സംസ്ഥാനത്ത് വനവല്‍ക്കരണം നടപ്പിലാക്കുവാനായി കേന്ദ്ര കോമ്പന്‍സേറ്ററി അഫോറസ്റ്റേഷന്‍ ഫണ്ട് മാനേജ്മെന്റ് പ്ലാനിംഗ് അതോറിറ്റി സംസ്ഥാന സര്‍ക്കാരിന് 2020-21 കാലഘട്ടത്തില്‍ തുക അനുവദിച്ചിട്ടുണ്ടോ;

കേരളത്തേക്കാള്‍ ചെറിയ സംസ്ഥാനങ്ങളായ ത്രിപുര, മിസോറാം, മണിപ്പൂര്‍, സിക്കിം എന്നീ സംസ്ഥാനങ്ങള്‍ക്ക് നല്‍കിയതിനെക്കാള്‍ കുറഞ്ഞ വിഹിതമാണോ സംസ്ഥാനത്തിന് ലഭിച്ചിട്ടുള്ളത്; എങ്കില്‍ അതിനുള്ള കാരണം അറിയിക്കുമോ?

സംസ്ഥാനത്തെ വനങ്ങളെ കാട്ടുതീയില്‍ നിന്ന് സംരക്ഷിക്കുന്നതിനായി സാങ്കേതികവിദ്യ പ്രയോജനപ്പെടുത്തി ഫയര്‍ അലര്‍ട്ട് സിസ്റ്റം ഏര്‍പ്പെടുത്തിയിട്ടുണ്ടോ; വിശദമാക്കാമോ;

അഗ്നി പ്രതിരോധ പ്രവര്‍ത്തനങ്ങള്‍ക്ക് മേല്‍നോട്ടം വഹിക്കുന്നതിനായി സംസ്ഥാന തലത്തില്‍ 24 മണിക്കൂറും പ്രവര്‍ത്തിക്കുന്ന ഫയര്‍ മോണിറ്ററിംഗ് സെല്ലിന്റെ പ്രവര്‍ത്തനം ആരംഭിച്ചിട്ടുണ്ടോ; വിശദാംശം നല്‍കുമോ;

കാട്ടുതീ സാധ്യത മുന്‍കൂട്ടി അറിയുവാന്‍ ഫയര്‍ വാണിംഗ് സിസ്റ്റം നടപ്പിലാക്കിയിട്ടുണ്ടോ;

കാട്ടുതീയില്‍ നിന്നുള്ള വനസംരക്ഷണ പ്രവൃത്തികള്‍ വിലയിരുത്തുന്നതിനും മറ്റ് വകുപ്പുകളുടെ ഏകോപനം ഉറപ്പുവരുത്തുന്നതിനുമായി രൂപീകരിച്ച സ്റ്റേറ്റ് ലെവല്‍ മോണിറ്ററിംഗ് കമ്മിറ്റിയുടെ പ്രവര്‍ത്തനങ്ങള്‍ വിശദമാക്കാമോ?

സംസ്ഥാനത്തിന്റെ വനവിസ്തൃതി നിലവില്‍ എത്ര ഹെക്ടറാണ്; കഴിഞ്ഞ പത്ത് വര്‍ഷത്തിനുളളില്‍ വനവിസ്തൃതിയില്‍ എത്ര ശതമാനം വര്‍ദ്ധനവ് ഉണ്ടായി; അറിയിക്കാമോ;

കേരളത്തിലെ വനങ്ങളുടെ കാര്‍ബണ്‍ ശേഖരം എത്രയാണെന്ന് കണക്കാക്കിയിട്ടുണ്ടോ; അത് രാജ്യത്തിന്റെ മൊത്തം കാര്‍ബണ്‍ ശേഖരണത്തിന്റെ എത്ര ശതമാനം വരും; വ്യക്തമാക്കുമോ?

സംസ്ഥാനത്ത് എത്ര ഏക്കര്‍ ഭൂമിയാണ് സംരക്ഷിത വനമായി മാറ്റുന്നത്; ജില്ല തിരിച്ച് കണക്ക് ലഭ്യമാക്കുമോ;

കാസര്‍ഗോഡ് ജില്ലയില്‍ സാമൂഹ്യ വനവല്‍ക്കരണ വിഭാഗത്തിന്റെ കീഴിലുണ്ടായിരുന്ന ഭൂമി സംരക്ഷിത വനമായി മാറ്റുവാന്‍ തീരുമാനിച്ചിട്ടുണ്ടോയെന്ന് അറിയിക്കാമോ;

ഇതിന്റെ നടപടിക്രമങ്ങള്‍ നിലവില്‍ ഏത് ഘട്ടത്തിലാണെന്ന് വ്യക്തമാക്കുമോ?

