13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >16^th Session>Unstarred questions Answers

Answer Provided

Answer Not Yet Provided

THIRTEENTH KLA - 16^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സ്റ്റാറ്റിറ്റിക്കല്‍ അസിസ്റ്റന്റ് നിയമനം

3018.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശ സ്വയംഭരണ സ്ഥാപനങ്ങളില്‍ എക്കണോമിക്സ് ആന്‍ഡ് സ്റ്റാറ്റിസ്റ്റിക്സ് വകുപ്പില്‍ നിന്നും സ്റ്റാറ്റിസ്റ്റിക്കല്‍ അസിസ്റ്റന്റ് നിയമനം നടത്തണമെന്ന്ഡോ.എം.എ ഉമ്മന്‍ കമ്മിറ്റി ശിപാര്‍ശ ചെയ്തിരുന്നോ; വിശദാംശം നല്‍കുമോ ; ഇതിന്‍മേല്‍ എന്തെങ്കിലും അപേക്ഷകള്‍ ലഭിച്ചിരുന്നോ ;

(ബി)	ഡോ.എം.എ ഉമ്മന്‍ കമ്മിറ്റി ശിപാര്‍ശയുടെ അടിസ്ഥാനത്തില്‍ എക്കണോമിക്സ് ആന്‍റ് സ്റ്റാറ്റിസ്റ്റിക്സ് വകുപ്പുമായി ചേര്‍ന്ന് സ്റ്റാറ്റിസ്റ്റിക്കല്‍ അസിസ്റ്റന്റ് നിയമനം നടത്താന്‍ നടപടി സ്വീകരിക്കുമോ?

ഐ.എസ്.ഒ. സര്‍ട്ടിഫിക്കറ്റ് നേടിയിട്ടുള്ള പഞ്ചായത്തുകള്‍

3019.

ശ്രീ.ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	എത്ര പഞ്ചായത്തുകള്‍ ഐ.എസ്.ഒ. സര്‍ട്ടിഫിക്കറ്റ് നേടിയിട്ടുണ്ട്; ഇത് ആകെയുള്ള പഞ്ചായത്തുകളുടെ എത്ര ശതമാനം വരും;

(ബി)	ഈ സര്‍ക്കാര്‍ അധികാരമേറ്റതിനു ശേഷം എല്ലാ പഞ്ചായത്തുകള്‍ക്കും ഐ.എസ്.ഒ. സര്‍ട്ടിഫിക്കറ്റ് നേടാന്‍ ഉതകുന്ന തരത്തില്‍ എന്തെല്ലാം നടപടികളാണ് കൈക്കൊണ്ടത്;

(സി)	അത് ഫലപ്രാപ്തിയില്‍ എത്തിക്കാന്‍ കഴിഞ്ഞിട്ടുണ്ടോ എന്നറിയിക്കാമോ?

എല്‍.എ.സി.എ.ഡി.എസ്

3020.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	എല്‍.എ.സി.എ.ഡി.എസ്-ല്‍ ഉള്‍പ്പെടുത്തി ആറ്റിങ്ങല്‍ നിയമസഭാ മണ്ഡലത്തില്‍ അനുവദിച്ചതും എല്‍.എസ്.ജി.ഡി. എഞ്ചിനീയറിംഗ് വിഭാഗത്തിന്റെ മേല്‍നോട്ടത്തില്‍ നടപ്പിലാക്കുന്നതുമായ പ്രവൃത്തികള്‍ ടെന്‍ഡര്‍ നടപടികള്‍ക്ക് ശേഷം നിര്‍മ്മാണം പൂര്‍ത്തീകരിക്കുന്നതിന് കാലതാമസം വരുത്തുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	കരാറുകാര്‍ ഏറ്റെടുത്ത പ്രസ്തുത പ്രവ‍ൃത്തികള്‍ പൂര്‍ത്തീകരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

ആസ്തി വികസന ഫണ്ട്

3021.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)

ആസ്തി വികസന ഫണ്ട് വിനിയോഗിച്ചുള്ള ജോലികളില്‍ 2015-2016 കാലയളവില്‍ സെക്രട്ടറിയേറ്റിലെ തദ്ദേശ സ്വയംഭരണ വകുപ്പ് ഡി.സി-സെക്ഷനുകളില്‍ എത്തിയിട്ടുള്ള ഫയലുകളുടെ വിവരങ്ങള്‍, തപാലില്‍ നിന്നും ഫയല്‍ സെക്ഷനിലെത്തിയ തീയതി, ഫയല്‍ സമര്‍പ്പിച്ച തീയതി, ധനകാര്യ വകുപ്പിലേയ്ക്ക അയച്ച തീയതി, ഭരണാനുമതി നല്‍കിയ തീയതി, തുടങ്ങിയ വിവരങ്ങള്‍ വ്യക്തമാക്കി നല്‍കാമോ;

(ബി)	പല ഫയലുകളും മുന്‍ഗണനാ ക്രമം തെറ്റിച്ചും പക്ഷപാതപരമായും താമസിപ്പിച്ചും പ്രസ്തുത സെക്ഷനില്‍ നിന്നും അയ്ക്കുന്നുവെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനെതിരെ എന്തു നടപടി സ്വീകരിച്ചുവെന്ന് വ്യക്തമാക്കുമോ?

മുന്‍ പഞ്ചായത്ത് മെമ്പര്‍മാര്‍ക്കുള്ള പെന്‍ഷന്‍

3022.

ശ്രീ.ജോസ് തെറ്റയില്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ പഞ്ചായത്ത് മെമ്പര്‍മാര്‍ക്ക് പെന്‍ഷന്‍ നല്‍കാനുള്ള നിര്‍ദ്ദേശത്തില്‍ നടപടി സ്വീകരിച്ചിട്ടുണ്ടോ;

(ബി)	എങ്കില്‍ സ്വീകരിച്ചിട്ടുള്ള നടപടി എന്തെന്ന് വ്യക്തമാക്കാമോ?

തദ്ദേശ സ്വയം ഭരണ സ്ഥാപനങ്ങളെ കാര്യക്ഷമമാക്കുന്നതിന് പദ്ധതി

3023.

(എ)	ഈ സര്‍ക്കാര്‍ തദ്ദേശ സ്വയം ഭരണ സ്ഥാപനങ്ങളെ ശാക്തീകരിക്കുന്നതിനും കാര്യക്ഷമമാക്കുന്നതിനും നാളിതുവരെയായി സ്വീകരിച്ചിട്ടുള്ള കര്‍മ്മപദ്ധതികള്‍ എന്തെല്ലാമെന്ന് വിശദമാക്കുമോ;

(ബി)	തദ്ദേശ സ്വയം ഭരണ സ്ഥാപനങ്ങളെ പൂര്‍ണതോതില്‍ ശക്തിപ്പെടുത്തുന്നതിനും കാര്യക്ഷമമാക്കുന്നതിനും എന്തെല്ലാം പുതിയ പദ്ധതികളാണ് നടപ്പിലാക്കാനുദ്ദേശിക്കുന്നത്; വിശദാംശങ്ങള്‍ നല്‍കുമോ?

വിതരണം ചെയ്ത ഭൂമിക്ക് പട്ടയം

3024.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഭൂരഹിതര്‍ക്കായി ഗ്രാമപഞ്ചായത്തുകള്‍ മുഖേന വിതരണം ചെയ്ത ഭൂമിക്ക് പട്ടയം ലഭിക്കാതെ ഗുണഭോക്താക്കള്‍ പ്രയാസം അനുഭവിക്കുന്നത് ശ്രദ്ധയിൽപ്പെട്ടിട്ടുണ്ടോ ;ഉണ്ടെങ്കില്‍ ഇക്കാര്യത്തില്‍ എന്തെങ്കിലും നടപടി സ്വീകരിച്ചിട്ടുണ്ടോ ; വിശദാംശങ്ങള്‍ ലഭ്യമാക്കാമോ ;

(ബി)	വിതരണം ചെയ്ത ഭൂമിയുടെ ഉടമയായി നിശ്ചയിച്ചിരിക്കുന്നത് ആരെയെന്ന് പറയാമോ ;ഇവരിൽ നിന്ന് ഭൂനികുതി റവന്യൂ അധികാരികള്‍ വാങ്ങുന്നുണ്ടോ ; എങ്കിൽ വിശദാംശം ലഭ്യമാക്കാമോ ;

(സി)	ഗ്രാമപഞ്ചായത്തും റവന്യൂ വകുപ്പും ഭൂനികുതി കാര്യത്തിലും പട്ടയക്കാര്യത്തിലും സ്വീകരിക്കുന്ന നിലപാട് കാരണം ഗുണഭോക്താക്കള്‍ക്കുണ്ടാകുന്ന ബുദ്ധിമുട്ട്പരിഹരിക്കുവാന്‍ നടപടികള്‍ സ്വീകരിക്കുമോ ;

(ഡി)	പട്ടയം അനുവദിക്കുന്നതിന് ആരെയെങ്കിലും ചുമതലപ്പെടുത്തിയിട്ടുണ്ടോ ; വിശദാംശം ലഭ്യമാക്കുമോ ; ഇവര്‍ക്ക് പട്ടയം അനുവദിക്കുന്നതിന് അടിയന്തര നടപടി സ്വീകരിക്കുമോ ?

വൈക്കം നിയോജക മണ്ഡലത്തിലെ പഞ്ചായത്തുകളിലെ പദ്ധതിച്ചെലവ്

3025.

ശ്രീ.കെ.അജിത് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	വൈക്കം നിയോജക മണ്ഡലത്തിലെ പഞ്ചായത്തുകളില്‍ 2015-16 സാമ്പത്തിക വര്‍ഷത്തെ പദ്ധതികളില്‍ എത്ര ശതമാനം തുക ഇതുവരെ ചെലവഴിച്ചു എന്നും പ്രസ്തുത നിയോജക മണ്ഡലത്തിലെ ഓരോ പഞ്ചായത്തിലെയും പദ്ധതിച്ചെലവ് സംബന്ധിച്ച ശതമാന കണക്കും വിശദമാക്കുമോ;

(ബി)	വൈക്കം നിയോജക മണ്ഡലത്തിലെ പഞ്ചായത്തുകളില്‍ പട്ടികജാതി, പട്ടികവര്‍ഗ്ഗ വിഭാഗങ്ങള്‍ക്കായി മാറ്റിവച്ച വിഹിതത്തില്‍ എത്ര ശതമാനം തുക വീതം ഓരോ പഞ്ചായത്തിലും ഇതുവരെ ചെലവഴിച്ചു എന്ന് വെളിപ്പെടുത്തുമോ?

ആധുനിക ശ്മശാനങ്ങളുടെ നിര്‍മ്മാണം

3026.

ശ്രീ.വി.റ്റി.ബല്‍റാം
,, വര്‍ക്കല കഹാര്‍
,, ആര്‍ . സെല്‍വരാജ്
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഓരോ പഞ്ചായത്തിലും ആധുനികരീതിയിലുള്ള ശ്മശാനങ്ങളുടെ നിര്‍മ്മാണത്തിന് കര്‍മ്മപദ്ധതി ആവിഷ്ക്കരിച്ചിട്ടുണ്ടോ;

(ബി)	ഇതിന്റെ ഉദ്ദേശ്യലക്ഷ്യങ്ങള്‍ എന്തെല്ലാം;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ജില്ലാ പഞ്ചായത്തുകളിലെ സ്റ്റാന്‍റിംഗ് കമ്മിറ്റി ചെയര്‍മാന്‍മാര്‍ക്ക് വാഹനം

3027.

