FIFTEENTH   KLA - 1^st SESSION
  STARRED QUESTIONS AND ANSWERS
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                       Questions and Answers

കണ്‍സ്യൂമര്‍ഫെഡ് വഴി നടപ്പിലാക്കുന്ന പദ്ധതികള്‍

*1.

ശ്രീ. കെ. ജെ. മാക്‌സി

ശ്രീമതി കെ. കെ. ശൈലജ ടീച്ചർ

ശ്രീ. പി. മമ്മിക്കുട്ടി

ശ്രീ കെ ആൻസലൻ : താഴെ കാണുന്ന ചോദ്യങ്ങൾക്കു ഭക്ഷ്യ പൊതുവിതരണ വകപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാനത്ത് അവശ്യസാധനങ്ങളുടെ വില നിയന്ത്രിക്കുന്നതിനായി പൊതുവിപണിയില്‍ എന്തെല്ലാം ഇടപെടലുകളാണ് നടത്താനുദ്ദേശിക്കുന്നതെന്ന് അറിയിക്കാമോ;

( ബി )

കേന്ദ്രസര്‍ക്കാര്‍ ഭക്ഷ്യധാന്യങ്ങളുടെ വിഹിതം വെട്ടിക്കുറച്ചപ്പോഴും സാധാരണ ജനങ്ങളെ അത് ബാധിക്കാതിരിക്കാന്‍ കഴിഞ്ഞ സര്‍ക്കാര്‍ കണ്‍സ്യൂമര്‍ഫെഡ് വഴി നടപ്പിലാക്കിയ പദ്ധതികള്‍ കൂടുതല്‍ കാര്യക്ഷമമാക്കാന്‍ നടപടി സ്വീകരിക്കുമോ;

( സി )

ഹോം ക്വാറന്റൈനിലുള്ളവര്‍ക്ക് അവശ്യസാധനങ്ങളും മരുന്നും ഓണ്‍ലൈനില്‍ വീട്ടിലെത്തിക്കുന്നതിന് കണ്‍സ്യൂമര്‍ഫെഡ് സ്വീകരിച്ച നടപടികള്‍ അറിയിക്കാമോ?

കോവിഡ് രോഗവ്യാപന പ്രത്യാഘാതം കുറയ്ക്കുന്നതിനുള്ള പദ്ധതികള്‍

*2.

ശ്രീ. ലിന്റോ ജോസഫ്

ശ്രീ സി കെ ഹരീന്ദ്രന്‍

ശ്രീ. എൻ.കെ. അക്ബര്‍ : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് രോഗവ്യാപനം സംസ്ഥാനത്തിന്റെ ആരോഗ്യ മേഖലയില്‍ ഉണ്ടാക്കുന്ന പ്രത്യാഘാതം കുറയ്ക്കുന്നതിന് എന്തെല്ലാം നൂതന പദ്ധതികളാണ് ആവിഷ്ക്കരിക്കാനുദ്ദേശിക്കുന്നതെന്ന് അറിയിക്കാമോ;

( ബി )

കോവിഡ് വാക്സിന്‍ നല്‍കുന്നതിനുള്ള മുന്‍ഗണനാക്രമം എപ്രകാരമാണെന്ന് വ്യക്തമാക്കാമോ;

( സി )

സംസ്ഥാനത്തിന് അര്‍ഹമായ വാക്സിന്‍ കേന്ദ്രസര്‍ക്കാര്‍ അനുവദിയ്ക്കാതിരിക്കുന്നത് വാക്സിനേഷന്‍ നടപടിയെ പ്രതികൂലമായി ബാധിക്കാതിരിക്കാന്‍ എന്തെല്ലാം മുന്‍കരുതലാണ് സ്വീകരിച്ചിട്ടുള്ളതെന്ന് അറിയിക്കുമോ;

( ഡി )

സംസ്ഥാനത്തിന് അര്‍ഹമായ വാക്സിന്‍ സൗജന്യമായി നല്‍കണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ; വിശദാംശം നല്‍കുമോ?

പ്രതിസന്ധിഘട്ടങ്ങളില്‍ നടപ്പിലാക്കിയ ക്ഷേമപ്രവര്‍ത്തനങ്ങള്‍

*3.

ശ്രീ . കെ .ഡി .പ്രസേനൻ

ശ്രീ. ആന്റണി ജോൺ

ശ്രീ ജി സ്റ്റീഫന്‍

ശ്രീ എം എസ് അരുൺ കുമാര്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്ത് ഓഖി, നിപാ, പ്രളയം, കോവിഡ് തുടങ്ങിയ ദുരന്തങ്ങളെ നേരിടുന്നതിന് സര്‍ക്കാര്‍ സ്വീകരിച്ച നടപടികളെ ദുര്‍ബലപ്പെടുത്താനുള്ള പ്രതിപക്ഷ പാര്‍ട്ടികളുടെ നീക്കങ്ങള്‍ക്കിടയിലും ക്ഷേമപ്രവര്‍ത്തനങ്ങളും വികസന പദ്ധതികളും കൂടുതല്‍ കാര്യക്ഷമമാക്കുന്നതിന് സ്വീകരിക്കാന്‍ ഉദ്ദേശിക്കുന്ന നടപടികള്‍ അറിയിക്കാമോ;

( ബി )

പ്രതിസന്ധിഘട്ടങ്ങളില്‍ കഴിഞ്ഞ സര്‍ക്കാര്‍ നടത്തിയ അതിജീവന ശ്രമങ്ങളെ തടസ്സപ്പെടുത്തിയ പ്രതിപക്ഷ കക്ഷികളുടെ നടപടികളെ തള്ളിക്കളഞ്ഞ് അടിസ്ഥാന സൗകര്യവികസന മേഖലയില്‍ നടപ്പാക്കിയ പ്രധാന പദ്ധതികള്‍ തുടരുന്നതിന് ഈ സര്‍ക്കാര്‍ എന്തെല്ലാം കാര്യങ്ങളാണ് ചെയ്യാന്‍ ഉദ്ദേശിക്കുന്നതെന്ന് വ്യക്തമാക്കാമോ?

ആരോഗ്യ മേഖലയ്ക്ക് ആവശ്യമായ ഉപകരണങ്ങളുടെ ഉല്‍പാദനം

*4.

