13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >8^th Session>Unstarred Q & A

THIRTEENTH KLA - 8^th SESSION

KERALA LEGISLATURE - UNSTARRED QUESTIONS AND ANSWERS

(To read Questions please enable unicode-Malayalam in your system)

(To read answers Please CLICK on the Title of the Questions)

Answer Provided

Answer Not Yet Provided

Q. No	Questions
2116	സഹകരണ മേഖലയെ ഊര്‍ജ്ജസ്വലമാക്കാന്‍ പദ്ധതി ഡോ. എന്‍. ജയരാജ് ശ്രീ. റോഷി അഗസ്റിന്‍ '' പി. സി. ജോര്‍ജ് (എ)സഹകരണ മേഖലയുടെ വളര്‍ച്ച സംബന്ധിച്ച വിശദാംശം അറിയിക്കുമോ; (ബി)സഹകരണ മേഖലയില്‍ പ്രവര്‍ത്തന വിജയം നേടിയിട്ടുള്ള സ്ഥാപനങ്ങള്‍ ഏതെല്ലാമാണെന്ന് വ്യക്തമാക്കുമോ; (സി)പ്രൊഫഷണല്‍ വിദ്യാഭ്യാസ രംഗത്ത് സഹകരണ മേഖലയുടെ സാന്നിദ്ധ്യം എത്രത്തോളം വിജയകരമായിരുന്നു; വിശദാംശങ്ങള്‍ നല്‍കുമോ; (ഡി)സഹകരണ മേഖലയെ സര്‍വ്വതല സ്പര്‍ശിയായി കൂടുതല്‍ ഊര്‍ജ്ജസ്വലമാക്കാന്‍ പുതിയ എന്തെല്ലാം കര്‍മ്മ പരിപാടികളാണ് വിഭാവനം ചെയ്തിട്ടുള്ളത്; വിശദാംശങ്ങള്‍ നല്‍കുമോ?
2117	സഹകരണവകുപ്പ് ചെലവഴിച്ച ബഡ്ജറ്റ് വിഹിതം ശ്രീ. ജി. സുധാകരന്‍ (എ)2012-2013 സാമ്പത്തികവര്‍ഷം സഹകരണ വകുപ്പിന് അനുവദിച്ച ബജറ്റ് വിഹിതം എത്രയായിരുന്നു; ബജറ്റ് വിഹിതത്തിന്റെ എത്രശതമാനം ഇതുവരെ ചെലവഴിക്കുകയുണ്ടായി; ഇനം തിരിച്ച് വ്യക്തമാക്കാമോ; (ബി)കേന്ദ്ര സര്‍ക്കാരില്‍ നിന്നും സഹകരണ വകുപ്പിന് 2012-2013 സാമ്പത്തിക വര്‍ഷം എന്തു തുക വിവിധ പദ്ധതികള്‍ക്കായി ലഭിച്ചു; അതില്‍ എന്തു തുക ഇതുവരെ ചെലവഴിച്ചു; ഇനം തിരിച്ച് വ്യക്തമാക്കാമോ; (സി)കേന്ദ്രാവിഷ്കൃത പദ്ധതികള്‍ സഹകരണ വകുപ്പില്‍ 2012-2013-ല്‍ നടപ്പില്‍ വരുത്തുന്നതില്‍ വീഴ്ചയുണ്ടായിട്ടുണ്ടോ; ഉണ്ടെങ്കില്‍ വിശദമാക്കാമോ?
2118	സംസ്ഥാന പദ്ധതികള്‍ക്ക് സഹകരണ സ്ഥാപനങ്ങളിലെ തുക വിനിയോഗിക്കുന്നതിന് നടപടി ശ്രീ. സി. എഫ്. തോമസ് ,, മോന്‍സ് ജോസഫ് ,, റ്റി. യു. കുരുവിള ,, തോമസ് ഉണ്ണിയാടന്‍ (എ)സംസ്ഥാനത്തെ വിവിധ സഹകരണ സ്ഥാപനങ്ങളില്‍ ലഭ്യമായിട്ടുള്ള വന്‍ തുകകള്‍ സംസ്ഥാനത്തിന്റെ സ്വപ്ന പദ്ധതികള്‍ യാഥാര്‍ത്ഥ്യമാക്കുന്നതിന് വേണ്ടി വിനിയോഗിക്കുവാന്‍ നടപടികള്‍ സ്വീകരിക്കുമോ; (ബി)എല്‍.ഐ.സി യിലെ കോടിക്കണക്കിന് രൂപ കേന്ദ്ര ഗവണ്‍മെന്റ് വിവിധ പദ്ധതികളുടെ നടത്തിപ്പിന് വിനിയോഗിക്കുന്നത് പോലെ സഹകരണ സ്ഥാപനങ്ങളില്‍ നിന്നും സാമൂഹ്യ സുരക്ഷാ പദ്ധതികളില്‍ ഉള്‍പ്പെടെയുള്ള പദ്ധതികളില്‍ പണം നിക്ഷേപിക്കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?
2119	കേന്ദ്ര സഹകരണ നിയമം ശ്രീ. എം. ചന്ദ്രന്‍ (എ)കേന്ദ്ര സഹകരണ നിയമം കേരളത്തില്‍ നടപ്പിലാക്കുമ്പോള്‍ ക്രെഡിറ്റ് മേഖലയില്‍ പ്രവര്‍ത്തിക്കുന്ന സംഘങ്ങള്‍ക്ക് എന്തെല്ലാം പ്രശ്നങ്ങളാണ് ഉണ്ടാകുവാന്‍ പോകുന്നതെന്ന് പരിശോധിച്ചിട്ടുണ്ടോ; ഉണ്ടെങ്കില്‍ എന്തെല്ലാം; വ്യക്തമാക്കുമോ; (ബി)നിയമം നടപ്പിലാക്കുമ്പോള്‍ നഷ്ടത്തിലാകുന്ന സഹകരണ സംഘങ്ങളുടെ നഷ്ടം നികത്തുന്നതിന് എന്തെങ്കിലും നടപടികള്‍ സ്വീകരിക്കുവാന്‍ തീരുമാനിച്ചിട്ടുണ്ടോ; (സി)എങ്കില്‍ എന്തൊക്കെ; വ്യക്തമാക്കുമോ?
