14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >14^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

മ്യൂസിയങ്ങള്‍ ഏറ്റെടുത്ത് നവീകരിക്കുന്നതിന് നടപടി

2240.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിനു ശേഷം മ്യൂസിയങ്ങള്‍ ആകര്‍ഷകമാക്കുന്നതിനും നവീകരിക്കുന്നതിനുമായി എന്താെക്കെ നടപടികളാണ് സ്വീകരിച്ചിട്ടുള്ളത്; വിശദാംശം ലഭ്യമാക്കുമാേ;

(ബി)	പുതിയതായി ഏതെങ്കിലും മ്യൂസിയങ്ങള്‍ ഏറ്റെടുത്ത് നവീകരിക്കുന്നതിന് നടപടി സ്വീകരിച്ചിട്ടുണ്ടാേ; വിശദാംശം ലഭ്യമാക്കുമാേ;

(സി)	വിനാേദ സഞ്ചാരികളെ കൂടുതല്‍ ആകര്‍ഷിക്കുന്ന തരത്തിലും ഗവേഷകര്‍ക്ക് പഠനത്തിന് ഉതകുന്ന വിധത്തിലും മതിയായ സൗകര്യങ്ങള്‍ മ്യൂസിയങ്ങളാേടനുബന്ധിച്ച് ഒരുക്കുന്നതിന് നടപടി സ്വീകരിക്കുമാേ എന്നറിയിക്കാമോ?

എ.കെ.ജി. സ്മൃതി മ്യൂസിയം

2241.

ശ്രീ.വി.ടി.ബല്‍റാം
,, കെ.എസ്.ശബരീനാഥന്‍
,, അന്‍വര്‍ സാദത്ത്
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂരില്‍ 10 കോടി രൂപ ചെലവില്‍ എ.കെ.ജി. സ്മൃതി മ്യൂസിയം സ്ഥാപിക്കുവാന്‍ തീരുമാനിച്ചിട്ടുണ്ടോ;

(ബി)	ഇതിനായുള്ള നടപടികള്‍ ഏത് ഘട്ടത്തിലാണ്;

(സി)	പ്രളയ ദുരന്തത്തിന്റെ പശ്ചാത്തലത്തിൽ എ.കെ.ജി.യുടെ പേരിലുള്ള സ്മൃതി മ്യൂസിയത്തിനായി പത്ത് കോടി രൂപ മുടക്കുന്നത് അദ്ദേഹത്തോടുള്ള അവഹേളനമാകുമെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

(ഡി)	എങ്കില്‍ തല്‍ക്കാലം ഈ പദ്ധതി നിര്‍ത്തിവച്ച് പ്രസ്തുത തുക ലൈഫ് പദ്ധതിയ്ക്കായി വിനിയോഗിക്കുമോ എന്നറിയിക്കാമോ?

വണ്ടൂര്‍ കച്ചേരി പൈതൃക മ്യൂസിയം

2242.

ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തിരൂരങ്ങാടി നിയോജകമണ്ഡലത്തില്‍ വണ്ടൂര്‍ കച്ചേരി പൈതൃക മ്യൂസിയം നിര്‍മ്മാണത്തിന്റെ ഇപ്പോഴത്തെ അവസ്ഥ അറിയിക്കാമോ;

(ബി)	വര്‍ഷങ്ങളായിട്ടും താലൂക്ക് ഓഫീസ് വണ്ടൂർ കച്ചേരിയിൽ നിന്നും പുതുതായി നിർമ്മിച്ച കെട്ടിടത്തിലേക്ക് മാറ്റി നല്‍കാത്തത് മൂലം പൈതൃക മ്യൂസിയം നിർമാണത്തിന് നേരിടുന്ന തടസ്സവും അതിന് അനുവദിച്ച തുക നഷ്ടപ്പെടുന്ന സാഹചര്യവും ശ്രദ്ധിച്ചിട്ടുണ്ടോ;

(സി)	ഇത് പരിഹരിക്കാന്‍ എന്തെല്ലാം നടപടികള്‍ സ്വീകരിക്കുന്നു എന്ന് അറിയിക്കുമോ?

