കാരുണ്യ ആരോഗ്യ സുരക്ഷാ പദ്ധതിയുടെ പുതുക്കിയ പാക്കേജ് സംസ്ഥാനത്തു നടപ്പാക്കിയിട്ടുണ്ടോ; ഇല്ലെങ്കിൽ കാരണം വ്യക്തമാക്കുമോ;

പാ ​ക്കേജ് പുതുക്കി നൽകണമെന്ന സ്വകാര്യ ആശുപത്രികളുടെ ആവശ്യത്തിന്മേൽ തീരുമാനം എടുത്തിട്ടുണ്ടോയെന്ന് അറിയിക്കാമോ?

കാരുണ്യ ആരോഗ്യ സുരക്ഷാ പദ്ധതി (കാസ്പ്)യില്‍ പുതുതായി രജിസ്ട്രേഷൻ നടത്താൻ കഴിയുന്നില്ല എന്നതിനാല്‍ പദ്ധതിയുടെ ഡേറ്റാബേസ് പുതുക്കി അർഹരായ മുഴുവൻ ബി.പി.എൽ. കുടുംബങ്ങളേയും പദ്ധതിയുടെ ഭാഗമാക്കാനുള്ള നടപടികൾ സ്വീകരിക്കുമോ; വിശദമാക്കാമോ;

പ്രസ്തുത പദ്ധതിയിൽ അംഗത്വം ലഭിക്കാന്‍ അര്‍ഹതയുണ്ടായിട്ടും ഒഴിവായിപ്പോയിട്ടുള്ളവരെ കാരുണ്യ ബെനവലന്റ് ഫണ്ട് വഴി 2 ലക്ഷം രൂപ വരെയുള്ള സൗജന്യ ചികിത്സ ലഭ്യമാക്കുന്ന പദ്ധതിയില്‍ ഉള്‍പ്പെടുത്തുന്നതിനുള്ള നടപടികള്‍ സ്വീകരിയ്ക്കുമോ; വിശദമാക്കാമോ?

സംസ്ഥാനത്ത് ആരോഗ്യ കിരണ്‍ പദ്ധതി പ്രകാരം ലഭ്യമായിക്കൊണ്ടിരിക്കുന്ന ആനുകൂല്യങ്ങള്‍ എന്തൊക്കെയാണെന്ന് വ്യക്തമാക്കുമോ?

തദ്ദേശസ്വയംഭരണ വകുപ്പുമായി ചേര്‍ന്ന് ആരോഗ്യമേഖലയെ ശക്തിപ്പെടുത്തുന്നതിന് പുതിയ പദ്ധതികള്‍ ആവിഷ്ക്കരിച്ചിട്ടുണ്ടോ; ഉണ്ടെങ്കില്‍ എന്തെല്ലാമെന്ന് വ്യക്തമാക്കാമോ;

നിലവില്‍ ആരോഗ്യവകുപ്പിന്റെ ഏതെല്ലാം പദ്ധതികളാണ് തദ്ദേശസ്വയംഭരണ സ്ഥാപനങ്ങളുടെ സഹകരണത്തോടെ നടത്തിവരുന്നതെന്ന് വ്യക്തമാക്കാമോ?

കാരുണ്യ ആരോഗ്യ സുരക്ഷാ പദ്ധതി,ആർ.ബി.എസ്.കെ., ആരോഗ്യകിരണം, ഹൃദ്യം, ആവാസ്, അമ്മയും കുഞ്ഞും, സുകൃതം എന്നീ പദ്ധതികളിലായി ഓരോ ആശുപത്രിക്കും എത്രമാസത്തെ തുക കുടിശികയുണ്ട്; ഇനം തിരിച്ച് വിവരം ലഭ്യമാക്കാമോ; മെഡിസെപ് പദ്ധതി പ്രകാരം എത്ര തുകയാണ് ആശുപത്രികൾക്ക് നൽകാനുള്ളതെന്നും ഓരോ ആശുപത്രിക്കും എത്രമാസത്തെ തുക കുടിശ്ശികയുണ്ടെന്നും വ്യക്തമാക്കാമോ ?

വിവിധ ആശുപത്രികൾക്ക് കുടിശ്ശിക നൽകാത്തത് മൂലം സംസ്ഥാനത്തെ കാരുണ്യ ആരോഗ്യ സുരക്ഷാ പദ്ധതി പ്രതിസന്ധിയിലായ സാഹചര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത കുടിശ്ശിക കൊടുത്ത് തീര്‍ത്ത് കാരുണ്യ ആരോഗ്യ സുരക്ഷാ പദ്ധതിയുടെ പ്രവർത്തനം പുനഃസ്ഥാപിക്കാൻ നടപടികൾ സ്വീകരിക്കുമോ?

കിഫ്ബി ഫണ്ട് ഉപയോഗിച്ച് കൊല്ലം വിക്ടോറിയ ആശുപത്രിയില്‍ നടപ്പിലാക്കുന്ന പദ്ധതിയുടെ നിലവിലെ അവസ്ഥ എന്താണ്; പ്രസ്തുത പദ്ധതികള്‍ക്ക് കിഫ്ബിയില്‍ നിന്നും സാമ്പത്തികാനുമതി ലഭിച്ചിട്ടുണ്ടോ; വിശദാംശം ലഭ്യമാക്കുമോ?

ജീവിതശൈലീ രോഗങ്ങള്‍ ചെറുക്കുന്നതിന് ആരോഗ്യകേന്ദ്രങ്ങള്‍ വഴി നടപ്പിലാക്കുന്ന പദ്ധതികള്‍ എന്തൊക്കെയെന്ന് അറിയിക്കാമോ?

സംസ്ഥാനത്തെ കാരുണ്യ ബെനവലന്റ് പദ്ധതിയുടെ ഭാഗമായി വിവിധ ആശുപത്രികൾക്കുള്ള കുടിശ്ശിക നൽകാത്തത് കാരണം പാവപ്പെട്ട ജനങ്ങൾക്ക് പദ്ധതി സഹായം ലഭ്യമാകുന്നില്ല എന്ന ആരോപണം ഗൗരവമായി കാണുന്നുണ്ടോ;

കാരുണ്യ ബെനവലന്റ് പദ്ധതിയുടെ ഭാഗമായി വിവിധ ആശുപത്രികൾക്കായി 189 കോടിയിലേറെ രൂപയുടെ കുടിശ്ശികയുണ്ട് എന്ന് ആക്ഷേപം ശ്രദ്ധയിൽപ്പെട്ടിട്ടുണ്ടോ;

എങ്കിൽ ഈ കുടിശ്ശിക കൊടുത്തു തീർക്കുന്നതിനും പ്രസ്തുത പദ്ധതിയുടെ പ്രയോജനം പൂർണ്ണമായും പാവപ്പെട്ട രോഗികൾക്ക് ലഭ്യമാക്കുവാനും നടപടികൾ സ്വീകരിക്കുമോയെന്ന് വ്യക്തമാക്കാമോ?

സൗജന്യ ചികിത്സ നല്‍കുന്നതില്‍ ആരോഗ്യവകുപ്പ് കൈവരിച്ച നേട്ടങ്ങള്‍ വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നശേഷം കാസ്പ് വഴി നല്‍കിയ സൗജന്യ ചികിത്സയുടെ വിശദാംശങ്ങള്‍ നല്‍കാമോ?

സംസ്ഥാനത്ത് എത്ര ആശുപത്രികളിൽ ഇ-ഹെൽത്ത് സംവിധാനം സജ്ജമാക്കിയിട്ടുണ്ട് എന്ന് വ്യക്തമാക്കാമോ; സംസ്ഥാനത്ത് സമ്പൂർണ്ണമായും ഇ-ഹെൽത്ത് വഴിയുള്ള സേവനങ്ങൾ ലഭ്യമാക്കാനാകുമോ; എങ്കിൽ ആയത് എന്നത്തേക്ക് പൂർത്തിയാകുമെന്ന് വിശദമാക്കാമോ;

കാട്ടാക്കട നിയോജക മണ്ഡലത്തിൽ ഇ-ഹെൽത്ത് സംവിധാനം ഏതൊക്കെ ആശുപത്രികളിൽ നടപ്പിലാക്കിയിട്ടുണ്ടെന്ന് വ്യക്തമാക്കാമോ?

ഈ സര്‍ക്കാര്‍ അധികാരമേറ്റ ശേഷം നാളിതു വരെ ആരോഗ്യ വകുപ്പിന്റെ വിവിധ പദ്ധതികള്‍ക്കായി കേന്ദ്ര സര്‍ക്കാര്‍ അനുവദിച്ച തുക, ചെലവഴിച്ച തുക, പദ്ധതികള്‍ എന്നിവയുടെ വിശദാംശങ്ങള്‍ ലഭ്യമാക്കാമോ?

ആശുപത്രികളിൽ പോകാൻ കഴിയാത്ത രോഗികൾക്ക് വീട്ടിൽ സൗജന്യമായി ഡയാലിസിസ് ചെയ്യാൻ കഴിയുന്ന പെരിട്ടോണിയൽ ഡയാലിസിസ് പദ്ധതി എത്ര ജില്ലകളിൽ നടപ്പിലാക്കാൻ കഴിഞ്ഞിട്ടുണ്ടെന്ന് വിശദമാക്കാമോ;

പാലക്കാട് ജില്ലയിൽ എത്ര പേർക്ക് ഇതിന്റെ പ്രയോജനം ലഭിച്ചിട്ടുണ്ടെന്ന് വിശദമാക്കാമോ;

ഇതിന് സർക്കാർ എത്ര ഫണ്ട് ആണ് ഇതുവരെ വിനിയോഗിച്ചതെന്ന് വിശദമാക്കാമോ?

സര്‍ക്കാര്‍ ആശുപത്രികളില്‍ ഏര്‍പ്പെടുത്തിയിട്ടുള്ള ഇ-ഹെല്‍ത്ത് സംവിധാനം വിശദമാക്കാമോ; പ്രസ്തുത സംവിധാനം മെച്ചപ്പെടുത്തുന്നതു സംബന്ധിച്ച് പഠിക്കുന്നതിനായി ഏതെങ്കിലും സമിതിയെ നിയോഗിച്ചിട്ടുണ്ടോ; എങ്കില്‍ സമിതിയുടെ പരിഗണനാ വിഷയങ്ങള്‍ വിശദമാക്കാമോ;

പ്രസ്തുത സമിതി റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ റിപ്പോർട്ടിലെ പ്രധാന ശിപാര്‍ശകള്‍ അറിയിക്കാമോ;

പൂര്‍ണ്ണമായും കമ്പ്യൂട്ടര്‍വൽക്കരിക്കപ്പെട്ട ഏതെല്ലാം സേവനങ്ങളാണ് ആരോഗ്യ മേഖലയില്‍ നടപ്പിലാക്കിയിട്ടുള്ളതെന്ന് അറിയിക്കാമോ;

ഇ-ഹെല്‍ത്ത് പദ്ധതിയില്‍ രജിസ്റ്റര്‍ ചെയ്തിട്ടുള്ള വ്യക്തികളുടെ സമഗ്രമായ ആരോഗ്യ രേഖകളുടെ സുരക്ഷിതത്വം ഉറപ്പ് വരുത്താന്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

ഇ-സഞ്ജീവനി ടെലിമെഡിസിന്‍ മുഖേന സൂപ്പര്‍ സ്പെഷ്യാലിറ്റി സേവനങ്ങള്‍ ഗ്രാമീണ മേഖലയിലെ ആരോഗ്യ സ്ഥാപനങ്ങള്‍ക്കും ലഭ്യമാക്കുന്നതിന് പദ്ധതി ആവിഷ്കരിക്കാമോ?

കാരുണ്യ ആരോഗ്യ ഇന്‍ഷുറന്‍സ് പദ്ധതിയുടെ സേവനം സംസ്ഥാനത്തെ എത്ര ആശുപത്രികളില്‍ നിലവില്‍ ലഭ്യമാണെന്ന് ജില്ല തിരിച്ച് ലഭ്യമാക്കുമോ;

നിലവില്‍ കാരുണ്യ ആരോഗ്യ ഇന്‍ഷുറന്‍സ് പദ്ധതി നിര്‍ത്തലാക്കിയ ആശുപത്രികളുടെ ജില്ല തിരിച്ചുള്ള കണക്ക് ലഭ്യമാക്കുമോ?

കാരുണ്യ ആരോഗ്യ സുരക്ഷാ പദ്ധതിയിൽ നിന്നും പിന്മാറിയ ആശുപത്രികൾ എത്രയെണ്ണമുണ്ട്; ജില്ലതിരിച്ചുള്ള പേര് വിവരം ലഭ്യമാക്കുമോ;

യഥാസമയം പദ്ധതിക്ക് ആവശ്യമായ തുക അനുവദിക്കാത്തത് കാരണം ഏകദേശം എത്ര ഗുണഭോക്താക്കൾക്ക് ചികിത്സാസഹായം ലഭിക്കാത്ത സാഹചര്യമുണ്ടായിട്ടുണ്ട് എന്നത് കണക്കാക്കിയിട്ടുണ്ടോ; പദ്ധതി കാര്യക്ഷമമായി നടപ്പിലാക്കുന്നതിന് നടപടി സ്വീകരിക്കുമോയെന്ന് അറിയിക്കാമോ?

ആരോഗ്യ മേഖലയില്‍ നടപ്പാക്കിവരുന്ന ശ്രുതിതരംഗം പദ്ധതിയെ സംബന്ധിച്ച് അടിസ്ഥാനരഹിതമായ ആരോപണങ്ങള്‍ പ്രചരിപ്പിക്കുന്നത് ശ്രദ്ധയില്‍പ്പെട്ടിട്ടുണ്ടോ;

ഈ പദ്ധതി പ്രകാരം ശ്രവണ വൈകല്യം നേരിടുന്ന അഞ്ച് വയസ്സില്‍ താഴെയുള്ള കുട്ടികള്‍ക്ക് കോക്ലിയാര്‍ ഇംപ്ലാന്റേഷനും അനുബന്ധ സേവനങ്ങളും സൗജന്യമായി ഉറപ്പാക്കാന്‍ കഴിഞ്ഞിട്ടുണ്ടോയെന്ന് വിശദമാക്കാമോ;

ആരോഗ്യ വകുപ്പിലെ ഏത് ഏജന്‍സിയാണ് പ്രസ്തുത പദ്ധതി നടപ്പാക്കുന്നത്; ഇതിനാവശ്യമായ ഫണ്ട് ലഭ്യമാക്കുന്നത് ആരാണ്; അര്‍ഹരായ കുട്ടികളെ കണ്ടെത്തുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കുമോ;

ശ്രുതിതരംഗം പദ്ധതി കൂടുതല്‍ വ്യാപിപ്പിക്കുന്നതിന് ഉദ്ദേശിക്കുന്നുണ്ടോ എന്ന് വ്യക്തമാക്കുമോ?

2023-24 ബജറ്റില്‍ ഉള്‍പ്പെടുത്തിയ തരൂര്‍ മണ്ഡലത്തിലെ കോട്ടായി പി.എച്ച്.സി നവീകരണ പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത പ്രവൃത്തി എന്നത്തേയ്ക്ക് പൂര്‍ത്തീകരിക്കുവാന്‍ കഴിയുമെന്ന് അറിയിക്കുമോ?

തരൂര്‍ മണ്ഡലത്തിലെ വടക്കാഞ്ചേരി സാമൂഹികാരോഗ്യ കേന്ദ്രത്തിന്റെ അഡീഷണല്‍ ബ്ലോക്ക് നിര്‍മ്മാണ പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത പ്രവൃത്തി എന്നത്തേയ്ക്ക് പൂര്‍ത്തീകരിക്കാന്‍ കഴിയും എന്ന് അറിയിക്കാമോ?

നിലവിലെ സര്‍ക്കാര്‍ അധികാരത്തില്‍ വന്നശേഷം ആലത്തൂര്‍ മണ്ഡലത്തിലെ വിവിധ പഞ്ചായത്തുകളിലെ ആയുര്‍വേദ ഹോമിയോ ആശുപത്രികളുടെ വികസനത്തിനായി സ്വീകരിച്ച നടപടികള്‍ വിശദമാക്കാമോ;

ആയതിലേക്കായി എത്ര തുക ചെലവഴിച്ചിട്ടുണ്ട്; ആശുപത്രി തിരിച്ചുളള വിശദാംശം ലഭ്യമാക്കാമോ; പ്രസ്തുത പ്രവര്‍ത്തനങ്ങളുടെ പുരോഗതി അറിയിക്കാമോ;

പ്രസ്തുത കാലയളവില്‍ ആലത്തൂര്‍ മണ്ഡലത്തില്‍ ദേശീയ ആരോഗ്യ ദൗത്യം ഫണ്ട് വിനിയോഗിച്ച് നടപ്പിലാക്കിയ പദ്ധതികളും പ്രവര്‍ത്തനങ്ങളും എന്തെല്ലാമാണെന്ന് വിശദമാക്കാമോ?

കുറവിലങ്ങാട് താലൂക്ക് ആശുപത്രിയുടെ കിഫ്‌ബി വഴിയുള്ള കെട്ടിട നിർമാണ പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

അടിയന്തരമായി പുതിയ കെട്ടിട നിർമ്മാണം പൂർത്തിയാക്കി ആശുപത്രി ജീവനക്കാരുടെയും രോഗികളുടെയും പ്രശ്നങ്ങൾ പരിഹരിക്കാൻ നടപടികൾ സ്വീകരിക്കാമോ?

ആരോഗ്യ വകുപ്പില്‍ എത്ര ഡെന്റിസ്റ്റുകളാണ് നിലവില്‍ ജോലി ചെയ്ത് വരുന്നത് എന്ന് വ്യക്തമാക്കാമോ; താലൂക്ക് ആശുപത്രി, ജില്ലാ ആശുപത്രി, സി.എച്ച്.സി. എന്നിങ്ങനെ തരം തിരിച്ച് വിശദവിവരം ലഭ്യമാക്കാമോ;

പ്രസ്തുത ആശുപത്രികളില്‍ ഡെന്റല്‍ ഹൈജീനിസ്റ്റുകള്‍ എത്ര ഉണ്ടെന്ന വിവരം ലഭ്യമാക്കാമോ;

ആശുപത്രികളില്‍ ഡന്റിസ്റ്റുകള്‍ക്ക് ആനുപാതികമായി ഡെന്റല്‍ ഹൈജീനിസ്റ്റുകളുടെ പോസ്റ്റ് ക്രിയേഷന്‍ നടത്തുന്നതിന് വകുപ്പ് നടപടി സ്വീകരിച്ചിട്ടുണ്ടോ; വ്യക്തമാക്കുമോ?

