Questions

മലയോര വികസന ഏജന്‍സിയുടെ പ്രവര്‍ത്തനം

ശ്രീ. കെ. കെ. ജയചന്ദ്രന്‍

(എ)മലയോര വികസനത്തിനായി നടപ്പു സാമ്പത്തിക വര്‍ഷത്തെ ബജറ്റില്‍ എത്ര തുകയാണ് നീക്കിവച്ചിട്ടുള്ളത്;

(ബി)മലയോര വികസന ഏജന്‍സി നിലവില്‍ പ്രവര്‍ത്തിക്കുന്നുണ്ടോ;

(സി)എങ്കില്‍ എന്തെല്ലാം പ്രവര്‍ത്തനങ്ങളാണ് പ്രസ്തുത ഏജന്‍സി ഏറ്റെടുത്ത് നടത്തുന്നത്;

(ഡി)ബഡ്ജറ്റില്‍ വകയിരുത്തിയ തുക എത്രമാത്രം ചെലവഴിച്ചു എന്ന് വ്യക്തമാക്കാമാ?

വിദ്യാഭ്യാസ വായ്പകള്‍

ശ്രീ. കെ.അജിത്

(എ)സംസ്ഥാനത്തെ ബാങ്കുകള്‍ വിദ്യാഭ്യാസ വായ്പകള്‍ നല്‍കാന്‍ വൈമുഖ്യം കാട്ടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)ബാങ്കുകള്‍ വിദ്യാഭ്യാസ വായ്പകള്‍ നല്‍കുന്നതിന് ഏരിയ തിരിച്ച് അപേക്ഷകള്‍ സ്വീകരിക്കുന്ന പ്രവണത ശ്രദ്ധയില്‍പ്പെട്ടിട്ടുണ്ടോ എന്നും ഇത് നിയമപരമാണോ എന്നും നിയമപരമല്ലായെങ്കില്‍ ഇക്കാര്യത്തില്‍ വ്യക്തത കൈവരുത്താന്‍ ബാങ്കുകള്‍ക്ക് ആവശ്യമായ നിര്‍ദ്ദേശം നല്‍കുമോ എന്നും വ്യക്തമാക്കുമോ;

(സി)വിദ്യാഭ്യാസ വായ്പയ്ക്ക് ഏത് വര്‍ഷം വരെയാണ് താഴ്ന്നവരുമാനക്കാര്‍ക്ക് പലിശ ഇളവ് നല്‍കുന്നതെന്ന് വ്യക്തമാക്കുമോ;

കൃതിക കൈത്തറി പ്രോജക്ടിന്റെ ലക്ഷ്യവും പ്രവര്‍ത്തനവും

ശ്രീ.ഇ.പി. ജയരാജന്‍

(എ)സംസ്ഥാനത്ത് ഏതെല്ലാം ജില്ലകളിലാണ് “കൃതിക കൈത്തറി പ്രോജക്ട ്” നടപ്പിലാക്കിയിട്ടുള്ളത്;

(ബി)“കൃതിക കൈത്തറി പ്രോജക്ടി”ന്റെ ലക്ഷ്യങ്ങള്‍ വിശദീകരിക്കുമോ;

(സി)പ്രസ്തുത പദ്ധതി ആരംഭിച്ചതെപ്പോഴാണെന്നു അറിയിക്കുമോ;

(ഡി)കണ്ണൂര്‍ ജില്ലയിലെ ഏതെല്ലാം വികസന ബ്ളോക്കുകളിലാണ് പദ്ധതി നടപ്പിലാക്കുന്നത്;

(ഇ)ഇതിനായി എത്ര തുകയുടെ പദ്ധതിക്കാണ് ഭരണാനുമതി നല്‍കിയിട്ടുള്ളത്;

(എഫ്)ഇതില്‍ എത്ര തുക കേന്ദ്രവിഹിതമുണ്ടെന്നും എത്ര തുക സംസ്ഥാന വിഹിതമുണ്ടെന്നും വെളിപ്പെടുത്തുമോ;

(ജി)ഇതിനോടകം കേന്ദ്ര വിഹിതമായി എത്ര തുക ലഭിച്ചു കഴിഞ്ഞു; സംസ്ഥാന വിഹിതമായി എത്ര തുക ലഭിച്ചു കഴിഞ്ഞു; ബാക്കി കേന്ദ്ര വിഹിതവും സംസ്ഥാന വിഹിതവും ലഭ്യമാക്കുന്നതിന് എന്തു നടപടി സ്വീകരിച്ചിട്ടുണ്ടെന്നു വെളിപ്പെടുത്തുമോ ?

തൂണേരി ബ്ളോക്ക് നിട്ടൂര്‍-മലയാടപ്പൊയില്‍ റോഡ് നിര്‍മ്മാണം പൂര്‍ത്തിയാക്കുന്നതിന് പുതുക്കിയ എസ്റിമേറ്റ്

ശ്രീമതി കെ. കെ.ലതിക

(എ)കോഴിക്കോട് ജില്ല തൂണേരി ബ്ളോക്ക് നിട്ടൂര്‍-മലയാടപ്പൊയില്‍ റോഡ് നിര്‍മ്മാണം പൂര്‍ത്തിയാക്കുന്നതിന് പുതുക്കിയ എസ്റിമേറ്റ് സമര്‍പ്പിച്ചിട്ടുണ്ടോ; എസ്റിമേറ്റ് സംഖ്യ വ്യക്തമാക്കുമോ;

(ബി)എസ്റിമേറ്റിലുണ്ടായ വര്‍ദ്ധനവ് നല്‍കുന്നതിന,് ആദ്യത്തെ കരാറുകാരന് നല്‍കാതെയിരുന്ന ബില്ലുകളുടെ തുക ഉപയോഗിക്കുവാന്‍ കഴിയുമോ എന്ന് വ്യക്തമാക്കുമോ;

(സി)കരാറില്‍ നിന്നും പിന്‍മാറിയ കരാറുകാരന്‍ ചെയ്ത പ്രവൃത്തികളില്‍ എന്തൊക്കെ പ്രവൃത്തികള്‍ വീണ്ടും ചെയ്യേണ്ടിവരുമെന്ന് വ്യക്തമാക്കുമോ;

(ഡി)വീണ്ടും ചെയ്യേണ്ടിവരുന്ന പ്രവൃത്തികള്‍ക്കുള്ള തുക ടിയാന് നല്‍കാനുള്ള തുകയില്‍ നിന്നും ഈടാക്കി നല്‍കുവാന്‍ കഴിയുമോ എന്ന് വ്യക്തമാക്കുമോ?

നിട്ടൂര്‍-മലയാടപ്പൊയില്‍ റോഡുപണിയില്‍നിന്നും പിന്മാറിയ കരാറുകാരന്‍ സമര്‍പ്പിച്ച ബില്ലുകളുടെ പണം നല്‍കാതിരിക്കല്‍

ശ്രീമതി. കെ. കെ. ലതിക

(എ)കോഴിക്കോട് തൂണേരി ബ്ളോക്ക് നിട്ടൂര്‍-മലയാടപ്പൊയില്‍ റോഡ് പണിയുടെ കരാറില്‍നിന്നും പിന്മാറിയ കരാറുകാരന്‍ എത്ര തുകയുടെ ബില്ല് സമര്‍പ്പിച്ചിട്ടുണ്ടെന്നും ആയതില്‍ എത്ര തുക നല്‍കിയിട്ടുണ്ടെന്നും വ്യക്തമാക്കുമോ;

(ബി)കരാറുകാരന്‍ സമര്‍പ്പിച്ച ബില്ലുകളുടെ ആകെ തുക കരാര്‍ സംഖ്യയുടെ എത്ര ശതമാനം വരുമെന്നും പൊതുമരാമത്ത് വകുപ്പ് നിരക്ക് വര്‍ദ്ധനയുടെ സാഹചര്യത്തില്‍ പ്രസ്തുത ബില്ലുകള്‍ക്കുള്ള തുകയുടെ പ്രവൃത്തി ഇപ്പോള്‍ ചെയ്ത് തീര്‍ക്കണമെങ്കില്‍ കരാര്‍ തുകയുടെ എത്ര ശതമാനം വര്‍ദ്ധനവ് നല്‍കേണ്ടിവരുമെന്നും വ്യക്തമാക്കുമോ;

(സി)പ്രസ്തുത കരാറുകാരന്‍ സമര്‍പ്പിച്ച ബില്ലുകളുടെ പണം നല്‍കാതിരുന്നത് എന്തുകൊണ്ടാണെന്ന് വ്യക്തമാക്കുമോ ?

