13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >15^th Session>Unstarred questions Answers

Answer Provided

Answer Not Yet Provided

THIRTEENTH KLA - 15^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

മുഖാമുഖം സഹകാരി പരിപാടി

2291.

ശ്രീ.ഡൊമിനിക് പ്രസന്റേഷന്‍
,, തേറമ്പില്‍ രാമകൃഷ്ണന്‍
,, ടി.എന്‍. പ്രതാപന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സഹരണ മേഖലയില്‍ മുഖാമുഖം സഹകാരി സമ്പര്‍ക്ക പരിപാടി ആവിഷ്ക്കരിച്ചിട്ടുണ്ടോ;

(ബി)	ഇതിന്റെ ഉദ്ദേശ്യലക്ഷ്യങ്ങൾ എന്തെല്ലാം; വിശദാംശങ്ങള്‍ നല്‍കുമോ;

(സി)	ഇതിന്റെ നടത്തിപ്പിനായി ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

ധാര പദ്ധതി

2292.

ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ സംഘങ്ങളെ ശക്തിപ്പെടുത്തുന്നതിന് ധാര എന്ന പേരില്‍ പദ്ധതി നടപ്പാക്കുമെന്ന് 2013-14 ബഡ്ജറ്റില്‍ പ്രഖ്യാപിച്ചിട്ടുണ്ടോ ;

(ബി)	ഇതിന്റെ ആദ്യഘട്ടമായി ഏതെല്ലാം സ്ഥലങ്ങളില്‍ എന്തെല്ലാം പ്രവ൪ത്തനങ്ങളാണ് നടപ്പാക്കുന്നതിന് തീരുമാനിച്ചിരുന്നത് ;

(സി)	ഇതിനായി എത്ര തുക നീക്കിവച്ചിരുന്നുവെന്നും ഇതുവരെ എത്ര തുക വിനിയോഗിച്ച് ഏതെല്ലാം പ്രവര്‍ത്തനങ്ങള്‍ നടപ്പിലാക്കിയെന്നും വെളിപ്പെടുത്തുമോ ?

സാഗര സഹകരണ ആശുപത്രിയുടെ പ്രവര്‍ത്തനം

2293.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

കേപ്പിന്റെ കീഴില്‍ ആലപ്പുഴ പുന്നപ്രയില്‍ പ്രവര്‍ത്തിക്കുന്ന സാഗര ആശുപത്രിയില്‍ സ്ര‍ക്കാരിന്റെ വിഷന്‍ 676 പദ്ധതിയില്‍ ഉള്‍പ്പെടുത്തി എന്തൊക്കെ വികസന പ്രവര്‍ത്തനങ്ങള്‍ക്കാണ് സഹകരണ വകുപ്പ് ശുപാര്‍ശ നല്‍കിയിട്ടുള്ളത്; ഇതില്‍ ഏതൊക്കെ വികസന പ്രവര്‍ത്തനങ്ങള്‍ നടപ്പാക്കി; നടപ്പാക്കാത്തവ ഏതെല്ലാം; വിശദമാക്കാമോ;

(ബി)	സാഗര ആശുപത്രിയില്‍ മരുന്നും മറ്റു സര്‍ജിക്കല്‍ ഉപകരണങ്ങളും എവിടെ നിന്നാണ് വാങ്ങിയിരുന്നത്; ഇപ്പോള്‍ ഇവ വാങ്ങുന്നതിന് സ്വകാര്യസ്ഥാപനവുമായി കരാറില്‍ ഏര്‍പ്പെട്ടിട്ടുണ്ടോ; ഉണ്ടെങ്കില്‍ പ്രസ്തുത സ്വകാര്യ സ്ഥാപനം ഏതാണ്; കേരള മെഡിക്കല്‍ കോര്‍പ്പറേഷനെ ഒഴിവാക്കാനുള്ള കാരണമെന്ത്; വ്യക്തമാക്കാമോ;

(സി)

സാഗര ആശുപത്രിയിലെ ഹൃദയ ശസ്ത്രക്രിയാ വിഭാഗം പ്രവര്‍ത്തിപ്പിക്കുന്നതിന് ഏതെങ്കിലും സ്ഥാപനവുമായോ/ വ്യക്തികളുമായോ ധാരണാപത്രത്തില്‍ ഒപ്പുവച്ചിട്ടുണ്ടോ; ഇത്തരത്തില്‍ തീരുമാനമെടുക്കാനുണ്ടായ സാഹചര്യം വ്യക്തമാക്കാമോ; ഹൃദയ ശസ്ത്രക്രിയാ വിഭാഗത്തിന്റെ പ്രവ്ര‍ത്തനം ആരംഭിക്കാന്‍ കഴിയാത്തതിന്റെ കാരണം വിശദമാക്കാമോ?

സഹകരണ മേഖലയെ ശക്തിപ്പെടുത്തുന്നതിന് നടപടി

2294.

ശ്രീ.റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വീസ് സഹകരണ ബാങ്കുകളിലെയും സംഘങ്ങളിലെയും സാമ്പത്തിക ക്രമക്കേടുകള്‍ തടയുന്നതിനും അവയെ കൂടുതല്‍ കാര്യക്ഷമമാക്കുന്നതിനും കമ്പ്യൂട്ടറൈസ്ഡ് സംവിധാനങ്ങളും സര്‍പ്രൈസ് ഇന്‍സ്പെക്ഷനും നടത്തുന്നതിന് നടപടി ഉണ്ടാകുമോ;

(ബി)	സഹകരണ സ്ഥാപനങ്ങളിലൂടെ കൂടുതല്‍ കാര്‍ഷിക വായ്പകള്‍ നല്കുന്നതിനും ഗുണഭോക്താക്കളുടെ വര്‍ദ്ധനവ് വിലയിരുത്തുന്നതിനും പ്രത്യേക നടപടി ഉണ്ടാകുമോ?

സഹകരണ മേഖലയും അഴിമതിയും

2295.

ശ്രീ.ഇ.പി.ജയരാജന്‍
,, എ.എം. ആരിഫ്
,, കെ.വി.വിജയദാസ്
,, വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ മേഖലയില്‍ അഴിമതി നിലനില്‍ക്കുന്നു എന്ന ആക്ഷേപം ശ്രദ്ധയില്‍പെട്ടിട്ടുണ്ടോ; എങ്കില്‍ ഇതിന്മേലുള്ള നിലപാട് വ്യക്തമാക്കുമോ;

(ബി)	സഹകരണ സ്ഥാപനങ്ങളെ തകര്‍ക്കുകയും പൊതു വിപണിയിലടക്കം ഇടപെട്ട് സമൂഹത്തിന് ഗുണകരമാകുന്നതിന് സാധിച്ചിരുന്ന സ്ഥാപനങ്ങള്‍പോലും നഷ്ടങ്ങള്‍ കാരണം പൂട്ടിയിടുകയും ചെയ്യുന്നതായി പറയപ്പെടുന്ന സ്ഥിതിവിശേഷം പരിശോധിച്ചിട്ടുണ്ടോ;

(സി)	അഴിമതിക്കാരെ സഹകരണ പ്രസ്ഥാനങ്ങളുടെ ഉന്നത സ്ഥാനങ്ങളില്‍ നിയമിച്ച് സഹകരണമേഖലയുടെ ഉദ്ദേശ്യലക്ഷ്യങ്ങള്‍ തകര്‍ക്കുന്ന സമീപനമാണ് സ്വീകരിച്ചതെന്ന ആക്ഷേപം ശ്രദ്ധയില്‍പെട്ടിട്ടുണ്ടോ; എങ്കില്‍ ഇതു സംബന്ധിച്ച നിലപാട് വ്യക്തമാക്കുമോ?

