14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>starred Questions and Answers

Answer Provided

Answer Not Yet Provided

FOURTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സർക്കാർ ആശുപത്രികളുടെ നവീകരണം

*1.

ശ്രീ.എം. സ്വരാജ്
,, വി. ജോയി
,, ഒ. ആര്‍. കേളു
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം ആരോഗ്യ രംഗത്ത് കൈവരിച്ച നേട്ടങ്ങളെ ശക്തിപ്പെടുത്തുന്നതിനായി, പാവപ്പെട്ടവർ ആശ്രയിക്കുന്ന സര്‍ക്കാര്‍ ആശുപത്രികള്‍ മെച്ചപ്പെടുത്താന്‍ നടത്തുന്ന പ്രവര്‍ത്തനം വിശദമാക്കാമോ;

(ബി)	പ്രാഥമികാരോഗ്യ കേന്ദ്രങ്ങളെ രാജ്യത്തിനുതന്നെ മാതൃകയാകുന്ന രീതിയില്‍ വികസിപ്പിക്കാനുള്ള യത്നത്തിന്റെ ഫലമായി എത്ര പി.എച്ച്.സി.കള്‍ക്ക് നാഷണല്‍ ക്വാളിറ്റി അഷ്വറന്‍സ് സ്റ്റാന്‍ഡേര്‍ഡ് അക്രെഡിറ്റേഷന്‍ ലഭിച്ചു; പ്രസ്തുത അംഗീകാരം കൈവരിക്കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കുമോ;

(സി)	പ്രാഥമിക തലത്തിലുള്ള ആരോഗ്യ സേവന സ്ഥാപനങ്ങളെ ശാക്തീകരിക്കാന്‍ നടത്തിവരുന്ന പ്രവര്‍ത്തനങ്ങള്‍ എന്തൊക്കെയെന്ന് വിശദമാക്കാമോ?

പോലീസ് സേനയുടെ ശാക്തീകരണം

*2.

ശ്രീ.പി.കെ. ശശി
,, റ്റി.വി.രാജേഷ്
,, പി.ടി.എ. റഹീം
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പോലീസ് സേനയെ ആധുനീകരണത്തിലൂടെ ശാക്തീകരിക്കാന്‍ ചെയ്ത കാര്യങ്ങള്‍ എന്തെല്ലാമെന്ന് വ്യക്തമാക്കാമോ;

(ബി)

സംസ്ഥാനത്ത് നിന്ന് ഐ.എസ്-ല്‍ ചേരാന്‍ പോയവര്‍ ഉണ്ടെന്നും ചാവേറുകളുടെ ലക്ഷ്യസ്ഥാനങ്ങളില്‍ കേരളവും ഉള്‍പ്പെടുന്നുമുണ്ടെന്ന വാര്‍ത്തയുടെ അടിസ്ഥാനത്തില്‍ കൂടുതല്‍ ജാഗ്രത പാലിക്കുന്നതിനും എക്സ്പ്ലോസീവ് ഡിറ്റക്ടര്‍, ആളില്ലാ ആകാശവാഹനം തുടങ്ങിയ ആധുനികോപകരണങ്ങള്‍ ഉപയോഗപ്പെടുത്തുന്നതിനും നടപടിയെടുത്തിട്ടുണ്ടോ;

(സി)	കോസ്റ്റ് ഗാര്‍ഡിന്റെ സേവനത്തിന് പുറമെ സംസ്ഥാനത്തിന്റെ തീരങ്ങളിലും മറ്റ് അതിര്‍ത്തികളിലും ജാഗ്രത കൂടുതല്‍ ശക്തിപ്പെടുത്താന്‍ പദ്ധതിയുണ്ടോ; വ്യക്തമാക്കുമോ?

പൈതൃക മന്ദിരങ്ങളുടെ സംരക്ഷണം

*3.

ശ്രീ.കെ.എന്‍.എ ഖാദര്‍
,, ടി.എ.അഹമ്മദ് കബീര്‍
,, കെ.എം.ഷാജി
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ പൈതൃക മന്ദിരങ്ങളുടെ സംരക്ഷണത്തിനായി ഈ സര്‍ക്കാര്‍ സ്വീകരിച്ചു വരുന്ന പ്രവര്‍ത്തനങ്ങള്‍ വിശദീകരിക്കാമോ;

(ബി)	സംരക്ഷണത്തിന്റെയും അറ്റകുറ്റപ്പണികളുടെയും മറവില്‍ പുരാതന നിര്‍മ്മാണസാമഗ്രികളായ ചുണ്ണാമ്പും സുര്‍ക്കിയും ഉള്‍പ്പെടെയുളള വസ്തുക്കള്‍ ഉപയോഗിച്ചു നിര്‍മ്മിച്ച പൈതൃക മന്ദിരങ്ങള്‍ പൊളിച്ചു പണിയാന്‍ ശ്രമിക്കുന്നത് വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ;

(സി)	ഇത്തരം പ്രവര്‍ത്തനങ്ങള്‍ തടയുന്നതിനായി ആവശ്യമായ പരിശോധനകള്‍ നടത്താനും തുടര്‍നടപടി സ്വീകരിക്കുവാനും എന്ത് സംവിധാനമാണ് വകുപ്പ് ഏര്‍പ്പെടുത്തിയിരിക്കുന്നത്; വിശദമാക്കാമോ?

പ്രളയാനന്തര പുനർനിർമ്മാണം

*4.

ശ്രീ.സി.മമ്മൂട്ടി
,, വി.കെ.ഇബ്രാഹിം കുഞ്ഞ്
,, പി.ഉബൈദുള്ള
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പ്രളയാനന്തര പുനര്‍നിര്‍മ്മാണത്തിന്റെ പുരോഗതി സര്‍ക്കാര്‍ അവലോകനം ചെയ്തിട്ടുണ്ടോ;

(ബി)	പ്രളയത്തില്‍ തകര്‍ന്ന വീടുകളുടെ പുനര്‍നിര്‍മ്മാണം, അറ്റകുറ്റപ്പണി, ഭൂമി നഷ്ടപ്പെട്ടവര്‍ക്ക് പകരം ഭൂമി കണ്ടെത്താന്‍ നടപടി എന്നിവ പൂര്‍ത്തിയായിട്ടില്ല എന്നത് സംബന്ധിച്ച പരാതികള്‍ സര്‍ക്കാരിന് ലഭിച്ചിട്ടുണ്ടോ;

(സി)	പ്രളയബാധിതരുടെ പരാതികളില്‍ സമയബന്ധിതമായി തീരുമാനമെടുക്കാന്‍ സ്വീകരിച്ച നടപടികള്‍ വെളിപ്പെടുത്തുമോ;

(ഡി)	പ്രളയാനന്തര പുനര്‍നിര്‍മ്മാണത്തിനായി ലോകബാങ്കില്‍ നിന്നും എന്തു തുക ലഭിക്കുമെന്നാണ് പ്രതീക്ഷിക്കുന്നത്; വിശദാംശം വ്യക്തമാക്കുമോ?

ക്രമസമാധാന തകര്‍ച്ച

*5.

