14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >13th Session>Unstarred questions Answers

Answer Provided

Answer Not Yet Provided

FOURTEENTH KLA - 13th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കേന്ദ്ര വനനയം സംബന്ധിച്ച് സംസ്ഥാന നിലപാട്

878.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനങ്ങള്‍ സ്വകാര്യ കുത്തക കമ്പനികള്‍ക്ക് കൈമാറാന്‍ വ്യവസ്ഥ ചെയ്യുന്ന പുതിയ കേന്ദ്ര വനനയം ശ്രദ്ധയില്‍പ്പെട്ടിട്ടുണ്ടോ;

(ബി)	സ്വകാര്യ പങ്കാളിത്തത്തോടെയുള്ള വനപരിപാലനം പ്രോത്സാഹിപ്പിക്കുന്ന കരട് കേന്ദ്രനയം സംബന്ധിച്ച അഭിപ്രായം സംസ്ഥാന സര്‍ക്കാര്‍ കേന്ദ്രത്തെ അറിയിച്ചിട്ടുണ്ടോ; എങ്കില്‍ ഇതു സംബന്ധിച്ച സംസ്ഥാന സര്‍ക്കാരിന്റെ നിലപാട് എന്താണെന്ന് വ്യക്തമാക്കുമോ;

(സി)	വന ആവാസ വ്യവസ്ഥയെ സംരക്ഷിക്കുന്നതിനും വനാശ്രിത ആദിവാസി സമൂഹങ്ങളുടെ അവകാശങ്ങളും ഉപജീവന സാധ്യതകളും സംരക്ഷിക്കുന്നതിനുമുള്ള വനനയമാണ് സംസ്ഥാനത്തിന് ആവശ്യം എന്നതുകൊണ്ട് ഇക്കാര്യത്തിലുള്ള അഭിപ്രായം അടിയന്തരമായി കേന്ദ്രത്തെ അറിയിക്കുമോ എന്ന് വ്യക്തമാക്കാമോ?

കുമ്പിച്ചല്‍ക്കടവ് പാലം

879.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

ആദിവാസി വിഭാഗത്തില്‍പ്പെട്ട ആള്‍ക്കാര്‍ തിങ്ങിപ്പാര്‍ക്കുന്ന അമ്പൂരി ഗ്രാമപഞ്ചായത്തില്‍ കുമ്പിച്ചല്‍ക്കടവ് പാലം നിര്‍മ്മിക്കുന്നതിനായുള്ള കിഫ്ബി പദ്ധതിക്ക് സ്റ്റേറ്റ് വൈല്‍ഡ് ലൈഫ് ബോര്‍ഡിന്റെ അനുമതിക്കായി സമര്‍പ്പിച്ചിരുന്ന അപേക്ഷയില്‍ തീരുമാനം കൈക്കൊണ്ടിട്ടുണ്ടോ; വിശദാംശങ്ങള്‍ ലഭ്യമാക്കുമോ?

വിവിധ ആവശ്യങ്ങള്‍ക്കായി വിട്ടുനല്‍കിയ വനഭൂമി

880.

ശ്രീ.എന്‍. ഷംസുദ്ദീന്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

2016 മെയ് മാസത്തിന് ശേഷം വിവിധ ആവശ്യങ്ങള്‍ക്കായി വനഭൂമി വിട്ടുനല്‍കിയിട്ടുണ്ടോ; എങ്കില്‍ ഏതെല്ലാം സ്ഥാപനങ്ങള്‍ക്കും വ്യക്തികള്‍ക്കും ഏജന്‍സിക്കുമാണ് വനംഭൂമി വിട്ടുനല്‍കിയിട്ടുള്ളതെന്നും വിട്ടുനല്‍കിയിട്ടുള്ള വനഭൂമിയുടെ അളവ് എത്രയെന്നും വിശദമാക്കുമോ?

തിരുവമ്പാടി മണ്ഡലത്തിലെ വനം കയ്യേറ്റങ്ങള്‍

881.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തിരുവമ്പാടി മണ്ഡലത്തിലെ ആനക്കാംപൊയില്‍-മുത്തപ്പന്‍പുഴ പ്രദേശത്ത് വനം വകുപ്പ് അതിര്‍ത്തി നിശ്ചയിച്ച് ജണ്ടയിടുന്ന പ്രവര്‍ത്തനം ഇപ്പോള്‍ ഏത് ഘട്ടത്തിലാണെന്ന് വിശദമാക്കുമോ;

(ബി)	അനധികൃത കയ്യേറ്റങ്ങള്‍ ഒഴിപ്പിക്കുന്നതിന് കര്‍ഷകരെയും കൈവശക്കാരെയും കൂടി വിശ്വാസത്തിലെടുത്തുകൊണ്ട് വനം, റവന്യൂ വകുപ്പുകളുടെ സംയുക്ത നേതൃത്വത്തില്‍ പരിശോധന നടത്തുന്നതിന് എന്താണ് പ്രയാസം എന്ന് വ്യക്തമാക്കുമോ;

(സി)	വിഷയം പരിഹരിക്കുന്നതിന് സംയുക്ത പരിശോധനക്ക് അടിയന്തര നടപടികള്‍ സ്വീകരിക്കുമോ?

അമ്പൂരി-ചാക്കപ്പാറ-പുരവിമല റോഡിന് വനം വകുപ്പ് അനുമതി

882.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അമ്പൂരി ഗ്രാമപഞ്ചായത്തില്‍ ചാക്കപ്പാറ വാര്‍ഡില്‍ സാഗി പദ്ധതിയില്‍ ഉള്‍പ്പെടുത്തി അനുമതി ലഭിച്ച അമ്പൂരി-ചാക്കപ്പാറ-പുരവിമല റോഡ് നിര്‍മ്മാണത്തിന് വനം വകുപ്പിന്റെ അനുമതി ലഭിച്ചിട്ടില്ലെന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	രണ്ടായിരത്തോളം വരുന്ന ആദിവാസി വിഭാഗത്തില്‍പ്പെട്ടവര്‍ക്ക് പ്രയോജനകരമായ പ്രസ്തുത റോഡ് നിര്‍മ്മാണത്തിന് അനുമതി ലഭ്യമാക്കുന്നതിനുള്ള തുടര്‍നടപടികള്‍ സ്വീകരിക്കുമോ?

മണിയാര്‍-കട്ടച്ചിറ റോഡിന്റെ നിര്‍മ്മാണം

883.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ധാരാളം ജനങ്ങള്‍ ഉപയോഗിക്കുന്നതും വനത്തിലൂടെയുള്ളതുമായ മണിയാര്‍- കട്ടച്ചിറ റോഡിന്റെ നിര്‍മ്മാണത്തിന് എത്ര രൂപയാണ് വനം വകുപ്പ് അനുവദിച്ചിട്ടുള്ളത്;വെളിപ്പെടുത്തുമോ;

(ബി)	പ്രസ്തുത റോഡ് നിര്‍മ്മാണത്തിന് എന്തെങ്കിലും തടസ്സമുണ്ടോ;വിശദാംശങ്ങള്‍ വ്യക്തമാക്കാമോ?

നെല്ലിയാമ്പതിയിലും പറമ്പിക്കുളത്തും വീല്‍ട്രാക്ക് നിർമ്മാണം

884.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇക്കഴിഞ്ഞ കാലവര്‍ഷക്കെടുതിയില്‍ തകര്‍ന്ന നെല്ലിയാമ്പതിയിലെ ആനമട റോഡിലും, പറമ്പിക്കുളത്തെ പൂപ്പാറ കോളനി റോഡിലും വീല്‍ട്രാക്ക് പണിയുന്നതിന് വനം വകുപ്പ് എസ്റ്റിമേറ്റ് തയ്യാറാക്കിയിട്ടുണ്ടോ; ഉണ്ടെങ്കില്‍ എത്ര തുകയുടെ എസ്റ്റിമേറ്റാണ് തയ്യാറാക്കിയിട്ടുള്ളത് എന്ന് വിശദമാക്കുമോ ;

(ബി)	പ്രസ്തുത റോഡുകളില്‍ വീല്‍ട്രാക്ക് പണിയുന്നതിന് നിലവില്‍ എന്തെങ്കിലും തടസ്സങ്ങള്‍ ഉണ്ടോ ; ഉണ്ടെങ്കില്‍ വിശദാംശം നല്‍കുമോ?

മറയൂരിൽ റാപ്പിഡ് റെസ്പോണ്‍സ് ടീം

885.

