14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >13th Session>Unstarred questions Answers

Answer Provided

Answer Not Yet Provided

FOURTEENTH KLA - 13th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ജലസേചന വകുപ്പും കൃഷി വകുപ്പും യോജിച്ചുള്ള പ്രവർത്തനങ്ങൾ

2859.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജലസേചന വകുപ്പും കൃഷി വകുപ്പും തമ്മിലുള്ള ഏകോപനമില്ലായ്മ പദ്ധതികൾ തിരഞ്ഞെടുക്കുന്നതിനും അവ മുൻഗണനാടിസ്ഥാനത്തിൽ നടപ്പിലാക്കുന്നതിനും ചില പിഴവുകൾക്ക് ഇടയാക്കാറുണ്ടെന്നുള്ളത് ശ്രദ്ധയിൽ പ്പെട്ടിട്ടുണ്ടോ;

(ബി)	അതത് പ്രദേശത്തെ ജനപ്രതിനിധികളുമായി ചർച്ച ചെയത് പദ്ധതികൾ തിരഞ്ഞെടുക്കുന്നതിനും നടപ്പിലാക്കുന്നതിനുള്ള നടപടികൾ സ്വീകരിക്കുവാൻ സാധിക്കുമോ എന്ന് വ്യക്തമാക്കാമോ?

ജലവിഭവ വകുപ്പിനായി പ്ലാന്‍ ഫണ്ടില്‍ നീക്കിവച്ചിരിക്കുന്ന തുക

2860.

ശ്രീ.കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	2018-19 സാമ്പത്തിക വര്‍ഷത്തില്‍ ജലവിഭവ വകുപ്പിനായി പ്ലാന്‍ ഫണ്ടില്‍ നീക്കിവച്ചിരിക്കുന്ന തുക എത്രയാണെന്ന് വ്യക്തമാക്കുമോ;

(ബി)	പ്രസ്തുത തുകയില്‍ 2018 നവംബര്‍ 26 വരെ എത്ര തുകയാണ് ചെലവാക്കിയിരിക്കുന്നത്; വിശദമാക്കാമോ?

പ്രളയസമയത്തു പാലിക്കേണ്ട സ്റ്റാന്‍ഡേര്‍ഡ് ഒാപ്പറേറ്റിംഗ് പ്രോസിജര്‍

2861.

ശ്രീ.അടൂര്‍ പ്രകാശ്
,, കെ.എസ്.ശബരീനാഥന്‍
,, വി.പി.സജീന്ദ്രന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പ്രളയസമയത്തു സംസ്ഥാനങ്ങള്‍ പാലിക്കേണ്ട സ്റ്റാന്‍ഡേര്‍ഡ് ഒാപ്പറേറ്റിംഗ് പ്രോസിജര്‍ (എസ് ഒാ പി) കേന്ദ്ര ജല കമ്മീഷന്‍ നിഷ്കര്‍ശിച്ചിട്ടുണ്ടോ;

(ബി)	2018 വര്‍ഷത്തില്‍ കേരള സംസ്ഥാനത്തിനായി എസ് ഒാ പി തയ്യാറാക്കാന്‍ കേന്ദ്ര ജല കമ്മീഷന് അപേക്ഷ സമര്‍പ്പിച്ചിരുന്നോ;

(സി)	രാജ്യത്തെ എല്ലാ പ്രമുഖ സംസ്ഥാനങ്ങളും എസ് ഒാ പി തയ്യാറാക്കാന്‍ കേന്ദ്ര ജല കമ്മീഷന് അപേക്ഷ നല്‍കിയപ്പോള്‍ കേരളം മാത്രം നല്‍കാത്തത് എന്തുകൊണ്ടായിരുന്നു;

(ഡി)	എസ് ഒാ പി തയ്യാറാക്കാന്‍ അപേക്ഷ സമര്‍പ്പിക്കാതിരുന്നത് സര്‍ക്കാരിന്റെ വീഴ്ചയാണോ ; വ്യക്തമാക്കാമോ?

ജല നിധി പദ്ധതി

2862.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജലനിധി പദ്ധതി സാധാരണ ജനങ്ങള്‍ക്ക് പ്രയോജനപ്പെടുന്ന വിധത്തില്‍ എന്തെല്ലാം നടപടികള്‍ ആണ് സ്വീകരിച്ചിട്ടുളളത്;

(ബി)	ഇൗ പദ്ധതിയുടെ പ്രയാജനം സാധാരണക്കാര്‍ക്ക് എത്രത്തോളം ലഭ്യമായിട്ടുണ്ടെന്ന് വ്യക്തമാക്കാമോ?

ഒരു പഞ്ചായത്തില്‍ ഒരു കുളം പദ്ധതി

2863.

(എ)	ഒരു പഞ്ചായത്തില്‍ ഒരു കുളം എന്ന പദ്ധതിയുടെ നിലവിലെ സ്ഥിതി എന്തെന്ന് വ്യക്തമാക്കുമോ;

(ബി)	പ്രളയത്തിന്റെ പശ്ചാത്തലത്തില്‍ പ്രസ്തുത പദ്ധതി സമയബന്ധിതമായി നടപ്പിലാക്കാന്‍ നടപടി സ്വീകരിക്കുമോ എന്ന് അറിയിക്കാമോ?

അടൂര്‍ മണ്ഡലത്തിലെ മേജര്‍ ഇറിഗേഷന്‍ പദ്ധതികള്‍

2864.

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാരിന്റെ കാലത്ത് അടൂര്‍ മണ്ഡലത്തില്‍ മേജര്‍ ഇറിഗേഷന്‍ വിഭാഗം വിവിധ പദ്ധതികളിലൂടെ ഭരണാനുമതി ലഭ്യമാക്കിയതും നടപ്പിലാക്കിവരുന്നതും പൂര്‍ത്തീകരിച്ചതുമായ പ്രവൃത്തികളുടെ പേരുവിവരം, അടങ്കല്‍ തുക എന്നിവ വര്‍ഷാടിസ്ഥാനത്തില്‍ ലഭ്യമാക്കുമോ;

(ബി)	അടൂര്‍ മണ്ഡലത്തിനായി പ്രാധാന്യമേറിയ പുതിയ പദ്ധതികള്‍ നടപ്പിലാക്കുന്നതു് പരിഗണിച്ചിട്ടുണ്ടോ; എങ്കില്‍ അവയുടെ വിശദാംശം നല്കുമോ?

അടൂര്‍ മണ്ഡലത്തിലെ മൈനര്‍ ഇറിഗേഷന്‍ പദ്ധതികള്‍

2865.

(എ)	അടൂര്‍ മണ്ഡലത്തില്‍ ഈ സര്‍ക്കാരിന്റെ കാലയളവില്‍ മൈനര്‍ ഇറിഗേഷന്‍ വിഭാഗം ഭരണാനുമതി നല്‍കിയതും വിവിധ പദ്ധതികളിലൂടെ നടപ്പിലാക്കുന്നതുമായ പ്രാധാന്യമേറിയ പ്രവ്യത്തികളുടെ പേരുവിവരം, അടങ്കല്‍തുക എന്നിവ വര്‍ഷാടിസ്ഥാനത്തില്‍ ലഭ്യമാക്കാമോ;

(ബി)	അടൂര്‍ മണ്ഡലത്തിനായി പ്രാധാന്യമേറിയ പുതിയ പദ്ധതികള്‍ നടപ്പിലാക്കുന്നിതിന് ഉദ്ദേശിക്കുന്നുണ്ടോ;എങ്കില്‍ അവയുടെ വിശദാംശം ലഭ്യമാക്കാമോ?

തൃത്താല മണ്ഡലത്തിലെ തേനാംപാറ ലിഫ്റ്റ് ഇറിഗേഷന്‍ പദ്ധതി

2866.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തൃത്താല മണ്ഡലത്തിലെ തേനാംപാറ ലിഫ്റ്റ് ഇറിഗേഷന്‍ പദ്ധതിയുടെ ഇലക്ട്രിക്കല്‍ പ്രവൃത്തികള്‍ക്കായി എത്ര തുകയാണ് വകയിരുത്തിയിരിക്കുന്നത്; ഇലക്ട്രിക്കല്‍ പ്രവൃത്തികള്‍ പൂര്‍ത്തീകരിക്കാന്‍ ഇപ്പോള്‍ വകയിരുത്തിയിരിക്കുന്ന തുക മതിയാകുമോ; ഇല്ലെങ്കില്‍ കൂടുതല്‍ തുക വകയിരുത്തുന്നതിന് നടപടി സ്വീകരിക്കുമോ;

(ബി)	ഈ പദ്ധതിയിലെ ഇലക്ട്രിക്കല്‍ പ്രവൃത്തികള്‍ ആരംഭിക്കാന്‍ കാലതാമസം നേരിടുന്നതിന്റെ കാരണം വ്യക്തമാക്കാമോ;

(സി)	കാലതാമസം ഒഴിവാക്കി സമയബന്ധിതമായി ഇലക്ട്രിക്കല്‍ പ്രവൃത്തികള്‍ പൂര്‍ത്തിയാക്കുന്നതിന് നടപടികള്‍ സ്വീകരിക്കുമോ; വിശദാംശം വ്യക്തമാക്കാമോ?

പാവറട്ടി, മുല്ലശ്ശേരി പഞ്ചായത്തുകളിലെ ഉന്നതതല ജല സംഭരണികള്‍

2867.

ശ്രീ.മുരളി പെരുനെല്ലി : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

മണലൂര്‍ മണ്ഡലത്തിലെ പാവറട്ടി, മുല്ലശ്ശേരി ശുദ്ധജല വിതരണ പദ്ധതികള്‍ക്കായി പാവറട്ടി പഞ്ചായത്തിലും മുല്ലശ്ശേരി പഞ്ചായത്തിലും ഉന്നതതല ജല സംഭരണികള്‍ സ്ഥാപിക്കുന്നതുള്‍പ്പെടെയുള്ള പ്രവര്‍ത്തനങ്ങള്‍ ഇപ്പോള്‍ ഏത് ഘട്ടത്തിലാണ്; വിശദാംശങ്ങള്‍ നല്‍കാമോ?

പട്ടാമ്പി മണ്ഡലത്തിൽ നടപ്പിലാക്കി വരുന്ന പദ്ധതികൾ

2868.

(എ)	പട്ടാമ്പി മണ്ഡലത്തിൽ ജലസേചന വകുപ്പിനു കീഴിൽ നടപ്പിലാക്കിവരുന്ന പദ്ധതികൾ, അവയുടെ നിലവിലെ അവസ്ഥ എന്നിവ വ്യക്തമാക്കാമോ;

(ബി)	നിലവിൽ നടപ്പിലാക്കി വരുന്ന പദ്ധതികൾക്ക് എന്തെങ്കിലും തടസ്സം നേരിടുന്നുണ്ടോ; ഉണ്ടെങ്കിൽ വ്യക്തമാക്കാമോ;

(സി)	ഈ പദ്ധതികൾ ഏകദേശം എന്നു പൂർത്തിയാക്കാൻ സാധിക്കുമെന്നു വെളിപ്പെടുത്തുമോ?

കൊയിലാണ്ടി നിയോജക മണ്ഡലത്തിലെ ഹരിത കേരളം പദ്ധതി

2869.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിൽ വന്നതിനുശേഷം ഹരിത കേരളം മിഷന്റെ ഭാഗമായി കൊയിലാണ്ടി മണ്ഡലത്തിലെ എത്ര കുളങ്ങളാണ് ശുചീകരിച്ചത്;കുളത്തിന്റെ പേര്, അനുവദിച്ച തുക എന്നിവ സഹിതം വിശദമാക്കുമോ ;

(ബി)	പ്രസ്തുത മണ്ഡലത്തിലെ ഏതെല്ലാം കുളങ്ങള്‍ക്കാണ് സംരക്ഷണഭിത്തി കെട്ടി സംരക്ഷിക്കുവാനുള്ള എസ്റ്റിമേറ്റ് തയ്യാറാക്കിയിട്ടുള്ളതെന്ന് വ്യക്തമാക്കുമോ;അതില്‍ ഏതെങ്കിലും പ്രവൃത്തികള്‍ക്ക് ഭരണാനുമതി ലഭ്യമായിട്ടുണ്ടോ;

(സി)	പ്രസ്തുത മണ്ഡലത്തിലെ ഏതെല്ലാം തോടുകള്‍ക്കാണ് പാര്‍ശ്വഭിത്തി കെട്ടി സംരക്ഷിക്കുവാനുള്ള എസ്റ്റിമേറ്റ് തയ്യാറാക്കിയിട്ടുള്ളതെന്ന് വ്യക്തമാക്കുമോ ; അതില്‍ ഏതെങ്കിലും പ്രവൃത്തികള്‍ക്ക് ഭരണാനുമതി ലഭ്യമാക്കിയിട്ടുണ്ടോ എന്നറിയിക്കുമോ ?

സ്വാമിനാഥന്‍ കമ്മിറ്റി റിപ്പോര്‍ട്ട്

2870.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സ്വാമിനാഥന്‍ കമ്മിറ്റി റിപ്പോര്‍ട്ടിലെ ഏതെല്ലാം നിര്‍ദ്ദേശങ്ങളാണ് കുട്ടനാട്ടില്‍ ഇതുവരെ നടപ്പിലാക്കാന്‍ സാധിച്ചിട്ടുള്ളത്;

(ബി)	ഇനി ഏതെല്ലാം നിര്‍ദ്ദേശങ്ങളാണ് നടപ്പിലാക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

നദീ സംരക്ഷണ പദ്ധതികള്‍

2871.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നദീ സംരക്ഷണത്തിനായി ഏതൊക്കെ പദ്ധതികളാണ് നിലവിലുള്ളത്; ഓരോ പദ്ധതിക്കും അനുവദിച്ചിട്ടുള്ള തുക എത്രയാണെന്ന് വ്യക്തമാക്കാമോ;

(ബി)	ഓരോ പദ്ധതികള്‍ക്കുംവേണ്ടി ഏതൊക്കെ നദികളെയാണ് തെരഞ്ഞെടുത്തിട്ടുള്ളത്; വിശദാംശങ്ങള്‍ നല്‍കാമോ;

(സി)	ഇതില്‍ കേന്ദ്ര സര്‍ക്കാരിന്റെ സഹായം ലഭ്യമാകുന്ന എത്ര പദ്ധതികളുണ്ട്; ഓരോ പദ്ധതിയുടെയും കേന്ദ്ര വിഹിതം എത്രയാണെന്ന് വ്യക്തമാക്കാമോ?

റിവര്‍ ബേസിന്‍ കൗണ്‍സില്‍

2872.

ശ്രീ.പി.ടി. തോമസ്
,, സണ്ണി ജോസഫ്
,, വി.പി.സജീന്ദ്രന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തുണ്ടായ പ്രളയത്തിന്റെ പശ്ചാത്തലത്തില്‍ റിവര്‍ ബേസിന്‍ കൗണ്‍സില്‍ രൂപീകരിക്കാന്‍ ആലോചിക്കുന്നുണ്ടോ;

(ബി)	പ്രളയത്തിന്റെ പശ്ചാത്തലത്തില്‍ സംസ്ഥാനത്തെ പുഴകള്‍ക്ക് സംഭവിച്ച മാറ്റങ്ങളെ കുറിച്ച് പഠനം നടത്തിയിട്ടുണ്ടോ;

(സി)	പുഴകള്‍ക്ക് ദോഷകരമായ അനധികൃതമായ നിര്‍മ്മാണം, മണല്‍വാരല്‍ മുതലായ പ്രവൃത്തികള്‍ നിയന്ത്രിക്കാന്‍ എന്തൊക്കെ നടപടികളാണ് ജലവിഭവ വകുപ്പ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

മാടായി, മാട്ടൂല്‍ ഗ്രാമപഞ്ചായത്തുകളിലെ കടല്‍ ഭിത്തി പുനര്‍ നിര്‍മ്മിക്കുന്നതിന് നടപടി

2873.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ കടലാക്രമണം രൂക്ഷമായ മാടായി, മാട്ടൂല്‍ ഗ്രാമപഞ്ചായത്തുകളിലെ തകര്‍ന്ന കടല്‍ ഭിത്തികള്‍ പുനര്‍നിര്‍മ്മിക്കുന്നതിനും പുതുതായി കടല്‍ ഭിത്തികള്‍ നിര്‍മ്മിക്കുന്നതിനും എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം ലഭ്യമാക്കാമോ?

