കേരളത്തിലെ സഹകരണ ബാങ്കുകളെ ബന്ധിപ്പിച്ചു കോര്‍ ബാങ്കിംഗ് നെറ്റ് വര്‍ക്ക് ഏര്‍പ്പെടുത്തുന്നതിനുള്ള നടപടികള്‍ വിശദമാക്കാമോ?

സഹകരണ ബാങ്കുകളില്‍ നിന്നും വായ്പയെടുത്തതിനു ശേഷം മരണപ്പെടുന്നവര്‍, മാരകരോഗം ബാധിക്കുന്നവര്‍ എന്നിവര്‍ക്ക് സഹായം നല്‍കുന്നതിനുളള റിസ്ക് ഫണ്ട് പദ്ധതി സംബന്ധിച്ച വിശദാംശം ലഭ്യമാക്കാമോ;

കോവിഡിന്റെ പശ്ചാത്തലത്തില്‍ റിസ്ക് ഫണ്ട് പദ്ധതിയുടെ നിയമാവലിയില്‍ കാലാനുസൃതമായ മാറ്റം വരുത്തുന്നതിനുള്ള നടപടി സ്വീകരിക്കുമോ?

നെല്‍കൃഷി, പച്ചക്കറി കൃഷി, ജൈവകൃഷി എന്നിവയുടെ പ്രോത്സാഹനത്തിനായി സഹകരണ വകുപ്പ് എന്തെല്ലാം പദ്ധതികളാണ് ആവിഷ്കരിച്ചിട്ടുള്ളതെന്ന് വ്യക്തമാക്കാമോ?

സഹകരണ വകുപ്പ് മുഖേന നടപ്പാക്കിവരുന്ന അട്ടപ്പാടി സമഗ്ര ആരോഗ്യ പദ്ധതി പ്രകാരം എത്ര പേര്‍ക്ക് ചികിത്സ ലഭ്യമാക്കാൻ സാധിച്ചിട്ടുണ്ട്; കണക്ക് ലഭ്യമാക്കാമോ;

മാതൃ-ശിശു പരിചരണത്തിനായി ഈ പദ്ധതിയില്‍ എന്തെല്ലാം കാര്യങ്ങളാണ് ഉള്‍പ്പെടുത്തിയിട്ടുള്ളതെന്ന് അറിയിയ്ക്കാമോ;

പ്രസ്തുത പദ്ധതി പ്രകാരം ഏതെല്ലാം ആശുപത്രികളിലെ ചികിത്സാസൗകര്യങ്ങളാണ് അട്ടപ്പാടിയിലെ ആദിവാസി വിഭാഗങ്ങള്‍ക്ക് ലഭ്യമാകുന്നതെന്ന് അറിയിയ്ക്കാമോ?

സഹകരണവകുപ്പും കുടുംബശ്രീയുമായി ചേര്‍ന്ന് നിലവില്‍ എന്തെല്ലാം പദ്ധതികളാണ് നടപ്പിലാക്കിവരുന്നതെന്ന് അറിയിക്കാമോ ;

'മുറ്റത്തെ മുല്ല' പദ്ധതിയുടെ ആനുകൂല്യം എത്ര പേർക്ക് ലഭ്യമാക്കാനായിയെന്ന് വെളിപ്പെടുത്താമോ ; പ്രസ്തുത പദ്ധതിയുടെ ഉദ്ദേശ ലക്ഷ്യം വ്യക്തമാക്കാമോ?

സഹകരണ മേഖലയുടെ ആഭിമുഖ്യത്തില്‍ ഒരു പഞ്ചായത്തില്‍ ഒരു വ്യവസായകേന്ദ്രം എന്ന നിലയില്‍ തൊഴില്‍ ലഭ്യത ഉറപ്പു വരുത്തുന്ന പുതിയ പദ്ധതികള്‍ നടപ്പാക്കാന്‍ നടപടി ഉണ്ടാകുമോ;

സഹകരണ സ്ഥാപനങ്ങളെ കൂടുതല്‍ ശക്തിപ്പെടുത്തുന്നതിന് എന്തൊക്കെ പുതിയ പദ്ധതികളാണ് നടപ്പാക്കുന്നതെന്നറിയിക്കാമോ?