(എ)	മറയൂരില്‍ ചന്ദനമോഷണം വര്‍ദ്ധിച്ചുവരുന്നതായ റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	മറയൂര്‍ ഡിവിഷന്‍ എന്നാണ് നിലവില്‍ വന്നതെന്നും പ്രസ്തുത ഡിവിഷന്‍ രൂപീകൃതമായ സമയത്തുള്ള സ്റ്റാഫ് സ്ട്രെങ്ത് തന്നെയാണോ ഇപ്പോഴും അവിടെയുള്ളതെന്നും വ്യക്തമാക്കുമോ ;

(സി)	നിലവില്‍ മറയൂര്‍ ഡിവിഷനില്‍ എത്ര ബീറ്റ് ഫോറസ്റ്റ് ഓഫീസർമാരാണുള്ളതെന്ന് വ്യക്തമാക്കുമോ;

(ഡി)	മറയൂരിലെ വന്യമൃഗ ഭീഷണിയും ചന്ദനമോഷണവും നേരിടുന്നതിന് റാപ്പിഡ് റെസ്പോണ്‍സ് ടീമിന് രൂപം നല്‍കിയിട്ടുണ്ടോ; ഇല്ലെങ്കില്‍ പ്രസ്തുത വിഷയം പരിഗണിക്കുമോ എന്നറിയിക്കാമോ?

പരിസ്ഥിതി ലോല മേഖല മാനദണ്ഡങ്ങളില്‍ ഭേദഗതി

886.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനഭൂമി മാത്രം കണക്കാക്കിയും ജനവാസകേന്ദ്രങ്ങളെ ഒഴിവാക്കിയും പരിസ്ഥിതി ലോല മേഖല (ഇ.എസ്.എ.) യ്ക്കുളള മാനദണ്ഡങ്ങളില്‍ ഭേദഗതി വരുത്തുവാന്‍ ഉദ്ദേശിക്കുന്നുണ്ടോ;

(ബി)	പാലക്കാട് ജില്ലയിലെ പുതുപ്പരിയാരം - I വില്ലേജിനെ ഇക്കോളജിക്കലി സെന്‍സിറ്റീവ് ഏരിയയില്‍ നിന്നും ഒഴിവാക്കുന്നകാര്യം പരിഗണനയിലുണ്ടോ; ഇത് സംബന്ധിച്ച വിശദാംശങ്ങള്‍ അറിയിക്കാമോ?

വഴിയോര തണല്‍ പദ്ധതി

887.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വഴിയോര തണല്‍ പദ്ധതിയുടെ നിലവിലെ സ്ഥിതി വിശദമാക്കുമോ;

(ബി)	പ്രസ്തുത പദ്ധതി പ്രകാരം നട്ടു പിടിപ്പിച്ച വൃക്ഷത്തൈകള്‍ സംരക്ഷിക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കുമോ;

(സി)	നശിച്ചുപോയ വൃക്ഷത്തൈകള്‍ക്ക് പകരം പുതിയവ നട്ടുപിടിപ്പിക്കുന്നതിന് നടപടികള്‍ സ്വീകരിച്ചിട്ടുണ്ടോ;

(ഡി)	ഈ സര്‍ക്കാര്‍ അധികാരത്തില്‍ വന്നശേഷം വഴിയോര തണല്‍ പദ്ധതിയ്ക്കായി ഓരോ വര്‍ഷവും നീക്കിവച്ച തുകയും ചെലവാക്കിയ തുകയും എത്രയെന്ന് വ്യക്തമാക്കുമോ?

നിലയ്ക്കലില്‍ ചെക്ക് പോസ്റ്റ്

888.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ശബരിമല തീര്‍ത്ഥാടകരുടെ വാഹനങ്ങള്‍ തടഞ്ഞ് പരിശോധിക്കുന്നതിനായി വനംവകുപ്പ് നിലയ്ക്കലില്‍ ചെക്ക് പോസ്റ്റ് സ്ഥാപിച്ചിട്ടുണ്ടോയെന്ന് അറിയിക്കുമോ ;

(ബി)	ഉണ്ടെങ്കില്‍ വനംവകുപ്പിന്റെ ഏത് ഓഫീസിനു കീഴിലാണ് പ്രസ്തുത ചെക്ക് പോസ്റ്റ് സ്ഥാപിച്ചിരിക്കുന്നതെന്നും പ്രസ്തുത ചെക്ക് പോസ്റ്റ് സ്ഥാപിച്ചതുമുതല്‍ നാളിതുവരെ എത്ര വാഹനങ്ങള്‍ പരിശോധിച്ചിട്ടുണ്ടെന്നും അറിയിക്കുമോ ;

(സി)	പ്രസ്തുത വാഹന പരിശോധന ശബരിമല തീര്‍ത്ഥാടകര്‍ക്ക് ബുദ്ധിമുട്ടുകള്‍ സൃഷ്ടിക്കുന്നതായി ശ്രദ്ധയില്‍പ്പെട്ടിട്ടുണ്ടോ എന്നറിയിക്കാമോ?

മുക്കത്ത് സര്‍ക്കാര്‍ പോളിടെക്നിക്കിന് വനം വകുപ്പിന്റെ അധീനതയിലുളള സ്ഥലം

889.

(എ)	മുക്കത്ത് അനുവദിച്ച സര്‍ക്കാര്‍ പോളിടെക്നിക്കിന് കെട്ടിടം നിര്‍മ്മിക്കുന്നതിന് താഴക്കോട് വില്ലേജിലെ വനം വകുപ്പിന്റെ അധീനതയിലുളള മംഗലശ്ശേരി തോട്ടത്തിലെ അഞ്ച് ഏക്കര്‍ സ്ഥലം കെെമാറ്റം ചെയ്യുന്നതിനുളള നടപടികളുടെ നിലവിലെ അവസ്ഥ എന്താണെന്ന് വ്യക്താമാക്കുമോ;

(ബി)	സ്ഥലം കെെമാറ്റം എന്ന് പൂര്‍ത്തിയാക്കാന്‍ കഴിയുമെന്ന് വ്യക്തമാക്കുമോ;അടിയന്തര പ്രാധാന്യം നല്‍കി ഇതിനുളള നടപടികള്‍ സ്വീകരിക്കുമോ എന്ന് വെളിപ്പെടുത്താമോ?

കോതമംഗലം മുനിസിപ്പിലാറ്റി വനം വകുപ്പിന് കെെമാറിയ സ്ഥലം

890.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മുന്‍സിപ്പിലാറ്റിയുടെ കെെവശമിരുന്ന 75 സെന്റ് സ്ഥലം വനം വകുപ്പിന് കെെമാറിയത് തിരികെ മുന്‍സിപ്പാലിറ്റിക്ക് ലഭ്യമാക്കണമെന്ന് കാണിച്ച് കോതമംഗലം മുനിസിപ്പാലിറ്റി സമര്‍പ്പിച്ച നിവേദനം ശ്രദ്ധയില്‍പ്പെട്ടിട്ടുണ്ടോ ;വിശദമാക്കാമോ; പ്രസ്തുത നിവേദനത്തില്‍ എന്ത് തീരുമാനമെടുത്തെന്ന് വ്യക്തമാക്കാമോ;

(ബി)	കോതമംഗലം ടൗണിന്റെ ഹൃദയഭാഗത്തുള്ള പ്രസ്തുത 75 സെന്റ് സ്ഥലം മുനിസിപ്പിലാറ്റിയുടെ വികസന പ്രവര്‍ത്തനങ്ങള്‍ക്കായി വനം വകുപ്പില്‍ നിന്നും വിട്ടുനല്‍കാന്‍ നടപടി സ്വീകരിക്കുമോ; വിശദമാക്കാമോ?

ശബരിമലയിലെ സൗകര്യങ്ങൾ സംബന്ധിച്ച വനംവകുപ്പ് നിലപാട്

891.

ശ്രീ.കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനംവകുപ്പ് ശബരിമലയോട് ശത്രുതാപരമായ നിലപാടാണ് സ്വീകരിക്കുന്നതെന്നും അത്യാവശ്യ സൗകര്യങ്ങള്‍ ഒരുക്കുന്നതിന് പോലും വകുപ്പ് ഇടപെടുന്നതായുമുള്ള തിരുവിതാംകൂര്‍ ദേവസ്വം ബോര്‍ഡ് പ്രസിഡന്റിന്റെ പ്രസ്താവന ശ്രദ്ധയില്‍പെട്ടിട്ടുണ്ടോ;

(ബി)	ശബരിമലയില്‍ ഭക്തര്‍ക്ക് അത്യാവശ്യ സൗകര്യം ഒരുക്കുന്ന കാര്യത്തില്‍ വകുപ്പ് ഏതെങ്കിലും തരത്തിലുള്ള നിയന്ത്രണം കൊണ്ടുവന്നിട്ടുണ്ടോ; വിശദമാക്കുമോ?

