നെല്ല് സംഭരണവുമായി ബന്ധപ്പെട്ട് കര്‍ഷകര്‍ക്ക് മുന്‍വര്‍ഷങ്ങളില്‍ ഉണ്ടായിട്ടുള്ള ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ; എങ്കിൽ ഒന്നാം വിള നെല്ല് സംഭരണവുമായി ബന്ധപ്പെട്ട് നടത്തിയിട്ടുള്ള മുന്നൊരുക്കങ്ങള്‍ എന്തെല്ലാമാണ്; വിശദാംശങ്ങള്‍ ലഭ്യമാക്കാമോ?

കോവിഡ് മഹാമാരിയുടെ കാലത്ത് എത്ര കുടുംബങ്ങള്‍ക്കാണ് ഭക്ഷ്യകിറ്റുകള്‍ വിതരണം ചെയ്തിട്ടുള്ളത്; ജില്ലതിരിച്ച് ഓരോ മാസത്തേയും കണക്കുകള്‍ ലഭ്യമാക്കാമോ;

സംസ്ഥാനത്ത് ഇക്കാര്യത്തിന് എത്ര പണം ഇതുവരെ ചെലവഴിച്ചു എന്ന് വ്യക്തമാക്കാമോ;

ഭക്ഷ്യകിറ്റ് വേണ്ട എന്നറിയിച്ച എത്ര കുടുംബങ്ങള്‍ ഉണ്ടെന്ന് വെളിപ്പെടുത്താമോ?

സംസ്ഥാനത്ത് ഏതെല്ലാം ജില്ലകളിലാണ് വിശപ്പ് രഹിത കേരളം പദ്ധതി നടപ്പിലാക്കിയിട്ടുള്ളതെന്ന് വ്യക്തമാക്കുമോ;

പ്രസ്തുത പദ്ധതിയുടെ നടത്തിപ്പിന്റെ രീതിയും വിശദാംശങ്ങളും ലഭ്യമാക്കാമോ;

പദ്ധതിയില്‍ ഉള്‍പ്പെടുത്തുന്നതിന് അര്‍ഹരായവരെ കണ്ടെത്തുന്നതിനുള്ള മാനദണ്ഡങ്ങള്‍ എന്തെല്ലാമെന്ന് വ്യക്തമാക്കുമോ; വിശദാംശം നല്‍കുമോ?

കഴിഞ്ഞ സര്‍ക്കാരിന്റെ കാലത്ത് വാമനപുരം നിയോജക മണ്ഡലത്തില്‍ ഭക്ഷ്യ പൊതുവിതരണ വകുപ്പ് നടപ്പിലാക്കിയ പദ്ധതികള്‍ എന്തൊക്കെയെന്ന് വിശദീകരിക്കാമോ;

പ്രസ്തുത മണ്ഡലത്തില്‍ നടപ്പാക്കാനിരിക്കുന്ന പുതിയ പദ്ധതികള്‍ ഏതൊക്കെയെന്ന് വ്യക്തമാക്കാമോ?

സംസ്ഥാനത്ത് കോവിഡി​ന്റെ പശ്ചാത്തലത്തിൽ സ്കൂൾ കുട്ടികൾക്കുള്ള ഭക്ഷ്യ ഭദ്രത അലവൻസ് സപ്ലൈകോയുടെ സഹകരണത്തോടെ ഭക്ഷ്യധാന്യ കിറ്റുകളായി വിതരണം ചെയ്യുന്നതിന് തീരുമാനിച്ചിരു​ന്നോ; വിശദമാക്കാമോ;

സ്കൂൾ തുറക്കാൻ കഴിയാത്ത നിലവിലെ സാഹചര്യത്തിൽ ഭക്ഷ്യ ഭദ്രത അലവൻസ് തുടർന്നും ഭക്ഷ്യ ധാന്യകിറ്റുകളായി വിതരണം ചെയ്യുവാൻ നടപടി സ്വീകരിക്കുമോ; വിശദമാക്കാമോ;

സ്കൂൾ കുട്ടികൾക്ക് നൽകുന്ന ഭക്ഷ്യ കിറ്റിൽ കുട്ടികളുടെ താൽപര്യം പരിഗണിച്ച് ബിസ്കറ്റ്, സ്നാക്സ് എന്നിവ ഉൾപ്പെടുത്തുന്ന കാര്യം പരിഗണനയിലുണ്ടോ; വിശദമാക്കാമോ;

സ്കൂൾ കുട്ടികൾക്കുള്ള ഭക്ഷ്യ ഭദ്രത അലവൻസ് കൂപ്പണുകളായി നൽകി സപ്ലൈേകോ ഔട്ട് ലെറ്റുകളിൽ നിന്നും ഇഷ്ടമുള്ള സാധനങ്ങൾ വാങ്ങുന്നതിന് സൗകര്യം ഏർപ്പെടുത്തുന്നതിനുള്ള നടപടി സ്വീകരിക്കുമോ;

