14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >13th Session>Unstarred questions Answers

Answer Provided

Answer Not Yet Provided

FOURTEENTH KLA - 13th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വിഴിഞ്ഞം തുറമുഖ നിര്‍മ്മാണം

386.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം അന്താരാഷ്ട്ര തുറമുഖത്തിന്റെ നിര്‍മ്മാണ പ്രവര്‍ത്തനം വിലയിരുത്തിയിട്ടുണ്ടോ; പദ്ധതി ഉദ്ഘാടനവേളയില്‍ പ്രഖ്യാപിച്ച തീയതിക്ക് തന്നെ തുറമുഖം പ്രവര്‍ത്തന ക്ഷമമാക്കുന്നതിന് നിലവിലത്തെ സാഹചര്യത്തില്‍ സാധിക്കുമോ;

(ബി)	തുറമുഖ നിര്‍മ്മാണത്തിന്റെ ഭാഗമായിട്ടുള്ള പുലിമുട്ട് നിര്‍മ്മാണത്തിന് ആവശ്യമായ പാറ ലഭ്യമാക്കിയിട്ടുണ്ടോ; അതിനുള്ള നടപടികള്‍ ഏത് ഘട്ടത്തിലാണ് ;

(സി)	പ്രസ്തുത പുലിമുട്ട് നിര്‍മ്മിക്കുന്നതിന് തുറമുഖ കമ്പനി ഏത് ഏജന്‍സിയെ ആണ് ചുമതലപ്പെടുത്തിയിട്ടുള്ളത് ;

(ഡി)	ഓഖി ദുരന്തവും പ്രളയദുരന്തവും ഈ പദ്ധതിയെ എപ്രകാരമാണ് ബാധിച്ചത് ;

(ഇ)	നിയമതടസ്സങ്ങളും പാരിസ്ഥിതിക പ്രശ്നങ്ങളും അടിയന്തരമായി പരിഹരിച്ച് പുലിമുട്ട് നിര്‍മ്മാണത്തിലുണ്ടായിട്ടുള്ള അനിശ്ചിതാവസ്ഥ പരിഹരിക്കുന്നതിന് നടപടി സ്വീകരിക്കുമോ?

വിഴിഞ്ഞം പദ്ധതി നടപ്പിലാക്കുന്നതിലെ കാലതാമസം

387.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം പദ്ധതി നടപ്പിലാക്കുന്നതില്‍ കാലതാമസം വരുന്നതിന്റെ കാരണമെന്തെന്ന് വിശദമാക്കുമോ;

(ബി)	ഒന്നാംഘട്ട പദ്ധതിയില്‍ നിര്‍ദ്ദേശിയ്ക്കപ്പെട്ടിരുന്ന പ്രവൃത്തികള്‍ പൂര്‍ത്തിയാക്കാതെ താമസം വരുത്തിയതിന് സര്‍ക്കാര്‍ നഷ്ടപരിഹാരം ഈടാക്കിയിട്ടുണ്ടോ; എങ്കില്‍ എത്ര തുക നഷ്ടപരിഹാരമായി ലഭിച്ചു; വിശദമാക്കുമോ;

(സി)	ഒന്നാംഘട്ട പദ്ധതിയില്‍ ഇനി ഏതൊക്കെ പ്രവൃത്തികളാണ് പൂര്‍ത്തീകരിയ്ക്കുവാന്‍ ഉള്ളത്; വിശദമാക്കുമോ;

(ഡി)	തദ്ദേശീയര്‍ക്ക് ജോലി നല്‍കണമെന്ന വ്യവസ്ഥ പാലിയ്ക്കപ്പെട്ടിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ?

നോണ്‍ മേജര്‍ തുറമുഖങ്ങളുടെ വികസനം

388.

ശ്രീ.ജോണ്‍ ഫെര്‍ണാണ്ടസ്
,, എം. മുകേഷ്
,, എ.എം. ആരിഫ്
,, റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വാഹനപ്പെരുപ്പം മൂലമുണ്ടാകുന്ന വിവിധ പ്രശ്നങ്ങള്‍ കണക്കിലെടുത്തും ചെലവു കുറവു പരിഗണിച്ചും സംസ്ഥാനത്തെ വിവിധ തുറമുഖങ്ങള്‍ വഴിയുളള ചരക്കു കടത്ത് പ്രോത്സാഹിപ്പിക്കുന്നതിനുളള പദ്ധതിയും അതിനു നല്‍കി വരുന്ന ഇളവുകളും എന്തെല്ലാമാണെന്ന് അറിയിക്കാമോ;

(ബി)	ഈ ലക്ഷ്യത്തോടെ സംസ്ഥാനത്തെ നോണ്‍ മേജര്‍ തുറമുഖങ്ങള്‍ വികസിപ്പിക്കാനായി നടത്തിവരുന്ന പ്രവൃത്തിയുടെ പുരോഗതി അറിയിക്കാമോ;

(സി)	കൊളംബോയില്‍ നിന്ന് കൊല്ലത്തേക്ക് കാര്‍ഗോ സര്‍വ്വീസ് തുടങ്ങാന്‍ സര്‍ക്കാര്‍ തലത്തില്‍ നല്‍കിവരുന്ന പ്രോത്സാഹനങ്ങള്‍ എന്തെല്ലാമാണ്;

(ഡി)	ആഫ്രിക്കന്‍ രാജ്യങ്ങളില്‍ നിന്നുളള തോട്ടണ്ടി ഇറക്കുമതി കൊല്ലം തുറമുഖം വഴിയാക്കുന്നതിനുളള തടസ്സം എന്തെല്ലാമാണെന്ന് അറിയിക്കാമോ?

