Questions

തൊഴില്‍ വകുപ്പിന്റെ നൂറുദിന കര്‍മ്മപദ്ധതികള്‍

ശ്രീ. വി. ശിവന്‍കുട്ടി

(എ) ഈ സര്‍ക്കാര്‍ അധികാരമേറ്റ ശേഷം നൂറുദിന കര്‍മ്മപരിപാടിയില്‍ ഉള്‍പ്പെടുത്തി തൊഴില്‍ വകുപ്പ് ഏതെങ്കിലും പുതിയ പദ്ധതികള്‍ നടപ്പിലാക്കിയിട്ടുണ്ടോ ;

(ബി) എങ്കില്‍ ആയതിന്റെ നിയോജകമണ്ഡലം തിരിച്ചുള്ള വിശദവിവരങ്ങള്‍ ലഭ്യമാക്കുമോ ?

സ്വകാര്യ നഴ്സിംഗ് മേഖലയില്‍ മിനിമം വേതനം

ശ്രീ. ജോസഫ് വാഴക്കന്‍

ശ്രീ. ഡൊമിനിക് പ്രസന്റേഷന്‍

ശ്രീ. സണ്ണി ജോസഫ്

ശ്രീ. ബെന്നി ബെഹനാന്‍

(എ) സ്വകാര്യ നേഴ്സിംഗ് മേഖലയില്‍ മിനിമം വേതനം ഉറപ്പാക്കാന്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ; എങ്കില്‍ ഇതിനായി നിയോഗിച്ച കമ്മിറ്റി പ്രസ്തുത വിഷയം സംബന്ധിച്ച റിപ്പോര്‍ട്ട് സമര്‍പ്പിച്ചിട്ടുണ്ടോ എന്നറിയിക്കുമോ;

(ബി) ഈ മേഖലയില്‍ മിനിമം വേതനം നടപ്പാക്കാന്‍ നിയമ നിര്‍മ്മാണം നടത്തുന്ന കാര്യം പരിഗണിക്കുമോ;

(സി) വേതനം നല്‍കുന്നതിലെ ക്രമക്കേടുകള്‍ തടയുന്നതിന് ശമ്പളം ബാങ്കുവഴി നല്‍കുവാന്‍ ബന്ധപ്പെട്ടവര്‍ക്ക് നിര്‍ദ്ദേശം നല്‍കുമോ?

സ്വകാര്യ ആശുപത്രികളിലെ ജീവനക്കാര്‍ക്ക് ഒരേനിരക്കില്‍ ശമ്പളം

ശ്രീ. കെ.എന്‍.എ.ഖാദര്‍

(എ) നഴ്സുമാരുടെ ശമ്പളം വര്‍ദ്ധിപ്പിക്കുവാന്‍ സ്വീകരിച്ച നടപടികള്‍ വ്യക്തമാക്കാമോ;

(ബി) കേരളത്തിലെ എല്ലാ സ്വകാര്യ ആശുപത്രികളിലെ ജീവനക്കാര്‍ക്കും ഒരേ നിരക്കില്‍ ശമ്പളം നല്‍കുവാന്‍ നടപടികള്‍ സ്വീകരിച്ചിട്ടുണ്ടോ;

(സി) പാരാ മേഡിക്കല്‍ ജീവനക്കാരുടേയും നഴ്സുമാരുടേയും യോഗ്യതകള്‍ പരിഗണിച്ചാണോ ശമ്പള നിര്‍ണ്ണയം നടത്തിയിട്ടുളളത്; ആണെങ്കില്‍ വിശദാംശങ്ങള്‍ നല്‍കുമോ?

തൊഴില്‍ രംഗത്തെ അരക്ഷിതാവസ്ഥ

ശ്രീ. കെ. മുഹമ്മദുണ്ണി ഹാജി

(എ) തൊഴില്‍ രംഗത്ത് സമാധാനവും സുരക്ഷയും ഉറപ്പുവരുത്തുവാന്‍ എന്തെല്ലാം നടപടികള്‍ സ്വീകരിച്ചുവെന്നും പുതുതായി എന്തെല്ലാം നടപടികള്‍ സ്വീകരിക്കുവാന്‍ ഉദ്ദേശിക്കുന്നുണ്ടെന്നും വെളിപ്പെടുത്തുമോ ;

(ബി) അന്യസംസ്ഥാന തൊഴിലാളികളുടെ കേരളത്തിലേയ്ക്കുള്ള വരവ് തൊഴില്‍ രംഗത്ത് എന്തെല്ലാം പ്രതികരണങ്ങള്‍ സൃഷ്ടിക്കുന്നുവെന്നും അത്തരം തൊഴിലാളികളുടെ സുരക്ഷിതത്വവും തൊഴിലാളികളില്‍ ചിലരുടെ കുറ്റവാസനകള്‍ തൊഴില്‍ രംഗത്ത് സൃഷ്ടിക്കുന്ന വിവിധ പ്രശ്നങ്ങളും വിശകലനം ചെയ്തിട്ടുണ്ടോ എന്നറിയിക്കുമോ ;

(സി) തൊഴില്‍ രംഗത്തെ അനാവശ്യ പ്രവണതകളായ നോക്കുകൂലി, ഭൂതപ്പണം എന്നിവ തടയുന്നതില്‍ എത്ര മാത്രം വിജയിച്ചിട്ടുണ്ടെന്ന് വ്യക്തമാക്കുമോ ?

