14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >13th Session>Unstarred questions Answers

Answer Provided

Answer Not Yet Provided

FOURTEENTH KLA - 13th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വാടക കെട്ടിടത്തിലെ ഓഫീസുകള്‍

4110.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ വകുപ്പുകളുടെ എത്ര ഓഫീസുകള്‍ വാടക കെട്ടിടത്തില്‍ പ്രവര്‍ത്തിക്കുന്നുണ്ടെന്ന് ധനകാര്യ വകുപ്പ് പരിശോധിച്ചിട്ടുണ്ടോ;എങ്കില്‍ വിശദാംശം വെളിപ്പെടുത്തുമോ;

(ബി)	ഒരു സാമ്പത്തിക വര്‍ഷം എത്ര തുക വാടകയിനത്തില്‍ ചെലവാക്കുന്നുണ്ടെന്ന് വിശദമാക്കുമോ?

നികുതി പിരിവിലെ കാര്യക്ഷമത വര്‍ദ്ധിപ്പിക്കല്‍

4111.

ശ്രീ.രാജു എബ്രഹാം
പ്രൊഫ.കെ.യു. അരുണന്‍
ശ്രീ.എന്‍. വിജയന്‍ പിള്ള
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

മുന്‍ എല്‍.ഡി.എഫ് സര്‍ക്കാരിന്റെ കാലത്ത് മൂലധന ചെലവ് ശരാശരി 34.70 ശതമാനം വളര്‍ച്ച രേഖപ്പെടുത്തിയത് മുന്‍ യു.ഡി.എഫ് സര്‍ക്കാരിന്റെ കാലത്ത് ശരാശരി 6.60 ശതമാനമായും അവസാന വര്‍ഷങ്ങളില്‍ വളര്‍ച്ച ന്യൂനമായിത്തീരുകയും ചെയ്തു. സംസ്ഥാനത്തിന്റെ വികസനത്തെ പിന്നോട്ടടിപ്പിച്ചതില്‍ നിന്നും കരകയറ്റാനായി നടത്തി വരുന്ന ശ്രമം വിശദമാക്കാമോ;

(ബി)	ജി.എസ്.ടി പ്രാബല്യത്തില്‍ വരുന്നതിന് മുമ്പ് സാധ്യമായതിന്റെ 75 ശതമാനത്തിനടുത്തു മാത്രം നികുതി സമാഹരിക്കാന്‍ കഴിഞ്ഞിരുന്നത് മെച്ചപ്പെടുത്താന്‍ സ്വീകരിച്ചിട്ടുളള നടപടികള്‍ അറിയിക്കാമോ;

(സി)	നികുതി പിരിവിലെ കാര്യക്ഷമത വര്‍ദ്ധിപ്പിക്കുന്നതിനും മാന്ദ്യപ്രതിരോധത്തിനും നടത്തി വരുന്ന പ്രവര്‍ത്തനങ്ങള്‍ വിശദമാക്കാമോ?

നികുതി പിരിവിലെ കാര്യക്ഷമത വര്‍ദ്ധിപ്പിക്കല്‍

4112.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2004, 2009 വര്‍ഷങ്ങളിലെ ശമ്പള പരിഷ്കരണങ്ങളില്‍ ഓഡിറ്റ് തടസ്സവാദം മൂലം ശമ്പളത്തില്‍ കുറവ് വന്നിട്ടുള്ള ജീവനക്കാര്‍ക്ക് റീ-ഓപ്ഷൻ സമര്‍പ്പിച്ച് അപാകത പരിഹരിക്കാന്‍ ഉത്തരവ് നല്‍കിയിട്ടുണ്ടോ; ഉണ്ടെങ്കില്‍ ഏത് ഉത്തരവിന്റെ അടിസ്ഥാനത്തിലാണ് ഇതിന് ജീവനക്കാര്‍ക്ക് അവസരം ലഭിച്ചത്;

(ബി)	ഈ ഉത്തരവ് ഇറക്കുന്നതിന് എന്തെല്ലാം കാര്യങ്ങളാണ് മാനദണ്ഡമായി എടുത്തിട്ടുള്ളത്;വിശദാംശം നല്‍കുമോ;

(സി)

തിരുവനന്തപുരം ജില്ലയിലെ പൂവച്ചല്‍ പഞ്ചായത്തിലെ കുഴക്കാട് എല്‍.പി സ്കൂള്‍ പ്രഥമ അധ്യാപകനായി വിരമിച്ച റ്റി. ക്രിസ്തു ദാസിന് അദ്ദേഹത്തിന്റെ എയ്ഡഡ് സ്കൂള്‍ സേവനകാലം ശമ്പള പരിഷ്കരണ വെയിറ്റേജിന് കണക്കാക്കിയതില്‍ ഉണ്ടായ ഓഡിറ്റ് തടസ്സവാദം മൂലം ഗ്രാറ്റുവിറ്റിയില്‍ 1,60,345/- രൂപ തടഞ്ഞു വയ്ക്കുകയും രണ്ട് ഇന്‍ക്രിമെന്റുകള്‍ നഷ്ടമാകുകയും ചെയ്ത സാഹചര്യം പരിഹരിക്കാന്‍ പ്രസ്തുത എയ്ഡഡ് സര്‍വ്വീസ് ഒഴിവാക്കി ഓപ്ഷന്‍ തീയതി 01.03.97- ല്‍ നിന്നും 01.07.97 ലേക്ക് മാറ്റി അപാകത പരിഹരിക്കുന്നതിന് അവസരം നല്‍കുമോ;

(ഡി)	1997-ലെ ശമ്പള പരിഷ്കരണത്തിന് ഇതേ ആഡിറ്റ് തടസ്സവാദം ഉണ്ടായ കേസ്സുകളില്‍ കോടതിയുടെ നിര്‍ദ്ദേശ പ്രകാരം ഓപ്ഷന്‍ തീയതി മാറ്റി നല്‍കാന്‍ അവസരം ലഭിച്ചവര്‍ക്ക് കിട്ടിയ അനുവാദം ക്രിസ്തുദാസിനും പരിഗണിക്കുമോ;

(ഇ)	ക്രിസ്തു ദാസിന്റെ ഇത് സംബന്ധിച്ച ഫയല്‍ നമ്പര്‍ E.7315173/Edu.A/Fin.എന്ത് തീരുമാനം എടുത്തിട്ടുണ്ടെന്ന് വ്യക്തമാക്കാമോ?

റീബില്‍ഡ് കേരള ഇനിഷിയേറ്റീവ്

4113.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

റീബില്‍ഡ് കേരള ഇനീഷേറ്റീവിന്റെ ഉപദേശക സമിതിയില്‍ ധനവകുപ്പിന് പ്രാതിനിധ്യം ഉണ്ടോ എന്ന് വ്യക്തമാക്കുമോ; കേരള പുനര്‍നിര്‍മ്മാണത്തിന് വിഭവ സമാഹരണം പ്രതിസന്ധിയിലായ സാഹചര്യമുണ്ടായിട്ടും ധനമന്ത്രിയെ പ്രസ്തുത സമിതിയില്‍ ഉള്‍പ്പെടുത്താതിരുന്നതിന്റെ കാരണമെന്താണെന്ന് ധനവകുപ്പിനെ അറിയിച്ചിട്ടുണ്ടോ വിശദമാക്കാമോ?

റീബില്‍ഡ് കേരള ഇനിഷിയേറ്റീവിന്റെ ഉപദേശക സമിതി

4114.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

റീബില്‍ഡ് കേരള ഇനിഷിയേറ്റീവിന്റെ ഉപദേശക സമിതിയില്‍ ധനവകുപ്പിന് പ്രാതിനിധ്യം ഉണ്ടോ എന്ന് വ്യക്തമാക്കുമോ; കേരള പുനര്‍നിര്‍മ്മാണത്തിന് വിഭവ സമാഹരണം പ്രതിസന്ധിയിലായ സാഹചര്യമുണ്ടായിട്ടും ധനമന്ത്രിയെ പ്രസ്തുത സമിതിയില്‍ ഉള്‍പ്പെടുത്താതിരുന്നതിന്റെ കാരണമെന്താണെന്ന് ധനവകുപ്പിനെ അറിയിച്ചിട്ടുണ്ടോ വിശദമാക്കാമോ;

(ബി)	ഇവരുടെ പെന്‍ഷന്‍ ആനുകൂല്യങ്ങള്‍ക്കായി എത്ര തുക വേണ്ടിവരും എന്ന് കണക്കാക്കിയിട്ടുണ്ടോ?

സാമ്പത്തിക ക്രമക്കേടുകള്‍

4115.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് എത്ര സാമ്പത്തിക ക്രമക്കേട് കേസുകള്‍ ധനകാര്യ വകുപ്പിന്റെ ശ്രദ്ധയില്‍പ്പെടുകയുണ്ടായി;വ്യക്തമാക്കുമോ;

(ബി)	ഈ കേസുകളില്‍ ഏതിലെല്ലാം ധനകാര്യ വകുപ്പ് അന്വേഷണം നടത്തിയെന്നും ക്രമക്കേടുകള്‍ക്ക് ഉത്തരവാദികളായിട്ടുളളവര്‍ക്കെതിരെ എന്ത് നടപടി സ്വീകരിച്ചു എന്നും വിശദമാക്കുമോ;

(സി)	സാമ്പത്തിക ക്രമക്കേടുകള്‍ നടത്തുന്നവര്‍ക്കെതിരെ സര്‍ക്കാരിന്റെ നിലപാട് എന്താണെന്ന് വ്യക്തമാക്കാമോ;സ്ഥാനമാന പരിഗണനകള്‍ കൂടാതെ സാമ്പത്തിക കുറ്റവാളികള്‍ക്കെതിരെ നടപടിയെടുക്കുമോ എന്ന് വ്യക്തമാക്കുമോ?

പ്രളയാനന്തര പുനര്‍നിര്‍മ്മാണത്തിനുള്ള ധനസമാഹരണം

4116.

ശ്രീ.സി. ദിവാകരന്‍
,, ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയാനന്തര പുനര്‍നിര്‍മ്മാണത്തിനായി സംസ്ഥാന ജി.എസ്.ടി യിന്മേല്‍ അധിക സെസ്സ് ഏര്‍പ്പെടുത്തുന്നത് ആലോചിക്കുന്നുണ്ടോ; വിശദമാക്കുമോ;

(ബി)	പ്രളയത്തില്‍ തകര്‍ന്ന ആസ‍്തികളുടെ പുനര്‍നിര്‍മ്മാണത്തിന് സ്വീകരിക്കുന്ന മാര്‍ഗ്ഗങ്ങളും, അതിന് വേണ്ടുന്ന വായ‍്പ സംഘടിപ്പിക്കുന്നതിനുള്ള ശ്രമങ്ങളും വിശദമാക്കുമോ;

(സി)	പുനര്‍ നിര്‍മ്മാണത്തിന് കേന്ദ്ര സര്‍ക്കാരില്‍ നിന്ന് ആവശ്യമായ സഹകരണം ലഭ്യമാകുന്നുണ്ടോ; സംസ്ഥാനം വായ‍്പ എടുക്കുന്നതില്‍ കേന്ദ്രം ഏതൊക്കെ തരത്തിലുള്ള നിബന്ധനകളാണ് ഏര്‍പ്പെടുത്തിയിരിക്കുന്നതെന്ന് വ്യക്തമാക്കുമോ?

പ്രളയാനന്തരം സാമ്പത്തികമേഖലയ്ക്ക് ഉണര്‍വേകുന്ന പരിപാടികള്‍

4117.

ശ്രീ.മുല്ലക്കര രത്നാകരന്‍
,, ജി.എസ്.ജയലാല്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയം മൂലം വിവരണാതീതമായ നഷ്ടം നേരിട്ട കേരളത്തിന്റെ പുനര്‍നിര്‍മ്മാണ ചെലവ് നേരിടുന്നതിനായി റവന്യൂ വരുമാനം വര്‍ദ്ധിപ്പിക്കുന്നതിന് സ്വീകരിക്കുന്ന നടപടികള്‍ വ്യക്തമാക്കുമോ;

(ബി)	കേന്ദ്രാവിഷ്കൃത പദ്ധതികളില്‍ നിന്ന് സംസ്ഥാനം അധികമായി തുക പ്രതീക്ഷിക്കുന്നുണ്ടോ; വിശദമാക്കുമോ;

(സി)	പ്രതിസന്ധിയില്‍ നിന്ന് കരകയറാനുള്ള ശ്രമങ്ങളുടെ ഭാഗമായി സ്വകാര്യ, പൊതു മേഖലകളിലുണ്ടാകുന്ന സാമ്പത്തിക ഇടപെടലുകള്‍ സംസ്ഥാനത്തിന്റെ സാമ്പത്തിക വളര്‍ച്ചയ്ക്ക് ഗുണകരമായിത്തീരുമോ; വ്യക്തമാക്കുമോ;

(ഡി)	പുനര്‍നിര്‍മ്മാണ പ്രവര്‍ത്തനങ്ങളിലൂടെ ചെലവഴിക്കപ്പെടുന്ന പണം സംസ്ഥാന സമ്പദ് വ്യവസ്ഥക്ക് ഒരു പുതിയ മാനം സൃഷ്ടിക്കുന്നതിന് പര്യാപ്തമാകുമോ; വ്യക്തമാക്കുമോ;

(ഇ)	പ്രളയത്തില്‍ ഗൃഹോപകരണങ്ങളുടെയും മറ്റും നഷ്ടമുണ്ടായതിനെ തുടര്‍ന്ന് അവയുടെ ആവശ്യം വര്‍ദ്ധിക്കുന്നത് കച്ചവട മേഖലക്ക് ഉണര്‍വേകുമോയെന്ന് വ്യക്തമാക്കുമോ;

(എഫ്)

പ്രളയത്തിന് മുമ്പുള്ള സാമ്പത്തിക വളര്‍ച്ചയുടെ അവസ്ഥയിലേക്ക് എത്രകാലം കൊണ്ട് സംസ്ഥാനത്തെ തിരികെയെത്തിക്കാനാവുമെന്ന് വ്യക്തമാക്കുമോ?

