വയനാട് മുട്ടിലില്‍ അനധികൃതമായി മരം മുറിച്ചു കടത്തിയ സംഭവത്തില്‍ വനം ചെക്ക്പോസ്റ്റ് ഉദ്യോഗസ്ഥര്‍ പ്രതികളെ സഹായിക്കാന്‍ കൂട്ടുനിന്നു എന്ന് അന്വേഷണത്തില്‍ വെളിവായിട്ടുണ്ടോ;

പ്രസ്തുത സംഭവം സംബന്ധിച്ച അന്വേഷണത്തെ തുടര്‍ന്ന് ഏതെങ്കിലും ഉദ്യോഗസ്ഥര്‍ക്കെതിരെ നടപടി സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ;

മുൻ സര്‍ക്കാരിന്റെ കാലത്തെ വനംവകുപ്പു മന്ത്രിയുടെ അഡീഷണല്‍ പ്രെെവറ്റ് സെക്രട്ടറി മുട്ടില്‍ മരംമുറി കേസിലെ പ്രതികളുമായി ഫോണ്‍ സംഭാഷണം നടത്തിയെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ഉദ്യോഗസ്ഥന്‍ പിന്നീട് വനം വകുപ്പിലെ ഏതെങ്കിലും ഉദ്യോഗസ്ഥരെ ബന്ധപ്പെട്ട് മുട്ടില്‍ മരംമുറി കേസിലെ പ്രതികള്‍ക്ക് സഹായം ലഭ്യമാക്കാന്‍ ശ്രമിച്ചിരുന്നു എന്ന് കണ്ടെത്തിയിട്ടുണ്ടോ; എങ്കില്‍ ഇക്കാര്യം അന്വേഷണ വിധേയമാക്കിയിട്ടുണ്ടോ; വ്യക്തമാക്കുമോ?

കടലാക്രമണം രൂക്ഷമായ സ്ഥലങ്ങളി‍ല്‍ തീരം സംരക്ഷിക്കാനായി ജലവിഭവ വകുപ്പ് നടത്തി വരുന്ന പ്രവര്‍ത്തനങ്ങള്‍ വിശദമാക്കാമോ; കിഫ്ബി ഫണ്ടുപയോഗിച്ച് നടത്തി വരുന്ന തീരസംരക്ഷണ പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കുമോ;

കടലാക്രമണം രൂക്ഷമായ തീരപ്രദേശത്തിന്റെ ദൈര്‍ഘ്യം ഏറെയാണെന്നതും കരിങ്കല്ലിന്റെ ലഭ്യതക്കുറവും മുൻനിർത്തി കരിങ്കല്‍ ഭിത്തിക്കു ബദലായി മറ്റ് സാങ്കേതിക മാര്‍ഗ്ഗങ്ങള്‍ പ്രായോഗികമാക്കേണ്ടതിന്റെ ആവശ്യകത പരിശോധിച്ചിട്ടുണ്ടോ; വിശദമാക്കുമോ;

പരീക്ഷണാടിസ്ഥാനത്തില്‍ ജിയോട്യൂബ് സ്ഥാപിച്ചതിന്റെ വിലയിരുത്തല്‍ നടത്തിയിട്ടുണ്ടോ; ജിയോബാഗ് ഉപയോഗിച്ചുള്ള കടല്‍ ഭിത്തി നിര്‍മ്മാണത്തിന്റെ നേട്ടങ്ങളും കോട്ടങ്ങളും അവലോകനം ചെയ്തിട്ടുണ്ടോ; എങ്കില്‍ വിശദാംശങ്ങള്‍ ലഭ്യമാക്കുമോ?

പശ്ചിമഘട്ടം ഉൾപ്പെടെയുള്ള സംസ്ഥാനത്തെ വനമേഖലകളിൽ ഉണ്ടാകുന്ന കാട്ടുതീമൂലം വലിയ തോതില്‍ വനസമ്പത്തും പക്ഷിമൃഗാദികളും നശിച്ചുപോകുന്നതായ വസ്തുത കാലാവസ്ഥാ വ്യതിയാനത്തിന്റെ സവിശേഷമായ സാഹചര്യത്തില്‍ പ്രത്യേകമായി വിശകലനം ചെയ്തിട്ടുണ്ടോ; വിശദമാക്കുമോ;

കാട്ടുതീ തടയുന്നതിനും നിയന്ത്രിക്കുന്നതിനുമായുള്ള പദ്ധതിയുമായി ബന്ധപ്പെട്ട് എന്തെല്ലാം പ്രവൃത്തികളാണ് ലക്ഷ്യമിടുന്നതെന്ന് വ്യക്തമാക്കുമോ;

പ്രകൃതിദത്തമായ ജലസ്രോതസ്സുകളുടെയും കാട്ടരുവികളുടെയും സംരക്ഷണത്തിലൂടെ കാട്ടുതീ നിയന്ത്രണത്തിന് ഉതകുന്ന പദ്ധതികള്‍ ആസൂത്രണം ചെയ്തു നടപ്പാക്കാന്‍ ഉദ്ദേശിക്കുന്നുണ്ടോ;

വനാന്തരങ്ങളിലും വനത്തോടനുബന്ധിച്ചും അധിവസിക്കുന്ന ജനവിഭാഗങ്ങളെ കാട്ടുതീ നിയന്ത്രണ ബോധവല്‍ക്കരണത്തിലും പ്രവര്‍ത്തനങ്ങളിലും പങ്കാളികളാക്കുന്നതിന് നടപടി സ്വീകരിച്ചിട്ടുണ്ടോ?