ശ്രീ.ഷാഫി പറമ്പില്‍
,, കെ.എസ്.ശബരീനാഥന്‍
,, അന്‍വര്‍ സാദത്ത്
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ആയിരം ദിവസം ഭരണം പൂര്‍ത്തിയാക്കിയ നിലവിലുള്ള സര്‍ക്കാര്‍ മികച്ച ക്രമസമാധാനം ഉറപ്പാക്കുന്നതില്‍ എത്രമാത്രം വിജയിച്ചുവെന്ന് വ്യക്തമാക്കുമോ;

(ബി)	ആയിരം ദിവസം പൂര്‍ത്തിയാക്കുന്നതിന് തൊട്ടുമുമ്പ് രണ്ട് ചെറുപ്പക്കാര്‍ പെരിയയില്‍ രാഷ്ട്രീയ കൊലക്കത്തിക്ക് ഇരയായ സംഭവം സംസ്ഥാനത്തെ ക്രമസമാധാന തകര്‍ച്ചയെ സൂചിപ്പിക്കുന്നതല്ലേ എന്ന് അറിയിക്കാമോ;

(സി)	ഈ സാഹചര്യത്തില്‍ ക്രമസമാധാനം ഭദ്രം എന്ന് പ്രഖ്യാപിക്കുന്നത് വസ്തുതാപരമാണോ എന്ന് പരിശോധിക്കുമോ?

കുട്ടികളുടെ നേരെയുളള അതിക്രമം

*6.

ശ്രീ.പി.വി. അന്‍വര്‍
,, കെ.വി.വിജയദാസ്
,, പുരുഷന്‍ കടലുണ്ടി
ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സ്വഗൃഹത്തില്‍ നിന്ന് പോലും കുട്ടികള്‍ക്കെതിരെ അതിക്രമം വര്‍ദ്ധിച്ചു വരുന്ന സാഹചര്യത്തില്‍ ഇത് തടയാന്‍ ഫലപ്രദമായ നിയമനിര്‍മ്മാണത്തിന്റെ സാധ്യത പരിശോധിച്ചിരുന്നോ;

(ബി)	ജില്ലാതല ബാലാവകാശ സംരക്ഷണ സമിതികളുടെയും ബാലാവകാശ കമ്മീഷന്റെയും പ്രവര്‍ത്തനം കൂടുതല്‍ ശാക്തീകരിച്ച് കുട്ടികളുടെ നേരെയുളള അതിക്രമം സമൂഹത്തിന്റെ കൂടി പങ്കാളിത്തത്തോടെ നിയന്ത്രിക്കാന്‍ ജാഗ്രത പുലര്‍ത്തുന്നുണ്ടോ; ഇത്തരം സ്ഥാപനങ്ങള്‍ നടത്തുന്ന പ്രവര്‍ത്തനം വിശദീകരിക്കാമോ;

(സി)	അങ്കണവാടികള്‍ ഉള്‍പ്പെടെയുളള ശിശു പരിപാലന സ്ഥാപനങ്ങളുടെ ഭൗതിക സാഹചര്യം മെച്ചപ്പെടുത്തുന്നതിനും ഫലത്തില്‍ സ്കൂളുകളായി മാറിയ കിന്റര്‍ഗാര്‍ട്ടനുകളുടെ പ്രവര്‍ത്തനം നിരീക്ഷിക്കുന്നതിനും ആവശ്യമായ നടപടി സ്വീകരിക്കാന്‍ സാധിക്കുമോയെന്ന് അറിയിക്കുമോ?

കര്‍ഷക ആത്മഹത്യ

*7.

ശ്രീ.അനില്‍ അക്കര
,, പി.ടി. തോമസ്
,, വി.ഡി.സതീശന്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനം നേരിട്ട പ്രളയം കര്‍ഷകരുടെ ജീവിതത്തെ താളം തെറ്റിച്ചുവെന്ന വസ്തുത ശ്രദ്ധയില്‍പെട്ടിട്ടുണ്ടോ;

(ബി)	പ്രളയാനന്തര പ്രവര്‍ത്തനങ്ങള്‍ക്ക് മാനുഷികമുഖം നല്‍കുന്നതില്‍ വന്ന വീഴ്ചയാണ് മുമ്പെങ്ങുമില്ലാത്തവിധം കര്‍ഷക ആത്മഹത്യകള്‍ സംസ്ഥാനത്ത് ഉണ്ടാകുവാന്‍ കാരണമെന്ന വിമര്‍ശനം ശ്രദ്ധയില്‍പെട്ടിട്ടുണ്ടോ;

(സി)	കാര്‍ഷികകടങ്ങള്‍ക്ക് ഏര്‍‍പ്പെടുത്തിയ മോറോട്ടോറിയം ഡിസംബര്‍ 31വരെ നീട്ടിയ തീരുമാനം ഉത്തരവായി പുറത്തിറക്കുവാൻ സമയബന്ധിതമായ നടപടി സ്വീകരിക്കുന്നതില്‍ സര്‍ക്കാരിനുണ്ടായ വീഴ്ച ഗൗരവമായി പരിഗണിച്ചിട്ടുണ്ടോ;

(ഡി)	സംസ്ഥാനത്തുണ്ടായ കര്‍ഷക ആത്മഹത്യകളെ ലഘൂകരിച്ച് കാണുന്നതും പ്രളയമുണ്ടായി മാസങ്ങള്‍ കഴി‍ഞ്ഞിട്ടും കര്‍ഷകര്‍ക്ക് സമാശ്വാസം എത്തിക്കുന്നതില്‍ ഉണ്ടായ അലംഭാവവും ഈ വര്‍ഷം തന്നെ പത്തിലധികം കര്‍ഷകര്‍ ആത്മഹത്യ ചെയ്യേണ്ട സ്ഥിതിവിശേഷം ഉണ്ടാക്കിയതായി സര്‍ക്കാര്‍ വിലയിരുത്തിയിട്ടുണ്ടോ;

(ഇ)	കോണ്‍ഗ്രസ്സ് സര്‍ക്കാരുകളുള്ള സംസ്ഥാനങ്ങളില്‍ കാര്‍ഷികകടങ്ങള്‍ എഴുതിത്തള്ളിയ വസ്തുത പരിഗണിച്ച് സംസ്ഥാനത്തെ മുഴുവന്‍ കാര്‍ഷികകടങ്ങളും എഴുതിത്തള്ളുന്ന കാര്യം പരിഗണിക്കുമോ?

ദേശീയ ഭക്ഷ്യ ഭദ്രതാ നിയമം

*8.

ശ്രീ.ആര്‍. രാമചന്ദ്രന്‍
,, ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദേശീയ ഭക്ഷ്യ ഭദ്രതാ നിയമം പൂര്‍ണ്ണമായും നടപ്പിലാക്കിയിട്ടുണ്ടോ; ആയതിന്റെ പ്രവര്‍ത്തന അവലോകനം നടത്തിയിട്ടുണ്ടോ; വിശദമാക്കുമോ;

(ബി)	റേഷന്‍ വിതരണത്തിന്റെ പരമ്പരാഗത ശൈലിയില്‍ എന്തൊക്കെ മാറ്റങ്ങളാണ് വരുത്തിയതെന്നും പ്രസ്തുത മാറ്റങ്ങള്‍ ജനസൗഹൃദപരവും പൊതുജന സ്വീകാര്യത ഉള്ളവയാണോയെന്നും ആയവ ഫലപ്രദമായി നടപ്പിലാക്കിയിട്ടുണ്ടോയെന്നും വ്യക്തമാക്കാമോ;

(സി)	നടപ്പില്‍ വരുത്തിയ പരിഷ്ക്കാരങ്ങളിലൂടെ സമൂഹത്തിലെ ദുര്‍ബല വിഭാഗങ്ങള്‍ക്ക് സൗജന്യ നിരക്കില്‍ ഭക്ഷ്യ ധാന്യങ്ങള്‍ വിതരണം ചെയ്യുന്നതില്‍ വിജയിച്ചിട്ടുണ്ടോയെന്ന് വ്യക്തമാക്കുമോ;

(ഡി)	മുന്‍ഗണനാ വിഭാഗത്തില്‍പ്പെട്ട അനര്‍ഹരെ ഒഴിവാക്കുന്ന നടപടിയുടെ പുരോഗതി വ്യക്തമാക്കുമോ?