പരിസ്ഥിതി ദിനാചരണത്തോടനുബന്ധിച്ച് വനം വകുപ്പ് വിതരണം ചെയ്ത പകുതിയോളം വൃക്ഷത്തൈകൾ തുടര്‍പരിപാലനം ഇല്ലാത്തതിനാല്‍ നശിച്ചുപോകുന്ന സാഹചര്യം ഉണ്ടായിട്ടുണ്ടോ; വിശദാംശം അറിയിക്കാമോ;

2016 മുതല്‍ 2020 വരെ ഓരോ വര്‍ഷവും എത്ര വൃക്ഷത്തൈകളാണ് വനം വകുപ്പ് വിതരണം ചെയ്തതെന്നും അതിനായി പ്രസ്തുത വര്‍ഷങ്ങളില്‍ ഓരോന്നിലും എന്ത് തുക ചെലവ് ചെയ്തുവെന്നും വ്യക്തമാക്കുമോ;

വിതരണം ചെയ്യുന്ന തൈകളുടെ അതിജീവനം വിലിയിരുത്തുവാന്‍ നിലവില്‍ എന്തെങ്കിലും സംവിധാനം ഉണ്ടോ; വിശദമാക്കുമോ;

വൃക്ഷത്തൈ വിതരണത്തിനും, പരിപാലനത്തിനും നിലവിലുള്ള സംവിധാനം ഫലപ്രദമല്ലാത്തതിനാലാണ് വിതരണം ചെയ്യുന്ന തൈകളില്‍ കൂടുതലും നശിക്കുവാന്‍ കാരണമെന്ന് വിലയിരുത്തുന്നുണ്ടോ; വ്യക്തമാക്കുമോ?

സംസ്ഥാനത്ത് 2002 ഒക്ടോബര്‍ 30ന് മുമ്പ് പ്രവര്‍ത്തിച്ചിരുന്നതും ഇപ്പോള്‍ പ്രവര്‍ത്തനാനുമതി ഇല്ലാത്തതുമായ തടിമില്ലുകള്‍ക്കും മരാധിഷ്ടിത വ്യവസായശാലകള്‍ക്കും ഫോറസ്റ്റ് ലൈസന്‍സ് നല്‍കുന്നതിന് വനംവകുപ്പ് തീരുമാനിച്ചിട്ടുണ്ടോ;

ഏതെങ്കിലും നിബന്ധനകളുടെ അടിസ്ഥാനത്തിലാണോ ഇപ്രകാരം ലൈസന്‍സ് പുതുക്കുന്നത്; വിശദാംശം നല്‍കുമോ;

ലൈസന്‍സ് പുതുക്കുന്നതിനായി ഇതിനകം എത്ര അപേക്ഷകള്‍ ലഭിച്ചു; അതില്‍ എത്രയെണ്ണത്തിന് ലൈസന്‍സ് അനുവദിച്ചു?

സംസ്ഥാനത്ത് വനഭൂമി കയ്യേറ്റം പൂര്‍ണ്ണമായും തടയുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്;

വനം കയ്യേറ്റം പൂര്‍ണ്ണമായും തടയുന്നതിന് വനങ്ങളുടെ അതിര്‍ത്തി സര്‍വ്വേ നടത്തി സ്ഥിരം ജണ്ടകള്‍ കെട്ടി വേര്‍തിരിക്കുന്ന പദ്ധതിയുടെ പുരോഗതി അറിയിക്കുമോ;

വനാതിര്‍ത്തി സര്‍വ്വേ ചെയ്യുന്നതിന് ഉദ്യോഗസ്ഥര്‍ക്ക് എന്തെല്ലാം പരിശീലനങ്ങളാണ് നല്‍കിവരുന്നത്;

സര്‍വ്വേ ജോലികള്‍ക്കായുള്ള ഉദ്യോഗസ്ഥരുടെ കുറവ് പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

പാലോട്, കുളത്തുപ്പുഴ ഡിവിഷനുകളില്‍ വാമനപുരം നിയോജക മണ്ഡലത്തിന്റെ പരിധിയില്‍ എത്ര വനം കാവല്‍ക്കാര്‍ ജോലി ചെയ്യുന്നുവെന്ന് അറിയിക്കാമോ;