കോവിഡി ​ന്റെ മൂന്നാം തരംഗത്തി​ന്റെ പശ്ചാത്തലത്തിൽ സ്കൂൾ കുട്ടികൾക്കുള്ള ഭക്ഷ്യ ഭദ്രത അലവൻസ് മുടങ്ങാതെ നൽകുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് ഭക്ഷ്യഭദ്രത ഉറപ്പുവരുത്തുന്നതിന് എന്തെല്ലാം നൂതന പദ്ധതികളാണ് വിഭാവനം ചെയ്യാനുദ്ദേശിക്കുന്നതെന്ന് വ്യക്തമാക്കാമോ;

ഇതിന്റെ ഭാഗമായി പൊതുവിതരണ സംവിധാനത്തിലൂടെ പോഷകാഹാര സുരക്ഷ എന്ന ലക്ഷ്യം സാക്ഷാത്കരിക്കുന്നതിനായി ഫോര്‍ട്ടിഫൈഡ് അരി വിതരണം ചെയ്യുന്നതിന് ഉദ്ദേശിക്കുന്നുണ്ടോ; വിശദമാക്കാമോ;

സംസ്ഥാനത്തെ ഭക്ഷ്യ ഉല്പന്നങ്ങളില്‍ പോഷക സമ്പുഷ്ടീകരണം ഉറപ്പാക്കുന്നതിനുള്ള നടപടികള്‍ സ്വീകരിക്കാന്‍ തീരുമാനിച്ചിട്ടുണ്ടോ?

നിലമ്പൂര്‍ നിയോജക മണ്ഡലത്തില്‍ എ.പി.എല്‍., ബി.പി.എല്‍. റേഷന്‍ കാര്‍ഡുകള്‍ സംബന്ധിച്ച എത്ര പരാതികളാണ് നിലമ്പൂര്‍ താലൂക്ക് സപ്ലൈ ഓഫീസില്‍ ഇതുവരെ ലഭിച്ചിട്ടുള്ളതെന്ന വിവരം പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത പരാതികള്‍ സമയബന്ധിതമായി പരിഹരിക്കുന്നതിന് സ്വീകരിച്ച നടപടികള്‍ വിശദമാക്കാമോ;

ഫീല്‍ഡ് വിസിറ്റും ഹിയറിംഗും നടത്തി പരിശോധിച്ചതില്‍ എത്ര പരാതികളാണ് അര്‍ഹതയില്ലാത്തതായി കണ്ടെത്തിയതെന്ന വിവരം പഞ്ചായത്ത് തിരിച്ച് അറിയിക്കാമോ; അര്‍ഹരായവരുടെ പരാതികളിന്മേല്‍ സ്വീകരിച്ച നടപടികള്‍ കാര്‍ഡുടമകളെ യഥാസമയം രേഖാമൂലം അറിയിക്കാറുണ്ടോയെന്ന് വ്യക്തമാക്കാമോ;

ബി.പി.എല്‍. കാര്‍ഡുകള്‍ സംബന്ധിച്ച് ജില്ലയിലെ അപ്പീല്‍ അധികാരി ആരാണെന്ന് അറിയിക്കുമോ; ജില്ല കലക്ടര്‍മാരെ ഇക്കാര്യത്തില്‍ തീരുമാനമെടുക്കാന്‍ അധികാരപ്പെടുത്തിയിട്ടുണ്ടോ?

റേഷൻ കാർഡ് മുൻഗണന ലിസ്റ്റ് തയ്യാറാക്കുന്നതിനായി ഭൂപരിധി ഒരു മാനദണ്ഡമായി നിശ്ചയിച്ചിട്ടുണ്ടോ; എങ്കിൽ പ്രസ്തുത ഭൂപരിധി എത്രയാണെന്ന് വ്യക്തമാക്കാമോ;

ഭൂപരിധി നിശ്ചയിച്ചതുമൂലം വയനാട് ജില്ലയിലെയും മറ്റ് മലയോര മേഖലകളിലേയും കർഷകർ മുൻഗണന ലിസ്റ്റിൽ നിന്നും പുറത്തായിട്ടുള്ള കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശങ്ങൾ ലഭ്യമാക്കാമോ?

ബി.പി.എല്‍. റേഷന്‍കാര്‍ഡ് എ.പി.എല്‍. ആയി മാറ്റുന്നതിന് വേണ്ടി ഇതുവരെ എത്ര അപേക്ഷകള്‍ ലഭിച്ചു എന്ന് വ്യക്തമാക്കാമോ;

പുതുതായി ബി.പി.എല്‍. റേഷന്‍ കാര്‍ഡുകള്‍ വിതരണം ചെയ്യുന്നുണ്ടോ; ഉണ്ടെങ്കില്‍ ആയതിന്റെ നടപടിക്രമങ്ങള്‍ വിശദീകരിക്കാമോ?