രാഷ്ട്രിയ കൊലപാതകങ്ങള്‍ അവസാനിപ്പിക്കാന്‍ നടപടി

*9.

ശ്രീ.എം. വിന്‍സെന്റ്
,, വി.പി.സജീന്ദ്രന്‍
,, വി.ടി.ബല്‍റാം
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിസ്സാര പ്രശ്നങ്ങളില്‍ പോലും പ്രതിയോഗികളെ അതിക്രൂരമായി കൊലചെയ്യുന്ന പ്രവണത വര്‍ദ്ധിച്ചുവരുന്നതും ഇപ്രകാരം കൊല്ലപ്പെടുന്നത് കൂടുതലും യുവാക്കളാണെന്നതും ഗൗരവമായി പരിഗണിച്ചിട്ടുണ്ടോ;

(ബി)	പെരിയ ഇരട്ടക്കൊലപാതക കേസില്‍ പ്രതിയായ ഒരാളുടെ ഭാര്യ, ടിയാന്‍ കൊലപാതകം നടത്തിയിട്ടുണ്ടെങ്കില്‍ പാര്‍ട്ടിയുടെ അറിവോടെ ആയിരിക്കുമെന്ന് ആരോപിച്ചത് ശ്രദ്ധയില്‍പെട്ടിട്ടുണ്ടോ;

(സി)	എങ്കില്‍ പ്രസ്തുത ആരോപണം സംബന്ധിച്ച് ക്രൈംബ്രാഞ്ച് അന്വേഷണം നടത്തിയോ; എങ്കില്‍ അന്വേഷണത്തില്‍ വെളിവായ വസ്തുതകള്‍ എന്തൊക്കെയാണ്;

(ഡി)	പ്രതിയുടെ ഭാര്യയുടെ വെളിപ്പെടുത്തലിന് പിന്നാലെ പാര്‍ട്ടി നേതാക്കള്‍ വീട്ടിലെത്തി സഹായ വാഗ്ദാനം നല്‍കിയെന്ന ആരോപണം അന്വേഷണ വിധേയമാക്കിയിട്ടുണ്ടോ; ഇല്ലെങ്കില്‍ കാരണം അറിയിക്കാമോ;

(ഇ)	പെരിയ ഇരട്ടക്കൊലപാതകം പോലുള്ള കുറ്റകൃത്യങ്ങള്‍ ചെയ്യുന്ന വ്യക്തികളെയും അതിന് ഒത്താശ ചെയ്യുന്ന പാര്‍ട്ടികളെയും ഒറ്റപ്പെടുത്തുന്നതിനും നിയമത്തിന് മുന്നില്‍ കൊണ്ടുവന്ന് പരമാവധി ശിക്ഷ ഉറപ്പാക്കുന്നതിനും നടപടി സ്വീകരിക്കുമോ?

കാലാവസ്ഥാ വ്യതിയാനം

*10.

ശ്രീ.മഞ്ഞളാംകുഴി അലി
,, സി.മമ്മൂട്ടി
,, ടി. വി. ഇബ്രാഹിം
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മുന്‍കാലങ്ങളെ അപേക്ഷിച്ച് ഉണ്ടായിട്ടുള്ള കാലാവസ്ഥാ വ്യതിയാനങ്ങളെ സംബന്ധിച്ച് ഗൗരവമായ പഠനങ്ങള്‍ എന്തെങ്കിലും സര്‍ക്കാര്‍ നടത്തിയിട്ടുണ്ടോ; വിശദാംശം ലഭ്യമാക്കുമോ;

(ബി)	പ്രളയം, സൂര്യാതപം എന്നീ പ്രതിഭാസങ്ങളില്‍ ജീവഹാനി സംഭവിയ്ക്കുന്ന തരത്തില്‍ സംസ്ഥാനത്തിന്റെ കാലാവസ്ഥ മാറിമറിയാനിടയായ സ്ഥിതിവിശേഷത്തിന് കാരണമെന്തെന്നാണ് വിലയിരുത്തിയിട്ടുള്ളത്;

(സി)	കാലാവസ്ഥയിലുണ്ടായ ഈ മാറ്റങ്ങളുടെ അടിസ്ഥാനത്തില്‍ ഭൂവിനിയോഗത്തിലും പരിസ്ഥിതി സംരക്ഷണത്തിലും എന്തെല്ലാം തരത്തിലുള്ള മാറ്റങ്ങള്‍ അത്യാവശ്യമാണെന്നാണ് സര്‍ക്കാര്‍ കണ്ടെത്തിയിട്ടുള്ളത്; വ്യക്തമാക്കുമോ?

പ്രവാസി പുനരധിവാസ പദ്ധതി

*11.

ശ്രീ.എ. എന്‍. ഷംസീര്‍
ശ്രീമതി.വീണാ ജോര്‍ജ്ജ്
ശ്രീ.വി. അബ്ദുറഹിമാന്‍
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഗള്‍ഫ് രാജ്യങ്ങളില്‍ സ്വദേശിവല്‍ക്കരണം തീവ്രമാക്കിയതിനാല്‍ പ്രവാസികള്‍ കൂടുതലായി മടങ്ങിവരാന്‍ നിര്‍ബന്ധിതമാകുന്ന സാഹചര്യത്തില്‍ ഇങ്ങനെ മടങ്ങിവരുന്നവര്‍ക്കായുള്ള പദ്ധതിയുടെ കാര്യക്ഷമത വിലയിരുത്തിയിട്ടുണ്ടാേ; ഉണ്ടെങ്കില്‍ വിശദാംശം ലഭ്യമാക്കുമാേ;

(ബി)	പ്രവാസി പുനരധിവാസപദ്ധതി വിപുലീകരിക്കുന്നതിനായി കേരള ഫിനാന്‍ഷ്യല്‍ കാേര്‍പ്പറേഷനുമായും ഫെഡറല്‍ ബാങ്കുമായും നാേര്‍ക്ക ധാരണാപത്രം ഒപ്പുവച്ചത് എത്രമാത്രം പ്രയാേജനപ്രദമാകുമെന്ന് അറിയിക്കാമാേ;

(സി)	പ്രവാസികള്‍ക്ക് സ്ഥിരവരുമാനം ഉറപ്പാക്കുന്നതിന് പെന്‍ഷന്‍ പദ്ധതി നടപ്പിലാക്കാനുദ്ദേശിക്കുന്നുണ്ടാേ; ഉണ്ടെങ്കില്‍ വിശദവിവരം നല്‍കാമാേ?

പ്രളയാനന്തര പുനര്‍നിര്‍മ്മാണ പ്രവർത്തനം

*12.

