13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >15^th Session>Starred Questions and Answers

Answer Provided

Answer Not Yet Provided

THIRTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പതിമൂന്നാം കേരള നിയമസഭ

പതിനഞ്ചാം സമ്മേളനം

2015 ഡിസംബര്‍ 2, ബുധന്‍

നക്ഷത്രചിഹ്നമിട്ട ചോദ്യങ്ങള്‍‍

[ആകെ ചോദ്യങ്ങള്‍--30]

മറുപടി നല്‍കുന്ന മന്ത്രിമാര്‍

ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി

ജലവിഭവ വകുപ്പുമന്ത്രി

തൊഴിലും നൈപുണ്യവും വകുപ്പുമന്ത്രി

പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി

തൊഴില്‍ നിയമങ്ങള്‍ പരിഷ്കരിക്കാന്‍ പദ്ധതി

*61.

ശ്രീ.വി.ഡി.സതീശന്‍
,, ബെന്നി ബെഹനാന്‍
,, ജോസഫ് വാഴയ്ക്കൻ
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തൊഴില്‍ നിയമങ്ങള്‍ പരിഷ്കരിക്കാന്‍ പദ്ധതി നടപ്പാക്കിയിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത് ;

(സി)	പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

മുല്ലപ്പെരിയാര്‍ ഡാം മേല്‍നോട്ട സമിതിയുടെ പ്രവർത്തനങ്ങൾ

*62.

ശ്രീ.എം.എ.ബേബി
ശ്രീമതി.പി. അയിഷാ പോറ്റി
ശ്രീ.രാജു എബ്രഹാം
,, സാജു പോള്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മുല്ലപ്പെരിയാര്‍ ഡാം മേല്‍നോട്ട സമിതി സംസ്ഥാനത്തിന്റെ ആശങ്കകള്‍ ദുരീകരിക്കാനുളള നടപടി സ്വീകരിച്ചിരുന്നോ; ഇല്ലെങ്കില്‍ ഇക്കാര്യത്തില്‍ സ്വീകരിച്ച നടപടികള്‍ എന്തൊക്കെയാണ്; വിശദമാക്കുമോ;

(ബി)	കേന്ദ്ര സര്‍ക്കാരിനെയും കേന്ദ്രജലകമ്മീഷനേയും ഇക്കാര്യത്തില്‍ സമീപിച്ചിരുന്നോ; എങ്കിൽ പ്രതികരണം എന്തായിരുന്നെന്ന് വെളിപ്പെടുത്താമോ;

(സി)	സുപ്രീംകോടതി നിര്‍ദ്ദേശിച്ച പ്രകാരം മേല്‍നോട്ട സമിതി കാലാകാലങ്ങളില്‍ ഡാം സുരക്ഷിതത്വം പരിശോധിക്കുകയും സംസ്ഥാന താല്പര്യത്തിന് തൃപ്തികരമായ രീതിയില്‍ മുന്‍കരുതല്‍ നടപടികളും സുരക്ഷാ നടപടികളും എടുക്കാന്‍ കേരളത്തിനും തമിഴ്‍നാടിനും നിര്‍ദ്ദേശം നല്‍കുകയും ചെയ്തിട്ടുണ്ടോ;

(ഡി)	സമിതിയുടെ നടപടികള്‍ തൃപ്തികരമായ രീതിയിലല്ലെങ്കില്‍ അക്കാര്യം സുപ്രീം കോടതിയുടെ ശ്രദ്ധയില്‍പ്പെടുത്തിയിട്ടുണ്ടോ; എങ്കില്‍ വിശദാംശം നല്‍കുമോ?

ദേശീയ ജലപാതകൾ

*63.

ശ്രീ.കെ.എന്‍.എ.ഖാദര്‍
,, എന്‍ .എ.നെല്ലിക്കുന്ന്
,, വി.എം.ഉമ്മര്‍ മാസ്റ്റര്‍
,, പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നദികളെ ബന്ധിപ്പിച്ചുകൊണ്ട് ദേശീയ ജലപാതകള്‍ വികസിപ്പിക്കാനുള്ള പദ്ധതി നടപ്പാക്കുമ്പോള്‍ സംസ്ഥാനത്തിന്റെ പൊതുതാല്പര്യം സംരക്ഷിക്കാന്‍ എന്തൊക്കെ മുന്‍കരുതലുകള്‍ സ്വീകരിക്കേണ്ടി വരുമെന്നാണ് കരുതുന്നത്; വ്യക്തമാക്കാമോ;

(ബി)	ദേശീയ ജലപാതകളില്‍ ഉൾപ്പെടുത്താൻ സംസ്ഥാനം നിര്‍ദ്ദേശിച്ചിട്ടുള്ള കനാലുകള്‍ ഏതൊക്കെയാണ് ; വിശദമാക്കുമോ;

(സി)	കേന്ദ്രത്തിന്റെ സഹകരണത്തോടുകൂടി ജലപാതകള്‍ വികസിപ്പിക്കുന്നതിനും, എല്ലായ്പോഴും ഗതാഗതയോഗ്യമാക്കി നിലനിര്‍ത്തുന്നതിനുമുള്ള സമഗ്ര പദ്ധതികള്‍ പരിഗണിക്കുമോ?

വിദേശ ജോലിക്കായുളള നേഴ്സുമാരുടെ റിക്രൂട്ട്മെന്റ്

*64.