സംസ്ഥാനത്തിന്റെ ഹരിത കവചം മുപ്പത്തിമൂന്ന് ശതമാനമാക്കാനുള്ള ഊര്‍ജ്ജിത ശ്രമങ്ങളുടെ ഭാഗമായി വനം വകുപ്പ് നടപ്പാക്കുന്ന സ്ഥാപന വനവല്‍ക്കരണ പദ്ധതി പ്രകാരം മികച്ച രീതിയില്‍ മരം നട്ടുവളര്‍ത്തി പരിപാലിക്കുന്നവര്‍ക്ക് അവാര്‍ഡ് ഏര്‍പ്പെടുത്താന്‍ ആലോചിക്കുന്നുണ്ടോ;

പ്രസ്തുത അവാര്‍ഡിനായി പ്രത്യേക മാനദണ്ഡങ്ങള്‍ തയ്യാറാക്കിയിട്ടുണ്ടോ; വ്യക്തമാക്കുമോ;

അതിജീവനത്തിന്റെ മാര്‍ഗ്ഗമാണ് പ്രകൃതി സംരക്ഷണമെന്ന് പുതിയ തലമുറയെ ബോധ്യപ്പെടുത്തുന്നതിന്റെ ഭാഗമായി സ്കൂള്‍, കോളേജ് തലങ്ങളില്‍ നടപ്പാക്കുന്ന വിദ്യാവനം പദ്ധതിയുടെയും പട്ടണങ്ങളില്‍ നടപ്പാക്കുന്ന നഗരവനം പദ്ധതിയുടെയും വിശദാംശങ്ങള്‍ ലഭ്യമാക്കുമോ?

വനങ്ങളുടെ സ്വാഭാവിക പുനരുജ്ജീവനത്തെ സഹായിക്കുന്നതിനായി ദേശീയ വനവല്‍ക്കരണ പരിപാടിയുമായി ബന്ധപ്പെട്ട് ഏറ്റെടുത്ത് നടപ്പാക്കിയ പദ്ധതിയുടെ വിശദാംശങ്ങള്‍ ലഭ്യമാക്കുമോ;

വനമേഖലയുടെ വികസനത്തില്‍ ഉള്‍പ്പെടുത്തി ആര്‍ട്ടിഫിഷ്യല്‍ റീജനറേഷന്‍, പാര്‍സ്ച്ചര്‍ ഡവലപ്പ്മെന്റ്, പുല്‍മേടുകളുടെ വികസനം എന്നിവയുടെ പുരോഗതി അറിയിക്കുമോ;

മുളങ്കാടുകളുടെയും ചൂരല്‍കാടുകളുടെയും പുനരുജ്ജീവനത്തിനും വനമേഖലയെ ആശ്രയിച്ചു കഴിയുന്നവരുടെ ഉപജീവനം മെച്ചപ്പെടുത്തുന്നതിനും ഉതകുന്ന എന്തെല്ലാം പദ്ധതികളാണ് നടന്നു വരുന്നതെന്നും അവയുടെ പുരോഗതി സംബന്ധിച്ച വിവരവും വെളിപ്പെടുത്താമോ?

പട്ടികജാതികളിലും പട്ടിക വര്‍ഗ്ഗ ഗോത്രങ്ങളിലും പെട്ടവരുടെ ഭവനരാഹിത്യം സമയബന്ധിതമായി പരിഹരിക്കാന്‍ നടത്തുന്ന പ്രവര്‍ത്തനങ്ങള്‍ വിശദമാക്കാമോ;

ഭവനരഹിതരും ഭൂരഹിതരുമായ എത്ര പട്ടികജാതി, പട്ടികവര്‍ഗ്ഗ ഗോത്ര കുടുംബങ്ങള്‍ ഉണ്ടെന്നതിന്റെ കണക്ക് ലഭ്യമാണോ;

കഴിഞ്ഞ സര്‍ക്കാരിന്റെ കാലത്ത് പട്ടികജാതി, പട്ടികവര്‍ഗ്ഗ ഗോത്ര കുടുംബങ്ങള്‍ക്ക് അനുവദിച്ച ആകെ വീടുകളുടെ എണ്ണവും പ്രസ്തുത കാലയളവില്‍ പണി പൂര്‍ത്തിയാക്കാതെ കിടന്നിരുന്നതുള്‍പ്പെടെ പൂര്‍ത്തീകരിച്ച വീടുകളുടെ എണ്ണവും എത്രയെന്നതിന്റെ വിവരം ലഭ്യമാണോ;

നിലവിലവില്‍ വാസയോഗ്യമല്ലാത്ത വീട്ടില്‍ താമസിയ്ക്കുന്നതും എന്നാല്‍ വീടുണ്ടെന്ന കാരണത്താല്‍ ഗുണഭോക്തൃ ലിസ്റ്റില്‍ ഉള്‍പ്പെടാതെ പോകുകയും ചെയ്തവരെ അര്‍ഹത ലിസ്റ്റില്‍പ്പെടുത്താന്‍ ഉദ്ദേശിക്കുന്നുണ്ടോ എന്ന് വ്യക്തമാക്കാമോ?