ആരോഗ്യ വകുപ്പിന് കീഴിലുള്ള എല്ലാ സ്ഥാപനങ്ങളിലും കൂടി ആകെ എത്ര വാഹനങ്ങളാണ് നിലവിലുള്ളത്; സ്ഥാപനം, വാഹനങ്ങളുടെ ഇനം എന്നിവ സംബന്ധിച്ച ജില്ല തിരിച്ചുള്ള കണക്ക് ലഭ്യമാക്കുമോ;

ഇതിൽ എത്ര വാഹനങ്ങളാണ് നിലവിൽ പ്രവർത്തനക്ഷമമായിട്ടുള്ളത്; പ്രവർത്തനക്ഷമമല്ലാത്തവയിൽ അറ്റകുറ്റപ്പണികൾ ചെയ്ത് ഉപയോഗിക്കാൻ കഴിയുന്നവ എത്രയാണ്; ജില്ലതിരിച്ചുള്ള കണക്ക് ലഭ്യമാക്കുമോ;

ഈ വാഹനങ്ങൾ വകുപ്പിലെ ഏതൊക്കെ ഉദ്യോഗസ്ഥരുടെ പേരിലാണ് രജിസ്റ്റർ ചെയ്തിട്ടുള്ളത്;

വകുപ്പിന് കീഴിൽ ആകെ എത്ര ഡ്രൈവർമാരാണ് ഉള്ളത്; ഓരോ ജില്ലയിലേയും സ്ഥിരം ഡ്രൈവർമാരുടെയും താൽക്കാലിക ഡ്രൈവർമാരുടെയും എണ്ണം എത്ര വീതമാണെന്ന് അറിയിക്കുമോ;

ഒരു പ്രാദേശിക ആരോഗ്യ കേന്ദ്രത്തിന്റെ ഉപയോഗത്തിലേക്കായി എം.എൽ.എ.ഫണ്ട് പോലുള്ള പ്രാദേശിക ഫണ്ട് ഉപയോഗിച്ച് ഒരു വാഹനം വാങ്ങുമ്പോൾ പ്രസ്തുത വാഹനം വകുപ്പിലെ ഏത് ഉദ്യോഗസ്ഥന്റെ പേരിലാണ് രജിസ്റ്റർ ചെയ്യാൻ അനുമതി ഉള്ളത്;

നിലവിൽ ആരോഗ്യ കേന്ദ്രങ്ങൾക്കായി വാങ്ങുന്ന വാഹനങ്ങളുടെ രജിസ്ട്രേഷന് വേണ്ടി സർക്കാരിൽ നിന്നും അനുമതി വാങ്ങിയശേഷം ഡയറക്ടറുടെ പേരിൽ മാത്രം രജിസ്റ്റർ ചെയ്യുന്നതിനാണോ അനുമതി ഉള്ളത്; വാഹനങ്ങൾ വാങ്ങുന്നതിലും രജിസ്റ്റർ ചെയ്യുന്നതിലുമുള്ള നടപടികൾ പൂർത്തിയാക്കുന്നതിൽ ഇത് വലിയ കാലതാമസം ഉണ്ടാക്കുന്നത് ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രാദേശിക ആരോഗ്യ കേന്ദ്രങ്ങൾക്കായി വാങ്ങുന്ന വാഹനങ്ങളുടെ രജിസ്ട്രേഷൻ സംബന്ധിച്ച് സർക്കാർ ഉത്തരവ് പുറപ്പെടുവിക്കുന്ന കാര്യം പരിഗണിക്കുമോ?

പാനൂർ താലൂക്ക് ആശുപത്രി സ്ഥലമെടുപ്പ് നടപടികൾ നീണ്ടുപോകുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

പാനൂർ താലൂക്ക് ആശുപത്രി സ്ഥലമെടുപ്പ് നടപടികൾ തടസ്സങ്ങള്‍ നീക്കി യാഥാർത്ഥ്യമാക്കുന്നതിന് എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ;

പ്രസ്തുത സ്ഥലമെടുപ്പുമായി ബന്ധപ്പെട്ട് നിലവിലുള്ള തടസ്സങ്ങൾ എന്തൊക്കെയാണെന്ന് വ്യക്തമാക്കുമോ?

സംസ്ഥാനത്ത് ഏതൊക്കെ സര്‍ക്കാര്‍ ആശുപത്രികളിലാണ് ക്ലിനിക്കല്‍ സൈക്കോളജിസ്റ്റിന്റെ സേവനം ലഭ്യമായിട്ടുള്ളതെന്ന് അറിയിക്കുമോ;

എല്ലാ ജില്ല, താലൂക്ക് ആശുപത്രികളിലും ക്ലിനിക്കല്‍ സൈക്കോളജിസ്റ്റിന്റെ സേവനം ആവശ്യമാണെന്നുളള വിഷയം ശ്രദ്ധയില്‍പ്പെട്ടിട്ടുണ്ടോ;

ക്ലിനിക്കല്‍ സൈക്കോളജിസ്റ്റിന്റെ സേവനം ലഭ്യമല്ലാത്തത് മൂലം ഭിന്നശേഷിക്കാര്‍ക്ക് മനശാസ്ത്ര പരിശോധനകളും ചികില്‍സകളും ലഭ്യമാകുന്നതില്‍ ബുദ്ധിമുട്ട് നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

ക്ലിനിക്കല്‍ സൈക്കോളജിസ്റ്റിന്റെ സേവനം എല്ലാ ജില്ല, താലൂക്ക് ആശുപത്രികളിലും ലഭ്യമാക്കുന്നതിന് നടപടി സ്വീകരിക്കുമോ?

വിഴിഞ്ഞം കമ്മ്യൂണിറ്റി ഹെൽത്ത് സെന്ററില്‍ രോഗികൾക്ക് ആവശ്യമായ അടിസ്ഥാന സൗകര്യം നിലവിൽ ഇല്ല എന്ന ആരോപണം ശ്രദ്ധയിൽപ്പെട്ടിട്ടുണ്ടോ;

വിഴിഞ്ഞം കേന്ദ്രീകരിച്ച് ഒരു മേജർ ആശുപത്രി സ്ഥാപിക്കുന്നതിലേക്ക് നിലവിലുളള ആശുപത്രിയോട് ചേർന്ന് അഞ്ച് ഏക്കർ സ്ഥലം ഏറ്റെടുക്കാൻ നടപടി സ്വീകരിക്കുമോ ?

കോങ്ങാട് മണ്ഡലത്തിലെ ആശുപത്രികളിലെ അംഗീകൃത തസ്തികകളുടെ നിലവിലെ ഒഴിവുകളുടെ ആശുപത്രി തിരിച്ചുള്ള കണക്ക് ലഭ്യമാക്കാമോ;

കോങ്ങാട് മണ്ഡലത്തിലെ ഏതെല്ലാം പ്രാഥമിക ആരോഗ്യ കേന്ദ്രങ്ങളെ കുടുംബാരോഗ്യകേന്ദ്രങ്ങളാക്കി മാറ്റിയിട്ടുണ്ടെന്ന് വ്യക്തമാക്കാമോ;

പ്രസ്തുത മണ്ഡലത്തിലെ ഏതെല്ലാം പ്രാഥമിക ആരോഗ്യ കേന്ദ്രങ്ങളെ ഇനി കുടുംബാരോഗ്യകേന്ദ്രങ്ങള്‍ ആക്കി ഉയര്‍ത്താനുണ്ടെന്ന് വ്യക്തമാക്കാമോ; അതിനായി സ്വീകരിച്ചിട്ടുള്ള നടപടികള്‍ അറിയിക്കാമോ?

കുമ്പള സി.എച്ച്.സി. യ്ക്ക് പുതിയ കെട്ടിടം നിർമ്മിക്കുന്നതിന് പദ്ധതി തയ്യാറാക്കിയിട്ടുണ്ടോ; എങ്കില്‍ വിശദവിവരങ്ങൾ ലഭ്യമാക്കുമോ?

കാസർഗോഡ് ജില്ലയിലെ ചട്ടഞ്ചാൽ ടാറ്റ ആശുപത്രിയിൽ ക്രിട്ടിക്കൽ കെയർ യൂണിറ്റ് സ്ഥാപിക്കുന്നതിനുള്ള നടപടികൾ ഏത് ഘട്ടത്തിലാണെന്ന് വിശദമാക്കമോ ;

ഇവിടെ പുതിയ ഹോസ്പിറ്റൽ ബ്ലോക്ക് നിർമ്മിക്കുന്നതിന്റെ ഭാഗമായി നിലവിലുള്ള ഇരുമ്പ് കണ്ടെയ്‍നറുകൾ മാറ്റി സ്ഥാപിക്കുന്നതിനുള്ള നടപടികൾ ആരംഭിച്ചിട്ടുണ്ടോ; വിശദാംശം അറിയിക്കാമോ?

നെന്മാറ മണ്ഡലത്തിലെ ഏതെല്ലാം ആശുപത്രികളിലാണ് നിലവില്‍ വാഹന സൗകര്യം ഇല്ലാത്തത് എന്ന് വിശദമാക്കുമോ;

ഈ ആശുപത്രികളില്‍ അടിയന്തരമായി വാഹനം അനുവദിക്കാന്‍ ആവശ്യമായ നടപടികള്‍ സ്വീകരിക്കുമോ?

അരൂര്‍ മണ്ഡലത്തിലെ അരൂക്കുറ്റി ആശുപത്രിയില്‍ പുതുതായി നിര്‍മ്മിക്കുന്ന ഐസൊലേഷന്‍ വാര്‍ഡിന്റെ നിര്‍മ്മാണ പ്രവൃത്തിയുടെ നിലവിലെ സ്ഥിതി വിശദമാക്കാമോ;

പ്രസ്തുത വാര്‍ഡ് നിര്‍മ്മിക്കുന്നതിന് അനുവദിച്ച തുക എത്രയാണെന്ന് വ്യക്തമാക്കാമോ;

പ്രസ്തുത പ്രവൃത്തി നിര്‍വ്വഹിക്കുന്നതിന് ഏത് ഏജന്‍സിയെയാണ് ചുമതലപ്പെടുത്തിയിരിക്കുന്നത് എന്ന് വിശദമാക്കാമോ;

നിര്‍മ്മാണ പ്രവൃത്തി പൂര്‍ത്തീകരിക്കേണ്ട കാലാവധി വ്യക്തമാക്കാമോ; പ്രസ്തുത പ്രവൃത്തി പൂര്‍ത്തീകരിക്കുന്നതിന് കരാര്‍ കാലാവധി നീട്ടി നല്‍കിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

കോട്ടപ്പറമ്പ് ഹോസ്പിറ്റലില്‍ നഴ്സസ് ക്വാർട്ടേഴ്സ് സ്ഥിതി ചെയ്യുന്ന സ്ഥലത്ത് പാർക്കിംഗ് സൗകര്യത്തോട് കൂടി ക്വാർട്ടേഴ്സ്, ബ്ലഡ് ബാങ്ക് കെട്ടിടം എന്നിവ നിർമ്മിക്കുന്നതിനുള്ള പ്രൊപ്പോസലിന്റെ നിലവിലെ സ്ഥിതി വ്യക്തമാക്കാമോ;

കുതിരവട്ടം മാനസികാരോഗ്യ കേന്ദ്രത്തിന് പി.എം.ജെ.എ.വൈ. പദ്ധതി പ്രകാരം ധനം കണ്ടെത്തുന്നതിനുള്ള ശ്രമത്തിന്റെ സ്ഥിതി വിവരിക്കാമോ;

കോഴിക്കോട് സൗത്ത് മണ്ഡലത്തിൽ ഡയാലിസിസ് സെന്റർ നിർമ്മിക്കുന്നതിനുള്ള നിർദ്ദേശത്തിന്റെ നിലവിലെ സ്ഥിതി അറിയിക്കാമോ?

തിരുവല്ല താലൂക്ക് ഹെഡ്ക്വാർട്ടേഴ്സ് ആശുപത്രിയുടെ പുതിയ കെട്ടിടത്തിന്റെ നിർമ്മാണം ആരംഭിക്കുന്നതിന് എന്തെങ്കിലും തടസ്സം നിലനിൽക്കുന്നുണ്ടോ എന്ന് വിശദമാക്കാമോ;

ഇതിന്റെ നിർമ്മാണം എന്നത്തേക്ക് ആരംഭിക്കുവാൻ കഴിയുമെന്ന് വ്യക്തമാക്കാമോ?

കൊണ്ടോട്ടി താലൂക്ക് ഹെഡ്ക്വാർട്ടേഴ്സ് ആശുപത്രി വികസനത്തിന് ഇത് വരെ സ്വീകരിച്ച നടപടികൾ വിശദീകരിക്കുമോ;

പ്രസ്തുത ആശുപത്രിയിൽ ഇപ്പോൾ ഏതെല്ലാം തസ്തികകൾ നിലവിലുണ്ട്; ഇതിനെ താലൂക്ക് ആശുപത്രി നിലവാരത്തിലേക്ക് ഉയർത്തുമ്പോൾ ഏതെല്ലാം തസ്തികകൾ ആവശ്യമായി വരുമെന്ന് വ്യക്തമാക്കാമോ;

ഈ തസ്തികകൾ എന്നത്തേക്ക് സൃഷ്ടിക്കാൻ സാധിക്കുമെന്ന് വിശദമാക്കുമോ?

പെരുവള്ളൂര്‍ കമ്മ്യൂണിറ്റി ഹെല്‍ത്ത്‌ സെന്ററിനെ കുടുംബാരോഗ്യ കേന്ദ്രമാക്കി ഉയര്‍ത്തിയതിന്റെ ഭാഗമായി വന്നിട്ടുള്ള മാറ്റങ്ങള്‍ എന്തെല്ലാമാണെന്ന് വ്യക്തമാക്കാമോ;

കുടുംബാരോഗ്യ കേന്ദ്രമാക്കി ഉയര്‍ത്തിയതിന്റെ ഭാഗമായി നിലവിലുള്ള സ്റ്റാഫ്‌ പാറ്റേണ്‍ വിപൂലീകരിച്ചിട്ടുണ്ടോ; ഉണ്ടെങ്കില്‍ പുതുതായി അനുവദിച്ച തസ്തികകള്‍ സംബന്ധിച്ച വിശദാംശം നിലവില്‍ സ്ഥപനത്തിലുള്ള ജീവനക്കാരുടെ വിശദാംശം എന്നിവ തസ്തിക തിരിച്ച് വ്യക്തമാക്കാമോ;

പെരുവള്ളൂര്‍ കമ്മ്യൂണിറ്റി ഹെല്‍ത്ത്‌ സെന്ററിനെ കുടുംബാരോഗ്യ കേന്ദ്രമാക്കി ഉയര്‍ത്തിയതിന്റെ ഭാഗമായി ഏതെങ്കിലും തരത്തിലുള്ള ധനസഹായം സര്‍ക്കാര്‍ നല്‍കിയിട്ടുണ്ടോ; വിശദമാക്കാമോ?

അങ്കമാലി താലൂക്കാശുപത്രിയിലും മറ്റൂര്‍ സി.എച്ച്.സിക്കു കീഴിലുള്ള ആശുപത്രികളിലും ഡോക്ടര്‍മാര്‍ ഉള്‍പ്പെടെയുള്ള ജീവനക്കാരുടെ കുറവ് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

അങ്കമാലി താലൂക്കാശുപത്രിയില്‍ പുതിയ മന്ദിരം നിര്‍മ്മിക്കുന്നതിന് ഭരണാനുമതി നല്‍കിയിട്ടും ആയതിന്റെ പണി ആരംഭിക്കാത്തതിന്റെ കാരണം വിശദമാക്കാമോ; പുതുക്കിയ എസ്റ്റിമേറ്റും പ്ലാനും ആരോഗ്യവകുപ്പ് ഡയറക്ടര്‍ അംഗീകരിച്ച് ചീഫ് എഞ്ചിനീയര്‍ക്ക് നല്‍കിയിട്ടുണ്ടോ; വിശദാംശം ലഭ്യമാക്കുമോ?

മാവേലിക്കരയിലെ ജില്ലാ ആശുപത്രിയിൽ കെ.എച്ച്.ആര്‍.ഡബ്ല്യു.എസ്. പേ വാർഡ് അതീവ ശോചനീയാവസ്ഥയിലും ഉപയോഗയോഗ്യമല്ലാതായതും ശ്രദ്ധയിൽപ്പെട്ടിട്ടുണ്ടോ;

പ്രസ്തുത കെട്ടിടം പൊളിച്ചു നീക്കി പുതിയ പേ വാർഡ് നിർമ്മിക്കുന്നതിനുള്ള നടപടികൾ സ്വീകരിക്കുമോ; എങ്കില്‍ ആവശ്യമായ തുക അനുവദിക്കുമോ?

ഹരിപ്പാട് താലൂക്ക് ആശുപത്രിയിലെ ഡയാലിസിസ് യൂണിറ്റ് ബ്ലോക്കിന്റെ നിര്‍മ്മാണ പ്രവര്‍ത്തനങ്ങള്‍ വൈകുന്നതിന്റെ കാരണം എന്തെന്ന് വ്യക്തമാക്കുമോ;

പ്രസ്തുത ഡയാലിസിസ് യൂണിറ്റിന്റെ നിര്‍മ്മാണത്തിനായി എത്ര രൂപയാണ് അനുവദിച്ചിട്ടുള്ളതെന്നും ഏതെല്ലാം പ്രവൃത്തികൾക്കാണ് ഈ തുക അനുവദിച്ചിട്ടുള്ളതെന്നും അറിയിക്കാമോ;

ഇതിന്റെ നിര്‍മ്മാണ പ്രവര്‍ത്തനങ്ങള്‍ക്കായി എത്ര രൂപയാണ് പി.ഡബ്ല്യൂ.ഡി. കെട്ടിട വിഭാഗത്തിന് കൈമാറാന്‍ നിശ്ചയിച്ചിട്ടുള്ളതെന്നും ഇതില്‍ എത്ര രൂപ കൈമാറിയിട്ടുണ്ടെന്നും വിശദമാക്കാമോ;

പ്രസ്തുത ഡയാലിസിസ് യൂണിറ്റിന്റെ നിര്‍മ്മാണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തീകരിക്കുന്നതിനുള്ള നടപടി സ്വീകരിക്കുമോ?

കേശവപുരം കമ്മ്യൂണിറ്റി ഹെൽത്ത് സെന്ററിൽ അഞ്ച് കോടി രൂപ ചെലവഴിച്ച് നിർമ്മിക്കുന്ന പുതിയ കെട്ടിടത്തിന്റെ നിർമ്മാണവുമായി ബന്ധപ്പെട്ട് സ്വീകരിച്ച നടപടികൾ വിശദമാക്കുമോ?

കേരള ഇൻഫ്രാസ്ട്രക്ച്ചർ ഇൻവെസ്റ്റ്മെന്റ് ഫണ്ട് ബോർഡ് (KIIFB) വഴി നടപ്പിലാക്കുന്ന കുന്നംകുളം താലൂക്കാശുപത്രിയുടെ കെട്ടിട നിര്‍മ്മാണത്തിന്റെ ഇപ്പോഴത്തെ സ്ഥിതി എന്താണെന്ന് വ്യക്തമാക്കാമോ;

ഭരണാനുമതി ലഭ്യമായ പ്രസ്തുത പദ്ധതിക്ക് കാലതാമസം നേരിടുന്നത് എന്ത് കൊണ്ടാണ്; നിർമാണം എന്നത്തേക്ക് ആരംഭിക്കാനാകുമെന്ന് വ്യക്തമാക്കാമോ?