ശ്രീ.കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ജില്ലാ പഞ്ചായത്തുകളിലെ സ്റ്റാന്‍ഡിംഗ് കമ്മിറ്റി ചെയര്‍മാന്‍മാര്‍ക്ക് വാഹനം അനുവദിച്ച് നല്‍കിയിട്ടുണ്ടോ; എങ്കില്‍ ഏതൊക്കെ ജില്ലാ പഞ്ചായത്തുകളിലെ സ്റ്റാന്‍ഡിംഗ് കമ്മറ്റി ചെയര്‍മാന്‍മാര്‍ക്ക് വാഹനം അനുവദിച്ചിട്ടുണ്ട് എന്നതു സംബന്ധിച്ച വിശദാംശം നല്‍കാമോ;

(ബി)	ഇല്ലെങ്കില്‍ ജില്ലാ പഞ്ചായത്തുകളിലെ സ്റ്റാന്‍റിംഗ് കമ്മിറ്റി ചെയര്‍മാന്‍മാര്‍ക്ക് വാഹനം അനുവദിക്കുന്ന കാര്യം പരിഗണിക്കുമോ?

ഞീഴൂര്‍ എെ.എച്ച്.ആര്‍.ഡി എഞ്ചിനീയറിംഗ് കോളേജിന് പഞ്ചായത്ത് വക സ്ഥലം വിട്ടുനല്കല്‍

3028.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യത്തിന് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഞീഴൂര്‍ എെ.എച്ച്.ആര്‍.ഡി എഞ്ചിനീയറിംഗ് കോളേജിന് ഞീഴൂര്‍ പഞ്ചായത്ത് വക സ്ഥലം വിട്ടു നല്‍കുന്നതു സംബന്ധിച്ച് ഇപ്പോള്‍ തദ്ദേശ സ്വയംഭരണ വകുപ്പില്‍ നിലവിലുള്ള 242414/ആര്‍. സി.4/2015 എല്‍. എസ്. ജി. ഡി. നമ്പര്‍ ഫയലില്‍ സ്വീകരിച്ച നടപടികള്‍ വ്യക്തമാക്കാമോ?

മെെക്രോ സംരംഭങ്ങള്‍

3029.

ശ്രീ.തോമസ് ഉണ്ണിയാടന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തൊട്ടാകെ കുടുംബശ്രീ മിഷന് കീഴില്‍ എത്ര മെെക്രോ സംരംഭങ്ങളാണുള്ളത്; അവ വ്യക്തിഗത സംരംഭം, ഗ്രൂപ്പ് സംരംഭം എന്നിങ്ങനെ തരംതിരിച്ച് വിശദാംശം ലഭ്യമാക്കുമോ ;

(ബി)	കഴിഞ്ഞ സാമ്പത്തിക വര്‍ഷം പ്രസ്തുത സംരംഭങ്ങള്‍ക്കായി ബഡ്ജറ്റില്‍ എന്തു തുക വകയിരുത്തിയിരുന്നു; ഇനം തിരിച്ചുള്ള കണക്ക് വ്യക്തമാക്കാമോ;

(സി)	മേല്പറഞ്ഞ സൂക്ഷ്മസംരംഭങ്ങള്‍ക്കായി ഗവണ്‍മെന്റ് എന്തെല്ലാം സാമ്പത്തികേതര സഹായങ്ങളാണു നല്കിവരുന്നത്;

(ഡി)	കുടുംബശ്രീമിഷന്‍ എന്തെല്ലാം സഹായങ്ങളാണ് പ്രസ്തുത യൂണിറ്റുകള്‍ക്ക് നല്കിവരുന്നത്;വിശദവിവരങ്ങള്‍ ലഭ്യമാക്കാമോ;

ചേര്‍ത്തല മണ്ഡലം ആസ്തി വികസന ഫണ്ട് വിനിയോഗിച്ചുള്ള റോഡു പുനരുദ്ധാരണം

3030.

(എ)	തദ്ദേശ സ്വയംഭരണ വകുപ്പു വഴി നടപ്പിലാക്കുന്നതും മണ്ഡലം ആസ്തി വികസന ഫണ്ട് വിനിയോഗിച്ച് നഗരസഭാ പ്രദേശങ്ങളിലെ റോഡുകള്‍ പുനരുദ്ധരിക്കുന്നതിനായി നല്‍കിയിട്ടുള്ളതുമായ നിര്‍ദ്ദേശങ്ങളില്‍ ഭരണാനുമതി ലഭിക്കുന്നതിന് കാല താമസം നേരിടുന്ന കാര്യം ശ്രദ്ധയില്‍ പെട്ടിട്ടുണ്ടോ, ഇത് എന്തുകൊണ്ടാണെന്ന് പറയാമോ;

(ബി)

2015-2016 കാലയളവിലെ മണ്ഡലം ആസ്തി വികസന ഫണ്ട് വിനിയോഗിച്ചുള്ള റോഡ് വര്‍ക്കുകളില്‍ ചേര്‍ത്തല നഗരസഭാ പ്രദേശത്തെ എത്ര റോഡുകളുടെ ഭരണാനുമതി ഉത്തരവുകള്‍ക്കുള്ള ഫയലുകളാണ് സെക്രട്ടറിയേറ്റിലെ തദ്ദേശ സ്വയംഭരണ വകുപ്പ് ഡി.സി-സെക്ഷനില്‍ എത്തിയിട്ടുള്ളത് എന്ന് പറയാമോ, ഈ ഫയലുകള്‍ സെക്ഷനില്‍ എത്തിയത് എന്നാണെന്നും ധനകാര്യ വകുപ്പിലേയ്ക്ക് അയച്ചത് എന്നാണെന്നും തിരികെ തദ്ദേശ സ്വയംഭരണ വകുപ്പ് ഡി.സി-സെക്ഷനില്‍ എത്തിയിട്ടുള്ളത് എന്നാണെന്നും ഭരണാനുമതി ഉത്തരവ് ഇറക്കിയത് എന്നാണെന്നും വ്യക്തമാക്കുമോ, ഭരണാനുമതി ഉത്തരവ് ഇനിയും നല്‍കാത്തവയുടെ കാര്യത്തില്‍ എന്തുകൊണ്ടാണ് കാലതാമസം വരുന്നതെന്ന് വ്യക്തമാക്കുമോ?

പഞ്ചായത്ത് പദ്ധതി വിഹിത ചെലവ്

3031.

ശ്രീ.എ.എ.അസീസ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പഞ്ചായത്ത് വകുപ്പിന് 2015-2016 ല്‍ പദ്ധതി വിഹിതമായി എത്ര രൂപയാണ് നീക്കി വച്ചിരുന്നത്;

(ബി)	ഇതില്‍ എത്ര തുകയാണ് 2016 ജനുവരി 31 വരെ ചെലവിട്ടതെന്നും ചെലവിന്റെ ശതമാനം എത്രയാണെന്നും വ്യക്തമാക്കാമോ?

കുടിവെള്ളം വിതരണം ചെയ്യുന്നതിന് അനുവദിച്ചിരുന്ന വൈദ്യുതി നിരക്കും ഭവന പദ്ധതിയും

3032.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)

പഞ്ചായത്തുകളിലെ ഗുണഭോക്തൃ സമിതികള്‍ക്ക് കുടിവെള്ളം വിതരണം ചെയ്യുന്നതിനായി അനുവദിച്ചിരുന്ന വൈദ്യുതി നിരക്ക് എത്രയായിരുന്നു; ഇപ്പോള്‍ അത് എത്രയായി വര്‍ദ്ധിപ്പിച്ചു എന്ന് വ്യക്തമാക്കാമോ; വൈദ്യുതി നിരക്ക് ഉയര്‍ത്തിയത് കുടിവെള്ള വിതരണ പദ്ധതിയുടെ നിലനില്പിനുതന്നെ ദോഷകരമാകുന്ന സാഹചര്യത്തില്‍ തുക കുറയ്ക്കാന്‍ എന്തൊക്കെ നടപടികള്‍ സ്വീകരിച്ചു എന്ന് പറയാമോ;

(ബി)	പഞ്ചായത്ത് ഫണ്ടില്‍ നേരത്തെ എത്ര ശതമാനം തുകയായിരുന്നു ഉദ്പ്പാദന മേഖലയ്ക്കും സേവന മേഖലയ്ക്കും വകയിരുത്തിയിരുന്നത്; ഈ മേഖലകള്‍ക്ക് ഫണ്ട് വകയിരുത്തുന്നതിന് നിലവിൽ തടസ്സമുണ്ടോ ; വിശദമാക്കുമോ;

(സി)	ഭവന പദ്ധതിയില്‍ വാര്‍ഡൊന്നിന് ഒരു വീട് വീതം എന്ന തത്വം ഇപ്പോള്‍ പാലിക്കുന്നുണ്ടോ; ഇല്ലെങ്കില്‍ ഈ നിയമം മാറ്റാനുണ്ടായ സാഹചര്യം വ്യക്തമാക്കാമോ; വീടില്ലാത്തവർക്ക് ഈ മാറ്റംമൂലമുണ്ടാകുന്ന ബുദ്ധിമുട്ട് ഒഴിവാക്കുവാൻ നടപടി സ്വീകരിക്കുമോ?

കൊയിലാണ്ടി മണ്ഡലത്തിലെ ചേമഞ്ചേരി പഞ്ചായത്തിലെ അസിസ്റ്റന്റ് എ‍ഞ്ചിനീയര്‍ തസ്തിക

3033.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി മണ്ഡലത്തില്‍ ചേമഞ്ചേരി പഞ്ചായത്തില്‍ നിലവില്‍ അസിസ്റ്റന്റ് എ‍ഞ്ചിനീയർ തസ്തികയില്‍ ജീവനക്കാരില്ലാത്ത സ്ഥിതി ശ്രദ്ധയില്‍പെട്ടിട്ടുണ്ടോ;

(ബി)	ഇത് കാരണം പല പദ്ധതികളുടേയും നടപടികള്‍ നീങ്ങാത്ത സ്ഥിതി ശ്രദ്ധയില്‍പെട്ടിട്ടുണ്ടോ; അടിയന്തരമായി പഞ്ചായത്തില്‍ അസിസ്റ്റന്റ് എ‍ഞ്ചിനീയറെ നിയമിക്കാന്‍ നടപടികള്‍ സ്വീകരിക്കുമോ?

അംഗന്‍വാടി വര്‍ക്കര്‍മാര്‍ക്കും ഹെല്‍പ്പര്‍മാര്‍ക്കും ഓണറേറിയം

3034.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	അംഗന്‍വാടി വര്‍ക്കര്‍മാരുടെയും ഹെല്‍പ്പര്‍മാരുടെയും വര്‍ദ്ധിപ്പിച്ച ഓണറേറിയം എന്നു മുതലാണ് വിതരണം ചെയ്യുന്നത് ;

(ബി)	അംഗന്‍വാടി വര്‍ക്കര്‍മാരുടെ ചുമതലകള്‍ എന്തൊക്കെയെന്ന് വിശദമാക്കാമോ;

(സി)	ഓണറേറിയം വര്‍ദ്ധനവിനോടൊപ്പം അംഗന്‍വാടി വര്‍ക്കര്‍മാര്‍ക്ക് അധിക ചുമതലകള്‍ നല്‍കിയിട്ടുണ്ടോ; വിശദാംശങ്ങള്‍ നല്‍കുമോ?