സഹകരണ മേഖലയിലെ നിക്ഷേപങ്ങള്‍

2296.

ശ്രീ.പി.എ.മാധവന്‍
,, അന്‍വര്‍ സാദത്ത്
,, എം.പി.വിന്‍സെന്‍റ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് സഹകരണ മേഖലയില്‍ നിക്ഷേപ രംഗത്തെ ഉണര്‍വിനായി കര്‍മ്മ പരിപാടികള്‍ ആവിഷ്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	ഇത് നടപ്പാക്കാന്‍ ഭരണ തലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സഹകരണ മേഖലയില്‍ ഓപ്പറേഷന്‍ കുബേര പദ്ധതി

2297.

ശ്രീ.എം.പി.വിന്‍സെന്‍റ്
,, പാലോട് രവി
,, എ.പി.അബ്ദുള്ളക്കുട്ടി
,, ടി.എന്‍. പ്രതാപന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് സഹകരണ മേഖലയില്‍ ഓപ്പറേഷന്‍ കുബേര പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പദ്ധതിയുടെ നടത്തിപ്പിനായി ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സഹകരണ സംഘങ്ങള്‍ വഴി നെല്ല് സംഭരണം

2298.

ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സ്വന്തമായി സംഭരണശേഷിയുള്ള സഹകരണ സംഘങ്ങള്‍ക്ക് നെല്ല് നേരിട്ട് സംഭരിക്കുന്നതിനും അരിമില്ലുകള്‍ സ്ഥാപിക്കുന്നതിനും അനുമതി നല്‍കിയിട്ടുണ്ടോ; എങ്കിൽ വിശദാംശങ്ങള്‍ വ്യക്തമാക്കുമോ;

(ബി)	പ്രസ്തുത പദ്ധതി ഏറ്റെടുത്തു നടത്തുന്നതിന് തയ്യാറായി വരുന്ന സഹകരണ സംഘങ്ങള്‍ക്ക് എന്തെല്ലാം സഹായങ്ങളാണ് നല്‍കുന്നതെന്ന് അറിയിക്കുമോ;

(സി)	അത്തരം സഹകരണസംഘങ്ങളെ കണ്ടെത്തി പ്രോത്സാഹിപ്പിക്കുന്നതിനും വായ്പയും സാമ്പത്തിക സഹായവും നല്‍കുന്നതിനും നടപടി സ്വീകരിക്കുമോ ?

സഹകരണ ബാങ്കില്‍ നിന്നും വായ്പ

2299.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

ത്രിതല സഹകരണ ബാങ്കില്‍ നിന്നും വായ്പ എടുക്കുകയും തുടര്‍ന്നു വായ്പക്കാരന് മാരകമായ അസുഖം പിടിപെടുക, മരണെപ്പെടുക തുടങ്ങിയ സന്ദര്‍ഭങ്ങളില്‍ ലോണ്‍ തുകയില്‍ കുറവ് വരുത്തിയോ , മാനുഷിക പരിഗണന നല്‍കി വായ്പാ തുക ഒഴിവാക്കുകയോ ചെയ്യുന്ന നടപടി ഗവണ്‍മെന്റ് സ്വീകരിക്കുന്നുണ്ടോ; എങ്കില്‍ ആയത് ഏതൊക്കെ സാഹചര്യങ്ങളിലാണെന്നും , നല്‍കുന്ന സഹായം എന്താണെന്നും അറിയിക്കുമോ ;

(ബി)

വൃക്ക സംബന്ധമായ രോഗം, കാന്‍സര്‍, ഗുരുതരമായ ഹൃദയ രോഗങ്ങള്‍ എന്നിവ മൂലം വായ്പ തിരിച്ചടവ് മുടങ്ങുന്നവര്‍ മരണപ്പെട്ടാല്‍ റിസ്ക് ഫണ്ട് പരിധിയില്‍ ഇവരെ ഉള്‍പ്പെടുത്തുവാന്‍ നിയമം അനുവദിക്കുന്നുവോ ; ഇല്ലായെങ്കില്‍ കാര്യം ബോദ്ധ്യപ്പെട്ട് പ്രത്യേക പരിഗണന നല്‍കുവാന്‍ ഗവണ്‍മെന്റ് നടപടികള്‍ സ്വീകരിക്കുന്നുണ്ടോ ; വിശദാംശം അറിയിക്കുമോ ?

സഹകരണ മേഖലയില്‍ നിക്ഷേപ സമാഹരണ യജ്ഞം

2300.

ശ്രീ.കെ.അച്ചുതന്‍
,, പി.എ.മാധവന്‍
,, കെ.മുരളീധരന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് സഹകരണ മേഖലയില്‍ നിക്ഷേപ സമാഹരണ യജ്ഞം നടത്തിയിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇതുവഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

സഹകരണ മേഖലയില്‍ ജനക്ഷേമകരമായ പദ്ധതികള്‍

2301.

ശ്രീ.കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ജനക്ഷേമകരമായ പദ്ധതികള്‍ സഹകരണ മേഖലയില്‍കൂടി നടപ്പാക്കുമെന്ന് പ്രഖ്യാപിച്ച് 2013 ലെ ബഡ്ജറ്റില്‍ നീക്കിവച്ച 75 കോടി രൂപ ലക്ഷ്യമിട്ട തരത്തില്‍ ഉപയോഗപ്പെടുത്തുന്നതിന് സാധിച്ചിട്ടുണ്ടോ ;

(ബി)	പ്രസ്തുത ഇനത്തില്‍ വകയിരുത്തിയ തുകയില്‍ ഇതേ ആവശ്യത്തിലേക്കായി എത്ര കോടി രൂപ ചെലവഴിച്ചു എന്ന് വ്യക്തമാക്കുമോ?

സഹകരണ വകുപ്പില്‍ വകുപ്പ് പുന:സംഘടന

2302.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ വകുപ്പില്‍ വകുപ്പ് പുന:സംഘടിപ്പിക്കുന്നതിനായി എന്തെങ്കിലും ചര്‍ച്ചകളോ നടപടികളോ ആരംഭിച്ചിട്ടുണ്ടോ; എങ്കില്‍ അതിന്റെ വിശദാംശം ലഭ്യമാക്കാമോ;

(ബി)	വകുപ്പ് പുന:സംഘടനയുടെ ഭാഗമായി ഇതുവരെ സര്‍ക്കാര്‍ നടത്തിയ ചര്‍ച്ചകളില്‍ പങ്കെടുത്തവര്‍ ആരെല്ലാമാണെന്ന് വ്യക്തമാക്കുമോ?

സഹകരണ സംഘങ്ങളില്‍ മോഡല്‍ ബൈലോ

2303.

