14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >13^th Session>starred Questions and Answers

Answer Provided

Answer Not Yet Provided

FOURTEENTH KLA - 13^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കാരുണ്യ ബെനവലന്‍റ് സ്കീമിന്റെ പ്രവര്‍ത്തനം

*31.

ശ്രീ.പി.ജെ.ജോസഫ്
,, റോഷി അഗസ്റ്റിന്‍
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കാരുണ്യ ബെനവലന്‍റ് സ്കീമിന്റെ പ്രവര്‍ത്തനം കാര്യക്ഷമമായി നടക്കുന്നുണ്ടോ; വിശദമാക്കുമോ;

(ബി)	പ്രസ്തുത പദ്ധതിയില്‍ ഉള്‍പ്പെടുത്തി ചികിത്സ ലഭിച്ചവരുടെ എണ്ണത്തില്‍ മുന്‍കാലങ്ങളെ അപേക്ഷിച്ച് വര്‍ദ്ധനവ് വന്നിട്ടുണ്ടോ; വിശദാംശം വ്യക്തമാക്കുമോ;

(സി)	നിലവില്‍ കാരുണ്യ ബെനവലന്റ് സ്കീം പ്രകാരം അനുവദിക്കുന്ന പരമാവധി തുകയില്‍ വര്‍ദ്ധനവ് വരുത്താന്‍ നടപടി സ്വീകരിക്കുമോ; വ്യക്തമാക്കുമോ?

അനാവശ്യ ചെലവുകളുടെ നിയന്ത്രണം

*32.

ശ്രീ.മഞ്ഞളാംകുഴി അലി
ഡോ.എം. കെ. മുനീര്‍
ശ്രീ.കെ.എം.ഷാജി
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയ ദുരന്തത്തെ തുടര്‍ന്ന് സംസ്ഥാനത്തിന്റെ പുന:സൃഷ്ടിക്ക് ശ്രമിക്കുന്ന അവസരത്തില്‍ അനാവശ്യ ചെലവ് നിയന്ത്രിക്കുവാന്‍ തീരുമാനിച്ചിട്ടുണ്ടോ;

(ബി)	എങ്കില്‍ ഏതെല്ലാം മേഖലകളിലെ ചെലവുകളാണ് നിയന്ത്രിക്കുവാന്‍ തീരുമാനിച്ചത് എന്ന് വിശദമാക്കുമോ;

(സി)	സംസ്ഥാനത്ത് പ്രവര്‍ത്തിക്കുന്ന കമ്മീഷനുകളും ബോര്‍ഡുകളും കോര്‍പ്പറേഷനുകളും സംയോജിപ്പിക്കുകയോ ആവശ്യമില്ലാത്തവ ഒഴിവാക്കുകയോ ചെയ്യുന്നതിന് നടപടി സ്വീകരിക്കുമോ?

ശബരിമല യുവതീ പ്രവേശനം

T *33.

ശ്രീ.മുഹമ്മദ് മുഹസിന്‍ പി.
,, മുല്ലക്കര രത്നാകരന്‍
,, ഇ.കെ.വിജയന്‍
,, ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമല യുവതീ പ്രവേശനം സംബന്ധിച്ച സുപ്രീംകോടതി വിധിയുടെ പ്രസക്തഭാഗങ്ങള്‍ അറിയിക്കുമോ;

(ബി)	ശബരിമല അയ്യപ്പനുമായി ബന്ധപ്പെട്ട ഐതിഹ്യങ്ങള്‍, ആചാരാനുഷ്ഠാനങ്ങള്‍, വിശ്വാസങ്ങള്‍ തുടങ്ങിയ വസ്തുതകള്‍ സുപ്രീംകോടതി വിശദമായി പരിശോധിച്ചതായി അറിവുണ്ടോ; എങ്കില്‍ വിശദമാക്കുമോ;

(സി)	കേരള ഹിന്ദു പൊതു ആരാധനാ പ്രവേശന നിയമത്തിലെ ഏത് വകുപ്പാണ് സുപ്രീംകോടതി റദ്ദുചെയ്തതെന്ന് വിശദമാക്കുമോ;

(ഡി)	ശബരിമല കേസില്‍ കേരളത്തില്‍ നിന്ന് ആരൊക്കെയാണ് കക്ഷി ചേര്‍ന്നിരുന്നതെന്ന് വ്യക്തമാക്കുമോ?

നിര്‍ദ്ദിഷ്ട കേന്ദ്ര വൈദ്യുതി നിയമ ഭേദഗതി

*34.

ശ്രീ.ആന്റണി ജോണ്‍
,, സി.കൃഷ്ണന്‍
,, മുരളി പെരുനെല്ലി
,, എസ്.ശർമ്മ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)

നിര്‍ദ്ദിഷ്ട കേന്ദ്ര വൈദ്യുതി നിയമ ഭേദഗതി വൈദ്യുതി മേഖലയുടെ സമ്പൂര്‍ണ്ണ സ്വകാര്യവല്‍ക്കരണത്തിനും വൈദ്യുതിയെ ഉൗഹക്കച്ചവടത്തിനുള്ള ഉപാധിയാക്കാനുള്ള വ്യവസ്ഥകള്‍ ഉള്‍ക്കൊള്ളുന്നതും ദീര്‍ഘകാലാടിസ്ഥാനത്തില്‍ ഉപഭോക്താക്കളുടെ താല്പര്യം ഹനിക്കുന്നതുമാണെന്ന ആക്ഷേപത്തിന്റെ അടിസ്ഥാനത്തില്‍ ബില്ലിലെ വ്യവസ്ഥകള്‍ പരിശോധിച്ചിരുന്നോ; മുഖ്യ ഭേദഗതി നിര്‍ദ്ദേശങ്ങള്‍ എന്തെല്ലാമാണ്;

(ബി)	നിര്‍ദ്ദിഷ്ട ഭേദഗതികള്‍ നിയമമായാല്‍ സംസ്ഥാനത്തെ വൈദ്യുതി ഉല്പാദന-വിതരണത്തെയും കെ.എസ്.ഇ.ബി.എല്‍.നെയും എങ്ങനെ ബാധിക്കുമെന്ന് പഠനവിധേയമാക്കിയിട്ടുണ്ടോ;

(സി)	സംസ്ഥാന സര്‍ക്കാരിന്റെ അധികാരങ്ങള്‍ ഏതാണ്ട് പൂര്‍ണ്ണമായും ഇല്ലാതാക്കാനിടയുള്ളതും വൈദ്യുതിക്ക് വന്‍നിരക്കുവര്‍ദ്ധനവിന് ഇടയാക്കുന്നതുമായ ഭേദഗതികളെക്കുറിച്ചുള്ള സംസ്ഥാന സര്‍ക്കാരിന്റെ അഭിപ്രായം കേന്ദ്ര സര്‍‍ക്കാരിനെ അറിയിച്ചിട്ടുണ്ടോ; വിശദാംശം നല്‍കുമോ;

(ഡി)	സംസ്ഥാനത്തെ വൈദ്യുതി ഉല്പാദന-വിതരണ രംഗം കൂടുതല്‍ കാര്യക്ഷമമാക്കാന്‍ നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കാമോ?

