14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >11^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 11^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ഇടുക്കി നിയോജകമണ്ഡലത്തില്‍ പൊതുവിദ്യാഭ്യാസ സംരക്ഷണ യജ്ഞം

1337.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ഇടുക്കി നിയോജകമണ്ഡലത്തില്‍ നടപ്പാക്കാന്‍ ഉദ്ദേശിക്കുന്ന പദ്ധതികള്‍ എന്തെല്ലാമാണ്;

(ബി)	പ്രസ്തുത പദ്ധതിയുടെ ഭാഗമായി ഇടുക്കി നിയോജകമണ്ഡലത്തില്‍ നിന്ന് ഏതെല്ലാം സ്കൂളുകള്‍ക്കുള്ള പ്രൊപ്പോസലുകള്‍ സമര്‍പ്പിക്കപ്പെട്ടുവെന്നും ഏതെല്ലാം പ്രൊപ്പോസലുകള്‍ക്ക് അംഗീകാരം നല്‍കിയെന്നും വിശദമാക്കാമോ;

(സി)	ഇതിനോടകം ഭരണാനുമതി നല്‍കിയിട്ടുള്ള പദ്ധതികളുടെ പ്രവര്‍ത്തനപുരോഗതി വ്യക്തമാക്കുമോ?

പൊതു വിദ്യാഭ്യാസ സംരക്ഷണ യജ്ഞം

1338.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കെട്ടിടം നിര്‍മ്മിക്കുന്നതിന് തലശ്ശേരി നിയോജകമണ്ഡലത്തിലെ ഗവണ്‍മെന്റ് എല്‍.പി. സ്കൂള്‍ തലശ്ശേരിക്ക് 4/12/17 ന് 100 ലക്ഷം രൂപ അനുവദിച്ചുകൊണ്ടുള്ള ഭരണാനുമതി ലഭ്യമായിട്ടുണ്ടെങ്കിലും ആയതിന്റെ നിര്‍മ്മാണ പ്രവൃത്തി ഇതുവരെയും ആരംഭിച്ചിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അതിന്റെ കാരണം എന്താണെന്നും നിര്‍മ്മാണ പ്രവൃത്തി എന്നാരംഭിക്കാനാകുമെന്നും വ്യക്തമാക്കാമോ?

ചലഞ്ച് ഫണ്ട്‌

1339.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതു വിദ്യാഭ്യാസ വികസന പരിപാടിയുടെ ഭാഗമായി പൊതു വിദ്യാഭ്യാസ മേഖലയിലെ സ്വകാര്യ സ്ഥാപനങ്ങൾക്കുള്ള ചലഞ്ച് ഫണ്ട്‌ സംബന്ധിച്ച് എന്തൊക്കെ തീരുമാനങ്ങളാണ് വിദ്യാഭ്യാസ വകുപ്പ് എടുത്തിട്ടുള്ളത്; ഈ ഫണ്ട്‌ അനുവദിക്കുന്നതിനുള്ള മാര്‍ഗ്ഗനിര്‍ദ്ദേശങ്ങള്‍ ലഭ്യമാക്കാമോ;

(ബി)	ഈ പദ്ധതി പ്രകാരം സഹായധനം നല്‍കിയിട്ടുള്ള സ്ഥാപനങ്ങളുടെ ലിസ്റ്റ്, അനുവദിച്ച തുക എന്നിവയുടെ വിശദാംശം ലഭ്യമാക്കാമോ?

മുല്ലശ്ശേരി ഗവണ്‍മെന്റ് ഹയര്‍ സെക്കന്ററി സ്കൂളിനെ മികവിന്റെ കേന്ദ്രമാക്കാന്‍ നടപടി

1340.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സ്കൂളുകള്‍ മികവിന്റെ കേന്ദ്രങ്ങളാക്കുന്ന പദ്ധതിയില്‍ ഉള്‍പ്പെടുത്തിയിട്ടുള്ള മണലൂര്‍ മണ്ഡലത്തിലെ മുല്ലശ്ശേരി ഗവണ്‍മെന്റ് ഹയര്‍ സെക്കന്ററി സ്കൂളില്‍ എന്തെല്ലാം നിര്‍മ്മാണ പ്രവൃത്തികളാണ് നടത്തുന്നത്;

(ബി)	നിര്‍മ്മാണ പ്രവൃത്തികളുടെ ആകെ അടങ്കല്‍ തുക എത്രയാണ്; വിശദാംശങ്ങള്‍ എന്തെല്ലാം;

(സി)	നിര്‍മ്മാണ പ്രവൃത്തികള്‍ ആരംഭിച്ചിട്ടുണ്ടോയെന്നും എപ്പോള്‍ പൂര്‍ത്തീകരിക്കണമെന്നത് സംബന്ധിച്ച് നിര്‍ദ്ദേശം നല്‍കിയിട്ടുണ്ടോയെന്നും വ്യക്തമാക്കാമോ?

സര്‍ക്കാര്‍ സ്കൂളുകളില്‍ ലാബുകള്‍

1341.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ സ്കൂളുകളുടെ ലാബുകളും ലൈബ്രറികളും വിപുലീകരിക്കുന്നതിന് ഭരാണാനുമതി ലഭിച്ച പ്രവൃത്തികളുടെ ടെന്റര്‍ നടപടി വൈകുന്നതിന്റെ കാരണം വ്യക്തമാക്കാമോ;

(ബി)	എപ്പോള്‍ ഈ പ്രവൃത്തികള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ?

പൊതുവിദ്യാഭ്യാസ സംരക്ഷണ യജ്ഞം

1342.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി എയ്ഡഡ് മേഖലയിലെ സ്ക്കൂളുകളുടെ വികസനത്തിന് എന്തൊക്കെ പദ്ധതികളാണ് നടപ്പാക്കുന്നത്; വിശദാംശങ്ങള്‍ ലഭ്യമാക്കാമോ;

(ബി)	സര്‍ക്കാര്‍/എയ്ഡഡ് മേഖലയിലെ സ്ക്കൂളുകളില്‍ പൊതുവിദ്യാഭ്യാസ സംരക്ഷണ യജ്ഞം നടപ്പാക്കിത്തുടങ്ങിയതിന്റെ ഗുണഫലങ്ങള്‍ എന്തൊക്കെ എന്ന് അറിയാന്‍ കഴിഞ്ഞിട്ടുണ്ടോ; വിശദാംശങ്ങള്‍ ലഭ്യമാക്കാമോ; ഈ അക്കാഡമിക് വര്‍ഷം ഈ മേഖലയില്‍ എത്ര മാത്രം കുട്ടികളുടെ എണ്ണം വര്‍ദ്ധിച്ചിട്ടുണ്ട് എന്ന് വ്യക്തമാക്കാമോ;

(സി)	പൊതുവിദ്യാഭ്യാസ മേഖലയുടെ ഉന്നതിക്കായി വേറെ എന്തൊക്കെ പദ്ധതികളാണ് നടപ്പാക്കാന്‍ ഉദ്ദേശിക്കുന്നത്; വിശദാംശം ലഭ്യമാക്കാമോ?

പൊതുവിദ്യാഭ്യാസ സംരക്ഷണ യജ്ഞം

1343.

ശ്രീമതി യു. പ്രതിഭ ഹരി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ക്ലാസ്സ് മുറികള്‍ ഹൈടെക്ക് ആക്കുന്ന പദ്ധതികളുമായി സര്‍ക്കാര്‍ മുന്നോട്ട് പോകുമ്പോള്‍ മിക്ക എയ്ഡ‍ഡ് സ്കൂളുകളും ആവശ്യമായ ഭൗതിക സാഹചര്യം ഒരുക്കുന്നതിന് അലംഭാവം കാട്ടുന്നത് ശ്രദ്ധയിൽപ്പെട്ടിട്ടുണ്ടോ;

(ബി)	എങ്കിൽ ഈ വിഷയത്തിൽ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

പൊതുവിദ്യാഭ്യാസ സംരക്ഷണ യജ്ഞം

1344.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞം ആരംഭിച്ചതിനു ശേഷം പൊതുവിദ്യാലയങ്ങളില്‍ ചേര്‍ക്കുന്ന വിദ്യാര്‍ത്ഥികളുടെ എണ്ണത്തില്‍ വര്‍ദ്ധനവ് ഉണ്ടായിട്ടുണ്ടോ; എങ്കില്‍ എത്ര ശതമാനം വര്‍ദ്ധനവാണ് രേഖപ്പെടുത്തിയിട്ടുള്ളത്;

(ബി)	ഈ പദ്ധതി ആരംഭിച്ചതിനു ശേഷം പൊതുവിദ്യാലയങ്ങളില്‍ നിന്നുള്ള കൊഴി‍ഞ്ഞുപോക്ക് നിരക്കിലുണ്ടായ വ്യത്യാസം എപ്രകാരമാണെന്ന് പരിശോധിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

(സി)	കൊഴിഞ്ഞു പോകുന്ന വിദ്യാര്‍ത്ഥികളെ വിദ്യാലയങ്ങളില്‍ തിരികെയെത്തിക്കുന്നതിന് പൊതുവിദ്യാഭ്യാസ സംരക്ഷണയജ്ഞത്തിന്റെ അടിസ്ഥാനത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വ്യക്തമാക്കുമോ?

പാെതുവിദ്യാഭ്യാസ യജ്ഞം

1345.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പാെതുവിദ്യാഭ്യാസ യജ്ഞം നടപ്പിലാക്കുകവഴി ഹെെസ്ക്കൂള്‍, ഹയര്‍സെക്കന്ററി തലത്തിലുള്ള എല്ലാ ക്ലാസ്സ് മുറികളും ഹെെടെക് ക്ലാസ്സ് മുറികളായി മാറ്റി പഠന പ്രവര്‍ത്തനങ്ങള്‍ക്ക് പുതിയ മാനം നല്‍കുന്നതിന് കഴിഞ്ഞിട്ടുണ്ടാേ ; വിശദമാക്കുമാേ ;

(ബി)	ഇൗ വര്‍ഷം പാെതുവിദ്യാഭ്യാസ സ്ഥാപനങ്ങളിലേക്ക് കൂടുതല്‍ കുട്ടികളെ ആകര്‍ഷിക്കുന്നതിന് ഇൗ പദ്ധതി നടപ്പിലാക്കിയത് മൂലം കഴിഞ്ഞിട്ടുണ്ടാേ ;

(സി)	ഇൗ യജ്ഞത്തിന്റെ ഭാഗമായി അക്കാഡമിക് രംഗത്ത് നടപ്പിലാക്കിയ മാറ്റങ്ങള്‍ എന്താെക്കെയാണ് ; അദ്ധ്യാപകര്‍ക്ക് ഏതാെക്കെ തരത്തിലുള്ള പരിശീലനമാണ് ഇതിന്റെ ഭാഗമായി നല്‍കിയതെന്ന് അറിയിക്കുമോ;

(ഡി)	ഇംഗ്ലീഷ് ഭാഷാപഠനത്തിന് പ്രാധാന്യം നല്‍കുന്നതിനു വേണ്ടി എല്ലാ ജില്ലകളിലും ജില്ലാ തല ഇംഗ്ലീഷ് പഠനകേന്ദ്രങ്ങള്‍ ആരംഭിക്കുന്നതിന് നടപടി സ്വീകരിച്ചിട്ടുണ്ടാേ ; വിശദീകരിക്കുമാേ ?

വിദ്യാഭ്യാസമേഖലയിലെ മാറ്റങ്ങള്‍

1346.

ശ്രീ.എം. നൗഷാദ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ മേഖലയില്‍ പുതിയതായി കോളേജുകള്‍, പോളിടെക്നിക്ക് കോളേജുകള്‍, എന്‍ജിനിയറിംഗ് കോളേജുകള്‍, മെഡിക്കല്‍ കോളേജുകള്‍ എന്നിവ ആരംഭിക്കണമെന്ന നിര്‍ദ്ദേശം സര്‍ക്കാര്‍ മുമ്പാകെയുണ്ടോ; ഉണ്ടെങ്കില്‍ കെെക്കൊളളാനുദ്ദേശിക്കുന്ന നടപടികള്‍ വിശദീകരിക്കാമോ;

(ബി)	ഏത് ജില്ലയില്‍ ഏത് സ്ഥലത്താണ് പുതിയ കോളേജുകള്‍ തുടങ്ങാന്‍ ഉദ്ദേശിക്കുന്നത് ; വിശദാംശങ്ങള്‍ ലഭ്യമാക്കാമോ;

(സി)	ഹയര്‍ സെക്കന്ററി വിദ്യാഭ്യാസം അടിസ്ഥാനവിദ്യാഭ്യാസത്തിന്റെ ഭാഗമാക്കാനും പൊതുപരീക്ഷ പത്താം ക്ലാസ്സിന് പകരം പ്ലസ് ടു തലത്തില്‍ മാത്രമാക്കാനുമുളള നിര്‍ദ്ദേശം സര്‍ക്കാര്‍ മുമ്പാകെയുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ;

(ഡി)	അംഗന്‍വാടികളെ സര്‍ക്കാര്‍ എയ്ഡഡ് എല്‍.പി. സ്കൂളുകളുടെ ഭാഗമാക്കണമെന്ന നിര്‍ദ്ദേശം സര്‍ക്കാര്‍ പരിഗണനയിലുണ്ടോ; ഉണ്ടെങ്കില്‍ വിശദാംശങ്ങള്‍ വെളിപ്പെടുത്തുമോ?

ദിവസവേതനാടിസ്ഥാനത്തില്‍ അദ്ധ്യപകരുടെ നിയമനം

1347.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അടുത്ത അദ്ധ്യായന വര്‍ഷം എയ്ഡഡ് സ്ക്കൂളുകളില്‍ 30 ദിവസത്തിലേറെ ദെെര്‍ഘ്യമുള്ള ഒഴിവുകളില്‍ ദിവസവേതനാടിസ്ഥാനത്തില്‍ അദ്ധ്യപകരെ നിയമിക്കുന്നതിന് അനുമതി നല്‍കിയിട്ടുണ്ടാേ;

(ബി)	പ്രസ്തുത അദ്ധ്യാപകരുടെ യാേഗ്യത നിശ്ചയിച്ചിട്ടുണ്ടാേ; കെ-ടെറ്റ് യാേഗ്യതയുള്ളവര്‍ക്ക് മുന്‍ഗണന നല്‍കണമെന്ന് നിര്‍ദ്ദേശിച്ചിട്ടുണ്ടാേ; ദിവസവേതനമായി എന്ത് തുകയാണ് നല്‍കുവാന്‍ ഉദ്ദേശിക്കുന്നത്;

(സി)	ഒരേ മാനേജ്മെന്റില്‍ താല്ക്കാലികമായി പുനര്‍വിന്യസിക്കപ്പെട്ട സംരക്ഷിത അദ്ധ്യാപകരെ 180 ദിവസത്തിലധികം വരുന്ന ഒഴിവുകളിലേക്ക് നിയമിക്കണമെന്ന് നിര്‍ദ്ദേശിച്ചിട്ടുണ്ടാേ?

നേമം മണ്ഡലത്തിലെ സര്‍ക്കാര്‍ സ്കൂളുകള്‍

1348.

ശ്രീ.ഒ. രാജഗോപാല്‍ : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

നേമം നിയോജകമണ്ഡലത്തില്‍ സര്‍ക്കാര്‍ മേഖലയില്‍ എത്ര എല്‍.പി., യു.പി., എച്ച്.എസ്., എച്ച്.എസ്.എസ്. സ്കൂളുകള്‍ പ്രവര്‍ത്തിക്കുന്നുണ്ടെന്നും ഇവയുടെ പേരുവിവരം, ഡിവിഷനുകളുടെ എണ്ണം, കുട്ടികളുടെ എണ്ണം, ആണ്‍കുട്ടികള്‍ എത്ര, പെണ്‍കുട്ടികള്‍ എത്ര എന്നീ വിവരങ്ങള്‍ ലഭ്യമാക്കാമോ?

പ്രീ-സ്കൂള്‍ മുതല്‍ പ്ലസ്ടൂ വരെയുള്ള പഠന പദ്ധതി ഏകീകരണം

1349.

ശ്രീ.ആര്‍. രാമചന്ദ്രന്‍
,, ഇ.കെ.വിജയന്‍
,, ഇ.ടി. ടൈസണ്‍ മാസ്റ്റര്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രീ-സ്കൂള്‍ മുതല്‍ പ്ലസ്ടൂ വരെയുള്ള പഠന പദ്ധതി ഏകീകരിക്കുന്നതിന് കേന്ദ്രസര്‍ക്കാര്‍ നിര്‍ദ്ദേശം നല്‍കിയിട്ടുണ്ടോയെന്ന് വ്യക്തമാക്കുമോ;

(ബി)	പഠന പദ്ധതി ഏകീകരണം വഴി ഉണ്ടാകുന്ന നേട്ടങ്ങളും കോട്ടങ്ങളും വിശദമാക്കുമോ;

(സി)	പഠനപദ്ധതി ഏകീകരണം നടപ്പിലാക്കുന്ന സ്കൂളുകള്‍ക്ക് ലഭ്യമാകുന്ന സഹായങ്ങള്‍ വിശദമാക്കുമോ;

(ഡി)	ഇതിനോടനുബന്ധിച്ച് കേന്ദ്രമാനവവിഭവശേഷി മന്ത്രാലയം പുറത്തിറക്കിയ മറ്റു മാര്‍ഗ്ഗ നിര്‍ദ്ദേശങ്ങളില്‍ പ്രധാനപ്പെട്ടവ ഏതൊക്കെയെന്ന് വ്യക്തമാക്കുമോ?

സൗജന്യ യൂണിഫോം വിതരണം

1350.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എത്ര ലക്ഷം വിദ്യാര്‍ത്ഥികള്‍ക്കാണ് സര്‍ക്കാര്‍ സൗജന്യ യൂണിഫോം വിതരണം നടത്തുന്നത് എന്ന് വിശദമാക്കുമോ;

(ബി)	യൂണിഫോം വിതരണം പൂര്‍ത്തീകരിച്ചോ;ആയത് എന്നാണ് പൂര്‍ത്തീകരിച്ചത് എന്ന് വിശദമാക്കുമോ?

സ്കൂള്‍ കുട്ടികള്‍ക്ക് സൗജന്യ യൂണിഫോം പദ്ധതി

1351.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഒന്നാം ക്ലാസ്സ് മുതല്‍ എട്ടാം ക്ലാസ്സ് വരെയുള്ള എല്ലാ കുട്ടികള്‍ക്കും സൗജന്യമായി യൂണിഫോം നല്‍കിയതു വഴി എത്ര കുട്ടികള്‍ക്ക് ഇതിന്റെ പ്രയോജനം ലഭിച്ചിട്ടുണ്ട്;

(ബി)	ഇതിനായി എത്ര കോടി രൂപ ചെലവഴിച്ചു;

(സി)	പ്രസ്തുത പദ്ധതി വിപുലീകരിച്ച് പത്താം ക്ലാസ്സ് വരെയുള്ള കുട്ടികള്‍ക്ക് സൗജന്യ യൂണിഫോം നല്‍കുന്നതിന് നടപടി സ്വീകരിക്കുവാന്‍ ഉദ്ദേേശ്യമുണ്ടോ; ഉണ്ടെങ്കില്‍ വിശദാംശങ്ങള്‍ വ്യക്തമാക്കുമോ?