പ്രകടനപത്രികയിൽ വാഗ്ദാനം ചെയ്തിരുന്ന 'കേരള ബാങ്ക്' രൂപീകരണം വിജയകരമായി നടപ്പാക്കുന്നതിന് കഴിഞ്ഞ സര്‍ക്കാര്‍ സ്വീകരിച്ച നടപടികള്‍ പരിശോധിച്ചിട്ടുണ്ടോ;

നിലവില്‍ കേരള ബാങ്കിന്റെ പ്രവര്‍ത്തനപുരോഗതി വിലയിരുത്തിയിട്ടുണ്ടോ? എങ്കില്‍ വിശദമാക്കുമോ;

പ്രഫഷണല്‍ മാനേജ്മെന്റും ആധുനിക ബാങ്കിങ്ങ് സാങ്കേതികവിദ്യയും സന്നിവേശിപ്പിച്ചുകൊണ്ട് രൂപംകൊടുത്ത കേരള ബാങ്കിനെ സംസ്ഥാനത്തിന്റെ മുഴുവന്‍ ബാങ്കിങ്ങ് ആവശ്യങ്ങളും നിറവേറ്റാന്‍ പര്യാപ്തമാക്കുന്നതിന് എന്തെല്ലാം പദ്ധതികളാണ് ആസൂത്രണം ചെയ്തുവരുന്നതെന്ന് വെളിപ്പെടുത്താമോ;

കോവിഡ് മൂലമുണ്ടായിട്ടുള്ള പ്രതിസന്ധി മറികടക്കുന്നതിന് 'പ്രത്യേക പാക്കേജ്' ആവിഷ്ക്കരിക്കുന്നതിനെക്കുറിച്ച് ആലോചിക്കുന്നുണ്ടോ?

കേരള ബാങ്കില്‍ 1850 ജീവനക്കാരുടെ നിയമനം സ്ഥിരപ്പെടുത്താന്‍ സര്‍ക്കാര്‍ നടപടി സ്വീകരിക്കുകയുണ്ടായോ;

കേരള ബാങ്കില്‍ താല്ക്കാലിക ജീവനക്കാരെ സ്ഥിരപ്പെടുത്താനുള്ള നടപടികള്‍ ഹൈക്കോടതി ഇടപെട്ട് തടയുകയുണ്ടായോ;

കേരള കോ-ഓപ്പറേറ്റീവ് സൊസൈറ്റി നിയമപ്രകാരം ജില്ലാ സഹകരണ ബാങ്ക് നിയമനങ്ങള്‍ നടത്തേണ്ടത് പി.എസ്.സി.മുഖേനയാണോയെന്ന് അറിയിക്കുമോ;

എങ്കില്‍ കേരള ബാങ്കിലെ മുഴുവന്‍ നിയമനങ്ങളും പി.എസ്.സി. മുഖേന നടത്തുന്നതിന് സര്‍ക്കാര്‍ നടപടി സ്വീകരിക്കുമോ?

സഹകരണ നയത്തിന് വിരുദ്ധമായി കാര്‍ഷികേതര വായ്പകള്‍ക്ക് കേരള ബാങ്ക് കൂട്ടുപലിശ ഈടാക്കുന്നുണ്ടോ;

വാണിജ്യബാങ്കുകളുടെ ചൂഷണത്തില്‍ നിന്നും സാധാരണക്കാരെ രക്ഷപ്പെടുത്തുന്നതിനായി രൂപീകരിച്ച കേരള ബാങ്ക്, അമിത പലിശ ഈടാക്കുന്നതില്‍ സ്വകാര്യ ബാങ്കുകളെപ്പോലും പിന്നിലാക്കുന്നത് ഗൗരവമായി കണ്ട് സത്വര നടപടി സ്വീകരിക്കുമോ; എങ്കില്‍ അതിന്റെ വിശദാംശങ്ങൾ വ്യക്തമാക്കുമോ?

വ്യക്തിഗത വായ്പകള്‍ക്ക് കൂട്ടുപലിശ ഈടാക്കാന്‍ കേരളാ ബാങ്ക് ബോര്‍ഡ് ഓഫ് മാനേജ്മെന്റ് അനുമതി നല്‍കുകയുണ്ടായോ;

ഇത്തരത്തില്‍ കൂട്ടുപലിശ ഈടാക്കുന്നത് സഹകരണ നയത്തിന് വിരുദ്ധമാണെന്ന് സര്‍ക്കാര്‍ കരുതുന്നുണ്ടോ;

ഈ നടപടി മൂലം കേരളത്തിന്റെ സ്വന്തം ബാങ്ക് എന്ന നിലയില്‍ രൂപീകൃതമായ കേരള ബാങ്ക്, വാണിജ്യ ബാങ്കുകളെക്കാള്‍ വലിയ കൊള്ള നടത്തുന്ന അവസ്ഥയിലേക്ക് പോകുമെന്നുള്ള റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