ശ്രീ.കെ.വി.അബ്ദുള്‍ ഖാദര്‍
,, എ. പ്രദീപ്കുമാര്‍
,, എം. ഹംസ
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	എമിഗ്രേഷന്‍ നിയമപരിഷ്കാരാനുസൃതം വിദേശ ജോലിക്കായുളള നേഴ്സുമാരുടെ റിക്രൂട്ട്മെന്റ് സര്‍ക്കാര്‍ സ്ഥാപനമായ ഒഡെപെക് ഉള്‍പ്പെടെ മൂന്ന് ഏജന്‍സികള്‍ക്കായി പരിമിതപ്പെടുത്തിയതിനാല്‍ റിക്രൂട്ട്മെന്റ് സംവിധാനം വിപുലീകരിക്കുന്നതിന് ഒഡെപെക് നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ;

(ബി)	പുതിയ നിയമനം നിലവില്‍ വന്നശേഷം ഒഡെപെക് വഴി എത്രപേര്‍ക്ക് റിക്രൂട്ട്മെന്റ് ലഭിച്ചെന്ന് അറിയിക്കാമോ;

(സി)	എമിഗ്രേഷന്‍ നിയമഭേദഗതി പ്രാബല്യത്തിലാകുന്നതിനു മുന്‍പ് വിദേശ ജോലിക്കായി തെരഞ്ഞെടുക്കപ്പെട്ടിരുന്ന ‌ നേഴ്സുമാരുടെ എമിഗ്രേഷന്‍ ക്ലിയറന്‍സിനായി ചെയ്ത കാര്യങ്ങള്‍ അറിയിക്കുമോ; അതിന്റെ ഫലപ്രാപ്തി വിശദമാക്കുമോ?

സ്വയം പര്യാപ്ത ഗ്രാമം പദ്ധതി

*65.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, സി.പി.മുഹമ്മദ്
,, തേറമ്പില്‍ രാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി സങ്കേതങ്ങളില്‍ സ്വയം പര്യാപ്ത ഗ്രാമം പദ്ധതി ആരംഭിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത്;

(സി)	പ്രസ്തുത പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

സുരക്ഷിതാഹാരം ആരോഗ്യത്തിനാധാരം പദ്ധതി

*66.

ശ്രീ.ആര്‍ . സെല്‍വരാജ്
,, ബെന്നി ബെഹനാന്‍
,, വി.ഡി.സതീശന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് "സുരക്ഷിതാഹാരം ആരോഗ്യത്തിനാധാരം" പദ്ധതി നടപ്പാക്കിയിട്ടുണ്ടോ;

(ബി)	പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ് ; വിശദാംശം നല്കുമോ;

(സി)	പദ്ധതി നടപ്പിലാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

തോട്ടം തൊഴിലാളി സമരം

*67.

ശ്രീ.സി.ദിവാകരന്‍
ശ്രീമതി.ഇ.എസ്.ബിജിമോള്‍
ശ്രീ.കെ.രാജു
,, കെ.അജിത് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടന്ന തോട്ടം തൊഴിലാളി സമരം ഒത്തു തീര്‍പ്പിലെത്തിച്ച വ്യവസ്ഥകള്‍ എന്തെല്ലാം; പ്രസ്തുത വ്യവസ്ഥകള്‍ നടപ്പിലാക്കിയിട്ടുണ്ടോ ;

(ബി)	ഒത്തുതീര്‍പ്പ് വ്യവസ്ഥ പ്രകാരം എത്ര ശതമാനം ബോണസ്സാണ് നല്‍കാന്‍ തീരുമാനിച്ചത്; പ്രസ്തുത ബോണസ്സ് നല്‍കാനാവില്ലെന്ന് തോട്ടം ഉടമകള്‍ അറിയിച്ചിട്ടുണ്ടോ;

(സി)	സംസ്ഥാനത്ത് എത്ര തോട്ടം തൊഴിലാളികളുണ്ട്; ഇവരില്‍ ചെറുകിട തോട്ടം മേഖലയില്‍ പ്രവർത്തിക്കുന്നവർ എത്ര ; വ്യക്തമാക്കുമോ ?

സൗജന്യ മരുന്നു വിതരണ പദ്ധതി

*68.

ശ്രീ.ബെന്നി ബെഹനാന്‍
,, കെ.മുരളീധരന്‍
,, എ.പി.അബ്ദുള്ളക്കുട്ടി
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സൗജന്യ മരുന്നു വിതരണ പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

മായം കലര്‍ന്ന ഉല്പന്നങ്ങള്‍

*69.