മലപ്പുറം ഡി.ഡി.ഇ ഓഫീസ് സിവില്‍ സ്റ്റേഷനിലേക്ക് മാറ്റാൻ നടപടി

1352.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ഡി.ഡി.ഇ ഓഫീസ് സിവില്‍ സ്റ്റേഷനിലേക്ക് മാറ്റണമെന്നാവശ്യപ്പെട്ട് മലപ്പുറം എം.എല്‍.എ. നല്‍കിയ നിവേദനത്തില്‍ നാളിതുവരെ സ്വീകരിച്ച നടപടികള്‍ വിശദീകരിക്കാമാേ ;

(ബി)	മുഖ്യമന്ത്രിയുടെ ഓഫീസില്‍ നിന്നയച്ച കത്ത് നം.ജി.1803058192/2018/CMO തീയതി 05/04/2018 പ്രകാരം പാെതുവിദ്യാഭ്യാസ സെക്രട്ടറിയും ഡി.പി.എെ.യും സ്വീകരിച്ച നടപടികള്‍ വിശദീകരിക്കാമാേ;

(സി)	ഡി.ഡി.ഇ. ഓഫീസ് സിവില്‍സ്റ്റേഷനിലേക്ക് മാറ്റി സ്ഥാപിക്കുവാന്‍ സത്വര നടപടികള്‍ സ്വീകരിക്കുമാേ ?

യൂണിഫോം വിതരണം

1353.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂളുകളില്‍ കുട്ടികള്‍ക്കായുള്ള യൂണിഫോം വിതരണം പൂര്‍ത്തിയായോ ; വിശദാംശങ്ങള്‍ ലഭ്യമാക്കാമോ;

(ബി)	പ്രൈമറി വിഭാഗത്തിലെ ആണ്‍കുട്ടികള്‍ക്ക് പാന്റിനുളള തുണി നല്‍കാതെ ഹാഫ് ട്രൗസറിനുളള തുണിയായി 50 സെന്റീമീറ്റര്‍ മാത്രം നല്‍കുന്നത്ഏതെങ്കിലും റിപ്പോര്‍ട്ടിന്റെ അടിസ്ഥാനത്തിലാണോ എന്ന് വ്യക്തമാക്കാമോ ;

(സി)	ഇത് കാരണം കുട്ടികള്‍ പാന്റിനുളള തുണി പുറത്ത് നിന്ന് വാങ്ങേണ്ടി വരുന്നതിന്റെ ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ ; വിശദമാക്കുമോ?

സ്ക്കൂള്‍ സുരക്ഷ പദ്ധതി സംബന്ധിച്ച നിര്‍ദ്ദേശങ്ങള്‍

1354.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മഴക്കാലത്ത് സ്ക്കൂള്‍ കെട്ടിടങ്ങള്‍ തകര്‍ന്ന് വീണ് കുട്ടികള്‍ക്ക് അപകടം സംഭവിക്കുന്നത് ശ്രദ്ധയിൽപ്പെട്ടിട്ടുണ്ടോ;

(ബി)	ദേശീയ ദുരന്തനിവാരണ അതോറിറ്റി, സ്ക്കൂള്‍ സുരക്ഷ പദ്ധതി സംബന്ധിച്ച നിര്‍ദ്ദേശങ്ങള്‍ നല്‍കിയിട്ടുണ്ടോ; എങ്കിൽ പ്രസ്തുത നിര്‍ദ്ദേശങ്ങള്‍ നടപ്പിലാക്കിയിട്ടുണ്ടോ;

(സി)	സ്ക്കൂള്‍ തുറക്കുന്നതിനു് മുമ്പ് സ്ക്കൂള്‍ കെട്ടിടങ്ങളുടെ അറ്റകുറ്റ പണി പൂര്‍ത്തിയാക്കി ഫിറ്റ്നസ് സര്‍ട്ടിഫിക്കറ്റ് വാങ്ങണമെന്ന നിര്‍ദ്ദേശം കര്‍ശനമായി പാലിച്ചിട്ടുണ്ടോ;

(ഡി)	ഫിറ്റ്നസ് സര്‍ട്ടിഫിക്കറ്റ് തെറ്റായ രീതിയില്‍ നേടിയ സ്ക്കൂളുകളില്‍ എന്തെങ്കിലും അപകടം സംഭവിക്കുന്ന പക്ഷം പ്രധാന അദ്ധ്യാപകനും മാനേജ് മെന്റിനുമെതിരെ കര്‍ശന നടപടികള്‍ സ്വീകരിക്കുമോ?

സൗജന്യമായി യൂണിഫോം വിതരണം

1355.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഏതെല്ലാം വിഭാഗത്തിലുള്ള വിദ്യാര്‍ത്ഥികള്‍ക്കാണ് സര്‍ക്കാര്‍ നേരിട്ട് സൗജന്യമായി യൂണിഫോം വിതരണം ചെയ്യുന്നതെന്ന് വ്യക്തമാക്കുമോ;

(ബി)	കൈത്തറി യൂണിഫോം തുണി സര്‍ക്കാരിന് ലഭ്യമാക്കിയത് ഏത് ഏജന്‍സിയാണെന്ന് വ്യക്തമാക്കുമോ;

(സി)	വിതരണം ചെയ്യുന്ന യൂണിഫോം തുണികള്‍ സംസ്ഥാനത്തൊട്ടാകെ ഒരേ നിറമാക്കുന്നതിന് നടപടി സ്വീകരിക്കുമോയെന്ന് വിശദീകരിക്കുമോ?

ഹെറിറ്റേജ് സ്കൂളുകള്‍

1356.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വര്‍ക്കല നിയോജകമണ്ഡലത്തില്‍ 150 വര്‍ഷം പിന്നിട്ട ഹെറിറ്റേജ് സ്കൂളുകളുടെ കണക്കെടുത്തിട്ടുണ്ടോയെന്ന് വ്യക്തമാക്കാമോ;

(ബി)	എങ്കില്‍ 150 വര്‍ഷം പിന്നിട്ട ഹെറിറ്റേജ് സ്കൂളുകള്‍ ഏതെല്ലാം എന്ന് വ്യക്തമാക്കാമോ?

സ്കൂളുകളിലെ പി.ഡി അക്കൗണ്ടുകളിലുള്ള തുക

1357.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

29/03/2017 ലെ സര്‍ക്കാര്‍ ഉത്തരവ് (സാധാ) നം. 884/2017/പൊ.വി.വ. പ്രകാരം സര്‍ക്കാര്‍, എയിഡഡ് സ്കൂളുകളിലെ പി.ഡി അക്കൗണ്ടുകളില്‍ വര്‍ഷങ്ങളായി ചെലവഴിക്കാതെ കിടന്ന തുക വിനിയോഗിക്കുന്നതിന് അനുവാദം ലഭിച്ചതനുസരിച്ച് വാമനപുരം നിയോജക മണ്ഡലത്തിലെ ഓരോ സ്കൂളും വിനിയോഗിച്ച തുക എത്ര വീതമെന്നും ബാക്കിയുളള തുക എത്രയെന്നും സ്കൂള്‍ തിരിച്ച് വിശദമാക്കാമോ;

(ബി)	പ്രസ്തുത തുക വിനിയോഗിക്കുന്നതിന് ഏത് തീയതി വരെ അനുവാദമുണ്ട് എന്നറിയിക്കാമോ?

പ്രീസ്കൂള്‍ മുതല്‍ പ്ലസ്ടൂ വരെയുളള പഠനപദ്ധതി ഏകീകരണം

1358.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രീസ്കൂള്‍ മുതല്‍ പ്ലസ്ടു വരെയുളള പഠനപദ്ധതി ഏകീകരിക്കാനുളള കേന്ദ്രസര്‍ക്കാരിന്റെ നിര്‍ദ്ദേശം സംസ്ഥാന സര്‍ക്കാര്‍ നടപ്പിലാക്കാന്‍ തീരുമാനിച്ചിട്ടുണ്ടോ എന്ന് വ്യക്തമാക്കാമോ;

(ബി)	കേന്ദ്ര നിര്‍ദ്ദേശം നടപ്പാക്കുകയാണെങ്കില്‍ സര്‍ക്കാര്‍ സ്കൂളുകള്‍ക്ക് ലഭിക്കുന്ന സഹായങ്ങള്‍ എന്തൊക്കെയാണെന്ന് വ്യക്തമാക്കാമോ;

(സി)	പ്രസ്തുത സഹായങ്ങള്‍ എയ്ഡഡ് സ്കൂളുകള്‍ക്കും ലഭിക്കുമോ എന്ന് വ്യക്തമാക്കാമോ;

(ഡി)	കുട്ടികള്‍ക്കും സ്കൂളുകള്‍ക്കും നല്‍കുന്ന സാമ്പത്തിക സഹായങ്ങളെപ്പറ്റി കേന്ദ്ര മാനവവിഭവശേഷി മന്ത്രാലയം മാര്‍ഗ്ഗ നിര്‍ദ്ദേശങ്ങള്‍ പുറത്തിറക്കിയിട്ടുണ്ടോ എന്ന് വ്യക്തമാക്കാമോ;

(ഇ)	എങ്കില്‍ പ്രസ്തുത മാര്‍ഗ്ഗ നിര്‍ദ്ദേശങ്ങളുടെ പകര്‍പ്പ് ലഭ്യമാക്കാമോ;

(എഫ്)

ഇത് സംബന്ധിച്ച പദ്ധതി നിര്‍വഹണച്ചുമതല ഏത് സമിതിക്കാണെന്ന് വ്യക്തമാക്കാമോ;

(ജി)	പദ്ധതികര്‍മ്മരേഖയും ബജറ്റും തയ്യാറാക്കി സമിതിക്ക് നല്‍കാന്‍ സംസ്ഥാനങ്ങള്‍ക്ക് സമയം തീരുമാനിച്ചിട്ടുണ്ടോ എന്നും കേരളം പദ്ധതി രേഖ സമര്‍പ്പിക്കേണ്ടത് എപ്പോഴാണെന്നും ആയത് നിര്‍ദ്ദിഷ്ട സമയത്തിനകം സമര്‍പ്പിച്ചിട്ടുണ്ടോ എന്നും വ്യക്തമാക്കാമോ?

സ്കൂളുകളില്‍ ജൈവ വൈവിധ്യ ഉദ്യാനം

1359.

(എ)	ജൈവവൈവിധ്യത്തേയും കൃഷിയെയും പരിസ്ഥിതിയെയും കുറിച്ച് കുട്ടികള്‍ക്ക് അറിവും അഭിരുചിയും വളര്‍ത്തുവാൻ വളരെയധികം സഹായകരമാകുന്ന ജൈവവൈവിധ്യ ഉദ്യാനം പദ്ധതി ഇതുവരെ എത്ര സ്കൂളുകളിൽ നടപ്പാക്കിയിട്ടുണ്ട്;

(ബി)	ഇത് കുട്ടികളുടെ പഠനത്തെ എന്തുമാത്രം സ്വാധീനിക്കാൻ കഴിയും എന്നാണ് കണക്കാക്കിയിട്ടുള്ളത്; വിശദാംശം വ്യക്തമാക്കുമോ?

സ്കൂളുകളില്‍ ഓട്ടിസം പാര്‍ക്ക് പദ്ധതി

1360.

(എ)	ശാരീരിക മാനസിക വെല്ലുവിളികള്‍ നേരിടുന്ന കുട്ടികള്‍ക്ക് വളരാനും വികസിക്കാനുമായി ഓട്ടിസം പാര്‍ക്കുകള്‍ നിര്‍മ്മിക്കുവാന്‍ ഉദ്ദേശിക്കുന്നുണ്ടോ;

(ബി)	ഉണ്ടെങ്കില്‍ ഏതെല്ലാം സ്ഥലങ്ങളിലെ സ്കൂളുകളുമായി ബന്ധപ്പെട്ടാണ് ഓട്ടിസം പാര്‍ക്കുകള്‍ നിര്‍മ്മിക്കുന്നത്;

(സി)	ഇതിന്റെ നടപടിക്രമങ്ങള്‍ ഏതുഘട്ടത്തിലാണ് ; വ്യക്തമാക്കുമോ?

സ്കൂളുകളില്‍ സ്വീകരിച്ച സുരക്ഷാ നടപടികള്‍

1361.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പുതിയ അദ്ധ്യയന വര്‍ഷത്തില്‍ സ്കൂള്‍ തുറക്കുന്നതിനുമുമ്പായി സ്കൂളുകളില്‍ സ്വീകരിച്ച സുരക്ഷാ നടപടികള്‍ വിലയിരുത്തിയിട്ടുണ്ടോ; വിശദമാക്കുമോ;

(ബി)	സ്കൂള്‍ പരിസരങ്ങളിലെ അപകട സാധ്യതകള്‍ വിലയിരുത്തി അവ കുറയ്ക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

(സി)	സ്കൂളുകളിലെ അറ്റകുറ്റപ്പണികള്‍ എല്ലാം തന്നെ പൂര്‍ത്തിയാക്കിയിട്ടുണ്ടോ; വ്യക്തമാക്കാമോ?

പൊതുവിദ്യാലയങ്ങളിൽ തദ്ദേശസ്വയംഭരണ സ്ഥാപനങ്ങള്‍ക്കുള്ള അധികാരം

1362.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാലയങ്ങളിൽ തദ്ദേശസ്വയംഭരണ സ്ഥാപനങ്ങള്‍ക്കുള്ള അധികാരവും ചുമതലകളും എന്തൊക്കെയാണെന്ന് വിശദമാക്കാമോ;

(ബി)	പൊതുവിദ്യാലയങ്ങളിലെ ഭരണപരമായ കാര്യങ്ങള്‍, സര്‍ക്കാരും പൊതുവിദ്യാഭ്യാസ വകുപ്പും നടപ്പിലാക്കുന്ന പദ്ധതികള്‍ എന്നിവ നിയന്ത്രിക്കേണ്ടത് അതാത് തദ്ദേശ സ്വയംഭരണ സ്ഥാപനങ്ങളാണോ; കേരള വിദ്യാഭ്യാസ നിയമം അനുസരിച്ച് തദ്ദേശസ്വയംഭരണ സ്ഥാപനങ്ങള്‍ക്ക് ഇതിനുള്ള അധികാരമുണ്ടോ;

(സി)	പൊതുവിദ്യാഭ്യാസ സംരക്ഷണ യജ്ഞവുമായി ബന്ധപ്പെട്ട രേഖകളും വരവ്-ചെലവ് കണക്കുകളും സൂക്ഷിക്കേണ്ടതും പരിശോധിക്കേണ്ടതും തദ്ദേശസ്വയംഭരണ സ്ഥാപനങ്ങളാണോ;

(ഡി)	പൊതു വിദ്യാഭ്യാസ സംരക്ഷണ യജ്ഞവുമായി ബന്ധപ്പെട്ട് പൊതു വിദ്യാലയങ്ങളിൽ നടപ്പാക്കുന്ന പദ്ധതികള്‍ക്ക് തദ്ദേശസ്വയംഭരണ സ്ഥാപനങ്ങളുടെ ഏതെല്ലാം അനുമതികളാണ് ആവശ്യമായിട്ടുള്ളത്;

(ഇ)	ഇത്തരത്തില്‍ ആവശ്യമായ അനുമതികള്‍ രാഷ്ട്രീയ താൽപര്യത്താൽ നിഷേധിക്കുവാൻ തദ്ദേശസ്വയംഭരണ സ്ഥാപനങ്ങള്‍ക്ക് അധികാരമുണ്ടോ; വിശദമാക്കാമോ?

പൊതുവിദ്യാലയങ്ങളില്‍ ഗ്രീന്‍ പ്രോട്ടോക്കോള്‍

1363.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാലയങ്ങളില്‍ ഗ്രീന്‍ പ്രോട്ടോക്കോള്‍ നടപ്പിലാക്കിയ ശേഷം പ്രസ്തുത പദ്ധതി അവലോകനം ചെയ്തിട്ടുണ്ടോ; വിശദാംശം നല്‍കുമോ;

(ബി)	പുതിയ അദ്ധ്യയന വര്‍ഷത്തില്‍ സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങളിലും ഗ്രീന്‍ പ്രോട്ടോക്കോള്‍ പദ്ധതി വ്യാപിപ്പിക്കുന്നതിന് നടപടി സ്വീകരിച്ചിട്ടുണ്ടോ;

(സി)	പഠനത്തോടൊപ്പം പ്രകൃതി സംരക്ഷണം നിലനിര്‍ത്തുന്നതിനുള്ള ഉദ്യമത്തില്‍ പങ്കാളികളാകുന്നതിനും പുതുതലമുറയില്‍ ഒരു പുതിയ സംസ്കാരം സ‍ൃഷ്ടിക്കുന്നതിനും ഈ പദ്ധതിയിലൂടെ കഴിഞ്ഞിട്ടുണ്ടോ;

(ഡി)	പ്രകൃതി സംരക്ഷണത്തിനായി 'ജൈവ വൈവിധ്യ ഉദ്യാനം വിദ്യാലയങ്ങളില്‍' എന്ന പദ്ധതി സംസ്ഥാനത്തെ സ്കൂളുകളില്‍ പ്രാവര്‍ത്തികമാക്കിയിട്ടുണ്ടോ; ഇതിനായി എന്ത് തുകയാണ് വകയിരുത്തിയിട്ടുള്ളത് എന്ന് അറിയിക്കുമോ;

ഹൈടെക് ക്ലാസ്സ് മുറികള്‍

1364.

(എ)	സര്‍ക്കാര്‍/എയിഡഡ് സ്കൂളുകളിലെ 8-ാം ക്ലാസ്സ് മുതല്‍ 12-ാം ക്ലാസ്സുവരെയുള്ള ക്ലാസ്സ് മുറികളില്‍ ഹൈടെക്ക് പഠനസൗകര്യങ്ങള്‍ ലഭ്യമാക്കുന്ന പദ്ധതി പ്രകാരം, ഇതുവരെ എത്ര ക്ലാസ്സ് മുറികള്‍ ഹൈടെക്ക് ആയി മാറ്റിയിട്ടുണ്ടെന്ന് വിശദമാക്കാമോ;

(ബി)	ഇനി എത്ര ക്ലാസ്സ് മുറികള്‍ ഹൈടെക്ക് ആക്കി മാറ്റാനുണ്ടെന്ന് വിശദമാക്കാമോ;

(സി)	പ്രസ്തുത ക്ലാസ്സ് മുറികള്‍ എന്നത്തേക്ക് ഹൈടെക്ക് ആക്കി മാറ്റാന്‍ കഴിയുമെന്ന് വ്യക്തമാക്കാമോ?

അന്താരാഷ്ട്ര നിലവാരത്തിലേക്ക് ഉയര്‍ത്തുന്ന സ്കൂളുകള്‍

1365.

(എ)	നെന്മാറ നിയോജക മണ്ഡലത്തിലെ ഏതെല്ലാം സ്കൂളുകള്‍ക്കാണ്, അന്താരാഷ്ട്ര നിലവാരത്തിലേക്ക് ഉയര്‍ത്തുന്നതുമായി ബന്ധപ്പെട്ട് ഫണ്ട് അനുവദിച്ചിട്ടുളളത് എന്ന് വിശദമാക്കുമോ;

(ബി)	നിര്‍മ്മാണവുമായി ബന്ധപ്പെട്ട് ഓരോ സ്കൂളിലും നടത്തിയിട്ടുളള പ്രവര്‍ത്തനങ്ങള്‍ സംബന്ധിച്ച വിശദാംശം നല്‍കുമോ;

(സി)	ഓരോ സ്കൂളിലേയും നിര്‍മ്മാണ പ്രവര്‍ത്തനങ്ങള്‍ എന്ന് തുടങ്ങാന്‍ കഴിയുമെന്ന് വിശദമാക്കുമോ?