ശ്രീ എ കെ എം അഷ്റഫ്

ശ്രീ . പി . ഉബൈദുള്ള

ശ്രീ. യു.എ.ലത്തീഫ്

ശ്രീ. അബ്ദുല്‍ ഹമീദ് മാസ്റ്റര്‍ : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് പശ്ചാത്തലത്തില്‍ ആരോഗ്യ മേഖലയ്ക്ക് ആവശ്യമായ ഉപകരണങ്ങള്‍ വിപുലമായി പൊതുമേഖലയില്‍ ഉല്‍പാദിപ്പിക്കുന്നതിനുള്ള സാധ്യത പരിശോധിക്കാന്‍ തീരുമാനിച്ചിട്ടുണ്ടോ;

( ബി )

ഇതിനായി വിദഗ്ദ്ധ സമിതിയെ നിയോഗിച്ചിട്ടുണ്ടോ;

( സി )

ഏതെല്ലാം ഉപകരണങ്ങള്‍ ഏതെല്ലാം സ്ഥാപനങ്ങളില്‍ ഉല്‍പാദിപ്പിക്കുന്നതിനാണ് ഉദ്ദേശിക്കുന്നതെന്ന് വ്യക്തമാക്കുമോ?

ഗ്രാമപഞ്ചായത്തുകളില്‍ പദ്ധതി പ്രവര്‍ത്തനങ്ങള്‍ക്കാവശ്യമായ തസ്തികകള്‍

*5.

ശ്രീ. കെ.പി.മോഹനന്‍ : താഴെ കാണുന്ന ചോദ്യങ്ങൾക്കു തദ്ദേശസ്വയംഭരണവും ഗ്രാമവികസനവും എക്സൈസും വകുപ്പു മന്ത്രി സദയം മറുപടി പറയാമോ?

( എ )

സംസ്ഥാനത്തെ ഗ്രാമപഞ്ചായത്ത് ഓഫീസുകളിലെ ക്ലറിക്കല്‍ തസ്തികകളില്‍ മതിയായ ഉദ്യോഗസ്ഥര്‍ ഇല്ലാത്ത കാര്യം ശ്രദ്ധയില്‍പ്പെട്ടിട്ടുണ്ടോ;

( ബി )

എങ്കില്‍ ആയത് പദ്ധതി പ്രവര്‍ത്തനങ്ങളെയും ദൈനംദിന പ്രവര്‍ത്തനങ്ങളെയും ബാധിക്കുന്നുണ്ടോയെന്ന് വ്യക്തമാക്കുമോ;

( സി )

ഗ്രാമപഞ്ചായത്തുകളിലെ ജനസംഖ്യാനുപാതികമായി ക്ലറിക്കല്‍ തസ്തികകള്‍ സൃഷ്ടിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

ജനസൗഹൃദ പദ്ധതികള്‍

*6.

ശ്രീ സി കെ ഹരീന്ദ്രന്‍

ശ്രീ. എ.എന്‍.ഷംസീര്‍

ശ്രീ. ലിന്റോ ജോസഫ്

ശ്രീ. എ. പ്രഭാകരൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്തിന്റെ മതനിരപേക്ഷ ജനാധിപത്യ പാരമ്പര്യം കാത്തുസൂക്ഷിക്കുന്നതിനും വികസനത്തിന്റെ ജനകീയ മാതൃക കൂടുതല്‍ കരുത്തുറ്റതാക്കുന്നതിനും എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ;

( ബി )

വിദ്യാഭ്യാസം, ആരോഗ്യം, സാമൂഹ്യസുരക്ഷ തുടങ്ങിയ മേഖലകളില്‍ കഴിഞ്ഞ സര്‍ക്കാര്‍ വിജയകരമായി നടപ്പിലാക്കിയ ജനസൗഹൃദ പദ്ധതികള്‍ കൂടുതല്‍ കാര്യക്ഷമതയോടെ തുടരുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വിശദമാക്കുമോ;

( സി )

കേരളത്തിന്റെ സമഗ്ര വികസനത്തിനായി ഒരു മാര്‍ഗ്ഗരേഖയുണ്ടാക്കി കൃത്യമായ ആസൂത്രണത്തോടെ പദ്ധതികള്‍ ആവിഷ്ക്കരിക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കാമോ?

കുടുംബശ്രീ ശക്തീകരണം

*7.

ശ്രീമതി ദെലീമ

ശ്രീ വി ജോയി

ശ്രീ. പി. ടി. എ. റഹീം

ശ്രീ. കെ.കെ. രാമചന്ദ്രൻ : താഴെ കാണുന്ന ചോദ്യങ്ങൾക്കു തദ്ദേശസ്വയംഭരണവും ഗ്രാമവികസനവും എക്സൈസും വകുപ്പു മന്ത്രി സദയം മറുപടി പറയാമോ?

( എ )

കഴിഞ്ഞ സര്‍ക്കാരിന്റെ കാലത്ത് ദാരിദ്ര്യനിര്‍മ്മാര്‍ജ്ജനത്തിനും സ്ത്രീശക്തീകരണത്തിനുമുള്ള പ്രധാന ഉപാധിയായി മാറിയ കുടുബശ്രീ സംവിധാനത്തെ ശക്തീകരിക്കുവാന്‍ എന്തെല്ലാം നടപടികളാണ് സ്വീകരിക്കുവാനുദ്ദേശിക്കുന്നത്;

( ബി )

സൗജന്യ നിരക്കില്‍ ഊണ് നല്‍കുന്നതിന് തദ്ദേശസ്ഥാപനങ്ങളുടെയും ഭക്ഷ്യപൊതുവിതരണവകുപ്പിന്റെയും സഹായത്തോടെ കുടുംബശ്രീ നടത്തിവരുന്ന ജനകീയ ഹോട്ടലുകള്‍ കൂടുതല്‍ പ്രദേശങ്ങളില്‍ ആരംഭിക്കുന്നതിന് നടപടി സ്വീകരിക്കുമോ;

( സി )

കോവിഡ് വ്യാപന സാഹചര്യത്തില്‍ കൂടുതല്‍ കുടുംബശ്രീ ഉല്പന്നങ്ങള്‍ ഓണ്‍ലൈന്‍ മുഖേന ലഭ്യമാക്കുന്നതിന് നടപടി സ്വീകരിക്കുമോ?

ലഹരിമുക്ത കേരളം

*8.

ശ്രീ എം മുകേഷ്

ശ്രീ. കെ. ജെ. മാക്‌സി

ശ്രീ. പി.വി. ശ്രീനിജിൻ

ശ്രീ. എം.വിജിന്‍ : താഴെ കാണുന്ന ചോദ്യങ്ങൾക്കു തദ്ദേശസ്വയംഭരണവും ഗ്രാമവികസനവും എക്സൈസും വകുപ്പു മന്ത്രി സദയം മറുപടി പറയാമോ?