തൊഴിലുറപ്പ് പദ്ധതി

3035.

ശ്രീ.കെ.കെ.ജയചന്ദ്രന്‍
,, പി.കെ.ഗുരുദാസന്‍
,, സി.കെ സദാശിവന്‍
,, ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തൊഴിലുറപ്പ് പദ്ധതിയിലെ വേതന വിതരണത്തില്‍ എന്തെങ്കിലും മാറ്റങ്ങള്‍ വരുത്തിയിട്ടുണ്ടോ; എങ്കില്‍ ആയത് വിശദമാക്കാമോ;

(ബി)	പുതിയ രീതിയിലുള്ള വേതന വിതരണപ്രകാരം പ്രസ്തുത മേഖലയില്‍ ഉടലെടുത്ത പ്രശ്നങ്ങള്‍ സംബന്ധിച്ച് പരിശോധന നടത്തിയിട്ടുണ്ടോ;

(സി)	എന്തെല്ലാം പ്രശ്നങ്ങളാണ് ഇതുമായി ബന്ധപ്പെട്ട് ശ്രദ്ധയില്‍പ്പെട്ടതെന്ന് വ്യക്തമാക്കുമോ;

(ഡി)	ഇത് പരിഹരിക്കാന്‍ ആവശ്യമായ നടപടികള്‍ സ്വീകരിക്കാന്‍ തയ്യാറാകുമോയെന്ന് വ്യക്തമാക്കുമോ?

സമ്പൂര്‍ണ്ണ ശുചിത്വ സംസ്ഥാനം

3036.

ശ്രീ.എം. ഹംസ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	'സമ്പൂര്‍ണ്ണ ശുചിത്വ സംസ്ഥാനം' എന്ന ലക്ഷ്യം കൈവരിക്കുന്നതിനായി ഈ സര്‍ക്കാര്‍ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ;

(ബി)	ഗ്രാമപഞ്ചായത്തുകളില്‍ ഖരമാലിന്യ സംസ്കരണം നടത്തുന്നതിനായി എന്തെല്ലാം സൗകര്യങ്ങളാണ് ഏർപ്പെടുത്തിയിട്ടുള്ളതെന്ന് വ്യക്തമാക്കാമോ;

(സി)	അതിനായി എത്ര തുക അനുവദിച്ചു; വിശദാംശം ലഭ്യമാക്കാമോ?

കരാറുകാരുടെ കുടിശ്ശിക

3037.

ശ്രീ.കെ.വി.വിജയദാസ്
,, കെ.കെ.നാരായണന്‍
,, ബി.സത്യന്‍
,, കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളിലെ കരാറുകാര്‍ക്ക് നല്‍കേണ്ട തുകയില്‍ കുടിശ്ശികയുണ്ടോ ; വിശദാംശങ്ങള്‍ നല്‍കാമോ;

(ബി)	തദ്ദേശസ്വയം ഭരണ സ്ഥാപനങ്ങളില്‍ ബില്ലിംഗ് സിസ്റ്റം നിലവില്‍ വന്നതിനു ശേഷം ചെറിയ ബില്ലുകള്‍ പോലും ട്രഷറികളില്‍ നിന്നും മാറാന്‍ കഴിയാതായിട്ടുണ്ടോയെന്ന് പരിശോധിച്ചിട്ടുണ്ടോ;

(സി)	കുടിശ്ശിക തീര്‍ക്കണമെന്നാവശ്യപ്പെട്ട് കരാറുകാര്‍ നടത്തുന്ന പ്രക്ഷോഭം ശ്രദ്ധയില്‍പ്പെട്ടിട്ടുണ്ടോ;

(ഡി)	കരാറുകാരുടെ പ്രക്ഷോഭങ്ങള്‍ തദ്ദേശസ്വയം ഭരണ സ്ഥാപനങ്ങളിലെ മരാമത്ത് പണിയെ എത്രത്തോളം ബാധിച്ചിട്ടുണ്ടെന്ന് വിലയിരുത്തിയിട്ടുണ്ടോ; വിശദീകരിക്കാമോ?

പ‍ഞ്ചായത്ത് ഓഫീസുകളുടെ നിര്‍മ്മാണത്തിന് ധനസഹായം

3038.

ശ്രീ.സാജു പോള്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമപഞ്ചായത്ത് ഓഫീസുകളുടെ അടിസ്ഥാന സൗകര്യക്കുറവ് ശ്രദ്ധയില്‍പ്പെട്ടിട്ടുണ്ടോ;

(ബി)	സ്വന്തമായി കെട്ടിടമില്ലാത്ത എത്ര പഞ്ചായത്ത് ഓഫീസുകള്‍ പ്രവര്‍ത്തിക്കുന്നുണ്ടെന്ന് ജില്ല തിരിച്ച് അറിയിക്കുമോ;

(സി)	പ‍ഞ്ചായത്ത് ഓഫീസുകളുടെ നിര്‍മ്മാണത്തിന് ധനസഹായം അനുവദിക്കുമോ;

(ഡി)	എല്ലാ പ‍ഞ്ചായത്തിലും മിനി സിവില്‍ സ്റ്റേഷന്‍ പണിത് മറ്റ് വകുപ്പുകള്‍ക്ക് ഓഫീസ് സൗകര്യം ഒരുക്കാന്‍ നടപടി സ്വീകരിക്കുമോ;വിശദമാക്കുമോ?

സര്‍ക്കാര്‍ ജീവനക്കാരന്‍െറ തിരോധാനം

3039.

(എ)	ആറ്റിങ്ങല്‍ അവനവന്‍ചേരി കൊച്ചു മഠത്തില്‍ ജി.ആനന്ദവല്ലിയുടെ മകനും മീനച്ചല്‍ ഗ്രാമപഞ്ചായത്ത് സെക്രട്ടറിയുമായിരുന്ന ജി.രത്തന്റെ 06.06.1996 ലെ തിരോധാനവുമായി ബന്ധപ്പെട്ട് വകുപ്പുതല അന്വേഷണം നടത്തിയിട്ടുണ്ടോ;എങ്കില്‍ റിപ്പോര്‍ട്ട് ലഭ്യമാക്കാമോ;

(ബി)	പ്രസ്തുത സംഭവവുമായി ബന്ധപ്പെട്ട് പഞ്ചായത്തു വകുപ്പിനു പോലീസ് ഡിപ്പാര്‍ട്ട്മെന്റ് സമര്‍പ്പിച്ച റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ;

(സി)	സര്‍വ്വീസിലിരിക്കെ കാണാതായ രത്തനെ സര്‍വ്വീസില്‍ നിന്നും പിരിച്ചുവിട്ടിട്ടുണ്ടോ; എങ്കില്‍ എന്തടിസ്ഥാനത്തിലാണ് നടപടിയെന്നും ഏത് മാനദണ്ഡത്തിന്റെയും ഉത്തരവുകളുടെയും അടിസ്ഥാനത്തിലാണ് പിരിച്ചു വിട്ടതെന്നും വിശദമാക്കാമോ; ഉത്തരവുകളുടെ പകര്‍പ്പ് ലഭ്യമാക്കാമോ;

(ഡി)	രത്തന്റെ കുടുംബത്തിന് ലഭിക്കേണ്ട ആനുകൂല്യങ്ങള്‍ വകുപ്പില്‍ നിന്നും നല്‍കിയിട്ടുണ്ടോ;ഏതെല്ലാം തരത്തിലുള്ള ആനുകൂല്യങ്ങള്‍ ലഭ്യമാക്കിയിട്ടുണ്ടെന്നും വ്യക്തമാക്കാമോ;

(ഇ)	ആനുകൂല്യത്തിന് അര്‍ഹതയില്ലെന്ന് പിരിച്ചുവിട്ട ഉത്തരവില്‍ പറഞ്ഞിട്ടുണ്ടോ;എങ്കില്‍ അതിന്റെ കാരണം വിശദമാക്കാമോ;

(എഫ്)

ഇതുമായി ബന്ധപ്പെട്ട് രത്തന്റെ മാതാവ് 14.01.2016 ല്‍ പഞ്ചായത്ത് വകുപ്പ് ഡയറക്ടര്‍ക്ക് നല്‍കിയ അപേക്ഷയിന്മേല്‍ എന്തു നടപടി സ്വീകരിച്ചുവെന്ന് ഫയല്‍ നമ്പര്‍ സഹിതം വ്യക്തമാക്കാമോ?

പദ്ധതിപ്പണം കൈമാറുന്നതിനുള്ള മാനദണ്ഡം

3040.

(എ)	ധനകാര്യ കമ്മീഷന്‍ പദ്ധതിപ്പണം തദ്ദേശ സ്വയംഭരണ സ്ഥാപനങ്ങള്‍ക്ക് കൈമാറുന്നതിന് മുന്നോട്ട് വച്ച മാനദണ്ഡം എന്തായിരുന്നു;

(ബി)	ഇതിന് അനുസൃതമായിട്ടാണോ ഫണ്ട് കൈമാറ്റം നടത്തിയിട്ടുള്ളത് എന്നറിയിക്കാമോ?

പ്രസന്നന്‍സ് ഇക്കോ ബയോ സിസ്റ്റം

3041.

ശ്രീ.എ.റ്റി.ജോര്‍ജ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പ്രസന്നന്‍സ് ഇക്കോ ബയോ സിസ്റ്റം നടപ്പിലാക്കുന്നതിന് 03/10/2013-ല്‍ കൂടിയ വകുപ്പ് തല സെക്രട്ടറി തല മീറ്റിംഗ് പ്രകാരം ശുചിത്വമിഷനില്‍ ഹാജരാക്കിയിട്ടുള്ള സ്ഥാപനങ്ങളുടെ പൂര്‍ണ്ണ വിവരവും, ഓരോ പ്ലാന്റും ഏതു വര്‍ഷം മുതല്‍ പ്രവര്‍ത്തിച്ചു വരുന്നു എന്ന വിവരവും വിശദമാക്കാമോ;

(ബി)	കൊച്ചിന്‍ സാങ്കേതിക യൂണിവേഴ്സിറ്റിയില്‍ പ്രസ്തുത ബയോ സിസ്റ്റം വിജയകരമായി പ്രവര്‍ത്തിച്ചു വരുന്ന വിവരം ശ്രദ്ധയില്‍പെട്ടിട്ടുണ്ടോ; വിശദമാക്കാമോ;

(സി)	എങ്കില്‍ ആയത് നടപ്പിലാക്കുന്നതിനുള്ള നടപടികള്‍ സ്വീകരിക്കാമോ?

