സംസ്ഥാനത്ത് തുറമുഖ വകുപ്പ് വഴി നല്‍കുന്ന ലൈസന്‍സുകള്‍ ഏതെല്ലാമെന്ന് വിശദമാക്കാമോ;

തുറമുഖ വകുപ്പ് വഴി നല്‍കിയിരുന്ന ബോട്ട് മാസ്റ്റര്‍ (ടിക്കറ്റ് കളക്ടര്‍) ലൈസന്‍സ് വിതരണം നിര്‍ത്തിവെച്ചതിന്റെ കാരണം വ്യക്തമാക്കാമോ;

ബോട്ട് മാസ്റ്റര്‍ (ക്യാഷ് കളക്ടര്‍) ലൈസന്‍സ് നിലവില്‍ പുതുക്കി നല്‍കുന്നുണ്ടോ; വ്യക്തമാക്കാമോ;

നിലവില്‍ എത്ര ബോട്ട് മാസ്റ്റര്‍ (ടിക്കറ്റ് കളക്ടര്‍) ലൈസന്‍സ് തുറമുഖ വകുപ്പ് വഴി പുതുക്കി നല്‍കിയിട്ടുണ്ട് എന്ന് വ്യക്തമാക്കാമോ;

പുതുതായി ബോട്ട് മാസ്റ്റര്‍ (ടിക്കറ്റ് കളക്ടര്‍) ലൈസന്‍സ് വിതരണം ചെയ്യുന്നതിന് ഏതെങ്കിലും സാങ്കേതിക തടസ്സം നിലവിലുണ്ടോ; വിശദമാക്കാമോ?

വിഴിഞ്ഞം അന്താരാഷ്ട്ര തുറമുഖത്തിന്റെ പുലിമുട്ട് നിർമാണം എത്ര ശതമാനം പൂർത്തിയായി; ബാക്കി എപ്പോൾ പൂർത്തിയാകും എന്ന് അറിയിക്കാമോ;

വിഴിഞ്ഞം അന്താരാഷ്ട്ര തുറമുഖ പദ്ധതിയുമായി ബന്ധപ്പെട്ട്‌ റെയിൽവേ ലൈൻ സ്ഥാപിക്കുന്നതിനുള്ള നടപടികളുടെ നിലവിലെ സ്ഥിതി വിശദീകരിക്കാമോ;

വിഴിഞ്ഞം അന്താരാഷ്ട്ര തുറമുഖവുമായി ബന്ധപ്പെട്ട് തദ്ദേശവാസികൾക്ക് നൽകിയിട്ടുള്ള പുനരധിവാസ പാക്കേജ് പ്രകാരമുള്ള ആനുകൂല്യങ്ങൾ വിഴിഞ്ഞം, വിഴിഞ്ഞം ഹാർബർ മേഖല, അടിമലത്തുറ എന്നിവിടങ്ങളിലുള്ള നിരവധിപേർക്ക് ഇനിയും ലഭ്യമാകാനുണ്ട് എന്ന വിവരം ശ്രദ്ധയിൽപ്പെട്ടിട്ടുണ്ടോ; ഇവർക്ക് ആനുകൂല്യങ്ങൾ എപ്പോൾ നൽകാൻ സാധിക്കും എന്ന് അറിയിക്കാമോ?

കൊല്ലം തുറമുഖത്തിലെ ചരക്ക് ഗതാഗത സര്‍വ്വീസ് ഫലപ്രദമായി നടപ്പിലാക്കുന്നതിനും യാത്ര കപ്പല്‍ സര്‍വ്വീസ് ആരംഭിക്കുന്നതിനും കൊല്ലം തുറമുഖത്ത് സ്ഥിരമായ എമിഗ്രേഷന്‍ ക്ലിയറന്‍സ് സൗകര്യം ഏര്‍പ്പെടുത്തുന്നതിന് കേന്ദ്രസര്‍ക്കാര്‍ എന്തെല്ലാം ഉപാധികളാണ് മുന്നോട്ട് വച്ചിട്ടുള്ളതെന്ന് അറിയിക്കാമോ;