ശ്രീ.അടൂര്‍ പ്രകാശ്
,, വി.ഡി.സതീശന്‍
,, അന്‍വര്‍ സാദത്ത്
,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രളയദുരന്തത്തിന് ഇരയായവ‌ര്‍ക്ക്സമയബന്ധിതമായി ആശ്വാസ നടപടികള്‍ എത്തിക്കുന്നതില്‍ സ‍‌ര്‍ക്കാര്‍ പരാജയപ്പെട്ടു എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിനുള്ള കാരണം വ്യക്തമാക്കുമോ;

(ബി)	പ്രളയം കഴിഞ്ഞ് ഒമ്പത് മാസമായിട്ടും ദുരിതബാധിതര്‍ക്ക് പ്രഖ്യാപിച്ച 10,000 രൂപയുടെ ധനസഹായം പോലും അര്‍ഹതപ്പെട്ട പലര്‍ക്കും ലഭിച്ചിട്ടില്ലെന്ന വസ്തുത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ ലഭിച്ച പരാതികള്‍ പരിഹരിക്കുന്നതിന് സ്വീകരിച്ച നടപടികള്‍ വ്യക്തമാക്കുമോ;

(സി)	പുനരധിവാസത്തിനും പുനര്‍നിര്‍മ്മാണത്തിനുമായി കേന്ദ്ര സര്‍ക്കാരില്‍ നിന്നും ഇതിനകം ലഭിച്ച സഹായങ്ങള്‍ എന്തൊക്കെയാണ്;

(ഡി)	പുനര്‍നിര്‍മ്മാണത്തിനായി ലോകബാങ്ക്, വിദേശരാജ്യങ്ങള്‍ എന്നിവിടങ്ങളില്‍ നിന്നും ലഭിച്ച ധനസഹായത്തിന്റെ വിശദാംശം നല്‍കുമോ;

(ഇ)	റീ-ബില്‍ഡ് കേരളയുടെ ആഭിമുഖ്യത്തില്‍ നടപ്പാക്കുന്ന പുനര്‍നിര്‍മ്മാണ പദ്ധതികള്‍ സമയബന്ധിതമായി പൂര്‍ത്തിയാക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ?

പ്രളയ രക്ഷാദൗത്യവും പുനര്‍നിര്‍മ്മാണവും

*13.

ശ്രീ.എസ്.ശർമ്മ
,, രാജു എബ്രഹാം
,, എം. രാജഗോപാലന്‍
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)

ഐക്യരാഷ്ട്രസഭയും യൂറോപ്യന്‍ കമ്മീഷനും ലോകബാങ്കും ജനീവയില്‍ വച്ചു നടത്തിയ ലോക പുനര്‍നിര്‍മ്മാണ കോണ്‍ഗ്രസില്‍ സംസ്ഥാന മുഖ്യമന്ത്രിക്ക് മുഖ്യ പ്രഭാഷകനാകാന്‍ കഴിഞ്ഞത് പ്രളയരക്ഷാദൗത്യത്തിന് നേതൃത്വം നല്‍കിയ സര്‍ക്കാരിന്റെ പ്രവര്‍ത്തനമികവിനും സമഗ്ര പുനര്‍നിര്‍മ്മാണലക്ഷ്യം മുന്നോട്ടു വച്ചതിനും ഉള്ള അംഗീകാരമായി കണക്കാക്കുന്നുണ്ടോ;

(ബി)	സംസ്ഥാന സര്‍ക്കാരിന്റെ പ്രവര്‍ത്തനമികവിനെ ഇടിച്ചുകാട്ടാനായി സാലറി ചലഞ്ചുള്‍പ്പെടെയുളള പുനര്‍നിര്‍മ്മാണഫണ്ട് പരാജയപ്പെടുത്താന്‍ ശ്രമിച്ച ചിലര്‍ മാധ്യമങ്ങളെ ഉപയോഗിച്ച് പ്രളയകാരണം സംബന്ധിച്ച് അസത്യപ്രചാരണം നടത്തുന്നത് ശ്രദ്ധയില്‍പ്പെട്ടിരുന്നോ;

(സി)	ദേശീയ ജലകമ്മീഷന്‍ പ്രളയത്തിന്റെ കാരണം പരിശോധനാവിധേയമാക്കിയിരുന്നോ; എന്തൊക്കെയായിരുന്നു കണ്ടെത്തലുകള്‍ എന്ന് അറിയിക്കുമോ;

(ഡി)	പ്രളയദിനങ്ങളില്‍ പെയ്ത മഴയുടെ അളവും സംസ്ഥാനത്തെ നദികളുടെ വാഹകശേഷിയും എത്രയെന്ന് അറിയിക്കാമോ; പ്രളയഘട്ടത്തില്‍ ഡാമുകള്‍ പ്രവര്‍ത്തിക്കേണ്ടതിന്റെ രൂപരേഖ നേരത്തെ തന്നെ തയ്യാറാക്കിയിരുന്നോ; വ്യക്തമാക്കുമോ?

കുട്ടികള്‍ക്ക് സൗജന്യ ഹൃദ്രോഗ ചികിത്സ

*14.

ശ്രീ.ഇ.ടി. ടൈസണ്‍ മാസ്റ്റര്‍
,, മുല്ലക്കര രത്നാകരന്‍
,, കെ. രാജന്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സങ്കീര്‍ണ്ണമായ ഹൃദ്രോഗങ്ങളുമായി ജനിക്കുന്ന കുട്ടികള്‍ക്ക് സൗജന്യ ഹൃദ്രോഗ ചികിത്സ ലഭ്യമാകുന്ന പദ്ധതി നിലവിലുണ്ടോ;

(ബി)	പ്രസ്തുത പദ്ധതിയുടെ കീഴില്‍ സൗജന്യ ഹൃദയ ശസ്ത്രക്രിയ നടത്തുന്നുണ്ടോ; എങ്കിൽ വിശദാംശങ്ങള്‍ അറിയിക്കുമോ;

(സി)	പദ്ധതിയുടെ ആനുകൂല്യം ലഭ്യമാകുന്നതിനുള്ള നടപടിക്രമങ്ങള്‍ എന്തൊക്കെയെന്ന് വ്യക്തമാക്കുമോ?

മാവേലി സ്റ്റോറുകള്‍

*15.

ശ്രീ.ടി.എ.അഹമ്മദ് കബീര്‍
,, കെ.എന്‍.എ ഖാദര്‍
,, കെ.എം.ഷാജി
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	ഭക്ഷ്യയോഗ്യമല്ലാത്ത സാധനങ്ങള്‍ മാവേലി സ്റ്റോറുകൾ വഴി വില്പന നടത്തുന്നില്ലെന്ന് ഉറപ്പുവരുത്താന്‍ നിലവില്‍ എന്ത് സംവിധാനമാണുള്ളതെന്ന് വിശദീകരിക്കുമോ;

(ബി)	സബ്‌സിഡി പ്രകാരം എത്ര തരം ഭക്ഷ്യധാന്യങ്ങളാണ് ഇപ്പോള്‍ മാവേലി സ്റ്റോറുകള്‍ വഴി വിതരണം നടത്തുന്നത്; ഇവയുടെ എണ്ണം വര്‍ദ്ധിപ്പിക്കുമെന്ന പ്രഖ്യാപനം നടപ്പിലാക്കിയിട്ടുണ്ടോ; ഈ വിഷയത്തില്‍ കൈക്കൊണ്ട തീരുമാനം അറിയിക്കുമോ;

(സി)	ഇപ്പോള്‍ മാവേലി സ്റ്റോറുകള്‍ വഴി വില്പന നടത്തുന്ന മിക്കയിനം സാധനങ്ങളുടെയും വില പൊതുവിപണിയിലേതിന് സമാനമായതിനാല്‍ ഉപഭോക്താക്കള്‍ മാവേലിസ്റ്റോറുകളെ ആശ്രയിക്കുന്നത് കുറഞ്ഞുവരുന്നതായി കണ്ടെത്തിയിട്ടുണ്ടോ; എങ്കിൽ ഈ പ്രവണത ഒഴിവാക്കാന്‍ എന്തെല്ലാം നടപടികള്‍ സ്വീകരിക്കാന്‍ കഴിയുമെന്ന് വിശദമാക്കുമോ?