കാസര്‍ഗോഡ് ജില്ലയില്‍ എ.പി.എല്‍. കാര്‍ഡുകള്‍ ബി.പി.എല്‍. കാര്‍ഡുകളാക്കി മാറ്റിനല്‍കണമെന്ന് ആവശ്യപ്പെട്ടുകൊണ്ടുള്ള എത്ര അപേക്ഷകളുണ്ട്; വിശദാംശങ്ങള്‍ അറിയിക്കാമോ;

പ്രസ്തുത അപേക്ഷകള്‍ പരിശോധിച്ച് സമയബന്ധിതമായി തീര്‍പ്പ് കല്‍പ്പിക്കുന്നതിന് നടപടി സ്വീകരിക്കുമോ; വിശദവിവരം നല്‍കുമോ?

സംസ്ഥാനത്ത് റേഷന്‍ കാര്‍ഡ് സമയബന്ധിതമായി കൊടുക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ?

അര്‍ഹതയില്ലാത്ത മുൻഗണന റേഷന്‍ കാര്‍ഡുടമകള്‍ക്ക് പകരം അര്‍ഹതയുള്ളവരെ ഉള്‍പ്പെടുത്താന്‍ എന്തെല്ലാം നടപടിക്രമങ്ങളാണ് സ്വീകരിക്കുകയെന്ന് വിശദമാക്കാമോ?

റേഷന്‍ കാര്‍ഡ് മുന്‍ഗണന വിഭാഗത്തിലേക്ക് മാറ്റുന്നത് സംബന്ധിച്ച പരാതി/അപേക്ഷ താലൂക്ക് സപ്ലൈ ഓഫീസര്‍ വഴി നിലവില്‍ സ്വീകരിക്കുന്നുണ്ടോ;

എങ്കില്‍ പ്രസ്തുത അപേക്ഷയോടൊപ്പം ഹാജരാക്കേണ്ട രേഖകള്‍ എന്തെല്ലാമാണെന്ന് വിശദമാക്കാമോ;

മുന്‍ഗണന വിഭാഗത്തില്‍ ഉള്‍പ്പെടുത്തുന്നതിനുള്ള അര്‍ഹത മാനദണ്ഡങ്ങള്‍ വിശദമാക്കാമോ;

മത്സ്യത്തൊഴിലാളികൾ/ക്യാന്‍സര്‍ ബാധിതര്‍/ഡയാലിസിസ് ചെയ്തുവരുന്ന വൃക്കരോഗികള്‍/മറ്റ് മാരക രോഗബാധിതര്‍ എന്നിവര്‍ ഉള്‍പ്പെട്ട കാര്‍ഡുകള്‍ മുന്‍ഗണന വിഭാഗത്തിലേക്ക് മാറ്റി നല്‍കുന്നത് സംബന്ധിച്ച് സര്‍ക്കാര്‍ ഉത്തരവുകള്‍ നിലവിലുണ്ടോ; എങ്കില്‍ ആയവയുടെ പകര്‍പ്പ് ലഭ്യമാക്കാമോ?

അനര്‍ഹര്‍ കൈവശം വച്ചുവരുന്ന മുന്‍ഗണന റേഷൻ കാർഡുകള്‍ തിരികെ ലഭ്യമാക്കാന്‍ നാളിതുവരെ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് അറിയിക്കാമോ;

നാട്ടിലെ സന്നദ്ധ സംഘടനകള്‍/നാട്ടുകാര്‍ നിര്‍മ്മിച്ച് നല്‍കിയ വീടിന്റെ വിസ്തീർണം ആയിരം ചതുരശ്ര അടിയിൽ കൂടിയതിനാല്‍ ബി.പി.എല്‍. മുന്‍ഗണന ലിസ്റ്റില്‍ നിന്നും അർഹർ ഒഴിവാക്കപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

നിർധന കുടുംബങ്ങൾക്ക് സന്നദ്ധ സംഘടനകളും മറ്റും നിർമ്മിച്ച് നല്‍കുന്ന വീടുകളുടെ വിസ്തീർണം സംബന്ധിച്ച് ബി.പി.എല്‍. മുന്‍ഗണന മാനദണ്ഡത്തില്‍ ഇളവ് നൽകുന്നത് പരിഗണിക്കുമോയെന്ന് വ്യക്തമാക്കാമോ?