വൈപ്പിന്‍ മണ്ഡലത്തില്‍ സുരക്ഷ ഭിത്തികള്‍

2874.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	വൈപ്പിന്‍ മണ്ഡലത്തില്‍ തീരപ്രദേശങ്ങളില്‍ കടല്‍ ക്ഷോഭം അനുഭവപ്പെടുന്ന തീരപ്രദേശങ്ങളില്‍ സുരക്ഷ ഭിത്തികള്‍ നിര്‍മ്മിക്കുന്നതിന് വകുപ്പ് സ്വീകരിച്ചുവരുന്ന നടപടികള്‍ എന്തൊക്കെയെന്ന് വിശദമാക്കാമോ;

(ബി)	വൈപ്പിന്‍ മണ്ഡലത്തില്‍ നടന്നുവരുന്ന കടല്‍ഭിത്തി നിര്‍മ്മാണ പ്രവൃത്തികള്‍ ഏതെല്ലാം; ഓരോ പദ്ധതിയുടെയും ഭരണാനുമതി തുക എത്രയെന്ന് വ്യക്തമാക്കാമോ?

കേരളത്തിലെ നദികള്‍ക്ക് സംഭവിച്ച ദിശ മാറ്റം

2875.

ശ്രീ.കെ.സി.ജോസഫ്
,, ഹൈബി ഈഡന്‍
,, ഐ.സി.ബാലകൃഷ്ണന്‍
,, എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പ്രളയ സമയത്ത് സംസ്ഥാനത്തെ നദികള്‍ക്ക് ദിശ മാറ്റം സംഭവിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	നദീതീരങ്ങളെ സംരക്ഷിക്കാന്‍ നിലവിലെ രീതികള്‍ പര്യാപ്തമാണ് എന്ന് അഭിപ്രായമുണ്ടോ;

(സി)	നിലവിലുള്ള നദീതീര സംരക്ഷണ ഭിത്തികള്‍ കാര്യക്ഷമമല്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ; നദി തീരങ്ങള്‍ക്ക് ബയോഫെന്‍സിങ് ഉപയോഗിച്ച് സംരക്ഷണം നല്കാന്‍ ഉദ്ദേശിക്കുന്നുണ്ടോ;

(ഡി)	നദികളുടെ ദിശ മാറ്റം തടയാന്‍ എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നത് എന്ന് വ്യക്തമാക്കുമോ?

മഹാപ്രളയത്തില്‍ തീരങ്ങള്‍ ഇടിഞ്ഞ് ഉണ്ടായ നഷ്ടം

2876.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ വിവിധ നദികളുടെയും തോടുകളുടെയും തീരങ്ങള്‍ ഇടിഞ്ഞ് ഉണ്ടായ നഷ്ടത്തിന്‍െറ കണക്കെടുത്തിട്ടുണ്ടോ; ഉണ്ടെങ്കില്‍ എത്ര രൂപയുടെ നഷ്ടമുണ്ടായിട്ടുണ്ടെന്ന് ജില്ല തിരിച്ചുള്ള കണക്ക് ലഭ്യമാക്കാമോ;

(ബി)	വന്‍തോതില്‍ തീരം ഇടിഞ്ഞ ഭാഗങ്ങള്‍ സംരക്ഷിക്കുന്നതിനായി സ്വീകരിച്ചിട്ടുള്ള നടപടികളും ഇതിനായി വകയിരുത്തിയിരിക്കുന്ന തുകയും വ്യക്തമാക്കുമോ?

ജലാശയ സംരക്ഷണം

2877.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളം ജില്ലയിലെ ഇടപ്പള്ളി തോട്, പേരണ്ടൂര്‍ കനാല്‍, ചിലവന്നൂര്‍ കായല്‍ എന്നിവ സംരക്ഷിക്കുന്നതിന് ഇതുവരെ സ്വീകരിച്ച നടപടികള്‍ വിശദമാക്കാമോ;

(ബി)	ഇവ സംരക്ഷിക്കുന്നതിനും ഇവിടെ മാലിന്യങ്ങള്‍ തള്ളുന്നത് തടയുന്നതിനും അടിയന്തര തുടര്‍ നടപടികള്‍ സ്വീകരിക്കുമോ; വിശദാംശം ലഭ്യമാക്കാമോ?

ആമച്ചല്‍ വയ്ത്തലകുളം റീചാര്‍ജ്ജ് ചെയ്യുന്ന പദ്ധതി

2878.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാക്കട മണ്ഡലത്തിലെ കാട്ടാക്കട പഞ്ചായത്തില്‍ ആമച്ചല്‍ വയ്ത്തലകുളം റീചാര്‍ജ്ജ് ചെയ്യുന്ന പദ്ധതിയുടെ നിലവിലെ സ്ഥിതി എന്താണെന്ന് വിശദമാക്കാമോ;

(ബി)	ടെന്റര്‍ നടപടികള്‍ വേഗത്തിലാക്കി പ്രസ്തുത പ്രവൃത്തി ആരംഭിക്കുന്നതിനുള്ള നടപടി സ്വീകരിക്കാമോ?

കൊച്ചിന്‍ ഫ്രോണ്ടിയര്‍ തോട് ആഴം കൂട്ടി പാര്‍ശഭിത്തി കെട്ടിയുള്ള ജലസേചന പദ്ധതി

2879.

കുന്നംകുളം മുനിസിപ്പാലിറ്റിയിലെ മധുരക്കുളം മുതല്‍ കണ്ടാണശ്ശേരി , ഗുരുവായൂര്‍ മുനിസിപ്പാലിറ്റി, എളവള്ളി, മുല്ലശ്ശേരി പഞ്ചായത്തുകളിലൂടെ കടന്ന് പെരുവല്ലൂര്‍ പരപ്പുഴ വഴി മുല്ലശ്ശേരി കനാലിലെത്തുന്ന കൊച്ചിന്‍ ഫ്രോണ്ടിയര്‍ തോട് ആഴം കൂട്ടി പാര്‍ശഭിത്തി കെട്ടിയുള്ള ജലസേചന പദ്ധതിയ്ക്ക് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?

കുളങ്ങള്‍ പുനരുദ്ധീകരിക്കാന്‍ നടപടി

T 2880.

ശ്രീ.ഷാഫി പറമ്പില്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

പാലക്കാട് ജില്ലയില്‍ കുളങ്ങള്‍ പുനരുദ്ധീകരിച്ച് കാര്‍ഷികവൃത്തി അഭിവൃദ്ധിപ്പെടുത്തുന്നതിനും കുളങ്ങളിലെ ജലവിതാനം ഉയര്‍ത്തുന്നതിനുമായി ഈ സര്‍ക്കാര്‍ അധികാരത്തില്‍ വന്നതിനുശേഷം സ്വീകരിച്ചിട്ടുള്ള നടപടികളുടെ വിശദാംശങ്ങള്‍ അറിയിക്കാമോ?

കുളത്തൂര്‍ പഞ്ചായത്തിലെ വലിയതോടിന്റെ സംരക്ഷണ ഭിത്തി

2881.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര നിയോജകമണ്ഡലത്തിലെ കുളത്തൂര്‍ പഞ്ചായത്തിലെ വലിയതോടിന്റെ സംരക്ഷണ ഭിത്തി നിര്‍മ്മിക്കുന്നതുമായി ബന്ധപ്പെട്ട് എം.എല്‍.എ നല്‍കിയ കത്തിന്റെ അടിസ്ഥാനത്തില്‍ എം.എെ 3/165/2018/ജല.വി.വ അനുസരിച്ച് എന്ത് നടപടി സ്വീകരിച്ചു എന്ന് വ്യക്തമാക്കാമോ;

(ബി)	വലിയതോടിന്റെ സംരക്ഷണ ഭിത്തി തകര്‍ന്നതുകാരണം കര്‍ഷകര്‍ക്കും, പ്രദേശത്തെ താമസക്കാര്‍ക്കും കൃഷിയ്ക്കും പലതരത്തിലുള്ള നാശനഷ്ടം ഉണ്ടാകാന്‍ ഇടയുള്ള സാഹചര്യം ശ്രദ്ധയില്‍പ്പെട്ടിട്ടുണ്ടോ; അപകട ഭീഷണി ഒഴിവാക്കാന്‍ എന്ത് നടപടി സ്വീകരിക്കും എന്ന് വ്യക്തമാക്കാമോ;

(സി)	പ്രസ്തുത സംരക്ഷണ ഭിത്തി പുനര്‍നിര്‍മ്മിക്കാന്‍ അടങ്കല്‍ തുക എത്രയെന്ന് വ്യക്തമാക്കാമോ; ഇതിന്റെ നിര്‍മ്മാണ പ്രവൃത്തനം എപ്പോള്‍ ആരംഭിക്കാന്‍ കഴിയും എന്ന് വിശദമാക്കാമോ?

തിരുവമ്പാടി മണ്ഡലത്തിലെ പുഴകളുടേയും തോടുകളുടേയും തീരസംരക്ഷണം

2882.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മഹാപ്രളയത്തില്‍ വന്‍തോതില്‍ നാശം സംഭവിച്ച തിരുവമ്പാടി മണ്ഡലത്തിലെ പുഴകളുടേയും തോടുകളുടേയും തീരം സംരക്ഷിക്കുന്നതിന് എന്തെല്ലാം നടപടികളാണ് ഇതുവരെ സ്വീകരിച്ചതെന്ന് വിശദമാക്കുമോ;

(ബി)	മണ്ഡലത്തില്‍ നിന്നും ഭരണാനുമതിക്കായി സമര്‍പ്പിച്ച ജലസേചന - ചെറുകിട ജലസേചന പ്രവൃത്തികളുടെ വിശദാംശം ഇനം തിരിച്ച് വ്യക്തമാക്കുമോ;

(സി)	പ്രസ്തുത പ്രവൃത്തികളുടെ നിലവിലെ അവസ്ഥ എന്താണെന്ന് വ്യക്തമാക്കുമോ?

ജലാശയങ്ങള്‍ സംരക്ഷിക്കുന്നതിനും ശുചീകരിക്കുന്നതിനും നടപടികള്‍

2883.

ശ്രീ.പി.കെ.ബഷീര്‍
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പുഴകളും തോടുകളും നീരുറവകളും ജലാശയങ്ങളും സംരക്ഷിക്കുന്നതിനും ശുചീകരിക്കുന്നതിനും എന്തെല്ലാം നടപടികള്‍ സ്വീകരിച്ചു എന്നു വിശദമാക്കാമോ; ഇതിനായി എന്തെങ്കിലും പദ്ധതികള്‍ ആവിഷ്ക്കരിക്കാന്‍ ഉദ്ദേശിക്കുന്നുണ്ടോ, വിശദമാക്കാമോ;

(ബി)	സംസ്ഥാനത്തിന്റെ ഭൂഗര്‍ഭജല അളവ് വര്‍ദ്ധിപ്പിക്കുന്നതിനായി നടപ്പിലാക്കാന്‍ ഉദ്ദേശിക്കുന്ന നടപടികളുടെ വിശദാംശങ്ങള്‍ നല്കാമോ;

(സി)	ഇൗ സര്‍ക്കാര്‍ കാലയളവില്‍ സ്വകാര്യ/പൊതു കിണറുകള്‍, കുളങ്ങള്‍, മറ്റ് ജല സ്ത്രോതസ്സുകള്‍ എന്നിവ റീ ചാര്‍ജ്ജ് ചെയ്യുന്നതിനായി സ്വീകരിച്ച നടപടികള്‍ വിശദീകരിക്കാമോ?

റിസര്‍വോയര്‍ മാനേജ് മെന്റ്

2884.

ശ്രീ.സണ്ണി ജോസഫ് : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

റിസര്‍വോയര്‍ മാനേജ്മെന്റിനായി നൂതന ശാസ്ത്ര സാങ്കേതിക മാര്‍ഗ്ഗങ്ങള്‍ തേടാന്‍ ആലോചിക്കുന്നുണ്ടോ;വിശദമാക്കാമോ?

ജലസ്രോതസ്സുകളുടെ നവീകരണവും പുനരുദ്ധാരണവും

2885.

ശ്രീ.എ.എം. ആരിഫ്
,, റ്റി.വി.രാജേഷ്
,, ബി.സത്യന്‍
,, കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്ത് നിലവിലുള്ള ജലസ്രോതസ്സുകളുടെ നവീകരണവും പുനരുദ്ധാരണവും ഉറപ്പാക്കി പ്രാദേശിക തലത്തില്‍ ജലസേചനത്തിനും കുടിവെള്ളവിതരണത്തിനും പ്രയോജനപ്രദമാകുന്ന രീതിയില്‍ ഒരു പുതിയ ജല ഉപഭോഗസംസ്കാരം രൂപപ്പെടുത്തുന്നതിന് ഹരിത കേരളം മിഷന്‍ പദ്ധതിയില്‍ ഉള്‍പ്പെടുത്തി എന്തെല്ലാം ജല സംരക്ഷണ പ്രവര്‍ത്തനങ്ങളാണ് നടത്തി വരുന്നതെന്ന് വ്യക്തമാക്കാമോ;

(ബി)	കുളങ്ങള്‍, നീര്‍ച്ചാലുകള്‍, തോടുകള്‍, അരുവികള്‍, തടാകങ്ങള്‍ എന്നിവയുടെ സംരക്ഷണവുമായി ബന്ധപ്പെട്ട വിവിധ പ്രവൃത്തികള്‍ തൊഴിലുറപ്പ് പദ്ധതിയില്‍ ഉള്‍പ്പെടുത്തിയിട്ടുണ്ടോ; വിശദമാക്കുമോ;

(സി)	നദികളിലും മറ്റ് ഉപരിതല, ഭൂഗര്‍ഭ ജലസ്രോതസ്സുകളിലും ജലലഭ്യത ഉറപ്പാക്കാന്‍ സ്ഥിരം തടയണകള്‍ നിര്‍മ്മിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ?

ഡാം മാനേജ്മെന്റില്‍ വിവിധ വകുപ്പുകളുടെ ഏകോപനം

2886.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പ്രളയമുണ്ടായ സന്ദര്‍ഭത്തില്‍ ഡാമുകള്‍ തുറക്കുന്ന കാര്യത്തില്‍ വിവിധ വകുപ്പുകളുടെ ഏകോപനത്തില്‍ പാളിച്ചയുണ്ടായതായി വിലയിരുത്തുന്നുണ്ടോ;

(ബി)	എങ്കില്‍ ഡാം മാനേജ്മെന്റുമായി ബന്ധപ്പെട്ട് വിവിധ വകുപ്പുകള്‍ തമ്മില്‍ ഏകോപനം മെച്ചപ്പെടുത്താന്‍ ജലവിഭവ വകുപ്പ് എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കുമോ?

ഡാം റിഹാബിലിറ്റേഷന്‍ ആന്റ് ഇംപ്രൂവ്മെന്റ് പ്രോജക്ട്

2887.