2120	സഹകരണ നിയമ ഭേദഗതി ശ്രീ. സി. മോയിന്‍കുട്ടി ,, പി. ഉബൈദുളള ,, പി.ബി. അബ്ദുള്‍ റസാക് '' സി. മമ്മൂട്ടി (എ)കേന്ദ്ര സഹകരണ നിയമത്തിനനുസൃതമായി സംസ്ഥാനം സഹകരണനിയമത്തില്‍ വരുത്തിയ ഭേദഗതി, സംസ്ഥാനത്തെ സഹകരണ മേഖലയെ ഏതുവിധത്തില്‍ ബാധിക്കുമെന്ന കാര്യം പരിശോധിച്ചിട്ടുണ്ടോ; (ബി)സഹകരണ മേഖലയ്ക്ക് കൂടുതല്‍ സ്വയംഭരണാവകാശം നല്‍കുന്നതു കൊണ്ട് എന്തൊക്കെ ഗുണഫലങ്ങളാണ് പ്രതീക്ഷിക്കുന്നത്; വ്യക്തമാക്കുമോ; (സി)സഹകരണ സംഘങ്ങള്‍ക്ക് കൂടുതല്‍ സ്വയംഭരണാവകാശവും, ജനാധിപത്യഭരണക്രമവും ഉറപ്പുവരുവരുത്തുന്ന സാഹചര്യത്തിലും , തീരുമാനങ്ങളില്‍ അംഗസംഖ്യയുടെ ഭൂരിപക്ഷ ജനാധിപത്യം ഉറപ്പുവരുത്താന്‍ ആവശ്യമായ വ്യവസ്ഥകള്‍ ഉള്‍പ്പെടുത്തിയിട്ടില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; പ്രസ്തുത പോരായ്മ പരിഹരിക്കുന്നതിനാവശ്യമായ നടപടികള്‍ സ്വീകരിക്കുമോ?
2121	ഡയറക്ട് ടാക്സ് കോഡ് ശ്രീ. റ്റി. എ. അഹമ്മദ് കബീര്‍ കേന്ദ്ര ഗവണ്‍മെന്റ് പാസ്സാക്കിയ ഡയറക്ട് ടാക്സ് കോഡ് നിയമം മൂലം ദുരിതത്തിലാകുന്ന സംസ്ഥാനത്തെ സഹകരണ പ്രസ്ഥാനത്തെ രക്ഷിക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?
2122	പ്രകാശ് ബക്ഷി റിപ്പോര്‍ട്ടിലെ നിര്‍ദ്ദേശങ്ങള്‍ ശ്രീ. ജി. സുധാകരന്‍ (എ)പ്രകാശ് ബക്ഷി റിപ്പോര്‍ട്ട് സര്‍ക്കാരിനു ലഭിച്ചിട്ടുണ്ടോ; ഉണ്ടെങ്കില്‍ വിശദാംശം വ്യക്തമാക്കുമോ; (ബി)പ്രകാശ് ബക്ഷി റിപ്പോര്‍ട്ടില്‍ സഹകരണ മേഖലയെ സംബന്ധിച്ച പ്രധാന നിര്‍ദ്ദേശങ്ങള്‍ എന്തെല്ലാമാണ്; (സി)പ്രകാശ് ബക്ഷി റിപ്പോര്‍ട്ട് സംസ്ഥാനത്തെ സഹകരണ മേഖലയില്‍ നടപ്പാക്കാന്‍ ഉദ്ദേശിക്കന്നുണ്ടോ; ഉണ്ടെങ്കില്‍ വിശദാംശം നല്‍കുമോ?
2123	പ്രകാശ് ബക്ഷി റിപ്പോര്‍ട്ട് നടപ്പാക്കല്‍ ശ്രീ. കെ. വി. വിജയദാസ് (എ)പ്രകാശ് ബക്ഷി റിപ്പോര്‍ട്ട് നടപ്പിലാക്കുവാന്‍ ഉദ്ദേശിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ; (ബി)പ്രസ്തുത റിപ്പോര്‍ട്ട് സഹകരണമേഖലയിലെ ജീവനക്കാരെ എപ്രകാരം ബാധിക്കുമെന്ന് വിശദമായി പഠനം നടത്തിയിട്ടുണ്ടോ; വിശദാംശം നല്‍കുമോ; (സി)ഇക്കാര്യത്തില്‍ ജീവനക്കാരുടെ പ്രതിഷേധം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയതിനോടുള്ള സര്‍ക്കാരിന്റെ സമീപനം വ്യക്തമാക്കുമോ?.
2124	സഹകരണ വിജിലന്‍സ് ശ്രീ. എ. റ്റി. ജോര്‍ജ് (എ)2008 ല്‍ നിലവില്‍ വന്ന സഹകരണ വിജിലന്‍സ് വിഭാഗം ആകെ എത്ര കേസുകളാണ് കൈകാര്യം ചെയ്തത്; വര്‍ഷം തിരിച്ചുള്ള വിശദാംശങ്ങള്‍ ലഭ്യമാക്കുമോ; (ബി)സഹകരണ വിജിലന്‍സിന്റെ പ്രവര്‍ത്തനം കാര്യക്ഷമമല്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഏതു സാഹചര്യത്തിലാണ് ഇപ്രകാരം ആക്ഷേപം ഉന്നയിച്ചതെന്ന് പരിശോധിച്ചിട്ടുണ്ടോ; (സി)വിജിലന്‍സ് വിഭാഗത്തിന്റെ പ്രവര്‍ത്തനത്തിനായി 2008 മുതല്‍ 31.12.2012 വരെ ജീവനക്കാരുടെ ശമ്പളത്തിനും മറ്റാനുകൂല്യങ്ങള്‍ക്കുമായി എന്തു തുക ചെലവഴിച്ചു എന്ന് വ്യക്തമാക്കുമോ; (ഡി)സഹകരണ വിജിലന്‍സ് വിഭാഗം പുനസംഘടിപ്പിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?
2125	സഹകരണ ആഡിറ്റിംഗ് ശ്രീ. ഐ. സി. ബാലകൃഷ്ണന്‍ ,, എ. പി. അബ്ദുളളക്കുട്ടി ,, ആര്‍. സെല്‍വരാജ് ,, എ. റ്റി. ജോര്‍ജ് (എ)97-ാം ഭരണഘടനാഭേദഗതി നിയമപ്രകാരം സഹകരണ സംഘങ്ങളുടെ ആഡിറ്റിംഗില്‍ എന്തെല്ലാം മാറ്റങ്ങളാണ് വരുത്തിയിട്ടുളളതെന്നു വ്യക്തമാക്കുമോ; ആയതു പ്രകാരം സംസ്ഥാനത്തെ സഹകരണ ആഡിറ്റിംഗ് സംവിധാനത്തില്‍ മാറ്റം വരുത്താനുദ്ദേശിക്കുന്നുണ്ടോ; എങ്കില്‍ വിശദാംശങ്ങള്‍ നല്‍കുമോ; (ബി)സഹകരണ മേഖലയിലെ അപ്പക്സ് സ്ഥാപനങ്ങളില്‍ ആഡിറ്റ് കുടിശ്ശിക നിലവിലുണ്ടോ; വിശദാംശങ്ങള്‍ ലഭ്യമാക്കുമോ; (സി)സഹകരണ സ്ഥാപനങ്ങളിലെ ആഡിറ്റിംഗ് കാലാനുസൃതമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കുമോ?