( എ )

ലഹരിവര്‍ജ്ജനത്തിലൂടെ ലഹരിമുക്ത കേരളം എന്ന ലക്ഷ്യം മുന്‍നിര്‍ത്തി ലഹരിമാഫിയയെ തുടച്ചുനീക്കാന്‍ കഴിഞ്ഞ സര്‍ക്കാര്‍ സ്വീകരിച്ച അതിശക്തമായ നടപടികള്‍ തുടരുവാന്‍ എന്തെല്ലാം നിര്‍ദ്ദേശങ്ങളാണ് നല്‍കിയിട്ടുള്ളതെന്ന് അറിയിക്കാമോ;

( ബി )

യുവജനങ്ങള്‍ക്കിടയില്‍ ലഹരിവിരുദ്ധ ബോധവത്കരണം വിപുലമാക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്;

( സി )

ലഹരിവേട്ടയ്ക്കായി രൂപം നല്‍കിയ സ്പെഷ്യല്‍ എന്‍ഫോഴ്സ്മെന്റ് സ്ക്വാഡുകളുടെ പ്രവര്‍ത്തനം കൂടുതല്‍ കാര്യക്ഷമമാക്കാന്‍ നടപടി സ്വീകരിക്കുമോ?

കോവിഡ് വാക്സിന്റെ ലഭ്യത

*9.

ശ്രീ. ടി.ഐ.മധുസൂദനന്‍

ശ്രീ. എം. എം. മണി

ശ്രീ. കെ.എം.സച്ചിന്‍ദേവ്

ശ്രീ സി എച്ച് കുഞ്ഞമ്പു : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

2021 മേയ് മുതല്‍ പതിനെട്ട് വയസ്സിനുമേല്‍ പ്രായമുള്ള എല്ലാവര്‍ക്കും കോവിഡ് വാക്സിന്‍ നല്‍കുമെന്ന് കേന്ദ്രസര്‍ക്കാര്‍ പ്രഖ്യാപിച്ചിരുന്നോ; എങ്കില്‍ ഇതിന്റെ അടിസ്ഥാനത്തില്‍ സംസ്ഥാനത്തിന് എത്ര ഡോസ് വാക്സിന്‍ അനുവദിച്ചിട്ടുണ്ടെന്നാണ് അറിയിച്ചത്; അതില്‍ എത്ര ഡോസ് വാക്സിനാണ് ലഭ്യമായിട്ടുള്ളത്;

( ബി )

നാല്‍പ്പത്തിയഞ്ച് വയസ്സിനുമേല്‍ പ്രായമുള്ള എല്ലാവര്‍ക്കും വാക്സിന്‍ നല്‍കുന്നതിനായി എത്ര ഡോസ് വാക്സിനാണ് സംസ്ഥാനം ആവശ്യപ്പെട്ടത്; അതില്‍ എത്ര ഡോസ് വാക്സിന്‍ ലഭിച്ചിട്ടുണ്ടെന്ന കണക്ക് ലഭ്യമാണോ; എങ്കില്‍ നല്‍കുമോ;

( സി )

സംസ്ഥാനത്തിന് ആവശ്യമായ കോവിഡ് വാക്സിന്‍ കേന്ദ്ര സര്‍ക്കാര്‍ അനുവദിക്കാത്തത് കോവിഡ് പ്രതിരോധ പ്രവര്‍ത്തനങ്ങളെ ബാധിക്കുമെന്നതിനാല്‍ പര്യാപ്തമായ തോതില്‍ വാക്സിന്‍ അനുവദിക്കണമെന്ന് കേന്ദ്രസര്‍ക്കാരില്‍ വീണ്ടും സമ്മര്‍ദ്ദം ചെലുത്തുമോയെന്ന് വ്യക്തമാക്കുമോ?

കോവിഡും ഫംഗസ് ബാധയും തടയുന്നതിനുളള നടപടികള്‍

*10.

ശ്രീ. പി. കെ. കുഞ്ഞാലിക്കുട്ടി

ശ്രീ എൻ എ നെല്ലിക്കുന്ന്

പ്രൊഫ . ആബിദ് ഹുസൈൻ തങ്ങൾ

ശ്രീ . ടി. വി. ഇബ്രാഹിം : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് രോഗബാധയെ തുടര്‍ന്നും അല്ലാതെയുമുള്ള വിവിധ ഫംഗസ് ബാധകള്‍ സംസ്ഥാനത്ത് റിപ്പോര്‍ട്ട് ചെയ്തിട്ടുണ്ടോ;

( ബി )

ഗുരുതരമായ ഈ രോഗബാധ തടയുന്നതിന് സ്വീകരിച്ചുവരുന്ന നടപടികള്‍ വിശദമാക്കുമോ;

( സി )

രാജ്യത്ത് ഏറ്റവും ഫലപ്രദവും അത്യാധുനിക ചികിത്സാ സംവിധാനവുമുള്ള സംസ്ഥാനമെന്ന് അവകാശപ്പെടുമ്പോഴും ഇതര രോഗബാധിതര്‍ ഉള്‍പ്പെടെയുള്ളവരുടെ മരണനിരക്ക് തടയുന്നതിനോ കുറച്ചുകൊണ്ടുവരുന്നതിനോ കഴിഞ്ഞിട്ടില്ല എന്നത് ഗൗരവമായി പരിശോധിക്കുമോ?

കോവിഡ് പ്രതിരോധ പ്രവര്‍ത്തനങ്ങള്‍

*11.

ശ്രീ. എ. രാജ

ശ്രീ. മുരളി പെരുനെല്ലി

ശ്രീ. കെ.എം.സച്ചിന്‍ദേവ്

ശ്രീ വി ജോയി : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് കോവിഡ് രോഗവ്യാപനം രൂക്ഷമായതിനെ തുടര്‍ന്ന് സമ്പൂര്‍ണ്ണ ലോക്ഡൗണ്‍ പ്രഖ്യാപിച്ച സാഹചര്യത്തില്‍ കോവിഡ് പരിശോധനയ്ക്കും ചികിത്സയ്ക്കും പുതുതായി ഏര്‍പ്പെടുത്തിയ സൗകര്യങ്ങളും നൂതന സജ്ജീകരണങ്ങളും എന്തെല്ലാമാണെന്ന് അറിയിക്കുമോ;

( ബി )

കോവിഡ് പ്രതിരോധ പ്രവര്‍ത്തനങ്ങള്‍ക്കായി ആരോഗ്യ വകുപ്പില്‍ പുതിയതായി കൂടുതല്‍ ജീവനക്കാരെ നിയമിച്ചിട്ടുണ്ടോ;

( സി )

കോവിഡ് മരണനിരക്ക് ദേശീയതലത്തില്‍ 1.15 ശതമാനമായി ഉയര്‍ന്നപ്പോള്‍ കേരളത്തില്‍ ആയത് 0.36 ശതമാനം മാത്രമാണെന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കുമോ?