ശ്രീ.സാജു പോള്‍
,, റ്റി.വി.രാജേഷ്
,, ബാബു എം. പാലിശ്ശേരി
ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	നിറപറ ബ്രാന്‍ഡിലുള്ള മസാലകള്‍ നിരോധിച്ചതിന്റെ അടിസ്ഥാനം വിശദമാക്കുമോ ; നിരോധിച്ച ഉല്പന്നങ്ങള്‍ നിര്‍മ്മിക്കുകയും വിതരണം ചെയ്യുകയും ചെയ്യുന്നവര്‍ക്കെതിരെ കേസ്സെടുക്കുമെന്ന പ്രഖ്യാപനം നടപ്പിലാക്കിയോ ; വിശദാംശം നല്‍കുമോ;

(ബി)	നിരോധനം നിലവിലുണ്ടോ ; ഇല്ലെങ്കില്‍ അതിന്റെ കാരണം അറിയിക്കുമോ ; പ്രസ്തുത ബ്രാന്‍ഡില്‍ വിപണനം ചെയ്യുന്ന ഉല്പന്നങ്ങള്‍ മായം കലരാത്തതാണെന്ന് തെളിഞ്ഞിട്ടുണ്ടോ ;

(സി)	മറ്റു ബ്രാന്‍ഡുകളിലുള്ള സമാന ഉല്പന്നങ്ങളിലും മായം കലര്‍ന്നിട്ടുണ്ടോയെന്നു പരിശോധന നടത്തിയിട്ടുണ്ടോ; വിശദാംശം ലഭ്യമാക്കുമോ ;

(ഡി)	പരിശോധന നടത്തിയ ഉദ്യോഗസ്ഥര്‍ക്ക് സ്ഥലംമാറ്റ ഭീഷണി ഉയര്‍ന്നതിനാല്‍ തുടര്‍ നടപടി നിര്‍ത്തിവെച്ചുവെന്ന പത്രവാര്‍ത്ത ശ്രദ്ധയില്‍പ്പെട്ടിട്ടുണ്ടോ; എങ്കില്‍ നിജസ്ഥിതി വ്യക്തമാക്കുമോ ?

ചികിത്സാ ചെലവ്

*70.

ശ്രീ.കെ.കുഞ്ഞിരാമന്‍ (ഉദുമ)
,, എം.എ.ബേബി
,, സി.കൃഷ്ണന്‍
,, എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമവാസികളില്‍ 12% പേരേയും നഗരവാസികളില്‍ 8% പേരെയും ദാരിദ്ര്യരേഖയ്ക്ക് താഴേക്ക് തള്ളുന്ന വിധത്തില്‍ സംസ്ഥാനത്തെ പ്രതിശീര്‍ഷ ചികിത്സാ ചെലവ് വര്‍ദ്ധിച്ചതിന്റെ കാരണങ്ങള്‍ പരിശോധിച്ചിട്ടുണ്ടോ; വിശദാംശം ലഭ്യമാക്കുമോ;

(ബി)	രോഗികളുടെ എണ്ണത്തിലും സ്വഭാവത്തിലും ഉണ്ടാകുന്ന മാറ്റത്തിനനുസൃതമായി സര്‍ക്കാര്‍ മേഖലയില്‍ പ്രാഥമിക ആരോഗ്യ സേവനം ലഭ്യമാക്കുന്നതിന് ഈ സര്‍ക്കാര്‍ ചെയ്ത കാര്യങ്ങള്‍ അറിയിക്കുമോ ;

(സി)	ഉദ്ദേശം എഴുപതു ശതമാനം രോഗികളും ചികിത്സയ്ക്കായി സ്വകാര്യ മേഖലയെ ആശ്രയിക്കേണ്ടി വന്ന സാഹചര്യം വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ;

(ഡി)	ആരോഗ്യ മേഖലയില്‍ കര്‍മ്മ പദ്ധതി തയ്യാറാക്കുന്നതിനായി രൂപീകരിച്ച വിദഗ്ദ്ധ സമിതിയുടെ ശുപാര്‍ശാനുസരണം പി.പി.പി. മാതൃക, സേവനത്തിന്റെ ഗുണനിലവാരമനുസരിച്ച് ഫീസ് ഈടാക്കുക തുടങ്ങിയവ ഉള്‍പ്പെടെ ഘടനാപരമായി എന്തെക്കെ മാറ്റങ്ങള്‍ വരുത്താനാണ് ഉദ്ദേശിക്കുന്നതെന്ന് അറിയിക്കുമോ?

തൊഴിലാളികള്‍ക്ക് മിനിമം വേതനം

*71.

ശ്രീ.ഷാഫി പറമ്പില്‍
,, ആര്‍ . സെല്‍വരാജ്
,, എം.പി.വിന്‍സെന്‍റ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തൊഴിലാളികള്‍ക്ക് മിനിമം വേതനം ഉറപ്പാക്കാന്‍ പദ്ധതി നടപ്പാക്കിയിട്ടുണ്ടോ;

(ബി)	ഉണ്ടെങ്കില്‍ എന്തെല്ലാം ഉദ്ദേശലക്ഷ്യങ്ങളാണ് പ്രസ്തുത പദ്ധതി വഴി കൈവരിക്കാനുദ്ദേശിക്കുന്നത്;

(സി)	പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

രോഗപ്രതിരോധം

*72.

ശ്രീ.കെ.രാജു
,, ഇ.ചന്ദ്രശേഖരന്‍
,, മുല്ലക്കര രത്നാകരന്‍
,, വി.ശശി : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഡിഫ്തീരിയ തുടങ്ങിയ രോഗങ്ങള്‍ വീണ്ടും പ്രത്യക്ഷപ്പെട്ടിട്ടുള്ള വിവരം ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരം രോഗങ്ങളുടെ തിരിച്ചു വരവിനെ പ്രതിരോധിക്കുന്നതിന് എന്തെല്ലാം നടപടികള്‍ സ്വീകരിച്ചു വരുന്നുണ്ടെന്ന് വ്യക്തമാക്കുമോ?