മുട്ടില്‍ മരംമുറി കേസില്‍ പിടിച്ചെടുത്ത തടി സ്വാഭാവിക വനമേഖലയില്‍ നിന്നും മുറിച്ചെടുത്തിട്ടുളളതാണെന്ന് സര്‍ക്കാര്‍ ഹെെക്കോടതിയില്‍ റിപ്പോര്‍ട്ട് നല്‍കിയിട്ടുണ്ടോ;

റവന്യൂ പട്ടയഭൂമിയിലെ മരങ്ങള്‍ മുറിക്കാന്‍ നല്‍കിയ ഉത്തരവിനെത്തുടര്‍ന്ന് വനമേഖലയില്‍ നിന്നും മരങ്ങള്‍ മുറിച്ചു കടത്തുവാന്‍ സാഹചര്യമുണ്ടായത് എങ്ങനെയാണെന്ന് വ്യക്തമാക്കുമോ;

സര്‍ക്കാര്‍ ഉത്തരവിനെത്തുടര്‍ന്ന് നടന്ന അനധികൃത മരം മുറിയ്ക്ക് ഉന്നത ഉദ്യോഗസ്ഥരുടെയും മുന്‍ വനം മന്ത്രിയുടെ ഓഫീസിന്റെയും പിന്തുണയുണ്ടായിരുന്നു എന്ന് ആരോപണങ്ങള്‍ ഉയര്‍ന്ന സാഹചര്യത്തില്‍ കുറ്റക്കാരെ ശിക്ഷിക്കുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സംസ്ഥാനത്ത് കെ.എം. മാണി മൈക്രോ ഇറിഗേഷന്‍ എന്ന പേരില്‍ ഒരു പദ്ധതി ജലസേചന വകുപ്പ് നടപ്പിലാക്കാന്‍ തീരുമാനിച്ചി‌ട്ടുണ്ടോ;

എങ്കില്‍ പ്രസ്തുത പദ്ധതിയുടെ ഉദ്ദേശ്യലക്ഷ്യ‍ങ്ങള്‍ എന്തെല്ലാമെന്ന് വ്യക്തമാക്കുമോ;

സംസ്ഥാനത്തെ എല്ലാ പ്രദേശങ്ങളിലും എല്ലാ വിളകള്‍ക്കും പ്രസ്തുത പദ്ധതിയിലൂ‌ടെ ജലസേചന സൗകര്യം ലഭ്യമാക്കുമോ;

പ്രസ്തുത പദ്ധതിയ്ക്കായി കാര്‍ഷിക വിളകളുടെ ഇനം തിരിച്ച് മേഖലകളോ ക്ലസ്റ്ററുകളോ രൂപീകരിക്കാന്‍ ഉദ്ദേശിക്കുന്നുണ്ടോ എന്ന് വ്യക്തമാക്കുമോ?

കൊവിഡ് മഹാമാരി കാരണം നിര്‍ബന്ധമാക്കിയ അടച്ചുപൂട്ടല്‍ മറ്റു രംഗങ്ങളിലെന്നപോലെ ദേവസ്വം ബോ‍ര്‍ഡുകളുടെയും പ്രവര്‍ത്തനത്തില്‍ സാമ്പത്തിക പ്രതിസന്ധി സൃഷ്ടിച്ചിട്ടുണ്ടോയെന്ന് അറിയിക്കാമോ;

പ്രതിസന്ധിക്കിടയിലും ക്ഷേത്രജീവനക്കാര്‍ക്കു ശമ്പളം നല്‍കുന്നതിനും ദീര്‍ഘകാലത്തിനു ശേഷം മലബാര്‍ ദേവസ്വം ബോര്‍ഡിനു കീഴിലുള്ള ക്ഷേത്ര ജീവനക്കാരുടെ ശമ്പളം പരിഷ്ക്കരിക്കുന്നതിനും സാധ്യമായിട്ടുണ്ടോ;

മലബാര്‍ ദേവസ്വം ബോര്‍ഡിനു കീഴില്‍ വരുമാനം കുറവുള്ള ക്ഷേത്രങ്ങളിലെ ശമ്പള ബാധ്യത പൂര്‍ണ്ണമായും സര്‍ക്കാര്‍ ഏറ്റെടുത്തിരുന്നോ;

ദേവസ്വം ബോര്‍ഡുകള്‍ക്ക് കീഴിലുള്ള ക്ഷേത്രങ്ങളില്‍ അബ്രാഹ്മണ ശാന്തിക്കാരെ നിയമിക്കാനുള്ള തീരുമാനത്തിന്റെയടിസ്ഥാനത്തില്‍ വിവിധ ദേവസ്വം ബോര്‍ഡുകളുടെ കീഴിലുള്ള ക്ഷേത്രങ്ങളില്‍ നടത്തുന്ന നിയമനത്തിന്റെ പുരോഗതി അറിയിക്കാമോ?

ജലസ്രോതസ്സുകളുടെ ഉറവിടം മെച്ചപ്പെടുത്തേണ്ടതിന്റെയും ജലസംക്ഷണ നടപടികൾ ഊർജ്ജിതപ്പെടുത്തേണ്ടതിന്റെയും ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ജലസ്രോതസ്സുകളുടെ ഉറവിടം മെച്ചപ്പെടുത്തൽ, ജലസംരക്ഷണം എന്നിവയ്ക്കായി പദ്ധതികൾ നിലവിലുണ്ടോ എന്ന് വ്യക്തമാക്കാമോ;

സംസ്ഥാനത്തെ ജലസ്രോതസ്സുകളുടെ ഉറവിടം മെച്ചപ്പെടുത്തുന്നതിനും ജലസംരക്ഷണത്തിനും അയൽ സംസ്ഥാനങ്ങളുമായി സഹകരിച്ച് പ്രവർത്തിക്കുവാൻ നടപടി സ്വീകരിക്കുമോ; വിശദമാക്കാമോ;

രണ്ട് പ്രളയങ്ങൾക്ക് ശേഷം നദികളിലടിഞ്ഞുകൂടിയ മാലിന്യം നീക്കം ചെയ്ത് നദികളുടെ സ്വാഭാവിക ഒഴുക്ക് നിലനിർത്തുന്നതിനായി കഴിഞ്ഞ സർക്കാർ ആവിഷ്ക്കരിച്ച പരിപാടികൾ ഏതു ഘട്ടത്തിലാണ്; വിശദമാക്കാമോ?