നോക്കുകൂലി നിരോധനവും തൊഴില്‍ നിയമ പരിഷ്ക്കരണവും

ശ്രീ. സി. മോയിന്‍കുട്ടി

ശ്രീ. റ്റി.എ. അഹമ്മദ് കബീര്‍

ശ്രീ. എന്‍.എ. നെല്ലിക്കുന്ന്

ശ്രീ. പി.കെ. ബഷീര്‍

(എ) സംസ്ഥാനത്ത് നിലനില്‍ക്കുന്ന തൊഴില്‍ നിയമങ്ങള്‍ നടപ്പാക്കുന്നതിലുള്ള അപാകതകള്‍ മൂലം പ്രാദേശിക തൊഴിലാളികളും പൊതുജനങ്ങളും തമ്മില്‍ സംഘര്‍ഷം ഉണ്ടാകുന്നത് ഒഴിവാക്കുന്നതിനുള്ള എന്തെങ്കിലും പരിഷ്ക്കരണ നടപടികള്‍ ആലോചനയിലുണ്ടോ;

(ബി) നോക്കുകൂലി നിരോധിച്ചിട്ടും ഇപ്പോഴും പ്രാദേശിക തൊഴിലാളികള്‍ കൂലി ആവശ്യപ്പെടുന്നതുമൂലമുള്ള പ്രശ്നങ്ങള്‍ നിലനില്‍ക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ;

(സി) കയറ്റിറക്കിന് ഒരു വ്യവസ്ഥയുമില്ലാതെ കൂലി ആവശ്യപ്പെടുന്നത് സംഘര്‍ഷത്തിന് കാരണമാകുന്നു എന്ന വസ്തുത പരിശോധിക്കുമോ;

(ഡി) ഈ മേഖലയില്‍ പരസ്പര സൌഹൃദം നിലനിര്‍ത്താനുതകുംവിധമുള്ള പരിഷ്ക്കാര നടപടികളെക്കുറിച്ച് പരിശോധിക്കാനുള്ള നടപടികള്‍ സ്വീകരിക്കുമോ?

തൊഴിലില്ലായ്മ വേതനം

ശ്രീ. മുല്ലക്കര രത്നാകരന്‍

(എ) വിവിധ എംപ്ളോയ്മെന്റ് എക്സ്ചേഞ്ചുകള്‍ വഴി തൊഴിലില്ലായ്മ വേതനം കൈപ്പറ്റുന്ന തൊഴില്‍രഹിതരുടെ ആകെ എണ്ണവും ജില്ലതിരിച്ചുള്ള കണക്കുകളും ലഭ്യമാക്കുമോ;

(ബി) തൊഴിലില്ലായ്മ വേതനം വര്‍ദ്ധിപ്പിക്കുന്ന വിഷയം പരിഗണനയിലുണ്ടോ?

തൊഴിലാളി ക്ഷേമ ബോര്‍ഡുകള്‍

ശ്രീ. സി. കെ. നാണു

(എ) സംസ്ഥാനത്തെ തൊഴിലാളി ക്ഷേമ ബോര്‍ഡുകള്‍ ഏതെല്ലാമാണ്;

(ബി) പ്രസ്തുത ബോര്‍ഡുകള്‍ തൊഴിലാളികള്‍ക്ക് ലഭ്യമാക്കുന്ന ആനുകൂല്യങ്ങള്‍ എന്തെല്ലാമെന്ന് വ്യക്തമാക്കുമോ ?

എംപ്ളോയ്മെന്റ് എക്സ്ചേഞ്ച് മുഖേന നിയമനം

ശ്രീ. മുല്ലക്കര രത്നാകരന്‍

ഈ സര്‍ക്കാര്‍ അധികാരമേറ്റ ശേഷം എംപ്ളോയ്മെന്റ് എക്സ്ചേഞ്ചുകള്‍ വഴി എത്ര തൊഴില്‍ രഹിതര്‍ക്ക് തൊഴില്‍ നല്‍കിയിട്ടുണ്ട്?

എംപ്ളോയ്മെന്റ് എക്സ്ചേഞ്ച് വഴി നിയമനം ലഭിച്ചവര്‍

ശ്രീ. എം. ഉമ്മര്‍

(എ) എംപ്ളോയ്മെന്റ് എക്സ്ചേഞ്ചുകളുടെ പ്രവര്‍ത്തനം കൂടുതല്‍ കാര്യക്ഷമമാക്കുന്ന കാര്യം പരിഗണനയിലുണ്ടോ;

(ബി) എംപ്ളോയ്മെന്റ് എക്സ്ചേഞ്ചില്‍ രജിസ്റര്‍ ചെയ്യുന്ന ഉദ്യോഗാര്‍ത്ഥികള്‍ക്ക് നല്‍കുന്ന തൊഴിലില്ലായ്മ വേതനം വര്‍ദ്ധിപ്പിക്കുന്ന കാര്യം പരിഗണിക്കുമോ ;

(സി) 2006-2011 കാലയളവില്‍ എത്ര പേര്‍ക്ക് എംപ്ളോയ്മെന്റ് എക്സ്ചേഞ്ച് വഴി നിയമനം നല്‍കുകയുണ്ടായി; ആയതില്‍ എത്ര പേര്‍ക്ക് സ്ഥിരനിയമനം ലഭിച്ചുവെന്നും അറിയിക്കുമോ ?

കടുത്തുരുത്തിയില്‍ ജൂനിയര്‍ എംപ്ളോയ്മെന്റ് എക്സ്ചേഞ്ച്

ശ്രീ. മോന്‍സ് ജോസഫ്

(എ) കടുത്തുരുത്തി ജൂനിയര്‍ എംപ്ളോയ്മെന്റ് എക്സ്ചേഞ്ച് സ്ഥാപിക്കുന്നതു സംബന്ധിച്ച് എംപ്ളോയ്മെന്റ് ഡയറക്ടറുടെ പുതിയ പ്രൊപ്പോസല്‍ ലഭിച്ചിട്ടുണ്ടോ; എങ്കില്‍ അതിന്റെ പകര്‍പ്പ് ലഭ്യമാക്കുമോ;

(ബി) ഈ വര്‍ഷം എവിടെയൊക്കെയാണ് പുതിയ ജൂനിയര്‍ എംപ്ളോയ്മെന്റ് എക്സ്ചേഞ്ചുകള്‍ സ്ഥാപിക്കുവാന്‍ ഉദ്ദേശിക്കുന്നതെന്ന് വ്യക്തമാക്കാമോ?

