Questions

ലാബ് സൌകര്യം സ്വകാര്യ പങ്കാളിത്തത്തോടെ നടപ്പാക്കല്‍

ശ്രീ. കെ.കുഞ്ഞമ്മത് മാസ്റര്‍

,, വി.ശിവന്‍കുട്ടി

,, എ.എം.ആരിഫ്

,, കെ.വി.അബ്ദുള്‍ ഖാദര്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)ആരോഗ്യ മേഖലയില്‍ സ്വകാര്യ പങ്കാളിത്തം ഉറപ്പാക്കുന്നതിന്റെ ഭാഗമായി ലാബ് സൌകര്യം ഉള്‍പ്പെടെ സ്വകാര്യ പങ്കാളിത്തത്തോടെ നടപ്പാക്കുന്ന കാര്യം പരിഗണിച്ചുകൊണ്ടിരിക്കുന്നു എന്ന കേന്ദ്ര ആരോഗ്യവകുപ്പ് സെക്രട്ടറിയുടെ പ്രസ്താവന ശ്രദ്ധയില്‍പ്പെട്ടിട്ടുണ്ടോ;

(ബി)പൊതു ജനാരോഗ്യമേഖലയെ തകര്‍ക്കാന്‍ പോന്ന ഈ ദിശയിലുളള നീക്കത്തോട് സര്‍ക്കാരിന്റെ നിലപാട് വ്യക്തമാക്കാമോ; ഇക്കാര്യം കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തുമോ;

(സി)സ്വകാര്യപങ്കാളിത്തത്തിനു വേണ്ട രൂപരേഖ തയ്യാറാക്കാനുളള പ്രധാനമന്ത്രിയുടെ ഉപദേഷ്ടാവിന്റെ നിര്‍ദ്ദേശം തളളിക്കളയാനും അക്കാര്യം കേന്ദ്രസര്‍ക്കാരിനെ അറിയിക്കാനും തയ്യാറാകുമോ?

ജനറിക് നെയിമും ബ്രാന്‍ഡ് നെയിമും എഴുതാന്‍ നടപടി

ശ്രീ. എ.എ. അസീസ്

,, കോവൂര്‍ കുഞ്ഞുമോന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)ഡോക്ടര്‍മാര്‍ മരുന്ന് കുറിക്കുമ്പോള്‍ ജനറിക് നെയിം മാത്രം എഴുതുന്നതുകൊണ്ട് സാധാരണ രോഗികള്‍ കബളിപ്പിക്കപ്പെടുന്നത് ശ്രദ്ധയില്‍പെട്ടിട്ടുണ്ടോ;

(ബി)ഉണ്ടെങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ;

(സി)ജനറിക് നെയിമിനോടൊപ്പം ബ്രാന്‍ഡ് നെയിംകൂടി എഴുതുന്നതിന് നടപടി സ്വീകരിക്കുമോ;

(ഡി)മരുന്നുകളുടെ ഗുണനിലവാരം ഉറപ്പ് വരുത്തുന്നതിന് ആരോഗ്യവകുപ്പ് കൈക്കൊണ്ടിട്ടുള്ള തീരുമാനങ്ങള്‍ വ്യക്തമാക്കുമോ;

(ഇ)ഗുണനിലവാരമില്ലാത്ത മരുന്നുകള്‍ വില്‍ക്കുന്ന മെഡിക്കല്‍ സ്റോറുകള്‍ക്കെതിരെ എന്ത് നടപടിയാണ് കൈക്കൊണ്ടിട്ടുള്ളത്; വിശദാംശം ലഭ്യമാക്കുമോ?

ടൂറിസം മേഖലയില്‍ ഹോംസ്റേ സംവിധാനം

ശ്രീ. വി.എം.ഉമ്മര്‍ മാസ്റര്‍

,, എന്‍. ഷംസുദ്ദീന്‍

,, കെ.എം.ഷാജി

താഴെ കാണുന്ന ചോദ്യങ്ങള്‍ക്ക് പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി

സദയം മറുപടി നല്‍കുമോ:

(എ)ഹോംസ്റേ സംവിധാനം പ്രോത്സാഹിപ്പിച്ചതിലൂടെ വിനോദ സഞ്ചാര മേഖലയില്‍ എത്രത്തോളം നേട്ടമുണ്ടാക്കാനായെന്ന് വിശദമാക്കാമോ;

(ബി)ഹോം സ്റേ അനുമതി നല്‍കുന്നതിനുളള വ്യവസ്ഥകളും, ഉടമയ്ക്കു നല്‍കുന്ന ഇളവുകളും സംബന്ധിച്ച വിശദവിവരം നല്‍കാമോ;

(സി)വിദേശ സഞ്ചാരികള്‍ ഹോം സ്റേ സൌകര്യം ഉപയോഗപ്പെടുത്തുമ്പോള്‍ സുരക്ഷാ മാനദണ്ഡങ്ങള്‍ പാലിക്കപ്പെടുന്നുണ്ടോ എന്നു പരിശോധിക്കാന്‍ നിലവിലുളള സംവിധാനമെന്തെല്ലാമാണെന്ന് വ്യക്തമാക്കുമോ?

നഴ്സിങ് മേഖലയിലെ പ്രശ്നങ്ങള്‍

ശ്രീ. ജോസ് തെറ്റയില്‍

ശ്രീമതി ജമീലാ പ്രകാശം

ശ്രീ. മാത്യു റ്റി. തോമസ്

,, സി. കെ. നാണു

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)നഴ്സിങ് മേഖലയില്‍ പണിയെടുക്കുന്നവരുടെ സേവനവേതന ങ്ങളെ സംബന്ധിച്ച് പ്രശ്നങ്ങള്‍ ഉയര്‍ന്നുവരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)നഴ്സിങ് മേഖലയിലെ പ്രശ്നങ്ങള്‍ സമഗ്രമായി പഠിക്കുവാന്‍ ഒരു കമ്മീഷനെ വെയ്ക്കുവാന്‍ സര്‍ക്കാര്‍ തയ്യാറാകുമോ;

(സി)ഈ പ്രശ്നങ്ങള്‍ പരിഹരിക്കുന്നതിന് സര്‍ക്കാര്‍ വഹിച്ച പങ്ക് എന്തെന്നു വ്യക്തമാക്കുമോ?