വനത്തിനുള്ളില്‍ ഉരുള്‍പൊട്ടല്‍

892.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	2018 ആഗസ്റ്റ് മാസം ഉണ്ടായ പ്രളയത്തില്‍ ഏതൊക്കെ വനത്തിനുള്ളില്‍ ഉരുള്‍പൊട്ടല്‍ ഉണ്ടായിട്ടുണ്ട്; വിശദാംശങ്ങള്‍ വ്യക്തമാക്കാമോ;

(ബി)	വനത്തിനുള്ളില്‍ ഉരുള്‍പൊട്ടിയതിനെ തുടര്‍ന്ന് ജനങ്ങള്‍ക്ക് ഉണ്ടായ നാശനഷ്ടങ്ങള്‍ക്ക് വനം വകുപ്പ് നഷ്ടപരിഹാരം നല്‍കിയിട്ടുണ്ടോ; വിശദമാക്കാമോ;

(സി)	ഭാവിയില്‍ ഉരുള്‍പൊട്ടല്‍ ഉണ്ടായാല്‍ നേരിടാന്‍ എന്തൊക്കെ സംവിധാനങ്ങളാണ് വകുപ്പ് തയ്യാറാക്കിയിരിക്കുന്നത്; വിശദമാക്കാമോ?

കാട്ടാന വേട്ട തടയുന്നതിനുള്ള നടപടി

893.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് 2017ലും, 2018 നാളിതുവരെയും എത്ര വീതം കാട്ടാനകള്‍ ചരിഞ്ഞിട്ടുണ്ടെന്ന് വ്യക്തമാക്കുമോ;

(ബി)	കഴിഞ്ഞ 10 വര്‍ഷത്തിനുള്ളില്‍ ചരിഞ്ഞ കാട്ടാനകളുടെ എണ്ണം എടുത്താല്‍ മറ്റ് സംസ്ഥാനങ്ങളെ അപേക്ഷിച്ച് കേരളത്തില്‍ ആണ് അത് കൂടുതല്‍ എന്ന മാധ്യമ വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

(സി)	കാട്ടാനകളുടെ മരണം കൂടി വരുന്നതിന്റെ മുഖ്യ കാരണം അവയെ വേട്ടയാടുന്നതാണ് എന്ന മാധ്യമ വാര്‍ത്തയിൽ വാസ്തവം ഉണ്ടോ; ഉണ്ടെങ്കില്‍ കാട്ടാന വേട്ട അവസാനിപ്പിക്കുന്നതിന് എന്തെല്ലാം നടപടികളാണ് സ്വീകരിക്കുവാൻ ഉദ്ദേശിക്കുന്നതെന്ന് വ്യക്തമാക്കുമോ?

വരയാടുകളുടെ സംരക്ഷണം

894.

ശ്രീ.എം.ഉമ്മര്‍
പ്രൊഫ.ആബിദ് ഹുസൈന്‍ തങ്ങള്‍
ശ്രീ.ടി.എ.അഹമ്മദ് കബീര്‍
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാലാവസ്ഥ വ്യതിയാനത്തെ തുടര്‍ന്ന് വരയാടുകളുടെ ആവാസ വ്യവസ്ഥ നഷ്ടപ്പെടുന്നതായ റിപ്പോര്‍ട്ടുകള്‍ ശ്രദ്ധയില്‍പെട്ടിട്ടുണ്ടോ;

(ബി)	വംശനാശ ഭീഷണി നേരിടുന്ന വരയാടുകളുടെ സംരക്ഷണത്തിനു വേണ്ടി സ്വീകരിച്ചു വരുന്ന നടപടികള്‍ എന്തെല്ലാമാണ്;

(സി)	പേപ്പാറ, നെയ്യാര്‍, പീച്ചി-വാഴാനി, പറമ്പിക്കുളം സൈലന്റ്‍വാലി, ചിന്നാര്‍ എന്നിവിടങ്ങളില്‍ കാണുന്ന വരയാടുകളുടെ ചെറുസംഘങ്ങളെ സംരക്ഷിക്കുന്നതിന് എന്തെങ്കിലും പദ്ധതി ആവിഷ്ക്കരിച്ചിട്ടുണ്ടോ; വിശദാംശം വ്യക്തമാക്കുമോ?

നാട്ടാനകളുടെ സുരക്ഷ

895.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നാട്ടാനകള്‍ നേരിടുന്ന പീഡനങ്ങള്‍ വര്‍ദ്ധിച്ചുവരുന്നതായ പരാതി ശ്രദ്ധയില്‍പെട്ടിട്ടുണ്ടോ;

(ബി)	നാട്ടാനകളെ ജില്ലക്ക് പുറത്ത് കൊണ്ടുപോകുമ്പോള്‍ മണിക്കൂറുകളോളം നടത്തിയും വാഹനങ്ങളില്‍ കയറ്റിയും കൊണ്ടുപോയി പീഡിപ്പിക്കുന്നത് തടയുന്നതിന് നിലവിലുള്ള സംവിധാനം എന്താണ് എന്ന് വെളിപ്പെടുത്താമോ?

വന്യജീവികളുടെ ആക്രമണം

896.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ വന്യജീവികളുടെ ആക്രമണത്തിന് ഇരയായി സംസ്ഥാനത്ത് മരണപ്പെട്ടവരുടെ എണ്ണം എത്ര; ജില്ല തിരിച്ച് വ്യക്തമാക്കുമോ;

(ബി)	ഇവരുടെ കുടുംബങ്ങള്‍ക്ക് നഷ്ടപരിഹാരമായി എത്ര തുക നാളിതുവരെ ചെലവഴിച്ചു;നഷ്ടപരിഹാരത്തോത് എപ്രകാരമാണ് കണക്കാക്കപ്പെടുന്നത്; വിശദമാക്കുമോ;

(സി)

ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ വന്യജീവി ആക്രമണങ്ങളില്‍ എത്രപേര്‍ക്ക് പരിക്കേറ്റുവെന്നും എത്ര ഹെക്ടര്‍ കൃഷിസ്ഥലം നാശം സംഭവിച്ചുവെന്നും എത്ര വീടുകള്‍ നഷ്ടപ്പെട്ടുവെന്നും പരിക്കേറ്റവര്‍ക്കും കൃഷിനാശം സംഭവിച്ചവര്‍ക്കും വീട് നഷ്ടപ്പെട്ടവര്‍ക്കും നഷ്ടപരിഹാരമായി നല്‍കിയ തുക എത്രയെന്നും വ്യക്തമാക്കുമോ;

(ഡി)	ഈ സര്‍ക്കാര്‍ കാലയളവിനുള്ളില്‍ നാളിതുവരെ എത്രപേര്‍ സംസ്ഥാനത്ത് പാമ്പ് കടിയേറ്റ് മരണപ്പെട്ടു;ഇവരുടെ കുടുംബങ്ങള്‍ക്ക് നഷ്ടപരിഹാരമായി എത്ര തുക നാളിതുവരെ അനുവദിച്ചു;വിശദമാക്കുമോ;

(ഇ)	പാമ്പ് കടിയേറ്റ് മരണപ്പെടുന്നവരുടെ ആശ്രിതര്‍ക്ക് നല്‍കുന്ന ധനസഹായം, വന്യജീവി ആക്രമണങ്ങളില്‍ കൃഷിനാശം സംഭവിച്ചവര്‍ക്കും പരിക്കേല്‍ക്കുന്നവര്‍ക്കും നല്‍കി വരുന്ന ധനസഹായം എന്നിവ എത്രയാണെന്ന് വ്യക്തമാക്കുമോ?

വന്യജീവി ആക്രമണം

897.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യജീവി ആക്രമണം കുറച്ചുകൊണ്ടുവരുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം ഉണ്ടായിട്ടുള്ള വന്യജീവി ആക്രമണങ്ങളുടെ വിശദമായ കണക്ക് ലഭ്യമാക്കുമോ?

മാങ്കുളം ഭാഗത്തെ ആനശല്യം

898.

(എ)	ദേവികുളം നിയോജകമണ്ഡലത്തിലെ മാങ്കുളം ഭാഗത്തെ ആനശല്യം രൂക്ഷമാകുന്നത് ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

(ബി)	പ്രസ്തുത പ്രദേശത്തെ ആനശല്യം ഒഴിവാക്കുന്നതിന് സജീവമായി ഇടപെട്ട് പ്രവര്‍ത്തിക്കുന്ന ഉദ്യോഗസ്ഥരെ സ്ഥലംമാറ്റുന്നു എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(സി)	മാങ്കുളം ഭാഗത്തെ ആനശല്യം ഒഴിവാക്കുന്നതിന് വനം വകുപ്പ് സ്വീകരിക്കുവാന്‍ ഉദ്ദേശിക്കുന്ന നടപടികള്‍ വിശദീകരിക്കുമോ?