(എ)	ഡാം റിഹാബിലിറ്റേഷന്‍ ആന്റ് ഇംപ്രൂവ്മെന്റ് പ്രോജക്ട് എന്ന ലോക ബാങ്ക് സ്കീമില്‍ ഇൗ സര്‍ക്കാരിന്റെ കാലയളവില്‍ എത്ര തുക ലഭ്യമാക്കിയിട്ടുണ്ട്;

(ബി)	പ്രസ്തുത പദ്ധതിക്കായി തെരഞ്ഞെടുത്ത ഡാമുകളുടെ വിവരങ്ങള്‍ നല്‍കാമോ;

(സി)	2017-18 വര്‍ഷത്തില്‍ പ്രസ്തുത പദ്ധതിക്കായി എത്ര തുക വകയിരുത്തിയിട്ടുണ്ടെന്നും അതില്‍ എത്ര തുക ചെലവഴിച്ചുവെന്നും വ്യക്തമാക്കുമോ?

ജലവിഭവ വകുപ്പിന്റെ നിയന്ത്രണത്തിലുള്ള ഡാമുകള്‍

2888.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജലവിഭവ വകുപ്പിന്റെ നിയന്ത്രണത്തില്‍ എത്ര ഡാമുകളാണ് ഉള്ളത്; വിശദാംശങ്ങള്‍ നല്‍കാമോ;

(ബി)	പ്രസ‍്ത‍ുത ഡാമ‍ുകളില്‍ 2018 ജ‍ൂലൈ 20 മുതല്‍ ഓഗസ്റ്റ് 18 വരെ എത്ര ശതമാനം വെള്ളമുണ്ടായിരുന്നു എന്നും, ഓരോ ദിവസവും എത്രമാത്രം വെള്ളം ഒഴുക്കിവിട്ടിരുന്നു എന്നും ഡാം തിരിച്ചുള്ള കണക്കുകള്‍ ലഭ്യമാക്കാമോ?

ഡാമുകളുടെ ആഴം കൂട്ടുന്ന നടപടികള്‍

2889.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മണ്ണും ചെളിയും നീക്കി ഡാമുകളുടെ ആഴം കൂട്ടുന്ന നടപടികള്‍ ഈ സര്‍ക്കാരിന്റെ കാലത്ത് സ്വീകരിച്ചിട്ടുണ്ടോ;എങ്കില്‍ പ്രവൃത്തി പൂര്‍ത്തീകരിച്ച ഡാമുകളുടെയും പ്രവൃത്തി പൂര്‍ത്തീകരിക്കുവാനുള്ള ഡാമുകളുടെയും വിശദവിവരം ലഭ്യമാക്കുമോ;

(ബി)	ഏതൊക്കെ ഡാമുകളാണ് ആഴം കൂട്ടി സംഭരണശേഷി വര്‍ദ്ധിപ്പിക്കാന്‍ സാധിച്ചിട്ടുള്ളത്; പ്രസ്തുത പ്രവൃത്തിമൂലം ഓരോ ഡാമിലും എത്ര ടി. എം. സി. ജലം അധികമായി ശേഖരിക്കാന്‍ സാധിച്ചിട്ടുണ്ട് എന്ന് വ്യക്തമാക്കാമോ?

ചാലക്കുടി പുഴയിലെ പ്രളയ സാധ്യത

2890.

ശ്രീ.എ.പി. അനില്‍ കുമാര്‍
,, കെ.സി.ജോസഫ്
,, റോജി എം. ജോണ്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ചാലക്കുടി പുഴയിലെ പ്രളയ സാധ്യത സംബന്ധിച്ച് മുംബൈയിലുളള ഇന്ത്യന്‍ ഇന്‍സ്റ്റിറ്റ്യൂട്ടിലെ വിദഗ്ദ്ധര്‍ സര്‍ക്കാരിന് മുന്നറിയിപ്പ് സല്‍കിയിരുന്നോ;2018 ജൂലൈ 20 തീയതി സര്‍ക്കാരിന് സമര്‍പ്പിച്ച പ്രസ്തുത മുന്നറിയിപ്പിന്റെ ഉള്ളടക്കമെന്തായിരുന്നു;വെളിപ്പെടുത്താമോ;

(ബി)	ചാലക്കുടി പുഴയുമായി ബന്ധപ്പെട്ട ഷോളയാര്‍ അടക്കം അഞ്ചോളം ഡാമുകള്‍ നിറഞ്ഞെന്നും പെരിങ്ങല്‍കുത്ത് അപകടകരമാം രീതിയില്‍ നിറഞ്ഞുകവിഞ്ഞെന്നുമുള്ള മുന്നറിയിപ്പ് അവഗണിക്കാനുണ്ടായ സാഹചര്യം വിശദീകരിക്കാമോ;

(സി)	ചാലക്കുടി സംരക്ഷണ സമിതിയും ബോംബെയിലുളള ഇന്ത്യന്‍ ഇന്‍സ്റ്റിറ്റ്യൂട്ടിലെ വിദഗ്ദ്ധര്‍ അടക്കം നിരവധി സംഘടനകള്‍ നല്‍കിയ മുന്നറിയിപ്പുകള്‍ അവഗണിച്ചത് പ്രളയത്തിന്റെ ആക്കം കൂട്ടി എന്നത് പരിശോധിച്ചിട്ടുണ്ടോ; വ്യക്തമാക്കുമോ?

കേരളത്തിലെ ഡാമുകളുടെ പ്രവര്‍ത്തനം

2891.

ശ്രീ.പി.ടി. തോമസ്
,, വി.പി.സജീന്ദ്രന്‍
,, എല്‍ദോസ് പി. കുന്നപ്പിള്ളില്‍
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഡാമുകളുടെ പ്രവര്‍ത്തനത്തിനായി റൂള്‍ കേര്‍വുകള്‍ നിലവിലുണ്ടോ;

(ബി)	തെക്കുപടിഞ്ഞാറന്‍ മണ്‍സൂണ്‍ പകുതിയായപ്പോള്‍ തന്നെ സംസ്ഥാനത്തെ ഡാമുകളുടെ ജലനിരപ്പ് അവയുടെ മാക്സിമം റിസെര്‍വോയര്‍ ലെവലിന് തൊട്ടടുത്ത് എത്തി എന്നത് റൂള്‍ കേര്‍വുകളുടെ ലംഘനമല്ലേ;

(സി)	രണ്ട് മണ്‍സൂണ്‍ നിലനില്‍ക്കുന്ന സംസ്ഥാനത്ത് ആദ്യ മണ്‍സൂണ്‍ പകുതിയില്‍ തന്നെ ഡാമുകള്‍ നിറയുവാനുണ്ടായ സാഹചര്യം എന്താണ്;

(ഡി)	റൂള്‍ കേര്‍വുകളുടെ ലംഘനം പ്രളയത്തിന് ആക്കം കൂട്ടി എന്നതു വിശകലനം ചെയ്തിട്ടുണ്ടോ; വെളിപ്പെടുത്താമോ?

ഡാമുകളില്‍ കെട്ടിക്കിടക്കുന്ന ചെളിയും എക്കലും നീക്കം ചെയ്യുന്നതിനുള്ള നടപടി

2892.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഡാമുകളില്‍ കെട്ടിക്കിടക്കുന്ന ചെളിയും എക്കലും നീക്കം ചെയ്യുന്നതിനുള്ള സ്റ്റാന്‍ഡേര്‍ഡ് ഓപ്പറേറ്റിംഗ് പ്രൊസീജിയര്‍ (SOP) സ.ഉ.(കൈ)നം.79/2017/ജവിവ പ്രകാരമുള്ള നടപടികള്‍ ഇപ്പോള്‍ ഏത് ഘട്ടത്തിലാണെന്ന് വിശദമാക്കാമോ;

(ബി)	ഡീസില്‍റ്റേഷന്‍ വഴി ലഭിക്കുന്ന എക്കലിലെ ഘടകങ്ങളുടെ അളവ് കണ്ടെത്തുന്നതിന് കെ.ഇ.ആര്‍.ഐ-യെ ഏല്‍പ്പിച്ചിട്ടുണ്ടോ; ഉണ്ടെങ്കില്‍ പ്രസ്തുത സ്ഥാപനം ഇതു സംബന്ധിച്ച് റിപ്പോര്‍ട്ട് സമര്‍പ്പിച്ചിട്ടുണ്ടോ; വിശദാംശം നല്‍കുമോ;

(സി)	ഡീസില്‍റ്റേഷനുമായി ബന്ധപ്പെട്ട് ഏതെല്ലാം ഡാമുകളിലെ മണ്ണ് നീക്കം ചെയ്യുന്നതിന് നാഷണല്‍ സെന്റര്‍ ഫോര്‍ എര്‍ത്ത് സയന്‍സ് സ്റ്റഡീസുമായി ധാരണാപത്രത്തില്‍ ഏര്‍പ്പെട്ടിട്ടുണ്ട്; വിശദമാക്കാമോ?

സംസ്ഥാനത്തെ ഡാമുകള്‍

2893.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ ഡാമുകളില്‍ അടിഞ്ഞുകൂടിയിട്ടുളള മണല്‍/എക്കല്‍ നിക്ഷേപങ്ങള്‍ നീക്കം ചെയ്യുന്നതിനും ഡാമുകളുടെ സംഭരണ ശേഷി വര്‍ദ്ധിപ്പിക്കുന്നതിനുമായി തിരഞ്ഞെടുത്തിട്ടുളള ഡാമുകള്‍ ഏതെല്ലാം എന്ന് വിശദമാക്കുമോ?

പുഴയുടെ തീരങ്ങള്‍ ഇടിഞ്ഞ് കൃഷിഭൂമി നശിപ്പിക്കപ്പെടുന്നത് തടയാന്‍ പദ്ധതി

2894.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

മഴക്കാലത്ത് പുഴയുടെ തീരങ്ങള്‍ ഇടിഞ്ഞ് കൃഷിഭൂമി നശിപ്പിക്കപ്പെടുന്നത് തടയാന്‍ എന്തെങ്കിലും പദ്ധതികള്‍ നിലവിലുണ്ടോ; വിശദമാക്കാമോ?

നദികളുടെ തിട്ട ഇടിയുന്നതു മൂലം വീടുകള്‍ക്ക് കേടുപാടുകള്‍

2895.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രധാന നദികളുടെ തിട്ടകള്‍ ഇടിയുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രധാന പല നദീതീരങ്ങളും ഇടിഞ്ഞ് ധാരാളം വീടുകള്‍ക്ക് കേടുപാടുകള്‍ സംഭവിച്ചിട്ടുളളത് ശ്രദ്ധയില്‍പ്പെട്ടിട്ടുണ്ടോ;

(സി)

ചെങ്ങന്നൂര്‍ നിയോജകമണ്ഡലത്തില്‍ പമ്പാനദിയുടേയും മറ്റു നദികളുടേയും തീരങ്ങള്‍ ഇടിയുന്നതു മൂലം വീടുകള്‍ക്ക് സംഭവിക്കുന്ന നാശനഷ്ടങ്ങള്‍ ഒഴിവാക്കുന്നതിന് സംരക്ഷണഭിത്തി കെട്ടുന്നതിനായി, നാശനഷ്ടങ്ങള്‍ക്കിരയായവര്‍ സമര്‍പ്പിച്ച നിവേദനങ്ങളുടെ അടിസ്ഥാനത്തില്‍ എന്തെല്ലാം നടപടികള്‍ സ്വീകരിച്ചു എന്ന് വിശദീകരിക്കുമോ?

നെയ്യാറിന്റെ ബണ്ട് പുനര്‍നിര്‍മ്മിക്കുവാന്‍ നടപടി

2896.

(എ)	നെയ്യാറ്റിന്‍കരയിലെ അമരവിള പുല്ലാമലയിലുളള നെയ്യാറിന്റെ ബണ്ട് തകര്‍ന്നത് ശ്രദ്ധയില്‍പ്പെട്ടിട്ടുണ്ടോ; ബണ്ട് പുനര്‍നിര്‍മ്മിക്കുവാന്‍ ഇറിഗേഷന്‍ എക്സിക്യൂട്ടീവ് എഞ്ചിനീയര്‍ സ്വീകരിച്ച നടപടി ഏതു അവസ്ഥയിലാണെന്ന് വ്യക്തമാക്കാമോ;

(ബി)	ബണ്ട് പുനര്‍നിര്‍മ്മാണത്തിനുള്ള അടങ്കല്‍ തുക വ്യക്തമാക്കാമോ; അടങ്കല്‍ തുക അനുസരിച്ച് ഭരണാനുമതി ലഭിച്ചിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

(സി)	പ്രസ്തുത ബണ്ട് തകര്‍ന്നതുമൂലമുണ്ടായ നാശനഷ്ടങ്ങള്‍ വ്യക്തമാക്കാമോ?

കരിമ്പുഴയില്‍ ശ്രീകൃഷ്ണപുരം, മുണ്ടോര്‍ശ്ശിക്കടവില്‍ ഒരു സ്ഥിരം തടയണ

2897.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റപ്പാലം മണ്ഡലത്തിലെ കരിമ്പുഴയില്‍ ശ്രീകൃഷ്ണപുരം, മുണ്ടോര്‍ശ്ശിക്കടവില്‍ ഒരു സ്ഥിരം തടയണ നിര്‍മ്മിക്കുന്നതിന് തീരുമാനിച്ചിട്ടുണ്ടോ;

(ബി)	ഉണ്ടെങ്കില്‍ അതിനായി ഇൗ സര്‍ക്കാരിന്റെകാലത്ത് എന്തെല്ലാം നടപടികള്‍ സ്വീകരിച്ചു എന്ന് വിശദീകരിക്കാമോ;

(സി)	ഈ മണ്ഡലത്തിലെ പ്രസ്തുത സ്ഥലങ്ങളില്‍ ഒരു സ്ഥിരം തടയണ നിര്‍മ്മിക്കുന്നതിന് ഇന്‍വെസ്റ്റിഗേഷന്‍ നടത്തിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

ചവറ മണ്ഡലത്തിലെ കടല്‍ ഭിത്തികള്‍

2898.

ശ്രീ.എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ചവറ മണ്ഡലത്തിലെ കടല്‍ ഭിത്തികള്‍ പുനര്‍നിര്‍മ്മിക്കുന്നതിനായുള്ള പദ്ധതി ഏറ്റെടുത്തിട്ടുണ്ടോ;

(ബി)	ഏതെല്ലാം സ്ഥലത്താണ് കടല്‍ഭിത്തിയും പുലിമുട്ടും നിര്‍മ്മിയ്ക്കാന്‍ ഉദ്ദേശിയ്ക്കുന്നത് എന്ന് അറിയിക്കുമോ?

കയ്പമംഗലം കടല്‍ഭിത്തി നിര്‍മ്മാണം

2899.

ശ്രീ.ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കയ്പമംഗലം നിയോജകമണ്ഡലത്തിലെ കടല്‍ഭിത്തി നിര്‍മ്മാണവുമായി ബന്ധപ്പെട്ട് എത്ര പദ്ധതികളാണ് ടെണ്ടര്‍ വിളിച്ചിട്ടും കരാറുകാര്‍ ഏറ്റെടുക്കാത്തത്; കരാറുകാര്‍ ജോലി ഏറ്റെടുക്കാത്തതിന്റെ കാരണങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ഇതുമായി ബന്ധപ്പെട്ട് പാറക്ഷാമം പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; കയ്പമംഗലം നിയോജകമണ്ഡലത്തിലെ തകര്‍ന്ന കടല്‍ഭിത്തി പുനര്‍നിര്‍മ്മിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(സി)	കടല്‍ഭിത്തി നിര്‍മ്മാണത്തിന്റെ കാലതാമസത്തിനുളള കാരണങ്ങള്‍ എന്തെല്ലാം; ഇത് പരിഹരിക്കുവാന്‍ സ്വീകരിച്ച നടപടികള്‍ എന്തെല്ലാമാണ്; വിശദമാക്കുമോ?

