിതമായി വിതരണം ചെയ്യുവാൻ നടപടികൾ സ്വീകരിക്കുമോ;

ഏറ്റവും കുറഞ വേതനം പറ്റുന്ന ഇവർക്ക് കാലാനുസൃതമായി ഓണറേറിയം പരിഷ്കരിക്കുവാൻ നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം യുവജനക്ഷേമ ബോർഡിന്റെ അംഗങ്ങൾക്കും ഭാരവാഹികൾക്കുമായി ശമ്പള ഇനത്തിൽ എത്ര തുക നൽകിയിട്ടുണ്ട് എന്ന് വർഷം തിരിച്ചുള്ള കണക്കുകൾ ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം യുവജനക്ഷേമ ബോർഡിന്റെ പ്രവർത്തങ്ങൾക്കായി എത്ര തുക നൽകിയിട്ടുണ്ട് എന്ന് വർഷം തിരിച്ചുള്ള കണക്കുകൾ ലഭ്യമാക്കാമോ;?

യുവജന ക്ഷേമ വകുപ്പ് നടപ്പിലാക്കി വരുന്ന വിവിധ പദ്ധതികൾ ഏതൊക്കെയാണ്; ഓരോന്നും വിശദമാക്കുമോ;

മങ്കട നിയോജക മണ്ഡലത്തിൽ വകുപ്പ് നിലവില്‍ നടപ്പിലാക്കി വരുന്ന ഓരോ പദ്ധതിയുടെയും വിശദാംശം ലഭ്യമാക്കുമോ;

ഈ സാമ്പത്തിക വർഷം പ്രസ്തുത മണ്ഡലത്തിൽ വകുപ്പ് വഴി നടപ്പിലാക്കാൻ ഉദ്ദേശിക്കുന്ന പദ്ധതികളും പ്രോഗ്രാമുകളും ഏതൊക്കെയാണെന്ന് അറിയിക്കുമോ?

സംസ്ഥാനത്ത് മദ്യം, മയക്കുമരുന്ന് എന്നിവയുടെ വൻതോതിലുള്ള ഉപയോഗവും കുറ്റകൃത്യങ്ങളുടെ എണ്ണവും കുറയ്ക്കുന്നതിനായി യുവജനങ്ങളെ ബോധവത്ക്കരിക്കുന്നതിനും ശാക്തീകരിക്കുന്നതിനും ഓരോ ജില്ലയിലും ഒരു ട്രെയിനിംഗ് സെന്റര്‍ വീതം ആരംഭിക്കാന്‍ നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

യുവജനങ്ങളെ സാമൂഹിക പ്രതിബദ്ധതയുള്ളവരാക്കിത്തീര്‍ക്കുന്നതിന് പാഠ്യപദ്ധതിയില്‍ ആവശ്യമായ മാറ്റങ്ങള്‍ വരുത്തുവാന്‍ നടപടി സ്വീകരിക്കുമോ; വിശദാംശം നല്‍കുമോ?