കേന്ദ്ര ആഭ്യന്തര മന്ത്രാലയത്തില്‍ നിന്നും അനുകൂലമായ അനുമതി ലഭ്യമാക്കുന്നതിന് സംസ്ഥാന ആഭ്യന്തര വകുപ്പ് മുഖേന ആവശ്യമായ ഇടപെടല്‍ നടത്തുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

കൊച്ചി തുറമുഖത്തുനിന്ന് ബേപ്പൂര്‍, അഴീക്കല്‍ തുറമുഖങ്ങളിലേക്കുള്ള ചരക്ക് നീക്കവും തുടര്‍ന്ന് കൊല്ലത്തേയ്ക്കുള്ള സേവനം നീട്ടലും ഉൾപ്പെട്ട പദ്ധതി പ്രവര്‍ത്തനം ഇപ്പോള്‍ ഏതു ഘട്ടത്തിലാണ്, വിശദാംശം ലഭ്യമാക്കുമോ;

പ്രസ്തുത ചരക്ക് ഇടനാഴി പദ്ധതി കേന്ദ്ര സര്‍ക്കാര്‍ ​ഏറ്റെടുത്തുവോ; എങ്കില്‍ അതുമൂലം സംസ്ഥാനത്തിനുണ്ടാകുന്ന നേട്ടവും കേന്ദ്ര സര്‍ക്കാര്‍ സഹായങ്ങളും സംബന്ധിച്ച വിശദാംശം ലഭ്യമാക്കുമോ;

ഇതുവഴി ബേപ്പൂര്‍, അഴീക്കല്‍, കൊച്ചി, കൊല്ലം തുറമുഖങ്ങള്‍ക്കുണ്ടാകുന്ന നേട്ടങ്ങളും തൊഴിലാളികള്‍ക്ക് ലഭ്യമാകുന്ന തൊഴിലുറപ്പും സംബന്ധിച്ച വിശദാംശങ്ങള്‍ എന്തെല്ലാമെന്ന് വ്യക്തമാക്കുമോ?

അഴീക്കല്‍ തുറമുഖ പരിധിയില്‍ ആധുനിക മണല്‍ പ്ലാന്റ് സ്ഥാപിക്കുന്നതിനുളള നടപടികള്‍ കേരള മാരിടെെം ബോര്‍ഡിന്റെയോ തുറമുഖ വകുപ്പിന്റെയോ പരിഗണനയിലുണ്ടോ എന്ന് അറിയിക്കുമോ;

ഇവ സ്ഥാപിക്കുന്നതിന് പ്രാരംഭ ഘട്ടത്തില്‍ സ്വീകരിക്കേണ്ട നടപടികള്‍ എന്തൊക്കെയാണെന്ന് വിശദമാക്കാമോ;

മണല്‍ പ്ലാന്റ് അഴീക്കല്‍ തുറമുഖത്ത് സ്ഥാപിക്കുന്നതിന് എന്തെങ്കിലും ബുദ്ധിമുട്ടുകള്‍ ഉണ്ടെങ്കില്‍ ആയത് വിശദമാക്കാമോ?

വല്ലാര്‍പാടം കണ്ടെയിനര്‍ ടെര്‍മിനല്‍ റോഡിൽ സ്ട്രീറ്റ് ലൈറ്റുകള്‍ സ്ഥാപിക്കുന്നതിലെ തടസ്സങ്ങള്‍ എന്തെന്ന് വിശദമാക്കാമോ;

വര്‍ദ്ധിച്ചുവരുന്ന അപകടങ്ങളും യാത്രാക്ലേശവും കണക്കിലെടുത്ത് ഈ റോഡിൽ സ്ട്രീറ്റ് ലൈറ്റുകള്‍ സ്ഥാപിക്കാൻ നടപടി സ്വീകരിക്കുമോ;