റേഷന്‍കാര്‍ഡ് വിതരണം

*16.

ശ്രീ.കെ. രാജന്‍
,, ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	റേഷന്‍കാര്‍ഡ് വിതരണവുമായി ബന്ധപ്പെട്ട ജോലികളുടെ പുരോഗതി വ്യക്തമാക്കുമോ;

(ബി)	റേഷന്‍കാര്‍ഡ് വിതരണവുമായി ബന്ധപ്പെട്ട ജോലികള്‍ എളുപ്പത്തില്‍ നിര്‍വ്വഹിക്കുന്നതിന് ബന്ധപ്പെട്ട ഉദ്യോഗസ്ഥര്‍ക്ക് വേണ്ടത്ര സൗകര്യങ്ങള്‍ ഒരുക്കി നല്‍കിയിട്ടുണ്ടോ; വെളിപ്പെടുത്തുമോ;

(സി)	സംസ്ഥാനത്തെ റേഷന്‍കാര്‍ഡ് ഉടമകള്‍ക്ക് അനുവദിച്ചിട്ടുള്ള പ്രതിമാസ ഭക്ഷ്യധാന്യത്തിന്റെ ലഭ്യത, അളവ്, വില എന്നിവ അറിയിക്കുന്നതിനുള്ള സംവിധാനം പൂര്‍ണ്ണതയില്‍ എത്തിയിട്ടുണ്ടോയെന്ന് വെളിപ്പെടുത്തുമോ;

(ഡി)	റേഷന്‍കടകള്‍ നവീകരിക്കുന്നതിനായി നടത്തിയ പ്രവര്‍ത്തനങ്ങള്‍ വിശദമാക്കുമോ;

(ഇ)	റേഷന്‍കാര്‍ഡ് ഉടമകളുടെ ആധാര്‍ സീഡിംഗ് പൂര്‍ത്തിയായിട്ടുണ്ടോ; എങ്കില്‍ ഇതിന്റെ പുരോഗതി വ്യക്തമാക്കുമോ?

സി-ഡിറ്റില്‍ നിന്നും മാറ്റിയ പദ്ധതികള്‍

*17.

ശ്രീ.മോന്‍സ്‌ ജോസഫ്
,, പി.ജെ.ജോസഫ്
,, സി.എഫ്.തോമസ്
,, റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാര്‍ സി-ഡിറ്റ് മുഖേന നടപ്പിലാക്കിയിരുന്ന ഏതെങ്കിലും പദ്ധതികള്‍ സ്വകാര്യകമ്പനികള്‍ക്ക് വിട്ടുനല്‍കിയിട്ടുണ്ടോ; ഉണ്ടെങ്കില്‍ വിശദാംശങ്ങള്‍ വെളിപ്പെടുത്താമോ;

(ബി)	മുഖ്യമന്ത്രിയുടെ ദുരിതാശ്വാസനിധി ഉള്‍പ്പെടെയുള്ളവയുടെ പോര്‍ട്ടലുകള്‍ നിലവില്‍ താറുമാറായിക്കിടക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്ത് പരിഹാരമാണ് നിര്‍ദ്ദേശിച്ചിരിക്കുന്നതെന്ന് അറിയിക്കുമോ;

(സി)	കേരളാ ഗസറ്റിന്റെ ഓണ്‍ലൈന്‍ പോര്‍ട്ടല്‍ നിര്‍ജ്ജീവമായിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; സി-ഡിറ്റിന്റെ പദ്ധതികള്‍ സ്വകാര്യ കമ്പനികള്‍ക്ക് നല്‍കുന്നതുമായി ഈ കാര്യത്തിന് ബന്ധമുണ്ടോയെന്ന് വ്യക്തമാക്കാമോ;

(ഡി)	കേരളാ ഗസറ്റിന്റെ ഓണ്‍ലൈന്‍ പോര്‍ട്ടല്‍ സി-ഡിറ്റില്‍ നിന്നും മാറ്റിയതിന്റെ വിശദാംശങ്ങള്‍ വെളിപ്പെടുത്താമോ; പകരം എന്ത് സംവിധാനമാണ് ഏര്‍പ്പെടുത്തിയിരിക്കുന്നതെന്ന് വ്യക്തമാക്കാമോ;

(ഇ)	കേരള സര്‍ക്കാരിന്റെ ഏതെല്ലാം പദ്ധതികളാണ് സി-ഡിറ്റില്‍ നിന്നും മാറ്റിയതെന്ന് വ്യക്തമാക്കാമോ; ഇപ്പോള്‍ ഏത് ഏജന്‍സിക്കാണ് ഈ പദ്ധതികള്‍ നല്‍കിയിരിക്കുന്നതെന്ന് അറിയിക്കാമോ?

പോലീസ് സേനയുടെ കാര്യക്ഷമത

*18.

ശ്രീ.വി. കെ. സി. മമ്മത് കോയ
,, പി.കെ. ശശി
,, മുരളി പെരുനെല്ലി
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ജനങ്ങളുടെ ജീവനും സ്വത്തിനും സംരക്ഷണം ഉറപ്പുവരുത്തുന്നതിനായി പോലീസ് സേനയുടെ കാര്യക്ഷമത വര്‍ദ്ധിപ്പിക്കുന്നതിന് എന്തെല്ലാം നൂതന പദ്ധതികളാണ് ആവിഷ്ക്കരിച്ചിട്ടുള്ളതെന്ന് വ്യക്തമാക്കാമോ;

(ബി)	ക്രമസമാധാനപാലന രംഗത്ത് രാജ്യത്തിന് മാതൃകയാകും വിധം സംസ്ഥാന പോലീസ് സേനയെ ആധുനികവത്ക്കരിക്കാന്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

(സി)	പോലീസ് സേനയുടെ ആധുനികവത്ക്കരണത്തിനായി 2018-19 സാമ്പത്തിക വര്‍ഷത്തില്‍ കൂടുതല്‍ തുക അനുവദിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(ഡി)	പോലീസിന്റെ സേവനങ്ങള്‍ വേഗത്തില്‍ ജനങ്ങള്‍ക്ക് ലഭ്യമാക്കുന്നതിന് പുതുതായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

സിവില്‍ സര്‍വ്വീസ് കാര്യക്ഷമമാക്കുന്നതിന് നടപടി

*19.

ശ്രീ.ഡി.കെ. മുരളി
,, ജോണ്‍ ഫെര്‍ണാണ്ടസ്
,, കെ.ഡി. പ്രസേനന്‍
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	എെക്യരാഷ്ട്രസഭയും നീതി ആയോഗും ചേര്‍ന്ന് തയ്യാറാക്കിയ സുസ്ഥിര വികസനസൂചികയില്‍ രാജ്യത്ത് പ്രഥമസ്ഥാനം നേടിയ ഭരണമികവ് നിലനിര്‍ത്തുന്നതിനും മുന്നോട്ടുകൊണ്ടുപോകുന്നതിനും സിവില്‍ സര്‍വ്വീസ് കൂടുതല്‍ കാര്യക്ഷമമാക്കുന്നതിനും അഴിമതി ഉന്മൂലനം ചെയ്യുന്നതിനും പരിപാടിയുണ്ടോ; വിശദാംശം നല്‍കാമോ;

(ബി)	സിവില്‍ സര്‍വ്വീസ് കൂടുതല്‍ ജനസേവനപരമാക്കിത്തീര്‍ക്കുന്നതിന് സ്വീകരിച്ചുവരുന്ന നടപടികള്‍ അറിയിക്കാമോ;

(സി)	സേവനാവകാശനിയമം കൂടുതല്‍ ഫലപ്രദമാക്കുന്നതിന് സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ?