(എ)	സഹകരണ സംഘങ്ങളില്‍ വിവിധ കാറ്റഗറികള്‍ക്കായി സര്‍ക്കാര്‍ തലത്തില്‍ മോഡല്‍ ബൈലോ നിലവിലുണ്ടോ;

(ബി)	ഇല്ലെങ്കില്‍ മോഡല്‍ ബൈലോ നടപ്പില്‍ വരുത്താന്‍ നടപടികള്‍ സ്വീകരിക്കുമോ?

സഹകരണ സ്ഥാപനങ്ങള്‍ വഴി സൗരോര്‍ജ്ജ സംവിധാനത്തിന് വായ്പ

2304.

(എ)	സഹകരണ സ്ഥാപനങ്ങള്‍ വഴി സൗരോര്‍ജ്ജ സംവിധാനത്തിന് വായ്പയും സബ്സിഡിയും അനുവദിക്കുമെന്ന് 2013-14 ലെ ബഡ്ജറ്റില്‍ പ്രഖ്യാപിച്ചിരുന്നോ എന്ന് വ്യക്തമാക്കുമോ;

(ബി)	ഏതെല്ലാം സംഘങ്ങള്‍ക്ക് എത്ര വീതം തുക നല്കിയെന്നും എവിടെയെല്ലാം എന്തെല്ലാം പദ്ധതികള്‍ നടപ്പിലാക്കിയെന്നും വിശദമാക്കുമോ?

സഹകരണ സ്ഥാപനങ്ങളിലെ സംവരണ ചട്ടം

2305.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	വിവിധ മേഖലകളില്‍ പ്രവര്‍ത്തിക്കുന്ന സഹകരണ ബാങ്കുകളും സഹകരണ സംഘങ്ങളും എത്രയെണ്ണമുണ്ട്;

(ബി)	പ്രസ്തുത സ്ഥാപനങ്ങളില്‍ ആകെ എത്ര ജീവനക്കാരുണ്ടെന്നും പട്ടികജാതി-പട്ടിക വര്‍ഗ്ഗ വിഭാഗത്തില്‍പ്പെട്ടവര്‍ എത്രയെന്നും വ്യക്തമാക്കുമോ;

(സി)	പ്രസ്തുത സ്ഥാപനങ്ങളിലെ ജീവനക്കാരുടെ നിയമനത്തില്‍ സംവരണ ചട്ടങ്ങള്‍ ഉറപ്പാക്കുവാനായി സ്വീകരിച്ചിട്ടുളള നടപടികള്‍ വിശദമാക്കുമോ;

(ഡി)	നിയമനങ്ങളില്‍ പി.എസ്.സി അനുശാസിക്കുന്ന സംവരണ നിയമങ്ങള്‍ പാലിക്കുന്നുവെന്നും എസ്.സി/എസ്.ടി പ്രാതിനിധ്യം ഉറപ്പാക്കിയിട്ടുണ്ടെന്നും പരിശോധിക്കുവാന്‍ പ്രത്യേക നടപടികള്‍ സ്വീകരിക്കുമോ?

സഹകരണ സ്ഥാപനങ്ങളുടെ പ്രവര്‍ത്തനം

2306.

ശ്രീ.എന്‍. ഷംസുദ്ദീന്‍
,, പി.ബി. അബ്ദുൾ റസാക്
,, കെ.എം.ഷാജി
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിനുശേഷം സഹകരണ സ്ഥാപനങ്ങളുടെ പ്രവര്‍ത്തനത്തില്‍ ഉണ്ടായ ഗുണപരമായ മാറ്റം സംബന്ധിച്ച വിശദവിവരം നല്‍കാമോ;

(ബി)	റിസര്‍വ് ബാങ്ക്, നബാര്‍ഡ് എന്നിവയുടെ നിലപാടുകള്‍ സംസ്ഥാന സഹകരണ മേഖലയ്ക്ക് സഹായകരമല്ലാത്ത സാഹചര്യം ഉണ്ടാക്കുന്നുണ്ടോ; എങ്കില്‍ അതു സംബന്ധിച്ച വിവരങ്ങള്‍ അറിയിക്കുമോ;

(സി)	ഇത്തരം വിഘാതങ്ങള്‍ തരണം ചെയ്യുന്നതിനും ഒപ്പം സംഘങ്ങളുടെ പ്രവര്‍ത്തനത്തിലെ അനാവശ്യ പ്രവണതകള്‍ നിയന്ത്രിക്കുന്നതിനും എന്തെല്ലാം മുന്‍കരുതലുകളാണ് സ്വീകരിച്ചിട്ടുളളതെന്ന് വ്യക്തമാക്കുമോ?

അപക്സ് സഹകരണ സംഘങ്ങളിലെ പി.എസ്.സി.ക്കു വിട്ട നിയമനങ്ങള്‍

2307.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ അപെക്സ് സഹകരണ സംഘങ്ങളിലെ നിയമനങ്ങള്‍ പി.എസ്.സി .-യ്ക്ക് വിട്ടതെപ്പോഴാണ്; വിശദമാക്കുമോ;

(ബി)	നിയമനങ്ങള്‍ പി.എസ്.സി. യ്ക്ക് വിട്ട സഹകരണ സ്ഥാപനങ്ങളില്‍ സ്പെഷ്യല്‍ റൂള്‍സ് തയ്യാറാക്കിയിട്ടുണ്ടോ; ഇല്ലെങ്കില്‍ ഇതിനുള്ള തടസ്സമെന്താണ്; ഏതൊക്കെ സ്ഥാപനങ്ങളിലാണ് സ്പെഷ്യല്‍ റൂള്‍സ് തയ്യാറാക്കിയിട്ടില്ലാത്തത്;

(സി)	സ്പെഷ്യല്‍ റൂള്‍സ് തയ്യാറാക്കി പി.എസ്.സി.-യ്ക്ക് ഒഴിവുകള്‍ റിപ്പോര്‍ട്ട് ചെയ്യുന്നതിന് അടിയന്തര നടപടി സ്വീകരിക്കുമോ?

കേപ്പ്-എഞ്ചിനീയറിംഗ് കോളേജുകള്‍

2308.

(എ)

കേപ്പിന്റെ കീഴിലുള്ള എഞ്ചിനീയറിംഗ് കോളേജുകളില്‍ നിര്‍ദ്ദിഷ്ട മാനദണ്ഡങ്ങള്‍ പാലിക്കാത്തതിനാല്‍ 2011 ജൂണ്‍ മുതല്‍ 2015 നവംബര്‍ വരെയുള്ള കാലഘട്ടത്തിനിടയ്ക്ക് എ.ഐ.സി.റ്റി.ഇ/സര്‍വ്വകലാശാല എന്നിവ കോഴ്സുകള്‍ക്കായി അനുവദിച്ച സീറ്റുകളുടെ എണ്ണത്തില്‍ കുറവ് വരുത്തിയിട്ടുണ്ടോ; എങ്കില്‍ ഏതെല്ലാം കോളേജുകളില്‍ എത്ര സീറ്റുകള്‍ വീതം കുറവു വരുത്തി; വിശദമാക്കാമോ;

(ബി)	സീറ്റുകള്‍ വെട്ടിക്കുറയ്ക്കുവാനുള്ള സാഹചര്യം ഉണ്ടാകാന്‍ കാരണമെന്ത്; കേപ്പിന് ഈ സാഹചര്യം ഒഴിവാക്കാന്‍ കഴിയാതെ പോയതിന് കാരണം വിശദമാക്കാമോ?