ഈ റോഡ് കടന്നുപോകുന്ന മുളവുകാട് വടക്കേ അറ്റത്ത് നിര്‍മ്മിച്ചിട്ടുള്ള തുരങ്ക പാതയും ബോള്‍ഗാട്ടിയില്‍ നിന്നും തുരങ്കപാതയിലൂടെ മുളവുകാടേക്ക് പ്രവേശിക്കുന്നതിനുള്ള അപ്രോച്ച് റോഡും നിര്‍മ്മിക്കുന്നതിനായി നടപടികള്‍ സ്വീകരിച്ചിട്ടുണ്ടോ; എങ്കില്‍ സ്വീകരിച്ചിട്ടുള്ള നടപടികള്‍ വിശദമാക്കാമോ?

ആവശ്യമായ സ്ഥലം ലഭ്യമാക്കുകയാണെങ്കില്‍ തിരുവമ്പാടിയില്‍ കുടിയേറ്റ സ്മാരക പാര്‍ക്കും മ്യൂസിയവും സ്ഥാപിക്കുന്ന കാര്യം പരിഗണിക്കുമോ എന്ന് വ്യക്തമാക്കുമോ;

ആയതിനാവശ്യമായ നടപടികള്‍ സ്വീകരിക്കുമോ എന്ന് അറിയിക്കുമോ?

ചങ്ങനാശ്ശേരി പൈതൃക മ്യൂസിയത്തിന്റെ പ്രവര്‍ത്തനം ആരംഭിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വ്യക്തമാക്കുമോ;

മ്യൂസിയം പ്രവര്‍ത്തിപ്പിക്കുന്നതിന് ആവശ്യമായ ജീവനക്കാരെ നിയമിച്ചിട്ടുണ്ടോ എന്ന് വ്യക്തമാക്കുമോ; വിശദാംശം നല്‍കുമോ;

സന്ദര്‍ശകരെ മ്യൂസിയത്തില്‍ പ്രവേശിപ്പിക്കുന്നതിന് തീരുമാനം എടുത്തിട്ടുണ്ടോ എന്ന് വ്യക്തമാക്കുമോ; എങ്കില്‍ സന്ദര്‍ശന സമയം അറിയിക്കുമോ;

പൈതൃക മ്യൂസിയത്തിന്റെ പ്രവര്‍ത്തനം എത്രയും വേഗം ആരംഭിക്കുന്നതിന് നടപടികള്‍ സ്വീകരിക്കുമോ എന്ന് വ്യക്തമാക്കുമോ?

പുരാവസ്തു വകുപ്പിന് കീഴിലുള്ള പുരാവസ്തു മ്യൂസിയങ്ങള്‍ ഏതൊക്കെയെന്ന് വ്യക്തമാക്കാമോ; ഓരോ ജില്ലയുടെയും പ്രത്യേകമായ പൈതൃകം കാത്ത് സൂക്ഷിക്കുന്നതിനായി എല്ലാ ജില്ലകളിലും ജില്ലാ പൈതൃക മ്യൂസിയം സ്ഥാപിക്കുന്നതിനുള്ള നടപടികള്‍ ആരംഭിച്ചിട്ടുണ്ടോ; എങ്കില്‍ വിശദാംശങ്ങള്‍ വ്യക്തമാക്കാമോ;

പുരാവസ്തു വകുപ്പിന് കീഴിലുള്ള സംരക്ഷിത സ്മാരകങ്ങളുടെ സംരക്ഷണ പ്രവൃത്തികള്‍ പൂര്‍ത്തിയായിട്ടുണ്ടോ; ആയതിന്റെ നിലവിലെ അവസ്ഥ വ്യക്തമാക്കാമോ; പ്രസ്തുത പ്രവൃത്തികള്‍ എന്നത്തേക്ക് പൂര്‍ത്തിയാക്കാന്‍ കഴിയുമെന്ന് വ്യക്തമാക്കാമോ;

പുരാവസ്തു മ്യൂസിയങ്ങളും പൈതൃക മ്യൂസിയങ്ങളും കാലോചിതമായി വികസിപ്പിക്കുന്നതിനുള്ള പ്രവര്‍ത്തനങ്ങള്‍ ഏറ്റെടുത്ത് നടത്തുന്നുണ്ടോ; എങ്കില്‍ വിശദാംശങ്ങള്‍ വ്യക്തമാക്കുമോ?

