13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >16^th Session>Unstarred questions Answers

Answer Provided

Answer Not Yet Provided

THIRTEENTH KLA - 16^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

അയ്യന്‍കാളി നഗര തൊഴിലുറപ്പ്

2919.

ശ്രീ.വര്‍ക്കല കഹാര്‍
,, പി.എ.മാധവന്‍
,, ആര്‍ . സെല്‍വരാജ്
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളില്‍ അയ്യന്‍കാളി നഗര തൊഴിലുറപ്പ് പദ്ധതികള്‍ നടപ്പാക്കാന്‍ കര്‍മ്മ പദ്ധതി ആവിഷ്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

ഇ- മാലിന്യങ്ങള്‍

2920.

ശ്രീ.സി.ദിവാകരന്‍ : താഴെ കാണുന്ന ചോദ്യത്തിന് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ ഇ-മാലിന്യങ്ങളുടെ ശേഖരണത്തിനും ഇ-മാലിന്യങ്ങള്‍ മൂലമുള്ള മലിനീകരണം ഒഴിവാക്കുന്നതിനും സ്വീകരിച്ച നടപടികള്‍ എത്രമാത്രം പ്രയോജനകരമായിരുന്നുവെന്ന് പരിശോധിച്ചിട്ടുണ്ടോ; എങ്കില്‍ ഏത് ഏജന്‍സിയാണ് പരിശോധിച്ചത്; വിശദാംശങ്ങള്‍ അറിയിക്കാമോ?

റോഡ് നിര്‍മ്മാണം, മാലിന്യ നിര്‍മ്മാര്‍ജ്ജനം, കുടിവെള്ളം എന്നിവയ്ക്ക് ചെലവായ തുക

2921.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)

ഈ സര്‍ക്കാര്‍ അധികാരത്തില്‍ വന്നതിനു ശേഷം കോര്‍പ്പറേഷനുകള്‍ക്കും മുനിസിപ്പാലിറ്റികള്‍ക്കും റോഡുനിര്‍മ്മാണം, മാലിന്യ നിര്‍മ്മാര്‍ജ്ജനം, കുടിവെള്ളം എന്നീ പദ്ധതികള്‍ക്കായി എത്ര രൂപ അനുവദിച്ചു എന്ന് തരം തിരിച്ചു വ്യക്തമാക്കാമോ; പണം ലഭിച്ചതും ലഭിക്കാത്തതുമായ കോര്‍പ്പറേഷനുകളും മുനിസിപ്പാലിറ്റികളും എതൊക്കെയെന്ന് വ്യക്തമാക്കാമോ;

(ബി)	പ്രസ്തുത ഇനത്തില്‍ പണം നല്‍കിയിട്ടും ചെലവാക്കാത്ത കോര്‍പ്പറേഷനുകളും മുനിസിപ്പാലിറ്റികളും ഉണ്ടോ; വിശദാംശം നല്‍കുമോ?

രാജീവ് ആവാസ് യോജന പദ്ധതി

2922.

ശ്രീ.കെ.ശിവദാസന്‍ നായര്‍
,, എം.എ. വാഹീദ്
,, ലൂഡി ലൂയിസ്
,, എം.പി.വിന്‍സെന്‍റ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളില്‍ രാജീവ് ആവാസ് യോജന പദ്ധതികള്‍ നടപ്പാക്കാന്‍ എന്തെല്ലാം കര്‍മ്മപദ്ധതി ആവിഷ്കരിച്ചിട്ടുണ്ട്;

(ബി)	പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

കുട്ടി അഹമ്മദ് കുട്ടി കമ്മീഷന്‍ റിപ്പോര്‍ട്ട്

2923.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ നിയോഗിച്ച കുട്ടി അഹമ്മദ് കുട്ടി കമ്മീഷന്‍ റിപ്പോര്‍ട്ട് സമര്‍പ്പിച്ചിട്ടുണ്ടോ;

(ബി)	റിപ്പോര്‍ട്ട് സര്‍ക്കാരിന് സമര്‍പ്പിച്ചത് എന്നാണെന്ന് വ്യക്തമാക്കാമോ;

(സി)	റിപ്പോര്‍ട്ട് പ്രകാരം നടപടി സ്വീകരിച്ചിട്ടുണ്ടോ; വിശദമാക്കാമോ?

സുസ്ഥിര നഗരവികസന പദ്ധതി

2924.

ശ്രീ.സി.പി.മുഹമ്മദ്
,, ഹൈബി ഈഡന്‍
,, ഡൊമിനിക് പ്രസന്റേഷന്‍
,, എ.പി.അബ്ദുള്ളക്കുട്ടി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സുസ്ഥിര നഗരവികസന പദ്ധതികള്‍ നടപ്പാക്കാന്‍ കര്‍മ്മപദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

കെട്ടിട നിര്‍മ്മാണം

2925.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം കോര്‍പ്പറേഷന്‍, നന്തന്‍കോട് വാര്‍ഡ്, ഇൗസ്റ്റ് ക്ളിഫ് ലെയിന്‍ ,അബ്ദുള്‍ ഖാദര്‍ മകന്‍ ആസിഫ് 4 സെന്റ് വസ്തുവില്‍ മൂന്ന് നില കെട്ടിടം പണിയുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത നിര്‍മ്മാണത്തിന് കോര്‍പ്പറേഷനില്‍ നിന്നും പ്ലാന്‍ അനുമതി വാങ്ങിയിട്ടുണ്ടോ;റസിഡന്‍ഷ്യല്‍ അല്ലെങ്കില്‍ വാണിജ്യാവശ്യങ്ങള്‍ക്കാണോ കോര്‍പ്പറേഷന്‍ അനുമതി നല്‍കിയതെന്ന് വ്യക്തമാക്കുമോ;