സംയോജിത സഹകരണ വികസന പദ്ധതി

2309.

ശ്രീ.അന്‍വര്‍ സാദത്ത്
,, വര്‍ക്കല കഹാര്‍
,, ആര്‍ . സെല്‍വരാജ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ മേഖലയില്‍ സംയോജിത സഹകരണ വികസന പദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത് ; വിശദാംശങ്ങള്‍ എന്തെല്ലാം;

(സി)	പദ്ധതിയുടെ നടത്തിപ്പിനായി ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

മൊബൈല്‍ ത്രിവേണി സ്റ്റോറുകള്‍

2310.

ശ്രീ.സി.ദിവാകരന്‍
,, ഇ.കെ.വിജയന്‍
ശ്രീമതി.ഇ.എസ്.ബിജിമോള്‍
ശ്രീ.കെ.രാജു : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കണ്‍സ്യൂമര്‍ ഫെഡിന്റെ കീഴില്‍ എത്ര മൊബൈല്‍ ത്രീവേണി സ്റ്റോറുകളാണ് പ്രവര്‍ത്തിച്ചിരുന്നത് ; ഇപ്പോള്‍ എത്ര എണ്ണം പ്രവര്‍ത്തിക്കുന്നുണ്ട് ;

(ബി)	പ്രസ്തുത സംവിധനം തകര്‍ന്നടിയുവാനുണ്ടായ കാരണങ്ങള്‍ എന്തെല്ലാമാണ് ;

(സി)	പൊതു വിപണിയേക്കാള്‍ എത്ര ശതമാനം വിലക്കുവിലാണ് പ്രസ്തുത സ്റ്റോറുകളിലുടെ സാധനങ്ങള്‍ വിറ്റഴിച്ചിരുന്നത് ;

(ഡി)	പ്രസ്തുത സ്റ്റോറുകളുടെ പ്രവര്‍ത്തനം പുനരാംഭിയ്ക്കുവാനുദ്ദേശിക്കുന്നുണ്ടോ ; ഉണ്ടെങ്കില്‍ അതിനുള്ള എന്തെല്ലാം നടപടികള്‍ സ്വീകരിച്ചു വരുന്നുണ്ടെന്ന് വ്യക്തമാക്കുമോ ?

ഉത്തേജന പലിശയിളവ് പദ്ധതി

2311.

ശ്രീ.എം.എ. വാഹീദ്
,, എം.പി.വിന്‍സെന്‍റ്
,, വി.ഡി.സതീശന്‍
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് സഹകരണ മേഖലയില്‍ ഉത്തേജന പലിശയിളവ് പദ്ധതി ആവിഷ്ക്കരിച്ചിട്ടുണ്ടോ;

(ബി)	പദ്ധതിയുടെ ഉദ്ദേശ്യലക്ഷ്യങ്ങൾ എന്തെല്ലാം; വിശദാംശങ്ങള്‍ എന്തെല്ലാം;

(സി)	പദ്ധതി നടത്തിപ്പിനായി ഭരണതലത്തില്‍ എന്തെല്ലാം നടപടികല്‍ സ്വീകരിച്ചിട്ടുണ്ട്?

പലിശരഹിത വായ്പ

2312.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രാഥമിക സഹകരണ സംഘങ്ങൾ കാര്‍ഷികമേഖലയ്ക്ക് പലിശരഹിത വായ്പ അനുവദിക്കുന്നുണ്ടോ;

(ബി)	ഈ സാമ്പത്തിക വര്‍ഷം ഇതിനായി എന്തു തുക ലഭ്യമാക്കി എന്നു വ്യക്തമാക്കാമോ; ഇതിന്റെ ജില്ല തിരിച്ചുളള കണക്ക് ലഭ്യമാക്കുമോ ?

റിസ്ക്ക് ഫണ്ട് പദ്ധതി

2313.

ശ്രീ.കെ.അജിത് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ സംഘങ്ങളില്‍ നിന്നും വായ്പയെടുക്കുന്ന ആള്‍ വായ്പ ബാദ്ധ്യത ബാക്കി നില്‍ക്കെ മരണമടഞ്ഞാല്‍ റിസ്ക്ക് ഫണ്ട് പദ്ധതി പ്രകാരം അയാള്‍ക്ക് ഏതു രീതിയിലാണ് ആനുകൂല്യം ലഭ്യമാവുന്നത് ; കുടിശ്ശിക വരുത്താത്ത ഇടപാടുകാരനും ഇപ്രകാരമുള്ള ആനുകൂല്യം ലഭിക്കുമോ എന്ന് വ്യക്തമാക്കുമോ;

(ബി)	വൈക്കം നിയോജക മണ്ഡലത്തിലെ ഏതെങ്കിലും ബാങ്കുകള്‍ റിസ്ക്ക് ഫണ്ട് പദ്ധതിയില്‍ പ്പെടാത്തതായി ഉണ്ടോ എന്നും ഉണ്ടെങ്കില്‍ ഏതെല്ലാം ബാങ്കുകളാണ് എന്നും വെളിപ്പെടുത്തുമോ;

(സി)	ബാങ്കുകള്‍ യഥാസമയം റിസ്ക്ക് ഫണ്ട് പദ്ധതി നടപ്പാക്കാത്തതിന്റെ പേരില്‍ ഒരു സഹകാരിക്ക് ആനുകൂല്യം നഷ്ടപ്പെടുന്ന സ്ഥിതിയുണ്ടായാല്‍ ഇതിന്റെ നഷ്ടപരിഹാരം ആരില്‍ നിന്നാവും ഈടാക്കുക എന്ന് വ്യക്തമാക്കുമോ?

കാര്‍ഷിക മേഖലയിലെ സഹകരണ സംഘങ്ങള്‍

2314.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കാര്‍ഷിക മേഖലയില്‍ പ്രവര്‍ത്തിക്കുന്ന എത്ര സഹകരണ സംഘങ്ങള്‍ ഉണ്ട് ; പ്രസ്തുത സംഘങ്ങൾക്ക് പ്രതിവര്‍ഷം ഗ്രാന്‍റായി നല്‍കുന്ന തുക എത്രയാണെന്ന് വ്യക്തമാക്കുമോ ;

(ബി)	സഹകരണ ബാങ്കുകള്‍ നല്‍കുന്ന കാര്‍ഷിക വായ്പകളുടെയും കാര്‍ഷിക ബാങ്കുകള്‍ നല്‍കുന്ന വായ്പകളുടെയും വിനിയോഗം പരിശോധിക്കുന്നതിന് എന്തെല്ലാം സംവിധാനങ്ങളാണ് നിലവിലുള്ളത് ;

(സി)

കാര്‍ഷിക വായ്പകളുടെ വിനിയോഗം ശരിയായ നിലയിലാണോ എന്നും പ്രസ്തുത വായ്പ ഉപയോഗിച്ച് ചെയ്തിട്ടുള്ള പ്രവര്‍ത്തനങ്ങള്‍ കാര്‍ഷിക മേഖലയുടെ സംരക്ഷണത്തിനും ഉത്പാദന വര്‍ദ്ധനവിനും അനുഗുണമായിട്ടുണ്ടോ എന്നു പരിശോധിക്കുന്നതിനും നടപടികളുണ്ടോ; പ്രസ്തുത പരിശോധനയില്‍ തുക ദുരുപയോഗം ചെയ്യപ്പെടുന്നതായി ബോധ്യപ്പെട്ടിട്ടുണ്ടോ; ഇത്തരം എത്ര കേസുകളില്‍ നടപടി സ്വീകരിച്ചു ; വിശദമാക്കുമോ ?