കണ്ണൂര്‍ ജില്ലയിലെ വന്യജീവി ആക്രമണം

899.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയില്‍ വന്യമൃഗങ്ങളുടെ ആക്രമണത്തില്‍ കഴിഞ്ഞ മൂന്നു വര്‍ഷത്തിനുള്ളില്‍ ഉണ്ടായ നാശനഷ്ടങ്ങള്‍ എത്ര; അവയ്ക്ക് നല്‍കിയ നഷ്ടപരിഹാരം എത്ര;

(ബി)	വന്യജീവി ആക്രമണം തടയുന്നതിനുള്ള പരിഹാര നടപടികള്‍ എന്തെല്ലാം; ഇത് സംബന്ധിച്ചു ശാശ്വത പരിഹാരങ്ങള്‍ സ്വീകരിക്കുന്നതിനുള്ള തടസ്സങ്ങള്‍ എന്തെല്ലാം; വിശദീകരിക്കുമോ?

നാദാപുരം മണ്ഡലത്തിലെ ആനശല്യം

900.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരം മണ്ഡലത്തിലെ മലയോര പ്രദേശങ്ങളില്‍ ആനകള്‍ ഇറങ്ങി കൃഷിനാശം ഉണ്ടാക്കി ഭീകരാന്തരീക്ഷം സൃഷ്ടിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് തടയാന്‍ എന്തൊക്കെ നടപടികള്‍ നാളിതു വരെ സ്വീകരിച്ചിട്ടുണ്ടെന്ന് വിശദമാക്കാമോ;

(സി)	ഈ സര്‍ക്കാരിന്റെ കാലയളവില്‍ ഇതുമൂലം കര്‍ഷകര്‍ക്ക് എത്ര രൂപയുടെ നാശനഷ്ടങ്ങള്‍ സംഭവിച്ചിട്ടുണ്ടെന്നുള്ള കണക്കുകള്‍ ശേഖരിച്ചിട്ടുണ്ടോ;

(ഡി)	കൃഷിനാശം സംഭവിച്ച കര്‍ഷകര്‍ക്ക് ഈ കാലയളവില്‍ എന്തൊക്കെ നഷ്ടപരിഹാരം നല്‍കിയിട്ടുണ്ട്;വിശദമാക്കുമോ?

വന്യജീവി ആക്രമണത്തില്‍ നിന്ന് സംരക്ഷണം

901.

ശ്രീ.റോഷി അഗസ്റ്റിന്‍
,, പി.ജെ.ജോസഫ്
,, മോന്‍സ്‌ ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യജീവി ആക്രമണത്തില്‍ നിന്ന് കൃഷിയേയും കര്‍ഷകരേയും സംരക്ഷിക്കുവാന്‍ ഈ സർക്കാർ അധികാരത്തില്‍ വന്നതിനുശേഷം സ്വീകരിച്ച നടപടികള്‍ എന്തെല്ലാമാണ്;

(ബി)	പ്രസ്തുത കാലയളവില്‍ വന്യമൃഗങ്ങളുടെ ആക്രമണത്താല്‍ ജീവന്‍ നഷ്ടപ്പെട്ട കര്‍ഷകരുടെ കുടുംബത്തിനും കൃഷിനാശം സംഭവിച്ച കര്‍ഷകര്‍ക്കും മതിയായ സമാശ്വാസ ധനസഹായവും നഷ്ടപരിഹാരവും നല്‍കുന്നതിന് സാധിച്ചുവോ; വ്യക്തമാക്കുമോ;

(സി)	മലയോര മേഖലയില്‍ കര്‍ഷകര്‍ക്ക് വന്യജീവികളില്‍ നിന്ന് നേരിടുന്ന ആക്രമണങ്ങളില്‍ നിന്ന് ഫലപ്രദമായ സംരക്ഷണം ലഭിക്കുന്നതിന് നടപടി സ്വീകരിക്കമോ;

(ഡി)	വന്യജീവികളുടെ ജീവഹാനിയുമായി ബന്ധപ്പെട്ട് കര്‍ഷകരെ അന്യായമായി കേസില്‍പ്പെടുത്തുന്നുവെന്ന വിഷയത്തില്‍ അന്വേഷണം നടത്തുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

വന്യജീവി സംരക്ഷണനിയമത്തിന്റെ പേരില്‍ കൃഷിക്കാര്‍ക്ക് പീഡനം

902.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

മലയോരമേഖലകളിലെ വന്യമൃഗാക്രമണം കാരണം വ്യാപക കൃഷിനാശവും ജീവഹാനിയും നാള്‍ക്കുനാള്‍ വര്‍ദ്ധിച്ചുകൊണ്ടിരിക്കുന്നതിനാല്‍ അനിയന്ത്രിതമായി വര്‍ദ്ധിച്ചുകൊണ്ടിരിക്കുന്ന വന്യമൃഗാക്രമണങ്ങളെ തടയുന്നതിനും പ്രാണരക്ഷേന മൃഗങ്ങളെ കൊല്ലേണ്ടിവന്നാല്‍ വന്യജീവി സംരക്ഷണനിയമത്തിന്റെ പേരില്‍ കൃഷിക്കാര്‍ പീഡിപ്പിക്കപ്പെടുന്ന അവസ്ഥ ഒഴിവാക്കുന്നതിനും സമഗ്രമായ ഒരു നിയമനിര്‍മ്മാണം നടത്തുന്നതിന് നടപടികള്‍ സ്വീകരിച്ചിട്ടുണ്ടോ ;

(ബി)	ഇല്ലെങ്കില്‍ ഈ വിഷയം കൈകാര്യം ചെയ്യുന്നതിന് നിലവില്‍ സ്വീകരിച്ചുവരുന്ന നടപടികള്‍ വിശദമാക്കാമോ ?

പാലക്കാട് വനമേഖലകളില്‍ വന്യമൃഗങ്ങളുടെ ആക്രമണം

903.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം പാലക്കാട് വനമേഖലകളില്‍ വന്യമൃഗങ്ങളുടെ ആക്രമണത്തില്‍ പരിക്കേറ്റ് എത്ര പേര്‍ മരണപ്പെട്ടിട്ടുണ്ട്;

(ബി)	പ്രസ്തുത മേഖലകളില്‍ വന്യമൃഗങ്ങളുടെ ആക്രമണത്തില്‍ നിന്നും രക്ഷ നല്‍കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

(സി)	ഇപ്രകാരം ആക്രമണത്തില്‍പ്പെട്ടവര്‍ക്ക് എന്തെല്ലാം ആനുകൂല്യങ്ങള്‍ വിതരണം ചെയ്തിട്ടുണ്ട്; വിശദാംശം നല്‍കുമോ?

നിലമ്പൂര്‍ കാട്ടില്‍ നിന്നുള്ള വന്യമൃഗങ്ങളുടെ ആക്രമണം

904.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍ കാട്ടില്‍ നിന്ന് ആനയും മറ്റ് വന്യമൃഗങ്ങളും നാട്ടിലേക്കിറങ്ങി ജനങ്ങളെയും കൃഷിയെയും ആക്രമിക്കുന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	ഇത് തടയുന്നതിന് സ്വീകരിച്ചിട്ടുള്ള മാര്‍ഗങ്ങള്‍ എന്തൊക്കെയാണ്; വിശദമാക്കാമോ;

(സി)	വന്യമൃഗ/കാട്ടാന ശല്യത്തില്‍ നിന്ന് രക്ഷ ലഭിക്കുന്നതിനായി സമഗ്ര പദ്ധതി ആവിഷ്ക്കരിക്കുമോ; വിശദമാക്കാമോ?

വന്യമൃഗങ്ങളുടെ ആക്രമണത്തിന് ഇരയാകുന്നവർക്കുള്ള നഷ്ടപരിഹാരം

905.

(എ)	വന്യമൃഗങ്ങളുടെ ആക്രമണങ്ങളിൽ നിന്ന് കര്‍ഷകരുടെ ജീവനും സ്വത്തിനും സംരക്ഷണം ന്ല‍കുവാന്‍ എന്തെല്ലാം പദ്ധതികളാണ് ആവിഷ്ക്കരിച്ചിരിക്കുന്നതെന്ന് വ്യക്തമാക്കുമോ ;

(ബി)	വന്യമൃഗങ്ങളുടെ ആക്രമണം മൂലം കൃഷിനാശം സംഭവിക്കുന്നവര്‍ക്ക് നഷ്ടപരിഹാരം നല്‍കുന്നതിന് കാലതാമസം ഉണ്ടാകാറുണ്ടോ; പ്രസ്തുത വിഷയം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് പരിഹരിക്കുന്നതിന് സ്വീകരിച്ച നടപടികള്‍ സംബന്ധിച്ച് വിശദമാക്കുമോ;

(സി)	വന്യമൃഗങ്ങളുടെ ആക്രമണത്തില്‍ കൃഷിനാശം സംഭവിക്കുന്നവര്‍ക്ക് കേന്ദ്ര സഹായം ലഭിക്കാറുണ്ടോ; എങ്കില്‍ വിശദമാക്കുമോ?