ചരിത്ര സ്മാരകം ഏറ്റെടുക്കല്‍

389.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ചരിത്ര സ്മാരകമായ മട്ടാഞ്ചേരിയിലെ കറുത്ത ജൂതപ്പള്ളിയും സ്ഥലവും ഏറ്റെടുക്കുന്നതിനായി പുരാവസ്തു വകുപ്പ് സ്വീകരിച്ചിട്ടുള്ള നടപടികള്‍ വിശദമാക്കാമോ ;

(ബി)	ഇതിനായി സാംസ്കാരിക വകുപ്പ് തുക അനുവദിച്ചിട്ടുണ്ടോ ;

(സി)	അനുവദിച്ച തുക എത്രയെന്നും പ്രസ്തുത ഉത്തരവിന്റെ പകര്‍പ്പും ലഭ്യമാക്കാമോ?

കാട്ടാക്കട മണ്ഡലത്തിലെ പുരാവസ‍്തു വകുപ്പിന്റെ സംരക്ഷണ പ്രവര്‍ത്തനങ്ങൾ

390.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാക്കട മണ്ഡലത്തിൽ ഉൾപ്പെടുന്ന മാറനല്ലൂര്‍ പഞ്ചായത്തിലെ അരുവിക്കര ക്ഷേത്രത്തിന്റെ സംരക്ഷണത്തിനായി പുരാവസ‍്തു വകുപ്പ് നടത്തി വരുന്ന പ്രവര്‍ത്തനങ്ങളുടെ പുരോഗതി വിശദമാക്കാമോ;

(ബി)	പ്രസ്തുത മണ്ഡലത്തിലെ കുണ്ടമണ്‍കടവ് പാലം ചരിത്രസ‍്മാരകമായി സംരക്ഷിക്കുന്നതിനുള്ള നിര്‍ദ്ദേശം പരിഗണനയിലുണ്ടോ; എങ്കിൽ ആയതിന്റെ നടപടികള്‍ എന്തായെന്ന് വിശദമാക്കാമോ?

ആറ്റിങ്ങല്‍ കൊട്ടാരം

391.

ശ്രീ.ബി.സത്യന്‍ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

ചരിത്ര പ്രസിദ്ധമായ ആറ്റിങ്ങല്‍ കൊട്ടാരം സംരക്ഷിക്കാന്‍ സ്വീകരിച്ച നടപടി വിശദമാക്കുമോ?

ടിപ്പുവിന്റെ കോട്ട

392.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ ഫറോക്കിലുള്ള ടിപ്പുവിന്റെ കോട്ടയുടെ അവശേഷിക്കുന്ന ഭാഗം ചരിത്ര സ്മാരകമായി സംരക്ഷിക്കുന്നതിനുള്ള എന്തെങ്കിലും നടപടികള്‍ സ്വീകരിച്ചിട്ടുണ്ടോ; ഇല്ലെങ്കില്‍ സ്വീകരിക്കുമോ;

(ബി)	ഈ സ്മാരകം സ്ഥിതി ചെയ്യുന്ന ഭൂമിയുടെ ഉടമസ്ഥാവകാശം സ്വകാര്യ വ്യക്തികളിലാണോ; എങ്കില്‍ ഇത് ഏറ്റെടുക്കാന്‍ നടപടി സ്വീകരിക്കുമോ?

നിലമ്പൂര്‍ ഡി.എഫ്.ഒ ബംഗ്ലാവിന്റെ സംരക്ഷണം

393.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വനം വകുപ്പിന്റെ കീഴിലുള്ള നിലമ്പൂര്‍ ഡി.എഫ്.ഒ ബംഗ്ലാവ് പുരാവസ്തു സംരക്ഷണ വകുപ്പ് ഏറ്റെടുക്കുമോ;

(ബി)	ജീര്‍ണ്ണാവസ്ഥയിലായ പ്രസ്തുത കെട്ടിടം നവീകരിച്ച് സഞ്ചാരികള്‍ക്ക് സന്ദര്‍ശനം അനുവദിക്കുമോ;

(സി)	ഇത് ചരിത്ര സ്മാരകമായി നിലനിര്‍ത്തുന്നതിന് സ്വീകരിക്കേണ്ട നടപടികള്‍ എന്തൊക്കെയാണ്; വിശദമാക്കാമോ?

Website maintained by Information System Section, Kerala Legislative Assembly, Thiruvananthapuram.