ഹെെടെക് ക്ലാസ് മുറികള്‍ പദ്ധതി

1366.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എട്ടു മുതല്‍ പന്ത്രണ്ട് വരെയുള്ള ക്ലാസ് മുറികള്‍ ഹെെടെക് ആക്കുന്ന പദ്ധതിയില്‍ ഉള്‍പ്പെടുത്തി തിരുവനന്തപുരം ജില്ലയില്‍ എത്ര സ്കൂളുകളില്‍ ഹെെടെക് ക്ലാസ് മുറികള്‍ നിര്‍മ്മിച്ചെന്ന് വ്യക്തമാക്കുമോ;

(ബി)	നെടുമങ്ങാട് നിയോജകമണ്ഡലത്തിലെ ഏതെല്ലാം സ്കൂളുകളില്‍ ക്ലാസ് മുറികള്‍ ഹെെടെക്ക് ആക്കിയെന്നും എത്ര സ്കൂളുകളില്‍ പണിപൂര്‍ത്തിയാക്കാനുണ്ടെന്നും അവ ഏതെല്ലാം സ്കൂളുകളാണെന്നും വ്യക്തമാക്കുമോ?

കോതമംഗലം മണ്ഡലത്തിലെ തെരഞ്ഞെടുത്തിട്ടുള്ള സ്കൂളുകള്‍

1367.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിനു വേണ്ടി കോതമംഗലം മണ്ഡലത്തില്‍ നിന്നും തെരഞ്ഞെടുത്തിട്ടുള്ള സ്കൂളുകള്‍ ഏതെല്ലാമെന്നും ഓരോ സ്കൂളിനും അനുവദിച്ചിട്ടുള്ള തുക എത്രയെന്നും വ്യക്തമാക്കാമോ;

(ബി)	ഓരോ സ്കൂളിലും നടപ്പിലാക്കുവാന്‍ ഉദ്ദേശിക്കുന്ന കാര്യങ്ങള്‍ എന്താണെന്ന് വ്യക്തമാക്കാമോ;

(സി)	ഏതെല്ലാം സ്കൂളുകളില്‍ ടെണ്ടര്‍ നടപടികള്‍ പൂര്‍ത്തിയാക്കിയെന്ന് വിശദമാക്കാമോ;

(ഡി)	ഓരോ സ്കൂളിന്റേയും അന്താരാഷ്ട്ര നിലവാരത്തിലേക്കുയര്‍ത്തുന്ന പ്രവൃത്തിയുടെ നിലവിലെ സ്ഥിതി വ്യക്തമാക്കാമോ?

മാവേലിക്കര മണ്ഡലത്തിലെ തെരഞ്ഞെടുക്കപ്പെട്ട സ്ക്കൂളുകൾ

1368.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വിദ്യാലയങ്ങളെ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതുമായി ബന്ധപ്പെട്ട് മാവേലിക്കര മണ്ഡലത്തിലെ തെരഞ്ഞെടുക്കപ്പെട്ട സ്ക്കൂളുകളുടെ നിര്‍മ്മാണ പ്രവൃത്തിയുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കാമോ;

(ബി)	പ്രസ്തുത പ്രവൃത്തികളുടെ നിര്‍വ്വഹണ ഏജന്‍സികള്‍, എസ്.പി.വി. എന്നിവ ഏതെന്നും വിശദമാക്കാമോ?

സ്ക്കുളുകളെ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിനുള്ള പദ്ധതി

1369.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ആയിരം സ്ക്കൂളുകളെ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിനുള്ള പദ്ധതിയുടെ ഭാഗമായി ഹെെസ്ക്കൂള്‍, ഹയര്‍സെക്കന്ററി തലത്തിലുള്ള ക്ലാസ്സ് മുറികള്‍ ഹെെടെക് ആക്കുമെന്ന പ്രഖ്യാപനം പൂര്‍ണ്ണ തോതില്‍ പ്രാവര്‍ത്തികമാക്കിയിട്ടുണ്ടോ;

(ബി)	കുട്ടികളുടെ അഭിരുചിയും മികവും മനസ്സിലാക്കുന്നതിനും അവരുടെ കഴിവുകള്‍ പരിപോഷിപ്പിക്കുന്നതിനും പുറത്ത് നിന്നുമുള്ള വിവിധ മേഖലയില്‍ വൈദഗ്ധ്യമുള്ളവരുടെ സേവനം ഉപയോഗിക്കുന്നതിനും അവരുമായി കുട്ടികള്‍ക്ക് ഇന്ററാക്റ്റീവ് സെഷനുകൾ സംഘടിപ്പിക്കുന്നതിനും പദ്ധതിയുണ്ടോ;

(സി)	അഖിലേന്ത്യാ നിലവാരത്തിലുള്ള മത്സരപരീക്ഷകളിലും ഇന്റര്‍വ്യുകളിലും പങ്കെടുക്കുന്നതിന് നമ്മുടെ കുട്ടികളെ പ്രാപ്തരാക്കുന്നതിന് ഹെെസ്ക്കൂള്‍ തലത്തില്‍ത്തന്നെ സ്ഥിരം പാഠ്യവിഷയങ്ങള്‍ക്ക് പുറമെയുള്ള ക്ലാസ്സുകള്‍ ആരംഭിക്കുന്നതിന് പദ്ധതി നടപ്പിലാക്കുമോ;

(ഡി)	പൊതു വിദ്യാലയങ്ങളുടെ പ്രസക്തിയും ആവശ്യകതയും വീണ്ടെടുക്കുന്നതിന് എന്തെല്ലാം പ്രവര്‍ത്തനങ്ങളാണ് ഇനിയും നടപ്പിലാക്കുവാന്‍ ഉദ്ദേശിക്കുന്നത് എന്ന് അറിയിക്കുമോ?

നേമം മണ്ഡലത്തിലെ കിഫ്ബി വിദ്യാഭ്യാസ പദ്ധതികള്‍

1370.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നേമം മണ്ഡലത്തില്‍ കിഫ്ബിയിലൂടെ പ്രഖ്യാപിച്ചിട്ടുള്ള വിദ്യാഭ്യാസ വകുപ്പിന്റെ പദ്ധതികള്‍ എന്തെല്ലാമാണ്; വിശദവിവരം നല്‍കുമോ;

(ബി)	ഇതില്‍ കിഫ്ബി അംഗീകാരം നല്‍കിയിട്ടുള്ള പദ്ധതികളുടെ വിശദവിവരം നല്‍കുമോ; ബാക്കിയുള്ള പദ്ധതികളുടെ സ്റ്റാറ്റസ് റിപ്പോര്‍ട്ട് ലഭ്യമാക്കുമോ?

വര്‍ക്കല മണ്ഡലത്തില്‍ ക്ലാസ്സ് മുറികള്‍ ഹൈടെക് ആക്കുന്ന പദ്ധതി

1371.

(എ)	സര്‍ക്കാര്‍-എയ്ഡഡ് സ്കൂളുകളിലെ എട്ട് മുതല്‍ പന്ത്രണ്ട് വരെയുള്ള ക്ലാസ്സ് മുറികള്‍ ഹൈടെക് ആക്കുന്ന പദ്ധതി പ്രകാരം വര്‍ക്കല മണ്ഡലത്തിലെ എത്ര ക്ലാസ്സ് മുറികള്‍ ഹൈടെക് ആക്കിയിട്ടുണ്ട്;

(ബി)	ഇനി എത്ര ക്ലാസ്സ് മുറികള്‍ ഹൈടെക് ആക്കുന്നതിന് അവശേഷിക്കുന്നുണ്ടെന്നും അത് ഏതെല്ലാം സ്കൂളുകളിലാണെന്നും വ്യക്തമാക്കാമോ?

ചിറ്റൂര്‍ നിയോജക മണ്ഡലത്തിലെ പൊതുവിദ്യാഭ്യാസ സംരക്ഷണ പ്രവര്‍ത്തനങ്ങള്‍

1372.

(എ)

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ചിറ്റൂര്‍ നിയോജക മണ്ഡലത്തിലെ വിദ്യാഭ്യാസ സ്ഥാപനങ്ങളിലെ നിര്‍മ്മാണ പ്രവൃത്തികള്‍ സ്കൂളിലെ പഠനത്തെയും റെഗുലര്‍ ക്ലാസ്സുകളെയും ബാധിക്കാതെ നടപ്പില്‍ വരുത്തുന്നു എന്നുറപ്പാക്കുന്നതിന് നിര്‍മ്മാണത്തിന് ടെണ്ടര്‍ ഉറപ്പിച്ച സ്ഥാപനം, മേല്‍നോട്ടം വഹിക്കുന്ന സ്ഥാപനം, കൈറ്റ് എന്നിവയ്ക്ക് എന്തൊക്കെ നിര്‍ദ്ദേശങ്ങളാണ് നല്‍കിയിട്ടുള്ളത്;

(ബി)	ഇതിന്റെ അടിസ്ഥാനത്തില്‍ സ്കൂള്‍ അധികൃതര്‍, പി.ടി.എ., ജനപ്രതിനിധികള്‍ എന്നിവരുടെ യോഗം ജില്ലാ അധികാരിയുടെ നേതൃത്വത്തില്‍ വിളിച്ച് ചേര്‍ക്കാന്‍ വിദ്യാഭ്യാസ വകുപ്പ് നടപടിയെടുക്കുമോ;

(സി)

ആയിരത്തില്‍ അധികം കുട്ടികള്‍ പഠിക്കുന്ന തത്തമംഗലം ഗവണ്‍മെന്റ് ഹയര്‍സെക്കന്‍ഡറി സ്കൂള്‍ , നന്ദിയോട് ഗവണ്‍മെന്റ് ഹൈസ്കൂള്‍, കൊഴിപ്പാറ ഗവണ്‍മെന്റ് എച്ച്.എസ്. എന്നിവയെ പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായ വികസന പരിപാടികളില്‍ ഉള്‍പ്പെടുത്താന്‍ എന്തൊക്കെ നടപടികളാണ് ഉദ്ദേശിക്കുന്നതെന്ന് വ്യക്തമാക്കുമോ?

തിരൂരങ്ങാടി നിയോജകമണ്ഡലത്തിലെ സ്കൂളുകള്‍

1373.

ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി തിരൂരങ്ങാടി നിയോജകമണ്ഡലത്തില്‍ നിന്നും തെര‍ഞ്ഞെടുത്ത തൃക്കുളം ഗവണ്‍മെന്റ് ഹൈസ്കൂള്‍, തിരൂരങ്ങാടി ജി.എച്ച്.എസ്.എസ്., കൊടി‍ഞ്ഞി ജി.എം.യു.പി. സ്കൂള്‍ എന്നിവയുടെ നിര്‍മ്മാണവുമായി ബന്ധപ്പെട്ട എന്തെല്ലാം നടപടിക്രമങ്ങള്‍ പൂര്‍ത്തിയാക്കിയിട്ടുണ്ട്;

(ബി)	പ്രസ്തുത പ്രവൃത്തികളുടെ നിര്‍മ്മാണ പുരോഗതി അറിയിക്കുമോ?

പൊതുവിദ്യാഭ്യാസ സംരക്ഷണ യജ്ഞം

1374.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മങ്കട മണ്ഡലത്തിലെ മക്കരപ്പറമ്പ് ഹയര്‍സെക്കന്‍ഡറി സ്കൂളിനെ അന്താരാഷ്ട്ര നിലവാരത്തില്‍ എത്തിക്കുന്നതുമായി ബന്ധപ്പെട്ട് നടത്തിയിട്ടുളള പ്രവര്‍ത്തനങ്ങള്‍ വിശദമാക്കാമോ;

(ബി)	മികവിന്റെ കേന്ദ്രമായി തിരഞ്ഞെടുത്ത കടുങ്ങപുരം ഗവണ്‍മെന്റ് ഹെെസ്കൂളിന് 3 കോടി രൂപ അനുവദിച്ചിട്ടുണ്ടോ; ഇല്ലെങ്കില്‍ ഇതിനുണ്ടായ കാലതാമസം വിശദമാക്കാമോ;

(സി)	2018-19 സാമ്പത്തിക വര്‍ഷം ഇത്തരത്തില്‍ സ്കൂളുകളെ തിരഞ്ഞെടുക്കുന്നതിന് നടപടി സ്വീകരിക്കുമോ?

വാഴമുട്ടം ഹൈസ്കൂൾ

1375.

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ആയിരത്തില്‍ കൂടുതല്‍ കുട്ടികള്‍ പഠിക്കുന്ന സ്കൂളുകള്‍ക്കുള്ള മൂന്ന് കോടി രൂപയുടെ ധനസഹായത്തിന് നേമം നിയോജകമണ്ഡലത്തില്‍ നിന്നും തെരഞ്ഞെടുത്ത വാഴമുട്ടം ഹൈസ്കൂളിലെ പ്രവൃത്തിയുടെ നിലവിലെ സ്ഥിതിയെന്താണെന്ന് വിശദമാക്കാമോ ?

ഒരു ഡയറക്ടറേറ്റിനുകീഴില്‍ സെക്കണ്ടറി, ഹയര്‍സെക്കണ്ടറി മേഖലകൾ

1376.

ശ്രീ.ടി. വി. ഇബ്രാഹിം
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഒന്ന് മുതൽ പന്ത്രണ്ട് വരെയുള്ള ക്ലാസ്സുകള്‍ ഒന്നിപ്പിച്ച് ഒരു ഡയറക്ടറേറ്റിനുകീഴിലാക്കാൻ ഉദ്ദേശിക്കുന്നുണ്ടോ;

(ബി)	എങ്കിൽ ഇതിന് വേണ്ടി ചെയ്ത കാര്യങ്ങള്‍ വിശദമാക്കാമോ;

(സി)	ഏതെങ്കിലും പഠനത്തിന്റെയോ, റിപ്പോര്‍ട്ടിന്റെയോ അടിസ്ഥാനത്തിലാണോ ഈ രീതി കൊണ്ടു വരുന്നതെന്ന് വ്യക്തമാക്കാമോ;

(ഡി)	ഈ സംവിധാനം നിലവിൽ വന്നാൽ സെക്കണ്ടറി, ഹയര്‍സെക്കണ്ടറി മേഖലയിൽ ജോലി ചെയ്ത് വരുന്ന അദ്ധ്യാപകരുടെ ജോലി ഘടനയിൽ ഏതെങ്കിലും തരത്തിലുള്ള മാറ്റങ്ങള്‍ ഉണ്ടാകുമോയെന്ന് വിശദമാക്കാമോ?

ഹലോ ഇംഗ്ലീഷ് പഠന പദ്ധതി

1377.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	യു.പി , ഹൈസ്ക്കൂള്‍, പ്ലസ്ടൂ തലങ്ങളില്‍ ഇംഗ്ലീഷ് അധ്യാപനത്തിന്റെ പഠനനിലവാരം ഉയര്‍ത്തേണ്ട സാഹചര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കിൽ ഇതിനായി എന്തെല്ലാം നടപടികളാണ് സ്വീകരിക്കാവുന്നതെന്ന് വിശദമാക്കുമോ;

(സി)	ഹലോ ഇംഗ്ലീഷ് പഠന പദ്ധതി യു.പി. തലത്തില്‍ വ്യാപിപ്പിക്കുവാൻ നടപടി സ്വീകരിക്കുമോ എന്നറിയിക്കാമോ?

നേമം മണ്ഡലത്തിലെ സ്കൂളുകളില്‍ ജൈവവൈവിധ്യ ഉദ്യാനം

1378.

(എ)	നേമം നിയോജകമണ്ഡലത്തിലെ ഏതൊക്കെ സ്കൂളുകള്‍ക്കാണ് ജൈവവൈവിധ്യ ഉദ്യാനം നിര്‍മ്മിക്കുന്നതിന് അനുമതി നല്‍കിയിട്ടുള്ളതെന്ന് വ്യക്തമാക്കാമോ;

(ബി)	ഇതിനുള്ള എന്തെല്ലാം നടപടിക്രമങ്ങള്‍ പൂര്‍ത്തിയായിയെന്ന് വിശദമാക്കുമോ?

നേമം നിയോജകമണ്ഡലത്തില്‍ അന്താരാഷ്ട്ര നിലവാരമുള്ള സ്കൂളുകള്‍

1379.

(എ)	വിദ്യാലയങ്ങളെ അന്താരാഷ്ട്ര നിലവാരത്തിലേക്ക് ഉയര്‍ത്തുന്ന പദ്ധതിയില്‍ നേമം നിയോജകമണ്ഡലത്തിലെ ഏതെല്ലാം സ്കൂളുകളാണ് ഉള്‍പ്പെട്ടിട്ടുള്ളതെന്ന് വിശദമാക്കാമോ;

(ബി)	പ്രസ്തുത സ്കൂളുകളുടെ.ഡീറ്റെയില്‍ഡ് പ്രോജക്ട് റിപ്പോര്‍ട്ട് (ഡി.പി.ആര്‍)അംഗീകരിച്ചിട്ടുണ്ടോയെന്ന് വിശദമാക്കാമോ;

(സി)	ഡി.പി.ആര്‍. തയ്യാറാക്കി സമര്‍പ്പിക്കാന്‍ ചുമതലപ്പെടുത്തിയ സ്പെഷ്യല്‍ പര്‍പ്പസ് വെഹിക്കിള്‍ (എസ്.പി.വി) ഏതെന്ന് വ്യക്തമാക്കാമോ;

(ഡി)	ഓരോ സ്കൂളിനും അനുവദിച്ച തുക എത്രയെന്ന് വ്യക്തമാക്കാമോ;

(ഇ)	നിര്‍മ്മാണപ്രവര്‍ത്തനങ്ങളുടെ ചുമതലയും മേല്‍നോട്ട ചുമതലയും ഏതെല്ലാം സ്ഥാപനങ്ങള്‍ക്കാണെന്ന് വിശദമാക്കാമോ?

വൈകല്യം ഉള്ള വിദ്യാര്‍ത്ഥികള്‍ക്ക് അനുവദിക്കുന്ന ആനുകൂല്യം

1380.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എസ്.എസ്.എല്‍.സി പരീക്ഷ എഴുതുന്ന ശാരീരികമോ മാനസികമോ ആയ വൈകല്യം ഉള്ള വിദ്യാര്‍ത്ഥികള്‍ക്ക് അനുവദിക്കുന്ന ആനുകൂല്യം വ്യാപകമായി ദുരുപയോഗപ്പെടുത്തുന്നതായ ആക്ഷേപം ശ്രദ്ധയിൽപ്പെട്ടിട്ടുണ്ടോ ;

(ബി)	എങ്കില്‍ പ്രസ്തുത ആനുകൂല്യത്തിന്റെ ദുരുപയോഗം തടയുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം നല്‍കുമോ?

നബാര്‍‍ഡ് റൂറല്‍ ഇന്‍ഫ്രാസ്ട്രക്ചര്‍ ഡെവലപ്പ്മെന്റ് ഫണ്ട് പദ്ധതി

1381.

(എ)	വേങ്ങര ഗവൺമെന്റ് മോഡൽ വൊക്കേഷണൽ ഹയര്‍ സെക്കന്ററി സ്കൂളിനെ നബാര്‍‍ഡ് റൂറല്‍ ഇന്‍ഫ്രാസ്ട്രക്ചര്‍ ഡെവലപ്പ്മെന്റ് ഫണ്ട്(RIDF)പദ്ധതിയിലുള്‍പ്പെടുത്തി പുതിയ കെട്ടിടം നിര്‍മ്മിക്കുന്നതിന്റെ നിലവിലെ അവസ്ഥ എന്തെന്ന്അറിയിക്കാമോ;

(ബി)	ഈ കെട്ടിട നിര്‍മ്മാണത്തിനായി വകയിരുത്തിയിട്ടുള്ള തുകയെത്രയെന്നും അത്എന്നത്തേക്ക് പൂര്‍ത്തീകരിക്കാനാകുമെന്നും അറിയിക്കുമോ?

പട്ടാമ്പി മണ്ഡലത്തില്‍ വിദ്യാഭ്യാസ വകുപ്പ് നടപ്പിലാക്കുന്ന പദ്ധതികള്‍

1382.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

വിദ്യാഭ്യാസ വകുപ്പ് 2016-17,2017-18 എന്നീ വര്‍ഷങ്ങളില്‍ പട്ടാമ്പി മണ്ഡലത്തില്‍ നടപ്പിലാക്കിയതോ നടപ്പിലാക്കിക്കൊണ്ടിരിക്കുന്നതോ ആയ പദ്ധതികള്‍ ഏതൊക്കെയാണെന്ന് വിശദമാക്കാമോ?