(സി)	പ്ലാനില്‍ പറയുന്ന രീതിയിലാണോ കെട്ടിടം പണിയുന്നത്; അതോ വയലേഷന്‍ നടത്തിയിട്ടുണ്ടോ;

(ഡി)	റോഡില്‍ നിന്നും തൊട്ടടുത്തുള്ള വീടുകളില്‍ നിന്നും നിശ്ചിത അകലം വിടണമെന്ന നിലവിലുള്ള ചട്ടങ്ങള്‍ പാലിച്ചിട്ടുണ്ടോ;

(ഇ)	ഇത് സംബന്ധിച്ച് അടുത്ത വീട്ടുകാരുടെ പരാതി കോര്‍പ്പറേഷന്‍ അധികാരികള്‍ക്ക് കിട്ടിയിട്ടുണ്ടോ; വിശദാംശങ്ങള്‍ എന്തെല്ലാം;

(എഫ്)

എങ്കില്‍ ഇതിന്‍മേല്‍ എന്ത് നടപടി സ്വീകരിച്ചു; പ്രസ്തുത ബില്‍ഡിങ്ങിനെക്കുറിച്ചും പ്ലാനിനെക്കുറിച്ചും വേണ്ട പരിശോധന നടത്തുമോ?

മാലിന്യ സംസ്കരണത്തിന് നഗസഭകള്‍ക്ക് നല്‍കിയ നിര്‍ദ്ദേശങ്ങള്‍

2926.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	മാലിന്യ സംസ്കരണത്തിന് നഗസഭകള്‍ നിര്‍ബന്ധമായും സ്വീകരിക്കേണ്ട നടപടികള്‍ എന്തെല്ലാമാണെന്ന് സര്‍ക്കാര്‍ നിര്‍ദ്ദേശങ്ങള്‍ നല്‍കിയിട്ടുണ്ടോ, വിശദമാക്കുമോ;

(ബി)	പ്രസ്തുത നിര്‍ദ്ദശങ്ങള്‍ പ്രകാരം നഗരസഭാ പ്രദേശത്ത് അടിഞ്ഞുകൂടുന്ന മാലിന്യങ്ങള്‍ ഒഴിവാക്കാനും സംസ്കരിക്കാനും എന്തെല്ലാം നടപടികളാണ് നഗരസഭകള്‍ സ്വീകരിച്ചുവരുന്നത്, ഇത് വിലയിരുത്താന്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ;

(സി)	തെരുവുകളില്‍ കുമിഞ്ഞു കൂടുന്ന അടുക്കള മാലിന്യങ്ങളും ഹോട്ടല്‍ മാലിന്യങ്ങളും ജനപങ്കാളിത്തത്തോടെ ശേഖരിച്ച്, സംസ്കരിച്ച് പാചകവാതകവും ജൈവവളവും ഉത്പാദിപ്പിക്കുന്ന പദ്ധതികള്‍ ആസൂത്രണം ചെയ്തിട്ടുണ്ടോ, വിശദമാക്കുമോ?

നിര്‍ഭയ പദ്ധതിപ്രകാരമുള്ള കെട്ടിടം

2927.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നിര്‍ഭയ പദ്ധതിയില്‍ ഉള്‍പ്പെടുത്തി നിര്‍മ്മിച്ച കെട്ടിടം ആലപ്പുഴ നഗരസഭയില്‍ നിലവിലുണ്ടോ; വിശദമാക്കുമോ;

(ബി)	ഏതെല്ലാം ആവശ്യങ്ങള്‍ക്കായാണ് ഇൗ കെട്ടിടം ഉപയോഗിക്കാന്‍ 2012 ല്‍ തീരുമാനിച്ചിരുന്നത്; 2012ലെ നയരേഖയില്‍ ഉള്‍പ്പെടാത്ത ഏതെങ്കിലും പദ്ധതിക്കായി ടി കെട്ടിടമോ, കെട്ടിടത്തിന്റെ ഏതെങ്കിലും ഭാഗമോ നല്‍കാന്‍ നഗരസഭ തീരുമാനിച്ചിട്ടുണ്ടോ; വിശദാംശം നല്‍കാമോ; ;

(സി)	പ്രസ്തുത കെട്ടിടത്തില്‍ നിര്‍ഭയ പദ്ധതി പ്രകാരമുള്ള പ്രവര്‍ത്തനങ്ങള്‍ നടത്തുന്നതിന് നഗരസഭ ബഡ്ജറ്റില്‍ തുക നീക്കിവച്ചിട്ടുണ്ടോ;

(ഡി)	നിര്‍ഭയ പദ്ധതി വിഭാവനം ചെയ്യുന്ന സ്ത്രീ സുരക്ഷയും ശാക്തീകരണവും സ്വയം പര്യാപ്തതയ്ക്കും ഉതകുന്ന പ്രവര്‍ത്തനം നടത്തുന്നതിന് തയ്യാറായി ഏതെങ്കിലും അംഗീകൃത സന്നദ്ധ സഹകരണ സംഘങ്ങള്‍ നഗരസഭയ്ക്ക് കത്തു നല്‍കിയിട്ടുണ്ടോ; വ്യക്തമാക്കാമോ;

(ഇ)	ഉണ്ടെങ്കില്‍ അത് ആരൊക്കെയാണെന്നും അതു സംബന്ധിച്ച് എന്തെല്ലാം നടപടി കെെക്കൊണ്ടുവെന്നും വെളിപ്പെടുത്തുമോ ?

അമൃതനഗരം പദ്ധതി

2928.

ശ്രീ.ആര്‍ . സെല്‍വരാജ്
,, വി.റ്റി.ബല്‍റാം
,, ഹൈബി ഈഡന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അമൃത നഗരം പദ്ധതി നടപ്പാക്കാന്‍ എന്തെല്ലാം കര്‍മ്മപദ്ധതികള്‍ ആസൂത്രണം ചെയ്തിട്ടുണ്ട്;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	പ്രസ്തുതപദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

മള്‍ട്ടി സെക്ടര്‍ ഡെവലപ്മെന്റ് പ്രോഗ്രാം

2929.