പ‍ൂന്ത‍ുറ, വലിയതുറ ഭാഗത്തെ പുലിമുട്ടുകളുടെ നവീകരണം

2900.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം നിയോജകമണ്ഡലത്തില്‍ ഉള്‍പ്പെടുന്ന പ‍ൂന്ത‍ുറ, വലിയതുറ ഭാഗത്തെ പുലിമുട്ടുകളുടെ നവീകരണ പ്രവ‍ൃത്തികളുടെ നിലവിലെ സ്ഥിതി വിശദമാക്കുമോ;

(ബി)	ഇതിലേയ്ക്കായി എത്ര തുക വകയിരുത്തിയിട്ടുണ്ട്; നവീകരണ പ്രവ‍ൃത്തികള്‍ എത്രയും വേഗം ആരംഭിക്കുന്നതിന് നടപടി സ്വീകരിക്കുമോ;

(സി)	ബീമാപള്ളി ഭാഗത്തെ പുലിമുട്ടുകളുടെ നിര്‍മ്മാണം എത്രയും വേഗം പൂര്‍ത്തീകരിക്കുന്നതിന് നടപടി സ്വീകരിക്കുമോ; പ്രവ‍ൃത്തിയുടെ നിലവിലെ സ്ഥിതി വിശദമാക്കുമോ?

കൊയിലാണ്ടി മണ്ഡലത്തിലെ കടല്‍ഭിത്തികള്‍

2901.

(എ)	കൊയിലാണ്ടി മണ്ഡലത്തിലെ തീരദേശങ്ങളിലെ തകര്‍ന്ന കടല്‍ഭിത്തികള്‍ പുനര്‍നിര്‍മ്മിക്കാനായുള്ള പ്രവൃത്തികളില്‍ എത്രയെണ്ണത്തിന് ഭരണാനുമതി ലഭിച്ചിട്ടുണ്ട്; ഭരണാനുമതി ലഭിച്ച പ്രവൃത്തികളുടെ തുക സഹിതം വിശദമാക്കാമോ;

(ബി)	ഇത് സംബന്ധിച്ച് ആകെ എത്ര രൂപയുടെ പ്രവൃത്തികള്‍ക്കാണ് എസ്റ്റിമേറ്റ് തയ്യാറാക്കി ഭരണാനുമതിക്കായി സമര്‍പ്പിച്ചിട്ടുളളത്;

(സി)	സമര്‍പ്പിച്ച എസ്റ്റിമേറ്റുകളില്‍ ഭരണാനുമതി നല്‍കാനുള്ള നടപടികള്‍ സ്വീകരിച്ചു വരുന്നുണ്ടോ;ഇല്ലെങ്കില്‍ ആയതിനുവേണ്ട നടപടികള്‍ സ്വീകരിക്കുമോ?

കല്ലംപുല്ലില്‍ ആര്‍.സി.ബി. പനക്കച്ചാലില്‍ വി.ബി.സി നിര്‍മ്മിക്കുന്നതിന് ഭരണാനുമതി

2902.

(എ)	കുടരഞ്ഞി ഗ്രാമപഞ്ചായത്തിലെ കല്ലംപുല്ലില്‍ റെഗുലേറ്റര്‍ കം ബ്രിഡ്ജ് (ആര്‍.സി.ബി), പനക്കച്ചാലില്‍ വെന്റഡ് ക്രോസ് ബാര്‍ (വി.സി.ബി) എന്നിവ നിര്‍മ്മിക്കുന്നതിന് ഭരണാനുമതി നല്‍കുന്നതിനായി സ്വീകരിച്ച നടപടികള്‍ വിശദമാക്കുമോ;

(ബി)	പ്രസ്തുത പദ്ധതികള്‍ക്ക് അടിയന്തരമായി ഭരണാനുമതി നല്‍കുന്നതിനുള്ള നടപടികള്‍ സ്വീകരിക്കുമോ?

പമ്പ് ഹൗസുകളിലെ പമ്പുകളിലും ഇലക്ട്രിക്ക് ഉപകരണങ്ങളിലുമുണ്ടായ കേടുപാടുകള്‍

2903.

(എ)

പ്രളയം കാരണം തൃത്താല മണ്ഡലത്തിലെ വിവിധ പമ്പ് ഹൗസുകളിലെ പമ്പുകളിലും മറ്റ് ഇലക്ട്രിക്ക് ഉപകരണങ്ങളിലുമുണ്ടായ കേടുപാടുകള്‍ തീര്‍ക്കുന്നതിന് പാടശേഖര സമിതിക്കാര്‍ ആഗസ്റ്റ് മാസത്തില്‍ ചെലവാക്കിയ തുക നാളിതുവരെയും മടക്കി നല്‍കിയിട്ടില്ലാത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഈ തുക വിതരണം ചെയ്യാതിരിക്കാനുള്ള കാരണം എന്താണെന്ന് വ്യക്തമാക്കാമോ;

(ബി)	ഈ തുക എത്രയും വേഗം വിതരണം ചെയ്യുന്നതിന് നടപടി സ്വീകരിക്കുമോ; വിശദാംശം വ്യക്തമാക്കാമോ?

കാളിപ്പാറ ശുദ്ധജലവിതരണത്തിലെ തകരാര്‍ പരിഹരിക്കാന്‍ നൂതന സാങ്കേതികവിദ്യ

2904.

(എ)	നെയ്യാറ്റിന്‍കര മണ്ഡലത്തില്‍ കാളിപ്പാറ ശുദ്ധജലവിതരണത്തിന് കിളിയോടു മുതല്‍ നെയ്യാറ്റിന്‍കര പട്ടണത്തിന്റെ വിവിധ പ്രദേശങ്ങളില്‍ സ്ഥാപിച്ചിരിക്കുന്ന പൈപ്പ് പൊട്ടുന്നതു ശ്രദ്ധയില്‍പ്പെടിട്ടുണ്ടോ; ഇതു പരിഹരിക്കുന്നതിന് എന്തു നടപടി സ്വീകരിച്ചു എന്ന് വ്യക്തമാക്കാമോ;

(ബി)	ദിനംപ്രതിയുളള പൈപ്പ് പൊട്ടല്‍ കാരണം ശുദ്ധജലവിതരണം തടസ്സപെടുന്നതും റോഡ് തകര്‍ന്ന് അപകടങ്ങള്‍ നടക്കുന്നതും ശ്രദ്ധയില്‍പെട്ടിട്ടുണ്ടോ;

(സി)	പൈപ്പ് പൊട്ടുന്നത് ഒഴിവാക്കാന്‍ നൂതന സാങ്കേതികവിദ്യയിലൂടെ നടപ്പാക്കാന്‍ ഉദ്ദേശിക്കുന്ന പദ്ധതിയുടെ വിവരങ്ങള്‍ വ്യക്തമാക്കാമോ;

(ഡി)	പ്രസ്തുത പദ്ധതിയുടെ അടങ്കല്‍ തുക എത്രയാണെന്നും ഭരണാനുമതി ലഭ്യമായിട്ടുണ്ടോയെന്നും പദ്ധതി എപ്പോള്‍ പൂര്‍ത്തീകരിക്കാന്‍ കഴിയുമെന്നും വ്യക്തമാക്കാമോ?

ഭാരതപ്പുഴയ്ക്ക് സംരക്ഷണഭിത്തി

2905.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയ്ക്കല്‍ നിയോജക മണ്ഡലത്തിലെ ഇരിമ്പിളിയം ഗ്രാമപഞ്ചായത്തിലെ വെണ്ടല്ലൂര്‍ പാടശേഖര സമിതി കണ്‍വീനറുടെ അപേക്ഷയും പുറമണ്ണൂര്‍- പുറക്കുളം പ്രദേശ വാസികളുടെ അപേക്ഷയിന്‍മേലും ജലവിഭവ വകുപ്പ് സ്വീകരിച്ച നടപടികള്‍ വ്യക്തമാക്കാമോ;

(ബി)	കുറ്റിപ്പുറം പഞ്ചായത്തിലെ വിഷാരക്കല്‍ ദുര്‍ഗ്ഗാഭഗവതി ക്ഷേത്രത്തിന് സമീപം ഭാരതപ്പുഴയുടെ വലതുകര ഇടിയുന്ന കാര്യം വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിന്മേല്‍ സ്വീകരിച്ച നടപടികള്‍ അറിയിക്കുമോ;സംരക്ഷണഭിത്തി കെട്ടി ക്ഷേത്രം സംരക്ഷിക്കുവാന്‍ നടപടി സ്വീകരിക്കുമോ; വിശദമാക്കുമോ;

(സി)	കുറ്റിപ്പുറം ഗ്രാമപഞ്ചായത്ത് 20-ാം വാര്‍ഡ് മെമ്പര്‍ ശ്രീമതി ഫസീന അഹമ്മദ് കുട്ടിയുടെ അപേക്ഷയിന്‍മേല്‍ സ്വീകരിച്ച നടപടികളുടെ വിശദമായ വിവരം ലഭ്യമാക്കുമോ;

(ഡി)

കോട്ടക്കല്‍ നിയോജകമണ്ഡലവുമായി ബന്ധപ്പെട്ട കുറ്റിപ്പുറം, മലപ്പുറം,ഇറിഗേഷന്‍ വകുപ്പ് അസിസ്റ്റന്റ് എന്‍ഞ്ചിനീയര്‍ ഓഫീസുകളില്‍ നിലവിലുള്ള പ്രൊപ്പോസലുകള്‍ ഏതെല്ലാം; ഇതിൽ എത്ര പ്രൊപ്പോസലുകളുടെ എസ്റ്റിമേറ്റുകള്‍ തയ്യാറാക്കിയിട്ടുണ്ട്; ഈ സാമ്പത്തിക വര്‍ഷം ഭരണാനുമതി ലഭ്യമായ പദ്ധതികള്‍ ഏതെല്ലാം വ്യക്തമാക്കുമോ;

(ഇ)	എസ്റ്റിമേറ്റുകള്‍ മറ്റ് ഓഫീസുകളിലേക്ക് അയച്ചവ ഏതെല്ലാം; വിശദമാക്കുമോ?

ചവറ മുതല്‍ ശാസ്താംകോട്ട വരെയുള്ള പൈപ്പ് റോഡ് നവീകരണം

2906.

(എ)	ചവറ മുതല്‍ ശാസ്താംകോട്ട വരെ കേരള വാട്ടര്‍ അതോറിറ്റിയുടെ ഉടമസ്ഥതയിലുള്ള പൈപ്പ് റോഡ് തകര്‍ന്ന് കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത റോഡ് യാത്രയോഗ്യമാക്കുന്നതിനുള്ള നടപടികള്‍ സ്വീകരിക്കുമോ; 2006-10 കാലത്ത് ഏത് വകുപ്പാണ് പ്രസ്തുത റോഡ് പണി നടത്തിയത് എന്ന് അറിയിക്കുമോ?

പിറവം മണ്ഡലത്തിലെ മേജര്‍ ഇറിഗേഷന്‍ പദ്ധതികള്‍

2907.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പിറവം നിയോജക മണ്ഡലത്തില്‍ നടപ്പിലാക്കി വരുന്ന മേജര്‍ ഇറിഗേഷന്‍ പദ്ധതികള്‍ ഏതൊക്കെയാണെന്നും അവയുടെ ഇപ്പോഴത്തെ അവസ്ഥ എന്താണെന്നും അറിയിക്കുമോ;

(ബി)	പുഴകളുടെയും നദികളുടേയും തീരം, സംരക്ഷണ ഭിത്തി നിര്‍മ്മിച്ച് സംരക്ഷിക്കുന്ന പ്രവൃത്തികള്‍ പ്രസ്തുത പദ്ധതികളില്‍ ഉള്‍പ്പെട്ടിട്ടുണ്ടെങ്കില്‍ അവ സംബന്ധിച്ച വിവരം പഞ്ചായത്ത് തിരിച്ച് ലഭ്യമാക്കുമോ?

പിറവം മണ്ഡലത്തിലെ മൈനര്‍ ഇറിഗേഷന്‍ പദ്ധതികള്‍

2908.

(എ)	പിറവം നിയോജക മണ്ഡലത്തില്‍ ജലവിഭവ വകുപ്പ് നടപ്പിലാക്കി വരുന്ന മൈനര്‍ ഇറിഗേഷന്‍ പദ്ധതികള്‍ ഏതൊക്കെയാണെന്നും അവ ഏത് ഘട്ടത്തിലാണെന്നും അറിയിക്കുമോ;

(ബി)	പ്രസ്തുത പദ്ധതികളില്‍ കുളങ്ങളുടെ നവീകരണം, ചെറുതോടുകളുടെ സംരക്ഷണം എന്നിവ ഉള്‍പ്പെടുത്തിയിട്ടുണ്ടെങ്കില്‍ അവയുടെ വിവരം പഞ്ചായത്തുതിരിച്ച് ലഭ്യമാക്കുമോ?

മങ്കട നിയോജകമണ്ഡലത്തിന്റെ പദ്ധതികള്‍ക്ക് ഭരണാനുമതി

2909.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	2018-19 ബഡ്ജറ്റില്‍ ഇറിഗേഷന്‍ (മൈനര്‍/മേജര്‍), കേരള വാട്ടര്‍ അതോറിറ്റി എന്നീ വകുപ്പുകള്‍ മുഖേന മങ്കട നിയോജക മണ്ഡലത്തിന്റെ ഏതെങ്കിലും പദ്ധതികള്‍ക്ക് ഭരണാനുമതി നല്‍കിയിട്ടുണ്ടോ;

(ബി)	പ്രസ്തുത മണ്ഡലത്തില്‍ നിലവില്‍ ജലവിഭവ വകുപ്പുമായും കേരളാ വാട്ടര്‍ അതോറിറ്റിയുമായും ബന്ധപ്പെട്ട് നടക്കുന്ന പ്രവൃത്തികളുടെ വിശദാംശങ്ങള്‍ ലഭ്യമാക്കാമോ?

വര്‍ക്കല മണ്ഡലത്തിലെ മൈനര്‍ ഇറിഗേഷന്‍ പദ്ധതികള്‍

2910.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	വര്‍ക്കല നിയോജക മണ്ഡലത്തിലെ മടവൂര്‍ പഞ്ചായത്തിലെ ആനക്കുന്നം ഏലായില്‍ കൃഷിക്ക് അനുയോജ്യമായ തരത്തില്‍ ജലം എത്തിക്കുന്നതിനും ട്രാക്റ്റര്‍ കൊണ്ടു പോകുന്നതിനുമായി മൈനര്‍ ഇറിഗേഷന്‍ വകുപ്പ് എന്തെങ്കിലും പദ്ധതികള്‍ തയ്യാറാക്കിയിട്ടുണ്ടോ;

(ബി)	ഉണ്ടെങ്കില്‍ ആയത് സംബന്ധിച്ച വിശദ വിവരങ്ങള്‍ നല്കാമോ?