സുസ്ഥിര വികസന ലക്ഷ്യം

*20.

ശ്രീമതി.പി. അയിഷാ പോറ്റി
ശ്രീ.കാരാട്ട് റസാഖ്
,, ആന്റണി ജോണ്‍
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനം സുസ്ഥിര വികസന ലക്ഷ്യത്തില്‍ രാജ്യത്ത് ഒന്നാമതായി വളരെ ഉയര്‍ന്ന നേട്ടങ്ങള്‍ കെെവരിച്ചത് കൂടുതല്‍ മുന്നോട്ടു കൊണ്ടുപോകാനായി നടത്തിവരുന്ന പ്രവര്‍ത്തനങ്ങള്‍ എന്തെല്ലാം;

(ബി)	സുസ്ഥിര വികസനം കെെവരിക്കുന്നതിനായി ആവിഷ്കരിച്ച് നടപ്പാക്കിവരുന്ന വികസന മിഷനുകള്‍ എത്രമാത്രം പ്രയോജനപ്രദമായിട്ടുണ്ടെന്നും അവയുടെ പുരോഗതിയും അറിയിക്കാമോ;

(സി)	സാമ്പത്തികവളര്‍ച്ച സാധ്യമാക്കി മികച്ച തൊഴില്‍ ലഭ്യമാക്കുന്നതിന് നടത്തി വരുന്ന പ്രധാന അടിസ്ഥാന സൗകര്യ വികസന പ്രവര്‍ത്തനങ്ങള്‍ വിശദമാക്കാമോ?

സപ്ലൈകോ മാര്‍ക്കറ്റുകളിലെ വില

*21.

ശ്രീ.റോഷി അഗസ്റ്റിന്‍
,, മോന്‍സ്‌ ജോസഫ്
,, പി.ജെ.ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സപ്ലൈകോ ഔട്ട് ലെറ്റുകളില്‍ നിത്യോപയോഗസാധനങ്ങള്‍ ലഭ്യമല്ലാത്ത വിവരം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ വേണ്ട നടപടി സ്വീകരിക്കുമോ;

(ബി)	നിത്യോപയോഗസാധനങ്ങള്‍ നാമമാത്രം സ്റ്റോക്ക് ചെയ്യുകയും ബ്രാന്‍ഡഡ് ഉല്പന്നങ്ങള്‍ മാത്രം വിൽക്കുകയും ചെയ്യുന്നത് മൂലം സാധാരണക്കാര്‍ക്ക് സപ്ലൈകോ ഔട്ട് ലെറ്റുകള്‍ പ്രയോജനപ്പെടാത്ത അവസ്ഥയ്ക്ക് പരിഹാരം കണ്ടെത്തുമോ;

(സി)	പ്രധാനപ്പെട്ട ഔട്ട് ലെറ്റുകളില്‍ സാധനങ്ങള്‍ വില്‍ക്കുന്നത് ഓപ്പണ്‍ മാര്‍ക്കറ്റിനേക്കാള്‍ കൂടിയ വിലയിലാണെന്ന പരാതിക്ക് പരിഹാരം കണ്ടെത്തുമോ; ഡീലര്‍ഷിപ്പ് പ്രൈസിനേക്കാള്‍ എത്ര ശതമാനം കമ്മീഷന്‍ ഈടാക്കിയാണ് ഔട്ട് ലെറ്റുകളിലൂടെ സാധനങ്ങള്‍ വില്‍‌ക്കുന്നതെന്ന് അറിയിക്കാമോ;

(ഡി)	മുന്‍സര്‍ക്കാരുകളുടെ കാലഘട്ടത്തില്‍, ഓപ്പണ്‍ മാര്‍ക്കറ്റിലെ വിലയും സപ്ലൈകോ വിലയും തമ്മില്‍ താരതമ്യം ചെയ്ത് പരസ്യം നല്‍കിയിരുന്ന രീതി പുനഃസ്‌ഥാപിക്കുമോ;

(ഇ)	ശബരി ഉല്‍പ്പന്നങ്ങളുടെ ഗുണനിലവാരപരിശോധന ഉറപ്പാക്കിയിട്ടുണ്ടോ; അവയ്ക്ക് ഡീലര്‍ഷിപ്പ് കൊണ്ടുവരാന്‍ ഉദ്ദേശിക്കുന്നുണ്ടോ; വ്യക്തമാക്കുമോ?

പാെതുവിതരണ രംഗത്തെ സാേഷ്യല്‍ ഓഡിറ്റിംഗ്

*22.

ശ്രീമതി യു. പ്രതിഭ
ശ്രീ.ജോണ്‍ ഫെര്‍ണാണ്ടസ്
,, എം. നൗഷാദ്
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ പാെതുവിതരണ രംഗത്ത് കൂടുതല്‍ സുതാര്യതയും വിശ്വാസ്യതയും ഉറപ്പാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമാേ;

(ബി)	പാെതുവിതരണം സംബന്ധിച്ച് ഉപഭാേക്താക്കള്‍ക്ക് ഉണ്ടാകുന്ന പരാതികള്‍ രേഖപ്പെടുത്തുന്നതിനും അവ പരിഹരിക്കുന്നതിനുമായി ഹെല്‍പ്പ് ഡെസ്ക് പ്രവര്‍ത്തനം ആരംഭിച്ചിട്ടുണ്ടാേ;

(സി)	ക്രമക്കേടുകളും അഴിമതിയും ഒഴിവാക്കുന്നതിന് പാെതുവിതരണ സമ്പ്രദായത്തെ സാേഷ്യല്‍ ഓഡിറ്റിംഗിന് വിധേയമാക്കാന്‍ തീരുമാനിച്ചിട്ടുണ്ടാേ;

(ഡി)	ഇതിന്റെ ഭാഗമായി ടാറ്റാ ഇന്‍സ്റ്റിറ്റ്യൂട്ട് ഓഫ് സാേഷ്യല്‍ സയന്‍സസുമായി ധാരണാപത്രം ഒപ്പുവെച്ചിട്ടുണ്ടാേ; വിശദാംശം നല്‍കുമാേ?

റേഷന്‍ കാര്‍ഡിനായി ലഭിച്ച അപേക്ഷകള്‍

*23.