(എ)	മള്‍ട്ടി സെക്ടര്‍ ഡെവലപ്മെന്റ് പ്രോഗ്രാം (എം.എസ്.ഡി.പി) പ്രകാരം കിട്ടേണ്ട ഫണ്ട് യഥാസമയത്ത് ഇടപെടല്‍ ഇല്ലാത്തത് കാരണം നഷ്ടമായിട്ടുണ്ടോ;

(ബി)	14 ജില്ലകളിലായി 132 ബ്ലോക്കുകള്‍ 25 നഗരസഭകള്‍ 5 കോര്‍പ്പറേഷനുകള്‍ എന്നിങ്ങനെ കേന്ദ്രീകൃതമായി സംസ്ഥാനത്ത് വയനാട്ടിലെ നാലു ബ്ലോക്കുകളും മലപ്പുറം ജില്ലയില്‍ പൊന്നാനി സഗരസഭയും ഒഴിച്ചു ബാക്കി കേന്ദ്രങ്ങള്‍ ഈ പദ്ധതിയുടെ കീഴില്‍ വരാത്തതത് എന്തുകൊണ്ടാണ്;

(സി)	മൊത്തം ചെലവിന്റെ 40ശതമാനം സംസ്ഥാനം വഹിക്കെണ്ടാതുണ്ടോ ; സര്‍ക്കാര്‍ പദ്ധതിയില്‍നിന്ന് അകലാന്‍ കാരണമെന്ത്;

(ഡി)	എം.എസ്.ഡി.പി. പ്രകാരം വയനാട്ടിലെ നാല് ബ്ലോക്കുകളിലും പൊന്നാനി നഗരസഭയിലും നടപ്പിലാക്കിയ പദ്ധതികള്‍ ഏതെല്ലാമാണെന്ന് വിശദീകരിക്കാമോ?

നഗരകാര്യ വകുപ്പിന്റെ പദ്ധതി വിഹിതം

2930.

ശ്രീ.എ.എ.അസീസ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	2015-16 സാമ്പത്തിക വര്‍ഷത്തിൽ നഗരകാര്യ വകുപ്പിന് പദ്ധതി വിഹിതമായി എത്ര രൂപയാണ് നീക്കി വച്ചിരുന്നത് ;

(ബി)	2016 ജനുവരി 31 വരെ എത്ര തുകയാണ് ചെലവി‍ട്ടത് ; ചെലവിന്റെ ശതമാനം വ്യക്തമാക്കുമോ?

തൊഴില്‍ നഷ്ടപ്പെട്ടവരെ അയ്യങ്കാളി തൊഴിലുറപ്പ് പദ്ധതിയില്‍ ഉള്‍പ്പെടുത്താന്‍ നടപടി

2931.

ശ്രീ.വി.ശിവന്‍കുട്ടി
,, എ.എം. ആരിഫ്
,, ബാബു എം. പാലിശ്ശേരി
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഗ്രാമപഞ്ചായത്തുകളെ സംയോജിപ്പിച്ച് നഗരസഭകളാക്കി മാറ്റിയപ്പോള്‍ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ തൊഴിലെടുത്തവര്‍ക്ക് തൊഴില്‍ നഷ്ടപ്പെടാന്‍ ഇടയായിട്ടുണ്ടോ; വിശദാംശം ലഭ്യമാക്കാമോ;

(ബി)	ഇപ്രകാരം തൊഴില്‍ നഷ്ടപ്പെട്ടവരെ അയ്യങ്കാളി തൊഴിലുറപ്പ് പദ്ധതിയില്‍ ഉള്‍പ്പെടുത്താന്‍ നടപടി സ്വീകരിക്കുമോ;

(സി)	നഗരപ്രദേശങ്ങളില്‍ അയ്യങ്കാളി തൊഴിലുറപ്പ് പദ്ധതി കാര്യക്ഷമമായി നടപ്പാക്കുന്നതിനും അതിനാവശ്യമായ ഫണ്ട് അനുവദിക്കുന്നതിനും നടപടി സ്വീകരിക്കുമോയെന്ന് വ്യക്തമാക്കുമോ?

ചാലക്കുടി മുനിസിപ്പാലിറ്റി ടൗണ്‍ഹാള്‍ നിര്‍മ്മാണം

2932.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)

ചാലക്കുടി മുനിസിപ്പാലിറ്റി ടൗണ്‍ഹാള്‍ നിര്‍മ്മാണത്തിനായി ഫണ്ട് നല്‍കിയവര്‍ക്ക് അനധികൃത കെട്ടിടങ്ങള്‍ നിര്‍മ്മിക്കുന്നതിന് ചട്ടവിരുദ്ധമായി സഹായം ചെയ്യുന്നു എന്ന പരാതിയിന്‍മേല്‍ തൃശുര്‍ ഡെപ്യൂട്ടി പോലീസ് സൂപ്രണ്ട്, വിജിലന്‍സ് ആന്റ് ആന്റി കറപ്ഷന്‍ ബ്യൂറോ, തൃശുരിന്റെ അന്വേഷണ റിപ്പോര്‍ട്ട് ശ്രദ്ധയില്‍ പെട്ടിട്ടുണ്ടോ;

(ബി)	പ്രസ്തുത റിപ്പോര്‍ട്ട് പ്രകാരം കുറ്റക്കാരായി കണ്ടെത്തിയിട്ടുള്ളവര്‍ക്കെതിരെ എന്തെങ്കിലും നടപടികള്‍ സ്വീകരിച്ചിട്ടുണ്ടോ;

(സി)	എല്‍.എസ്സ്.ജി.ഡി ചീഫ് എഞ്ചിനീയര്‍ ഉള്‍പ്പെടെയുള്ളവര്‍ സ്ഥലം നേരിട്ട് സന്ദര്‍ശിച്ച് നടപടികള്‍ സ്വീകരിക്കണം എന്നതടക്കമുള്ള റിപ്പോര്‍ട്ടിലെ നിര്‍ദ്ദേശങ്ങള്‍ നടപ്പാക്കുന്നതിനും വിജിലന്‍സ് റിപ്പോര്‍ട്ട് പ്രകാരമുള്ള മേല്‍നടപടികള്‍ സ്വീകരിക്കുന്നതിനും ആവശ്യമായ നടപടികള്‍ കൈക്കൊള്ളുമോ?