കുടമുണ്ട പാലത്തിന്റെ അപ്രോച്ച് റോഡ്

2911.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മണ്ഡലത്തില്‍ വാരപ്പെട്ടി-കവളങ്ങാട് പഞ്ചായത്തുകളെ തമ്മില്‍ ബന്ധിപ്പിക്കുന്ന കുടമുണ്ട പാലത്തിന്റെ അപ്രോച്ച് റോഡ് നിര്‍മ്മാണം തടസ്സപ്പെട്ട് കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;വിശദമാക്കാമോ;

(ബി)	ഇതുമായി ബന്ധപ്പെട്ട് സെക്രട്ടേറിയറ്റിലെ ഐ.ആര്‍.2/313/18/ഡബ്ല്യു.ആര്‍.ഡി. എന്ന ഫയലിന്റെ നിലവിലെ സ്ഥിതി എന്താണെന്ന് വ്യക്തമാക്കാമോ;

(സി)	അപ്രോച്ച് റോഡ് നിര്‍മ്മിക്കുവാന്‍ കാലതാമസം നേരിടുന്നതിന്റെ കാരണം എന്താണെന്ന് വ്യക്തമാക്കാമോ;

(ഡി)	സാങ്കേതികപ്രശ്നങ്ങളും കാലതാമസവും ഒഴിവാക്കി അപ്രോച്ച് റോഡ് നിര്‍മ്മാണം പൂര്‍ത്തീകരിക്കുന്നതിന് നടപടി സ്വീകരിക്കുമോ?

കയ്പമംഗലം നിയോജക മണ്ഡലത്തിലെ ചിറക്കല്‍-ചെറുപുഴ പദ്ധതി

2912.

(എ)	കയ്പമംഗലം നിയോജക മണ്ഡലത്തിലെ എടത്തിരുത്തി ഗ്രാമപഞ്ചായത്തില്‍ എം.എല്‍.എ.യുടെ ആസ്തി വികസന ഫണ്ട് വഴി അനുവദിച്ച ചിറക്കല്‍-ചെറുപുഴ പദ്ധതിയുടെ നിര്‍മ്മാണം ഇപ്പോള്‍ ഏത് ഘട്ടത്തിലാണ്;

(ബി)	നിര്‍ദ്ദിഷ്ട പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ക്ക് എന്തെല്ലാം തടസ്സങ്ങളാണ് നിലനില്‍ക്കുന്നത്;വ്യക്തമാക്കുമോ;

(സി)	പ്രസ്തുത പദ്ധതിയുടെ നിര്‍മ്മാണവുമായി ബന്ധപ്പെട്ട പ്രതിസന്ധികള്‍ മറികടക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണ്?

പറമ്പില്‍ ബസാര്‍, പൂളക്കടവ് പ്രദേശങ്ങളെ തമ്മില്‍ ബന്ധിപ്പിക്കുന്ന പാലത്തിന്റെ നിര്‍മ്മാണം

T 2913.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

കോഴിക്കോട് ജില്ലയിലെ പറമ്പില്‍ ബസാര്‍, പൂളക്കടവ് പ്രദേശങ്ങളെ തമ്മില്‍ ബന്ധിപ്പിക്കുന്ന പാലത്തിന്റെ നിര്‍മ്മാണം ആരംഭിക്കുന്നതിനാവശ്യമായ എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കുമോ?

പാടിവട്ടം മരിയാപാര്‍ക്ക് മുതല്‍ തൃക്കാക്കര അമ്പലം വരെയുള്ള പെെപ്പ്‍ലെെന്‍ റോഡ് നവീകരണം

2914.

(എ)	എറണാകുളം ജില്ലയില്‍ പാടിവട്ടം മരിയാപാര്‍ക്ക് മുതല്‍ തൃക്കാക്കര അമ്പലം വരെയുള്ള പെെപ്പ്‍ലെെന്‍ റോഡ് തകര്‍ന്ന് കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)	മരിയാപാര്‍ക്ക് മുതല്‍ തൃക്കാക്കര അമ്പലം വരെയുള്ള ഭാഗം ടാര്‍ ചെയ്ത് ഗതാഗത യോഗ്യമാക്കുന്നതിന് ഇറിഗേഷന്‍ വകുപ്പ് നടപടി സ്വീകരിക്കുകയോ മുനിസിപ്പാലിറ്റിക്ക് അനുവാദം നല്‍കുകയോ ചെയ്യുമോ; വ്യക്തമാക്കുമോ?

വളളക്കടവ് പാലത്തിലേക്കുള്ള അപ്രോച്ച് റോഡ് ടാറിങ്ങ്

2915.

(എ)	കോതമംഗലം മണ്ഡലത്തിലെ പല്ലാരിമംഗലം-കവളങ്ങാട് പഞ്ചായത്തുകളെ തമ്മില്‍ ബന്ധിപ്പിക്കുന്ന വളളക്കടവ് പാലം ഇറിഗേഷന്‍ വകുപ്പ് മുഖാന്തിരം നിര്‍മ്മാണം പൂര്‍ത്തിയാക്കിയെങ്കിലും അപ്രോച്ച് റോഡ് ടാര്‍ ചെയ്തിട്ടില്ല എന്ന വിഷയം ശ്രദ്ധയില്‍ പെട്ടിട്ടുണ്ടോ;

(ബി)	അപ്രോച്ച് റോഡ് ടാറിങ്ങ് വൈകുന്നതിന്റെ കാരണം വ്യക്തമാക്കാമോ;

(സി)	നിരവധി വാഹനങ്ങളും, കാല്‍നടക്കാരും സഞ്ചരിക്കുന്ന പ്രസ്തുത അപ്രോച്ച് റോഡിന്റെ ടാറിങ്ങ് നടപടികള്‍ വേഗത്തിലാക്കുന്നതിന് നടപടി സ്വീകരിക്കുമോ;വിശദമാക്കാമോ?

നായര്‍കുഴി ലിഫ്റ്റ് ഇറിഗേഷന്‍ പദ്ധതി

2916.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നബാര്‍ഡ് ആര്‍.ഐ.ഡി. എഫ് പദ്ധതിയില്‍ അംഗീകാരം ലഭിച്ച ചാത്തമംഗലം ഗ്രാമപഞ്ചായത്തിലെ നായര്‍കുഴി ലിഫ്റ്റ് ഇറിഗേഷന്‍ പ്രവൃത്തി പൂര്‍ത്തീകരണത്തിന് കാലതാമസം വരുത്തുന്നതിനുള്ള കാരണം വിശദമാക്കാമോ;

(ബി)	ഏതെല്ലാം പ്രവൃത്തികളാണ് ചെയ്യാന്‍ ബാക്കിയുള്ളതെന്ന് വ്യക്തമാക്കാമോ;

(സി)	സമയബന്ധിതമായി പൂര്‍ത്തീകരിച്ച് ജനുവരി ആദ്യവാരത്തില്‍ പദ്ധതി കമ്മീഷന്‍ ചെയ്യുന്നതിന് നടപടി സ്വീകരിക്കുമോ?

ശബരിമലയിലെ കുടിവെള്ള വിതരണം

2917.

(എ)	ശബരിമലയില്‍ നിലവില്‍ എത്ര ലക്ഷം ലിറ്റര്‍ കുടിവെള്ളമാണ് ദിവസേന ആവശ്യമായി വരുന്നത്;

(ബി)	ഇതില്‍ എത്ര ലിറ്റര്‍ വെള്ളമാണ് ലഭ്യമാക്കാന്‍ സാധിക്കുന്നത്;വ്യക്തമാക്കുമോ?

മാനന്തവാടി മണ്ഡലത്തിലെ ജലസേചന പദ്ധതികള്‍

2918.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തിനുശേഷം തകരാറിലായ വയനാട്ടിലെ ഇറിഗേഷന്‍ വകുപ്പിന്റെ ജലസേചന പദ്ധതികള്‍ ഏതെല്ലാമെന്ന് വ്യക്തമാക്കാമോ;

(ബി)	മാനന്തവാടി മണ്ഡലത്തില്‍ പ്രളയത്തില്‍ നാശനഷ്ടം സംഭവിച്ച ഇറിഗേഷന്‍ പദ്ധതികുളുടെ നവീകരണം നടക്കാത്തതിനാല്‍ നെല്‍പാടങ്ങളില്‍ വെള്ളം ലഭിക്കാത്ത അവസ്ഥ ശ്രദ്ധയില്‍പെട്ടിട്ടുണ്ടോ;

(സി)	പ്രസ്തുത മണ്ഡലത്തിലെ ഇറിഗേഷന്‍ പദ്ധതികള്‍ പ്രവര്‍ത്തനക്ഷമമാക്കാന്‍ അടിയന്തര നടപടി സ്വീകരിക്കാമോ?

പത്തനംതിട്ട ജില്ലയില്‍ റിവര്‍ മാനേജ്‍മെന്റ് ഫണ്ട്

2919.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പത്തനംതിട്ട ജില്ലയില്‍ കഴിഞ്ഞ രണ്ട് വര്‍ഷങ്ങളില്‍ റിവര്‍ മാനേജ്‍മെന്റ് ഫണ്ട് പ്രകാരം എത്ര തുക അനുവദിച്ചു; വിശദാംശങ്ങള്‍ നല്‍കുമോ;

(ബി)	ഈ തുക ഉപയോഗിച്ച് എന്തെല്ലാം പ്രവൃത്തികള്‍ നടത്തി വരുന്നു;

(സി)	റിവര്‍ മാനേജ്മെന്റ് ഫണ്ട് ഉപയോഗിച്ച് പ്രസ്തുത ജില്ലയില്‍ നിര്‍മ്മാണത്തിലിരിക്കുന്ന പാലങ്ങളുടെ അവസ്ഥ വെളിപ്പെടുത്തുമോ?

മുല്ലശ്ശേരി, എളവള്ളി, പാവറട്ടി പഞ്ചായത്തുകളിലൂടെ കടന്ന് പോകുന്ന കോഴിത്തോട് നവീകരണം

2920.

മണലൂര്‍ മണ്ഡലത്തിലെ മുല്ലശ്ശേരി, എളവള്ളി, പാവറട്ടി പഞ്ചായത്തുകളിലൂടെ കടന്ന് പോകുന്ന കോഴിത്തോട് നവീകരണത്തിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ വെളിപ്പെടുത്താമോ?

പെരിന്തല്‍മണ്ണ നിയോജകമണ്ഡലത്തില്‍ ജലസേചന വകുപ്പിന് കീഴിലുള്ള പ്രവൃത്തികള്‍

2921.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പെരിന്തല്‍മണ്ണ നിയോജകമണ്ഡലത്തില്‍ ഉള്‍പ്പെട്ടതും 2018-19-ല്‍ നടപ്പിലാക്കാന്‍ ഉദ്ദേശിച്ചതുമായ ജലസേചന വകുപ്പിനുകീഴിലുള്ള പ്രവൃത്തികളില്‍ ഏതെല്ലാം പ്രവൃത്തികള്‍ക്ക് ഭരണാനുമതി നല്‍കിയിട്ടുണ്ട്;

(ബി)	ഇനി ഏതെല്ലാം പ്രവൃത്തികള്‍ക്ക് അനുമതി നല്‍കാനുണ്ട്;വിശദാംശം ലഭ്യമാക്കുമോ;

(സി)	2018-19-ല്‍ അടിയന്തര പ്രാധാന്യത്തോടെ നടപ്പിലാക്കാന്‍ ഉദ്ദേശിച്ചിട്ടുള്ള ജലസേചന പ്രവൃത്തികള്‍ക്കുപോലും ഭരണാനുമതി നല്‍കാത്ത സ്ഥിതിവിശേഷം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ ഇത്തരം പദ്ധതികള്‍ പ്രത്യേകമായി അവലോകനം ചെയ്യുന്നതിനും അടിയന്തരമായി ഭരണാനുമതി നല്‍കുന്നതിനും നടപടി സ്വീകരിക്കുമോ?

ചാലക്കുടിപ്പുഴയിലെ തുമ്പൂര്‍മുഴി റിവര്‍ ഡൈവേര്‍ഷന്‍ സ്കീമിലെ കനാലുകളുടെ പുനര്‍നിര്‍മ്മാണം

2922.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മഹാപ്രളയത്തില്‍ തകര്‍ന്ന ചാലക്കുടിപ്പുഴയിലെ തുമ്പൂര്‍മുഴി റിവര്‍ ഡൈവേര്‍ഷന്‍ സ്കീമിലെ ഇടതുകര-വലതുകര കനാലുകളും ബ്രാഞ്ച് കനാലുകളും അടിയന്തരമായി പുനര്‍നിര്‍മ്മിക്കുന്നതിനാവശ്യമായ നടപടികള്‍ സ്വീകരിച്ചിട്ടുണ്ടോ;

(ബി)	ഇതിനാവശ്യമായ അടിയന്തര നടപടികള്‍ സ്വീകരിക്കുമോ?

ഭൂജല നിരപ്പ്

2923.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഭൂജല നിരപ്പ് കുറയുന്നത് തടയാന്‍ എന്തൊക്കെ നടപടികള്‍ ഈ സര്‍ക്കാര്‍ സ്വീകരിച്ചിട്ടുണ്ട്; വിശദാംശം നല്‍കാമോ;

(ബി)	പ്രളയത്തിനു ശേഷം ഭൂജല നിരപ്പില്‍ എന്തൊക്കെ മാറ്റങ്ങളാണ് സംഭവിച്ചിട്ടുള്ളത് എന്ന് വ്യക്തമാക്കുമോ?

ചെങ്ങന്നൂര്‍ മണ്ഡലത്തില്‍ കുടിവെള്ള ക്ഷാമം

2924.

(എ)	പ്രളയദുരിതത്തോടനുബന്ധിച്ച് ചെങ്ങന്നൂര്‍ മണ്ഡലത്തില്‍ നിലനിന്ന രൂക്ഷമായ കുടിവെള്ള ക്ഷാമം പരിഹരിക്കുന്നതിനായി ഗ്രൗണ്ട് വാട്ടര്‍ ഡിപ്പാര്‍ട്ട്മെന്റ് നടത്തിയ ഇടപെടലുകളും ആശ്വാസ നടപടികളും വ്യക്തമാക്കാമോ;

(ബി)	ചെങ്ങന്നൂര്‍ മണ്ഡലത്തില്‍ നടപ്പിലാക്കിയ തുടര്‍ പദ്ധതികള്‍ എന്തെല്ലാമാണെന്ന് വിവരിക്കാമോ;

(സി)	ടി പദ്ധതികളുമായി ബന്ധപ്പെട്ട് പ്രളയ സ്ഥലങ്ങള്‍ സന്ദര്‍ശിച്ച ഉദ്യോഗസ്ഥരുടെ ഔദ്യോഗിക വിലാസവും തീയതിയും വിശദമാക്കാമോ?

കേന്ദ്ര ഭൂജല വകുപ്പിന്റെ പഠന റിപ്പോര്‍ട്ട്

2925.

(എ)	കേന്ദ്ര ഭൂജല വകുപ്പ് ഈ വര്‍ഷം സംസ്ഥാനത്ത് ഭൂജല നിരപ്പിനെക്കുറിച്ച് പഠനം നടത്തിയിരുന്നോ;

(ബി)	കഴിഞ്ഞ അഞ്ച് വര്‍ഷങ്ങളില്‍ നടത്തിയ പഠനപ്രകാരം ഭൂജല നിരപ്പ് താഴ്ന്നിട്ടുണ്ട് എന്ന് റിപ്പോര്‍ട്ട് ചെയ്തിട്ടുണ്ടോ; എത്രയെന്ന് വെളിപ്പെടുത്തുമോ;

(സി)	ഇതിനുള്ള കാരണങ്ങളായി പഠന റിപ്പോര്‍ട്ടില്‍ പറയുന്നത് എന്തൊക്കെയെന്നും വ്യക്തമാക്കുമോ?

കുഴല്‍ക്കിണറുകള്‍

2926.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കുഴല്‍ക്കിണറുകള്‍ കുഴിക്കുന്നതിന് നിലവില്‍ എന്തെല്ലാം മാനദണ്ഡങ്ങളാണ് നിശ്ചയിച്ചിരിക്കുന്നത് എന്ന് അറിയിക്കുമോ;

(ബി)	എറണാകുളം ജില്ലയിലുള്‍പ്പെടെ ഒട്ടേറെ അപേക്ഷകള്‍ പരിഗണനയ്ക്കായി കെട്ടിക്കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	കാലതാമസം പരിഹരിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് അറിയിക്കുമോ?