സമ്പദ്ഘടനയിലെ മാന്ദ്യം

4118.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം സമ്പദ്ഘടനയിലെ മാന്ദ്യം മാറ്റുന്നതിനായി കൈക്കൊണ്ട നടപടികള്‍ എന്തൊക്കെയാണ്;

(ബി)	പ്രസ്തുത പ്രവര്‍ത്തനങ്ങള്‍ മൂലം ദേശീയ ശരാശരിയെക്കാളും പിന്നിലായിരുന്ന സംസ്ഥനത്തിന്റെ സാമ്പത്തിക വളര്‍ച്ചയില്‍ എന്ത് മാറ്റം ഉണ്ടാക്കുവാന്‍ കഴിഞ്ഞുവെന്ന് വിശദമാക്കുമോ?

സംസ്ഥാനത്തിന്റെ ധനസ്ഥിതി

4119.

(എ)	1.12.2018 വരെ ഈ സാമ്പത്തിക വര്‍ഷത്തില്‍ സംസ്ഥാനത്തിന്റെ ആളോഹരി കടം എത്ര രൂപയാണ്;

(ബി)	ഈ സാമ്പത്തിക വര്‍ഷത്തില്‍ നാളിതുവരെ സംസ്ഥാനത്തിന്റെ റവന്യൂ കമ്മി, ധനകമ്മി, റവന്യൂ വരുമാനം എന്നിവയുടെ കണക്ക് ലഭ്യമാക്കാമോ;

(സി)	പ്രസ്തുത സൂചികകള്‍ സംസ്ഥാന വരുമാനത്തിന്റ എത്ര ശതമാനമാണ് എന്ന കണക്കും പ്രത്യേകം പ്രത്യേകം ലഭ്യമാക്കാമോ;

(ഡി)	സംസ്ഥാനത്തിന്റെ സാമ്പത്തിക നില മെച്ചപ്പെടുത്തുന്നതിനായി ഭാവിയില്‍ എന്തൊക്കെ നടപടികള്‍ കൈക്കൊള്ളുന്നതിന് ഉദ്ദേശിക്കുന്നുണ്ടെന്ന് വ്യക്തമാക്കുമോ?

തുടര്‍ച്ചാനുമതി ആവശ്യമുള്ള ഓഫീസുകള്‍

4120.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	തുടര്‍ച്ചാനുമതി ആവശ്യമുള്ള ഓഫീസുകള്‍ ഏതൊക്കെയാണെന്ന് ജില്ല തിരിച്ച് അറിയിക്കാമോ;

(ബി)	പ്രസ്തുത ഓഫീസുകളില്‍ ജോലിചെയ്യുന്ന ജീവനക്കാരുടെ എണ്ണവും തസ്തികയും ഓഫീസും തിരിച്ച് ലഭ്യമാക്കാമോ?

അടിസ്ഥാന വികസന പ്രോജക്ടുകള്‍

4121.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വന്‍കിട അടിസ്ഥാന വികസന പ്രോജക്ടുകള്‍ക്കായി 2018-19-ല്‍ എത്ര തുകയാണ് വകയിരുത്തിയിരിക്കുന്നത് ;

(ബി)	ഏതെല്ലാം പ്രോജക്ടുകള്‍ക്ക് എത്ര തുക വീതം ആണ് വകയിരുത്തിയിരിക്കുന്നത്; വിശദമാക്കുമോ ;

(സി)	നാളിതുവരെ എത്ര തുക വീതം ഈ പ്രോജക്ടുകള്‍ക്ക് നല്‍കി എന്ന് വിശദീകരിക്കാമോ ?

റവന്യൂ വരുമാനവും ചെലവും

4122.

ശ്രീ.സി.മമ്മൂട്ടി : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

2005-2006 മുതല്‍ 2017-2018 വരെ ഓരോ സാമ്പത്തികവര്‍ഷത്തെയും സംസ്ഥാനത്തിന്റെ റവന്യൂ വരുമാനവും ചെലവും എത്ര വീതമാണെന്ന് വെളിപ്പെടുത്തുമോ?

ആലത്തൂര്‍ നിയോജകമണ്ഡലത്തിലെ വികസന പ്രവര്‍ത്തനങ്ങള്‍

4123.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ആലത്തൂര്‍ നിയോജകമണ്ഡലത്തിലെ വികസന പ്രവര്‍ത്തനങ്ങള്‍ക്കായി ചെലവഴിച്ച തുക എത്രയെന്ന് വിശദമാക്കാമോ ;

(ബി)	2016-17, 2017-18, 2018-19 എന്നീ വാര്‍ഷിക ബജറ്റുകളില്‍ നിന്നും അനുവദിച്ചിട്ടുള്ള പ്രവൃത്തികളുടെ വിശദാംശവും അനുവദിക്കപ്പെട്ടിട്ടുള്ള തുക എത്രയെന്നും വിശദമാക്കാമോ?

നികുതിയേതര വരുമാനം

4124.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാരിന്റെ 2018-19 സാമ്പത്തിക വര്‍ഷത്തില്‍ 30.11.2018 വരെയുള്ള നികുതിയേതര വരുമാനം എത്രയാണ്;വിശദാംശം നല്‍കുമോ;

(ബി)	2017-18 സാമ്പത്തിക വര്‍ഷത്തില്‍ പ്രതീക്ഷിച്ച നികുതിയേതര വരുമാനം പൂര്‍ണമായും പിരിച്ചെടുക്കാന്‍ സാധിച്ചിട്ടുണ്ടോ;

(സി)	ഇല്ലെങ്കില്‍ അതിനുളള കാരണങ്ങള്‍ വിശദമാക്കുമോ;

(ഡി)	2018-19 സാമ്പത്തിക വര്‍ഷം നികുതിയേതര വരുമാനം വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്;വിശദാംശം നല്‍കുമോ?

സംസ്ഥാനത്തിന്റെ പൊതു കടം

4125.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2015- 2016,2016-2017 സാമ്പത്തിക വര്‍ഷങ്ങളില്‍ സംസ്ഥാനത്തിന്റെ പൊതു കടം എത്രയായിരുന്നുവെന്ന് അറിയിക്കുമോ?

(ബി)	2016- 2017 സാമ്പത്തിക വര്‍ഷത്തെ അപേക്ഷിച്ച് 2017-2018 ല്‍ പൊതു കടം എത്ര രൂപ വര്‍ദ്ധിച്ചുവെന്നും ഇപ്രകാരം വര്‍ദ്ധിച്ച തുക ഏതെല്ലാം മേഖലകളില്‍ എത്രമാത്രം ചെലവഴിക്കപ്പെട്ടുവെന്നും വ്യക്തമാക്കുമോ?

പെട്രോള്‍ ഡീസല്‍ നികുതിവരുമാനം

4126.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

പെട്രോള്‍ ഡീസല്‍ നികുതിയിനത്തില്‍ ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ ഓരോ മാസവും എത്ര കോടി രൂപയാണ് ലഭിച്ചിരിക്കുന്നത് എന്ന് വ്യക്തമാക്കാമോ?

നികുതിവെട്ടിപ്പ് തടയാന്‍ നടപടി

4127.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ജി.എസ്.ടി നടപ്പാക്കി ഒരു വര്‍ഷം പിന്നിട്ടിട്ടും നികുതി പിരിവില്‍ ലക്ഷ്യമിട്ട വരുമാനം ലഭിക്കാത്ത സാഹചര്യമുണ്ടോ;

(ബി)	ചരക്ക് കടത്തിനുള്ള പ്രധാനരേഖയായ ഇ-വേ ബില്ലിന്റെ മറവില്‍ നികുതി വെട്ടിപ്പ് നടക്കുന്നതായ സാഹചര്യമുണ്ടോ;

(സി)	ഇത്തരം കേസുകള്‍ പിടിക്കൂടുന്നതിനായി സര്‍ക്കാര്‍ സ‍്ക്വാഡുകളെ നിയമിച്ചിട്ടുണ്ടോ;

(ഡി)	ഇതിനുപുറമേ കേന്ദ്ര ജി.എസ്.ടി വകുപ്പും പ്രധാന പാതകളില്‍ ബില്‍ പരിശോധിക്കുവാന്‍ ഓണ്‍ലൈന്‍ സംവിധാനമുള്ള സ‍്ക്വാഡുകളെ നിയമിക്കാന്‍ തീരുമാനിച്ചിട്ടുണ്ടോ?

വ്യാജ ഇ-വേ ബില്ല്

4128.

ശ്രീ.വി.കെ.ഇബ്രാഹിം കുഞ്ഞ്
,, പാറക്കല്‍ അബ്ദുല്ല
,, പി.കെ.ബഷീര്‍
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വ്യാജ ഇ-വേ ബില്ല് ഉപയോഗിച്ച് കേരളത്തിലേക്ക് ഗ്രാനൈറ്റ് കടത്തിക്കൊണ്ട് വരുന്നത് വിജിലന്‍സ് പരിശോധനയില്‍ കണ്ടെത്തിയിട്ടുണ്ടോ;

(ബി)	എത്ര രൂപയുടെ നികുതി വെട്ടിപ്പാണ് നടത്തിയതെന്ന് കണക്കാക്കിയിട്ടുണ്ടോ;

(സി)	നികുതി വെട്ടിപ്പ് കണ്ടുപിടിക്കുന്നതില്‍ നികുതി വകുപ്പിന് വീഴ്ച സംഭവിച്ചിട്ടുണ്ടോ; എങ്കില്‍ എന്ത് നടപടി സ്വീകരിച്ചു എന്ന് വ്യക്തമാക്കുമോ?

സംസ്ഥാനത്തിന്റെ പൊതുകടം

4129.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

2016-17,2017-18 സാമ്പത്തിക വര്‍ഷങ്ങളിലായി സംസ്ഥാനത്തിന്റെ പൊതുകടം എത്ര കോടിയാണെന്ന് വ്യക്തമാക്കാമോ?

പ്രളയത്തില്‍ നാശനഷ്ടം സംഭവിച്ചവര്‍ക്ക് വായ്പകള്‍

4130.

സംസ്ഥാനത്ത് പ്രളയത്തില്‍ നാശനഷ്ടം സംഭവിച്ചവര്‍ക്ക് ഏതെല്ലാം വായ്പകള്‍ സര്‍ക്കാര്‍ ലഭ്യമാക്കിയിട്ടുണ്ട് ; കുടുംബശ്രീ മുഖേന എത്ര വായ്പ അപേക്ഷ ലഭിച്ചിട്ടുണ്ട് ; അതില്‍ എത്ര പേര്‍ക്ക് വായ്പ അനുവദിച്ചു; ജില്ല തിരിച്ച് കണക്കുകള്‍ ലഭ്യമാക്കാമോ?

കിഫ്ബി

4131.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബിയില്‍ ഉള്‍പ്പെടുത്തി ഇതിനകം ഏതൊക്കെ പദ്ധതികള്‍ക്ക് അംഗീകാരം നല്‍കി; വിശദമാക്കാമോ;

(ബി)	കിഫ്ബിയില്‍ ഇതിനകം എത്ര കോടിരൂപയുടെ നിക്ഷേപം വന്നിട്ടുണ്ട്?

കിഫ്ബി

4132.

ശ്രീ.പി. ഉണ്ണി : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

ഒറ്റപ്പാലം മണ്ഡലത്തില്‍ കിഫ്ബി മുഖേനയുള്ള പ്രവൃത്തികളുടെ കാലികസ്ഥിതി വിശദമാക്കാമോ?

കിഫ്ബി വഴി ആരംഭിച്ചിട്ടുള്ള പ്രവ‍ൃത്തികള്‍

4133.

കിഫ്ബി വഴി നാളിതുവരെ എത്ര കോടി രൂപയുടെ പ്രവ‍ൃത്തികള്‍ ആരംഭിച്ചിട്ടുണ്ടെന്ന് അറിയിക്കാമോ?

കിഫ്ബി പ്രോജക്ടുകള്‍

4134.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി പ്രോജക്ടുകള്‍ സി.എം.ഡി. ടെറനസ് എന്ന സ്ഥാപനത്തിന് ഒൗട്ട്സോഴ്സ് ചെയ്തിട്ടുണ്ടോ;

(ബി)	ടെറനസ് എന്ന സ്ഥാപനത്തിന് ഈ ഇനത്തില്‍ നാളിതുവരെ എത്ര കോടി രൂപ നല്‍കി എന്ന് വിശദമാക്കാമോ; പ്രോജക്ട് സഹിതം വിശദാംശങ്ങള്‍ നല്‍കാമോ;

(സി)	ടെറനസ് എന്ന സ്ഥാപനത്തിന്റെ പ്രോജക്ട് അപ്രൈസല്‍ വിഭാഗത്തില്‍ നിലവിലെ കിഫ്ബി ചീഫ് പ്രോജക്ട് എക്സാമിനര്‍ ജോലി ചെയ്തിരുന്നുവോ?

കിഫ്ബിയിലെ വാഹനങ്ങള്‍

4135.

(എ)	കിഫ്ബിയില്‍ വാഹനങ്ങള്‍ കരാര്‍ അടിസ്ഥാനത്തില്‍ എടുത്തിരിക്കുന്നത് ബോര്‍ഡാണോ അതോ ഫിനാന്‍സ് ഡിപ്പാര്‍ട്ട്മെന്റാണോയെന്ന് വ്യക്തമാക്കുമോ;

(ബി)	പ്രസ്തുത വാഹനങ്ങളില്‍ ധനകാര്യ വകുപ്പിന്റെ ബോര്‍ഡ് വച്ചിട്ടുണ്ടോ;

(സി)	കിഫ്ബി ആണ് വാഹനങ്ങള്‍ കരാറില്‍ വാങ്ങിയതെങ്കില്‍ ധനകാര്യ വകുപ്പിന്റെ പേര് ഉപയോഗിക്കുന്നത് നിയമപ്രകാരം ശരിയാണോ; അല്ലെങ്കില്‍ ബോര്‍ഡ് നീക്കം ചെയ്യുമോ;

(ഡി)	ഇപ്രകാരം ഏതൊക്കെ വാഹനങ്ങളാണ് ഉപയോഗിക്കുന്നതെന്ന് മോഡല്‍ സഹിതം വ്യക്തമാക്കാമോ?

കിഫ്ബിയില്‍ നിന്നും ചെലവഴിച്ച തുകയുടെ കണക്ക്

4136.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സാമ്പത്തിക വര്‍ഷത്തില്‍ നാളിതുവരെ കിഫ്ബിയിലൂടെ ഓരോ നിയോജക മണ്ഡലത്തിലും ഏതെല്ലാം പദ്ധതികള്‍ക്കായി എത്ര കോടി രൂപ വീതം ചെലവഴിച്ചു എന്ന് വ്യക്തമാക്കാമോ;

(ബി)	കിഫ്ബിയിലൂടെ നാളിതുവരെ ചെലവഴിച്ചിട്ടുള്ള തുക എത്രയാണെന്നും ഏതെല്ലാം ആവശ്യങ്ങള്‍ക്കാണ് തുക ചെലവഴിച്ചിട്ടുള്ളതെന്നും വ്യക്തമാക്കുമോ ; കിഫ്ബിയില്‍ നിന്നും ഓരോ വകുപ്പിനായും ചെലവഴിച്ച തുകയുടെ കണക്ക് ലഭ്യമാക്കുമോ?