ആനകളുടെ കണക്കെടുപ്പ്

906.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ആനകളുടെ കണക്കെടുപ്പ് നടത്തിയിട്ടുണ്ടോ;

(ബി)	എങ്കില്‍ നാട്ടാനകളുടെയും കാട്ടാനകളുടെയും എണ്ണം ജില്ല തിരിച്ച് അറിയിക്കാമോ?

നെയ്യാര്‍ഡാം ലയണ്‍ സഫാരി പാര്‍ക്ക്

T 907.

(എ)	നെയ്യാര്‍ഡാം ലയണ്‍ സഫാരി പാര്‍ക്കിലേയ്ക്ക് പുതുതായി സിംഹങ്ങളെ എത്തിക്കുന്നതിന് സമര്‍പ്പിച്ചിരുന്ന നിവേദനം പരിഗണനയിലുണ്ടോ; പ്രസ്തുത നിവേദനത്തിന്മേല്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് അറിയിക്കാമോ;

(ബി)	നെയ്യാര്‍‍ഡാം മാന്‍പാര്‍ക്കിന്റെ നവീകരണത്തിനായി എന്തൊക്കെ പദ്ധതികളാണ് ആവിഷ്കരിച്ചിട്ടുള്ളത് ; വിശദാംശങ്ങള്‍ വ്യക്തമാക്കാമോ?

പ്രളയ ദുരിതത്തില്‍ വളർത്തുമൃഗങ്ങള്‍ നഷ്ടപ്പെട്ടവര്‍ക്ക് നഷ്ടപരിഹാരം

908.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയ ദുരിതത്തില്‍ താറാവ്, കോഴി, കന്നുകാലികള്‍ തുടങ്ങിയവ നഷ്ടപ്പെട്ടവര്‍ക്ക് നഷ്ടപരിഹാരം നല്‍കുന്നതിന് മൃഗസംരക്ഷണവകുപ്പ് സ്വീകരിച്ച നടപടികള്‍ വിശദമാക്കാമോ;

(ബി)	പ്രസ്തുത വ്യക്തികള്‍ക്ക് പുതിയവയെ വിതരണം ചെയ്യുന്നതിന് നടപ്പിലാക്കുന്ന പദ്ധതികളുടെ വിശദാംശങ്ങള്‍ ലഭ്യമാക്കുമോ;

(സി)	മാവേലിക്കര നിയമസഭാ മണ്ഡലത്തില്‍ എത്ര കര്‍ഷകര്‍ക്ക് ഇത്തരത്തില്‍ നഷ്ടം സംഭവിച്ചിട്ടുണ്ടെന്ന് വിശദമാക്കുമോ;

(ഡി)	ഇവരുടെ അപേക്ഷകളില്‍ സ്വീകരിച്ച നടപടികള്‍ വിശദമാക്കുമോ?

പ്രളയം മൂലം കാലി സമ്പത്തിലുണ്ടായ നഷ്ടം

909.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയവുമായി ബന്ധപ്പെട്ട് കാലി സമ്പത്തിലുണ്ടായ നഷ്ടം കണക്കാക്കിയിട്ടുണ്ടോ;

(ബി)	കര്‍ഷകര്‍ക്കുണ്ടായ നഷ്ടം പരിഹരിക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ വെളിപ്പെടുത്തുമോ?

പ്രളയം മ‍ൃഗസംരക്ഷണ ക്ഷീരവികസന മേഖലകള്‍ക്ക് ഉണ്ടാക്കിയ നഷ‍്ടം

910.

ശ്രീ.ചിറ്റയം ഗോപകുമാര്‍
,, ജി.എസ്.ജയലാല്‍
ശ്രീമതി ഗീതാ ഗോപി
ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മഹാപ്രളയം മ‍ൃഗസംരക്ഷണ ക്ഷീരവികസന മേഖലകള്‍ക്ക് ഉണ്ടാക്കിയ നഷ‍്ടത്തിന്റെ കണക്കെടുപ്പ് നടത്തിയിട്ടുണ്ടോ; വ്യക്തമാക്കുമോ;

(ബി)	പ്രളയത്തില്‍ കന്നുകാലികള്‍ക്കും പക്ഷി മൃഗാദികള്‍ക്കും അവയുടെ പാര്‍പ്പിട സൗകര്യങ്ങള്‍ ഉള്‍പ്പെടെയുള്ള മറ്റ് അടിസ്ഥാന മേഖലകളിലും ഉണ്ടായ നഷ്ടത്തിന്റെ വിശദാംശങ്ങള്‍ ലഭ്യമാക്കുമോ;

(സി)	മ‍ൃഗസംരക്ഷണ ക്ഷീരവികസന മേഖലകളുടെ പുനരുജ്ജീവനത്തിന് സ്വീകരിക്കുന്ന നടപടികള്‍ വ്യക്തമാക്കുമോ?

പ്ലാന്‍ ഫണ്ടില്‍ നിന്നും വകയിരുത്തിയ തുക

911.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	2018-19 സാമ്പത്തികവര്‍ഷം മൃഗസംരക്ഷണ വകുപ്പ് ഏതെല്ലാം പ്രവൃത്തികള്‍ക്കാണ് പ്ലാന്‍ ഫണ്ടില്‍ നിന്നും തുക വകയിരുത്തിയതെന്ന് വ്യക്തമാക്കാമോ ;

(ബി)	ഓരോ പ്രവൃത്തികള്‍ക്കും നീക്കിവച്ച തുക എത്രയാണെന്ന് വ്യക്തമാക്കാമോ?

പ്രളയത്തെ തുടര്‍ന്ന് മ‍ൃഗസംരക്ഷണ മേഖലയിലുണ്ടായ നഷ‍്ടങ്ങള്‍

912.

ശ്രീ.സജി ചെറിയാന്‍
,, കെ.ജെ. മാക്സി
,, എം. നൗഷാദ്
,, എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തുണ്ടായ പ്രളയവും മഴക്കെടുതിയും മൂലം മ‍ൃഗസംരക്ഷണ മേഖലയിലുണ്ടായ നഷ‍്ടങ്ങള്‍ കണക്കാക്കിയിട്ടുണ്ടോ; വിശദമാക്കുമോ;

(ബി)	നിരവധി കന്നുകാലികള്‍ക്ക് ജീവഹാനി സംഭവിച്ചതു മൂലം ക്ഷീരോല‍്പാദനത്തില്‍ വലിയ കുറവ് സംഭവിച്ചിട്ടുണ്ടോ;

(സി)	തീറ്റപ്പുല്‍ ക‍ൃഷി നശിച്ചതും ഫാമുകള്‍ തകര്‍ന്നതും മൂലം കനത്ത നാശനഷ‍്ടങ്ങള്‍ സംഭവിച്ച കര്‍ഷകര്‍ക്കുള്ള നഷ‍്ടപരിഹാരം അടിയന്തരമായി നല്‍കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

കുളമ്പുരോഗം ബാധിച്ച കന്നുകാലികള്‍

913.

ശ്രീ.പി.ടി. തോമസ്
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ വര്‍ഷം സംസ്ഥാനത്ത് കുളമ്പുരോഗം ബാധിച്ച കന്നുകാലികളുടെ എണ്ണം ജില്ലതിരിച്ച് വ്യക്തമാക്കാമോ;

(ബി)	ഇതുമൂലം മരണം സംഭവിച്ച കന്നുകാലികളുടെ എണ്ണം ജില്ലതിരിച്ച് വ്യക്തമാക്കാമോ;

(സി)	ഇതുമായി ബന്ധപ്പെട്ട് ക്ഷീരകര്‍ഷകര്‍ക്ക് നല്‍കിയ സാമ്പത്തിക സഹായം എത്രയെന്ന് ജില്ലതിരിച്ച് വിശദമാക്കാമോ;

(ഡി)	കുളമ്പുരോഗം പടര്‍ന്നു പിടിക്കാതിരിക്കാന്‍ സര്‍ക്കാര്‍ സ്വീകരിച്ചു കൊണ്ടിരിക്കുന്ന നടപടികള്‍ വിശദമാക്കാമോ?

പ്രളയത്തില്‍ നഷ്ടപ്പെട്ട കന്നുകാലികളുടെ കണക്ക്

914.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലുണ്ടായ മഹാപ്രളയത്തില്‍ നഷ്ടപ്പെട്ട കന്നുകാലികളുടെ കണക്ക് ലഭ്യമായിട്ടുണ്ടോ; വിശദാംശം നല്‍കാമോ;

(ബി)	ഇതിന്റെ ഭാഗമായി ജീവിതമാര്‍ഗ്ഗം നഷ്ടപ്പെട്ടവര്‍ക്ക് സഹായം നല്‍കുന്നതിന് നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?