കോഴിക്കോട് താലൂക്കിലെ എംപ്ളോയ്മെന്റ് എക്സ്ചേഞ്ചുകള്‍

ശ്രീ. പി.റ്റി.എ.റഹീം

(എ) കോഴിക്കോട് താലൂക്കില്‍ എത്ര എംപ്ളോയ് മെന്റ് എക്സ്ചേഞ്ചുകളാണുളളത്; ഇവ ഏതെല്ലാമാണെന്ന് വെളിപ്പെടുത്തുമോ; ജോലി സാധ്യതകള്‍ മുഴുവന്‍ കോഴിക്കോട് കോര്‍പ്പറേഷന്‍ പരിധിയിലായതിനാല്‍ ഇവിടെ ഉണ്ടാകുന്ന ഒഴിവുകളിലേക്ക് ഉദ്യോഗാര്‍ത്ഥികളെ ക്ഷണിക്കുന്നതിന് എന്തെങ്കിലും മാനദണ്ഡമുണ്ടോ; എങ്കില്‍ എന്തെല്ലാമാണവ എന്ന് പറയുമോ;

(ബി) കോഴിക്കോട് മെഡിക്കല്‍ കോളേജില്‍ നിലവിലുളള ഒഴിവുകള്‍ ഏതെല്ലാം എംപ്ളോയ്മെന്റ് എക്സ്ചേഞ്ചുകള്‍ മുഖേനയാണ് വിജ്ഞാപനം ചെയ്യുന്നത് എന്ന് അറിയിക്കുമോ;

(സി) കോഴിക്കോട് താലൂക്കില്‍ പുതിയ എംപ്ളോയ്മെന്റ് എക്സ്ചേഞ്ചുകള്‍ തുടങ്ങുന്ന കാര്യം പരിഗണനയിലുണ്ടോ; എങ്കില്‍ എവിടെയെല്ലാമാണ് എന്ന് വ്യക്തമാക്കുമോ?

എംപ്ളോയ്മെന്റ് രജിസ്ട്രേഷന്‍ പുതുക്കല്‍

ശ്രീമതി കെ. കെ. ലതിക

(എ) എംപ്ളോയ്മെന്റ് രജിസ്ട്രേഷന്‍ യഥാസമയം പുതുക്കാന്‍ കഴിയാത്തവര്‍ക്ക് സീനിയോറിറ്റി നഷ്ടപ്പെടാതെ രജിസ്ട്രേഷന്‍ പുതുക്കുന്നതിന് ഈ സര്‍ക്കാര്‍ അധികാരമേറ്റ ശേഷം അവസരം നല്‍കിയിട്ടുണ്ടോ;

(ബി) പ്രസ്തുത അവസരം തൊഴില്‍ രഹിതര്‍ക്ക് വീണ്ടും നല്‍കുന്നതിന് ഉദ്ദേശിക്കുന്നുണ്ടോ?

തയ്യല്‍ തൊഴിലാളി ക്ഷേമനിധിയിലേക്കുള്ള തൊഴിലുടമ-തൊഴിലാളി വിഹിതം

പ്രൊഫ.സി. രവീന്ദ്രനാഥ്

(എ) തയ്യല്‍ തൊഴിലാളി ക്ഷേമ നിധിയില്‍ തൊഴിലുടമയുടെ വിഹിതവും, തൊഴിലാളികളുടെ വിഹിതവും നിലവില്‍ എത്ര രൂപ വീതമാണെന്ന് വ്യക്തമാക്കാമോ;

(ബി) പ്രസ്തുത ക്ഷേമനിധിയില്‍ തൊഴിലാളികളുടെ വിഹിതം കൂടുതലും, തൊഴിലുടമയുടെ വിഹിതം കുറവും ആണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി) എങ്കില്‍ ഇത് തൊഴിലാളി വിഹിതത്തിന് തുല്യമായി പരിഷ്ക്കരിക്കാന്‍ നടപടി സ്വീകരിക്കുമോ എന്ന് വ്യക്തമാക്കുമോ?

പ്രായപരിധിയില്ലാതെ ക്ഷേമനിധി അംഗത്വം

പ്രൊഫ. സി. രവീന്ദ്രനാഥ്

(എ) ബാര്‍ബര്‍ - ബ്യൂട്ടീഷ്യന്‍ തൊഴിലാളികള്‍ക്ക് നിലവില്‍ ക്ഷേമ പദ്ധതിയില്‍ ചേരുന്നതിന് പ്രായപരിധി നിജപ്പെടുത്തിയിട്ടുണ്ടോ; എങ്കില്‍ എത്രയാണെന്ന് വ്യക്തമാക്കാമോ;

(ബി) പ്രായപരിധി നിശ്ചയിക്കാതെ എല്ലാ തൊഴിലാളികള്‍ക്കും പ്രസ്തുത ക്ഷേമപദ്ധതിയില്‍ അംഗത്വം നല്‍കുന്നതിനുള്ള നടപടി സ്വീകരിക്കുമോ ?

ചുമട്ടുതൊഴിലാളി ക്ഷേമനിധി ബോര്‍ഡിന്റെ നിക്ഷേപം

ശ്രീ. ഐ. സി. ബാലകൃഷ്ണന്‍

ശ്രീ. പി. സി. വിഷ്ണുനാഥ്

ശ്രീ. എം. എ. വാഹീദ്

ശ്രീ. വി. പി. സജീന്ദ്രന്‍

(എ) മുന്‍സര്‍ക്കാരിന്റെ കാലത്ത് ചുമട്ടുതൊഴിലാളി ക്ഷേമനിധി ബോര്‍ഡിന്റെ നിക്ഷേപം കുറഞ്ഞ പലിശയില്‍ ബാങ്കുകളില്‍ നിക്ഷേപിച്ചതു വഴി കോടികളുടെ നഷ്ടം വരുത്തിയതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു പരിഹരിക്കുവാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി) നിക്ഷേപങ്ങള്‍ കുറഞ്ഞ പലിശയ്ക്ക് ബാങ്കുകളില്‍ നിക്ഷേപിച്ച ഉദ്യോഗസ്ഥര്‍ക്കെതിരെ കര്‍ശന നടപടി സ്വീകരിക്കുമോ?

കൊരട്ടിയിലെ വൈഗൈ ത്രഡ്സ് കമ്പനി തൊഴിലാളികളുടെ സേവന വേതന വ്യവസ്ഥകള്‍

ശ്രീ. ബി. ഡി. ദേവസ്സി

(എ) കൊരട്ടി വൈഗൈ ത്രഡ്സ് കമ്പനി മാനേജ്മെന്റ് ദീര്‍ഘകാലമായി തൊഴിലാളികളുടെ വേതന കരാര്‍ പുതുക്കാതെയും, മിനിമം കൂലി പോലും നടപ്പാക്കാതെയും, കമ്പനി അടച്ചുപൂട്ടുന്നതിനുള്ള ശ്രമങ്ങള്‍ നടത്തുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) കമ്പനി നിലനിര്‍ത്തുന്നതിനും, തൊഴിലാളികളുടെ തൊഴില്‍ സംരക്ഷിച്ച്, അര്‍ഹമായ സേവന വേതന വ്യവസ്ഥകള്‍ നടപ്പാക്കുന്നതിനും സ്വീകരിച്ച നടപടികള്‍ വ്യക്തമാക്കാമോ?