അതില്‍ സ്ഥിരം ജീവനക്കാര്‍ എത്ര; താല്‍ക്കാലിക ജീവനക്കാര്‍ എത്ര;

സ്ഥിര ജീവനക്കാരുെടയും താല്‍ക്കാലിക ജീവനക്കാരുടെയും വേതനം സംബന്ധിച്ച വിശദവിവരങ്ങള്‍ നല്‍കാമോ;

പ്രസ്തുത ജീവനക്കാർക്ക് ഏതു മാസം വരെ ശമ്പളം നല്‍കിയിട്ടുണ്ടെന്ന് അറിയിക്കാമോ;

പ്രസ്തുത ജീവനക്കാര്‍ക്ക് കൃത്യമായി ശമ്പളം നല്‍കുന്നതിന് എന്താണ് തടസ്സം എന്നറിയിക്കാമോ;

എല്ലാ ജീവനക്കാർക്കും കുടിശ്ശിക വരാതെ ശമ്പളം നല്‍കുന്നതിന് നടപടി സ്വീകരിക്കുമോ?

വനം വകുപ്പിൽ നിന്നും വിരമിച്ച ഉന്നത ഉദ്യോഗസ്ഥര്‍ സര്‍ക്കാര്‍ ക്വാര്‍ട്ടേഴ്സുകള്‍ ഒഴിയുന്നില്ലായെന്ന പരാതി ശ്രദ്ധയില്‍പ്പെട്ടിട്ടുണ്ടോ;

വിരമിച്ച ശേഷം എത്ര കാലം വരെ സര്‍ക്കാര്‍ ഉദ്യോഗസ്ഥര്‍ക്ക് ക്വാര്‍ട്ടേഴ്സില്‍ തുടരാം എന്ന് വെളിപ്പെടുത്തുമോ;

വിരമിച്ച ഉദ്യോഗസ്ഥര്‍ നിശ്ചിത സമയത്തിനുള്ളില്‍ ക്വാര്‍ട്ടേഴ്സ് ഒഴിയുന്നുണ്ടെന്ന് ഉറപ്പ് വരുത്തുവാന്‍ നടപടി സ്വീകരിക്കുമോ എന്ന് വ്യക്തമാക്കുമോ?

ആലത്തൂര്‍ നിയോജകമണ്ഡലത്തില്‍ 2016 ജൂണ്‍ മുതല്‍ 2020 വരെയുള്ള കാലയളവില്‍ വനം, വന്യജീവി വകുപ്പ് മുഖേന നടപ്പാക്കിയ പദ്ധതികള്‍ ഏതൊക്കെയാണെന്നും, അതിനു വേണ്ടി അനുവദിച്ച തുക എത്രയാണെന്നും വ്യക്തമാക്കാമോ;

പ്രസ്തുത കാലയളവില്‍ ആലത്തൂര്‍ നിയോജകമണ്ഡലത്തില്‍ വനവല്‍ക്കരണ പ്രവര്‍ത്തനങ്ങള്‍ക്കായി ഏതെല്ലാം പദ്ധതികളാണ് നടപ്പിലാക്കിയതെന്നും, ആയതിന് എത്ര രൂപ ചെലവഴിച്ചിട്ടുണ്ടെന്നും വ്യക്തമാക്കാമോ?

വൃക്ഷത്തൈ നടുന്നതിന് വനം വകുപ്പ് ഉപയോഗിക്കുന്ന പോളിത്തീന്‍ ബാഗുകള്‍ക്ക് പകരം കമ്പോസ്റ്റിബിള്‍ കവര്‍ ഉപയോഗിക്കുവാന്‍ തീരുമാനിച്ചിട്ടുണ്ടോ;

വനങ്ങളെ അതില്‍ നിക്ഷേപിക്കപ്പെട്ട മാലിന്യ ഭീഷണിയില്‍ നിന്നും മുക്തമാക്കുന്നതിന് ഗ്രീന്‍ ഗ്രാഫ് പദ്ധതി നടപ്പിലാക്കിയിട്ടുണ്ടോ; വിശദാംശം നല്‍കുമോ;

ഈ പദ്ധതിയിന്‍ കീഴില്‍ എത്ര ടണ്‍ പ്ലാസ്റ്റിക് മാലിന്യം വനങ്ങളില്‍ നിന്നും നീക്കം ചെയ്യുവാന്‍ കഴിഞ്ഞുവെന്ന് അറിയിക്കുമോ?