വടക്കാഞ്ചേരി മണ്ഡലത്തിലെ തൃശ്ശൂര്‍ മെഡിക്കല്‍ കോളേജ് ക്യാംപസ്സില്‍ പ്രവര്‍ത്തിക്കുന്ന തൃശ്ശൂര്‍ നെഞ്ചുരോഗാശുപത്രിയെ ടെറിറ്ററി ക്യാന്‍സര്‍ സെന്റര്‍ ആയി ഉയര്‍ത്തുന്നതിനുള്ള നടപടികള്‍ സ്വീകരിക്കുമോ?

ആലപ്പുഴ പഞ്ചകര്‍മ്മ ആശുപത്രിക്ക് പുതിയ കെട്ടിടം നിർമ്മിക്കുന്നതിന് എത്ര രൂപയാണ് അനുവദിച്ചത്; ആയത് എന്നാണ് ലഭിച്ചത്; നിര്‍മ്മാണം ഏത് ഏജൻസിയെയാണ് ഏൽപ്പിച്ചത്; വ്യക്തമാക്കാമോ;

കെട്ടിട നിര്‍മ്മാണപ്രവൃത്തി ഇടയ്ക്ക് നിർത്തിവച്ചതെന്തുകൊണ്ടാണെന്നും എന്ന് മുതലാണ് നിര്‍മ്മാണം മുടങ്ങിയത് എന്നും അറിയിക്കുമോ;

പ്രശ്നങ്ങൾ പരിഹരിച്ച് നിര്‍മ്മാണം പൂര്‍ത്തിയാക്കാൻ എന്തൊക്കെ നടപടികളാണ് സ്വീകരിച്ചതെന്നു വിശദമാക്കുമോ;

പ്രസ്തുത പ്രവൃത്തി എന്നത്തേക്ക് പൂര്‍ത്തിയാക്കാന്‍ കഴിയും; ഇതിന് എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത് എന്ന് വ്യക്തമാക്കുമോ?

നെയ്യാറ്റിന്‍കര ജനറൽ ആശുപത്രിയിൽ ഒ.പി. വിഭാഗത്തിൽ കൂടുതൽ പി.ജി. മെഡിക്കൽ വിദ്യാർത്ഥികളുടെ സേവനം ലഭ്യമാക്കാന്‍ നടപടി സ്വീകരിക്കാന്‍ കഴിയുമോ എന്ന് വിശദമാക്കാമോ;

നിലവിൽ എത്ര പി.ജി മെഡിക്കൽ വിദ്യാർത്ഥികളുടെ സേവനമാണ് നെയ്യാറ്റിന്‍കര ജനറൽ ആശുപത്രിയിൽ ലഭ്യമാക്കുന്നത് എന്ന് വിശദമാക്കാമോ?

2021-22 വർഷത്തെ എം.എൽ.എ.യുടെ ആസ്തി വികസന ഫണ്ട് ഉപയോഗിച്ച് മാവേലിക്കര മണ്ഡലത്തിൽ വള്ളികുന്നം കുടുംബാരോഗ്യ കേന്ദ്രത്തിൽ ഐസൊലേഷൻ വാർഡ് നിർമ്മിക്കാൻ തീരുമാനിച്ചിരുന്നോയെന്നും ഇതിന്റെ എസ്റ്റിമേറ്റ് തുക എത്രയെന്നും നിർമ്മാണ ചുമതല ആർക്കാണെന്നും വിശദമാക്കുമോ;

പ്രസ്തുത നിർമ്മാണത്തിന്റെ നിലവിലെ സ്ഥിതി വ്യക്തമാക്കുമോ;

പ്രസ്തുത നിർമ്മാണം വേഗത്തിൽ പൂർത്തീകരിക്കുവാൻ ആവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

നിലവിലെ സര്‍ക്കാര്‍ അധികാരത്തില്‍ വന്നശേഷം പാറശ്ശാല മണ്ഡലത്തിലെ വിവിധ പഞ്ചായത്തുകളിലെ ആയുര്‍വേദ, ഹോമിയോ ആശുപത്രികളുടെ വികസനത്തിനായി സ്വീകരിച്ച നടപടികള്‍ വിശദമാക്കാമോ;

ആയതിലേയ്ക്കായി എത്ര തുക ചെലവഴിച്ചിട്ടുണ്ട്; ആശുപത്രി തിരിച്ചുള്ള വിശദാംശം ലഭ്യമാക്കാമോ; പ്രസ്തുത പ്രവര്‍ത്തനങ്ങളുടെ പുരോഗതി അറിയിക്കാമോ;

പ്രസ്തുത കാലയളവില്‍ പാറശ്ശാല മണ്ഡലത്തില്‍ ദേശീയ ആരോഗ്യ ദൗത്യം ഫണ്ട് വിനിയോഗിച്ച് നടപ്പിലാക്കിയ പദ്ധതികളും പ്രവര്‍ത്തനങ്ങളും എന്തെല്ലാമാണെന്ന് വിശദമാക്കാമോ?

നബാർഡ് പദ്ധതിയിൽ ഉൾപ്പെടുത്തിയ എരുമപ്പെട്ടി കമ്മ്യൂണിറ്റി ഹെൽത്ത് സെന്ററിന്റെ കെട്ടിട നിർമ്മാണ പുരോഗതി വിശദമാക്കാമോ;

പ്രസ്തുത പ്രവൃത്തിയുടെ കരാര്‍ കാലാവധി എന്ന് വരെയാണെന്നും കാലാവധിയ്ക്കകം പ്രവൃത്തി പൂര്‍ത്തീകരിക്കുമോ എന്നും വ്യക്തമാക്കാമോ;

കെട്ടിടം പണി പൂര്‍ത്തീകരിക്കുന്ന മുറയ്ക്ക് ഇവിടെ ഉണ്ടായിരുന്ന കിടത്തി ചികിത്സ പുനരാരംഭിക്കാന്‍ നടപടി സ്വീകരിക്കുമോ;

കിടത്തി ചികിത്സക്ക് ആവശ്യമായ ഡോക്ടര്‍മാർ ഉൾപ്പെടെയുള്ള ജീവനക്കാരുടെ തസ്തികകള്‍ സൃഷ്ടിക്കാന്‍ നടപടി സ്വീകരിക്കുമോ?

കോട്ടയ്ക്കൽ മണ്ഡലത്തിലെ കുറ്റിപ്പുറം താലൂക്ക് ആശുപത്രിയിൽ ഒരു കോടി രൂപയിലധികം ചെലവിട്ട് പ്രവർത്തനസജ്ജമാക്കിയ ഇന്റെൻസീവ് കെയർ യൂണിറ്റിന്റെ പ്രവർത്തനം ആരംഭിക്കുന്നതിൽ കാലതാമസം നേരിടുന്നതിന്റെ കാരണം വിശദമാക്കുമോ;

പരിശീലനം നേടിയ നഴ്സിംഗ് സ്റ്റാഫ് അടക്കമുള്ള ജീവനക്കാരെ നിയമിച്ച്‌ ഇന്റെൻസീവ് കെയർ യൂണിറ്റിന്റെ പ്രവർത്തനം ആരംഭിക്കുന്നതിന് അടിയന്തര നടപടി സ്വീകരിക്കുമോ;

കുറ്റിപ്പുറം താലൂക്ക് ആശുപത്രിയിൽ നിലവിൽ എത്ര ജീവനക്കാരുടെ ഒഴിവുകള്‍ ഉണ്ടെന്ന് തസ്തിക തിരിച്ച് അറിയിക്കുമോ, പ്രസ്തുത ഒഴിവുകൾ അടിയന്തരമായി നികത്തുന്നതിനു നടപടി സ്വീകരിക്കുമോ?

വള്ളിക്കുന്ന് മണ്ഡലത്തിലെ പെരുവള്ളൂര്‍ പി.എച്ച്.സി. യിലെ ഐസൊലേഷന്‍ വാര്‍ഡ്‌ നിര്‍മ്മാണത്തിന്റെ ഭാഗമായി കരാറുകാരുമായി ഉണ്ടാക്കിയ ധാരണാ പത്രത്തിന്റെ പകര്‍പ്പ് ലഭ്യമാക്കാമോ;

പ്രസ്തുത പ്രവൃത്തി ആരംഭിച്ച തീയതി എന്നാണ്; ഭാഗികമായി തടസ്സപ്പെട്ടിരിക്കുന്ന പ്രവൃത്തി പുനരാരംഭിക്കുവാന്‍ ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ;

മലപ്പുറം ജില്ലയില്‍ എത്ര ആരോഗ്യ സ്ഥാപനങ്ങളിലാണ് ഐസൊലേഷന്‍ വാര്‍ഡ്‌ നിര്‍മ്മിക്കുവാന്‍ തീരുമാനം എടുത്തിട്ടുള്ളത്; അവയുടെ വിശദാംശങ്ങള്‍ ലഭ്യമാക്കാമോ; നിലവില്‍ അവയുടെ പുരോഗതി വ്യക്തമാക്കാമോ;

സി. എച്ച്. സി. യിലോ ബ്ലോക്ക് തല എഫ്. എച്ച്. സി. യിലോ മള്‍ട്ടിപര്‍പ്പസ് കോണ്‍ക്രീറ്റ് കെട്ടിടത്തോടുകൂടിയുള്ള ഒരു ഐസൊലേഷന്‍ വാര്‍ഡ് നിര്‍മ്മിച്ച്‌ ഫണ്ട് ഫലപ്രദമായി ഉപയോഗിക്കുന്നതുമായി ബന്ധപ്പെട്ട് നിവേദനങ്ങള്‍ ലഭിച്ചിട്ടുണ്ടോ; ഉണ്ടെങ്കില്‍ പ്രസ്തുത നിവേദനങ്ങളിന്മേല്‍ സ്വീകരിച്ച നടപടികള്‍ എന്തെല്ലാമാണ് എന്ന് വ്യക്തമാക്കാമോ?

നിലമ്പൂര്‍ മണ്ഡലത്തിലെ ഏതെല്ലാം പ്രാഥമിക ആരോഗ്യ കേന്ദ്രങ്ങളെയാണ് ആര്‍ദ്രം മിഷന്റെ ഭാഗമായി കുടുംബാരോഗ്യ കേന്ദ്രങ്ങളായി ഉയര്‍ത്തിയതെന്നും ഏതു വര്‍ഷങ്ങളിലാണ് പദവി ഉയര്‍ത്തിയതെന്നും വിശദമാക്കാമോ; പദവി ഉയര്‍ത്തിയതിനെ തുടര്‍ന്ന് ലഭ്യമാക്കിയ കൂടുതല്‍ സൗകര്യങ്ങളെ കുറിച്ച് അറിയിക്കാമോ;

പ്രസ്തുത മണ്ഡലത്തിലെ പ്രാഥമിക ആരോഗ്യ കേന്ദ്രങ്ങളിലും സി.എച്ച്.സി.യിലും ജില്ലാ ആശുപത്രിയിലും 2016 മുതല്‍ നാളിതുവരെ സര്‍ക്കാര്‍ ചെലവഴിച്ച ഫണ്ടുകളുടേയും നടപ്പാക്കിയ പദ്ധതികളുടേയും വിശദാംശങ്ങള്‍ ആരോഗ്യ കേന്ദ്രങ്ങളുടെ പേരുള്‍പ്പെടെ വര്‍ഷം തിരിച്ച് ലഭ്യമാക്കാമോ;

നിലമ്പൂര്‍ എം.എല്‍.എ. യുടെ ആസ്തി വികസന പദ്ധതിയില്‍ നിന്നും നിലമ്പൂര്‍ മണ്ഡലത്തിലെ വിവിധ ആരോഗ്യ കേന്ദ്രങ്ങള്‍ക്കായി 2016 മുതല്‍ നാളിതുവരെ അനുവദിച്ച ഫണ്ട്, വര്‍ഷം, പദ്ധതി, ആരോഗ്യ കേന്ദ്രത്തിന്റെ പേര് തുടങ്ങിയ വിവരങ്ങള്‍ ലഭ്യമാക്കാമോ;

നിലമ്പൂര്‍ നിയോജക മണ്ഡലത്തിലെ വിവിധ ആരോഗ്യ കേന്ദ്രങ്ങളില്‍ 2019 മുതല്‍ നാളിതുവരെ ചെലവഴിച്ച എം.പി. ഫണ്ടുകളുടെ വിശദാംശങ്ങള്‍ അറിയിക്കാമോ?

കുന്നത്തുനാട് മണ്ഡലത്തില്‍ വിവിധ പദ്ധതികള്‍ പ്രകാരം നിര്‍മ്മാണ പ്രവൃത്തികള്‍ നടന്നുവരുന്ന ആരോഗ്യ കേന്ദ്രങ്ങള്‍ ഏതെല്ലാമെന്ന് വ്യക്തമാക്കാമോ;

പ്രസ്തുത നിര്‍മ്മാണ പ്രവൃത്തികള്‍ക്കായി അനുവദിച്ച തുക എത്രയെന്നും നിര്‍വ്വഹണ ഏജന്‍സികള്‍ ഏതെല്ലാമാണെന്നും വെളിപ്പെടുത്താമോ;

പ്രസ്തുത പ്രവൃത്തികളുടെ നിലവിലെ സ്ഥിതി വിശദമാക്കാമോ;

കുമാരപുരം കുടുംബാരോഗ്യ കേന്ദ്രത്തില്‍ പുതിയ കെട്ടിടം നിര്‍മ്മിക്കുന്നതിനായി പഴയ കെട്ടിടം പൊളിച്ചുനീക്കുന്ന നടപടികള്‍ പൂര്‍ത്തിയായിട്ടുണ്ടോ; വിശദാംശം ലഭ്യമാക്കാമോ?

മുക്കം സി.എച്ച്.സി.ക്ക് കെട്ടിടം നിർമ്മിക്കുന്നതിന് നബാർഡ് ധനസഹായം അനുവദിക്കണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോ;

എങ്കിൽ ആയതിന്റെ നിലവിലെ അവസ്ഥ വ്യക്തമാക്കുമോ;

നബാർഡ് ധനസഹായം ലഭിക്കുന്നതിന് നടപടികൾ സ്വീകരിക്കാമോ?

2018 മുതൽ നാളിതുവരെ പത്തനംതിട്ട ജനറൽ ആശുപത്രിയിൽ എന്തൊക്കെ നവീകരണ പ്രവർത്തനങ്ങളാണ് നടത്തിയിട്ടുള്ളത്; അതിൽ കോവിഡ് സമയത്തു നടന്ന നവീകരണ പ്രവർത്തനങ്ങൾ ഏതൊക്കെയെന്നും ആയത് ഏതു അക്രഡിറ്റഡ് ഏജൻസിയെയാണ് ഏൽപ്പിച്ചതെന്നും വ്യക്തമാക്കുമോ;

കോവിഡ് രോഗികളെ അഡ്മിറ്റ് ചെയ്യുന്നതിന് വേണ്ടിയുള്ള ക്യുബിക്കിൾ, മുറികൾ, വാർഡുകൾ എന്നിവ എത്ര രൂപ ചെലവാക്കിയാണ് നവീകരിച്ചത്; വിശദമാക്കുമോ;

ആശുപത്രിയുടെ നവീകരണ പ്രവർത്തനങ്ങൾ നടത്തിയ അക്രഡിറ്റഡ് ഏജൻസിക്കു പ്രവൃത്തിയുടെ മുഴുവൻ തുകയും നൽകിയിട്ടുണ്ടോ; ഇവർക്ക് ആകെ എത്ര തുക നൽകാനുണ്ടെന്നും ഇതുവരെ എത്ര തുക നൽകിയെന്നും ബാക്കി തുക നല്കാനുണ്ടെങ്കിൽ അത് എന്നത്തേക്കു നൽകാൻ സാധിക്കുമെന്നും വെളിപ്പെടുത്തുമോ; ഈ തുക ഏതു ഫണ്ടിൽ/അക്കൗണ്ടിൽ നിന്നാണ് നൽകുന്നതെന്ന് അറിയിക്കുമോ?

മല്ലപ്പള്ളി താലൂക്ക് ആശുപത്രിയിൽ കിഫ്ബി ഫണ്ട് ഉപയോഗിച്ച് പുതിയ കെട്ടിട നിർമ്മാണം തുടങ്ങുന്നതിനുള്ള തടസ്സങ്ങൾ എന്തൊക്കെയാണെന്ന് വ്യക്തമാക്കാമോ;

തടസ്സങ്ങൾ ഒഴിവാക്കി നിർമ്മാണം തുടങ്ങുന്നതിനായി സ്വീകരിക്കുന്ന നടപടികൾ എന്തൊക്കെയെന്ന് വിശദമാക്കാമോ?

നെയ്യാറ്റിന്‍കര ജനറൽ ആശുപത്രിയിൽ 2023-24 ലെ ബജറ്റിൽ അനുവദിച്ച പുതിയ കെട്ടിട നിർമ്മാണത്തിന് പി.ഡബ്ല്യു.ഡി. - ബിൽഡിംഗ് വിഭാഗം നൽകിയ ഡി.പി.ആര്‍. പ്രകാരം ആരോഗ്യ വകുപ്പ് ഭരണാനുമതി നൽകിയിട്ടുണ്ടോ; ഇല്ലെങ്കിൽ അതിന്റെ കാരണം വിശദമാക്കാമോ?

കൊല്ലം ജില്ലാ ആശുപത്രിയിലെ അടിസ്ഥാന സൗകര്യ വികസനത്തിനായുള്ള കിഫ്ബി പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നതിനുള്ള നടപടികള്‍ എപ്രകാരമാണ് പുരോഗമിക്കുന്നതെന്ന് വ്യക്തമാക്കുമോ;

നിലവിലുള്ള കെട്ടിടങ്ങള്‍ പൊളിക്കുന്നതുമായി ബന്ധപ്പെട്ട് ഉണ്ടായിട്ടുള്ള തര്‍ക്കം ശ്രദ്ധയില്‍പ്പെട്ടിട്ടുണ്ടോ; പ്രശ്ന പരിഹാരത്തിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

നടപടി ക്രമങ്ങള്‍ അടിയന്തരമായി പൂര്‍ത്തീകരിച്ച് പ്രവൃത്തി ആരംഭിക്കുന്നതിനുള്ള നടപടികള്‍ സ്വീകരിക്കുമോ; വിശദവിവരം ലഭ്യമാക്കുമോ?

വിഴിഞ്ഞം കമ്മ്യൂണിറ്റി ഹെൽത്ത് സെന്ററിൽ അടിസ്ഥാന സൗകര്യങ്ങള്‍ പലതും നിലവിൽ ഇല്ല എന്നുള്ളത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

വിഴിഞ്ഞം കേന്ദ്രീകരിച്ച് ഒരു മേജർ ആശുപത്രി സ്ഥാപിക്കുന്നതിന് നിലവിലുള്ള ആശുപത്രിയോട് ചേർന്ന് അഞ്ച് ഏക്കർ സ്ഥലം ഏറ്റെടുക്കാൻ തയ്യാറാകുമോ; വിശദമാക്കുമോ?