നിക്ഷേപ സൗഹൃദ സംസ്ഥാനം

*35.

ശ്രീ.കെ.ജെ. മാക്സി
,, റ്റി.വി.രാജേഷ്
,, വി. അബ്ദുറഹിമാന്‍
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	കേരളത്തെ നിക്ഷേപ സൗഹൃദ സംസ്ഥാനമാക്കിത്തീര്‍ക്കുന്നതിന് ഈ സര്‍ക്കാര്‍ നടത്തി വരുന്ന പ്രവര്‍ത്തനങ്ങള്‍ വിശദമാക്കാമോ;

(ബി)	ഉപഭോക്തൃ സംസ്ഥാനമെന്ന നിലയില്‍ നിന്ന് ഉല്പാദക സംസ്ഥാനമാക്കി കേരളത്തെ മാറ്റാനായി വ്യവസായ വികസനത്തിന് അനിവാര്യമായ അടിസ്ഥാന സൗകര്യങ്ങള്‍ വികസിപ്പിക്കുന്നതിനും വാണിജ്യ സൗഹൃദ സാഹചര്യം സൃഷ്ടിക്കുന്നതിനും എന്തെല്ലാം പദ്ധതികളാണുള്ളത്;

(സി)	വ്യവസായ വളര്‍ച്ച ത്വരിതപ്പെടുത്തുന്നതിനായി ഈ സര്‍ക്കാര്‍ പ്രഖ്യാപിച്ച കൊച്ചി-ബംഗളുരു വ്യവസായ ഇടനാഴിയുടെ വിശദാംശവും പദ്ധതിയുടെ നിലവിലെ സ്ഥിതിയും അറിയിക്കാമോ;

(ഡി)	നിയമം പാലിച്ചുകൊണ്ട് വ്യവസായം തുടങ്ങുന്നതിന് വേണ്ടിവരുന്ന കാലതാമസം കുറയ്ക്കുന്നതിനായി നടത്തിയ ഇടപെടല്‍ കാര്യക്ഷമമാണോ എന്ന് വിലയിരുത്തിയിട്ടുണ്ടോ; വ്യക്തമാക്കാമോ?

ശബരിമല തീര്‍ഥാടകര്‍ക്കുളള സൗകര്യങ്ങള്‍

*36.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമല മണ്ഡലകാലവുമായി ബന്ധപ്പെട്ട് അയ്യപ്പഭക്തര്‍ക്ക് എരുമേലി, നിലയ്ക്കല്‍, പമ്പ, സന്നിധാനം എന്നീ സ്ഥലങ്ങളില്‍ എന്തൊക്കെ സൗകര്യങ്ങളാണ് ഏര്‍പ്പെടുത്തിയിരിക്കുന്നത് എന്ന് വിശദമാക്കുമോ;

(ബി)	പ്രളയം മൂലം തകര്‍ന്ന പമ്പാതീരവും പരിസരപ്രദേശവും മാലിന്യ വിമുക്തമാക്കുന്നതിനും ശൗചാലയങ്ങള്‍ നിര്‍മ്മിക്കുന്നതിനും എന്തൊക്കെ നടപടികള്‍ സ്വീകരിച്ചു; വിശദമാക്കുമോ;

(സി)	2018 ഒക്ടോബര്‍ മാസം നട തുറന്നപ്പോള്‍ പ്രസ്തുത സ്ഥലങ്ങളിലെ പൈപ്പുകളിലും ടോയ്‍ലറ്റുകളിലും വെള്ളം ഇല്ലാതിരുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അവിടെ വെള്ളം ലഭ്യമാക്കാന്‍ എന്തൊക്കെ നടപടികള്‍ സ്വീകരിച്ചു; വ്യക്തമാക്കാമോ;

(ഡി)

മണ്ഡലകാലത്ത് ശബരിമല നട തുറന്നപ്പോള്‍ പമ്പയിലും സന്നിധാനത്തുമുളള ശൗചാലയങ്ങളില്‍ വെള്ളം ഇല്ലാതിരുന്നതും ശൗചാലയങ്ങള്‍ തുറന്നിടാതെ വൃത്തിഹീനമായ സാഹചര്യങ്ങള്‍ ഉണ്ടായി എന്നതും വാര്‍ത്താമാധ്യമങ്ങള്‍ റിപ്പോര്‍ട്ട് ചെയ്തത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത പ്രശ്നങ്ങള്‍ പരിഹരിക്കുവാന്‍ എന്തൊക്കെ നടപടികള്‍ സ്വീകരിച്ചു എന്ന് വ്യക്തമാക്കുമോ;

(ഇ)	ഇതര സംസ്ഥാനങ്ങളില്‍ നിന്നും വിദേശ രാജ്യങ്ങളില്‍ നിന്നുമെത്തിയ അയ്യപ്പഭക്തര്‍ക്കു് ശബരിമല സന്നിധാനത്ത് ഗസ്റ്റ്ഹൗസില്‍ റൂം അനുവദിക്കാത്തത് എന്തുകൊണ്ടാണ്; ആയതുമൂലം ദേവസ്വം ബോര്‍ഡിന് എത്രമാത്രം സാമ്പത്തിക നഷ്ടം ഉണ്ടായിട്ടുണ്ട് എന്ന് വിശദമാക്കുമോ?

കേരള ബാങ്ക് രൂപീകരണം

*37.

ശ്രീ.മോന്‍സ്‌ ജോസഫ്
,, റോഷി അഗസ്റ്റിന്‍
,, പി.ജെ.ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കേരള ബാങ്ക് രൂപീകരണം സംബന്ധിച്ച നടപടിക്രമങ്ങള്‍ ഏതുഘട്ടം വരെയായെന്ന് വ്യക്തമാക്കുമോ;

(ബി)	ഈ ബാങ്കിന് റിസര്‍വ്വ് ബാങ്ക് അനുമതി നല്‍കിയിട്ടുണ്ടോ;

(സി)	കേരള ബാങ്ക് രൂപീകരണവുമായി ബന്ധപ്പെട്ട് റിസര്‍വ്വ് ബാങ്ക് നിര്‍ദ്ദേശിച്ചിട്ടുള്ള നിബന്ധനകള്‍ പാലിക്കുവാന്‍ സാധിച്ചിട്ടുണ്ടോ; വ്യക്തമാക്കുമോ?

നിര്‍മ്മാണ അസംസ്കൃതവസ്തുക്കളുടെ വിലക്കയറ്റം

*38.