വന്യമ‍ൃഗ ശല്യത്തിന് പരിഹാരം കാണുന്നതിനും കാട്ടുമൃഗങ്ങള്‍ക്ക് ഭക്ഷണം ഉറപ്പാക്കുന്നതിനും വനത്തില്‍ ഫലവൃക്ഷതൈകള്‍ വച്ചുപിടിപ്പിക്കുന്ന പദ്ധതി ആവിഷ്കരിച്ചിട്ടുണ്ടോ; അറിയിക്കാമോ;

ഈ പദ്ധതി നടപ്പിലാക്കുന്നതിനായി വിദഗ്ദ്ധ സമിതിയെ നിയോഗിച്ചിട്ടുണ്ടോ; പ്രസ്തുത സമിതിയുടെ റിപ്പോര്‍ട്ട് ലഭിച്ചിട്ടുണ്ടോ; എങ്കില്‍ അവരുടെ ശിപാര്‍ശ എന്താണ്; അറിയിക്കാമോ;

വനം വകുപ്പിനു കീഴിലുള്ള തേക്ക് മരങ്ങള്‍ മുറിച്ചുമാറ്റി അവിടെ ഫലവൃക്ഷങ്ങള്‍ അടങ്ങുന്ന സ്വാഭാവിക വനവല്‍ക്കരണം നടത്തുന്നതിന് ആലോചിക്കുന്നുണ്ടോ; ഈ പദ്ധതിക്ക് കേന്ദ്രാനുമതി ലഭിച്ചിട്ടുണ്ടോ; വിശദമാക്കുമോ?

വന്യജീവി ആക്രമണത്തിൽ കൃഷി നാശമുണ്ടായാൽ കര്‍ഷകര്‍ക്ക് നഷ്ടപരിഹാരമായി എന്തൊക്കെയാണ് നൽകുന്നത് എന്ന് അറിയിക്കുമോ;

പേരാമ്പ്ര മണ്ഡലത്തിലെ ചെമ്പനോട, മുതുകാട്, ചക്കിട്ടപാറ പ്രദേശങ്ങളില്‍ കാട്ടുമൃഗങ്ങള്‍ വ്യാപകമായി കൃഷി നാശം ഉണ്ടാക്കുന്നു എന്ന പരാതി ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കിൽ പ്രസ്തുത പരാതി പരിഹരിക്കുവാൻ എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നത് എന്ന് വിശദമാക്കുമോ?

മാനന്തവാടി നിയോജക മണ്ഡലത്തില്‍ എവിടെയെല്ലാമാണ് ക്രാഷ് ഗാര്‍ഡ് ഫെന്‍സിംഗ് പദ്ധതി നടപ്പാക്കുന്നതെന്ന് വ്യക്തമാക്കുമോ;

നിലവില്‍ പദ്ധതി നടപ്പാക്കുന്ന സ്ഥലങ്ങളിലെ പുരോഗതി അറിയിക്കാമോ;

ഈ പദ്ധതി കൂടുതല്‍ സ്ഥലങ്ങളിലേക്കു വ്യാപിപ്പിക്കുന്ന കാര്യം അനുഭാവപൂര്‍വം പരിഗണിക്കാമോ?

വന്യജീവികളുടെ ആക്രമണത്തിന് വിധേയരായി ഗുരുതരമായി പരിക്കു പറ്റിയവര്‍ക്കും ജീവഹാനി നേരിട്ടവര്‍ക്കും നല്‍കുന്ന നഷ്ടപരിഹാരത്തുക ഏത് കാലയളവിലുള്ളതുവരെ നല്‍കിയിട്ടുണ്ടെന്ന് വെളിപ്പെടുത്താമോ;

മരണപ്പെട്ടവര്‍ക്കും പരിക്കുപറ്റുന്നവര്‍ക്കും നല്‍കുന്ന തുകയുടെ തോത് എത്രയെന്ന് അറിയിക്കാമോ;

അവശേഷിക്കുന്നവര്‍ക്കുള്ള നഷ്ടപരിഹാര തുകയുടെ കുടിശ്ശിക എന്നത്തേക്ക് നല്‍കാന്‍ സാധിക്കുമെന്ന് വെളിപ്പെടുത്താമോ;

വന്യജീവികള്‍മൂലം കൃഷിനാശം സംഭവിച്ചവര്‍ക്കുള്ള കുടിശ്ശിക തുക നല്‍കാന്‍ നടപടി സ്വീകരിക്കുമോ; വ്യക്തമാക്കാമോ?