ടൂറിസ്റ്റ് കേന്ദ്രങ്ങളിലെ ആധുനിക മാലിന്യ നിര്‍മാര്‍ജ്ജന പ്ളാന്റുകള്‍

*73.

ശ്രീ.എം.പി.വിന്‍സെന്‍റ്
,, സണ്ണി ജോസഫ്
,, ടി.എന്‍. പ്രതാപന്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പ്രമുഖ ടൂറിസ്റ്റ് കേന്ദ്രങ്ങളില്‍ ആധുനിക മാലിന്യ നിര്‍മാര്‍ജ്ജന പ്ളാന്റുകള്‍ സ്ഥാപിക്കുന്നതിന് പദ്ധതി നടപ്പാക്കിയിട്ടുണ്ടോ ;

(ബി)	എന്തെല്ലാം ഉദ്ദേശലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത് ;

(സി)	പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ഭവന നിർമ്മാണ പദ്ധതി

*74.

ശ്രീ.വി.പി.സജീന്ദ്രന്‍
,, ഐ.സി.ബാലകൃഷ്ണന്‍
,, എ.പി.അബ്ദുള്ളക്കുട്ടി
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഭവനരഹിതരായ പട്ടികജാതിക്കാര്‍ക്ക് വീട് നിര്‍മ്മിക്കുവാന്‍ പദ്ധതി ആരംഭിച്ചിട്ടുണ്ടോ:

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത്;

(സി)	പദ്ധതി നടത്തിപ്പിനായി ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ഉൾനാടൻ ജലാശയ മലിനീകരണം

*75.

ശ്രീ.സി.മോയിന്‍ കുട്ടി
,, എം.ഉമ്മര്‍
,, പി.ബി. അബ്ദുൾ റസാക്
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പ്രധാന വിനോദ സഞ്ചാര ഡസ്റ്റിനേഷനായ ഉള്‍നാടന്‍ ജലാശയങ്ങളുടെ മലിനീകരണവും അതുമൂലമുള്ള ദുര്‍ഗന്ധവും, വിനോദസഞ്ചാര മേഖലയില്‍ സൃഷ്ടിക്കുന്ന വിപരീത ഫലങ്ങളെക്കുറിച്ച് ഗൗരവപൂര്‍വ്വം പരിശോധിച്ചിട്ടുണ്ടോ;

(ബി)	എങ്കില്‍ പ്രസ്തുത വിഷയത്തിനു പരിഹാരം കാണുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ടെന്നും, വിവിധ വകുപ്പുകളുടെ ഏകോപനവും, പൊതുജന പങ്കാളിത്തവും ആവശ്യമായ സാഹചര്യത്തില്‍ അതിനുള്ള നടപടികള്‍ സ്വീകരിക്കുമോയെന്നും വ്യക്തമാക്കുമോ?

എസ്.എന്‍.ഡി.പി.ക്ക് മൈക്രോഫിനാന്‍സിനായി നല്‍കിയ വായ്പ

*76.

ശ്രീ.കെ.വി.വിജയദാസ്
,, എ.കെ.ബാലന്‍
,, പി.കെ.ഗുരുദാസന്‍
,, ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കേരള സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍, എസ്.എന്‍.ഡി.പി.ക്ക് മൈക്രോഫിനാന്‍സിനായി വായ്പ നല്‍കിയിട്ടുണ്ടോ ; എങ്കില്‍ എന്തെല്ലാം വ്യവസ്ഥകളുടെ അടിസ്ഥാനത്തില്‍ ; വിശദമാക്കുമോ;

(ബി)	കോര്‍പ്പറേഷന്‍ പ്രസ്തുത വായ്പാ തുകയ്ക്ക് ഈടാക്കുന്ന പലിശ നിരക്കെത്രയെന്നും എസ്.എന്‍.ഡി.പി. മൈക്രോ ഫിനാന്‍സ് സംഘാംഗങ്ങളില്‍ നിന്ന് ഈടാക്കുന്ന നിരക്കെത്രയെന്നും അറിയിക്കുമോ ;

(സി)	സംഘാംഗങ്ങള്‍ക്ക് വായ്പ നല്കാതെ അവരുടെ പേരില്‍ പണം തട്ടിയെടുത്തതായി ഉയര്‍ന്ന പരാതിയെക്കുറിച്ച് നടത്തിയ അന്വേഷണത്തിന്റെ വിശദാംശങ്ങള്‍ അറിയിക്കുമോ ;

(ഡി)	തുക വിനിയോഗ സര്‍ട്ടിഫിക്കറ്റ് യഥാസമയം നല്‍കിയിരുന്നോ എന്ന് വ്യക്തമാക്കുമോ;

(ഇ)	കോര്‍പ്പറേഷന്‍ നല്‍കുന്ന തുക എന്‍.ജി.ഒ.കള്‍ ദുരുപയോഗം ചെയ്താല്‍ സ്വീകരിക്കേണ്ട നടപടികള്‍ എന്തൊക്കെയാണെന്നും ഇത്തരത്തില്‍ സ്വീകരിച്ച നടപടികളുടെ വിശദവിവരവും ലഭ്യമാക്കുമോ?

ശബരിമല മാസ്റ്റര്‍ പ്ലാന്‍

*77.