ജലവിഭവ അതോറിറ്റി

ശ്രീ. വി. ചെന്താമരാക്ഷന്‍

,, ഇ.പി. ജയരാജന്‍

,, എസ്. ശര്‍മ്മ

,, എ. പ്രദീപ്കുമാര്‍

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)സര്‍ക്കാര്‍ രൂപീകരിക്കുന്ന ജലവിഭവ അതോറിറ്റിക്കും നിലവിലുള്ള കേരളാ വാട്ടര്‍ അതോറിറ്റിക്കും നിയമനിര്‍മ്മാണത്തിലൂടെ ഏല്‍പിച്ചു നല്‍കിയിരിക്കുന്ന അധികാരങ്ങളും കര്‍ത്തവ്യങ്ങളും ചുമതലകളും മിക്കവയും ഒന്നുതന്നെയായിരിക്കുന്നതിന്റെ കാരണം അറിയിക്കാമോ;

(ബി)ഒരേ അധികാരത്തോടെ മറ്റൊരു അതോറിറ്റി രൂപീകരിക്കുന്നത് കേരള വാട്ടര്‍ അതോറിറ്റി ഘട്ടംഘട്ടമായി നിര്‍ത്തലാക്കുന്നതിനാണോ; വാട്ടര്‍ അതോറിറ്റിയെ ശക്തിപ്പെടുത്താന്‍ നടപടികള്‍ സ്വീകരിക്കാത്തത് ഇതുകൊണ്ടാണോ; വ്യക്തമാക്കാമോ;

(സി)പുതിയ അതോറിറ്റി രൂപീകരിക്കുന്നതിനുപകരം കേരളാ വാട്ടര്‍ അതോറിറ്റി ശക്തിപ്പെടുത്താന്‍ നടപടി സ്വീകരിക്കുമോ; ഇല്ലെങ്കില്‍ കാരണം അറിയിക്കുമോ?

അരിവാള്‍ രോഗം ബാധിച്ച പട്ടികവര്‍ഗ്ഗക്കാര്‍ക്ക് പെന്‍ഷന്‍

ശ്രീ. സി.പി. മുഹമ്മദ്

,, ഐ.സി. ബാലകൃഷ്ണന്‍

,, പാലോട് രവി

,, എം.പി. വിന്‍സെന്റ്

താഴെ കാണുന്ന ചോദ്യങ്ങള്‍ക്ക് പട്ടികവര്‍ഗ്ഗക്ഷേമവും യുവജനകാര്യവും കാഴ്ചബംഗ്ളാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)അരിവാള്‍ രോഗം ബാധിച്ച പട്ടികവര്‍ഗ്ഗക്കാര്‍ക്ക് പെന്‍ഷന്‍ നല്‍കാന്‍ പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)പദ്ധതിയുടെ വിശദാംശങ്ങള്‍ എന്തെല്ലാം;

(സി)ഏതെല്ലാം ഏജന്‍സികളാണ് പദ്ധതിയുമായി സഹകരിക്കുന്നത്; വിശദമാക്കുമോ;

(ഡി)പദ്ധതി നടത്തിപ്പിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ ?

തോട്ടം മേഖലയില്‍ മിനിമം വേതനം

ശ്രീ. കെ. ശിവദാസന്‍ നായര്‍

,, ജോസഫ് വാഴക്കന്‍

,, ഡൊമിനിക് പ്രസന്റേഷന്‍

,, കെ. മുരളീധരന്‍

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്ത് തോട്ടം മേഖലയില്‍ മിനിമം വേതനം നല്‍കാന്‍ പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; വിശദാംശങ്ങള്‍ എന്തെല്ലാം;

(സി)ഏതെല്ലാം ഏജന്‍സികളുടെ സഹകരണത്തോടെയാണ് പദ്ധതി നടപ്പാക്കുന്നത്; വിശദമാക്കുമോ;

(ഡി)ഇതിനായി എന്തെല്ലാം നടപടികള്‍ എടുത്തിട്ടുണ്ട്; വിശദാംശങ്ങള്‍ എന്തെല്ലാം?

മാനസികവൈകല്യമുള്ള കുട്ടികള്‍ക്കും ഓട്ടിസം ബാധിച്ച കുട്ടികള്‍ക്കുമുള്ള ചികിത്സാ സൌകര്യങ്ങള്‍

ശ്രീ. എം. ഉമ്മര്‍

,, എന്‍.എ. നെല്ലിക്കുന്ന്

,, പി. ഉബൈദുള്ള

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)മാനസികവൈകല്യമുള്ള കുട്ടികള്‍ക്കും ഓട്ടിസം ബാധിച്ച കുട്ടികള്‍ക്കുമുള്ള ചികിത്സാ സൌകര്യങ്ങള്‍ മെച്ചപ്പെടുത്തുന്ന കാര്യം പരിഗണനയിലുണ്ടോ; വിശദാംശം നല്‍കുമോ;

(ബി)സംസ്ഥാനത്തുള്ള ഓട്ടിസം ക്ളീനിക്കിന്റെ പ്രവര്‍ത്തനം കൂടുതല്‍ ശക്തമാക്കാന്‍ നടപടി സ്വീകരിക്കുമോ?