കണ്ണൂര്‍ ചന്തപ്പുരയിലെ തെയ്യം മ്യൂസിയം

2243.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ കടന്നപ്പള്ളി-പാണപ്പുഴ ഗ്രാമപഞ്ചായത്തിലെ ചന്തപ്പുരയില്‍ തെയ്യം മ്യൂസിയം സ്ഥാപിക്കുന്നതിന് കേരള ചരിത്ര പൈതൃക മ്യൂസിയത്തെ നോഡല്‍ ഏജന്‍സിയാക്കി ഡി.പി.ആർ. സമര്‍പ്പിക്കാന്‍ ആവശ്യപ്പെട്ടിട്ടുണ്ടോ; വിശദാംശം ലഭ്യമാക്കാമോ?

സാംസ്കാരിക പൈതൃക മ്യൂസിയങ്ങള്‍ സ്ഥാപിക്കാന്‍ പദ്ധതി

2244.

ശ്രീ.ടി.എ.അഹമ്മദ് കബീര്‍
,, ടി. വി. ഇബ്രാഹിം
,, പി.ഉബൈദുള്ള
പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	എല്ലാ ജില്ലകളിലും സാംസ്കാരിക പൈതൃകം പേറുന്ന മ്യൂസിയങ്ങള്‍ സ്ഥാപിക്കുവാന്‍ പദ്ധതി ആവിഷ്കരിച്ചിട്ടുണ്ടോ;

(ബി)	എങ്കില്‍ തുടക്കത്തില്‍ ഏതെല്ലാം ജില്ലകളിലാണ് മ്യൂസിയം ആരംഭിക്കാന്‍ ഉദ്ദേശിക്കുന്നത് എന്ന് വെളിപ്പെടുത്തുമോ;

(സി)	മ്യൂസിയങ്ങളിലേക്ക് ആവശ്യമായ പുരാവസ്തുക്കള്‍ എപ്രകാരം ശേഖരിക്കാനാണ് ഉദ്ദേശിക്കുന്നത് എന്ന് അറിയിക്കാമോ?

കോന്നിയില്‍ ജില്ലാ പൈതൃക മ്യൂസിയം

2245.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കോന്നിയില്‍ ജില്ലാ പൈതൃക മ്യൂസിയത്തിന്റെ സജ്ജീകരണ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വ്യക്തമാക്കാമോ;

(ബി)	മ്യൂസിയത്തില്‍ പ്രദര്‍ശിപ്പിക്കുന്നതിന് വേണ്ട പ്രദര്‍ശന വസ്തുക്കള്‍ ശേഖരിക്കുന്ന നടപടി ഏതു ഘട്ടത്തിലാണെന്ന് വ്യക്തമാക്കാമോ;

(സി)	മ്യൂസിയം പൊതുജനങ്ങള്‍ക്ക് തുറന്നു കൊടുക്കുന്നതിന് നിലവില്‍ എന്തെങ്കിലും തടസ്സമുണ്ടോ; എങ്കില്‍ എന്താണെന്ന് അറിയിക്കാമോ;

(ഡി)	മ്യൂസിയം എന്നത്തേയ്ക്ക് തുറന്ന് പ്രവര്‍ത്തിപ്പിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

മാളയിലെ യഹൂദ സ്മാരകങ്ങള്‍

2246.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	മാളയിലെ യഹൂദ സ്മാരകങ്ങള്‍ പുരാവസ്തു വകുപ്പിന്റെ സംരക്ഷിത സ്മാരകമായി പ്രഖ്യാപിച്ചിട്ടുണ്ടോ എന്നറിയിക്കാമോ;

(ബി)	ഇതിനായി സ്വീകരിച്ചിട്ടുള്ള നടപടികള്‍ എന്തെല്ലാമെന്ന് വ്യക്തമാക്കാമോ;

(സി)	പ്രസ്തുത ഉത്തരവിന്റെ പകര്‍പ്പ് ലഭ്യമാക്കാമോ?

കായംകുളം കൃഷ്ണപുരം കൊട്ടാരം പുനരുദ്ധാരണ പദ്ധതികള്‍

2247.

ശ്രീമതി യു. പ്രതിഭ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

കായംകുളം കൃഷ്ണപുരം കൊട്ടാരത്തില്‍ നിലവില്‍ നടത്തുന്ന പുനരുദ്ധാരണ പദ്ധതികള്‍ ഏതൊക്കെയെന്നും ഇതിനുവേണ്ടി എത്ര രൂപ ചെലവഴിച്ചുവരുന്നു എന്നും വിശദമാക്കാമോ?

