14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 15^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വൈദ്യുതിനയം

2406.

ശ്രീ.പി.കെ.അബ്ദു റബ്ബ്
,, വി.കെ.ഇബ്രാഹിം കുഞ്ഞ്
,, പാറക്കല്‍ അബ്ദുല്ല
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാരിന്റെ വൈദ്യുതിനയം നിലവില്‍ വന്നിട്ടുണ്ടോ ;

(ബി)	ആഭ്യന്തര ഉല്‍പ്പാദനം വര്‍ദ്ധിപ്പിക്കുന്നതിനും, വികസനത്തിനാവശ്യമായ ഗുണമേന്മയുള്ള വൈദ്യുതി ഉറപ്പുവരുത്തുന്നതിനും എന്തെല്ലാം നിര്‍ദ്ദേശങ്ങളാണ് പ്രസ്തുത നയത്തില്‍ ഉള്‍ക്കൊള്ളിച്ചിരിക്കുന്നത്;

(സി)	ഈ നടപടികള്‍ വൈദ്യുതരംഗത്ത് സ്വയംപര്യാപ്തത നേടാന്‍ സഹായകരമാകുമോയെന്ന് പരിശോധിച്ചിട്ടുണ്ടോ ; വിശദാംശം നല്‍കുമോ?

കെ.എസ്.ഇ.ബി. സുരക്ഷാ നയം

2407.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	എന്തെല്ലാം മാനദണ്ഡങ്ങളാണ് കെ എസ് ഇ ബി യുടെ സുരക്ഷാ നയത്തില്‍ ഉള്‍പ്പെടുത്തിയിട്ടുള്ളത്; വ്യക്തമാക്കാമോ;

(ബി)	ഇത് സംബന്ധിച്ച് പൊതുജനങ്ങളെയും ബോധവല്‍ക്കരിക്കുന്നതിന് കെ.എസ്.ഇ.ബി. പദ്ധതികള്‍ ആവഷ്ക്കരിച്ചിട്ടുണ്ടോ; വിശദമാക്കാമോ?

കെ.എസ്.ഇ.ബി. ദ്രുതപ്രതികരണ സംഘം

2408.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കാലവര്‍ഷകെടുതിയുടെ ഭാഗമായി ഉണ്ടാകുന്ന വൈദ്യുതി തടസ്സം പരിഹരിക്കുന്നതിന് കെ.എസ്.ഇ.ബി. ദ്രുതപ്രതികരണ സംഘം രൂപീകരിച്ചിട്ടുണ്ടോ;

(ബി)	വൈദ്യുതി വിതരണ രംഗത്ത് ഉണ്ടാകുന്ന എല്ലാത്തരം പ്രശ്നങ്ങളും യുദ്ധകാലാടിസ്ഥാനത്തില്‍ പരിഹരിക്കുന്നതിന് ഈ സംവിധാനം ഫലപ്രദമാണോ; വ്യക്തമാക്കുമോ;

(സി)	സംസ്ഥാനത്തെ എല്ലാ ഇലക്ട്രിക്കല്‍ സര്‍ക്കിളിന് കീഴിലും ഇത്തരത്തിലുള്ള ദ്രുതപ്രതികരണ സംഘം രൂപീകരിക്കുന്നതിന് നിര്‍ദ്ദേശം നല്‍കുമോ?

കേന്ദ്ര വൈദ്യുതി നിയമ ഭേദഗതി

2409.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര വൈദ്യുതി നിയമം 2003 ഭേദഗതി ചെയ്യുന്നതിന് ഉദ്ദേശിച്ചുകൊണ്ട് കേന്ദ്ര സര്‍ക്കാര്‍ പ്രസിദ്ധീകരിച്ച വൈദ്യുതി ഭേദഗതി ബില്‍ 2018 സംസ്ഥാനത്തെ ഉപഭോക്താക്കളുടെ താല്പര്യങ്ങള്‍ക്ക് എതിരാണെന്ന കാര്യം വസ്തുതാപരമാണോ ;

(ബി)	എങ്കില്‍ ഏതൊക്കെ നിബന്ധനകളാണ് ഉപഭോക്താക്കളുടെ താല്പര്യത്തിന് വിരുദ്ധമായിട്ടുള്ളതെന്ന് വ്യക്തമാക്കുമോ ;

(സി)	കേന്ദ്ര താരിഫ് നയം അനുസരിച്ച് വൈദ്യുതി നിരക്ക് പരിഷ്ക്കരണം നടത്തണ‌മെന്ന നിര്‍‌ദ്ദേശം വൈദ്യുതി റഗുലേറ്ററി കമ്മീഷന്റെ അധികാരപരിധിയിലേക്കുള്ള കടന്നുകയറ്റവും ഉപഭോക്താക്കള്‍ക്ക് അമിതഭാരം വരുത്തി വയ്ക്കുന്നതുമായ നിബന്ധനയാണോ എന്ന് വ്യക്തമാക്കുമോ ;

(ഡി)	എങ്കില്‍ ഈ ഭേദഗതി നിയമത്തെ കുറിച്ചുള്ള ഉപഭോേക്താക്കളുടെ ആശങ്കകള്‍ കേന്ദ്രത്തെ അറിയിച്ചിട്ടുണ്ടോ ; ഉണ്ടെങ്കില്‍ അതിന്മേലുള്ള പ്രതികരണം എന്താണ് എന്നറിയിക്കാമോ ?

ലാേവര്‍ മീന്‍മുട്ടി ഹെെഡല്‍ ടൂറിസം

2410.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയാേജക മണ്ഡലത്തിലെ നന്ദിയാേട് ഗ്രാമപഞ്ചായത്തില്‍ പ്രവര്‍ത്തിക്കുന്ന ലാേവര്‍ മീന്‍മുട്ടി ചെറുകിട ജല വെെദ്യുത പദ്ധതി പ്രദേശത്ത് നടപ്പാക്കി വരുന്ന ഹെെഡല്‍ ടൂറിസം പദ്ധതിയില്‍ എന്തൊക്കെ സൗകര്യങ്ങളും , വിനാേദാേപാധികളുമാണ് പാെതുജനങ്ങള്‍ക്ക് ഏര്‍പ്പെടുത്തിയിട്ടുള്ളത്; വിശദമാക്കാമാേ;

(ബി)	പതിനാറ് ഏക്കര്‍ വിസ്തൃതിയുള്ള ടി പ്രദേശത്ത് വാട്ടര്‍ തീം പാര്‍ക്ക് സഥാപിക്കുന്നതിന് കെ.എസ്.ഇ.ബി പദ്ധതി തയ്യാറാക്കിയിട്ടുണ്ടാേ; വിശദമാക്കുമാേ;

(സി)	വാട്ടര്‍ തീം പാര്‍ക്ക് സ്ഥാപിക്കുന്നതിനും നടത്തിപ്പിനും സഹകരണ മേഖലയിലെ സ്ഥാപനങ്ങളുമായി ചേര്‍ന്ന് പദ്ധതി നടപ്പിലാക്കാന്‍ ആലാേചിക്കുമാേ; വിശദ വിവരങ്ങള്‍ നല്‍കാമാേ?

വൈദ്യുതി കണക്ഷന്‍ ലഭിക്കുന്നതിനുവേണ്ട നടപടിക്രമങ്ങള്‍

2411.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഗാര്‍ഹിക ആവശ്യത്തിനായി വൈദ്യുതി കണക്ഷന്‍ ലഭിക്കുന്നതിനുവേണ്ട നടപടിക്രമങ്ങള്‍ വ്യക്തമാക്കുമോ;

(ബി)	ചെറുകിട/വന്‍കിട വ്യവസായ ആവശ്യങ്ങള്‍ക്കായി വൈദ്യുതി കണക്ഷന്‍ ലഭ്യമാക്കുന്നതിനുവേണ്ട നടപടിക്രമങ്ങള്‍ വിശദമാക്കാമോ?

മൂന്നാറിലെ ഹോട്ടലുകളുടേയും റിസോര്‍ട്ടുകളുടേയും വൈദ്യുതി കണക്ഷന്‍

2412.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	മൂന്നാറിലെ എട്ട് വില്ലേജുകളില്‍ ഹോട്ടലുകള്‍ക്കും റിസോര്‍ട്ടുകള്‍ക്കും വൈദ്യതി കണക്ഷന്‍ നല്‍കുന്നതിന് റവന്യു വകുപ്പിന്റെ നിരാക്ഷേപ പത്രം വേണമെന്ന വ്യവസ്ഥ നിലവിലുണ്ടോ;

(ബി)	പ്രസ്തുത നിരാക്ഷേപ പത്രമില്ലാതെ വൈദ്യുതി കണക്ഷന്‍ നല്‍കുവാന്‍ ബോര്‍ഡ് തീരുമാനിച്ചിട്ടുണ്ടോ; ഉണ്ടെങ്കില്‍ അതിനുള്ള കാരണമെന്താണ്;

(സി)	ഈ തീരുമാനം മൂന്നാറിലെ കയ്യേറ്റക്കാരെ സഹായിക്കുന്നതും കയ്യേറ്റം സംബന്ധിച്ച കേസുകളില്‍ സര്‍ക്കാരിന് തോല്‍വി ഉണ്ടാകുവാന്‍ കാരണമാകുന്നതുമാണെന്നു ചൂണ്ടിക്കാണിച്ച് ഭരണപരിഷ്കാര കമ്മീഷന്‍ ചെയര്‍മാന്‍ മന്ത്രിക്ക് കത്ത് നല്‍കിയിട്ടുണ്ടോ;

(ഡി)	വൈദ്യുതി കണക്ഷന്‍ നല്‍കുവാനുള്ള തീരുമാനം പുന:പരിശോധിക്കുമോ?