ആരോഗ്യ സര്‍വ്വകലാശാലയുടെ പ്രവര്‍ത്തനം

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

,, കോടിയേരി ബാലകൃഷ്ണന്‍

ശ്രീമതി. കെ.എസ്.സലീഖ

ശ്രീ. വി. ശിവന്‍കുട്ടി

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)ആരോഗ്യ സര്‍വ്വകലാശാല സ്വകാര്യ സ്വാശ്രയ സ്ഥാപനങ്ങള്‍ക്ക് കോഴ്സ് അനുവദിച്ചതും അഫിലിയേഷന്‍ നല്‍കുന്നതുമായി ബന്ധപ്പെട്ട് വിജിലന്‍സ് അന്വേഷണം നടത്തേണ്ടിവന്ന സാഹചര്യത്തില്‍ സര്‍വ്വകലാശാലയുടെ പ്രവര്‍ത്തനം വിലയിരുത്തിയിട്ടുണ്ടോ;

(ബി)ഗവേണിംഗ് കൌണ്‍സിലിനു പകരം മറ്റു യൂണിവേഴ്സിറ്റികളിലേതുപോലെ തെരഞ്ഞെടുക്കപ്പെടുന്ന ജനപ്രതിനിധികള്‍ ഉള്‍പ്പെടെയുള്ളവരെ ഉള്‍ക്കൊള്ളിച്ചുകൊണ്ടുള്ള സെനറ്റ്, സിന്‍ഡിക്കേറ്റ് എന്നീ ജനാധിപത്യ സംവിധാനങ്ങള്‍ നടപ്പിലാക്കാന്‍ നടപടി സ്വീകരിക്കുമോ; സര്‍ക്കാരിന്റെ അഭിപ്രായം അറിയിക്കാമോ;

(സി)ഗവേണിംഗ് കൌണ്‍സില്‍ നടത്തിയ സ്ഥിരം നിയമനങ്ങളെ സംബന്ധിച്ച് അഴിമതി ആരോപണങ്ങള്‍ ഉയര്‍ന്നുവന്നത് ശ്രദ്ധയില്‍പെട്ടിട്ടുണ്ടോ; ഇതിന്മേല്‍ എന്തു നടപടി സ്വീകരിച്ചുവെന്നറിയിക്കാമോ?

സ്കൂള്‍ കലോത്സവങ്ങളില്‍ പങ്കെടുക്കുന്ന പട്ടികവര്‍ഗ്ഗ വിദ്യാര്‍ത്ഥികള്‍ക്ക് സാമ്പത്തിക സഹായം

ശ്രീ. ഹൈബി ഈഡന്‍

,, അന്‍വര്‍ സാദത്ത്

,, ഐ. സി. ബാലകൃഷ്ണന്‍

,, ഷാഫി പറമ്പില്‍

താഴെ കാണുന്ന ചോദ്യങ്ങള്‍ക്ക് പട്ടികവര്‍ഗ്ഗക്ഷേമവും യുവജനകാര്യവും കാഴ്ചബംഗ്ളാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)സ്കൂള്‍ കലോത്സവങ്ങളില്‍ പങ്കെടുക്കുന്ന പട്ടികവര്‍ഗ്ഗ വിദ്യാര്‍ത്ഥികള്‍ക്ക് പ്രത്യേക സാമ്പത്തിക സഹായം നല്‍കുന്നതിന് പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)പദ്ധതിയുടെ വിശദാംശങ്ങള്‍ എന്തെല്ലാമാണ്;

(സി)സാമ്പത്തികസഹായം ലഭിക്കുന്നതിനുള്ള മാനദണ്ഡങ്ങള്‍ എന്തെല്ലാമാണ്;

(ഡി)ഏത് വര്‍ഷം മുതലാണ് പദ്ധതി നടപ്പാക്കാനുദ്ദേശിക്കുന്നത്; വിശദമാക്കുമോ?

പുതിയ മെഡിക്കല്‍ കോളേജുകള്‍ പ്രവര്‍ത്തനക്ഷമമാക്കുന്നതിന് നടപടി

ശ്രീ. സി. എഫ്. തോമസ്

,, മോന്‍സ് ജോസഫ്

,, റ്റി. യു. കുരുവിള

,, തോമസ് ഉണ്ണിയാടന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)പുതുതായി ആരംഭിക്കുന്ന സര്‍ക്കാര്‍ മെഡിക്കല്‍ കോളേജുകള്‍ പ്രവര്‍ത്തനക്ഷമമാക്കുന്നതിന് സ്വീകരിച്ചിട്ടുള്ള നടപടികള്‍ എന്തെന്ന് വ്യക്തമാക്കുമോ;

(ബി)ഇവയുടെ പ്രവര്‍ത്തനം സമയബന്ധിതമായി ആരംഭിക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

(സി)ഓരോ സര്‍ക്കാര്‍ മെഡിക്കല്‍ കോളേജിലും രണ്ടോ മൂന്നോ സ്പെഷ്യാലിറ്റി റിസര്‍ച്ച് സംവിധാനം ഏര്‍പ്പെടുത്തുന്നതിന് നടപടി സ്വീകരിക്കുമോ ?

ദേശീയ ജലവിഭവ കൌണ്‍സില്‍ അംഗീകരിച്ച ജലനയം

ശ്രീ. കോടിയേരി ബാലകൃഷ്ണന്‍

,, പി. റ്റി. എ. റഹീം

ശ്രീമതി കെ. കെ. ലതിക

ശ്രീ. രാജു എബ്രഹാം

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)ദേശീയ ജലവിഭവ കൌണ്‍സില്‍ അംഗീകരിച്ച ജലനയം സംസ്ഥാനത്തിന്റെയും ജനങ്ങളുടെയും താല്പര്യത്തെ ഏതെല്ലാം നിലയില്‍ ഹാനികരമായി ബാധിക്കുമെന്ന് പരിശോധിച്ചിട്ടുണ്ടോ; വിശദമാക്കുമോ;

(ബി)ഇതിന്റെ ഫലമായി പ്രകൃതിവിഭവമായ ജലം കുടിക്കാനും കൃഷിക്കും കൂടിയ വില നല്കി വാങ്ങേണ്ടി വരുമെന്ന വസ്തുത ശ്രദ്ധയില്‍പ്പെട്ടിട്ടുണ്ടോ?