കിഫ്ബിയില്‍ ഉള്‍പ്പെടുത്തി ആലത്തൂര്‍ മണ്ഡലത്തില്‍ ഏറ്റെടുക്കുമെന്ന് പ്രഖ്യാപിച്ച പദ്ധതികള്‍

4137.

(എ)	കിഫ്ബിയില്‍ ഉള്‍പ്പെടുത്തി ആലത്തൂര്‍ മണ്ഡലത്തില്‍ ഏറ്റെടുക്കുമെന്ന് പ്രഖ്യാപിച്ച പദ്ധതികള്‍ ഏതെല്ലാമെന്ന് വിശദമാക്കുമോ; പ്രസ്തുത പദ്ധതികളുടെ നിലവിലെ സ്ഥിതി വിശദമാക്കുമോ;

(ബി)	അതില്‍ നിര്‍വ്വഹണം നടന്നുവരുന്ന പദ്ധതികള്‍ ഏതെല്ലാമെന്ന് വിശദമാക്കുമോ; പ്രസ്തുത പ്രവൃത്തികളുടെ നിലവിലെ സ്ഥിതി വ്യക്തമാക്കുമോ;

(സി)	പ്രഖ്യാപിച്ച പദ്ധതികള്‍ പെട്ടെന്ന് ആരംഭിക്കുന്നതിന് സ്വീകരിക്കാനുദ്ദേശിക്കുന്ന നടപടികളെന്തെല്ലാം എന്ന് വിശദമാക്കുമോ?

തലശ്ശേരി മണ്ഡലത്തിലെ കിഫ്ബി പ്രവൃത്തികള്‍

4138.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

തലശ്ശേരി മണ്ഡലത്തില്‍ കിഫ്ബി മുഖാന്തിരം നടപ്പിലാക്കിയതും നടപ്പിലാക്കാന്‍ ഉദ്ദേശിക്കുന്നതുമായ ഭരണാനുമതി ലഭിച്ച പ്രവൃത്തികള്‍ ഏതെല്ലാം;പ്രസ്തുത പ്രവൃത്തികള്‍ക്ക് അനുവദിച്ച തുക;എന്നിവ വ്യക്തമാക്കാമോ?

വാമനപുരം മണ്ഡലത്തില്‍ കിഫ്ബി പദ്ധതി

4139.

ശ്രീ.ഡി.കെ. മുരളി : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

വാമനപുരം മണ്ഡലത്തില്‍ കിഫ്ബി മുഖേന നടപ്പിലാക്കുന്നതിന് ഭരണാനുമതി ലഭിച്ച പദ്ധതികള്‍ ഏതൊക്കെയെന്ന് അറിയിക്കാമോ; ഓരോ പദ്ധതിയുടെയും പ്രവര്‍ത്തന പുരോഗതി അറിയിക്കാമോ?

ഷൊര്‍ണ്ണൂര്‍ മണ്ഡലത്തിലെ കിഫ്ബി പദ്ധതികള്‍

4140.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2016-17, 2017-18 വര്‍ഷങ്ങളില്‍ ഷൊര്‍ണ്ണൂര്‍ മണ്ഡലത്തില്‍ നിന്ന് കിഫ്ബിയില്‍ ഉള്‍പ്പെടുത്തിയ പദ്ധതികളുടെ വിശദവിവരം ലഭ്യമാക്കാമോ;

(ബി)	ഇതില്‍ ഏതെല്ലാം പദ്ധതികള്‍ക്ക് സാങ്കേതികാനുമതി നല്‍കിയിട്ടുണ്ടെന്നും ഇൗ പദ്ധതികള്‍ പൂര്‍ത്തിയാക്കുന്നതിന് ആവശ്യമായി വരുന്ന തുക എത്രയാണെന്നും വ്യക്തമാക്കാമോ?

എം.എല്‍.എ. മാരുടെ ആസ്തിവികസന ഫണ്ട് പ്രവൃത്തികള്‍

T 4141.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	എം.എല്‍.എ. മാരുടെ ആസ്തിവികസന ഫണ്ട് ഉപയോഗിച്ച് ഭരണാനുമതി ലഭ്യമാകുന്ന പ്രവൃത്തികള്‍ സമയബന്ധിതമായി പൂര്‍ത്തിയാക്കുന്നതിന് എന്തെങ്കിലും നിര്‍ദ്ദേശം പരിഗണനയിലുണ്ടോ; വിശദാംശം നല്കുമോ;

(ബി)	തടസ്സം കൂടാതെ പ്രവര്‍ത്തികള്‍ വേഗത്തില്‍ നടപ്പിലാക്കുന്നതിനുള്ള സംവിധാനം ഒരുക്കാനാകുമോ; വ്യക്തമാക്കുമോ?

ആസ്തി വികസന ഫണ്ട്

4142.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2016-17 വര്‍ഷം മുതല്‍ നിയോജകമണ്ഡല ആസ്തി വികസന ഫണ്ടില്‍ എത്ര കോടി രൂപയ്ക്ക് ഇതിനകം ഭരണാനുമതി നല്‍കിയിട്ടുണ്ട്;

(ബി)	നിയോജകമണ്ഡലാടിസ്ഥാനത്തില്‍ ഇതു സംബന്ധിച്ച കണക്ക് വ്യക്തമാക്കുമോ;

(സി)	ഭരണാനുമതിയും സാങ്കേതികാനുമതിയും ലഭ്യമാക്കി എം.എല്‍.എ.മാര്‍ ഉദ്ദേശിച്ച പ്രവൃത്തികള്‍ സമയബന്ധിതമായി പൂര്‍ത്തിയാക്കുവാന്‍ സ്വീകരിച്ചിട്ടുള്ള നടപടി എന്തൊക്കെയാണെന്ന് വ്യക്തമാക്കാമോ ?

ആസ‍്തി വികസന ഫണ്ടുപയോഗിച്ച് എയ്ഡഡ് വിദ്യാലയങ്ങള്‍ക്ക് ഫണ്ട്

4143.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	മണ്ഡലം ആസ‍്തി വികസന ഫണ്ടുപയോഗിച്ച് സംസ്ഥാനത്തെ എയ്ഡഡ് വിദ്യാലയങ്ങള്‍ക്ക് ഫണ്ടനുവദിക്കുന്നതിനുള്ള മാനദണ്ഡങ്ങള്‍ വിശദീകരിക്കാമോ;

(ബി)	ഐ.ടി പഠനത്തിനാവശ്യമായ സ‍്മാര്‍ട്ട് റൂമുകള്‍ ഉള്‍പ്പെടെയുള്ള സൗകര്യങ്ങള്‍ ഏര്‍പ്പെടുത്തുന്നതിന് എ‍യ്ഡഡ് സ‍്കൂളുകള്‍ക്ക് ഫണ്ട് അനുവദിക്കുന്നതിന് തടസ്സങ്ങളുണ്ടോ;

(സി)	ഇത്തരത്തില്‍ ആസ‍്തി വികസന ഫണ്ടില്‍ നിന്ന് തുക വിനിയോഗിക്കുവാന്‍ അനുമതി നല്‍കുമോയെന്ന് വ്യക്തമാക്കുമോ?

ടെണ്ടര്‍ സേവിംഗ്സ്

4144.

ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എം.എല്‍.എ മാരുടെ ആസ്തി വികസന ഫണ്ട് ഉപയോഗിച്ച് നടത്തുന്ന പ്രവൃത്തികളിലെ ടെണ്ടര്‍ സേവിംഗ്സ് മറ്റ് പ്രവൃത്തികള്‍ക്കായി ഉപയോഗിക്കാന്‍ അനുമതി നല്‍കിയിട്ടുണ്ടോ; ഉണ്ടെങ്കില്‍ ഇതിനുള്ള നടപടി ക്രമം വ്യക്തമാക്കുമോ; ഉത്തരവിന്റെ പകര്‍പ്പ് ലഭ്യമാക്കുമോ;

(ബി)	നാട്ടിക നിയോജക മണ്ഡലം ആസ്തി വികസന ഫണ്ടില്‍ 2016-17,2017-18 എന്നീ സാമ്പത്തിക വര്‍ഷങ്ങളില്‍ എത്ര തുക ടെണ്ടര്‍ സേവിംഗ്സ് ഉണ്ട് എന്ന് വ്യക്തമാക്കുമോ?

കോതമംഗലം മണ്ഡലത്തിലെ ആസ്തി വികസന ഫണ്ട്

4145.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മണ്ഡലത്തില്‍ മുന്‍സര്‍ക്കാരിന്റെ കാലത്ത് ഭരണാനുമതി നല്കിയതും എന്നാല്‍ വിനിയോഗിക്കാന്‍ കഴിയാതിരുന്നതുമായ എം.എല്‍.എ ആസ്തി വികസന ഫണ്ട് ഉപയോഗിച്ചുളള പ്രവൃത്തികളുടെ വിശദാംശം നല്കാമോ;

(ബി)	ഇത്തരത്തില്‍ ആരംഭിക്കാന്‍ കഴിയാത്ത പ്രവൃത്തികളുടെ ഭരണാനുമതി പുതുക്കുന്നതിനുവേണ്ടി ഈ മണ്ഡലത്തില്‍ നിന്നും ഏതെങ്കിലും പ്രൊപ്പോസല്‍ സര്‍ക്കാരിന്റെ പരിഗണനയിലുണ്ടോ; വിശദമാക്കാമോ;

(സി)	ഭരണാനുമതി ലഭ്യമായിട്ടും ആരംഭിക്കുവാന്‍ കഴിയാത്ത പ്രവൃത്തികളുടെ ഭരണാനുമതി റീ വാലിഡേറ്റ് ചെയ്ത് പ്രസ്തുത പ്രവൃത്തികള്‍ പൂര്‍ത്തീകരിക്കുവാന്‍ നടപടി സ്വീകരിക്കുമോ?

കോതമംഗലം മണ്ഡലത്തിലെ എം.എല്‍.എ ആസ്തിവികസന ഫണ്ട്

4146.

(എ)	കോതമംഗലം മണ്ഡലത്തില്‍ 2016-17, 2017-18 വര്‍ഷങ്ങളിലെ എം.എല്‍.എ ആസ്തിവികസന ഫണ്ടില്‍ അനുവദിച്ചിട്ടുള്ള മുഴുവന്‍ പ്രവൃത്തികള്‍ ഏതെല്ലാമെന്നും ഇവയുടെ നിലവിലുള്ള അവസ്ഥ എന്താണെന്നും വ്യക്തമാക്കാമോ;

(ബി)	ഇതില്‍ ഇനിയും ഭരണാനുമതി ലഭിക്കാത്ത പ്രവൃത്തികള്‍ ഉണ്ടോ; ഉണ്ടെങ്കില്‍ ഭരണാനുമതി വൈകുന്നതിന്റെ കാരണം വ്യക്തമാക്കാമോ;

(സി)	ഭരണാനുമതി ലഭ്യമായിട്ടും സാങ്കേതികാനുമതി ടെണ്ടര്‍ അടക്കമുള്ള തുടര്‍നടപടി സ്വീകരിക്കാത്ത പ്രവര്‍ത്തികള്‍ ഏതെല്ലാമാണെന്നും തുടര്‍നടപടി വൈകുന്നതിന്റെ കാരണവും വ്യക്തമാക്കാമോ;

(ഡി)	എം.എല്‍.എ ആസ്തിവികസന ഫണ്ടിലെ മുഴുവന്‍ പ്രവൃത്തിയും വേഗത്തില്‍ പൂര്‍ത്തിയാക്കുന്നതിനുവേണ്ട നടപടി സ്വീകരിക്കുമോ?

വര്‍ക്കല മണ്ഡലത്തിലെ പ്രവൃത്തികള്‍

4147.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം വര്‍ക്കല മണ്ഡലത്തില്‍ ആസ്തി വികസന ഫണ്ടില്‍ ഉള്‍പ്പെടുത്തിയിട്ടുള്ള പ്രവൃത്തികള്‍ ഏതെല്ലാമെന്ന് വ്യക്തമാക്കാമോ;

(ബി)	പ്രസ്തുത കാലയളവില്‍ ടി മണ്ഡലത്തില്‍ പ്രത്യേക വികസന ഫണ്ടില്‍ ഉള്‍പ്പെടുത്തി ഭരണാനുമതി നല്കിയിട്ടുള്ള പ്രവൃത്തികള്‍ ഏതെല്ലാമെന്ന് വ്യക്തമാക്കാമോ?

പൂഞ്ഞാര്‍ മണ്ഡലത്തിലെ ആസ്തി വികസന പദ്ധതി

4148.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2016-17, 2017-18 വര്‍ഷങ്ങളില്‍ പൂഞ്ഞാര്‍ മണ്ഡലത്തില്‍ ആസ്തി വികസന പദ്ധതിയില്‍ (എ.ഡി.എസ്.) ഉള്‍പ്പെടുത്തി എത്ര പ്രവൃത്തികൾക്ക് അനുമതി നല്‍കിയിട്ടുണ്ട്; ഏതൊക്കെയെന്ന് വിശദമാക്കുമോ;

(ബി)	നിലവില്‍ അനുമതി ലഭിച്ചിട്ടുള്ള പ്രവൃത്തികളുടെ പുരോഗതിയെ സംബന്ധിച്ച് വിശദമാക്കുമോ?

പെരിന്തല്‍മണ്ണ മണ്ഡലത്തിലെ പ്രവൃത്തികളുടെ പുരോഗതി

4149.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പെരിന്തല്‍മണ്ണ മണ്ഡലത്തിലെ 2017-18, 2018-19 വര്‍ഷത്തെ എം.എല്‍.എ യുടെ പ്രത്യേക വികസന നിധി, ആസ്തി വികസന ഫണ്ട് എന്നിവ മുഖേന ശിപാര്‍ശ ചെയ്ത പ്രവൃത്തികളുടെ പുരോഗതി വ്യക്തമാക്കുമോ;

(ബി)	ഭരണാനുമതി നല്‍കിയ പ്രവൃത്തികളുടെയും ഭരണാനുമതി നല്‍കിയിട്ടില്ലാത്ത പ്രവൃത്തികളുടെയും നിലവിലെ സ്ഥിതി വ്യക്തമാക്കുമോ;

(സി)	നാളിതുവരെ ഭരണാനുമതിയും സാങ്കേതികാനുമതിയും നല്‍കാത്ത പ്രവൃത്തികള്‍ക്ക് ആയവ അടിയന്തരമായി നല്‍കി പ്രവൃത്തികള്‍ പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ?