പളളുരുത്തിയിലെ വോള്‍ട്ടേജ് ക്ഷാമം

2413.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പൂണിത്തുറ മണ്ഡലത്തിലെ പളളുരുത്തിയിലെ വോള്‍ട്ടേജ് ക്ഷാമം പരിഹരിക്കുന്നതിനായി സ്വീകരിച്ചുവരുന്ന നടപടികള്‍ അറിയിക്കുമോ;

(ബി)	ഇതിലേക്കായി പുതുതായി എത്ര ട്രാന്‍സ്ഫോര്‍മര്‍കൂടി സ്ഥാപിക്കണം എന്ന് അറിയിക്കുമോ;ഇവ എന്നത്തേക്ക് സ്ഥാപിക്കുമെന്ന് വ്യക്തമാക്കുമോ?

മഹാപ്രളയത്തില്‍ കെ.എസ്.ഇ.ബി.ക്ക് ഉണ്ടായ നാശനഷ്ടം

2414.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ആഗസ്റ്റ് 15ന് ഉണ്ടായ മഹാപ്രളയം മൂലം വൈദ്യുതി വകുപ്പിന് എത്ര കോടി രൂപയുടെ നാശനഷ്ടമാണ് ഉണ്ടായിരിക്കുന്നത് എന്ന് കണക്ക് സഹിതം ഇനം തിരിച്ച് വ്യക്തമാക്കാമോ; മഹാപ്രളയത്തില്‍ റാന്നി നിയോജകമണ്ഡലത്തില്‍ കെ.എസ്.ഇ.ബി.ക്ക് ഉണ്ടായ നാശനഷ്ടങ്ങളുടെ കണക്കുകള്‍ വിശദമാക്കാമോ ;

(ബി)	നാശനഷ്ടം സംഭവിച്ച എത്ര പോസ്റ്റുകളും ട്രാന്‍സ്ഫോര്‍മറുകളും വൈദ്യുതി ലൈനുകളും മാറ്റി സ്ഥാപിച്ചു എന്ന് പറയാമോ; ഇതിനായി എത്ര രൂപ ചെലവായി എന്ന് ഇനം തിരിച്ച് വിശദമാക്കാമോ ?

എൻ.ടി .പി.സി.യുമായുള്ള കരാർ

2415.

ശ്രീ.ആര്‍. രാമചന്ദ്രന്‍
,, ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	എൻ.ടി .പി.സി. യുടെ കായംകുളം താപനിലയത്തില്‍ നിലവിൽ വൈദ്യുതി ഉത്പാദിപ്പിക്കുന്നുണ്ടോ;

(ബി)	എൻ.ടി .പി.സി. യുമായി സംസ്ഥാനം ഏർപ്പെട്ടിരിക്കുന്ന കരാറിലെ പ്രധാന വ്യവസ്ഥകളും, കരാറിന്റെ പ്രാബല്യ തീയതിയും വ്യക്തമാക്കുമോ;

(സി)	നാഫ്ത ഇന്ധനമാക്കി നിർമ്മിക്കുന്ന വൈദ്യുതിയുടെ ഉയര്‍ന്ന യൂണിറ്റ് ചാർജ് മൂലമാണോ പ്രസ്തുത പദ്ധതി മന്ദഗതിയിലാകുന്നതെന്ന് വ്യക്തമാക്കുമോ;

(ഡി)	എൻ.ടി .പി.സി. യുമായി കേരളം മാത്രമാണോ കരാറിൽ ഏർപ്പെട്ടിരിക്കുന്നതെന്നും, മറ്റ് സംസ്ഥാനങ്ങള്‍ കരാറിൽ ഏർപ്പെട്ടിട്ടുണ്ടോയെന്നും അറിയിക്കുമോ;

(ഇ)	വൈദ്യുതി വാങ്ങാതെ എൻ.ടി .പി.സി. യ്ക്ക് കരാര്‍ പ്രകാരമുള്ള തുക നല്‍കിയതിന്റെ വിവരങ്ങളും ആയത് സംസ്ഥാനത്തിന് ബാദ്ധ്യതയാണോയെന്നും അറിയിക്കുമോ?

കെ.എസ്.ഇ.ബി ഓഫീസുകളുടെ അധികാരപരിധി പുനര്‍നിര്‍ണയം

2416.

(എ)	സംസ്ഥാനത്തെ വിവിധ കെ.എസ്.ഇ.ബി ഓഫീസുകളുടെ അധികാരപരിധി പുനര്‍നിര്‍ണയിക്കാന്‍ സര്‍ക്കാര്‍ ആലോചിക്കുന്നുണ്ടോ;ഉണ്ടെങ്കില്‍ ഇതിന്റെ മാനദണ്ഡം എന്താണെന്ന് വിശദമാക്കാമോ;

(ബി)	പുനര്‍നിര്‍ണയത്തിന്റെ നിലവിലെ സ്ഥിതി എന്താണെന്ന് വ്യക്തമാക്കുമോ?

കെ.എസ്.ഇ.ബി. കമ്പനിവത്കരണം

2417.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ഇ.ബി. യെ കമ്പനിവത്കരിക്കുന്നതിലുള്ള കേന്ദ്രസര്‍ക്കാര്‍ നയം എന്താണെന്ന് അറിയാമോ; എങ്കില്‍ വിശദമാക്കുമോ;

(ബി)	കേന്ദ്രസര്‍ക്കാരിന്റെ നിലപാട് മറികടന്ന് കമ്പനിവത്കരണം ഉപേക്ഷിക്കുവാന്‍ സംസ്ഥാനസര്‍ക്കാരിന് നിയമപരമായി എന്തെങ്കിലും തടസങ്ങളുണ്ടോ; ഉണ്ടെങ്കില്‍ വിശദവിവരം നല്കുമോ ?

കെ.എസ്.ഇ.ബി.യുടെ പുനസംഘടന

2418.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ഇ.ബി. പുനസംഘടിപ്പിക്കുന്നതിന്റെ ഭാഗമായി കോഴിക്കോട് ഐ.ഐ.എം സമര്‍പ്പിച്ച പഠനറിപ്പോര്‍ട്ട് നടപ്പിലാക്കിയിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	കേന്ദ്ര വൈദ്യുതി അതോറിറ്റിയുടെ 2010 ലെ സുരക്ഷാ മാനദണ്ഡങ്ങള്‍ കെ.എസ്.ഇ.ബി.യില്‍ പൂര്‍ണ്ണമായും നടപ്പിലാക്കിയിട്ടുണ്ടോ; വിശദാംശം ലഭ്യമാക്കുമോ?

ഏറനാട് മണ്ഡലത്തിലെ തടത്തില്‍ പ്രദേശത്തെ വാേള്‍ട്ടേജ് ക്ഷാമം

2419.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഏറനാട് മണ്ഡലത്തിലെ കാവന്നൂര്‍ ചെങ്ങര-തടത്തില്‍ പ്രദേശത്ത് രൂക്ഷമായി അനുഭവപ്പെടുന്ന വാേള്‍ട്ടേജ് ക്ഷാമം പരിഹരിക്കുന്നതിന് തടത്തില്‍ പ്രദേശത്ത് ട്രാന്‍സ്ഫാേര്‍മര്‍ സ്ഥാപിക്കണമെന്നാവശ്യപ്പെട്ട് അപേക്ഷ ലഭിച്ചിരുന്നാേ; വിശദമാക്കുമാേ;

(ബി)	എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ എന്തെല്ലാമാണ് വ്യക്തമാക്കുമാേ;

(സി)	പ്രസ്തുത പ്രദേശത്തെ വാേള്‍ട്ടേജ് ക്ഷാമം പരിഹരിക്കാന്‍ നടപടിക്രമങ്ങള്‍ വേഗത്തിലാക്കി പുതിയ ട്രാന്‍സ്ഫാേര്‍മര്‍ സ്ഥാപിക്കുന്നതിന് നടപടി സ്വീകരിക്കുമാേ?

വൈദ്യുത ബോര്‍ഡിന് ലഭിക്കേണ്ട ഭീമമായ കുടിശ്ശിക

2420.

പ്രൊഫ.ആബിദ് ഹുസൈന്‍ തങ്ങള്‍
ഡോ.എം. കെ. മുനീര്‍
ശ്രീ.പി.ഉബൈദുള്ള
,, ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വന്‍കിട ഉപഭോക്താക്കളില്‍ നിന്ന് മാത്രം വൈദ്യുത ബോര്‍ഡിന് ലഭിക്കേണ്ട ഭീമമായ കുടിശ്ശിക തുക ഈടാക്കുന്നതിന് ഫലപ്രദമായ നടപടികള്‍ ബോധപൂര്‍വ്വം സ്വീകരിക്കുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)	കൂടിശ്ശിക പൂര്‍ണ്ണമായി വസൂലാക്കാന്‍ സ്വീകരിച്ചുവരുന്ന നടപടികള്‍ എന്തെല്ലാമാണെന്ന് വിശദീകരിക്കുമോ?