സംസ്ഥാനത്ത് റേഷന്‍ കാര്‍ഡ് ഇല്ലാത്ത കുടുംബങ്ങള്‍ക്ക് പുതിയ റേഷന്‍ കാര്‍ഡുകള്‍ ലഭ്യമാക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

പുതിയ റേഷന്‍ കാര്‍ഡുകള്‍ക്ക് അപേക്ഷിക്കുന്നതിനുള്ള നടപടിക്രമങ്ങള്‍ ലളിതമാക്കിയിട്ടുണ്ടോ; വിശദാംശം നല്‍കുമോ;

റേഷന്‍ ഗുണഭോക്താക്കള്‍ക്ക് അനുവദിച്ചിട്ടുള്ള പ്രതിമാസ ഭക്ഷ്യധാന്യങ്ങളുടെ ലഭ്യത, അളവ്, വില എന്നിവ ഗുണഭോക്താക്കളെ അറിയിക്കുന്നതിന് എന്തെല്ലാം സംവിധാനങ്ങളാണ് നിലവിലുള്ളതെന്ന് വ്യക്തമാക്കാമോ?

സര്‍വ്വീസ് ഇ.പി.എഫ്. മുതലായ പെന്‍ഷന്‍ വരുമാനക്കാരെ അവരുടെ വരുമാന പരിധിക്കനുസരിച്ച് തരം തിരിച്ച് മുന്‍ഗണന വിഭാഗങ്ങളിലുള്‍പ്പെടുത്തി റേഷന്‍ കാര്‍ഡ് അനുവദിക്കുന്ന കാര്യം പരിഗണിക്കാമോ; വിശദാംശങ്ങള്‍ ലഭ്യമാക്കാമോ?

റേഷന്‍ മുന്‍ഗണന ലിസ്റ്റില്‍ നിന്നും അനര്‍ഹരെ ഒഴിവാക്കുന്നതിനുളള നടപടികള്‍ പൂര്‍ത്തിയായോ; അറിയിക്കുമോ;

സംസ്ഥാനത്താകെ അനര്‍ഹരായ എത്രപേര്‍ ഇത്തരത്തില്‍ മുന്‍ഗണന ലിസ്റ്റില്‍ നിന്നും ഒഴിവാക്കപ്പെട്ടിട്ടുണ്ട്; ജില്ല തിരിച്ചുളള കണക്ക് വ്യക്തമാക്കാമോ;

മുന്‍ഗണന ലിസ്റ്റില്‍ നിന്നും ഒഴിവാക്കാന്‍ സര്‍ക്കാര്‍ നിശ്ചയിച്ച സമയത്തിനുളളില്‍ ഒഴിവാകാത്ത എത്ര കാര്‍ഡ് ഉടമകള്‍ ഉണ്ട്; ഇവര്‍ക്കെതിരെ എന്ത് നടപടികളാണ് സ്വീകരിക്കുന്നത്; വിശദാംശങ്ങള്‍ ലഭ്യമാക്കാമോ?

കോട്ടക്കല്‍ നിയോജക മണ്ഡലത്തിലെ രാങ്ങാട്ടൂര്‍ കേന്ദ്രീകരിച്ച് ഒരു റേഷന്‍കട ആരംഭിക്കണമെന്ന റിപ്പോര്‍ട്ട് വകുപ്പിന് ലഭിച്ചിട്ടുണ്ടോ; വ്യക്തമാക്കുമോ;

പ്രസ്തുത ഫയലില്‍ സ്വീകരിച്ച നടപടികള്‍ അറിയിക്കുമോ?

റേഷന്‍ കടകളുടെ പ്രവര്‍ത്തനം സുതാര്യമാക്കുന്നതിനുവേണ്ടി തദ്ദേശസ്വയംഭരണ സ്ഥാപനങ്ങളെ ഉള്‍പ്പെടുത്തി പ്രാദേശിക തലത്തില്‍ രൂപപ്പെടുത്തുവാന്‍ വിഭാവനം ചെയ്ത വിജിലന്‍സ് കമ്മിറ്റികളുടെ പ്രവര്‍ത്തനം ആരംഭിച്ചിട്ടുണ്ടോ;

എങ്കില്‍ ആയവയുടെ പ്രവര്‍ത്തനം സംബന്ധിച്ച റിപ്പോര്‍ട്ടുകള്‍ ലഭ്യമാക്കാമോ;

ഇല്ലെങ്കില്‍ അവ ആരംഭിക്കുന്നതിനുള്ള നടപടികള്‍ സ്വീകരിക്കാമോ?