ഐ.ടി. അധിഷ്ഠിത സേവനമേഖലയുടെ സാധ്യത

*12.

ശ്രീ. വി. ആർ. സുനിൽകുമാർ

ശ്രീ വി ശശി

ശ്രീ. വാഴൂര്‍ സോമൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കേരളത്തിന്റെ വികസനത്തില്‍ നിര്‍ണ്ണായക പങ്ക് വഹിക്കാന്‍ കഴിയുന്ന ഐ.ടി. അധി‍ഷ്ഠിത സേവനമേഖലയിലെ വളര്‍ച്ചാ സാധ്യത ശ്രദ്ധയില്‍പ്പെട്ടിട്ടുണ്ടോ;

( ബി )

ഐ.ടി. അധി‍‍‍ഷ്ഠിത സേവനമേഖലയിലെ സാധ്യത പ്രയോജനപ്പെടുത്തുന്ന കാര്യത്തില്‍ സ്വീകരിക്കുന്ന നിലപാട് വ്യക്തമാക്കാമോ;

( സി )

ഐ.ടി. അധിഷ്ഠിത സേവന മേഖലകളുമായി ബന്ധപ്പെട്ട് സ്റ്റാര്‍ട്ട് അപ്പുകളുടെ പങ്കാളിത്തം പ്രോത്സാഹിപ്പിക്കുന്ന കാര്യത്തില്‍ നിലപാട് വ്യക്തമാക്കാമോ;

( ഡി )

സര്‍ക്കാര്‍ സേവനങ്ങള്‍ ഐ.ടി. അധിഷ്ഠിതമായി നടപ്പിലാക്കുന്നതിന് എന്തെല്ലാം പരിപാടികളാണ് പരിഗണനയിലുള്ളതെന്ന് വിശദമാക്കാമോ?

പൊതുവിതരണ രംഗത്തെ നേട്ടങ്ങള്‍

*13.

ശ്രീ സി എച്ച് കുഞ്ഞമ്പു

ശ്രീമതി കാനത്തില്‍ ജമീല

ശ്രീ. കെ. പ്രേംകുമാര്‍

ശ്രീ ഒ . ആർ. കേളു : താഴെ കാണുന്ന ചോദ്യങ്ങൾക്കു ഭക്ഷ്യ പൊതുവിതരണ വകപ്പ്‌ മന്ത്രി സദയം മറുപടി പറയാമോ?

( എ )

സംസ്ഥാനത്തെ പൊതുവിതരണ സംവിധാനം രാജ്യത്തിന് തന്നെ മാതൃകയാകുന്ന തരത്തില്‍ കൈവരിച്ചിട്ടുള്ള നേട്ടങ്ങള്‍ എന്തെല്ലാമാണെന്ന് വ്യക്തമാക്കാമോ;

( ബി )

ആദിവാസി മേഖലയില്‍ റേഷന്‍ സാധനങ്ങള്‍ എത്തിച്ച് നല്‍കുന്നതിനായി ആരംഭിച്ച സഞ്ചരിക്കുന്ന റേഷന്‍കട എന്ന പദ്ധതി നിലവില്‍ ഏതെല്ലാം ജില്ലകളിലാണ് ആരംഭിച്ചിട്ടുള്ളതെന്ന് അറിയിക്കാമോ;

( സി )

നിര്‍ദ്ധനരായവര്‍ക്ക് ഒരു നേരത്തെ ഭക്ഷണം സൗജന്യമായി നല്‍കുന്നത് വഴി സംസ്ഥാനത്ത് പട്ടിണി നിര്‍മ്മാര്‍ജ്ജനം ചെയ്യുക എന്ന ഉദ്ദേശ്യത്തോടെ നടപ്പിലാക്കിയ വിശപ്പുരഹിത കേരളം എന്ന പദ്ധതിക്ക് ഏതെല്ലാം ജില്ലകളിലാണ് തുടക്കമിട്ടിട്ടുള്ളതെന്ന് വ്യക്തമാക്കാമോ?

വനിത-ശിശു ക്ഷേമ പദ്ധതികള്‍

*14.

ശ്രീ. മുരളി പെരുനെല്ലി

ശ്രീമതി യു പ്രതിഭ

ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

വനിതകളുടെയും ശിശുക്കളുടെയും ക്ഷേമത്തിനായി സംസ്ഥാനത്ത് നിലവിലുള്ള പ്രധാന പദ്ധതികള്‍ എന്തെല്ലാമാണെന്ന് വ്യക്തമാക്കാമോ;

( ബി )

സംസ്ഥാനത്തെ പൂര്‍ണ്ണമായും ബാലസൗഹൃദമാക്കി മാറ്റുന്നതിനും കുട്ടികളുടെ ക്ഷേമം, വിദ്യാഭ്യാസം, ആരോഗ്യം തുടങ്ങിയവ ഉറപ്പാക്കുന്നതിനുമായി ആവിഷ്ക്കരിച്ചിട്ടുള്ള ബാലനിധി പദ്ധതിയുടെ വിശദാംശം നല്‍കുമോ;

( സി )

അശരണരായ വിധവകള്‍ക്കായി നടപ്പാക്കി വരുന്ന അഭയകിരണം പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണെന്ന് വ്യക്തമാക്കാമോ?

വിദേശത്ത് പോകുന്നവര്‍ക്കുള്ള കോവിഡ് വാക്സിനേഷന്‍

*15.

ശ്രീ. അബ്ദുല്‍ ഹമീദ് മാസ്റ്റര്‍

ശ്രീ. പി. കെ. കുഞ്ഞാലിക്കുട്ടി

ശ്രീ. യു.എ.ലത്തീഫ്

ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കോവിഡ് മഹാമാരിയുടെ പശ്ചാത്തലത്തില്‍ യു.എ.ഇ. ഉള്‍പ്പെടെയുള്ള പല വിദേശരാജ്യങ്ങളിലും പ്രവേശിക്കുന്നതിന് വാക്സിനേഷന്‍ നിര്‍ബന്ധമാക്കിയിരിക്കുന്നതിനാല്‍ കേരളത്തില്‍ നിന്നും ജോലി സംബന്ധമായി വിദേശത്ത് പോകുന്ന പ്രവാസികള്‍ക്കും വിദേശ പഠനത്തിന് പോകുന്ന വിദ്യാര്‍ത്ഥികള്‍ക്കും വാക്സിനേഷന് മുന്‍ഗണന നല്‍കിയിട്ടുണ്ടെങ്കിലും പ്രായോഗികമായി നടപ്പിലാക്കുന്നതില്‍ പ്രയാസങ്ങള്‍ നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