പഞ്ചായത്തുകള്‍ കക്ഷികളായ കേസ്സുകള്‍

3042.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പഞ്ചായത്തുകള്‍ കക്ഷികളായ ധാരാളം കേസ്സുകള്‍ കോടതികളില്‍ പരിഗണനയിലിരിക്കുന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	നിലവില്‍ ഒരു സിറ്റിംഗിന് വക്കീല്‍ ഫീസായി മുന്‍സിഫ് കോടതിയില്‍ 1500 രൂപയും ഹൈക്കോടതിയില്‍ 3000 രൂപയും മാത്രം നല്‍കുന്നതിനാലാണ് ഇപ്രകാരം കേസുകള്‍ കെട്ടിക്കിടക്കുന്നതെന്നത് ശ്രദ്ധയില്‍പ്പെട്ടിട്ടുണ്ടോ;

(സി)	പഞ്ചായത്ത് ഡയറക്ടറുടെ പ്രത്യേക അനുമതിയോടുകൂടി തുക കൂട്ടി നല്കി കേസ്സുകള്‍ നടത്തുന്നത് മൂലമുളള ബുദ്ധിമുട്ടുകളും കാലതാമസവും പരിഗണിച്ച് സിറ്റിംഗ് ഫീസിന്റെ പരിധി ഉയര്‍ത്താന്‍ നടപടി സ്വീകരിക്കുമോയെന്ന് വ്യക്തമാക്കുമോ?

തദ്ദേശസ്വയംഭരണ സ്ഥാപനങ്ങളിലെ മുന്‍ അംഗങ്ങള്‍ക്ക് പെന്‍ഷന്‍

T 3043.

ശ്രീ.എ.എ.അസീസ് : താഴെ കാണുന്ന ചോദ്യത്തിന് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളിലെ മുന്‍ അംഗങ്ങള്‍ക്ക് പെന്‍ഷന്‍ നല്‍കാന്‍ ആലോചിയ്ക്കുന്നുണ്ടോ എന്ന് വ്യക്തമാക്കുമോ?

പഞ്ചായത്തുകളിലെ പാര്‍ട്ട്‍ടൈം സ്വീപ്പര്‍മാര്‍ക്ക് സ്ഥലംമാറ്റം

3044.

ശ്രീ.സി.കെ സദാശിവന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	നഗരസഭകളുമായി കൂട്ടിച്ചേര്‍ക്കപ്പെട്ട പഞ്ചായത്തുകളില്‍ ജോലി ചെയ്തു വന്ന പാര്‍ട്ട്‍ടൈം സ്വീപ്പര്‍മാര്‍ക്ക് മറ്റ് പഞ്ചായത്തുകളിലേയ്ക്ക് സ്ഥലംമാറ്റം നല്‍കുന്നതിന് പഞ്ചായത്ത് ഡയറക്ടര്‍ക്ക് നിര്‍ദ്ദേശം നല്‍കിയിട്ടുണ്ടോ;

(ബി)	എങ്കില്‍ ആയത് സംബന്ധിച്ച ഉത്തരവിന്റെ പകര്‍പ്പ് ലഭ്യമാക്കുമോ?

ഗ്രാമപഞ്ചായത്ത് കെട്ടിടത്തിനുവേണ്ടി ഭൂമി ലഭ്യമാക്കല്‍

3045.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യത്തിന് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	നൊച്ചാട് ഗ്രാമപഞ്ചായത്ത് ഓഫീസിന് പുതിയ കെട്ടിടം നിര്‍മ്മിക്കുന്നതിനു വേണ്ടി ഭൂമി ലഭ്യമാക്കുക്കുന്നതിന് ഗ്രാമപ‍‍ഞ്ചായത്ത് സമര്‍പ്പിച്ച അപേക്ഷയില്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദാംശങ്ങള്‍ വ്യക്തമാക്കുമോ?

പഞ്ചായത്തുകളില്‍ പുതിയ തസ്തിക സൃഷ്ടിക്കല്‍

3046.

(എ)

സംസ്ഥാനത്ത് പുതുതായി രൂപീകരിച്ച പഞ്ചായത്തുകളില്‍ തസ്തികകള്‍ സൃഷ്ടിച്ചിട്ടുണ്ടോ;എത്ര തസ്തികകളാണ് പുതിയതായി സൃഷ്ടിക്കുവാന്‍ ഉദ്ദേശിക്കുന്നത്; പ്രസ്തുത പഞ്ചായത്തുകളില്‍ റീ ഡിപ്ലോയ്മെന്റ് നടപടികള്‍ നടത്തിയിട്ടുണ്ടോ; മുനിസിപ്പാലിറ്റികള്‍ ആയ പഞ്ചായത്തുകളിലെ ജീവനക്കാരുടെ സേവനം ഏത് നിലയില്‍ മാറ്റം വരുത്തുവാനാണ് ഉദ്ദേശിക്കുന്നതെന്ന് വ്യക്തമാക്കാമോ?

കുടുംബശ്രീയ്ക്ക് അനുവദിച്ച തുക

3047.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	2006-07 മുതല്‍ 2010-11 വരെയുള്ള വര്‍ഷങ്ങളില്‍ കുടുംബശ്രീയ്ക്ക് അനുവദിച്ചു നല്‍കിയ തുകയുടെ ഓരോ വര്‍ഷത്തേയും കണക്കുകള്‍ ലഭ്യമാക്കുമോ;

(ബി)	2011-12 മുതല്‍ 2015-16 വരെയുള്ള വര്‍ഷങ്ങളില്‍ കുടുംബശ്രീയ്ക്ക് ഓരോ വ്ര‍ഷവും അനുവദിച്ചുനല്‍കിയ തുക എത്രയെന്ന് വ്യക്തമാക്കുമോ?

ഗ്രാമപഞ്ചായത്തുകളിലെ ജീവനക്കാരെ പഞ്ചായത്തുകളില്‍ നിലനിര്‍ത്തുന്നത്

3048.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമപഞ്ചായത്തുകള്‍ നഗരസഭകളാക്കി ഉയര്‍ത്തിയതിന്റെ ഭാഗമായും പുതുതായി രൂപീകരിച്ച കോര്‍പ്പറേഷനുകളില്‍ കൂട്ടിച്ചേര്‍ത്തതിന്റെ ഭാഗമായും ഇല്ലാതായ ഗ്രാമപഞ്ചായത്തുകളിലെ ജീവനക്കാര്‍ നിലവില്‍ എവിടെയാണ് ജോലി ചെയ്യുന്നതെന്നു് വിശദമാക്കാമോ ;

(ബി)	പ്രസ്തുത ജീവനക്കാരെ പഞ്ചായത്തുകളിലേക്ക് മാറ്റി നിയമിക്കുന്നതിനു വേണ്ടി നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

ക്ഷേമപെന്‍ഷന്‍നുകളുടെ ട്രാന്‍സ്ഫർ ചെയ്യല്‍

3049.

(എ)	ഒരു തദ്ദേശസ്ഥാപനത്തിന്റെ കീഴില്‍ നിന്നും മറ്റൊരു തദ്ദേശസ്ഥാപനത്തിന്റെ കീഴിലേക്ക് താമസം മാറുന്നവരുടെ ക്ഷേമപെന്‍ഷന്‍ പുതിയ തദ്ദേശ സ്ഥാപനത്തിലേക്ക് ട്രാന്‍സ്ഫർ ചെയ്തു നൽകുന്നതിനുള്ള സൗകര്യം നിലവിലുണ്ടോ ; എങ്കിൽ ഇത് സംബന്ധിച്ച വിശദാംശം നൽകാമോ ;

(ബി)	ഇപ്രകാരം ക്ഷേമപെന്‍ഷനുകള്‍ ട്രാന്‍സ്ഫർ ചെയ്തു നൽകാന്‍ കഴിയാത്തതിനാൽ ലഭിച്ചുകൊണ്ടിരുന്ന ക്ഷേമപെന്‍ഷന്‍ നഷ്ടപ്പെടുന്ന സാഹചര്യം ഉള്ളതായി ശ്രദ്ധയിൽപെട്ടിട്ടുണ്ടോ ;

(സി)	പുതിയ വാസസ്ഥലത്തെ വിലാസത്തിൽ റേഷന്‍കാര്‍‍ഡും തിരിച്ചറിയൽ രേഖകളും ലഭിക്കും വരെ പുതുതായി ക്ഷേമപെന്‍ഷന് അപേക്ഷിക്കാന്‍ സാധിക്കാത്ത സാഹചര്യം പരിഗണിച്ച് ക്ഷേമപെന്‍ഷന്‍ ട്രാന്‍സ്ഫർ ചെയ്തു നൽകുന്നതിനുള്ള സൗകര്യം ഏർപ്പെടുത്തുമോ ; ഇല്ലെങ്കിൽ എന്തുകൊണ്ട് എന്ന് വിശദീകരിക്കുമോ ?

ഗ്രാമപഞ്ചായത്തോഫീസുകളില്‍ ടെക്നിക്കല്‍ അസിസ്റ്റന്റുമാരുടെ കരാര്‍ കാലാവധി

3050.

(എ)	ഗ്രാമപഞ്ചായത്തോഫീസുകളില്‍ താത്കാലികമായി നിയമിച്ചിട്ടുള്ള ടെക്നിക്കല്‍ അസിസ്റ്റന്റുമാരുടെ കരാര്‍ കാലാവധി എന്നു വരെയുണ്ട്; പ്രസ്തുത തസ്തികയിലേയ്കള്ള നിയമനത്തിന് അടിസ്ഥാന യോഗ്യത എന്താണ്; ഇവര്‍ക്ക് ഇപ്പോള്‍ നല്കുന്ന മാസവേതനം എത്ര രൂപയാണെന്ന് അറിയിക്കുമോ;

(ബി)	കാലാവധി കഴിയുമ്പോള്‍ കരാര്‍ പുതുക്കി ഇവരെ നിലനിര്‍ത്തുമോ; ഇത്തരത്തില്‍ നില നിര്‍ത്തിയാല്‍ ഇവരുടെ സേവന വേതന നിരക്കുകള്‍ വര്‍ദ്ധിപ്പിക്കുമോ; എങ്കില്‍ എത്ര ശതമാനം വര്‍ദ്ധനവ് വരുത്താനാണ് ഉദ്ദേശിക്കുന്നതെന്ന് വിശദമാക്കാമോ;

(സി)	താത്കാലികമായി നിയമിച്ചിട്ടുള്ള ടെക്നിക്കല്‍ അസിസ്റ്റന്റുമാരെ സ്ഥിരപ്പെടുത്തുകയാണെങ്കില്‍ എന്തൊക്കെ മാനദണ്ഡങ്ങളുടെ അടിസ്ഥാനത്തിലാവും സ്ഥിരപ്പെടുത്തുക എന്നു വ്യക്തമാക്കുമോ ?

മുക്കം മുസ്ലിം ഓര്‍ഫനേജിന് ലഭിച്ച വിദേശ ധനസഹായം

3051.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)

1964 ലെ ഗ്രാന്റ് ഇന്‍ എയ്ഡ് ചട്ടങ്ങളില്‍ വ്യവസ്ഥ ചെയ്തിട്ടുള്ളതെന്നും എന്നാല്‍ മുക്കം മുസ്ലിം ഓര്‍ഫനേജ് വിദേശ ധനസഹായം ചെലവഴിക്കുന്നതു സംബന്ധിച്ച് കേരള സംസ്ഥാന ഓഡിറ്റ് വകുപ്പിന്റെ പരാമർശം ഉണ്ടായിട്ടുണോ; ഗ്രാന്റ് ഇന്‍ എയ്ഡ് ചട്ടത്തില്‍ ഭേദഗതി വരുത്തി സ്ഥാപനത്തിന് ഗ്രാന്റ് നല്‍കുവാനുള്ള അര്‍ഹത സംബന്ധിച്ച് വ്യക്തത വരുത്തണമെന്ന് ആവശ്യപ്പെട്ടുകൊണ്ട് കേരള സംസ്ഥാന ഓഡിറ്റ് വകുപ്പ് സര്‍ക്കാരിന് ശിപാര്‍ശ നലകിയിട്ടുണ്ടോയെന്ന് വ്യക്തമാക്കുമോ;

(ബി)	ഉണ്ടെങ്കില്‍ പ്രസ്തുത ശിപാര്‍ശയിന്മേല്‍ എന്തു നടപടി സ്വീകരിക്കുമെന്ന് വിശദമാക്കാമോ?