നിലമ്പൂര്‍ നിയോജക മണ്ഡലത്തില്‍ സഞ്ചരിക്കുന്ന റേഷന്‍ കടകളുടെ പ്രയോജനം ഉള്‍വനങ്ങളിലുള്ള ഏതെല്ലാം പട്ടികവര്‍ഗ കോളനികള്‍ക്കാണ് ലഭിക്കുന്നതെന്ന് അറിയിക്കാമോ; കൂടുതല്‍ പട്ടികവര്‍ഗ കോളനികളിലേക്ക് പദ്ധതി വ്യാപിപ്പിക്കുന്നതിന് അനുമതി നല്‍കുമോ; ഇതിനായി നടപടി സ്വീകരിക്കുമോ;

സഞ്ചരിക്കുന്ന റേഷന്‍ കടകള്‍ വഴി അരിയും ഗോതമ്പും ഭക്ഷ്യക്കിറ്റുകളും മാത്രമേ വിതരണം ചെയ്യാന്‍ കഴിയുന്നുള്ളൂവെന്ന കാര്യം സര്‍ക്കാരിന്റെ ശ്രദ്ധയിൽപ്പെട്ടിട്ടുണ്ടോ; വൈദ്യുതീകരണം നടക്കാത്ത പട്ടികവര്‍ഗ കോളനികളിലേക്ക് മണ്ണെണ്ണയും പഞ്ചസാരയും അടക്കമുള്ളവ സഞ്ചരിക്കുന്ന റേഷന്‍ കടകള്‍ വഴി വിതരണം ചെയ്യുന്നതിന് നടപടി സ്വീകരിക്കുമോ;

സഞ്ചരിക്കുന്ന റേഷന്‍ കടകള്‍ വഴി വിതരണം ചെയ്യുന്ന ഭക്ഷ്യവസ്തുക്കള്‍ യഥാര്‍ത്ഥ കാര്‍ഡുടമകള്‍ക്ക് ലഭിക്കുന്നുണ്ട് എന്ന് ഉറപ്പുവരുത്താന്‍ സ്വീകരിക്കുന്ന നടപടികള്‍ വിശദമാക്കാമോ; ഇതിനായി റേഷനിംഗ് ഇന്‍സ്പെക്ടര്‍ കൂടെ പോകണം എന്ന നിര്‍ദ്ദേശം പ്രായോഗികമാണോ എന്നറിയിക്കാമോ;

വിതരണം ഇ-പോസ് മെഷീന്‍ ഉപയോഗിച്ച് ബയോമെട്രിക് സംവിധാനത്തില്‍ ആക്കിയാല്‍ യഥാര്‍ത്ഥ കാര്‍ഡുടമകള്‍ക്ക് റേഷന്‍ ലഭിക്കുന്നുവെന്ന് ഉറപ്പുവരുത്താന്‍ ആകില്ലേ എന്നറിയിക്കാമോ; ഇതിനായി നടപടി സ്വീകരിക്കുമോ?

സംസ്ഥാനത്തിന് കേന്ദ്ര സർക്കാർ അനുവദിക്കുന്ന ഭക്ഷ്യധാന്യങ്ങളുടെ തോത് എത്രയാണ്; അര്‍ഹതപ്പെട്ട അളവ് ധാന്യം ലഭിക്കുന്നുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കാമോ;

സംസ്ഥാനത്തിന് ലഭിക്കേണ്ട മണ്ണെണ്ണയുടെയും പഞ്ചസാരയുടെയും തോതില്‍ കുറവ് വരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദവിവരം നല്‍കാമോ?

വയനാട് ജില്ലയില്‍ നിലവില്‍ എത്ര റേഷന്‍ കാര്‍ഡ് ഉടമകളാണ് സൗജന്യ ഭക്ഷ്യക്കിറ്റ് വാങ്ങുന്നത്; താലൂക്ക് തിരിച്ചുള്ള കണക്ക് ലഭ്യമാക്കാമോ;

വയനാട് ജില്ലയില്‍ 2021 ജനുവരി മുതല്‍ എത്ര പുതിയ റേഷന്‍ കാര്‍ഡ് അനുവദിച്ചിട്ടുണ്ട്; താലൂക്ക് തിരിച്ചുള്ള കണക്ക് ലഭ്യമാക്കാമോ?

കോവിഡിന്റെ പശ്ചാത്തലത്തില്‍ ഓണത്തിന് എല്ലാ റേഷന്‍ കാര്‍ഡ് ഉടമകള്‍ക്കും പച്ചക്കറിയും മറ്റ് ഭക്ഷ്യ സാധനങ്ങളും നല്‍കുന്നതിന് സ്വീകരിച്ചുവരുന്ന നടപടികള്‍ വ്യക്തമാക്കുമോ;

ഓണത്തിന് കൂടുതല്‍ ഓണച്ചന്തകള്‍ ആരംഭിക്കുന്നതിന് സിവില്‍ സപ്ലൈസ് വകുപ്പ് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