കോവിഡ് മഹാമാരിയുടെ കാലഘട്ടത്തില്‍ ഇത്തരം നടപടി സാധാരണക്കാര്‍ക്കും ഗുരുതരരോഗം ബാധിച്ചും അപകടങ്ങളില്‍പ്പെട്ടും തിരിച്ചടവ് മുടങ്ങിയവര്‍ക്കും കനത്ത ബാദ്ധ്യത ഉണ്ടാക്കുമെന്ന് സര്‍ക്കാര്‍ കരുതുന്നുണ്ടോ;

എങ്കില്‍ കൂട്ടുപലിശ പിന്‍വലിക്കുന്ന കാര്യം സര്‍ക്കാര്‍ പരിഗണിക്കുമോ എന്ന് വ്യക്തമാക്കാമോ ?

സഹകരണ മേഖലയില്‍ നിക്ഷേപം വര്‍ദ്ധിപ്പിക്കുന്നതിനും ഈ മേഖലയിലേയ്ക്ക് യുവജനതയെ ആകര്‍ഷിക്കുന്നതിനുമായി കഴിഞ്ഞ സര്‍ക്കാര്‍ നടപ്പിലാക്കിയ നിക്ഷേപ സമാഹരണ പരിപാടി തുടര്‍ന്നുകൊണ്ടുപോകുന്നതിന് ഈ സര്‍ക്കാര്‍ എന്തെല്ലാം നിര്‍ദ്ദേശങ്ങളാണ് നല്‍കാനുദ്ദേശിക്കുന്നത്;

പട്ടികജാതി പട്ടികവര്‍ഗ്ഗ വിഭാഗക്കാരുടെ സാമൂഹിക, സാമ്പത്തിക വികസനത്തിനായി രൂപീകരിച്ചിട്ടുള്ള സഹകരണ സംഘങ്ങളുടെ പ്രവര്‍ത്തനം കൂടുതല്‍ കാര്യക്ഷമമാക്കുന്നതിന് നടപടി സ്വീകരിക്കുമോ;

വനിതാ ശക്തീകരണത്തില്‍ നിര്‍ണായക പങ്ക് വഹിക്കുന്ന വനിതാ സഹകരണ സംഘങ്ങളെ പുനരുദ്ധരിക്കുന്നതിന് സ്വീകരിയ്ക്കാനുദ്ദേശിക്കുന്ന നടപടികള്‍ വിശദമാക്കാമോ?

സംസ്ഥാനത്ത് സഹകരണ മേഖലയില്‍ പ്രവര്‍ത്തിക്കുന്ന ആശുപത്രികള്‍ നേരിടുന്ന സാമ്പത്തിക പ്രതിസന്ധി ശ്രദ്ധയില്‍പ്പെട്ടിട്ടുണ്ടോ;

കോവിഡ് വ്യാപനത്തെ തുടര്‍ന്ന് വരുമാനം ഗണ്യമായി കുറഞ്ഞതിനാല്‍ സഹകരണ സ്ഥാപനങ്ങളില്‍ നിന്നും വാങ്ങിയ വായ്പകള്‍ യഥാസമയം തിരിച്ചടയ്ക്കാന്‍ കഴിയുന്നില്ല എന്ന വസ്തുത കണക്കിലെടുത്ത് സഹകരണ ആശുപത്രികളെ സഹായിക്കുന്നതിന് ആവശ്യമായ നടപടികള്‍ സ്വീകരിക്കുമോ;

സഹകരണ ആശുപത്രികളുടെ പ്രവര്‍ത്തനം വിലയിരുത്തി കൂടുതല്‍ കാര്യക്ഷമമാക്കുന്നതിന് എന്തെങ്കിലും നടപടി സ്വീകരിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ?

കോവിഡ് മഹാമാരിക്കെതിരെയുള്ള പോരാട്ടത്തിൽ സംസ്ഥാനത്തെ സഹകരണ ആശുപത്രികള്‍ മാതൃകാപരമായ പ്രവര്‍ത്തനങ്ങള്‍ നടത്തിവരുന്ന സാഹചര്യത്തില്‍ അത്തരം ആശുപത്രികളെ ശക്തിപ്പെടുത്തുന്നതിന് സാമ്പത്തിക സഹായം നല്‍കുവാന്‍ ഉദ്ദേശിക്കുന്നുണ്ടോ;

ഇല്ലെങ്കില്‍ അതിനാവശ്യമായ നടപടികള്‍ സ്വീകരിക്കുമോ?