സംസ്ഥാന ആസൂത്രണബോര്‍ഡിന്റെ കൃഷിവിഭാഗത്തിന്റെ പ്രധാനപ്രവര്‍ത്തനങ്ങള്‍

ശ്രീ. എം. വി. ശ്രേയാംസ് കുമാര്‍

(എ)സംസ്ഥാന ആസൂത്രണബോര്‍ഡിന്റെ കൃഷിവിഭാഗത്തിന്റെ 2011-12, 2012-13 എന്നീ വര്‍ഷങ്ങളിലെ പ്രധാനപ്രവര്‍ത്തനങ്ങള്‍ വ്യക്തമാക്കുമോ;

(ബി)പ്രസ്തുതവിഭാഗം സംസ്ഥാനത്തെ കാര്‍ഷികമേഖലയില്‍ ഉടലെടുക്കുന്ന പ്രശ്നങ്ങള്‍ സംബന്ധിച്ചു പഠനം നടത്തിയിട്ടുണ്ടോ; വിശദമാക്കുമോ;

(സി)എങ്കില്‍ പഠനം സംബന്ധിച്ച റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

അര്‍ഹരായവരെയെല്ലാം ഉള്‍പ്പെടുത്തിക്കൊണ്ടുള്ളി.പി.എല്‍. ലിസ്റ് തയ്യാറാക്കല്‍

ശ്രീ. പി. ഉബൈദുള്ള

,, പി. കെ. ബഷീര്‍

,, എന്‍. ഷംസുദ്ദീന്‍

,, അബ്ദുറഹിമാന്‍ രണ്ടത്താണി

(എ)സംസ്ഥാനത്തെ എ.പി.എല്‍/ബി.പി.എല്‍. കുടുംബങ്ങളെ നിശ്ചയിച്ച് ലിസ്റ് തയ്യാറാക്കിയതില്‍ വന്‍വിവേചനമുണ്ടായിട്ടുണ്ടെന്നും മാനദണ്ഡപ്രകാരം ബി.പി.എല്‍. പട്ടികയില്‍പെടേണ്ട നിരവധി കുടുംബങ്ങള്‍ ഒഴിവാക്കപ്പെട്ടിട്ടുണ്ടെന്നുമുള്ള പരാതികള്‍ ശ്രദ്ധയില്‍പ്പെട്ടിട്ടുണ്ടോ;

(ബി)മുഖ്യമന്ത്രിയുടെ ജനസമ്പര്‍ക്ക പരിപാടിയില്‍ ലഭിച്ച പരാതികളില്‍ ബഹുഭൂരിപക്ഷവും പ്രസ്തുത വിഷയം സംബന്ധിച്ചായിരുന്നു എന്നകാര്യം പരിശോധിച്ചിട്ടുണ്ടോ; പ്രസ്തുത വിഷയത്തില്‍ എത്ര പരാതികളാണ് ലഭിച്ചത്;

(സി)കൃത്യമായ മാനദണ്ഡത്തിന്റെ അടിസ്ഥാനത്തില്‍ കുറ്റമറ്റപരിശോധനകള്‍ നടത്തി അര്‍ഹരായവരെയെല്ലാം ഉള്‍പ്പെടുത്തിക്കൊണ്ടുള്ള ബി.പിഎല്‍. ലിസ്റ് തയ്യാറാക്കി പ്രസിദ്ധപ്പെടുത്താന്‍ അടിയന്തിര നടപടി സ്വീകരിക്കുമോ ?

ക്ഷീരോല്‍പാദന വികസന പദ്ധതികള്‍

ശ്രീ. ചിറ്റയം ഗോപകുമാര്‍

(എ)ക്ഷീരോല്‍പാദനച്ചെലവ് ക്രമാതീതമായി വര്‍ദ്ധിച്ചിരിക്കുന്നതിനാല്‍ അതുമായി ബന്ധപ്പെടുത്തി പരിഗണിക്കുമ്പോള്‍ പാല്‍ വില തികച്ചും പര്യാപ്തമല്ല എന്ന് ശ്രദ്ധയില്‍പ്പെട്ടിട്ടുണ്ടോ;

(ബി)പ്രസ്തുത മേഖലയില്‍ പ്രവര്‍ത്തിക്കുന്നവരെ നിലനിര്‍ത്തുന്നതിന് ഏതെല്ലാം പദ്ധതികളാണ് നിലവിലുള്ളത്;

(സി)ഈ മേഖലയിലെ കാലികമായ പ്രതിസന്ധിപരിഗണിച്ച് പുതിയ എന്തെങ്കിലും പദ്ധതി നടപ്പിലാക്കുന്നതിന് ഉദ്ദേശിക്കുന്നുണ്ടോ; എങ്കില്‍ ആയതിന്റെ വിശദാംശം അറിയിക്കുമോ;

(ഡി)പാല്‍ വില വര്‍ദ്ധിപ്പിക്കാതെ ക്ഷിരോല്‍പാദനച്ചെലവ് കുറയ്ക്കുന്നതിനുവേണ്ടി കാലോചിതമായ നടപടിക്ക് തയ്യാറാകുമോ?

പാല്‍ ഉല്പാദനത്തില്‍ സ്വയംപര്യാപ്തത

ശ്രീ. മുല്ലക്കര രത്നാകരന്‍

സംസ്ഥാനത്ത് ആവശ്യമുള്ള പാലിന്റെ മുഖ്യപങ്കും അന്യസംസ്ഥാനങ്ങളില്‍നിന്നും വരുന്ന സാഹചര്യത്തില്‍ പാല്‍ ഉല്പാദനത്തില്‍ സ്വയംപര്യാപ്തത കൈവരിക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ട് ; വിശദമാക്കുമോ?

പശുഗ്രാമം പദ്ധതി

ശ്രീ. കെ. കുഞ്ഞമ്മത് മാസ്റര്‍

(എ)പശുഗ്രാമം പദ്ധതിയില്‍ ഉള്‍പ്പെടുത്തി കോഴിക്കോട് ജില്ലയിലെ ക്ഷീരകര്‍ഷകര്‍ക്ക് പശുക്കളെ വാങ്ങുന്നതിന് എപ്പോഴാണ് ലോണ്‍ അനുവദിച്ചിട്ടുള്ളത് എന്ന് വെളിപ്പെടുത്തുമോ;

(ബി)പശുക്കളെ എവിടെ നിന്നാണ് വാങ്ങിയതെന്നും, പശുക്കളെ രോഗ പരിശോധന നടത്തിയിരുന്നോ എന്നും വെളിപ്പെടുത്തുമോ;

(സി)പ്രസ്തുത പദ്ധതിപ്രകാരം വാങ്ങിയ പശുക്കളെല്ലാം രോഗം പിടിപെട്ട് ചത്തുപോയ കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)ബാങ്കിന്റെ ജപ്തി നടപടികളില്‍ നിന്ന് ഒഴിവാക്കി പ്രസ്തുത ക്ഷീര കര്‍ഷകരുടെ കടം എഴുതിത്തള്ളുന്നതിന് സര്‍ക്കാര്‍ നടപടികള്‍ സ്വീകരിക്കുമോ?

അന്യസംസ്ഥാനത്തു നിന്നുമുള്ള പാലിന്റെ ഗുണനിലവാരം

ശ്രീ. എം. പി. വിന്‍സെന്റ്

(എ)അന്യസംസ്ഥാനത്തുനിന്നും കൊണ്ടുവരുന്ന പാലിന്റെ ഗുണനിലവാരം ഉറപ്പാക്കുവാന്‍ എന്തൊക്കെ നടപടികള്‍ സ്വീകരിച്ചിട്ടുണ്ട് ;

(ബി)പാല്‍ ഉല്‍പാദനം വര്‍ദ്ധിപ്പിക്കുവാന്‍ സ്വീകരിച്ച പ്രധാന നടപടികള്‍ എന്തെല്ലാം ; വിശദമാക്കുമോ ?