കൊടുങ്ങല്ലൂർ താലൂക്കാശുപത്രിയിൽ സീവേജ് ട്രീറ്റ്മെന്റ് പ്ലാന്റ് നിർമ്മിക്കുന്നതിന് എത്ര തുകയാണ് അനുവദിച്ചിട്ടുള്ളത്; പ്രസ്തുത തുക എന്നാണ് അനുവദിച്ചതെന്ന് അറിയിക്കാമോ;

പ്രസ്തുത പ്രവൃത്തിയുടെ നിർമ്മാണം ആരംഭിക്കുന്നതിനുള്ള കാലതാമസം എന്താണെന്നും അത് പരിഹരിക്കുന്നതിന് സ്വീകരിച്ചിട്ടുള്ള നടപടികൾ എന്തൊക്കെയാണെന്നും അറിയിക്കാമോ;

സംസ്ഥാനത്ത് നിലവിൽ ഏതൊക്കെ ആശുപത്രികളിലാണ് സീവേജ് ട്രീറ്റ്മെന്റ് പ്ലാന്റുകള്‍ ഉള്ളത്; അവയുടെ നിർമ്മാണം നിർവഹിച്ചിട്ടുള്ളത് ആരാണെന്നും എന്നാണെന്നും അറിയിക്കാമോ?

മങ്കട സി.എച്ച്.സി. യിൽ എന്തെല്ലാം അടിസ്ഥാന സൗകര്യ വികസന പ്രവർത്തനങ്ങളാണ് ഏറ്റവും അടിയന്തരമായി നടപ്പിലാക്കേണ്ടത്; നിലവില്‍ നടന്നു വരുന്ന പ്രവൃത്തികളുടെ പുരോഗതി അറിയിക്കുമോ;

2021- 22-ലെ ബജറ്റിൽ 20% തുക വകയിരുത്തിയതിന്റെ അടിസ്ഥാനത്തിൽ സി.എച്ച്.സി. തയ്യാറാക്കിയ മാസ്റ്റർ പ്ലാൻ പ്രകാരമുള്ള പ്രവൃത്തികളുടെ നിലവിലെ സ്ഥിതി അറിയിക്കുമോ; പ്രവൃത്തി നടപ്പിലാക്കുന്നതിന് ആരോഗ്യവകുപ്പ് ഡയറക്ടർ എന്തെല്ലാം നടപടി സ്വീകരിച്ചിട്ടുണ്ട്; മാസ്റ്റർ പ്ലാൻ തയ്യാറാക്കുന്നതിന് ഏത് ഏജൻസിയെയാണ് നിയമിച്ചിട്ടുള്ളത്; വ്യക്തമാക്കുമോ;

ഈ സി.എച്ച്.സി.യില്‍ ഏതെല്ലാം തസ്തികകളില്‍ എത്ര ജീവനക്കാരുടെ കുറവുണ്ട്; ഒഴിവുള്ള സ്ഥിരം തസ്തികകളില്‍ നിയമനം നടത്തുന്നതിന് സ്വീകരിച്ച നടപടികളുടെ നിലവിലെ സ്ഥിതി അറിയിക്കുമോ;

ഈ സി.എച്ച്.സി.യുടെ സ്റ്റാഫ് പാറ്റേൺ പുതുക്കുന്നതിന് ഏതെങ്കിലും നിർദ്ദേശം പരിഗണനയിൽ ഉണ്ടോ; സ്റ്റാഫ് പാറ്റേൺ പരിഷ്കരിക്കണമെന്ന ആവശ്യം അടിയന്തരമായി പരിഗണിക്കുമോ?

കുറ്റ്യാടി താലൂക്ക് ആശുപത്രിയില്‍ പുതിയ കെട്ടിടം നിര്‍മ്മിക്കുന്ന പ്രവൃത്തിയുടെ നിലവിലെ അവസ്ഥ അറിയിക്കാമോ;

നബാര്‍ഡ് സ്കീം പ്രകാരം അനുമതി ലഭിച്ച പ്രവൃത്തിക്കായി വിഭാവനം ചെയ്ത സ്ഥലത്ത് കെട്ടിടം നിർമ്മിക്കാനുള്ള തീരുമാനം റദ്ദാക്കിയിട്ടും മറ്റൊരു സ്ഥലത്ത് പ്രസ്തുത കെട്ടിട നിർമ്മാണം വൈകുന്നത് എന്ത് കൊണ്ടാണെന്നു വിശദമാക്കാമോ;

പ്രസ്തുത പ്രവൃത്തി സമയബന്ധിതമായി നടപ്പിലാക്കുന്നതിന് സ്വീകരിക്കുന്ന നടപടിക്രമങ്ങള്‍ എന്തൊക്കെയാണെന്ന് വിശദമാക്കുമോ?

നാദാപുരം താലൂക്ക് ആശുപത്രിയില്‍ അനുവദിച്ച ഡയാലിസിസ് സെന്റര്‍ എന്ന് ആരംഭിക്കാന്‍ കഴിയുമെന്ന് വ്യക്തമാക്കാമോ;

പ്രസ്തുത ഡയാലിസിസ് സെന്റര്‍ ആരംഭിക്കാന്‍ നിലവില്‍ തടസ്സങ്ങള്‍ എന്തൊക്കെയെന്ന് അറിയിക്കാമോ?

കോങ്ങാട് മണ്ഡലത്തിലെ തച്ചമ്പാറ കുടുംബാരോഗ്യ കേന്ദ്രം സ്ഥിതി ചെയ്യുന്ന പാലക്കയത്തേക്ക് യാത്രാ സൗകര്യം കുറവായതിനാൽ പ്രസ്തുത പ്രദേശത്തെ ജനങ്ങള്‍ക്ക് ചികിത്സാ സൗകര്യം ലഭിക്കുന്നതിനു ബുദ്ധിമുട്ട് നേരിടുന്ന സാഹചര്യത്തില്‍, തേക്കുവനം സബ്സെന്ററിന്റെ പ്രവര്‍ത്തനം വിപുലീകരിക്കാന്‍ നടപടി സ്വീകരിക്കുമോ എന്ന് അറിയിക്കാമോ?

സ്വകാര്യ ആശുപത്രികളിലെ പരിശോധന ചികിത്സ നിരക്കുകളും ഡോക്ടർമാരുടെ പരിശോധന ഫീസും ഏകീകരിച്ചു രോഗികൾക്കു വിവേചനമില്ലാത്ത ചികിത്സ ലഭ്യമാക്കണമെന്ന ആവശ്യം സംബന്ധിച്ചു സർക്കാരിനു നിവേദനങ്ങൾ ലഭിച്ചിട്ടുണ്ടോ; വ്യക്തമാക്കാമോ;

എങ്കിൽ ആരൊക്കെയാണ് പ്രസ്തുത നിവേദനങ്ങൾ നൽകിയതെന്നും അതിന്മേൽ സ്വീകരിച്ച നടപടികൾ എന്തൊക്കെയാണെന്നും വ്യക്തമാക്കാമോ;

ഇപ്രകാരം ലഭിച്ച നിവേദനം/പരാതി നടപടി സ്വീകരിക്കുന്നതിനായി കേരള സ്റ്റേറ്റ് കൗൺസിൽ ഫോർ ക്ലിനിക്കൽ എസ്റ്റാബ്ലിഷ്മെന്റിനു അയച്ചു കൊടുത്തിരുന്നുവോ;വ്യക്തമാക്കാമോ;

എങ്കിൽ ഏത് പരാതിയാണ് അയച്ചു കൊടുത്തതെന്നും അതിന്മേൽ സ്വീകരിച്ച തുടർനടപടികൾ എന്തൊക്കെയാണെന്നും വ്യക്തമാക്കാമോ;

ആരോഗ്യ കുടുംബക്ഷേമ (എഫ്.ഡബ്ല്യു) വകുപ്പിന്റെ ഹെൽത്ത് എഫ്.ഡബ്ള്യു.3/280/2022/ഹെൽത്ത് 23.01.2023 തീയതിയിലെ കത്ത് ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം നൽകുമോ?

അവയവമാറ്റ ശസ്ത്രക്രിയകൾക്കായി നിലവില്‍ നല്‍കുന്ന ആനുകൂല്യങ്ങള്‍ എന്തൊക്കെയാണെന്ന് വിശദാംശങ്ങള്‍ സഹിതം അറിയിക്കാമോ?

സംസ്ഥാനത്ത് ബ്രാൻഡഡ് മരുന്നുകളുടെ ഉപയോഗം വർദ്ധിച്ചു വരുന്നത് മൂലമുണ്ടാകുന്ന ഭീമമായ ചികിത്സ ചെലവുകൾ കുറയ്ക്കുന്നതിന് ജനറിക് മരുന്നുകളുടെ ഉപയോഗം പ്രോത്സാഹിപ്പിക്കുന്നതിനും ലഭ്യത ഉറപ്പുവരുത്തുന്നതിനും സർക്കാർ ഉദ്ദേശിക്കുന്നുണ്ടോ; എങ്കിൽ ആയതിലേയ്ക്കായി സ്വീകരിച്ചിട്ടുള്ള നടപടികൾ അറിയിക്കാമോ?

മെഡിക്കല്‍ കോളേജുകള്‍ക്കും, ജനറല്‍ ആശുപത്രികള്‍ക്കും, താലൂക്ക് ആശുപത്രികള്‍ക്കും മരുന്ന് വിതരണം ചെയ്ത വകയില്‍ വിവിധ ഏജന്‍സികള്‍ക്ക് എത്ര രൂപ വീതം നല്‍കാനുണ്ട് എന്ന് അറിയിക്കുമോ?

ഓരോ എംഎൽഎ.-യുടെയും ആസ്തി വികസന ഫണ്ടിൽ നിന്നും നീക്കി വച്ചിരുന്ന നാല് കോടി രൂപ ഉപയോഗിച്ച് ഐസൊലേഷന്‍ വാര്‍ഡുകള്‍ നിര്‍മ്മിക്കുന്ന പദ്ധതി ഇപ്പോള്‍ ഏതു ഘട്ടത്തിലാണ്; നാളിതുവരെ എത്രയെണ്ണമാണ് പൂര്‍ത്തിയാക്കിയത്; വിശദമാക്കാമോ;

മറ്റേതെല്ലാം പ്രവർത്തനങ്ങൾക്കായാണ് ഈ തുക വിനിയോഗിച്ചിട്ടുള്ളതെന്നും എം.എൽ.എ. ഫണ്ടിൽ നിന്നും നാല് കോടി രൂപ നീക്കി വച്ചിട്ടും പദ്ധതിക്കായി കിഫ്ബി ഫണ്ട് വകയിരുത്താൻ ഇടയായ സാഹചര്യങ്ങൾ എന്തെല്ലാമാണെന്നും വ്യക്തമാക്കുമോ;

ഐസൊലേഷൻ വാർഡ് നിർമ്മാണം പൊതുമരാമത്തു വകുപ്പിന്റെ നിര്‍മ്മാണ മാനദണ്ഡങ്ങള്‍ പാലിക്കുന്നവയാണോ; ഇതു സംബന്ധിച്ച പരിശോധനകള്‍ നടത്തുന്നത് ആരാണ്; ഐസൊലേഷന്‍ വാര്‍ഡ് നിര്‍മ്മാണത്തില്‍ പലയിടത്തും അപാകതകളുണ്ടെന്നും നിര്‍മ്മാണത്തിന്റെ നിലവാരം കുറവാണെന്നുമുള്ള റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

ഐസൊലേഷന്‍ വാര്‍ഡുകളുടെ നിര്‍മ്മാണച്ചുമതല ആര്‍ക്കാണ്; ഇതിനായുളള കരാര്‍ ഏറ്റെടുത്തത് ഏതു സ്ഥാപനമാണ്; കരാര്‍ പ്രകാരം എന്നാണ് പദ്ധതി പൂര്‍ത്തിയാക്കേണ്ടത്;

പ്രവൃത്തി പൂർത്തിയായ ശേഷം സ്ഥാപിക്കുന്ന ബോർഡുകളിൽ എം.എൽ.എ. ഫണ്ട് സംബന്ധിച്ച വിശദാംശങ്ങൾ ഉൾപ്പെടുത്തുന്നില്ലയെന്നത് ശ്രദ്ധയിൽപ്പെട്ടിട്ടുണ്ടോ;

എം.എൽ.എ. ഫണ്ട് ഉപയോഗിച്ച് നിർമ്മിക്കുന്ന ആസ്തി എന്ന നിലയിൽ ഐസൊലേഷൻ വാർഡുകൾക്ക് മുന്നിൽ സ്ഥാപിക്കുന്ന ബോർഡിൽ ഉൾപ്പെടുത്തേണ്ട വിവരങ്ങൾ സംബന്ധിച്ച് ഒരു മാർഗ്ഗരേഖ പുറപ്പെടുവിക്കുന്നതിനും നിര്‍മ്മാണത്തിന്റെ ഗുണനിലവാരം ഉറപ്പു വരുത്തുന്നതിനായുള്ള പരിശോധന ഉറപ്പാക്കുന്നതിനും നടപടി സ്വീകരിക്കുമോ എന്ന് വ്യക്തമാക്കാമോ?

തൃശ്ശൂര്‍ മെഡിക്കല്‍ കോളേജില്‍ സൂപ്പര്‍ സ്പെഷ്യാലിറ്റി ‍‍ഡിപ്പാര്‍ട്ടുമെന്റുകളില്‍ അസോസിയേറ്റ് പ്രൊഫസര്‍ തസ്തിക അനുവദിച്ച് യുറോളജി, നെഫ്റോളജി, ഗ്യാസ്ട്രോയെന്ററോളജി തുടങ്ങിയ ഡിപ്പാര്‍ട്ട്മെന്റില്‍ ഡി.എം. തുടങ്ങാനുള്ള നടപടികള്‍ സ്വീകരിക്കുമോ?

സംസ്ഥാനത്തെ മെഡിക്കല്‍ കോളേജുകളില്‍ സര്‍ജറി ഉപകരണങ്ങളുടെ അപര്യാപ്തത മൂലം കാർഡിയോ തെറാസിക് ഓപ്പറേഷൻ, വാസ്കുലാർ സർജറി, ഹാർട്ട് ഓപ്പറേഷൻ, ആൻജിയോഗ്രാം, ആൻജിയോപ്ലാസ്റ്റി എന്നിവ നടത്തുന്നതിന് കാലതാമസം നേരിടുന്നുവെന്നുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

2024 ജനുവരി മാസം വരെ പ്രസ്തുത ഓപ്പറേഷനുകള്‍ക്കായി ഓരോ മെഡിക്കല്‍ കോളേജുകളിലും മുന്‍ഗണനാടിസ്ഥാനത്തില്‍ എത്ര പേരാണ് കാത്തിരിക്കുന്നത്; വിശദവിവരം ലഭ്യമാക്കാമോ;

മെഡിക്കല്‍ വിദ്യാഭ്യാസ വകുപ്പിന്റെ കീഴിലുള്ള ആശുപത്രികളില്‍ സ്റ്റെന്റ്, കത്തീറ്റര്‍, ഗൈഡ് വയര്‍ മറ്റ് അനുബന്ധ സാമഗ്രികള്‍ എന്നിവ സപ്ലൈ ചെയ്തയിനത്തില്‍ സര്‍ജിക്കല്‍ സ്ഥാപനങ്ങള്‍ക്ക് എത്ര തുകയാണ് കൊടുക്കുവാനുള്ളത്?

മഞ്ചേരി ഗവൺമെൻറ് മെഡിക്കൽ കോളേജിൽ മോർച്ചറിയും അനുബന്ധ സൗകര്യങ്ങളും വിപുലപ്പെടുത്തിയ സാഹചര്യത്തില്‍ രാത്രി സമയങ്ങളില്‍ പോസ്റ്റ്മോർട്ടം നടത്തുന്നതിനുള്ള നടപടികൾ സ്വീകരിക്കുമോ;

മഞ്ചേരി ഗവൺമെൻറ് നഴ്സിംഗ് കോളേജിന് പുതിയ കെട്ടിടം നിർമ്മിക്കുന്നതിനുള്ള നടപടികൾ സ്വീകരിക്കുമോ;

മഞ്ചേരി നഴ്സിംഗ് സ്കൂളിന് കെട്ടിടം നിർമ്മിക്കുന്നതിനുള്ള നടപടികളുടെ നിലവിലെ അവസ്ഥ വിശദമാക്കാമോ; പ്രസ്തുത പ്രവൃത്തി വേഗത്തില്‍ ആരംഭിക്കുന്നതിനുള്ള നടപടികൾ സ്വീകരിക്കുമോ?

ആലപ്പുഴ, തൃശ്ശൂര്‍, കോട്ടയം, കോഴിക്കോട് മെഡിക്കല്‍ കോളേജുകളില്‍ അനുവദിക്കപ്പെട്ടിട്ടുള്ള എം.ബി.ബി.എസ്. സീറ്റുകളുടെ എണ്ണം, അനുവദിക്കപ്പെട്ടിട്ടുള്ള വിവിധ ഡിപ്പാര്‍ട്ട്മെന്റുകളും ഡോക്ടര്‍ തസ്തികകളും, പാരാമെഡിക്കല്‍ സ്റ്റാഫ് തസ്തികകൾ എന്നിവയുടെ വിശദാംശവും ഇവയില്‍ നിന്നും ലീന്‍ ഉള്‍പ്പെടെ ഏതെങ്കിലും തസ്തികകള്‍ മാറ്റിയിട്ടുണ്ടെങ്കില്‍ പ്രസ്തുത തസ്തികയും അവ എവിടേക്കാണ് മാറ്റിയതെന്നും, ഓരോ മെഡിക്കല്‍ കോളേജ് ആശുപത്രിയിലും അനുവദിക്കപ്പെട്ടിട്ടുള്ള കിടക്കകളുടെ എണ്ണം എന്നിവയും ഇനം തിരിച്ചു ലഭ്യമാക്കാമോ;

ഒരേ എണ്ണം എം.ബി.ബി.എസ്. സീറ്റുകള്‍ ഉള്ള മെഡിക്കല്‍ കോളേജുകളില്‍ വിന്യസിച്ചിട്ടുള്ള ഡോക്ടര്‍മാരുടെയും മറ്റ് ജീവനക്കാരുടെയും എണ്ണത്തില്‍ വന്ന വ്യത്യാസം ശ്രദ്ധയില്‍പ്പെട്ടിട്ടുണ്ടോ; എന്തുകൊണ്ടാണ് ഇങ്ങനെ സംഭവിക്കുന്നത് എന്ന് വ്യക്തമാക്കാമോ; ഇത് നീതിപൂര്‍വ്വം പുന:ക്രമീകരിക്കുവാന്‍ എന്ത് നടപടിയാണ് സ്വീകരിക്കാന്‍ ഉദ്ദേശിക്കുന്നത് എന്നറിയിക്കുമോ?