(സി)പ്രസ്തുത ജലനയം സംബന്ധിച്ച് സംസ്ഥാന സര്‍ക്കാരിന്റെ സമീപനം രൂപീകരിക്കപ്പെട്ടിട്ടുണ്ടോ; വിശദമാക്കുമോ;

ആരോഗ്യ ശുശ്രൂഷാരംഗത്തുള്ള പെണ്‍കുട്ടികളുടെ പ്രശ്നങ്ങള്‍

ശ്രീ. എന്‍. എ നെല്ലിക്കുന്ന്

,, റ്റി. എ. അഹമ്മദ് കബീര്‍

,, സി മമ്മുട്ടി

,, കെ. മുഹമ്മദുണ്ണി ഹാജി

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)ആരോഗ്യ ശുശ്രൂഷാ രംഗത്ത് സംസ്ഥാനത്തിനകത്തും പുറത്തും പ്രവര്‍ത്തിക്കുന്ന കേരളത്തിലെ പെണ്‍കുട്ടികളുടെ പ്രശ്നങ്ങളെക്കുറിച്ച് തയ്യാറാക്കപ്പെട്ട വിവിധ റിപ്പോര്‍ട്ടുകള്‍ സര്‍ക്കാര്‍ പരിഗണിച്ചിട്ടുണ്ടോ;

(ബി)എങ്കില്‍ അവരുടെ പ്രശ്നങ്ങള്‍ക്ക് പരിഹാരം കാണാന്‍ സംസ്ഥാനതലത്തില്‍ എന്താക്കെ നടപടികളാണ് സ്വീകരിക്കാന്‍ കഴിയുകയെന്ന കാര്യം പരിശോധിച്ചിട്ടുണ്ടോ;

(സി)ഇക്കാര്യത്തില്‍ കേന്ദ്ര നിലപാടിനെക്കുറിച്ച് ആരാഞ്ഞിട്ടുണ്ടോ;

(ഡി)ഈ രംഗത്ത് ധാരാളം മലയാളി പെണ്‍കുട്ടികളുണ്ടെന്ന വസ്തുത കണക്കിലെടുത്ത് അവരുടെ പ്രശ്നങ്ങള്‍ക്ക് അടിയന്തിര പ്രാധാന്യം നല്‍കുമോ?

അന്യസംസ്ഥാനത്തൊഴിലാളികള്‍ക്കുള്ള രജിസ്ട്രേഷന്‍

ശ്രീ. ഷാഫി പറമ്പില്‍

,, പാലോട് രവി

,, പി. സി. വിഷ്ണുനാഥ്

,, ഐ. സി. ബാലകൃഷ്ണന്‍

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)അന്യസംസ്ഥാനത്തൊഴിലാളികളെ രജിസ്ട്രേഷന്‍ പരിധിയില്‍കൊണ്ടുവരുവാന്‍ ഉദ്ദേശിക്കുന്നുണ്ടോ; വിശദമാക്കുമോ;

(ബി)ഇതിന്റെ ഉദ്ദേശലക്ഷ്യങ്ങള്‍ എന്തൊക്കെയാണ്; വിശദാംശങ്ങള്‍ എന്തെല്ലാം;

(സി)ഇതിനായി നിയമനിര്‍മ്മാണം നടത്തുവാന്‍ ആലോചിക്കുന്നുണ്ടോ; വിശദമാക്കുമോ;

(ഡി)ഇവര്‍ക്ക് ആവശ്യമായ സുരക്ഷയും അടിസ്ഥാന സൌകര്യവും ഏര്‍പ്പെടുത്തുന്ന വ്യവസ്ഥകള്‍ നിയമത്തില്‍ ഉള്‍പ്പെടുത്തുമോ ?

മിനറല്‍ വാട്ടറിന്റെ ഗുണനിലവാരം

ശ്രീ. അബ്ദുറഹിമാന്‍ രണ്ടത്താണി

,, എം. ഉമ്മര്‍

,, കെ. എന്‍. എ. ഖാദര്‍

,, പി. ഉബൈദുള്ള

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്ത് വിതരണം ചെയ്യുന്ന മിനറല്‍ വാട്ടറിന്റെ ഗുണ നിലവാരം ഉറപ്പുവരുത്തുന്നതിന് എന്തെങ്കിലും സംവിധാനം ഏര്‍പ്പെടുത്തിയിട്ടുണ്ടോ; വ്യക്തമാക്കുമോ;

(ബി)സംസ്ഥാനത്തിനകത്ത് പ്രവര്‍ത്തിക്കുന്ന മിനറല്‍വാട്ടര്‍ കമ്പനികളുടെ പ്രവര്‍ത്തനവും ഉല്പന്നങ്ങളുടെ ഗുണനിലവാരവും പരിശോധിക്കാന്‍ മതിയായ സംവിധാനം ഏര്‍പ്പെടുത്തിയിട്ടുണ്ടോ; വിശദമാക്കുമോ;

(സി)കുപ്പിവെള്ളത്തിന്റെ വിപണന വില ഏകീകരിക്കുന്നതിനും, അമിതവില ഈടാക്കുന്നതു തടയുന്നതിനും ആവശ്യമായ നടപടി സ്വീകരിച്ചിട്ടുണ്ടോ;

(ഡി)ലിറ്ററൊന്നിന് പരമാവധി വില നിശ്ചയിച്ചിട്ടുണ്ടോ; ഒരു ലിറ്ററിലധികമുള്ള കണ്ടൈനറുകള്‍ക്ക് നിശ്ചയിച്ചിട്ടുള്ള പരമാവധി വിലയെത്രയാണ്; വിശദമാക്കുമോ?

പുതിയ ഫാസ്റ് ട്രാക്ക് സംവിധാനങ്ങള്‍ വഴി ടൂറിസം പദ്ധതികള്‍

ശ്രീ. കെ. അച്ചുതന്‍

,, എ.റ്റി.ജോര്‍ജ്

,, വി.പി. സജീന്ദ്രന്‍

,, പി.എ. മാധവന്‍

താഴെ കാണുന്ന ചോദ്യങ്ങള്‍ക്ക്

പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)പുതിയ ടൂറിസം പദ്ധതികള്‍ യഥാര്‍ത്ഥ്യമാക്കാന്‍ എന്തെല്ലാം സംവിധാനങ്ങളാണ് കൈകൊളളാനുദ്ദേശിക്കുന്നത്; വിശദമാക്കുമോ;

(ബി)പ്രസ്തുത രംഗത്ത് ആവിഷ്കരിക്കുന്ന പദ്ധതികള്‍ ഫാസ്റ് ട്രാക്ക് അടിസ്ഥാനത്തില്‍ പൂര്‍ത്തിയാക്കാന്‍ നടപടികള്‍ സ്വീകരിക്കുമോ; വിശദാംശങ്ങള്‍ എന്തെല്ലാം ;

(സി)ഫാസ്റ് ട്രാക് അടിസ്ഥാനത്തില്‍ സംവിധാനങ്ങള്‍ ഏര്‍പ്പെടുത്തുന്നതിന് ഭരണ തലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

(ഡി)പ്രസ്തുത പദ്ധതിക്കുളള ധനസമാഹരണം എങ്ങനെ നടത്തുവാനാണ് ഉദ്ദേശിക്കുന്നത്; വിശദാംശങ്ങള്‍ എന്തെല്ലാം?