പുരാവസ്തു വകുപ്പ് ഏറ്റെടുത്തിട്ടുള്ള കെട്ടിടം

2248.

ശ്രീ.എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചവറ നിയോജകമണ്ഡലത്തില്‍ പുരാവസ്തു വകുപ്പ് ഏതെങ്കിലും കെട്ടിടം ഏറ്റെടുത്തിട്ടുണ്ടോ; ഉണ്ടെങ്കില്‍ അവ ഏതൊക്കെയാണെന്ന് വ്യക്തമാക്കാമോ;

(ബി)	ചവറ നിയോജകമണ്ഡലത്തിലെ ശങ്കരമംഗലത്ത് സ്ഥിതി ചെയ്യുന്ന പി.ഡബ്ല്യൂ.ഡി. ഇറിഗേഷന്‍ ഓഫീസ് പ്രവര്‍ത്തിച്ച് കൊണ്ടിരുന്ന കെട്ടിടം പൊളിച്ച് പുതിയത് നിര്‍മ്മിക്കുന്നതിന് പുരാവസ്തു വകുപ്പ് നിയന്ത്രണം ഏര്‍പ്പെടുത്തിയിട്ടുണ്ടോയെന്ന് അറിയിക്കുമോ?

കണ്ണൂരിലെ എ.കെ.ജി.സ്മൃതി മ്യൂസിയം

2249.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂരില്‍ എ.കെ.ജി. സ്മൃതി മ്യൂസിയം സ്ഥാപിക്കുന്നതിന് എത്ര ഏക്കര്‍ സ്ഥലമാണ് സ്വകാര്യ വ്യക്തികളില്‍ നിന്നും വിലയ്ക്ക് വാങ്ങുന്നത്;

(ബി)	ഇതിനായി സെന്റിന് എന്ത് വിലയാണ് നിശ്ചയിച്ചിട്ടുള്ളത്; ഏറ്റെടുക്കുന്ന സ്ഥലത്തിന്റെ വില്ലേജും സര്‍വ്വേ നമ്പരും വ്യക്തമാക്കുമോ;

(സി)	ഏറ്റെടുക്കുന്ന ഭൂമിയില്‍ നിലമോ നിലം നികത്തിയ ഭൂമിയോ ഉള്‍പ്പെടുന്നുണ്ടോ എന്നറിയിക്കാമോ?

ആറ്റിങ്ങല്‍ കാെട്ടാരം സംരക്ഷിക്കാന്‍ പദ്ധതി

2250.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചരിത്ര സ്മാരകമായ ആറ്റിങ്ങല്‍ കാെല്ലമ്പുഴയിലെ ആറ്റിങ്ങല്‍ കാെട്ടാരം സംരക്ഷിക്കാന്‍ പദ്ധതി തയ്യാറാക്കിയിട്ടുണ്ടാേ എന്നറിയിക്കാമോ;

(ബി)	ആറ്റിങ്ങല്‍ കലാപത്തിന്റെ ചരിത്ര പാരമ്പര്യം സംരക്ഷിക്കുന്ന മ്യൂസിയവും സ്മാരകവും നിര്‍മ്മിക്കുന്നത് വകുപ്പിന്റെ പരിഗണനയിലാണാേ എന്ന് വ്യക്തമാക്കാമോ?

പ്രളയത്തില്‍ നാശനഷ്ടമുണ്ടായ സ്മാരകങ്ങള്‍

2251.

(എ)	പ്രളയത്തെത്തുടര്‍ന്ന് പുരാവസ്തു വകുപ്പിന് കീഴിലുള്ള സംരക്ഷിത സ്മാരകങ്ങള്‍ക്കുണ്ടായ നാശനഷ്ടങ്ങളുടെ വിശദാംശം ശേഖരിച്ചിട്ടുണ്ടോ;

(ബി)	ഇതിന്റെ അടിസ്ഥാനത്തിലുള്ള റിപ്പോര്‍ട്ട് സര്‍ക്കാരിന് സമര്‍പ്പിച്ചിട്ടുണ്ടോ;

(സി)	സ്മാരകങ്ങളുടെ സംരക്ഷണ പ്രവര്‍ത്തനങ്ങള്‍ക്ക് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദീകരിക്കുമോ?

Website maintained by Information System Section, Kerala Legislative Assembly, Thiruvananthapuram.