ക്ഷീരകാര്‍ഷിക മേഖലയുടെ അഭിവൃദ്ധിയ്ക്ക് പദ്ധതി

ശ്രീ. റോഷി അഗസ്റിന്‍

,, പി.സി. ജോര്‍ജ്

ഡോ. എന്‍. ജയരാജ്

(എ)ക്ഷീരകാര്‍ഷിക മേഖലയെ അഭിവൃദ്ധിപ്പെടുത്തുന്നതിന് ഈ സര്‍ക്കാര്‍ നടപ്പാക്കിയിട്ടുള്ള പദ്ധതികള്‍ എന്തെല്ലാം;

(ബി)മുന്‍ വര്‍ഷങ്ങളെ അപേക്ഷിച്ച് പാല്‍ ഉല്‍പാദനരംഗത്ത് വളര്‍ച്ച കൈവരിക്കാന്‍ സാധിച്ചുവോ; ഇക്കാര്യത്തില്‍ മുന്നിട്ടു നില്‍ക്കുന്ന ജില്ലകള്‍ ഏതെല്ലാമാണ്; വിശദാംശങ്ങള്‍ നല്‍കുമോ;

(സി)ക്ഷീരകാര്‍ഷിക വൃത്തിയിലേക്ക് കൂടുതല്‍ ആളുകളെ ആകര്‍ഷിക്കുന്നതിനും പാലുല്പാദനത്തില്‍ സ്വയംപര്യാാപ്തത കൈവരിയ്ക്കുന്നതിനും 2013-14 ബജറ്റില്‍ കൂടുതല്‍ തുക വകയിരുത്താന്‍ നടപടി സ്വീകരിക്കുമോ?

തൊഴിലുറപ്പ് പദ്ധതിയില്‍ ക്ഷീരകര്‍ഷകരെ ഉള്‍പ്പെടുത്തല്‍

ശ്രീ. പി.റ്റി.എ. റഹീം

(എ) മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ക്ഷീരകര്‍ഷകരെ ഉള്‍പ്പെടുത്തുമെന്ന പ്രഖ്യാപനത്തിന് കേന്ദ്ര സര്‍ക്കാരിന്റെ അംഗീകാരം ലഭിച്ചിട്ടുണ്ടോ;

(ബി) ഈ പ്രഖ്യാപനം പ്രാബല്യത്തില്‍ വരുത്താന്‍ കാലതാമസം നേരിടുന്നത് എന്ത് കൊണ്ടാണ് ;

(സി) ക്ഷീരകര്‍ഷകരെ തൊഴിലുറപ്പ് പദ്ധതിയില്‍ എന്നു മുതല്‍ ഉള്‍പ്പെടുത്തും; ഇതു സംബന്ധിച്ച നിബന്ധനകള്‍ എന്തെല്ലാം; വിശദമാക്കാമോ?

ക്ഷീരകര്‍ഷകരെ രക്ഷിക്കാനായി നടപടികള്‍

ശ്രീമതി. കെ. എസ്. സലീഖ

(എ) കാലിത്തീറ്റയുടെ ദൌര്‍ലഭ്യവും വിലവര്‍ദ്ധനവും മൂലം ക്ഷീരോത്പാദന മേഖല ഇപ്പോള്‍ തകര്‍ച്ചയിലാണെന്ന വസ്തുത ശ്രദ്ധയില്‍പ്പെട്ടുവോ; വിശദമാക്കുമോ;

(ബി)ക്ഷീരകര്‍ഷകരെ രക്ഷിക്കാനായി പാല്‍ വില ലിറ്ററിന് 5 രൂപ കൂട്ടിയതു മൂലവും അതോടൊപ്പം കാലിത്തീറ്റയുടെ വില വര്‍ദ്ധന മൂലവും ക്ഷീരകര്‍ഷകരും ഉപഭോക്താക്കളും വിലവര്‍ദ്ധന നേരിടുന്നത് പരിഹരിക്കാന്‍ ആവശ്യമായ നടപടി സ്വീകരിക്കുമോ;

(സി)ചൂട് കനത്തതോടെ ഡിസംബര്‍, ജനുവരി മാസങ്ങളില്‍ പാലുല്‍പാദനത്തില്‍ ശരാശരി എത്ര ലിറ്ററിന്റെ കുറവാണ് വന്നിട്ടുള്ളത്;

(ഡി)സംസ്ഥാനത്ത് നിലവില്‍ എത്ര ലിറ്റര്‍ പാല്‍ വിവിധ ഏജന്‍സികള്‍ വഴി ഉത്പാദിപ്പിക്കുന്നു; പ്രതിദിനം എത്ര ലിറ്റര്‍ പാല്‍ സംസ്ഥാനത്ത് ആവശ്യമുണ്ട്; ബാക്കിയുള്ള പാല്‍ എപ്രകാരം സ്വരൂപിക്കുന്നു; വിശദമാക്കുമോ;

(ഇ)ക്ഷീര സംഘങ്ങളില്‍ പാല്‍ നല്‍കുന്ന കര്‍ഷകര്‍ക്ക് 50% സബ്സിഡി നിരക്കില്‍ കാലിത്തീറ്റ വഭ്യമാക്കുവാന്‍ നടപടി സ്വീകരിക്കുമോ; ക്ഷേമനിധി ബോര്‍ഡിലേക്ക് വാഗ്ദാനം ചെയ്ത ഒരുകോടി രൂപ കഴിയുന്നത്ര വേഗത്തില്‍ നല്‍കുവാന്‍ ആവശ്യമായ നടപടികള്‍ സ്വീകരിക്കുമോ;

(എഫ്)ക്ഷീര കര്‍ഷകര്‍ക്ക് പെന്‍ഷന്‍ 1,000/- രൂപയായി വര്‍ദ്ധിപ്പിക്കുവാന്‍ നടപടി സ്വീകരിക്കുമോ;

(ജി)ക്ഷീര കര്‍ഷകര്‍ക്ക്, പാല്‍ വില കൂട്ടുമ്പോള്‍ പ്രഖ്യാപിച്ച നിലയില്‍ കാലിത്തീറ്റ നല്‍കുവാന്‍ എപ്പോള്‍ കഴിയുമെന്ന് വ്യക്തമാക്കുമോ?

പാല്‍ ഉല്പാദനത്തില്‍ സ്വയം പര്യാപ്തത കൈവരിക്കാനായി നടപടി

ശ്രീ. കെ. കുഞ്ഞിരാമന്‍(ഉദുമ)

(എ)സംസ്ഥാനത്ത് ഒരു ദിവസം എത്ര ലിറ്റര്‍ പാലാണ് ആവശ്യമുള്ളത്; വ്യക്തമാക്കുമോ;

(ബി)സംസ്ഥാനത്തെ പ്രതിദിന പാല്‍ ഉല്പാദനം എത്രയാണ്;

(സി)സംസ്ഥാനത്തിന്റെ ഉപയോഗത്തിനാവശ്യമായതില്‍നിന്നും കുറവുവരുന്ന പാല്‍ എവിടെനിന്നാണ് ലഭിക്കുന്നത്; വിശദാംശങ്ങള്‍ അറിയിക്കുമോ;

(ഡി)പാല്‍ ഉല്പാദനരംഗത്ത് സ്വയംപര്യാപ്തതയ്ക്കായി ഈ സര്‍ക്കാര്‍ അധികാരത്തില്‍വന്നതിനുശേഷം എന്തെല്ലാം നടപടികള്‍ സ്വീകരിച്ചു; വിശദാംശങ്ങള്‍ അറിയിക്കുമോ ?