കോവിഡ് 19-ന്റെ പശ്ചാത്തലത്തില്‍ സഹകരണ സ്ഥാപനങ്ങളില്‍ നിന്നും എടുത്തിട്ടുള്ള വിവിധ ലോണുകള്‍ക്ക് ആറു മാസത്തെ മൊറട്ടോറിയം പ്രഖ്യാപിക്കുന്നതിന് നടപടികള്‍ ഉണ്ടാകുമോ;

കോവിഡ് വ്യാപനം മൂലം വരുമാനം നഷ്ടപ്പെട്ട സാധാരണക്കാരന് കുറഞ്ഞ പലിശ നിരക്കില്‍ കൂടുതല്‍ ലോണ്‍, കാലതാമസം ഒഴിവാക്കി ലഭിക്കുന്നതിന് നടപടികള്‍ ഉണ്ടാകുമോ; വെളിപ്പെടുത്തുമോ;

കോവിഡിന്റെ പശ്ചാത്തലത്തില്‍ സാധാരണക്കാരന് അതിജീവനത്തിനായി സഹകരണ സ്ഥാപനങ്ങള്‍ വഴി ഒരു സമഗ്ര പദ്ധതി നടപ്പാക്കുമോയെന്ന് വ്യക്തമാക്കുമോ?

ഒന്നാം കോവിഡ് വ്യാപന സമയത്ത് കേന്ദ്ര സര്‍ക്കാര്‍ പൊതുമേഖല/വാണിജ്യ ബാങ്കില്‍ നിന്നും വായ്പ എടുത്തവര്‍ക്ക് പ്രഖ്യാപിച്ച മൊറട്ടോറിയം സംസ്ഥാനത്തെ പ്രാഥമിക കാര്‍ഷിക വായ്പാ സംഘങ്ങള്‍ക്കും കാര്‍ഷിക ഗ്രാമവികസന ബാങ്കുകള്‍ക്കും നല്‍കിയിട്ടുണ്ടോ;

സംസ്ഥാനത്തെ പ്രാഥമിക കാര്‍ഷിക വായ്പാ സംഘങ്ങളില്‍ നിന്നും കാര്‍ഷിക ഗ്രാമവികസന ബാങ്കുകളില്‍ നിന്നും വായ്പ എടുത്തവര്‍ക്ക് പലിശ ഇളവു ചെയ്ത് കൊടുക്കുവാന്‍ സര്‍ക്കാര്‍ തീരുമാനമെടുത്തിട്ടുണ്ടോ;

ഇത്തരത്തില്‍ പലിശ ഇളവു ചെയ്ത് കൊടുക്കുമ്പോള്‍ സംഘങ്ങള്‍ക്ക് ഉണ്ടാകുന്ന പലിശ നഷ്ടം എങ്ങനെ നികത്താനാണ് സര്‍ക്കാര്‍ ഉദ്ദേശിക്കുന്നത്; വ്യക്തമാക്കാമോ?

സര്‍വ്വീസ് സഹകരണ ബാങ്കുകളില്‍ നിന്നും വായ്പ എടുത്ത വ്യക്തികള്‍ മരിച്ചാല്‍ വായ്പ, പിഴപ്പലിശ, പലിശ എന്നിവയില്‍ എന്തൊക്കെ ഇളവുകളാണ് ഇപ്പോള്‍ നല്‍കി വരുന്നതെന്നു വിശദമാക്കുമോ;

മാരക രോഗങ്ങള്‍ ബാധിച്ചു മരിക്കുന്നവരുടെ വായ്പകള്‍ക്ക് റിസ്ക് ഫണ്ടിന്റെ ആനുകൂല്യങ്ങള്‍ കൃത്യമായി ലഭിക്കാറില്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കിൽ ആയത് പരിഹരിക്കുന്നതിനും അര്‍ഹതപ്പെട്ടവര്‍ക്ക് റിസ്ക് ഫണ്ടിന്റെ ആനുകൂല്യങ്ങള്‍ കൃത്യമായി ലഭിക്കുന്നതിനും ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

കോവിഡിന്റെ ഒന്നാം തരംഗ ഘട്ടത്തില്‍ ജനങ്ങളുടെ സാമ്പത്തിക പ്രശ്നങ്ങള്‍ ലഘൂകരിക്കുന്നതിനായി നബാര്‍ഡിന്റെ സഹായത്തോടെ സംസ്ഥാനത്തെ സഹകരണ ബാങ്കുകള്‍ ഒരു വര്‍ഷ കാലാവധിയില്‍ 6% പലിശ നിരക്കില്‍ കാര്‍ഷിക വായ്പ നല്‍കിയിരുന്നോ;