സ്വകാര്യ വ്യക്തികള്‍ ലോറിയില്‍ വിതരണം ചെയ്യുന്ന കുടിവെള്ളത്തിന്റെ ഗുണമേന്മ

2927.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സ്വകാര്യ വ്യക്തികള്‍ ലോറിയില്‍ വിതരണം ചെയ്യുന്ന കുടിവെള്ളത്തിന്റെ ഗുണമേന്മ ഉറപ്പുവരുത്തുന്നതിന് ജല അതോറിറ്റി എന്തെങ്കിലും സംവിധാനം ഏര്‍പ്പെടുത്തിയിട്ടുണ്ടോ;

(ബി)	കുടിവെള്ളം ശേഖരിക്കുന്ന ജല സ്രോതസ്സുകളുടെ വിവരം ലഭ്യമാക്കുന്നതിനും വിതരണം ചെയ്യുന്നതിനും സ്വകാര്യ വിതരണക്കാര്‍ക്ക് ജല അതോറിറ്റി ഏതെങ്കിലും നടപടി ക്രമങ്ങള്‍ ഏര്‍പ്പെടുത്തിയിട്ടുണ്ടോ;എങ്കില്‍ ഇതിന്‍െറ വിശദവിവരം നല്‍കുമോ?

കുളങ്ങള്‍, തോടുകള്‍, നീര്‍ച്ചാലുകള്‍ എന്നിവയുടെ സംരക്ഷണം

2928.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കുളങ്ങള്‍, തോടുകള്‍, നീര്‍ച്ചാലുകള്‍ ഇവയുടെ സംരക്ഷണത്തിനായി എന്തൊക്കെ പ്രവര്‍ത്തനങ്ങളാണ് ഈ സര്‍ക്കാര്‍ നടപ്പാക്കാനുദ്ദേശിക്കുന്നത്;

(ബി)	ഇത് സംബന്ധിച്ച് ഇതുവരെ സ്വീകരിച്ച നടപടികള്‍ വ്യക്തമാക്കുമോ?

യൂഡിസ്‍മാറ്റ് വഴി നടപ്പിലാക്കുന്ന കുടിവെള്ള പദ്ധതി

2929.

(എ)	തലശ്ശേരി മുനിസിപ്പാലിറ്റിയില്‍ യൂഡിസ്‍മാറ്റ് വഴി നടപ്പിലാക്കുന്ന കുടിവെള്ള പദ്ധതിയുടെ നിലവിലുള്ള അവസ്ഥ എന്താണെന്ന് വ്യക്തമാക്കാമോ;

(ബി)	ഈ പദ്ധതിയുടെ പൂര്‍ത്തീകരണത്തിന് ഇതുവരെ എന്തെല്ലാം നടപടികള്‍ സ്വീകരിച്ചെന്നും ഈ പ്രവൃത്തി പൂര്‍ത്തീകരിക്കാന്‍ ഇനി എന്തെല്ലാം നടപടികള്‍ ആണ് ആവശ്യമെന്നും വ്യക്തമാക്കുമോ?

ജലമലിനീകരണത്തിന്റെ തോത്

2930.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ജലമലിനീകരണത്തിന്റെ തോത് എത്ര എന്ന് വിശദമാക്കാമോ;

(ബി)	ജലമലിനീകരണത്തിന്റെ തോത് കുറയ്ക്കാനായി ഈ സര്‍ക്കാര്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

പെരിന്തല്‍മണ്ണ മണ്ഡലത്തിലെ മൈനോറിറ്റി കുടിവെള്ള പദ്ധതി

2931.

(എ)	കേരള വാട്ടര്‍ അതോറിറ്റി നടപ്പിലാക്കി വരുന്ന മൈനോറിറ്റി കുടിവെള്ള പദ്ധതി പ്രകാരം പെരിന്തല്‍മണ്ണ മണ്ഡലത്തില്‍ ഏതെല്ലാം പദ്ധതികളാണ് പൂര്‍ത്തീകരിയ്ക്കാന്‍ ബാക്കിയുള്ളത്;

(ബി)	ഓരോ പദ്ധതിയന്‍കീഴിലും നാളിതുവരെ ചെലവഴിച്ച തുകയും ഇനി ചെലവഴിയ്ക്കാന്‍ ബാക്കിയുള്ള തുകയും സംബന്ധിച്ച വിശദാംശം ലഭ്യമാക്കുമോ;

(സി)	പ്രവൃത്തികളുടെ പുരോഗതി വിലയിരുത്തൂന്നതിന് ആരെയാണ് ചുമതലപ്പെടുത്തിയിട്ടുള്ളത്;പദ്ധതി പൂര്‍ത്തീകരണം ത്വരിതഗതിയിലാക്കുന്നതിന് ആവശ്യമായ നടപടി സ്വീകരിയ്ക്കുമോ?

പുതിയ കുടിവെള്ള-ജലവിതരണ പദ്ധതികള്‍

2932.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് നാളിതുവരെ എത്ര കുടിവെള്ള-ജലവിതരണ പദ്ധതികള്‍ പൂര്‍ത്തിയാക്കിയിട്ടുണ്ട്; വിശദാംശം ലഭ്യമാക്കുമോ;

(ബി)	പ്രസ്തുത പദ്ധതികള്‍വഴി എത്ര ലിറ്റര്‍ കുടിവെള്ളം ലഭ്യമാക്കുന്നുണ്ടെന്ന് വെളിപ്പെടുത്തുമോ?

രാജീവ് ഗാന്ധി കുടിവെള്ള പദ്ധതി

2933.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	രാജീവ് ഗാന്ധി കുടിവെള്ള പദ്ധതി സംസ്ഥാനത്ത് നടപ്പാക്കിയതെപ്പോഴാണെന്നും എത്ര രൂപയുടെ പദ്ധതിയാണിതെന്നും സംസ്ഥാന സര്‍ക്കാറിന്റെ വിഹിതമെന്താണെന്നും വ്യക്തമാക്കാമോ;

(ബി)	ഏതെല്ലാം പഞ്ചായത്തുകളിലാണ് ഈ പദ്ധതി നടപ്പാക്കിയത്; ഏതെല്ലാം പ്രവൃത്തികളാണ് ഓരോ പഞ്ചായത്തിലും നടത്തിയത്; വ്യക്തമാക്കാമോ;

(സി)	രാജീവ് ഗാന്ധി കുടിവെള്ള പദ്ധതിയില്‍ പഞ്ചായത്തുകളെ ഉള്‍പ്പെടുത്താന്‍ സ്വീകരിച്ച മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കാമോ;

(ഡി)	പഞ്ചായത്തുകളില്‍ തുടങ്ങിവച്ച പ്രവൃത്തികള്‍ ഇപ്പോഴും പ്രവര്‍ത്തനക്ഷമമാണോ എന്നും ഗുണഭോക്താക്കള്‍ക്ക് ഗുണം അനുഭവിക്കാന്‍ കഴിയുന്നുണ്ടോ എന്നും വ്യക്തമാക്കാമോ; ഇല്ലെങ്കില്‍ എതെല്ലാം പഞ്ചായത്തുകളിലാണ് പദ്ധതിയുടെ ഗുണം ഇപ്പോള്‍ ലഭ്യമല്ലാത്തതെന്നും അതിനുള്ള കാരണമെന്താണെന്നും വ്യക്തമാക്കാമോ;

(ഇ)	പ്രവര്‍ത്തിക്കാത്ത മോട്ടോറുകള്‍, ഉപയോഗശൂന്യമായ പൈപ്പുകള്‍, നീരുറവയില്ലാത്ത കുഴല്‍കിണറുകള്‍ തുടങ്ങിയ കുടിവെളള പദ്ധതി പ്രശ്നങ്ങള്‍ പരിഹരിച്ച് ഗുണഭോക്താക്കളെ ഏല്‍പ്പിച്ച് പദ്ധതി പ്രവര്‍ത്തനക്ഷമമാക്കാന്‍ നടപടി സ്വീകരിക്കുമോ എന്ന് വ്യക്തമാക്കാമോ?

ജപ്പാന്‍ കുടിവെള്ള പദ്ധതി

2934.

(എ)	കോഴിക്കോട് ജില്ലയില്‍ ജപ്പാന്‍ കുടിവെള്ള പദ്ധതി പൂര്‍ത്തീകരിക്കുന്നതില്‍ അനാവശ്യ കാലതാമസം വരുത്തുന്നതായ ആക്ഷേപം ശ്രദ്ധയില്‍പ്പെട്ടിട്ടുണ്ടോ;സമയബന്ധിതമായി പ്രവൃത്തി പൂര്‍ത്തീകരിക്കുന്നതില്‍ വീഴ്ച വരാനിടയായ സാഹചര്യം വിശദമാക്കാമോ ;

(ബി)	ആവശ്യമായ പെപ്പുകളിട്ട് കുടിവെള്ളം ലഭ്യമാക്കുന്നതിനുള്ള നടപടികള്‍ പൂര്‍ത്തീകരിക്കാന്‍ എപ്പോള്‍ സാധിക്കുമെന്ന് വ്യക്തമാക്കാമോ?

കോങ്കയം കുടിവെള്ള പദ്ധതി

2935.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം മണ്ഡലത്തിലെ കോങ്കയം കുടിവെള്ള പദ്ധതിയുടെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	മുപ്പത് വര്‍ഷത്തിലധികം പഴക്കമുള്ള പ്രസ്തുത പദ്ധതിയുടെ ദ്രവിച്ച പൈപ്പുകളും മറ്റും മാറ്റി സ്ഥാപിക്കുവാന്‍ നടപടി സ്വീകരിക്കുമോ;

(സി)	ഈ പദ്ധതിയോട് ചേര്‍ന്ന് വാട്ടര്‍ ട്രീറ്റ്മെന്റ് പ്ലാന്റ് സ്ഥാപിക്കണമെന്നാവശ്യപ്പെട്ടുകൊണ്ടുള്ള C3/286/18/WRD നമ്പര്‍ ഫയലില്‍ സ്വീകരിച്ച നടപടികള്‍ വിശദീകരിക്കാമോ?

ഗാര്‍ഹിക വാട്ടര്‍ കണക്ഷന്‍ ലഭിക്കുന്നതിനുള്ള നടപടിക്രമങ്ങള്‍

2936.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കേരളാ വാട്ടര്‍ അതോറിറ്റിയില്‍ ഗാര്‍ഹിക കണക്ഷന്‍ എടുക്കുന്നതിനുള്ള നടപടിക്രമങ്ങള്‍ ലഘൂകരിച്ച് ഉത്തരവ് ഇറക്കിയിട്ടുണ്ടോ; പ്രസ്തുത ഉത്തരവ് പ്രകാരം ലൈസന്‍സിഡ് പ്ലംബര്‍ മുഖേന അല്ലാതെ എത്ര ഗാര്‍ഹിക കണക്ഷന്‍ വാട്ടര്‍ അതോറിറ്റി ഈ സര്‍ക്കാരിന്റെ കാലത്ത് നല്‍കിയിട്ടുണ്ട്; വ്യക്തമാക്കാമോ;

(ബി)	പ്രസ്തുത ഉത്തരവ് പ്രകാരം ഓണര്‍ഷിപ്പ് സര്‍ട്ടിഫിക്കറ്റോ, റെസിഡന്‍ഷ്യല്‍ സര്‍ട്ടിഫിക്കറ്റോ ഇല്ലാതെ മറ്റ് തിരിച്ചറിയല്‍ രേഖകള്‍ ആധാരമാക്കി എത്ര ഗാര്‍ഹിക കണക്ഷന്‍ ഈ സര്‍ക്കാരിന്റെ കാലത്ത് നല്‍കിയിട്ടുണ്ട് എന്നറിയിക്കാമോ;

(സി)	ഗാര്‍ഹിക കണക്ഷന്‍ ലഭിക്കുന്നതിനായി ഉപഭോക്താക്കള്‍ നേരിട്ട് സമര്‍പ്പിച്ച അപേക്ഷകള്‍ ഉദ്യോഗസ്ഥര്‍ നിരുത്സാഹപ്പെടുത്തുകയും പ്ലംബര്‍ മുഖേനയെ അപേക്ഷ സമര്‍പ്പിക്കാവൂ എന്ന് തെറ്റിദ്ധരിപ്പിക്കുകയും ചെയ്യുന്നതായി ശ്രദ്ധയില്‍പെട്ടിട്ടുണ്ടോ; എങ്കില്‍ ഇപ്രകാരം എത്ര അപേക്ഷകള്‍ നിരസിച്ചിട്ടുണ്ട്;

(ഡി)	സാധാരണ ജനങ്ങളുടെ അറിവിലേക്കായി തിരിച്ചറിയല്‍ രേഖകളുടെ അടിസ്ഥാനത്തില്‍ കേരളാ വാട്ടര്‍ അതോറിറ്റി നേരിട്ട് വാട്ടര്‍ കണക്ഷന്‍ നല്‍കും എന്ന അറിയിപ്പുകള്‍ എല്ലാ വാട്ടര്‍ അതോറിറ്റി ഓഫീസിലും പ്രദര്‍ശിപ്പിക്കുമോ?

ഗാര്‍ഹിക കുടിവെളള കണക്ഷനുകള്‍

2937.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഗാര്‍ഹിക കുടിവെളള കണക്ഷനുകള്‍ നല്‍കുന്നതിന് എന്തെല്ലാം കര്‍മ്മപദ്ധതികളാണ് ഈ സര്‍ക്കാര്‍ ആവിഷ്കരിച്ചിട്ടുളളത്; വിശദമാക്കുമോ;

(ബി)	കഴിഞ്ഞ ഒരു വര്‍ഷത്തിനുളളില്‍ നല്‍കിയ ഗാര്‍ഹിക കണക്ഷനുകളില്‍ എത്രമാത്രം വര്‍ദ്ധനവുണ്ടാക്കാനാണ് ലക്ഷ്യമിട്ടിരുന്നത്; ഇതില്‍ എത്ര കണക്ഷനുകള്‍ നല്കാന്‍ ഇതുവരെ സാധിച്ചുവെന്ന് വ്യക്തമാക്കുമോ?

കാലാവസ്ഥാ വ്യതിയാനവും ജല ദൗര്‍ലഭ്യവും

2938.

ശ്രീ.എസ്.ശർമ്മ
,, വി. അബ്ദുറഹിമാന്‍
,, വി. ജോയി
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാലാവസ്ഥാ വ്യതിയാനവും ആഗോള താപനവും മൂലം വേനല്‍ക്കാലത്ത് ജല ദൗര്‍ലഭ്യം കൂടുതല്‍ രൂക്ഷമാകാന്‍ ഇടയുള്ള സാഹചര്യത്തില്‍ സംസ്ഥാനത്തെ ജലസ്രോതസ്സുകള്‍ സംരക്ഷിക്കുന്നതിനും അവയുടെ കെെയ്യേറ്റങ്ങള്‍ തടയുന്നതിനും സ്വീകരിച്ചിട്ടുള്ള നടപടികള്‍ വിശദമാക്കാമോ;

(ബി)	പരമ്പരാഗത ജലസ്രോതസ്സുകളായ കുളങ്ങള്‍, ചിറകള്‍ മുതലായവയുടെ സംഭരണശേഷി വര്‍ദ്ധിപ്പിക്കുന്നതിനും അവയില്‍ അടിഞ്ഞുകൂടിയിട്ടുള്ള മാലിന്യങ്ങള്‍ നീക്കം ചെയ്യുന്നതിനും എന്തെല്ലാം നടപടികളാണ് കെെക്കൊണ്ടിട്ടുള്ളത്;വിശദമാക്കാമോ;

(സി)	ഭൂജല ഉപയോഗത്തിന്റെ നിയന്ത്രണത്തിനും ക്രമീകരണത്തിനുമായി എന്തെല്ലാം നടപടികളാണ് സ്വീകരിച്ചു വരുന്നതെന്ന് വിശദമാക്കാമോ?