പായ്ക്കറ്റ് പാലുകളുടെ ഗുണനിലവാര പരിശോധന

ശ്രീ. പുരുഷന്‍ കടലുണ്ടി

(എ)സംസ്ഥാനത്തെ പ്രധാന ചെക്ക് പോസ്റുകളോടനുബന്ധിച്ച് അന്യസംസ്ഥാനത്ത് നിന്ന് വരുന്ന പാല്‍ പരിശോധിക്കാനായി സ്ഥിരം സംവിധാനം നിലവിലുണ്ടോ; വിശദാംശങ്ങള്‍ നല്‍കുമോ;

(ബി)ഇല്ലെങ്കില്‍ നിലവില്‍ പാല്‍ പരിശോധന നടത്തുന്നത് ഏതെല്ലാം സംവിധാനങ്ങളിലൂടെയാണ്;

(സി)സംസ്ഥാനത്ത് വില്‍ക്കപ്പെടുന്ന പായ്ക്കറ്റ് പാലുകളുടെ ഗുണനിലവാര പരിശോധനയില്‍ തൃപ്തികരമല്ലാത്തവയായി കഴിഞ്ഞ ഒരു വര്‍ഷത്തിനിടയ്ക്ക് കണ്ടെത്തിയ ബ്രാന്‍ഡുകള്‍ ഏതെല്ലാമാണ്; അവ ഉല്‍പ്പാദിപ്പിച്ചിരുന്നത് എവിടെയാണ്;

(ഡി)ഗുണനിലവാരം പുലര്‍ത്തുന്ന പായക്കറ്റ് പാല്‍ ബ്രാന്‍ഡുകളുടെ ലിസ്റ് നിലവിലുണ്ടോ; എങ്കില്‍ ആയത് ലഭ്യമാക്കുമോ?

ക്ഷീരകര്‍ഷകര്‍ക്ക് ക്ഷേമനിധി അംഗത്വം

ശ്രീ. പി. തിലോത്തമന്‍

(എ)ദീര്‍ഘകാലം പശുവളര്‍ത്തലും പശുക്കറവയും തൊഴിലായി കൊണ്ടുനടക്കുകയും ക്ഷേമനിധി അംഗത്വം എടുക്കുന്നതിനുമുമ്പുതന്നെ വാര്‍ദ്ധക്യ സഹജമായ അസുഖങ്ങള്‍മൂലം ഈ തൊഴില്‍മേഖലയില്‍ സജീവമായി തുടരാന്‍ കഴിയാതെ വരികയും ചെയ്ത ക്ഷീരകര്‍ഷകര്‍ക്ക് പെന്‍ഷന്‍ നല്‍കുമോ; ഇത്തരത്തില്‍പ്പെട്ട ക്ഷീര കര്‍ഷകര്‍ പെന്‍ഷനുവേണ്ടി അപേക്ഷ സമര്‍പ്പിച്ചിട്ടുണ്ടോ; ഇവ പരിഗണിക്കപ്പെട്ടിട്ടുണ്ടോ;

(ബി)പാലളക്കുന്ന ക്ഷീര സംഘങ്ങളില്‍ പാലളക്കുന്നതു സംബന്ധിച്ച രേഖകള്‍ സൂക്ഷിക്കണമെന്ന് നിര്‍ദ്ദേശിച്ചിട്ടുണ്ടോ; എങ്കില്‍ എത്രകാലം മുമ്പുവരെയുള്ള രേഖകള്‍ ഓരോ സംഘവും സൂക്ഷിക്കുന്നുണ്ട്; പഴയ രേഖകള്‍ ലഭിക്കുന്നതിന് നിരക്ഷരരും വൃദ്ധരുമായ മുന്‍കാല ക്ഷീരകര്‍ഷകര്‍ സംഘങ്ങളെ സമീപിച്ചിട്ടും അവ ലഭ്യമാക്കാത്തത് ശ്രദ്ധയില്‍പ്പെട്ടിട്ടുണ്ടോ; ഇതുമൂലം വൃദ്ധരും രോഗികളുമായ ക്ഷീരകര്‍ഷകര്‍ക്ക് പെന്‍ഷന്‍ നിഷേധിക്കപ്പെടുന്ന അവസ്ഥ ബോധ്യപ്പെട്ടിട്ടുണ്ടോ; ഇത്തരം ക്ഷീരകര്‍ഷകര്‍ക്ക് പെന്‍ഷന്‍ നല്‍കാന്‍ നടപടി സ്വീകരിക്കുമോ; വിശദമാക്കുമോ;

(സി)ചേര്‍ത്തല വാരനാട് പടിഞ്ഞാറെ ഇരവിമംഗലം വീട്ടില്‍ രാധാമണിയമ്മ ക്ഷീരകര്‍ഷക പെന്‍ഷന് അപേക്ഷ സമര്‍പ്പിച്ചിട്ടും പരിഗണിക്കപ്പെടാത്തത് എന്തുകൊണ്ടാണെന്ന് വ്യക്തമാക്കുമോ; പ്രസ്തുത അപേക്ഷ പരിഗണിച്ച് രാധാമണിയമ്മയ്ക്ക് പെന്‍ഷന്‍ നല്‍കാന്‍ നടപടി സ്വീകരിക്കുമോ?

കിടാരി വിതരണപദ്ധതി

ശ്രീ. പി. സി. വിഷ്ണുനാഥ്

(എ)ചെങ്ങന്നൂര്‍ ബ്ളോക്ക് പഞ്ചായത്ത് 2012-13 സാമ്പത്തികവര്‍ഷം ക്ഷീരകര്‍ഷകര്‍ക്ക് വേണ്ടി തയ്യാറാക്കിയിട്ടുള്ള കിടാരി വിതരണ പദ്ധതിക്ക് ആലപ്പുഴ ജില്ലാ ക്ഷീരവികസന ആഫീസില്‍ നിന്നും അനുവാദം നല്‍കാത്തത് എന്തുകൊണ്ടെന്ന് വിശദമാക്കുമോ; പ്രസ്തുത വിവരം ശ്രദ്ധയില്‍പ്പെട്ടിട്ടുണ്ടോ;

(ബി)പ്രസ്തുത പദ്ധതിക്ക് അനുമതി ലഭിക്കുവാന്‍ നടപടി സ്വീകരിക്കുമോ;

(സി)കേന്ദ്ര ഗവണ്‍മെന്റിന്റെ എസ്.ജി.എസ്.വൈ.പദ്ധതി മാനദണ്ഡ പ്രകാരം തയ്യാറാക്കിയിട്ടുള്ള പ്രസ്തുത പദ്ധതിക്ക് മുന്‍കാലങ്ങളില്‍ അനുമതി ലഭിച്ചിട്ടുള്ള വിവരം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ?

കാലിത്തീറ്റയുടെ വിലവര്‍ദ്ധനവിന്റെ പ്രത്യാഘാതം കുറയ്ക്കാന്‍ നടപടികള്‍

ശ്രീ. എളമരം കരീം

(എ)സംസ്ഥാനത്ത് കാലിത്തീറ്റയുടെ വില വര്‍ദ്ധിച്ചുവരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)വിലവര്‍ദ്ധനവിന്റെ ആഘാതം കുറയ്ക്കാന്‍ സ്വീകരിച്ച നടപടികള്‍ എന്തൊക്കെയാണ്;

(സി)കാലിത്തീറ്റയ്ക്കു സബ്സിഡി നല്‍കുന്നയിനത്തില്‍ 2012-13-ല്‍ എന്തു തുക നീക്കിവെച്ചിട്ടുണ്ട് എന്നറിയിക്കുമോ;

(ഡി)2011-12-ല്‍ എന്തു തുക കാലിത്തീറ്റ സബ്സിഡിയിനത്തില്‍ നല്‍കി എന്നറിയിക്കുമോ?