സ്കൂള്‍ പാഠപുസ്തകങ്ങളുടെ അച്ചടി

1383.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഈ വര്‍ഷം വിതരണം ചെയ്യാനുള്ള സ്കൂള്‍ പാഠപുസ്തകങ്ങളുടെ അച്ചടി പൂര്‍ത്തിയായിട്ടുണ്ടോ എന്ന് അറിയിക്കുമോ;

(ബി)	പാഠപുസ്തകങ്ങള്‍ എന്നത്തേക്ക് വിതരണം പൂര്‍ത്തിയാക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

പാഠപുസ്തക വിതരണം

1384.

ശ്രീ.ജോര്‍ജ് എം. തോമസ്
,, കെ.വി.വിജയദാസ്
,, പി.വി. അന്‍വര്‍
,, ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയ അദ്ധ്യയന വര്‍ഷത്തേക്കുള്ള പാഠ പുസ്തകങ്ങള്‍ മുന്‍കൂട്ടി വിതരണം നടത്തിയതിനു പുറമേ സൗജന്യ സ്കൂള്‍ യൂണിഫോം വിതരണവും ആരംഭിച്ചിട്ടുണ്ടോ; വിശദാംശം നല്‍കുമോ;

(ബി)	സൗജന്യ യൂണിഫോമിനാവശ്യമായ കൈത്തറി തുണിത്തരങ്ങള്‍ നിര്‍മ്മിക്കുന്നത് ആരാണെന്ന് വ്യക്തമാക്കാമോ;

(സി)	പ്രസ്തുത പദ്ധതിയ്ക്കാവശ്യമായ കൈത്തറി തുണി ഉല്പാദനം പൂര്‍ത്തിയായിട്ടുണ്ടോ എന്നും ഇതിനാവശ്യമായ ഫണ്ട് വിതരണം ആരംഭിച്ചിട്ടുണ്ടോ എന്നും വ്യക്തമാക്കാമോ?

പ്രീ-പ്രെെമറി അദ്ധ്യാപകര്‍, ആയമാര്‍ എന്നിവരെ സ്ഥിരപ്പെടുത്തുവാന്‍ നടപടി

1385.

ശ്രീ.ഡി.കെ. മുരളി : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ സ്കൂളുകളില്‍ പ്രീ-പ്രെെമറി വിഭാഗത്തില്‍ ജോലി ചെയ്തു വരുന്ന പ്രീ-പ്രൈമറി അദ്ധ്യാപകര്‍, ആയമാര്‍ എന്നിവരെ സ്ഥിരപ്പെടുത്തുന്നതിന് സർക്കാർ ആലോചിക്കുമോ; വിശദവിവരങ്ങള്‍ നല്‍കാമോ?

ഗ്രേസ് മാര്‍ക്ക്

1386.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

എസ്. എസ്. എല്‍. സി., പ്ലസ്-ടു ക്ലാസ്സുകളില്‍ പഠിക്കുന്ന കുട്ടികള്‍ക്ക് ഗ്രേസ് മാര്‍ക്ക് അനുവദിക്കുന്ന രീതി പരിഷ്ക്കരിക്കുന്നതിന് ഉദ്ദേശിക്കുന്നുണ്ടോ; വിശദാംശം നല്‍കാമോ?

ഹൈടെക് ക്ലാസ് മുറികള്‍

1387.

(എ)	സര്‍ക്കാര്‍-എയ്ഡഡ് സ്കൂളുകളിലെ 8 മുതല്‍ 12 വരെയുള്ള ക്ലാസ് മുറികള്‍ ഹൈടെക് ആക്കുന്ന പദ്ധതി പ്രകാരം നേമം നിയോജകമണ്ഡലത്തില്‍ ഏതെല്ലാം സ്കൂളുകളിൽ എത്ര ക്ലാസ് മുറികള്‍ വീതമാണ് ഹൈടെക് ആക്കാന്‍ ഉദ്ദേശിക്കുന്നതെന്ന് വിശദമാക്കാമോ;

(ബി)	ഇതിന് തുക അനുവദിച്ചതു പ്രകാരമുള്ള പ്രോജക്ട് പ്രൊപ്പോസലിന്റെ ഇപ്പോഴത്തെ അവസ്ഥ എന്തെന്നും ഇൗ പ്രവൃത്തികള്‍ എന്നാരംഭിക്കാന്‍ കഴിയുമെന്നും വ്യക്തമാക്കാമോ?

മാങ്കോട് എച്ച്.എസ്സ്.എസ്സിന്റെ കെട്ടിട നിര്‍മ്മാണം

1388.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കോന്നി നിയോജകമണ്ഡലത്തിലുള്ള മാങ്കോട് എച്ച്.എസ്സ്.എസ്സിന്റെ കെട്ടിട നിര്‍മ്മാണത്തിനായി 5 കോടി രൂപ അനുവദിക്കാനായി എം.എല്‍.എ. നല്‍കിയ കത്തുപ്രകാരം പൊതുമരാമത്ത് വകുപ്പ് 365 ലക്ഷം രൂപയുടെ എസ്റ്റിമേറ്റ് കഴിഞ്ഞ സാമ്പത്തിക വര്‍ഷം നല്‍കിയിരുന്നുവോ;

(ബി)	ആയതിന്‍മേല്‍ നാളിതുവരെ എന്തെങ്കിലും തുടര്‍നടപടികള്‍ കൈക്കൊണ്ടിട്ടുണ്ടോ; എങ്കില്‍ എന്തെല്ലാമെന്ന് വ്യക്തമാക്കുമോ;

(സി)	കഴിഞ്ഞ സാമ്പത്തിക വര്‍ഷം ബജറ്റ് വിഹിതം പരിമിതമായിരുന്നതുകൊണ്ട് ഉള്‍പ്പെടുത്താതിരുന്ന ഈ പ്രവൃത്തി ഈ സാമ്പത്തിക വര്‍ഷം ഉള്‍പ്പെടുത്തുമോ;

(ഡി)	എങ്കില്‍ ആയതിലേക്ക് ആവശ്യമായ നിര്‍ദ്ദേശം ബന്ധപ്പെട്ടവര്‍ക്ക് നല്‍കുമോ?

മലപ്പുറം ജില്ലയിലെ എല്ലാ ഹൈസ്കൂളുകളിലും പ്ലസ് ടു കോഴ്സ്

1389.

ശ്രീ.ടി.എ.അഹമ്മദ് കബീര്‍
പ്രൊഫ.ആബിദ് ഹുസൈന്‍ തങ്ങള്‍
ശ്രീ.സി.മമ്മൂട്ടി
,, പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയില്‍ കഴിഞ്ഞ എസ്.എസ്.എല്‍.സി. പരീക്ഷയില്‍ തുടര്‍വിദ്യാഭ്യാസത്തിന് യോഗ്യത നേടിയ കുട്ടികളുടെ എണ്ണത്തിന് ആനുപാതികമായി പ്ലസ് ടൂ സീറ്റുകള്‍ നിലവിലില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	പലര്‍ക്കും അവരുടെ അഭിരുചിയ്ക്ക് അനുസൃതമായ വിഷയങ്ങള്‍ പഠിക്കാന്‍ അവസരം ലഭിക്കുന്നില്ല എന്നത് അനുഭാവപൂര്‍വ്വം പരിഗണിക്കുമോ;

(സി)	പ്ലസ് ടു അനുവദിക്കാത്ത എല്ലാ ഹൈസ്കൂളുകളിലും പ്ലസ് ടു കോഴ്സ് അനുവദിച്ച് ഇക്കാര്യത്തില്‍ വിദ്യാര്‍ത്ഥികളുടേയും രക്ഷകര്‍ത്താക്കളുടേയും ആശങ്കകള്‍ പരിഹരിക്കുന്നതിന് അടിയന്തര നടപടി സ്വീകരിക്കുമോ?

പണിക്കന്‍കുടി ഗവണ്‍മെന്‍റ് ഹയര്‍ സെക്കണ്ടറി സ്കൂള്‍

1390.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

2017-18 ബഡ്ജറ്റില്‍ വിഭാവനം ചെയ്ത സര്‍ക്കാര്‍ സ്കൂളുകളുടെ ഭൗതിക സൗകര്യം മെച്ചപ്പെടുത്താനുള്ള പദ്ധതി പ്രകാരം ഇടുക്കി നിയോജകമണ്ഡലത്തില്‍ നിന്ന് സമര്‍പ്പിച്ച പണിക്കന്‍കുടി ഗവണ്‍മെന്‍റ് ഹയര്‍ സെക്കണ്ടറി സ്കൂളിന്റെ 3 കോടിയുടെ പ്രൊപ്പോസലിന് അംഗീകാരം നല്‍കിയിട്ടുണ്ടോ; എങ്കിൽ വിശദാംശങ്ങള്‍ നല്‍കുമോ?

ഹയര്‍സെക്കന്‍ഡറി സ്ഥലം മാറ്റ മാനദണ്ഡം

1391.

(എ)	ഹയര്‍സെക്കന്‍ഡറി വിദ്യാഭ്യാസ വകുപ്പില്‍ പുതിയതായി പുറത്തിറക്കിയ സ്ഥലം മാറ്റ മാനദണ്ഡത്തിന്റെ പകര്‍പ്പ് ലഭ്യമാക്കാമോ;

(ബി)	സ്ഥലം മാറ്റ മാനദണ്ഡം സംബന്ധിച്ച ഉത്തരവില്‍ അധ്യാപകരെ മാത്രമേ ഉള്‍പ്പെടുത്തിയിട്ടുള്ളു എന്നത് ശ്രദ്ധയില്‍പ്പെട്ടിട്ടുണ്ടോ;

(സി)	ഹയര്‍സെക്കന്‍ഡറി പ്രിന്‍സിപ്പല്‍മാര്‍ക്ക് ട്രാന്‍സ്ഫര്‍ മാനദണ്ഡത്തില്‍ ഇളവ് നല്‍കിയതിന് പ്രത്യേക കാരണമുണ്ടോ;

(ഡി)	പ്രസ്തുത മാനദണ്ഡം പ്രിന്‍സിപ്പല്‍ ഉള്‍പ്പെടെ ഹയര്‍സെക്കന്‍ഡറി വിദ്യാഭ്യാസ വകുപ്പിലെ മുഴുവന്‍ ജീവനക്കാര്‍ക്കും ഒരേപോലെ ബാധകമാക്കാന്‍ നടപടിയെടുക്കുമോ?

കിഫ്ബിയില്‍ നിന്നും 3 കോടി രൂപ വീതം അനുവദിച്ച സ്കൂളുകള്‍

1392.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബിയില്‍ നിന്നും മൂന്ന്കോടി രൂപ അനുവദിച്ച കാട്ടിക്കുളം ഗവണ്‍മെന്റ് ഹയര്‍ സെക്കണ്ടറി സ്കൂള്‍, പനമരം ഗവണ്‍മെന്റ് ഹയര്‍സെക്കണ്ടറി സ്കൂള്‍, വെള്ളമുണ്ട ഗവണ്‍മെന്റ് ഹയര്‍ സെക്കണ്ടറി സ്കൂള്‍ എന്നിവയുടെ പദ്ധതി സംബന്ധിച്ച നിലവിലെ സ്ഥിതി വ്യക്തമാക്കാമോ;

(ബി)	മൂന്ന്കോടി രൂപയുടെ പദ്ധതിയ്ക്കായി മാസ്റ്റര്‍ പ്ലാന്‍ തയ്യാറാക്കിയ ഏജന്‍സി ഏതാണ്;

(സി)	പദ്ധതിയുടെ ടെണ്ടര്‍ നടപടി എപ്പോള്‍ പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്?

പാറശ്ശാല മണ്ഡലത്തിലെ ശാസ്ത്രപോഷിണി ലാബുകള്‍

1393.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2016-17 വര്‍ഷത്തില്‍ പാറശ്ശാല നിയോജകമണ്ഡലത്തില്‍ ശാസ്ത്രപോഷിണി ലാബുകള്‍ സ്ഥാപിക്കുന്നതിനായി ഏതൊക്കെ സ്കൂളുകളെയാണ് തിരഞ്ഞെടുത്തിട്ടുളളത് എന്ന് അറിയിക്കാമോ;

(ബി)	പ്രസ്തുത പ്രവൃത്തിക്കുളള ഭരണാനുമതി ലഭ്യമാക്കിയിട്ടുണ്ടോ; ഉണ്ടെങ്കില്‍ അതിനെ സംബന്ധിച്ചുളള വിശദാംശങ്ങള്‍ ലഭ്യമാക്കാമോ;

(സി)	ശാസ്ത്രപോഷണി ലാബ് നിര്‍മ്മിക്കുന്നതിനായി സ്വീകരിച്ചിട്ടുളള മാനദണ്ഡങ്ങള്‍ എന്തൊക്കെയാണെന്ന് അറിയിക്കാമോ; ഇതിനായി നിര്‍വ്വഹണ ഏജന്‍സികളെ നിശ്ചയിച്ചിട്ടുണ്ടോ;വ്യക്തമാക്കുമോ?

സ്കൂളുകളില്‍ ശാസ്ത്രപോഷിണി ലാബുകള്‍

1394.

(എ)	സംസ്ഥാനത്തെ ഏതെല്ലാം വിഭാഗങ്ങളില്‍പ്പെട്ട സ്കൂളുകളിലാണ് ശാസ്ത്രപോഷിണി ലാബുകള്‍ സ്ഥാപിക്കുവാൻ സര്‍ക്കാര്‍ ഉദ്ദേശിച്ചതെന്നും ഇതിന്റെ ലക്ഷ്യങ്ങൾ എന്തെല്ലാമെന്നും വിശദമാക്കുമോ;

(ബി)	പ്രസ്തുത ലാബുകള്‍ക്കായി നിര്‍ദ്ദിഷ്ട രൂപരേഖ (type design) ഉണ്ടോ; ഇവയുടെ നിര്‍വ്വഹണചുമതല നിക്ഷിപ്തമാക്കിയത് ആരിലാണ് ; വിശദമാക്കുമോ;

(സി)	കൊല്ലം ജില്ലയില്‍ എത്ര സ്കൂളുകളില്‍ പ്രസ്തുത ലാബുകള്‍ സ്ഥാപിച്ചുവെന്നും അത് എവിടെയെല്ലാമാണെന്നും വിശദമാക്കുമോ?

പുതിയ എസ്.എസ്. എ . രൂപീകരണം

1395.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നിലവിലുളള എസ്. എസ്. എ.- യും ആർ.എം. എസ്. എ. - യും ലയിപ്പിച്ചുകൊണ്ട് പുതിയ എസ്. എസ്.എ.രൂപീകരിക്കുവാന്‍ തീരുമാനിച്ചിട്ടുണ്ടോ; എങ്കില്‍ ഇത് സംബന്ധിച്ച് സര്‍ക്കാര്‍ കെെക്കൊണ്ടിട്ടുളള നടപടികള്‍ എന്തെല്ലാമാണെന്ന് വിശദമാക്കുമോ;

(ബി)	ഒന്നാം ക്ലാസ് മുതല്‍ പ്ലസ് ടൂ വരെ ഇപ്രകാരമുളള സംവിധാനത്തിന്‍ കീഴില്‍ വന്നാല്‍ വിദ്യാഭ്യാസ മേഖലയില്‍ ഉണ്ടാകുവാന്‍ സാധ്യതയുളള പുരോഗതികള്‍ എന്തെല്ലാമാണെന്ന് വിലയിരുത്തിയിട്ടുണ്ടോ; ഇതിന്റെ വിശദാംശം നല്‍കുമോ?

സമഗ്ര ശിക്ഷാ അഭിയാന്‍

1396.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ വിദ്യാഭ്യാസരംഗത്ത് പ്രവര്‍ത്തിക്കുന്ന സര്‍വ്വശിക്ഷാ അഭിയാന്‍, രാഷ്ട്രീയ മാധ്യമിക് ശിക്ഷാ അഭിയാന്‍ എന്നിവ സംയോജിപ്പിച്ച് സമഗ്ര ശിക്ഷാ അഭിയാന്‍ എന്ന പേരില്‍ പുതിയ എസ്.എസ്.എ.രൂപീകരിച്ചിട്ടുണ്ടോ;

(ബി)	ഇതു സംബന്ധിച്ച നടപടിക്രമങ്ങള്‍ ഏത് ഘട്ടത്തിലാണ്; വിശദാംശം നല്‍കുമോ;

(സി)	എസ്.എസ്.എ., ആര്‍.എം.എസ്.എ സൊസൈറ്റികള്‍ പിരിച്ചുവിട്ട് പുതിയ സൊസൈറ്റി രൂപീകരിച്ചിട്ടുണ്ടോ; ഇതുസംബന്ധിച്ച നിയമാവലിക്കും ചട്ടങ്ങള്‍ക്കും രൂപം നല്‍കിയിട്ടുണ്ടോ;

(ഡി)	ഒന്ന് മുതല്‍ പന്ത്രണ്ട് വരെയുള്ള ക്ലാസ്സുകളിലെ കാര്യങ്ങള്‍ പുതിയ എസ്.എസ്.എ.യുടെ കീഴില്‍ കൊണ്ടുവരുന്നത് സംസ്ഥാനത്തിന് ഗുണകരമാണോ; ഇതിന്റെ അടിസ്ഥാനത്തില്‍ കേന്ദ്രം അനുവദിക്കുന്ന ഫണ്ടില്‍ വര്‍ദ്ധനവ് ഉണ്ടായിട്ടുണ്ടോ; വിശദാംശം നല്‍കുമോ?

നേമം മണ്ഡലത്തിലെ സ്കൂളുകളിലെ ലാബുകളുടെ നവീകരണം

1397.

(എ)	സ്കൂളുകള്‍ മികവിന്റെ കേന്ദ്രങ്ങളാക്കല്‍ പദ്ധതിയുടെ ഭാഗമായി ലാബുകള്‍ നവീകരിക്കുന്നതിനായി നേമം മണ്ഡലത്തില്‍ നിന്നും തെരഞ്ഞെടുത്ത സ്കൂളുകള്‍ ഏതെല്ലാമാണ്;

(ബി)	പ്രസ്തുത സ്കൂളുകളില്‍ ലാബിന്റെ നവീകരണം സംബന്ധിച്ച പ്രവൃത്തികള്‍ പൂര്‍ത്തീകരിച്ചിട്ടുണ്ടോ; ഇക്കാര്യത്തില്‍ ഇതുവരെ സ്വീകരിച്ച നടപടികളുടെ വിശദാംശങ്ങള്‍ നല്‍കാമോ?

ഈസ്റ്റ് ചാലക്കുടി ഗേള്‍സ് ഹൈസ്കൂള്‍ ഹോസ്റ്റല്‍ നിര്‍മ്മാണം

1398.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ചാലക്കുടി മണ്ഡലത്തില്‍പ്പെട്ട ഈസ്റ്റ് ചാലക്കുടി ഗവണ്‍മെന്റ് ഗേള്‍സ് ഹൈസ്കൂള്‍ കോമ്പൗണ്ടില്‍ ആർ.എം.എസ്.എ. ഫണ്ടുപയോഗിച്ച് ഗേള്‍സ് ഹോസ്റ്റല്‍ നിര്‍മ്മിക്കുന്നതിന്റെ‍ നടപടികള്‍ ഏത് ഘട്ടത്തിലാണ് ;

(ബി)	നിര്‍മ്മാണം ഉടന്‍ ആരംഭിക്കുന്നതിനാവശ്യമായ നടപടികള്‍ സ്വീകരിക്കുമോ എന്നറിയിക്കാമോ?

സ്കൂള്‍ പാചകത്തൊഴിലാളികളുടെ ആരോഗ്യസ്ഥിതി

1399.