രാജ്യത്തിന്റെ സമുദ്രസമ്പത്ത് അന്താരാഷ്ട്ര കോര്‍പ്പറേറ്റുകള്‍ക്ക് അടിയറവയ്ക്കുന്ന തരത്തില്‍ സമുദ്രസമ്പത്തിന്റെ വാണിജ്യചൂഷണത്തിന് കേന്ദ്ര സര്‍ക്കാര്‍ അനുമതി നല്‍കിയെന്ന വാര്‍ത്ത ശ്രദ്ധയില്‍പെട്ടിരുന്നോ;

കേന്ദ്ര സര്‍ക്കാരിന്റെ ഈ നടപടി മത്സ്യ സമ്പത്തിനെ പ്രതികൂലമായി ബാധിക്കുമെന്ന മത്സ്യത്തൊഴിലാളികളുടെ ആശങ്ക പരിശോധിക്കുമോ;

പ്രസ്തുത നടപടി തീരദേശവാസികളുടെ ജീവനോപാധിക്കു ഭീഷണിയാകുമെന്ന് ആശങ്കയുളള സാഹചര്യത്തില്‍ സംസ്ഥാനങ്ങളുമായി ചര്‍ച്ച നടത്തിയതിനു ശേഷം മാത്രം ഇക്കാര്യത്തില്‍ തുടര്‍നടപടി സ്വീകരിക്കണമെന്ന് കേന്ദ്ര സര്‍ക്കാരിനോട് ആവശ്യപ്പെടുമോ?

കേന്ദ്രസര്‍ക്കാരിന്റെ തീരനിയന്ത്രണ മേഖലാ വിജ്ഞാപനത്തിന്റെ അടിസ്ഥാനത്തില്‍ സംസ്ഥാനത്ത് തീരദേശ പരിപാലന വിജ്ഞാപനം പുറപ്പെടുവിച്ചിട്ടുണ്ടോയെന്ന് അറിയിക്കുമോ;

തീരദേശ പരിപാലന പദ്ധതി തീരദേശവാസികളായ മത്സ്യത്തൊഴിലാളികളെ പ്രതികൂലമായി ബാധിക്കാനിടയുണ്ടെന്ന് ആശങ്കപ്പെടുന്നതിനാല്‍ മത്സ്യത്തൊഴിലാളികളുടെ താല്പര്യം സംരക്ഷിക്കുന്നതിനുള്ള നിര്‍ദ്ദേശം സമര്‍പ്പിക്കുവാന്‍ സമിതിയെ നിയോഗിച്ചിട്ടുണ്ടോയെന്ന് വ്യക്തമാക്കാമോ;

തീരദേശമേഖലയിലെ പശ്ചാത്തല സൗകര്യ വികസനത്തിനായി ആവിഷ്ക്കരിച്ചിട്ടുള്ള പ്രധാന പദ്ധതികളെക്കുറിച്ച് അറിയിക്കാമോ?

പട്ടയഭൂമിയിലെ മരങ്ങള്‍ മുറിക്കുന്നതിനുള്ള അനുമതി നല്‍കികൊണ്ടുള്ള സര്‍ക്കാര്‍ ഉത്തരവ് സംബന്ധിച്ച് തങ്ങളുടെ ആശങ്കകള്‍ ബന്ധപ്പെട്ട കളക്ടര്‍മാര്‍ വനം വകുപ്പിനെ അറിയിച്ചിരുന്നോ;

ഇതിന്റെ അടിസ്ഥാനത്തില്‍ വനം വകുപ്പ് സ്വീകരിച്ച നടപടികള്‍ വിശദമാക്കുമോ;

പട്ടയഭൂമിയിലെ റിസര്‍വ്വ്, ഷെഡ്യൂള്‍ മരങ്ങള്‍ സംരക്ഷിക്കുന്നതില്‍ വകുപ്പിന് വീഴ്ച ഉണ്ടായിട്ടുണ്ടോ; എങ്കില്‍ ഇത് പരിശോധിച്ചിട്ടുണ്ടോ; വിശദമാക്കുമോ?

താരതമ്യേന തൊഴില്‍ അവസരങ്ങള്‍ കുറവായിരുന്ന വനമേഖലയിലെ തൊഴിലാളി കുടുംബങ്ങള്‍ക്ക് ലോക്ഡൗണിൽ തൊഴില്‍ അവസരങ്ങള്‍ ഇല്ലാതെയായതിനാൽ പരമാവധി പുതിയ തൊഴില്‍ സാധ്യതകള്‍ ആവിഷ്കരിക്കാന്‍ വനം വകുപ്പ് പരിഗണിക്കുന്ന പദ്ധതികള്‍ വിശദമാക്കുമോ ;

വന സംരക്ഷണവുമായി ബന്ധപ്പെട്ട് പ്രാദേശിക തൊഴില്‍ അവസരങ്ങള്‍ കൂടുതലായി കണ്ടെത്തുന്നതിനും അവ അതത് പ്രദേശത്തെ തൊഴിലാളി കുടുംബങ്ങളും വനാശ്രിത ഗോത്ര സമിതികളും ഉള്‍പ്പെടുന്ന വനസംരക്ഷണ സമിതികള്‍ മുഖേന നടപ്പിലാക്കുന്നതിനും കൂടുതല്‍ പരിഗണന നല്‍കുന്നതിന് നടപടി സ്വീകരിക്കുമോ;

വനസംരക്ഷണ സമിതികള്‍ മുഖേന ജോലി ചെയ്ത തൊഴിലാളികള്‍ക്ക് അര്‍ഹതപ്പെട്ട വേതനം കൃത്യമായി ലഭിക്കുന്നുണ്ടെന്ന് ഉറപ്പുവരുത്താന്‍ പ്രാപ്തമായ നിരീക്ഷണ സംവിധാനം ഏര്‍പ്പെടുത്താന്‍ നടപടി സ്വീകരിക്കുമോ?