ഫോഡര്‍ പ്രമോട്ടര്‍

ശ്രീ. കെ. രാജു

(എ)സംസ്ഥാനത്ത് ക്ഷീര വികസന വകുപ്പിന്റെ കീഴില്‍ വിവിധ ബ്ളോക്കുകള്‍ ഫോഡര്‍ പ്രൊമോട്ടര്‍മാരെ നിയമിച്ചിട്ടുണ്ടോ; എങ്കില്‍ എത്ര പേരെ നിയമിച്ചു; ഇവര്‍ക്ക് എന്തെല്ലാം ആനുകൂല്യങ്ങളാണ് നല്‍കി വന്നിരുന്നതെന്ന് വ്യക്തമാക്കുമോ;

(ബി)വിവിധ ബ്ളോക്കുകളിലായി ഇപ്പോള്‍ എത്രപേര്‍ ഫോഡര്‍ പ്രൊമോട്ടര്‍മാരായി ജോലി നോക്കുന്നുണ്ട്; ഇവരില്‍ ആരെയെങ്കിലും പിരിച്ചു വിട്ടിട്ടുണ്ടോ; എങ്കില്‍ പരിച്ചുവിടാനുണ്ടായ കാരണങ്ങള്‍ വെളിപ്പെടുത്തുമോ;

(സി)തീറ്റപ്പുല്‍കൃഷി വികസനത്തിനായി എന്തെല്ലാം പദ്ധതികള്‍ നടപ്പിലാക്കുന്നുണ്ട്; പ്രസ്തുത പദ്ധതികളുടെ നടത്തിപ്പിനായി പിരിച്ചുവിട്ട ഫോഡര്‍ പ്രൊമോട്ടര്‍മാരുടെ സേവനം വീണ്ടും പ്രയോജനപ്പെടുത്താന്‍ ഉദ്ദേശിക്കുന്നുണ്ടോ; എങ്കില്‍ എത്രയുംവേഗം നിയമിക്കുന്നതിനുള്ള നടപടികള്‍ സ്വീകരിക്കുമോ?

ആര്‍.കെ.വി.വൈ. പദ്ധതിയുമായി ബന്ധപ്പെടുത്തി കാലിത്തീറ്റ സബ്സിഡി

ശ്രീ. വി. ശശി

(എ)കേരളത്തിലെ ക്ഷീരകര്‍ഷകര്‍ക്ക് ആവശ്യമായ കാലിതീറ്റ എത്രയാണെന്ന് കണക്കാക്കിയിട്ടുണ്ടോ; എങ്കില്‍ ഏതെല്ലാം ഇനങ്ങളില്‍; എത്ര വീതം; വെളിപ്പെടുത്തുമോ;

(ബി)ക്ഷീരകര്‍ഷകള്‍ക്ക് കാലിതീറ്റ സബ്സിഡിനല്‍കുന്ന പദ്ധതി എന്നുമുതല്‍ ആരംഭിച്ചുവെന്ന് വ്യക്തമാക്കുമോ; ഈ ഇനത്തില്‍ 2009-2010 മുതല്‍ 2012-2013 വരെ ഓരോ വര്‍ഷവും എന്ത് തുക സബ്സിഡി ഇനത്തില്‍ നല്‍കി; ഇതു നല്‍കുന്നതിനുളള മാനദണ്ഡങ്ങള്‍ എന്തൊക്കെ; സബ്സിഡി തുക എത്ര; വ്യക്തമാക്കാമോ;

(സി)ആര്‍.കെ.വി.വൈ. പദ്ധതിയുമായി ബന്ധപ്പെടുത്തി കാലിതീറ്റ സബ്സിഡി പദ്ധതിക്ക് കൂടുതല്‍ തുക ലഭ്യമാക്കുമെന്ന 2012-13 ലെ പ്രഖ്യാപനം നടപ്പാക്കിയിട്ടുണ്ടോ; എങ്കില്‍ എത്ര തുക ലഭ്യമാക്കി; വെളിപ്പെടുത്തുമോ?

ക്ഷീരോല്പാദന കേന്ദ്രങ്ങളുടെ ആവശ്യങ്ങള്‍ നിറവേറ്റുന്നതിനായി പുതിയ ധനകാര്യ സ്ഥാപനം

ശ്രീ. കെ. വി. വിജയദാസ്

,, രാജു എബ്രഹാം

ശ്രീമതി കെ.കെ.ലതിക

ശ്രീ. വി. ചെന്താമരാക്ഷന്‍

(എ)സംസ്ഥാനത്തെ ക്ഷീരോല്പാദന കേന്ദ്രങ്ങളുടെ ആവശ്യങ്ങള്‍ നിറവേറ്റുന്നതിനായി പുതിയ ധനകാര്യസ്ഥാപനം രൂപീകരിക്കാന്‍ ഉദ്ദേശിക്കുന്നുണ്ടോ;

(ബി)ഇതു സംബന്ധിച്ച പഠനങ്ങള്‍ നടത്തുകയുണ്ടായോ; ഇതിനാവശ്യമായ ഫണ്ട് ഏതെല്ലാം നിലയില്‍ സ്വരൂപിക്കാനാണുദ്ദേശിക്കുന്നത്;

(സി)ക്ഷീരസഹകരണസംഘങ്ങള്‍ നിലവില്‍ സാമ്പത്തിക ആവശ്യങ്ങള്‍ നിറവേറ്റുന്നത് ഏതൊക്കെ സ്ഥാപനങ്ങള്‍ വഴിയാണ്; വിശദമാക്കുമോ;

(ഡി)നിര്‍ദ്ദിഷ്ട ധനകാര്യസ്ഥാപനത്തിന്റെ ധനകാര്യ സ്രോതസ്സ് സംബന്ധിച്ച് വിശദമാക്കുമോ?

ക്ഷീരസംഘങ്ങള്‍ക്ക് കെട്ടിട നിര്‍മ്മാണത്തിന് സഹായം

ശ്രീ. ആര്‍. രാജേഷ്

(എ)സ്വന്തമായി സ്ഥലമുള്ള ക്ഷീരസംഘങ്ങള്‍ക്ക് കെട്ടിടം പണിയുന്നതിനാവശ്യമായ സഹായം നല്‍കുന്നുണ്ടോ; സഹായം ലഭ്യമാക്കുന്നതിനുള്ള മാനദണ്ഡങ്ങള്‍ വിശദമാക്കുമോ;

(ബി)മാവേലിക്കര മണ്ഡലത്തില്‍ സ്വന്തമായി കെട്ടിടം പണിയുവാന്‍ സ്ഥലമുള്ള ക്ഷീര സംഘങ്ങള്‍ എത്രയുണ്ട്; എത്ര സംഘങ്ങള്‍ക്ക് കെട്ടിടമുണ്ട്;

(സി)മാവേലിക്കര മണ്ഡലത്തിലെ വള്ളിക്കുന്ന് പഞ്ചായത്തില്‍ ഡയറി എക്സ്റന്‍ഷന്‍ ആഫീസ് സ്ഥാപിക്കുന്നതിനാവശ്യമായ നടപടി സ്വീകരിക്കുമോ?

ക്ഷീരകര്‍ഷകര്‍ക്കും, ക്ഷീരസഹകരണ സംഘങ്ങള്‍ക്കും നല്‍കുന്ന സഹായ പദ്ധതി

ശ്രീ. സാജുപോള്‍

(എ)ക്ഷീരകര്‍ഷകര്‍ക്കും ക്ഷീര സഹകരണ സംഘങ്ങള്‍ക്കും നല്‍കുന്ന സഹായ പദ്ധതികള്‍ എന്തെല്ലാം;

(ബി)ക്ഷീരകര്‍ഷകരുടെ വായ്പ കാര്‍ഷിക വായ്പയായി പരിഗണിക്കുവാന്‍ ഉദ്ദേശിക്കുന്നുണ്ടോ;

(സി)ക്ഷീരകര്‍ഷക പെന്‍ഷന്‍ വര്‍ദ്ധിപ്പിക്കാന്‍ നടപടി സ്വീകരിക്കുമോ; വ്യക്തമാക്കുമോ?

കേരള ക്ഷീരകര്‍ഷക ക്ഷേമനിധി ബോര്‍ഡിനുള്ള ധനസഹായം

ശ്രീ. പുരുഷന്‍ കടലുണ്ടി

(എ)കേരള ക്ഷീരകര്‍ഷക ക്ഷേമനിധി ബോര്‍ഡിന് 2012-13 -ല്‍ പ്രഖ്യാപിച്ചിരുന്ന ധനസഹായം എത്രയാണ്; ഇതില്‍ എന്ത് തുക കൈമാറി;

(ബി)ബോര്‍ഡ് മുഖേന ഇപ്പോള്‍ ക്ഷീരകര്‍ഷകര്‍ക്ക് നല്‍കിവരുന്ന പെന്‍ഷന്‍ എത്ര ;

(സി)പെന്‍ഷന്‍ വര്‍ദ്ധിപ്പിക്കുന്ന കാര്യം പരിഗണിക്കുമോ?