കാര്‍ഷിക വായ്പകള്‍

2315.

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	2015-16 സാമ്പത്തിക വര്‍ഷത്തില്‍ ഇതുവരെ സഹകരണ ബാങ്കുകള്‍ എത്ര തുകയ്ക്കുള്ള കാര്‍ഷിക വായ്പ ലഭ്യമാക്കിയെന്ന് വ്യക്തമാക്കുമോ;

(ബി)	പ്രസ്തുത വായ്പയില്‍ സംസ്ഥാന കാര്‍ഷിക ഗ്രാമവികസന ബാങ്ക്, സംസ്ഥാന സഹകരണ ബാങ്ക്, ജില്ലാ സഹകരണ ബാങ്ക്, പ്രൈമറി കാര്‍ഷിക സംഘങ്ങള്‍ എന്നിവ എത്ര തുകവീതം വിതരണം ചെയ്തുവെന്ന് വ്യക്തമാക്കുമോ;

(സി)	പ്രസ്തുത വായ്പകളില്‍ കൃഷിക്കാര്‍ക്ക് ഏതെങ്കിലും പലിശയിളവ് നല്‍കിയിട്ടുണ്ടോ; ഉണ്ടെങ്കില്‍ എത്ര തുക നല്‍കി എന്ന് വിശദമാക്കുമോ?

ത്രിവേണി, നന്മ, നീതി സ്റ്റോറുകൾ

2316.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ത്രിവേണി, നന്മ, നീതി സ്റ്റോറുകളില്‍ ആവശ്യമായ നിത്യോപയോഗ സാധനങ്ങള്‍ ലഭ്യമല്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത സ്ഥാപനങ്ങള്‍ വഴി വിതരണം ചെയ്യുന്ന സാധനങ്ങള്‍ക്ക് നിലവില്‍ സബ്‍സിഡി ലഭിക്കുന്നുണ്ടോ എന്ന് വിശദമാക്കുമോ;

(സി)	പ്രസ്തുത സ്ഥാപനങ്ങള്‍ വഴി നിത്യോപയോഗ സാധനങ്ങള്‍ സബ്‍സിഡി നിരക്കില്‍ വിതരണം ചെയ്യുന്നതിന് സ്വീകരിച്ച നടപടികള്‍ വിശദമാക്കുമോ;

(ഡി)	പൊതുവിണിയിലെ വിലക്കയറ്റം പിടിച്ചുനിര്‍ത്തുന്നതിനും ത്രിവേണി, നീതി, നന്മ സ്റ്റോറുകളുടെ പ്രവര്‍ത്തനം കാര്യക്ഷമമാക്കുന്നതിനും സ്വീകരിച്ച നടപടികള്‍ വിശദമാക്കുമോ?

സുവര്‍ണ്ണ കേരളം പദ്ധതി

2317.

ശ്രീമതി.ഗീതാ ഗോപി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സുവര്‍ണ്ണ കേരളം പദ്ധതി എന്താണെന്ന് വിശദമാക്കുമോ;

(ബി)	ഏതെല്ലാം മേഖലകളിലാണ് പ്രസ്തുത പദ്ധതി നടപ്പാക്കാനുദ്ദേശിക്കുന്നതെന്ന് വിശദീകരിക്കുമോ?

സുവര്‍ണ്ണ കേരളം പദ്ധതി

2318.

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ജൈവപച്ചക്കറിയുടെ വ്യാപനത്തിനായി നടപ്പിലാക്കിയ സുവര്‍ണ്ണ കേരളം പദ്ധതിയുടെ വിശദാംശം ജില്ലാടിസ്ഥാനത്തില്‍ ലഭ്യമാക്കുമോ;

(ബി)	പ്രസ്തുത പദ്ധതിയുമായി ബന്ധപ്പെട്ട് എത്ര സഹകരണ സംഘങ്ങള്‍ പ്രവര്‍ത്തിക്കുന്നുണ്ടെന്നുള്ള വിവരം ജില്ലാടിസ്ഥാനത്തില്‍ വ്യക്തമാക്കുമോ?

മുട്ടത്തറ കേപ്പ് എഞ്ചിനീയറിംഗ് കോളേജ്

2319.

ശ്രീ.ആര്‍ . സെല്‍വരാജ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	2016-17 അദ്ധ്യയന വര്‍ഷത്തില്‍ മുട്ടത്തറ കേപ്പ് എഞ്ചിനീയറിംഗ് കോളേജ് ആരംഭിക്കുന്നതിന് തടസ്സങ്ങള്‍ ഉണ്ടോ; എ.ഐ.സി.റ്റി.ഇ അംഗീകാരം കിട്ടാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	പ്രസ്തുത കോളേജിന്റെ നിര്‍മ്മാണം എന്നത്തേയ്ക്ക് പൂര്‍ത്തിയാക്കാന്‍ കഴിയും; നിര്‍മ്മാണ പ്രവര്‍ത്തനങ്ങള്‍ക്ക് എത്ര രൂപ ചെലവായി ; ഏതൊക്കെ പണികളാണ് പൂര്‍ത്തിയാക്കാനുള്ളത്; വിശദാംശം ലഭ്യമാക്കുമോ;

(സി)	കോളേജിന് ആവശ്യമായ ഫര്‍ണിച്ചറുകളുടെ ഓര്‍ഡര്‍ നല്‍കുന്നതിനുള്ള അഡ്മിനിസ്ട്രേറ്റീവ് സാങ്ഷന്‍ എന്നാണ് കേപ്പ് എക്സിക്യൂട്ടീവ് കമ്മിറ്റി നല്‍കിയത്; ഓര്‍ഡര്‍ നല്‍കുന്നതിനുള്ള തടസ്സം എന്താണ്; ഇതിന് ചുമതലപ്പെട്ട കേപ്പ് -ലെ ഉദ്യോഗസ്ഥര്‍ ആരാണ് ;

(ഡി)	പ്രസ്തുത കോളേജിന് എ.ഐ.സി.റ്റി.ഇ അംഗീകാരം ലഭിക്കാന്‍ ഏതൊക്കെ ലാബുകളാണ് സജ്ജീകരിക്കേണ്ടത് ; പ്രസ്തുത ലാബുകള്‍ക്കുള്ള ഉപകരണങ്ങള്‍ വാങ്ങാന്‍ എന്തൊക്കെ നടപടികള്‍ സ്വീകരിച്ചു;