വായ്പ തിരിച്ചടവ് ഘട്ടത്തില്‍ കോവിഡ് രണ്ടാം തരംഗം രൂപം കൊളളുകയും ലോക്ഡൗണ്‍ നിലനില്‍ക്കുകയും ചെയ്യുന്ന സാഹചര്യത്തില്‍, തിരിച്ചടവ് കാലാവധി നീട്ടി നല്‍കാന്‍ ആവശ്യമായ ഇടപെടല്‍ നടത്തുന്നതിന് സര്‍ക്കാര്‍ തയ്യാറാകുമോയെന്ന് വ്യക്തമാക്കുമോ?

സഹകരണ രംഗത്തെ അധികഫണ്ട് ഉപയോഗിച്ച് പ്രളയാനന്തര പുന‍ര്‍നിര്‍മ്മാണം, ഉപജീവന മാര്‍ഗ്ഗങ്ങള്‍ പുന:സൃഷ്ടിക്കല്‍ എന്നിവ നടപ്പാക്കിയതു പോലെ കോവിഡാനന്തരം തൊഴില്‍ നഷ്ടപ്പെട്ടവര്‍ക്കും സംരംഭകര്‍ക്കും ലളിത വ്യവസ്ഥയില്‍ വായ്പകള്‍ അനുവദിക്കുന്ന കാര്യം പരിഗണനയിലുണ്ടോ; വ്യക്തമാക്കാമോ;

കോവിഡാനന്തരം സംരംഭങ്ങളില്‍ നഷ്ടം സംഭവിച്ചവര്‍ക്കും തൊഴില്‍ നഷ്ടപ്പെട്ടവര്‍ക്കും സഹകരണ വായ്പകളില്‍ മൊറട്ടോറിയം ഏര്‍പ്പെടുത്തിയിട്ടുണ്ടോ; വ്യക്തമാക്കാമോ?

2016 മുതല്‍ 2020 വരെ റിസ്ക് ഫണ്ട് പദ്ധതി പ്രകാരം ആലത്തൂര്‍ നിയോജക മണ്ഡലത്തിലെ എത്ര പേര്‍ക്ക് എത്ര തുകയുടെ ആശ്വാസം നല്‍കാനായി എന്ന് വിശദമാക്കാമോ;

ഗുണഭോക്താക്കളുടെ പഞ്ചായത്ത് തിരിച്ചുള്ള വിശദാംശം നല്‍കാമോ?

കോവിഡ് 19 വാക്സിനേഷൻ നല്‍കുന്നതിന് സഹകരണ ബാങ്ക് ജീവനക്കാര്‍ക്ക് മുന്‍ഗണന നല്‍കുന്ന കാര്യം പരിഗണിക്കുമോ;

സഹകരണ ബാങ്ക് ജീവനക്കാര്‍ക്ക് ഭവന സന്ദര്‍ശനം അത്യാവശ്യമായതിനാല്‍ ഈ വിഭാഗം പ്രത്യേക പരിഗണന അര്‍ഹിക്കുന്നതാണെന്ന കാര്യം സര്‍ക്കാര്‍ പരിശോധിച്ചിട്ടുണ്ടോ; വ്യക്തമാക്കുമോ;

സഹകരണ ബാങ്ക് ജീവനക്കാര്‍ക്കൊപ്പം സഹകാരികള്‍ക്കും വാക്സിനേഷന്‍ നല്‍കുന്നതിന് മുന്‍ഗണന നല്‍കുന്ന കാര്യം പരിഗണിക്കുമോ; വ്യക്തമാക്കുമോ?

ഇക്കഴിഞ്ഞ സര്‍ക്കാരിന്റെ അഞ്ചുവര്‍ഷക്കാലം സഹകരണ മേഖലയില്‍ വന്നിട്ടുള്ള വളര്‍ച്ചയുടെ വിശദാംശങ്ങള്‍ നല്‍കാമോ;

പ്രൊഫഷണല്‍ വിദ്യാഭ്യാസ രംഗത്ത് സഹകരണ മേഖലയുടെ പ്രവര്‍ത്തനം എത്രത്തോളമായിരുന്നുവെന്ന് വിശദമാക്കുമോ;

സഹകരണ മേഖലയെ കൂടുതല്‍ ഊര്‍ജ്ജസ്വലമാക്കാന്‍ പുതിയ എന്തെല്ലാം പരിപാടികളാണ് സര്‍ക്കാര്‍ ആവിഷ്ക്കരിക്കാന്‍ ഉദ്ദേശിക്കുന്നതെന്ന് അറിയിക്കാമോ?