സര്‍ക്കാര്‍ ആരോഗ്യ കേന്ദ്രങ്ങളിലും ആശുപത്രികളിലും നിയമിക്കുന്ന കരാര്‍/ദിവസ വേതനക്കാരായ ഫാര്‍മസിസ്റ്റുകള്‍, പാരാമെഡിക്കല്‍ ജീവനക്കാര്‍ എന്നിവരുടെ വേതനം പുതുക്കി നിശ്ചയിക്കുന്ന കാര്യം പരിഗണനയിലുണ്ടോ; ഇല്ലെങ്കില്‍ പുതുക്കി നിശ്ചയിക്കുന്നതിന് നടപടി സ്വീകരിക്കുമോ?

ആരോഗ്യ വകുപ്പിൽ എന്‍.എച്ച്.എം. പദ്ധതി പ്രകാരം ഡെന്റൽ പോളി ക്ലിനിക്കുകൾ ആരംഭിക്കുന്ന പദ്ധതിയിൽ ഉള്‍പ്പെടുത്തി ഡെന്റല്‍ ഹൈജീനിസ്റ്റ് തസ്തിക അനുവദിച്ചിട്ടുണ്ടോ; എങ്കില്‍ എത്ര തസ്തികയാണെന്ന് അറിയിക്കാമോ;

എന്‍.ഒ.എച്ച്.പി. പദ്ധതി പ്രകാരം ഡെന്റൽ ഹൈജീനിസ്റ്റ് തസ്തിക വേണമെന്നിരിക്കെ തികച്ചും വിഭിന്നമായ ഡെന്റൽ അസിസ്റ്റന്റ് തസ്തിക മാത്രം സൃഷ്ടിക്കുന്നത് പുനഃപരിശോധിക്കുമോ;

ഡെന്റൽ പോളി ക്ലിനിക്കിൽ ഡെന്റൽ ഹൈജീനിസ്റ്റുകളുടെ സേവനം ഉറപ്പുവരുത്തി ജോലി ഉത്തരവാദിത്തങ്ങൾ നിർവചിക്കുവാൻ നടപടി സ്വീകരിക്കാമോ;

ഡെന്റൽ കൗൺസിൽ ഓഫ് ഇന്ത്യ നിയമ പ്രകാരം അസിസ്റ്റൻസും ഡെന്റൽ ഹൈജീനിസ്റ്റും തികച്ചും വ്യത്യസ്തങ്ങളായ തസ്തികകളാണെന്ന വസ്തുത ആരോഗ്യ വകുപ്പിന്റെ ശ്രദ്ധയിൽപ്പെട്ടിട്ടുണ്ടോ;

ഡെന്റൽ ഹൈജീനിസ്റ്റ് തസ്തിക സൃഷ്ടിക്കുന്നതിന് പകരം ഡെന്റൽ അസിസ്റ്റന്റ് ആയി ഡെന്റൽ ഹൈജീനിസ്റ്റുകളെ നിയമിക്കാനുള്ള തീരുമാനം പിൻവലിക്കുന്നതിനുള്ള നടപടി സ്വീകരിക്കുമോ?

ചവറ മണ്ഡലത്തില്‍ മൈനിംഗ് ഏരിയ വെല്‍ഫെയര്‍ ബോര്‍ഡിന്റെ നിയന്ത്രണത്തില്‍ പ്രവര്‍ത്തിക്കുന്ന ആരോഗ്യ സ്ഥാപനങ്ങളിലെ ജീവനക്കാര്‍ക്ക് കഴിഞ്ഞ 13 വര്‍ഷമായി ശമ്പള വര്‍ദ്ധനവ് നടപ്പാക്കിയിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ; ആയത് നടപ്പിലാക്കുന്നതിന് നടപടി സ്വീകരിക്കുമോ?

സംസ്ഥാനത്ത് ആരോഗ്യ വകുപ്പുമായി ചേര്‍ന്ന് പ്രവര്‍ത്തിക്കുന്നതിന് ആശ പ്രവര്‍ത്തകരെ നിയോഗിച്ചത് ഏത് വര്‍ഷം മുതലാണ്; അന്ന് ഇവരുടെ ഓണറേറിയം എത്ര രൂപയായിരുന്നു; ഇപ്പോള്‍ സംസ്ഥാനത്ത് ഒട്ടാകെ എത്ര ആശ പ്രവര്‍ത്തകരാനുള്ളത്;

മുൻ സർക്കാർ അധികാരമേല്‍ക്കുമ്പോള്‍ ഇവരുടെ ഓണറേറിയം എത്രയായിരുന്നു ; ഇത് വര്‍ദ്ധിപ്പിക്കുന്നതിന് എന്തെല്ലാം നടപടികള്‍ സ്വീകരിച്ചു ; ഇപ്പോഴത്തെ ഓണറേറിയം എത്രയാണ്;വ്യക്തമാക്കാമോ ?

തിരുവനന്തപുരം ഗവണ്‍മെന്റ് മാനസികാരോഗ്യ കേന്ദ്രത്തില്‍ ഒക്ക്യുപേഷണൽ തെറാപ്പിസ്റ്റിന്റെ തസ്തിക നിലവിലുണ്ടോ; എങ്കില്‍ പ്രസ്തുത തസ്തികയുടെ പി.എസ്.സി. ലിസ്റ്റ് നിലവിലുള്ള സാഹചര്യത്തില്‍ നിയമനത്തിന് ആവശ്യമായ നടപടി സ്വീകരിക്കുമോ;

ഇരിങ്ങാലക്കുട നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷൻ (എൻ.ഐ.പി.എം.ആർ.) പോലെയുള്ള സ്ഥാപനങ്ങളിൽ ബാച്ചലർ ഓഫ് ഒക്ക്യുപേഷണൽ തെറാപ്പി കോഴ്സിലെ നിശ്ചിത വിഷയങ്ങൾ പഠിപ്പിക്കുവാൻ ഡോക്ടർമാരുടെ സേവനം ലഭ്യമാകാത്ത സാഹചര്യത്തില്‍ പ്രസ്തുത വിഷയങ്ങൾ പഠിപ്പിക്കാൻ ഡോക്ടർമാരുടെ പാര്‍ട്ട് ടൈം സേവനം ഉറപ്പ് വരുത്തുവാന്‍ നടപടി സ്വീകരിക്കുമോ;

പ്രസ്തുത സ്ഥാപനത്തിലെ ദിവസവേതന ജീവനക്കാർ അവരുടെ സേവന വേതന വ്യവസ്ഥ സംബന്ധിച്ച് ധനകാര്യ വകുപ്പ് സെക്രട്ടറിക്ക് നല്‍കിയ നിവേദനത്തിന്മേല്‍ (6243712/2022 & ഇ 2136776 (ഇ എക്സ് പി-സി 3/91/2022-ഫിൻ) ഭരണവകുപ്പിൽ നിന്നും ശിപാർശ ലഭ്യമായിട്ടുണ്ടോ; വിശദമാക്കാമോ; ആയതിന്റെ പകര്‍പ്പ് ലഭ്യമാക്കാമോ;

നാഷണൽ കമ്മീഷൻ ഫോർ അലൈഡ് ആൻഡ് ഹെൽത്ത് കെയർ പ്രൊഫഷൻസ് ആക്ട് സംസ്ഥാനത്ത് നടപ്പിലാക്കപ്പെട്ടിട്ടുണ്ടോ; പ്രസ്തുത നിയമത്തിന്റെ പരിധിയിൽ സെക്ഷന്‍ 22 പ്രകാരം രൂപീകൃതമായ കേരള സ്റ്റേറ്റ് അലൈഡ് ആന്റ് ഹെല്‍ത്ത് കെയര്‍ കൗണ്‍സിലിൽ ഒക്ക്യുപേഷണൽ തെറാപ്പിസ്റ്റുകളെ ഉൾപ്പെടുത്തിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

പ്രസ്തുത കൗണ്‍സിലില്‍ ഒക്ക്യുപേഷണൽ തെറാപ്പിസ്റ്റുകളെ കൂടി ഉള്‍പ്പെടുത്താന്‍ നടപടി സ്വീകരിക്കുമോ?

ഗവ.ഹോമിയോപ്പതിക് മെഡിക്കല്‍ കോളേജുകളിലെ കേസ് ടേക്കിംഗ് &റെപ്പർട്ടേറൈസേഷൻ വിഭാഗത്തിൽ നാളിതുവരെ പി.എസ്.സി മുഖേന നിയമനം ലഭിച്ച അധ്യാപകരുടെ എൻട്രി കേഡർ തസ്തിക ഏതെല്ലാമാണെന്നും; പ്രസ്തുത അധ്യാപകർക്ക് സ്ഥാനക്കയറ്റം നല്‍കിയിട്ടുണ്ടെങ്കിൽ പ്രസ്തുത അധ്യാപകരുടെ നിലവിലെ തസ്തിക ഏതാണെന്നും; ഇനം തിരിച്ച് ലഭ്യമാക്കാമോ;

പ്രസ്തുത വിഭാഗത്തിൽ നാളിതുവരെ പി.എസ്.സി മുഖേന നിയമനം ലഭിച്ച അധ്യാപകരുടെ പേര്, നിയമന തീയതി, പ്രസ്തുത തസ്തികയില്‍ പ്രവേശിച്ച തീയതി, വിരമിച്ച തീയതി എന്നിവ ഇനം തിരിച്ച് ലഭ്യമാക്കാമോ;

പ്രസ്തുത വിഭാഗത്തിൽ നാളിതുവരെ പി.എസ്.സി മുഖേന നിയമിക്കപ്പെട്ട മുഴുവൻ അധ്യാപകർക്കും ലഭിച്ച അഡ്വൈസ് മെമ്മോയുടെ പകർപ്പ്/നിയമന ഉത്തരവിന്റെ പകർപ്പ് ലഭ്യമാക്കാമോ;

പ്രസ്തുത വിഭാഗത്തിൽ നാളിതുവരെയുള്ള പി.എസ്.സി.മുഖേനയുള്ള അധ്യാപക നിയമനങ്ങളിൽ പട്ടികജാതി/മറ്റ് പിന്നാക്ക വിഭാഗത്തിൽ നിന്നുള്ള ഉദ്യോഗാർത്ഥികൾക്ക് സംവരണ ഊഴം അനുസരിച്ച് നിയമനം ലഭിച്ചിട്ടുണ്ടോ; ഇല്ലെങ്കില്‍ ആയതിനുള്ള കാരണം വിശദമാക്കാമോ;

പ്രസ്തുത നിയമനങ്ങളില്‍ പട്ടികജാതി/മറ്റ് പിന്നാക്ക വിഭാഗത്തിൽ നിന്നുള്ള ഉദ്യോഗാർത്ഥികൾക്കുള്ള സംവരണ ഊഴം മറികടന്ന് മറ്റ് വിഭാഗത്തില്‍പ്പെട്ട ഉദ്യോഗാർത്ഥികൾക്ക് നിയമനം നല്‍കിയിട്ടുണ്ടോ; ഉണ്ടെങ്കില്‍ ആയതിനുള്ള കാരണം വ്യക്തമാക്കാമോ;

പ്രസ്തുത നിയമനങ്ങളില്‍ പട്ടികജാതി വിഭാഗത്തിൽ നിന്നുള്ള ഉദ്യോഗാർത്ഥികൾക്കുള്ള സംവരണ ഊഴം മറികടന്ന് മറ്റ് ഉദ്യോഗാർത്ഥികൾക്ക് നിയമനം നൽകിയിട്ടുണ്ടെങ്കിൽ ആയതിന്റെ അടിസ്ഥാനത്തില്‍ പട്ടികജാതി വിഭാഗത്തില്‍ നിന്നുള്ള ഉദ്യോഗാർത്ഥികൾക്ക് ലഭിക്കേണ്ടിയിരുന്ന സംവരണ ഊഴം ബാക്ക് ലോഗ് ആയിട്ടുണ്ടെന്ന് നിയമനാധികാരി റിപ്പോർട്ട് ചെയ്തിട്ടുണ്ടോ; ഇല്ലെങ്കിൽ ആയതിനുള്ള കാരണം വിശദമാക്കാമോ?

മണലൂര്‍ മണ്ഡലത്തിലെ മുല്ലശ്ശേരി സാമൂഹികാരോഗ്യ കേന്ദ്രത്തില്‍ മാസങ്ങളായി ഹെല്‍ത്ത് സൂപ്പര്‍വൈസര്‍, ഹെല്‍ത്ത് ഇന്‍സ്പെക്ടര്‍, ജൂനിയര്‍ ഹെല്‍ത്ത് ഇന്‍സ്പെക്ടര്‍, ക്ലാര്‍ക്ക് എന്നീ തസ്തികകള്‍ ഒഴിഞ്ഞ് കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ഒഴിവുകള്‍ നികത്തുന്നതിന് നടപടി സ്വീകരിച്ചിട്ടുണ്ടോ; ഇല്ലെങ്കില്‍ അതിനുള്ള സത്വര നടപടി സ്വീകരിക്കുമോ; വിശദാംശങ്ങള്‍ നല്‍കാമോ?

ആരോഗ്യ വകുപ്പിന് കീഴിൽ ഡെന്റൽ ഹൈജിനിസ്റ്റുകളുടെ പ്രവർത്തനം കൂടുതൽ കാര്യക്ഷമമാക്കുന്നതിന് വേണ്ടി എന്തെല്ലാം നടപടികൾ സ്വീകരിക്കാൻ ഉദ്ദേശിക്കുന്നുവെന്ന് വിശദമാക്കാമോ;

ഡെന്റൽ യൂണിറ്റുകൾ ഉണ്ടായിട്ടും ഡെന്റൽ ഹൈജിനിസ്റ്റുകൾ ഇല്ലാത്ത ആശുപത്രികളിൽ ഡെന്റൽ ഹൈജിനിസ്റ്റുകളെ നിയമിക്കാനുള്ള നടപടികൾ സ്വീകരിക്കുന്നുണ്ടോ; വിശദമാക്കാമോ;

തിരൂരങ്ങാടി സർക്കാർ താലൂക്ക് ആശുപത്രിയില്‍ ഡെന്റിസ്റ്റ് ഉണ്ടായിട്ടും ഡെന്റൽ ഹൈജിനിസ്റ്റ് തസ്തികയില്ല എന്നത് പരിഗണിച്ച് പ്രസ്തുത തസ്തിക സൃഷ്ടിക്കുന്നതിനുള്ള നടപടികൾ സ്വീകരിക്കാമോ;വിശദമാക്കാമോ?

ഇടുക്കി ജില്ലയിലെ അപ്ഗ്രേഡ് ചെയ്ത ആയുര്‍വ്വേദ ആശുപത്രികള്‍ വര്‍ഷങ്ങളായി സ്റ്റാഫ് പാറ്റേണ്‍ പ്രകാരമുളള നഴ്‍സുമാര്‍ ഇല്ലാതെ പ്രവര്‍ത്തിച്ചുവരുന്നത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ പ്രസ്തുത ഒഴിവുകളിലേക്ക് കാറ്റഗറി നമ്പര്‍ 016/2021 റാങ്ക് ലിസ്റ്റില്‍ നിന്നും നിയമനം നടത്തുന്നതിനുളള നടപടി സ്വീകരിക്കുമോ; വിശദമാക്കുമോ?

പത്തനംതിട്ട ജില്ലയില്‍ ആരോഗ്യ വകുപ്പില്‍ സ്റ്റാഫ് നഴ്സ് ഗ്രേഡ് 2 തസ്തികയില്‍ നിലവില്‍ ‌എത്ര ‌ഒഴിവുകളുണ്ടെന്ന് അറിയിക്കാമോ; ഇതില്‍ എത്ര ഒഴിവുകള്‍ പി.എസ്.സി.‌യ്ക്ക് റിപ്പോര്‍ട്ട് ചെ‌യ്തെന്നും ഇനി എത്ര ഒഴിവുകള്‍ പി.‌എസ്.സി.യ്ക്ക് റിപ്പോര്‍ട്ട് ചെയ്യാനുണ്ടെന്നും വ്യക്തമാക്കാമോ;

2024 നവംബര്‍ 30 വരെ പ്രസ്തുത തസ്തികയില്‍ എത്ര പ്രതീക്ഷിത ഒഴിവുകളു‌ണ്ടാകുമെന്നാണ് കണ്ടെത്തി‌യിട്ടുള്ളതെന്ന് വ്യക്തമാക്കാമോ; ഏതെല്ലാം മാസങ്ങളിൽ എത്ര ഒഴിവുകള്‍ വീതം ഉണ്ടാകുമെന്ന് വ്യക്തമാക്കാമോ;

ജീവനക്കാർ ദീർഘകാലത്തേക്ക് അവധിയിൽ പ്രവേശിച്ചതിനെ തുടർന്ന് പ്രസ്തുത തസ്തികയിൽ നിലവില്‍ എത്ര ഒഴിവുകള്‍ ഉണ്ടെന്ന് വ്യക്തമാക്കാമോ; 2024 നവംബര്‍ 30 വരെ വിരമിക്കല്‍, പ്രൊമോഷന്‍ എന്നിവ മുഖേന എത്ര ഒഴിവുകളു‌ണ്ടാകുമെന്ന് വ്യക്തമാക്കാമോ;

പത്തനംതിട്ട ജില്ലയില്‍ ആരോഗ്യ വകുപ്പില്‍ സ്റ്റാഫ് നഴ്സ് ഗ്രേഡ് 2 കാറ്റഗറിയില്‍ എത്ര അനുവദനീയ തസ്തികകളാണുള്ളതെന്ന് വ്യക്തമാക്കാമോ; ഇതില്‍ എത്രപേര്‍ ജോലിചെയ്യുന്നുണ്ടെന്നും വ്യക്തമാക്കാമോ;

മറ്റ് ജില്ലകളെ അപേക്ഷിച്ച് പത്തനംതിട്ട ജില്ലയില്‍ ആരോഗ്യ വകുപ്പില്‍ സ്റ്റാഫ് നഴ്സ് ഗ്രേഡ് 2 തസ്തികയിലെ ഒഴിവുകള്‍ സമയബന്ധിതമായി പി.എസ്.സി.യ്ക്ക് റിപ്പോര്‍ട്ട് ചെയ്ത് നികത്തുന്നതിന് നടപടിയുണ്ടാകുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; നിയമനം ത്വരിത ഗതിയിലാക്കുന്നതിന് ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

വരാപ്പുഴ സാമൂഹികാരോഗ്യ കേന്ദ്രത്തില്‍ അസിസ്റ്റന്റ് സര്‍ജനായി പ്രവര്‍ത്തിക്കവേ 12.08.2018 ല്‍ മരണപ്പെട്ട ഡോ. അന്‍വര്‍ എം. കെ. യുടെ ഭാര്യ ശ്രീമതി അനീസ എം. ബഷീറിന് ആശ്രിത നിയമനപ്രകാരം ആരോഗ്യ വകുപ്പില്‍ എല്‍.ഡി. ക്ലര്‍ക്ക് ആയി നിയമനം ലഭിക്കുന്നതിന് 24.09.2021 ന് 2067/2021 നമ്പര്‍ ഉത്തരവ് പ്രകാരം അനുമതി ലഭ്യമായിട്ടും നിയമനം ലഭിക്കുന്നതില്‍ നേരിടുന്ന കാലതാമസത്തിന് കാരണം വ്യക്തമാക്കാമോ;

ടിയാൾക്ക് എന്നത്തേക്ക് നിയമനം നൽകുമെന്ന് വ്യക്തമാക്കാമോ;

പ്രസ്‌തുത വ്യക്തിയുടെ അപേക്ഷ പരിഗണിച്ചു മറ്റ് ഏതെങ്കിലും വകുപ്പിൽ നിയമനം നൽകുന്ന കാര്യം പരിഗണിച്ചിട്ടുണ്ടോ?