(ഇ)	പ്രസ്തുത കോളേജിനു വേണ്ടി വര്‍ക്ക്ഷോപ്പ് സജ്ജീകരിക്കുന്ന നടപടി സ്വീകരിച്ചിട്ടുണ്ടോ ; എങ്കില്‍ എന്തൊക്കെ നടപടികളാണെന്ന് വ്യക്തമാക്കുമോ ; പ്രസ്തുത ക്രമീകരണങ്ങള്‍ക്ക് ഏത് ഉദ്യോഗസ്ഥനെയാണ് ചുമതലപ്പെടുത്തിയിരിക്കുന്നത് എന്ന് വ്യക്തമാക്കുമോ ;

(എഫ്)

പ്രസ്തുത കോളേജിലെ ലൈബ്രറി, കമ്പ്യൂട്ടര്‍ ലാബ് എന്നിവ സജ്ജീകരിക്കുന്നതിന് ഏതൊക്കെ നടപടികളാണ് സ്വീകരിച്ചിട്ടുള്ളത് ; എത്ര കമ്പ്യൂട്ടര്‍ വാങ്ങാനാണ് ഓര്‍ഡര്‍ നല്‍കിയിട്ടുള്ളത് ; ഓര്‍ഡര്‍ നല്‍കിയിട്ടില്ലെങ്കില്‍ കാരണം വ്യക്തമാക്കുമോ ; ഇതിനായി ചുമതലപ്പെടുത്തിയിട്ടുള്ള ഉദ്യോഗസ്ഥന്‍ ആരാണ് ;

(ജി)	പ്രസ്തുത കോളേജിന് വേണ്ടി ഇലക്ട്രിക് കണക്ഷന്‍, വാട്ടര്‍ കണക്ഷന്‍ എന്നിവ ലഭിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ ; വിശദാംശം ലഭ്യമാക്കുമോ ?

പട്ടികജാതി പട്ടികവര്‍ഗ്ഗ വിഭാഗത്തിലുള്ളവർക്ക് ലോണ്‍ കുടിശ്ശികയടവിനത്തില്‍ ഇളവുകള്‍

2320.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ്ഗ വിഭാഗത്തില്‍പ്പെടുന്നവര്‍ക്ക് ലോണ്‍ കുടിശ്ശികയടവിനത്തില്‍ ഏതെല്ലാം തരത്തിലുള്ള ഇളവുകള്‍ ലഭ്യാമാക്കുന്നുണ്ടെന്ന് വിശദമാക്കാമോ ;

(ബി)	ഇതിന് ഏതെല്ലാം രേഖകളാണ് സമര്‍പ്പിക്കേണ്ടതെന്നും വ്യക്തമാക്കാമോ ?

കണ്‍സ്യൂമര്‍ ഫെഡിലെ അഴിമതി

2321.

ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരമേറ്റതിനു ശേഷം കണ്‍സ്യൂമര്‍ ഫെഡിലെ അഴിമതി ആരോപണങ്ങളെ തുടര്‍ന്ന് വിജിലന്‍സ് ഉള്‍പ്പെടെ അന്വേഷണങ്ങള്‍ നേരിടുന്ന ഉദ്യോഗസ്ഥര്‍ ആരെല്ലാം; നിലവില്‍ ഇവര്‍ എവിടെയെല്ലാം ജോലി നോക്കി വരുന്നു; വിശദമാക്കുമോ;

(ബി)	വിജിലന്‍സ് അന്വേഷണങ്ങളില്‍ കണ്ടെത്തിയ ക്രമക്കേടുകള്‍ സംബന്ധിച്ച് വിജിലന്‍സ് കോടതികളില്‍ ആരുടെയെല്ലാം പേരില്‍ ഏതെല്ലാം വകുപ്പുകള്‍ പ്രകാരം എഫ്.എെ.ആര്‍. രജിസ്റ്റര്‍ ചെയ്തിട്ടുണ്ട് ; വ്യക്തമാക്കുമോ;

(സി)	പ്രസ്തുത ഉദ്യോഗസ്ഥരില്‍ ആര്‍ക്കെല്ലാം ഇൗ സര്‍ക്കാര്‍ സ്ഥാനക്കയറ്റം നല്‍കിയെന്നും എപ്രകാരമുളള സ്ഥാനക്കയറ്റമാണ് നല്‍കിയതെന്നും വ്യക്തമാക്കുമോ;

(ഡി)	കണ്‍സ്യൂമര്‍ ഫെഡ് നിലവില്‍ നഷ്ടത്തിലാണോ പ്രവര്‍ത്തിക്കുന്നത് ; പ്രസ്തുത സ്ഥാപനത്തിന്റെ ഒരു മാസത്തെ ശരാശരി വരവ് ചിലവ് കണക്കുകള്‍ ലഭ്യമാക്കുമോ?

കണ്‍സ്യൂമര്‍ ഫെഡിലെ ഓഡിറ്റിംഗ്

2322.

(എ)	കണ്‍സ്യൂമര്‍ഫെഡിന്റെ ഏതു വര്‍ഷംവരെയുള്ള ഓഡിറ്റിംഗാണ് പൂര്‍ത്തിയായിട്ടുള്ളത്; പൂര്‍ത്തിയായ ഓഡിറ്റിംഗ് റിപ്പോര്‍ട്ടുപ്രകാരമുള്ള അറ്റ നഷ്ടം എത്രയാണ്; അവസാന വര്‍ഷ ഓഡിറ്റിംഗില്‍ ചൂണ്ടിക്കാണിച്ച ന്യൂനതകള്‍ എന്തൊക്കെയാണ്;

(ബി)	കണ്‍സ്യൂമര്‍ഫെഡിന്റെ ഇന്നത്തെ പ്രതിസന്ധി പരിഹരിക്കാന്‍ എന്തു നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

കണ്‍സ്യൂമര്‍ ഫെഡിലൂടെ വില്‍ക്കുന്ന സാധനങ്ങള്‍ക്ക്സബ്സിഡി

2323.

ശ്രീ.കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കണ്‍സ്യൂമര്‍ഫെഡ് ഏതെല്ലാം സാധനങ്ങള്‍ക്കാണ് സബ്സിഡി നല്‍കുന്നത് എന്ന് വിശദമാക്കാമോ; അവശ്യ വസ്തുക്കള്‍ മാര്‍ക്കറ്റ് നിരക്കിനേക്കാള്‍ കുറച്ച് നല്‍കുന്നതിനുള്ള നടപടി സ്വീകരിക്കുമോ;

(ബി)	ഉപഭോക്താക്കള്‍ക്ക് വാഹനങ്ങളില്‍ ഉല്‍പ്പന്നങ്ങള്‍ എത്തിക്കുന്നതിന് ക്രമീകരിച്ചിരിക്കുന്ന സംവിധാനം വാഹനം കേട് വന്നത് മൂലം ഉപേക്ഷിച്ചിട്ടുണ്ടോ;

(സി)	കൊണ്ടോട്ടിയില്‍ പ്രവര്‍ത്തിക്കുന്ന കണ്‍സ്യൂമര്‍ഫെഡിന്‍െറ വില്‍പന ശാല നവീകരിക്കുന്നതിനും ഇവിടെ നിന്നുമുള്ള സഞ്ചരിക്കുന്ന വില്‍പ്പന ശാല പുന:രാരംഭിക്കുന്നതിനും നടപടി സ്വീകരിക്കുമോ?