ക്ഷീരസഹകരണ സംഘങ്ങള്‍ ശക്തിപ്പെടുത്തല്‍

ശ്രീ. കെ. കെ. ജയചന്ദ്രന്‍

(എ)സംസ്ഥാനത്തെ ക്ഷീര സഹകരണ സംഘങ്ങള്‍ ശക്തിപ്പെടുത്തുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ട്; വ്യക്തമാക്കുമോ;

(ബി)ക്ഷീര വികസനം വ്യാവസായിക അടിസ്ഥാനത്തില്‍ നടത്തി ഉല്പാദനം വര്‍ദ്ധിപ്പിക്കുന്നതിനായി എന്തൊക്കെ സഹായങ്ങളാണ് ക്ഷീര സഹകരണ സംഘങ്ങള്‍ വഴി നടപ്പിലാക്കുന്നത്; വിശദാംശം നല്‍കുമോ ?

പുതിയ സാംസ്കാരിക നയം

ശ്രീ. ബെന്നി ബെഹനാന്‍

,, ജോസഫ് വാഴക്കന്‍

,, തേറമ്പില്‍ രാമകൃഷ്ണന്‍

,, കെ. ശിവദാസന്‍ നായര്‍

(എ)സംസ്ഥാനത്ത് പുതിയ സാംസ്കാരികനയം രൂപീകരിക്കാനുദ്ദേശിക്കുന്നുണ്ടോ; വിശദമാക്കുമോ;

(ബി)സാംസ്കാരിക സ്ഥാപനങ്ങള്‍ക്ക് സ്വതന്ത്രാധികാരം നല്‍കുവാന്‍ എന്തെല്ലാം വിഷയങ്ങള്‍ നയത്തില്‍ ഉള്‍പ്പെടുത്തിയിട്ടുണ്ട്; വിശദാംശങ്ങള്‍ അറിയിക്കുമോ;

(സി)നയത്തിന്റെ കരട് തയ്യാറാക്കിയിട്ടുണ്ടോ; വിശദമാക്കുമോ?

പത്മ പുരസ്കാരങ്ങള്‍

ശ്രീ. എം. എ. ബേബി

,, എ. കെ. ബാലന്‍

,, പുരുഷന്‍ കടലുണ്ടി

,, എം. ഹംസ

(എ)ഈ വര്‍ഷത്തെ പത്മ പുരസ്കാരത്തിനായുള്ള നാമനിര്‍ദ്ദേശങ്ങള്‍ നടത്തുന്നത് സംബന്ധിച്ച് കേന്ദ്ര സര്‍ക്കാര്‍ പുറപ്പെടുവിച്ച മാര്‍ഗ്ഗനിര്‍ദ്ദേശങ്ങള്‍ എന്തൊക്കെ; വിശദമാക്കുമോ;

(ബി)മാര്‍ഗ്ഗനിര്‍ദ്ദേശങ്ങള്‍ക്കനുസൃതമായിട്ടാണോ നാമനിര്‍ദ്ദേശങ്ങള്‍ അയച്ചുകൊടുത്തത്; വിശദമാക്കുമോ;

(സി)ഇതുമായി ബന്ധപ്പെട്ട് സെര്‍ച്ച് കമ്മിറ്റി രൂപീകരിച്ചിരുന്നുവോ; സെര്‍ച്ച് കമ്മിറ്റി അംഗങ്ങള്‍ ആരൊക്കെയായിരുന്നു; ഈ കമ്മിറ്റി എത്ര തവണ കൂടി; വിശദാംശങ്ങള്‍ അറിയിക്കുമോ; ഇല്ലെങ്കില്‍ ഏത് മാനദണ്ഡപ്രകാരമാണ് ശുപാര്‍ശകള്‍ നല്‍കിയത്;

(ഡി)കേരളത്തില്‍ നിന്നും ഇക്കൊല്ലം പത്മ പുരസ്കാരങ്ങള്‍ ലഭിച്ചത് ആര്‍ക്കെല്ലാമാണ്; എന്തെല്ലാം പത്മ പുരസ്കാരങ്ങളാണ് ലഭിച്ചത്;

(ഇ)പ്രഖ്യാപിക്കപ്പെട്ട പുരസ്കാരങ്ങളെ സംബന്ധിച്ച് ലഭിച്ചവരും ലഭിക്കാത്തവരും ഉന്നയിച്ച ആക്ഷേപങ്ങളും അഭിപ്രായങ്ങളും പരിശോധിക്കുകയുണ്ടായോ; ഇക്കാര്യത്തില്‍ സംഭവിച്ച വീഴ്ച ബോധ്യമുണ്ടോ; വിശദമാക്കുമോ?

പത്മ പുരസ്കാരങ്ങള്‍ നല്‍കുന്നതിന്റെ മാനദണ്ഡം

ശ്രീ.കോടിയേരി ബാലകൃഷ്ണന്‍

(എ)പത്മ പുരസ്കാരങ്ങള്‍ക്ക് പേര് നിര്‍ദ്ദേശിക്കുന്നതിന് കേന്ദ്രം നിഷ്കര്‍ഷിച്ച മാനദണ്ഡങ്ങള്‍ എന്തെല്ലാമാണ്; വിശദമാക്കാമോ;

(ബി)ഈ പുരസ്കാരങ്ങള്‍ക്കായി സംസ്ഥാന പട്ടിക തയ്യാറാക്കിയ രീതി വെളിപ്പെടുത്താമോ;

(സി)സംസ്ഥാന സര്‍ക്കാര്‍ ഏതൊക്കെ മേഖലകളില്‍ നിന്ന് ആരുടെയൊക്കെ പേരുകളാണ് പത്മ പുരസ്കാരങ്ങള്‍ക്കായി നിര്‍ദ്ദേശിച്ചത്; പേരുകള്‍ നിര്‍ദ്ദേശിച്ചതിന്റെ മാനദണ്ഡങ്ങള്‍ എന്താണ്; വ്യക്തമാക്കാമോ;

(ഡി)നിര്‍ദ്ദേശിക്കപ്പെട്ട ഓരോ പേരുകള്‍ക്കും നല്‍കിയ ശുപാര്‍ശ കത്തിന്റെ പകര്‍പ്പുകള്‍ നല്‍കുമോ;

(ഇ)ഈ പുരസ്കാരങ്ങള്‍ക്ക് ശുപാര്‍ശ സമര്‍പ്പിക്കുന്നതിന് കേന്ദ്രം നിഷ്കര്‍ഷിച്ച തീയതിയും, സംസ്ഥാനം ശുപാര്‍ശകള്‍ സമര്‍പ്പിച്ച തീയതിയും വെളിപ്പെടുത്താമോ?

പത്മ പുരസ്കാരത്തിന്റെ ഗൈഡ്ലൈന്‍

ശ്രീ. എ. കെ. ബാലന്‍

(എ)പത്മപുരസ്കാരങ്ങള്‍ നിര്‍ദ്ദേശിക്കാന്‍ കേന്ദ്ര സര്‍ക്കാര്‍ സംസ്ഥാന ഗവണ്‍മെന്റിന് പുതിയ ഗൈഡ് ലൈന്‍ നല്‍കിയിരുന്നോ; ഈ ഗൈഡ് ലൈന്‍ എന്നാണ് ലഭിച്ചത്; ഈ ഗൈഡ്ലൈന്‍ പ്രകാരമാണോ ഈ വര്‍ഷം നിര്‍ദ്ദേശങ്ങള്‍ നല്‍കിയത്;

(ബി)അല്ലെങ്കില്‍ എന്തുകൊണ്ടാണ് പുതിയ ഗൈഡ് ലൈന്‍ പരിഗണിക്കാതിരുന്നതെന്ന് വ്യക്തമാക്കുമോ;

(സി)നിലവില്‍ പേരുകള്‍ ശുപാര്‍ശ ചെയ്യുന്ന രീതിയില്‍ നിന്നും എന്തെല്ലാം വ്യത്യാസങ്ങളാണ് പുതിയ ഗൈഡ് ലൈനില്‍ ഉള്ളതെന്ന് വ്യക്തമാക്കുമോ;

(ഡി)പുതിയ ഗൈഡ്ലൈനിനോട് വിയോജിപ്പുണ്ടോ;

(ഇ)പുതിയ ഗൈഡ് ലൈന്‍ പ്രകാരമല്ലാതെ പേരുകള്‍ നിര്‍ദ്ദേശിച്ചത് കൊണ്ടാണോ ഈ വര്‍ഷം കേരളത്തില്‍ നിന്നുള്ള പ്രാതി നിധ്യം വളരെ കുറവായത്; വ്യക്തമാക്കുമോ?