കുറ്റ്യാടി മണ്ഡലത്തിലെ കുറ്റ്യാടി താലൂക്ക് ആശുപത്രി ഉള്‍പ്പെടെയുള്ള ആരോഗ്യ കേന്ദ്രങ്ങളില്‍ നിലവിലുള്ള ഒഴിവുകള്‍ ഏതൊക്കെയെന്നു അറിയിക്കാമോ;

ഈ ഒഴിവുകള്‍ നികത്തുന്നതിന് സ്വീകരിക്കുന്ന നടപടിക്രമങ്ങള്‍ വിശദമാക്കാമോ?

കോവളം മണ്ഡലത്തിൽ ഏതെങ്കിലും സർക്കാർ ആശുപത്രിയോട് ചേർന്ന് ഒരു ഡയാലിസിസ് യൂണിറ്റ് സ്ഥാപിച്ച് ആവശ്യമായ ജീവനക്കാരെ നിയോഗിച്ച് പ്രവർത്തനം ആരംഭിക്കുവാൻ നടപടി സ്വീകരിക്കുമോ; വിശദമാക്കുമോ?

മലപ്പുറം ജില്ലയിലെ വളളിക്കുന്ന് നിയോജക മണ്ഡലത്തിലെ ഏതെല്ലാം ആരോഗ്യ സ്ഥാപനങ്ങളെയാണ് പതിനഞ്ചാം ധനകാര്യ കമ്മീഷന്‍ ഗ്രാന്റ് ലഭിക്കുന്നതിന് ആരോഗ്യ വകുപ്പ് ശിപാര്‍ശ ചെയ്തിട്ടുള്ളത്; വിശദമാക്കുമോ;

പ്രസ്തുത സ്ഥപനങ്ങള്‍ക്ക് വേണ്ടി വകുപ്പ് ആവശ്യപ്പെട്ട തുകയും വര്‍ഷവും സംബന്ധിച്ചുള്ള വിശദവിവരം ലഭ്യമാക്കാമോ;

പ്രസ്തുത സ്ഥാപനങ്ങളെ തെരെഞ്ഞെടുക്കുന്നതിന് വേണ്ടി എന്തെല്ലാം നടപടികള്‍ പൂര്‍ത്തീകരിച്ചെന്ന് വ്യക്തമാക്കാമോ?

നിലവിൽ സംസ്ഥാനത്ത് ഹോമിയോപ്പതി വകുപ്പിൽ മാതൃക, എൻ.എ.ബി.എച്ച്., ഐ.എസ്.ഒ., ആയുഷ് ഹെൽത്ത് ആന്റ് വെൽനസ്സ് സെന്റർ എന്നീ നാലു ബഹുമതികളും അലങ്കരിക്കുന്ന ഏതെങ്കിലും ഹോമിയോപ്പതി സ്ഥാപനമുണ്ടോ എന്ന് വ്യക്തമാക്കുമോ;

എങ്കിൽ ഈ സ്ഥാപനത്തിൽ ദിവസേന എത്ര രോഗികൾ ചികിത്സ തേടുന്നുവെന്ന് വ്യക്തമാക്കാമോ;

കിടത്തി ചികിത്സ, ലബോറട്ടറി, ഫിസിയോതെറാപ്പി യൂണിറ്റ് എന്നീ സംവിധാനങ്ങൾ ഇവിടെയുണ്ടോയെന്ന് വ്യക്തമാക്കാമോ;

ഇല്ലെങ്കിൽ ഈ സംവിധാനങ്ങൾ ഏർപ്പെടുത്തുന്നതിന് നടപടികൾ കൈകൊളളുമോ എന്ന് വ്യക്തമാക്കാമോ?

സംസ്ഥാനത്തെ ആരോഗ്യചികിത്സാരംഗത്തെ ദേശീയ നിലവാരത്തിൽ എത്തിക്കുന്നതിന് കഴിഞ്ഞിട്ടുണ്ടോ; എങ്കിൽ വിശദമാക്കുമോ;

ഏറ്റവും കുടുതൽ സൗജന്യ ചികിത്സ നൽകുന്ന ഇന്ത്യൻ സംസ്ഥാനമായി തുടര്‍ച്ചയായി മൂന്നാം തവണയും കേരളത്തെ തെരഞ്ഞെടുത്തിട്ടുണ്ടോ; എങ്കില്‍ പ്രസ്തുത തെരഞ്ഞെടുപ്പിന്റെ മാനദണ്ഡങ്ങൾ എന്തെല്ലാമാണ്;

2016 മുതൽ 2023 വരെ സംസ്ഥാനത്ത് ആരോഗ്യമേഖലയിൽ നടത്തിയിട്ടുള്ള നിയമനങ്ങളുടെ വിശദാംശങ്ങൾ നൽകാമോ; 2016 മുതൽ 2023 വരെ ആരോഗ്യമേഖലയുടെ വികസനത്തിനായി നീക്കി വച്ച തുക എത്രയെന്ന് കണക്കാക്കിയിട്ടുണ്ടോ; ഉണ്ടെങ്കിൽ ആയത് എത്രയെന്ന് വ്യക്തമാക്കാമോ;

2016 മുതൽ 2023 വരെ ആരോഗ്യമേഖലയുടെ വികസനത്തിനായി നീക്കി വച്ച തുക എത്രയെന്ന് കണക്കാക്കിയിട്ടുണ്ടോ; ഉണ്ടെങ്കിൽ ആയത് എത്രയെന്ന് വ്യക്തമാക്കാമോ?

ആരോഗ്യ വകുപ്പിലെ ഡെന്റൽ ഹൈജീനിസ്റ്റുകളെ കൂടുതൽ പൊതുജനോപകാര പ്രദമാക്കുന്നതിന് ഈ സർക്കാർ സ്വീകരിച്ച നടപടികൾ വ്യക്തമാക്കാമോ;

സീനിയർ ഡെന്റൽ ഹൈജീനിസ്റ്റുകളെ ഡന്റൽ ഹൈജീൻ ഓഫീസർ എന്ന് പുനർനാമകരണം നടത്തുന്നതിന് നാളിതുവരെ സ്വീകരിച്ച നടപടികൾ വ്യക്തമാക്കാമോ;

സംസ്ഥാനത്തെ ജില്ലാ ആശുപത്രികളിലെ ഡെന്റൽ ഹൈജീനിസ്റ്റുകള്‍ക്ക് ബോധവത്കരണ പ്രവർത്തനങ്ങൾക്കുള്ള കൂടുതൽ ഉത്തരവാദിത്തങ്ങൾ നൽകുവാൻ നടപടി സ്വീകരിക്കുമോ?

കോങ്ങാട് മണ്ഡലത്തിലെ കാഞ്ഞിരപ്പുഴ പഞ്ചായത്തിലെ നൊട്ടാമല പ്രദേശത്ത് അമ്പതോളം പേര്‍ക്ക് ജനിതക വെെകല്യങ്ങളും മറ്റ് ഗുരുതര രോഗങ്ങളും ബാധിച്ചിരിക്കുന്ന സാഹചര്യത്തിൽ ആയത് സംബന്ധിച്ച് വിശദമായ പഠനം നടത്തുന്നതിന് പ്രത്യേക ധനസഹായ പാക്കേജ് അനുവദിക്കുന്നതിനുള്ള നടപടി സ്വീകരിക്കുമോ?

ബാലുശ്ശേരി മണ്ഡലത്തിലെ ഏതൊക്കെ ആരോഗ്യ ഉപകേന്ദ്രങ്ങളാണ് പുതുക്കിപണിയുന്നത്; വിശദാംശങ്ങള്‍ ഗ്രാമപഞ്ചായത്ത് തിരിച്ച് ലഭ്യമാക്കാമോ;

പ്രസ്തുത ആരോഗ്യ ഉപകേന്ദ്രങ്ങളില്‍ ഏതൊക്കെ പ്രവൃത്തികളാണ് പൂര്‍ത്തിയായിട്ടുള്ളത്; പ്രവൃത്തി ആരംഭിക്കാത്ത ആരോഗ്യ ഉപകേന്ദ്രങ്ങളുടെ പ്രവൃത്തികള്‍ ഇപ്പോള്‍ ഏത് ഘട്ടത്തിലാണ്; വിശദാംശങ്ങള്‍ അറിയിക്കാമോ;

പ്രസ്തുത മണ്ഡലത്തില്‍ എത്ര ആരോഗ്യ ഉപകേന്ദ്രങ്ങളാണ് പുതിയതായി നിര്‍മ്മിക്കാനുദ്ദേശിക്കുന്നത്; വിശദാംശങ്ങള്‍ ലഭ്യമാക്കാമോ?

സംസ്ഥാനത്തെ സര്‍ക്കാര്‍ മെഡിക്കല്‍ കോളേജുകളില്‍ നിന്ന് താലൂക്ക് ആശുപത്രികളിലേയ്ക്ക് റഫര്‍ ചെയ്യുന്ന ഡയാലിസിസ് രോഗികള്‍ക്ക് പ്രസ്തുത ആശുപത്രികളില്‍ ഡയാലിസിസിന് രജിസ്റ്റര്‍ ചെയ്യുമ്പോള്‍ രണ്ടോ മൂന്നോ മാസം കഴിഞ്ഞാണ് ഡയാലിസിസിനുളള തീയതികള്‍ ലഭിക്കുന്നതെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ ഈ കാലതാമസം ഒഴിവാക്കാൻ നടപടി സ്വീകരിക്കുമോ;

അടിയന്തര ഘട്ടങ്ങളിൽ രോഗികള്‍ക്ക് ജില്ലാ താലൂക്ക് ആശുപത്രികളില്‍ ഡയാലിസിസ് ചെയ്യാനുളള സംവിധാനം ഏര്‍പ്പെടുത്താന്‍ കഴിയുമോ; വിശദമാക്കാമോ;

കൂടുതല്‍ ഡയാലിസിസ് കേന്ദ്രങ്ങള്‍ സ്ഥാപിക്കുന്ന കാര്യം പരിഗണനയിലുണ്ടോ; വിശദമാക്കാമോ?

കാഴ്ച പരിമിതർക്കായി എന്തെല്ലാം സേവനങ്ങളാണ് നൽകി വരുന്നതെന്ന് വിശദമാക്കുമോ; ഈ പ്രവർത്തനങ്ങൾക്ക് പുരസ്ക്കാരമോ പ്രത്യേക പരാമർശമോ ലഭിച്ചിട്ടുണ്ടോ; എങ്കിൽ വിശദമാക്കുമോ?

കോവളം മണ്ഡലത്തിൽ ഏതെങ്കിലും സർക്കാർ ആശുപത്രിയോട് ചേർന്ന് ഒരു ഡയാലിസിസ് യൂണിറ്റ് സ്ഥാപിച്ച് ആവശ്യമായ ജീവനക്കാരെ നിയോഗിച്ച് പ്രവർത്തനം ആരംഭിക്കുവാൻ നടപടി സ്വീകരിക്കുമോ?

കെ.എം.എസ്.സി.എൽ. കോഴിക്കോട് ജില്ല മരുന്ന് സംഭരണ ശാല പ്രവർത്തിക്കുന്ന വാടക കെട്ടിടത്തിന്റെ ഉടമകളായ കൊയിലാണ്ടി താലൂക്ക് അഗ്രിക്കൾച്ചറൽ സൊസൈറ്റിക്ക് പ്രസ്തുത കെട്ടിടം വാടകയ്ക്ക് നൽകുവാൻ ബന്ധപ്പെട്ട വകുപ്പിൽ നിന്നും (സഹകരണ വകുപ്പ് ) അനുമതി ലഭിച്ചിട്ടുണ്ടോ എന്നറിയിക്കാമോ;

കെ.എം.എസ്.സി.എൽ.-ൽ ഡെപ്യൂട്ടേഷൻ വ്യവസ്ഥയിൽ ഒരേ ജീവനക്കാർ തന്നെ വർഷങ്ങളായി തുടരുന്നത് ശ്രദ്ധയിൽപ്പെട്ടിട്ടുണ്ടോ;

5 വർഷത്തിൽ കൂടുതൽ ഡെപ്യൂട്ടേഷൻ വ്യവസ്ഥയിൽ ജോലി ചെയ്തവർക്ക് തുടർന്നും ഡെപ്യൂട്ടേഷൻ പുതുക്കി നൽകുന്നത് നിക്ഷിപ്ത താല്പര്യം മുൻനിർത്തി ആണെന്നും ആയതിനാൽ ടി ജീവനക്കാരുടെ വിശ്വാസ്യത ചോദ്യം ചെയ്യപ്പെടേണ്ടതാണെന്നുമുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് നിർത്തലാക്കാൻ നടപടി കൈക്കൊള്ളുമോ;

കെ.എം.എസ്.സി.എൽ. പർച്ചേസ് മാനേജരാകാൻ അടിസ്ഥാന യോഗ്യതയില്ലാത്ത വ്യക്തിയെ പ്രവൃത്തി പരിചയം മാത്രം അടിസ്ഥാനമാക്കി നിയമിക്കുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ?

2020-21 വര്‍ഷത്തെ എം.എല്‍.എ. ആസ്തി വികസന പദ്ധതിയില്‍ ഉള്‍പ്പെടുത്തിയ ഒറ്റപ്പാലം താലൂക്ക് ആശുപത്രിയിലെ ബ്ലഡ് ബാങ്ക് നിര്‍മ്മാണം വൈകുന്നതിന്റെ കാരണം വ്യക്തമാക്കാമോ;

പ്രസ്തുത ബ്ലഡ് ബാങ്ക് തുടങ്ങുന്നതിനാവശ്യമായ അടിയന്തര നടപടി സ്വീകരിക്കുമോ; വിശദവിവരങ്ങള്‍ ലഭ്യമാക്കാമോ?

സംസ്ഥാനത്ത് അവയവദാനം പ്രോത്സാഹിപ്പിക്കുന്നതിന് സ്വീകരിച്ചുവരുന്ന നടപടികൾ എന്തൊക്കെയാണെന്ന് വിശദമാക്കുമോ;

മസ്തിഷ്ക മരണം ഉൾപ്പെടെ മരണശേഷം അവയവദാനത്തിന് തയ്യാറായ ആളിൽ നിന്നും അവയവം ശസ്ത്രക്രിയ ചെയ്തെടുക്കുന്നതിന്റെ ആശുപത്രി ചെലവുകൾ ദാതാവ് വഹിക്കണമെന്ന് വ്യവസ്ഥയുണ്ടോ; ഉണ്ടെങ്കിൽ ആയത് സർക്കാർ വഹിക്കുന്നതിന് നടപടി സ്വീകരിക്കുമോ; വിശദമാക്കുമോ;

മൃതസഞ്ജീവനി പദ്ധതി നടപ്പില്‍ വന്നതിനുശേഷം സംസ്ഥാനത്ത് പ്രസ്തുത പദ്ധതി പ്രകാരവും അല്ലാതെയും എത്ര പേര്‍ക്ക് അവയവങ്ങള്‍ ദാനം ലഭിച്ചുവെന്നും മൃതസഞ്ജീവനി പദ്ധതി പ്രകാരം അവയവം ലഭിക്കാനായി രജിസ്റ്റര്‍ ചെയ്ത് കാത്തിരിക്കുന്നവരുടെ എണ്ണവും ഇനം തിരിച്ച് വ്യക്തമാക്കുമോ?

കോന്നി മെഡിക്കൽ കോളേജിലെ വിദ്യാർത്ഥികളുടെ ഹോസ്റ്റലിലേക്കുള്ള ഫർണിച്ചറുകൾ വിതരണം ചെയ്യുന്നതിന് ഏതു ഏജൻസിയെയാണ് ചുമതലപ്പെടുത്തിയിരുന്നതെന്നു വ്യക്തമാക്കുമോ;

ആകെ എത്ര രൂപയുടെ ഫർണിച്ചറുകൾ ആണ് ഹോസ്റ്റലിലേക്ക് വാങ്ങുവാൻ ഉദ്ദേശിച്ചിട്ടുള്ളതെന്നും ഏതു ഫണ്ട്/അക്കൗണ്ടിൽ നിന്നുള്ള തുക ചെലവഴിച്ചാണ് ഇവ വാങ്ങുന്നതെന്നും വ്യക്തമാക്കുമോ;

ഫർണിച്ചർ വിതരണം ചെയ്യാൻ ഏൽപ്പിച്ച ഏജൻസിക്കു എത്ര തുക മുൻകൂറായി നൽകിയിട്ടുണ്ട്;ഏജൻസി ഫർണിച്ചറുകൾ പൂർണ്ണമായും ഹോസ്റ്റലിൽ വിതരണം ചെയ്തിട്ടുണ്ടോ; ചെയ്തിട്ടില്ലെങ്കിൽ വിതരണത്തിലെ കാലതാമസത്തിന്റെ കാരണം സംബന്ധിച്ച് പ്രസ്തുത ഏജൻസിയോട് വിശദീകരണം ആവശ്യപ്പെട്ടിട്ടുണ്ടോ;

ഫർണീച്ചറിന്റെ വർക്ക് ഓർഡർ ഏജൻസിക്കു നൽകിയ ശേഷം എത്ര ദിവസത്തിനുള്ളിൽ ഫർണിച്ചറുകൾ കോളേജ് ഹോസ്റ്റലിൽ വിതരണം ചെയ്യണമെന്നാണ് എഗ്രിമെന്റിൽ രേഖപ്പെടുത്തിയിട്ടുള്ളത് ; എഗ്രിമെന്റിന്റെ പകർപ്പ് ലഭ്യമാക്കുമോ;

ഫർണിച്ചറുകൾ പൂർണ്ണമായും വിതരണം ചെയ്യാത്തത് മൂലം മെഡിക്കൽ കോളേജിലെ വിദ്യാർത്ഥികൾക്ക് ഹോസ്റ്റലിൽ താമസ സൗകര്യം ഒരുക്കുവാൻ സാധിക്കാത്തതു ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ?