നീലേശ്വരം മുന്‍സിപ്പാലിറ്റിയിലെ ബസ്റ്റാന്റ് നിര്‍മ്മാണം

2933.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ നീലേശ്വരം മുന്‍സിപ്പാലിറ്റിക്ക് കാര്‍ഷിക യൂണിവേഴ്സിറ്റിയുടെ അധീനതയിലുള്ള സ്ഥലം ബസ് റ്റാന്റ് നിര്‍മ്മാണത്തിനായി മന്ത്രസഭാ ഉത്തരവ് മുഖാന്തിരം അനുവദിച്ച് വര്‍ഷങ്ങള്‍ 3 കഴിഞ്ഞിട്ടും മുന്‍സിപ്പാലിറ്റിക്ക് ഇത് കൈമാറി കിട്ടാന്‍ വൈകുന്നതിന്റെ കാരണം വ്യക്തമാക്കാമോ;

(ബി)	ഇക്കാര്യത്തില്‍ നഗരാസൂത്രണ വകുപ്പ് എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

നഗരസഭകളിലെ ഡാറ്റാ എന്‍ട്രി ഓപ്പറേറ്റര്‍

2934.

(എ)	ഐ.കെ.എം-ന് കീഴില്‍ വിവിധ നഗരസഭകളില്‍ ഡാറ്റാ എന്‍ട്രി ഓപ്പറേറ്റര്‍ തസ്തികയില്‍ 10 വര്‍ഷത്തിന് മുകളില്‍ സേവനമനുഷ്ഠിച്ച് വരുന്നവരെ സ്ഥിരപ്പെടുത്താന്‍ പദ്ധതിയുണ്ടോ;

(ബി)	എങ്കില്‍ ഇവര്‍ക്ക് ശമ്പളം, മറ്റാനുകൂല്യങ്ങള്‍ എന്നിവ നഗരസഭയാണോ, ഐ.കെ.എം ആണോ നല്‍കുന്നതെന്ന് വിശദമാക്കാമോ;

(സി)	കേരളത്തിലെ നഗരസഭകളില്‍ ഇത്തരത്തില്‍ എത്ര ഡാറ്റാ എന്‍ട്രി ഓപ്പറേറ്റര്‍മാര്‍ ജോലി ചെയ്യുന്നു എന്ന് വിശദമാക്കാമോ?

നഗരങ്ങളിലെ ഖരമാലിന്യ സംസ്കരണ പ്ലാന്റുകള്‍

2935.

ശ്രീ.കെ.ശിവദാസന്‍ നായര്‍
,, പി.എ.മാധവന്‍
,, ഹൈബി ഈഡന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളില്‍ അത്യാധുനിക സാങ്കേതികവിദ്യ ഉപയോഗിച്ച് ഖരമാലിന്യ സംസ്കരണ പ്ലാന്റുകള്‍ സ്ഥാപിക്കുന്നതിന് എന്തെല്ലാം കര്‍മ്മ പദ്ധതികളാണ് ആവിഷ്കരിച്ചിട്ടുള്ളത് എന്ന് അറിയിക്കാമോ;

(ബി)	ആയതിന്റെ ഉദ്ദേശ്യലക്ഷ്യങ്ങൾ എന്തെല്ലാമാണെന്ന് വ്യക്തമാക്കാമോ;

(സി)	ഇത് നടപ്പാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

കൊയിലാണ്ടി നഗരസഭയിലെ‌ ഫയര്‍ സ്റ്റേഷന്‍

2936.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി നഗരസഭയില്‍ ഫയര്‍ സ്റ്റേഷന്‍ ആരംഭിക്കുന്നതിന് നഗരസഭയുടെ അധിനതയിലുള്ള ഭൂമി ഫയര്‍ & റെസ്ക്യൂ ഡിപ്പാര്‍ട്ട്മെന്റിന് വിട്ടു നല്‍കുന്നതിന് അനുമതി തേടി നഗരസഭ, നഗരകാര്യ ഡയറക്ടര്‍ മുഖേന തദ്ദേശ സ്വയംഭരണ വകുപ്പ് സെക്രട്ടറി സമക്ഷം സമര്‍പ്പിച്ച അപേക്ഷയില്‍ സ്വീകരിച്ചിട്ടുള്ള നടപടികള്‍ വിശദമാക്കുമോ;

(ബി)	ഇത് സംബന്ധിച്ച ഫയലില്‍ അന്തിമ തീരുമാനം എപ്പോള്‍ കൈക്കൊള്ളുമെന്ന് വ്യക്തമാക്കാമോ?

കൊയിലാണ്ടി നഗരസഭയില്‍ വെറ്ററിനറി സര്‍വ്വകലാശാലയുടെ പ്രാദേശിക കേന്ദ്രം

2937.