ആസ്തി വികസന ഫണ്ട് ഉപയോഗിച്ച് ടെണ്ടര്‍ സേവിംഗ്സ്

4150.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എം.എല്‍.എ. മാരുടെ ആസ്തി വികസന ഫണ്ട് ഉപയോഗിച്ച് നടത്തുന്ന പ്രവൃത്തികളിലെ ടെണ്ടര്‍ സേവിംഗ്സ് മറ്റ് പ്രവൃത്തികള്‍ക്കായി ഉപയോഗിക്കാന്‍ അനുമതി നല്‍കിയിട്ടുണ്ടോ; ഉണ്ടെങ്കില്‍ ഇതിനുളള നടപടി ക്രമം വ്യക്തമാക്കാമോ; ഉത്തരവിന്റെ പകര്‍പ്പ് ലഭ്യമാക്കാമോ;

(ബി)	നെടുമങ്ങാട് നിയോജക മണ്ഡലം ആസ്തി വികസന ഫണ്ടില്‍ 2016-17, 2017-2018 എന്നീ സാമ്പത്തിക വര്‍ഷങ്ങളില്‍ എത്ര തുക ടെണ്ടര്‍ സേവിംഗ്സ് ഉണ്ട് എന്ന് വ്യക്തമാക്കുമോ?

സ്കൂള്‍ ബസ്സുകള്‍ വാങ്ങുന്നതിന് ആസ്തി വികസന ഫണ്ട്

4151.

(എ)

ആസ്തി വികസന ഫണ്ട് വിനിയോഗിച്ച് സ്കൂള്‍ ബസ്സ് വാങ്ങുന്നതിന് ഫണ്ട് നല്‍കുന്നതിനായി 2018-19 സാമ്പത്തിക വര്‍ഷത്തില്‍ ഉപധനാഭ്യര്‍ത്ഥനയിലൂടെ ആരംഭിച്ച 4202-01 800-84 പ്രോജക്റ്റ്സ് എല്‍.എം.സി-എ.ഡി.എസ് അദര്‍ പ്രോജക്റ്റ്സ് എന്ന ശീര്‍ഷകത്തിന്റെ നിയന്ത്രണാധികാരിയായി ചുമതലപ്പെടുത്തിയിട്ടുള്ളത് ആരെയാണെന്ന് വ്യക്തമാക്കാമോ;

(ബി)	സ്കൂള്‍ ബസ്സുകള്‍ വാങ്ങുന്നതിന് ഭരണാനുമതി ലഭിച്ചാല്‍ മുന്‍കാലങ്ങളിലെന്ന പോലെ പൊതുമരാമത്ത് വകുപ്പ് (കെട്ടിട വിഭാഗം) മേലാധികാരിയുടെ അനുമതി ആവശ്യമായിട്ടുണ്ടോയെന്ന് വ്യക്തമാക്കാമോ?

പൂഞ്ഞാര്‍‍ മണ്ഡലത്തിലെ പ്രത്യേക വികസന ഫണ്ട് (എസ്.ഡി.എഫ്)

4152.

(എ)	2016-17, 2017-18, 2018-19 വര്‍ഷങ്ങളില്‍ പൂഞ്ഞാര്‍‍ മണ്ഡലത്തില്‍ പ്രത്യേക വികസന ഫണ്ട് (എസ്.ഡി.എഫ്)-ല്‍ ഉള്‍പ്പെടുത്തി എത്ര പ്രവൃത്തികള്‍ക്ക് അനുമതി നല്‍കിയിട്ടുണ്ട്; വിശദമാക്കുമോ;

(ബി)	നിലവില്‍ അനുമതി ലഭിച്ചിട്ടുള്ള പ്രവൃത്തികളുടെ പുരോഗതിയെ സംബന്ധിച്ച് വിശദമാക്കുമോ?

ഇരിക്കൂര്‍ നിയോജകമണ്ഡലത്തിലെ ഭരണാനുമതി നല്‍കിയ പദ്ധതികള്‍

4153.

(എ)	2016-17,2017-18,2018-19 എന്നീ സാമ്പത്തിക വര്‍ഷങ്ങളില്‍ ഇരിക്കൂര്‍ നിയോജകമണ്ഡലത്തില്‍ എം.എല്‍.എ യുടെ പ്രാദേശിക വികസന ഫണ്ടില്‍ നിന്നും അസറ്റ് ഡെവലപ്മെന്റ് ഫണ്ടിൽ നിന്നും നാളിതുവരെ ഭരണാനുമതി നല്‍കിയ പദ്ധതികളുടെ പേരും തുകയും മറ്റ് വിശദാംശങ്ങളും ലഭ്യമാക്കാമോ;

(ബി)	പ്രസ്തുത പദ്ധതികളില്‍ ഭരണാനുമതി നല്‍കാന്‍ ഇനി ബാക്കിയുള്ള പ്രവൃത്തികള്‍ ഏതെല്ലാമെന്ന് വ്യക്തമാക്കാമോ?

പൊതുവിദ്യാഭ്യാസ സംരക്ഷണയജ്ഞം

4154.

ശ്രീ.രാജു എബ്രഹാം : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി സര്‍ക്കാര്‍ സ്കൂളുകള്‍ക്ക് എം.എല്‍.എ ഫണ്ട് ചെലവഴിക്കുന്നത് പോലെ എയ്ഡഡ് മേഖലയിലെ വിദ്യാലയങ്ങള്‍ക്ക് കൂടി എം.എല്‍.എ മാരുടെ പ്രത്യേക വികസന ഫണ്ട്, ആസ്തിവികസന ഫണ്ട് എന്നിവ നല്‍കുന്നതിന് നിലവിലുള്ള നിബന്ധനകള്‍ പരിഷ്കരിക്കുമോ; വിശദാംശങ്ങള്‍ ലഭ്യമാക്കാമോ?

ധനകാര്യ കമ്മീഷന്റെ പരിഗണന വിഷയങ്ങള്‍

4155.

ശ്രീ.കെ.സുരേഷ് കുറുപ്പ്
,, കെ.വി.വിജയദാസ്
,, എ. എന്‍. ഷംസീര്‍
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പതിനഞ്ചാം ധനകാര്യ കമ്മീഷന്റെ പരിഗണന വിഷയങ്ങളില്‍ സംസ്ഥാനം ഉന്നയിച്ച ആവശ്യങ്ങള്‍ എന്തൊക്കെയെന്ന് അറിയിക്കാമോ;

(ബി)	പ്ലാനിംഗ് കമ്മീഷനെ ഇല്ലാതാക്കിയതോടെ ധനകാര്യ കമ്മീഷന്‍െറ ലക്ഷ്യം തന്നെ ദുര്‍ബലപ്പെട്ടിട്ടുണ്ടോ;

(സി)	പ്ലാനിംഗ് കമ്മീഷന്റെ അഭാവത്തിലും സംസ്ഥാനം, ദിശാബോധത്തോടെയുള്ള വികസനത്തിനായി ആസൂത്രണ പ്രക്രിയ ശാക്തീകരിക്കാന്‍ സ്വീകരിച്ച നടപടി അറിയിക്കാമോ;

(ഡി)	കേന്ദ്ര നയങ്ങള്‍ സംസ്ഥാനത്തുണ്ടാക്കിയിട്ടുള്ള സാമ്പത്തിക പ്രതിസന്ധി തരണം ചെയ്യുന്നതിന് ആവിഷ്കരിച്ചിട്ടുള്ള മാര്‍ഗ്ഗങ്ങള്‍ അറിയിക്കാമോ?

മലപ്പുറം ഗവണ്‍മെന്റ് വനിതാ കോളേജില്‍ അധ്യാപക-അനധ്യാപക തസ്തിക

4156.

(എ)	മലപ്പുറം ഗവണ്‍മെന്റ് വനിതാ കോളേജില്‍ അധ്യാപക-അനധ്യാപക തസ്തിക സൃഷ്ടിക്കുന്നത് സംബന്ധിച്ച ധനകാര്യ വകുപ്പില്‍ പരിഗണനയിലുള്ള ഫയലില്‍ നാളിതുവരെ സ്വീകരിച്ച നടപടികള്‍ വിശദീകരിക്കാമോ;

(ബി)	കോളേജില്‍, സൂപ്രണ്ട് ഉള്‍പ്പെടെ ഓഫീസ് ജീവനക്കാരുടെ ഒരു തസ്തിക പോലും ഇല്ലെന്ന കാര്യം സര്‍ക്കാര്‍ ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ ആവശ്യമായ തസ്തികകള്‍ സൃഷ്ടിക്കുവാന്‍ സത്വര നടപടികള്‍ സ്വീകരിക്കുമോ?

സാലറി ചലഞ്ച്

T 4157.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സാലറി ചലഞ്ചിന്റെ കാര്യത്തില്‍ കേരള ഹെെക്കോടതിയും സുപ്രീംകോടതിയും നല്‍കിയ ഉത്തരവുകള്‍ എന്താണെന്ന് വ്യക്തമാക്കുമോ; സുപ്രീംകോടതി വിധിയുടെ അടിസ്ഥാനത്തില്‍ സര്‍ക്കാര്‍ പുറപ്പെടുവിച്ച ഉത്തരവിലെ അവ്യക്തതമൂലം നവംബര്‍ ഒന്നുമുതല്‍ ശമ്പളവിതരണം തടസ്സപ്പെട്ടിട്ടുണ്ടോ;

(ബി)	ഒരു മാസത്തില്‍ കുറഞ്ഞ തുക ഓഫീസ് മുഖാന്തരം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കുന്നതിന് നിലവിലുള്ള ഉത്തരവ് പ്രകാരം ജീവനക്കാര്‍ക്ക് സാധിക്കുമോ;

(സി)	ഇല്ലെങ്കില്‍ അതിനായുള്ള അവസരം ജീവനക്കാര്‍ക്ക് നല്‍കുന്ന കാര്യം പരിഗണിക്കുമോ; വ്യക്തമാക്കുമോ?

സാലറി ചലഞ്ച്

4158.

(എ)	സാലറി ചലഞ്ചുമായി ബന്ധപ്പെട്ട് സര്‍ക്കാര്‍ കോടതിയില്‍ കേസ് നടത്തിയ വകയില്‍ എത്ര തുക ചെലവായെന്ന് വിശദമാക്കാമോ;

(ബി)	കോടതി വിധിയുമായി ബന്ധപ്പെട്ട് എന്തെല്ലാം മാറ്റങ്ങളാണ് സാലറി ചലഞ്ച് ഉത്തരവില്‍ വരുത്തിയത് എന്ന് വ്യക്തമാക്കാമോ?

ദേശീയ പെന്‍ഷന്‍ പദ്ധതിയുടെ പുന:പരിശോധന

4159.

(എ)	ദേശീയ പെന്‍ഷന്‍ പദ്ധതി പുനഃപരിശോധിക്കുന്നതുമായി ബന്ധപ്പെട്ട് സര്‍ക്കാര്‍ എന്തൊക്കെ പുതിയ തീരുമാനങ്ങള്‍ ആണ് എടുത്തിട്ടുള്ളത്; വിശദമാക്കാമോ;

(ബി)	ടേംസ് ഓഫ് റഫറന്‍സില്‍ പ്രതിപാദിക്കപ്പെടാത്ത വിഷയങ്ങള്‍ കമ്മിറ്റിയുടെ പരിഗണനയ്ക്ക് വന്നാല്‍ പ്രസ‍്തുത വിഷയങ്ങളില്‍ തീരുമാനം എടുക്കുമോ; വിശദമാക്കുമോ?

(സി)	ദേശീയ പെന്‍ഷന്‍ പദ്ധതി പുനഃപരിശോധിക്കുവാനുള്ള കമ്മിറ്റിയില്‍ ആരെയൊക്കെയാണ് നിയമിച്ചിരിക്കുന്നത്; വിശദമാക്കാമോ?

എല്ലാ പൊതുമേഖലാ സ്ഥാപനങ്ങളിലും പങ്കാളിത്ത പെന്‍ഷന്‍ പദ്ധതി

4160.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

പങ്കാളിത്ത പെന്‍ഷന്‍ പദ്ധതി പുനഃപരിശോധിക്കുന്നതിനായി സമിതി രൂപീകരിച്ച് ഉത്തരവ് പുറപ്പെടുവിച്ചതിന് ശേഷം, കൂടുതല്‍ പൊതുമേഖലാ സ്ഥാപനങ്ങളെ പ്രസ്തുത പദ്ധതിയില്‍ ഉള്‍പ്പെടുത്താന്‍ സര്‍ക്കാര്‍ പി.എഫ്.ആര്‍.ഡി.എ., എന്‍.എസ്.ഡി.എല്‍. എന്നിവരുമായി സെക്രട്ടേറിയറ്റില്‍ യോഗം ചേര്‍ന്നിരുന്നോ; എങ്കില്‍ യോഗനടപടിക്കുറിപ്പിന്റെ പകര്‍പ്പ് ലഭ്യമാക്കാമോ;

(ബി)	പദ്ധതി പുനഃപരിശോധിക്കാന്‍ സമിതി രൂപീകരിച്ച് ഉത്തരവ് പുറപ്പെടുവിച്ചതിന് ശേഷം ഇത്തരത്തില്‍ യോഗം ചേര്‍ന്നത് പദ്ധതി വ്യാപിപ്പിക്കുന്നതിനുവേണ്ടിയാണോ എന്ന് വ്യക്തമാക്കുമോ;

(സി)

പി.എഫ്.ആര്‍.ഡി.എ.യുമായി 12.11.2018-ന് ചേര്‍ന്ന യോഗത്തില്‍ സംസ്ഥാനത്ത് നിലവില്‍ പങ്കാളിത്ത പെന്‍ഷന്‍ പദ്ധതി നടപ്പിലാക്കിയിട്ടില്ലാത്ത മുഴുവന്‍ പൊതുമേഖലാ സ്ഥാപനങ്ങളിലും 2018 ഡിസംബര്‍ 31 നകം പദ്ധതി നടപ്പാക്കേണ്ടതാണെന്ന് ധനകാര്യ എക്സ്പെന്‍ഡിച്ചര്‍ സെക്രട്ടറി പൊതുമേഖലാ സ്ഥാപനങ്ങള്‍ക്ക് നിര്‍ദ്ദേശം നല്കിയിരുന്നോ; എങ്കില്‍ ഇക്കാര്യത്തില്‍ സര്‍ക്കാര്‍ നിലപാട് വ്യക്തമാക്കാമോ?