സിനിമാ മേഖലയിലെ സ്ത്രീകളുടെ പ്രശ്നങ്ങള്‍ പഠിച്ച ജസ്റ്റിസ് ഹേമ കമ്മീഷന്‍ ഈ കാര്യത്തില്‍ ശക്തമായ നിയമനിര്‍മ്മാണം വേണമെന്ന് ശിപാര്‍ശ ചെയ്തിട്ടുണ്ടോയെന്ന് വ്യക്തമാക്കാമോ;

എങ്കില്‍ കമ്മീഷന്റെ ശിപാര്‍ശയുടെ അടിസ്ഥാനത്തില്‍ നിയമ നിര്‍മ്മാണം നടത്തുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ;

സിനിമാ മേഖലയിലെ ചൂഷണങ്ങള്‍ അവസാനിപ്പിക്കുന്നതിനായി ജസ്റ്റിസ് ഹേമ കമ്മീഷന്‍ റിപ്പോര്‍ട്ടിലെ ശിപാര്‍ശകള്‍ അടിയന്തരമായി നടപ്പാക്കുന്നതിനുളള നടപടി സ്വീകരിക്കുമോയെന്ന് വ്യക്തമാക്കുമോ?

2020 ഓടെ ഗ്രാമപ്രദേശങ്ങളിലുള്ള എല്ലാ വീടുകളിലും പൈപ്പിലൂടെ ശുദ്ധജലം എത്തിക്കുകയെന്ന ലക്ഷ്യത്തോടെ കേന്ദ്ര-സംസ്ഥാന പങ്കാളിത്തത്തോടെയുള്ള പദ്ധതിയെക്കുറിച്ച് വിശദമാക്കാമോ;

2021-22ൽ എത്ര കണക്ഷനുകള്‍ നല്‍കാനാണ് ലക്ഷ്യമിടുന്നത്; പദ്ധതിയുടെ നിര്‍മ്മാണ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

ജലജീവന്‍ മിഷന്‍ പദ്ധതിയില്‍ ഏതുതരത്തിലുള്ള ജലസ്രോതസ്സുകളെയാണ് ആശ്രയിക്കുന്നത്; ഇതിനായി ജലബജറ്റ് തയ്യാറാക്കിയിട്ടുണ്ടോ;

ജലജീവന്‍ മിഷന്‍ പദ്ധതിയില്‍ ജലസ്രോതസ്സുകളുടെ സംരക്ഷണത്തിനുള്ള നടപടികളുണ്ടോയെന്ന് വ്യക്തമാക്കുമോ?

വയനാട് മുട്ടിലിൽ നൂറുവര്‍ഷത്തിലേറെ പഴക്കമുള്ള ഈട്ടി മരങ്ങള്‍ മുറിച്ച സംഭവത്തില്‍ അന്വേഷണം നടത്തിയിട്ടുണ്ടോ;

എങ്കില്‍ കുറ്റക്കാര്‍ക്കെതിരെ എന്ത് നടപടി സ്വീകരിച്ചുവെന്ന് അറിയിക്കുമോ;

ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ എന്തെല്ലാം കര്‍ശന നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനത്ത് പട്ടികജാതി വിഭാഗങ്ങളുടെ പൗരാവകാശ സംരക്ഷണം ഉറപ്പുവരുത്തുന്നതിന് നിലവിലുള്ള നിയമങ്ങൾ എന്തെല്ലാമാണ്; വ്യക്തമാക്കാമോ;

പട്ടികജാതി വിഭാഗങ്ങളുടെ പൗരാവകാശ സംരക്ഷണത്തിനും സാമൂഹിക ഉന്നമനത്തിനുമായി കേന്ദ്ര പദ്ധതികൾ നിലവിലുണ്ടോയെന്ന് വ്യക്തമാക്കാമോ;

പട്ടികജാതി വിഭാഗങ്ങളില്‍ നിന്നും മിശ്രവിവാഹ ധനസഹായത്തിനായി ലഭിച്ച അപേക്ഷകൾ തീർപ്പാക്കി ധനസഹായം കാലതാമസം കൂടാതെ ലഭ്യമാക്കുന്നതിന് നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ; ;

പട്ടികജാതി വിഭാഗങ്ങളുടെ പൗരാവകാശ സംരക്ഷണവുമായി ബന്ധപ്പെട്ട് ബോധവത്ക്കരണ പരിപാടികൾ പരിഗണനയിലുണ്ടോ; വ്യക്തമാക്കാമോ?

സംസ്ഥാനത്ത് എല്ലാ വീടുകളിലും കുടിവെള്ളം എത്തിക്കുന്നതിന് ജലജീവന്‍ മിഷന്‍ നടത്തുന്ന പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ;

പ്രസ്തുത പദ്ധതിക്ക് മുന്‍വര്‍ഷങ്ങളില്‍ കേന്ദ്രസര്‍ക്കാര്‍ അനുവദിച്ച തുക പൂര്‍ണ്ണമായും ചെലവഴിക്കാന്‍ കഴിഞ്ഞിട്ടുണ്ടോ; വിശദാംശം നല്‍കുമോ?