(എ)	കൊയിലാണ്ടി നഗരസഭയില്‍ വെറ്ററിനറി സര്‍വ്വകലാശാലയുടെ പ്രാദേശിക കേന്ദ്രം ആരംഭിക്കുന്നതിനായി ഭൂമി വിട്ടുകൊടുക്കുന്നത് സംബന്ധിച്ച എല്‍.എസ്.ജി.ഡി (ആര്‍.സി ) വകുപ്പിന്റെ ഫയലിലെ നടപടികളുടെ നിലവിലെ അവസ്ഥ വിശദമാക്കാമോ;

(ബി)	ഇത് സംബന്ധിച്ച് നഗരകാര്യ ഡയറക്ടറ്റേറില്‍ നിന്ന് എല്‍.എസ്.ജി.ഡി യിലേക്ക് കത്തിടപാടുകള്‍ നടന്നത് എന്നെല്ലാം; വ്യക്തമാക്കാമോ;

(സി)	പ്രസ്തുത ഫയലിന്മേല്‍ ഏതു തീയതിയില്‍ അന്തിമ തീരുമാനം എടുത്തുവെന്ന് വ്യക്തമാക്കാമോ?

അയ്യങ്കാളി തൊഴിലുറപ്പ് പദ്ധതി

2938.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	അയ്യങ്കാളി തൊഴിലുറപ്പ് പദ്ധതി പ്രകാരം 2014 - 15 , 2015 - 16 കാലയളവില്‍ എത്ര തൊഴില്‍ ദിനങ്ങള്‍ സൃഷ്ടിച്ചിട്ടുണ്ടെന്ന് വ്യക്തമാക്കുമോ;

(ബി)	പ്രതിഫല ഇനത്തില്‍ തൊഴിലാളികള്‍ക്ക് നല്‍കിയ തുക മുന്‍സിപ്പാലിറ്റി അടിസ്ഥാനത്തില്‍ വ്യക്തമാക്കുമോ;

(സി)	പ്രതിഫല ഇനത്തില്‍ കുടിശ്ശികയുള്ള തുക എത്രയെന്ന് വ്യക്തമാക്കുമോ; കുടിശ്ശിക തുക നല്‍കുന്നതിനു സ്വീകരിച്ച നടപടികള്‍ വിശദമാക്കുമോ?

കംഫര്‍ട്ട് സ്റ്റേഷനുകള്‍ ആരംഭിക്കുന്നതിനുള്ള കര്‍മ്മപദ്ധതി

2939.

ശ്രീ.തേറമ്പില്‍ രാമകൃഷ്ണന്‍
,, അന്‍വര്‍ സാദത്ത്
,, ഡൊമിനിക് പ്രസന്റേഷന്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളില്‍ കംഫര്‍ട്ട് സ്റ്റേഷനുകള്‍ ആരംഭിക്കുന്നതിന് കര്‍മ്മപദ്ധതി ആവിഷ്ക്കരിച്ചിട്ടുണ്ടോ;

(ബി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സമ്പൂര്‍ണ്ണ ചേരി പരിഷ്കരണ പദ്ധതി

2940.

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാരിന്റെ ജവഹര്‍ ലാല്‍ നെഹ്റു നാഷണല്‍ അര്‍ബന്‍ റിന്യുവല്‍ മിഷന്‍, രാജീവ് ആവാസ് യോജന എന്നീ പദ്ധതികളുടെ സഹായത്തോടെ സമ്പൂര്‍ണ്ണ ചേരി പരിഷ്കരണ പദ്ധതി സംസ്ഥാനത്ത് ആരംഭിച്ചിട്ടുണ്ടോ; എങ്കില്‍ വിശദാംശങ്ങള്‍ വ്യക്തമാക്കുമോ;

(ബി)	പദ്ധതി നടപ്പാക്കിയെങ്കില്‍ സംസ്ഥാനത്ത് എവിടെയെല്ലാമാണ് നടപ്പാക്കിയത്;

(സി)	പ്രസ്തുത പദ്ധതിക്ക് കേന്ദ്ര ഗവണ്‍മെന്റില്‍ നിന്നും ലഭിച്ച ധനസഹായത്തിന്റെ വിശദാംശങ്ങള്‍ ലഭ്യമാക്കുമോ;

(ഡി)	പ്രസ്തുത പദ്ധതിക്കായി ഓരോ ബഡ്ജറ്റിലും എത്ര തുക നീക്കി വച്ചു; എത്ര രൂപ ചിലവഴിച്ചു?

നഗരസഭകളില്‍ സ്വതന്ത്ര സോഫ്റ്റ് വെയറിന്റെ ആവശ്യകത

2941.

ശ്രീ.സി.കെ സദാശിവന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരസഭാ ഓഫീസുകളിലെ കമ്പ്യൂട്ടറുകളില്‍ പണം കൊടുത്ത് ഉപയോഗിക്കുന്ന വിന്‍ഡോസ് സോഫ്റ്റ് വെയര്‍ ആണ് ഇപ്പോഴും ഉപയോഗിക്കുന്നതെന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	മറ്റു വകുപ്പുകളില്‍ സൗജന്യമായി ലഭിക്കുന്ന ഉബണ്ടു പോലുളള സ്വതന്ത്ര സോഫ്റ്റ് വെയറിലേക്ക് മാറുന്നതിനായി നഗരസഭകള്‍ക്കും ഇന്‍ഫര്‍മേഷന്‍ കേരള മിഷനും നിര്‍ദ്ദേശം നല്‍കുമോയെന്ന് വ്യക്തമാക്കുമോ?

നഗരങ്ങളില്‍ ഷോപ്പിംഗ് കോംപ്ലക്സുകള്‍

2942.

ശ്രീ.വി.ഡി.സതീശന്‍
,, ടി.എന്‍. പ്രതാപന്‍
,, സി.പി.മുഹമ്മദ്
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളില്‍ ഷോപ്പിംഗ് കോംപ്ലക്സുകള്‍ ആരംഭിക്കാന്‍ എന്തെല്ലാം കര്‍മ്മ പദ്ധതികള്‍ ആവിഷ്കരിച്ചിട്ടുണ്ട്;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇതുവഴി കൈവരിക്കാനുദ്ദേശിക്കുന്നത്;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

നഗരങ്ങളില്‍ ബസ്സ്സ്റ്റാന്റുകള്‍

2943.