ബിരുദം യോഗ്യതയായ തസ്തികകളുടെ പരീക്ഷ

4161.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

ബിരുദം യോഗ്യതയായ തസ്തികകള്‍ക്ക് ഒബ്ജക്ടീവ് രീതിയിലുള്ള പരീക്ഷകള്‍ക്ക് പുറമേ വിവരണാത്മക പരീക്ഷയും നടത്തേണ്ടതുണ്ടെന്ന് 10-ാം ശമ്പളക്കമ്മീഷന്‍ റിപ്പോര്‍ട്ടിലെ ഭാഗം 2-ല്‍ സര്‍ക്കാരിനോട് ആവശ്യപ്പെട്ടിരുന്നോ എന്ന് വ്യക്തമാക്കുമോ?

ആരോഗ്യ ഇന്‍ഷുറന്‍സ്

4162.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

ആരോഗ്യ ഇന്‍ഷുറന്‍സ് പദ്ധതി നടപ്പിലാക്കുന്നതിനായി ഏതെല്ലാം ഇന്‍ഷുറന്‍സ് കമ്പനികളാണ് സര്‍ക്കാരിനെ സമീപിച്ചിട്ടുള്ളതെന്ന് വ്യക്തമാക്കുമോ;

ആരോഗ്യ ഇന്‍ഷ്വറന്‍സ് പദ്ധതി

T 4163.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

സര്‍ക്കാര്‍ ജീവനക്കാര്‍ക്കുള്ള ആരോഗ്യ ഇന്‍ഷ്വറന്‍സ് പദ്ധതി നടപ്പിലാക്കുവാന്‍ കാലതാമസം നേരിടുന്നതിനുള്ള കാരണങ്ങള്‍ എന്താെണന്നും പ്രസ്തുത പദ്ധതി നടപ്പിലാക്കുമ്പോള്‍ ആനുകൂല്യം ലഭിക്കാത്ത രോഗങ്ങള്‍ക്ക് മെഡിക്കല്‍ റീ-ഇംബേഴ്സ്മെന്റ് തുടരുന്ന കാര്യം പരിഗണനയിലുണ്ടോ എന്നും വ്യക്തമാക്കുമോ?

പങ്കാളിത്ത പെന്‍ഷന്‍ പുന:പരിശോധിക്കുന്നതിന് സമിതി

4164.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പങ്കാളിത്ത പെന്‍ഷന്‍ പദ്ധതി പുനപരിശോധിക്കുന്നതിന് നിയോഗിച്ച സമിതിയുടെ ഘടനയും കാലാവധിയും സംബന്ധിച്ച വിശദവിവരം ലഭ്യമാക്കുമോ;

(ബി)	സമിതിയുടെ റിപ്പോര്‍ട്ട് അനുകൂലമായാല്‍ നിയമാനുസൃത പെന്‍ഷന്‍ പദ്ധതി പുന:സ്ഥാപിക്കുമോ; വ്യക്തമാക്കാമോ;

പങ്കാളിത്ത പെന്‍ഷന്‍ പദ്ധതി

4165.

(എ)	കേന്ദ്ര സര്‍ക്കാര്‍ സര്‍വ്വീസില്‍ നടപ്പിലാക്കിയ പങ്കാളിത്ത പെന്‍ഷന്‍ പദ്ധതിയാണോ സംസ്ഥാനത്ത്നടപ്പിലാക്കിയിട്ടുള്ളതെന്ന് വ്യക്തമാക്കാമോ;

(ബി)

കേന്ദ്ര പദ്ധതി പ്രകാരമുള്ള മുഴുവന്‍ ആനുകൂല്യങ്ങളും സംസ്ഥാന ജീവനക്കാര്‍ക്കും ലഭ്യമാക്കണമെന്നും അതിന് ശേഷം കൂടുതല്‍ ആനുകൂല്യങ്ങള്‍ നല്‍കണമെങ്കില്‍ സംസ്ഥാന സര്‍ക്കാരുകള്‍ക്ക് സ്വന്തം നിലയില്‍ തീരുമാനം കെെക്കൊള്ളാമെന്നുമാണ് പി.എഫ്.ആര്‍.ഡി.എ. വ്യക്തമാക്കിയിരിക്കുന്നത് എന്നിരിക്കെ കേന്ദ്ര പദ്ധതി പ്രകാരമുള്ള പല ആനുകൂല്യങ്ങളും സംസ്ഥാനത്ത് പങ്കാളിത്ത പെന്‍ഷന്‍ പദ്ധതിയില്‍ ഉള്‍പ്പെട്ട ജീവനക്കാര്‍ക്ക് നാളിതുവരെ ലഭ്യമാക്കാത്തത് എന്താണെന്ന് അറിയിക്കാമോ;

(സി)	ഡി.എ. കുടിശ്ശിക, ശമ്പള പരിഷ്കരണ കുടിശ്ശിക എന്നിവ പി.എഫില്‍ ലയിപ്പിക്കുമ്പോള്‍ പങ്കാളിത്ത പെന്‍ഷന്‍ പദ്ധതിയില്‍ ഉള്‍പ്പെട്ട ജീവനക്കാരുടെ അടിസ്ഥാന ശമ്പളവും ഡി.എ.യും ചേരുന്ന തുകയുടെ പത്ത് ശതമാനവും തുല്യമായ സര്‍ക്കാര്‍ വിഹിതവും പ്രാണ്‍ അക്കൗണ്ടില്‍ നിക്ഷേപിക്കാത്തത് എന്താണെന്ന് വ്യക്തമാക്കാമോ;

(ഡി)	നിലവില്‍ പി.എഫില്‍ അടയ്ക്കുന്നത് ജീവനക്കാരന്റെ മാത്രം വിഹിതമാണെന്നും അതില്‍ സര്‍ക്കാര്‍ വിഹിതം ഇല്ലെന്നും ആയത് പദ്ധതി പ്രകാരം ശരിയായ നടപടിയല്ല എന്നും അക്കൗണ്ടന്റ് ജനറല്‍ സര്‍ക്കാരിന് നിര്‍ദ്ദേശം നല്‍കിയിട്ടുണ്ടോ;

(ഇ)	പങ്കാളിത്ത പെന്‍ഷന്‍ പദ്ധതി സംബന്ധിച്ച് ധനകാര്യ വകുപ്പ്, അക്കൗണ്ടന്റ് ജനറല്‍, ട്രഷറി എന്നിവരുമായി 30.07.2018-ന് നടത്തിയ മീറ്റിംഗിന്റെ മിനുട്സ് ലഭ്യമാക്കാമോ;

(എഫ്)

07.06.2018-ലെ സ.ഉ.(പി)നം. 84/2018/ധന ഉത്തരവ് പ്രകാരം ജീവനക്കാര്‍ക്ക് 2018 ജൂണ്‍ മാസത്തെ ശമ്പളത്തോടൊപ്പം അനുവദിച്ച ഡി.എ. കുടിശ്ശികയില്‍ നിന്നും ശമ്പളപരിഷ്കരണ കുടിശ്ശികയുടെ അവസാന ഗഡു അനുവദിച്ചതില്‍ നിന്നും ജീവനക്കാരന്റെയും സര്‍ക്കാരിന്റെയും പങ്കാളിത്ത പെന്‍ഷന്‍ വിഹിതം നാളിതുവരെയും ജീവനക്കാരുടെ പ്രാണ്‍ അക്കൗണ്ടില്‍ അടയ്ക്കാത്തത് എന്താണെന്ന് വ്യക്തമാക്കാമോ; പ്രസ്തുത തുക എന്നേയ്ക്ക് അടയ്ക്കാനാകുമെന്ന് അറിയിക്കാമോ?

പങ്കാളിത്ത പെൻഷൻപദ്ധതിയിലെ ചട്ട ലംഘനം

4166.

(എ)	സ്റ്റാറ്റ്യൂട്ടറി പെൻഷൻ ബാധകമായ സെക്രട്ടേറിയറ്റിലെ പൊതുഭരണ, ധനകാര്യ, നിയമ വകുപ്പുകളിൽ ഏതെങ്കിലും ജീവനക്കാരെ വ്യക്തി താല്പര്യത്തിന്റെ അടിസ്ഥാനത്തിൽ അവരെ പങ്കാളിത്ത പെൻഷൻ പദ്ധതിയിൽ ഉൾപ്പെടുത്താൻ ചട്ടങ്ങൾ മറികടന്ന് അനുമതി നല്കിയിട്ടുണ്ടോ;

(ബി)	ഉണ്ടെങ്കിൽ ഇത്തരത്തിൽ എത്രപേർക്കാണ് പങ്കാളിത്ത പെൻഷൻ പദ്ധതിയിൽ അംഗമാകാൻ അനുമതി നൽകിയത് എന്നറിയ്ക്കാമോ; വിശദാംശങ്ങൾ ലഭ്യമാക്കാമോ;

(സി)	മേൽ വിഷയം പരിശോധിക്കുമോ; ഫയലുകളുടെ പകർപ്പുകൾ ലഭ്യമാക്കുമോ?

സര്‍ക്കാര്‍ ജീവനക്കാരുടെ അവധി യാത്രാനുകൂല്യം

4167.

ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ജീവനക്കാര്‍ക്ക് അവധി യാത്രാനുകൂല്യ പ്രകാരം (എല്‍.ടി.സി.) യാത്ര ചെയ്യാവുന്ന പരമാവധി ദൂരം എത്രയാണ്;

(ബി)	പ്രസ‍്തുത ദൂരത്തെ കരമാര്‍ഗ്ഗമുള്ള സഞ്ചാര ദൂരമായി മാത്രമായി പരിമിതപ്പെടുത്തിയിട്ടുണ്ടോ;

(സി)	യാത്രാ ചട്ടങ്ങള്‍ പ്രകാരം വിമാനയാത്രയ്ക്ക് അര്‍ഹനായ ഒരുദ്യോഗസ്ഥന്‍ വിമാന മാര്‍ഗ്ഗം യാത്ര നടത്തിയാല്‍ ആകാശ ദൂരം (Air distance) അടിസ്ഥാനമാക്കി പരമാവധി ദൂരം കണക്കാക്കുമോ?

സര്‍ക്കാര്‍ ഉദ്യോഗസ്ഥരുടെ ഭവനവായ്പ

4168.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ജീവനക്കാര്‍ക്കുള്ള ഭവനവായ്പ നാഷണലെെസ്ഡ്/ഷെഡ്യൂള്‍ഡ് ബാങ്കുകളിലൂടെ നടപ്പിലാക്കുന്നത് നിലവില്‍ ഏത് ഘട്ടത്തിലാണെന്ന് അറിയിക്കാമോ;

(ബി)	സര്‍ക്കാര്‍ ഉത്തരവ് 91/2017/Fin dtd.17.07.2017 പ്രകാരം മരണപ്പെടുന്ന സര്‍ക്കാര്‍ ഉദ്യോഗസ്ഥന്റെ അഞ്ച് ലക്ഷം വരെയുള്ള ഭവനവായ്പ എഴുതിത്തള്ളുന്നത് പുതിയ അപേക്ഷകള്‍ക്കും ബാധകമാക്കിയിട്ടുണ്ടോ; വിശദമാക്കുമോ;

(സി)	ഇല്ലെങ്കില്‍ മരണപ്പെട്ട ജീവനക്കാരന്റെ ഭവന വായ്പ എഴുതിതള്ളുന്നതിന് നടപടികള്‍ സ്വീകരിക്കുമോ;വിശദമാക്കാമോ?

4169.

ചോദ്യം പിന്‍വലിച്ചിരിക്കുന്നു.

സ്റ്റാറ്റ്യൂട്ടറി പെന്‍ഷന്‍ പദ്ധതി

T 4170.

(എ)

പങ്കാളിത്ത പെന്‍ഷന്‍ പദ്ധതി പ്രഖ്യാപിക്കുന്നതിന് മുമ്പ് പി.എസ്.സി. വിജ്ഞാപനം പുറപ്പെടുവിക്കുകയും പരീക്ഷ നടത്തുകയും പ്രസ്തുത റാങ്ക് ലിസ്റ്റുകളില്‍ നിന്നും 2013 മാര്‍ച്ച് 31 ന് മുമ്പ് ജോലിക്കു പ്രവേശിച്ചവര്‍ക്ക് സ്റ്റാറ്റ്യൂട്ടറി പെന്‍ഷന്‍ അനുവദിക്കുകയും അതിനു ശേഷം ജോലിക്കു പ്രവേശിച്ചവര്‍ക്ക് പങ്കാളിത്ത പെന്‍ഷനുമാണ് നടപ്പിയാക്കിയെന്ന കാര്യം ശ്രദ്ധയില്‍പ്പെട്ടിട്ടുണ്ടോ:

(ബി)

2013-ല്‍ കേന്ദ്ര ജീവനക്കാര്‍ നടത്തിയ നിയമപോരാട്ടത്തില്‍ ബഹു. സുപ്രീകോടതി വിധിയുടെ അടിസ്ഥാനത്തില്‍ കേന്ദ്ര സര്‍ക്കാര്‍ ഈ വിവേചനം നേരിട്ട ജീവനക്കാരെ കൂടി സ്റ്റാറ്റ്യൂട്ടറി പെന്‍ഷനില്‍ ഉള്‍പ്പെടുത്തിയിട്ടുള്ള സാഹചര്യത്തില്‍ ഇതേ വിവേചനം നേരിട്ട സംസ്ഥാന ജീവനക്കാരെ കൂടി സ്റ്റാറ്റ്യൂട്ടറി പെന്‍ഷനില്‍ ഉള്‍പ്പെടുത്തുമോ;

(സി)	ടി വിഷയം പങ്കാളിത്ത പെന്‍ഷന്‍ പദ്ധതി പുനര്‍നിര്‍ണ്ണയ സമിതിയുടെ അജണ്ടയില്‍ ഉള്‍പ്പെടുത്തിയിട്ടുണ്ടോ; ഇല്ലെങ്കില്‍ ഉള്‍പ്പെടുത്തുവാനുള്ള നടപടികള്‍ സ്വീകരിക്കുമോ?