ടൂറിസ്റ് കേന്ദ്രങ്ങളിലെ മെച്ചപ്പെട്ട അടിസ്ഥാന സൌകര്യം

ശ്രീ. ജെയിംസ് മാത്യു

,, എം. ചന്ദ്രന്‍

'' കെ. കുഞ്ഞമ്മത് മാസ്റര്‍

'' കെ.കെ. നാരായണന്‍

താഴെ കാണുന്ന ചോദ്യങ്ങള്‍ക്ക് പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും

വകുപ്പുമന്ത്രി സദയം മറുപടി നല്‍കുമോ:

(എ)നിരന്തരമുണ്ടാകുന്ന ടൂറിസ്റ് ബോട്ടപകടങ്ങള്‍ തടയാനായി ടൂറിസം വകുപ്പിന് എന്തെങ്കിലും പദ്ധതികളുണ്ടോ; വിശദീകരിക്കാമോ;

(ബി)ടൂറിസ്റ് കേന്ദ്രങ്ങളില്‍ അടിസ്ഥാന സൌകര്യം ഏര്‍പ്പെടുത്തുന്നതിനും നിലവാരം ഉയര്‍ത്തുന്നതിനുമായി പ്രഖ്യാപിച്ച പദ്ധതിയുടെ വിശദാംശങ്ങള്‍ ലഭ്യമാക്കുമോ;

(സി)ഓരോ പദ്ധതിയുടെയും ഭൌതിക നേട്ടങ്ങള്‍ വിലയിരുത്തിയിട്ടുണ്ടോ; പദ്ധതി ലക്ഷ്യം കൈവരിച്ചതായി കരുതുന്നുണ്ടോ;

(ഡി)ഇതുവഴി വര്‍ദ്ധിച്ച നിക്ഷേപങ്ങളുടെയും തൊഴിലവസരങ്ങളുടെയും വ്യാപ്തി പരിശോധിച്ചിട്ടുണ്ടോ; വ്യക്തമാക്കുമോ?

പട്ടികജാതി വിദ്യാര്‍ത്ഥികള്‍ക്കുള്ള ആനൂകൂല്യങ്ങള്‍

ശ്രീ. തോമസ് ഉണ്ണിയാടന്‍

,, സി.എഫ്. തോമസ്

'' മോന്‍സ് ജോസഫ്

'' റ്റി.യു. കുരുവിള

താഴെ കാണുന്ന ചോദ്യങ്ങള്‍ക്ക് പട്ടിക ജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി

സദയം മറുപടി നല്‍കുമോ:

(എ)പട്ടികജാതി വിദ്യര്‍ത്ഥികള്‍ക്കുള്ള വിദ്യാഭ്യാസ ആനൂകൂല്യങ്ങള്‍ അദ്ധ്യായന വര്‍ഷാരംഭം തന്നെ നല്‍കുന്നതിന് നടപടികള്‍ ഉണ്ടാകുമോ; എങ്കില്‍ വിശദാംശം ലഭ്യമാക്കുമോ;

(ബി)പട്ടികജാതി വിദ്യാര്‍ത്ഥികള്‍ക്ക് നല്‍കുന്ന വിവിധ ആനൂകൂല്യങ്ങള്‍ വര്‍ദ്ധിപ്പിക്കുന്നതിന് നടപടികള്‍ ഉണ്ടാകുമോ?

സര്‍ക്കാര്‍ ആശുപത്രികളിലെ മരുന്ന് ദൌര്‍ലഭ്യം

ശ്രീ. തോമസ് ചാണ്ടി

,, എ. കെ. ശശീന്ദ്രന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്ത് സര്‍ക്കാര്‍ ആശുപത്രികളില്‍ അത്യാവശ്യത്തിന് മരുന്ന് ലഭിക്കുന്നില്ലെന്നുള്ള കാര്യം ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ എന്ത് നടപടിസ്വീകരിച്ചുവെന്ന് വ്യക്തമാക്കുമോ;

(ബി)ആശുപത്രികളില്‍ ആവശ്യമുള്ള മരുന്നുകള്‍ സംഭരിക്കാതെ അനാവശ്യവും ഗുണനിലവാരം കുറഞ്ഞതുമായ മരുന്നുകള്‍ വാങ്ങിക്കൂട്ടിയതാണ് കോടികള്‍ വിലയുള്ള മരുന്നുകള്‍ ഉപയോഗശൂന്യമാകാന്‍ പ്രധാനകാരണമെന്നത് ശ്രദ്ധയില്‍പ്പെട്ടിട്ടുണ്ടോ;

(സി)ഉപയോഗശൂന്യമായ മരുന്നുകള്‍ നശിപ്പിക്കുന്നതിന് വന്‍തുക വേണ്ടിവരുമെന്നകാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)അനാവശ്യവും ഗുണനിലവാരം കുറഞ്ഞതുമായ മരുന്നുകള്‍ വാങ്ങിക്കൂട്ടിയവര്‍ക്കെതിരെ എന്ത് നടപടി സ്വീകരിച്ചുവെന്ന് വ്യക്തമാക്കുമോ?