കൃഷിസ്ഥലങ്ങളില്‍ കാട്ടുപന്നികള്‍ അടക്കമുള്ള വന്യമൃഗങ്ങളുടെ ശല്യം കൂടി വരുന്നു എന്ന വസ്തുത ശ്രദ്ധയിൽപ്പെട്ടിട്ടുണ്ടോ ;

കാട്ടുപന്നികളെ വെര്‍മിന്‍ വിഭാഗത്തില്‍പ്പെടുത്തണം എന്ന കര്‍ഷകരുടെ ആവശ്യം ശ്രദ്ധയില്‍പ്പെട്ടിട്ടുണ്ടോ; ഈ ആവശ്യം അനുഭാവപൂര്‍വ്വം പരിഗണിക്കാന്‍ ഉദ്ദേശിക്കുന്നുണ്ടോ;

വന്യമൃഗങ്ങളുടെ ശല്യം നിയന്ത്രിക്കുന്നതിന് കര്‍മ്മസേന രൂപീകരിക്കാന്‍ വനംവകുപ്പ് ആലോചിക്കുന്നുണ്ടോ; എങ്കില്‍ വിശദാംശം അറിയിക്കുമോ?

കാട്ടാനയുടെയും മറ്റ് വന്യജീവികളുടെയും ആക്രമണത്തിൽ പരിക്കേൽക്കുന്നവർക്കും മരണപ്പെടുന്നവരുടെ ആശ്രിതർക്കും എന്തെങ്കിലും ധനസഹായങ്ങളോ ആനുകൂല്യങ്ങളോ നൽകുന്നുണ്ടോയെന്നും ഉണ്ടെങ്കിൽ കഴിഞ്ഞ പത്ത് വർഷത്തിനുള്ളിൽ എത്ര രൂപയാണ് ഈ ഇനത്തിൽ നഷ്ടപരിഹാരമായി നൽകിയിട്ടുള്ളതെന്നുമുള്ള വിവരങ്ങള്‍ ലഭ്യമാക്കാമോ;

കഴിഞ്ഞ പത്ത് വർഷത്തിനുള്ളിൽ കേരളത്തിൽ വന്യജീവികളുടെ ആക്രമണത്തിൽ മരണപ്പെട്ട ആളുകളുടെ എണ്ണമെത്ര; ജില്ല തിരിച്ചുള്ള കണക്ക് ലഭ്യമാക്കാമോ;

വയനാട് ജില്ലയിലെ കൽപ്പറ്റ, മേപ്പാടി എന്നീ വന മേഖലകളിൽ സ്ഥിരമായി കാട്ടാനശല്യം ഉണ്ടാകുന്നത് ശ്രദ്ധയിൽപ്പെട്ടിട്ടുണ്ടോ; വിശദാംശങ്ങൾ അറിയിക്കാമോ;

മനുഷ്യ- വന്യജീവി സംഘർഷം വർദ്ധിച്ചു വരുന്ന സാഹചര്യത്തിൽ ഇത്തരം പ്രശ്നങ്ങൾ പരിഹരിക്കുന്നതിനും നഷ്ടപരിഹാരം നൽകുന്നതിനുമായി ഒരു വിപുലമായ നയം രൂപീകരിക്കാൻ സർക്കാർ ഉദ്ദേശിക്കുന്നുണ്ടോ; വ്യക്‌തമാക്കുമോ?

വന്യജീവി ആക്രമണം അനുഭവപ്പെടുന്ന സെറ്റില്‍മെന്റില്‍ നിന്നും കുടുംബങ്ങള്‍ക്ക് നഷ്ടപരിഹാരം നല്‍കി മാറ്റി പാര്‍പ്പിക്കുന്ന പദ്ധതി ആവിഷ്ക്കരിച്ചിട്ടുണ്ടോ; ഇതിനകം എത്ര കുടുംബങ്ങളെ ഇപ്രകാരം മാറ്റി പാര്‍പ്പിച്ചുവെന്ന് അറിയിക്കുമോ;

ഇനി എത്ര കുടുംബങ്ങളെ ഇത്തരത്തില്‍ മാറ്റി പാര്‍പ്പിക്കുവാനുണ്ടെന്ന് വ്യക്തമാക്കുമോ;

ഈ പദ്ധതിയോടുള്ള വനവാസി സമൂഹത്തിന്റെ പ്രതികരണം എന്താണെന്ന് അറിയിക്കുമോ?