(എ)	സ്കൂളുകളിലെ ഉച്ചഭക്ഷണം പരിപാടി സംബന്ധിച്ച് വിദ്യാഭ്യാസവകുപ്പ് എന്തെങ്കിലും പുതിയ നിര്‍ദ്ദേശം പുറപ്പെടുവിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	സ്കൂള്‍ പാചകത്തൊഴിലാളികളുടെ ആരോഗ്യസ്ഥിതി കാലാകാലങ്ങളില്‍ പരിശോധിക്കുന്നതിനും അവര്‍ യാതൊരുവിധ രോഗങ്ങളും ഇല്ലാത്തവരുമാണെന്ന് ഉറപ്പ് വരുത്തുന്നതിനും പ്രത്യേക സംവിധാനം ഏര്‍പ്പെടുത്തുമോ; വിശദാംശം വ്യക്തമാക്കുമോ?

ദേവികുളം നിയോജകമണ്ഡലത്തിലെ പൊതു വിദ്യാലയങ്ങള്‍

1400.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

പൊതു വിദ്യാലയങ്ങളെ മികവിന്റെ കേന്ദ്രങ്ങളാക്കുന്നതുമായി ബന്ധപ്പെട്ട് ദേവികുളം നിയോജകമണ്ഡലത്തില്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

കണ്ടശ്ശാം കടവ് പ്രൊഫ. ജോസഫ് മുണ്ടശ്ശേരി സ്മാരക സ്കൂളിന് പുതിയ കെട്ടിടം

1401.

(എ)	മണലൂര്‍ മണ്ഡലത്തിലെ കണ്ടശ്ശാം കടവ് പ്രൊഫ. ജോസഫ് മുണ്ടശ്ശേരി സ്മാരക ഗവണ്‍മെന്റ് ഹയര്‍സെക്കന്ററി സ്കൂളിലെ ജീര്‍ണ്ണാവസ്ഥയിലുള്ള ഉപയോഗശൂന്യമായ കെട്ടിടം പൊളിച്ച് മാറ്റുന്നതിന് സ്വീകരിച്ച നടപടികള്‍ എന്തെല്ലാമാണ്;

(ബി)	പ്രസ്തുത സ്കൂളിന് അനുവദിച്ച പുതിയ കെട്ടിടത്തിന്റെ നിര്‍മ്മാണ പ്രവര്‍ത്തനങ്ങള്‍ ഇപ്പോള്‍ ഏത് ഘട്ടത്തിലാണ്; വിശദാംശങ്ങള്‍ നല്‍കാമോ?

പൊന്‍മുണ്ടം സര്‍ക്കാര്‍ എച്ച്.എസ്.എസ്.ലെ ഭൗതിക സാഹചര്യങ്ങളുടെ അപര്യാപ്തത

1402.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	135 വര്‍ഷം പഴക്കമുളളതും 1700 ലധികം കുട്ടികള്‍ പഠിക്കുന്നതും മികച്ച അക്കാഡമിക് നിലവാരത്തില്‍ പ്രവര്‍ത്തിക്കുന്നതുമായ മലപ്പുറം താനൂര്‍ സബ് ജില്ലയിലെ പൊന്‍മുണ്ടം സര്‍ക്കാര്‍ എച്ച്.എസ്.എസ്.ലെ ഭൗതിക സാഹചര്യങ്ങളുടെ അപര്യാപ്തത ശ്രദ്ധയില്‍പ്പെട്ടിട്ടുണ്ടോ;

(ബി)	വെറും 37 സെന്റില്‍ പ്രവര്‍ത്തിക്കുന്ന മേല്‍സൂചിപ്പിച്ച വിദ്യാലയത്തിന് സ്വന്തമായുളള ഭൂമിയില്‍ കെട്ടിടനിര്‍മ്മാണത്തിന് ഭൂമിയുടെ തരം മാറ്റല്‍ അനുമതിക്കായി ലഭിച്ച അപേക്ഷയില്‍ എന്തൊക്കെ നടപടികളാണ് സ്വീകരിച്ചിട്ടുളളതെന്ന് വ്യക്തമാക്കുമോ;

(സി)	ഭൂമി തരംമാറ്റല്‍ നടന്നില്ലെങ്കില്‍ കുട്ടികളുടെ ഭാവി കണക്കിലെടുത്ത് പകരം ഭൂമി കണ്ടെത്തുന്നതിന് നടപടി സ്വീകരിക്കുമോ?

പെരുമുടിയൂര്‍ സ്കൂളിനു അനുവദിച്ചിട്ടുള്ള പദ്ധതികള്‍

1403.

പട്ടാമ്പി മണ്ഡലത്തിലെ പെരുമുടിയൂര്‍ ഹയര്‍സെക്കന്ററി സ്കൂളിന് 2016-17 ബഡ്ജറ്റില്‍ തുക വകയിരുത്തിയിട്ടുണ്ടോ; ഉണ്ടെങ്കില്‍ അതിന്റെ വിശദവിവരങ്ങള്‍ ലഭ്യമാക്കാമോ?

തിരുവനന്തപുരം ജില്ലയിലെ സ്കൂളുകള്‍ക്ക് വാഹനം വാങ്ങൽ

1404.

(എ)	തിരുവനന്തപുരം ജില്ലയിലെ വിവിധ സ്കൂളുകള്‍ക്ക് വാഹനം വാങ്ങുന്നതിനായി എം.എല്‍.എ. മാരുടെ ആസ്തി വികസന ഫണ്ടില്‍ നിന്നും തുക അനുവദിച്ച് ഭരണാനുമതി ലഭിച്ചിട്ടും തുടര്‍ നടപടികള്‍ വൈകിയതുകാരണം സ്കൂള്‍ തുറന്നാലും വാഹനം ലഭിക്കാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത വിഷയത്തില്‍ എന്തുനടപടി സ്വീകരിച്ചുവെന്ന് വിശദമാക്കാമോ?

അട്ടക്കുളങ്ങര സ്ര‍ക്കാര്‍ സ്കൂളിന്റെ നവീകരണം

1405.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വര്‍ഷങ്ങളുടെ പാരമ്പര്യമുള്ള തിരുവനന്തപുരം അട്ടക്കുളങ്ങര സ്ര‍ക്കാര്‍ സ്കൂളിന്റെ നവീകരണ പ്രവര്‍ത്തനങ്ങള്‍ ഏത് ഘട്ടത്തിലാണ്; ഏത് സ്ഥാപനത്തെയാണ് നിര്‍മ്മാണ പ്രവര്‍ത്തനങ്ങളുടെ ചുമതല ഏല്പിച്ചിട്ടുളളത്എന്ന് വ്യക്തമാക്കാമോ ;

(ബി)	സ്കൂളിന്റെ 140 വര്‍ഷം പഴക്കമുള്ള ഹെറിറ്റേജ് ബ്ലോക്ക് പൊളിച്ച് നീക്കിയിട്ടുണ്ടോ; അവിടെ പുതിയ കെട്ടിടം നിർമ്മിക്കാൻ ഉദ്ദേശിക്കുന്നുണ്ടോ എന്ന് അറിയിക്കാമോ;

(സി)	നിര്‍മ്മാണ പ്രവര്‍ത്തനങ്ങള്‍ക്ക് എത്ര തുകയാണ് ഇതുവരെ അനുവദിച്ചത്; പുതിയ അധ്യയന വര്‍ഷം ആരംഭിക്കുന്ന സാഹചര്യത്തില്‍ നിര്‍മ്മാണ പ്രവര്‍ത്തനങ്ങള്‍ അടിയന്തരമായി പൂര്‍ത്തീകരിക്കുവാന്‍ നടപടി സ്വീകരിക്കുമോ?

പെരിങ്ങാേത്ത് പ്രഖ്യാപിച്ച മാേഡല്‍ റസിഡന്‍ഷ്യല്‍ സ്കൂള്‍ നിര്‍മ്മാണം

1406.

ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

പയ്യന്നൂര്‍ മണ്ഡലത്തിലെ പെരിങ്ങാേത്ത് പ്രഖ്യാപിച്ച എം ആർ എസ് (മാേഡല്‍ റസിഡന്‍ഷ്യല്‍ സ്കൂള്‍) തുടങ്ങുന്നതിന് ഭരണാനുമതി ലഭിക്കുന്നതിനുള്ള നടപടികള്‍ ഏതു ഘട്ടത്തിലാണെന്ന് വിശദമാക്കാമാേ ?

സ്കൂളുകള്‍ക്ക് ലബോറട്ടറി, ലൈബ്രറി സംവിധാനം

1407.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

കാട്ടാക്കട മണ്ഡലത്തിലെ ജി.എച്ച്.എസ്.എസ് കുളത്തുമ്മല്‍, ജി.എച്ച്.എസ്.എസ് വിളവൂര്‍ക്കല്‍ എന്നീ സ്കൂളുകള്‍ക്ക് ലബോറട്ടറി, ലൈബ്രറി സംവിധാനം മെച്ചപ്പെടുത്തുന്നതിനുള്ള (സ.ഉ.(സാധ)നം.4198/17) നടപടി എന്തായെന്നും തുടര്‍നടപടിയെന്തെന്നും വിശദമാക്കാമോ?

കെ.ഇ.ആര്‍. ഭേദഗതി

1408.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അദ്ധ്യാപക നിയമനാംഗീകാരവുമായി ബന്ധപ്പെട്ട കെ.ഇ.ആര്‍. ഭേദഗതിക്ക് മുന്‍കാല പ്രാബല്യം നല്‍കിയിട്ടുണ്ടോ;

(ബി)	ഉത്തരവിന് മുന്‍കാല പ്രാബല്യം നല്‍കിയതിനാല്‍ ഭേദഗതി ഉത്തരവ് പുറപ്പെടുവിച്ച തീയതിക്ക് മുമ്പായി നിയമനം ലഭിച്ച അദ്ധ്യാപകര്‍ അംഗീകാരം ലഭിക്കാതെ പ്രയാസപ്പെടുന്നതായ പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു പരിഹരിക്കുന്നതിന് നടപടി സ്വീകരിക്കുമോ?

അംഗീകാരമില്ലാത്ത സ്ക്കൂളുകള്‍

1409.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അംഗീകാരമില്ലാത്ത സ്ക്കൂളുകള്‍ പ്രവര്‍ത്തിക്കുന്ന കാര്യം ശ്രദ്ധയില്‍പെട്ടിട്ടുണ്ടോ; ഇത്തരം സ്ക്കൂളുകളുടെ എണ്ണം തിട്ടപ്പെടുത്തിയിട്ടുണ്ടോ;

(ബി)	വിദ്യാഭ്യാസ അവകാശ നിയമപ്രകാരം ഇത്തരം സ്ക്കൂളുകള്‍ പ്രവര്‍ത്തിപ്പിക്കുന്നത് അനുവദനീയമാണോ;

(സി)	പ്രസ്തുത സ്ക്കൂളുകള്‍ അടച്ച് പൂട്ടണമെന്ന നിര്‍ദ്ദേശം നല്‍കിയിരുന്നോ; ആ നിര്‍ദ്ദേശം നടപ്പിലാക്കുവാന്‍ സാധിക്കാതെ വന്ന സാഹചര്യമെന്താണെന്ന് അറിയിക്കുമോ;

(ഡി)	അനാദായകരമായ സര്‍ക്കാര്‍ സ്ക്കൂളുകള്‍ വര്‍ദ്ധിക്കുന്നതിന് അംഗീകാരമില്ലാത്ത ഇത്തരം സ്ക്കൂളുകളുടെ പ്രവര്‍ത്തനം ഒരു പരിധിവരെ കാരണമായിട്ടുണ്ടോ;

(ഇ)	അംഗീകാരമില്ലാത്ത സ്ക്കൂളുകളുടെ പ്രവര്‍ത്തനം തടയുന്നതിനും പുതിയ ഇത്തരം സ്ക്കൂളുകള്‍ ആരംഭിക്കുന്നില്ലായെന്ന് ഉറപ്പ് വരുത്തുന്നതിനും എന്ത് നടപടിയാണ് സ്വീകരിക്കാൻ ഉദ്ദേശിക്കുന്നത്?

ഈ വര്‍ഷം സര്‍ക്കാര്‍ സ്കൂളുകളില്‍ പ്രവേശനം നേടിയ കുട്ടികളുടെ എണ്ണം

1410.

(എ)	ഈ അധ്യയന വര്‍ഷത്തില്‍ എത്ര കട്ടികളാണ് സര്‍ക്കാര്‍ സ്കൂളുകളില്‍ പ്രവേശനം നേടിയതെന്ന് ജില്ല തിരിച്ച് വ്യക്തമാക്കുമോ;ഏതെല്ലാം ക്ലാസുകളിലേക്കാണ് പ്രവേശനം നേടിയതെന്ന് വ്യക്തമാക്കുമോ;

(ബി)	കഴിഞ്ഞ അധ്യയനവര്‍ഷത്തെക്കാള്‍ കൂടുതല്‍ കുട്ടികള്‍ ഈ വര്‍ഷം സര്‍ക്കാര്‍ സ്കൂളുകളില്‍ പ്രവേശനം നേടിയിട്ടുണ്ടോ;ഉണ്ടെങ്കില്‍ വര്‍ദ്ധനവ് എത്രയെന്ന് ജില്ല തിരിച്ച് വ്യക്തമാക്കുമോ?

എസ്.എസ്.എൽ.സി പരീക്ഷയിൽ എ പ്ലസ് നേടിയ വിദ്യാർത്ഥികൾ

1411.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഇക്കഴിഞ്ഞ എസ്.എസ്.എൽ.സി പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാര്‍ത്ഥികളുടെ എണ്ണം വ്യക്തമാക്കാമോ;

(ബി)	മുൻവര്‍ഷത്തെക്കാള്‍ എത്ര വര്‍ദ്ധനവുണ്ടെന്ന് വ്യക്തമാക്കാമോ?

അപകട ഇന്‍ഷ്വറന്‍സ് പദ്ധതി

1412.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍, എയ്ഡഡ് സ്കൂളുകളില്‍ പഠിക്കുന്ന ഹയര്‍ സെക്കന്ററി, വി.എച്ച്.എസ്.സി വിദ്യാര്‍ത്ഥികള്‍ക്ക് അപകട ഇന്‍ഷ്വറന്‍സ് പദ്ധതി നടപ്പിലാക്കുന്നതിന് ഉദ്ദേശമുണ്ടോ; ഈ പദ്ധതിയുടെ വിശദാംശങ്ങള്‍ വ്യക്തമാക്കുമോ;

(ബി)	മുന്‍ സര്‍ക്കാരിന്റെ കാലത്ത് 1 മുതല്‍ 10 വരെയുളള ക്ലാസ്സില്‍ പഠിക്കുന്ന കുട്ടികള്‍ക്ക് അപകട ഇന്‍ഷ്വറന്‍സ് പദ്ധതി പുനരാരംഭിച്ചിരുന്നോ ; എത്ര കുട്ടികള്‍ക്കാണ് പ്രസ്തുത പദ്ധതിയുടെ ആനുകൂല്യം ലഭിച്ചത്;വിശദാംശം വെളിപ്പെടുത്തുമോ ?

സൗജന്യ കൈത്തറി യൂണിഫോം

1413.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന തലത്തില്‍ എത്ര വിദ്യാര്‍ത്ഥികള്‍ക്ക് സൗജന്യ കൈത്തറി യൂണിഫോം വിതരണം ചെയ്തിട്ടുണ്ട്; ജില്ല തിരിച്ച് പട്ടിക വ്യക്തമാക്കാമോ;

(ബി)	ഏത് ക്ലാസ് മുതല്‍ ഏത് ക്ലാസ് വരെയുളള വിദ്യാര്‍ത്ഥികള്‍ക്കാണ് ഇപ്പോള്‍ വിതരണം നടത്തിയതെന്ന് വ്യക്തമാക്കാമോ ;

(സി)	യൂണിഫോം വിതരണം എല്ലാ ക്ലാസ്സുകളിലേക്കും വ്യാപിപ്പിക്കുന്നതിനാവശ്യമായ നടപടികൾ സ്വീകരിക്കുന്നുണ്ടോ ;വ്യക്തമാക്കാമോ?

എയ്ഡഡ് സ്കൂളുകളിലെ ദിവസവേതന നിയമനം

1414.

(എ)	ഇൗ അധ്യയന വര്‍ഷം എയ്ഡഡ് സ്കൂളുകളില്‍ മുപ്പത് ദിവസത്തിലേറെ ദെെര്‍ഘ്യമുളള ഒഴിവുകളില്‍ ദിവസവേതന അടിസ്ഥാനത്തില്‍ നിയമനം നടത്തുന്നതിന് അനുമതി നല്‍കി സര്‍ക്കാര്‍ ഉത്തരവിറക്കിയിട്ടുണ്ടോ;എങ്കിൽ പ്രസ്തുത ഉത്തരവിന്റെ പകര്‍പ്പ് ലഭ്യമാക്കാമോ;

(ബി)	ലീവ് വേക്കന്‍സിയിലുള്ള നിയമനത്തിലാണോ അതോ റിട്ടയര്‍മെന്റ് / ഡിവിഷന്‍ വർദ്ധനവ് മൂലമുള്ള ഒഴിവുകളിലും ഇത്തരം നിയമനമാണോ നടത്തേണ്ടതെന്ന് വ്യക്തമാക്കാമോ;

(സി)	എയ്ഡഡ് സ്കൂളുകളില്‍ നടത്തിയ എത്ര നിയമനങ്ങള്‍ക്ക് അംഗീകാരം നല്‍കാന്‍ ബാക്കിയുണ്ടെന്ന് ജില്ല തിരിച്ച് വ്യക്തമാക്കാമോ;

(ഡി)	റിട്ടയര്‍മെന്റ് ഒഴിവിലും അധിക ഡിവിഷനിലും നിയമനം നടത്തുമ്പോള്‍ എയ്ഡഡ് സ്കൂള്‍ മാനേജര്‍മാര്‍ പാലിക്കേണ്ട ചട്ടങ്ങള്‍ സംബന്ധിച്ച് പുതിയ മാര്‍ഗ്ഗനിര്‍ദ്ദേശങ്ങള്‍ ഉണ്ടോ; എങ്കില്‍ പ്രസ്തുത മാര്‍ഗ്ഗ നിര്‍ദ്ദേശങ്ങളുടെ പകര്‍പ്പ് ലഭ്യമാക്കാമോ?

അരൂര്‍ മണ്ഡലത്തില്‍ വിദ്യാഭ്യാസ വികസന പ്രവര്‍ത്തനങ്ങള്‍

1415.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിൽ വന്നതിനു ശേഷം അരൂര്‍ മണ്ഡലത്തിൽ വിദ്യാഭ്യാസ വകുപ്പ് നടപ്പിലാക്കിയ വികസന പ്രവര്‍ത്തനങ്ങള്‍ വിശദമാക്കാമോ;

(ബി)	ഈ പ്രവൃത്തികള്‍ ഏതു ഘട്ടത്തിലാണെന്ന് വ്യക്തമാക്കാമോ?

ബുദ്ധിപരമായ വെല്ലുവിളികള്‍ നേരിടുന്ന കുട്ടികളുടെ ഉന്നമനം

1416.