‍സംസ്ഥാനത്ത് ഡിജിറ്റല്‍ പഠനോപകരണങ്ങള്‍ ഇല്ലാത്ത പട്ടികവര്‍ഗ്ഗ വിദ്യാര്‍ത്ഥികളെ കണ്ടെത്തിയിട്ടുണ്ടോ;

എങ്കില്‍ ഇവര്‍ക്ക് പഠനോപകരണങ്ങള്‍ ലഭ്യമാക്കുന്നതിനും വൈദ്യുതി ഇല്ലാത്തവര്‍ക്ക് വൈദ്യുതി എത്തിക്കുന്നതിനും എന്തെല്ലാം നടപടികളാണ് പട്ടികവര്‍ഗ്ഗ വികസന വകുപ്പ് സ്വീകരിച്ചിട്ടുള്ളതെന്ന് വിശദമാക്കുമോ?

27.06.2019-ന് പട്ടയഭൂമിയിലെ മരംമുറിയുമായി ബന്ധപ്പെട്ട് വനം വകുപ്പു മന്ത്രി മീറ്റിംഗ് വിളിച്ചിരുന്നോ; എങ്കില്‍ പ്രസ്തുത മീറ്റിംഗിന്റെ തീരുമാനങ്ങള്‍ എന്തൊക്കെയിരുന്നു എന്ന് വ്യക്തമാക്കാമോ;

പട്ടയഭൂമിയിലെ ചന്ദനം, തേക്ക്, ഈട്ടി, കരിമരം എന്നിവ മുറിക്കുന്നതുസംബന്ധിച്ച് പ്രസ്തുത മീറ്റിംഗില്‍ സ്വീകരിച്ച നിലപാട് എന്തായിരുന്നുവെന്ന് വ്യക്തമാക്കുമോ;

03.09.2019 ന് റവന്യൂ മന്ത്രിയുടെ നേതൃത്വത്തില്‍ ചേര്‍ന്ന യോഗത്തില്‍ വനം വകുപ്പ് മേധാവി ഇതുസംബന്ധിച്ച് സ്വീകരിച്ച നിലപാട് ആവര്‍ത്തിച്ചിരുന്നോ;

പട്ടയ ഭൂമിയിലെ ചന്ദനം ഒഴികെയുളള മരങ്ങള്‍ മുറിക്കാന്‍ അനുവദിച്ചുകൊണ്ട് റവന്യൂ മന്ത്രിയുടെ നിര്‍ദ്ദേശ പ്രകാരം റവന്യൂ വകുപ്പ് പ്രിന്‍സിപ്പല്‍ സെക്രട്ടറി 24.10.2020-ന് ഇറക്കിയ ഉത്തരവ് വനം വകുപ്പ് സ്വീകരിച്ച നിലപാടുകള്‍ക്ക് വിരുദ്ധമായിരുന്നോ; എങ്കില്‍ ഇക്കാര്യത്തില്‍ സ്വീകരിച്ച തുടര്‍നടപടികള്‍ എന്തൊക്കെയാണെന്ന് വ്യക്തമാക്കുമോ?

സംസ്ഥാന ചലച്ചിത്ര അക്കാദമി കഴിഞ്ഞ അഞ്ചുവര്‍ഷക്കാലം നടത്തിയ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ;

കോവി‍ഡ് മൂലം പ്രതിസന്ധിയിലായ കലാരംഗത്തെയും വരുമാനമില്ലാതായ കലാകാരന്മാരെയും സഹായിക്കുന്നതിനായി നടത്തുന്ന ശ്രമങ്ങള്‍ എന്തെല്ലാമാണെന്ന് വിശദമാക്കുമോ;

മികവുറ്റ സാങ്കേതിക സംവിധാനങ്ങള്‍ സജ്ജമാക്കിയും വ്യവസായ പരിഗണന നല്‍കിയും സിനിമാരംഗത്ത് സമഗ്രമാറ്റങ്ങള്‍ കൊണ്ടുവരുന്നതിന് ആലോചിക്കുന്നുണ്ടോയെന്ന് വിശദമാക്കാമോ;

അന്താരാഷ്ട്ര ചലച്ചിത്രമേളകള്‍ കൂടുതല്‍ ജനകീയമാക്കിക്കൊണ്ട് ഉന്നതമായ ചലച്ചിത്ര സംസ്കാരത്തിന് വഴിയൊരുക്കുന്ന പദ്ധതികള്‍ ആസൂത്രണം ചെയ്തു നടപ്പാക്കുന്നതിന് നടപടി സ്വീകരിക്കുമോ?