( ബി )

എങ്കില്‍ ഇത് പരിഹരിക്കുവാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

( സി )

ഏറ്റവും കൂടുതല്‍ വിദേശ മലയാളികളുള്ള മലപ്പുറം ജില്ലയില്‍ ഈ വിഭാഗത്തില്‍പ്പെടുന്നവര്‍ക്ക് വാക്സിനേഷന്‍ നല്‍കുന്നതിനുവേണ്ടി ഏര്‍പ്പെടുത്തിയിട്ടുള്ള പ്രത്യേക സൗകര്യങ്ങള്‍ എന്തൊക്കെയാണെന്ന് വിശദീകരിക്കുമോ;

( ഡി )

ഈ വിഭാഗത്തില്‍പ്പെടുന്നവരുടെ ബുദ്ധിമുട്ട് പരിഹരിക്കുന്നതിനായി കൂടുതല്‍ വാക്സിനേഷന്‍ സെന്റര്‍ ആരംഭിക്കുന്നതിനും കൂടുതല്‍ വാക്സിന്‍ ലഭ്യമാക്കുന്നതിനും സ്വീകരിച്ച നടപടികള്‍ വിശദമാക്കുമോ?

മുഖ്യമന്ത്രിയുടെ ദുരിതാശ്വാസനിധി

*16.

ശ്രീ എ. സി. മൊയ്‌തീൻ

ശ്രീ. റ്റി.പി .രാമകൃഷ്ണൻ

ശ്രീ. പി.പി. ചിത്തരഞ്ജന്‍

ശ്രീ ഐ ബി സതീഷ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്ത് മുഖ്യമന്ത്രിയുടെ ദുരിതാശ്വാസനിധിയുടെ നീതിപൂര്‍വ്വമായ നിര്‍വ്വഹണത്തിലൂടെ കഴിഞ്ഞ സര്‍ക്കാര്‍ നടത്തിയ മാതൃകാപരവും പ്രശംസനീയവുമായ പ്രവര്‍ത്തനങ്ങള്‍ പിന്തുടരുവാൻ ഉദ്ദേശിക്കുന്നുണ്ടോ; വിശദമാക്കുമോ;

( ബി )

മുഖ്യമന്ത്രിയുടെ ദുരിതാശ്വാസനിധിയുടെ 2011-16 കാലത്തെയും 2016-21 കാലത്തെയും വിനിയോഗം സംബന്ധിച്ച് താരതമ്യപഠനം നടത്തിയിട്ടുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കുമോ;

( സി )

മുഖ്യമന്ത്രിയുടെ ദുരിതാശ്വാസനിധിയുടെ കാര്യക്ഷമതയും സുതാര്യതയും ഉറപ്പുവരുത്തുന്നതിനായി ഈ സര്‍ക്കാര്‍ എന്തെല്ലാം നിര്‍ദ്ദേശങ്ങളാണ് നല്‍കിയിട്ടുളളതെന്ന് അറിയിക്കാമോ?

കുഴല്‍പണക്കവര്‍ച്ച കേസ്

*17.

ശ്രീ വി കെ പ്രശാന്ത്

ശ്രീ. പി.പി. സുമോദ്

ശ്രീ. പി.വി. ശ്രീനിജിൻ

ശ്രീ എം നൗഷാദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്ത് നടന്ന തെരഞ്ഞെടുപ്പ് അട്ടിമറിക്കുന്നത് ലക്ഷ്യമിട്ട് കുഴല്‍പണം കടത്തിയ കേസില്‍ ബി.ജെ.പി യുടെ ഉന്നത നേതാക്കളുടെ പങ്ക് കൂടുതല്‍ വെളിപ്പെട്ടതായി ശ്രദ്ധയില്‍പ്പെട്ടിട്ടുണ്ടോ;

( ബി )

തെരഞ്ഞെടുപ്പ് അട്ടിമറിക്കുന്നതിനും തീവ്ര വര്‍ഗ്ഗീയ പ്രവര്‍ത്തനങ്ങള്‍ക്കുമായി എത്തിച്ച കുഴല്‍പണം കവര്‍ന്ന പ്രസ്തുത കേസ് സംബന്ധിച്ച് എന്തെല്ലാം അന്വേഷണമാണ് ഇപ്പോള്‍ നടക്കുന്നതെന്ന് അറിയിക്കാമോ;

( സി )

പ്രസ്തുത കേസില്‍ ഇതുവരെ ആരെയെല്ലാം ചോദ്യം ചെയ്തിട്ടുണ്ടെന്നും ഏതെല്ലാം നേതാക്കള്‍ക്ക് ഇത് സംബന്ധിച്ച് അന്വേഷണ സംഘം നോട്ടീസ് അയച്ചിട്ടുണ്ടെന്നും വ്യക്തമാക്കാമോ;

( ഡി )

രാജ്യത്തിന്റെ സാമ്പത്തികനില അസ്ഥിരപ്പെടുത്തുന്ന ഇത്തരം കുറ്റകൃത്യത്തിനെതിരെ യാതൊരു കേസും എടുക്കാത്ത ഇ.ഡി.യുടെ ഇരട്ടത്താപ്പ് കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തുമോ?

തദ്ദേശസ്വയംഭരണ സ്ഥാപനങ്ങളെ ശക്തിപ്പെടുത്താന്‍ നടപടി

*18.

ശ്രീ തോമസ് കെ തോമസ് : താഴെ കാണുന്ന ചോദ്യങ്ങൾക്കു തദ്ദേശസ്വയംഭരണവും ഗ്രാമവികസനവും എക്സൈസും വകുപ്പു മന്ത്രി സദയം മറുപടി പറയാമോ?

( എ )

തദ്ദേശസ്വയംഭരണ സ്ഥാപനങ്ങളെ ശക്തിപ്പെടുത്തുന്നതിന് പുതുതായി നടപ്പാക്കാന്‍ ഉദ്ദേശിക്കുന്ന പദ്ധതികള്‍ എന്തെല്ലാമെന്ന് വ്യക്തമാക്കുമോ;

( ബി )

പ്രകൃതി ദുരന്തങ്ങളും മഹാമാരിയും നേരിടുന്നതില്‍ ത്രിതല പഞ്ചായത്തുകള്‍ വഹിച്ച മികച്ച പ്രവര്‍ത്തനം പരിഗണിച്ച് അവയ്ക്ക് പ്രത്യേക സാമ്പത്തിക സഹായം നൽകുന്നതിന് നടപടി സ്വീകരിക്കുമോ?