ശ്രീ.പി.സി വിഷ്ണുനാഥ്
,, തേറമ്പില്‍ രാമകൃഷ്ണന്‍
,, കെ.ശിവദാസന്‍ നായര്‍
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ശബരിമല മാസ്റ്റര്‍ പ്ലാന്‍ നടപ്പിലാക്കിയിട്ടുണ്ടോ; വ്യക്തമാക്കുമോ;

(ബി)	എന്തെല്ലാം ലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദമാക്കുമോ;

(സി)	മാസ്റ്റര്‍ പ്ലാന്‍ നടപ്പിലാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

സ്വകാര്യ സ്വാശ്രയ മെഡിക്കല്‍ കോളേജുകളുമായുള്ള കരാര്‍

*78.

ശ്രീ.റ്റി.വി.രാജേഷ്
,, ആര്‍. രാജേഷ്
,, പി.ശ്രീരാമകൃഷ്ണന്‍
,, എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)

2015-16 വര്‍ഷത്തെ എം.ബി.ബി.എസ്. പ്രവേശനത്തില്‍ സര്‍ക്കാരുമായി എഗ്രിമെന്റ് വെയ്ക്കാത്ത കോളേജുകള്‍ക്ക് അംഗീകാരം നല്‍കാതിരിക്കലും നല്‍കിയിട്ടുളള സൗകര്യങ്ങള്‍ പിന്‍വലിക്കുന്നതുമുള്‍പ്പെടെയുളള കര്‍ശന നടപടികള്‍ സ്വീകരിക്കുമെന്ന് സഭയില്‍ നല്‍കിയ ഉറപ്പ് പാലിച്ചിട്ടുണ്ടോ ; വിശദാംശം അറിയിക്കുമോ ; ഇവര്‍ക്കെതിരെ നടപടി സ്വീകരിക്കാന്‍ മെഡിക്കല്‍ കൗണ്‍സിലിനോട് ആവശ്യപ്പെട്ടിട്ടുണ്ടോ; എങ്കില്‍ കത്തിന്റെ പകര്‍പ്പ് ലഭ്യമാക്കുമോ ;

(ബി)	ഏതെങ്കിലും സ്വകാര്യ സ്വാശ്രയ മെഡിക്കല്‍ കോളേജുകള്‍ സ്വന്തം നിലയില്‍ പ്രവേശനം നടത്തുകയുണ്ടായോ ; എങ്കില്‍ അവ ഏതൊക്കെയെന്നും പ്രവേശനത്തിന് അവ സ്വീകരിച്ച രീതിയും അറിയിക്കുമോ ;

(സി)	ന്യൂനപക്ഷ പദവിയുളള ചില സ്വാശ്രയ മെഡിക്കല്‍ കോളേജുകള്‍ വന്‍തുക കോഴ വാങ്ങിയതായി സംസ്ഥാന ന്യൂനപക്ഷ കമ്മീഷന്‍ അറിയിച്ചിട്ടുണ്ടോ ; എങ്കില്‍ പ്രസ്തുത റിപ്പോര്‍ട്ടിന്മേല്‍ ആരോഗ്യ സര്‍വ്വകലാശാല സ്വീകരിച്ച നടപടികള്‍ വിശദമാക്കുമോ;

(ഡി)	കരാറില്‍ ഏര്‍പ്പെട്ട സ്വകാര്യ സ്വാശ്രയ മെഡിക്കല്‍ കോളേജുകളിലെ ഫീസ് ഘടന വിശദമാക്കുമോ ; വ്യത്യസ്ത കോളേജുകള്‍ക്ക് വ്യത്യസ്ത രീതിയിലുളള ഫീസ് വാങ്ങാന്‍ അനുമതി നല്‍കിയിരിക്കുന്നതിന്റെ മാനദണ്ഡം അറിയിക്കുമോ ?

കാന്‍സറിനെതിരെ ബോധവല്‍ക്കരണം

*79.

ശ്രീ.എ.എ.അസീസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കാന്‍സര്‍ രോഗത്തിനെതിരെ സ്വീകരിച്ച് വരുന്ന ബോധവല്‍ക്കരണ പരിപാടികള്‍ എന്തൊക്കെയാണ് ;

(ബി)	സര്‍ക്കാര്‍ തലത്തില്‍ കാന്‍സര്‍ രോഗിക്ക് ലഭിക്കുന്ന സൗജന്യ ചികിത്സയും ആനുകൂല്യങ്ങളും എന്തൊക്കെയാണെന്ന് വ്യക്തമാക്കുമോ ?

മണ്ഡലകാല - മകരവിളക്ക് ഉത്സവം

*80.

ശ്രീ.കെ. ദാസന്‍
,, രാജു എബ്രഹാം
,, കെ.കെ.നാരായണന്‍
ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഈ വര്‍ഷത്തെ മണ്ഡലകാല - മകരവിളക്ക് ഉത്സവത്തോടനുബന്ധിച്ച് ശബരിമലയില്‍ തീര്‍ത്ഥാടകരുടെ സൗകര്യത്തിനായി എന്തെല്ലാം പ്രവർത്തനങ്ങൾ ചെയ്തു ;

(ബി)	അരവണ പ്ലാന്റ് നവീകരിക്കുമെന്നും, കാണിക്കപ്പെട്ടി സൂക്ഷിച്ചിരിക്കുന്ന മുറിയില്‍ സ്കാനര്‍ ഏർപ്പെടുത്തുമെന്നുമുള്ള പ്രഖ്യാപനം നടപ്പിലായോ;

(സി)	മാലിന്യ നിര്‍മ്മാജ്ജനത്തിനും പമ്പ മാലിന്യമുക്തമാക്കുന്നതിനും ചെയ്ത പ്രവർത്തനങ്ങൾ വ്യക്തമാക്കുമോ ;

(ഡി)	റോഡ് അറ്റകുറ്റപണിയിലെ ക്രമക്കേടുകള്‍ ദേവസ്വം വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍‍ വിശദാംശം നല്‍കുമോ?