വിദ്യാഭ്യാസ വായ്പ സഹായ പദ്ധതി

4171.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസ വായ്പയെടുത്ത് കടക്കെണിയിലായവരെ സഹായിക്കുവാന്‍ പ്രഖ്യാപിച്ച പദ്ധതിയുടെ വിശദാംശങ്ങള്‍ എന്തൊക്കെയാണ്;

(ബി)	പദ്ധതിയുടെ മാര്‍ഗ്ഗനിര്‍ദ്ദേശങ്ങളിൽ എന്തെങ്കിലും ഭേദഗതി വരുത്തിയിട്ടുണ്ടോ;

(സി)	ഈ പദ്ധതി മൂലം എത്ര വിദ്യാര്‍ത്ഥികള്‍ക്ക് ആനുകൂല്യം ലഭിച്ചുവെന്നും എത്ര കോടി രൂപ സര്‍ക്കാരിന് ഇതുമൂലം ബാധ്യതയുണ്ടായിയെന്നും വെളിപ്പെടുത്തുമോ;

(ഡി)	ഈ ആനുകൂല്യം ലഭിക്കുന്നതിന് നിശ്ചയിച്ചിട്ടുള്ള കുടംബ വാര്‍ഷിക വരുമാന പരിധി വര്‍ദ്ധിപ്പിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തിലുള്ള സര്‍ക്കാര്‍ നിലപാട് വ്യക്തമാക്കുമോ?

വിദ്യാഭ്യാസ വായ്പ തിരിച്ചടവ് സഹായപദ്ധതി

4172.

(എ)	വിദ്യാഭ്യാസ വായ്പ തിരിച്ചടവ് സഹായപദ്ധതിപ്രകാരം 31.03.2016നു ശേഷം കുടിശ്ശിക ആയിട്ടുള്ളതും തിരിച്ചടവ് ആരംഭിച്ചിട്ടുളളതുമായ വായ്പകള്‍ക്ക് സഹായം നല്കുന്നതിന് നിലവില്‍ അനുമതി നല്കിയിട്ടുണ്ടോ ;വിശദമാക്കാമോ;

(ബി)	ഇത്തരത്തിലുളള വിദ്യാര്‍ത്ഥികള്‍ക്ക് കൂടി തിരിച്ചടവ് സഹായം അനുവദിക്കുന്നത് സംബന്ധിച്ച നടപടി സര്‍ക്കാരിന്റെ പരിഗണനയിലുണ്ടോ;വിശദമാക്കാമോ;

(സി)	ഇത്തരത്തില്‍ 31.03.2016ന് ശേഷം കുടിശ്ശികയായതും തിരിച്ചടവ് സഹായം അഭ്യര്‍ത്ഥിച്ചും കോതമംഗലം താലൂക്കില്‍ നിന്നും എത്ര അപേക്ഷകള്‍ ലഭിച്ചിട്ടുണ്ട് എന്ന് വ്യക്തമാക്കാമോ;

(ഡി)	ഇത്തരത്തില്‍ 31.3.2016 നു ശേഷം കുടിശ്ശിക ആയിട്ടുളള അപേക്ഷകര്‍ക്കും വായ്പ തിരിച്ചടവ് സഹായം ലഭ്യമാക്കുന്നതിനു വേണ്ട നടപടി സ്വീകരിക്കുമോ?

പ്ലാന്‍ ഫണ്ട്

4173.

സംസ്ഥാനത്തിന്റെ പുനര്‍നിര്‍മ്മാണത്തിനായി നിലവിലെ പ്ലാന്‍ ഫണ്ട് വെട്ടിച്ചുരുക്കിയിട്ടുണ്ടോ; വിശദമാക്കാമോ?

കേന്ദ്ര ബജറ്റ് വിഹിതം

4174.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2018-19 സാമ്പത്തിക വര്‍ഷത്തേയ്ക്കുള്ള കേന്ദ്ര ബജറ്റ് പ്രകാരം കേരളത്തിന് ലഭിക്കുമെന്ന് കരുതുന്ന തുക എത്ര വീതമാണെന്ന് ഇനം തിരിച്ച് വിശദമാക്കുമോ;

(ബി)	ആയതുപ്രകാരം 2018 ഒക്ടോബര്‍ 31 വരെ എന്ത് തുക ലഭിച്ചു;നാളിതുവരെ എത്ര കോടി രൂപ ചിലവഴിച്ചു;വിശദാംശം വ്യക്തമാക്കുമോ ;

(സി)	കേന്ദ്ര നികുതികളുടെയും ഗ്രാന്റുകളുടെയും 2018-19-ല്‍‍ പ്രതീക്ഷിക്കുന്ന സംസ്ഥാന വിഹിതം എത്ര കോടി രൂപ വീതമായിരിക്കുമെന്ന് ഇനം തിരിച്ച് വിശദമാക്കുമോ;

(ഡി)	ആയതുപ്രകാരം 2018 ഒക്ടോബര്‍ 31-വരെ കേന്ദ്ര നികുതികളുടെയും ഗ്രാന്റുകളുടെയും വിഹിതമായി എത്ര കോടി രുപ സംസ്ഥാനത്തിന് ലഭിച്ചു; വിശദാംശം വ്യക്തമാക്കുമോ?

ക്ഷേമ പെന്‍ഷനുകളുടെ തുക വര്‍ദ്ധന

4175.

(എ)	ക്ഷേമ പെന്‍ഷനുകള്‍ വാങ്ങുന്ന 75 വയസ്സ് കഴിഞ്ഞവര്‍ക്കെല്ലാം 1500 രൂപയാക്കി വര്‍ദ്ധിപ്പിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

(ബി)	വാര്‍ദ്ധക്യ കാല പെന്‍ഷന്‍ നല്‍കുന്നതുപോലെ 75 കഴിഞ്ഞ ക്ഷേമ പെന്‍ഷന്‍ വാങ്ങുന്നവര്‍ക്കെല്ലാം പെന്‍ഷന്‍ തുക 1500 രൂപയാക്കി വര്‍ദ്ധിപ്പിക്കുമോ?

സാമൂഹ്യ സുരക്ഷാ പെന്‍ഷന്‍

4176.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

അയോഗ്യരെന്ന് കണക്കാക്കി സാമൂഹ്യ സുരക്ഷാ പെന്‍ഷന്‍ തടഞ്ഞുവക്കപ്പെട്ടവരില്‍ പുനഃപരിശോധനയിലൂടെ യോഗ്യരെന്ന് കണ്ടെത്തിയവര്‍ക്ക് കുടിശ്ശിക അടക്കം പെന്‍ഷന്‍ നല്‍കുകയുണ്ടായോ; എങ്കില്‍ വിശദാംശങ്ങള്‍ നല്‍കുമോ?

അര്‍ഹരായവര്‍ക്ക് മാത്രം സാമൂഹ്യ സുരക്ഷ പെന്‍ഷന്‍

4177.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സാമൂഹ്യ സുരക്ഷ പെന്‍ഷനുകള്‍ അര്‍ഹരായവര്‍ക്ക് മാത്രമെ ലഭിക്കുന്നുള്ളു എന്ന് ഉറപ്പ് വരുത്തുവാന്‍ സ്വീകരിച്ച നടപടികള്‍ എന്തൊക്കെയാണ്;

(ബി)	സാമൂഹ്യ സുരക്ഷ പെന്‍ഷന്‍ വീടുകളിലെത്തിച്ച് നല്‍കുന്ന പദ്ധതി വിലയിരുത്തിയിട്ടുണ്ടോ; പ്രസ്തുത പദ്ധതിയെക്കുറിച്ച് എന്തെങ്കിലും ആക്ഷേപം ലഭിച്ചിട്ടുണ്ടോ;

(സി)	ഈ പദ്ധതിയുടെ നടത്തിപ്പിന് അധികമായി എന്ത് ബാധ്യത ഉണ്ടായിട്ടുണ്ട്;വ്യക്തമാക്കുമോ?

റബ്ബര്‍ വില സ്ഥിരതാ പദ്ധതി

4178.

(എ)	റബ്ബര്‍ വിലയിടിവ് കര്‍ഷകര്‍ക്ക് പ്രതിസന്ധി സൃഷ്ടിച്ചിരിക്കുന്ന കാര്യം ഗൗരവമായി കണുന്നുണ്ടോ;

(ബി)	'റബ്ബര്‍ വില സ്ഥിരതാ പദ്ധതി' പുനരാരംഭിക്കുന്നതിന് ആലോചിക്കുന്നുണ്ടോ; എങ്കില്‍ കര്‍ഷകര്‍ നേരിടുന്ന പ്രതിസന്ധി പരിഹരിക്കുന്നതിന് ഇത് സഹായകമാകുമെന്ന് കരുതുന്നുണ്ടോ;

(സി)	ഈ സര്‍ക്കാര്‍ അധികാരത്തില്‍ വന്നശേഷം റബ്ബര്‍ കര്‍ഷകരുടെ പ്രശ്നങ്ങള്‍ പരിഹരിക്കുന്നതിന് ഓരോ വര്‍ഷവും എത്ര കോടി രൂപ ചെലവഴിച്ചു എന്ന് വ്യക്തമാക്കാമോ?

പിന്നോക്ക വികസന കോര്‍പ്പറേഷന്റെ മേഖല ഓഫീസുകള്‍

4179.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)

നെയ്യാറ്റിന്‍കര നിയോജകമണ്ഡലം ഉള്‍പ്പെടെ 10 കേന്ദ്രങ്ങളില്‍ പിന്നോക്ക വികസന കോര്‍പ്പറേഷന്റെ മേഖല ഓഫീസുകൾ സ്ഥാപിക്കുന്നതിനുവേണ്ടി ഉള്ള സ്ഥലത്തേയ്ക്ക് പിന്നോക്കവികസന വകുപ്പില്‍ നിന്നും 8/5/2017-ല്‍ 139/A1/2017 നമ്പർ ആയി ധനവകുപ്പിന് നല്‍കിയ ശിപാര്‍ശ പ്രകാരം എന്ത് നടപടി സ്വീകരിച്ചു എന്ന് വ്യക്തമാക്കാമോ ;

(ബി)	പിന്നോക്ക വികസന കോര്‍പ്പറേഷന്റെ പുതിയ മേഖല ഓഫീസുകള്‍ സ്ഥാപിച്ചാല്‍ ധനവകുപ്പിന് ഏതെങ്കിലും തരത്തില്‍ ഉള്ള സാമ്പത്തിക ബാധ്യത ഉണ്ടാകുമോ എന്ന് വ്യക്തമാക്കാമോ;

പ്രളയംമൂലം സംഭവിച്ച സാമ്പത്തിക പ്രതിസന്ധി

4180.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയംമൂലം സംഭവിച്ച സാമ്പത്തിക പ്രതിസന്ധി അതിജീവിക്കുന്നതിനായി ഇൗ സര്‍ക്കാര്‍ എന്തെങ്കിലും തരത്തിലുള്ള അച്ചടക്കനടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ വിശദീകരണം നല്‍കാമോ;

(ബി)	അടിയന്തര ധനസമാഹരണം നടത്തുന്നതിനായി എന്തെല്ലാം നടപടികള്‍ സ്വീകരിച്ചു; വിശദാംശം നല്‍കാമോ;

(സി)	പ്രളയദുരന്തത്തിന്റെ ഫലമായുണ്ടായ ദ്രവ്യനാശം, ജീവനോപാധികളുടെ നഷ്ടം, മറ്റ് തരത്തിലുള്ള വരുമാന നഷ്ടം എന്നിവ എത്രയെന്ന് കണക്കാക്കിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കുമോ?

ഊരാളുങ്കല്‍ ലേബര്‍ കോണ്‍ട്രാക്ട് കോ-ഓപ്പറേറ്റീവ് സൊസൈറ്റിക്ക് നല്‍കിയിട്ടുളള കരാറുകള്‍

4181.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം ഊരാളുങ്കല്‍ ലേബര്‍ കോണ്‍ട്രാക്ട് കോ-ഓപ്പറേറ്റീവ് സൊസൈറ്റിക്ക് എത്ര തുകയുടെ കരാറുകള്‍ വിവിധ സര്‍ക്കാര്‍ സ്ഥാപനങ്ങള്‍ നല്‍കിയിട്ടുണ്ട്;

(ബി)	കരാറുകളു‍ടെ വിശദാംശങ്ങള്‍ ലഭ്യമാക്കാമോ?

സ്പാര്‍ക്ക് സോഫ്റ്റ്‍വെയറിന്റെ സുരക്ഷ

T 4182.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സര്‍ക്കാര്‍ ജീവനക്കാരുടെ മാനവവിഭവ വിവരങ്ങള്‍ സൂക്ഷിക്കുന്ന സ്പാര്‍ക്കില്‍ നിന്നും വിവരങ്ങള്‍ ചോര്‍ന്നിട്ടുണ്ടെന്ന വാര്‍ത്തയിലെ വസ്തുത പരിശോധിച്ചിട്ടുണ്ടോ; വ്യക്തമാക്കാമോ;

(ബി)	ജീവനക്കാരുടെ ശമ്പളവും മറ്റ് അലവന്‍സുകളും സ്പാര്‍ക്ക് മുഖേന പ്രോസസ്സ് ചെയ്യുന്നതിന് സ്വകാര്യ സ്ഥാപനങ്ങളെയോ വ്യക്തികളെയോ ഏല്‍പ്പിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(സി)	സ്പാര്‍ക്ക് സോഫ്റ്റ്‍വെയറിന്റെ സുരക്ഷ ഉറപ്പാക്കുന്നതിനുള്ള നടപടി സ്വീകരിക്കുമോ എന്നറിയിക്കാമോ?

ജി.എസ്.ടി നികുതി വരുമാനത്തിലെ കമ്മി

4183.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ജി.എസ്.ടി നടപ്പിലാക്കിയതിനു ശേഷം മുതല്‍ ഓരോ മാസവും സംസ്ഥാനത്തെ നികുതി വരുമാനം ലഭ്യമാക്കുമോ;

(ബി)	എസ്.ജി.എസ്.ടി, എെ. ജി .എസ്. ടി നികുതി വരുമാനത്തിലെ കമ്മി പരിഹരിക്കാന്‍ കേന്ദ്ര സര്‍ക്കാര്‍ നല്‍കുന്ന ഫണ്ട് ഓരോ മാസത്തേയും പ്രത്യേകം കണക്ക് ലഭ്യമാക്കാമോ?