ഇടുക്കി ജില്ലയില്‍ വന്‍കിട കെട്ടിടങ്ങള്‍ക്ക് വൈദ്യുതി കണക്ഷന്‍

2421.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി ജില്ലയില്‍ വന്‍കിട കെട്ടിടങ്ങള്‍ക്ക് വൈദ്യുതി കണക്ഷന്‍ എടുക്കുന്നതിന് നിര്‍ബന്ധമായിരുന്ന റവന്യൂ വകുപ്പിന്റെ എന്‍.ഒ.സി. ആവശ്യമില്ലെന്ന് ഊര്‍ജ്ജവകുപ്പ് ഉത്തരവ് പുറപ്പെടുവിച്ചിട്ടുണ്ടോ;

(ബി)	എങ്കില്‍ ഇങ്ങനെ ഒരു ഉത്തരവ് പുറപ്പെടുവിക്കാനുള്ള സാഹചര്യം എന്താണെന്ന് വ്യക്തമാക്കുമോ; പ്രസ്തുത ഉത്തരവിന്റെ പകര്‍പ്പ് ലഭ്യമാകുമോ;

(സി)	ഇടുക്കി ജില്ലയിലെ കയ്യേറ്റ ഭൂമിയില്‍ നിര്‍മ്മിക്കുന്ന കെട്ടിടങ്ങള്‍ക്ക് വൈദ്യുതി കണക്ഷന്‍ ലഭ്യമാകുന്നതിന് വേണ്ടിയാണ് ടി ഉത്തരവ് പുറപ്പെടുവിച്ചിട്ടുള്ളത് എന്ന ആക്ഷേപം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ഡി)	ഇങ്ങനെയുള്ള കെട്ടിടങ്ങള്‍ക്ക് വൈദ്യുതി കണക്ഷന്‍ നല്‍കരുതെന്ന് കോടതി ഉത്തരവ് നിലവിലുണ്ടോ; എങ്കില്‍ ഇതിന്റെ വിശദാംശം ലഭ്യമാക്കുമോ?

വൈദ്യുതി ബോര്‍ഡ് നേരിടുന്ന സാമ്പത്തിക പ്രതിസന്ധി

2422.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വൈദ്യുതി ബോര്‍ഡ് നിലവില്‍ കനത്ത സാമ്പത്തിക പ്രതിസന്ധിയിലാണ് എന്നത് വസ്തുതയാണോ;എങ്കില്‍ അതിനുള്ള കാരണങ്ങള്‍ എന്തൊക്കെയാണെന്ന് വ്യക്തമാക്കുമോ;

(ബി)	പ്രതിസന്ധി മറികടക്കുന്നതിന് ബോര്‍ഡ് ഇതിനകം എന്തൊക്കെ നടപടികള്‍ സ്വീകരിച്ചിട്ടുണ്ട്; അത് വിജയപ്രദമാണോ;

(സി)	സംസ്ഥാനത്ത് അനുഭവപ്പെടുന്ന കനത്ത ചൂട് മൂലം ഊര്‍ജ്ജ ഉപഭോഗത്തില്‍ വര്‍ദ്ധനവ് ഉണ്ടായിട്ടുണ്ടോ; ഉണ്ടെങ്കില്‍ ഇതിനായി പുറത്ത് നിന്നും കൂടിയ വിലയ്ക്ക് വൈദ്യുതി വാങ്ങേണ്ട സാഹചര്യം വന്നിട്ടുണ്ടോ;

(ഡി)	ഇത് നിലവിലുള്ള സാമ്പത്തിക പ്രതിസന്ധി കൂടുതല്‍ രൂക്ഷമാക്കിയിട്ടുണ്ടോ;

(ഇ)	സാമ്പത്തിക പ്രതിസന്ധി മറികടക്കുവാന്‍ ബോര്‍ഡിലെ, പി.എസ്.സി.വഴിയുള്ള നിയമനങ്ങള്‍ നിര്‍ത്തിവയ്ക്കുവാന്‍ നിര്‍ദ്ദേശം നല്‍കിയിട്ടുണ്ടോ; ഉണ്ടെങ്കില്‍ ഏതൊക്കെ തസ്തികകളിലേക്കുള്ള നിയമനമാണ് നിര്‍ത്തിവച്ചിട്ടുള്ളതെന്ന് വ്യക്തമാക്കുമോ?

ഇലക്ട്രിക് പോസ്റ്റുകളുടെ ഗുണനിലവാരം

2423.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇലക്ട്രിക് പോസ്റ്റുകളുടെ ഗുണനിലവാരം പരിശോധിക്കുന്നതിനുള്ള സംവിധാനത്തെക്കുറിച്ച് വിശദമാക്കാമോ;

(ബി)	സംസ്ഥാനത്ത് ഇലക്ട്രിക് പോസ്റ്റ് നിര്‍മ്മാണ യൂണിറ്റുകള്‍ സ്ഥിതി ചെയ്യുന്നുണ്ടാേ; ഉണ്ടെങ്കില്‍ വിശദമാക്കാമോ?

സംസ്ഥാനത്തെ വൈദ്യുതി ഉപയോഗം

2424.

(എ)	വൈദ്യുതി ബോര്‍ഡിന്റെ നിയന്ത്രണത്തിലുള്ള അണക്കെട്ടുകളില്‍ നിലവില്‍ എത്ര ശതമാനം വെള്ളമാണ് ഉള്ളത്;

(ബി)	അത് ഉപയോഗിച്ച് എത്ര ദശലക്ഷം യൂണിറ്റ് വൈദ്യുതി ഉല്പാദിപ്പിക്കുവാൻ സാധിക്കും; വ്യക്തമാക്കുമോ;

(സി)	സംസ്ഥാനത്ത് റെക്കോര്‍ഡ് വൈദ്യുതി ഉപയോഗമെന്ന് രേഖപ്പെടുത്തിയ ഈ സീസണില്‍ എത്ര ദശലക്ഷം വൈദ്യുതി ഉപയോഗിച്ചു ; വിശദമാക്കുമോ;

(ഡി)	ബോര്‍ഡിന്റെ ഡാം മാനേജ് മെന്റിലെ പരാജയം കാരണമാണ് ഡാമുകളിലെ ജലനിരപ്പ് ഇത്തവണ ഗണ്യമായി കുറഞ്ഞത് എന്നത് വസ്തുതയാണോ ;വ്യക്തമാക്കുമോ;

(ഇ)	കാലവര്‍ഷം വൈകിയാല്‍ സംസ്ഥാനം കടുത്ത വൈദ്യുതി പ്രതിസന്ധിയിലേക്ക് നീങ്ങുമെന്ന റിപ്പോര്‍ട്ടിന്റെ അടിസ്ഥാനത്തില്‍ പ്രസ്തുത പ്രതിസന്ധി മറികടക്കുവാന്‍ എന്തൊക്കെ നടപടികളാണ് ബോര്‍ഡ് സ്വീകരിച്ചിട്ടുള്ളത്?

ഇടുക്കിയില്‍ ഒരു പവര്‍ ഹൗസുകൂടി നിര്‍മ്മിക്കുന്നതിനുളള സാധ്യതാ പഠനം

2425.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം കടുത്ത വൈദ്യുതി പ്രതിസന്ധി നേരിടുന്നു എന്നത് വസ്തുതയാണോ ;എങ്കില്‍ അതിനുളള കാരണങ്ങള്‍ എന്തൊക്കെയാണ്;

(ബി)	സംസ്ഥാനത്തെ വൈദ്യുതി ഉല്പാദന മേഖല കാര്യക്ഷമമാക്കുന്നതിന് നടപ്പിലാക്കുന്ന ജലവൈദ്യുത പദ്ധതികളുടെ നിര്‍മ്മാണ പുരോഗതി വെളിപ്പെടുത്തുമോ; അവയുടെ നിര്‍മ്മാണ പ്രവര്‍ത്തനം വേഗത്തിലാക്കുന്നതിന് സ്വീകരിച്ച നടപടികള്‍ എന്തൊക്കെയാണ്;

(സി)	പീക്ക് ലോഡ് സമയത്തെ വൈദ്യുതി ആവശ്യകത നിറവേറ്റുന്നതിനായി ഇടുക്കിയില്‍ ഒരു പവര്‍ ഹൗസുകൂടി നിര്‍മ്മിക്കുന്നതിനുളള സാധ്യതാ പഠനം കെ.എസ്.ഇ.ബി നടത്തിയിട്ടുണ്ടോ; ഉണ്ടെങ്കില്‍ അതിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണ്?