മുല്ലപ്പെരിയാര്‍- പരിസ്ഥിതി ആഘാത പഠനം

*81.

ശ്രീ.ഇ.പി.ജയരാജന്‍
,, കെ.സുരേഷ് കുറുപ്പ്
,, കെ.രാധാകൃഷ്ണന്‍
,, കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മുല്ലപ്പെരിയാറില്‍ പുതിയ അണക്കെട്ട് നിര്‍മ്മിക്കുന്നതിനുള്ള പരിസ്ഥിതി ആഘാത പഠനം നടത്തുവാന്‍ കേന്ദ്ര വനം വന്യജീവി വകുപ്പ് നല്‍കിയ അനുമതി റദ്ദാക്കിയതിന് ആധാരമായി പറഞ്ഞിരിക്കുന്ന കാരണങ്ങള്‍ എന്തൊക്കെയാണ്;

(ബി)	പ്രസ്തുത ആവശ്യം ഉന്നയിച്ചുകൊണ്ട് തമിഴ് നാട് സുപ്രീം കോടതിയില്‍ ഫയല്‍ ചെയ്തിരിക്കുന്ന ഹര്‍ജിയില്‍ ഉത്തരവോ, ഇടക്കാല ഉത്തരവോ വന്നിട്ടുണ്ടോ; എങ്കില്‍ ആയത് വെളിപ്പെടുത്തുമോ;

(സി)	ഹര്‍ജി ഫയല്‍ ചെയ്തിട്ടുണ്ട് എന്ന കാരണത്താല്‍ മാത്രം പരിസ്ഥിതി ആഘാത പഠനത്തിനു നല്‍കിയ അനുമതി പിന്‍വലിച്ചത് സംസ്ഥാന സര്‍ക്കാരിന്റെ ജാഗ്രത കുറവുകൊണ്ടാണെന്ന കാര്യം പരിശോധിച്ചിട്ടുണ്ടോ;

(ഡി)	ഇക്കാര്യത്തില്‍ നിയമനടപടികള്‍ സ്വീകരിച്ചിട്ടുണ്ടോ; എങ്കില്‍ വിശദമാക്കുമോ;

(ഇ)	സംസ്ഥാനത്തിന്റെ അന്തര്‍ സംസ്ഥാന ജലവിഭാഗവും കാവേരി സ്പെഷ്യല്‍ സെല്ലും പ്രസ്തുത ആവശ്യത്തിനായി ചെയ്ത നടപടികള്‍ വിശദമാക്കാമോ?

മാനസിക വെല്ലുവിളി നേരിടുന്നവരുടെ പ്രശ്നങ്ങള്‍

*82.

ശ്രീ.എന്‍. ഷംസുദ്ദീന്‍
,, എം.ഉമ്മര്‍
,, സി.മോയിന്‍ കുട്ടി
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മാനസിക വെല്ലുവിളി നേരിടുന്നവരുടെ പ്രശ്നങ്ങള്‍ കാര്യക്ഷമമായി കൈകാര്യം ചെയ്യാന്‍ തക്ക വിധത്തിലുള്ള സൗകര്യങ്ങള്‍ നിലവിലില്ലെന്ന റിപ്പോര്‍ട്ടുകള്‍ ശ്രദ്ധയില്‍ വന്നിട്ടുണ്ടോ;

(ബി)	എങ്കില്‍ അപര്യാപ്ത്ത പരിഹരിക്കാന്‍ എന്തൊക്കെ സൗകര്യങ്ങള്‍ കൂടുതലായി ഏര്‍പ്പെടുത്തേണ്ടതുണ്ടെന്ന് വ്യക്തമാക്കുമോ;

(സി)	സമ്പൂര്‍ണ്ണ ചികില്‍സ ആവശ്യമുള്ളവരുടെ കാര്യത്തില്‍ അതിനുള്ള സൗകര്യമേര്‍പ്പെടുത്തുകയും, അല്ലാത്ത കേസുകളില്‍ കൗണ്‍സിലിംഗ് പോലുള്ള സൗകര്യങ്ങള്‍ ഏര്‍പ്പെടുത്തുകയും ചെയ്യുമോ ?

കര്‍ഷക തൊഴിലാളി ക്ഷേമനിധി ബോര്‍ഡ്

*83.