ശ്രീ.മുല്ലക്കര രത്നാകരന്‍
,, ഇ.കെ.വിജയന്‍
ശ്രീമതി ഗീതാ ഗോപി
,, സി.കെ. ആശ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	അസംസ്കൃതവസ്തുക്കളുടെ വിലക്കയറ്റവും ലഭ്യതക്കുറവും കാരണം സംസ്ഥാനത്തെ നിര്‍മ്മാണ പ്രവര്‍ത്തനങ്ങളില്‍ ഉണ്ടായിട്ടുള്ള മന്ദഗതി വിലയിരുത്തിയിട്ടുണ്ടോ; വിശമാക്കുമോ;

(ബി)	കരിങ്കല്ലിനും മെറ്റലിനും ഉണ്ടായിട്ടുള്ള വിലക്കയറ്റം തടയുന്നതിന് സ്വീകരിച്ച മാര്‍ഗ്ഗങ്ങള്‍ വ്യക്തമാക്കുമോ;

(സി)	സംസ്ഥാനത്തെ ഡാമുകളില്‍ അടിഞ്ഞുകൂടിയിട്ടുള്ള മണല്‍ നീക്കം ചെയ്ത് നിര്‍മ്മാണ പ്രവര്‍ത്തനങ്ങള്‍ക്ക് ഉപയോഗിക്കുന്നതിന് നടപടി സ്വീകരിക്കുമോ; വ്യക്തമാക്കുമോ;

(ഡി)	പാറയുടെ ക്ഷാമം പരിഹരിക്കുന്നതിന് പാറ വിദേശ രാജ്യങ്ങളില്‍ നിന്ന് ഇറക്കുമതി ചെയ്യുന്നതിന് ഉദ്ദേശിക്കുന്നുണ്ടോ; വിശദമാക്കുമോ?

സബ് ട്രഷറികളിലെ തട്ടിപ്പ്

*39.

ശ്രീ.ടി. വി. ഇബ്രാഹിം
പ്രൊഫ.ആബിദ് ഹുസൈന്‍ തങ്ങള്‍
ശ്രീ.പി.ഉബൈദുള്ള
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ട്രഷറികളില്‍ ജീവനക്കാരുടെ സഹായത്തോടെ തട്ടിപ്പുകള്‍ നടക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	മലപ്പുറം ജില്ലയിലെ ചങ്ങരംകുളം, പൊന്നാനി എന്നീ സബ് ട്രഷറികളില്‍ മുഖ്യമന്ത്രിയുടെ ദുരിതാശ്വാസനിധിയിലേക്ക് അടച്ച തുക ഏതെങ്കിലും വ്യക്തിയുടെ അക്കൗണ്ടിലേക്ക് മാറ്റിയിട്ടുണ്ടോ; വിശദാംശം നല്‍കുമോ;

(സി)	സ്ഥിര നിക്ഷേപ സര്‍ട്ടിഫിക്കറ്റുകള്‍ ദുരുപയോഗം ചെയ്തതായി അന്വേഷണത്തില്‍ കണ്ടെത്തിയിട്ടുണ്ടോ;

(ഡി)	തട്ടിപ്പു നടത്തുകയും അതിനു കൂട്ടു നില്‍ക്കുകയും ചെയ്തവര്‍ക്കെതിരെ എന്തെല്ലാം നടപടികള്‍ വകുപ്പ് സ്വീകരിച്ചിട്ടുണ്ടെന്ന് വ്യക്തമാക്കുമോ?

ശബരിമലയില്‍ നടത്തിയ സമരം സംബന്ധിച്ച അന്വേഷണം

*40.

ശ്രീ.കെ. ബാബു
,, എ. പ്രദീപ്കുമാര്‍
,, ആര്‍. രാജേഷ്
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)

ശബരിമലയില്‍ യുവതീപ്രവേശവുമായി ബന്ധപ്പെട്ടുള്ള ഭരണഘടനാബെഞ്ചിന്റെ വിധി, സംസ്ഥാനത്ത് വര്‍ഗ്ഗീയ ചേരിതിരിവിനുള്ള സുവര്‍ണ്ണാവസരമായി പ്രഖ്യാപിച്ച രാഷ്ട്രീയ പാര്‍ട്ടിയുടെ നേതാവ് ശബരിമല ക്ഷേത്രം അടച്ചിടാന്‍ തന്ത്രിയോട് ആവശ്യപ്പെട്ടെന്ന വാര്‍ത്ത ശ്രദ്ധയില്‍പ്പെട്ടിരുന്നോ; ഇക്കാര്യത്തില്‍ ശബരിമല തന്ത്രി നല്‍കിയ വിശദീകരണം അറിയിക്കാമോ;

(ബി)	പരികര്‍മ്മികളില്‍ ചിലര്‍ ശബരിമല സന്നിധാനത്ത് ധര്‍ണ്ണ നടത്തിയത് സംബന്ധിച്ചും തീവ്രവർഗീയവാദ സംഘത്തില്‍പ്പെട്ടവര്‍ പതിനെട്ടാം പടിയില്‍ ആചാരലംഘനം നടത്തി കുത്തിയിരിപ്പു സമരം നടത്തിയതു് സംബന്ധിച്ചും അന്വേഷണം നടത്തിയിരുന്നോ;

(സി)	ശബരിമലയിലെ ആചാരാനുഷ്ഠാനങ്ങളില്‍ ഇതിനുമുന്‍പ് കാലികമായ മാറ്റം ഉണ്ടായിട്ടുണ്ടോ; ഗൂഢ താല്പര്യത്തോടെ വിശ്വാസികളെ തെറ്റിദ്ധരിപ്പിക്കുന്നവരെ തുറന്നുകാട്ടാന്‍ വേണ്ട ഇടപെടല്‍ നടത്തുമോയെന്ന് വ്യക്തമാക്കുമോ?

വിനോദസഞ്ചാര മേഖലയിൽ ഉണർവുണ്ടാക്കാൻ നടപടി

*41.

ശ്രീ.റോഷി അഗസ്റ്റിന്‍
,, മോന്‍സ്‌ ജോസഫ്
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പ്രളയാനന്തര കേരളത്തില്‍ വിനോദസഞ്ചാര മേഖലയില്‍ ഉണര്‍വുണ്ടാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	വിനോദസഞ്ചാര മേഖലകളില്‍ പ്രവര്‍ത്തിക്കുന്ന ഹോട്ടലുകളടക്കമുള്ള സ്ഥാപനങ്ങള്‍ക്ക് പ്രളയം മൂലം ഉണ്ടായിട്ടുള്ള നഷ്ടം നികത്തുന്നതിന് ഉതകുന്ന തരത്തില്‍ സഹായം നല്‍കാന്‍ ഉദ്ദേശിക്കുന്നുണ്ടോ; വ്യക്തമാക്കുമോ;

(സി)	വിനോദസഞ്ചാര മേഖലയില്‍ കൂടുതല്‍ തൊഴിലവസരങ്ങള്‍ സൃഷ്ടിക്കുന്നതിന് പര്യാപ്തമായ വിധത്തില്‍ ഈ സര്‍ക്കാര്‍ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ?