അലങ്കാരങ്ങൾക്കും ആർഭാടങ്ങൾക്കും വൈദ്യുതി നിയന്ത്രണം

2426.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അലങ്കാരങ്ങൾക്കും ആർഭാടങ്ങൾക്കുമായി വൻകിട വ്യാപാര സ്ഥാപനങ്ങളും മറ്റ്സ്ഥാപനങ്ങളും ഉപയോഗിക്കുന്ന വൈദ്യുതിക്ക് പ്രത്യേക വൈദ്യുതി ചാർജ് ഈടാക്കാൻ ബോർഡ് ഉദ്ദേശിക്കുന്നുണ്ടോ;

(ബി)	ഇത്തരം ആവശ്യങ്ങൾക്കുള്ള വൈദ്യുതി സോളാർ പാനൽ വഴി കണ്ടെത്തുവാൻ സ്ഥാപന ഉടമയെ പ്രേരിപ്പിക്കാൻ കഴിയുന്ന ആകർഷണീയമായ പദ്ധതികൾ ആവിഷ്കരിക്കാൻ ബോർഡ് നടപടി സ്വീകരിക്കുമോ;

(സി)	സംസ്ഥാനത്തിന്റെ ഊർജ്ജ സുരക്ഷയെ മുന്‍നിര്‍ത്തി ബോർഡിന്റെ നിയന്ത്രണത്തിൽ കുറഞ്ഞ ചെലവിൽ ഗുണമേന്മയുള്ള സോളാർ പാനൽ നിർമ്മിക്കുന്നതിനുള്ള കമ്പനി ആരംഭിക്കുവാൻ പദ്ധതി ഉണ്ടോ;വ്യക്തമാക്കുമോ?

കല്‍പ്പറ്റയിലെ വൈദ്യുത പദ്ധതികൾ

2427.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം വൈദ്യുതി വകുപ്പ് കല്‍പ്പറ്റ നിയോജകമണ്ഡലത്തില്‍ നടപ്പിലാക്കിയ പദ്ധതികളും പ്രവര്‍ത്തനങ്ങളും വിശദമാക്കാമോ;

(ബി)	ഈ പദ്ധതികള്‍ക്കും പ്രവര്‍ത്തനങ്ങള്‍ക്കുമായി എത്ര തുക ചെലവഴിച്ചു എന്ന് വ്യക്തമാക്കാമോ?

ചെറുകിട ജലസേചന പദ്ധതികള്‍

2428.

(എ)	ഊര്‍ജ്ജോല്പാദന രംഗത്ത് സംസ്ഥാനം നേരിടുന്ന കമ്മി പരിഹരിക്കുവാന്‍ സ്വകാര്യ മേഖലയുടെ സഹകരണത്തോടെ 'ബൂട്ട്' അടിസ്ഥാനത്തില്‍ ചെറുകിട ജലസേചന പദ്ധതികള്‍ നടപ്പിലാക്കുന്നുണ്ടോ; വിശദാംശം നല്‍കുമോ;

(ബി)	പാലക്കാട് ജില്ല പഞ്ചായത്ത്, തൃശ്ശൂര്‍ കോര്‍പ്പറേഷന്‍ എന്നിവയ്ക്ക് അനുവദിച്ച ചെറുകിട ജലവൈദ്യുത പദ്ധതികള്‍ പ്രവര്‍ത്തന ക്ഷമമാക്കിയിട്ടുണ്ടോ; വ്യക്തമാക്കുമോ;

(സി)	സൗരോര്‍ജ്ജം, കാറ്റ് എന്നിവയിലൂടെ വൈദ്യുതി ഉല്പാദിപ്പിക്കുന്നതിനുളള ശ്രമം മറ്റ് ദക്ഷിണേന്ത്യന്‍ സംസ്ഥാനങ്ങള്‍ ഈ രംഗത്ത് നേടിയ നേട്ടവുമായി താരതമ്യപ്പെടു ത്തുമ്പോള്‍ വിജയകരമാണെന്ന് വിലയിരുത്തുവാന്‍ സാധിക്കുമോ;

(ഡി)	പുരപ്പുറ സൗരോര്‍ജ്ജ പദ്ധതി വിജയപ്രദമാണോ; ഇതിനായുളള ജനപങ്കാളിത്തം ആശാവഹമാണോ; വെളിപ്പെടുത്താമോ;

(ഇ)	ഈ രംഗത്തെ കുറിച്ച് കൂടുതല്‍ അവബോധം നല്‍കുന്നതിനും കൂടുതല്‍ ജനങ്ങളെ ഈ പദ്ധതിയിലേക്ക് ആകര്‍ഷിക്കുന്നതിനും ഉദ്ദേശിക്കുന്നുണ്ടോ?

വൈദ്യുതി വകുപ്പ് പദ്ധതികള്‍

2429.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യത്തിന് വൈദ്യുതി വകുപ്പുമന്ത്രി സദയം മറുപടി നല്‍കുമോ:

ആലത്തൂര്‍ നിയോജകമണ്ഡലത്തില്‍ വൈദ്യുതി വകുപ്പ് 2019-20 സാമ്പത്തിക വര്‍ഷത്തില്‍ നടപ്പിലാക്കുവാന്‍ തീരുമാനിച്ചിട്ടുള്ള പദ്ധതികള്‍ എന്തെല്ലാം; വിശദീകരിക്കാമോ?

മാങ്കുളം ജലവൈദ്യുത പദ്ധതിയ്ക്കായി ഏറ്റെടുത്ത ഭൂമി

2430.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി ജില്ലയിലെ മാങ്കുളം ജലവൈദ്യുത പദ്ധതിയ്ക്കായി മലയോര കര്‍ഷകരില്‍ നിന്നും കെ.എസ്.ഇ.ബി.വിവിധ കാലയളവില്‍ കൈവശത്തിലെടുത്ത/ ഇനി എടുക്കുവാനുള്ള പുറമ്പോക്ക് ഭൂമി എത്രയെന്ന് വ്യക്തമാക്കുമോ;

(ബി)	2006-2011 കാലയളവില്‍ സ്വകാര്യ വ്യക്തികളില്‍ നിന്നും എക്സ്ഗ്രേഷ്യ നല്‍കി കെ.എസ്.ഇ.ബി. ലിമിറ്റ‍ഡ് കൈവശത്തിലെടുത്ത സര്‍ക്കാര്‍ പുറമ്പോക്ക്, നിക്ഷിപ്ത വനമായി പ്രഖ്യാപിക്കാനുദ്ദേശിക്കുന്ന റവന്യൂ പുറമ്പോക്ക് എന്നിവ സംബന്ധിച്ച് കൈവശക്കാരുടെ എണ്ണവും ഭൂമിയുടെ വിസ്തൃതിയും വ്യക്തമാക്കുമോ;

(സി)	ഇത് 2011-2016 കാലയളവിലും 2016 മുതല്‍ ഇതുവരെയും എത്രയെന്ന് ഇനം തിരിച്ച് വ്യക്തമാക്കുമോ;

(ഡി)	പദ്ധതിയ്ക്കായി ആവശ്യമുള്ളതും ഇനി ഏറ്റെടുക്കുവാനുള്ളതുമായ മേല്‍ ഗണത്തില്‍പ്പെടുന്ന ശേഷിക്കുന്ന സ്വകാര്യ കൈവശക്കാരുടെ എണ്ണവും ഭൂമിയുടെ വിസ്തൃതിയും വിശദമാക്കുമോ;

(ഇ)	പ്രസ്തുത ഭൂമി ഏറ്റെടുക്കുന്നതിനു തടസ്സങ്ങള്‍ ഉണ്ടെങ്കില്‍ അവ പരിഹരിക്കുന്നതിന് ഈ സര്‍ക്കാര്‍ കൈക്കൊണ്ട നടപടികള്‍ വ്യക്തമാക്കുമോ?

കൂടംകുളം- കൊച്ചി വൈദ്യുതി ലൈന്‍ നിര്‍മ്മാണം

2431.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കൂടംകുളം- കൊച്ചി വൈദ്യുതി ലൈന്‍ നിര്‍മ്മാണപ്രവൃത്തിയുടെ പുരോഗതി വിശദമാക്കാമോ;

(ബി)	ഈ പദ്ധതി പൂര്‍ണ്ണമായും നടപ്പില്‍ വരുന്നതോടുകൂടി സംസ്ഥാനത്തിനുണ്ടാകുന്ന നേട്ടങ്ങള്‍ വിശദമാക്കാമോ?

ചിന്നാര്‍ ജലവൈദ്യുതപദ്ധതി

2432.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ചിന്നാർ ജലവൈദ്യുത പദ്ധതിയ്ക്കുവേണ്ടി ഭൂമി ഏ‌റ്റെടുക്കല്‍ നടപടി ഏതുഘട്ടം വരെയായി എന്നറിയിക്കുമോ;

(ബി)	ഏറ്റെടുത്ത ഭൂമിക്ക് പൂര്‍ണ്ണമായി നഷ്ടപരിഹാരം കൊടുത്തുതീര്‍ക്കാന്‍ സാധിച്ചുവോ; ഇല്ലെങ്കില്‍ ആയതിനുള്ള കാരണം വ്യക്തമാക്കുമോ;

(സി)	പ്രസ്തുത പ്രോജക്ടിന്റെ കരാറുകാര്‍ക്ക് കരാര്‍ തുക കൊടുത്തുതീര്‍ക്കാനുണ്ടോ; വിശദാംശങ്ങള്‍ നല്കുമോ; ഈ തുക പൂര്‍ണ്ണമായി എന്ന് കൊടുത്തുതീര്‍ക്കാന്‍ സാധിക്കുമെന്ന് വ്യക്തമാക്കുമോ?