2126	സഹകരണ സംഘങ്ങളുടെ ഓഡിറ്റുകള്‍ ശ്രീ. സി. കൃഷ്ണന്‍ (എ)പുതുതായി പ്രാബല്യത്തില്‍ വന്ന സഹകരണ നിയമത്തിന്റെ ഭാഗമായി 2013 മാര്‍ച്ച് മാസം വരെയുള്ള കണക്കുകള്‍ 2013 സെപ്തംബര്‍ 30 നകം ഓഡിറ്റ്ചെയ്ത് റിപ്പോര്‍ട്ട് സമര്‍പ്പിക്കണമെന്ന് വ്യവസ്ഥ ചെയ്തിട്ടുണ്ടോ; (ബി)ഉണ്ടെങ്കില്‍ 2013 സെപ്തംബര്‍ 30 ന് ശേഷം സഹകരണ വകുപ്പിലെ ജീവനക്കാരെ ഏതുതരം ജോലിക്കാണ് നിയോഗിക്കുകയെന്ന് വ്യക്തമാക്കുമോ ? (സി)2013 സെപ്തംബര്‍ 30 ന് ശേഷം സഹകരണ സംഘങ്ങളുടെ ഓഡിറ്റുകള്‍ മറ്റ് ഏജന്‍സികളെ ഏല്‍പ്പിക്കുന്നതിനുള്ള നിര്‍ദ്ദേശം പരിഗണനയിലുണ്ടോ; വിശദമാക്കാമോ ?
2127	വിലക്കയറ്റം നേരിടുന്നതിന് പദ്ധതികള്‍ ശ്രീ.സി. ദിവാകരന്‍ (എ)വിലക്കയറ്റം നേരിടുന്നതിനായി സഹകരണ വകുപ്പ് എന്തെല്ലാം പദ്ധതികളാണ് ആവിഷ്ക്കരിച്ചിട്ടുള്ളത്; വിശദീകരിക്കാമോ; (ബി)പ്രാഥമിക സഹകരണ സംഘങ്ങള്‍ക്ക് എന്ത് ധനസഹായമാണ് നല്‍കുന്നത്; വ്യക്തമാക്കാമോ ?
2128	കണ്‍സ്യൂമര്‍ഫെഡിന്റെ പ്രവര്‍ത്തനങ്ങള്‍ ശ്രീ. ജി. സുധാകരന്‍ ശ്രീമതി കെ. കെ. ലതിക ശ്രീ. പി. റ്റി. എ. റഹീം ,, കെ. കെ. നാരായണന്‍ (എ)കണ്‍സ്യൂമര്‍ഫെഡിന്റെ പ്രവര്‍ത്തനങ്ങള്‍ വിപുലീകരിക്കാന്‍ ഉദ്ദേശിക്കുന്നുണ്ടോ ; എങ്കില്‍ അതിന്റെ വിശദാംശം വ്യക്തമാക്കുമോ ; (ബി)കണ്‍സ്യൂമര്‍ഫെഡിന്റെ വിവിധ ഔട്ട്ലെറ്റുകളിലൂടെ വിതരണം ചെയ്യുന്ന നിത്യോപയോഗ സാധനങ്ങള്‍ സംഭരിക്കുന്നതിന് നിലവിലുള്ള നടപടി ക്രമം എന്താണെന്ന് വ്യക്തമാക്കുമോ ; (സി)ഉല്പാദന കേന്ദ്രങ്ങളില്‍ നിന്നും നിത്യോപയോഗ സാധനങ്ങള്‍ വാങ്ങുമ്പോള്‍ അവയുടെ ഗുണനിലവാരം ഉറപ്പുവരുത്തുന്നതിന് എന്തെല്ലാം നടപടികളാണ് സ്വീകരിച്ചുവരുന്നത് ; (ഡി)ഇത്തരം ഇടപാടുകളില്‍ ഉണ്ടാകുന്ന കൃത്രിമം തടയുന്നതിന് വിജിലന്‍സ് സംവിധാനം ശക്തമാക്കുന്നതിന് നടപടി സ്വീകരിക്കുമോ ; (ഇ)നിത്യോപയോഗ സാധനങ്ങള്‍ ന്യായവിലക്ക് ലഭ്യമാക്കുന്നതിന് കഴിഞ്ഞ സര്‍ക്കാരിന്റെ കാലത്ത് ഓരോ വര്‍ഷവും കണ്‍സ്യൂമര്‍ഫെഡിന് എന്തു തുക വീതം നല്‍കിയെന്നും ഈ സര്‍ക്കാര്‍ എന്തു തുക നല്‍കിയെന്നും വിശദമാക്കുമോ ?
2129	കണ്‍സ്യൂമര്‍ ഫെഡിന്റെ പ്രവര്‍ത്തനം ശ്രീ.മുല്ലക്കര രത്നാകരന്‍ (എ)കണ്‍സ്യൂമര്‍ ഫെഡ് ഇക്കഴിഞ്ഞ സാമ്പത്തിക വര്‍ഷം ആകെ എത്ര കോടി രൂപയുടെ വിറ്റുവരവ് നടത്തി; വ്യക്തമാക്കുമോ; (ബി)2012-13 സാമ്പത്തികവര്‍ഷത്തില്‍ ഇതുവരെ എത്രകോടി രൂപയുടെ ലഭമുണ്ടാക്കി; വ്യക്തമാക്കാമോ?
2130	കാര്‍ഷിക ഗ്രാമ വികസന ബാങ്കുകള്‍ ശ്രീ. എം. ചന്ദ്രന്‍ (എ)സംസ്ഥാനത്ത് എത്ര കാര്‍ഷിക ഗ്രാമ വികസന ബാങ്കുകളാണ് ഇപ്പോള്‍ പ്രവര്‍ത്തിച്ചുവരുന്നത്; (ബി)കാര്‍ഷിക ഗ്രാമ വികസന ബാങ്കുകളുടെ പ്രവര്‍ത്തന പരിധി റവന്യൂ-താലൂക്കായി നിശ്ചയിച്ചിട്ടുണ്ടോ; (സി)എങ്കില്‍ ഒരു താലൂക്ക് പരിധിയില്‍ ഒന്നിലധികം ബാങ്കുകള്‍ പ്രവര്‍ത്തിച്ചുവരുന്നവ എത്രയെണ്ണമുണ്ട് എന്നും, താലൂക്കുകളുടെയും ബാങ്കുകളുടെയും വിശദാംശവും ലഭ്യമാക്കാമോ; (ഡി)സംസ്ഥാനത്ത് പ്രവര്‍ത്തിക്കുന്ന ബാങ്കുകളില്‍ എത്രയെണ്ണമാണ് നഷ്ടത്തില്‍ പ്രവര്‍ത്തിക്കുന്നത്; (ഇ)നഷ്ടത്തില്‍ പ്രവര്‍ത്തിക്കുന്ന ബാങ്കുകളെ പുനരുദ്ധരിപ്പിക്കുവാന്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ; (എഫ്)ഉണ്ടെങ്കില്‍ പ്രസ്തുത നടപടികള്‍ എന്തെല്ലാമെന്ന് വ്യക്തമാക്കുമോ?