ശ്രീ.എളമരം കരീം
,, ജെയിംസ് മാത്യു
,, സി.കെ സദാശിവന്‍
,, വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	കര്‍ഷക തൊഴിലാളി ക്ഷേമനിധി ബോര്‍ഡിന്‍െറ പ്രവര്‍ത്തനങ്ങള്‍ വിലയിരുത്താറുണ്ടോ ; വിശദാംശം നല്‍കുമോ ;

(ബി)	ക്ഷേമനിധി ആനുകൂല്യങ്ങള്‍ യഥാസമയം നല്‍കാന്‍ കഴിയാത്തതിന്‍െ കാരണങ്ങള്‍ എന്തെന്നും മുടങ്ങിക്കിടക്കുന്ന ആനുകൂല്യങ്ങള്‍ നല്‍കാന്‍ വേണ്ട തുക എത്രയെന്നും വിശദമാക്കുമോ;

(സി)	2.91 ലക്ഷം അപേക്ഷകള്‍ കെട്ടിക്കിടക്കുന്നതു ശ്രദ്ധയില്‍പ്പെട്ടിട്ടുണ്ടോ ; എങ്കില്‍ അതു പരിഹരിക്കാനായി എന്തു നടപടി സ്വീകരിക്കാന്‍ ഉദ്ദേശിക്കുന്നു ;

(ഡി)	മനുഷ്യാവകാശ കമ്മീഷന്‍ ഇക്കാര്യത്തില്‍ ഇടപെട്ടിട്ടുണ്ടോ ; കമ്മീഷന്‍െറ നിര്‍ദ്ദേശം എന്തായിരുന്നു ; അതു നടപ്പിലാക്കിയോ ; ഇല്ലെങ്കില്‍ എന്തുകൊണ്ടെന്ന് വിശദമാക്കുമോ ?

തെറ്റായ ആരോഗ്യ ചോദന

*84.

ശ്രീ. എന്‍ .എ.നെല്ലിക്കുന്ന്
,, റ്റി.എ.അഹമ്മദ് കബീര്‍
,, അബ്ദുറഹിമാന്‍ രണ്ടത്താണി
,, വി.എം.ഉമ്മര്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഏതെങ്കിലും തരത്തിലുളള രോഗാവസ്ഥ അനുഭവപ്പെടുന്നവരുടെ എണ്ണത്തിലെ അനുപാതം ദേശീയ ശരാശരിയെക്കാള്‍ കേരളത്തില്‍ കൂടുതലാണെന്ന കാര്യം ശ്രദ്ധിച്ചിട്ടുണ്ടോ; എങ്കില്‍ ഇതിനുളള പ്രത്യേക കാരണങ്ങള്‍ എന്തൊക്കെയാണെന്ന് പരിശോധിച്ചിട്ടുണ്ടോ; വിശദമാക്കുമോ;

(ബി)	സ്വകാര്യ മേഖലയില്‍ വര്‍ദ്ധിച്ചുവരുന്ന സ്പെഷ്യലിസ്റ്റ് ആശുപത്രികളും ഹൈടെക് ലബോറട്ടറികളുമൊക്കെ സമൂഹത്തിലുണ്ടാക്കുന്ന തെറ്റായ ആരോഗ്യ ചോദന (ഹെല്‍ത്ത് ഡിമാന്‍റ്) ഇതിന് ഒരു കാരണമാവുന്നുണ്ടെന്ന അഭിപ്രായ ഗതിയെക്കുറിച്ച് പരിശോധിച്ചിട്ടുണ്ടോ;

(സി)	കേരള സമൂഹത്തില്‍ മോഡേണ്‍ മെഡിസിന്‍ വിഭാഗം നടത്തുന്ന തളളിക്കയറ്റവും അതുമൂലം ഉടലെടുക്കുന്ന അമിത ആരോഗ്യ മുന്‍കരുതലുകള്‍ സൃഷ്ടിക്കുന്ന അവസ്ഥാ വിശേഷവും ചികിത്സാ രംഗത്ത് അനിവാര്യമാവുന്ന അമിത സാമ്പത്തിക ഭാരവും ഒഴിവാക്കുന്നതിനുളള പ്രായോഗിക നടപടികളെക്കുറിച്ച് ആലോചിക്കുമോ?

ഉത്തരവാദിത്വ ടൂറിസം പദ്ധതി

*85.

ശ്രീ.എ.റ്റി.ജോര്‍ജ്
,, വര്‍ക്കല കഹാര്‍
,, പി.എ.മാധവന്‍
,, തേറമ്പില്‍ രാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ഉത്തരവാദിത്വ ടൂറിസം പദ്ധതി നടപ്പാക്കിയിട്ടുണ്ടോ; എങ്കിൽ വിശദമാക്കുമോ ;

(ബി)	എന്തെല്ലാം ലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നതെന്ന് വിശദമാക്കുമോ;

(സി)	പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ ?

വിസ ഓണ്‍ അറൈവല്‍ പദ്ധതി

*86.

ശ്രീ.സി.പി.മുഹമ്മദ്
,, ലൂഡി ലൂയിസ്
,, വി.ഡി.സതീശന്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	വിസ ഓണ്‍ അറൈവല്‍ പദ്ധതി നടപ്പാക്കിയിട്ടുണ്ടോ; വ്യക്തമാക്കുമോ;

(ബി)	എന്തെല്ലാം ലക്ഷ്യങ്ങളാണ് പ്രസ്തുത പദ്ധതി വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പ്രസ്തുത പദ്ധതി നടപ്പാക്കാൻ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

ജപ്പാന്‍ കുടിവെള്ള പദ്ധതി

*87.