ഇടുക്കിയില്‍ പുതിയ വൈദ്യുത നിലയം സ്ഥാപിക്കുന്നതിന് നടപടി

2433.

(എ)	ഇടുക്കിയില്‍ രണ്ടാമത്തെ വൈദ്യുത നിലയം സ്ഥാപിക്കുന്ന കാര്യം കെ.എസ്.ഇ.ബി.യുടെ പരിഗണനയിലുണ്ടോ;

(ബി)	എങ്കില്‍ എത്ര മെഗാവാട്ട് നിലയമാണ് സ്ഥാപിക്കുന്നതെന്നും അതിനായി കേന്ദ്ര സര്‍ക്കാരിന്റെ അനുമതി ലഭിച്ചിട്ടുണ്ടോ എന്നും വ്യക്തമാക്കുമോ;

(സി)	സംസ്ഥാനത്തിന് ആവശ്യമുള്ള വൈദ്യുതിയുടെ എത്ര ശതമാനമാണ് വിവിധ പദ്ധതികളില്‍ നിന്നും സംസ്ഥാനത്ത് ഉല്‍പാദിപ്പിക്കുന്നത്;

(ഡി)	വീടുകളുടെ മേല്‍ക്കുരയിലും അണക്കെട്ടുകളുടെ സമീപത്തും സൗരോര്‍ജ്ജപാനലുകള്‍ സ്ഥാപിച്ച് വൈദ്യുതി ഉല്‍പാദിപ്പിക്കുന്ന പദ്ധതി പ്രാവര്‍ത്തികമാക്കിയിട്ടുണ്ടോ;

(ഇ)	ഇതിലൂടെ എത്ര മെഗാവാട്ട് വൈദ്യുതി ഉല്‍പാദിപ്പിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ?

ഊര്‍ജ്ജമേഖലയില്‍ പുതിയ പദ്ധതികള്‍

2434.

ശ്രീ.റോഷി അഗസ്റ്റിന്‍
,, പി.ജെ.ജോസഫ്
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വൈദ്യുതി ബോര്‍ഡ് ഊര്‍ജ്ജ മേഖലയില്‍ നടപ്പുസാമ്പത്തിക വര്‍ഷം പുതിയ പദ്ധതികള്‍ക്ക് രൂപം നല്‍കിയിട്ടുണ്ടോ; വിശദാംശങ്ങള്‍ നല്‍കുമോ;

(ബി)	ഊര്‍ജ്ജോത്പാദനരംഗത്ത് പ്രസ്തുത പദ്ധതികളിലൂടെ എത്ര മെഗാവാട്ട് അധിക വൈദ്യുതി ഉല്പാദിപ്പിക്കാന്‍ കഴിയുമെന്നാണ് പ്രതീക്ഷിക്കുന്നത്;

(സി)	പ്രസ്തുത പദ്ധതിയുടെ നടത്തിപ്പിന് എത്ര തുക ചെലവ് പ്രതീക്ഷിക്കുന്നു; ഈ തുക എപ്രകാരം സമാഹരിക്കാനാണ് ലക്ഷ്യമിടുന്നതെന്ന് വ്യക്തമാക്കുമോ?

ദ്യുതി 2021

2435.

(എ)	2021-ഓടുകൂടി എല്ലാ ഉപഭോക്താക്കള്‍ക്കും ഗുണമേന്മയുള്ള വൈദ്യുതി അപകടസാധ്യതയില്ലാതാക്കി വിതരണം ചെയ്യുക എന്ന ലക്ഷ്യം പ്രാവര്‍ത്തികമാക്കുന്നതിന് ഇതിനകം സ്വീകരിച്ച നടപടികള്‍ എന്തൊക്കെയാണ്;

(ബി)	ദ്യുതി 2021 എന്ന പദ്ധതിക്കായി ബോര്‍ഡിന്റെ പ്രോജക്ട് മാനേജ്മെന്റ് യൂണിറ്റുകള്‍ വഴി നടപ്പിലാക്കുന്ന കാര്യങ്ങള്‍ എന്തൊക്കെയാണ്; ഇതിനായി ആകെ എന്ത് ചെലവ് പ്രതീക്ഷിക്കുന്നുവെന്ന് വെളിപ്പെടുത്താമോ?

വൈദ്യുതി പ്രസരണ നഷ്ടം

2436.

ശ്രീ.എം.ഉമ്മര്‍
,, എന്‍. ഷംസുദ്ദീന്‍
,, ടി.എ.അഹമ്മദ് കബീര്‍
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിലെത്തുമ്പോള്‍ ഉണ്ടായിരുന്ന ശരാശരി വൈദ്യുതി പ്രസരണ നഷ്ടം എത്രയായിരുന്നു; വിശദമാക്കാമോ;

(ബി)	പ്രസരണ നഷ്ടം ഒഴിവാക്കാനായി സ്വീകരിച്ച നടപടികള്‍ വിശദമാക്കാമോ ; ഇതു മൂലം എത്ര രൂപയുടെ പ്രസരണ നഷ്ടം കുറയ്ക്കാന്‍ കഴിഞ്ഞു എന്നറിയിക്കാമോ;

(സി)	പ്രസരണ നഷ്ടം കുറച്ചുകൊണ്ടുവരുന്നതിനായി പ്രതിവര്‍ഷം വേണ്ടിവരുന്ന ആവര്‍ത്തന ചെലവ് എത്രയാണ് ; വിശദമാക്കാമോ?

പ്രസരണ വിതരണ നഷ്ടം

2437.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം വൈദ്യുതിരംഗത്ത് പ്രസരണ വിതരണ നഷ്ടം എത്ര ശതമാനം കുറയ്ക്കാന്‍ കഴിഞ്ഞിട്ടുണ്ടെന്ന് വ്യക്തമാക്കാമോ;

(ബി)	പ്രസരണ വിതരണ നഷ്ടം കുറയ്ക്കാന്‍ സ്വീകരിച്ച നടപടികള്‍ വ്യക്തമാക്കാമോ?

പെരിങ്ങല്‍കുത്ത്,ഷോളയാര്‍ ഡാമുകള്‍

2438.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ വലിയതോതില്‍ നാശം സംഭവിച്ച പെരിങ്ങല്‍കുത്ത്,ഷോളയാര്‍ ഡാമുകളുടെ അറ്റകുറ്റപ്പണികള്‍ നടത്തി വൈദ്യുതോല്‍പ്പാദനം പൂര്‍ണ്ണ തോതിലാക്കുന്നതിന് നടപടി സ്വീകരിച്ചിട്ടുണ്ടോ; ഉണ്ടെങ്കില്‍ നടപടികള്‍ ഏത് ഘട്ടത്തിലാണ്;വ്യക്തമാക്കുമോ;

(ബി)	ഇപ്പോള്‍ ഈ രണ്ട് ഡാമുകളില്‍ നിന്നും ഉത്പാദിപ്പിക്കുന്ന വൈദ്യുതിയുടെ അളവെത്രയാണ്;അറിയിക്കുമോ;

(സി)	ഉദ്പാദനം പൂര്‍ണ്ണതോതിലാക്കാന്‍ എന്നേയ്ക്ക് സാധിക്കുമെന്ന് അറിയിക്കുമോ;

(ഡി)	ചാലക്കുടിപ്പുഴയിലെ ചെറുകിട വൈദ്യുതോല്‍പ്പാദന പദ്ധതികള്‍ ആരംഭിയ്ക്കുന്നതിനുള്ള നടപടികള്‍ ഏത് ഘട്ടത്തിലാണ് എന്നറിയിക്കുമോ?

കേരള വാട്ടര്‍ അതോറിറ്റി പമ്പ് ഹൗസുകളുടെ വൈദ്യുതി താരിഫ്

2439.

(എ)	കേരള വാട്ടര്‍ അതോറിറ്റിയുടെ പമ്പ്ഹൗസുകള്‍ പ്രവര്‍ത്തിപ്പിക്കുന്നതിന് വൈദ്യുതി നിരക്ക് ഈടാക്കുന്നത് വ്യവസായങ്ങള്‍ക്ക് ഏര്‍പ്പെടുത്തിയിട്ടുള്ള താരിഫിന്റെ അടിസ്ഥാനത്തിലാണോ എന്നറിയിക്കാമോ;

(ബി)	പ്രസ്തുത താരിഫ് എന്നാണ് നിലവില്‍ വന്നത്;

(സി)	മറ്റ് സംസ്ഥാനങ്ങളില്‍ പമ്പ് ഹൗസുകള്‍ പ്രവര്‍ത്തിപ്പിക്കുന്നതിന് കൃഷി ആവശ്യങ്ങള്‍ക്കുള്ള താരിഫ് നിരക്കാണ് ഈടാക്കുന്നത് എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	കേരള വാട്ടര്‍ അതോറിറ്റിയുടെ പമ്പ് ഹൗസുകളുടെ വൈദ്യുതി താരിഫ് കൃഷി ആവശ്യങ്ങള്‍ക്കുള്ള താരിഫിലേക്ക് മാറ്റുന്ന കാര്യം പരിഗണിക്കുമോ?