കേരള ബാങ്ക് രൂപീകരണ വ്യവസ്ഥകള്‍

*42.

ശ്രീ.കെ.എം.ഷാജി
ഡോ.എം. കെ. മുനീര്‍
ശ്രീ.എം.ഉമ്മര്‍
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരള ബാങ്ക് രൂപീകരിക്കുന്നതിന്റെ ഭാഗമായി സംസ്ഥാന സഹകരണ ബാങ്കും ജില്ലാസഹകരണ ബാങ്കുകളും ലയിപ്പിക്കാന്‍ തീരുമാനിച്ചിട്ടുണ്ടോ;

(ബി)	എങ്കില്‍ എന്നത്തേക്ക് ലയന നടപടികള്‍ പൂര്‍ത്തിയാക്കാനാണ് ഉദ്ദേശിക്കുന്നത്;

(സി)	കേരള ബാങ്ക് രൂപീകരിക്കുന്നതിന് എന്തെല്ലാം വ്യവസ്ഥകള്‍ പാലിക്കണമെന്നാണ് ആര്‍.ബി.ഐ. നിര്‍ദ്ദേശിച്ചതെന്ന് വിശദമാക്കുമോ;

(ഡി)	കേരള ബാങ്ക് എന്നത്തേക്ക് നിലവില്‍ വരുമെന്നാണ് പ്രതീക്ഷിക്കുന്നത് എന്ന് അറിയിക്കാമോ?

ശബരിമല യുവതീപ്രവേശം സംബന്ധിച്ച സുപ്രീം കോടതി വിധി

*43.

ശ്രീ.കെ. ആന്‍സലന്‍
,, എം. സ്വരാജ്
,, പി. ഉണ്ണി
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)

ശബരിമല യുവതീപ്രവേശ വിഷയത്തില്‍ കേരള ഹൈക്കോടതിയുടെ 1991-ലെ വിധി പ്രകാരം നിയമപ്രാബല്യം നേടിയ ആചാരം സുപ്രീം കോടതി വിധിയോടെ തിരുത്തേണ്ടി വരുന്നത് മതവിശ്വാസത്തിലുള്ള കടന്നുകയറ്റമായി തെറ്റിദ്ധരിപ്പിച്ച് വര്‍ഗീയ ലഹളയ്ക്ക് ശ്രമിക്കുന്നവരെയും സാമൂഹ്യനീതി അട്ടിമറിക്കാന്‍ പരിശ്രമിക്കുന്നവരെയും തുറന്നുകാട്ടുന്നതിനും അത്തരക്കാര്‍ക്കെതിരെ ജാഗ്രത പുലര്‍ത്തുന്നതിനും സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കുമോ;

(ബി)	ഭരണഘടന നല്‍കുന്ന മതസ്വാതന്ത്ര്യം സ്ത്രീപുരുഷന്മാര്‍ക്ക് ഒരുപോലെ ബാധകമാണെന്നിരിക്കെ സുപ്രീം കോടതി വിധിക്കെതിരെ കലാപം സംഘടിപ്പിക്കുകയും വിശ്വാസികളുടെ വീട് തകര്‍ക്കുകയും ചെയ്യുന്നവരുടെ ഇത്തരം രാജ്യദ്രോഹ നടപടികൾ തുറന്നു കാട്ടാൻ നടപടി സ്വീകരിക്കുമോ;

(സി)	സുപ്രീം കോടതി വിധി നടപ്പാക്കുന്ന കാര്യത്തില്‍ കേന്ദ്ര സര്‍ക്കാര്‍ സ്വീകരിച്ച നിലപാട് വിശദമാക്കാമോ?

കാലാവസ്ഥ മുന്നറിയിപ്പിന്റെ അടിസ്ഥാനത്തില്‍ ജലസംഭരണികൾ തുറന്നുവിട്ട നടപടി

*44.

ശ്രീ.അടൂര്‍ പ്രകാശ്
,, വി.ഡി.സതീശന്‍
,, വി.ടി.ബല്‍റാം
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	അറബിക്കടലില്‍ രൂപം കൊണ്ട ന്യൂനമര്‍ദ്ദം രണ്ട് ദിവസം സംസ്ഥാനത്ത് ശക്തമായ മഴയ്ക്കുള്ള സാഹചര്യം ഒരുക്കുമെന്ന കാലാവസ്ഥ മുന്നറിയിപ്പിന്റെ അടിസ്ഥാനത്തില്‍ 2018 ഒക്ടോബര്‍ ആദ്യവാരം നടത്തിയ മുന്നൊരുക്കങ്ങള്‍ വ്യക്തമാക്കുമോ;

(ബി)	പ്രസ്തുത മുന്നറിയിപ്പിന്റെ അടിസ്ഥാനത്തില്‍ ഒക്ടോബര്‍ 5-ാം തീയതി കക്കി, ആനത്തോട് സംഭരണികള്‍ തുറന്നുവിട്ടിരുന്നോ; പ്രസ്തുത അണക്കെട്ടുകള്‍ തുറക്കുന്ന വേളയില്‍ അവയില്‍ ഓരോന്നിലും ഉണ്ടായിരുന്ന ജലത്തിന്‍െറ ശതമാനം വ്യക്തമാക്കുമോ;

(സി)	അണക്കെട്ട് തുറന്നതുമൂലം ഒരു സെക്കന്റില്‍ എത്ര ഘനയടി ജലം വീതമാണ് പ്രസ്തുത ഡാമുകളില്‍ നിന്നും ഒക്ടോബറില്‍ ഒഴുക്കിക്കളഞ്ഞതെന്ന് വ്യക്തമാക്കുമോ;

(ഡി)

ആഗസ്റ്റ് മാസത്തില്‍ മേല്പറഞ്ഞ അണക്കെട്ടുകള്‍ നിറ‍ഞ്ഞതിനുശേഷം പൊടുന്നനെ തുറന്ന് വിട്ട് റാന്നിയിലും ആറന്മുളയിലും ചെങ്ങന്നൂരിലും മഹാ പ്രളയമുണ്ടാക്കിയെന്ന ആക്ഷേപത്തിന്റെ അടിസ്ഥാനത്തിലാണോ ഡാമുകളില്‍ പൂര്‍ണ്ണശേഷിക്കും താഴെ ജലനിരപ്പ് ഉണ്ടായിരുന്നപ്പോള്‍ ഒക്ടോബര്‍ മാസത്തില്‍ ഡാം തുറക്കുന്നതിന് തീരുമാനം എടുത്തത്;

(ഇ)	ആഗസ്റ്റില്‍ പ്രസ്തുത ഡാമുകള്‍ തുറക്കുന്നതിന് മുമ്പ് ദുരന്തനിവാരണ അതോറിറ്റിയുമായി ചര്‍ച്ച നടത്തിയിരുന്നോ എന്ന് അറിയിക്കാമോ?

പ്രളയത്തില്‍ വൈദ്യുത നിലയങ്ങള്‍ക്കുണ്ടായ നഷ‍്ടം

*45.