ജനവാസ മേഖലകളില്‍ വന്യജീവികളുടെ ആക്രമണം ഇല്ലാതാക്കുന്നതിന് പുതുതായി എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കാമോ;

വന്യജീവി ആക്രമണത്തില്‍ ജീവഹാനി സംഭവിക്കുന്നവരുടെ ആശ്രിതര്‍ക്ക് നിലവില്‍ എത്ര തുകയാണ് നഷ്ടപരിഹാരമായി അനുവദിക്കുന്നതെന്ന് അറിയിക്കാമോ;

വന്യജീവികളുടെ ആക്രമണം മൂലമുണ്ടാകുന്ന നാശനഷ്ടങ്ങള്‍ക്ക് എത്രയും വേഗം നഷ്ടപരിഹാരം നല്‍കുവാനായി ഓണ്‍ലൈന്‍ സംവിധാനം ഏര്‍പ്പെടുത്തിയിട്ടുണ്ടോയെന്ന് അറിയിക്കാമോ?

വനമേഖലയോട് അനുബന്ധിച്ചുള്ള ജനവാസകേന്ദ്രങ്ങളില്‍ അധിവസിക്കുന്നവര്‍ക്ക് വന്യമൃഗങ്ങളില്‍ നിന്ന് വർദ്ധിച്ച തോതിൽ ആക്രമണം നേരിടുന്ന സാഹചര്യം വിലയിരുത്തിയിട്ടുണ്ടോ;

ഇതു നേരിടുന്നതിന് രൂപീകരിച്ച റാപിഡ് റസ്പോണ്‍സ് ടീമിന്റെ പ്രവര്‍ത്തനം ഫലപ്രദമാണോ; അല്ലെങ്കില്‍ അത് ഊര്‍ജ്ജിതപ്പെടുത്തുവാന്‍ നടപടി സ്വീകരിക്കുമോ;

വനാതിര്‍ത്തികളിൽ നിന്ന് വന്യമൃഗങ്ങള്‍ ജനവാസപ്രദേശങ്ങളിലേക്ക് ഇറങ്ങുന്നത് പ്രതിരോധിക്കുവാന്‍ എന്തെല്ലാം നടപടികളാണ് വകുപ്പ് സ്വീകരിച്ചിട്ടുള്ളതെന്നും 2020-21ല്‍ ഇതിനായി എന്തു തുക ചെലവഴിച്ചുവെന്നും വ്യക്തമാക്കാമോ ?

വന്യജീവികള്‍ കൃഷിയിടങ്ങള്‍ നശിപ്പിക്കുന്നതും കര്‍ഷകര്‍ക്ക് നാശനഷ്ടങ്ങള്‍ ഉണ്ടാക്കുന്നതും സര്‍ക്കാറിന്റെ ശ്രദ്ധയില്‍പ്പെട്ടിട്ടുണ്ടോ; അറിയിക്കാമോ;

വന്യജീവികള്‍ കൃഷി നശിപ്പിക്കുന്നത് തടയുന്നതിനായി ശാസ്ത്രീയമായ എന്തെങ്കിലും മാര്‍ഗ്ഗങ്ങള്‍ കൊണ്ടുവരാന്‍ സര്‍ക്കാര്‍ ആലോചിക്കുന്നുണ്ടോ; വ്യക്തമാക്കാമോ?

വന്യമൃഗശല്യം രൂക്ഷമായ ഇരിക്കൂര്‍ നിയോജകമണ്ഡലത്തിലെ വനമേഖലകളില്‍ ഫെന്‍സിംഗും മറ്റ് പ്രതിരോധ നടപടികളും പൂർത്തീകരിക്കാത്ത ഭാഗങ്ങളില്‍ അവ പൂര്‍ത്തീകരിക്കുന്നതിനുള്ള നടപടികള്‍ സ്വീകരിക്കുമോ എന്ന് വ്യക്തമാക്കുമോ;

പ്രതിരോധ പ്രവര്‍ത്തനങ്ങള്‍ ശക്തമാക്കുന്നതിന് ദീര്‍ഘകാല അടിസ്ഥാനത്തിലുള്ള പദ്ധതികള്‍ നടപ്പിലാക്കുമോ എന്നറിയിക്കുമോ;

വന്യമൃഗങ്ങളുടെ ആക്രമണത്തിൽ ജീവന്‍ നഷ്ടപ്പെട്ടവരുടെ കുടുംബത്തിനുള്ള ധനസഹായവും കൃഷിയും വസ്തുവകകളും നഷ്ടപ്പെട്ടവര്‍ക്കുള്ള നഷ്ടപരിഹാരവും വര്‍ദ്ധിപ്പിക്കുമോ എന്ന് വ്യക്തമാക്കുമോ?