രോഗിക്ക് ഓക്സിജന്‍ മെഷീന്‍ പ്രവര്‍ത്തിപ്പിക്കുന്നതിന് സൗജന്യ വൈദ്യുതി

2440.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	അത്യപൂര്‍വ്വ രോഗം ബാധിച്ച്കിടക്കുന്ന രോഗിക്ക് ഓക്സിജന്‍ മെഷീന്‍ പ്രവര്‍ത്തിപ്പിക്കുന്നതിന് സൗജന്യ വൈദ്യുതി അനുവദിക്കണമെന്ന് ആവശ്യപ്പെട്ട് ലീന സി.എന്‍., ചൗരംകുന്നത്തു വീട്, വടക്കേനിരപ്പ് പി.ഒ, ഞീഴൂര്‍, കോട്ടയം നല്കിയിരുന്ന നിവേദനത്തില്‍ സ്വീകരിച്ച നടപടികള്‍ വ്യക്തമാക്കാമോ;

(ബി)	ഈ നിവേദനത്തില്‍ തീരുമാനമെടുക്കുന്നതിനായി ഫയല്‍ ആരംഭിച്ചിട്ടുണ്ടോ. ഫയല്‍ നമ്പര്‍ അറിയിക്കാമോ. ഈ ഫയല്‍ ഇപ്പോള്‍ ആരുടെ പക്കലാണെന്ന് അറിയിക്കാമോ?

സോളാര്‍ ഊര്‍ജ്ജം

2441.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റതുമുതല്‍ നാളിതുവരെ സംസ്ഥാനത്ത് മുന്‍പ് ഉല്പാദിപ്പിച്ചിരുന്നതിനേക്കാള്‍ എത്ര മെഗാവാട്ട് വൈദ്യുതി കൂടുതലായി ഉല്പാദിപ്പിച്ചിട്ടുണ്ട് എന്ന് അറിയിക്കുമോ;

(ബി)	സോളാര്‍ ഊര്‍ജ്ജ സ്രോതസ്സുകളില്‍ നിന്ന് എത്ര മെഗാവാട്ട് വൈദ്യുതി നിലവില്‍ സംസ്ഥാനത്ത് ഉല്പാദിപ്പിക്കുന്നുണ്ടെന്ന് അറിയിക്കുമോ;

(സി)	സോളാര്‍ ഊര്‍ജ്ജം കൂടുതലായി ഉല്പാദിപ്പിക്കുന്നതിന് സ്വീകരിച്ചിട്ടുള്ള നടപടികള്‍ സംബന്ധിച്ച വിശദവിവരങ്ങള്‍ ലഭ്യമാക്കുമോ?

സൗര വെെദ്യുതി

2442.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സൗര വെെദ്യുതി ഉല്പാദനം വർദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ച് വരുന്നതെന്നു വിശദമാക്കാമാേ;

(ബി)	സൗര വെെദ്യുതി പ്ലാന്റുകള്‍ സ്ഥാപിക്കുന്നവര്‍ക്ക് സബ്സിഡി നല്‍കുന്നുണ്ടാേ; വിശദാംശം ലഭ്യമാക്കാമാേ?

കെ.എസ്.ഇ.ബി. നടപ്പിലാക്കുന്ന സൗരോര്‍ജ്ജ പ്ലാന്റുകള്‍

2443.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കെ.എസ്.ഇ.ബി.പുതുതായി ആവിഷ്ക്കരിച്ച് നടപ്പിലാക്കുന്ന സൗരോര്‍ജ്ജ പ്ലാന്റുകള്‍ വഴി എത്ര യൂണിറ്റ് വൈദ്യുതി പ്രതിമാസം ഉത്പ്പാദിപ്പിക്കാന്‍ സാധിക്കുമെന്ന് വിശദമാക്കുമോ;

(ബി)	കൂടുതല്‍ ഗുണഭോക്താക്കള്‍ക്ക് സൗരോര്‍ജ്ജ വൈദ്യുതോത്പ്പാദന സൗകര്യം ഏര്‍പ്പെടുത്തുന്നത്, കെ.എസ്.ഇ.ബി.ക്ക് സാമ്പത്തികലാഭം ഉണ്ടാക്കുമെന്ന് വകുപ്പ് വിലയിരുത്തിയിട്ടുണ്ടോ; വിശദമാക്കുമോ?

പാരമ്പര്യേതര ഊർജ്ജം

2444.

ശ്രീ.എം. സ്വരാജ്
,, എം. രാജഗോപാലന്‍
,, കെ.വി.വിജയദാസ്
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പാരമ്പര്യേതര ഊര്‍ജ്ജത്തിന്റെ ഉപഭോഗം പ്രോത്സാഹിപ്പിക്കുന്നതിനും പ്രചരിപ്പിക്കുന്നതിനുമായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	ഈ രംഗത്ത് അനെര്‍ട്ട് നടപ്പാക്കി വരുന്ന പദ്ധതികള്‍ എന്തൊക്കെയാണ്;

(സി)	വ്യക്തികള്‍ക്കും വിവിധ സ്ഥാപനങ്ങള്‍ക്കും അവരുടെ ആശയങ്ങളും താത്പര്യങ്ങളും അനെര്‍ട്ടുമായി ചര്‍ച്ച ചെയ്യുന്നതിനും അവ പരസ്പരം കൈമാറുന്നതിനും സൗകര്യം ഏര്‍പ്പെടുത്തിയിട്ടുണ്ടോ;വിശദമാക്കുമോ;

(ഡി)	അനെര്‍ട്ട് കെല്‍ട്രോണുമായി സഹകരിച്ച് ഓണ്‍ലൈന്‍ മാര്‍ക്കറ്റ് പ്ലേസ് ആരംഭിച്ചിട്ടുണ്ടോ; എങ്കില്‍ അതിന്റെ ഉദ്ദേശ്യ ലക്ഷ്യങ്ങള്‍ വിശദമാക്കാമോ?

പാരമ്പര്യേതര ഊര്‍ജ്ജം

2445.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	പാരമ്പര്യേതര ഊര്‍ജ്ജ സ്രോതസ്സുകളില്‍ നിന്നും നിശ്ചിത ശതമാനം വൈദ്യുതി വാങ്ങി കെ.എസ്.ഇ.ബി. വിതരണം ചെയ്യണമെന്ന് കേന്ദ്ര, സംസ്ഥാന റഗുലേറ്ററി കമ്മീഷനുകള്‍ നിഷ്കര്‍ഷിച്ചിട്ടുണ്ടോ; വിശദാംശം നല്‍കുമോ; ഇതില്‍ നിശ്ചിത ശതമാനം സൗരോര്‍ജ്ജ പദ്ധതിയില്‍ നിന്നുമായിരിക്കണമെന്ന് വ്യവസ്ഥയുണ്ടോ; വിശദാംശം നല്‍കുമോ;

(ബി)

കേന്ദ്ര, സംസ്ഥാന റെഗുലേറ്ററി കമ്മീഷനുകള്‍ നിഷ്കര്‍ഷിച്ചിട്ടുള്ള ശതമാനം പാരമ്പര്യേതര സ്രോതസ്സുകളില്‍ നിന്നുള്ള വൈദ്യുതി വിതരണം ചെയ്തില്ലെങ്കില്‍ ബോര്‍ഡില്‍നിന്നും പിഴ ഈടാക്കുന്നതിനുള്ള വ്യവസ്ഥയുണ്ടോ; വിശദാംശം നല്‍കുമോ; ഇത്തരം വ്യവസ്ഥയുണ്ടെങ്കില്‍ കെ.എസ്.ഇ.ബി.ക്ക് പിഴ ഒടുക്കേണ്ടി വന്നിട്ടുണ്ടോ എന്ന് വിശദമാക്കുമോ;

(സി)	കെ.എസ്.ഇ.ബി. 2018 ജൂണില്‍ പ്രഖ്യാപിച്ച സൗരപദ്ധതി നടപ്പില്‍ വരുത്തിയോ എന്ന് വിശദമാക്കാമോ;

(ഡി)	പ്രസ്തുത പദ്ധതിവഴി വൈദ്യുതി ഉല്‍പ്പാദിപ്പിച്ചു തുടങ്ങിയിട്ടുണ്ടോ; എങ്കില്‍ വിശദാംശം നല്‍കുമോ; ഉല്‍പ്പാദനം തുടങ്ങിയില്ലെങ്കില്‍ എന്ന് മുതല്‍ ഉല്‍പ്പാദനം ആരംഭിക്കാന്‍ കഴിയുമെന്ന് വിശദമാക്കാമോ?

വൈദ്യുതി മോഷണ കേസുകള്‍

2446.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റതിനുശേഷം നാളിതുവരെ എത്ര വന്‍കിട, ചെറുകിട വൈദ്യുതി മോഷണ കേസുകള്‍ കണ്ടെത്തിയിട്ടുണ്ട്; വെളിപ്പെടുത്തുമോ;

(ബി)	ഇതുമായി ബന്ധപ്പെട്ട് ഫൈന്‍ ഇനത്തില്‍ നാളിതുവരെ എത്ര തുക ഈടാക്കി; വ്യക്തമാക്കുമോ;

(സി)	നിലവില്‍ എത്ര വൈദ്യുതി മോഷണകേസുകള്‍ സംസ്ഥാനത്തെ വിവിധ കോടതികളില്‍ നിലനില്‍ക്കുന്നുണ്ട്;

(ഡി)	ഇത്തരത്തിലുള്ള വൈദ്യുതി മോഷണം തടയാനും ബോര്‍ഡിന്റെ നഷ്ടം കുറയ്ക്കാനും സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വ്യക്തമാക്കുമോ?