സ്കില്‍ ട്രെയിനിംഗ് അക്കാഡമി

ശ്രീ.സി.പി.മുഹമ്മദ്

ശ്രീ. ഐ.സി.ബാലകൃഷ്ണന്‍

ശ്രീ. പി.സി.വിഷ്ണുനാഥ്

ശ്രീ. എം.എ.വാഹിദ്

(എ) സംസ്ഥാനത്ത് സ്കില്‍ ട്രെയിനിംഗ് അക്കാഡമി ആരംഭിക്കുന്ന കാര്യം ആലോചനയിലുണ്ടോ;

(ബി) ഏതെല്ലാം ഏജന്‍സികളുടെ സഹകരണത്തോടെയാണ് അക്കാഡമി ആരംഭിക്കാന്‍ ഉദ്ദേശിക്കുന്നതെന്നും ഇതിന്റെ ഉദ്ദേശലക്ഷ്യങ്ങള്‍ എന്തെല്ലാമാണെന്നും വിശദമാക്കുമോ?

ചാലക്കുടി ഗവണ്‍മെന്റ് ഐ.ടി.ഐ, വനിതാ ഐ.ടി.ഐ എന്നിവിടങ്ങളില്‍ പുതുതായി ആരംഭിച്ച കോഴ്സുകള്‍

ശ്രീ. ബി.ഡി. ദേവസ്സി

(എ) ചാലക്കുടി ഗവണ്‍മെന്റ് ഐ.ടി.ഐ, വനിതാ ഐ.ടി.ഐ എന്നിവിടങ്ങളില്‍ പുതുതായി കോഴ്സുകള്‍ ആരംഭിക്കുവാന്‍ നടപടി സ്വീകരിച്ചിട്ടുണ്ടോ; എങ്കില്‍ ഏതെല്ലാം കോഴ്സുകളാണ് പുതുതായി ആരംഭിക്കുന്നത് എന്നറിയിക്കുമോ;

(ബി) ചാലക്കുടി ഐ.ടി.ഐക്കായി പുതുതായി അനുവദിച്ച സ്ഥലം മതില്‍ കെട്ടി സംരക്ഷിക്കുന്നതിനും, പുതിയ കെട്ടിടം നിര്‍മ്മിക്കുന്നതിനും നടപടി സ്വീകരിക്കുമോ ?

മലപ്പുറം ജില്ലയിലെ ചെറിയമുണ്ടം ഐ.ടി.സി.യ്ക്ക് സ്വന്തമായി കെട്ടിടം

ശ്രീ. അബ്ദുറഹിമാന്‍ രണ്ടത്താണി

(എ) മലപ്പുറം ജില്ലയിലെ ചെറിയമുണ്ടം ഐ.ടി.സി. വാടകക്കെട്ടിടത്തിലാണ് പ്രവര്‍ത്തിക്കുന്നതെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി) ന്യൂനപക്ഷ വിദ്യാഭ്യാസ പദ്ധതിയിലുള്‍പ്പെടുത്തിയ പ്രസ്തുത സ്ഥാപനത്തിന് കെട്ടിട നിര്‍മ്മാണത്തിനായി ചെറിയമുണ്ടം ഗ്രാമപഞ്ചായത്ത് അഞ്ച് ഏക്കര്‍ സ്ഥലം വിട്ടുനല്‍കാന്‍ സന്നദ്ധത പ്രകടിപ്പിച്ച വസ്തുത ശ്രദ്ധയില്‍പ്പെട്ടിട്ടുണ്ടോ;

(സി) പ്രസ്തുത സ്ഥലത്ത് ഐ.റ്റി.സി.ക്ക് കെട്ടിടം നിര്‍മ്മിക്കുന്നതിന് ബജറ്റില്‍ തുക വകയിരുത്തിയിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ;

(ഡി) പ്രസ്തുത കെട്ടിനിര്‍മ്മാണ പദ്ധതി ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കാമോ ?

ഐ.റ്റി.ഐ.കളില്‍ കാലിക പ്രാധാന്യമുളള കോഴ്സുകള്‍

ശ്രീ. എം. ഹംസ

(എ) സംസ്ഥാനത്ത് വ്യവസായ പരിശീലന വകുപ്പിന് കീഴില്‍ എത്ര ഐ.റ്റി.ഐ.കള്‍ ആണുളളത്; സ്വകാര്യ മേഖല, സര്‍ക്കാര്‍ മേഖല തിരിച്ചുളള കണക്ക് ലഭ്യമാക്കുമോ;

(ബി) സംസ്ഥാന സര്‍ക്കാര്‍ ഐ.റ്റി.ഐ.കളുടെ നിലവിലെ സ്ഥിതി മെച്ചപ്പെടുത്തുന്നതിനായി എന്തെല്ലാം നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കാമോ;

(സി) നിലവില്‍ ഐ.റ്റി.ഐ കളിലെ കോഴ്സുകള്‍ കാലിക പ്രാധാന്യമില്ലാത്തതാണെന്ന വസ്തുത ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതു പരിഹരിക്കുന്നതിനായി എന്തെല്ലാം പുതിയ കോഴ്സുകള്‍ ആണ് സംസ്ഥാനത്തെ ഐ.റ്റി.ഐ കളില്‍ തുടങ്ങുവാന്‍ ഉദ്ദേശിക്കുന്നതെന്ന് വിശദമാക്കാമോ?