സംസ്ഥാന സഹകരണബാങ്കിന് 2020-21 സാമ്പത്തിക വർഷത്തിൽ നബാർഡിൽ നിന്നും റീ ഫിനാൻസ് ഇനത്തിൽ എത്ര തുക ലഭിച്ചുവെന്ന് അറിയിക്കുമോ;

പ്രസ്തുത തുകയിൽ എത്ര രൂപ കർഷകർക്ക് വായ്പ നൽകിയിട്ടുണ്ടെന്ന് വ്യക്തമാക്കുമോ?

രജിസ്ട്രേഷന്‍ വകുപ്പില്‍ മുന്‍ സര്‍ക്കാരിന്റെ കാലത്ത് നടപ്പിലാക്കിയ നവീകരണ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

രജിസ്ട്രേഷന്‍ വകുപ്പില്‍ വിവിധ ആധാരങ്ങള്‍ രജിസ്റ്റര്‍ ചെയ്യുന്നതിനായി മാതൃകാ ഫോറങ്ങള്‍ അടിസ്ഥാനപ്പെടുത്തി 'സ്മാര്‍ട്ട് കോണ്‍ട്രാക്ട് ' എന്ന ആശയം നടപ്പാക്കുന്നതിന്റെ പുരോഗതി വ്യക്തമാക്കുമോ;

രജിസ്ട്രാര്‍ ഓഫീസുകളുടെ നവീകരണത്തിനായി എന്തെല്ലാം പദ്ധതികളാണ് പുതുതായി ആസൂത്രണം ചെയ്യാന്‍ ഉദ്ദേശിക്കുന്നതെന്ന് അറിയിക്കുമോ?

എടച്ചേരി രജിസ്ട്രേഷന്‍ ഓഫീസ് കെട്ടിടത്തിന്റെ വാടക കൊടുക്കാന്‍ വൈകുന്നതിന്റെ കാരണം വിശദമാക്കാമോ;

നിലവില്‍ നല്‍കേണ്ടതായ വാടക ഉടന്‍ കൊടുത്തു തീര്‍ക്കാന്‍ നടപടി സ്വീകരിക്കുമോ?

1908-ലെ രജിസ്ട്രേഷന്‍ നിയമം, കേരള മുദ്രപത്ര നിയമം എന്നിവ പ്രകാരം പൊതു ആവശ്യങ്ങള്‍ക്ക് ഭൂമി ഏറ്റെടുക്കുമ്പോള്‍ സ്റ്റാമ്പ് ഡ്യൂട്ടിയും രജിസ്ട്രേഷന്‍ ചാര്‍ജും ഒഴിവാക്കി കൊടുക്കുവാന്‍ വ്യവസ്ഥയുണ്ടോ എന്ന് അറിയിക്കുമോ;

എങ്കില്‍ കെ.എസ്.ഇ.ബി.എല്‍.- നു വേണ്ടി ഭൂമി ഏറ്റെടുക്കുമ്പോള്‍ ഈ വ്യവസ്ഥ ബാധകമാക്കാറുണ്ടോ; ഇല്ലെങ്കില്‍ എന്തുകൊണ്ടാണെന്ന് വ്യക്തമാക്കുമോ;

കേരളത്തിലെ മറ്റ് പൊതുമേഖലാ സ്ഥാപനങ്ങളായ കിന്‍ഫ്ര, ഇന്‍കല്‍, സ്പെഷ്യല്‍ ഇക്കണോമിക് സോണുകള്‍ എന്നിവയ്ക്കായി ഭൂമി ഏറ്റെടുക്കേണ്ടിവരുമ്പോള്‍ മേല്‍പ്പറഞ്ഞ ആനുകൂല്യം ആനുവദിക്കുന്നുണ്ടോ; വ്യക്തമാക്കുമോ;