മാലിന്യ സംസ്കരണം

*19.

ശ്രീ . ടി. വി. ഇബ്രാഹിം

പ്രൊഫ . ആബിദ് ഹുസൈൻ തങ്ങൾ

ശ്രീ എൻ എ നെല്ലിക്കുന്ന്

ശ്രീ. കുറുക്കോളി മൊയ്തീൻ : താഴെ കാണുന്ന ചോദ്യങ്ങൾക്കു തദ്ദേശസ്വയംഭരണവും ഗ്രാമവികസനവും എക്സൈസും വകുപ്പു മന്ത്രി സദയം മറുപടി പറയാമോ?

( എ )

സംസ്ഥാനത്തെ മാലിന്യ സംസ്കരണം ഫലപ്രദമല്ലെന്ന വിഷയം സര്‍ക്കാര്‍ പരിശോധനയ്ക്ക് വിധേയമാക്കിയിട്ടുണ്ടോ;

( ബി )

മാലിന്യ പ്രശ്നത്തിന് ശാശ്വത പരിഹാരം കണ്ടെത്തുന്നതിന് എന്തെങ്കിലും നടപടികള്‍ സ്വീകരിക്കാന്‍ ഉദ്ദേശിക്കുന്നുണ്ടോ;

( സി )

കേന്ദ്രീകൃത മാലിന്യ സംസ്കരണത്തിന് ഏതെങ്കിലും വിധത്തിലുള്ള സഹായം എവിടെനിന്നെങ്കിലും ലഭിക്കുന്നുണ്ടോ; വിശദാംശം വെളിപ്പെടുത്തുമോ?

പ്രളയാനന്തര പുനര്‍നിര്‍മ്മാണ പ്രവര്‍ത്തനങ്ങള്‍

*20.

ശ്രീ. എ . പി . അനിൽ കുമാർ

ശ്രീ. ടി. ജെ. വിനോദ്

ശ്രീ. അൻവർ സാദത്ത്

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

2018, 2019 വര്‍ഷങ്ങളിലെ പ്രളയം കാരണം തകര്‍ന്ന കേരളത്തിന്റെ പുനര്‍നിര്‍മ്മാണ പ്രവര്‍ത്തനങ്ങള്‍ക്കായി എന്തൊക്കെ നടപടികളാണ് സര്‍ക്കാര്‍ സ്വീകരിച്ചിരിക്കുന്നത്; പുരോഗതി വ്യക്തമാക്കാമോ;

( ബി )

ഈ പരിപാടിയുടെ വിവിധ ഘടകപദ്ധതികളുടെ പുരോഗതി വിലയിരുത്തിയിട്ടുണ്ടോ; ഇതിനായി ആഗോള ധനകാര്യസ്ഥാപനങ്ങളില്‍ നിന്ന് അടക്കം വായ്പ ലഭ്യമായിട്ടുണ്ടോ; വിശദാംശങ്ങള്‍ നല്‍കാമോ;

( സി )

കടല്‍ക്ഷോഭവും പ്രളയവും കൂടിവരുന്ന സാഹചര്യത്തില്‍ അവയെ ചെറുക്കാന്‍ എന്തെല്ലാം മുന്‍കരുതലുകളാണ് സ്വീകരിച്ചിരിക്കുന്നത് എന്ന് വ്യക്തമാക്കാമോ; വിശദാംശങ്ങള്‍ നല്‍കാമോ?

ആര്‍ദ്രം പദ്ധതി

*21.

ശ്രീമതി ഒ എസ് അംബിക

ഡോ.കെ.ടി.ജലീൽ

ശ്രീ. എ. പ്രഭാകരൻ

ശ്രീ. എ. രാജ : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് ആരോഗ്യമേഖലയുടെ സമഗ്രവികസനത്തിനായി കഴിഞ്ഞ സര്‍ക്കാര്‍ ആവിഷ്ക്കരിച്ച് വിജയകരമായി നടപ്പിലാക്കിയ ആര്‍ദ്രം പദ്ധതിയുടെ പ്രവര്‍ത്തനങ്ങള്‍ കൂടുതല്‍ കാര്യക്ഷമതയോടെ മുന്നോട്ടുകൊണ്ടുപോകാന്‍ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് അറിയിക്കാമോ;

( ബി )

പൊതുജനങ്ങള്‍ ചികിത്സയ്ക്കായി ഏറ്റവും കൂടുതല്‍ ആശ്രയിക്കുന്ന സര്‍ക്കാര്‍ ആശുപത്രികളുടെ നിലവാരം കൂടുതല്‍ മെച്ചപ്പെടുത്തുന്നതിന് നൂതന പദ്ധതികള്‍ ആവിഷ്ക്കരിക്കാനുദ്ദേശിക്കുന്നുണ്ടോ;

( സി )

ആര്‍ദ്രം മിഷന്റെ ഭാഗമായി സംസ്ഥാനത്ത് എത്ര പ്രാഥമിക ആരോഗ്യകേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി ഉയര്‍ത്തിയിട്ടുണ്ടെന്ന് അറിയിക്കാമോ?

സൗജന്യ റേഷനും ഭക്ഷ്യക്കിറ്റും

*22.

ശ്രീ എം എസ് അരുൺ കുമാര്‍

ശ്രീ. പി. ടി. എ. റഹീം

ശ്രീ. കെ.കെ. രാമചന്ദ്രൻ

ഡോ സുജിത് വിജയൻപിള്ള : താഴെ കാണുന്ന ചോദ്യങ്ങൾക്കു ഭക്ഷ്യ പൊതുവിതരണ വകപ്പ്‌ മന്ത്രി സദയം മറുപടി പറയാമോ?

( എ )

ലോക്ക്ഡൗണ്‍ കാലത്ത് പ്രതിസന്ധിയിലായ സാധാരണ ജനങ്ങളുടെ പട്ടിണി മാറ്റുന്നതിന് കഴിഞ്ഞ സര്‍ക്കാര്‍ നല്‍കിവന്ന സൗജന്യ റേഷനും ഭക്ഷ്യക്കിറ്റും തുടര്‍ന്നും നല്‍കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത് എന്ന് അറിയിക്കാമോ;

( ബി )

ജനങ്ങള്‍ക്ക് സൗജന്യ റേഷന്‍സാധനങ്ങള്‍ നല്‍കിവരുന്നതിനെതിരെയുള്ള പ്രതിപക്ഷ കക്ഷികളുടെ എതിര്‍പ്പിനെ അവഗണിച്ച് ഇതിനായി കൂടുതല്‍ തുക വകയിരുത്തുന്നതിന് നടപടി സ്വീകരിക്കാന്‍ ഉദ്ദേശിക്കുന്നുണ്ടോ;

( സി )

കോവിഡ് കാലത്ത് സര്‍ക്കാര്‍ നല്‍കിവരുന്ന സൗജന്യ ഭക്ഷ്യക്കിറ്റിനായുള്ള കേന്ദ്ര-സംസ്ഥാന സര്‍ക്കാരുകളുടെ വിഹിതത്തിന്റെ വിശദാംശങ്ങള്‍ നല്‍കുമോ?