ചാത്തന്നൂര്‍ ഗവണ്‍മെന്റ് ഐ.ടി.ഐ.യില്‍ പുതിയ ട്രേഡുകള്‍ അനുവദിക്കുന്നതിന് നടപടി

ശ്രീ. ജി.എസ്.ജയലാല്‍

(എ) ചാത്തന്നൂര്‍ ഗവണ്‍മെന്റ് ഐ.ടി.ഐ.യില്‍ പുതുതായി ട്രേഡുകള്‍ അനുവദിക്കണമെന്ന് ആവശ്യപ്പെട്ട് നിവേദനം ലഭിച്ചിരുന്നുവോ; എങ്കില്‍ വിശദാംശം അറിയിക്കുമോ;

(ബി) കൂടുതല്‍ പുതിയ ട്രഡുകള്‍ ആരംഭിക്കുവാന്‍ സര്‍ക്കാര്‍ എന്തൊക്കെ നടപടികള്‍ സ്വീകരിച്ചിട്ടുണ്ടെന്നും ഈ അദ്ധ്യയന വര്‍ഷം ഏതൊക്കെ ട്രേഡുകള്‍ ആരംഭിക്കുമെന്നും അറിയിക്കുമോ;

(സി) പുതിയ ട്രേഡുകള്‍ ആരംഭിക്കുന്നതിന് ആവശ്യമായ തസ്തികകള്‍ അനുവദിക്കുവാന്‍ നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദാംശം അറിയിക്കുമോ?

കണ്ണൂരിലെ പെരിങ്ങോം ഐ.ടി.ഐ-യുടെ വികസനം

ശ്രീ. സി. കൃഷ്ണന്‍

(എ) കണ്ണൂര്‍ ജില്ലയിലെ പെരിങ്ങോം കേന്ദ്രീകരിച്ച് പ്രവര്‍ത്തിക്കുന്ന ഐ.ടി.ഐ-യുടെ ഭൌതീക സാഹചര്യവും ജീവനക്കാരുടെ അപര്യാപ്തയും ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ ആയത് പരിഹരിക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ എന്ന് വ്യക്തമാക്കാമോ?

മാറഞ്ചേരി ഗവണ്‍മെന്റ് ഐ.ടി.ഐ.യുടെ കെട്ടിട നിര്‍മ്മാണം

ശ്രീ. പി. ശ്രീരാമകൃഷ്ണന്‍

(എ) പൊന്നാനി മണ്ഡലത്തിലെ മാറഞ്ചേരിയില്‍ പ്രവര്‍ത്തിക്കുന്ന മാറഞ്ചേരി ഗവണ്‍മെന്റ് ഐ.ടി.ഐ സ്വന്തമായി കെട്ടിടമില്ലാത്തതു മൂലം ഇടുങ്ങിയ വാടക കെട്ടിടത്തില്‍ പ്രവര്‍ത്തിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) നിയമസഭാ സാമാജികര്‍ക്കുള്ള പ്രത്യേക വികസന ഫണ്ടില്‍ നിന്നും 30 ലക്ഷം രൂപ ചെലവില്‍ നിര്‍മ്മിച്ച കെട്ടിടത്തില്‍ ഐ.ടി.ഐ യുടെ എല്ലാ ക്ളാസുകളും നടത്താന്‍ പര്യാപ്തമല്ലാത്തതിനാല്‍ പ്രസ്തുത സ്ഥാപനത്തിന്റെ പ്രവര്‍ത്തനം അവിടേക്ക് മാറ്റാന്‍ കഴിയാത്തത് ശ്രദ്ധയില്‍പ്പെട്ടിട്ടുണ്ടോ;

(സി) എങ്കില്‍ ബഡ്ജറ്റില്‍ ടോക്കണ്‍ പ്രൊവിഷന്‍ മാത്രം നല്‍കിയിട്ടുള്ള കെട്ടിടനിര്‍മ്മാണം സംബന്ധിച്ച ശീര്‍ഷകത്തില്‍ മതിയായ തുക വകയിരുത്തി കെട്ടിടം നിര്‍മ്മിയ്ക്കുന്നതിനുള്ള എ.എസ് ലഭിക്കുന്നതിന് നടപടി സ്വീകരിക്കുമോ;

(ഡി) എങ്കില്‍ ഈ വര്‍ഷം തന്നെ പ്രസ്തുത പ്രവൃത്തി ആരംഭിക്കാന്‍ സാധിക്കുമോ?

പുറക്കാട് ഐ.റ്റി.ഐ യ്ക്ക് സ്വന്തമായി കെട്ടിടം

ശ്രീ. ജി.സുധാകരന്‍

(എ) പുറക്കാട് ഐ.റ്റി.ഐ. വാടകകെട്ടിടത്തിലാണ് പ്രവര്‍ത്തിക്കുന്നതെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഐ.റ്റി.ഐയ്ക്ക് സ്വന്തമായി കെട്ടിടം നിര്‍മ്മിക്കുന്നതിനുളള നടപടി സ്വികരിക്കുമോ;

(ബി) കെട്ടിടം നിര്‍മ്മിക്കുന്നതിന് പുറക്കാട് ഗ്രാമപഞ്ചായത്ത് റവന്യൂഭൂമി കണ്ടെത്തിയിട്ടുണ്ടോ; എങ്കില്‍ ഇവിടെ കെട്ടിടം പണിയുന്നതിന് എന്തെങ്കിലും തടസ്സമുണ്ടോ; വിശദമാക്കുമോ ?

അന്യസംസ്ഥാന തൊഴിലാളികള്‍ക്കുള്ള ക്ഷേമ സുരക്ഷാ പദ്ധതി

ശ്രീ. കെ. വി. വിജയദാസ്

(എ) അന്യ സംസ്ഥാന തൊഴിലാളികള്‍ക്ക് മിനിമം കൂലി ഉറപ്പാക്കുന്നതിന് നടപടി സ്വീകരിക്കുമോ;

(ബി) പ്രസ്തുത തൊഴിലാളികള്‍ക്കായി എന്തെല്ലാം ക്ഷേമസുരക്ഷാ പദ്ധതികളാണ് നടപ്പിലാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

കര്‍ഷക വാര്‍ദ്ധക്യകാല പെന്‍ഷനുകളുടെ വിതരണം

ശ്രീ. കെ.വി. വിജയദാസ്

(എ) ഈ സര്‍ക്കാര്‍ അധികാരമേറ്റശേഷം സാമൂഹ്യ ക്ഷേമ പെന്‍ഷനുകള്‍ (കര്‍ഷക പെന്‍ഷന്‍, വാര്‍ദ്ധക്യകാല പെന്‍ഷന്‍ തുടങ്ങിയവ) കൃത്യമായി വിതരണം ചെയ്യുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി) ഏതൊക്കെ പെന്‍ഷനുകളില്‍ എന്തു തുക വീതം വിതരണം ചെയ്യാനുണ്ടെന്നുള്ള വിവരം ലഭ്യമാക്കാമോ;

(സി) കുടിശ്ശിക പെന്‍ഷന്‍ എന്നു മുതല്‍ വിതരണം ചെയ്യാന്‍ സാധിക്കുമെന്ന് വ്യക്തമാക്കുമോ; കുടിശ്ശിക തുക ഒന്നിച്ച് വിതരണം ചെയ്യുന്നതിനുള്ള നടപടികള്‍ സ്വീകരിക്കുമോ?