2131	കാര്‍ഷിക വായ്പ ശ്രീ. തേറമ്പില്‍ രാമകൃഷ്ണന്‍ ,, പാലോട് രവി ,, കെ. ശിവദാസന്‍ നായര്‍ ,, പി. സി. വിഷ്ണുനാഥ് (എ)സഹകരണ മേഖലയില്‍ കാര്‍ഷിക വായ്പകള്‍ ഏതെല്ലാം ബാങ്കുകളാണ് നല്‍കുന്നത്; (ബി)ആകെ വായ്പയില്‍ നിശ്ചിത ശതമാനം കാര്‍ഷിക വായ്പയായിരിക്കണമെന്ന് നിബന്ധനയുണ്ടോ; (സി)കാര്‍ഷിക വായ്പകള്‍ക്ക് മൊറട്ടോറിയം പ്രഖ്യാപിച്ചതുമൂലം തിരിച്ചടവു കുറയുന്നത് ഇതര വായ്പകള്‍ നല്‍കുന്നതിന് തടസ്സമാകുന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ; (ഡി)മൊറട്ടോറിയം പ്രഖ്യാപിച്ചതുമൂലം പലിശയിനത്തില്‍ സഹകരണ ബാങ്കുകള്‍ക്കുണ്ടാകുന്ന നഷ്ടം എത്രയെന്ന് കണക്കാക്കിയിട്ടുണ്ടോ; (ഇ)എങ്കില്‍ പ്രസ്തുത തുക കാലതാമസം കൂടാതെ ബാങ്കുകള്‍ക്ക് തിരികെ നല്‍കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?
2132	ഹ്രസ്വകാല കാര്‍ഷിക വായ്പകള്‍ പലിശരഹിതമാക്കാന്‍ നടപടി ശ്രീ. തേറമ്പില്‍ രാമകൃഷ്ണന്‍ ,, വര്‍ക്കല കഹാര്‍ ,, സി. പി. മുഹമ്മദ് ,, സണ്ണി ജോസഫ് (എ)സഹകരണ ബാങ്കുകള്‍ വഴി വിതരണം ചെയ്യുന്ന ഹ്രസ്വകാല കാര്‍ഷിക വായ്പകള്‍ പലിശരഹിതമാക്കാന്‍ തീരുമാനമെടുക്കുമോ; വിശദമാക്കുമോ; (ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; വിവരിക്കുമോ; (സി)ഏതെല്ലാം തരത്തിലുളള വായ്പകളാണ് പലിശരഹിതമാക്കുന്നത്; വിശദാംശങ്ങള്‍ എന്തെല്ലാം; (ഡി)പ്രസ്തുത പദ്ധതികള്‍ വഴിയുളള ആനുകൂല്യങ്ങള്‍ ഏതെല്ലാം കര്‍ഷകര്‍ക്കാണ് ലഭിക്കുന്നത്; വിശദമാക്കുമോ?
2133	നെല്‍കൃഷിക്കുള്ള വായ്പകള്‍ ശ്രീ. വര്‍ക്കല കഹാര്‍ ,, അന്‍വര്‍ സാദത്ത് ,, ആര്‍. സെല്‍വരാജ് ,, എം. പി. വിന്‍സെന്റ് (എ)സഹകരണ ബാങ്കുകള്‍ വഴി നല്‍കുന്ന നെല്‍കൃഷിക്കുള്ള കാര്‍ഷിക വായ്പകള്‍ പൂര്‍ണ്ണമായും പലിശ രഹിതമാക്കിയിട്ടുണ്ടോ; വിശദമാക്കുമോ; (ബി)നടപ്പു സാമ്പത്തിക വര്‍ഷം ബാങ്കുകള്‍ക്ക് സംസ്ഥാന സര്‍ക്കാര്‍ എത്ര രൂപ നല്‍കിയിട്ടുണ്ട്; വിശദാംശങ്ങള്‍ എന്തെല്ലാം; (സി)കര്‍ഷകര്‍ക്കുള്ള പലിശ സബ്സിഡി യഥാസമയം നല്‍കുന്ന ബാങ്കുകള്‍ക്ക് അര്‍ഹമായ വിഹിതം യഥാസമയം കൊടുക്കുന്നതിന് ആവശ്യമായ നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?
2134	കടാശ്വാസ കമ്മീഷന്റെ നിര്‍ദ്ദേശ പ്രകാരം കര്‍ഷക വിഹിതം അടച്ച കര്‍ഷകര്‍ ശ്രീ. ഇ. കെ. വിജയന്‍ (എ)കടാശ്വാസ കമ്മീഷന്റെ നിര്‍ദ്ദേശ പ്രകാരം കര്‍ഷക വിഹിതം അടച്ച കര്‍ഷകരെ സംബന്ധിച്ച വിശദാംശം ലഭ്യമാക്കാമോ ; (ബി)കര്‍ഷക വിഹിതം അടച്ച കര്‍ഷകര്‍ക്ക് രേഖകള്‍ തിരികെ നല്‍കുന്നതില്‍ സഹകരണ സംഘങ്ങളും ബാങ്കുകളും വീഴ്ചവരുത്തുന്നത് ശ്രദ്ധയില്‍പ്പെട്ടിട്ടുണ്ടോ; (സി)ഉണ്ടെങ്കില്‍ ഇത്തരം സ്ഥാപനങ്ങള്‍ക്കെതിരെ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ ?
2135	കാര്‍ഷിക വായ്പകള്‍ എഴുതിത്തള്ളുന്ന നടപടി ശ്രീ. വി. ശിവന്‍കുട്ടി (എ)തിരിച്ചടവ് കാലാവധി അവസാനിച്ചതും ഇരുപത്തിഅയ്യായിരം രൂപയില്‍ താഴെയുള്ളതുമായ സഹകരണ കാര്‍ഷിക വായ്പകള്‍ എഴുതിത്തള്ളുന്നതിന് സര്‍ക്കാര്‍ തയ്യാറാകുമോ; (ബി)ഇല്ലെങ്കില്‍ ആയതിന്റെ കാരണം വ്യക്തമാക്കുമോ ?
2136	നഷ്ടത്തില്‍ പ്രവര്‍ത്തിക്കുന്ന സഹകരണ സംഘങ്ങളില്‍ നിന്ന് സഹകരണ വിദ്യാഭ്യാസ ഫണ്ട് ശ്രീ.സി. കൃഷ്ണന്‍ (എ)2013 ജനുവരിയിലെ ഭേദഗതി പ്രകാരം നഷ്ടത്തില്‍ പ്രവര്‍ത്തിക്കുന്ന സഹകരണ സംഘങ്ങളില്‍ നിന്ന് സഹകരണ വിദ്യാഭ്യാസ ഫണ്ട് ചുരുങ്ങിയത് 1000 രൂപ ഈടാക്കണമെന്ന് വ്യവസ്ഥ ചെയ്തിട്ടുണ്ടോ; (ബി)ഉണ്ടെങ്കില്‍, ചെറിയ ലാഭത്തില്‍ പ്രവര്‍ത്തിക്കുന്ന സംഘങ്ങള്‍ നല്‍കുന്നതിനേക്കാള്‍ (ലാഭത്തിന്റെ 5%) വലിയ തുക നഷ്ടത്തില്‍ പ്രവര്‍ത്തിക്കുന്ന സംഘങ്ങളില്‍ നിന്നും ഈടാക്കേണ്ടിവരുമെന്ന കാര്യം ശ്രദ്ധയില്‍പ്പെട്ടിട്ടുണ്ടോ; (സി)പ്രസ്തുത അപാകതകള്‍ പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ?