ശ്രീ.റോഷി അഗസ്റ്റിന്‍
ഡോ.എന്‍. ജയരാജ്
ശ്രീ.മോന്‍സ്‌ ജോസഫ്
,, പി.ജെ.ജോസഫ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ബുദ്ധിപരമായ വെല്ലുവിളികള്‍ നേരിടുന്നവര്‍, ഓട്ടിസം ബാധിച്ചവര്‍, സെറിബ്രല്‍ പാള്‍സി എന്നീ വിഭാഗത്തില്‍പ്പെടുന്ന കുട്ടികളെ പഠിപ്പിക്കുന്ന 33 തെരഞ്ഞെടുത്ത സ്കൂളുകള്‍ക്ക് എയ്ഡഡ് പദവി നല്‍കിയതിനുശേഷം ഈ മേഖലയുടെ സമഗ്രമായ ഉന്നമനത്തിനായി എന്തെല്ലാം കാര്യങ്ങളാണ് വിഭാവനം ചെയ്തിട്ടുള്ളത്; വ്യക്തമാക്കുമോ;

(ബി)	ബഡ്സ് സ്കൂളുകള്‍ അടക്കം ഈ വിഭാഗത്തില്‍പ്പെട്ട എല്ലാ സ്പെഷ്യല്‍ സ്കൂളുകളെയും സംബന്ധിച്ച സമഗ്രമായ പാക്കേജിന് ഇതിനോടകം രൂപം നല്‍കുവാന്‍ വിദ്യാഭ്യാസ വകുപ്പിന് സാധിച്ചുവോ; വ്യക്തമാക്കുമോ;

(സി)	ഇതുമായി ബന്ധപ്പെട്ട് സാമൂഹ്യനീതിവകുപ്പ് ഡയറക്ടര്‍ റിപ്പോര്‍ട്ട് സമര്‍പ്പിച്ചുവോ; വിശദാംശങ്ങള്‍ നല്കുമോ;

(ഡി)	നടപ്പു സാമ്പത്തിക വര്‍ഷത്തിന്റെ ആദ്യപാദം പിന്നിടുന്നതിനു മുന്‍പുതന്നെ ഇക്കാര്യത്തില്‍ അടിയന്തര നടപടി സ്വീകരിക്കുമോ; വ്യക്തമാക്കുമോ?

വിദ്യാഭ്യാസ പദ്ധതികള്‍ക്കായുള്ള കേന്ദ്രസഹായത്തിന്റെ കുറവ്

1417.

(എ)	വിദ്യാഭ്യാസ രംഗത്ത് പല പുതിയ പദ്ധതികളും സര്‍ക്കാര്‍ ആവിഷ്ക്കരിച്ച് നടപ്പാക്കി വരുമ്പോഴും കേന്ദ്രസഹായത്തിന്റെ കുറവ് വരുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ബി)	കേന്ദ്രവിഹിതത്തില്‍ ഉണ്ടാകുന്ന കുറവ് ഏതെല്ലാം മേഖലകളെ പ്രതികൂലമായി ബാധിക്കുമെന്നു വ്യക്തമാക്കാമോ ;

(സി)	നിലവില്‍‌ അനുവദിച്ചിട്ടുളള കേന്ദ്രഫണ്ട് എത്രയാണെന്നും വര്‍ദ്ധിച്ച കേന്ദ്രസഹായം ലഭ്യമാക്കുവാൻവേണ്ടി സ്വീകരിച്ചു വരുന്ന നടപടികള്‍ എന്തെല്ലാമെന്നും വിശദമാക്കുമോ?

തൃപ്പൂണിത്തുറയില്‍ ഓട്ടിസം പാര്‍ക്ക്

1418.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പൂണിത്തുറയില്‍ ഓട്ടിസം പാര്‍ക്ക് സ്ഥാപിക്കണമെന്ന് ഏതെങ്കിലും നിവേദനം വിദ്യാഭ്യാസ വകുപ്പിന് ലഭ്യമായിട്ടുണ്ടോ;

(ബി)	ഉണ്ടെങ്കില്‍ വിശദാംശം അറിയിക്കുമോ;

(സി)	ഇവിടെ ഓട്ടിസം പാര്‍ക്ക് സ്ഥാപിക്കുന്നതിനുളള നടപടികള്‍ സ്വീകരിച്ചിട്ടുണ്ടോ;

(ഡി)	ഉണ്ടെങ്കില്‍ അവയുടെ നിലവിലെ സ്ഥിതി എന്താണെന്ന് അറിയിക്കുമോ?

വിദ്യാര്‍ത്ഥികള്‍ക്കായി വിവിധ സ്ക്കോളര്‍ഷിപ്പുകള്‍

1419.

(എ)	പഠന മികവ് കാഴ്ചവയ്ക്കുന്ന വിദ്യാര്‍ത്ഥികള്‍ക്കായി സംസ്ഥാന സര്‍ക്കാര്‍ ഏര്‍പ്പെടുത്തിയിട്ടുളള വിവിധ സ്ക്കോളര്‍ഷിപ്പുകള്‍ സംബന്ധിച്ച വിവരങ്ങള്‍ ലഭ്യമാക്കാമോ;

(ബി)	കേന്ദ്ര സര്‍ക്കാര്‍ സഹായത്തോടെ സംസ്ഥാന സര്‍ക്കാര്‍ ഏതെങ്കിലും തരത്തിലുളള വിദ്യാഭ്യാസ സ്കോളര്‍ഷിപ്പ് നല്കുന്നുണ്ടോ; ഉണ്ടെങ്കില്‍ വിശദാംശങ്ങള്‍ നല്കാമോ;

(സി)	കേന്ദ്ര സര്‍ക്കാര്‍ നേരിട്ട് നടപ്പാക്കുന്ന ഏതെങ്കിലും വിദ്യാഭ്യാസ സ്ക്കോളര്‍ഷിപ്പ് പദ്ധതിയുണ്ടോ; ഉണ്ടെങ്കില്‍ വിശദാംശങ്ങള്‍ വെളിപ്പെടുത്താമോ?

ഉന്നത വിദ്യാഭ്യാസ രംഗത്ത് അനുവദിച്ച പുതിയ കോഴ്സുകള്‍

1420.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിനു ശേഷം ഉന്നത വിദ്യാഭ്യാസ രംഗത്ത് പുതിയ കോഴ്സുകള്‍ അനുവദിച്ചിട്ടുണ്ടെങ്കില്‍ ഏതെല്ലാം സ്ഥാപനങ്ങളിലാണ് പുതിയ കോഴ്സുകള്‍ അനുവദിച്ചിട്ടുള്ളതെന്ന് വിശദമാക്കാമോ?

പരീക്ഷാ ഫീസിന് കേരളാ സര്‍വ്വകലാശാലയിൽ ഓണ്‍ലെെൻ സംവിധാനം

1421.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കേരളാ സര്‍വ്വകലാശാലക്ക് കീഴിലുള്ള കോളേജുകളിലെയും പ്രെെവറ്റ് വിദ്യാര്‍ത്ഥികളുടെയും ബിരുദ എഞ്ചിനീയറിംഗ് പരീക്ഷകളുടെ ഫീസ് അടയ്ക്കുന്നതിനുള്ള സംവിധാനങ്ങള്‍ എന്തൊക്കെയെന്ന് വ്യക്തമാക്കുമോ;

(ബി)	സംവിധാനങ്ങളുടെ അപര്യാപ്തതമൂലം വിദ്യാര്‍ത്ഥികള്‍ക്ക് ഫീസ് അടക്കുന്നതിന് ഉണ്ടാകുന്ന ബുദ്ധിമുട്ടുകള്‍ പരിശോധിച്ചിട്ടുണ്ടോ;എങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ;

(സി)	മഹാത്മാഗാന്ധി സര്‍വ്വകലാശാലയില്‍ നടപ്പാക്കിയത് പോലെ ഓണ്‍ലെെനായി പരീക്ഷാഫീസ് അടക്കുന്നതിനുള്ള സംവിധാനം കേരളാ സര്‍വ്വകലാശാലയിലും ഏര്‍പ്പെടുത്തുന്നതിന് നടപടി സ്വീകരിക്കുമോ?

മുന്‍ സര്‍ക്കാര്‍ എയിഡഡ് ആക്കിയ കോളേജുകളിലെ അദ്ധ്യാപക തസ്തികകള്‍

1422.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാര്‍ എയിഡഡ് പദവി നല്‍കിയ കോളേജുകളുടെ വിശദാംശം ലഭ്യമാക്കാമോ;

(ബി)	പ്രസ്തുത കോളേജുകളിലെ അദ്ധ്യാപക തസ്തികകള്‍ക്ക് നിയമനാംഗീകാരം നല്‍കിയോയെന്ന് വ്യക്തമാക്കാമോ;

(സി)	നിയമനാംഗീകാരം നല്‍കിയില്ലെങ്കില്‍ എന്തു കൊണ്ടാണെന്നു വ്യക്തമാക്കാമോ?

സ്വാശ്രയ കോളേജ് വിദ്യാര്‍ത്ഥികളുടെ കരുതല്‍ ധനം ഡെപ്പോസിറ്റ്

1423.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്വാശ്രയ കോളേജുകള്‍ വിദ്യാര്‍ത്ഥികളില്‍ നിന്ന് കരുതല്‍ ധനം ഡെപ്പോസിറ്റ് ആയി സ്വീകരിക്കാറുണ്ടോ;

(ബി)	എങ്കില്‍ ഇതുപോലെ സ്വാശ്രയ കോളജുകളില്‍ നിന്ന് സര്‍ക്കാര്‍ കരുതല്‍ ധനം സ്വീകരിക്കുന്നത് സംബന്ധിച്ച് ജസ്റ്റിസ് കെ.കെ.ദിനേശന്‍ കമ്മീഷന്‍ ശിപാര്‍ശ സമര്‍പ്പിച്ചിട്ടുണ്ടോ;

(സി)	എങ്കില്‍ ഇതുസംബന്ധിച്ച നിര്‍ദ്ദേശം സര്‍ക്കാര്‍ അംഗീകരിച്ചിട്ടുണ്ടോ; ഇല്ലെങ്കില്‍ എന്തുകൊണ്ട്; അംഗീകരിച്ചിട്ടുണ്ടെങ്കില്‍ നിര്‍ദ്ദേശം നടപ്പിലാക്കിയിട്ടുണ്ടോ; എങ്കില്‍ അതുവഴി കഴിഞ്ഞ അദ്ധ്യയന വര്‍ഷം എത്ര തുക സര്‍ക്കാരിന് ലഭിച്ചിട്ടുണ്ട്;

(ഡി)	പ്രതിവര്‍ഷം ഓരോ കോളേജിലും ചേരുന്ന ആകെ കുട്ടികളില്‍ നിന്ന് കോളേജുകള്‍ കരുതല്‍ ധനം പിരിച്ചെടുക്കുന്നെങ്കില്‍ ഇതിന് തുല്യമായ തുക കോളേജുകള്‍ പ്രതിവര്‍ഷം സര്‍ക്കാരിന് അടയ്ക്കണമെന്ന് വ്യവസ്ഥ ഉള്‍ക്കൊള്ളിക്കുന്നതിന് ആലോചിക്കുന്നുണ്ടോ;

(ഇ)	എങ്കില്‍ ഇത് സര്‍ക്കാരിന് പ്രസ്തുത കോളേജുകളില്‍ വര്‍ഷാവര്‍ഷം സൗജന്യ ഫീസില്‍ അര്‍ഹരായ വിഭാഗം കുട്ടികള്‍ക്ക് പഠനസൗകര്യമൊരുക്കുന്നതിന് ഉപകരിക്കുമെന്നത് കണക്കിലെടുത്ത് ഈ രീതിയില്‍ തീരുമാനം നടപ്പിലാക്കുമോ?

പട്ടികജാതി പട്ടികവര്‍ഗ്ഗ വിദ്യാര്‍ത്ഥികള്‍ക്ക് സിവില്‍ സര്‍വ്വീസ് പരീക്ഷാ പരിശീലന പദ്ധതികള്‍

1424.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ്ഗ വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് സിവില്‍ സര്‍വ്വീസ് പരീക്ഷയില്‍ വിജയം കൈവരിക്കുന്നതിനായി വിദ്യാഭ്യാസ വകുപ്പ് എന്തെല്ലാം പദ്ധതികള്‍ തയ്യാറാക്കിയിട്ടുണ്ടെന്ന് വ്യക്തമാക്കാമോ;

(ബി)	കേരള സ്റ്റേറ്റ് സിവില്‍ സര്‍വ്വീസ് അക്കാദമിയില്‍ എസ്.സി./ എസ്.റ്റി വിഭാഗത്തില്‍പ്പെട്ട കുട്ടികള്‍ക്ക് അഡ്മിഷന്‍ ഫീസ്, ട്യൂഷന്‍ ഫീസ്, ഹോസ്റ്റല്‍ ഫീസ് എന്നീ ഇനങ്ങളില്‍ എത്ര രൂപയാണ് നല്‍കേണ്ടിവരുന്നത് എന്ന് ഇനം തിരിച്ച് വിശദീകരിക്കാമോ?

തൃപ്പൂണിത്തുറ ആര്‍ട്സ് കോളേജിൽ പുതിയ കോഴ്സുകള്‍ അനുവദിക്കുന്നതിന് നടപടി

1425.

(എ)	ഈ സര്‍ക്കാര്‍ അധികാരത്തിൽ വന്നതിനുശേഷം എത്ര കോളേജുകളിൽ പുതിയ കോഴ്സുകള്‍ അനുവദിച്ചു എന്ന് അറിയിക്കുമോ;അവയുടെ വിശദാംശം വ്യക്തമാക്കാമോ;

(ബി)	തൃപ്പൂണിത്തുറ ആര്‍ട്സ് കോളേജിൽ ആവശ്യത്തിന് അടിസ്ഥാന സൗകര്യങ്ങള്‍ ഉള്ളത് പരിഗണിച്ച് ഇവിടെ സയൻസ് വിഭാഗത്തിലെ കോഴ്സുകള്‍ അനുവദിക്കണമെന്ന് ഏതെങ്കിലും നിവേദനം ലഭിച്ചിട്ടുണ്ടോ;ഉണ്ടെങ്കിൽ വിശദാംശം അറിയിക്കുമോ;

(സി)	പ്രസ്തുത കോളേജിൽ സയൻസ് വിഭാഗം കോഴ്സുകള്‍ അനുവദിക്കുന്നതിന് അടിയന്തിര നടപടികള്‍ സ്വീകരിക്കുമോ?

ഉന്നതവിദ്യാഭ്യാസ സ്ഥാപനങ്ങളുടെ നിലവാരമുയര്‍ത്തന്‍ നടപടി

1426.

ശ്രീ.എ.പി. അനില്‍ കുമാര്‍
,, ഷാഫി പറമ്പില്‍
,, കെ.എസ്.ശബരീനാഥന്‍
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഉന്നത വിദ്യാഭ്യാസ രംഗത്ത് പ്രവര്‍ത്തിക്കുന്ന സംസ്ഥാനത്തെ സ്ഥാപനങ്ങള്‍ക്ക് ദേശീയ നിലവാരം കെെവരിക്കുന്നതിന് സാധിക്കാത്തത് എന്തുകൊണ്ടാണെന്ന് വിലയിരുത്തിയിട്ടുണ്ടോ; എങ്കില്‍ വ്യക്തമാക്കുമോ;

(ബി)	ഉന്നത വിദ്യാഭ്യാസ രംഗത്ത് ഗുണമേന്മ ഉറപ്പുവരുത്തുന്നതിന് ഉന്നത വിദ്യാഭ്യാസ കൗണ്‍സില്‍ നടത്തുന്ന ഇടപെടലുകള്‍ എന്തൊക്കെയാണ്; വിശദമാക്കുമോ;

(സി)	ഉന്നത വിദ്യാഭ്യാസ രംഗത്ത് പ്രബുദ്ധത, ധൈഷണിക പര്യാവരണ്‍ എന്നീ പദ്ധതികള്‍ നടപ്പിലാക്കുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ; വിശദാംശം നല്‍കുമോ;

(ഡി)	മാനവവിഭവശേഷി വികസന മന്ത്രാലയത്തിന്റെ റാങ്കിംഗില്‍ ആദ്യത്തെ നൂറ് സര്‍വ്വകലാശാലകളില്‍ സംസ്ഥാനത്തെ സര്‍വ്വകലാശാലകളുടെ റാങ്ക് എത്രയാണ്;

(ഇ)	റാങ്കിംഗില്‍ വളരെ പുറകിലായ നമ്മുടെ സര്‍വ്വകലാശാലകളെ മുന്‍ നിരയില്‍ എത്തിക്കുന്നതിന് എന്തൊക്കെ പ്രവര്‍ത്തനങ്ങളാണ് ആവിഷ്ക്കരിച്ചിട്ടുളളത്?

ഉന്നതവിദ്യാഭ്യാസം

1427.

(എ)	സംസ്ഥാനത്തെ ഗവേഷണമേഖലയുടെ നിലവാരം ഉയര്‍ത്തുന്നതിന് സ്വീകരിച്ചു വരുന്ന നടപടികള്‍ വിശദമാക്കുമോ;

(ബി)	ഉന്നത വിദ്യാഭ്യാസ രംഗത്തിന്റെ നിലവാരം ഉയര്‍ത്തുന്നതിനും പ്രോത്സാഹിപ്പിക്കുന്നതിനുമായി സ്വീകരിച്ചു വരുന്ന നടപടികള്‍ വിശദമാക്കുമോ?

ഉന്നത വിദ്യാഭ്യാസരംഗത്തെ ശാക്തീകരണം

1428.

ശ്രീ.രാജു എബ്രഹാം
,, കെ. ബാബു
,, എം. രാജഗോപാലന്‍
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍വകലാശാലകളുടെയും കോളേജുകളുടെയും പശ്ചാത്തല സൗകര്യം വര്‍ദ്ധിപ്പിച്ചുകൊണ്ടും അധ്യാപകരുടെ വിദ്യാഭ്യാസ നിലവാരം ഉയര്‍ത്തിക്കൊണ്ടും ഉന്നത വിദ്യാഭ്യാസം ശാക്തീകരിക്കാനായി നടത്തിവരുന്ന പ്രവര്‍ത്തനങ്ങളുടെ പുരോഗതി അറിയിക്കാമോ;

(ബി)

രാജ്യത്തെ മികച്ച 100 കോളേജുകളിൽ 17 എണ്ണവും സര്‍വകലാശാലകളിൽ 4 എണ്ണവും കേരളത്തിലാണെന്നത് സംസ്ഥാനത്തിന്റെ ഉന്നത വിദ്യാഭ്യാസരംഗത്തെ മികവ് വെളിപ്പെടുത്തുമ്പോള്‍ അത് കൂടുതൽ ഉയരങ്ങളിലേക്ക് എത്തിക്കുന്നതിനുള്ള സര്‍ക്കാരിന്റെ പ്രവര്‍ത്തനങ്ങളെ രാഷ്ട്രീയ ഉച്ചതര്‍ ശിക്ഷാ അഭിയാന്റെ വിവേചന പൂര്‍ണ്ണമായ പ്രവര്‍ത്തനം എത്തരത്തിൽ ബാധിക്കാനിടയുണ്ടെന്ന് വ്യക്തമാക്കുമോ;

(സി)	റൂസയിൽ നിന്ന് ഫണ്ട് ലഭിക്കുന്നതിനുള്ള മാനദണ്ഡങ്ങള്‍ വിശദമാക്കാമോ?

കരുനാഗപ്പള്ളി - തഴവ ഗവ. കോളേജിനു സ്ഥലം

1429.

(എ)	കരുനാഗപ്പള്ളി - തഴവ ഗവ.കോളേജിനു വേണ്ടി കിഫ്ബി അനുവദിച്ച തുക ഉപയോഗിച്ച് സ്ഥലം ഏറ്റെടുക്കുന്നതിന് പദ്ധതി സമര്‍പ്പിച്ചിട്ടുണ്ടോ; വിശദീകരിക്കുമോ;

(ബി)	പ്രസ്തുത കോളേജിനു വേണ്ടി പഞ്ചായത്ത് നിര്‍ദ്ദേശിച്ചിരുന്ന സ്ഥലം ഏറ്റെടുക്കുന്നതിനുള്ള ബുദ്ധിമുട്ടുകള്‍ എന്തെല്ലാമെന്ന് വിശദീകരിക്കുമോ;

(സി)	സ്ഥലം ഏറ്റെടുക്കുന്നതിനായി റീ-നോട്ടിഫിക്കേഷന്‍ നടത്തുന്നതിന് നടപടി സ്വീകരിക്കുമോ, വിശദീകരിക്കുമോ?