വികലാംഗനായ ശ്രീ. എ. മുഹമ്മദ് കബീറിന് ജോലി

ശ്രീ. എ. എം. ആരിഫ്

(എ) പ്രീഡിഗ്രി വരെ പഠിക്കുകയും, ടൈപ്പ്റൈറ്റിംഗ് പാസ്സാകുകയും, 1986-ല്‍ എപ്ളോയ്മെന്റ് എക്സ്ചേഞ്ചില്‍ പേര് രജിസ്റര്‍ ചെയ്ത് സീനിയോറിറ്റി ലിസ്റില്‍ പേരുണ്ടായിട്ടും 'വികലാംഗനായ' ശ്രീ. എ. മുഹമ്മദ് കബീറിന് ഇതുവരെ ഒരു തൊഴില്‍ ലഭിച്ചിട്ടില്ലായെന്നത് ശ്രദ്ധയില്‍പ്പെട്ടിട്ടുണ്ടോ ;

(ബി) എപ്ളോയ്മെന്റ് എക്സ്ചേഞ്ചില്‍ രജിസ്റര്‍ ചെയ്യുമ്പോള്‍ തന്നെ ഇരുന്നുകൊണ്ട് ചെയ്യാവുന്ന തൊഴിലിനു നാമനിര്‍ദ്ദേശം ചെയ്താല്‍ മതിയെന്നു രേഖപ്പെടുത്തിയിട്ടുണ്ടോ ;

(സി) എങ്കില്‍ ഇതുവരെ ഇരുന്നുകൊണ്ട് ചെയ്യുന്ന ഒരു ജോലിക്കും നാമനിര്‍ദ്ദേശം ചെയ്തിട്ടില്ലാത്തത് പരിശോധിച്ചിട്ടുണ്ടോ ;

(ഡി) ഈ വിവരങ്ങള്‍ കാണിച്ച് മുഖ്യമന്ത്രിയുടെ ജനസമ്പര്‍ക്ക പരിപാടിയില്‍ നേരിട്ടെത്തി സമര്‍പ്പിച്ച അപേക്ഷയ്ക്കും യാതൊരു നടപടിയും ഉണ്ടാകാത്തത് എന്തുകൊണ്ടാണെന്ന് വെളിപ്പെടുത്തുമോ ;

(ഇ) സര്‍ക്കാര്‍ ജോലിക്കാവശ്യമായ വിദ്യാഭ്യാസയോഗ്യതയും ടെക്നിക്കല്‍ യോഗ്യതയും ഉള്ളതും, സീനിയോറിറ്റി ലിസ്റില്‍ ഉള്‍പ്പെട്ടതും - വികലാംഗനും, ന്യൂനപക്ഷ സംവരണമുള്ളയാളുമായ ശ്രീ. എ. മുഹമ്മദ് കബീറിന് ജോലി നല്‍കുന്നതിനാവശ്യമായ അടിയന്തിര നടപടി സ്വീകരിക്കുമോ ?

അന്യസംസ്ഥാനങ്ങളില്‍ ജോലി ചെയ്യുന്ന മലയാളി നഴ്സുമാര്‍

ശ്രീ. സി. ദിവാകരന്‍

(എ) അന്യസംസ്ഥാനങ്ങളില്‍ ജോലി ചെയ്യുന്ന മലയാളി നഴ്സുമാരുടെ പ്രശ്നങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി) മറ്റ് സംസ്ഥാനങ്ങളില്‍ ജോലി നോക്കുന്ന നഴ്സുമാരുടെ സേവനവേതനവ്യവസ്ഥകള്‍ മെച്ചപ്പെടുത്തുന്നതിനും ജോലി ഭാരം കുറയ്ക്കുന്നതിനുമുള്ള നടപടി സ്വീകരിക്കുമോ;

(സി) പ്രസ്തുത വിഷയവുമായി ബന്ധപ്പെട്ട് ചര്‍ച്ചകള്‍ നടന്നിട്ടുണ്ടോ; എങ്കില്‍ അതിന്റെ വിശദവിവരം ലഭ്യമാക്കുമോ?

അന്യസംസ്ഥാന തൊഴിലാളികളുടെ വിവര ശേഖരണം

ശ്രീ. കെ. കുഞ്ഞിരാമന്‍ (ഉദുമ)

(എ) സംസ്ഥാനത്ത് അന്യസംസ്ഥാന തൊഴിലാളികളുടെ എണ്ണം വര്‍ദ്ധിച്ചു വരുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി) സംസ്ഥാനത്ത് അന്യസംസ്ഥാന തൊഴിലാളികള്‍ എത്ര പേര്‍ ജോലി ചെയ്യുന്നുണ്ടെന്നുള്ള വിവരം ശേഖരിച്ചിട്ടുണ്ടോ ; എങ്കില്‍ വിശദാംശങ്ങള്‍ അറിയിക്കാമോ ?