സാമ്പത്തിക പ്രതിസന്ധിയിലൂടെ കടന്നുപോകുന്ന കെ.എസ്.ഇ.ബി.എല്‍. പൂര്‍ണമായും ഗവണ്‍മെന്റ് ഉടമസ്ഥതയിലുള്ള സ്ഥാപനം ആയതിനാല്‍ അതിനു വേണ്ടി ഏറ്റെടുക്കുന്ന ഭൂമിയുടെ സ്റ്റാമ്പ് ‍ഡ്യൂട്ടി, രജിസ്ട്രേഷന്‍ ചാര്‍ജ് എന്നിവ ഒഴിവാക്കുന്ന കാര്യം അടിയന്തരമായി പരിഗണിക്കുമോ;

ഏറനാട് മണ്ഡലത്തിലെ വാളാംതോട് ജലവൈദ്യുത പദ്ധതിക്കായി ഏറ്റെടുത്ത സ്ഥലത്തിന് രജിസ്ട്രേഷന്‍ ഫീസ്, സ്റ്റാമ്പ് ഡ്യൂട്ടി എന്നിവ ഒഴിവാക്കി കൊടുക്കുന്നതിന് അപേക്ഷ ലഭിച്ചിരുന്നോ; എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ എന്തെല്ലാം ആണെന്ന് വ്യക്തമാക്കുമോ;

ഇല്ലെങ്കില്‍ പ്രസ്തുത ജലവൈദ്യുത പദ്ധതിക്കായി ഏറ്റെടുക്കുന്ന ഭൂമിയുടെ രജിസ്ട്രേഷന്‍ ഫീസും സ്റ്റാമ്പ് ഡ്യൂട്ടിയും ഒഴിവാക്കുന്ന കാര്യം പരിഗണിക്കുമോ?

2020-2021 വര്‍ഷം കേരളത്തില്‍ നടന്ന വസ്തു രജിസ്ട്രേഷന്റെ എണ്ണം എത്ര; ആയതിൽ നിന്നും സര്‍ക്കാരിന് ലഭിച്ച വരുമാനം എത്ര എന്നിവയുടെ ജില്ല തിരിച്ചുള്ള കണക്ക് വെളിപ്പെടുത്തുമോ?

വയനാട് ജില്ലയില്‍ ജില്ലാ രജിസ്ട്രാര്‍ ഓഫീസിന് സ്വന്തമായി കെട്ടിടം ഇല്ലാത്ത കാര്യം ശ്രദ്ധയില്‍പ്പെട്ടിട്ടുണ്ടോ;

വയനാട് ജില്ലാ രജിസ്ട്രാര്‍ ഓഫീസിന് സ്വന്തമായി കെട്ടിടം നിര്‍മിക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ;

ഉണ്ടെങ്കില്‍ അതിനായി സ്വീകരിച്ച നടപടികളുടെ വിശദാംശങ്ങള്‍ ലഭ്യമാക്കാമോ?

തിരൂരങ്ങാടി നിയോജകമണ്ഡലത്തിലെ പരപ്പനങ്ങാടി സബ് രജിസ്ട്രാര്‍ ഓഫീസ് കെട്ടിട നിര്‍മ്മാണ പ്രവൃത്തി സത്വരം പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ;

പ്രസ്തുത പ്രവർത്തിയുടെ തൽസ്ഥിതി വിശദമാക്കാമോ ?

ആലത്തൂര്‍ മണ്ഡലത്തിലെ കുഴല്‍മന്ദം സബ്‍രജിസ്ട്രാര്‍ ഓഫീസിന്റെ കെട്ടിട നിര്‍മ്മാണവുമായി ബന്ധപ്പെട്ട് നാളിതുവരെ സ്വീകരിച്ചിട്ടുള്ള നടപടികളെന്തൊക്കെയാണെന്ന് വ്യക്തമാക്കാമോ;

പ്രസ്തുത കെട്ടിടനിര്‍മ്മാണവുമായി ബന്ധപ്പെട്ട് നിലനില്‍ക്കുന്ന കേസിന്റെ ഇപ്പോഴത്തെ അവസ്ഥ എന്താണെന്ന് വെളിപ്പെടുത്താമോ;

പ്രസ്തുത കെട്ടിട നിര്‍മ്മാണം ഉടന്‍ പൂര്‍ത്തീകരിക്കുന്നതിനാവശ്യമായ നടപടികള്‍ സ്വീകരിക്കുമോ?

എടച്ചേരി രജിസ്ട്രേഷന്‍ ഓഫീസ് കെട്ടിട നിര്‍മ്മാണത്തിന് നാളിതുവരെ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ ;

പ്രസ്തുത കെട്ടിട നിര്‍മ്മാണത്തിന് ഭൂമി ലഭ്യമാക്കാന്‍ തദ്ദേശസ്വയംഭരണ വകുപ്പ് എന്തെങ്കിലും തടസ്സ വാദങ്ങള്‍ ഉന്നയിച്ചിട്ടുണ്ടോ എന്ന് വ്യക്തമാക്കാമോ?