ഇ-സഞ്ജീവനി സംവിധാനം

*23.

ശ്രീ എം നൗഷാദ്

ശ്രീ. പി.പി. സുമോദ്

ശ്രീമതി ഒ എസ് അംബിക

ശ്രീ. കെ.പി.കുഞ്ഞമ്മദ് കുട്ടി മാസ്റ്റര്‍ : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ് കാലത്ത് വീട്ടിലിരുന്നുതന്നെ ചികിത്സ നേടാന്‍ സഹായിക്കുന്ന ഇ-സഞ്ജീവനി ടെലി-മെഡിസിന്‍ സംവിധാനം സംസ്ഥാനത്ത് സജ്ജമാക്കിയിട്ടുണ്ടോ; എങ്കില്‍ വിശദമാക്കാമോ;

( ബി )

ഇ-സഞ്ജീവനിയില്‍ സാധാരണ ഒ.പി. യ്ക്ക് പുറമെ സ്പെഷ്യാലിറ്റി ഡോക്ടര്‍മാരുടെ സേവനം കൂടി ലഭ്യമാക്കിയിട്ടുണ്ടോ;

( സി )

ഏതെല്ലാം തരം ഒ.പി. സേവനങ്ങളാണ് പ്രസ്തുത പദ്ധതിയിലൂടെ ലഭ്യമാകുന്നതെന്നും വിവിധ ഒ.പി കളുടെ സമയക്രമം എപ്രകാരമാണെന്നും അറിയിക്കാമോ?

ഇ-പോസ് സംവിധാനത്തിലെ തടസ്സം

*24.

പ്രൊഫ . ആബിദ് ഹുസൈൻ തങ്ങൾ

ശ്രീ . പി . ഉബൈദുള്ള

ശ്രീ എ കെ എം അഷ്റഫ്

ശ്രീ. കുറുക്കോളി മൊയ്തീൻ : താഴെ കാണുന്ന ചോദ്യങ്ങൾക്കു ഭക്ഷ്യ പൊതുവിതരണ വകപ്പ്‌ മന്ത്രി സദയം മറുപടി പറയാമോ?

( എ )

പൊതുവിതരണ കേന്ദ്രങ്ങളിലെ ഇ-പോസ് മെഷീനും സെര്‍വ്വറുമായുള്ള ബന്ധത്തില്‍ തുടര്‍ച്ചയായി തടസ്സം നേരിടുന്നതിനാല്‍ റേഷന്‍ വിതരണം കൃത്യമായി നടക്കുന്നില്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ;

( ബി )

ഈ പരാതി പരിഹരിക്കുന്നതിനും പൊതുവിതരണ സമ്പ്രദായം ശക്തിപ്പെടുത്തുന്നതിനും സ്വീകരിച്ചു വരുന്ന നടപടികള്‍ വിശദമാക്കുമോ?

അതിദാരിദ്ര്യ ലഘൂകരണ പദ്ധതി

*25.

ശ്രീ . മുഹമ്മദ് മുഹസിൻ പി .

ശ്രീ ഇ ചന്ദ്രശേഖരന്‍

ശ്രീ. സി.സി. മുകുന്ദൻ

ശ്രീ. പി. ബാലചന്ദ്രൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

സംസ്ഥാനത്ത് അതിദാരിദ്ര്യം സംബന്ധിച്ച് പഠനം നടത്തിയിട്ടുണ്ടോ; എങ്കില്‍ വിശദാംശങ്ങള്‍ അറിയിക്കാമോ;

( ബി )

അതിദാരിദ്ര്യലഘൂകരണം സര്‍ക്കാരിന്റെ പ്രധാന സാമൂഹ്യക്ഷേമ ലക്ഷ്യമായി നിശ്ചയിച്ചിട്ടുണ്ടോ; എങ്കില്‍ ഇക്കാര്യത്തില്‍ സ്വീകരിക്കാനുദ്ദേശിക്കുന്ന കര്‍മ്മപരിപാടി വെളിപ്പെടുത്തുമോ;

( സി )

അതിദാരിദ്ര്യലഘൂകരണ പദ്ധതിയില്‍ ഏതെല്ലാം ഘടകങ്ങളാണ് പരിഗണിക്കുന്നതെന്നും ഏതൊക്കെ ഏജന്‍സികളെയാണ് ചുമതലപ്പെടുത്താന്‍ ഉദ്ദേശിക്കുന്നതെന്നും സംബന്ധിച്ച വിശദവിവരങ്ങള്‍ ലഭ്യമാക്കാമോ?

വന്‍കിട പദ്ധതികളുടെ നടത്തിപ്പ്

*26.

ശ്രീ. എ.എന്‍.ഷംസീര്‍

ശ്രീ ഐ ബി സതീഷ്

ശ്രീ. കെ.പി.കുഞ്ഞമ്മദ് കുട്ടി മാസ്റ്റര്‍

ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

വന്‍കിട പദ്ധതികള്‍ സമയബന്ധിതമായി നടപ്പിലാക്കുന്നതിനായി മുന്‍ സര്‍ക്കാര്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കുമോ;

( ബി )

നിലവില്‍ സംസ്ഥാനത്ത് പ്രവൃത്തിയിലിരിക്കുന്ന വന്‍കിട പദ്ധതികളുടെ പുരോഗതി വ്യക്തമാക്കാമോ;

( സി )

വന്‍കിട പദ്ധതികളുടെ മേല്‍നോട്ടവും നടത്തിപ്പും കൂടുതല്‍ കാര്യക്ഷമതയോടെയും വേഗതയോടെയും നടപ്പിലാക്കുന്നതിനായി എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കുമോ?

കോവിഡിന്റെ മൂന്നാം തരംഗം

*27.