ശ്രീ.വി.കെ.ഇബ്രാഹിം കുഞ്ഞ്
,, എം.ഉമ്മര്‍
,, പി.കെ.ബഷീര്‍
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ സംസ്ഥാനത്തെ വൈദ്യുത നിലയങ്ങള്‍ക്കുണ്ടായ നഷ‍്ടം എത്രയാണെന്ന് തിട്ടപ്പെടുത്തിയിട്ടുണ്ടോ;

(ബി)	ഏതെല്ലാം വൈദ്യുതപദ്ധതികളാണ് പ്രവര്‍ത്തനരഹിതമായത്;

(സി)	ഇവ പ്രവര്‍ത്തനക്ഷമമാക്കുന്നതിന് എന്തു തുക വേണ്ടി വരുമെന്നാണ് കണക്കാക്കുന്നതെന്ന് അറിയിക്കുമോ?

പ്രളയംമൂലം ഊര്‍ജ്ജ മേഖലയിലുണ്ടായിട്ടുളള പ്രതിസന്ധി

*46.

ശ്രീ.എം. സ്വരാജ്
പ്രൊഫ.കെ.യു. അരുണന്‍
ശ്രീ.വി. ജോയി
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	പ്രളയ ദുരന്തത്തിന്റെ ഫലമായി സംസ്ഥാനത്തെ ഊര്‍ജ്ജ മേഖലയിലുണ്ടായിട്ടുളള പ്രതിസന്ധികള്‍ എന്തെല്ലാമാണെന്ന് അറിയിക്കുമോ;

(ബി)	വെെദ്യുതോല്പാദന രംഗത്തും വിതരണ രംഗത്തും പ്രളയം മൂലമുണ്ടായ നാശനഷ്ടങ്ങള്‍ വിലയിരുത്തിയിട്ടുണ്ടാേ;

(സി)	പ്രളയ പ്രതിസന്ധി മറികടക്കാന്‍ യുദ്ധകാലാടിസ്ഥാനത്തില്‍ എന്തെല്ലാം പദ്ധതികളാണ് വകുപ്പ് നടപ്പിലാക്കിയത്;

(ഡി)	വെെദ്യുതി മേഖലയിലെ പുനര്‍നിര്‍മ്മാണ പ്രവര്‍ത്തനങ്ങള്‍ ഏകോപിപ്പിക്കാനും സമയബന്ധിതമായി പൂര്‍ത്തീകരിക്കാനും പ്രത്യേക ടാസ്ക് ഫോഴ്സുകള്‍ രൂപീകരിച്ചിരുന്നോ; വിശദാംശം നല്‍കുമോ?

ശബരിമലയില്‍ വനഭൂമിയുടെ ലഭ്യത

*47.

ശ്രീ.എല്‍ദോസ് പി. കുന്നപ്പിള്ളില്‍
,, തിരുവഞ്ചൂര്‍ രാധാകൃഷ്ണന്‍
,, പി.ടി. തോമസ്
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമലയില്‍ യുവതീപ്രവേശനത്തിന് ഉണ്ടായിരുന്ന നിയന്ത്രണം സുപ്രീംകോടതി എടുത്തുകളഞ്ഞ സാഹചര്യത്തില്‍ കൂടുതല്‍ വനഭൂമി വിട്ട് നല്‍കണമെന്ന് വനം വകുപ്പിനോട് ദേവസ്വം ബോര്‍ഡ് ആവശ്യപ്പെട്ടിട്ടുണ്ടോ;

(ബി)	എങ്കില്‍ വനം വകുപ്പിന്റെ ഇതുസംബന്ധിച്ചുള്ള പ്രതികരണം എന്താണെന്ന് വ്യക്തമാക്കാമോ;

(സി)	പെരിയാര്‍ കടുവ സങ്കേതത്തിന്റെ ഭാഗമായ ശബരിമലയില്‍ നിന്ന് വനഭുമി വിട്ട് നല്‍കുന്നതിന് ദേശീയ വന്യജീവി സംരക്ഷണ ബോര്‍ഡ്, കേന്ദ്ര വനം പരിസ്ഥിതി മന്ത്രലയം, ദേശീയ കടുവാ സംരക്ഷണ അതോറിറ്റി എന്നിവയുടെ അനുമതി ആവശ്യമാണോ;

(ഡി)	സംരക്ഷിത വനമേഖലയായിട്ടുള്ള ശബരിമലയിലെ ജൈവ സമ്പത്തിന്റെ ആരോഗ്യപരമായ നിലനില്പിന് തീര്‍ത്ഥാടക നിയന്ത്രണം ആവശ്യമാണെന്ന് വനം വകുപ്പ് അറിയിച്ചിട്ടുണ്ടോ;

(ഇ)	ഉണ്ടെങ്കില്‍ ഏതെങ്കിലും തരത്തിലുള്ള നിയന്ത്രണം കൊണ്ടുവരുവാന്‍ സര്‍ക്കാരോ ദേവസ്വം ബോര്‍ഡോ ആലോചിക്കുന്നുണ്ടോ; വിശദാംശം നല്‍കുമോ?

കിഫ്ബിയുടെ ധനസമാഹരണം

*48.

ശ്രീ.അന്‍വര്‍ സാദത്ത്
,, വി.ടി.ബല്‍റാം
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ബഡ്ജറ്റിന് പുറമെനിന്ന് വിവിധ മാര്‍ഗ്ഗങ്ങളിലൂടെ ധനസമാഹരണം നടത്തി, സംസ്ഥാനത്തിന്റെ അടിസ്ഥാന സൗകര്യ മേഖലയില്‍ അഞ്ച് വര്‍ഷം കൊണ്ട് 50000 കോടി രൂപയുടെ വികസനം ലക്ഷ്യമാക്കിയുള്ള പദ്ധതി സര്‍ക്കാര്‍ തലത്തില്‍ വിലയിരുത്തിയിട്ടുണ്ടോ;

(ബി)	ഇതിനകം എത്ര കോടി രൂപയുടെ പദ്ധതികള്‍ക്കാണ് കിഫ്ബി അംഗീകാരം നല്‍കിയിട്ടുള്ളത്;

(സി)	കിഫ്ബി ധനസമാഹരണത്തിനായി ജനറല്‍ ഒബ്ലിഗേഷന്‍ ബോണ്ട്, ലാന്റ് ബോണ്ട്, മസാല ബോണ്ട് എന്നിവ പുറപ്പെടുവിക്കുന്നതിനുള്ള നടപടിക്രമങ്ങള്‍ ഏത് ഘട്ടത്തിലാണ്; അതിന് റിസര്‍വ് ബാങ്കിന്റെ അനുമതി ലഭിച്ചിട്ടുണ്ടോ;

(ഡി)	കിഫ്ബിക്ക് ദീര്‍ഘകാല വായ്പ ലഭ്യമാക്കുന്നതിന് ഏതൊക്കെ ബാങ്കുകളാണ് മുന്നോട്ട് വന്നിട്ടുള്ളത്; വിശദാംശം നല്‍കുമോ;

(ഇ)	നബാര്‍ഡില്‍ നിന്നും കിഫ്ബിക്ക് ഇതിനകം എന്ത് തുകയാണ് അനുവദിച്ചത്; പ്രസ്തുത തുക ഏതൊക്കെ പദ്ധതികളിലാണ് വിനിയോഗിച്ചിട്ടുള്ളത് എന്ന് അറിയിക്കുമോ?