കൊച്ചി-മലബാര്‍ ദേവസ്വം ബോര്‍ഡുകളിലേക്ക് തെരഞ്ഞെടുപ്പ്

ശ്രീ. ജി സുധാകരന്‍

,, പി. കെ. ഗുരുദാസന്‍

,, എസ്. ശര്‍മ്മ

,, ബാബു എം. പാലിശ്ശേരി

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)കൊച്ചി-മലബാര്‍ ദേവസ്വം ബോര്‍ഡുകളിലേക്ക് കാലാവധി കഴിഞ്ഞിട്ടും തെരഞ്ഞെടുപ്പ് നടത്താത്തതിനാല്‍ ഈ ദേവസ്വങ്ങളില്‍ ഭരണസ്തംഭനം ഉളവായിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)ഈ ദേവസ്വം ബോര്‍ഡുകളിലേക്കും തിരുവിതാംകൂര്‍ ദേവസ്വം ബോര്‍ഡില്‍ സംവരണ വിഭാഗം പ്രതിനിധിയേയും തെരഞ്ഞെടുക്കാതിരിക്കുന്നതിന്റെ കാരണം അറിയിക്കുമോ ?

ഒറാക്കിള്‍ സോഫ്റ്റ്വെയര്‍

ശ്രീ. എം. ഹംസ

,, കെ. വി. വിജയദാസ്

,, ജെയിംസ് മാത്യു

ഡോ. കെ. ടി. ജലീല്‍

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)കേരളാ വാട്ടര്‍ സപ്ളൈ പ്രോജക്ട് നെറ്റ് വര്‍ക്കിനായി സ്വതന്ത്ര സോഫ്റ്റ് വെയര്‍ ഒഴിവാക്കി കെല്‍ട്രോണ്‍വഴി ഒറാക്കിള്‍ സോഫ്റ്റ്വെയര്‍ വാങ്ങാന്‍ തീരുമാനിച്ചതിന്റെ കാരണം വിശദമാക്കുമോ;

(ബി)കെല്‍ട്രോണ്‍ സപ്ളൈ ചെയ്യുന്നതില്‍ സ്വയംനിര്‍മ്മിതമോ അസംബ്ള്‍ ചെയ്യുന്നതോ ആയ ഭാഗം, അമ്പതു ശതമാനമോഅതില്‍ കുറവോ ആണെങ്കില്‍ തുറന്ന ടെണ്ടറിലൂടെ മാത്രമേ വാങ്ങാവൂ എന്ന നിബന്ധന ഒഴിവാക്കാനുള്ള കാരണം പരിശോധിച്ചിട്ടുണ്ടോ;

(സി)സ്ഥാപന ശാക്തീകരണ വര്‍ക്കിംഗ് കമ്മിറ്റി, ജിക്ക പദ്ധതിയുടെ കണ്‍സള്‍ട്ടന്റായ ടി.ഇ.സി.സി.പഠനത്തെ ആസ്പദമാക്കിസ്വതന്ത്ര സോഫ്റ്റ് വെയറാണ് കേരളാ വാട്ടര്‍ അതോറിറ്റിക്ക് അനുയോജ്യമെന്ന് കണ്ടെത്തിയിട്ടും ഒറാക്കിള്‍ സോഫ്റ്റ് വെയര്‍ വാങ്ങാന്‍ തീരുമാനിച്ചതിന്റെ കാരണം വ്യക്തമാക്കുമോ;

(ഡി)ഒറാക്കിള്‍ സോഫ്റ്റ് വെയറും സ്വതന്ത്ര സോഫ്റ്റ് വെയറും ഉപയോഗിക്കുമ്പോഴുണ്ടാകാവുന്ന ദീര്‍ഘകാല സാമ്പത്തിക ബാദ്ധ്യത താരതമ്യം ചെയ്തിട്ടുണ്ടോ; വിശദാംശം നല്കുമോ;

(ഇ)സ്വതന്ത്ര സോഫ്റ്റ് വെയര്‍ സാദ്ധ്യമായിടത്തെല്ലാം ഉപയോഗിക്കണമെന്ന നയത്തിന് വിരുദ്ധമായി കേരള വാട്ടര്‍ അതോറിറ്റിക്ക് ഇന്നത്തെ സാമ്പത്തിക സ്ഥിതിയില്‍ താങ്ങാനാവാത്ത സാമ്പത്തിക ബാദ്ധ്യത വരുത്തിവയ്ക്കുമെന്ന് വിലയിരുത്തപ്പെടുന്ന പ്രസ്തുത തീരുമാനം തിരുത്താന്‍ നടപടി സ്വീകരിക്കുമോ?

മസ്തിഷ്ക മരണാനന്തര അവയവദാനം

ശ്രീ. റോഷി അഗസ്റിന്‍

,, പി.സി.ജോര്‍ജ്

ഡോ. എന്‍.ജയരാജ്

ശ്രീ. എം.വി.ശ്രേയാംസ് കുമാര്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്ത് മസ്തിഷ്ക മരണാനന്തര അവയവ ദാനത്തിന് സജ്ജീകരണങ്ങള്‍ ഏര്‍പ്പെടുത്തിയിട്ടുണ്ടോ; എങ്കില്‍, ആയതിന്റെ വിശദാംശങ്ങള്‍ നല്‍കുമോ;

(ബി)ഇതുമായി ബന്ധപ്പെട്ട് പ്രവര്‍ത്തിക്കുന്ന ആശുപത്രികളുടെ ഒരു നെറ്റ്വര്‍ക്കിന് രൂപം നല്‍കാന്‍ ഉദ്ദേശിക്കുന്നുവോ; വിശദാംശങ്ങള്‍ നല്‍കുമോ;

(സി)മസ്തിഷ്ക മരണം സ്ഥിരീകരിക്കുന്നതിന് ഓരോ ആശുപത്രികളിലും പ്രത്യേകം കമ്മിറ്റി രൂപീകരിക്കാന്‍ നടപടി സ്വീകരിക്കുമോ?