വന്യമൃഗങ്ങളുടെ ആക്രമണംമൂലം കര്‍ഷകര്‍ക്ക് കൃഷി നാശം സംഭവിക്കുന്നത് തടയാന്‍ എന്തൊക്കെ നടപടികള്‍ സ്വീകരിച്ചിട്ടുണ്ട്;

വനാതിര്‍ത്തിയില്‍ മാത്രമായിരുന്ന ഇത്തരം ആക്രമണങ്ങള്‍ പുറത്തുള്ള പ്രദേശങ്ങളിലേക്കും കടന്നുവരുന്നത് ശ്രദ്ധയില്‍പ്പെട്ടിട്ടുണ്ടോ;

ഇതുമൂലം നാശനഷ്ടം സംഭവിക്കുന്ന കൃഷിക്കാര്‍ക്ക് നഷ്ടപരിഹാരം ലഭ്യമാക്കാന്‍ നടപടി സ്വീകരിക്കുമോയെന്ന് അറിയിക്കാമോ?

ജനവാസ കേന്ദ്രങ്ങളിലിറങ്ങി കാര്‍ഷിക വിളകള്‍ നശിപ്പിക്കുന്ന കാട്ടുപന്നികളെ വെടിവെച്ചു കൊല്ലുന്നവര്‍ക്കുള്ള പ്രതിഫലം സമയബന്ധിതമായി നല്‍കുന്നുണ്ടോ എന്നു വ്യക്തമാക്കുമോ;

ഇവരുടെ പ്രതിഫലം അപര്യാപ്തമാണെന്ന വിഷയം ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഇത് വര്‍ദ്ധിപ്പിക്കുന്നതിന് നടപടി സ്വീകരിക്കുമോ?

കാസര്‍കോട് ജില്ലയില്‍ കഴിഞ്ഞ അഞ്ചുവര്‍ഷക്കാലം വന്യജീവികളുടെ ശല്യം കാരണം ഉണ്ടായ നാശനഷ്ടങ്ങളും അതിനെ തുടർന്നുള്ള ആളപായങ്ങളും എത്രയാണെന്ന് മണ്ഡലം തിരിച്ചു വ്യക്തമാക്കാമോ;

കൃഷിനാശം സംഭവിച്ചവര്‍ക്കു നഷ്ടപരിഹാരം നല്‍കിയിട്ടുണ്ടോ എന്ന് വ്യക്തമാക്കാമോ; ഉണ്ടെങ്കിൽ കഴിഞ്ഞ അഞ്ചുവര്‍ഷം എത്ര തുകയാണ് നല്‍കിയതെന്ന് മണ്ഡലം തിരിച്ചു വ്യക്തമാക്കാമോ;

വന്യജീവികളുടെ ശല്യം തടയാന്‍ കഴിഞ്ഞ അഞ്ചുവര്‍ഷം സ്വീകരിച്ച നടപടികള്‍ എന്തൊക്കെയാണെന്നും ഇതിനുചെലവഴിച്ച തുക എത്രയാണെന്നും മണ്ഡലം തിരിച്ചു വ്യക്തമാക്കാമോ;

വന്യജീവികളുടെ ശല്യം ശാശ്വതമായി തടയാന്‍ പദ്ധതികളാവിഷ്ക്കരിക്കാനുദ്ദേശ്യമുണ്ടോ എന്ന് വെളിപ്പെടുത്തുമോ; ഉണ്ടെങ്കിൽ ആയതിന്റെ വിശദാംശം നല്‍കാമോ?

വനാതിര്‍ത്തിയോടുചേര്‍ന്നുള്ള പ്രദേശങ്ങളില്‍ മനുഷ്യരും വന്യമൃഗങ്ങളുമായുള്ള സംഘര്‍ഷങ്ങള്‍ വര്‍ദ്ധിച്ചു വരുന്നതായുള്ള റിപ്പോര്‍ട്ടുകളിന്മേല്‍ നടപടി സ്വീകരിച്ചിട്ടുണ്ടോ;

വന്യമൃഗങ്ങളുടെ ആക്രമണങ്ങള്‍ തടയുന്നതിന് സ്വീകരിച്ചു വരുന്ന നടപടികള്‍ വിശദമാക്കുമോ?