നികുതി വരുമാനത്തില്‍ ജി.എസ്.ടി.യുടെ പ്രതിഫലനം

*49.

ശ്രീ.കെ.സുരേഷ് കുറുപ്പ്
പ്രൊഫ.കെ.യു. അരുണന്‍
ശ്രീ.ജോര്‍ജ് എം. തോമസ്
ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാര്‍ ജി.എസ്.ടി നടപ്പിലാക്കിയതിലെ അനവധാനതയും അശാസ്ത്രീയതയും സംസ്ഥാനത്തിന്റെ നികുതി വരുമാനത്തില്‍ ഉണ്ടാക്കിയിട്ടുള്ള പ്രത്യാഘാതം വിശദമാക്കാമോ;

(ബി)	അഞ്ചുവര്‍ഷത്തേയ്ക്ക് മാത്രം ബാധകമായ കോമ്പന്‍സേഷന്‍ ഒഴിവാക്കിയാല്‍ ജി.എസ്.ടി.യുടെ വളര്‍ച്ച എത്ര ശതമാനമാണ്;

(സി)	ആഡംബര ഉപഭോക്തൃ ചരക്കുകളുടെ നികുതി പത്ത് ശതമാനം കുറവ് ചെയ്തത് സംസ്ഥാന വരുമാനത്തെ സാരമായി ബാധിക്കുമെന്നതിനാല്‍ പ്രസ്തുത നടപടി പുന:പരിശോധിക്കാന്‍ ആവശ്യപ്പെടുമോ;

(ഡി)	നികുതി നിരക്കിലുണ്ടായ കുറവിന്റെ പ്രയോജനം ഉപഭോക്താക്കളിലേയ്ക്ക് എത്തിക്കാന്‍ കേന്ദ്ര സര്‍ക്കാര്‍ ഫലപ്രദമായ നടപടി സ്വീകരിച്ചിട്ടുള്ളതായി വിലയിരുത്തുന്നുണ്ടോ;

(ഇ)	ആന്റി പ്രാെഫിറ്റിയറിംഗ് അതോറിറ്റിയുടെ പ്രവര്‍ത്തനം അവസാനിപ്പിക്കാന്‍ തീരുമാനിച്ചിട്ടുണ്ടോ; എങ്കില്‍ അതിന്റെ കാരണമായി ചൂണ്ടിക്കാണിച്ചിട്ടുളളതെന്താണ്;

(എഫ്)

വന്‍കിട വ്യവസായികളും വ്യാപാരികളും ഉപഭോക്താക്കളെ ചൂഷണം ചെയ്യുന്നത് പരോക്ഷമായി അനുവദിക്കുന്ന നിലപാടില്‍ നിന്ന് പിന്‍മാറാന്‍ കേന്ദ്ര സര്‍ക്കാരിനോട് ആവശ്യപ്പെടുമോയെന്ന് വ്യക്തമാക്കുമോ?

പങ്കാളിത്ത പെന്‍ഷന്‍ പദ്ധതി

*50.

ശ്രീ.ടി.എ.അഹമ്മദ് കബീര്‍
,, എന്‍ .എ.നെല്ലിക്കുന്ന്
,, എന്‍. ഷംസുദ്ദീന്‍
,, കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പങ്കാളിത്ത പെന്‍ഷന്‍ പദ്ധതി നടപ്പാക്കുന്നത് പുന:പരിശോധിക്കുവാന്‍ തീരുമാനിച്ചിട്ടുണ്ടോയെന്ന് വ്യക്തമാക്കുമോ;

(ബി)	ഇതു സംബന്ധിച്ച് എന്തെങ്കിലും സമിതി രൂപീകരിച്ചിട്ടുണ്ടോ; വിശദാംശം നല്‍കുമോ;

(സി)	ഈ സമിതിയുടെ റിപ്പോര്‍ട്ട് എന്നത്തേക്ക് ലഭിക്കുമെന്നാണ് പ്രതീക്ഷിക്കുന്നതെന്ന് അറിയിക്കുമോ?

വിനോദസഞ്ചാര മേഖലയിലെ പ്രളയാനന്തര സാഹചര്യം

*51.

ശ്രീ.എം. നൗഷാദ്
,, ബി.ഡി. ദേവസ്സി
,, സി. കെ. ശശീന്ദ്രന്‍
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രധാന സേവനാധിഷ‍്ഠിത വ്യവസായമായ വിനോദസഞ്ചാര മേഖലക്ക് പ്രളയക്കെടുതിയില്‍ ഉണ്ടായ നഷ‍്ടം കണക്കാക്കിയിട്ടുണ്ടോ; വ്യവസായത്തിന്റെ പുനരുജ്ജീവനത്തിനായി നടത്തി വരുന്ന പ്രവര്‍ത്തനങ്ങള്‍ വിശദമാക്കാമോ;

(ബി)	റോഡുകള്‍ ഉള്‍പ്പെടെയുള്ള അടിസ്ഥാന സൗകര്യങ്ങള്‍ പൂര്‍ണ്ണമായും പുനഃസ്ഥാപിക്കുന്നതിന് സാധ്യമായിട്ടുണ്ടോ; ഇതിനായി ചെയ‍്ത കാര്യങ്ങള്‍ അറിയിക്കാമോ;

(സി)	പ്രളയ ദുരന്തത്തിന്റെ പശ്ചാത്തലത്തില്‍ വിനോദസഞ്ചാര വികസനം പരിസ്ഥിതി സൗഹാര്‍ദ്ദപരമാക്കി മാറ്റുന്നതിനുളള പദ്ധതി ആവിഷ‍്ക്കരിക്കാന്‍ ഉദ്ദേശിക്കുന്നുണ്ടോ; വിശദാംശം നല്‍കാമോ;

(ഡി)	വിനോദസഞ്ചാര കേന്ദ്രങ്ങളിലെ മാലിന്യപ്രശ‍്നം പരിഹരിക്കുന്നതിനും അവയെ സുരക്ഷിത മേഖലകളാക്കി മാറ്റുന്നതിനും ഉള്ള പദ്ധതികള്‍ എന്തെല്ലാമാണ്; വ്യക്തമാക്കുമോ?

സഹകരണ ബാങ്കുകളിലെ വായ്പ കുടിശ്ശിക

*52.