പരിശീലനം ലഭിച്ച ടൂറിസ്റ് ഗൈഡുകള്‍

ശ്രീ. ആര്‍. സെല്‍വരാജ്

,, വി.റ്റി. ബല്‍റാം

,, കെ. അച്ചുതന്‍

,, ലൂഡി ലൂയിസ്

താഴെ കാണുന്ന ചോദ്യങ്ങള്‍ക്ക് പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി

സദയം മറുപടി നല്‍കുമോ:

(എ)വിനോദ സഞ്ചാര മേഖലകളില്‍ പരിശീലനം ലഭിച്ച ഗൈഡുകളുടെ സേവനം പ്രയോജനപ്പെടുത്തുന്നതിന് പദ്ധതി തയ്യാറാക്കിയിട്ടുണ്ടോ; വിശദമാക്കുമോ;

(ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തൊക്കെയാണ് വിശദീകരിക്കുമോ;

(സി)ടൂറിസം മേഖലയില്‍ ഇപ്പോള്‍ പ്രവര്‍ത്തിക്കുന്ന ഗൈഡുകള്‍ക്ക് നിലവില്‍ എവിടെയൊക്കെയാണ് പരിശീലനം നല്‍കി വന്നിട്ടുളളത്;

(ഡി)ഇവരെക്കൂടി പദ്ധതിയില്‍ ഉള്‍പ്പെടുത്തുന്ന കാര്യം പരിഗണിക്കുമോ;

ഡാമുകളുടെ നവീകരണ പുനരുദ്ധാരണ പ്രവര്‍ത്തനങ്ങള്‍

ഡോ. എന്‍. ജയരാജ്

ശ്രീ. എം.വി. ശ്രേയാംസ് കുമാര്‍

,, റോഷി അഗസ്റിന്‍

,, പി. സി. ജോര്‍ജ്

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)നവീകരണവും പുനരുദ്ധാരണവും ആവശ്യമായ ഏതെല്ലാം ഡാമുകള്‍ നിലവിലുണ്ട്;

(ബി)പ്രസ്തുത ജോലികള്‍ക്ക് ചെലവഴിക്കേണ്ടിവരുന്ന തുക എത്രയെന്ന് കണക്കാക്കിയിട്ടുണ്ടോ ; എങ്കില്‍ ആയതിന്റെ വിശദാംശങ്ങള്‍ നല്‍കുമോ ;

(സി)ഡാമുകളുടെ നവീകരണ-പുനരുദ്ധാരണ ജോലികള്‍ക്ക് സര്‍ക്കാരിതര ഏജന്‍സികളുടെ സാമ്പത്തിക സഹായം തേടിയിട്ടുണ്ടോ ; വിശദാംശങ്ങള്‍ നല്‍കുമോ ;

(ഡി)ഇതിനായി എത്ര തുകയുടെ പദ്ധതിയ്ക്കാണ് അംഗീകാരം നല്‍കിയിരിക്കുന്നത് ; നവീകരണ-പുനരുദ്ധാരണ ജോലികള്‍ എന്നുമുതല്‍ ആരംഭിക്കാന്‍ സാധിക്കും; വിശദാംശങ്ങള്‍ നല്‍കുമോ ?

കാരുണ്യ കമ്മ്യൂണിറ്റി ഫാര്‍മസിയുടെ പ്രവര്‍ത്തനം

ശ്രീ. എസ്. രാജേന്ദ്രന്‍

,, എളമരം കരീം

,, കെ. രാധാകൃഷ്ണന്‍

,, കോലിയക്കോട് എന്‍. കൃഷ്ണന്‍ നായര്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)കാരുണ്യ കമ്മ്യൂണിറ്റി ഫാര്‍മസിയുടെ പ്രവര്‍ത്തനം വിലയിരുത്തിയിട്ടുണ്ടോ; നിലവില്‍ എത്ര എണ്ണം പ്രവര്‍ത്തിക്കുന്നുണ്ടെന്ന് അറിയിക്കാമോ; എത്രയെണ്ണം സ്ഥാപിക്കുമെന്നായിരുന്നു പ്രഖ്യാപിച്ചിരുന്നത്;

(ബി)സര്‍ക്കാര്‍ ഇതിനായി ഇതുവരെ എത്ര തുക ചെലവഴിച്ചു; ബഡ്ജറ്റില്‍ വകയിരുത്തിയിരുന്ന തുക എത്രയാണെന്ന് അറിയിക്കാമോ;

(സി)കാരുണ്യ കമ്മ്യൂണിറ്റി ഫാര്‍മസിയിലൂടെ വിതരണം ചെയ്യുന്ന മരുന്നു വാങ്ങാന്‍ അധിക തുക നല്‍കാത്തതിനാല്‍ കെ.എം.എസ്.സി.എല്‍. ആശുപത്രികളിലൂടെ സൌജന്യ വിതരണത്തിനായി മരുന്നു വാങ്ങാനുള്ള തുക വകമാറ്റി വിലകുറച്ചു വില്ക്കാനുള്ള മരുന്നു വാങ്ങുന്നതിനാല്‍ സര്‍ക്കാര്‍ ആശുപത്രികളെ ആശ്രയിക്കുന്ന പാവപ്പെട്ട രോഗികള്‍ മരുന്നു കിട്ടാതെ ബുദ്ധിമുട്ടുന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)എങ്കില്‍ ഉടന്‍ തന്നെ ഫണ്ടു കൈമാറാന്‍ നടപടി സ്വീകരിക്കുമോ ?

പ്രമേഹരോഗികള്‍ക്കു സൌജന്യമരുന്ന് നല്‍കുന്നതിനു നടപടി

ശ്രീ. എ. പി. അബ്ദുള്ളക്കുട്ടി

,, വി. ഡി. സതീശന്‍

,, ലൂഡി ലൂയീസ്

,, പി. എ. മാധവന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)പ്രമേഹരോഗികള്‍ക്കു സൌജന്യമരുന്ന് നല്‍കുന്നതിനു പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)ഏതെല്ലാം ആശുപത്രികള്‍ വഴിയാണ് മരുന്നുകള്‍ വിതരണം ചെയ്യാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)ഏതെല്ലാം ഏജന്‍സികളാണ് ഇതുമായി സഹകരിക്കുന്നത്;

(ഡി)എത്ര ലക്ഷം പേര്‍ക്കാണ് ഈ ആനുകൂല്യം ലഭിക്കുന്നത്; വിശദാംശങ്ങള്‍ എന്തെല്ലാം?