2137	സഹകരണ മേഖലയിലെ നിക്ഷേപ പദ്ധതി ശ്രീ. പി. സി. വിഷ്ണുനാഥ് ,, ഡൊമിനിക് പ്രസന്റേഷന്‍ ,, ജോസഫ് വാഴക്കന്‍ ,, കെ. ശിവദാസന്‍ നായര്‍ (എ)മുന്‍സര്‍ക്കാരിന്റെ കാലാവധി അവസാനിച്ചപ്പോള്‍ സഹകരണ മേഖലയിലെ ആകെ നിക്ഷേപം എത്രയായിരുന്നുവെന്ന് വ്യക്തമാക്കുമോ; (ബി)സഹകരണ മേഖലയിലെ 31.12.2012 ലെ ആകെ നിക്ഷേപം എത്രയാണെന്ന് വ്യക്തമാക്കുമോ; (സി)സഹകരണ നിക്ഷേപരംഗം ശക്തിപ്പെടുത്താന്‍ എന്ത് നടപടിയാണ് സ്വീകരിച്ചിട്ടുളളതെന്ന് വ്യക്തമാക്കുമോ; (ഡി)സഹകരണ മേഖലയില്‍ എന്‍.ആര്‍.ഐ. നിക്ഷേപ പദ്ധതി ആരംഭിക്കുന്നതിന് നടപടി സ്വീകരിക്കുമോ?
2138	സഹകരണ നിക്ഷേപ സുരക്ഷാ പദ്ധതി ശ്രീ. വി. പി. സജീന്ദ്രന്‍ ,, എം. പി. വിന്‍സെന്റ് ,, അന്‍വര്‍ സാദത്ത് ,, ഐ.സി. ബാലകൃഷ്ണന്‍ (എ)സംസ്ഥാനത്ത് സഹകരണ നിക്ഷേപ സുരക്ഷാ പദ്ധതിക്ക് തുടക്കം കുറിച്ചിട്ടുണ്ടോ; വിശദമാക്കുമോ ; (ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; വിശദാംശങ്ങള്‍ അറിയിക്കുമോ ; (സി)ഏതെല്ലാം സഹകരണ സംഘങ്ങളിലാണ് പദ്ധതി നടപ്പാക്കാനുദ്ദേശിക്കുന്നത്; വിശദമാക്കുമോ ; (ഡി)എന്തെല്ലാം സൌകര്യങ്ങളാണ് നിക്ഷേപകര്‍ക്ക് പദ്ധതി മുഖേന ലഭിക്കുന്നത്; വിശദാംശങ്ങള്‍ എന്തെല്ലാമെന്ന് വ്യക്തമാക്കുമോ ?
2139	തിരൂര്‍ നിയോജകമണ്ഡലത്തില്‍ നടപ്പിലാക്കാന്‍ ഉദ്ദേശിക്കുന്ന ക്ഷേമ പദ്ധതികള്‍ ശ്രീ.സി.മമ്മൂട്ടി (എ)തിരൂര്‍ നിയോജകമണ്ഡലത്തില്‍ 2013-14 വര്‍ഷം സഹകരണ വകുപ്പ് മുഖേന നടപ്പിലാക്കാന്‍ ഉദ്ദേശിക്കുന്ന ക്ഷേമ പദ്ധതികള്‍ എന്തെല്ലാം; വ്യക്തമാക്കാമോ; (ബി)കണ്‍സ്യൂമര്‍ ഫെഡിന്റെ ആഭിമുഖ്യത്തില്‍ തിരൂര്‍ നിയോജകമണ്ഡലത്തിലെ നഗരസഭാ പ്രദേശത്തും പഞ്ചായത്തുകളിലും ത്രിവേണി, നന്മ സ്റ്റോറുകള്‍ ആരംഭിക്കുവാന്‍ തിരുമാനിച്ചിട്ടുണ്ടോ; ഇല്ലെങ്കില്‍ അവ ആരംഭിക്കുവാന്‍ നടപടി സ്വീകരിക്കുമോ; (സി)2011 മുതല്‍ 2013 വരെ തിരൂര്‍ മണ്ഡലത്തില്‍ വകുപ്പ് നടപ്പിലാക്കിയ പദ്ധതികള്‍ ഏതെല്ലാം; വിശദമാക്കാമോ?
2140	പാലക്കാട് ജില്ലയിലെ നെല്‍കര്‍ഷകര്‍ക്കായി പ്രത്യേക പാക്കേജ് ശ്രീ.എം.ഹംസ (എ)സംസ്ഥാനത്തെ കാര്‍ഷികമേഖലയെ സംരക്ഷിക്കുന്നതിനും കര്‍ഷകനെ സഹായിക്കുന്നതിനുമായി സഹകരണ വകുപ്പ് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദീകരിക്കാമോ; (ബി)പാലക്കാട് ജില്ലയിലെ നെല്‍കര്‍ഷകര്‍ക്കായി എന്തെല്ലാം പ്രത്യേക പാക്കേജുകളാണ് സഹകരണവകുപ്പ് നടപ്പിലാക്കിയിട്ടുള്ളത്; വിശദീകരിക്കാമോ; (സി)കാര്‍ഷിക കടാശ്വാസ പദ്ധതി പ്രകാരം എത്ര കര്‍ഷകര്‍ക്ക് എത്ര രൂപയുടെ ആനുകൂല്യം നല്‍കി; വിശദമാക്കാമോ; (ഡി)കേരളത്തിലെ കര്‍ഷകര്‍ക്ക് നബാര്‍ഡിന്റെ ധനസഹായം ലഭ്യമാക്കുന്നതിന് എന്തെല്ലാം നടപടികള്‍ സ്വീകരിച്ചു; എന്ത് തുകയുടെ ധനസഹായം നബാര്‍ഡ് നല്‍കി; വിശദാംശം നല്‍കുമോ?
2141	പൊന്നാനി മണ്ഡലത്തില്‍ സഹകരണ മേഖലയില്‍ പ്രവര്‍ത്തിക്കുന്ന സ്ഥാപനങ്ങള് ശ്രീ. പി. ശ്രീരാമകൃഷ്ണന്‍ (എ)പൊന്നാനി മണ്ഡലത്തില്‍ സഹകരണ മേഖലയില്‍ പ്രവര്‍ത്തിക്കുന്ന സഥാപനങ്ങളുടെ പേരു വിവരം ഗ്രാമ പഞ്ചായത്ത് തിരിച്ച് ലഭ്യമാക്കുമോ; (ബി)ഇവയില്‍ ഏതെങ്കിലും ബാങ്കിനെതിരെയോ, ജീവനക്കാര്‍ക്കെതിരെയോ കേസ് രജിസ്റര്‍ ചെയ്തിട്ടുണ്ടോ; ഉണ്ടെങ്കില്‍ ബാങ്കിന്റെ പേരും, കേസിന്റെ വിശദാംശങ്ങളും ലഭ്യമാക്കുമോ?