ശ്രീ.തേറമ്പില്‍ രാമകൃഷ്ണന്‍
,, സി.പി.മുഹമ്മദ്
,, വി.ഡി.സതീശന്‍
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളില്‍ ബസ്സ്സ്റ്റാന്റുകള്‍ ആരംഭിക്കാന്‍ കര്‍മ്മ പദ്ധതി ആവിഷ്ക്കരിച്ചിട്ടുണ്ടോ; വിശദമാക്കുമോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കെെവരിക്കാനുദ്ദേശിക്കുന്നത്;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

ശ്മശാനങ്ങള്‍

2944.

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	എല്ലാ ജില്ലകളിലും ആധുനിക സംവിധാനങ്ങളോടു കൂടിയ ശ്മശാനങ്ങള്‍ സ്ഥാപിക്കപ്പെടുമെന്ന 2013-14 ബഡ്ജറ്റിലെ പ്രഖ്യാപനം നടപ്പാക്കപ്പെട്ടിട്ടുണ്ടോ;

(ബി)	ഏതെല്ലാം ജില്ലകളിലാണ് ഈ പദ്ധതി പ്രകാരം ആധുനിക രീതിയിലുള്ള ശ്മശാനങ്ങള്‍ സ്ഥാപിക്കപ്പെട്ടത് എന്നറിയിക്കാമോ;

(സി)	ഈ പദ്ധതി നടപ്പാക്കുന്നതിന് ഓരോ വര്‍ഷവും ബഡ്ജറ്റില്‍ എന്ത് തുക നീക്കിവച്ചിരുന്നു; അതില്‍ എന്ത് തുക വീതം ചെലവഴിച്ചിട്ടുണ്ടെന്നറിയിക്കാമോ?

പ്ലാസ്റ്റിക് ശേഖരണ നിര്‍മ്മാര്‍ജ്ജനം

2945.

ശ്രീ.വി.എം.ഉമ്മര്‍ മാസ്റ്റര്‍
,, പി.കെ.ബഷീര്‍
,, എം.ഉമ്മര്‍
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാന നഗരിയില്‍ പ്ലാസ്റ്റിക് ശേഖരണ നിര്‍മ്മാര്‍ജ്ജന നടപടികള്‍ വിജയകരമായി നടപ്പാക്കിയ സാഹചര്യത്തില്‍ കുപ്പികളും, ഇ-വേസ്റ്റും ശേഖരിക്കാന്‍ ഫെബ്രുവരി 10, 11 തീയതികളില്‍ മാത്രം നടത്തുമെന്നു പ്രഖ്യാപിച്ചിട്ടുള്ള ക്യാമ്പുകള്‍ സ്ഥിരം സംവിധാനമാക്കാന്‍ നടപടി സ്വീകരിക്കുമോ;

(ബി)	മാലിന്യ നിര്‍മ്മാര്‍ജ്ജനത്തിന്റെ ഭാഗമായി ചവറുകൂനകള്‍ക്ക് തീയിടുന്നതില്‍ പെട്ട് പ്ലാസ്റ്റിക് കത്തിപ്പരക്കുന്ന പുകപടലം നഗരവാസികള്‍ക്ക് കഠിനമായ ആരോഗ്യപ്രശ്നങ്ങള്‍ ഉണ്ടാക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഇക്കാര്യത്തില്‍ ആവശ്യമായ നടപടി സ്വീകരിക്കാന്‍ നഗരസഭയ്ക്ക് നിര്‍ദ്ദേശം നല്‍കുമോ?

ഹോസ്റ്റലുകളുടെ മാനദണ്ഡങ്ങള്‍

2946.

ശ്രീ.ഇ.ചന്ദ്രശേഖരന്‍
,, ചിറ്റയം ഗോപകുമാര്‍
,, വി.ശശി
,, മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഹോസ്റ്റലുകള്‍ നടത്തുന്നതിന് നിഷ്ക്കര്‍ഷിച്ചിട്ടുള്ള മാനദണ്ഡങ്ങള്‍ എന്തെല്ലാം;

(ബി)	സര്‍ക്കാര്‍ മേഖലയിലും ,സ്വകാര്യമേഖലയിലും പ്രസ്തുത മാനദണ്ഡങ്ങള്‍ പാലിക്കപ്പെടുന്നുണ്ടോയെന്ന് പരിശോധിക്കാന്‍ എന്തെങ്കിലും സംവിധാനങ്ങള്‍ നിലവിലുണ്ടോ; എങ്കില്‍ എന്തെല്ലാം സംവിധാനങ്ങളാണ് നിലവിലുള്ളതെന്ന് വെളിപ്പെടുത്തുമോ;

(സി)	ഇത്തരം സ്ഥാപനങ്ങള്‍ അമിതമായ നിരക്കില്‍ ഫീസ് ഈടാക്കിക്കൊണ്ടിരിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ഡി)

സംസ്ഥാനത്ത് പ്രവര്‍ത്തിക്കുന്ന സര്‍ക്കാര്‍ മേഖലയിലേയും സ്വകാര്യ മേഖലയിലേയും ഹോസ്റ്റലുകളില്‍ അടിസ്ഥാന സൗകര്യങ്ങള്‍പോലും ഏര്‍പ്പെടുത്തിയിട്ടില്ലെന്നുള്ളത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അധിക ഫീസ് ഈടാക്കുന്നതും, ആവശ്യമായ സൗകര്യങ്ങള്‍ ഏര്‍പ്പെടുത്തിയിട്ടില്ലാത്തതുമായ ഹോസ്റ്റലുകള്‍ക്കെതിരെ എന്തു നടപടികളാണ് സ്വീകരിക്കാനുദ്ദേശിക്കുന്നതെന്ന് വെളിപ്പെടുത്തുമോ?