മട്ടാഞ്ചേരി ഇലക്ട്രിക് ഡിവിഷനില്‍പ്പെട്ട സെക്ഷന്‍ ഓഫീസുകള്‍

2447.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	മട്ടാഞ്ചേരി ഇലക്ട്രിക് ഡിവിഷനില്‍പ്പെട്ട സെക്ഷന്‍ ഓഫീസുകള്‍ ഏതെല്ലാമാണെന്ന് വ്യക്തമാക്കാമോ;

(ബി)	ഓരോ സെക്ഷൻ ഓഫീസിന്റെയും പരിധിയില്‍പ്പെട്ട പ്രദേശങ്ങൾ ഉപഭോക്താക്കളുടെ എണ്ണം, 11 കെ.വി. ലെെനുകൾ , എൽ.ടി. ലെെനുകൾ , ട്രാന്‍സ്ഫോര്‍മറുകള്‍ എന്നിവ സംബന്ധിച്ച വിശദാംശങ്ങള്‍ നൽകുമോ;

(സി)	ഓരോ സെക്ഷൻ ഓഫീസിന്റെയും സ്റ്റാഫ് പാറ്റേണും നിലവിലുള്ള ജീവനക്കാരുടെ എണ്ണവും വിശദമാക്കാമോ?

KSEB സെക്ഷന്‍ ആഫീസുകള്‍ തുടങ്ങാനും നിലവിലുള്ളവ ശാക്തീകരിക്കാനും നടപടി

2448.

(എ)	ഗുണഭോക്താക്കളുടെ എണ്ണം വര്‍ദ്ധിച്ചുവരുന്ന സാഹചര്യത്തില്‍ KSEB കൂടുതല്‍ സെക്ഷന്‍ ആഫീസുകള്‍ തുടങ്ങാനും നിലവിലുള്ളവ ശാക്തീകരിക്കാനും നടപടികള്‍ സ്വീകരിച്ചിട്ടുണ്ടോ;

(ബി)	ഉണ്ടെങ്കില്‍ സ്വീകരിച്ച നടപടികള്‍ വിശദീകരിക്കാമോ?

നെന്മാറ മണ്ഡലത്തിലെ വോള്‍ട്ടേജ് ക്ഷാമം

2449.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	നെന്മാറ നിയോജക മണ്ഡലത്തിലെ അയിലൂര്‍ പ‍ഞ്ചായത്തില്‍ വോള്‍ട്ടേജ് ക്ഷാമം അനുഭവപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	വോള്‍ട്ടേജ് ക്ഷാമം പരിഹരിക്കുന്നതിനായി അയിലൂര്‍ പഞ്ചായത്തില്‍ പുതിയ സബ് സ്റ്റേഷന്‍ അനുവദിക്കാന്‍ ആവശ്യമായ നടപടി സ്വീകരിക്കുമോ;

(സി)	നിലവില്‍ ഇതുസംബന്ധിച്ച് എന്തെങ്കിലും നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

വാഴൂര്‍-110 കെ.വി.സബ് സ്റ്റേഷന്‍

2450.

ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വാഴൂരിൽ കെ.എസ്.ഇ.ബി.യുടെ 110 കെ.വി.സബ് സ്റ്റേഷന്‍ സ്ഥാപിക്കുന്നതിനുള്ള നടപടികള്‍ ഇപ്പോള്‍ ഏത് ഘട്ടത്തിലാണെന്ന് അറിയിക്കാമോ; ഇതിനായി തുക അനുവദിച്ചിട്ടുണ്ടോ;ഇതുമായി ബന്ധപ്പെട്ട ഉത്തരവിന്റെ പകര്‍പ്പ് ലഭ്യമാക്കാമോ;എത്ര തുകയാണ് പ്രസ്തുത പദ്ധതിക്കായി ചെലവ് കണക്കാക്കിയിട്ടുള്ളത്;

(ബി)	ഇതിനാവശ്യമായ സ്ഥലം കണ്ടെത്തിയിട്ടുണ്ടോ;ഉണ്ടെങ്കിൽ സ്ഥലമേറ്റെടുക്കല്‍ നടപടി പൂര്‍ത്തിയാക്കി സബ് സ്റ്റേഷന്‍ സ്ഥാപിക്കുന്നതിനുവേണ്ട നടപടികള്‍ ത്വരിതപ്പെടുത്തുമോ?

കേളകത്ത് 66 കെ വി സബ് സ്റ്റേഷന്‍

2451.

(എ)	കേളകത്ത് അനുവദിച്ചിട്ടുള്ള 66 കെ.വി. സബ് സ്റ്റേഷന്റെ നിര്‍മ്മാണ പ്രവര്‍ത്തനത്തിന്റെ പുരോഗതി വിശദമാക്കാമോ;

(ബി)	സബ് സ്റ്റേഷന്‍ പ്രവൃത്തി പൂര്‍ത്തീകരിച്ച് എപ്പോള്‍ പ്രവര്‍ത്തനക്ഷമമാക്കാന്‍ സാധിക്കുമെന്ന് അറിയിക്കാമോ?

കെ.എസ്.ഇ.ബി. അസിസ്റ്റന്റ് എഞ്ചിനീയര്‍ തസ്തിക

2452.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ഇ.ബി.യില്‍ അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍)തസ്തികയില്‍ നിലവില്‍ എത്ര ഒഴിവുകളുണ്ട് പ്രസ്തുത ഒഴിവുകള്‍ പി.എസ്.സിക്ക് റിപ്പോര്‍ട്ട് ചെയ്തിട്ടുണ്ടോ; അറിയിക്കുമോ;

(ബി)	പ്രസ്തുത ഒഴിവുകളില്‍ നിയമനം നടത്താത്തത് എന്തുകൊണ്ടാണ്; വ്യക്തമാക്കുമോ;

(സി)	കേന്ദ്ര വൈദ്യുത അതോറിറ്റിയുടെ 2010 ലെ സുരക്ഷ മാനദണ്ഡങ്ങളുടെ ഭാഗമായി അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍) മാരുടെ 20 ശതമാനം ഐ.റ്റി.ഐ. ക്വോട്ടയുടെ കാര്യത്തില്‍ എന്തെങ്കിലും തീരുമാനം എടുക്കേണ്ടതുണ്ടോ; വെളിപ്പെടുത്തുമോ;

(ഡി)	ഉണ്ടെങ്കില്‍ ഇക്കാര്യത്തില്‍ അടിയന്തര തീരുമാനം എടുത്ത് പി.എസ്.സി. റാങ്ക് ലിസ്റ്റില്‍ നിന്നും നിയമനം നടത്തുന്നതിന് നടപടി സ്വീകരിക്കുമോ?

കെ.എസ്.ഇ.ബി. അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍) തസ്തിക

2453.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ഇ.ബി.യിലെ അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍) മാരുടെ പി.എസ്.സി. ക്വാട്ടയില്‍ എത്ര ഒഴിവുകള്‍ ആണ് നിലവില്‍ ഉള്ളത് എന്ന് വെളിപ്പെടുത്തുമോ;

(ബി)	പ്രസ്തുത ഒഴിവുകള്‍ പി.എസ്.സി.യ്ക്കു റിപ്പോര്‍ട്ട് ചെയ്തിട്ടുണ്ടോ; എങ്കില്‍ അതിന്റെ വിശദാംശങ്ങള്‍ നല്‍കുമോ;

(സി)	കെ.എസ്.ഇ.ബി.യില്‍ നിലവില്‍ ശൂന്യ വേതന അവധിയില്‍ ഉള്ള എത്ര അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍) മാര്‍ ആണ് ഉള്ളത് എന്ന് 40 % പി.എസ്.സി. ക്വാട്ട, 10 % ഇന്‍ സര്‍വ്വീസ് ക്വാട്ട, 30% ഡിപ്ലോമ ക്വാട്ട, 20 % ഐ.റ്റി.ഐ. ക്വാട്ട അനുസരിച്ച് തരം തിരിച്ച് വിവരം നല്‍കുമോ;

(ഡി)	കെ.എസ്.ഇ.ബി.യിലെ അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍) മാരുടെ സാങ്ഷന്‍ഡ് സ്ട്രെങ്തില്‍ സ്പോര്‍ട്ട്സ് ക്വാട്ട, ആശ്രിത നിയമനം എന്നിവയ്ക്കായി മറ്റു ക്വാട്ട ഇനത്തില്‍ മാറ്റി വച്ചിരിയ്ക്കുന്ന 45 തസ്തികകളില്‍ നിലവില്‍ എത്ര ഒഴിവുകള്‍ ആണ് ഉള്ളത് എന്ന് വെളിപ്പെടുത്തുമോ;

(ഇ)

പ്രസ്തുത ഒഴിവുകളും 40 % പി.എസ്.സി. ക്വാട്ടയില്‍ ശൂന്യ വേതന അവധിയില്‍ ഉള്ള അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍) മാരുടെ ഒഴിവുകളും ഇപ്പോള്‍ നിലവില്‍ ഉള്ള അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍) മാരുടെ 40 % പി.എസ്.സി. ഓപ്പണ്‍ ക്വാട്ട റാങ്ക് ലിസ്റ്റില്‍ നിന്നും നികത്തുന്നതിനുള്ള നടപടികള്‍ സ്വീകരിക്കുമോ; അതിന്റെ വിശദാംശങ്ങള്‍ നല്‍കുമോ?