പ്രളയത്തില്‍ കന്നുകാലികള്‍ നഷ്ടപ്പെട്ടവര്‍ക്ക് സഹായം

915.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രളയത്തില്‍ എത്ര കന്നുകാലികളുടെ ജീവന്‍ നഷ്ടപ്പെട്ടിട്ടുണ്ട്;

(ബി)	കന്നുകാലികള്‍ നഷ്ടപ്പെട്ട ഉടമസ്ഥര്‍ക്ക് സഹായം ലഭ്യമാക്കുന്നതിനായി എന്തൊക്കെ നടപടികളാണ് സ്വീകരിച്ചിട്ടുളളത്;വിശദാംശം ലഭ്യമാക്കാമോ?

കന്നുകാലികള്‍ക്കും കര്‍ഷകര്‍ക്കുമുള്ള ഇന്‍ഷ്വറന്‍സ് പദ്ധതികള്‍

916.

(എ)	കന്നുകാലികള്‍ക്കും കര്‍ഷകര്‍ക്കും സുരക്ഷ ഉറപ്പാക്കുന്നതിനുള്ള ഇന്‍ഷ്വറന്‍സ് പദ്ധതികള്‍ ഏതെല്ലാമാണെന്ന് അറിയിക്കാമോ ;

(ബി)	പ്രസ്തുത പദ്ധതികള്‍ സംബന്ധിച്ച വിശദാംശങ്ങള്‍ ലഭ്യമാക്കാമോ ;

(സി)	സാമ്പത്തികമായി പിന്നോക്കം നില്‍ക്കുന്ന കര്‍ഷകരുടെ ഇന്‍ഷ്വറന്‍സ് പ്രിമിയം തുക സര്‍ക്കാര്‍ വഹിക്കുന്നതിനുള്ള നടപടികള്‍ സ്വീകരിക്കുമോയെന്ന് വിശദമാക്കുമോ?

കോഴിക്കര്‍ഷകരുടെ സംരക്ഷണം

917.

(എ)	സംസ്ഥാനത്തെ കോഴിക്കര്‍ഷകരുടെ സംരക്ഷണത്തിനായി എന്ത് നടപടികള്‍ സ്വീകരിച്ചുവരുന്നുവെന്ന് വ്യക്തമാക്കുമോ ;

(ബി)	സംസ്ഥാനത്തെ കോഴിക്കര്‍ഷകരെയും ഉപഭോക്താക്കളെയും ഇതര സംസ്ഥാന ലോബികള്‍ ചൂഷണം ചെയ്യ‍ുന്നതും കോഴി ഇറച്ചി വില ക്രമാതീതമായി വര്‍ദ്ധിപ്പിക്കേണ്ട സാഹചര്യം ഉണ്ടാക്കുന്നതും ശ്രദ്ധയില്‍പ്പെട്ടുവോയെന്നും ഇത് തടയുവാന്‍ സ്വീകരിച്ചുവരുന്ന നടപടികള്‍ എന്ത് എന്നും വ്യക്തമാക്കുമോ ;

(സി)	സംസ്ഥാനത്ത് ദൈനംദിനം ആവശ്യം വേണ്ടുന്ന കോഴി ഇറച്ചി എത്രയെന്നും ഇതില്‍ സംസ്ഥാന ഉത്പാദനം എത്രയെന്നും മറ്റു സംസ്ഥാനങ്ങളെ ആശ്രയിക്കേണ്ടിവരുന്ന അളവ് എത്രയെന്നും വ്യക്തമാക്കുമോ ;

(ഡി)	അന്യസംസ്ഥാന ലോബികളുടെ ചൂഷണം തടയുവാനും ഇറച്ചിവില നിയന്ത്രണത്തിലാക്കാനുമായി ആരംഭിച്ച കേരള ചിക്കന്‍ സംബന്ധിച്ച പ്രവര്‍ത്തനം എന്തെല്ലാം എന്നും ഇതുവഴി കോഴിക്കര്‍ഷകര്‍ക്കും ഉപഭോക്താക്കള്‍ക്കും ലഭ്യമാകുന്ന നേട്ടങ്ങള്‍ എന്തെല്ലാം എന്നും വ്യക്തമാക്കുമോ ?

കൂടല്ലൂരിൽ മൃഗസംരക്ഷണ വകുപ്പിന്റെ സബ് സെന്റർ

918.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കടുത്തുരുത്തി നിയോജക മണ്ഡലത്തിലെ കിടങ്ങൂര്‍ പഞ്ചായത്തിലെ കൂടല്ലൂരിൽ മൃഗസംരക്ഷണ വകുപ്പിന്റെ സബ് സെന്റർ സ്ഥാപിക്കുന്നതിന്റെ പുരോഗതി വ്യക്തമാക്കാമോ ;

(ബി)	ജില്ലാ മൃഗസംരക്ഷണ വകുപ്പ് മേധാവിയുടെ ശുപാര്‍ശയില്‍ 17/9/2018-ല്‍ മൃഗസംരക്ഷണ വകുപ്പ് ഡയറക്ടര്‍ക്ക് അയച്ച പ്രൊപ്പോസലിന്റെ ഇപ്പോഴത്തെ അവസ്ഥ വ്യക്തമാക്കാമോ; ഡയറക്ടറേറ്റിലെ ഫയല്‍ നമ്പര്‍ അറിയിക്കാമോ ;

(സി)	ഈ പ്രൊപ്പോസല്‍ സര്‍ക്കാരിന്റെ പരിഗണനയ്ക്ക് അയച്ചിട്ടുണ്ടോ; ആയതിന്റെ സെക്രട്ടേറിയറ്റ് ഫയല്‍ നമ്പര്‍ അറിയിക്കാമോ?

വാണിയംകുളം കന്നുകാലി ചന്തയുടെ നവീകരണം

919.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഷൊര്‍ണ്ണൂര്‍ നിയോജക മണ്ഡലത്തിലെ വാണിയംകുളം കന്നുകാലി ചന്തയുടെ നവീകരണ പ്രവൃത്തികളുടെ നിലവിലെ സ്ഥിതി വ്യക്തമാക്കാമോ?

(ബി)	പ്രസ്തുത പ്രവൃത്തികൾ ആരംഭിക്കുന്നതിനുള്ള സത്വര നടപടികള്‍ സ്വീകരിക്കുമോ എന്നറിയിക്കാമോ?

നാട്ടാനകളെ സംബന്ധിച്ച കേന്ദ്ര വനം മന്ത്രാലയത്തിന്റെ നിര്‍ദ്ദേശങ്ങള്‍

920.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നാട്ടാനകളുടെ ഉടമസ്ഥാവകാശം സംബന്ധിച്ച തര്‍ക്കത്തില്‍ സുപ്രീംകോടതി അംഗീകരിച്ച കേന്ദ്ര വനം മന്ത്രാലയത്തിന്റെ 12 ഇന നിര്‍ദ്ദേശങ്ങള്‍ സംസ്ഥാനത്ത് പ്രാവര്‍ത്തികമാക്കുന്നതിന് നടപടി സ്വീകരിച്ചിട്ടുണ്ടോ;

(ബി)	ഇതുപ്രകാരം നാട്ടാനകളെ പാര്‍പ്പിക്കുവാന്‍ നിലവിലുള്ളതിനെക്കാള്‍ എത്ര ഏക്കര്‍ സ്ഥലം ആവശ്യമായി വരുമെന്ന് വ്യക്തമാക്കുമോ;

(സി)	ഗുരുവായൂര്‍, കൊച്ചി, തിരുവിതാംകൂര്‍ ദേവസ്വം ബോര്‍ഡുകള്‍ക്ക് പ്രസ്തുത നിര്‍ദ്ദേശം നടപ്പിലാക്കുവാന്‍ കൂടുതല്‍ സ്ഥലം കണ്ടെത്തുവാന്‍ നിര്‍ദ്ദേശം നല്‍കിയിട്ടുണ്ടോ എന്നറിയിക്കാമോ?

കടുത്തുരുത്തി വെറ്ററിനറി പോളീ ക്ലിനിക്

921.

(എ)	കടുത്തുരുത്തി വെറ്ററിനറി പോളീക്ലിനിക്കിന്റെ സുഗമമായ പ്രവര്‍ത്തനത്തിന് 2013ല്‍ മൃഗസംരക്ഷണ വകുപ്പ് ഡയറക്ടര്‍ സമര്‍പ്പിച്ച പ്രൊപ്പോസല്‍ നടപ്പാകാതെ പോയതിനാല്‍ ഈ സര്‍ക്കാര്‍ അധികാരത്തില്‍ വന്നതിനുശേഷം പുതിയ പ്രൊപ്പോസല്‍ തയ്യാറാക്കിയിട്ടുണ്ടോ;

(ബി)	ഇല്ലയെങ്കില്‍ കാരണം വ്യക്തമാക്കാമോ; പുതിയ പ്രൊപ്പോസലിന് വേണ്ട നടപടി സ്വീകരിക്കുമോ;വ്യക്തമാക്കുമോ?