2142	കോഴിക്കോട് ജില്ലാസഹകരണബാങ്ക് തെരഞ്ഞെടുപ്പ് ശ്രീ. കെ. കുഞ്ഞമ്മത് മാസ്റര്‍ (എ)കോഴിക്കോട് ജില്ലാസഹകരണ ബാങ്ക് തെരഞ്ഞെടുപ്പുമായി ബന്ധപ്പെട്ട് പരാതി ലഭിച്ചോയെന്നും എന്തായിരുന്നു പരാതിയെന്നും വ്യക്തമാക്കുമോ ; (ബി)പ്രസ്തുത തെരഞ്ഞെടുപ്പില്‍ വോട്ടവകാശമുള്ള എത്ര സംഘങ്ങള്‍ ഉണ്ടായിരുന്നുവെന്നും അവ ഏതെല്ലാമാണെന്നും വ്യക്തമാക്കുമോ ; (സി)എത്ര സംഘങ്ങള്‍ വോട്ടുചെയ്തുവെന്നും അവ ഏതൊക്കെയെന്നും വ്യക്തമാക്കുമോ ; (ഡി)കോടതി ഉത്തരവുമായി ഏതെല്ലാം സംഘങ്ങള്‍ വോട്ടുചെയ്തുവെന്ന് വ്യക്തമാക്കുമോ ; (ഇ)സമാപ്തീകരണത്തിന് നടപടികളായിട്ടുള്ള ഏതെങ്കിലും സംഘങ്ങള്‍ പ്രസ്തുത തെരഞ്ഞെടുപ്പില്‍ വോട്ടുചെയ്തിട്ടുണ്ടെങ്കില്‍ അവ ഏതെല്ലാമാണെന്ന് വ്യക്തമാക്കുമോ ?
2143	കാടുകുറ്റി സര്‍വ്വീസ് സഹകരണ ബാങ്ക് ശ്രീ. ബി. ഡി. ദേവസ്സി (എ)കാടുകുറ്റി സര്‍വ്വീസ് സഹകരണ ബാങ്കിന്റെ ക്ളാസിഫിക്കേഷന്‍, ക്ളാസ് ക ആക്കുന്നതിനും, ബാങ്കിന്റെ ചെറുവാളൂര്‍ എക്സ്റന്‍ഷന്‍ കൌണ്ടര്‍ ബ്രാഞ്ചാക്കി മാറ്റുന്നതിനുമുള്ള അപേക്ഷകളിന്മേല്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ ; (ബി)പ്രസ്തുത അപേക്ഷകളിന്മേല്‍ അടിയന്തിര നടപടികള്‍ സ്വീകരിക്കുമോയെന്ന് വ്യക്തമാക്കുമോ ?
2144	സംസ്ഥാന സഹകരണയൂണിയന്റെ പ്രധാന പ്രവര്‍ത്തനങ്ങള്‍ ശ്രീ.പി.എ.മാധവന്‍ ,, എ.റ്റി.ജോര്‍ജ് ,,ഹൈബി ഈഡന്‍ ,, വി.പി.സജീന്ദ്രന്‍ (എ)സംസ്ഥാനത്തെ സഹകരണയൂണിയന്റെ പ്രധാന പ്രവര്‍ത്തനങ്ങള്‍ വിശദമാക്കുമോ; (ബി)സംസ്ഥാന സഹകരണ യൂണിയനിലെ ജീവനക്കാരുടെ നിയമനരീതി എപ്രകാരമാണ്; വിശദമാക്കുമോ; (സി)സംസ്ഥാന സഹകരണ യൂണിയനില്‍ നിലവില്‍ എത്ര ജീവനക്കാരുണ്ട്; (ഡി)സംസ്ഥാന സഹകരണ യൂണിയന്റെ സാമ്പത്തികസ്ഥിതി വിലയിരുത്തിയിട്ടുണ്ടോ; എങ്കില്‍ വിശദാംശങ്ങള്‍ നല്‍കുമോ; (ഇ)യൂണിയന്റെ സാമ്പത്തിക സ്ഥിതി മെച്ചപ്പെടുത്തുന്നതിന് എന്തെല്ലാം നടപടികള്‍ സ്വീകരിക്കുവാന്‍ ഉദ്ദേശിക്കുന്നുവെന്ന് വ്യക്തമാക്കുമോ?
2145	സര്‍ക്കാര്‍ ജീവനക്കാരുടെ നേതൃത്വത്തിലുള്ള സഹകരണ സംഘങ്ങള്‍ ശ്രീ. അബ്ദുറഹിമാന്‍ രണ്ടത്താണി (എ)സംസ്ഥാനത്ത് സര്‍ക്കാര്‍ ജീവനക്കാരുടെ നേതൃത്വത്തില്‍ എത്ര സഹകരണ സംഘങ്ങള്‍ പ്രവൃത്തിക്കുന്നുണ്ടെന്ന് വ്യക്തമാക്കാമോ ; (ബി)ഇത്തരം സഹകരണ സംഘങ്ങളുടെ ഡയറക്ടര്‍ ബോര്‍ഡിലേക്ക് തെരഞ്ഞെടുക്കപ്പെടുന്നവര്‍ സര്‍ക്കാര്‍ ജീവനക്കാര്‍ മാത്രമാണോയെന്ന് പരിശോധിക്കുന്നതിന് എന്തെങ്കിലും സംവിധാനം ഏര്‍പ്പെടുത്തിയിട്ടുണ്ടോയെന്ന് വ്യക്തമാക്കാമോ ; (സി)ഇത്തരം സഹകരണ സംഘങ്ങളിലെ ഡയറക്ടര്‍ ബോര്‍ഡിലേക്ക് തെരഞ്ഞെടുക്കപ്പെടുന്ന ജീവനക്കാര്‍ ബന്ധപ്പെട്ട വകുപ്പുകളില്‍ നിന്ന് എന്തെല്ലാം അനുമതികള്‍ വാങ്ങണമെന്ന് വ്യക്തമാക്കാമോ ?
2146	സഹകരണ ഓഫീസുകള്‍ക്ക് ആസ്ഥാന മന്ദിരം ശ്രീ.കെ. മുരളീധരന്‍ ,, എം.എ. വാഹീദ് ,, പാലോട് രവി ,, ആര്‍ സെല്‍വരാജ് (എ)തിരുവനന്തപുരം നഗരത്തില്‍ സഹകരണ വകുപ്പിന്‍കീഴില്‍ ഏതെല്ലാം ഓഫീസുകളാണ് പ്രവര്‍ത്തിക്കുന്നത്; (ബി)വര്‍ഷങ്ങളായി സൌകര്യപ്രദമല്ലാത്ത വാടകകെട്ടിടങ്ങളില്‍ പ്രവര്‍ത്തിക്കുന്ന ഓഫീസുകള്‍ ഒരേ സ്ഥലത്ത് പ്രവര്‍ത്തിക്കുന്നതിനായി ഒരു ആസ്ഥാന മന്ദിരം നിര്‍മ്മിക്കുന്നതിന് നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ; (സി)ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ ?