മുനിസിപ്പാലിറ്റികളെ ഗ്രേഡ് തിരിക്കുന്നതിനുള്ള മാനദണ്ഡങ്ങള്‍

2947.

ശ്രീ.വി.ശശി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മുനിസിപ്പാലിറ്റികളെ ഗ്രേഡ് തിരിച്ച് നിശ്ചയിച്ചിട്ടുണ്ടോ; ഉണ്ടെങ്കില്‍ അതിന് സ്വീകരിച്ച മാനദണ്ഡങ്ങള്‍ എന്തൊക്കെയാണ്;

(ബി)	പ്രസ്തുത മാനദണ്ഡങ്ങള്‍ പ്രകാരം മുനിസിപ്പാലിറ്റികളുടെ ഗ്രേഡ് തിരിച്ചുള്ള പട്ടിക ലഭ്യമാക്കുമോ;

(സി)	2011 -ലെ കേന്ദ്ര സെന്‍സസ് പ്രകാരം കേരളത്തിലെ ഓരോ മുനിസിപ്പാലിറ്റിയിലെയും ജനസംഖ്യ വ്യക്തമാക്കുന്ന പട്ടിക ലഭ്യമാക്കുമോ?

ബഹുനില പാര്‍ക്കിംങ് കോംപ്ളക്സുകൾ

2948.

പ്രൊഫ. സി.രവീന്ദ്രനാഥ് : താഴെ കാണുന്ന ചോദ്യത്തിന് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരത്തിൽ ബഹുനില പാര്‍ക്കിംങ് കോംപ്ളക്സുകൾ സ്ഥാപിക്കുന്നതിനുള്ള പദ്ധതി നടപ്പിലാക്കിയിട്ടുണ്ടോ; എവിടെയെല്ലാമെന്നു വ്യക്തമാക്കുമോ?

നഗരങ്ങളുടെ മാസ്റ്റര്‍ പ്ലാനുകളും വിശദമായ നഗര പ്ലാനുകളും

2949.

ശ്രീ.എം.വി.ശ്രേയാംസ്‌ കുമാര്‍
ഡോ.എന്‍. ജയരാജ്
ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ ഗവണ്‍മെന്റ് അധികാരത്തില്‍ വന്നതിനുശേഷം സംസ്ഥാനത്തെ നഗരങ്ങളുടെ മാസ്റ്റര്‍ പ്ലാനുകളും വിശദമായ നഗര പ്ലാനുകളും തയ്യാറാക്കുക എന്ന ലക്ഷ്യം മുന്‍നിര്‍ത്തി നടപ്പിലാക്കിയ കാര്യങ്ങള്‍ എന്തെല്ലാമാണ്;

(ബി)	പ്രസ്തുത ലക്ഷ്യം മുന്‍നിര്‍ത്തി ആദ്യഘട്ടമായി തെരഞ്ഞെടുത്ത നഗരങ്ങളുടെ മാസ്റ്റര്‍ പ്ലാന്‍ തയ്യാറാക്കുന്ന നടപടി വിജയകരമായി പൂര്‍ത്തീകരിച്ചുവോ; വ്യക്തമാക്കുമോ;

(സി)	സംസ്ഥാനത്ത് അവശേഷിക്കുന്ന നഗരങ്ങളുടെ മാസ്റ്റര്‍ പ്ലാനുകളും മുന്‍ഗണനാക്രമത്തില്‍ നിശ്ചയിച്ചിട്ടുള്ള നഗരങ്ങളുടെ വിശദമായ നഗര പ്ലാനുകളും തയ്യാറാക്കുന്ന നടപടി സമയബന്ധിതമായി പൂര്‍ത്തീകരിക്കുന്നതിനാവശ്യമായ അടിയന്തര നടപടി സ്വീകരിക്കുമോ?

തസ്തികകളുടെ ഏകീകരണം

2950.

ശ്രീ.എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ടൗണ്‍ പ്ലാനിംഗ് ഓഫീസിലെ ചെയിന്‍മാന്‍, ഓഫീസ് അറ്റന്റന്റ് തസ്തികകള്‍ ഏകീകരിക്കുന്നതിന് ഉദ്ദേശിക്കുന്നുണ്ടോ ;

(ബി)	ഇതു സംബന്ധിച്ച് ഉത്തരവ് പുറപ്പെടുവിച്ചിട്ടുണ്ടോ;എങ്കിൽ പകര്‍പ്പ് ലഭ്യമാക്കുമോ;

(സി)	ഏതെങ്കിലും ജില്ലകളിൽ ഇത്തരം ഏകീകരണം നടപ്പിലാക്കിയിട്ടുണ്ടോ; എങ്കിൽ എവിടെയെല്ലാമാണെന്ന് വ്യക്തമാക്കുമോ;

(ഡി)	ടൗണ്‍ പ്ലാനിംഗ് വകുപ്പിൽ നിലവിലുള്ള ചെയിന്‍മാന്‍, ഓഫീസ് അറ്റന്റന്റ് തസ്തികകള്‍ എത്രയെന്ന് ജില്ല തിരിച്ച് വ്യക്തമാക്കുമോ?

വികസന പദ്ധതികള്‍

2951.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലയളവിൽ ന്യൂനപക്ഷക്ഷേമ വകുപ്പ് മുഖേന കൽപ്പറ്റ നിയോജകമണ്ഡലത്തിൽ നടപ്പിലാക്കിയ വികസന പദ്ധതികളുടെ വിശദാംശങ്ങള്‍ ലഭ്യമാക്കുമോ ;

(ബി)	പ്രസ്തുത പദ്ധതികള്‍ക്കായി കഴിഞ്ഞ അഞ്ചു വര്‍ഷങ്ങളിലായി വകയിരുത്തിയ തുക, ചെലവഴിച്ച തുക എന്നിവ എത്രയെന്ന് ഇനം തിരിച്ച് വെളിപ്പെടുത്തുമോ ;

(സി)	പ്രസ്തുത പദ്ധതികളിൽ ഇനിയും പൂര്‍ത്തിയാക്കാനുള്ള പ്രവ‍ൃത്തികള്‍ ഏതെല്ലാമെന്നും ആയതിനു വകയിരുത്തിയ തുക എത്രയെന്നും വ്യക്തമാക്കുമോ ?