ശ്രീ.ബി.ഡി. ദേവസ്സി
,, സി. കെ. ശശീന്ദ്രന്‍
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയ റേഷന്‍ കാര്‍ഡിനായി ലഭിച്ച പതിനഞ്ച് ലക്ഷത്തിലധികം അപേക്ഷകള്‍ തീര്‍പ്പാക്കാന്‍ സ്വീകരിച്ചിട്ടുള്ള നടപടികള്‍ എന്തെല്ലാമെന്ന് അറിയിക്കാമോ;

(ബി)	ഭക്ഷ്യ ഭദ്രതാ നിയമപ്രകാരം മുന്‍ഗണനാ കാര്‍ഡുകളുടെ എണ്ണം നിജപ്പെടുത്തിയിട്ടുള്ളതിനാല്‍ പുതിയ അപേക്ഷകരില്‍ അര്‍ഹരായവര്‍ക്ക് മുന്‍ഗണനാ കാര്‍ഡ് ലഭിക്കാന്‍ സാധ്യമാകാത്ത സാഹചര്യം നിലനില്‍ക്കുന്നുണ്ടോ;

(സി)	നിലവില്‍ മുന്‍ഗണനാ കാര്‍ഡുള്ളവരിലെ അനര്‍ഹരെ കണ്ടെത്താന്‍ നടപടി സ്വീകരിച്ചിട്ടുണ്ടോ എന്നറിയിക്കാമോ;

(ഡി)	ഗോഡൗണുകളില്‍ നിന്നും ഭക്ഷ്യധാന്യം കരിഞ്ചന്ത‌യിലേക്ക് കടത്തുന്നുണ്ടെന്ന വാര്‍ത്തയുടെ അടിസ്ഥാനത്തില്‍ പരിശോധന നടത്തിയിരുന്നോ;

(ഇ)	ഗോഡൗണില്‍ നിന്ന് ഭക്ഷ്യധാന്യ ചോര്‍ച്ചയുണ്ടാകാതിരിക്കാനും വാതില്‍പ്പടി വിതരണത്തില്‍ കൃത്യമായ തൂക്കം ലഭിക്കുന്നുണ്ടെന്ന് ഉറപ്പ് വരുത്താനും ഏര്‍പ്പെടുത്തിയിട്ടുള്ള ക്രമീകരണങ്ങള്‍ എന്തൊക്കെയെന്ന് അറിയിക്കാമോ?

വോട്ടര്‍പ്പട്ടികയില്‍ നിന്നും പേര് നീക്കിയ നടപടി

*24.

ശ്രീ.കെ.എസ്.ശബരീനാഥന്‍
,, വി.ഡി.സതീശന്‍
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഇക്കഴിഞ്ഞ ലോകസഭ തിരഞ്ഞെടുപ്പില്‍ കരട് വോട്ടര്‍പ്പട്ടികയില്‍ പേരുണ്ടായിരുന്ന പലരുടെയും പേരുകള്‍ അന്തിമ വോട്ടര്‍പ്പട്ടികയില്‍ നിന്നും നീക്കം ചെയ്തുവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)	യു.ഡി.എഫ്. ആഭിമുഖ്യമുള്ള വോട്ടര്‍മാരെ അനധികൃതമായി അന്തിമ വോട്ടര്‍പ്പട്ടികയില്‍ നിന്നും ഒഴിവാക്കിയെന്ന ആക്ഷേപത്തില്‍ ഉദ്യോഗസ്ഥരുടെ നടപടിയെ സംബന്ധിച്ച് അന്വേഷിക്കണമെന്ന ആവശ്യത്തിന്മേല്‍ എന്ത് നടപടി സ്വീകരിച്ചു എന്ന് അറിയിക്കാമോ;

(സി)	വോട്ടര്‍പ്പട്ടികയില്‍ നിന്നും പേര് നീക്കം ചെയ്യുമ്പോള്‍ ബന്ധപ്പെട്ട വോട്ടറെ രേഖാമൂലം അറിയിക്കണമെന്ന നിബന്ധന പാലിക്കപ്പെടാതെ പോയത് ഏത് സാഹചര്യത്തിലാണ്എന്ന് വ്യക്തമാക്കാമോ;

(ഡി)	തിരഞ്ഞെടുപ്പ് അട്ടിമറിക്കുവാന്‍ ഗൂഢനീക്കം നടന്നതായുള്ള ആക്ഷേപത്തിന്റെ അടിസ്ഥാനത്തില്‍ ഇക്കാര്യത്തെക്കുറിച്ച് സമഗ്രമായ അന്വേഷണം നടത്തി കുറ്റക്കാരായ ഉദ്യോഗസ്ഥര്‍ക്കെതിരെ കര്‍ശനനടപടി സ്വീകരിക്കുമോ?

പൊതു ആരോഗ്യ സംവിധാനം ശാക്തീകരിക്കുന്നതിന് നടപടി

*25.

ശ്രീ.കെ.സുരേഷ് കുറുപ്പ്
,, സജി ചെറിയാന്‍
,, എസ്.രാജേന്ദ്രന്‍
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയാനന്തരം ആരോഗ്യ വകുപ്പിന്റെ നേതൃത്വത്തില്‍ നടത്തിയ ഏകോപിത പ്രവര്‍ത്തനം പകര്‍ച്ചവ്യാധികള്‍ പൊട്ടിപ്പുറപ്പെടുന്നത് തടയുന്നതില്‍ സമ്പൂര്‍ണ്ണവിജയം കൈവരിച്ചതായി വിലയിരുത്തിയിട്ടുണ്ടോ;

(ബി)	പ്രസ്തുത പ്രവര്‍ത്തനം മാതൃകയായി സ്വീകരിച്ച് മാലിന്യ നിര്‍മ്മാര്‍ജ്ജനത്തിന് പ്രാമുഖ്യം നല്‍കിക്കൊണ്ട് പകര്‍ച്ചവ്യാധി പ്രതിരോധ പ്രവര്‍ത്തനം ശക്തിപ്പെടുത്താന്‍ സാധിക്കുമോ;

(സി)	കാലാവസ്ഥ പ്രതികൂലമായിരുന്നിട്ടും കഴിഞ്ഞ വര്‍ഷം തൊട്ട് മുന്‍വര്‍ഷത്തെ അപേക്ഷിച്ച് ജലജന്യ-കൊതുകുജന്യ പകര്‍ച്ചവ്യാധികള്‍ കുറയ്ക്കാന്‍ സാധിച്ചിരുന്നോ;

(ഡി)	ആരോഗ്യ ജാഗ്രത പദ്ധതി കാര്യക്ഷമമായി തുടരാന്‍ നടപടി സ്വീകരിച്ചിട്ടുണ്ടോ;

(ഇ)	പൊതു ആരോഗ്യ സംവിധാനം ശാക്തീകരിക്കുന്നതിന് നടത്തിവരുന്ന പ്രവര്‍ത്തനം വിശദമാക്കാമോ?

ഓപ്പറേഷന്‍ തണ്ടര്‍ - വിജിലന്‍സ് പരിശോധന

*26.

ശ്രീ.വി.ആര്‍. സുനില്‍ കുമാര്‍
,, ഇ.കെ.വിജയന്‍
ശ്രീമതി ഇ.എസ്.ബിജിമോള്‍
ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പോലീസ് സ്റ്റേഷനുകളില്‍ ഓപ്പറേഷന്‍ തണ്ടര്‍ എന്ന പേരില്‍ വിജിലന്‍സ് പരിശോധന നടത്തിയിരുന്നോ; വിശദാംശങ്ങള്‍ ലഭ്യമാക്കുമോ;

(ബി)	സ്‌റ്റേഷനുകളില്‍ ലഭിക്കുന്ന പരാതികള്‍ സുരക്ഷിതമായും കൃത്യമായും കെെകാര്യം ചെയ്യുന്നില്ലെന്ന ആരോപണങ്ങള്‍ ശരിവയ്ക്കുന്ന തരത്തിലാണോ പരിശോധനയിലെ കണ്ടെത്തലുകള്‍ എന്ന് അറിയിക്കാമോ;

(സി)	ഓപ്പറേഷന്‍ തണ്ടര്‍ റെയ്ഡില്‍ കണ്ടെത്തിയ നിയമലംഘനങ്ങള്‍ പരിഹരിക്കുന്നതിന് സ്വീകരിക്കുന്ന നടപടികള്‍ വ്യക്തമാക്കുമോ; ക്രിമിനല്‍ ഗുണ്ടാമാഫിയാ സംഘങ്ങളുമായി പോലീസ് ഒത്തുകളിക്കുന്നത് തടയുന്നതിന് സ്വീകരിക്കുന്ന നടപടികള്‍ വിശദമാക്കാമോ;