ശ്രീ.സി.കൃഷ്ണന്‍
,, ജോര്‍ജ് എം. തോമസ്
,, സി.കെ. ഹരീന്ദ്രന്‍
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സഹകരണ ബാങ്കുകളില്‍ നിന്ന് വായ്പയെടുത്ത് കുടിശ്ശിക വരുത്തിയവര്‍ക്ക് ഒറ്റത്തവണ തീര്‍പ്പാക്കലിലൂടെ വായ്പ തിരിച്ചടയ്ക്കുന്നതിന് 'സാന്ത്വനം 2018 'എന്ന പദ്ധതി ആവിഷ്ക്കരിച്ചിട്ടുണ്ടോ;

(ബി)	ഏതെല്ലാം തരത്തിലുള്ള വായ്പകളെയാണ് പ്രസ്തുത പദ്ധതിയില്‍ ഉള്‍പ്പെടുത്തിയിരിക്കുന്നതെന്ന് വ്യക്തമാക്കാമോ;

(സി)	ഇതിനായി പ്രത്യേക അദാലത്തുകള്‍ എവിടെയെല്ലാമാണ് സംഘടിപ്പിച്ചിട്ടുള്ളതെന്ന് അറിയിക്കാമോ;

(ഡി)	ഇൗ പദ്ധതിയ്ക്കായി എത്ര രൂപയാണ് വകയിരുത്തിയിട്ടുള്ളതെന്ന് വ്യക്തമാക്കാമോ?

കായിക മേഖലയിലെ അടിസ്ഥാന സൗകര്യ വികസനം

*53.

ശ്രീ.എ. എന്‍. ഷംസീര്‍
,, ആര്‍. രാജേഷ്
,, കാരാട്ട് റസാഖ്
,, സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	കായികവിനോദ രംഗത്ത് സംസ്ഥാനത്തിന്റെ പെരുമ ഉയര്‍ത്തുന്നതിനായി ആവിഷ്കരിച്ചിട്ടുള്ള പദ്ധതികള്‍ എന്തെല്ലാമാണ്;

(ബി)	കായിക രംഗത്ത് അടിസ്ഥാന സൗകര്യ വികസനത്തിനായി കിഫ്ബി സഹായത്തോടെ എഴുന്നൂറ് കോടി രൂപ ചെലവില്‍ നടപ്പാക്കാന്‍ ഉദ്ദേശിക്കുന്ന വിവിധോദ്ദേശ്യ ഇന്‍ഡോര്‍ സ്റ്റേഡിയങ്ങളുടെ നിര്‍മ്മാണ പുരോഗതി അറിയിക്കാമോ;

(സി)	കായികതാരങ്ങളുടെ ജീവിതസുരക്ഷ ഉറപ്പാക്കി കഴിവുള്ളവരെ ഈ രംഗത്തേക്ക് ആകര്‍ഷിക്കുന്നതിന് നടത്തിയ പ്രവര്‍ത്തനങ്ങള്‍ എന്തെല്ലാമാണ്; മികവു തെളിയിക്കുന്ന കായികതാരങ്ങള്‍ക്ക് അന്തര്‍ദേശീയ നിലവാരത്തിലുള്ള പരിശീലനം ലഭ്യമാക്കാന്‍ പരിപാടിയുണ്ടോയെന്ന് വ്യക്തമാക്കുമോ?

ശബരിമലയില്‍ യുവതീ പ്രവേശവുമായി ബന്ധപ്പെട്ട പ്രത്യേക സാഹചര്യം

*54.

ശ്രീ.എ.പി. അനില്‍ കുമാര്‍
,, വി.എസ്.ശിവകുമാര്‍
,, കെ.മുരളീധരന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമലയില്‍ യുവതീ പ്രവേശനത്തിന് ഏര്‍പ്പെടുത്തിയിരുന്ന നിയന്ത്രണം സുപ്രീം കോടതി വിധിയിലൂടെ എടുത്തുകളഞ്ഞ നടപടി മൂലം ഉളവായിട്ടുള്ള പ്രത്യേക സാഹചര്യം സര്‍ക്കാരും ദേവസ്വം ബോര്‍ഡും വിലയിരുത്തിയിട്ടുണ്ടോ;

(ബി)	ഇതുസംബന്ധിച്ച സുപ്രീംകോടതിയിലെ കേസില്‍ ദേവസ്വം ബോര്‍ഡ് എന്ത് നിലപാടായിരുന്നു സ്വീകരിച്ചതെന്ന് വ്യക്തമാക്കുമോ;

(സി)

നേരത്തെയുള്ള കോടതി വിധികള്‍ നടപ്പിലാക്കുന്ന കാര്യത്തില്‍ കാണിക്കാത്ത താല്പര്യമാണ് ശബരിമല കോടതി വിധി നടപ്പിലാക്കുന്ന കാര്യത്തില്‍ സര്‍ക്കാരും ബോര്‍ഡും കാണിച്ചതെന്നും ഇതുസംബന്ധിച്ച് തിരുവിതാംകൂര്‍ ദേവസ്വം ബോര്‍ഡ് പ്രസിഡണ്ടും മന്ത്രിമാരും നടത്തിയ പ്രസ്താവനകളാണ് പ്രശ്നം കൂടുതല്‍ സങ്കീര്‍ണ്ണമാക്കിയതെന്നുമുള്ള ആക്ഷേപങ്ങളുടെ നിജസ്ഥിതി വ്യക്തമാക്കുമോ;

(ഡി)	ചര്‍ച്ചകളിലൂടെ പ്രസ്തുത വിഷയം രമ്യമായി പരിഹരിക്കുന്നതിനും ശബരിമലയില്‍ നിലനില്‍ക്കുന്ന സംഘര്‍ഷാവസ്ഥ ലഘൂകരിക്കുന്നതിനും നടപടി സ്വീകരിക്കുമോ എന്നറിയിക്കാമോ?

വൈദ്യുതി മേഖല കാര്യക്ഷമമാക്കാനുളള പ്രവര്‍ത്തനങ്ങള്‍

*55.

ശ്രീ.ഒ. ആര്‍. കേളു
,, ബി.സത്യന്‍
,, പുരുഷന്‍ കടലുണ്ടി
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രളയക്കെടുതി വൈദ്യുതി ബോര്‍ഡിനുണ്ടാക്കിയ നഷ്ടം എത്രയെന്ന് തിട്ടപ്പെടുത്തിയിട്ടുണ്ടോ; വൈദ്യുതി വിതരണം പുന:സ്ഥാപിക്കാന്‍ നടത്തിയ തീവ്രശ്രമങ്ങള്‍ വിശദമാക്കാമോ;

(ബി)	സംസ്ഥാനത്തെ വൈദ്യുതി ഉല്പാദന-പ്രസരണ-വിതരണ മേഖലകള്‍ കാര്യക്ഷമമാക്കാന്‍ നടത്തി വരുന്ന പ്രവര്‍ത്തനങ്ങള്‍ വിശദമാക്കാമോ;

(സി)	അത്യന്തം പ്രതികൂല സാഹചര്യമായിരുന്നിട്ടുപോലും മുന്‍കാലങ്ങളില്‍ നിന്നും വ്യത്യസ്തമായി പവര്‍കട്ട്, ലോഡ് ഷെഡിംഗ് എന്നിവ ഒഴിവാക്കാനും തടസ്സരഹിതമായി വൈദ്യുതി ലഭ്യമാക്കാനും നടത്തിയ പ്രവര്‍ത്തനങ്ങള്‍ വിശദമാക്കാമോ?