കേരള അലൈഡ് ആൻഡ് ഹെൽത്ത് കെയർ കൗൺസിൽ രൂപീകൃതമായോ; ഇതുമായി ബന്ധപ്പെട്ട കേന്ദ്ര നിയമത്തിന്റെ ചുവടുപിടിച്ച് തന്നെയാണോ സംസ്ഥാനതലത്തിൽ കൗൺസിൽ രൂപീകരിച്ചത്; വ്യക്തമാക്കാമോ; കേന്ദ്ര നിയമം അനുസരിച്ചാണ് കൗൺസിൽ രൂപീകരിച്ചതെങ്കിൽ പ്രസ്തുത നിയമം നടപ്പിലാക്കാൻ എന്തൊക്കെ അധികാരങ്ങളാണ് സംസ്ഥാനത്തിനുള്ളതെന്ന് വ്യക്തമാക്കാമോ; ടി അധികാരങ്ങൾ ഉപയോഗിച്ച് സംസ്ഥാനം സ്വീകരിച്ച നടപടിക്രമങ്ങൾ എന്തൊക്കെയാണെന്ന് വിശദമാക്കാമോ;

പ്രസ്തുത കേന്ദ്ര നിയമത്തിന്റെ ഭാഗമായി സംസ്ഥാനം ഇറക്കിയിരിക്കുന്ന വിജ്ഞാപനങ്ങൾ/ഓർഡറുകൾ ഏതൊക്കെയെന്ന് അറിയിക്കുമോ; പകർപ്പ് ലഭ്യമാക്കുമോ;സംസ്ഥാന കൗൺസിലിലേക്ക് സർക്കാർ നോമിനേറ്റ് ചെയ്ത വ്യക്തികളെ ഏത് മാനദണ്ഡ പ്രകാരമാണ് തീരുമാനിച്ചതെന്ന് അറിയിക്കുമോ; അവരുടെ യോഗ്യത നിശ്ചയിക്കുന്ന ഏതെങ്കിലും വിജ്ഞാപനം/ഓർഡർ ഉണ്ടോ; എങ്കിൽ അതിന്റെ കോപ്പി ലഭ്യമാക്കുമോ;

ഇപ്പോൾ കൗൺസിലിൽ അംഗങ്ങളായിട്ടുള്ള വ്യക്തികൾ ആരൊക്കെയെന്ന് അറിയിക്കുമോ; അവരുടെ യോഗ്യത (വിദ്യാഭ്യാസവും അഡീഷണൽ യോഗ്യതയും ഉൾപ്പെടെ) ഏന്തൊക്കെയാണെന്ന് വ്യക്തമാക്കുമോ; യോഗ്യത സംബന്ധിച്ച വിശദാംശങ്ങളുടെ കോപ്പി ഉൾപ്പെടെ ലഭ്യമാക്കുമോ;

കൗൺസിൽ പ്രായോഗികമായ പ്രവർത്തനം തുടങ്ങിയോയെന്നും രജിസ്ട്രേഷൻ ആരംഭിച്ചോയെന്നും അറിയിക്കുമോ; അക്കാദമിക് മേഖലയെ നവീകരിക്കാൻ നടപടികൾ സ്വീകരിക്കുന്നുണ്ടോ; എങ്കിൽ വിശദാംശം ലഭ്യമാക്കുമോ;

കൗൺസിലിൽ സർക്കാർ സർവീസിൽ നിന്നുള്ള അംഗങ്ങളുണ്ടോ; ഇല്ലെങ്കിൽ അവർ എന്തുകൊണ്ട് അയോഗ്യരായി എന്നറിയിക്കുമോ; അവർ അപേക്ഷകരായി ഉണ്ടായിരുന്നോ; അവരെ ഒഴിവാക്കാൻ കാരണമുണ്ടോ;

കൗൺസിലിൽ സർക്കാർ സർവീസിന് പുറമെയുള്ള അംഗങ്ങളെ എടുക്കാൻ എന്തെങ്കിലും പ്രത്യേക കാരണമുണ്ടോ;ഉണ്ടെങ്കിൽ കാരണം വ്യക്തമാക്കുമോ; ഇല്ലെങ്കിൽ അവർ എന്തുകൊണ്ട് അയോഗ്യരായി എന്നറിയിക്കുമോ; അവർ അപേക്ഷകരായി ഉണ്ടായിരുന്നോ; വ്യക്തമാക്കാമോ?

സംസ്ഥാനത്ത് 2021 മുതല്‍ സർക്കാർ ഉദ്യോഗസ്ഥരുടെയും അവരുടെ ആശ്രിതരുടെയും മെഡിക്കല്‍ റീ ഇംബേഴ്സ്മെന്റിനുള്ള അപേക്ഷകള്‍ തീര്‍പ്പാക്കാതെ കെട്ടിക്കിടക്കുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ടി അപേക്ഷകള്‍ സമയബന്ധിതമായി തീര്‍പ്പാക്കാന്‍ നടപടി സ്വീകരിക്കുമോ; എത്ര അപേക്ഷകള്‍ തീര്‍പ്പാക്കാതെ കെട്ടിക്കിടക്കുന്നു; വിശദമാക്കാമോ;

നിലവില്‍ മെഡിക്കല്‍ റീ ഇംബേഴ്സ്മെന്റിനുള്ള അപേക്ഷകള്‍ സീനിയോറിറ്റി പ്രകാരമാണോ പരിഗണിക്കുന്നത്; അല്ലെങ്കില്‍ ടി അപേക്ഷകള്‍ സീനിയോറിറ്റി പ്രകാരം പരിഗണിച്ച് സമയബന്ധിതമായി തീര്‍പ്പാക്കി വര്‍ഷങ്ങളുടെ കാലതാമസം ഒഴിവാക്കാന്‍ നടപടി സ്വീകരിക്കുമോ; വിശദമാക്കാമോ?

കേരളത്തിന് പുറത്ത് അംഗീകൃത സ്ഥാപനങ്ങളിൽ നിന്നും പാരാമെഡിക്കൽ കോഴ്സുകൾ പൂർത്തിയാക്കിയവർക്ക് കേരളത്തിൽ പാരാമെഡിക്കൽ കൗൺസിൽ രജിസ്ട്രേഷൻ നൽകുന്നതിന് നാളിതുവരെ എന്തൊക്കെ നടപടികളാണ് സ്വീകരിച്ചിട്ടുള്ളത് എന്ന് വ്യക്തമാക്കുമോ;

പ്രസ്തുത വിദ്യാർത്ഥികൾക്ക് സംസ്ഥാനത്ത് കൗൺസിൽ രജിസ്ട്രേഷൻ എപ്പോൾ നൽകാൻ കഴിയുമെന്ന് വ്യക്തമാക്കുമോ?

ചവറ മണ്ഡലത്തിലെ ആരോഗ്യ വകുപ്പുമായി ബന്ധപ്പെട്ട സ്ഥാപനങ്ങളില്‍ നടന്നുവരുന്ന വികസന പ്രവര്‍ത്തനങ്ങളുടെയും ആരോഗ്യ മേഖലയില്‍ നടന്ന് വരുന്ന വിവിധ പദ്ധതികളുടെയും അവലോകന യോഗം എം.എൽ.എ. യുടെ നേതൃത്വത്തില്‍ എല്ലാ മാസവും ചേരുന്നതിന് ജില്ല മെഡിക്കൽ ഓഫീസർക്ക് നിര്‍ദ്ദേശം നല്‍കിയിട്ടുണ്ടോ; ചവറയില്‍ ഇത്തരത്തില്‍ യോഗം വിളിച്ച് ചേര്‍ക്കുന്നതിന് ഏതെങ്കിലും ഉദ്യോഗസ്ഥന് ചുമതല നല്‍കിയിട്ടുണ്ടോ; വ്യക്തമാക്കുമോ?

സംസ്ഥാനത്തെ കാരുണ്യ ആരോഗ്യ സുരക്ഷാ പദ്ധതിയില്‍ എത്ര കുടുംബങ്ങളാണ് നിലവില്‍ ഉള്ളതെന്നും ഇതില്‍ എത്ര കുടുംബങ്ങള്‍ക്കാണ് കേന്ദ്ര ഗവണ്‍മെന്റ് വിഹിതം ലഭ്യമാകുന്നതെന്നും വിശദമാക്കാമോ;

കേന്ദ്ര ഗവണ്‍മെന്റ് പ്രീമിയം തുക കണക്കാക്കി ഒരു കുടുംബത്തിന് എത്ര രൂപ വീതമാണ് അനുവദിക്കുന്നതെന്ന് അറിയിക്കാമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം കാസ്പ് -ല്‍ ഓരോ സാമ്പത്തിക വര്‍ഷവും എത്രകോടി രൂപയാണ് ചെലവഴിച്ചതെന്നും അതില്‍ കേന്ദ്ര വിഹിതമായി എത്ര കോടി രൂപ ലഭിച്ചുവെന്നും അറിയിക്കാമോ;

നിലവില്‍ കാസ്പ്-ല്‍ അംഗമല്ലാത്ത കുടുംബങ്ങളെ പദ്ധതിയില്‍ ഉള്‍പ്പെടുത്താന്‍ ആവശ്യമായ നടപടികള്‍ പരിഗണനയില്‍ ഉണ്ടോ; വ്യക്തമാക്കുമോ?

കണ്ണൂര്‍ ജില്ലയിലെ ഇരിട്ടി ബ്ലോക്ക്‌ പഞ്ചായത്തിനു കീഴിലുള്ള കീഴ്പ്പള്ളി സി.എച്ച്.സി. യിലെ ഡയാലിസിസ് സെന്റര്‍ പ്രവൃത്തി പൂര്‍ത്തീകരിച്ചെങ്കിലും ഡയാലിസിസ് ആരംഭിക്കുന്നതിനുള്ള അനുമതി നല്‍കിയില്ല എന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഡയാലിസിസ് പ്രവര്‍ത്തനം ആരംഭിക്കുന്നതിനുള്ള അടിയന്തര നടപടികള്‍ സ്വീകരിക്കാമോ?

സംസ്ഥാനത്തെ സർക്കാർ മെഡിക്കൽ കോളജുകളിൽ 2023-ൽ എം.ബി.ബി.എസ്. കോഴ്സിലേക്ക് പ്രവേശന പരീക്ഷ കമ്മീഷണറുടെ അലോട്ട്മെൻറിലൂടെ പ്രവേശനം നേടിയ വിദ്യാർഥികളുടെ എണ്ണം ജനറൽ, വിവിധ സംവരണ വിഭാഗങ്ങൾ എന്നിവ തിരിച്ച് ലഭ്യമാക്കാമോ;

സംസ്ഥാനത്തെ സർക്കാർ മെഡിക്കൽ കോളജുകളിൽ 2023-ൽ സ്റ്റേറ്റ് മെറിറ്റിൽ പ്രവേശനം നേടിയ വിദ്യാർഥികളുടെ എണ്ണം സംവരണ വിഭാഗം/ സംവരണേതര വിഭാഗം എന്നിവ വേർതിരിച്ച് ലഭ്യമാക്കാമോ;

2016 മുതൽ 2022 വരെ സംസ്ഥാനത്തെ സർക്കാർ മെഡിക്കൽ കോളജുകളിൽ പ്രവേശന പരീക്ഷ കമ്മീഷണറുടെ അലോട്ട്മെൻറ് വഴി പ്രവേശനം നേടിയവരുടെ എണ്ണം ജനറൽ, വിവിധ സംവരണ വിഭാഗങ്ങൾ എന്നിവ തിരിച്ച് അറിയിക്കാമോ?

വിദേശ മെഡിക്കല്‍ ബിരുദധാരികള്‍ക്ക് പെര്‍മനന്റ് രജിസ്ട്രേഷന്‍ ലഭിക്കുന്നതിന് രണ്ട് വര്‍ഷം ഇന്റേണ്‍ഷിപ്പ് ആവശ്യമാണന്നത് പരിഷ്കരിച്ചിട്ടുണ്ടോ; 22.11.2023-ല്‍ നാഷണല്‍ മെഡിക്കല്‍ കമ്മീഷന്‍ സര്‍ക്കുലര്‍ പ്രകാരം രണ്ട് വര്‍ഷം ഇന്റേണ്‍ഷിപ്പ് എന്നുളളത് ഒരുവര്‍ഷം ക്ലര്‍ക്ക്ഷിപ്പ്, ഒരുവര്‍ഷം ഇന്റേണ്‍ഷിപ്പ് എന്നാക്കിയിട്ടുണ്ടോ; ഉണ്ടെങ്കില്‍ ഓര്‍ഡറിന്റെ കോപ്പി അനുബന്ധമായി ചേര്‍ക്കാമോ;

ക്ലര്‍ക്ക്ഷിപ്പ് ചെയ്യുന്നതിന് ഫീ ഈടാക്കുന്നുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ;

ക്ലര്‍ക്ക്ഷിപ്പ്, ഇന്റേണ്‍ഷിപ്പ് എന്നിവയ്ക്ക് അപേക്ഷിച്ച വിദ്യാര്‍ത്ഥികളുടെ അപേക്ഷ വെെകുന്നത് ശ്രദ്ധയില്‍പ്പെട്ടിട്ടുണ്ടോ; അവയിന്മേല്‍ അടിയന്തരമായി നടപടി പൂര്‍ത്തിയാക്കുന്നതിന് തീരുമാനമെടുക്കുമോ?

ആരോഗ്യ വകുപ്പിനു കീഴിലുളള ഗവ. ദന്തല്‍ കോളേജുകളില്‍ ചെയര്‍സൈഡ് അസിസ്റ്റന്റ് തസ്തിക സൃഷ്ടിക്കുന്നതിനുള്ള പ്രൊപ്പോസല്‍ സര്‍ക്കാരിന്റെ പരിഗണനയിലുണ്ടോ; എങ്കില്‍ ഇക്കാര്യത്തില്‍ സ്വീകരിച്ചുവരുന്ന നടപടികള്‍ വിശദമാക്കാമോ;

ദന്തല്‍ കൗണ്‍സില്‍ ഓഫ് ഇന്ത്യയുടെ ബി.ഡി.എസ്. കോഴ്സ് റെഗുലേഷന്‍സ് 2007 പ്രകാരം ചെയര്‍സൈഡ് അസിസ്റ്റന്റ് തസ്തിക ആവശ്യമാണെന്ന് നിഷ്കര്‍ഷിച്ചിട്ടുണ്ടോ; എങ്കില്‍ പ്രസ്തുത തസ്തിക സൃഷ്ടിക്കുന്നതിലുളള കാലതാമസത്തിന്റെ കാരണം വ്യക്തമാക്കാമോ?

കേരളത്തിന് പുറത്ത് പാരാമെഡിക്കൽ കോഴ്സുകൾ പഠിച്ച വിദ്യാർത്ഥികൾക്ക് പാരാമെഡിക്കൽ കൗൺസിൽ മുഖേന രജിസ്ട്രേഷൻ നടത്തുന്നതിന് നിലവിൽ സംവിധാനം ഏർപ്പെടുത്തിയിട്ടുണ്ടോ; വിശദമാക്കുമോ;

നാഷണൽ കമ്മീഷൻ ഫോർ അലൈഡ് ആന്റ് ഹെൽത്ത് കെയർ പ്രൊഫഷണൽ ആക്ടിന്റെ വ്യവസ്ഥകൾക്കനുസരിച്ച് സംസ്ഥാനത്ത് സ്റ്റേറ്റ് അലൈഡ് ഹെൽത്ത് കെയർ കൗൺസിൽ രൂപീകരിച്ചിട്ടുണ്ടോ; ഇല്ലെങ്കിൽ കാരണം വ്യക്തമാക്കുമോ;

സംസ്ഥാനത്തിന് പുറത്തെ യു.ജി.സി. അംഗീകൃത ആരോഗ്യ സർവ്വകാലാശാലകൾ ഉൾപ്പെടെയുള്ള സ്ഥാപനങ്ങളിൽ നിന്നും വിവിധ ബിരുദ പാരാമെഡിക്കൽ കോഴ്സുകൾ പഠിച്ച് കേരളത്തിൽ തിരിച്ചെത്തുന്ന ഉദ്യോഗാർത്ഥികൾക്ക് രജിസ്ട്രേഷൻ നൽകാത്തതിനാൽ തൊഴിലവസരങ്ങൾ നിഷേധിക്കപ്പെടുന്ന സാഹചര്യം ഒഴിവാക്കുന്നതിനുള്ള നടപടികൾ സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം സംസ്ഥാനത്ത് എത്ര നഴ്സിംഗ് കോളേജുകള്‍ ആരംഭിച്ചിട്ടുണ്ടെന്നും അവ ഏതെല്ലാം എന്നും വ്യക്തമാക്കുമോ;

പ്രസ്തുത കോളേജുകള്‍ക്കായി പുതിയതായി എത്ര തസ്തികകള്‍ സൃഷ്ടിച്ചിട്ടുണ്ടെന്നും അവയില്‍ എത്ര തസ്തികകളില്‍ നിയമനം നടത്തിയിട്ടുണ്ടെന്നും വ്യക്തമാക്കുമോ; വിശദവിവരം നല്‍കുമോ?

സംസ്ഥാനത്ത് നേഴ്സിങ് പഠനത്തിനായി 2011-16 കാലയളവില്‍ എത്ര സീറ്റുകളാണുണ്ടായിരുന്നതെന്നും നിലവില്‍ ഉള്ള സീറ്റുകള്‍ എത്രയാണെന്നുമുള്ള കണക്കുകള്‍ ലഭ്യമാക്കുമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്ത് എത്ര നേഴ്സിങ് കോളേജുകള്‍ ആരംഭിച്ചിട്ടുണ്ടെന്നും അതു വഴി എത്ര സീറ്റുകള്‍ വര്‍ദ്ധിപ്പിക്കാന്‍ കഴിഞ്ഞിട്ടുണ്ടെന്നും വ്യക്തമാക്കാമോ?

കണ്ണൂര്‍ ഗവ. മെഡിക്കല്‍ കോളേജിലെ ഡെന്റല്‍ അദ്ധ്യാപകരെയും ഫാര്‍മസി അദ്ധ്യാപകരെയും സര്‍ക്കാര്‍ സര്‍വീസിലേക്ക് ആഗിരണം ചെയ്യുന്നതിനായി എത്ര തസ്തികകള്‍ സര്‍ക്കാര്‍ സൃഷ്ടിച്ചിട്ടുണ്ട്; എത്ര അദ്ധ്യാപകര്‍ ഈ വകുപ്പുകളില്‍ ജോലി ചെയ്യുന്നുണ്ട്;

നിലവില്‍ സ്ഥിരം തസ്തികയില്‍ ജോലി ചെയ്യുന്ന അദ്ധ്യാപകരെ പോസ്റ്റുകള്‍ ഉണ്ടായിട്ടും സൂപ്പര്‍ ന്യൂമററി വിഭാഗത്തില്‍ ഉള്‍പ്പെടുത്തിയിട്ടുണ്ടോ; ഉണ്ടെങ്കില്‍ ഇത് പരിഹരിക്കുന്നതിനാവശ്യമായ നടപടി സ്വീകരിക്കുമോ?