ജി.എസ്.ടി. നടപ്പിലാക്കിയതു മുതലുള്ള നികുതി വെട്ടിപ്പ് കേസ്സുകള്‍

4184.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ജി.എസ്.ടി. നടപ്പിലാക്കിയതു മുതല്‍ കേരളത്തില്‍ നികുതി വെട്ടിപ്പുമായി ബന്ധപ്പെട്ട് എത്ര കേസ്സുകള്‍ രജിസ്റ്റര്‍ ചെയ്യപ്പെട്ടിട്ടുണ്ട്; വിശദവിവരങ്ങള്‍ നല്‍കുമോ;

(ബി)	ഇക്കാര്യത്തില്‍ സംസ്ഥാന സര്‍ക്കാരിന് എന്തെല്ലാം പരിമിതികളാണുള്ളത്;

(സി)	ടി കേസ്സുകളില്‍ ബന്ധപ്പെട്ടവര്‍ക്കെതിരെ നിയമ നടപടികള്‍ ആരംഭിച്ചിട്ടുണ്ടോ; എങ്കില്‍ വിശദവിവരം നല്‍കുമോ; ഇക്കാര്യത്തില്‍ സംസ്ഥാന സര്‍ക്കാരിന് നിയമ നടപടികള്‍ സ്വീകരിയ്ക്കുന്നതിന് പരിമിതികള്‍ ഉണ്ടോ?

ജി.എസ്.ടി.ക്ക് ശേഷമുള്ള നികുതി വരുമാനം

4185.

(എ)	ജി.എസ്.ടി. ഏര്‍പ്പെടുത്തിയ ശേഷം നികുതി വരുമാനം വര്‍ദ്ധിച്ചിട്ടുണ്ടോ എന്ന് വ്യക്തമാക്കുമോ;

(ബി)	കഴിഞ്ഞ സാമ്പത്തിക വര്‍ഷത്തെ വരുമാനം എത്രയെന്നും നടപ്പ് സാമ്പത്തിക വര്‍ഷത്തെ നാളിതുവരെയുള്ള വരുമാനം എത്രയെന്നും വ്യക്തമാക്കുമോ?

ചരക്കു സേവന നികുതി ഇന്റലിജന്‍സ്‍ ഡെപ്യൂട്ടി കമ്മീഷണരുടെ ഓഫീസുകള്‍

4186.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ പ്രവര്‍ത്തിക്കുന്ന ചരക്കു സേവന നികുതി ഇന്റലിജന്‍സ്‍ ഡെപ്യൂട്ടി കമ്മീഷണർ ഓഫീസുകളുടെ എണ്ണം വ്യക്തമാക്കുമോ;

(ബി)	ഒരു ജില്ലക്ക് ഒന്നു എന്ന കണക്കിലാണോ പ്രസ്തുത ഓഫീസുകള്‍ പ്രവര്‍ത്തിക്കുന്നതെന്ന് വ്യക്തമാക്കാമോ;

(സി)	ഒന്നില്‍ കൂടുതല്‍ ഓഫീസുകള്‍ ഉള്ള ജില്ലയോ ഒരു ഓഫീസും ഇല്ലാത്ത ജില്ലയോ ഉണ്ടോ എന്ന് വ്യക്തമാക്കാമോ ; എങ്കില്‍ അത്തരത്തില്‍പ്പെട്ട ജില്ലകള്‍ ഏതാണെന്ന് വ്യക്തമാക്കാമോ;

(ഡി)	എല്ലാ ജില്ലകളിലും അതാത് ജില്ലാ ആസ്ഥാനങ്ങളിലാണോ പ്രസ്തുത ഓഫീസുകൾ പ്രവര്‍ത്തിക്കുന്നതെന്ന് വ്യക്തമാക്കാമോ;

(ഇ)	കാസര്‍കോട് ജില്ലയുടെ ആസ്ഥാനമായ കാസര്‍കോട് ചരക്കു സേവന നികുതി വകുപ്പ് ഇന്റലിജന്‍സ് ഡെപ്യൂട്ടി കമ്മീഷണരുടെ ഓഫീസ് പ്രവര്‍ത്തിക്കുന്നുണ്ടോ എന്നും എങ്കില്‍ എത്ര കാലമായി പ്രവര്‍ത്തിച്ചു വരുന്നുവെന്നും വ്യക്തമാക്കാമോ;

(എഫ്)

പ്രസ്തുത ഓഫീസ് ജില്ലാ ആസ്ഥാനത്ത് നിന്ന് മറ്റൊരിടത്തേക്കു മാറ്റി ഉത്തരവായിട്ടുണ്ടോ എന്ന് വ്യക്തമാക്കാമോ; എങ്കില്‍ എവിടത്തേയ്ക്കാണ് മാറ്റിയതെന്നും , മാറ്റത്തിനുള്ള ന്യായീകരണമെന്താണെന്നും വ്യക്തമാക്കാമോ;

(ജി)	ജില്ലാ ആസ്ഥാനത്ത് നിന്ന് ഓഫീസ് മാറ്റണമെന്നാവശ്യപ്പെട്ട് വ്യക്തികളോ സംഘടനകളോ ജനപ്രതിനിധികളോ അപേക്ഷകള്‍ നല്‍കിയിരുന്നോ എന്ന് വ്യക്തമാക്കാമോ ; എങ്കില്‍ പ്രസ്തുത അപേക്ഷകളുടെ പകര്‍പ്പ് ലഭ്യമാക്കാമോ?

ധനദൃഢീകരണം

4187.

ശ്രീ.റ്റി.വി.രാജേഷ്
,, പി.കെ. ശശി
,, പി.വി. അന്‍വര്‍
,, ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സാമൂഹ്യ വികസന സൂചികയിൽ മുന്നിലുള്ള സംസ്ഥാനത്ത് മൂലധന നിക്ഷേപ വര്‍ദ്ധനവിലൂടെയും വിദ്യാഭ്യാസം, പൊതുജനാരോഗ്യം, വൈദ്യസഹായം തുടങ്ങിയ സാമൂഹ്യ സേവന മേഖല ശാക്തീകരിക്കുന്നതിലൂടെയും ധനദൃഢീകരണം സാധ്യമാക്കുന്നതിന് നടപ്പാക്കി വരുന്ന കാര്യങ്ങള്‍ വിശദമാക്കാമോ ;

(ബി)	സംസ്ഥാനത്തെ തനത് നികുതി-നികുതിയേതര റവന്യൂ വര്‍ദ്ധനവിനായി നടത്തിവരുന്ന പരിശ്രമങ്ങള്‍ എന്തെല്ലാമാണ്;

(സി)	മുഖ്യ തനതു നികുതി സ്രോതസ്സായ എസ്.ജി.എസ്.ടി. നികുതിയിലെ ചോര്‍ച്ച ഒഴിവാക്കുന്നതിനായി നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണ് ;

(ഡി)	ഇ-വേ ബില്‍ പരിശോധന കാര്യക്ഷമമാക്കുന്നതിനു സ്വീകരിച്ച നടപടികള്‍ അറിയിക്കുമോ; ഇ-വേ ബില്‍ പരിശോധന വഴി തൂക്കത്തിലും വിലയിലും നടത്തുന്ന കൃത്രിമം കണ്ടുപിടിക്കാന്‍ സാധ്യമാണോ;

2018-19 വര്‍ഷത്തില്‍ നികുതിയിനത്തില്‍ പിരിച്ചെടുത്ത തുക

4188.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	2018-19 സാമ്പത്തിക വര്‍ഷത്തില്‍ 30.11.2018 വരെ നികുതിയിനത്തില്‍ പിരിച്ചെടുത്ത തുക എത്രയെന്ന് തരം തിരിച്ച് വ്യക്തമാക്കുമോ;

(ബി)	പ്രസ്തുത സാമ്പത്തിക വര്‍ഷം എത്ര കോടി രൂപയാണ് പിരിച്ചെടുക്കുവാന്‍ ഉദ്ദേശിച്ചിരുന്നത്; വിശദമാക്കുമോ;

(സി)	നികുതി പിരിച്ചെടുക്കുന്നതില്‍ വീഴ്ച വന്നതായി കരുതുന്നുണ്ടോ; എങ്കില്‍ വിശദമാക്കുമോ;

(ഡി)	തമിഴ് നാട്ടില്‍ നിന്നും നികുതി വെട്ടിച്ച് സാധനങ്ങള്‍ കേരളത്തിലേക്ക് കൊണ്ടുവരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുവാന്‍ ചെക്ക് പോസ്റ്റുകളില്‍ എന്തൊക്കെ ക്രമീകരണങ്ങള്‍ നടത്തുവാന്‍ ഉദ്ദേശിക്കുന്നുവെന്ന് വ്യക്തമാക്കുമോ?

വാണിജ്യ നികുതി വകുപ്പില്‍ നിന്നും വിരമിച്ച ജീവനക്കാരുടെ പെന്‍ഷന്‍ ആനുകൂല്യങ്ങള്‍

4189.

(എ)	വാണിജ്യ നികുതി വകുപ്പില്‍ നിന്നും വിരമിച്ച എത്ര ജീവനക്കാരുടെ പെന്‍ഷന്‍ ആനുകൂല്യങ്ങള്‍ തടഞ്ഞ് വച്ചിട്ടുണ്ട്;ഇതില്‍ എത്ര കേസുകള്‍ ഒരു വര്‍ഷത്തിന‍ുമേല്‍ പഴക്കമുള്ളതാണെന്ന് വ്യക്തമാക്കാമോ;

(ബി)	സുപ്രീംകോടതിയുടെ വിധിന്യായ പ്രകാരം സര്‍ക്കാരില്‍ നിന്നും വിരമിക്കുന്ന ജീവനക്കാരുടെ പെന്‍ഷന്‍ ആനുകൂല്യങ്ങള്‍ അവര്‍ക്ക് അവകാശപ്പെട്ടതാണെന്നും അവ വ്യക്തമായ ഉത്തരവില്ലാതെ തടഞ്ഞുവെയ്ക്കാന്‍ പാടില്ലായെന്നും നിഷ‍്കര്‍ഷിച്ചിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(സി)

27.03.2002-ലെ സര്‍ക്കാര്‍ ഉത്തരവ് (G.O.(Rt) No.185/2002) പ്രകാരം വിരമിച്ച ജീവനക്കാര്‍ക്ക് ഏതെങ്കിലും വിധത്തിലുള്ള ബാധ്യതകള്‍ ഉള്ള പക്ഷം അവ തിട്ടപ്പെടുത്തി റവന്യൂ റിക്കവറി നടപടികളിലൂടെ ഈടാക്കേണ്ടതാണെന്നും പെന്‍ഷന്‍ ആനുകൂല്യങ്ങള്‍ തടഞ്ഞുവെയ്ക്കാന്‍ പാടില്ലാത്തതാണെന്നും ഉള്ള നിര്‍ദ്ദേശം അവഗണിച്ച് കൊണ്ട് വാണിജ്യ വകുപ്പിലെ ജീവനക്കാരുടെ അവകാശങ്ങളും ആനുകൂല്യങ്ങളും നിഷേധിക്കുന്ന ഉദ്യോഗസ്ഥരുടെ നിലപാടുകള്‍ക്ക് എതിരെ നടപടി സ്വീകരിക്കാന്‍ തയ്യാറാകുമോ;വ്യക്തമാക്കാമോ?

സബ്ട്രഷറി നിര്‍മ്മാണം

4190.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ജലസേചന വകുപ്പിന്റെ ഉടമസ്ഥതയിലുള്ള നിലമ്പൂരിലെ 12.25 സെന്റ് സ്ഥലം സബ്ട്രഷറി നിര്‍മ്മിക്കുന്നതിന് വിട്ടുനല്‍കിയ കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത സ്ഥലത്ത് ട്രഷറി കെട്ടിട നിര്‍മ്മാണം ഒരു വര്‍ഷത്തിനകം ആരംഭിക്കണം എന്ന നിബന്ധന ഉണ്ടോ; വിശദമാക്കാമോ;

(സി)	ടി സ്ഥലത്ത് ഒരു വര്‍ഷത്തിനകം നിലമ്പൂര്‍ ട്രഷറിയുടെ കെട്ടിടനിര്‍മ്മാണം ആരംഭിക്കുവാന്‍ കഴിയുമോ; വിശദമാക്കാമോ;

(ഡി)	മലപ്പുറം ജില്ലയില്‍ എവിടെയൊക്കെ ഏതൊക്കെ റൂറല്‍ ജില്ല ട്രഷറികള്‍ പ്രവര്‍ത്തിക്കുന്നു എന്ന് വ്യക്തമാക്കാമോ?

കാട്ടാക്കട സബ്ട്രഷറിയ്ക്ക് പുതിയ കെട്ടിടം

4191.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

കാട്ടാക്കട മണ്ഡലത്തിലെ കാട്ടാക്കട സബ്ട്രഷറിയ്ക്ക് പുതിയ കെട്ടിടം നിര്‍മ്മിക്കുന്നത് സംബന്ധിച്ച് എന്തെങ്കിലും നടപടി സ്വീകരിച്ചിട്ടുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ; ഇല്ലെങ്കില്‍ ആയതിനുള്ള നടപടി സ്വീകരിയ്ക്കാമോ?

ടി.എസ്.ബി അക്കൗണ്ടുകള്‍

4192.

(എ)	സംസ്ഥാനത്ത് നിലവില്‍ എത്ര ടി.എസ്.ബി അക്കൗണ്ടുകള്‍ ഉണ്ട് ; ടി.എസ്.ബി അക്കൗണ്ടുകളുടെ എണ്ണം വര്‍ദ്ധിപ്പിക്കുന്നതിന് നടപടി സ്വീകരിക്കുമോ ;

(ബി)	ട്രഷറികളില്‍ നിന്നും പണം പിന്‍വലിക്കുന്നതിന് എ.ടി.എം സംവിധാനം ഏര്‍പ്പെടുത്തുന്ന കാര്യം ആലോചിക്കുന്നുണ്ടോ ; എങ്കില്‍ എന്നുമുതല്‍ ഈ സംവിധാനം നിലവില്‍ വരും; വ്യക്തമാക്കാമോ?