2013-ലെ പത്മ പുരസ്കാരങ്ങള്‍

ശ്രീമതി കെ. എസ്. സലീഖ

(എ)2013-ലെ പത്മ പുരസ്കാരങ്ങള്‍ക്കായി എത്ര പേരുടെ ലിസ്റ് കേന്ദ്ര സര്‍ക്കാരിന്റെ പരിഗണനയ്ക്കായി നല്കി;

(ബി)അവര്‍ ആരെല്ലാമെന്നും ഓരോരുത്തര്‍ക്കും എപ്രകാരമുള്ള പത്മ പുരസ്കാരങ്ങള്‍ നല്കണമെന്നുമാണ് കേന്ദ്രത്തോട് ആവശ്യപ്പെട്ടത്; വ്യക്തമാക്കുമോ;

(സി)എത്രപേര്‍ക്കാണ് സര്‍ക്കാര്‍ നല്കിയ ലിസ്റിന്റെ അടിസ്ഥാനത്തില്‍ പത്മ പുരസ്കാരം ലഭിച്ചത്; അവര്‍ ആരെല്ലാം; വിശദമാക്കുമോ;

(ഡി)ആകെ എത്ര പത്മ പുരസ്കാരമാണ് കേന്ദ്ര സര്‍ക്കാര്‍ പ്രഖ്യാപിച്ചതെന്നാണ് വിലയിരുത്തിയിട്ടുള്ളത്;

(ഇ)2013-ല്‍ പത്മ പുരസ്കാരം പ്രഖ്യാപിക്കുവാന്‍ നല്കിയ ലിസ്റില്‍ 2008-ല്‍ പത്മശ്രീ ലഭിച്ച പ്രൊഫ.ലീലാവതി ഉള്‍പ്പെട്ടുവോ; എങ്കില്‍ എന്തുകൊണ്ട് ഇപ്രകാരം സംഭവിച്ചുവെന്ന് വ്യക്തമാക്കുമോ;

(എഫ്)പത്മ പുരസ്ക്കാരങ്ങള്‍ നല്‍കുന്നതില്‍ കേന്ദ്ര നിര്‍ദ്ദേശങ്ങള്‍ വേണ്ടവിധം പാലിക്കാത്തതാണ് സംസ്ഥാനത്ത് നിന്നുള്ള ശുപാര്‍ശകള്‍ പരിഗണിക്കപ്പെടാത്തതിനു കാരണമെന്ന ആക്ഷേപം ശ്രദ്ധയില്‍പ്പെട്ടുവോ; വിശദമാക്കുമോ;

(ജി)പത്മ അവാര്‍ഡുകള്‍ക്ക് അര്‍ഹരായ വ്യക്തികളെ ശുപാര്‍ശ ചെയ്യാന്‍ വിദഗ്ദ്ധ സമിതി രൂപീകരിക്കണമെന്ന കേന്ദ്ര നിര്‍ദ്ദേശം ശ്രദ്ധയില്‍പ്പെട്ടുവോ; വിശദമാക്കുമോ;

(എച്ച്)ഇനിയെങ്കിലും സംസ്ഥാനത്തില്‍ വിവിധ രംഗങ്ങളില്‍ കഴിവു തെളിയിച്ചവരെ അതാത് സമയങ്ങളില്‍ പത്മ പുരസ്കാരം നല്കുവാന്‍ കേന്ദ്ര സര്‍ക്കാരിന്റെ മാനദണ്ഡങ്ങള്‍ക്കനുസരിച്ച് ലിസ്റ് നല്‍കുവാനും ആയത് ബൃഹത്തായ ലിസ്റ് ആകാതിരിക്കുവാനും ശ്രദ്ധിക്കുവാന്‍ ആവശ്യമായ നടപടികള്‍ സ്വീകരിക്കുമോ?

മലയാളഭാഷയ്ക്ക് ക്ളാസിക്കല്‍ പദവി

ശ്രീ. പാലോട് രവി

,, സണ്ണി ജോസഫ്

,, പി. സി. വിഷ്ണുനാഥ്

,, വി. പി. സജീന്ദ്രന്‍

(എ)മലയാളത്തിന് ക്ളാസിക്കല്‍ പദവി ലഭിക്കുന്നതിന് സ്വീകരിച്ച നടപടികള്‍ എന്തെല്ലാം;

(ബി)ഇത് സംബന്ധിച്ച് കേന്ദ്രസാഹിത്യ അക്കാഡമി വിദഗ്ദ്ധ സമിതി രൂപവല്‍ക്കരിച്ചിട്ടുണ്ടോ;

(സി)സംസ്ഥാനത്തിന്റെ അഭിപ്രായങ്ങള്‍ കേള്‍ക്കാന്‍ കേന്ദ്ര സമിതി സമ്മതിച്ചിട്ടുണ്ടോ;

(ഡി)ക്ളാസിക്കല്‍ പദവി ലഭിക്കുന്നതിന് എന്തെല്ലാംവാദങ്ങളാണ് സംസ്ഥാനം ഉന്നയിക്കാനുദ്ദേശിക്കുന്നത്; വിശദമാക്കുമോ;

(ഇ)കേന്ദ്ര സമിതി മുമ്പാകെ വാദം അവതരിപ്പിക്കുന്നത് ആരെല്ലാമാണ്; വിശദാംശങ്ങള്‍ എന്തെല്ലാം ?

വിശ്വമലയാള മഹോത്സവുമായി ബന്ധപ്പെട്ട വീഴ്ചകള്‍

ശ്രീമതി. കെ. കെ. ലതിക

(എ)വിശ്വമലയാള മഹോത്സവുമായി ബന്ധപ്പെട്ടുണ്ടായ വീഴ്ചകളെ സംബന്ധിച്ച് അന്വേഷണം നടത്താന്‍ തീരുമാനിച്ചിട്ടുണ്ടോ;

(ബി)ആരെയാണ് ഇതിന് ചുമതലപ്പെടുത്തിയിട്ടുള്ളത്;

(സി)ഇത് സംബന്ധിച്ച റിപ്പോര്‍ട്ട് ലഭിച്ചിട്ടുണ്ടോ;

(ഡി)റിപ്പോര്‍ട്ടിന്മേല്‍ സ്വീകരിച്ച അനന്തര നടപടികള്‍ എന്തെല്ലാം; വിശദാംശങ്ങള്‍ നല്‍കുമോ ?

വിശ്വമലയാള മഹോത്സവത്തിന്റെ പ്രചരണാര്‍ത്ഥം സ്ഥാപിച്ച പ്രതിമകള്‍

ശ്രീ. കോടിയേരി ബാലകൃഷ്ണന്‍

(എ)വിശ്വമലയാള മഹോത്സവത്തിന്റെ പ്രചരണാര്‍ത്ഥം സ്ഥാപിച്ച സാഹിത്യകാരന്മാരുടെ പ്രതിമകളില്‍വന്ന ഗുരുതരമായ വീഴ്ചകളെപ്പറ്റി അന്വേഷണം നടത്തിയിട്ടുണ്ടോ;

(ബി)എങ്കില്‍ ആരാണ് അന്വേഷണം നടത്തിയത്; അന്വേഷണ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

(സി)പ്രസ്തുത റിപ്പോര്‍ട്ടുപ്രകാരം ആര്‍ക്കെങ്കിലും എതിരെ നടപടി സ്വീകരിച്ചിട്ടുണ്ടോ; ഉണ്ടെങ്കില്‍ വിശദാംശം വെളിപ്പെടുത്തുമോ;

(ഡി)ഇതുമായി ബന്ധപ്പെട്ട് സര്‍ക്കാര്‍ വിശദീകരണമില്ലാതെ ആര്‍ക്കെങ്കിലും എതിരെ നടപടി സ്വീകരിച്ചിട്ടുണ്ടോ; വിശദീകരിക്കുമോ;

(ഇ)ഇതിലേയ്ക്കായി എന്ത് തുക ചെലവഴിച്ചു; വിശദമാക്കുമോ ?