ശ്രീ.റ്റി.യു. കുരുവിള
,, തോമസ് ഉണ്ണിയാടന്‍
,, സി.എഫ്.തോമസ്
,, മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജപ്പാന്‍ കുടിവെള്ള പദ്ധതി സംസ്ഥാന വ്യാപകമായി നടപ്പാക്കുന്നതിന് നടപടികള്‍ സ്വീകരിക്കുമോ ; എങ്കില്‍ വിശദാംശം ലഭ്യമാക്കുമോ ;

(ബി)	ശുദ്ധജല ദൗര്‍ലഭ്യം കൂടുതല്‍ അനുഭവപ്പെടുന്ന തീരമേഖല, കുട്ടനാടന്‍ പ്രദേശങ്ങള്‍, മറ്റ് സമാനമായ സ്ഥലങ്ങള്‍ എന്നിവിടങ്ങളില്‍ പ്രാധാന്യം നല്കി പ്രസ്തുത പദ്ധതി നടപ്പാക്കുന്നതിന് നടപടികള്‍ ഉണ്ടാകുമോ ?

ഓണ്‍ലൈന്‍ മരുന്നു വ്യാപാരം

*88.

ശ്രീ.ചിറ്റയം ഗോപകുമാര്‍
,, പി.തിലോത്തമന്‍
,, വി.എസ്.സുനില്‍ കുമാര്‍
ശ്രീമതി.ഗീതാ ഗോപി : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യത്തിന് ഭീഷണി ഉയര്‍ത്തി, യാതൊരു നിയന്ത്രണവുമില്ലാതെ സംസ്ഥാനത്ത് ഓണ്‍ലൈന്‍ മരുന്നു വ്യാപാരം നടക്കുന്ന വിവരം ശ്രദ്ധയില്‍പെട്ടിട്ടുണ്ടോ ;

(ബി)	പ്രസ്തുത വിഷയം സംബന്ധിച്ച പരാതികള്‍ ഡ്രഗ്സ് കണ്‍ട്രോള്‍ വിഭാഗത്തിന് ലഭിച്ചിട്ടുണ്ടോ ; എങ്കില്‍ പ്രസ്തുത പരാതികളിന്‍മേല്‍ എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കുമോ ;

(സി)	ഓണ്‍ലൈന്‍ വ്യാപാരം വഴി ഗുണനിലവാരമില്ലാത്തതും വ്യാജവുമായ മരുന്നുകള്‍ ഡോക്ടര്‍മാരുടെ കുറിപ്പടി ഇല്ലാതെ യഥേഷ്ടം വിറ്റഴിക്കപ്പെടുന്നതായി വിവരം ലഭിച്ചിട്ടുണ്ടോ ; എങ്കില്‍ ഇത്തരം ഓണ്‍ലൈന്‍ മരുന്നു കച്ചവടം തടയുന്നതിന് എന്തെങ്കിലും പദ്ധതികളുണ്ടോ; എങ്കില്‍ വ്യക്തമാക്കുമോ?

പാചകവാതക വിതരണ ശൃംഖലയിലെ തൊഴില്‍ പ്രശ്നങ്ങള്‍

*89.

ശ്രീ.കെ.എം.ഷാജി
,, സി.മമ്മൂട്ടി
,, പി.കെ.ബഷീര്‍
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പാചകവാതക വിതരണ ശൃംഖലയില്‍ തുടരെ ഉണ്ടാകുന്ന തൊഴില്‍ പ്രശ്നങ്ങള്‍ ശ്രദ്ധയില്‍പെട്ടിട്ടുണ്ടോ; എങ്കില്‍ ഇതു പരിഹരിക്കാന്‍ സ്വീകരിച്ചു വരുന്ന നടപടികള്‍ വിശദമാക്കുമോ;

(ബി)	കയറ്റിറക്ക് തൊഴിലാളികള്‍, ലോറിത്തൊഴിലാളികള്‍, ഫില്ലിംഗ് തൊഴിലാളികള്‍ തുടങ്ങിയ വിഭാഗങ്ങള്‍ ഒറ്റതിരിഞ്ഞും, കൂട്ടായും ഉത്സവ സീസണുകളോടനുബന്ധിച്ച് പണിമുടക്കുന്നതു മൂലം പാചകവാതകം ലഭിക്കാതെ പൊതുജനങ്ങള്‍ കഷ്ടപ്പെടുന്ന സാഹചര്യം ഒഴിവാക്കാന്‍ അടിയന്തര നടപടി സ്വീകരിക്കുമോ?

വിദ്യാലയ ആരോഗ്യം പദ്ധതി

*90.

ശ്രീ.ഹൈബി ഈഡന്‍
,, വര്‍ക്കല കഹാര്‍
,, പി.എ.മാധവന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വിദ്യാലയ ആരോഗ്യം പദ്ധതി നടപ്പാക്കിയിട്ടുണ്ടോ ;

(ബി)	എന്തെല്ലാം ഉദ്ദേശലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത് ; വിശദമാക്കുമോ ;

(സി)	പദ്ധതി നടപ്പിലാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് ?

കേരള നിയമസഭാ സെക്രട്ടേറിയറ്റ്‌,

പി.ഡി.ശാരംഗധരന്‍,

തിരുവനന്തപുരം,

സെക്രട്ടറി.

23-11-2015

Website maintained by Information System Section, Kerala Legislative Assembly, Thiruvananthapuram.