കിഡ്നി രോഗികള്‍ക്കുള്ള കാരുണ്യ ബെനവലന്റ് ഫണ്ട് സഹായം

4193.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കാരുണ്യ ബെനവലന്റ് ഫണ്ടില്‍ നിന്ന് കിഡ്നി രോഗികള്‍ക്ക് നല്‍കുന്ന തുകയില്‍ വര്‍ദ്ധനവ് വരുത്തിയിട്ടുണ്ടോ; വിശദമാക്കാമോ;

(ബി)	നേരത്തേ 2 ലക്ഷം രൂപ അനുവദിക്കുകയും ഡയാലിസിസ് നടത്തി വരികയും ചെയ്യുന്ന രോഗികള്‍ക്ക് വര്‍ദ്ധിപ്പിച്ച തുകയുടെ ആനുകൂല്യം ലഭ്യമാക്കുമോ; എങ്കില്‍ ആയതിന് പുതിയ അപേക്ഷ നല്‍കേണ്ടതുണ്ടോ; വിശദവിവരങ്ങള്‍ നൽകുമോ?

കാരുണ്യ ചികിത്സ ധനസഹായം നല്‍കുന്നതിനുള്ള മാനദണ്ഡങ്ങള്‍

4194.

ശ്രീ.എം. നൗഷാദ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കാരുണ്യ ബനവലന്റ് ഫണ്ടില്‍ ചികിത്സ ധനസഹായം നല്‍കുന്നതിനുള്ള മാനദണ്ഡങ്ങള്‍ പുതുക്കാന്‍ ആലോചിക്കുന്നുണ്ടോ;എങ്കില്‍ വിശദാംശങ്ങള്‍ വ്യക്തമാക്കാമോ;

(ബി)	നിലവില്‍ ഒരു കുടുംബത്തിന് (റേഷന്‍ കാര്‍ഡ് ഒന്നിന്) രണ്ട് ലക്ഷം രൂപയാണ് (ബ്ലഡ് ക്യാന്‍സര്‍/വൃക്ക മാറ്റി വയ്ക്കല്‍ ഒഴികെ) ചികിത്സ ധനസഹായമായി അനുവദിക്കുന്നത്. ആയത് വര്‍ദ്ധിപ്പിക്കുന്ന കാര്യം പരിഗണനയിലുണ്ടോ; വിശദമാക്കാമോ;

(സി)	ഒരു കുടുംബത്തിലെ ഒന്നിലധികം പേര്‍ക്ക് ക്യാന്‍സര്‍ പോലുള്ള മാരക രോഗം ബാധിച്ചാല്‍ അവര്‍ക്ക് അര്‍ഹമായ ചികിത്സ ധനസഹായം ലഭിക്കുന്നതിന് പ്രസ്തുത നിബന്ധന തടസ്സമാകുന്നുവെന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ഡി)	ഒരു കാര്‍ഡിലെ (ഒരു കുടുംബത്തിലെ) ഓരോ അംഗത്തിനും രണ്ടു ലക്ഷം രൂപ വരെ പരമാവധി ചികിത്സ സഹായം (ക്യാന്‍സര്‍/ഹൃദ്രോഗം/വൃക്ക രോഗം) എന്ന നിലയില്‍ അര്‍ഹത മാനദണ്ഡം പുതുക്കി നിശ്ചയിക്കുവാന്‍ ആലോചിക്കുന്നുണ്ടോ; വിശദമാക്കാമോ?

കാരുണ്യ ചികിത്സാ പദ്ധതി

4195.

(എ)	കാരുണ്യ ചികിത്സാ പദ്ധതി പുനഃസംഘടിപ്പിക്കുന്നതിന് തീരുമാനിച്ചിട്ടുണ്ടോ; എങ്കില്‍ വിശദവിവരം നല്‍കുമോ;

(ബി)	ഇക്കാര്യത്തില്‍ കേന്ദ്ര സര്‍ക്കാരിന്റെ ഏതെങ്കിലും പദ്ധതിയുമായി കാരുണ്യ പദ്ധതിയെ കൂട്ടിച്ചേര്‍ക്കുന്നതിന് ഉദ്ദേശിച്ചിട്ടുണ്ടോ; വിശദവിവരം നല്‍കുമോ?

കെ എസ് എഫ് ഇ യുടെ പ്രവാസി ചിട്ടി

4196.

(എ)	കെ എസ് എഫ് ഇ യുടെ പ്രവാസി ചിട്ടി വഴി നാളിതുവരെ എത്ര കോടി രൂപ സമാഹരിക്കാന്‍ സാധിച്ചു എന്ന് വ്യക്തമാക്കാമോ;

(ബി)	പ്രവാസി ചിട്ടിയുടെ പരസ്യ ഇനത്തില്‍ നാളിതുവരെ എത്ര കോടി രൂപ ചെലവഴിച്ചു എന്ന് വ്യക്തമാക്കാമോ?

കെ.എസ്.എഫ്.ഇ. യുടെ നിക്ഷേപം

4197.

(എ)	ഈ സര്‍ക്കാര്‍ അധികാരത്തില്‍ വന്നപ്പോള്‍ റിസര്‍വ് മണിയായും, ട്രഷറി നിക്ഷേപമായും, ബാങ്ക് നിക്ഷേപമായും, മറ്റ് നീക്കിയിരിപ്പായും എത്ര കോടി രൂപ കെ.എസ്.എഫ്.ഇയില്‍ ഉണ്ടായിരുന്നുവെന്ന് വ്യക്തമാക്കുമോ;

(ബി)	ആയത് ഇപ്പോള്‍ എത്രയാണ് ; വിശദാംശം വ്യക്തമാക്കുമോ;

(സി)	സംസ്ഥാനത്ത് കെ.എസ്.എഫ്.ഇ യുടെ എത്ര ശാഖകള്‍ പ്രവര്‍ത്തിക്കുന്നുണ്ട്; ഈ സര്‍ക്കാര്‍ അധികാരത്തില്‍ വന്നതിനു ശേഷം പുതുതായി എത്ര ശാഖകള്‍ കെ.എസ്.എഫ്.ഇ ക്ക് തുടങ്ങാന്‍ കഴിഞ്ഞു; വ്യക്തമാക്കുമോ;

(ഡി)	ഇതിലൂടെ എത്ര കോടി രൂപയുടെ ചിട്ടി ഇടപാടുകളാണ് നിലവില്‍ നടന്നു വരുന്നത് ; വ്യക്തമാക്കാമോ ;

(ഇ)	കെ.എസ്.എഫ്.ഇ യുടെ 2017-18 ലെ ലാഭം എത്ര കോടി രൂപയാണ് ; 2017-18 ല്‍ ലാഭവിഹിതമായി സംസ്ഥാന ഖജനാവിന് എത്ര കോടി രൂപ കെ.എസ്.എഫ്.ഇ നല്‍കുകയുണ്ടായി ; വിശദമാക്കുമോ?

കെ.എസ്.എഫ്.ഇ.യിലെ പ്രവാസി ചിട്ടി

4198.

(എ)	കെ.എസ്.എഫ്.ഇ.യിലെ പ്രവാസി ചിട്ടികളില്‍ നിലവില്‍ എത്ര പ്രവാസികള്‍ ചേര്‍ന്നിട്ടുണ്ട്;

(ബി)	പ്രവാസി ചിട്ടികളില്‍ ചേര്‍ന്നവരുടെ ഫണ്ട് കിഫ്ബിയില്‍ ഉള്‍പ്പെടുത്തുവാന്‍ ഉദ്ദേശമുണ്ടോ; വ്യക്തമാക്കുമോ;

(സി)	നിലവില്‍ എത്ര പ്രവാസികള്‍ കെ.എസ്.എഫ്.ഇ.യുടെ പ്രവാസി ചിട്ടികളില്‍ നിക്ഷേപം നടത്തിയിട്ടുണ്ട്;

(ഡി)	പ്രവാസി ചിട്ടിയിലൂടെ എത്ര കോടിയുടെ ചിട്ടി ഇടപാടുകളാണ് നിലവില്‍ നടന്നു വരുന്നത്; വ്യക്തമാക്കുമോ?

പ്രവാസി ചിട്ടി

4199.

(എ)	കെ.എസ്.എഫ്.ഇ ആരംഭിച്ച പ്രവാസി ചിട്ടിയില്‍ എത്ര പേര്‍ രജിസ്റ്റര്‍ ചെയ്തിട്ടുണ്ടെന്ന് വ്യക്തമാക്കാമോ;

(ബി)	കെ.എസ്.എഫ്.ഇ പ്രവാസി ചിട്ടിയുടെ ഉദ്ദേശ്യലക്ഷ്യങ്ങള്‍ വിശദമാക്കാമോ?

മെ‍ഡിസെപ് പദ്ധതി

4200.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

MEDISEP പദ്ധതി ആരംഭിക്കുന്നതിനായി ഏതെല്ലാം ഇന്‍ഷ്വറന്‍സ് കമ്പനികളുമായാണ് കരാര്‍ ഒപ്പു വച്ചിട്ടുള്ളത്; വിശദവിവരങ്ങള്‍ നല്‍കുമോ ?

കയർ ഭൂവസ്ത്രം വിരിക്കുന്നതിന് സാങ്കേതികാനുമതി

4201.

ശ്രീ.കോവൂര്‍ കുഞ്ഞുമോന്‍ : താഴെ കാണുന്ന ചോദ്യത്തിന് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

ശാസ്താംകോട്ട ഹരിതതീരം പദ്ധതിയുടെ ഭാഗമായി കയർ ഭൂവസ്ത്രം വിരിക്കുന്നതിന് സാങ്കേതികാനുമതി നൽകാത്തതിന്റെ കാരണം മണ്ണ് പര്യവേക്ഷണ,മണ്ണ് സംരക്ഷണ ഡയറക്ടറുമായി ബന്ധപ്പെട്ട് വ്യക്തമാക്കാമോ?

കയര്‍ വകുപ്പില്‍ നടപ്പിലാക്കിയ പദ്ധതികള്‍

4202.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ കയര്‍ വകുപ്പില്‍ നടപ്പിലാക്കിയ വിവിധ പദ്ധതികളുടെയും ക്ഷേമ പ്രവര്‍ത്തനങ്ങളുടേയും വിശദാംശങ്ങള്‍ ലഭ്യമാക്കുമോ;

(ബി)	ചകിരി ഉത്പാദനം സംസ്ഥാനത്ത് വര്‍ധിപ്പിക്കാനാവശ്യമായ എന്തൊക്കെ നടപടികളാണ് സര്‍ക്കാര്‍ സ്വീകരിച്ചിട്ടുള്ളത്?

കുടുംബശ്രീയുടെ ആഭിമുഖ്യത്തിലുള്ള ചകിരി സംസ‍്കരണ യൂണിറ്റുകള്‍

4203.

(എ)	കയര്‍ വകുപ്പിന്റെയും കുടുംബശ്രീയുടെയും ആഭിമുഖ്യത്തില്‍ ചകിരി സംസ‍്കരണ യൂണിറ്റുകള്‍ ആരംഭിക്കുന്നതിന് പദ്ധതിയുണ്ടോ; വിശദാംശം നല്‍കുമോ;

(ബി)	ഈ പദ്ധതിയിലൂടെ തൊഴിലാളികള്‍ക്ക് എത്ര രൂപയാണ് കുറഞ്ഞ വേതനം ലഭിക്കുന്നത്;

(സി)	സ‍്ത്രീ തൊഴിലാളികളെ തൊണ്ട് തല്ല് രംഗത്ത് തിരികെ എത്തിക്കുന്നതിനും മെച്ചപ്പെട്ട കൂലി ഉറപ്പാക്കുന്നതിനും ഈ സംരംഭം എപ്രകാരം പ്രയോജനപ്പെടുത്താനാണ് ഉദ്ദേശിക്കുന്നത്; വിശദമാക്കുമോ?

പരമ്പരാഗത കയര്‍ ഉല്പന്നങ്ങളുടെ വില്പന

4204.

(എ)	കയര്‍ തൊഴിലാളികളുടെ ക്ഷേമത്തിനായി എന്തെല്ലാം പദ്ധതികളാണ് ആസൂത്രണം ചെയ്തിട്ടുള്ളതെന്ന് വെളിപ്പെടുത്തുമോ;

(ബി)	പരമ്പരാഗത തൊഴിലാളികള്‍ ഉല്പാദിപ്പിക്കുന്ന കയറുല്പന്നങ്ങള്‍ ശേഖരിക്കാനും അവ വിറ്റഴിക്കാനും എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വിശദമാക്കുമോ?

കയര്‍ ഉത്പാദക സഹകരണ സംഘങ്ങളുടെ പ്രവര്‍ത്തനങ്ങള്‍

4205.

(എ)	ഈ സര്‍ക്കാര്‍ കയര്‍ ഉത്പാദക സഹകരണ സംഘങ്ങളുടെ മെച്ചപ്പെട്ട പ്രവര്‍ത്തനങ്ങള്‍ക്കായി എന്തെല്ലാം നടപടികളാണ് സ്വീകരിച്ചിട്ടുളളത് എന്ന് വ്യക്തമാക്കാമോ;

(ബി)	കയര്‍ വ്യവസായത്തിന്റെ വളര്‍ച്ചയ്ക്കായി ഒരു പ്രത്യേക പാക്കേജ് നടപ്പിലാക്കുമോ; വിശദീകരിക്കാമോ?

കയര്‍ ഉത്പാദനം മെച്ചപ്പെടുത്തി തൊഴില്‍ ഉറപ്പു വരുത്തുന്നതിന് നടപടി

4206.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കയര്‍ ഉത്പാദനം മെച്ചപ്പെടുത്തുന്നതിനും കയര്‍ തൊഴിലാളികള്‍ക്ക് തൊഴില്‍ ഉറപ്പു വരുത്തുന്നതിനും എന്തെല്ലാം നടപടികളാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ;

(ബി)	പ്രതിവര്‍ഷം കേരളത്തിലേക്ക് എത്ര ടണ്‍ ചകിരി ഇറക്കുമതി ചെയ്യുന്നുവെന്നും ചകിരിയുടെ ഗുണനിലവാരം പരിശോധിക്കുന്നതിന് സംവിധാനം നിലവിലുണ്ടോയെന്നും വിശദീകരിക്കുമോ;

(സി)	കയര്‍ ഫെഡിന്റെ ഉത്പന്നങ്ങള്‍ വിദേശ രാജ്യങ്ങളിലേക്ക് കയറ്റി അയക്കുന്നുണ്ടോ; ഇതില്‍ നിന്നു് 2017-18 സാമ്പത്തിക വര്‍ഷത്തില്‍ എത്ര തുക ലഭിച്ചുവെന്ന് വിശദീകരിക്കുമോ?

Website maintained by Information System Section, Kerala Legislative Assembly, Thiruvananthapuram.