രോഗികള്‍ക്ക് സൗജന്യ ഭക്ഷണം

3052.

ശ്രീ.ബെന്നി ബെഹനാന്‍
,, സി.പി.മുഹമ്മദ്
,, എം.പി.വിന്‍സെന്‍റ്
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ആശുപത്രികളില്‍ രോഗികളുടെ കൂട്ടിരിപ്പുകാര്‍ക്ക് സൗജന്യമായി ഭക്ഷണം നല്‍കാന്‍ കര്‍മ്മപദ്ധതി ആവിഷ്ക്കരിച്ചിട്ടുണ്ടോ;

(ബി)	ഇത് വഴി കൈവരിക്കാനുദ്ദേശിക്കുന്ന ഉദ്ദേശ്യലക്ഷ്യങ്ങള്‍ എന്തെല്ലാം;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

വയോജന സൗഹൃദ ഗ്രാമപഞ്ചായത്തുകള്‍

3053.

(എ)	ഒരു ജില്ലയിലെ ഒരു ഗ്രാമപഞ്ചായത്തിനെ വയോജന സൗഹൃദമാക്കുമെന്ന പ്രഖ്യാപനം നടപ്പിലാക്കുകയുണ്ടായോ;

(ബി)	ഓരോ ജില്ലയിലും പദ്ധതിക്കായി തെരഞ്ഞെടുത്ത ഗ്രാമപഞ്ചായത്തുകള്‍ ഏതെല്ലാമാണ്;

(സി)	പദ്ധതിയുമായി ബന്ധപ്പെട്ട് ലക്ഷ്യമാക്കുന്ന സേവനങ്ങള്‍ ഏതെല്ലാമാണെന്ന് വ്യക്തമാക്കുമോ?

വൃദ്ധ ജനങ്ങളുടെ പുനരധിവാസം

3054.

(എ)	കൊയിലാണ്ടി മണ്ഡലത്തില്‍ മൂടാടി പഞ്ചായത്തില്‍ വൃദ്ധ ജനങ്ങളുടെ പുനരധിവാസത്തിനായി ഒരു സാമൂഹ്യ കേന്ദ്രം ആരംഭിക്കുന്നത് സംബന്ധിച്ച് നല്‍കിയ 1478/വി.ഐ.പി./എം.(പി. ആന്‍റ് എസ്.ഡബ്ളു.) നിവേദനത്തില്‍ സ്വീകരിച്ചിട്ടുള്ള തുടര്‍ നടപടികള്‍ വിശദമാക്കാമോ;

(ബി)	ജില്ലാ സാമൂഹ്യനീതി ഓഫീസില്‍ ഈ വിഷയത്തില്‍ സ്വീകരിച്ചിട്ടുള്ള തുടര്‍ നടപടികള്‍ വിശദമാക്കാമോ;

(സി)	ഈ ഫയല്‍ ഇപ്പോള്‍ ഏത് ഓഫീസിലാണ് നടപടി പൂര്‍ത്തിയാകാതെ സൂക്ഷിച്ചിരിക്കുന്നത് എന്ന് വ്യക്തമാക്കാമോ;

(ഡി)	ഫയലില്‍ തീരുമാനമാകാത്തത് എന്തുകൊണ്ടാണെന്ന് വ്യക്തമാക്കാമോ?

വൃക്ക രോഗികള്‍ക്ക് പെന്‍ഷന്‍

3055.

(എ)	വൃക്കരോഗം ബാധിച്ച് ഡയാലിസിസ് ചികിത്സ നടത്തി വരുന്ന രോഗികള്‍ക്ക് പെന്‍ഷന്‍ നല്‍കുന്നുണ്ടോ; വിശദവിവരം ലഭ്യമാക്കുമോ;

(ബി)	പ്രസ്തുത പെന്‍ഷന്‍ ലഭിയ്ക്കുന്നതിനുള്ള അപേക്ഷ ആര്‍ക്കാണ് സമർപ്പിക്കേണ്ടത് ; പ്രസ്തുത അപേക്ഷാ ഫാറത്തിന്റെ പകര്‍പ്പ് ലഭ്യമാക്കുമോ;

(സി)	പ്രസ്തുത പെന്‍ഷന്‍ ലഭിക്കുന്നതിന് വരുമാന പരിധി നിശ്ചയിച്ചിട്ടുണ്ടോ; വ്യക്തമാക്കുമോ;

(ഡി)	ഡയാലിസിസ് ചികിത്സ വളരെ ചെലവേറിയതിനാല്‍ സര്‍വ്വീസ് പെന്‍ഷന്‍ ലഭിക്കുന്നവര്‍ക്കും പ്രസ്തുത ക്ഷേമ പെന്‍ഷന്‍ ലഭിക്കുന്നതിന് നടപടി സ്വീകരിക്കുമോ?

വയോജന പ്രക്ഷോഭങ്ങള്‍

3056.

ശ്രീ.എ.കെ.ബാലന്‍
,, കെ.കെ.ജയചന്ദ്രന്‍
,, സി.കെ സദാശിവന്‍
,, സി.കൃഷ്ണന്‍ : താഴെ കാണുന്ന ചോദ്യത്തിന് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	വയോജനങ്ങള്‍ നേരിടുന്ന വിവിധ പ്രശ്നങ്ങളെ അടിസ്ഥാനമാക്കി അവര്‍ നടത്തുന്ന പ്രക്ഷോഭങ്ങള്‍ ശ്രദ്ധയില്‍പ്പെട്ടിട്ടുണ്ടോ; ഇത് സംബന്ധിച്ച സര്‍ക്കാര്‍ നിലപാട് വ്യക്തമാക്കാമോ?

റാന്നി എെ.സി.ഡി.എസ് പ്രോജക്ടിന്‍ കീഴിലെ അംഗന്‍വാടി ടീച്ചറുടെ പരാതി

3057.

(എ)	റാന്നി എെ.സി.ഡി.എസ് പ്രോജക്ടിന്‍ കീഴിലെ 90-ാം നമ്പര്‍ അംഗന്‍വാടിയിലെ ടീച്ചറായ ശ്രീമതി ജോളി കെ ജോസിനെ സര്‍വ്വീസില്‍ നിന്നും സസ്പെന്റ് ചെയ്യുകയോ മാറ്റി നിര്‍ത്തുകയോ ചെയ്തിട്ടുണ്ടോ; എന്നു മുതലാണ് ഇങ്ങനെ മാറ്റി നിര്‍ത്തിയത്; ആരുടെ ഉത്തരവ് പ്രകാരം;

(ബി)	ഇവര്‍ക്കെതിരെ ആരെങ്കിലും പരാതി നല്‍കിയിരുന്നോ; ആരൊക്കെയാണ് പരാതി നല്‍കിയിരുന്നത്;

(സി)	ഇതു സംബന്ധിച്ച് അന്വേഷിക്കുന്നതിന് ആരെയാണ് ചുമതലപ്പെടുത്തിയിരുന്നത്;

(ഡി)	പരാതിയില്‍ പേര് പറ‍ഞ്ഞിരിക്കുന്നവരില്‍ പലരും തങ്ങള്‍ ഇതേക്കുറിച്ച് അറിഞ്ഞിട്ടില്ലെന്നും ഒപ്പിട്ടിട്ടില്ലെന്നും അന്വേഷണ ഉദ്യോഗസ്ഥരെ അറിയിച്ചിട്ടുണ്ടോ; ഇതു സംബന്ധിച്ച അന്വേഷണ റിപ്പോര്‍ട്ട് ലഭ്യമാക്കാമോ;

(ഇ)	അംഗന്‍വാടിയിലെ രജിസ്റ്ററുകള്‍ കൃത്യമാണെന്നും, വര്‍ക്കര്‍ എന്ന നിലയില്‍ കൃത്യമായി പ്രവര്‍ത്തിക്കുകയും ചെയ്യുന്നുയെന്ന് കണ്ടെത്തിയിട്ടും, ടിയാളെ സസ്പെന്റ് ചെയ്യാനിടയായ സാഹചര്യം എന്തെന്ന് വ്യക്തമാക്കാമോ;

(എഫ്)

ടീച്ചറെ അന്യായമായി സസ്പെന്റ് ചെയ്തതിനെക്കുറിച്ച് സമഗ്രാന്വേഷണം നടത്തി വ്യാജപരാതി നല്‍കിയ ആളുകള്‍ക്കെതിരെയും , ഈ വ്യാജപരാതിയുടെ പേരില്‍ അംഗന്‍വാടി ടീച്ചറെ സസ്പെന്റ് ചെയ്ത ഉദ്യോഗസ്ഥര്‍ക്കെതിരെയും എന്തൊക്കെ നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ;

(ജി)	ഇതു സംബന്ധിച്ച അംഗന്‍വാടി ടീച്ചര്‍ ജില്ലാ സാമൂഹ്യനീതി ആഫീസര്‍ക്ക്നല്‍കിയ പരാതിയില്‍ സ്വീകരിച്ച നടപടികള്‍ വ്യക്തമാക്കാമോ?

മാതൃകാ അംഗന്‍വാടി

3058.

ശ്രീ.കെ.ശിവദാസന്‍ നായര്‍
,, അന്‍വര്‍ സാദത്ത്
,, പി.സി വിഷ്ണുനാഥ്
,, എ.റ്റി.ജോര്‍ജ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മാതൃകാ അംഗന്‍വാടികളുടെ നിര്‍മ്മാണത്തിന് കര്‍മ്മ പദ്ധതി ആവിഷ്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	പ്രസ്തുത പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

മാതൃകാ അംഗന്‍വാടികള്‍

3059.

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഓരോ നിയമസഭാ നിയോജകമണ്ഡലത്തിലും ഓരോ മാതൃകാ അംഗന്‍വാടി സ്ഥാപിക്കുമെന്ന 2012-13-ലെ ബഡ്ജറ്റ് പ്രസംഗത്തിലെ പ്രഖ്യാപനം നടപ്പാക്കിയിട്ടുണ്ടോ; എത്ര നിയോജകമണ്ഡലങ്ങളില്‍ ഇവ സ്ഥാപിക്കപ്പെട്ടു;

(ബി)	പ്രസ്തുത പദ്ധതി നടപ്പാക്കുന്നതിനായി എത്ര തുക ഓരോ വര്‍ഷത്തെയും ബഡ്ജറ്റില്‍ നീക്കിവച്ചിരുന്നു; അതില്‍ എത്ര തുക ചെലവഴിക്കപ്പെട്ടു എന്ന് വ്യക്തമാക്കുമോ ?

വികലാംഗ സംവരണ നിയമനത്തിനായുള്ള തസ്തികകള്‍

3060.