കുടിവെള്ളം, ജലസേചനം, ഭൂഗര്‍ഭ ജലം പദ്ധതികള്‍

2939.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ ഓരോ നിയോജകമണ്ഡലത്തിലും കുടിവെള്ളം, ജലസേചനം, ഭൂഗര്‍ഭ ജലം എന്നീ പദ്ധതികള്‍ക്കായി 2018-19 സാമ്പത്തിക വര്‍ഷം എത്ര രൂപ വകയിരുത്തിയിട്ടുണ്ട് ?

ഇരവിപേര‍ൂര്‍, തോട്ടമ്പുഴശ്ശേരി, കോയിപ്രം കുടിവെള്ള പദ്ധതി

2940.

(എ)	2016 വാര്‍ഷിക ബഡ്ജറ്റില്‍ പ്രഖ്യാപിച്ചതും ആറന്‍മുള മണ്ഡലത്തില്‍പ്പെടുന്ന ഇരവിപേര‍ൂര്‍, തോട്ടപ്പുഴശ്ശേരി, കോയിപ്രം എന്നീ പഞ്ചായത്തുകള്‍ക്ക് പ്രയോജനപ്പെടുന്നതുമായ കുടിവെള്ള പദ്ധതിക്ക് എത്ര തുകയായിരുന്നു പ്രഖ്യാപിച്ചിരുന്നത്; വ്യക്തമാക്കുമോ;

(ബി)	പ്രസ്തുത പദ്ധതിയുടെ വിശദമായ അടങ്കല്‍ തയ്യാറാക്കിയിട്ടുണ്ടോ;

(സി)	ഈ പദ്ധതിയുടെ നിലവിലുള്ള സ്ഥിതി വിശദമാക്കുമോ?

ചെര്‍പ്പുളശ്ശേരി കുടിവെള്ള പദ്ധതി

2941.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നബാര്‍ഡ് സഹകരണത്തോടെ എത്ര കുടിവെള്ള പദ്ധതികളുടെ പ്രവൃത്തികള്‍ നടന്നുവരുന്നുണ്ട്; വിശദാംശം ലഭ്യമാക്കാമോ;

(ബി)	ഷൊര്‍ണ്ണൂര്‍ മണ്ഡലത്തിലുള്‍പ്പെടുന്ന ചെര്‍പ്പുളശ്ശേരി സമഗ്ര കുടിവെള്ള പദ്ധതി നടപ്പിലാക്കുന്നത് പരിഗണനയിലുണ്ടോ?

തൃപ്പൂണിത്തുറ കോണോത്തുപുഴ സംരക്ഷണം

2942.

(എ)	തൃപ്പൂണിത്തുറ മണ്ഡലത്തിലെ കോണോത്തുപുഴ മാലിന്യമുക്തമാക്കി കൈയ്യേറ്റങ്ങള്‍ ഒഴിപ്പിച്ച് സംരക്ഷിക്കുന്നതിനുള്ള പദ്ധതി പരിഗണനയില്‍ ഉണ്ടോ;ഉണ്ടെങ്കില്‍ വിശദാംശം അറിയിക്കുമോ;

(ബി)	സമയബന്ധിതമായി ഈ പദ്ധതി നടപ്പിലാക്കുന്നതിന് നടപടികള്‍ സ്വീകരിക്കുമോ?

വാട്ടര്‍ അതോറിറ്റിയുടെ മുടങ്ങിക്കിടക്കുന്ന പദ്ധതികള്‍

2943.

(എ)	വാട്ടര്‍ അതോറിറ്റിയുടെ ഏതെല്ലാം പദ്ധതികളാണ് നിലവില്‍ മുടങ്ങിക്കിടക്കുന്നത്;

(ബി)	അവയുടെ ജില്ല തിരിച്ചുളള വിശദാംശങ്ങള്‍ നല്‍കാമോ?

സ്വീവറേജ് മാന്‍ഹോളുകള്‍ വൃത്തിയാക്കാന്‍ റോബോട്ടുകള്‍

2944.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കേരള വാട്ടര്‍ അതോറിറ്റിയുടെ സ്വീവറേജ് മാന്‍ഹോളുകള്‍ വൃത്തിയാക്കുന്നതിന് എത്ര റോബോട്ടുകള്‍ ഉണ്ട്;

(ബി)	ഈ റോബോട്ടുകള്‍ ഉപയോഗിക്കുന്നുണ്ടോ; ഇല്ലെങ്കില്‍ എന്ത് കൊണ്ട്;വ്യക്തമാക്കമോ ;

(സി)	റോബോട്ടുകള്‍ ഉപയോഗിക്കുന്നതിന് എത്ര രൂപയാണ് നല്‍കേണ്ടതെന്നും ഇതില്‍ എത്ര രൂപ നല്‍കിയെന്നും വ്യക്തമാക്കുമോ?

കേരള ജല അതോറിറ്റിയിലെ ഒഴിവുകള്‍

2945.

(എ)	കേരള ജല അതോറിറ്റിയില്‍ ഡിപ്പാര്‍ട്ട്മെന്റ്തല സ്ഥാനക്കയറ്റ സമിതി (ഡി.പി.സി.)യുടെ യോഗം ഈ വര്‍ഷം ചേരാന്‍ വൈകിയത് ശ്രദ്ധയില്‍പ്പെട്ടിട്ടുണ്ടോ;അടുത്ത വര്‍ഷത്തെ ക‍ൃത്യസമയത്ത് കൂടുവാന്‍ ആവശ്യമായ നിര്‍ദ്ദേശം നല്‍കുമോ;

(ബി)	നിലവില്‍ എത്ര എ.ഇ., എ.എക്സ്.ഇ., ഇ.ഇ., ഡി.സി.ഇ., സി.ഇ. തുടങ്ങിയ എത്ര തസ്തികകള്‍ ഉണ്ട്;ഇതില്‍ എത്ര ഒഴിവുകള്‍ ഉണ്ട്; ഒഴിവുകളിലേയ്ക്ക് പി.എസ്.സിയില്‍ നിന്നും നിയമിക്കുവാന്‍ ആവശ്യമായ നടപടി സ്വീകരിച്ചിട്ടുണ്ടോ;

(സി)	മേല്‍പ്പറഞ്ഞ തസ‍്തികകളില്‍ നിശ്ചിത യോഗ്യത ഉള്ളവര്‍ ഇല്ലാത്തതിനാല്‍ നിയമനം നടത്താന്‍ പറ്റാത്ത സാഹചര്യം ഉണ്ടോ;

(ഡി)

കേരള ജല അതോറിറ്റിയിലെ എത്ര ഉദ്യോഗസ്ഥര്‍ ഡെപ്യൂട്ടേഷനിലുണ്ട്; കേരള ജല അതോറിറ്റിക്ക് മറ്റ് സ്ഥലങ്ങളില്‍ എത്ര ഡെപ്യൂട്ടേഷന്‍ തസ‍്തികകള്‍ ഉണ്ട്;സി.ടി.ഇ.യായി കേരള ജല അതോറിറ്റിയില്‍ ആരെങ്കിലും ഡെപ്യൂട്ടേഷന്‍ വഴി ഈ വര്‍ഷം നിയമനം ആയിട്ടുണ്ടോ; സി.ടി.ഇ.യിലേയ്ക്ക് ആരെങ്കിലും ഡെപ്യൂട്ടേഷന്‍ വഴി നിയമനത്തിന് അപേക്ഷ സമര്‍പ്പിച്ചിട്ടുണ്ടോ;വ്യക്തമാക്കുമോ;

(ഇ)	ഡെപ്യൂട്ടേഷന്‍ ഒഴിവും കൂടി പരിഗണിച്ച് പ്രെമോഷന്‍ നടത്തുവാന്‍ നടപടി സ്വീകരിക്കുമോ;

(എഫ്)

‍ഡിപ്ലോമ ക്വാട്ട ഒഴിവ് നികത്തുവാന്‍ കഴിയാത്ത സാഹചര്യത്തില്‍ അവ ഡിഗ്രി ക്വാട്ടയ്‍ക്ക് നല്‍കുവാന്‍ നടപടി സ്വീകരിക്കുമോ?

സെലക്ട് ലിസ്റ്റില്‍ ആവശ്യത്തിനുള്ള ജീവനക്കാരെ ഉള്‍പ്പെടുത്താന്‍ നടപടി

2946.

(എ)	കേരള വാട്ടര്‍‍ അതോറിറ്റിയില്‍ വകുപ്പുതല പ്രമോഷന്‍ കമ്മിറ്റി തയ്യാറാക്കിയിട്ടുള്ള സെലക്ട് ലിസ്റ്റില്‍ ആവശ്യത്തിനുള്ള ജീവനക്കാരില്ലാത്തതിനാല്‍ ഒഴിവുള്ള തസ്തികയിലേക്ക് പ്രമോഷന്‍ നടത്തുവാന്‍ സാധിക്കാത്ത സാഹചര്യം നിലവിലുണ്ടോ;

(ബി)	ഉണ്ടെങ്കില്‍ ആയത് പരിഹരിക്കുന്നതിനായി സെലക്ട് ലിസ്റ്റില്‍ ആവശ്യത്തിനുള്ള ജീവനക്കാരെ ഉള്‍പ്പെടുത്തുന്നതിനുള്ള നിര്‍ദ്ദേശം നല്‍കുമോ;

(സി)	നിലവില്‍ അസിസ്റ്റന്റ് എക്സിക്യൂട്ടീവ് എഞ്ചിനീയര്‍മാരുടെ എത്ര ഒഴിവുകള്‍ ഉണ്ട്; അവ നികത്തുന്നതിനായി നടപടി സ്വീകരിച്ചിട്ടുണ്ടോ; വിശദമാക്കുമോ ?

വാട്ടര്‍ അതോറിറ്റി പെന്‍ഷന്‍കാര്‍ക്കുള്ള ആനുകൂല്യങ്ങള്‍

2947.

(എ)	കേരള വാട്ടര്‍ അതോറിറ്റിയില്‍ നിന്ന് 01.07.2014-നുമുമ്പ് പെന്‍ഷനായവര്‍ക്ക് പെന്‍ഷന്‍ പരിഷ്ക്കരണ ഉത്തരവ് അടിസ്ഥാനമാക്കിയുള്ള പെന്‍ഷന്‍ കുടിശ്ശികയും, 01.07.2014-നുശേഷം പെന്‍ഷനായവരുടെ ഗ്രാറ്റുവിറ്റിയും ലീവ് സറണ്ടര്‍ ആനുകൂല്യങ്ങളും അടിയന്തരമായി കൊടുത്തുതീര്‍ക്കാന്‍ ആവശ്യമായ നടപടികള്‍ സ്വീകരിക്കുമോ;

(ബി)	കേരള സ്റ്റേറ്റ് സര്‍വ്വീസ് പെന്‍ഷന്‍കാര്‍ക്ക് നടപ്പിലാക്കുന്ന ഹെല്‍ത്ത് ഇന്‍ഷ്വറന്‍സ് സ്കീം, വാട്ടര്‍ അതോറിറ്റി പെന്‍ഷന്‍കാര്‍ക്കും നടപ്പിലാക്കുന്നതിനുള്ള നടപടി സ്വീകരിക്കുമോ എന്ന് അറിയിക്കാമോ?

'തലശ്ശേരി, കൂത്തുപറമ്പ്' കുടിവെള്ള പദ്ധതി

2948.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

2017-18 വര്‍ഷത്തെ ബഡ്ജറ്റില്‍ കിഫ്ബിയില്‍ ഉള്‍പ്പെടുത്തി ഭരണാനുമതി ലഭ്യമായിട്ടുള്ള 'തലശ്ശേരി, കൂത്തുപറമ്പ്' സമഗ്ര കുടിവെള്ള പദ്ധതിയുടെ പൂര്‍ത്തീകരണത്തിന് എന്തെല്ലാം നടപടികളാണ് ഇനി ഉള്ളതെന്നും ആയത് എന്ന് പൂര്‍ത്തീകരിക്കാന്‍ സാധിക്കുമെന്നും വ്യക്തമാക്കാമോ?

ജൈക്ക കുടിവെള്ള പദ്ധതി

2949.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ ജൈക്ക കുടിവെള്ള പദ്ധതിയുടെ ഭാഗമായി ആരംഭിച്ച പ്രവൃത്തികള്‍ പൂര്‍ത്തിയായിട്ടുണ്ടോ; ഇല്ലെങ്കില്‍ എത്ര ശതമാനം പ്രവൃത്തികള്‍ പൂര്‍ത്തീകരിച്ചു എന്ന് വ്യക്തമാക്കാമോ;അവശേഷിക്കുന്നവ എന്നത്തേക്ക് പൂര്‍ത്തിയാക്കാന്‍ സാധിക്കും;വ്യക്തമാക്കമോ;

(ബി)	ജൈക്ക പദ്ധതിയുടെ കരാര്‍ പ്രവൃത്തികളില്‍ അസാധാരണമായ കാലതാമസം ഉണ്ടാകുന്നത് ശ്രദ്ധയില്‍പെട്ടിട്ടുണ്ടോ; പരിഹരിക്കാന്‍ നടപടി സ്വീകരിക്കുമോ?

തഴക്കര,കുറത്തികാട് കുടിവെള്ള പദ്ധതികള്‍

2950.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തഴക്കര കുടിവെള്ള പദ്ധതിയുടെ ഡി.പി.ആര്‍ ന് അംഗീകാരം നല്‍കുന്നതിനായി സ്വീകരിച്ച നടപടികളുടെ വിശദാംശങ്ങള്‍ ലഭ്യമാക്കുമോ;പ്രസ്തുത നടപടി പൂര്‍ത്തിയായിട്ടുണ്ടോ; ഇതിന്റെ നിലവിലെ സ്ഥിതി വ്യക്തമാക്കുമോ;

(ബി)	കുറത്തികാട് കുടിവെള്ള പദ്ധതി പൂര്‍ത്തീകരിക്കുന്നതിനായി സ്വീകരിച്ച നടപടികള്‍ വിശദമാക്കുമോ;

(സി)	കല്ലുമല റെയില്‍വേ ലൈൻ മറികടന്ന് പൈപ്പ് ലൈന്‍ സ്ഥാപിക്കുന്നതിനായി സ്വീകരിച്ചിട്ടുള്ള നടപടികള്‍ വിശദമാക്കുമോ?

കോന്നി മണ്ഡലത്തിലെ ശുദ്ധജല വിതരണ പദ്ധതികള്‍

2951.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കോന്നി നിയോജക മണ്ഡലത്തിലെ ശുദ്ധജല വിതരണ പദ്ധതികള്‍ ഏതെല്ലാമാണ് ;

(ബി)	അവയുടെ ഓരോന്നിന്റെയും നിലവിലുള്ള അവസ്ഥ എന്താണെന്ന് വ്യക്കമാക്കാമോ ;

(സി)	ഇനിയും ആരംഭിക്കാനുള്ള പദ്ധതികള്‍ ഏതെല്ലാമാണ്; ആയതിലേക്ക് നാളിതുവരെയായി എന്തെല്ലാം തുടര്‍ നടപടികള്‍ കെെകൊണ്ടിട്ടുണ്ടെന്ന് വ്യക്തമാക്കുമോ ?

ഗാര്‍ഹിക പെെപ്പ് കണക്ഷന്‍

2952.