ദേശീയ ഭക്ഷ്യഭദ്രത നിയമം 2013 അനുസരിച്ച് സ്വകാര്യ മൊത്ത വിതരണക്കാരെ ഒഴിവാക്കി സര്‍ക്കാര്‍ നേരിട്ട് വാതില്‍പടി വിതരണം നടത്തിയതുമായി ബന്ധപ്പെട്ട് കഴിഞ്ഞ സര്‍ക്കാരിന്റെ കാലത്ത് ഗോഡൗണുകളി‍ല്‍ നിന്ന് ഉപയോഗശൂന്യമായ/നശിച്ച എത്ര ടണ്‍ ഭക്ഷ്യധാന്യങ്ങളുണ്ടെന്നുള്ള കണക്ക് വ്യക്തമാക്കാമോ;

ഇതുമായി ബന്ധപ്പെട്ട് എത്ര ഉദ്യോഗസ്ഥര്‍ക്കെതിരെ നടപടി സ്വീകരിച്ചിട്ടുണ്ടെന്ന് വ്യക്തമാക്കാമോ;

അശാസ്ത്രീയമായ ഗോഡൗണുകള്‍ ഒഴിവാക്കാന്‍ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

വാതില്‍പടി വിതരണം സപ്ലൈകോയെ ഒഴിവാക്കി വകുപ്പുതലത്തില്‍ ഏറ്റെടുത്ത് നടത്താന്‍ തീരുമാനമുണ്ടോ;

റവന്യൂ പുറമ്പോക്ക് ഭൂമി കണ്ടെത്തി ഗോഡൗണ്‍ നിര്‍മ്മിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ?

കോവിഡ് മഹാമാരിയെ തുടര്‍ന്ന് ആരംഭിച്ച ഭക്ഷ്യക്കിറ്റ് വിതരണത്തിന് ഓരോ മാസവും ചെലവഴിക്കുന്ന തുക എത്രയെന്നും റേഷന്‍ കാര്‍ഡുടമകളുടെ/കുടുംബങ്ങളുടെ എണ്ണവും അറിയിക്കുമോ;

പ്രസ്തുത ഭക്ഷ്യക്കിറ്റിന് കേന്ദ്ര വിഹിതം അനുവദിച്ചിട്ടുണ്ടോയെന്നും സംസ്ഥാനം ഇതിലേക്ക് മാറ്റി വെച്ചിട്ടുള്ള തുക എത്രയെന്നും വ്യക്തമാക്കുമോ?

കോട്ടയം, പത്തനംതിട്ട, ഇടുക്കി, പാലക്കാട്, വയനാട് എന്നീ അഞ്ച് ജില്ലകള്‍ക്കായി മണ്ണെണ്ണ വിതരണം പരിമിതപ്പെടുത്തിയ ഉത്തരവ് പുന:പരിശോധിച്ച് കേന്ദ്രത്തില്‍ നിന്നും കൂടുതല്‍ മണ്ണെണ്ണ ലഭ്യമാക്കി എല്ലാ ജില്ലകളിലും മണ്ണെണ്ണ വിതരണം ചെയ്യുന്നതിന് നടപടി സ്വീകരിക്കുമോ; വ്യക്തമാക്കാമോ;

വൈദ്യുതി ഇല്ലാത്ത വീടുകള്‍ക്കുള്ള മണ്ണെണ്ണ വിതരണം നിലവിലുള്ള മൂന്ന് മാസത്തിന് എട്ട് ലിറ്റര്‍ എന്നത് മുൻപുണ്ടായിരുന്ന ഒരു മാസം നാല് ലിറ്റര്‍ എന്ന തോതിൽ വിതരണം ചെയ്യുന്നതിനുള്ള നടപടി സ്വീകരിക്കുമോ;

പയറുവര്‍ഗ്ഗങ്ങള്‍ റേഷന്‍ കടകള്‍ വഴി വിതരണം ചെയ്യുന്നതിനുള്ള നടപടി സ്വീകരിക്കുമോ; വ്യക്തമാക്കുമോ;

വിശപ്പുരഹിത കേരളം പദ്ധതി പ്രകാരമുള്ള സുഭിക്ഷ ഹോട്ടലുകള്‍ എല്ലാ പഞ്ചായത്തുകളിലും ആരംഭിക്കുന്നതിന് നടപടി സ്വീകരിക്കുമോ; വിശദമാക്കുമോ?

റേഷന്‍ കടകളില്‍ പോയി സാധനങ്ങള്‍ വാങ്ങുന്നതിന് പരസഹായം ആവശ്യമായ നിരവധി കുടുംബങ്ങള്‍ ഉണ്ടെന്നുള്ള കാര്യം ശ്രദ്ധയില്‍പ്പെട്ടിട്ടുണ്ടോ; ഇവര്‍ക്ക് റേഷന്‍ സാധനങ്ങള്‍ വീടുകളില്‍ എത്തിച്ച് നല്‍കുന്നതിനുള്ള നടപടികള്‍ സ്വീകരിക്കുമോ;

ഇല്ലെങ്കില്‍ സഞ്ചരിക്കുന്ന റേഷന്‍ കടകള്‍ സ്ഥാപിക്കുവാന്‍ നടപടി സ്വീകരിക്കുമോ; എങ്കിൽ ആയത് ഏതൊക്കെ മേഖലകളില്‍ ആരംഭിക്കുമെന്നറിയിക്കാമോ; ആദിവാസി ഊരുകള്‍ക്ക് ഈ വിഷയത്തില്‍ പ്രഥമ പരിഗണന നല്‍കുമോ; വിശദമാക്കുമോ?