വിശ്വമലയാള മഹോത്സവും

ശ്രീ. തേറമ്പില്‍ രാമകൃഷ്ണന്‍

,, റ്റി. എന്‍. പ്രതാപന്‍

,, വി. ഡി. സതീശന്‍

,, എം. എ. വാഹീദ്

(എ)സംസ്ഥാനത്ത് വിശ്വമലയാള മഹോത്സവം നടത്തിയിട്ടുണ്ടോ ; വിശദാംശങ്ങള്‍ അറിയിക്കുമോ ;

(ബി)ഇതിന്റെ ഉദ്ദേശ്യലക്ഷ്യങ്ങള്‍ എന്തെല്ലാമായിരുന്നു ; വിശദമാക്കുമോ ;

(സി)എന്തെല്ലാം വിഷയങ്ങളും നിര്‍ദ്ദേശങ്ങളുമാണ് മഹോത്സവത്തില്‍ ചര്‍ച്ച ചെയ്തത് ; വിശദാംശം ലഭ്യമാക്കുമോ ?

വിശ്വ മലയാള മഹോത്സവം നടത്തിപ്പിന്റെ ചെലവുകള്‍

ശ്രീ. കെ. കെ. നാരായണന്‍

(എ)ിശ്വ മലയാള മഹോത്സവം നടത്തിയതിന് എന്ത് തുക ചെലവഴിച്ചു വ്യക്തമാക്കുമോ;

(ബി)ഇതിന്റെ ഭാഗമായി എന്തെല്ലാം പരിപാടികളാണ് നടത്തിയത്. ഓരോ പരിപാടിക്കും എന്ത് തുക ചെലവഴിച്ചിട്ടുണ്ട് പ്രത്യേകം പ്രത്യേകം വിശദമാക്കുമോ;

(സി)ഈ മഹോത്സവത്തിന് എന്തെല്ലാം പിഴവുകള്‍ സംഭവിച്ചു എന്ന് വിശദമാക്കുമോ?

വിശ്വമലയാള മഹോത്സവത്തിന് ചെലവഴിച്ച തുക

ശ്രീ. വി. ശശി

(എ)വിശ്വമലയാള മഹോത്സവത്തിനായി എന്ത് തുക ചെലവഴിച്ചു;

(ബി)പരസ്യ ഇനത്തില്‍ ചെലവാക്കിയ തുക എത്ര; വെളിപ്പെടുത്തുമോ ?

കേരളകലാമണ്ഡലം

ശ്രീ. കെ. രാധാകൃഷ്ണന്‍

(എ)കേരള കലാമണ്ഡലം കല്പിത സര്‍വ്വകലാശാലയായി ഉയര്‍ത്തപ്പെട്ടെങ്കിലും യു. ജി. സി മാര്‍ഗ്ഗരേഖകള്‍ക്കടിസ്ഥാനമായി അദ്ധ്യാപക അദ്ധ്യാപകേതര ജീവനക്കാരെ നിയമിച്ചിട്ടില്ലെന്ന പരാമര്‍ശങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി)എങ്കില്‍ അതിനുള്ള കാരണങ്ങളും അവ പരിഹരിക്കുവാന്‍ സ്വീകരിച്ച മാര്‍ഗ്ഗങ്ങളും എന്തെല്ലാം;

(സി)നിലവിലുള്ള അദ്ധ്യാപക-അദ്ധ്യാപകേതര ജീവനക്കാര്‍ക്ക്ു.ജി.സി നിരക്കിലുള്ള ശമ്പളവും ആനുകൂല്യങ്ങളുംനുവദിച്ചിട്ടുണ്ടോ;

(ഡി)ഇല്ലെങ്കില്‍ അതിനുള്ള തടസ്സങ്ങള്‍ എന്തെല്ലാം; വിശദമാക്കുമോ; അനുവദിച്ചിട്ടുണ്ടെങ്കില്‍ ഉത്തരവിന്റെ വിശദാംശങ്ങള്‍ ലഭ്യമാക്കുമോ?

വൈക്കം മുഹമ്മദ് ബഷീര്‍ സ്മാരക സമിതി

ശ്രീമതി ഗീതാ ഗോപി

(എ)കോഴിക്കോട് കേന്ദ്രമായി രൂപീകരിച്ച വൈക്കം മുഹമ്മദ് ബഷീര്‍ സ്മാരകസമിതി പുന:സംഘടിപ്പിച്ചിട്ടുണ്ടോ; ഇല്ലെങ്കില്‍ പുന:സംഘടിപ്പിക്കുമോ; കാലതാമസത്തിനുള്ള കാരണം വ്യക്തമാക്കുമോ;

(ബി)വൈക്കം മുഹമ്മദ് ബഷീറിന്റെ സ്മരണ നിലനിര്‍ത്തുവാന്‍ എന്തെല്ലാം പ്രവര്‍ത്തനങ്ങള്‍ ആവിഷ്ക്കരിച്ചു നടപ്പിലാക്കുവാനാണ് ലക്ഷ്യമിടുന്നത്; വ്യക്തമാക്കുമോ?

പത്മനാഭപുരം കൊട്ടാരം

ശ്രീ. പി. തിലോത്തമന്‍

(എ)കന്യാകുമാരിക്കടുത്ത് തക്കലയില്‍ കേരള ഗവണ്‍ മെന്റിന്റെ ഉടമസ്ഥതയിലുള്ള പത്മനാഭപുരം കൊട്ടാരം മ്യൂസിയമായി പ്രവര്‍ത്തിക്കുന്നതു മൂലം സംസ്ഥാന സര്‍ക്കാരിന് പ്രതിവര്‍ഷം ലഭിക്കുന്ന വരുമാനം എത്രയാണ്; ഇതില്‍ നിന്നും തമിഴ്നാട് സര്‍ക്കാരിന് എന്തെങ്കിലും വിഹിതമായി നല്‍കുന്നുണ്ടോ; വിശദമാക്കുമോ;

(ബി)ഇവിടെ നിലവില്‍ എത്ര ജീവനക്കാര്‍ ഉണ്ട്; സ്ഥിരം ജീവനക്കാര്‍ എത്ര; താല്ക്കാലിക ജീവനക്കാര്‍ എത്ര; ജീവനക്കാരെ എപ്രകാരമാണ് നിയമിക്കുന്നത്; വിശദമാക്കുമോ;

(സി)കൊട്ടാരത്തില്‍ സന്ദര്‍ശനത്തിന് എത്തുന്നവരുടെ ചെരിപ്പുകള്‍ സൂക്ഷിക്കുന്നതിന് ഫീസ് ഏര്‍പ്പെടുത്തിയിട്ടുണ്ടോ; ഉണ്ടെങ്കില്‍ അതിന് രസീത് നല്‍കാറുണ്ടോ; രസീത് നല്‍കുന്നില്ലെങ്കില്‍ പിരിച്ചെടുക്കുന്ന തുക എപ്രകാരം, ഏത് അക്കൌണ്ടില്‍പ്പെടുത്തുമെന്ന് അറിയിക്കുമോ; നിയമപരമായി പണം പിരിക്കുന്നില്ലെങ്കില്‍ പ്രസ്തുത വിവരം പരസ്യപ്പെടുത്തുമോ;

(ഡി)തക്കല കൊട്ടാരത്തിന്റെ ചരിത്ര പ്രാധാന്യം വിവരിച്ച് ഓരോ മേഖലയുടെ പ്രാധാന്യവും പ്രത്യേകതകളും ചിത്രങ്ങള്‍ സഹിതം രേഖപ്പെടുത്തിയ ലഘുലേഖകള്‍ കൊട്ടാരത്തിന്റെ കവാടത്തില്‍ത്തന്നെ സന്ദര്‍ശകര്‍ക്ക് നല്‍കാന്‍ നടപടി സ്വീകരിക്കുമോ?

  next page>>