സഹകരണമേഖലയിലെ എന്‍െറ സംഘം ക്യാംപയിന്‍

2324.

ശ്രീ.കെ.ശിവദാസന്‍ നായര്‍
,, എം.പി.വിന്‍സെന്‍റ്
,, ഹൈബി ഈഡന്‍
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാരിന്‍െറ കാലത്ത് സഹകരണമേഖലയില്‍ 'എന്‍െറ സംഘം ക്യാംപയിന്‍ ' നടത്തിയിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇതുവഴി കെെവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം ;

(സി)	ഇത് നടപ്പാക്കാന്‍ ഭരണ തലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ?

സഹകരണമേഖലയില്‍ കാര്‍ഷിക സേവന കേന്ദ്രങ്ങള്‍

2325.

(എ)	സഹകരണമേഖലയില്‍ പുതിയ കാര്‍ഷിക സേവന കേന്ദ്രങ്ങള്‍ തുടങ്ങി കര്‍ഷകര്‍ക്ക് ആവശ്യമായ സേവനങ്ങള്‍ നല്‍കുമെന്ന ബഡ്ജറ്റ് പ്രഖ്യാപനത്തിന്റെ നടപ്പാക്കിയിട്ടുണ്ടോ; നിലവിലെ അവസ്ഥ വ്യക്തമാക്കുമോ; ഇതിനായി നീക്കിവച്ച തുകയില്‍ എത്ര ചെലവഴിച്ചു ;

(ബി)	ഈ സര്‍ക്കാറിന്റെ കാലയളവില്‍ കാര്‍ഷിക മേഖലയില്‍ നല്‍കി വന്നിരുന്ന ലോണുകളടക്കം നിയമനിര്‍മ്മാണത്തിലൂടെ തകര്‍ക്കുകയാണ് ചെയ്തതെന്നുള്ള ആക്ഷേപം പരിശോധിച്ചിട്ടുണ്ടോ; എങ്കില്‍ ഇത് സംബന്ധിച്ച നിലപാട് വ്യക്തമാക്കുമോ?

തൃക്കരിപ്പൂര്‍ അഗ്രിക്കള്‍ച്ചര്‍ വെല്‍ഫയര്‍ കോ-ഓപ്പറേറ്റീവ് സൊസൈറ്റിക്ക് അഫിലിയേഷന്‍

2326.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലാ സഹകരണ ബാങ്കില്‍ നിലവിലുള്ള ഭരണസമിതി അധികാരമേറ്റെടുത്തശേഷം എത്ര സഹകരണ സ്ഥാപനങ്ങള്‍ക്ക് അഫിലിയേഷന്‍ നല്‍കിയിട്ടുണ്ട്;

(ബി)	അഫിലിയേഷന്‍ നല്‍കിയിട്ടുണ്ടെങ്കില്‍ അവയുടെ പേരും വിലാസവും ലഭ്യമാക്കാമോ;

(സി)

തൃക്കരിപ്പൂര്‍ അഗ്രിക്കള്‍ച്ചര്‍ വെല്‍ഫയര്‍ കോ-ഓപ്പറേറ്റീവ് സൊസൈറ്റി എസ് 391-ന് ജില്ലാ സഹകരണ ബാങ്കില്‍ അഫിലിയേഷനു വേണ്ടി രണ്ടു തവണ അപേക്ഷ നല്‍കിയിട്ടും ലഭിക്കാത്ത സാഹചര്യത്തില്‍ സഹകരണ വകുപ്പ് ജില്ലാതല ഉദ്യോഗസ്ഥന് പരാതി നല്‍കി വീണ്ടും അപേക്ഷ സമര്‍പ്പിച്ചുവെങ്കിലും അഫിലിയേഷന്‍ നല്‍കാത്തതെന്തുകൊണ്ടെന്ന് വ്യക്തമാക്കാമോ?

കണ്‍സ്യൂമര്‍ഫെഡിലെ അഴിമതി

2327.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കണ്‍സ്യൂമര്‍ഫെഡ് ഡയറക്ടര്‍ ബോര്‍ഡ് പിരിച്ചുവിടേണ്ടി വന്ന സാഹചര്യം വ്യക്തമാക്കുമോ;

(ബി)	എന്തെല്ലാം അഴിമതികളാണ് കണ്‍സ്യൂമര്‍ ഫെഡുമായി ബന്ധപ്പെട്ട് ഉയര്‍ന്നു വന്നിട്ടുള്ളത്; വിശദവിവരം നല്‍കുമോ;

(സി)	പ്രസ്തുത വിഷയത്തില്‍ ആര്‍ക്കെല്ലാം എതിരെ എന്തെല്ലാം അന്വേഷണങ്ങളാണ് നടക്കുന്നത്; വിശദ വിവരം നല്‍കുമോ;

(ഡി)	എത്രകോടി രൂപയുടെ അഴിമതിയാണ് ഇതുമായി ബന്ധപ്പെട്ട് ഉയര്‍ന്നു വന്നിട്ടുള്ളത്; വിശദമാക്കുമോ?

കണ്‍സ്യൂമര്‍ഫെഡിലെ ക്രമക്കേടുകള്‍

2328.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കണ്‍സ്യൂമര്‍ഫെഡ് ഭരണസമിതിയെ സസ്പെന്‍ഡ് ചെയ്തിട്ടുണ്ടോ ;എങ്കില്‍ സസ്പെന്‍ഡ് ചെയ്യാന്‍ കാരണം എന്താണെന്ന് വിശദമാക്കുമോ ;

(ബി)	കണ്‍സ്യൂമര്‍ഫെഡിലെ ക്രമക്കേടുകള്‍ കണ്ടെത്താന്‍ ആരെയെങ്കിലും ചുമതലപ്പെടുത്തിയിട്ടുണ്ടോ ; എങ്കില്‍ ആരെയാണെന്നും ക്രമക്കേടുകള്‍ സംബന്ധിച്ച റിപ്പോര്‍ട്ട് നല്‍കിയിട്ടുണ്ടോയെന്നും വിശദമാക്കുമോ ;

(സി)	കണ്‍സ്യൂമര്‍ ഫെഡില്‍ ഓപ്പറേഷന്‍ അന്നപൂര്‍ണ്ണ എന്ന പേരില്‍ വിജിലന്‍സ് നടത്തിയ റെയ്ഡില്‍ എന്തൊക്കെ ക്രമക്കേടുകളാണ് കണ്ടെത്തിയതെന്നും ഇതിന്റെ അടിസ്ഥാനത്തില്‍ വിജിലന്‍സ് എന്തൊക്കെ നടപടികള്‍ സ്വീകരിക്കാന്‍ ശിപാര്‍ശ ചെയ്തിട്ടുണ്ടെന്നും വിശദമാക്കുമോ ?

നിക്ഷേപങ്ങള്‍ക്കുളള സുരക്ഷ

2329.