ശ്രീ.എം. വിന്‍സെന്റ് : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

നിലവിലെ ഗാര്‍ഹിക പെെപ്പ് കണക്ഷന്‍ കണ്‍സ്ട്രക്ഷന്‍ ആവശ്യത്തിലേയ്ക്ക് മാറ്റുമ്പോഴും തിരികെ ഗാര്‍ഹിക കണക്ഷനിലേയ്ക്ക് മാറ്റുമ്പോഴും ഉപഭോക്താവിന് ഉണ്ടാകുന്ന നഷ്ടവും ബുദ്ധിമുട്ടും ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിയ്ക്കുവാന്‍ സ്വീകരിക്കുന്ന നടപടികള്‍ വിശദീകരിക്കാമോ?

പമ്പയില്‍ ജല ശുചീകരണ പ്ലാന്റ്

2953.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പമ്പയില്‍ ആധുനിക ജല ശുചീകരണ പ്ലാന്റ് സ്ഥാപിച്ചിട്ടുണ്ടോ;

(ബി)	പ്രസ‍്തുത പ്ലാന്റിലേക്ക് നിലവില്‍ എവിടെ നിന്നാണ് വെള്ളമെത്തിക്കുന്നത് ; വിശദമാക്കാമോ?

പുളിമാത്ത് - നഗരൂര്‍ - കരവാരം കുടിവെള്ള പദ്ധതി

2954.

ശ്രീ.ബി.സത്യന്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

ആറ്റിങ്ങള്‍ നിയോജകമണ്ഡലാതിര്‍ത്തിയിലെ പുളിമാത്ത് - നഗരൂര്‍ - കരവാരം കുടിവെള്ള പദ്ധതിയുടെ ഇപ്പോഴത്തെ പ്രവര്‍ത്തന പുരോഗതി വിശദമാക്കുമോ ?

നാദാപുരത്തെ കുടിവെള്ള പദ്ധതി

2955.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനു ശേഷം നാദാപുരം മണ്ഡലത്തില്‍ പുതിയതായി ആരംഭിച്ച കുടിവെള്ള പദ്ധതികള്‍ ഏതൊക്കെ എന്ന്‍ വിശദമാക്കാമോ;

(ബി)	നാദാപുരം മണ്ഡലത്തിലെ ചെക്കിയാട് ഗ്രാമപഞ്ചായത്തിലെ ബി.എസ്. എഫ് കേന്ദ്രത്തിലേക്ക് കുടിവെള്ളം ലഭ്യമാക്കാന്‍ അപേക്ഷ ലഭിച്ചിട്ടുണ്ടോ; ഉണ്ടെങ്കില്‍ അപേക്ഷയില്‍ സ്വീകരിച്ച നടപടികള്‍ വിശദമാക്കാമോ?

പ്രളയത്തില്‍ തകര്‍ന്നുപോയ പമ്പയിലെ ജലവിതരണ സംവിധാനം

2956.

(എ)	പ്രളയത്തില്‍ തകര്‍ന്നുപോയ പമ്പയിലെ ജലവിതരണ സംവിധാനം പൂര്‍വ്വസ്ഥിതിയിലാക്കാന്‍ സാധിച്ചിട്ടുണ്ടോ;

(ബി)	പ്രളയത്തില്‍ ജലസേചന വകുപ്പിന് എത്ര രൂപയുടെ നഷ്ടം ശബരിമലയില്‍ മാത്രം ഉണ്ടായി എന്ന് വിശദമാക്കാമോ?

തിരുവനന്തപുരം നഗരത്തിലെ കുടിവെള്ളക്ഷാമം

2957.

(എ)	തിരുവനന്തപുരം നഗരത്തിലെ വഴുതക്കാട്, മേലാറന്നൂര്‍ ഫോര്‍ട്ട്, പുളിമൂട്, ജി.പി.ഒ, തമ്പാനൂര്‍, ചെമ്പകനഗര്‍ (ബേക്കറി ജംഗ്ഷന്‍) ഭാഗങ്ങളിലെ കുടിവെള്ള ക്ഷാമം പരിഹരിക്കുന്നതിന് അടിയന്തര നടപടി സ്വീകരിക്കുമോ ; ഇതിലേയ്ക്കായി എന്തെങ്കിലും പുതിയ പദ്ധതി പരിഗണനയിലുണ്ടോ ;

(ബി)	തിരുവനന്തപുരം നഗരത്തിലെ കുടിവെള്ളക്ഷാമം സ്ഥായിയായി പരിഹരിക്കുന്നതിന് നെയ്യാര്‍ ഡാമില്‍ നിന്നും ജലം എത്തിക്കുന്ന പദ്ധതിയുടെ പുരോഗതി വിശദമാക്കുമോ ; പ്രസ്തുത പദ്ധതി എത്രയുംവേഗം പൂര്‍ത്തീകരിക്കുന്നതിന് അടിയന്തര നടപടി സ്വീകരിക്കുമോ ?

പെരിന്തല്‍മണ്ണ മണ്ഡലത്തിലെ ജലനിധി രണ്ടാംഘട്ട പദ്ധതി

2958.

(എ)	പെരിന്തല്‍മണ്ണ മണ്ഡലത്തിലെ മേലാറ്റൂര്‍ ഗ്രാമപഞ്ചായത്തില്‍ നടപ്പിലാക്കിവരുന്ന ജലനിധി രണ്ടാംഘട്ട പദ്ധതിയുടെ നിലവിലെ സ്ഥിതി വ്യക്തമാക്കുമോ; ഇനി എ്രത പദ്ധതികള്‍ കമ്മീഷന്‍ ചെയ്യാനുണ്ട്; വ്യക്തമാക്കമോ;

(ബി)	പൂര്‍ത്തിയാക്കാന്‍ ബാക്കിയുള്ള പദ്ധതി പ്രകാരം എത്ര കുടുംബങ്ങള്‍ക്ക് കൂടി കുടിവെള്ളം ലഭ്യമാക്കാനുണ്ട് വ്യക്തമാക്കുമോ;

(സി)	ഈ പദ്ധതിപ്രകാരം അവശേഷിക്കുന്ന എല്ലാ പ്രവൃത്തികളും അടിയന്തരമായി പൂര്‍ത്തീകരിക്കുന്നതിന് നടപടി സ്വീകരിക്കുമോ?

നേമം നിയോജകമണ്ഡലത്തിലെ കുടിവെള്ള പദ്ധതികള്‍

2959.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നേമം നിയോജകമണ്ഡലത്തിലെ പല ഭാഗങ്ങളിലായി പൂര്‍ത്തിയാകാതെ കിടക്കുന്ന കുടിവെള്ള പദ്ധതികള്‍ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അത് പൂര്‍ത്തീകരിക്കുവാന്‍ എന്തൊക്കെ നടപടികളാണ് സ്വീകരിച്ചുവരുന്നത്;

(ബി)	എന്നത്തേക്ക് പ്രസ്തുത പണികള്‍ പൂര്‍ത്തിയാക്കാന്‍ കഴിയും എന്ന് അറിയിക്കാമോ?

എന്‍.സി.പി.സി കുടിവെള്ള പദ്ധതി

2960.

(എ)	ചാത്തമംഗലം ഗ്രാമപഞ്ചായത്തിലെ എന്‍.സി.പി.സി കുടിവെള്ള പദ്ധതിക്കായി നിര്‍മ്മിച്ച കിണര്‍ ചരിഞ്ഞുപോയത് കാരണം ഉണ്ടായ പ്രശ്നം പരിഹരിക്കാന്‍ സ്വീകരിച്ചുവരുന്ന നടപടികള്‍ വിശദമാക്കാമോ;

(ബി)	കൂളിമാട് 72 എം.എല്‍.ഡി ട്രീറ്റ്മെന്റ് പ്ലാന്റില്‍ നിന്ന് എന്‍.സി.പി.സി കുടിവെള്ള പദ്ധതി ടാങ്കിലേക്ക് വെള്ളം ലഭ്യമാക്കാന്‍ അനുമതി നല്‍കുമോ;

(സി)	ഇത് സംബന്ധിച്ച് പ്രൊപ്പോസല്‍ ലഭിച്ചിട്ടുണ്ടോ;എങ്കില്‍ ആയതിന്‍മേല്‍ സ്വീകരിക്കുന്ന നടപടികള്‍ വിശദമാക്കാമോ?

പിറവം നിയോജകമണ്ഡലത്തിലെ കുടിവെള്ള കണക്ഷനുകള്‍

2961.

(എ)	ഇൗ സര്‍ക്കാര്‍ അധികാരത്തില്‍ വന്നശേഷം പിറവം നിയോജകമണ്ഡലത്തില്‍ എത്ര കുടിവെള്ള കണക്ഷനുകള്‍ നല്‍കി;പഞ്ചായത്ത് തിരിച്ച് വിവരം ലഭ്യമാക്കുമോ;

(ബി)	പ്രസ്തുതമണ്ഡലത്തില്‍ എത്ര കുടിവെള്ള പദ്ധതികള്‍ നിര്‍മ്മാണത്തിന്റെ വിവിധ ഘട്ടങ്ങളിലായുണ്ട് എന്നറിയിക്കാമോ;

(സി)	നിര്‍മ്മാണത്തിലിരിക്കുന്ന കുടിവെള്ള പദ്ധതികള്‍ ഏതൊക്കെയാണെന്ന് പഞ്ചായത്ത് തിരിച്ചുളള വിവരം ലഭ്യമാക്കുമോ;

(ഡി)	പിറവം മണ്ഡലത്തില്‍ എത്ര കുടിവെള്ള പദ്ധതികള്‍ 2016 ജൂണ്‍ 1 മുതല്‍ നാളിതുവരെ കമ്മീഷന്‍ ചെയ്തുവെന്ന് അറിയിക്കുമോ?

ജലവിഭവ വകുപ്പിന്റെ അധീനതയിലുള്ള സ്ഥലം

2962.

(എ)	പത്തനംതിട്ട മുനിസിപ്പാലിറ്റി പരിധിയില്‍ ജലവിഭവ വകുപ്പിന്റെ അധീനതയില്‍ എത്ര സ്ഥലം ഉണ്ട് എന്ന് വിശദീകരിക്കുമോ;

(ബി)	പ്രസ്തുത സ്ഥലത്ത് ജലവിഭവ വകുപ്പ് കുടിവെള്ള ഇതര പദ്ധതികള്‍ നടപ്പിലാക്കാന്‍ ആലോചിക്കുന്നുണ്ടെങ്കില്‍ വിശദാംശങ്ങള്‍ ലഭ്യമാക്കുമോ?

മണലൂര്‍ മണ്ഡലത്തിലെ പൊന്‍മല കുടിവെള്ള പദ്ധതി

2963.

മണലൂര്‍ മണ്ഡലത്തിലെ കണ്ടാണശ്ശേരി പഞ്ചായത്തിലെ പൊന്‍മല കുടിവെള്ള പദ്ധതിയ‍്ക്കായി എന്തെങ്കിലും നടപടി സ്വീകരിച്ചിട്ടുണ്ടോ;വിശദാംശങ്ങള്‍ ലഭ്യമാക്കാമോ?

പാറശ്ശാല മണ്ഡലത്തിലെ കാലഹരണപ്പെട്ട പെെപ്പ് ലെെനുകള്‍

2964.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പാറശ്ശാല മണ്ഡലത്തിലെ കാലഹരണപ്പെട്ട പെെപ്പ് ലെെനുകള്‍ ഇടക്കിടെ പൊട്ടുന്നതുകാരണം റോഡുകള്‍ തകരുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പെെപ്പ് ലെെനുകള്‍ മാറ്റി പുതിയവ സ്ഥാപിക്കുന്നതിനായുളള നടപടികള്‍ സ്വീകരിക്കുമോ; വിശദമാക്കുമോ?

പതിമൂന്നാം ധനകാര്യ കമ്മീഷന്‍ അനുവദിച്ച പൈപ്പ് ലൈന്‍ സ്ഥാപിക്കുന്ന പദ്ധതി

2965.

ശ്രീ.തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കുട്ടനാട് നിയോജക മണ്ഡലത്തിലെ പതിമൂന്ന് പഞ്ചായത്തുകള്‍ക്കുവേണ്ടി പതിമൂന്നാം ധനകാര്യ കമ്മീഷന്‍ അനുവദിച്ച 70 കോടി രൂപയുടെ പൈപ്പ് ലൈന്‍ സ്ഥാപിക്കുന്ന പദ്ധതിയുടെ നിജസ്ഥിതി വ്യക്തമാക്കാമോ;ഇനി എത്ര കിലോമീറ്റര്‍ പൈപ്പ് ലൈന്‍ സ്ഥാപിക്കുവാനുണ്ട്;

(ബി)	നിലവില്‍ 10 പഞ്ചായത്തുകളിലെ പണി പൂര്‍ത്തിയായിരിക്കുന്ന ഓവര്‍ ഹെഡ് ടാങ്കുകളില്‍ ഈ പദ്ധതിയുടെ ഭാഗമായി ഇപ്പോള്‍ എത്ര ടാങ്കുകളില്‍ വെള്ളം നിറയ്ക്കാന്‍ സാധിച്ചു;ഇതില്‍ പൈപ്പ് ലൈന്‍ സ്ഥാപിച്ച് പൂര്‍ത്തിയായ പ്രവൃത്തികൊണ്ട് എത്ര കുടുംബങ്ങള്‍ക്കു് കുടിവെള്ളം ലഭ്യമായിട്ടുണ്ട്?

ശബരിമലയില്‍ കടുത്ത കുടിവെള്ള ക്ഷാമം

2966.

ശ്രീ.അടൂര്‍ പ്രകാശ്
,, വി.എസ്.ശിവകുമാര്‍
,, തിരുവഞ്ചൂര്‍ രാധാകൃഷ്ണന്‍
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ശബരിമലയിലെ കടുത്ത കുടിവെള്ള ക്ഷാമത്തെ കുറിച്ചുള്ള പരാതികള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ശബരിമലയില്‍ അയ്യപ്പഭക്തന്മാര്‍ക്ക് കുടിവെള്ളം നല്കാന്‍ സര്‍ക്കാര്‍ പരാജയപ്പെട്ടു എന്ന കേരള ഹൈക്കോടതി വിമര്‍ശനം ശ്രദ്ധയില്‍പ്പെട്ടിട്ടുണ്ടോ വിശദമാക്കുമോ;

(സി)	ശബരിമലയിലെ കടുത്ത കുടിവെള്ള ക്ഷാമം പരിഹരിക്കുന്നതിനായി നിലയ്ക്കലിലുളള നാല് കുളങ്ങള്‍ ശുചീകരിയ്ക്കാനുളള ശ്രമം ഉണ്ടായിരുന്നോ; ഇല്ലെങ്കില്‍ എന്ത് കൊണ്ടാണ്;വ്യക്തമാക്കുമോ?

തിരുവനന്തപുരം മണ്ഡലത്തില്‍ സ്വിവറേജ് സംവിധാനം

2967.

(എ)	തിരുവനന്തപുരം മണ്ഡലത്തില്‍ സ്വിവറേജ് സംവിധാനം നിലവിലില്ലാത്ത വേളി മുതല്‍ പൂന്തുറ വരെയുള്ള തീരദേശമേഖലയില്‍ സ്വിവറേജ് സംവിധാനം ഏര്‍പ്പെടുത്തുന്നതിനുള്ള പദ്ധതി പരിഗണനയിലുണ്ടോ; വ്യക്തമാക്കുമോ;

(ബി)	പ്രസ്തുത പദ്ധതി യാഥാര്‍ത്ഥ്യമാക്കുന്നതിന് അടിയന്തര നടപടി സ്വീകരിക്കാന്‍ തയ്യാറാകുമോ; വിശദമാക്കുമോ?

Website maintained by Information System Section, Kerala Legislative Assembly, Thiruvananthapuram.