വന്യജീവി സങ്കേതങ്ങളോ ദേശീയോദ്യാനങ്ങളോ ആയി പ്രഖ്യാപിക്കപ്പെട്ട വനങ്ങള്‍ക്ക് ഒരു കിലോമീറ്റര്‍ ചുറ്റളവില്‍ ഏര്‍പ്പെടുത്തിയിട്ടുള്ള ബഫര്‍ സോണില്‍ ഏതെല്ലാം തരത്തിലുള്ള നിയന്ത്രണങ്ങളാണ് ഏര്‍പ്പെടുത്തിയിട്ടുള്ളതെന്ന് അറിയിക്കുമോ;

ഇത്തരത്തില്‍ ബഫര്‍ സോണ്‍ നിജപ്പെടുത്തുമ്പോള്‍ ജനവാസ മേഖലകളെ ഒഴിവാക്കിയിട്ടുണ്ടോ; ഇല്ലെങ്കില്‍ ബഫര്‍ സോണില്‍ താമസിക്കുന്ന ജനങ്ങള്‍ ഏതെല്ലാം തരത്തിലുള്ള ബുദ്ധിമുട്ടുകള്‍ നേരിടേണ്ടി വരുമെന്ന കാര്യം പരിഗണിച്ചിട്ടുണ്ടോ;

വനത്തോട് ചേര്‍ന്ന് ബഫര്‍ സോണായി നിര്‍ണ്ണയിച്ചിരിക്കുന്ന പ്രദേശങ്ങളില്‍ വന്യജീവികളുടെ ഉപദ്രവം വര്‍ദ്ധിക്കാനിടയുണ്ടോ; വന്യജീവികള്‍ കൃഷിയിടങ്ങളിലേക്ക് പ്രവേശിക്കുന്നത് തടയാന്‍ എന്തെങ്കിലും പദ്ധതി നടപ്പിലാക്കുന്നുണ്ടോ എന്ന് അറിയിക്കാമോ?

സംസ്ഥാനത്ത് മത്സ്യബന്ധന മേഖലയിലും അനുബന്ധ മേഖലകളിലും തൊഴില്‍ ചെയ്യുന്ന വനിതകളുടെ പ്രശ്നങ്ങള്‍ പരിഹരിക്കുന്നതിനായി നടപ്പാക്കി വരുന്ന പദ്ധതികള്‍ എന്തെല്ലാമാണെന്ന് വ്യക്തമാക്കുമോ;

കോവിഡ് മൂലമുണ്ടായിട്ടുള്ള തൊഴില്‍ പ്രതിസന്ധിയുടെ സാഹചര്യത്തില്‍ മത്സ്യവിപണന രംഗത്തേയ്ക്ക് പുതുതായി കൂടുതല്‍ സ്ത്രീകള്‍ കടന്നുവരുന്നത് ശ്രദ്ധയില്‍പ്പെട്ടിട്ടുണ്ടോ;

മത്സ്യ വിപണനവുമായി ബന്ധപ്പെട്ട് പ്രവര്‍ത്തിക്കുന്ന സ്ത്രീകള്‍ നേരിടുന്ന ബുദ്ധിമുട്ടുകള്‍ പരിഹരിക്കുന്നതിനും അവരുടെ സുരക്ഷയുറപ്പാക്കുന്നതിനും ഉതകുന്ന എന്തെല്ലാം പദ്ധതികളാണ് ആസൂത്രണം ചെയ്തുവരുന്നതെന്ന് വെളിപ്പെടുത്തുമോ?

സംസ്ഥാനത്ത് പട്ടികജാതി,പട്ടിക ഗോത്രങ്ങളില്‍ ഉള്‍പ്പെട്ടവര്‍ക്കുള്ള ക്ഷേമവികസന പദ്ധതികള്‍ യഥാസമയം അര്‍ഹരിലേക്കെത്തുന്നു എന്നുറപ്പാക്കുന്നതിന് എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കാമോ;

തിരുവനന്തപുരം നഗരസഭയില്‍ പട്ടികജാതിയില്‍പ്പെട്ടവര്‍ക്കുള്ള വ്യക്തിഗത ആനുകൂല്യം എസ്.സി. പ്രൊമോട്ടര്‍ തട്ടിയെടുത്തതായി പറയപ്പെടുന്ന സംഭവത്തില്‍ കുറ്റക്കാര്‍ക്കെതിരെ നടപടിയെടുത്തിരുന്നോ; ഇത്തരത്തിലുള്ള കുറ്റക്കാര്‍ക്കെതിരെ മാതൃകാപരമായ നിയമനടപടി ഉറപ്പു വരുത്തുമോ;

പ്രസ്തുത സംഭവത്തിന്റെ പശ്ചാത്തലത്തില്‍ പട്ടികജാതി - പട്ടികവര്‍ഗ്ഗക്കാര്‍ക്കായുള്ള വ്യക്തിഗത ആനുകൂല്യങ്ങള്‍ അനര്‍ഹര്‍ തട്ടിയെടുക്കുന്നുണ്ടോ എന്ന് പരിശോധിക്കാന്‍ ആവശ്യമായ നടപടി സ്വീകരിക്കുമോ?

സംസ്ഥാനത്തെ പട്ടികഗോത്ര വര്‍ഗ്ഗ വിഭാഗങ്ങളുടെ പരിരക്ഷയും ജീവിത സാഹചര്യങ്ങളും മെച്ചപ്പെടുത്തുന്നതിന് വേണ്ടി കഴിഞ്ഞ സര്‍ക്കാരിന്റെ കാലത്ത് നടപ്പിലാക്കിയ പദ്ധതികളുടെ പുരോഗതി അറിയിക്കാമോ;

സര്‍ക്കാരിന്റെ പ്രായോഗികമായ ഇടപെടല്‍മൂലം പട്ടിക ഗോത്ര വിഭാഗങ്ങളിലെ സ്ത്രീകള്‍ക്കിടയിലുണ്ടായ സാമൂഹ്യ മാറ്റങ്ങള്‍ എന്തെല്ലാമാണെന്ന വിലയിരുത്തല്‍ നടത്തിയിട്ടുണ്ടോ;

പട്ടിക ഗോത്ര വര്‍ഗ്ഗത്തില്‍പ്പെട്ട ജനവിഭാഗങ്ങളെ സമൂഹത്തിന്റെ മുഖ്യധാരയില്‍ എത്തിക്കുന്നതിനുള്ള എന്തെല്ലാം പദ്ധതികളാണ് സര്‍ക്കാര്‍ ആസൂത്രണം ചെയ്തുവരുന്നതെന്ന് വ്യക്തമാക്കാമോ?