2147	'കേപ്പി'ന്റെ കീഴില്‍ പ്രവര്‍ത്തിച്ചു വരുന്ന വിദ്യാഭ്യാസ സ്ഥാപനങ്ങള്‍ ശ്രീ. റ്റി. എന്‍. പ്രതാപന്‍ ,, ബെന്നി ബെഹനാന്‍ ,, വര്‍ക്കല കഹാര്‍ ,, വി. ഡി. സതീശന്‍ (എ)'കേപ്പി'ന്റെ കീഴില്‍ ഇപ്പോള്‍ പ്രവര്‍ത്തിച്ചു വരുന്ന വിദ്യാഭ്യാസ സ്ഥാപനങ്ങള്‍ ഏതെല്ലാമാണ്; (ബി)അടുത്ത അദ്ധ്യയന വര്‍ഷം പ്രവര്‍ത്തനം ആരംഭിക്കുവാന്‍ ഉദ്ദേശിക്കുന്ന സ്ഥാപനങ്ങള്‍ ഏതെല്ലാം; (സി)അവ പ്രവര്‍ത്തിക്കുന്നതിനാവശ്യമായ എന്‍.ഒ.സി ബന്ധപ്പെട്ട വകുപ്പുകളില്‍ നിന്നും ലഭിച്ചിട്ടുണ്ടോ; ഇല്ലെങ്കില്‍ കാരണം വിശദമാക്കുമോ; (ഡി)പ്രസ്തുത സ്ഥാപനങ്ങളുടെ കെട്ടിട നിര്‍മ്മാണ പ്രവര്‍ത്തനങ്ങള്‍ പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ എത്ര കാലത്തിനുളളില്‍ പൂര്‍ത്തിയാക്കി പ്രവര്‍ത്തനം ആരംഭിക്കുവാന്‍ കഴിയുമെന്ന് വിശദമാക്കുമോ; (ഇ)'കേപ്പി'ന്റെ പ്രവര്‍ത്തനം പുതിയ മേഖലകളിലേക്ക് വ്യാപിപ്പിക്കുവാന്‍ ഉദ്ദേശിക്കുന്നുണ്ടോ; എങ്കില്‍ ഏതെല്ലാം മേഖലകളിലെന്ന് വിശദമാക്കുമോ?
2148	മരണപ്പെടുന്നവരുടെ വായ്പയില്‍ ഇളവ് ശ്രീ. ഡൊമിനിക് പ്രസന്റേഷന്‍ ,, കെ. മുരളീധരന്‍ ,, എം.എ. വാഹീദ് ,, കെ. ശിവദാസന്‍ നായര്‍ (എ)സഹകരണ സംഘങ്ങളില്‍ നിന്ന് വായ്പ എടുത്തശേഷം മരണപ്പടുന്നവരുടെ വായ്പയില്‍ ഇളവ് നല്‍കുന്ന പദ്ധതിക്ക് രൂപം നല്‍കിയിട്ടുണ്ടോ; വിശദമാക്കുമോ; (ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; (സി)എത്ര രൂപയുടെ ഇളവാണ് പ്രസ്തുത പദ്ധതി മുഖേന നല്‍കുന്നത്; വിശദമാക്കുമോ; (ഡി)വായ്പ എടുത്ത ശേഷം മരണമടഞ്ഞവരുടെ കുടുംബാംഗങ്ങള്‍ക്കും മാരക രോഗബാധിതര്‍ക്കും എന്തെല്ലാം ഇളവുകളാണ് പദ്ധതിവഴി ലഭിക്കുന്നത്; വിശദാംശങ്ങള്‍ ലഭ്യമാക്കുമോ?
2149	സംസ്ഥാന സഹകരണ ബാങ്കിലെയും ജില്ലാ സഹകരണ ബാങ്കിലേയും നിയമനം ശ്രീ. എ. റ്റി. ജോര്‍ജ് (എ)സംസ്ഥാന സഹകരണ ബാങ്കിലെയും ജില്ലാ സഹകരണ ബാങ്കിലെയും പ്രവേശന തസ്തികകളിലെ നിയമനം പൂര്‍ണ്ണമായും പി.എസ്.സി. മുഖേനയാണോ നടത്തിവരുന്നതെന്ന് വ്യക്തമാക്കുമോ; (ബി)സംസ്ഥാന സഹകരണ ബാങ്കില്‍ പി.എസ്.സി. മുഖേന നിയമനം നടത്തേണ്ട തസ്തികകള്‍ ഏതെല്ലാം; ഓരോന്നിനും എത്രപേര്‍ക്കുള്ള നിയമനമാണ് അനുദിച്ചിട്ടുള്ളത് ; അവയില്‍ പി.എസ്.സി. മുഖേന നിയമനം നേടിയവര്‍ എത്ര പേര്‍ ഇപ്പോള്‍ ജോലി ചെയ്യുന്നു; ഒഴിഞ്ഞുകിടക്കുന്നവ എത്ര; (സി)സംസ്ഥാനത്തെ ജില്ലാ സഹകരണ ബാങ്കുകളിലെ പ്രവേശന തസ്തികളിലെ നിയമന രീതി വിശദമാക്കുമോ; ഓരോ ബാങ്കുകളിലും ഏതെല്ലാം തസ്തികകളിലെ നിയമനമാണ്. പി.എസ്.സി. മുഖേന നടത്തുന്നത്; പ്രസ്തുത തസ്തികകളില്‍ ഓരോന്നിലും ഓരോ ജില്ലാ സഹകരണ ബാങ്കിലും എത്ര പേര്‍ക്കുള്ള നിയമനമാണ് അനുവദിച്ചിട്ടുള്ളത്; അവയില്‍ പി.എസ്.സി. മുഖേന നിയമനം നേടിയവര്‍ എത്ര; ശേഷിക്കുന്ന ഒഴിവുകളില്‍ പി.എസ്.സിയ്ക്ക് റിപ്പോര്‍ട്ട് ചെയ്തിട്ടുള്ളത് എത്ര; (ഡി)പി.എസ്.സി. മുഖേന നിയമനം നട ത്തണ്ട തസ്തികകളില്‍ പി.എസ്.സി. മുഖേനയല്ലാതെ നിയമനം നേടിയവര്‍ ആരെങ്കിലും ജോലി ചെയ്യുന്നതായി ശ്രദ്ധയില്‍പ്പെട്ടിട്ടുണ്ടോ; (ഇ)സംസ്ഥാന സഹകരണ ബാങ്കിലെയും ജില്ലാ സഹകരണ ബാങ്കുകളിലെയും മുഴുവന്‍ ഒഴിവുകളും പി.എസ്.സി.ക്ക് റിപ്പോര്‍ട്ട് ചെയ്യാന്‍ നടപടി സ്വീകരിക്കുമോ?