കരുനാഗപ്പള്ളിയിലെ മൃഗാശുപത്രികളില്‍ തെരുവുനായ്ക്കളുടെ വന്ധ്യംകരണം

922.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തെരുവ് നായ്ക്കളുടെ വംശ വര്‍ദ്ധനവ് നിയന്ത്രിക്കുന്നതിന് വേണ്ടി നടപ്പിലാക്കിവരുന്ന എ.ബി.സി. പദ്ധതി പ്രകാരം നായ്ക്കളുടെ വന്ധ്യംകരണം നടത്തുന്നതിന് കരുനാഗപ്പള്ളി താലൂക്കിലെ ഏതെല്ലാം മൃഗാശുപത്രികളില്‍ സൗകര്യമുണ്ടെന്ന് വിശദീകരിക്കുമോ;

(ബി)	പ്രസ്തുത ആശുപത്രികളില്‍ 2018 ജനവരി 1 മുതല്‍ ഒക്ടോബര്‍ 31 വരെയുള്ള കാലയളവില്‍ എത്ര നായ്ക്കളുടെ വന്ധ്യംകരണം നടത്തിയിട്ടുണ്ടെന്ന് വിശദീകരിക്കുമോ;

(സി)	പ്രസ്തുത ആശുപത്രികളില്‍ ഈ പദ്ധതി നടപ്പിലാക്കുന്നതിനായി എത്ര രൂപ അനുവദിച്ചുവെന്നും എന്തു തുക വിനിയോഗിച്ചുവെന്നും വിശദീകരിക്കുമോ?

ലിഡ ജേക്കബ് കമ്മീഷന്‍ റിപ്പോര്‍ട്ട്

923.

(എ)	ക്ഷീരമേഖലയിലെ പ്രശ്നങ്ങള്‍ പരിഹരിക്കുന്നതിന് നിയോഗിച്ച ലിഡ ജേക്കബ് കമ്മീഷന്‍ റിപ്പോര്‍ട്ട് ലഭിച്ചിട്ടുണ്ടോ; ആയതിന്റെ വിശദാംശങ്ങള്‍ നല്‍കുമോ;

(ബി)	പ്രസ്തുത റിപ്പോര്‍ട്ടില്‍ മില്‍മ ഉടച്ചുവാര്‍ക്കണമെന്ന് നിര്‍ദ്ദേശമുണ്ടോ; ക്ഷീരമേഖലയിലെ പ്രശ്നങ്ങള്‍ക്ക് എന്തെല്ലാം പരിഹാരമാണ് കമ്മീഷന്‍ നിര്‍ദ്ദേശിച്ചിരിക്കുന്നത്;

(സി)	ഇതിന്റെ അടിസ്ഥാനത്തില്‍ മേഖല യൂണിയനുകളും തെരഞ്ഞെടുപ്പും ഭരണവും ഏത് രീതിയിലായിരിക്കണമെന്നാണ് വിവക്ഷിക്കുന്നത്;വ്യക്തമാക്കുമോ?

പ്രളയ നഷ്ടത്തില്‍ നിന്നും ക്ഷീര മേഖലയുടെ പുനരുജ്ജീവനം

924.

(എ)	2018-ലെ പ്രളയത്തില്‍ ക്ഷീര മേഖലയ്ക്ക് എത്ര കോടി രൂപയുടെ നാശനഷ്ടം ഉണ്ടായിട്ടുണ്ട് എന്നാണ് കണക്കാക്കിയിട്ടുള്ളത്;

(ബി)	പ്രളയത്തില്‍ എത്ര പശുക്കളും എരുമകളും മരണപ്പെട്ടിട്ടുണ്ട്;

(സി)	ഇത് മൂലം പാലുല്‍പ്പാദനത്തില്‍ എത്ര ലിറ്ററിന്റെ കുറവുണ്ടാകുമെന്നാണ് കണക്കാക്കിയിട്ടുള്ളത്;

(ഡി)	പ്രളയ നാശനഷ്ടത്തില്‍ നിന്നും ക്ഷീര മേഖലയെ പുനരുജ്ജീവിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദാംശം വ്യക്തമാക്കുമോ?

ക്ഷീരകര്‍ഷക സാമ്പത്തിക സഹായം സംബന്ധിച്ച കേന്ദ്ര തീരുമാനം

925.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തനത് ഇനങ്ങളിലുള്ള കന്നുകാലികളുടെ സംരക്ഷണത്തിനും, വികസനത്തിനും മാത്രമേ കേന്ദ്ര സാമ്പത്തിക സഹായം ലഭിക്കുകയുള്ളുവെന്ന് കേന്ദ്ര മൃഗസംരക്ഷണ വകുപ്പ് അറിയിച്ചിട്ടുണ്ടോ;

(ബി)	സംസ്ഥാനത്തെ ഏതൊക്കെ ഇനം കന്നുകാലികളെയാണ് തനത് വിഭാഗമായി കണക്കാക്കുന്നത്;

(സി)	കേന്ദ്ര മൃഗസംരക്ഷണ വകുപ്പിന്റെ ഈ തീരുമാനം സംസ്ഥാനത്തെ ക്ഷീരകര്‍ഷകര്‍ക്ക് തിരിച്ചടിയായിട്ടുണ്ടോ; എങ്കില്‍ ഇക്കാര്യത്തില്‍ എന്ത് നടപടിയാണ് സംസ്ഥാന സര്‍ക്കാര്‍ സ്വീകരിക്കുവാന്‍ ഉദ്ദേശിക്കുന്നത് എന്നറിയിക്കാമോ?

പാല്‍ ഉല്‍പ്പാദനത്തില്‍ സ്വയം പര്യാപ്തത

926.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പാല്‍ ഉല്‍പ്പാദനത്തില്‍ സ്വയം പര്യാപ്തത എന്ന ലക്ഷ്യം വച്ചുകൊണ്ട് ഏതെങ്കിലും പദ്ധതികള്‍ നടപ്പിലാക്കിയിട്ടുണ്ടോ;

(ബി)	എങ്കില്‍ ഈ പദ്ധതിയുടെ വിശദാംശങ്ങള്‍ ലഭ്യമാക്കാമോ;

(സി)	ക്ഷീര സംഘങ്ങളുടെ പ്രവര്‍ത്തനം വിപുലീകരിക്കുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണ്; വിശദമാക്കുമോ?

ക്ഷീരോല്പാദന മേഖലയില്‍ സ്വയം പര്യാപ്തത

927.

ശ്രീ.കെ.ഡി. പ്രസേനന്‍
,, യു. ആര്‍. പ്രദീപ്
,, ഐ.ബി. സതീഷ്
ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ഷീരോല്പാദന മേഖലയില്‍ സ്വയം പര്യാപ്തത കെെവരിക്കുന്നതിന് ആവിഷ്ക്കരിച്ചിട്ടുള്ള പദ്ധതികള്‍ എന്തൊക്കെയാണ്;

(ബി)	മികച്ച പാലുല്പാദക സംസ്ഥാനമെന്ന ദേശീയ ബഹുമതി കേരളത്തിന് ലഭിച്ചിട്ടുണ്ടോ; വിശദാംശം നല്‍കുമോ;

(സി)	ക്ഷീര സഹകരണ സംഘങ്ങളുടെ ശാക്തീകരണത്തിനായി ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ഡി)	അന്യസംസ്ഥാനങ്ങളില്‍ നിന്നും കൃത്രിമപാല്‍ എത്തുന്നുണ്ടെന്ന പരാതി ഉയരുന്ന സാഹചര്യത്തില്‍ ഇത് പരിശോധിക്കുന്നതിനുള്ള ചെക്ക്പോസ്റ്റുകള്‍ സംസ്ഥാനത്ത് എവിടെയെല്ലാമാണ് സ്ഥാപിച്ചിട്ടുള്ളതെന്ന് അറിയിക്കാമോ?

മായം കലര്‍ന്ന ഇതര സംസ്ഥാന പാലിന്റെ പരിശോധന

928.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മായം കലര്‍ന്ന പാല്‍ സംസ്ഥാനാതിര്‍ത്തി കടന്ന് ഇപ്പോഴും എത്തുന്നു എന്ന വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

(ബി)	ചെക്ക് പോസ്റ്റുകളില്‍ പാല്‍ പരിശോധിക്കുന്നതിന് ഏര്‍പ്പെടുത്തിയിട്ടുള്ള സംവിധാനം എന്താണെന്നും അതിനായി പുതിയ തസ്തികകള്‍ സൃഷ്ടിച്ചിട്ടുണ്ടോയെന്നും അറിയിക്കുമോ;

(സി)	മായം കലര്‍ന്ന പാല്‍ പരിശോധിക്കുന്നതിനുള്ള അവകാശം നിലവില്‍ ക്ഷീര വികസന വകുപ്പിനുണ്ടോ; ഇല്ലെങ്കില്‍ പ്രസ്തുത അധികാരം വകുപ്പിന് നല്‍കണമെന്ന് ആവശ്യപ്പെട്ടിട്ടുണ്ടോ; വ്യക്തമാക്കുമോ?