സംസ്ഥാനത്ത് മതിയായ അളവിൽ ഗുണമേന്മയുള്ള മത്സ്യ വിത്ത് ലഭിക്കുന്നില്ല എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

മത്സ്യ വിത്തിന്റെ ഗുണമേന്മയും ഉൽപാദനവും വർദ്ധിപ്പിക്കുന്നതിനായി പദ്ധതികൾ നിലവിലുണ്ടോ; വ്യക്തമാക്കാമോ;

ഉൾനാടൻ മത്സ്യബന്ധന മേഖലയിൽ നടത്തുന്ന സജീവമായ ഇടപെടലിന്റെ ഭാഗമായി സർക്കാർ ഫാമുകൾ, ഹാച്ചറികൾ, നഴ്സറികൾ, അക്വേറിയങ്ങൾ എന്നിവയുടെ പ്രവർത്തനം മെച്ചപ്പെടുത്തുന്നതിന് നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;

നടപ്പു സാമ്പത്തിക വർഷത്തില്‍ മത്സ്യ വിത്ത് ഉത്പാദന കേന്ദ്രങ്ങളുടെ കാര്യത്തിൽ സാമ്പത്തിക ലക്ഷ്യം നിശ്ചയിച്ചിട്ടുണ്ടോ; വ്യക്തമാക്കാമോ?

തെന്മല ഡാമിന് സമീപമുള്ള തിരുവനന്തപുരം-ചെങ്കോട്ട റോഡരികിലെ 246.26 ഏക്കര്‍ റിസര്‍വ്വ് വനം തരിശു ഭൂമിയായി മാറ്റിയെന്ന് കണ്ടെത്തിയിട്ടുണ്ടോ;

എങ്കില്‍ ഇത് സംബന്ധിച്ച് അന്വേഷണം നടത്തിയിട്ടുണ്ടോ;

പ്രസ്തുത വനഭൂമി സംരക്ഷിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ?

ശബരിമല വികസനത്തിന്റെ ഭാഗമായ റോപ്‍ വേ പദ്ധതിയുടെ നടത്തിപ്പിന് വനം വകുപ്പുമായി നിലനിന്നിരുന്ന തര്‍ക്കങ്ങള്‍ പരിഹരിക്കുന്നതിന് തിരുവിതാംകൂര്‍ ദേവസ്വം ബോര്‍ഡിന് വേണ്ടി വകുപ്പുമന്ത്രി നടത്തിയ ചര്‍ച്ചയുടെ വിശദാംശം ലഭ്യമാക്കാമോ;

റോപ്‍ വേ പദ്ധതിയുടെ നടത്തിപ്പിനായി വനം വകുപ്പിന്റെ ക്ലിയറന്‍സ് നല്‍കുന്നതിനുള്ള കാലതാമസം ഒഴിവാക്കി പദ്ധതി ത്വരിതപ്പെടുത്തുന്നതിന് പ്രസ്തുത ചര്‍ച്ചയില്‍ തീരുമാനമായിട്ടുണ്ടോ;

പ്രസ്തുത പദ്ധതിയെ സംബന്ധിച്ച പരിസ്ഥിതി പഠന റിപ്പോര്‍ട്ട് വനം വകുപ്പിന് സമര്‍പ്പിച്ചിട്ടുണ്ടോ; എങ്കില്‍ അതിന്റെ വിശദാംശങ്ങള്‍ അറിയിക്കാമോ;

റോപ്‍ വേ പദ്ധതിയുടെ നിര്‍മ്മാണ പ്രവര്‍ത്തികള്‍, നടത്തിപ്പ് എന്നിവ സംബന്ധിച്ചുള്ള വിവരങ്ങള്‍ ലഭ്യമാക്കാമോ?

കാടുകളിലെ ആവാസ വ്യവസ്ഥയ്ക്കുണ്ടായ മാറ്റം മൂലം വന്യജീവികള്‍ ജനവാസ കേന്ദ്രങ്ങളിലേക്ക് ഇറങ്ങുകയും കൃഷി നശിപ്പിക്കുകയും ചെയ്യുന്ന സംഭവങ്ങള്‍ വര്‍ദ്ധിച്ചു വരുന്നത് വിലയിരുത്തിയിട്ടുണ്ടോ; വിശദമാക്കാമോ;

കാട്ടാനയുടെ ശല്യം തടയുന്നതിനായി സ്ഥാപിച്ച റെയില്‍ വേലികളുടെ നിലവാരം സംബന്ധിച്ച ആരോപണങ്ങള്‍ പരിശോധിച്ചിട്ടുണ്ടോ; വിശദമാക്കാമോ;

നിലവാരമില്ലാത്ത സുരക്ഷാ ക്രമീകരണങ്ങള്‍ വന്യ ജീവികളുടെ ആക്രമണം വര്‍ദ്ധിക്കാന്‍ ഇടയാക്കുന്നത് സംബന്ധിച്ച് പരിശോധന നടത്തിയിട്ടുണ്ടോ;

കാടിന്റെ ആവാസ വ്യവസ്ഥ പരിരക്ഷിച്ച് ഇത്തരം സംഭവങ്ങള്‍ തടയുന്നതിന് ദീര്‍ഘകാല പദ്ധതികള്‍ ആവിഷ്കരിച്ച് നടപ്പിലാക്കുമോ?