(എ)	പേഴ്സന്‍സ് വിത്ത് ഡിസെബിലിറ്റീസ് ആക്റ്റ് പ്രകാരം ഈ സര്‍ക്കാര്‍ അധികാരത്തില്‍ വന്നതിനു ശേഷം എത്ര തസ്തികകള്‍ പുതുതായി വികലാംഗ സംവരണ നിയമനത്തിനായി കണ്ടെത്തിയിട്ടുണ്ടെന്നും അവ ഏതൊക്കെയാണെന്നും വിശദമാക്കാമോ;

(ബി)	പ്രസ്തുത തസ്തികകളില്‍ നിയമനം നടത്തിയിട്ടുണ്ടോ; ഇല്ലെങ്കില്‍ നിയമനം നടത്തുവാന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

സാമൂഹ്യ സുരക്ഷാ മിഷന്‍ ദിനാഘോഷ പരിപാടി

3061.

ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സാമൂഹ്യ സുരക്ഷാ മിഷന്‍ സംസ്ഥാനതല ദിനാഘോഷ പരിപാടികള്‍ സംഘടിപ്പിക്കുന്നതിനുള്ള ഫണ്ടിന്റെ സ്രോതസ്സ് വ്യക്തമാക്കാമോ;

(ബി)	ആശ്വാസകിരണം പദ്ധതിയില്‍പ്പെട്ട ധനസഹായ വിതരണത്തില്‍ കുടിശ്ശിക നിലനില്‍ക്കുന്ന സാഹചര്യത്തില്‍ സാമുഹ്യ സുരക്ഷാമിഷന്‍ ദിനാഘോഷ പരിപാടി ആര്‍ഭാടമായി സംഘടിപ്പിച്ചത് സംബന്ധിച്ച് ആക്ഷേപം ഉയര്‍ന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കുമോ?

സാമൂഹ്യ സുരക്ഷാ പെന്‍ഷന്‍ വിതരണം

3062.

ശ്രീ.എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സാമൂഹ്യ സുരക്ഷാ പെന്‍ഷന്‍ വിതരണം ചെയ്യുന്നതിന് സര്‍ക്കാരിന് വ്യക്തമായ നയപരിപാടിയുണ്ടോ;

(ബി)	പ്രസ്തുത പെന്‍ഷന്‍ പോസ്റ്റ് ഓഫീസ് വഴിയാണോ ബാങ്ക് വഴിയാണോ വിതരണം ചെയ്യുന്നത്;

(സി)	ഇതിനായി ബന്ധപ്പെട്ട പോസ്റ്റ് ഓഫീസുകള്‍ക്ക് / ബാങ്കുകള്‍ക്ക് ആവശ്യത്തിന് തുക അനുവദിക്കാറുണ്ടോ;

(ഡി)	പ്രസ്തുത പെന്‍ഷന്‍ വിതരണത്തിലെ അവ്യക്തതമൂലമുണ്ടാകുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ ;

(ഇ)	പ്രസ്തുത ബുദ്ധിമുട്ട് ഒഴിവാക്കുന്നതിന് സ്വീകരിക്കാൻ ഉദ്ദേശിക്കുന്ന നടപടികൾഎന്തെല്ലാമെന്നു വ്യക്തമാക്കാമോ?

നിര്‍ഭയ കേന്ദ്രങ്ങള്‍

3063.

(എ)	അതിക്രമങ്ങള്‍ക്കിരയായ സ്ത്രീകളെയും കുട്ടികളെയും പുനരധിവസിപ്പിക്കുന്നതിനായി സംസ്ഥാനത്താകെ എത്ര നിര്‍ഭയ കേന്ദ്രങ്ങള്‍ പ്രവര്‍ത്തിക്കുന്നുണ്ട്; എവിടെയെല്ലാമാണ്; ഓരോ നിര്‍ഭയ കേന്ദ്രത്തിലും എത്ര പേരെ പുനരധിവസിപ്പിച്ചിട്ടുണ്ട്;

(ബി)	നിര്‍ഭയ കേന്ദ്രങ്ങളില്‍ നിന്നും അന്തേവാസികള്‍ക്ക് ലഭ്യമാക്കുന്ന സേവനങ്ങളെന്തെല്ലാമാണ്; വിശദമാക്കുമോ ?

(സി)	നിര്‍ഭയ കേന്ദ്രങ്ങളുടെ പ്രവര്‍ത്തനങ്ങള്‍ക്കായി 2015-2016-ല്‍ എന്തു തുക വകയിരുത്തി; എത്രതുക അനുവദിച്ചു; എത്ര തുക ചെലവഴിച്ചു?

അനാഥരായ വൃദ്ധജനങ്ങളുടെ സംരക്ഷണം

3064.

(എ)	അനാഥരായ വൃദ്ധരെ സംരക്ഷിക്കുന്ന എത്ര കേന്ദ്രങ്ങള്‍ സര്‍ക്കാര്‍ ഉടമസ്ഥതയിലുണ്ടെന്നും അവ എവിടെയെല്ലാമാണെന്നും വിശദമാക്കാമോ;

(ബി)	അല‍ഞ്ഞു തിരിയുന്നവരും രോഗികളുമായ വൃദ്ധരെ കണ്ടെത്താനും അവരെ ഏറ്റെടുക്കാനും എന്തെല്ലാം മാര്‍ഗ്ഗമാണ് സ്വീകരിച്ചിരിക്കുന്നത്;

(സി)	ഇത്തരത്തില്‍ വൃദ്ധര്‍ക്ക് ആശ്രയമൊരുക്കുമ്പോള്‍ സ്വീകരിക്കുന്ന മാനദണ്ഡങ്ങള്‍ എന്തെല്ലാമെന്ന് വിശദമാക്കുമോ?

ബാലനീതി സ്ഥാപനങ്ങളില്‍ കുറ്റകൃത്യങ്ങളില്‍പെട്ട്എത്തുന്നകുട്ടികള്‍

3065.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ബാലനീതി സ്ഥാപനങ്ങളില്‍ കുറ്റകൃത്യങ്ങളില്‍പെട്ട് എത്തുന്ന കുട്ടികളുടെ എണ്ണം വര്‍ദ്ധിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	2011-2015 കാലയളവില്‍ സ്ഥാപനങ്ങളില്‍ എത്തപ്പെട്ട കുട്ടികളുടെ ജില്ലതിരിച്ച എണ്ണം പറയാമോ;

(സി)	കുട്ടിക്കുറ്റവാളികള്‍ ഉണ്ടാകാനിടയാക്കുന്ന സാഹചര്യങ്ങളെ സംബന്ധിച്ച് പഠനം നടത്തിയിട്ടുണ്ടോ; എങ്കില്‍ പ്രസ്തുത പഠന റിപ്പോര്‍ട്ടിലെ ശുപാര്‍ശകള്‍ എന്തെല്ലാമാണെന്ന് വിശദമാക്കാമോ; ഇല്ലെങ്കില്‍ പഠനം നടത്തുവാന്‍ ഉദ്ദേശിക്കുന്നുണ്ടോ എന്ന് വ്യക്തമാക്കുമോ;

(ഡി)	ആവര്‍ത്തിച്ച് കുറ്റകൃത്യങ്ങളില്‍ ഏര്‍പ്പെടുന്ന കുട്ടികളുടെ കുറ്റവാസന ഇല്ലാതാക്കുന്നതിലേയ്ക്കായി പ്രത്യേക പദ്ധതികള്‍ നടപ്പിലാക്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ;

(ഇ)	ലൈംഗിക അതിക്രമങ്ങള്‍ക്ക് വിധേയമാക്കപ്പെട്ട് സ്ഥാപനങ്ങളില്‍ എത്തപ്പെടുന്ന പെണ്‍കുട്ടികളെ മറ്റ് കുറ്റകൃത്യങ്ങളില്‍ ഏര്‍പ്പെട്ട മുതിര്‍ന്നവര്‍ക്കൊപ്പം പാര്‍പ്പിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിനുള്ള കാരണങ്ങള്‍ വ്യക്തമാക്കാമോ;

(എഫ്)

ബാലനീതി നിയമം അനുശാസിക്കുന്ന ശ്രദ്ധയും പരിചരണവും ഇത്തരം കുട്ടികള്‍ക്ക് ലഭിക്കുന്നുവെന്ന് ഉറപ്പുവരുത്താന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

(ജി)	ബാല നീതി നിയമത്തിന്റെ പരിരക്ഷ ഉറപ്പുവരുത്തുന്നതിലേക്കായി എല്ലാ ജില്ലകളിലും പെണ്‍കുട്ടികള്‍ക്കായി പ്രത്യേക സ്ഥാപനങ്ങള്‍ ആരംഭിക്കുമെന്ന പ്രഖ്യാപനം നടപ്പിലാക്കാന്‍ കഴിയാതെ പോയത് എന്തുകൊണ്ടാണെന്ന് വ്യക്തമാക്കുമോ?

ജുവനൈല്‍ ഹോം

T 3066.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ജുവനൈല്‍ ഹോമുകളില്‍ എത്ര പേരെ പാര്‍പ്പിച്ചിട്ടുണ്ടെന്ന് വ്യക്തമാക്കാമോ; ആണ്‍കുട്ടികളുടെയും പെണ്‍കുട്ടികളുടെയും കണക്കുകള്‍ പ്രത്യേകം നല്‍കാമോ?

നബാര്‍ഡ് ആര്‍.ഐ.ഡി.എഫ്. പദ്ധതിയിലെ കണ്ണൂര്‍ ജില്ലയിലെ അംഗന്‍വാടി കെട്ടിടങ്ങള്‍

3067.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	നബാര്‍ഡ് ആര്‍.ഐ.ഡി.എഫ്. പദ്ധതിയില്‍ ഉള്‍പ്പെടുത്തി കണ്ണൂര്‍ ജില്ലയില്‍ എത്ര അംഗന്‍വാടി കെട്ടിടങ്ങള്‍ നിര്‍മ്മിക്കുന്നതിന് അനുമതി നല്‍കിയിട്ടുണ്ട് എന്നറിയിക്കാമോ;

(ബി)	ആയതില്‍ ഉള്‍പ്പെടുത്തി കല്ല്യാശ്ശേരി മണ്ഡലത്തില്‍ നിര്‍മ്മിക്കുന്ന അംഗന്‍വാടികളുടെ നിര്‍മ്മാണ പുരോഗതി അറിയിക്കുമോ; വിശദാംശം നല്‍കുമോ?

സ്ത്രീധന നിരോധന നിയമം

3068.

ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്ത് 1961-ലെ സ്ത്രീധന നിരോധന നിയമം നിലവിലുണ്ടെങ്കിലും സ്ത്രീധനം വാങ്ങലും കൊടുക്കലും വര്‍ദ്ധിച്ചു വരുന്നതിനാല്‍ കുടുംബകലഹം, വിവാഹമോചനം, സ്ത്രീധനപീഡന മരണം എന്നിവ വര്‍ദ്ധിച്ചു വരുന്നതായ ആക്ഷേപം സാമൂഹ്യനീതി വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഈ സര്‍ക്കാര്‍ കാലയളവില്‍ ഇത്തരം എത്ര കേസ്സുകളും മരണവും സാമൂഹ്യനീതി വകുപ്പില്‍ റിപ്പോര്‍ട്ട് ചെയ്തിട്ടുണ്ട് എന്ന് വ്യക്തമാക്കുമോ;

(ബി)	പ്രസ്തുത വിഷയത്തില്‍ 1985-ലെ കേന്ദ്ര നിയമഭേദഗതി ഏതെല്ലാമെന്നും ആയത് സംസ്ഥാനത്ത് നടപ്പാക്കാനും സ്ത്രീധനം കൊടുക്കുന്നതും വാങ്ങുന്നതും തടയുവാനും സ്വീകരിച്ച നടപടികളും വ്യക്തമാക്കുമോ;

(സി)

വധൂവരന്‍മാര്‍ക്ക് വിവാഹത്തിനു ലഭിക്കുന്ന സമ്മാനപ്പട്ടിക നിശ്ചിതഫോറത്തില്‍ സാമൂഹ്യനീതി വകുപ്പിന് ലഭ്യമായതിനുശേഷം മാത്രം വിവാഹസര്‍ട്ടിഫിക്കറ്റ് നല്‍കുക എന്നത് നടപ്പിലാക്കിയിട്ടുണ്ടോ; എങ്കില്‍ പ്രസ്തുത മാനദണ്ഡ പ്രകാരം ഈ സര്‍ക്കാര്‍ എത്ര വിവാഹസര്‍ട്ടിഫിക്കറ്റ് വധൂവരന്‍മാര്‍ക്ക് നാളിതുവരെ നല്‍കി എന്ന് വ്യക്തമാക്കുമോ;

(ഡി)

വിവാഹമോചന കേസ്സുകളില്‍ ഏറ്റവും വലിയ തര്‍ക്കം നടക്കുന്നത് വിവാഹവേളയില്‍ കൈമാറുന്ന സമ്മാനങ്ങളെക്കുറിച്ചായതിനാല്‍ വിവാഹസര്‍ട്ടിഫിക്കറ്റിന് അപേക്ഷിക്കുമ്പോള്‍ സമ്മാനങ്ങളുടെ പട്ടിക നിര്‍ബന്ധമാണ് എന്നതിന് പ്രചരണ പരിപാടികള്‍ നടത്തുന്നുണ്ടോ ; എങ്കില്‍ എപ്രകാരമുള്ള പ്രചരണ പരിപാടികളാണ് നടപ്പിലാക്കുന്നത്; വിശദാംശം നല്‍കുമോ?

അങ്കണവാടി ജീവനക്കാര്‍

3069.

ശ്രീ.കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	വിവിധ ആവശ്യങ്ങള്‍ ഉന്നയിച്ച് അങ്കണവാടി വര്‍ക്കേഴ്സ് ആന്റ് ഹെല്‍പ്പേഴ്സ് അസ്സോസിയേഷന്‍ നടത്തുന്ന പ്രക്ഷോഭങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	അങ്കണവാടി ജീവനക്കാര്‍ക്ക് അംഗപരിമിത സര്‍വ്വേ നടത്തിയതിന്റെ ഇന്‍സെന്റീവ് അനുവദിച്ചിട്ടുണ്ടോ;ഇല്ലെങ്കില്‍ ആയതിന് നടപടി സ്വീകരിക്കുമോ;

(സി)	അങ്കണവാടി ജീവനക്കാര്‍ക്ക് ക്ഷേമനിധി പദ്ധതി നിലവിലുണ്ടോ; ഇല്ലെങ്കില്‍ ആയത് രൂപീകരിക്കാനുള്ള നടപടി സ്വീകരിക്കുമോേ;

അങ്കണവാടി ജീവനക്കാരുടെ ആവശ്യങ്ങള്‍

3070.

ഡോ.കെ.ടി.ജലീല്‍
ശ്രീമതി.പി. അയിഷാ പോറ്റി
,, കെ.എസ്.സലീഖ
പ്രൊഫ. സി.രവീന്ദ്രനാഥ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	അങ്കണവാടി ജീവനക്കാര്‍ നടത്തി വരുന്ന പ്രക്ഷോഭങ്ങള്‍ ശ്രദ്ധയില്‍പ്പെട്ടിട്ടുണ്ടോ; എന്തെല്ലാം ആവശ്യങ്ങളാണ് ജീവനക്കാര്‍ ഉന്നയിക്കുന്നതെന്ന് വിശദമാക്കാമോ;

(ബി)	പ്രസ്തുത ആവശ്യങ്ങളെ സംബന്ധിച്ച് നിലപാട് വ്യക്തമാക്കാമോ;

(സി)	അങ്കണവാടി ജീവനക്കാരുടെ ഓണറേറിയം വര്‍ദ്ധിപ്പിക്കുന്നത് സംബന്ധിച്ചുള്ള ഉത്തരവ് വൈകുന്നതിനുള്ള കാരണം വ്യക്തമാക്കാമോ?

ദരിദ്രരുടെ ഭവന പദ്ധതി

3071.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ദരിദ്രരുടെ ഭവന പദ്ധതിപ്രകാരം എത്ര തുകയുടെ സഹായ പദ്ധതികളാണ് ഈ വര്‍ഷം സ്വീകരിച്ചതെന്ന് വ്യക്തമാക്കാമോ;

(ബി)	ഇതില്‍ എത്ര കോടി രൂപ ചെലവാക്കിയെന്നും വ്യക്തമാക്കാമോ?

ശിശുസൗഹ്യദ അംഗനവാടികള്‍

3072.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ ഗ്രാമീണ തൊഴിലുറപ്പു നിയമത്തില്‍ ഉള്‍പ്പെടുത്തി ശിശുസൗഹ്യദ അംഗനവാടികള്‍ നിര്‍മ്മിക്കുന്നതിനുള്ള കേന്ദ്ര പദ്ധതിയില്‍ എത്ര പഞ്ചായത്തുകളെ ഉള്‍പ്പെടുത്തിയിട്ടുണ്ട്;

(ബി)	എല്ലാ പഞ്ചായത്തുകളിലും ഇത്തരം അംഗന്‍വാടികള്‍ നിര്‍മ്മിക്കാന്‍ കഴിയാത്തത് എന്തുകൊണ്ടാണ്;

(സി)	ഇൗ പദ്ധതിയ്ക്കാവശ്യമായ അധിക തുക വകയിരുത്തുന്നതിന് നടപടി സ്വീകരിക്കുമോ;

(ഡി)	പദ്ധതി വിജയത്തിനാവശ്യമായ എല്ലാ നടപടികളും സര്‍ക്കാര്‍ സ്വീകരിക്കുമോ?

കോക്ലിയര്‍ ഇംപ്ലാന്റേഷന്‍ പദ്ധതി

3073.

ശ്രീ.ഷാഫി പറമ്പില്‍
,, എ.പി.അബ്ദുള്ളക്കുട്ടി
,, ബെന്നി ബെഹനാന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സാമൂഹ്യക്ഷേമ വകുപ്പ് കോക്ലിയര്‍ ഇംപ്ലാന്റേഷന്‍ പദ്ധതി നടപ്പാക്കാന്‍ എന്തെല്ലാം കര്‍മ്മ പദ്ധതികള്‍ ആവിഷ്ക്കരിച്ചിട്ടുണ്ട് ;

(ബി)	എന്തെല്ലാം ഉദ്ദേശ്യ ലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	ഇത് നടപ്പാക്കാന്‍ ഭരണതലത്തിൽ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

മുതിര്‍ന്ന പൗരന്മാരുടെയും മാതാപിതാക്കളുടെയും സംരക്ഷണ - ക്ഷേമ നിയമം

3074.

(എ)	സംസ്ഥാനത്ത് മുതിര്‍ന്ന പൗരന്മാരുടെ ക്ഷേമത്തിനായി നിലവില്‍ വന്ന മുതിര്‍ന്ന പൗരന്മാരുടെയും മാതാപിതാക്കളുടെയും സംരക്ഷണ - ക്ഷേമ നിയമം നടപ്പാക്കുന്നതില്‍ സംസ്ഥാനം പരാജയപ്പെടുന്നതായുള്ള റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ഉദ്യോഗസ്ഥരായ മക്കളാല്‍ ഉപേക്ഷിക്കപ്പെട്ട് വൃദ്ധസദനങ്ങളില്‍ അഭയം തേടുന്ന മാതാപിതാക്കളുടെ ശവദാഹം പോലും ഏറ്റെടുക്കാന്‍ മടികാണിക്കുന്ന വ്യക്തികളെ സംബന്ധിച്ച വാര്‍ത്തകളും റിപ്പോര്‍ട്ടുകളും ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത നിയമ പ്രകാരം കഴിഞ്ഞ ആറുമാസത്തിനുള്ളില്‍ ഇത്തരം എത്ര കേസുകളില്‍ നടപടി സ്വീകരിച്ചിട്ടുണ്ട്;

(ഡി)	നിയമം കാര്യക്ഷമമായി നടപ്പിലാക്കുന്നതിന് പ്രത്യേക പരിഗണന നല്‍കുമോ?

അംഗന്‍വാടി ജീവനക്കാര്‍ക്ക് പെന്‍ഷന്‍

3075.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	അംഗന്‍വാടി ജീവനക്കാരെ സര്‍ക്കാര്‍ ജീവനക്കാരായി അംഗീകരിച്ച് പെന്‍ഷന്‍ അടക്കമുള്ള ആനുകൂല്യങ്ങള്‍ നല്കുന്നതിനും ആരോഗ്യ സുരക്ഷാ പദ്ധതികള്‍ ഉള്‍പ്പെടുത്തുന്നതിനും നടപടി സ്വീകരിച്ചിട്ടുണ്ടോ;

(ബി)	30.04.2015‌ ന് റിട്ടയര്‍ ചെയ്ത ചാലക്കുട്ടി അഡീഷണല്‍ പ്രോജക്ട് 1 എെ.സി.ഡി. എസിലെ 5 അംഗന്‍വാടി വര്‍ക്കര്‍മാര്‍ക്കും 3 ഹെല്‍പ്പര്‍മാര്‍ക്കും ക്ഷേമനിധf ആനുകൂല്യങ്ങള്‍ ലഭിയ്ക്കുന്നതിനായി സമര്‍പ്പിച്ച അപേക്ഷകളില്‍ നടപടി സ്വീകരിച്ചിട്ടുണ്ടോ;

(സി)	ഇവര്‍ക്കുള്ള ക്ഷേമനിധി ആനുകൂല്യങ്ങള്‍ അടിയന്തരമായി നല്‍കുന്നതിന് നടപടി സ്വീകരിക്കുമോ?

കേരളത്തിലെ ട്രാന്‍സ്ജെന്റര്‍ വിഭാഗങ്ങള്‍

3076.

ശ്രീ.സി.ദിവാകരന്‍ : താഴെ കാണുന്ന ചോദ്യത്തിന് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ ട്രാന്‍സ്ജെന്റര്‍ വിഭാഗത്തില്‍പ്പെട്ടവരുടെ സാമൂഹിക സാമ്പത്തിക സാഹചര്യം സംബന്ധിച്ച് പഠനം നടത്തിയിട്ടുണ്ടോ; വിശദാംശം ലഭ്യമാക്കാമോ?

ബാലപീഡനങ്ങള്‍

3077.