പാലിന്റെ ഗുണനിലവാരവും സ്വയംപര്യാപ്തതയും

929.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇതരസംസ്ഥാനങ്ങളില്‍ നിന്ന് കൊണ്ടുവരുന്ന പാലിന്റെ ഗുണനിലവാരം പരിശോധിക്കാന്‍ എന്തെല്ലാം സംവിധാനങ്ങളാണ് ഏര്‍പ്പെടുത്തിയിരിക്കുന്നതെന്ന് വ്യക്തമാക്കുമോ;

(ബി)	പാലുല്‍പ്പാദനത്തില്‍ സ്വയംപര്യാപ്തത നേടുന്നതിന്എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കുമോ?

ഇതരസംസ്ഥാന പാലിന്റെ ഗുണനിലവാര പരിശോധന

930.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അന്യസംസ്ഥാനങ്ങളില്‍ നിന്നും കേരളത്തില്‍ എത്തുന്ന പാലിന്റെ ഗുണനിലവാരം പരിശോധിക്കുന്നതിന് ഏതെല്ലാം ചെക്ക് പോസ്റ്റുകളിലാണ് ലാബുകള്‍ സജ്ജീകരിച്ചിട്ടുള്ളത്;

(ബി)	എല്ലാ ചെക്ക് പോസ്റ്റുകളിലും അന്യസംസ്ഥാനത്തു നിന്നും വരുന്ന പാല്‍ പരിശോധിക്കുന്നതിനായുളള സംവിധാനം നിലവിലുണ്ടോ;ഇല്ലെങ്കില്‍ എങ്ങനെയാണ് ഇവയുടെ ഗുണനിലവാരം ഉറപ്പുവരുത്തുന്നത്; വിശദാംശം ലഭ്യമാക്കുമോ;

(സി)	ഇപ്രകാരം ഗുണനിലവാരമില്ലെന്ന് കണ്ടെത്തുന്ന പാല്‍ വിപണനം നടത്തുന്നത് തടയുന്നതിനുള്ള സംവിധാനങ്ങള്‍ എന്തൊക്കെയാണെന്ന് വിശദമാക്കുമോ?

കോഴിക്കോട് മില്‍മ ഡയറി പ്ലാന്റ് വിപുലീകരണം

931.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് മില്‍മ ഡയറി പ്ലാന്റിന്റെ വിപുലീകരണത്തിന് ഭൂമി ഏറ്റെടുക്കുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	D2/69/2016/DDD നമ്പര്‍ ഫയലിന്‍മേല്‍ എടുത്ത നടപടിക്രമങ്ങള്‍ വ്യക്തമാക്കാമോ?

ക്ഷീര കർഷക ആനുകൂല്യങ്ങൾ

932.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാലിത്തീറ്റ വിലയിലുണ്ടായിട്ടുള്ള വമ്പിച്ച വര്‍ദ്ധന ക്ഷീര കര്‍ഷകരെ പ്രതിസന്ധിയിലാക്കിയിട്ടുണ്ടോ;

(ബി)	കാലിത്തീറ്റ വിലവര്‍ദ്ധനവിന് ആനുപാതികമായി മില്‍മ ക്ഷീര കര്‍ഷകര്‍ക്ക് പാല്‍ വില കൂട്ടിക്കൊടുക്കുന്നതിന് ഉദ്ദേശിക്കുന്നുണ്ടോ;

(സി)	തമിഴ്‍നാട്ടില്‍ നിന്നും രണ്ട് ലക്ഷം രൂപക്ക് അഞ്ച് ഗര്‍ഭിണി പശുക്കളെ വാങ്ങിയാല്‍ അതിന് ക്ഷീര വികസന വകുപ്പ് സബ്സിഡി നല്‍കുന്ന പദ്ധതിയുണ്ടോ;ഉണ്ടെങ്കില്‍ എന്ത് തുകയാണ് സബ്സിഡിയായി അനുവദിക്കുന്നത്;

(ഡി)	പ്രസ്തുത പദ്ധതി ദുരുപയോഗം ചെയ്യുന്നുവെന്ന ആരോപണം അന്വേഷിച്ചിട്ടുണ്ടോ എന്ന് വെളിപ്പെടുത്താമോ?

പ്രളയം മൂലം ക്ഷീരമേഖലയ്ക്കുണ്ടായ ആഘാതം

933.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഈ വര്‍ഷമുണ്ടായ പ്രളയം ക്ഷീരമേഖലയെ എപ്രകാരം ബാധിച്ചുവെന്ന് വ്യക്തമാക്കുമോ;

(ബി)	പ്രളയത്തില്‍ കന്നുകാലികള്‍ നഷ്ടപ്പെട്ട കര്‍ഷകര്‍ക്ക് എന്തൊക്കെ ധനസഹായമാണ് ഇതിനകം നല്‍കിയത്;

(സി)	പ്രളയമേഖലയില്‍ പൊതു കന്നുകാലി പരിപാലന കേന്ദ്രം സ്ഥാപിക്കുന്നത് പരിഗണനയിലുണ്ടോ; വിശദാംശം നല്‍കുമോ;

(ഡി)	ക്ഷീരമേഖലയില്‍ സ്വയം പര്യാപ്തത നേടുന്നതിനുള്ള സര്‍ക്കാര്‍ പരിശ്രമങ്ങളെ പ്രളയം എത്രമാത്രം പിന്നോട്ടടിച്ചുവെന്ന് വ്യക്തമാക്കുമോ?

ക്ഷീരകര്‍ഷകര്‍ക്ക് നല്‍കിവരുന്ന സഹായങ്ങള്‍ക്ക് കേന്ദ്ര നിയന്ത്രണം

934.

ശ്രീ.കെ.എന്‍.എ ഖാദര്‍
,, മഞ്ഞളാംകുഴി അലി
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പാല്‍ ഉല്‍പാദനത്തില്‍ പ്രധാന പങ്കുവഹിക്കുന്ന സങ്കരയിനം കന്നുകാലികളെ വളര്‍ത്തുന്ന ക്ഷീരകര്‍ഷകര്‍ക്ക് നല്‍കിവരുന്ന സഹായങ്ങള്‍ക്ക് നിയന്ത്രണങ്ങള്‍ ഏര്‍പ്പെടുത്തുവാന്‍ കേന്ദ്ര സർക്കാർ തീരുമാനിച്ചതായി സംസ്ഥാന സര്‍ക്കാരിനെ അറിയിച്ചിട്ടുണ്ടോ;

(ബി)	സംസ്ഥാനത്ത് ഉല്‍പാദിപ്പിക്കുന്ന പാലില്‍ എത്രശതമാനമാണ് സങ്കരയിനം പശുക്കളിലൂടെ ലഭിക്കുന്നതെന്ന് വ്യക്തമാക്കുമോ;

(സി)	കേന്ദ്ര സഹായം തനതു കന്നുകാലികള്‍ക്ക് മാത്രമായി നിജപ്പെടുത്തുന്നത് തടയുന്നതിന് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വിശദീകരിക്കാമോ?

പ്രളയത്തില്‍ അങ്കമാലിയിലെ ക്ഷീരകര്‍ഷകര്‍ക്കുണ്ടായ നഷ്ടം

935.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അങ്കമാലി നിയോജക മണ്ഡലത്തില്‍ ഇക്കഴിഞ്ഞ പ്രളയത്തില്‍ ക്ഷീരകര്‍ഷകര്‍ക്ക് ഉണ്ടായ നാശനഷ്ടം കണക്കാക്കിയിട്ടുണ്ടോ; ഉണ്ടെങ്കില്‍ മണ്ഡലത്തിലെ ഗ്രാമപഞ്ചായത്തുകള്‍ തിരിച്ചുള്ള പേര് വിവരം ലഭ്യമാക്കാമോ;

(ബി)	മണ്ഡലത്തിലെ ക്ഷീരകര്‍ഷകര്‍ക്കുണ്ടായ നഷ്ടം നികത്തുന്നതിന് സ്വീകരിച്ച നടപടികള്‍ വ്യക്തമാക്കാമോ;

(സി)	നാളിതുവരെയായി എത്രപേര്‍ക്ക് നഷ്ടപരിഹാര തുക നല്‍കിയെന്നും ഇനി എത്രപേര്‍ക്ക് നല്‍കാനുണ്ടെന്നും വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.