(ഡി)	പോലീസ് സ്റ്റേഷനുകളില്‍ കഞ്ചാവും പണവും പൊന്നും അനധികൃതമായി സൂക്ഷിച്ചിട്ടുള്ളതായി കണ്ടെത്തിയിട്ടുണ്ടോ;

(ഇ)	കേസോ രേഖയോ ഇല്ലാതെ സ്റ്റേഷനുകളില്‍ പിടിച്ചിട്ടിരിക്കുന്ന വാഹനങ്ങള്‍ നശിക്കാതിരിക്കുന്നതിന് സ്വീകരിക്കുന്ന നടപടികള്‍ അറിയിക്കുമോ;

(എഫ്)

കേസന്വേഷണങ്ങളിൽ ധന,ജാതി,മത,സാമുദായിക പരിഗണനകള്‍ ഒഴിവാക്കുന്നതിന് നടപടി സ്വീകരിക്കുമോ;

(ജി)	സ്റ്റേഷനുകളില്‍ പരാതി രജിസ്റ്റര്‍ ചെയ്യുന്നുണ്ടോയെന്നും കെെപ്പറ്റ് രസീത് നല്കുന്നുണ്ടോയെന്നും പരാതികള്‍ കൃത്യമായും സുരക്ഷിതമായും സൂക്ഷിക്കുന്നുണ്ടോയെന്നും ഉറപ്പുവരുത്തുന്നതിന് സ്വീകരിക്കുന്ന നടപടികള്‍ അറിയിക്കുമോ?

എല്ലാ ജില്ലകളിലും പെെതൃക മ്യൂസിയങ്ങള്‍

*27.

ശ്രീ.കെ.വി.വിജയദാസ്
,, ബി.ഡി. ദേവസ്സി
,, എം. മുകേഷ്
,, എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മ്യൂസിയങ്ങളെ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന് ഈ സർക്കാർ ആവിഷ്ക്കരിച്ച പദ്ധതികള്‍ എന്താെക്കെയാണെന്ന് അറിയിക്കാമാേ;

(ബി)	മ്യൂസിയങ്ങളെ തീമാറ്റിക് മ്യൂസിയം എന്ന നൂതന സങ്കല്പത്തിലേയ്ക്ക് പരിവര്‍ത്തനപ്പെടുത്താന്‍ സ്വീകരിച്ചിട്ടുള്ള നടപടികള്‍ വിശദമാക്കാമാേ;

(സി)	എല്ലാ ജില്ലകളിലും പെെതൃക മ്യൂസിയങ്ങള്‍ സ്ഥാപിക്കുന്നതിനുള്ള പദ്ധതിയുടെ പുരാേഗതി അറിയിക്കാമാേ?

അന്ത്യാേദയ അന്നയാേജന പദ്ധതി

*28.

ശ്രീ.പി.ടി.എ. റഹീം
ശ്രീമതി.പി. അയിഷാ പോറ്റി
ശ്രീ.കെ.വി.അബ്ദുള്‍ ഖാദര്‍
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പിലാക്കി വരുന്ന അന്ത്യാേദയ അന്നയാേജന പദ്ധതി പ്രകാരം ഉപഭാേക്താക്കള്‍ക്ക് സൗജന്യമായി ലഭിക്കുന്ന ഭക്ഷ്യധാന്യങ്ങള്‍ എന്താെക്കെയാണ്;

(ബി)	പ്രസ്തുത പദ്ധതിയ്ക്കായുള്ള കേന്ദ്ര വിഹിതം എത്രയാണെന്നും ഇൗ പദ്ധതിയുടെ ഫലപ്രദമായ നടത്തിപ്പിന് സംസ്ഥാന സര്‍ക്കാര്‍ സ്വീകരിച്ചിട്ടുള്ള നടപടികൾ എന്തൊക്കെയാണെന്നും അറിയിക്കുമോ;

(സി)	പ്രസ്തുത പദ്ധതിയുടെ ഗുണഭാേക്താക്കള്‍ ആരാെക്കെയാണെന്നും ഗുണഭാേക്താക്കളെ തെരഞ്ഞെടുക്കുന്നതിനുള്ള മാനദണ്ഡങ്ങള്‍ എന്താെക്കെയാണെന്നും വിശദമാക്കാമാേ?

ആയുഷ് കോണ്‍ക്ലേവ്

*29.

ശ്രീ.മുഹമ്മദ് മുഹസിന്‍ പി.
,, ആര്‍. രാമചന്ദ്രന്‍
,, ജി.എസ്.ജയലാല്‍
ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	2019 ഫെബ്രുവരിയിൽ നടത്തിയ ആയുഷ് കോണ്‍ക്ലേവിന്റെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(ബി)	ആയുഷ് കോണ്‍ക്ലേവില്‍ എന്തൊക്കെ പരിപാടികളാണ് നടന്നതെന്നും അവ ആയുഷ് ചികിത്സാ വിഭാഗങ്ങളുടെ പുരോഗതിക്ക് ഏതൊക്കെ തരത്തില്‍ ഗുണകരമാകുമെന്നും വ്യക്തമാക്കുമോ;

(സി)	ആയുഷ് ഹെല്‍ത്ത് ബസാറിന്റെ പ്രവര്‍ത്തനം വിശദമാക്കുമോ; ഔഷധ നിര്‍മ്മാതാക്കള്‍ക്ക് അവരുടെ മാര്‍ക്കറ്റ് വിപുലപ്പെടുത്തുന്നതിന് ഇത് ഏതൊക്കെ തരത്തില്‍ സഹായകരമാകും എന്ന് അറിയിക്കുമോ;

(ഡി)	ആയുഷ് കോണ്‍ക്ലേവില്‍ മെച്ചപ്പെട്ട പൊതുജനാരോഗ്യ പ്രോജക്ടുകള്‍ പരിശോധിക്കുന്നതിനും ചര്‍ച്ച ചെയ്യുന്നതിനും അവസരം ഒരുക്കിയിരുന്നോ എന്ന് വെളിപ്പെടുത്താമോ?

ആരോഗ്യരംഗത്തെ ജാഗ്രത

*30.

ശ്രീ.എം.ഉമ്മര്‍
,, എന്‍. ഷംസുദ്ദീന്‍
ഡോ.എം. കെ. മുനീര്‍
ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വ്യാപകമായിക്കൊണ്ടിരിക്കുന്ന പനി ഉള്‍പ്പെടെയുള്ള പകര്‍ച്ചവ്യാധികള്‍ തടയുന്നതിന് സ്വീകരിച്ച നടപടികള്‍ വിശദമാക്കാമോ;

(ബി)	ആരോഗ്യ ജാഗ്രത എന്ന പദ്ധതിയുടെ പ്രവര്‍ത്തനപുരോഗതി വിലയിരുത്തിയിട്ടുണ്ടോ; വിശദമാക്കാമോ;

(സി)	ആരോഗ്യരംഗത്ത് കൂടുതല്‍ ജാഗ്രത പുലര്‍ത്തുന്നതിനായി മുഖ്യമന്ത്രിയുടെ അധ്യക്ഷതയില്‍ കൂടിയ യോഗത്തില്‍ ഉയര്‍ന്നുവന്ന നിര്‍ദ്ദേശങ്ങള്‍ നടപ്പിലാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കാമോ?

Website maintained by Information System Section, Kerala Legislative Assembly, Thiruvananthapuram.