(എ)	സംസ്ഥാനത്ത് ബാലഭിക്ഷാടനം, ബാലവിവാഹം എന്നിവ ഇപ്പോഴും നടക്കുന്നുണ്ടെന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരം സാമൂഹിക പ്രശ്നങ്ങള്‍ ഉന്മൂലനം ചെയ്യുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)	ബാലപീഡനങ്ങള്‍ വര്‍ദ്ധിച്ചുവരുന്നതായുള്ള കണക്കുകള്‍ ശ്രദ്ധയില്‍പ്പെട്ടിട്ടുണ്ടോ;

(ഡി)	സ്കുളുകളിലും വീടുകളിലും ഇതര സ്ഥലങ്ങളിലും കുട്ടികള്‍ക്കുനേരെയുണ്ടാകുന്ന പീഡനങ്ങള്‍ തടയുന്നതിന് ആവശ്യമായ ബോധവത്കരണ പരിപാടികള്‍ സാമൂഹിക നീതി വകുപ്പ് സംഘടിപ്പിക്കുന്നുണ്ടോ ; വിശദമാക്കുമോ?

നടപ്പാക്കാന്‍ സാധിക്കാത്ത ക്ഷേമപദ്ധതികള്‍

3078.

(എ)	ഈ സര്‍ക്കാര്‍ അധികാരമേറ്റ ശേഷം സാമൂഹ്യ നീതി വകുപ്പ് പ്രഖ്യാപിച്ചിട്ടുള്ള വിവിധ ക്ഷേമ പദ്ധതികളില്‍ ഏതൊക്കെ പദ്ധതികള്‍ നടപ്പാക്കാന്‍ സാധിക്കാതെ പോയിട്ടുണ്ട് ; വിശദാംശം നല്‍കുമോ;

(ബി)	ഇപ്രകാരം പദ്ധതികള്‍ പൂര്‍ണ്ണമായി നടപ്പാക്കാന്‍ കഴിയാതെ പോയ സാഹചര്യം വിശദീകരിക്കുമോ?

അംഗന്‍വാടികള്‍

3079.

(എ)	പയ്യന്നൂര്‍ നിയോജകമണ്ഡലത്തില്‍ സ്വന്തമായി കെട്ടിടം ഇല്ലാത്ത എത്ര അംഗന്‍വാടികള്‍ ഉണ്ടെന്നും അവ ഏതൊക്കെയാണെന്നും അറിയിക്കുമോ;

(ബി)	സ്വന്തമായി സ്ഥലം ഉണ്ടായിട്ടും കെട്ടിടം നിര്‍മ്മിക്കാത്ത അംഗന്‍വാടികള്‍ പ്രസ്തുത നിയോജകമണ്ഡലത്തില്‍ നിലവിലുണ്ടോ;വിശദമാക്കാമോ ;

(സി)	എങ്കില്‍ പ്രസ്തുത അംഗന്‍വാടികള്‍ക്ക് സ്വന്തമായി കെട്ടിടം നിര്‍മ്മിക്കാന്‍ നടപടികള്‍ സ്വീകരിച്ചിട്ടുണ്ടോ;വിശദമാക്കാമോ ?

യാചകപുനരധിവാസം

3080.

ശ്രീ.കെ.മുഹമ്മദുണ്ണി ഹാജി
,, കെ.എന്‍.എ.ഖാദര്‍
,, റ്റി.എ.അഹമ്മദ് കബീര്‍
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നശേഷം യാചകരെ അവരുടെ തൊഴിലില്‍ നിന്നും മോചിപ്പിക്കുന്നതിനും പുനരധിവാസം ആവശ്യമുള്ളവര്‍ക്ക് അതേര്‍പ്പെടുത്തുന്നതിനും എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(ബി)	യാചക പുനരധിവാസ കേന്ദ്രങ്ങളിലെ അപര്യാപ്തതകളെക്കുറിച്ചും അന്തേവാസികളുടെ ക്ഷേമം സംബന്ധിച്ചും സാമൂഹ്യനീതി വകുപ്പ് എന്തെങ്കിലും പരിേശാധനകള്‍ നടത്തുകയോ നടപടികള്‍ സ്വീകരിയ്ക്കുകയോ ചെയ്യാറുണ്ടോ; എങ്കില്‍ വിശദമാക്കുമോ;

(സി)	ഇപ്രകാരം പാര്‍ശ്വവത്ക്കരിക്കപ്പെട്ടവരുടെ ക്ഷേമത്തിന് കൂടുതല്‍ പ്രാധാന്യം നല്കി നടപടി സ്വീകരിക്കുമോ ?

കുട്ടനാട്ടില്‍ നടപ്പാക്കിയ വികസനപ്രവര്‍ത്തനങ്ങള്‍

3081.

ശ്രീ.തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം സാമൂഹ്യനീതി വകുപ്പ് മുഖേന കുട്ടനാട്ടില്‍ നടപ്പാക്കിയ വികസന പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കാമോ;

(ബി)	സ്നേഹപൂര്‍വ്വം പദ്ധതി കുട്ടനാട്ടിലെ എത്ര വിദ്യാര്‍ത്ഥികള്‍ക്ക് പ്രയോജനകരമായി എന്നത് സംബന്ധിച്ച വിശദമായ റിപ്പോര്‍ട്ട് ലഭ്യമാക്കുമോ?

വികലാംഗകര്‍ക്ക് സര്‍ക്കാര്‍ - പൊതുമേഖല സ്ഥാപനങ്ങളില്‍ നിയമനം

3082.

ശ്രീ.ഡൊമിനിക് പ്രസന്റേഷന്‍
,, പി.എ.മാധവന്‍
,, എം.എ. വാഹീദ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	വികലാംഗകര്‍ക്ക് സര്‍ക്കാര്‍ - പൊതുമേഖല സ്ഥാപനങ്ങളില്‍ നിയമനം നല്‍കാന്‍ കര്‍മ്മപദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ഭിന്നശേഷിക്കാര്‍ക്ക് സെന്‍സസ്

3083.

(എ)	സംസ്ഥാനത്തെ ഭിന്നശേഷിക്കാരുടെ സെന്‍സസ് തയ്യാറാക്കിയിട്ടുണ്ടോ; എത്ര ഭിന്നശേഷിക്കാര്‍ സംസ്ഥാനത്ത് ഉണ്ടെന്ന് വ്യക്തമാക്കുമോ;

(ബി)	ഭിന്നശേഷിക്കാരുടെ ഉന്നമനത്തിനായി എന്തെല്ലാം പരിപാടികള്‍ നടപ്പിലാക്കി വരുന്നു; വിശദമാക്കാമോ ;

(സി)	ഭിന്നശേഷിക്കാരായ യുവതികളുടെ വിവാഹത്തിന് ധനസഹായം ലഭ്യമാക്കുന്നുണ്ടോ; ഇല്ലെങ്കില്‍ ധനസഹായം ലഭ്യമാക്കാന്‍ നടപടി സ്വീകരിക്കുമോ?

മിശ്രവിവാഹിതര്‍ക്കുള്ള ധനസഹായം

3084.

(എ)	സാമൂഹ്യ നീതി വകുപ്പിന്‍ കീഴില്‍ ഏതെല്ലാം വിഭാഗങ്ങള്‍ക്കാണ് ധനസഹായവും സംരക്ഷണവും നല്‍കുന്നതെന്ന് വ്യക്തമാക്കുമോ;

(ബി)	സാമൂഹ്യനീതി വകുപ്പുവഴി മിശ്രവിവാഹിതര്‍ക്ക് ധനസഹായം അനുവദിയ്ക്കുന്നതിനുള്ള നടപടികള്‍ എന്തൊക്കെയെന്നും എത്ര രൂപവീതമാണ് ഈയിനത്തില്‍ ധനസഹായമായി നല്‍കുന്നതെന്നും വ്യക്തമാക്കുമോ;

(സി)	സാമൂഹ്യനീതി വകുപ്പിനു കീഴില്‍ ഓരോ വീഭാഗത്തിനും അനുവദിക്കുന്ന ധനസഹായം എത്ര വീതമെന്ന് വ്യക്തമാക്കുമോ?

സാമൂഹ്യസുരക്ഷാപെന്‍ഷനുകള്‍

3085.

(എ)	ഈ സര്‍ക്കാര്‍ അധികാരത്തില്‍ വന്നശേഷം ഏതൊക്കെ സാമൂഹ്യസുരക്ഷാപെന്‍ഷനുകളാണ് തുടര്‍ന്നും നല്‍കിവരുന്നതെന്ന് വ്യക്തമാക്കാമോ;

(ബി)	പ്രസ്തുത പെന്‍ഷനുകളില്‍ ഏതൊക്കെയാണ് ഇതുവരെയായി പ്രതിമാസ വര്‍ദ്ധനവായി ഉണ്ടായിട്ടുള്ളത്;

(സി)	ഇതില്‍ നാളിതുവരെ എത്ര രൂപയുടെ കുടിശ്ശിക ഉണ്ടായിട്ടുണ്ടെന്ന് ഓരോ പെന്‍ഷനും തിരിച്ച് വ്യക്തമാക്കാമോ?

കേരള ലോക്കല്‍ ഗവണ്‍മെന്റ്സ൪വ്വീസസ് ഡെലിവറി പ്രോജക്ടിന്റെ രണ്ടാം ഘട്ടം

3086.

ശ്രീ.എ.റ്റി.ജോര്‍ജ്
,, പി.എ.മാധവന്‍
,, എ.പി.അബ്ദുള്ളക്കുട്ടി
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പഞ്ചായത്തുകളില്‍ കേരള ലോക്കല്‍ ഗവണ്‍മെന്റ്സ൪വ്വീസസ് ഡെലിവറി പ്രോജക്ടിന്റെ രണ്ടാം ഘട്ടം നടപ്പാക്കാന്‍ കര്‍മ്മ പദ്ധതി ആവിഷ്കരിച്ചിട്ടുണ്ടോ;

(ബി)	എന്തെല്ലാം ലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	ഇത് നടപ്പാക്കാന്‍ ഭരണ തലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

പരിശീലന പഠന പരിപാടികള്‍

3087.

ശ്രീ.അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി തെരെഞ്ഞെടുക്കപ്പെട്ട ത്രിതല പഞ്ചായത്ത് അംഗങ്ങള്‍ക്ക് തദ്ദേശ സ്വയംഭരണ സ്ഥാപനങ്ങള്‍ നിര്‍വ്വഹിക്കേണ്ട ചുമതലകളെക്കുറിച്ചും വിവിധ പദ്ധതികളെക്കുറിച്ചും സേവനങ്ങളെക്കുറിച്ചും ബോധവല്‍ക്കരണം നടത്തുന്നതിന് നടപ്പിലാക്കുന്ന പരിശീലന പഠന പരിപാടികള്‍ എന്തൊക്കയാണെന്ന് വിശദമാക്കാമോ;

(ബി)	ഏതെല്ലാം ഏജന്‍സികള്‍ മുഖേനയാണ് ഇത്തരം പരിശീലന പരിപാടികള്‍ സംഘടിപ്പിക്കുന്നതെന്ന് വ്യക്തമാക്കുമോ;

(സി)	പുതിയ ഭരണസമിതികള്‍ തെരെഞ്ഞെടുക്കപ്പെട്ട ശേഷം എത്ര പരിശീലന പരിപാടികള്‍ സംഘടിപ്പിച്ചുവെന്നും ഇനി എത്രയെണ്ണം സംഘടിപ്പിക്കാനുണ്ടെന്നും എത്ര സമയ പരിധിക്കുള്ളില്‍ ഇവ പൂര്‍ത്തിയാകുമെന്നും അറിയിക്കുമോ?

Website maintained by Information System Section, Kerala Legislative Assembly, Thiruvananthapuram.