സമഗ്ര ആരോഗ്യ ഇന്‍ഷ്വറന്‍സ് പദ്ധതിയിലെ ചികിത്സാ നിരക്കുകള്‍

ശ്രീ. മുല്ലക്കര രത്നാകരന്‍

ശ്രീ. വി. ശശി

ശ്രീ. ഇ. കെ. വിജയന്‍

ശ്രീമതി ഗീതാ ഗോപി

(എ) സമഗ്ര ആരോഗ്യ ഇന്‍ഷ്വറന്‍സ് പദ്ധതിയുടെ കീഴില്‍ എത്ര സ്വകാര്യ ആശുപത്രികളും സര്‍ക്കാര്‍ ആശുപത്രികളുമുണ്ടെന്ന് പറയാമോ;

(ബി) പ്രസ്തുത പദ്ധതിയിന്‍ കീഴില്‍ നിലവില്‍ എത്ര പേരുണ്ടെന്ന് വെളിപ്പെടുത്തുമോ;

(സി) പ്രസ്തുത പദ്ധതിയില്‍ ഉള്‍പ്പെടുത്തിയിട്ടുള്ള വിവിധ ചികിത്സാ നിരക്കുകള്‍ പകുതിയായി കുറച്ചിട്ടുണ്ടോ; ഉണ്ടെങ്കില്‍ നിലവിലുണ്ടായിരുന്ന നിരക്കും കുറച്ച നിരക്കും എത്ര വീതമാണെന്ന് വിശദമാക്കുമോ;

(ഡി) നിലവിലുണ്ടായിരുന്ന ചികിത്സാ നിരക്കുകള്‍ ഏതെങ്കിലും വര്‍ദ്ധിപ്പിച്ചിട്ടുണ്ടോ; ഉണ്ടെങ്കില്‍ അവ ഏതെല്ലാം; എത്ര വീതമാണ്;

(ഇ) ചികിത്സാ നിരക്കുകളില്‍ വരുത്തിയ വ്യത്യാസം സ്വകാര്യ ആശുപത്രികളെ പ്രസ്തുത പദ്ധതിയില്‍ നിന്നും പിന്‍മാറാന്‍ പ്രേരിപ്പിച്ചിട്ടുണ്ടോ ?

സമഗ്ര ആരോഗ്യ ഇന്‍ഷ്വറന്‍സ് പദ്ധതി

ശ്രീ. വി.ഡി. സതീശന്‍

ശ്രീ. ജോസഫ് വാഴക്കന്‍

ശ്രീ. ഡൊമിനിക് പ്രസന്റേഷന്‍

ശ്രീ. സണ്ണി ജോസഫ്

(എ) സമഗ്ര ആരോഗ്യ ഇന്‍ഷ്വറന്‍സ് പദ്ധതി സംസ്ഥാനത്ത് ഫലപ്രദമായി നടപ്പാക്കുന്നുണ്ടോ എന്നറിയിക്കുമോ ;

(ബി) പ്രസ്തുത പദ്ധതിയുടെ സുഗമമായ നടത്തിപ്പിന് ഏതെങ്കിലും തരത്തില്‍ തടസ്സം നേരിടുന്നുണ്ടോ ; എങ്കില്‍ ആയത് പരിഹരിക്കാന്‍ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ ;

(സി) നിലവില്‍ പ്രസ്തുത പദ്ധതിയിലൂടെ ലഭിക്കുന്ന ആനുകൂല്യങ്ങള്‍ എന്തെല്ലാമാണെന്നും പ്രസ്തുത പദ്ധതിയ്ക്കായി ലഭിക്കുന്ന കേന്ദ്ര സംസ്ഥാന വിഹിതങ്ങള്‍ എത്രയാണെന്നും അറിയിക്കുമോ ;

(ഡി) സംസ്ഥാനത്ത് അര്‍ഹരായവര്‍ക്കെല്ലാം പ്രസ്തുത പദ്ധതിയുടെ പ്രയോജനം ലഭിക്കുന്നതിന് നടപടി സ്വീകരിക്കുമോ ?

സമഗ്ര ആരോഗ്യ ഇന്‍ഷുറന്‍സ് പദ്ധതി

ശ്രീ. കെ. മുരളീധരന്‍

ശ്രീ. വി.റ്റി. ബല്‍റാം

ശ്രീ. കെ. ശിവദാസന്‍ നായര്‍

(എ) സമഗ്ര ആരോഗ്യ ഇന്‍ഷുറന്‍സ് പദ്ധതിയില്‍ സംസ്ഥാനത്ത് എത്ര എ.പി.എല്‍, ബി.പി.എല്‍ കുടുംബങ്ങള്‍ ഉള്‍പ്പെട്ടിട്ടുണ്ടെന്ന് വെളിപ്പെടുത്തുമോ;

(ബി) ഇതില്‍ എത്ര കുടുംബങ്ങള്‍ക്ക് പ്രസ്തുത പദ്ധതിയുടെ ആനുകൂല്യങ്ങള്‍ ലഭിച്ചു എന്ന് വ്യക്തമാക്കുമോ;

(സി) യഥാസമയം ഇന്‍ഷുറന്‍സ് കാര്‍ഡ് പുതുക്കാത്തതു മൂലം എത്ര എ.പി.എല്‍, ബി.പി.എല്‍ വിഭാഗത്തില്‍പ്പെട്ട കുടുംബങ്ങള്‍ക്ക് പദ്ധതി ആനുകൂല്യങ്ങള്‍ നഷ്ടമായിട്ടുണ്ടെന്ന് വെളിപ്പെടുത്തുമോ;

(ഡി) ഇന്‍ഷുറന്‍സ് കാര്‍ഡ് യഥാസമയം പുതുക്കുവാന്‍ സാധിക്കാത്തവര്‍ക്ക് കാര്‍ഡ് പുതുക്കി ആനുകൂല്യങ്ങള്‍ക്ക് അര്‍ഹരാക്കുവാന്‍ നടപടി സ്വീകരിക്കുമോ ?

സമഗ്ര ആരോഗ്യ ഇന്‍ഷൂറന്‍സ് പദ്ധതിയില്‍ അംഗങ്ങളായ രോഗികള്‍ക്ക് ചികിത്സ

ശ്രീ. കെ. കുഞ്ഞമ്മത് മാസ്റര്‍

(എ) സമഗ്ര ആരോഗ്യ ഇന്‍ഷൂറന്‍സ് പദ്ധതിയില്‍ ഉള്‍പ്പെട്ടിട്ടുള്ള രോഗികള്‍ക്ക് ഈ പദ്ധതിയില്‍ ലിസ്റ് ചെയ്തിരുന്ന ചില സ്വകാര്യ ആശുപത്രികളില്‍ ചികിത്സ നിഷേധിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി) രോഗികളെ ചികിത്സിച്ചതിനുള്ള ക്ളെയിം യഥാസമയം ആശുപത്രികള്‍ക്ക് നല്‍കി വരുന്നുണ്ടോ എന്ന വിവരം വെളിപ്പെടുത്തുമോ; ഇല്ലെങ്കില്‍ പ്രസ്തുത ആശുപത്രികള്‍ക്ക് ക്ളെയിം നല്‍കുന്നതിനും രോഗികള്‍ക്ക് ചികിത്സ ലഭ്യമാക്കുന്നതിനുമുള്ള നടപടികള്‍ സ്വീകരിക്കുമോ ?