ഭക്ഷ്യക്കിറ്റിൽ പൊതുമേഖല സ്ഥാപനങ്ങള്‍ നിര്‍മ്മിക്കുന്ന സോപ്പ് കൂടി ഉള്‍പ്പെടുത്തുന്നത് പരിഗണനയിലുണ്ടോ; വ്യക്തമാക്കാമോ?

സംസ്ഥാനത്ത് ഭക്ഷ്യ പൊതുവിതരണ വകുപ്പിന്റെ കീഴിൽ ലാഭകരമായി പ്രവർത്തിക്കുന്ന സൂപ്പർമാർക്കറ്റുകളും മറ്റ് സ്ഥാപനങ്ങളും വാടക കെട്ടിടത്തിൽ പ്രവർത്തിക്കുന്നത് ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രസ്തുത സ്ഥാപനങ്ങൾക്ക് സർക്കാർ ഉടമസ്ഥതയിലുള്ള സ്ഥലം ഏറ്റെടുത്ത് സ്വന്തം കെട്ടിടം നിർമ്മിക്കാൻ നടപടി സ്വീകരിക്കുമോ; എങ്കിൽ എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കാമോ;

കൂത്തുപറമ്പ് മണ്ഡലത്തിലെ ലാഭത്തിൽ പ്രവർത്തിക്കുന്ന സപ്ലൈകോ സൂപ്പർ മാർക്കറ്റുകള്‍ക്ക് ഇപ്രകാരം കെട്ടിടം നിർമ്മിക്കുന്നത് പരിശോധിക്കുമോ; എങ്കിൽ ഇക്കാര്യത്തിൽ എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കാമോ;

കൂത്തുപറമ്പ് മണ്ഡലത്തിലെ പാനൂരിൽ സപ്ലൈകോ മെഡിക്കൽ സ്റ്റോർ അനുവദിക്കാൻ നടപടി സ്വീകരിക്കുമോ; എങ്കിൽ വിശദമാക്കാമോ?

ഉത്പന്നങ്ങൾ വാങ്ങിയ വകയിൽ സിവിൽ സപ്ലൈസ് കോർപ്പറേഷൻ നാളിതുവരെ വിതരണക്കാർക്ക് നൽകാനുള്ള കുടിശ്ശിക എത്ര രൂപയാണെന്ന് വ്യക്തമാക്കുമോ;

ഈ തുക കുടിശ്ശികയായതിനുള്ള കാരണങ്ങൾ വ്യക്തമാക്കുമോ;

കിറ്റുകൾ വിതരണം ചെയ്ത ഇനത്തിൽ റേഷൻ വ്യാപാരികൾക്ക് നൽകാനുള്ള കമ്മീഷൻ എത്ര മാസത്തേത് കുടിശ്ശിക ആയിട്ടുണ്ട്;

റേഷൻ കടക്കാരുടെ കമ്മീഷൻ തുക വിതരണം ചെയ്യാത്തത് ഇവരെ പ്രതിസന്ധിയിലാക്കും എന്ന് കരുതുന്നുണ്ടോ; വ്യക്തമാക്കുമോ;

എങ്കില്‍ ഈ ഓണക്കാലത്തിനു മുന്‍പായി കുടിശ്ശിക തുക മുഴുവനായും വിതരണം ചെയ്യുന്ന കാര്യം സര്‍ക്കാര്‍ പരിഗണിക്കുമോ?

സംസ്ഥാനത്ത് മാവേലി സ്റ്റോറുകളുടെ പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കാന്‍ എന്തെല്ലാം നടപടികളാണ് സ്വീകരിയ്ക്കാനുദ്ദേശിക്കുന്നതെന്ന് വ്യക്തമാക്കുമോ;

മാവേലി സ്റ്റോറുകള്‍ ഇല്ലാത്ത പഞ്ചായത്തുകളില്‍ പുതിയവ ആരംഭിക്കുവാന്‍ നടപടി സ്വീകരിച്ചിട്ടുണ്ടോ; വിശദമാക്കുമോ?