കാസര്‍ഗോഡ് ജില്ലയില്‍ ഉദുമ സബ് രജിസ്ട്രാര്‍ ഓഫീസിന് സ്വന്തമായി കെട്ടിടം പണിയുന്നതിന് തുക അനുവദിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

പണം അനുവദിച്ച് വര്‍ഷങ്ങളായിട്ടും ഇതിന്റെ പ്രവൃത്തി തുടങ്ങാനുള്ള തടസ്സം എന്താണെന്ന് വിശദമാക്കാമോ;

തടസ്സങ്ങള്‍ നീക്കി ഈ പ്രവൃത്തി എന്ന് തുടങ്ങാനാവും എന്ന് അറിയിക്കാമോ?

തൃക്കരിപ്പൂര്‍ മണ്ഡലത്തില്‍ തൃക്കരിപ്പൂര്‍ സബ് രജിസ്ട്രാര്‍ ഓഫീസ് ആരംഭിക്കുന്നതിന് വര്‍ഷങ്ങള്‍ക്ക് മുന്‍പേ ശുപാര്‍ശ ഉണ്ടായിട്ടും ഈ ഓഫീസ് അനുവദിക്കാന്‍ വൈകുന്നതിന്റെ കാരണം വ്യക്തമാക്കാമോ;

ചെറുവത്തൂര്‍ സബ് രജിസ്ട്രാര്‍ ഓഫീസ് എന്നാരംഭിക്കാന്‍ കഴിയുമെന്ന് അറിയിക്കാമോ?

രജിസ്ട്രേഷൻ ഓഫീസുകളുടെ കാര്യക്ഷമത വര്‍ദ്ധിപ്പിക്കുന്നതിന്റെ ഭാഗമായി വിവിധതരം ഫീസുകള്‍ ഒടുക്കുന്നതിന് 'ഇലക്ട്രോണിക് പോയിന്റ് ഓഫ് സെയില്‍' (ഇ-പോസ്) മെഷീനുകള്‍ സ്ഥാപിക്കുന്ന നടപടിയുടെ പുരോഗതി വെളിപ്പെടുത്താമോ;

ആധികാരിക രേഖകളും മറ്റ് റിക്കാര്‍ഡുകളും സൂക്ഷിക്കുന്നതിനായുള്ള 'ആധുനിക റിക്കാര്‍ഡ് റൂമുകളുടെ' നിര്‍മ്മാണ പുരോഗതി അറിയിക്കാമോ;

ഏതെല്ലാം ഓഫീസുകളിലാണ് ഈ സംവിധാനം ആരംഭിക്കാനുദ്ദേശിക്കുന്നത്; അവ എന്ന് പൂര്‍ത്തീകരിക്കാൻ കഴിയുമെന്നാണ് പ്രതീക്ഷിക്കുന്നത്;

സംസ്ഥാനത്ത് 'ഈസ് ഓഫ് ഡൂയിംഗ് ബിസിനസ്സ്' സൗകര്യമേര്‍പ്പെടുത്തുന്നതിന്റെ ഭാഗമായി രജിസ്ട്രാര്‍ ഓഫീസുകളില്‍ അവധി ദിവസങ്ങളിലും ഡോക്യുമെന്റ് രജിസ്ട്രേഷന്‍ ഒരുക്കുന്നതിന് ആലോചിക്കുന്നുണ്ടോയെന്ന് വ്യക്തമാക്കുമോ?

കൂത്താട്ടുകുളത്തെ രജിസ്ട്രേഷൻ ഓഫീസ് അവിടെനിന്നും മാറ്റാൻ തീരുമാനമെടുത്തത് എന്നാണെന്നും ഏതു തലത്തിലാണെന്നും അറിയിക്കുമോ;

പ്രസ്തുത ഓഫീസ് കൂത്താട്ടുകുളത്ത് നിന്നും ഏത് സ്ഥലത്തേക്കാണ് മാറ്റിയത്; മാറ്റിയ സ്ഥലത്ത് പ്രസ്തുത ഓഫീസ് പ്രവർത്തനക്ഷമമായോ എന്ന് അറിയിക്കുമോ; ഇല്ലെങ്കിൽ കാരണം എന്താണെന്ന് വ്യക്തമാക്കുമോ?