ശ്രീ.വി.ഡി.സതീശന്‍
,, ജോസഫ് വാഴയ്ക്കൻ
,, സി.പി.മുഹമ്മദ്
,, എം.എ. വാഹീദ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് സഹകരണ മേഖലയില്‍ നിക്ഷേപങ്ങളുടെ സുരക്ഷയ്ക്കായി എന്തെല്ലാം കര്‍മ്മ പരിപാടികള്‍ നടത്തിയിട്ടുണ്ട്;

(ബി)	എന്തെല്ലാം ഉദ്ദേശലക്ഷ്യങ്ങളാണ് ഇതു വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	ആയതിലേക്ക് ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

ഖാദി ഉല്‍പാദനവും വിപണനവും

2330.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	വിപണിയില്‍ ആവശ്യമുള്ളത്ര ഖാദി വസ്ത്രങ്ങള്‍ ഇവിടെ ഉല്‍പാദിപ്പിക്കുന്നുണ്ടോയെന്ന് വിശദമാക്കുമോ;

(ബി)	2013-14, 2014-15 സാമ്പത്തിക വര്‍ഷങ്ങളില്‍ ഖാദിയുടെ ഉല്‍പാദനവും വിപണനവും എത്രയാണെന്ന് വിശദമാക്കുമോ?

ഖാദി വ്യവസായ നവീകരണം

2331.

(എ)	ഖാദി വ്യവസായ നവീകരണവുമായി ബന്ധപ്പെട്ട് ഗോപിനാഥന്‍ നായര്‍ കമ്മിറ്റി സമര്‍പ്പിച്ച നിര്‍ദ്ദേശങ്ങളില്‍ ഏതെല്ലാം പദ്ധതികളാണ് ഇതു വരെ നടപ്പിലാക്കിയിട്ടുള്ളതെന്ന് വ്യക്തമാക്കുമോ ;

(ബി)	പ്രസ്തത പദ്ധതികള്‍ക്കായി എത്ര തുക അനുവദിച്ചിട്ടുണ്ടെന്നും അവയില്‍ എത്ര തുക വിനിയോഗിച്ചിട്ടുണ്ടെന്നും പദ്ധതി അടിസ്ഥാനത്തില്‍ വിശദമാക്കുമോ;

(സി)	പ്രസ്തുത നിര്‍ദ്ദേശങ്ങള്‍ നടപ്പിലാക്കിയതിന്റെ ഭാഗമായി ഖാദി ഉല്‍പാദനത്തില്‍ വര്‍ദ്ധനവ് ഉണ്ടായിട്ടുണ്ടോ; വിശദമാക്കുമോ?

ഖാദി മേഖലയിലെ ഇന്‍കം സപ്പോര്‍ട്ട് സ്കീം

2332.

(എ)	ഇന്‍കം സപ്പോര്‍ട്ട് സ്കീം പ്രകാരം 2013-14, 2014-15, 2015-16 എന്നീ സാമ്പത്തിക വര്‍ഷങ്ങളില്‍ ഖാദി മേഖലയ്ക്ക് അനുവദിച്ച തുക എത്രയെന്നും അതില്‍ എത്ര തുക വിനിയോഗിച്ചുവെന്നും വിശദമാക്കാമോ ;

(ബി)	പ്രസ്തുത സ്കീം പ്രകാരം അനുവദിച്ച തുക എത്രപേര്‍ക്ക് ലഭിച്ചുവെന്ന് ഖാദി സ്ഥാപനങ്ങള്‍ തിരിച്ച് വിശദമാക്കാമോ?

ഖാദി-ഗ്രാമ വ്യവസായ മേഖലയുടെ വളര്‍ച്ചയ്ക്ക് കര്‍മ്മ പദ്ധതികള്‍

2333.

ശ്രീ.കെ.മുരളീധരന്‍
,, ആര്‍ . സെല്‍വരാജ്
,, എ.റ്റി.ജോര്‍ജ്
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഖാദി-ഗ്രാമ വ്യവസായ മേഖലയുടെ വളര്‍ച്ചയ്ക്ക് എന്തെല്ലാം കര്‍മ്മ പദ്ധതികളാണ് ആവിഷ്ക്കരിച്ചിട്ടുള്ളത് ;

(ബി)	എന്തെല്ലാം ഉദ്ദേശലക്ഷ്യങ്ങളാണ് പദ്ധതിവഴി കൈവരിക്കാനുദ്ദേശിക്കുന്നതെന്ന് വിശദമാക്കുമോ ;

(സി)	പദ്ധതിയുടെ നടത്തിപ്പിനായി ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് ?

ഖാദി, ബീഡി വ്യവസായ പ്രതിസന്ധി

2334.

ശ്രീ.വി.ചെന്താമരാക്ഷന്‍
,, റ്റി.വി.രാജേഷ്
,, സി.കൃഷ്ണന്‍
,, കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പരമ്പരാഗത വ്യവസായമായ ഖാദി/ബീഡി മേഖല ഗുരുതരമായ പ്രതിസന്ധി നേരിടുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	മേഖല സംരക്ഷിക്കുന്നതിന് നടപടി സ്വീകരിക്കുമെന്ന വാഗ്ദാനത്തിന്റെ നിലവിലെ അവസ്ഥ വ്യക്തമാക്കാമോ;

(സി)	ഖാദി/ബീഡി മേഖല പ്രതിസന്ധിയിലായതുകാരണം പ്രസ്തുത മേഖലയില്‍ പ്രവര്‍ത്തിക്കുന്നവരും കുടുംബങ്ങളും അനുഭവിക്കുന്ന ജീവിതപ്രയാസം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ പ്രസ്തുത മേഖലയില്‍ പ്രതിസന്ധി പരിഹരിക്കുന്നതിന് എന്തെങ്കിലും പരിഹാര മാര്‍ഗങ്ങള്‍ കണ്ടെത്തിയിട്ടുണ്ടോയെന്നും അത് എന്താണെന്നും വ്യക്തമാക്കാമോ?

തെക്കേക്കര പല്ലാരി മംഗലം ഖാദി സൗഭാഗ്യയ്ക്ക് കെട്ടിടം

2335.

(എ)	എം.എല്‍.എ യുടെ ആസ്തി വികസന ഫണ്ടില്‍ ഉള്‍പ്പെടുത്തി തെക്കേക്കര പല്ലാരി മംഗലം ഖാദി സൗഭാഗ്യയ്ക്ക് കെട്ടിടം അനുവദിക്കുന്നതിന് തുക അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രവൃത്തിക്ക് ഭരണാനുമതി ലഭ്യമായെങ്കിലും അനുവദിയ്ക്കപ്പെട്ട തുക പ്രസ്തുത ഹെഡ് ഓഫ് അക്കൗണ്ടിലേയ്ക്ക് നാളിതുവരെയും ഡിപ്പോസിറ്റ് ചെയ്തിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത പദ്ധതിക്ക് അനുവദിച്ച തുക അടിയന്തരമായി ഡെപ്പോസിറ്റ് ചെയ്ത് പ്രവൃത്തി ആരംഭിക്കുന്നതിനുള്ള നടപടികള്‍ സ്വീകരിക്കുമോ; വിശദാംശങ്ങള്‍ ലഭ്യമാക്കുമോ ?

Website maintained by Information System Section, Kerala Legislative Assembly, Thiruvananthapuram.