ഇരിക്കൂര്‍ നിയോജകമണ്ഡലത്തിലെ ഉളിക്കല്‍, പയ്യാവൂര്‍, ആലക്കോട്, ഉദയഗിരി മേഖലകളില്‍ കാട്ടാന ഉള്‍പ്പെടെയുള്ള വന്യജീവി ആക്രമണം തടയുന്നതിന് എന്തെങ്കിലും നടപടികള്‍ ആരംഭിച്ചിട്ടുണ്ടോ; അറിയിക്കാമോ;

നിലവില്‍ സ്ഥാപിച്ച വൈദ്യുതവേലികളുടെ അറ്റകുറ്റജോലികള്‍ക്കും പുതിയവ നിര്‍മ്മിക്കുന്നതിനും അനുമതി നല്‍കുമോ എന്ന് വെളിപ്പെടുത്താമോ?

കാലവര്‍ഷം ശക്തിപ്രാപിക്കുന്ന സാഹചര്യത്തില്‍ പൊതുജനങ്ങളുടെ ജീവനും സ്വത്തിനും ഭീഷണിയാകുന്ന തരത്തില്‍ വകുപ്പിന്റെ പരിധിയിൽ നില്‍ക്കുന്ന വൃക്ഷങ്ങളുടെ ശിഖരങ്ങള്‍ അടിയന്തരമായി മുറിച്ചുമാറ്റാന്‍ നിര്‍ദ്ദേശം നല്‍കുമോ;

ഇക്കാര്യത്തില്‍ സ്വീകരിച്ചിട്ടുള്ള നടപടികള്‍ വിശദീകരിക്കാമോ;

തദ്ദേശസ്വയംഭരണ സ്ഥാപനങ്ങള്‍, സ്വകാര്യ വ്യക്തികള്‍ എന്നിവരുടെ ഉടമസ്ഥതയിലുള്ള സ്ഥലങ്ങളില്‍ അപകടകരമായ രീതിയില്‍ നില്‍ക്കുന്ന വൃക്ഷങ്ങളും ശിഖരങ്ങളും സംബന്ധിച്ച് അടിയന്തര റിപ്പോര്‍ട്ട് തേടുവാനും തുടര്‍ നടപടികള്‍ സ്വീകരിക്കുവാനും തയ്യാറാകുമോ?

സംസ്ഥാനത്ത് നിയമപരമല്ലാത്ത വന്യജീവി വ്യാപാരം വര്‍ദ്ധിച്ചുവരുന്നതായി കണ്ടെത്തിയിട്ടുണ്ടോ;

ഇത് തടയുന്നതിന് വനം വകുപ്പ് സ്വീകരിച്ചിട്ടുള്ള നടപടികള്‍ എന്തൊക്കെയാണ്; വിശദമാക്കാമോ;

2020-21 കാലഘട്ടത്തില്‍ എത്ര കേസുകള്‍ ഈയിനത്തില്‍ രജിസ്റ്റര്‍ ചെയ്തിട്ടുണ്ടെന്ന് വെളിപ്പെടുത്താമോ;

ഇത്തരം വ്യാപാരം തടയുന്നതിനും അന്വേഷകര്‍ക്ക് സാങ്കേതിക സഹായം നല്‍കുന്നതിനും ഹൈഎന്റ് സൈബര്‍ ഫോറന്‍സിക് ലബോറട്ടറി സ്ഥാപിക്കുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ; വിശദാംശം ലഭ്യമാക്കാമോ?

ജനവാസ കേന്ദ്രങ്ങളില്‍ എത്തുന്ന വന്യമൃഗങ്ങളുടെ എണ്ണത്തില്‍ വന്‍ വര്‍ദ്ധനവ് രേഖപ്പെടുത്തുന്ന സാഹചര്യം ഉണ്ടോ; എങ്കില്‍ അതിനുള്ള കാരണം എന്താണ്; അറിയിക്കാമോ;

കാടിറങ്ങുന്ന കാട്ടുമൃഗങ്ങളെ വനത്തിലേക്ക് മടക്കി അയച്ചതിന് 2020-21 സാമ്പത്തിക വര്‍ഷം വനം വകുപ്പിന് എന്ത് തുക ചെലവായി;

കാട്ടുമൃഗങ്ങളുടെ പോസ്റ്റ്മോര്‍ട്ടത്തിനും സംസ്ക്കാരത്തിനുമായി 2020-21 സാമ്പത്തിക വര്‍ഷം എന്ത് തുക ചെലവഴിച്ചു; വ്യക്തമാക്കുമോ?