കലാലയങ്ങളെയും സര്‍വ്വകലാശാലകളെയും മെച്ചപ്പെടുത്തുന്നതിന് നടപടി

1430.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ പൊതു വിദ്യാലയങ്ങളെ ഭൗതികമായും ഗുണപരമായും മെച്ചപ്പെടുത്തിയെടുത്തതുപോലെ കലാലയങ്ങളെയും സര്‍വ്വകലാശാലകളെയും മെച്ചപ്പെടുത്തി എടുക്കുന്നതിന് നടപടികള്‍ സ്വീകരിച്ചിട്ടുണ്ടോ; ഇല്ലെങ്കില്‍ സ്വീകരിക്കുമോ;

(ബി)	കേരളത്തിലെ പല കോളേജുകളുടെയും അക്കാദമിക് നിലവാരം മറ്റുസംസ്ഥാനങ്ങളിലെ കോളേജുകളെ അപേക്ഷിച്ച് പിറകിലാണ് എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അത് മാറ്റിയെടുക്കുന്നതിനുള്ള നടപടികള്‍ സ്വീകരിക്കുമോ;

തഴവ ഗവ.കോളേജിൽ അദ്ധ്യാപക-അനദ്ധ്യാപക തസ്തികകള്‍

1431.

(എ)	കരുനാഗപ്പള്ളി തഴവ ഗവ.കോളേജിനാവശ്യമായ അദ്ധ്യാപക-അനദ്ധ്യാപക തസ്തികകള്‍ അനുവദിച്ചിട്ടുണ്ടോ;

(ബി)	പ്രസ്തുത കോളേജില്‍ ഇപ്പോള്‍ ഏതെല്ലാം ബിരുദ കോഴ്സുകള്‍ നിലവിലുണ്ടെന്നും പുതിയതായി ഏതെങ്കിലും ബിരുദ കോഴ്സുകള്‍ അനുവദിച്ചിട്ടുണ്ടോയെന്നും വിശദീകരിക്കുമോ;

(സി)	ഇവിടെ ആവശ്യമായ അധ്യാപക - അനധ്യാപക തസ്തികകള്‍ സൃഷ്ടിച്ച് നിയമനം നടത്തുന്നതിന് അടിയന്തിര നടപടി സ്വീകരിക്കുമോ?

കാേളേജ് വിദ്യാഭ്യാസ വകുപ്പില്‍ ഇക്കണാേമിക്സ് അസിസ്റ്റന്റ് പ്രാെഫസര്‍ നിയമനം

1432.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കാേളേജ് വിദ്യാഭ്യാസ വകുപ്പില്‍ ഇക്കണാേമിക്സ് അസിസ്റ്റന്റ് പ്രാെഫസര്‍ തസ്തികയിലേക്കുള്ള പി. എസ്. സി റാങ്ക് ലിസ്റ്റ് നിലവില്‍ വന്നത് എന്നാണ്; വ്യക്തമാക്കുമാേ;

(ബി)	ഇൗ ലിസ്റ്റില്‍ നിന്നും ഇതുവരെയായി എത്ര പേരെ നിയമിച്ചു; നിലവില്‍ എത്ര ഒഴിവുകള്‍ ഉണ്ട്;

(സി)	ഇൗ ഒഴിവുകളില്‍ താല്‍ക്കാലിക അടിസ്ഥാനത്തില്‍ എത്ര പേരെ നിയമിച്ചിട്ടുണ്ട്;

(ഡി)	താല്‍ക്കാലിക അടിസ്ഥാനത്തില്‍ നിയമിച്ചവരെ ഒഴിവാക്കി പി. എസ്. സി ലിസ്റ്റില്‍ നിന്നും നിയമനം നടത്താന്‍ നടപടി സ്വീകരിക്കുമാേ;

(ഇ)	ഇൗ സര്‍ക്കാര്‍ അധികാരത്തില്‍ വന്നതിന് ശേഷം പ്രസ്തുത തസ്തികയില്‍ പുതുതായി എത്ര തസ്തികകള്‍ സൃഷ്ടിച്ചിട്ടുണ്ട്; ഇതിലേയ്ക്ക് പി. എസ്. സി ലിസ്റ്റില്‍ നിന്നും നിയമനം നടത്താതിരിക്കുന്നതിനുള്ള കാരണം വ്യക്തമാക്കാമാേ?

പെന്‍ഷന്‍ ആനുകൂല്യം സംബന്ധിച്ച ഫയല്‍ തീര്‍പ്പാക്കല്‍

1433.

(എ)	അരീക്കോട് സുല്ലമുസലാം അറബിക് കോളേജില്‍ നിന്നും വിരമിച്ച അസോസിയേറ്റ് പ്രൊഫസറായ എം. അബ്ദുള്‍ റഹിമാന്റെ പെന്‍ഷന്‍ ആനുകൂല്യം സംബന്ധിച്ച ഫയല്‍ എത്ര നാളായി കോളേജ് വിദ്യാഭ്യാസ ഡയറക്ടറുടെ ഓഫീസില്‍ ഉത്തരവാകാതെ കിടക്കുന്നു എന്നറിയ്ക്കുമോ;

(ബി)	ഉന്നതവിദ്യാഭ്യാസ ഡി വകുപ്പില്‍ നിന്നും D2/49/2018/HEdn. തീയതി 24.04.2018-ല്‍ ഇതു സംബന്ധിച്ച ഉത്തരവ് നല്‍കിയിട്ടും D2/25513/2015/Coll.Edn. എന്ന ഫയലില്‍ തീര്‍പ്പു കല്‍പ്പിക്കുവാന്‍ താമസിക്കുന്നതിന്റെ കാരണം എന്താണ് എന്നു വിശദമാക്കുമോ;

(സി)	പ്രസ്തുത ഫയലില്‍ അടിയന്തരമായി തീര്‍പ്പു കല്‍പ്പിച്ച് പെന്‍ഷന്‍ ആനുകൂല്യം നല്‍കുവാന്‍ ബന്ധപ്പെട്ടവര്‍ക്ക് ഉത്തരവ് നല്‍കുമോ എന്ന് വെളിപ്പെടുത്താമോ?

മങ്കട ഗവ. ആര്‍ട്സ് & സയന്‍സ് കോളേജ് കെട്ടിട നിര്‍മ്മാണം

1434.

(എ)	മങ്കട ഗവ. ആര്‍ട്സ് & സയന്‍സ് കോളേജ് കെട്ടിട നിര്‍മ്മാണത്തിന്റെ നിലവിലെ പുരോഗതി വ്യക്തമാക്കാമോ ;

(ബി)	കെട്ടിട നിര്‍മ്മാണം വേഗത്തില്‍ പൂര്‍ത്തീകരിക്കുന്നതിന് വകുപ്പ് സ്വീകരിച്ചിട്ടുളള നടപടികള്‍ വിശദീകരിക്കാമോ;

(സി)	30/01/2018-ല്‍ ഇത് സംബന്ധിച്ച് നിയമസഭയിൽ നൽകിയ മറുപടിക്ക് ശേഷം വകുപ്പ് തലത്തില്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ?

തലശ്ശേരി ചൊക്ലി ഗവണ്‍മെന്റ് കോളേജിന്റെ നിര്‍മ്മാണ പ്രവര്‍ത്തനം

1435.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2017-18 വര്‍ഷത്തെ കിഫ്ബിയില്‍ ഉള്‍പ്പെടുത്തിയ തലശ്ശേരി ചൊക്ലി ഗവണ്‍മെന്റ് കോളേജിന്റെ നിര്‍മ്മാണവുമായി ബന്ധപ്പെട്ട പ്രവൃത്തിയുടെ നിലവിലുള്ള അവസ്ഥ എന്താണെന്ന് വ്യക്തമാക്കാമോ;

(ബി)	ആയതിന്റെ നിര്‍മ്മാണ പ്രവൃത്തി ആരംഭിച്ചോ;ഇല്ലെങ്കില്‍ പ്രവൃത്തി ആരംഭിക്കുന്നതിന് ഇനി എന്തെല്ലാം നടപടികളാണുള്ളത് എന്ന് വ്യക്തമാക്കാമോ?

മലപ്പുറം ഗവണ്‍മെന്റ് വനിതാ കോളേജില്‍ തസ്തിക സൃഷ്ടിക്കുന്നതിന് നടപടി

1436.

(എ)	മലപ്പുറം ഗവണ്‍മെന്റ് വനിതാ കോളേജില്‍ പ്രിന്‍സിപ്പല്‍ തസ്തികയുള്‍പ്പെടെ അദ്ധ്യാപക, അനദ്ധ്യാപക ജീവനക്കാരുടെ തസ്തിക സൃഷ്ടിക്കുന്നതിനുള്ള നടപടികള്‍ ഇപ്പോള്‍ ഏതു ഘട്ടത്തിലാണ്; വിശദാംശം നല്‍കുമോ;

(ബി)	പ്രസ്തുത ഫയലില്‍ സ്വീകരിച്ച നടപടികള്‍ വിശദീകരിക്കാമോ;

(സി)	പുതുതായി അനുവദിച്ച കോളേജുകളില്‍ പ്രിന്‍സിപ്പല്‍ തസ്തികയില്ലാത്ത ഏക കോളേജാണ് മലപ്പുറം ഗവണ്‍മെന്റ് വനിതാ കോളേജെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ അവിടെ ആവശ്യമായ തസ്തികകള്‍ സൃഷ്ടിക്കുവാന്‍ സത്വര നടപടി സ്വീകരിക്കുമോ?

കുന്ദമംഗലം ഗവ. കോളജിന് കെട്ടിട നിര്‍മ്മാണം

1437.

(എ)	കുന്ദമംഗലം ഗവ. കോളജിന് കെട്ടിടം നിര്‍മ്മിക്കാന്‍ കിഫ്ബി മുഖേന ഭരണാനുമതി ലഭ്യമാക്കിയിട്ടുണ്ടോ;

(ബി)	എത്ര തുകയാണ് ഇതിനായി വകയിരുത്തിയിട്ടുള്ളത്; പ്രസ്തുത പ്രവൃത്തി സംബന്ധിച്ച നിലവിലെ സ്ഥിതി വിശദമാക്കാമോ?

കുന്ദമംഗലം സര്‍ക്കാര്‍ കോളേജ്

1438.

(എ)	എം.എല്‍.എ. യുടെ നിയോജകമണ്ഡലം ആസ്തി വികസന പദ്ധതിയില്‍ ഉള്‍പ്പെടുത്തി കുന്ദമംഗലം സര്‍ക്കാര്‍ കോളേജിന് അനുവദിച്ച കെട്ടിടത്തിന്റെ പ്രവൃത്തി പൂര്‍ത്തീകരിച്ച വിവരം ശ്രദ്ധയില്‍പ്പെട്ടിട്ടുണ്ടോ;

(ബി)	ക്ലാസ്സുകള്‍ ഇവിടേക്ക് മാറ്റുന്നതിന് സ്ഥലസൗകര്യം പര്യാപ്തമാണോ എന്ന് വിലയിരുത്തിയിട്ടുണ്ടോ;

(സി)	ക്ലാസ്സുകള്‍ സ്ഥിരം കെട്ടിടത്തിലേക്ക് മാറ്റുന്നതിന് നടപടി സ്വീകരിക്കുമോ?

ബാലുശ്ശേരി ഗവണ്‍മെന്റ് ആര്‍ട്സ് ആന്റ് സയന്‍സ് കോളേജ്

1439.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ബാലുശ്ശേരി ഗവണ്‍മെന്റ് ആര്‍ട്സ് ആന്റ് സയന്‍സ് കോളേജിന്റെ ഭൗതിക സൗകര്യം മെച്ചപ്പെടുത്തുന്നതിനായി കിഫ്ബിയിലൂടെ എത്ര കോടി രൂപയാണ് അനുവദിച്ചിട്ടുള്ളതെന്ന് അറിയിക്കാമോ;

(ബി)	ഈ പ്രവൃത്തി ആരംഭിക്കുന്നതിനുള്ള ടെണ്ടര്‍ നടപടി എപ്പോള്‍ പൂര്‍ത്തിയാക്കാനാണുദ്ദേശിക്കുന്നത്;

(സി)	കോളേജില്‍ നിലവില്‍ നടന്നുകൊണ്ടിരിക്കുന്ന ഗ്രൗണ്ട് ഫ്ലോര്‍ നിര്‍മ്മാണ പ്രവൃത്തി പൂര്‍ത്തീകരിക്കുന്നതിനായി പ്ലാന്‍ ഫണ്ടില്‍ നിന്നും തുക വകയിരുത്തിയിട്ടുണ്ടോ; എങ്കില്‍ ഇൗ പ്രവൃത്തി പൂര്‍ത്തീകരിക്കുന്നതിനുള്ള നടപടിക്രമങ്ങള്‍ വേഗത്തിലാക്കുമോ?

കുളത്തൂര്‍ സര്‍ക്കാര്‍ കോളേജില്‍ പുതിയ കോഴ്സ്

1440.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര കുളത്തൂര്‍ ഗവണ്‍മെന്റ് കോളേജിലെ നിര്‍മ്മാണ പ്രവര്‍ത്തനവുമായി ബന്ധപ്പെട്ട് കിറ്റ്കോ ഡി.പി.ആര്‍. പൂര്‍ത്തിയാക്കി കിഫ്ബിയില്‍ സമര്‍പ്പിച്ചിട്ടുണ്ടോ എന്ന് വ്യക്തമാക്കാമോ;

(ബി)	കുളത്തൂര്‍ ഗവണ്‍മെന്റ് കോളേജില്‍ പുതിയ കോഴ്സ് ആവശ്യപ്പെട്ടുകൊണ്ട് എം.എല്‍.എ.യുടെ കത്തുള്‍പ്പെടെ കോളേജ് പി.റ്റി.എ.കമ്മിറ്റി നല്‍കിയ നിവേദനത്തിന്‍മേല്‍ നടപടി സ്വീകരിച്ചിട്ടുണ്ടോ;

(സി)	2018-19 അദ്ധ്യയന വ്ര‍ഷത്തില്‍ എത്ര പുതിയ കോഴ്സുകളാണ് കുളത്തൂര്‍ കോളേജില്‍ ആരംഭിക്കുന്നത് എന്ന് വ്യക്തമാക്കാമോ;

(ഡി)	കുളത്തൂര്‍ ഗവണ്‍മെന്റ് കോളേജിന് എന്തൊക്കെ അപര്യാപ്തതകളാണ് നിലവില്‍ ഉള്ളതെന്ന് വിശദീകരിക്കാമോ?

കോടഞ്ചേരി ഗവണ്‍മെന്റ് കോളേജില്‍ ബിരുദാനന്തര ബിരുദ കോഴ്സുകള്‍

1441.

(എ)	കോടഞ്ചേരി ഗവണ്‍മെന്റ് കോളേജില്‍ പുതിയ ബിരുദാനന്തര ബിരുദ കോഴ്സുകള്‍ അനുവദിക്കുമെന്ന പ്രഖ്യാപനം നടപ്പില്‍ വരാത്തതിന്റെ കാരണം വിശദമാക്കുമോ;

(ബി)	ഉപരിപഠന സാധ്യതകള്‍ ഇല്ലാത്ത പ്രദേശമെന്നതും പിന്നാക്കാവസ്ഥയും ഭൂപ്രകൃതിയും പ്രത്യേകം കണക്കിലെടുത്ത് ബിരുദാനന്തര ബിരുദ കോഴ്സുകള്‍ ഇൗ വര്‍ഷം തന്നെ ആരംഭിക്കുന്നതിന് നടപടികള്‍ സ്വീകരിക്കുമോ എന്ന് വ്യക്തമാക്കാമോ?

മാനേജ്മെന്റ് കോളേജുകള്‍ക്ക് പ്രവര്‍ത്തനാനുമതി

1442.

(എ)	ഈ സര്‍ക്കാര്‍ കാലയളവില്‍ എത്ര മാനേജ്മെന്റ് കോളേജുകള്‍ക്ക് പ്രവര്‍ത്തനാനുമതി നല്‍കിയെന്ന് വിശദമാക്കാമോ;

(ബി)	പ്രസ്തുത കോളേജുകളില്‍ പുതിയതായി അദ്ധ്യാപക-അനദ്ധ്യാപക തസ്തികകള്‍ സൃഷ്ടിച്ചിട്ടുണ്ടോ;എങ്കിൽ വ്യക്തമാക്കാമോ;

(സി)	അനുമതി ലഭിച്ചിട്ടും ചില കോളേജുകള്‍ക്ക് പ്രവര്‍ത്തിക്കുവാന്‍ പറ്റാത്ത സാഹചര്യം ബോധിപ്പിച്ചുകൊണ്ട് ഏതെങ്കിലും മാനേജ് മെന്റ് പരാതി നല്‍കിയിട്ടുണ്ടോ; ആയതില്‍ എന്ത് നടപടി സ്വീകരിച്ചുവെന്ന് വ്യക്തമാക്കാമോ?

എ.പി.ജെ അബ്ദുള്‍ കലാം സാങ്കേതിക സര്‍വ്വകലാശാല

1443.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എ.പി.ജെ അബ്ദുള്‍ കലാം സാങ്കേതിക സര്‍വ്വകലാശാലയില്‍ നിന്നും പഠനം പൂര്‍ത്തിയാക്കിയ ആദ്യ ബാച്ച് എന്ന് പുറത്തിറങ്ങിയെന്ന് വ്യക്തമാക്കുമോ;

(ബി)	വിജയകരമായി പഠനം പൂര്‍ത്തിയാക്കിയവര്‍ക്ക് സര്‍ട്ടിഫിക്കറ്റുകള്‍ വിതരണം ചെയ്തിട്ടുണ്ടോ;ഇല്ലെങ്കില്‍ എന്തുകൊണ്ടെന്ന് വ്യക്തമാക്കുമോ;

(സി)	ഇവിടെ നിന്നും പഠനം പൂര്‍ത്തിയാക്കിയ വിദ്യാര്‍ത്ഥികള്‍ക്ക് സര്‍ട്ടിഫിക്കറ്റുകള്‍ ലഭിക്കാത്തത് കാരണം ഉപരിപഠനം തടസ്സപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	പ്രസ്തുത യൂണിവേഴ്സിറ്റിയില്‍ നിന്നും പഠനം പൂര്‍ത്തിയാക്കിയ വിദ്യാര്‍ത്ഥികള്‍ക്ക് അടിയന്തിരമായി സര്‍ട്ടിഫിക്കറ്റുകള്‍ വിതരണം ചെയ്യുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കെ റ്റി യു-വിന്റെ ജനാധിപത്യ സമിതികള്‍

1444.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എ.പി.ജെ. അബ്ദുള്‍കലാം ശാസ്ത്ര സാങ്കേതിക സര്‍വ്വകലാശാല(കെ റ്റി യു) യുടെ ജനാധിപത്യ സമിതികളായ സെനറ്റ്, സിൻഡിക്കേറ്റ് മുതലായവ എന്നത്തേയ്ക്ക് രൂപീകരിക്കാനാകും; വിശദവിവരം നൽകുമോ;

(ബി)	പ്രസ്തുത സമിതികളുടെ രൂപീകരണം നീണ്ടുപോകുന്നതിന്റെ കാരണങ്ങള്‍ വിശദീകരിക്കുമോ;

(സി)	ഇക്കാര്യത്തിൽ എന്തെങ്കിലും സാങ്കേതിക തടസ്സം നേരിട്ടിട്ടുണ്ടോ; എങ്കിൽ വിശദവിവരം നൽകുമോ?