പയ്യന്നൂര്‍ മണ്ഡലത്തിലെ പെരിങ്ങോം വയക്കര ഗ്രാമപഞ്ചായത്തിലെ പാടിച്ചാലില്‍ പ്രവര്‍ത്തിക്കുന്ന സപ്ലൈകോ സ്റ്റാളിന്റെ വാടക നിലവില്‍ ആരാണ് വഹിക്കുന്നതെന്ന് അറിയിക്കുമോ; പ്രസ്തുത സ്റ്റാളിന്റെ വാടക സിവില്‍ സപ്ലൈസ് വകുപ്പില്‍ നിന്നും നല്‍കാന്‍ നടപടി സ്വീകരിക്കുമോ?

സംസ്ഥാനത്ത് എത്ര ജനകീയ ഹോട്ടലുകളാണ് ആരംഭിച്ചതെന്ന് അറിയിക്കുമോ;

സര്‍ക്കാര്‍ എന്തൊക്കെ ആനുകൂല്യങ്ങളാണ് ജനകീയ ഹോട്ടലുകള്‍ക്ക് നല്‍കുന്നതെന്ന് അറിയിക്കുമോ?

ഗ്യാസ് ഏജന്‍സികളുടെ ഗോഡൗണുകള്‍ പ്രവര്‍ത്തിക്കുന്നത് നിര്‍ദ്ദിഷ്ട സുരക്ഷ മാനദണ്ഡങ്ങള്‍ പാലിച്ചുകൊണ്ടാണോയെന്ന് പരിശോധിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

ഗോഡൗണിലേക്ക് വരുന്ന ഗ്യാസ് സിലിണ്ടര്‍ കയറ്റിയ ലോറികള്‍ റോഡില്‍/റസിഡന്‍ഷ്യല്‍ ഏര്യകളില്‍ നിര്‍ത്തിയിടുന്നത് കാരണമുണ്ടാകുന്ന ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഒഴിവാക്കാനാവശ്യമായ നിര്‍ദ്ദേശം നല്‍കുമോ?

സിവിൽ സപ്ലൈസ് വകുപ്പ് തിരുവല്ലയിൽ നിർമ്മിക്കുന്ന ഷോപ്പിംഗ് കോംപ്ലക്സിന്റെ നിർമ്മാണ പുരോഗതി വിശദമാക്കാമോ;

പ്രസ്തുത ഷോപ്പിംഗ് കോംപ്ലക്സിന്റെ നിർമ്മാണം പൂർത്തീകരിച്ച് എന്നത്തേക്ക് ഉദ്ഘാടനം ചെയ്യാമെന്ന് വ്യക്തമാക്കാമോ;

ഷോപ്പിംഗ് കോംപ്ലക്സിൽ എന്തെല്ലാം സൗകര്യങ്ങളും സേവനങ്ങളുമാണ് ഉൾപ്പെടുത്തുവാൻ ഉദ്ദേശിക്കുന്നതെന്ന് വ്യക്തമാക്കുമോ?

പുതുതായി അനുവദിച്ച താലൂക്കുകളില്‍ ലീഗല്‍ മെട്രോളജി വകുപ്പിന് കീഴില്‍ ഫുള്‍ടൈം വാച്ചര്‍, ഓഫീസ് അസിസ്റ്റന്റ് എന്നീ തസ്തികകളിലായി എത്ര താല്‍ക്കാലിക ഒഴിവുകള്‍ നിലവിലുണ്ടെന്ന് വ്യക്തമാക്കാമോ;

പ്രസ്തുത തസ്തികകളില്‍ സ്ഥിരനിയമനം നടത്തുന്നതിന് ഉദ്ദേശിക്കുന്നുണ്ടോ; ഇല്ലെങ്കില്‍ സ്ഥിരനിയമനം നടത്തുന്നതിന് നിലവിലുള്ള തടസ്സങ്ങളെന്തെല്ലാമെന്ന് അറിയിക്കാമോ;

നിലവിലെ ലാസ്റ്റ് ഗ്രേഡ് റാങ്ക് ലിസ്റ്റില്‍ നിന്നും പ്രസ്തുത തസ്തികകളിലേയ്ക്ക് ഉദ്യോഗാര്‍ത്ഥികളെ നിയമിക്കണമെന്ന കോടതി ഉത്തരവ് നിലവിലുണ്ടോ; എങ്കില്‍ പ്രസ്തുത ഉത്തരവ് പ്രകാരം പുതുതായി അനുവദിച്ച താലൂക്കുകളില്‍ വകുപ്പിന് കീഴിലെ ഫുള്‍ടൈം വാച്ചര്‍, ഓഫീസ് അസിസ്റ്റന്റ് എന്നീ തസ്തികകളിലെ ഒഴിവുകള്‍ പി.എസ്.സി. യ്ക്ക് റിപ്പോര്‍‌ട്ട് ചെയ്യുന്നതിനുള്ള സത്വര നടപടി സ്വീകരിക്കുമോ; വിശദമാക്കുമോ?