കോഴിക്കോട് നഴ്സിംഗ് കോളേജില്‍ പി.ജി. ബ്ലോക്ക് നിര്‍മ്മാണത്തിന് പദ്ധതി തയ്യാറാക്കിയിട്ടുണ്ടോ;

എങ്കിൽ പദ്ധതി അടങ്കല്‍, പദ്ധതിയുടെ നിലവിലെ സ്ഥിതി എന്നിവ വ്യക്തമാക്കുമോ?

കണ്ണൂര്‍ സര്‍ക്കാര്‍ മെഡിക്കല്‍ കോളേജില്‍ ഫാര്‍മസി ബിരുദാനന്തര കോഴ്സുകളായ എം.ഫാം. ഫാര്‍മസി പ്രാക്ടീസ്, എം.ഫാം. ഫാര്‍മസ്യൂട്ടിക്കല്‍ കെമിസ്ട്രി എന്നിവ ആരംഭിക്കുന്നതിന് നടപടി സ്വീകരിച്ചിട്ടുണ്ടോ;

നിലവിലെ സാഹചര്യത്തില്‍ അധിക സാമ്പത്തിക ബാധ്യത ഇല്ലാതെ തന്നെ പ്രസ്തുത കോഴ്സുകള്‍ ആരംഭിക്കാന്‍ കഴിയുമോ; വിശദാംശം ലഭ്യമാക്കാമോ?

സംസ്ഥാനത്തെ ആരോഗ്യ സർവകലാശാലക്ക് കീഴിൽ നടത്തപ്പെടുന്ന മുഴുവൻ കോഴ്സുകളുടെയും വിശദാംശങ്ങളും ഓരോ കോഴ്സിലും കഴിഞ്ഞ രണ്ടുവർഷത്തെ വിദ്യാർത്ഥികളുടെ എണ്ണവും കോളേജ്,കോഴ്സ്(ഗവ:/ ഗവ:എയ്ഡഡ്/സഹകരണ/സ്വാശ്രയ കോഴ്സുകൾ) അടിസ്ഥാനത്തിൽ തരം തിരിച്ചു ലഭ്യമാക്കാമോ;

മെഡിക്കൽ വിദ്യാഭ്യാസ വകുപ്പിനു കീഴിൽ നടത്തപ്പെടുന്ന മുഴുവൻ കോഴ്സുകളുടെയും വിശദാംശങ്ങളും ഓരോ കോഴ്സിലും കഴിഞ്ഞ രണ്ടുവർഷത്തെ വിദ്യാർത്ഥികളുടെ എണ്ണവും കോളേജ്,കോഴ്സ്(ഗവ:/ ഗവ:എയ്ഡഡ്/സഹകരണ/സ്വാശ്രയ കോഴ്സുകൾ) അടിസ്ഥാനത്തിൽ തരം തിരിച്ചു ലഭ്യമാക്കാമോ;

കേരളത്തിലെ ആരോഗ്യ വിദ്യാഭ്യാസ മേഖലയിൽ നിലവിൽ ജോലിചെയ്യുന്ന സ്ഥിരം അദ്ധ്യാപകരുടെ എണ്ണം, സ്ഥാപനം, വിഷയം,തസ്തിക തിരിച്ചു ലഭ്യമാക്കാമോ?

സംസ്ഥാനത്ത് ചില പഞ്ചായത്തുകളില്‍ ഹോമിയോ ഡിസ്പെന്‍സറികള്‍ അനുവദിച്ചിട്ടില്ല എന്നത് ശ്രദ്ധയില്‍പെട്ടിട്ടുണ്ടോ;

പുതുക്കാട് മണ്ഡലത്തില്‍പ്പെട്ട വല്ലച്ചിറ ഗ്രാമപഞ്ചായത്തില്‍ പഞ്ചായത്ത് സജ്ജമാക്കിയിട്ടുള്ള കെട്ടിടത്തില്‍ പുതുതായി ഒരു ഹോമിയോ ഡിസ്പെന്‍സറി അനുവദിക്കുന്നതിന് നടപടി സ്വീകരിക്കുമോ?

കോഴിക്കോട് ഗവ. ഹോമിയോ മെഡിക്കല്‍ കോളേജില്‍ എത്ര താല്‍ക്കാലിക ജീവനക്കാരുണ്ടെന്നും ഇവരുടെ നിയമന രീതി എപ്രകാരമാണെന്നും അറിയിക്കുമോ;

നിലവിലുള്ള താല്‍ക്കാലിക ജീവനക്കാരെ എന്ന് മുതലാണ് നിയമിച്ചത്; വിശദാംശം ലഭ്യമാക്കുമോ?

മലപ്പുറം ജില്ലയിൽ ഏതെല്ലാം പഞ്ചായത്തുകളിൽ ഹോമിയോ ഡിസ്പെൻസറികൾ നിലവിലില്ലെന്ന് വ്യക്തമാക്കുമോ;

കൊണ്ടോട്ടി മണ്ഡലത്തിലെ മുതുവല്ലൂർ പഞ്ചായത്തിൽ ഹോമിയോ ഡിസ്പെൻസറി അനുവദിക്കണമെന്ന ആവശ്യത്തിന്മേൽ സ്വീകരിച്ച നടപടികൾ വിശദമാക്കുമോ?

പൂഞ്ഞാർ നിയോജകമണ്ഡലത്തില്‍ ഏതൊക്കെ ആരോഗ്യ സ്ഥാപനങ്ങളിലാണ് ആയുഷ് പദ്ധതി നടപ്പിലാക്കിയിട്ടുള്ളതെന്ന് വിശദമാക്കാമോ;

പ്രസ്തുത ആരോഗ്യ സ്ഥാപനങ്ങളില്‍ എന്തെല്ലാം പ്രവൃത്തികളാണ് നടപ്പിലാക്കിയിട്ടുള്ളതെന്നും അതിലേക്കായി എന്ത് തുക ചെലവഴിച്ചിട്ടുണ്ടെന്നും വ്യക്തമാക്കാമോ;

പൂഞ്ഞാർ മണ്ഡലത്തില്‍ ദേശീയ ആരോഗ്യ ദൗത്യം ഫണ്ട് വിനിയോഗിച്ച് നടപ്പിലാക്കിയ പദ്ധതികളും പ്രവര്‍ത്തനങ്ങളും എന്തെല്ലാമാണെന്ന് അറിയിക്കാമോ?

സംസ്ഥാനത്ത് വില്‍ക്കപ്പെടുന്ന മരുന്നുകളുടെ ഗുണനിലവാര പരിശോധന കൃത്യമായി നടക്കുന്നില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് സ്വീകരിച്ച നടപടികള്‍ വിശദമാക്കാമോ;

സംസ്ഥാനത്ത് പ്രതിവര്‍ഷം എത്ര തുകയുടെ ആയുര്‍വേദ /ഹോമിയോ /മറ്റ് മരുന്നുകള്‍ വിപണനം ചെയ്യുന്നുണ്ടെന്ന് കണക്കാക്കിയിട്ടുണ്ടോ; എങ്കിൽ വെളിപ്പെടുത്തുമോ;

ജനങ്ങളെ തെറ്റിദ്ധരിപ്പിക്കുന്ന പരസ്യങ്ങള്‍ നല്കി പല കമ്പനികളും സംസ്ഥാനത്ത് വിവിധ മരുന്നുകള്‍ വിറ്റഴിക്കുന്നുണ്ട് എന്ന വസ്തുത ശ്രദ്ധയില്‍പ്പെട്ടിട്ടുണ്ടോ; എങ്കില്‍ അവ കണ്ടെത്തുന്നതിനും നിരോധിക്കുന്നതിനും സ്വീകരിച്ച നടപടികള്‍ അറിയിക്കുമോ;

2022 ജനുവരി മുതല്‍ നാളിതുവരെ മരുന്നുകളുടെ ഗുണനിലവാര പരിശോധനയില്‍ ഗുണനിലവാരമില്ല എന്നു കണ്ടെത്തിയ മരുന്നുകളിൽ, അലോപ്പതി/ആയുര്‍വേദ /ഹോമിയോ /മറ്റ് മരുന്നുകള്‍ എത്രയെണ്ണമാണെന്നും ഏതെല്ലാം കമ്പനികളുടെ മരുന്നാണെന്നും അവയുടെ വില്‍പ്പന സംസ്ഥാനത്ത് നിരോധിച്ചിട്ടുണ്ടോ എന്നും വെളിപ്പെടുത്തുമോ ?

വനിതാ ശാക്തീകരണവുമായി ബന്ധപ്പെട്ട് വനിതാ വികസന കോർപ്പറേഷൻ മുഖേന സംസ്ഥാനത്ത് നിലവിൽ നടത്തിവരുന്നതും പുതിയതായി നടപ്പിലാക്കാൻ ഉദ്ദേശിക്കുന്നതുമായ പദ്ധതികൾ ഏതെല്ലാമെന്ന് അറിയിക്കാമോ; വിശദമാക്കാമോ?

സ്കൂള്‍ കുട്ടികള്‍ക്കിടയിലെ ലഹരി ഉപയോഗം തടയുന്നതിനായി ആരംഭിച്ചിട്ടുള്ള നേര്‍വഴി പദ്ധതി സംസ്ഥാനത്താകെ എത്ര സ്കൂളുകളില്‍ നടപ്പിലാക്കിയിട്ടുണ്ടെന്ന് അറിയിക്കുമോ; ഇതിന്റെ ജില്ല തിരിച്ചുള്ള വിശദാംശം ലഭ്യമാക്കുമോ;

കൂടുതല്‍ വിദ്യാലയങ്ങളിൽ പ്രസ്തുത പദ്ധതി നടപ്പാക്കുന്നതിനുള്ള നടപടികള്‍ സ്വീകരിക്കുമോ; വിശദമാക്കുമോ?

സംസ്ഥാനത്തെ അംഗന്‍വാടികളിലെ ടീച്ചർ, ഹെൽപ്പർ എന്നിവർക്ക് ശമ്പളം ഉൾപ്പടെയുള്ള ആനുകൂല്യങ്ങൾ വർധിപ്പിക്കുവാന്‍ നടപടി സ്വീകരിക്കുമോ;

അംഗൻവാടികളിൽ വിതരണം ചെയ്യുന്ന അമൃതം (പൂരക പോഷകാഹാരം) ഉണ്ടാക്കുന്ന എത്ര യൂണിറ്റുകൾ സംസ്ഥാനത്ത് നിലവിൽ ഉണ്ട്; എല്ലാ യൂണിറ്റുകൾക്കും എല്ലാ മാസവും വിതരണാവകാശം ഒരുപോലെ ആണോ നൽകുന്നത്; അമൃതം യൂണിറ്റിന് വേണ്ടി രൂപീകരിച്ച കൺസോർഷ്യം എല്ലാ ജില്ലകളിലും നിലവിലുണ്ടോ എന്ന് വ്യക്തമാക്കുമോ?

2024 ലെ ഏറ്റവും പുതിയ കണക്കനുസരിച്ച് പുനലൂര്‍ നിയോജകമണ്ഡലത്തിൽപ്പെട്ട ആര്യങ്കാവ്, തെന്മല, കുളത്തൂപ്പുഴ, ഏരൂർ, അഞ്ചൽ, ഇടമുളക്കൽ, കരവാളൂർ എന്നീ പഞ്ചായത്തുകളിലും പുനലൂർ മുനിസിപ്പാലിറ്റിയിലുമായി പ്രവർത്തിക്കുന്ന വിവിധ അംഗൻവാടികളുടെ കീഴിൽ രജിസ്റ്റർ ചെയ്യപ്പെട്ട ഭിന്നശേഷിക്കാരിൽ ഇനിയും ഡിസബിലിറ്റി സർട്ടിഫിക്കറ്റ് ലഭിക്കുവാൻ ഉള്ളവരുണ്ടോ; ഉണ്ടെങ്കില്‍ അത്തരം ആളുകളുടെ പേര്, മേൽവിലാസം, വയസ്സ്, ഫോണ്‍ നമ്പർ എന്നിവ ശേഖരിച്ച് ലഭ്യമാക്കാമോ;

2021 ഏപ്രില്‍ മുതല്‍ നാളിതുവരെ ഡിസബിലിറ്റി സർട്ടിഫിക്കറ്റ് നല്‍കുന്നതിനായി മണ്ഡലത്തില്‍ എത്ര ക്യാമ്പുകള്‍ സംഘടിപ്പിച്ചിട്ടുണ്ടെന്നും എവിടെയൊക്കെയാണെന്നും ആകെ എത്ര ഭിന്നശേഷിക്കാര്‍ക്ക് സര്‍ട്ടിഫിക്കറ്റ് നല്കിയിട്ടുണ്ടെന്നും അറിയിക്കുമോ?

ചാത്തന്നൂർ മണ്ഡലത്തിൽ സ്വന്തമായി സ്ഥലവും കെട്ടിടവും ഉള്ള എത്ര അംഗന്‍വാടികൾ ഉണ്ടെന്ന് അറിയിക്കാമോ;

സ്വന്തമായി സ്ഥലവും കെട്ടിടവും ഇല്ലാത്ത അംഗന്‍വാടികൾ ഏതെല്ലാമെന്നും പ്രസ്തുത അംഗന്‍വാടികൾ ഏതെല്ലാം തദ്ദേശസ്വയംഭരണ സ്ഥാപനങ്ങളിൽ ഉൾപ്പെടുന്നുവെന്നും വ്യക്തമാക്കാമോ;

സ്വന്തമായി വസ്തു ഉണ്ടെങ്കിലും സ്വന്തമായി കെട്ടിടമില്ലാത്ത അംഗന്‍വാടികൾ ഏതെല്ലാമെന്നും അവ ഏതെല്ലാം തദ്ദേശസ്വയംഭരണ സ്ഥാപനങ്ങളിൽ ഉൾപ്പെടുന്നുവെന്നും അറിയിക്കാമോ;

ചാത്തന്നൂർ മണ്ഡലത്തിൽ ഉടൻ പുനർനിർമ്മാണം നടത്തേണ്ട അംഗന്‍വാടി കെട്ടിടങ്ങൾ ഏതെല്ലാമെന്ന് തിട്ടപ്പെടുത്തിയിട്ടുണ്ടോ; ഉണ്ടെങ്കിൽ പ്രസ്തുത അംഗന്‍വാടികൾ ഏതെല്ലാമെന്നും അവ ഏതെല്ലാം തദ്ദേശസ്വയംഭരണ സ്ഥാപനങ്ങളിൽ ഉൾപ്പെടുന്നുവെന്നും വിശദമാക്കാമോ?

കുടുംബപരിചരണം സ്ത്രീകള്‍ക്കുമേല്‍ അടിച്ചേല്‍പ്പിക്കുന്ന ഒരു വ്യവസ്ഥ നിലനിൽക്കുന്ന സാഹചര്യത്തിൽ "സാമൂഹ്യ പരിചരണം" എന്ന ഒരു ആശയം വികസിപ്പിച്ചെടുത്ത് അംഗൻവാടികളെ ഡേ കെയര്‍ സെന്ററുകളായി ഉയര്‍ത്തുകയും കമ്മ്യൂണിറ്റി കിച്ചന്‍ സംവിധാനം വിപുലപ്പെടുത്തുകയും ചെയ്യുന്നതിനായുള്ള നടപടികള്‍ സ്വീകരിക്കുമോ; വിശദമാക്കാമോ?

അംഗന്‍വാടി കുട്ടികള്‍ക്ക് പോഷകാഹാരം ഉറപ്പാക്കാന്‍ ആഴ്ചയില്‍ 2 ദിവസം പാലും മുട്ടയും നല്‍കുന്ന പദ്ധതിയുടെ നടത്തിപ്പിനായി ഈ സാമ്പത്തിക വര്‍ഷം വകയിരുത്തിയ തുകയുടെയും ചെലവഴിച്ച തുകയുടേയും വിശദാംശം ലഭ്യമാക്കാമോ?

ഔവര്‍ റെസ്പോണ്‍സിബിലിറ്റി റ്റു ചില്‍ഡ്രന്‍ പദ്ധതി സംസ്ഥാനത്ത് എന്നാണ് ആരംഭിച്ചിട്ടുള്ളത്; നിലവില്‍ സംസ്ഥാനത്തെ എത്ര വിദ്യാലയങ്ങളില്‍ ഈ പദ്ധതി നടപ്പാക്കുന്നുണ്ടെന്ന് ജില്ല തിരിച്ചുള്ള കണക്കുകള്‍ വ്യക്തമാക്കാമോ?

സംസ്ഥാനത്ത് ഭക്ഷ്യസുരക്ഷാ പരിശോധനകൾ വേണ്ടത്ര കാര്യക്ഷമമാകുന്നില്ല എന്ന മാധ്യമ വാർത്തകൾ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

നിയമവും ചട്ടവും നിലവിൽ വന്നിട്ടും നാളിതുവരെ ലൈസൻസ് എടുക്കാത്ത സ്ഥാപനങ്ങൾക്കെതിരെ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കുമോ;

ഈ സർക്കാർ അധികാരത്തിൽ വന്ന ശേഷം ഓപ്പറേഷൻ ഫോസ്‍കോസ് ലൈസൻസ് ഡ്രൈവ് എത്രയെണ്ണം നടത്തിയിട്ടുണ്ട്; വിശദമാക്കാമോ;

അനധികൃതമായി പ്രവർത്തിച്ച എത്ര സ്ഥാപനങ്ങൾക്കെതിരെ നടപടികൾ സ്വീകരിച്ചിട്ടുണ്ട്; അറിയിക്കുമോ?

ഭക്ഷ്യസുരക്ഷയുമായി ബന്ധപ്പെട്ട് നടത്തിയ പ്രവര്‍ത്തനങ്ങളുടെ ഫലമായി നേടുവാന്‍ കഴിഞ്ഞിട്ടുള്ള അംഗീകാരങ്ങള്‍ സംബന്ധിച്ച വിശദാംശം അറിയിക്കാമോ;

രാജ്യത്തെ സംസ്ഥാനങ്ങളില്‍ ഭക്ഷ്യസുരക്ഷാ സൂചികയില്‍ കേരളം ഒന്നാമതെത്തുന്നതിനായി പരിഗണിച്ച മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കുമോ;

ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാന ഭക്ഷ്യസുരക്ഷാ വകുപ്പ് നടത്തിവരുന്ന പ്രവര്‍ത്തനങ്ങള്‍ അവലോകനം ചെയ്തിട്ടുണ്ടോ; എങ്കില്‍ വിശദമാക്കാമോ;

ഭക്ഷ്യസുരക്ഷാ വകുപ്പിന്റെ എന്‍ഫോഴ്സ്മെന്റ് പ്രവര്‍ത്തനങ്ങള്‍ കൂടുതല്‍ ശക്തമാക്കുന്നതിനും വകുപ്പിനെ നവീകരിക്കുന്നതിനും ആധുനികവല്‍ക്കരിക്കുന്നതിനും വകുപ്പില്‍ കൂടുതല്‍ തസ്തികകള്‍ സൃഷ്ടിക്കുന്നതിനും ഉദ്ദേശിക്കുന്നുണ്ടോ; വിശദമാക്കാമോ?