സ്വകാര്യ സ്വാശ്രയ എഞ്ചിനീയറിംഗ് കോളേജുകളുടെ അക്കാദമിക് നിലവാരം

1445.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്വകാര്യ സ്വാശ്രയ എഞ്ചിനീയറിംഗ് കോളേജുകളില്‍ ഈ വര്‍ഷത്തെ വിദ്യാര്‍ത്ഥി പ്രവേശനം സംബന്ധിച്ച് മാനേജുമെന്റുകളുമായി സര്‍ക്കാര്‍ ധാരണയിലെത്തിയിട്ടുണ്ടോ; വിശദാംശം നല്‍കുമോ;

(ബി)	ഈ വര്‍ഷം എഞ്ചിനീയറിംഗ് കോളേജ് പ്രവേശനത്തിനുള്ള പ്രവേശന പരീക്ഷയുടെ മിനിമം മാര്‍ക്ക് ലഭിക്കാതെ 35 ശതമാനം കുട്ടികള്‍ അയോഗ്യരായ സാഹചര്യത്തില്‍ എഞ്ചിനീയറിംഗ് കോളേജുകളില്‍ നിലവിലുള്ള സീറ്റുകളില്‍ വിദ്യാര്‍ത്ഥികളെ ലഭിക്കാത്ത സാഹചര്യമുണ്ടോ;

(സി)	അഞ്ചുവര്‍ഷമായി 30 ശതമാനത്തില്‍ താഴെ മാത്രം പ്രവേശനം നടത്തുന്ന എഞ്ചിനീയറിംഗ് കോളേജുകള്‍ അടച്ചുപൂട്ടണമെന്ന് അഖിലേന്ത്യ സാങ്കേതിക കൗണ്‍സില്‍ നിര്‍ദ്ദേശിച്ചിട്ടുണ്ടോ; ഇതിന്റെ അടിസ്ഥാനത്തില്‍ സംസ്ഥാനത്തെ എത്ര എഞ്ചിനീയറിംഗ് കോളേജുകള്‍ അടച്ചുപൂട്ടേണ്ടിവരുമെന്ന് അറിയിക്കുമോ;

(ഡി)	കഴിഞ്ഞ അദ്ധ്യയന വര്‍ഷം ഒരു വിദ്യാര്‍ത്ഥി പോലും പ്രവേശനം നേടാത്ത എത്ര എഞ്ചിനീയറിംഗ് കോളേജുകള്‍ സംസ്ഥാനത്തുണ്ടെന്ന് വ്യക്തമാക്കുമോ?

എഞ്ചിനീയറിംഗ് കോളേജുകളിലെ കുറഞ്ഞ വിജയശതമാനത്തിന്റെ കാരണം

1446.

ശ്രീ.ഹൈബി ഈഡന്‍
,, റോജി എം. ജോണ്‍
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എഞ്ചിനീയറിംഗ് കോളേജുകളുടെ നിലവാരം ഉയര്‍ത്തുന്നതിന് എന്തെങ്കിലും പദ്ധതി ആവിഷ്കരിച്ചിട്ടുണ്ടോ;എങ്കിൽ വിശദാംശം നല്‍കുമോ;

(ബി)	സ്വകാര്യ സ്വാശ്രയ വിദ്യാഭ്യാസ മേഖലയില്‍ നിലനില്‍ക്കുന്ന പ്രശ്നങ്ങള്‍ പഠിച്ച് റിപ്പോര്‍ട്ട് സമര്‍പ്പിച്ച ജസ്റ്റിസ് കെ. ദിനേശന്‍ അദ്ധ്യക്ഷനായ സമിതിയുടെ ശുപാര്‍ശകളില്‍ എന്തൊക്കെ നടപടികളാണ് ഇതിനകം കൈക്കൊണ്ടിട്ടുള്ളത്;

(സി)	സംസ്ഥാനത്തെ എഞ്ചിനീയറിംഗ് കോളേജുകളിലെ വിജയശതമാനം കുറയുന്ന സാഹചര്യം ഗൗരവമായി പരിഗണിച്ചിട്ടുണ്ടോ;

(ഡി)	2016-17 വര്‍ഷത്തെ സര്‍ക്കാര്‍, എയ്ഡഡ്, സ്വാശ്രയ എഞ്ചിനീയറിംഗ് വിദ്യാഭ്യാസ സ്ഥാപനങ്ങളിലെ ബി. ടെക്കിന്റെ വിജയശതമാനം എത്ര വീതമായിരുന്നു;

(ഇ)	പത്ത് ശതമാനത്തില്‍ താഴെ വിജയശതമാനം ഉണ്ടായിരുന്ന എത്ര വിദ്യാഭ്യാസ സ്ഥാപനങ്ങള്‍ ഉണ്ട് ; പ്രസ്തുത സ്ഥാപനങ്ങളിലെ കുറഞ്ഞ വിജയശതമാനത്തിന്റെ കാരണം പരിശോധിച്ചിട്ടുണ്ടോ; ഇല്ലെങ്കില്‍ ആയതിനുള്ള നടപടി സ്വീകരിക്കുമോ?

നടുവില്‍ പോളിടെക്നിക്കിന്റെ നിര്‍മ്മാണവും പ്രവര്‍ത്തനവും

1447.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നടുവിലിൽ ആരംഭിക്കാനുദ്ദേശിക്കുന്ന ഗവണ്‍മെന്റ് പോളിടെക്നിക്കിനുവേണ്ട സ്ഥലം നടുവില്‍ ടെക്നിക്കല്‍ സ്കൂളിന്റെ കെെവശമുളള സ്ഥലത്തു നിന്നും കെെമാറാനുളള മന്ത്രിസഭാ തീരുമാനം നടപ്പിലാക്കിയോ;

(ബി)	ആയതിനുള്ള നടപടികള്‍ ഏതു ഘട്ടത്തിലാണെന്ന് വിശദമാക്കാമോ ;

(സി)	പോളിടെക്നിക്ക് പ്രവര്‍ത്തിക്കാനാവശ്യമായ അനുബന്ധ സൗകര്യങ്ങള്‍ ഏര്‍പ്പെടുത്തുവാന്‍ വേണ്ട നടപടികള്‍ സ്വീകരിച്ചിട്ടുണ്ടോ ?

മുക്കം ഗവണ്‍മെന്റ് പോളിടെക്നിക്

1448.

(എ)	മുന്‍ സര്‍ക്കാര്‍ അനുമതി നല്‍കിയ മുക്കം ഗവണ്‍മെന്റ് പോളിടെക്നിക് ആരംഭിക്കാന്‍ താമസമുണ്ടാവുന്നതെന്തുകൊണ്ടെന്ന് വ്യക്തമാക്കുമോ;

(ബി)	ഇക്കാര്യത്തിലുള്ള തടസ്സങ്ങള്‍ പരിഹരിക്കുന്നതിന് വകുപ്പിന്റെ ഭാഗത്തു നിന്നും നടത്തിയ ഇടപെടലുകള്‍ വ്യക്തമാക്കുമോ;

(സി)	പോളിടെക്നിക് യാഥാര്‍ത്ഥ്യമാക്കുന്നതിന് അടിയന്തര നടപടികള്‍ സ്വീകരിക്കുമോ?

മൂവാറ്റുപുഴ അയവന ടെക്നിക്കല്‍ ഹെെസ്കൂള്‍ നിര്‍മ്മാണം

1449.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മൂവാറ്റുപുഴ അയവന റ്റി.എച്ച്.എസ്. നിര്‍മ്മാണത്തിനായി കണ്ടെത്തിയ സ്ഥലം സംബന്ധിച്ച് നിലനില്‍ക്കുന്ന പരാതികള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	സ്കൂള്‍ നിര്‍മ്മാണത്തിനും വിദ്യാര്‍ത്ഥികളുടെ യാത്രക്കും അനുയോജ്യമല്ലാത്ത പ്രസ്തുത സ്ഥലം ഒഴിവാക്കി അനുയോജ്യമായ സ്ഥലം കണ്ടെത്തുന്നതിനുള്ള നടപടികള്‍ സ്വീകരിച്ചിട്ടുണ്ടോ; എങ്കില്‍ ഇതിന്റെ നിലവിലെ സ്ഥിതി എന്താണെന്ന് അറിയിക്കാമോ;

(സി)	അനുയോജ്യമായ സ്ഥലം ഏറ്റെടുത്ത് റ്റി. എച്ച്. എസ്. നിര്‍മ്മാണം ആരംഭിക്കുന്നതിലെ കാലതാമസം എന്താണെന്നും അതു പരിഹരിക്കുന്നതിന് കെെക്കൊണ്ടിട്ടുള്ള നടപടികള്‍ എന്തൊക്കെയാണെന്നും വിശദമാക്കാമോ?

സര്‍വ്വകലാശാലകളെ മികവിന്റെ കേന്ദ്രങ്ങളാക്കി മാറ്റുന്നതിന് പ്രത്യേക പദ്ധതി

1450.

ശ്രീ.എ. എന്‍. ഷംസീര്‍
,, ആന്റണി ജോണ്‍
പ്രൊഫ.കെ.യു. അരുണന്‍
ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വകലാശാലകളെ മികവിന്റെ കേന്ദ്രങ്ങളാക്കി മാറ്റുന്നതിന് പ്രത്യേക പദ്ധതി നടപ്പിലാക്കിയിട്ടുണ്ടോയെന്നു വ്യക്തമാക്കാമോ;

(ബി)	പരീക്ഷാ നടത്തിപ്പ് കാര്യക്ഷമവും സമയബന്ധിതവുമാക്കുന്നതിനും സര്‍വ്വകലാശാലകള്‍ തമ്മിലുളള അക്കാദമിക ബന്ധം മെച്ചപ്പെടുത്തുന്നതിനും എന്തെല്ലാം നടപടികളാണ് സ്വീകരിച്ചിട്ടുളളതെന്ന് അറിയിക്കാമോ;

(സി)	പരീക്ഷാ കലണ്ടര്‍ മുന്‍കൂട്ടി പ്രസിദ്ധീകരിക്കുന്നതിനും ഫലപ്രഖ്യാപനത്തിലെ കാലതാമസം ഒഴിവാക്കുന്നതിനും സ്വീകരിച്ചിട്ടുളള നടപടികള്‍ വിശദമാക്കാമോ;

(ഡി)	സര്‍വ്വകലാശാലകളുടെ ഉന്നമനം ലക്ഷ്യമാക്കിയുളള കേന്ദ്രാവിഷ്കൃത പദ്ധതി (റൂസ )പ്രകാരം എത്ര കോടി രൂപ ലഭ്യമായിട്ടുണ്ടെന്ന് വ്യക്തമാക്കാമോ?

സംസ്കൃത സര്‍വ്വകലാശാലയുടെ കൊയിലാണ്ടി സെന്ററിന്റെ വികസനം

1451.

(എ)	സംസ്കൃത സര്‍വ്വകലാശാലയുടെ അധീനതയില്‍ കൊയിലാണ്ടി മണ്ഡലത്തിലെ കോട്ടക്കുന്നില്‍ ഏതെങ്കിലും തരത്തിലുളള പ്രവര്‍ത്തനങ്ങള്‍ നടത്താന്‍ സര്‍വ്വകലാശാല ഉദ്ദേശിക്കുന്നുണ്ടോ;

(ബി)	സംസ്കൃത സര്‍വ്വകലാശാലയുടെ കൊയിലാണ്ടി സെന്ററിന്റെ വികസനവുമായി ബന്ധപ്പെട്ട് ഏതെങ്കിലും പദ്ധതികള്‍ സര്‍ക്കാരിന്റെ പരിഗണനയില്‍ ഉണ്ടോ;

(സി)	എങ്കില്‍ പ്രസ്തുത പദ്ധതിയുടെ നിലവിലുളള അവസ്ഥ വ്യക്തമാക്കുമോ ?

സര്‍വ്വകലാശാലകളിലെ സാമ്പത്തിക കെടുകാര്യസ്ഥത

1452.

(എ)	സംസ്ഥാനത്തെ സര്‍വ്വകലാശാലകളിലെ സാമ്പത്തിക കെടുകാര്യസ്ഥത ശ്രദ്ധയില്‍പ്പെട്ടിട്ടുണ്ടോ;

(ബി)	ഇതുമായി ബന്ധപ്പെട്ട് കേരള ഓഡിറ്റ് വകുപ്പ് എന്തെങ്കിലും പരാമര്‍ശങ്ങള്‍ നല്‍കിയിട്ടുണ്ടോ; ഉണ്ടെങ്കില്‍ ആയതില്‍ മാതൃകാപരമായ നടപടികള്‍ സ്വീകരിക്കാമോ?

കേരള സര്‍വ്വകലാശാലയില്‍ മികവിന്റെ വര്‍ഷം

1453.

(എ)	2018-19 വര്‍ഷം മികവിന്റെ വര്‍ഷമായി ആചരിക്കുവാന്‍ കേരള സര്‍വ്വകലാശാല തീരുമാനിച്ചിട്ടുണ്ടൊ; എങ്കില്‍ അതുവഴി കെെവരിക്കുവാന്‍ ഉദ്ദേശിക്കുന്നത് എന്തണെന്ന് വെളിപ്പെടുത്തുമോ ;

(ബി)	പരീക്ഷകള്‍ കഴിഞ്ഞ് ഒരു വര്‍ഷത്തോളമായിട്ടും പല കോഴ്സുകളുടെയും പരീക്ഷാഫലം കേരള സര്‍വ്വകലാശാല പ്രസിദ്ധീകരിക്കാത്തത് വിദ്യാര്‍ത്ഥികളുടെ ഭാവിയെ ദോഷകരമായി ബാധിച്ചു എന്നത് ശ്രദ്ധയില്‍പ്പെട്ടിട്ടുണ്ടോ;

(സി)	യഥാസമയം പരീക്ഷാ ഫലം പ്രസിദ്ധീകരിക്കാത്തതിനാല്‍ പല പ്രമുഖ കമ്പനികളും കാമ്പസ് റിക്രൂട്ട്മെന്റിനായി ഇൗ വര്‍ഷം കേരള സര്‍വ്വകലാശാലയുടെ കീഴിലുളള പല കോളേജുകളിലും എത്തിയില്ലായെന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	വാര്‍ഷിക പരീക്ഷ മാറ്റി സെമസ്റ്റര്‍ സമ്പ്രദായം കൊണ്ടുവന്നത് കൃത്യമായി പരീക്ഷാഫലം പ്രസിദ്ധീകരിക്കുന്നതിന് വേണ്ടിയായിരുന്നോ;

(ഇ)	കേരള സര്‍വ്വകലാശാലയിലെ കാര്യക്ഷമതയില്ലാത്ത ഭരണസംവിധാനവും മൂല്യനിര്‍ണ്ണയം നടക്കുന്നതിലെ തര്‍ക്കവും അത് പരിഹരിക്കുന്നതില്‍ പരാജയപ്പെട്ടതുമാണ് കാര്യങ്ങള്‍ അവതാളത്തിലാക്കിയതെന്നത് പരിഗണിച്ച് പരീക്ഷാ ഫലം കൃത്യസമയത്ത് പ്രസിദ്ധീകരിക്കുന്നതിന് ആവശ്യമായ ഇടപെടല്‍ നടത്തുമോ?

കേരള സര്‍വ്വകലാശാലയില്‍ ജ്യാേഗ്രഫിക്ക് പ്രത്യേക പഠനവകുപ്പ്

1454.

(എ)	കേരള സര്‍വ്വകലാശാലയിലെ ഇതര വിഷയങ്ങള്‍ക്കാെക്കെ പ്രത്യേകം പഠനവകുപ്പ് ഉണ്ടായിട്ടും സ്കൂള്‍ തലം മുതല്‍ പ്രത്യേക വിഷയമായി പഠിക്കുന്ന ജ്യാേഗ്രഫിക്ക് പ്രത്യേക പഠനവകുപ്പ് ഇല്ലാ എന്ന വസ്തുത ശ്രദ്ധയില്‍പ്പെട്ടിട്ടുണ്ടാേ ;

(ബി)	കേരള സര്‍വ്വകലാശാലയുടെ ബഡ്ജറ്റില്‍ ഒരു ജ്യാേഗ്രഫി പഠനവകുപ്പ് തുടങ്ങുമെന്ന് പ്രഖ്യാപിച്ചിരുന്നതിന്റെ തുടര്‍ നടപടി എന്തായി എന്നറിയിക്കുമാേ ;

(സി)	ജ്യാേഗ്രഫിയുടെ പ്രാധാന്യം കണക്കിലെടുത്ത് കേരള സര്‍വ്വകലാശാലയില്‍ ജ്യാേഗ്രഫിക്ക് പ്രത്യേക പഠനവകുപ്പ് ആരംഭിക്കുന്നതിന് അടിയന്തര നടപടി സ്വീകരിക്കുമാേ ?

എ.പി.ജെ.അബ്ദുള്‍ കലാം സാങ്കേതിക സര്‍വ്വകലാശാല

1455.

(എ)	എ.പി.ജെ.അബ്ദുള്‍ കലാം സാങ്കേതിക സര്‍വ്വകലാശാലയെ ലോകോത്തര നിലവാരത്തിലാക്കുന്നതിന് നടപടി സ്വീകരിക്കുമോ;

(ബി)	മറ്റ് സാങ്കേതിക സര്‍വ്വകലാശാലകളെ അപേക്ഷിച്ച് പരീക്ഷ നടത്തിപ്പിലും ഫലപ്രഖ്യാപനത്തിലും മറ്റും എ.പി.ജെ.അബ്ദുള്‍ കലാം സാങ്കേതിക സര്‍വ്വകലാശാലയുടെ സ്ഥിതി വളരെ പരിതാപകരമാണെന്ന മാധ്യമവാര്‍ത്തകളില്‍ എന്തെങ്കിലും വസ്തുതയുണ്ടോ; എങ്കില്‍ വിശദവിവരം നല്‍കുമോ;

(സി)	ഇത് പരിഹരിയ്ക്കുന്നതിനുളള നടപടി സ്വീകരിയ്ക്കുമോ?

അധിക വൈദഗ്ദ്ധ്യം ആര്‍ജ്ജിക്കല്‍ പദ്ധതി (അസാപ്)

1456.

ശ്രീമതി.പി. അയിഷാ പോറ്റി
ശ്രീ.എം. സ്വരാജ്
,, ഐ.ബി. സതീഷ്
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അറിവ് നേടുന്നതിനോടൊപ്പം തൊഴില്‍ നൈപുണ്യംകൂടി ആര്‍ജ്ജിക്കുക എന്ന ലക്ഷ്യത്തോടെ നടപ്പാക്കി വരുന്ന അധിക വൈദഗ്ദ്ധ്യം ആര്‍ജ്ജിക്കല്‍ പദ്ധതി (അസാപ്), ആഗോള തൊഴില്‍ വിപണിയില്‍ നേട്ടമുണ്ടാക്കാന്‍ വിദ്യാര്‍ത്ഥികളെ പ്രാപ്തരാക്കുന്നതിന് ഏതു വിധത്തില്‍ പ്രയോജനപ്രദമാകുന്നുണ്ടെന്ന് അറിയിക്കാമോ;

(ബി)	ഏതൊക്കെ മേഖലകളില്‍ വൈദഗ്ദ്ധ്യം ആര്‍ജ്ജിക്കാന്‍ അസാപ് അവസരം ഒരുക്കുന്നുവെന്ന് അറിയിക്കാമോ;

(സി)	എത്ര വിദ്യാഭ്യാസ സ്ഥാപനങ്ങള്‍ വഴിയാണ് ഈ പദ്ധതി നടപ്പിലാക്കുന്നതെന്നും അതിനായി ഈടാക്കുന്ന ഫീസും, പ്ലേസ്മെന്റ് അവസരങ്ങളും സംബന്ധിച്ച വിശദാംശം അറിയിക്കാമോ?

Website maintained by Information System Section, Kerala Legislative Assembly, Thiruvananthapuram.