മെഡിക്കല്‍ കോളേജുകളിലെ അടിസ്ഥാന സൌകര്യങ്ങള്‍

ഡോ.ടി. എം. തോമസ് ഐസക്

ശ്രീ. കെ. സുരേഷ് കുറുപ്പ്

,, എ. പ്രദീപ്കുമാര്‍

,, ബി. സത്യന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്തെ മെഡിക്കല്‍ കോളേജുകളിലെ അടിസ്ഥാന സൌകര്യം വര്‍ദ്ധിപ്പിക്കാന്‍ സര്‍ക്കാര്‍ എന്തൊക്കെ പദ്ധതികളാണ് വിഭാവനം ചെയ്തിരുന്നത്; ഏതൊക്കെ പദ്ധതികളാണ് പൂര്‍ത്തീകരിക്കാനായത്; വിശദാംശം ലഭ്യമാക്കുമോ;

(ബി)മെഡിക്കല്‍ കോളേജുകളിലെ അടിസ്ഥാന സൌകര്യങ്ങളുടെ അഭാവം കൊണ്ടും പരിശോധനാ സൌകര്യങ്ങളുടെ അപര്യാപ്തത കൊണ്ടും പാവപ്പെട്ട രോഗികള്‍ സ്വകാര്യ സ്ഥാപനങ്ങളെ ആശ്രയിക്കേണ്ടി വരുന്നത് സര്‍ക്കാര്‍ മനസ്സിലാക്കിയിട്ടുണ്ടോ; ഇത് പരിഹരിക്കാനായി എന്തെങ്കിലും സമയബന്ധിത പരിപാടികള്‍ ആവിഷ്കരിച്ചിട്ടുണ്ടോ; വിശദമാക്കുമോ?

കെട്ടിടനിര്‍മ്മാണസ്ഥലങ്ങളിലെ സുരക്ഷാ ഓഡിറ്റ്

ശ്രീ. ലൂഡി ലൂയിസ്

,, സണ്ണി ജോസഫ്

,, എം. പി. വിന്‍സെന്റ്

,, ഹൈബി ഈഡന്‍

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)കെട്ടിടനിര്‍മ്മാണസ്ഥലങ്ങളില്‍ സുരക്ഷാ ഓഡിറ്റ് ശക്തിപ്പെടുത്തുവാന്‍ എന്തെല്ലാം നടപടികളാണു കൈക്കാള്ളാന്‍ ഉദ്ദേശിക്കുന്നത്; വിശദമാക്കുമോ;

(ബി)ഇതിനായി ഒരു സുരക്ഷാ മാന്വല്‍ തയ്യാറാക്കുന്ന കാര്യം പരിഗണിക്കുമോ; വിശദാംശങ്ങള്‍ എന്തെല്ലാം;

(സി)ഓഡിറ്റിങ്ങിനു യോഗ്യതയുള്ള ഏജന്‍സികളെ കണ്ടെത്തുന്നതിനുള്ള വ്യവസ്ഥകള്‍ മാന്വലില്‍ ഉള്‍പ്പെടുത്തുന്ന കാര്യം പരിഗണിക്കുമോ; വിശദമാക്കുമോ?

എംപ്ളോയ്മെന്റ് എക്സ്ചേഞ്ചുകളിലെ ഓണ്‍ലൈന്‍ രജിസ്ട്രേഷന്‍

ശ്രീ. എം. എ. വാഹീദ്

,, തേറമ്പില്‍ രാമകൃഷ്ണന്‍

,, വി. പി. സജീന്ദ്രന്‍

,, വര്‍ക്കല കഹാര്‍

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്തെ എംപ്ളോയ്മെന്റ് എക്സ്ചേഞ്ചുകളില്‍ ഓണ്‍ലൈന്‍ രജിസ്ട്രേഷന്‍ ഏര്‍പ്പെടുത്താനുദ്ദേശിക്കുന്നുണ്ടോ; വിശദാംശങ്ങള്‍ എന്തെല്ലാം;

(ബി)ഈ സംവിധാനം വഴി രജിസ്റര്‍ ചെയ്തവര്‍ക്ക് എന്തെല്ലാം സൌകര്യങ്ങളാണ് ലഭിക്കുന്നത്; വിശദമാക്കുമോ;

(സി)ഉദ്യോഗാര്‍ത്ഥികളെ തൊഴിലവസരങ്ങള്‍ അറിയിക്കാന്‍ എസ്.എം.എസ്. അലര്‍ട്ട് സംവിധാനം ഏര്‍പ്പെടുത്തുമോ; വിശദാംശങ്ങള്‍ എന്തെല്ലാം;

(ഡി)ഇതിനായി ഉദ്യോഗസ്ഥന്മാര്‍ക്ക് പരിശീലനം നല്‍കുന്നതിന് നടപടികള്‍ സ്വീകരിക്കുമോ ?

വിനോദസഞ്ചാര കേന്ദ്രങ്ങളിലെ മാലിന്യപ്രശ്നം

ശ്രീ. വി. എസ്. സുനില്‍ കുമാര്‍

ശ്രീമതി ഗീതാ ഗോപി

ശ്രീ. വി. ശശി

,, കെ. അജിത്

താഴെ കാണുന്ന ചോദ്യങ്ങള്‍ക്ക് പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി

സദയം മറുപടി നല്‍കുമോ:

(എ)വിനോദസഞ്ചാര വികസനത്തിന് സംസ്ഥാനത്തെ മാലിന്യപ്രശ്നം തടസ്സമാകുന്നുണ്ടോ ; എങ്കില്‍ വിനോദസഞ്ചാര കേന്ദ്രങ്ങളിലെ മാലിന്യപ്രശ്നം പരിഹരിക്കുന്നതിനുള്ള എന്തെങ്കിലും പദ്ധതികളുണ്ടോ ; എങ്കില്‍ വിശദമാക്കുമോ ;

(ബി)ഇതുമൂലം മുന്‍കാലങ്ങളെ അപേക്ഷിച്ച് കഴിഞ്ഞ വര്‍ഷം വിദേശ വിനോദസഞ്ചാരികളുടെ വരവില്‍ കുറവുണ്ടായിട്ടുണ്ടോ; എങ്കില്‍ വിദേശ വിനോദസഞ്ചാരികളെ ആകര്‍ഷിക്കുന്ന തരത്തിലുള്ള മാലിന്യരഹിത കേന്ദ്രങ്ങള്‍ സജ്ജമാക്കുമോ ?