വിഴിഞ്ഞം ഗുഹാക്ഷേത്രത്തിന്റെ പൗരാണികത നിലനിർത്തി ക്ഷേത്രം നവീകരിക്കുന്നതിന് പദ്ധതി തയ്യാറാക്കുമോ;

കഴിഞ്ഞ അഞ്ച് വർഷത്തിനിടയിൽ വിഴിഞ്ഞം ഗുഹാക്ഷേത്രത്തിന്റെ വികസനത്തിന് വേണ്ടി എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്നും പദ്ധതികൾക്കായി എത്ര തുക ചെലവഴിച്ചുവെന്നും വിശദമാക്കാമോ?

2016 മുതല്‍ 2021 വരെ തക്കല പത്മനാഭപുരം കൊട്ടാരത്തിന്റെ നവീകരണവുമായി ബന്ധപ്പെട്ട് എത്ര തുക ചെലവഴിച്ചിട്ടുണ്ടെന്ന് അറിയിക്കുമോ; ഈ തുക വിനിയോഗിച്ച് ഏതൊക്കെ പ്രവൃത്തികളാണ് ചെയ്തതെന്ന് അറിയിക്കുമോ; ആയതിന്റെ വിശദാംശങ്ങള്‍ ലഭ്യമാക്കുമോ;

പ്രസ്തുത കൊട്ടാരത്തില്‍ നിലവില്‍ എത്ര ജീവനക്കാരുണ്ടെന്ന് അറിയിക്കുമോ; ഇതില്‍ കരാര്‍ വ്യവസ്ഥയിലും ഡെപ്യൂട്ടേഷന്‍ വ്യവസ്ഥയിലും ജോലി ചെയ്യുന്നവരുടെ വിവരങ്ങള്‍ ഇനം തിരിച്ച് അറിയിക്കാമോ;

ഇതിൽ കരാര്‍ ജീവനക്കാര്‍ക്ക് ഏത് മാസം വരെയുളള വേതനം നല്‍കിയിട്ടുണ്ടെന്ന് അറിയിക്കുമോ; ഇവര്‍ക്ക് ശമ്പളം കൃത്യമായി നല്‍കുന്നതിന് തടസ്സം നേരിട്ടിട്ടുണ്ടോ; എങ്കിൽ ശമ്പളം കൃത്യമായി നല്‍കുന്നതിനുളള നടപടികള്‍ സ്വീകരിക്കാമോ; വിശദാംശം അറിയിക്കാമോ?

സംസ്ഥാന സര്‍ക്കാരിന്റെ അധീനതയില്‍ എത്ര താളിയോല പുരാരേഖകള്‍ സൂക്ഷിക്കുന്നുണ്ടെന്ന് വ്യക്തമാക്കാമോ;

പ്രസ്തുത പുരാരേഖകള്‍ വിദ്യാര്‍ത്ഥികള്‍ക്ക് ഗുണകരമാകുന്ന തരത്തിൽ ഉപയോഗിക്കപ്പെടുന്നുണ്ടോ; എങ്കില്‍ എങ്ങനെയെന്ന് വിശദമാക്കാമോ;

പ്രസ്തുത പുരാരേഖകളിലെ രേഖപ്പെടുത്തലുകള്‍ വിദ്യാര്‍ത്ഥികള്‍ക്കും ചരിത്രാന്വേഷകര്‍ക്കും പറഞ്ഞു കൊടുക്കുന്നതിന്