ഡാമുകളുടെ ബ്രേക്ക് അനാലിസിസ് പഠനം

*56.

ശ്രീ.കെ.എസ്.ശബരീനാഥന്‍
,, വി.ഡി.സതീശന്‍
,, പി.ടി. തോമസ്
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	ഇടമലയാര്‍, ഷോളയാര്‍, പെരിങ്ങല്‍ക്കുത്ത് അണക്കെട്ടുകളുടെ ബ്രേക്ക് അനാലിസിസ് പഠനം നടത്തുവാന്‍ വെെദ്യുതി ബോര്‍ഡ് തീരുമാനിച്ചിട്ടുണ്ടോ;

(ബി)	എങ്കില്‍ ഏത് ഏജന്‍സിയെയാണ് പ്രസ്തുത പഠനം നടത്തുവാന്‍ ഏല്‍പ്പിച്ചിട്ടുളളത്; കരാര്‍ തുക എത്ര കോടി രൂപയാണ്;

(സി)	ഇടുക്കി ഡാം അടക്കം മറ്റ് പ്രധാന 13 അണക്കെട്ടുകള്‍ തുറക്കേണ്ടി വരുമ്പോള്‍ സ്വീകരിക്കേണ്ട മുന്‍കരുതലുകളും ഡാം പൊട്ടുന്ന സാഹചര്യം ഉണ്ടായാല്‍ നേരിടുന്നതിനെ സംബന്ധിച്ചും പഠിച്ച് രൂപരേഖ ഉണ്ടാക്കുവാന്‍ ഡ്രിപ്പിന്റെ (ഡാം റീഹാബിലിറ്റേഷൻ ആൻഡ് ഇംപ്രൂവ്മെന്റ് പ്രൊജക്റ്റ് )ഭാഗമായി പഠനം നടത്തുന്നുണ്ടോ;

(ഡി)	എങ്കില്‍ പ്രസ്തുത പഠനം ബോര്‍ഡിന്റെ ആഭിമുഖ്യത്തില്‍ നടത്തുന്ന സാഹചര്യത്തില്‍ ഇടമലയാര്‍ ഉള്‍പ്പെടെയുളള മൂന്ന് ഡാമുകളുടെ ബ്രേക്ക് അനാലിസിസ് പഠനം മറ്റൊരു ഏജന്‍സിയെ ഏല്പിക്കാനുളള സാഹചര്യമെന്താണ് എന്ന് വ്യക്തമാക്കുമോ?

പ്രളയം വ്യവസായ മേഖലയ്ക്ക് ഏല്പിച്ച പ്രഹരം

*57.

ശ്രീ.ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.ഇ.ടി. ടൈസണ്‍ മാസ്റ്റര്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	2018 ആഗസ്റ്റ് മാസത്തിലുണ്ടായ മഹാപ്രളയം സംസ്ഥാനത്തെ വ്യവസായ മേഖലയ്ക്ക് ഏല്പിച്ച പ്രഹരം സംബന്ധിച്ച് വിശദമാക്കുമോ;

(ബി)	വന്‍കിട-ചെറുകിട വ്യവസായ യൂണിറ്റുകള്‍ക്ക് ഏതൊക്കെ തരത്തിലുള്ള നഷ്ടം ഉണ്ടായെന്ന് വ്യക്തമാക്കുമോ;

(സി)	വ്യവസായ മേഖലയില്‍ ഉണ്ടായ തൊഴില്‍ നഷ്ടത്തിന്റെ വ്യാപ്തി വ്യക്തമാക്കുമോ;

(ഡി)	പ്രളയക്കെടുതിയില്‍ നിന്ന് സംസ്ഥാനത്തെ വ്യവസായ മേഖലയെ കെെപിടിച്ചുയര്‍ത്തുന്നതിന് സ്വീകരിച്ചുവരുന്ന നടപടികള്‍ വ്യക്തമാക്കുമോ?

സമ്പദ്ഘടന നേരിടുന്ന പ്രതിസന്ധി തരണം ചെയ്യാന്‍ മൂലധന നിക്ഷേപം

*58

ശ്രീ.കെ.വി.അബ്ദുള്‍ ഖാദര്‍
,, ജോണ്‍ ഫെര്‍ണാണ്ടസ്
,, വി. കെ. സി. മമ്മത് കോയ
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

*59

ചോദ്യം ഒഴിവാക്കിയിരിക്കുന്നു.

സംസ്ഥാനത്തിന്റെ കടമെടുപ്പ് പരിധി വര്‍ദ്ധിപ്പിക്കല്‍

*60.

ശ്രീ.സണ്ണി ജോസഫ്
,, തിരുവഞ്ചൂര്‍ രാധാകൃഷ്ണന്‍
,, ഐ.സി.ബാലകൃഷ്ണന്‍
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തിന്റെ പശ്ചാത്തലത്തില്‍ സംസ്ഥാനത്തിന്റെ കടമെടുപ്പ് പരിധി വര്‍ദ്ധിപ്പിക്കണമെന്ന് കേന്ദ്രത്തോട് ആവശ്യപ്പെട്ടിട്ടുണ്ടോ;

(ബി)	എങ്കില്‍ എത്ര ശതമാനം വര്‍ദ്ധനവാണ് ആവശ്യപ്പെട്ടിട്ടുള്ളത്; ഇതിലൂടെ എത്ര കോടി രൂപ അധികമായി വായ്പ എടുക്കുവാന്‍ കഴിയുമെന്ന് അറിയിക്കുമോ;

(സി)	പ്രളയം സംബന്ധിച്ച ലോകബാങ്ക് പഠനസംഘത്തിന്റെ പ്രാഥമിക വിലയിരുത്തലിന് മുമ്പ് തന്നെ ലോകബാങ്ക് വായ്പ സന്നദ്ധത അറിയിച്ചിട്ടുണ്ടോ; എങ്കില്‍ എത്ര കോടി രൂപ വായ്പയായി അനുവദിക്കാം എന്നാണ് ലോകബാങ്ക് അറിയിച്ചിട്ടുള്ളത്; എത്ര ശതമാനമാണ് പലിശ നിരക്ക്;

(ഡി)	കടമെടുപ്പ് പരിധി വര്‍ദ്ധിപ്പിക്കണമെന്ന ആവശ്യത്തിനോടുള്ള കേന്ദ്ര പ്രതികരണം വ്യക്തമാക്കുമോ?

Website maintained by Information System Section, Kerala Legislative Assembly, Thiruvananthapuram.