പാരിപ്പള്ളി ഇ.എസ്.ഐ മെഡിക്കല്‍ കോളേജിന്റെ നിര്‍മ്മാണ പ്രവര്‍ത്തന പുരോഗതി

ശ്രീ. ജി. എസ്. ജയലാല്‍

(എ) പാരിപ്പള്ളി ഇ.എസ്.ഐ മെഡിക്കല്‍ കോളേജിന്റെ നിര്‍മ്മാണ പ്രവര്‍ത്തന പുരോഗതി അറിയിക്കുമോ;

(ബി) എത്ര രൂപാ അടങ്കലിനാണ് നിര്‍മ്മാണം നല്‍കിയിട്ടുള്ളതെന്നും, ഏത് ഏജന്‍സിയാണ് പ്രവര്‍ത്തനം ഏറ്റെടുത്തിട്ടുള്ളതെന്നും വ്യക്തമാക്കുമോ;

(സി) മെഡിക്കല്‍ കോളേജിന്റെ പ്രവര്‍ത്തനം എപ്പോള്‍ ആരംഭിക്കുവാന്‍ കഴിയുമെന്ന് അറിയിക്കുമോ; ഇതുമായി ബന്ധപ്പെട്ട പ്രവര്‍ത്തനങ്ങള്‍ എത്രയും പെട്ടെന്ന് പൂര്‍ത്തീകരിക്കുവാന്‍ നടപടി സ്വീകരിക്കുമോ?

കാസറഗോഡ് ജില്ലയിലെ ആരോഗ്യ ഇന്‍ഷ്വറന്‍സ് പദ്ധതി

ശ്രീ. കെ. കുഞ്ഞിരാമന്‍ (ഉദുമ)

(എ) സമഗ്ര ആരോഗ്യ ഇന്‍ഷ്വറന്‍സ് പദ്ധതി മുഖേന കാസറഗോഡ് ജില്ലയില്‍ ഏതൊക്കെ ആശുപത്രികളിലാണ് സഹായം നല്‍കിയിരുന്നതെന്ന് അറിയിക്കുമോ;

(ബി) ഇവയില്‍ ഭൂരിഭാഗം ആശുപത്രി മാനേജ്മെന്റുകളും നിലവില്‍ ആരോഗ്യ ഇന്‍ഷ്വറന്‍സ് കാര്‍ഡുള്ളവര്‍ക്ക് സഹായം നല്‍കുന്നില്ലായെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ സഹായം നല്‍കാതിരിക്കാനുള്ള കാരണം അന്വേഷണവിധേയമാക്കിയിട്ടുണ്ടോ;

(സി) കുടിശ്ശികയിനത്തില്‍ ഇന്‍ഷ്വറന്‍സ് കമ്പനി ഓരോ ആശുപത്രിക്കും എത്ര തുക നല്‍കാനുണ്ടെന്ന് വ്യക്തമാക്കുമോ;

(ഡി) പ്രസ്തുത കുടിശ്ശിക തുക നല്‍കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ?

ഇ.എസ്.ഐ ആശുപത്രികളിലെ ഡോക്ടര്‍മാരുടെ ഒഴിവുകള്‍

ശ്രീ. എ.എ. അസീസ്

ശ്രീ. കോവൂര്‍ കുഞ്ഞുമോന്‍

(എ) സംസ്ഥാനത്ത് എത്ര ഇ.എസ്.ഐ ആശുപത്രികളാണ് നിലവിലുള്ളത്; ജില്ലതിരിച്ച് വ്യക്തമാക്കുമോ ;

(ബി) പ്രസ്തുത ആശുപത്രികളില്‍ എത്ര ഡോക്ടര്‍മാരുടെ തസ്തികകളാണ് നിലവിലുള്ളത് ;

(സി) ഇവയില്‍ എത്ര ഡോക്ടര്‍മാരുടെ തസ്തികകളാണ് ഒഴിഞ്ഞ് കിടക്കുന്നതെന്ന് അറിയിക്കുമോ ;

(ഡി) പ്രസ്തുത ഒഴിവുകള്‍ നികത്തുന്നതിന് എന്തൊക്കെ നടപടികളാണ് സ്വീകരിച്ചത് എന്ന് വ്യക്തമാക്കുമോ ?

മലപ്പുറം ജില്ലാ ലേബര്‍ ഓഫീസ് മാറ്റുന്നത് സംബന്ധിച്ച്

ശ്രീ. റ്റി.എ. അഹമ്മദ് കബീര്‍

(എ) മലപ്പുറം ജില്ലാ ലേബര്‍ ഓഫീസ് സുരക്ഷിതമല്ലാത്ത

കെട്ടിടത്തിലാണ് പ്രവര്‍ത്തിക്കുന്നതെന്ന വസ്തുത

ശ്രദ്ധയില്‍പ്പെട്ടിട്ടുണ്ടോ;

(ബി) പ്രസ്തുത ഓഫീസ് മലപ്പുറം സിവില്‍ സ്റേഷനിലെ പുതിയബ്ളോക്കിലേക്ക് മാറ്റുന്നതിന് ഉത്തരവ് ലഭിച്ചിട്ടും, നാളിതുവരെ മാറ്റാതിരിക്കാനുള്ള കാരണം വ്യക്തമാക്കാമോ;

(സി) പുതിയ ബ്ളോക്കിലേക്ക് മലപ്പുറം ജില്ലാ ലേബര്‍ ഓഫീസ് മാറ്റുന്നതിന് ആവശ്യമായ സത്വര നടപടികള്‍ സ്വീകരിക്കുമോ?