കെ.എസ്.ഇ.ബി.യിലെ തസ്തികകള്‍

2454.

ശ്രീ.സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)

കെ.എസ്.ഇ.ബി.യില്‍ ഇലക്ട്രിസിറ്റി വര്‍ക്കര്‍, മീറ്റര്‍ റീഡര്‍, ലെെന്‍മാന്‍, ഓഫീസ് അറ്റന്‍ഡന്റ്, ജൂനിയര്‍ അസിസ്റ്റന്‍റ്, കാഷ്യര്‍, സിവില്‍/ഇലക്ട്രിക്കല്‍ സബ് എഞ്ചിനീയര്‍, അസിസ്റ്റന്റ് എഞ്ചിനീയര്‍, ഫെയര്‍കോപ്പി അസിസ്റ്റന്റ്, സീനിയര്‍ അസിസ്റ്റന്റ് എന്നീ തസ്തികകളുടെ സാങ്ഷന്‍ഡ് സ്ട്രങ്ത് എെ.എെ.എം.സമര്‍പ്പിച്ച റിപ്പോര്‍ട്ടിന് മുമ്പ് എത്രയാണെന്ന വിവരം തസ്തിക തിരിച്ച് വ്യക്തമാക്കാമോ;

(ബി)	മേല്‍പ്പറഞ്ഞ തസ്തികകളില്‍ ട്രയിനിയായോ പ്രൊവിഷണലായോ, കോണ്‍ട്രാക്റ്റിലോ ജോലി നോക്കുന്ന ജീവനക്കാരുടെ എണ്ണം തസ്തിക തിരിച്ച് വ്യക്തമാക്കുമോ;

(സി)	മേല്‍പറഞ്ഞിരിക്കുന്ന തസ്തികകളില്‍ ജോലി നോക്കുന്ന സ്ഥിരം ജീവനക്കാരുടെ എണ്ണം തസ്തിക തിരിച്ച് വ്യക്തമാക്കുമോ;

(ഡി)	എെ.എെ.എം. റിപ്പോര്‍ട്ട് കെ.എസ്.ഇ.ബി.യില്‍ നടപ്പിലാക്കിയിട്ടുണ്ടോ; എങ്കില്‍ ഉത്തരവിന്റെ പകര്‍പ്പ് ലഭ്യമാക്കുമോ?

വെെദ്യുതി ബോര്‍ഡിലെ തസ്തിക കുറയ്ക്കല്‍

2455.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വെെദ്യുതി ബോര്‍ഡിലെ തസ്തികകള്‍ വെട്ടികുറച്ച് ഭാവിയില്‍ ജീവനക്കാരുടെ എണ്ണം കുറയ്ക്കാന്‍ ബോര്‍ഡ് ഉദ്ദേശിക്കുന്നുണ്ടോ;

(ബി)	ജീവനക്കാരുടെ തസ്തിക കുറയ്ക്കുന്നത് സംബന്ധിച്ച് എെ.എെ.എം. കോഴിക്കോട് നല്‍കിയ ശിപാര്‍ശകള്‍ എന്തൊക്കെയാണെന്ന് അറിയിക്കാമോ;

(സി)	ട്രാന്‍സ്മിഷന്‍ ആന്റ് സിസ്റ്റം ഓപ്പറേറ്റിംഗ്, ജനറേഷന്‍, കോര്‍പ്പറേറ്റ് ഓഫീസ് എന്നിവിടങ്ങളില്‍ ഓരോ വിഭാഗത്തിലും എത്ര തസ്തികകള്‍ കുറയ്ക്കുവാന്‍ കഴിയുമെന്ന് പഠിക്കുന്നതിനായി പ്രത്യേക സമിതി രൂപീകരിച്ചിട്ടുണ്ടോ; വിശദാംശം നല്‍കുമോ;

(ഡി)	കെ.എസ്.ഇ.ബി.യില്‍ നിലവില്‍ ജീവനക്കാര്‍ വിരമിക്കുന്ന ഒഴിവുകളില്‍ പി.എസ്.സി. നിയമനം നടത്തുന്നുണ്ടോ; എങ്കില്‍ 2017ലും 2018ലും ഇപ്രകാരം എത്ര പേര്‍ക്ക് നിയമനം നല്‍കിയെന്ന് വ്യക്തമാക്കുമോ?

കുറ്ററ പമ്പ് ഹൗസിലെ വോള്‍ട്ടേജ് പ്രശ്നം

2456.

(എ)	മതിയായ വോള്‍ട്ടേജ് ലഭിക്കാത്തത് കാരണം വാമനപുരം നിയോജകമണ്ഡലത്തിലെ കുറ്ററയിലുള്ള കേരളാ വാട്ടര്‍ അതോറിറ്റിയുടെ പമ്പ് ഹൗസില്‍ നിന്നും വെള്ളം പമ്പ് ചെയ്യുന്നതിന് കഴിയുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഈ പ്രശ്നം പരിഹരിക്കുന്നതിന് കെ.എസ്.ഇ.ബി. സ്വീകരിച്ച നടപടികള്‍ വിശദീകരിക്കാമോ;

(സി)	പ്രശ്നപരിഹാരത്തിനുള്ള മാർഗ്ഗം വിശദീകരിക്കുമോ?

ഡാമുകളുടെ സുരക്ഷ

2457.

ശ്രീ.രാജു എബ്രഹാം
,, ആന്റണി ജോണ്‍
,, ജോണ്‍ ഫെര്‍ണാണ്ടസ്
,, കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഡാമുകളുടെ സുരക്ഷിതത്വവും ഘടനാപരമായ കാര്യങ്ങളും സംബന്ധിച്ച് ഈ സര്‍ക്കാര്‍ എന്തെല്ലാം പഠനങ്ങളും ഗവേഷണങ്ങളുമാണ് നടത്തിയിട്ടുള്ളത്;

(ബി)	നിലവിലുള്ള ഡാമുകളുടെ സുരക്ഷിതത്വവും സ്ഥായിയായ പ്രകടനവും മെച്ചപ്പെടുത്തുന്നതിനായി കേന്ദ്രസര്‍ക്കാര്‍ മുഖേന പദ്ധതി ആവിഷ്കരിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(സി)	എങ്കില്‍ ഏതെല്ലാം ഡാമുകളെയാണ് ഈ പദ്ധതിയില്‍ ഉള്‍പ്പെടുത്തിയിരിക്കുന്നതെന്നും എത്ര പ്രോജക്ടുകളാണ് ഇതിനായി തയ്യാറാക്കിയിരിക്കുന്നതെന്നും വ്യക്തമാക്കാമോ?

ശാന്തിവനത്തിലൂടെയുള്ള വൈദ്യുതി ലൈൻ

2458.

ശ്രീ.വി.ഡി.സതീശന്‍
,, പി.ടി. തോമസ്
,, അന്‍വര്‍ സാദത്ത്
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളത്തെ ശാന്തിവനത്തിലൂടെ കെ.എസ്.ഇ.ബി.യുടെ 110 കെ.വി. ലെെന്‍ വലിക്കുന്നത് മൂലമുള്ള പാരിസ്ഥിതിക ആഘാതത്തെ കുറിച്ച് അതിന് അനുമതി നല്‍കുന്നതിന് മുമ്പ് എന്തെങ്കിലും പഠനം നടത്തിയിട്ടുണ്ടോ;

(ബി)	ശാന്തി വനത്തിലെ ജെെവ ആവാസ വ്യവസ്ഥയുടെ കാര്യത്തില്‍ കോടതിയെ തെറ്റിദ്ധരിപ്പിക്കുന്ന വിധത്തിലുള്ള റിപ്പോര്‍ട്ടാണ് കെ.എസ്.ഇ.ബി. നല്‍കിയത് എന്ന ആക്ഷേപം വസ്തുതാപരമാണോ;

(സി)	ശാന്തിവനത്തിന്റെ അരികിലൂടെ ജെെവ സമ്പത്തിന് വലിയ കോട്ടം വരാത്ത രീതിയില്‍ വെെദ്യുതിലെെന്‍ വലിക്കാമെന്നിരിക്കെ,വനത്തിന് നടുവിലൂടെ ലെെന്‍ നിര്‍മ്മിച്ച് ജെെവ സമ്പത്തിന് വന്‍ നാശമുണ്ടാക്കുന്ന നടപടി കെ.എസ്.ഇ.ബി. സ്വീകരിച്ചത് എന്തുകൊണ്ടാണെന്ന് അറിയിക്കാമോ ?

Website maintained by Information System Section, Kerala Legislative Assembly, Thiruvananthapuram.