2150	വി. ആര്‍. എസ്. ആനുകൂല്യങ്ങള്‍ ശ്രീ. എം. വി. ശ്രേയാംസ് കുമാര്‍ (എ)സംസ്ഥാന സഹകരണ ബാങ്കില്‍ നിന്നും ജീവനക്കാര്‍ക്ക് വി. ആര്‍. എസ് എടുക്കുന്നതിനുള്ള മാനദണ്ഡങ്ങള്‍ വിശദമാക്കുമോ; (ബി)ഇപ്രകാരം വി. ആര്‍. എസ് എടുക്കുന്ന ജീവനക്കാര്‍ക്ക് നല്‍കിവരുന്ന ആനുകൂല്യങ്ങള്‍ എന്തെല്ലാം; അവ ലഭിക്കുന്നതിനുള്ള നടപടിക്രമങ്ങള്‍ എന്തെല്ലാം; വിശദമാക്കുമോ; (സി)തിരുവനന്തപുരം കോളിയൂര്‍ സര്‍വ്വീസ് സഹകരണ ബാങ്കില്‍ നിന്നും വി.ആര്‍. എസ് എടുത്ത ശ്രീ. രാമചന്ദ്രന്‍ നായര്‍ക്ക് ആയതിന്റെ ആനുകൂല്യങ്ങള്‍ ലഭിക്കാത്തതു ശ്രദ്ധയില്‍പ്പെട്ടിട്ടുണ്ടോ; ആനുകൂല്യങ്ങള്‍ നല്‍കാത്തതിനുളള കാരണം വ്യക്തമാക്കാമോ; (ഡി)ശ്രീ. രാമചന്ദ്രന്‍ നായര്‍ക്ക് അര്‍ഹമായ എല്ലാ ആനുകൂല്യങ്ങളും നല്‍കുന്നതിന് നടപടി സ്വീകരിക്കുമോ?
2151	ഖാദി ഗ്രാമ വ്യവസായ യൂണിറ്റുകളുടെ ശോച്യാവസ്ഥ ശ്രീ. അബ്ദുറഹിമാന്‍ രണ്ടത്താണി (എ)കേരളത്തിലെ ഖാദി ഗ്രാമ വ്യവസായ യൂണിറ്റുകളുടെ ശോച്യാവസ്ഥ ശ്രദ്ധയില്‍പ്പെട്ടിട്ടുണ്ടോ; (ബി)വന്‍ തകര്‍ച്ച നേരിടുന്ന പ്രസ്തുത യൂണിറ്റുകളെ പുനരുദ്ധരിക്കുവാന്‍ എന്തെല്ലാം നടപടികള്‍ കൈക്കൊള്ളുന്നുവെന്ന് വ്യക്തമാക്കാമോ; (സി)ഖാദി ഗ്രാമ വ്യവസായ യൂണിറ്റുകളുടെ പുനരുദ്ധാരണത്തിന് രണ്ട് വര്‍ഷത്തിനുള്ളില്‍ ലഭ്യമായ കേന്ദ്ര-സംസ്ഥാന ഫണ്ടുകളുടെ വിശദാംശങ്ങള്‍ ലഭ്യമാക്കാമോ?
2152	നദികളെ മാലിന്യവിമുക്തമാക്കുന്നതിനുള്ള സമഗ്രപദ്ധതി ശ്രീ. വി. എം. ഉമ്മര്‍ മാസ്റര്‍ ,, റ്റി. എ. അഹമ്മദ് കബീര്‍ ,, എന്‍. ഷംസുദ്ദീന്‍ ,, പി. ബി. അബ്ദുള്‍ റസാക് (എ)നദികളിലെ മലിനീകരണം നിമിത്തം നദീജലജീവികള്‍ കൂട്ടത്തോടെ ചത്തൊടുങ്ങുന്ന അവസ്ഥ ശ്രദ്ധയില്‍പ്പെട്ടിട്ടുണ്ടോ ; ഇക്കാര്യത്തില്‍ അടിയന്തിര പരിഹാര നടപടി സ്വീകരിക്കുമോ ; (ബി)നദീതീരങ്ങളോട് ചേര്‍ന്നുള്ള വ്യവസായശാലകളില്‍ നിന്നും, പട്ടണങ്ങളില്‍ നിന്നുമുള്ള മാലിന്യങ്ങള്‍ നദികളിലേയ്ക്ക് ഒഴുക്കിവിട്ട് അവയെ മലിനമാക്കുന്ന സ്ഥിതിവിശേഷം നിയന്ത്രിക്കാന്‍ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ; (സി)സംസ്ഥാനത്തെ നദികളെ മാലിന്യവിമുക്തമാക്കുന്നതിനുള്ള സമഗ്ര പദ്ധതികളെന്തെങ്കിലും മലിനീകരണ നിയന്ത്രണ വകുപ്പ് ആസൂത്രണം ചെയ്തു നടപ്പിലാക്കാന്‍ ഉദ്ദശിക്കുന്നുണ്ടോ ; എങ്കില്‍ അതിന്റെ വിശദാംശം നല്‍കാമോ?
2153	കാപ്പിതോടിനെ മാലിന്യമുക്തമാക്കാന്‍ നടപടി ശ്രീ. ജി. സുധാകരന്‍ (എ)ആലപ്പുഴയിലെ കാപ്പിതോടിലേയ്ക്ക് ചെമ്മീന്‍ ഫാക്ടറികളില്‍ നിന്നുളള മാലിന്യങ്ങളും മലിനജലവും ഒഴുക്കി വിട്ടുകൊണ്ടിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; (ബി)പ്രസ്തുത മാലിന്യം നിറഞ്ഞ തോട്ടില്‍ നിന്നുള്ള വിഷവായു ശ്വസിച്ച് വിദ്യാര്‍ത്ഥികള്‍ക്കും പ്രദേശവാസികള്‍ക്കും ദേഹാസ്വാസ്ഥ്യവും രോഗങ്ങളുമുണ്ടാകുന്നതായ പരാതി ശ്രദ്ധയില്‍പ്പെട്ടിട്ടുണ്ടോ; (സി)ഫാക്ടറികളില്‍ നിന്നുളള മാലിന്യങ്ങള്‍ ഒഴുക്കി വിടുന്നത് തടയുന്നതിനും തോടിനെ മാലിന്യമുക്തമാക്കി ജനങ്ങള്‍ നേരിടുന്ന ബുദ്ധിമുട്ട് പരിഹരിക്കുവാനും എന്തെല്ലാം നടപടി സ്വീകരിച്ചുവെന്ന് വ്യക്തമാക്കുമോ?
<<back

Website maintained by Information System Section, Kerala Legislative Assembly, Thiruvananthapuram.