ന്യൂനപക്ഷ ക്ഷേമ വകുപ്പ് ഡയറക്ടറുടെ നിയമനം

2952.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷ ക്ഷേമ വകുപ്പ് ഡയറക്ടറുടെ നിയമനം നടത്തിയിട്ടുണ്ടോ; ഇതു സംബന്ധിച്ച ഉത്തരവ് സഭയുടെ മേശപ്പുറത്ത് വയ്ക്കുമോ;

(ബി)	നിയമനത്തിനായുള്ള തെരഞ്ഞെടുപ്പ് പ്രക്രിയയുടെ മാനദണ്ഡങ്ങള്‍ എന്തൊക്കെയായിരുന്നു;

(സി)	സ്വകാര്യ എയ്ഡഡ് കോളേജില്‍ ജോലി ചെയ്യുന്ന ആളെ വകുപ്പ് ഡയറക്ടര്‍ ആക്കിയത് ഏത് ചട്ടത്തിന്റെ അടിസ്ഥാനത്തിലാണ് എന്ന് അറിയിക്കാമോ;

(ഡി)	ഇത്തരം നിയമനങ്ങളെ സംബന്ധിച്ച് സുപ്രീം കോടതി പുറപ്പെടുവിച്ച വിധിക്കെതിരാണ് ഈ നിയമനം എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഇ)	ഡയറക്ടറുടെ നിയമനത്തെ സംബന്ധിച്ച് ഗവര്‍ണ്ണര്‍ റിപ്പോര്‍ട്ട് ആരാഞ്ഞിട്ടുണ്ടോ; എങ്കില്‍ ഇത് സംബന്ധിച്ച് എന്ത് നിലപാട് സ്വീകരിച്ചുവെന്ന് അറിയിക്കാമോ?

ന്യൂനപക്ഷ ക്ഷേമ വകുപ്പിന്റെ പ്രവർത്തനങ്ങൾ

2953.

ശ്രീ.റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷ പ്രമോട്ടര്‍മാരെ നിയമിക്കുന്നതിന് എന്തൊക്കെ നടപടികളാണ് സ്വീകരിച്ച് വരുന്നത് എന്ന് വ്യക്തമാക്കുമോ;

(ബി)	ന്യൂനപക്ഷക്ഷേമ വകുപ്പിന്‍ കീഴില്‍ നിലവില്‍ നല്‍കുന്ന ആനുകൂല്യങ്ങളുടെ വിശദാംശം ലഭ്യമാക്കുമോ;

(സി)	ന്യൂനപക്ഷ വിദ്യാര്‍ത്ഥികള്‍ക്ക് നല്‍കി വരുന്ന വിവിധ ക്ഷേമ പദ്ധതികള്‍ കാലോചിതമായി പരിഷ്ക്കരിച്ച് നടപ്പാക്കുന്നതിന് നടപടികള്‍ ഉണ്ടാകുമോ;

(ഡി)	എന്തെല്ലാം പുതിയ പദ്ധതികളാണ് ആവിഷ്ക്കരിച്ച് നടപ്പാക്കാന്‍ പോകുന്നതെന്ന് വ്യക്തമാക്കുമോ?

ന്യൂനപക്ഷ വിഭാഗങ്ങള്‍ക്കുള്ള പദ്ധതികള്‍

2954.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് ന്യൂനപക്ഷ വിഭാഗത്തില്‍പ്പെട്ടവര്‍ക്ക് വേണ്ടി നടപ്പിലാക്കിയ പദ്ധതികള്‍ ഏതെല്ലാമാണെന്ന് വിശദമാക്കാമോ;

(ബി)	ഈ പദ്ധതിക്ക് വേണ്ടി ബഡ്ജറ്റില്‍ അനുവദിച്ച തുക എത്രയെന്നും വിനിയോഗിച്ച തുക എത്രയാണെന്നും പറയാമോ?

ന്യൂനപക്ഷക്ഷേമ വകുപ്പ് ഡറയക്ടറുടെ നിയമനം

2955.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷക്ഷേമ വകുപ്പ് ഡറയക്ടറുടെ നിയമനം നടത്തിയിട്ടുണ്ടോ; ഇത് സംബന്ധിച്ച നിയമന ഉത്തരവ് സഭയുടെ മേശപ്പുറത്ത് വയ്ക്കുമോ;

(ബി)	പ്രസ്തുത നിയമനത്തിന്റെ മാനദണ്ഡം എന്താണെന്ന് വ്യക്തമാക്കാമോ;

(സി)	വകുപ്പദ്ധ്യക്ഷന്‍മാരുടെ നിയമനരീതിക്ക് അനുസൃതമായിട്ടാണോ ന്യൂനപക്ഷക്ഷേമ ഡയറക്ടറുടെ നിയമനം നടത്തിയതെന്നറിയിക്കാമോ;

(ഡി)	ഇപ്പോള്‍ നടത്തിയിരിക്കുന്ന നിയമനത്തിനു പിന്നില്‍ അഴിമതിയും സ്വജനപക്ഷപാതവും നിയമവിരുദ്ധ നടപടികളുമുണ്ടെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് സംബന്ധിച്ച നിലപാട് വ്യക്തമാക്കുമോ?

Website maintained by Information System Section, Kerala Legislative Assembly, Thiruvananthapuram.