ശ്രീ പി എസ്‍ സുപാല്‍

ശ്രീമതി സി. കെ. ആശ

ശ്രീ. ഇ കെ വിജയൻ

ശ്രീ. ഇ. ടി. ടൈസൺ മാസ്റ്റർ : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് കോവിഡിന്റെ മൂന്നാം തരംഗത്തിന് സാധ്യതയുള്ള കാര്യം ശ്രദ്ധയില്‍പ്പെട്ടിട്ടുണ്ടോ;

( ബി )

എങ്കില്‍ മൂന്നാം തരംഗത്തെ പ്രതിരോധിക്കുന്നതിനുള്ള കര്‍മ്മപദ്ധതികള്‍ എന്തൊക്കെയാണെന്ന് വ്യക്തമാക്കാമോ;

( സി )

കോവിഡിന്റെ മൂന്നാം തരംഗം സംബന്ധിച്ച് കേന്ദ്ര സര്‍ക്കാരില്‍ നിന്നും എന്തെങ്കിലും അറിയിപ്പുകള്‍ ലഭിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ;

( ഡി )

കോവിഡിന്റെ മൂന്നാം തരംഗം സംബന്ധിച്ച് ശാസ്ത്രീയമായ പഠനങ്ങള്‍ സംസ്ഥാനതലത്തില്‍ നടത്തുന്ന കാര്യത്തിൽ നിലപാട് വ്യക്തമാക്കാമോ?

ക്ഷേമ പ്രവര്‍ത്തനങ്ങള്‍ കാര്യക്ഷമമാക്കുന്നതിന് നടപടി

*28.

ശ്രീ കെ യു ജനീഷ് കുമാർ

ശ്രീ. കെ. ബാബു (നെന്മാറ)

ശ്രീ. എച്ച്. സലാം

ശ്രീ. കെ.എൻ. ഉണ്ണിക്കൃഷ്ണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?

( എ )

കോവിഡ് അടക്കമുള്ള വിവിധ ദുരന്തങ്ങള്‍ക്കിടയിലും സാധാരണ ജനജീവിതം സുഗമമാക്കുംവിധം ക്ഷേമപ്രവര്‍ത്തനങ്ങള്‍ നടപ്പിലാക്കി പ്രതിസന്ധികളെ ഫലപ്രദമായി നേരിട്ട് ഭരണത്തുടര്‍ച്ച നേടിയ ഈ അവസരത്തില്‍ ജനകീയ ഇടപെടലുകളിലുടെ ക്ഷേമ പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കുന്നതിന് ഈ സര്‍ക്കാര്‍ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് അറിയിക്കാമോ;

( ബി )

സാമൂഹിക സുരക്ഷിതത്വം ഉറപ്പാക്കുന്നതിനും സ്ത്രീശാക്തീകരണ പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കുന്നതിനും എന്തെല്ലാം നിര്‍ദ്ദേശങ്ങളാണ് ഈ സര്‍ക്കാര്‍ നല്‍കിയിട്ടുള്ളത്;

( സി )

ലൈഫ്, ആര്‍ദ്രം, ഹരിത കേരളം, പൊതുവിദ്യാഭ്യാസ സംരക്ഷണ യജ്ഞം എന്നിവയടങ്ങിയ നവകേരള മിഷന്റെ പ്രവര്‍ത്തനങ്ങള്‍ കൂടുതല്‍ ഊര്‍ജ്ജിതമാക്കുവാന്‍ ഉദ്ദേശിക്കുന്നുണ്ടോ?

കോവിഡ്-19ന്റെ രണ്ടാം വ്യാപനം

*29.

ശ്രീ ഐ ബി സതീഷ് : താഴെ കാണുന്ന ചോദ്യങ്ങൾക്കു ആരോഗ്യവും വനിത-ശിശു വികസനവും വകുപ്പുമന്ത്രി സദയം മറുപടി പറയാമോ?

( എ )

കോവിഡ്-19ന്റെ രണ്ടാം വ്യാപനം പ്രായാധിക്യമുള്ളവരെക്കാള്‍ ചെറുപ്പക്കാരിലും മദ്ധ്യവയസ്ക്കരിലുമാണ് കൂടുതല്‍ രൂക്ഷമാകുന്നത് എന്നതും അവർക്കാണ് കൂടുതല്‍ മരണം സംഭവിക്കുന്നത് എന്നതും ശ്രദ്ധയില്‍പ്പെട്ടിട്ടുണ്ടോ; ഇത് സംബന്ധിച്ച എന്തെങ്കിലും പഠനം നടത്തിയിട്ടുണ്ടോ; വിശദാംശങ്ങള്‍ ലഭ്യമാക്കാമോ?

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി

*30.

ശ്രീ ഡി കെ മുരളി

ശ്രീ. റ്റി.പി .രാമകൃഷ്ണൻ

ശ്രീമതി ശാന്തകുമാരി കെ.

ഡോ സുജിത് വിജയൻപിള്ള : താഴെ കാണുന്ന ചോദ്യങ്ങൾക്കു തദ്ദേശസ്വയംഭരണവും ഗ്രാമവികസനവും എക്സൈസും വകുപ്പു മന്ത്രി സദയം മറുപടി പറയാമോ?

( എ )

സംസ്ഥാനത്ത് കോവിഡ് കാലഘട്ടത്തിലെ സാമ്പത്തിക തകര്‍ച്ചയിലും ഉപജീവന പ്രതിസന്ധിയിലുംപെട്ടുഴലുന്ന ഗ്രാമീണ കുടുംബങ്ങള്‍ക്ക് വലിയതോതില്‍ ആശ്വാസം പകരുന്ന മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ നിര്‍വ്വഹണത്തില്‍ മുന്‍ സര്‍ക്കാര്‍ കൈവരിച്ച ചരിത്രനേട്ടം ആവര്‍ത്തിക്കുന്നതിന് എന്തെല്ലാം നിര്‍ദ്ദേശങ്ങളാണ് നല്‍കാനുദ്ദേശിക്കുന്നതെന്ന് അറിയിക്കാമോ;

( ബി )

കഴിഞ്ഞ സാമ്പത്തിക വര്‍ഷം തൊഴിലുറപ്പുപദ്ധതിയിലൂടെ സംസ്ഥാനത്ത് എത്ര തൊഴില്‍ ദിനങ്ങള്‍ സൃഷ്ടിക്കാന്‍ സാധിച്ചു എന്നതിന്റെ കണക്ക് ലഭ്യമാണോ; എങ്കില്‍ നല്‍കുമോ;

( സി )

പദ്ധതിയിലെ സ്ത്രീ പങ്കാളിത്തം, സമയബന്ധിതമായ വേതന വിതരണം, പ്രവൃത്തികളുടെ പൂര്‍ത്തീകരണം തുടങ്ങിയ വിവിധ മേഖലകളില്‍ രാജ്യത്തെ ഏറ്റവും മികച്ച സംസ്ഥാനങ്ങളുടെ പട്ടികയില്‍ കേരളം ഉള്‍പ്പെട്ടിട്ടുള്ള കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ?