13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >14^th Session>Unstarred questions Answers

Answer Provided

Answer Not Yet Provided

THIRTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

മാതൃകാ പട്ടിക വര്‍ഗ്ഗ കോളനി

621.

ശ്രീ.കെ.രാജു : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടിക വര്‍ഗ്ഗ കോളനികളെ മാതൃകാ കോളനികളാക്കി മാറ്റുന്നതിനുള്ള പദ്ധതി ഉണ്ടോ ; വിശദമാക്കാമോ ;

(ബി)	കൊല്ലം ജില്ലയില്‍ ഇപ്രകാരം തിരഞ്ഞെടുക്കപ്പെട്ടിട്ടുള്ള കോളനികള്‍ ഉണ്ടോ ; എങ്കില്‍ ആയവയുടെ ലിസ്റ്റ് ലഭ്യമാക്കുമോ ;

(സി)	ഓരോ കോളനിയിലും പ്രസ്തുത പദ്ധതി പ്രകാരം നടപ്പിലാക്കുവാന്‍ ഉദ്ദേശിക്കുന്ന പ്രവര്‍ത്തനങ്ങളുടെ ഇനം തിരിച്ചുള്ള കണക്ക് ലഭ്യമാക്കുമോ ?

സൗജന്യ ചികില്‍സ

622.

(എ)	പട്ടികവര്‍ഗ്ഗ വിഭാഗത്തില്‍പ്പെട്ട രോഗികള്‍ക്ക് എത്ര രൂപ വരെയുള്ള സൗജന്യ ചികില്‍സയാണ് നല്‍കുന്നതെന്ന് വ്യക്തമാക്കുമോ ;

(ബി)	രോഗിയില്‍ നിന്നും പരിധിയില്‍ കൂടുതല്‍ ഈടാക്കുന്ന തുക റീ ഇംബേഴ്സ് ചെയ്ത് നല്‍കുവാന്‍ സംവിധാനമുണ്ടോ ; എങ്കില്‍ ഇതിന്റെ നടപടിക്രമങ്ങള്‍ വിശദമാക്കുമോ ;

(സി)	ഏതെല്ലാം ആശുപത്രികളിലാണ് ഇത്തരം സൗകര്യങ്ങള്‍ ലഭിക്കുന്നതെന്ന് വ്യക്തമാക്കുമോ ?

ഊരുകളിലെ ആരോഗ്യപ്രശ്നങ്ങള്‍

623.

ശ്രീ.കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ ആദിവാസി ഊരുകളിലെ ആരോഗ്യപ്രശ്നങ്ങളെക്കുറിച്ചും പോഷകാഹാരക്കുറവിനെക്കുറിച്ചും വര്‍ദ്ധിച്ചുവരുന്ന ശിശുമരണനിരക്കിനെക്കുറിച്ചും സര്‍ക്കാര്‍ തലത്തില്‍ പഠനം നടത്തിയിട്ടുണ്ടോ ; എങ്കില്‍ വിശദാംശം ലഭ്യമാക്കാമോ ;

(ബി)	ഇതു പരിഹരിക്കുന്നതിനായി 2011-12, 2012-13, 2013-14, 2014-15 ബഡ്ജറ്റില്‍ എത്ര തുകവീതം വകയിരുത്തി ; എത്ര തുക ചെലവഴിച്ചു ; വിശദാംശം ലഭ്യമാക്കാമോ ?

ബഡ്ജറ്റില്‍ വകയിരുത്തിയ തുക

624.

ശ്രീ.സാജു പോള്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗക്കാരുടെ ശാക്തീകരണത്തിനും കാര്യപ്രാപ്തി മെച്ചപ്പെടുത്തുന്നതിനുമായി കഴിഞ്ഞ സാമ്പത്തിക വര്‍ഷം ബജറ്റില്‍ വകയിരുത്തിയ തുക പൂര്‍ണമായും ചെലവഴിക്കാന്‍ സാധിക്കാത്തതിന്റെ കാരണം വ്യക്തമാക്കുമോ ;

(ബി)	ഇതിലേക്കായി വകയിരുത്തിയ തുക വക മാറ്റുകയുണ്ടായോ ; എങ്കില്‍ കഴിഞ്ഞ സാമ്പത്തിക വര്‍ഷം ഇതിലേക്കായി എത്ര തുക ബജറ്റില്‍ വകയിരുത്തി എന്നും എത്ര തുക ചെലവഴിച്ചുവെന്നും എത്ര തുക വകമാറ്റി ചെലവഴിച്ചുവെന്നും അറിയിക്കുമോ ?

അട്ടപ്പാടിയില്‍ കേന്ദ്ര - സംസ്ഥാന സർക്കാരുകൾ നടപ്പാക്കിക്കൊണ്ടിരിക്കുന്ന പദ്ധതികള്‍

625.

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ശിശു മരണങ്ങളെ തുടര്‍ന്ന് അട്ടപ്പാടിയില്‍ കേന്ദ്ര - സംസ്ഥാന സർക്കാരുകൾ പ്രഖ്യാപിച്ച് നടപ്പാക്കിക്കൊണ്ടിരിക്കുന്ന പദ്ധതികള്‍ ഏതെല്ലാമാണെന്ന് വിശദമാക്കുമോ ;

(ബി)	ഓരോ പദ്ധതിക്കും ചെലവഴിച്ച തുകയും നടപ്പാക്കിയ പ്രവര്‍ത്തനങ്ങളും വിശദമാക്കുമോ ;

(സി)	അട്ടപ്പാടിയില്‍ നടപ്പാക്കിവരുന്ന പ്രവര്‍ത്തനങ്ങള്‍ക്ക് ഇപ്പോള്‍ മേല്‍നോട്ടം വഹിക്കുന്നത് ആരാണ് എന്ന് വ്യക്തമാക്കുമോ ;

(ഡി)	പദ്ധതികള്‍ നടപ്പിലാക്കുന്നത് അവലോകനം ചെയ്യുന്നുണ്ടോ; എങ്കില്‍ അവസാനം ചേര്‍ന്ന അവലോകന യോഗമെന്നായിരുന്നു ; യോഗത്തിന്റെ മിനിറ്റ്സിന്റെ പകര്‍പ്പ് ലഭ്യമാക്കുമോ ?

ജനനി ജന്മരക്ഷാ പദ്ധതി

626.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, കെ.ശിവദാസന്‍ നായര്‍
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ജനനി ജന്മരക്ഷാ പദ്ധതിക്ക് തുടക്കം കുറിച്ചിട്ടുണ്ടോ ;

(ബി)	പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തൊക്കെയാണ് വിശദമാക്കാമോ ;

(സി)	പട്ടികവര്‍ഗ്ഗക്കാരായ ഗര്‍ഭിണികള്‍ക്കും മുലയൂട്ടുന്ന അമ്മമാര്‍ക്കും പോഷകഹാരത്തിന് എന്തെല്ലാം ധനസഹായങ്ങള്‍ നല്‍കാനാണ് പ്രസ്തുത പദ്ധതിയിലൂടെ ലക്ഷ്യമിടുന്നതെന്ന് വിശദമാക്കാമോ ;

(ഡി)	പദ്ധതിയുമായി ഏതെല്ലാം വകുപ്പുകളാണ് സഹകരിക്കുന്നതെന്ന് വിശദമാക്കാമോ ?

ജനനി-ജന്മരക്ഷാ ആരോഗ്യപദ്ധതി

627.

(എ)	ജനനി-ജന്മരക്ഷാ ആരോഗ്യപദ്ധതി അട്ടപ്പാടിയില്‍ നടപ്പാക്കുന്നുണ്ടോ ; എങ്കിൽ എത്ര വര്‍ഷമായിട്ട് പ്രസ്തുത പദ്ധതി ഇവിടെ നടപ്പാക്കുന്നു ; പദ്ധതിയുടെ വിശദാംശങ്ങള്‍ വ്യക്തമാക്കുമോ ?

(ബി)	എത്ര പേര്‍ക്ക് പദ്ധതിയുടെ പ്രയോജനം ലഭിച്ചു എന്നും ഇപ്പോള്‍ എത്ര പേര്‍ക്ക് പദ്ധതിയുടെ പ്രയോജനം ലഭിച്ചുകൊണ്ടിരിക്കുന്നുവെന്നുംവ്യക്തമാക്കുമോ :

(സി)	പ്രസ്തുത പദ്ധതിയ്ക്കായി അട്ടപ്പാടി ബ്ലോക്കില്‍ ആകെ എത്ര രൂപാ ഇതുവരെ ചെലവഴിച്ചിട്ടുണ്ട് ;

(ഡി)	പ്രസ്തുത പദ്ധതിയുടെ പ്രയോജനം ലഭിച്ച സ്ത്രീകളുടെ കുഞ്ഞുങ്ങള്‍ മരിച്ചതായി ശ്രദ്ധയില്‍പ്പെട്ടിട്ടുണ്ടോ ;എങ്കില്‍ ആയതിന്റെ വിശദാംശങ്ങള്‍ ലഭ്യമാക്കുമോ ;

(ഇ)	പ്രസ്തുത പദ്ധതിയുടെ ആനുകൂല്യം യഥാസമയം ലഭിക്കുന്നില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ ;എങ്കില്‍ അതിന്മേല്‍ എന്ത് നടപടി സ്വീകരിച്ചു ;

(എഫ്)

പ്രസ്തുതപദ്ധതി പ്രകാരമുള്ള ധനസഹായം മാസം തോറും വിതരണം ചെയ്യുന്നതിന് പകരം ഒരുമിച്ച് വിതരണം ചെയ്തിട്ടുണ്ടോ ; എങ്കില്‍ ആയതിന്റെ കാരണം വ്യക്തമാക്കുമോ ?

ദേശീയ ഗ്രാമീണ കുടിവെളള പദ്ധതി

628.

ശ്രീ.വി.ശശി : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗക്കാര്‍ക്ക് 2012-13 മുതല്‍ 2014-15വരെ ദേശീയ ഗ്രാമീണ കുടിവെളള പദ്ധതിക്കായി കേന്ദ്ര സര്‍ക്കാര്‍ എത്ര രൂപ നല്‍കിയെന്ന് വ്യക്തമാക്കുമോ ;

(ബി)	നല്‍കിയിട്ടുളള തുകയുടെ സാമ്പത്തികവര്‍ഷം തിരിച്ചുളള കണക്കും പ്രസ്തുത തുക വിനിയോഗിച്ച് ഓരോ വര്‍ഷവും തുടങ്ങിയ പദ്ധതികളുടെ പേരുവിവരവും വ്യക്തമാക്കുമോ ;

(സി)	ഏതെല്ലാം പഞ്ചായത്തുകളില്‍ ഏതെല്ലാം പദ്ധതികള്‍ക്കായി എത്ര രൂപാവീതം ചെലവഴിച്ചുവെന്ന് വ്യക്തമാക്കാമോ ;

(ഡി)	ഇവയില്‍ എത്ര പദ്ധതികള്‍ പൂര്‍ത്തീകരിച്ചുവെന്നും പൂര്‍ത്തീകരിക്കാത്ത പദ്ധതികള്‍ ഏതെല്ലാമെന്നും വ്യക്തമാക്കാമോ?

പദ്ധതി - പദ്ധതിയേതര ഇനങ്ങളിലായി ചെലവഴിച്ച തുക

629.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യത്തിന് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ കഴിഞ്ഞ 4 വര്‍ഷത്തിനിടയിൽ പട്ടികവര്‍ഗ്ഗക്ഷേമ വകുപ്പ് ഓരോ വര്‍ഷവും പദ്ധതി - പദ്ധതിയേതര ഇനങ്ങളിലായി എന്തു തുക വീതം ചെലവഴിച്ചുവെന്നു വിശദമാക്കുമോ?

പട്ടിക ഗോത്ര വര്‍ഗ്ഗ വിദ്യാര്‍ത്ഥികള്‍ക്ക് യാത്രാ സൗകര്യം ലഭ്യമാക്കുന്നതിന് പദ്ധതി

630.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, വി.ഡി.സതീശന്‍
,, എം.പി.വിന്‍സെന്‍റ് : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടിക ഗോത്ര വര്‍ഗ്ഗ വിദ്യാര്‍ത്ഥികള്‍ക്ക് യാത്രാ സൗകര്യം ലഭ്യമാക്കുന്നതിന് പദ്ധതി രൂപീകരിക്കാന്‍ ഉദ്ദേശിക്കുന്നുണ്ടോ ; വ്യക്തമാക്കുമോ ;

(ബി)	എങ്കില്‍ പദ്ധതിയുടെ ഉദ്ദേശ്യലക്ഷ്യങ്ങള്‍ എന്തൊക്കെയാണ് ;

(സി)	പദ്ധതി രൂപീകരണത്തിനും നടത്തിപ്പിനും സ്വീകരിച്ച നടപടികള്‍ എന്തെല്ലാം ; വിശദമാക്കുമോ ?

പട്ടിക വര്‍ഗ്ഗ ഭവനനിര്‍മ്മാണ പാക്കേജ്

631.

പ്രൊഫ.സി.രവീന്ദ്രനാഥ് : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടിക വര്‍ഗ്ഗ വിഭാഗത്തിന് ഭവന നിര്‍മ്മാണത്തിന് പണം നല്‍കിയെങ്കിലും വിവിധ കാരണങ്ങളാല്‍ വീട് പണിയാന്‍ കഴിയാത്ത കുടുംബങ്ങളുള്ള കാര്യം അറിയുമോ ;

(ബി)	എങ്കില്‍ അത്തരം ഭവനങ്ങളുടെ നിര്‍മ്മാണം പൂര്‍ത്തിയാക്കാന്‍ ഒരു പ്രത്യേക പാക്കേജ് തയ്യാറാക്കി പണി പൂര്‍ത്തീകരിക്കുന്നതിന് നടപടി സ്വീകരിച്ചിട്ടുണ്ടോ ;

(സി)	എങ്കില്‍ എന്തൊക്കെയാണെന്ന് വിശദമാക്കാമോ ?

പട്ടിക വര്‍ഗ്ഗക്കാര്‍ക്കുളള ധനസഹായം

632.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	2013 -14,2014-15 വര്‍ഷങ്ങളില്‍ വൈപ്പിന്‍ മണ്ഡലത്തിലെ പട്ടിക വര്‍ഗ്ഗ വിഭാഗത്തില്‍പ്പെട്ട എത്രപേര്‍ക്ക് ഭവന നിര്‍മ്മാണം, മെയിന്റനന്‍സ് എന്നീ ഇനങ്ങളിലായി സാമ്പത്തിക സഹായം ലഭ്യമാക്കിയിട്ടുണ്ടെന്ന് വ്യക്തമാക്കാമോ;

(ബി)	ധനസഹായത്തില്‍ കുടിശ്ശിക വരുത്തിയിട്ടുണ്ടോ ; എങ്കില്‍ എത്രയെന്നും എന്നത്തേയ്ക്ക് തുക അനുവദിക്കാനാകുമെന്നും വെളിപ്പെടുത്തുമോ ;

(സി)	ധനസഹായത്തിന് അര്‍ഹരായ എത്രപേരുണ്ടെന്ന് വ്യക്തമാക്കാമോ ?

ആദിവാസി ക്ഷേമ പദ്ധതികള്‍

633.

ശ്രീ.സി.ദിവാകരന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ആദിവാസികളുടെ ക്ഷേമത്തിനായി പുതുതായി നടപ്പിലാക്കിയ പദ്ധതികള്‍ എന്തെല്ലാമാണ്;

(ബി)	പ്രസ്തുത പദ്ധതികളിലൂടെ ഉണ്ടായ നേട്ടങ്ങള്‍ എന്തെല്ലാമാണെന്ന് വിശദമാക്കുമോ?

നെന്മാറ നിയോജക മണ്ഡലത്തിലെ പട്ടികവര്‍ഗ്ഗ കുടുംബങ്ങള്‍

634.

ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	നെന്മാറ നിയോജക മണ്ഡലത്തിലെ ഓരോ പഞ്ചായത്തിലും എത്ര പട്ടികവര്‍ഗ്ഗ കുടുംബങ്ങള്‍ താമസിക്കുന്നുണ്ട് ; വിശദാംശം ലഭ്യമാക്കുമോ;

(ബി)	ഇതില്‍ ചിലര്‍ക്ക്പട്ടികവര്‍ഗ്ഗ സര്‍ട്ടിഫിക്കറ്റ് ലഭിക്കുന്നില്ല എന്ന കാര്യം ശ്രദ്ധയില്‍പെട്ടിട്ടുണ്ടോ ;

(സി)	ഏതൊക്കെ പഞ്ചായത്തിലുള്ള പട്ടികവര്‍ഗ്ഗ വിഭാഗക്കാര്‍ക്കാണ് ഇത്തരത്തില്‍ സര്‍ട്ടിഫിക്കറ്റ് ലഭിക്കാത്തത് എന്ന് വിശദമാക്കുമോ;

(ഡി)	പട്ടികവര്‍ഗ്ഗ വിഭാഗത്തില്‍പ്പെട്ട മുഴുവന്‍ പേര്‍ക്കും സര്‍ട്ടിഫിക്കറ്റ് ലഭിക്കാന്‍ നടപടി സ്വീകരിക്കുമോ ; നിലവില്‍ ഇതിനായി സ്വീകരിച്ചിട്ടുള്ള നടപടികള്‍ വിശദമാക്കുമോ ?

ആദിവാസി മിഷന്‍ റിപ്പോര്‍ട്ട്

635.

ശ്രീ.വി.ശശി : താഴെ കാണുന്ന ചോദ്യത്തിന് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആദിവാസി പുനരധിവാസ മേഖലയില്‍ നടത്തിയ പ്രവര്‍ത്തനങ്ങളെ സംബന്ധിച്ചും പുനരധിവാസത്തെക്കുറിച്ചും ആദിവാസി മിഷന്‍ ഏറ്റവും ഒടുവില്‍ റിപ്പോര്‍ട്ട് തയ്യാറാക്കിയത് എന്നാണ് ; റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ ?

ആദിവാസി പുനരധിവാസ മേഖലയില്‍ നടപ്പിലാക്കിയ പദ്ധതികൾ

636.

(എ)	ആദിവാസി പുനരധിവാസ മേഖലയില്‍ ആദിവാസി മിഷന്‍ 2014-15 സാമ്പത്തിക വര്‍ഷത്തില്‍ മാര്‍ച്ച് 31 വരെ എന്തെല്ലാം പദ്ധതികള്‍ നടപ്പാക്കിയെന്ന് വിശദീകരിക്കാമോ ; പ്രസ്തുത പദ്ധതികള്‍ക്കായി എത്ര രൂപ ചെലവഴിച്ചുവെന്നു വ്യക്തമാക്കുമോ ;

(ബി)	എന്തെല്ലാം പദ്ധതികള്‍ ഏതെല്ലാം ഊരുകളില്‍ പൂര്‍ത്തിയാക്കിയെന്നും ഓരോ പദ്ധതികള്‍ക്കായി എത്ര രൂപ ചെലവഴിച്ചുവെന്നും വ്യക്തമാക്കാമോ ;

(സി)	ഏതെല്ലാം ഊരുകളില്‍ എന്തെല്ലാം പദ്ധതികള്‍ ഇനിയും പൂര്‍ത്തീകരിക്കാത്തതും നടപ്പാക്കാത്തതതുമായി ഉണ്ടെന്നും വിവരിക്കാമോ ; പ്രസ്തുത ഇനത്തില്‍ ചെലവഴിക്കാന്‍ ബാക്കി എത്ര രൂപ ശേഷിക്കുന്നുണ്ട് എന്ന് വെളിപ്പെടുത്തുമോ ?

ആദിവാസി വിഭാഗങ്ങള്‍ നേരിടുന്ന പ്രശ്നങ്ങള്‍

637.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അട്ടപ്പാടിയിലെ ശിശുമരണങ്ങളെക്കുറിച്ചും ആദിവാസിക്ഷേമ പദ്ധതി നടത്തിപ്പിലെ വീഴ്ചകളെക്കുറിച്ചും ദേശീയ മനുഷ്യവകാശ കമ്മീഷന്‍ വിശദീകരണം ആവശ്യപ്പെട്ടിരുന്നോ ;

(ബി)	എങ്കില്‍ അതിന് നല്‍കിയ വിശദീകരണത്തിന്റെ പകര്‍പ്പ് ലഭ്യമാക്കാമോ ?

ആദിവാസി ക്ഷേമഫണ്ടുകള്‍ ക്രിയാത്മകമായി ഉപയോഗപ്പെടുത്തുന്നതിലുള്ള ഗുരുതരമായ വീഴ്ച

638.

ശ്രീ.എ.കെ.ബാലന്‍
ശ്രീമതി.കെ.കെ.ലതിക
ശ്രീ.കെ.വി.വിജയദാസ്
ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആദിവാസി മേഖലയിലെ കുട്ടികള്‍ക്ക് പോഷകാഹാര കുറവ് മൂലമുള്ള ദുരന്തങ്ങള്‍ തുടരുന്നതായ വാര്‍ത്തകള്‍ വിലയിരുത്തിയിട്ടുണ്ടോ ;

(ബി)	ആദിവാസികളുടെ ക്ഷേമത്തിനായി ലഭ്യമാകുന്ന ഫണ്ടുകള്‍ ക്രിയാത്മകമായി ഉപയോഗപ്പെടുത്താത്തതാണ് ഇതിന് കാരണമാകുന്നതെന്നും ഇതിനായി സര്‍ക്കാരിന്റെ ഭാഗത്തുനിന്ന് പ്രഖ്യാപനമല്ലാതെ യാതൊരു നടപടിയും സ്വീകരിക്കുന്നില്ല എന്ന ആക്ഷേപം ശ്രദ്ധയില്‍പെട്ടിട്ടുണ്ടോ;എങ്കില്‍ നിലപാട് വ്യക്തമാക്കുമോ?

(സി)	പോഷകാഹാര കുറവ് മൂലം ആദിവാസി കുട്ടികളും അമ്മമാരും നേരിടുന്ന പ്രതിസന്ധി പരിഹരിക്കുന്നതിന് നിരന്തരം പദ്ധതികള്‍ പ്രഖ്യാപിച്ചിട്ടും ഇതുമുലമൂള്ള ഗുരുതരമായ പ്രശ്നങ്ങള്‍ ഇപ്പോഴും തുടരുന്നത് എന്തുകൊണ്ടാണെന്ന് വ്യക്തമാക്കുമോ ;

തൊഴില്‍ പരിശീലനപദ്ധതികള്‍

639.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗത്തില്‍പ്പെട്ട സ്ത്രീകള്‍ക്ക് തൊഴില്‍ പരിശീലനം നല്‍കുന്നതിനും സ്വന്തമായി വരുമാനമുണ്ടാക്കുന്നതിനും ഉള്ള പദ്ധതികള്‍ നിലവിലുണ്ടോ ; വിശദമാക്കുമോ;

(ബി)	ആലപ്പുഴ ജില്ലയില്‍, പട്ടികവര്‍ഗ്ഗ വിഭാഗത്തില്‍പ്പെട്ട സ്ത്രീകള്‍ക്ക് തൊഴില്‍ പരിശീലനം നല്‍കുന്ന കേന്ദ്രങ്ങള്‍ ഏതെല്ലാമാണെന്നും അവിടെ എത്ര പേര്‍ക്ക് പരിശീലനം നല്‍കുന്നുണ്ടെന്നും അറിയിക്കുമോ?

അരിവാള്‍ രോഗം ബാധിച്ചവര്‍ക്ക് ഭൂമി വിതരണം

640.

(എ)	അരിവാള്‍ രോഗം ബാധിച്ചവര്‍ക്ക് 2015 മാര്‍ച്ച് 31 നകം ഒരേക്കര്‍ ഭൂമി വിതരണം ചെയ്യുന്ന പദ്ധതിയില്‍ ഏത്ര പേര്‍ക്ക് ഭൂമി നല്‍കിയിട്ടുണ്ടെന്ന് പറയാമോ ; ഇത്തരത്തില്‍ ഭൂമി ലഭിച്ചവരുടെ പേരും വിലാസവും ലഭ്യമാക്കാമോ ;

(ബി)	ടി.ആര്‍.ഡി.എം. പ്രവര്‍ത്തനം കാര്യക്ഷമമാക്കുന്നതിന് പ്രത്യേക ഉദ്യോഗസ്ഥനെ നിയമിച്ചിട്ടുണ്ടോ ; ഉണ്ടെങ്കില്‍ നിയമിതനായ ഉദ്യോഗസ്ഥന്‍ ആരാണെന്ന് വെളിപ്പെടുത്തുമോ?

സെന്റര്‍ ഫോര്‍ ട്രൈബല്‍ എജ്യൂക്കേഷന്‍ ഡെവലപ്പ്മെന്റ് ആന്റ് റിസര്‍ച്ചിന്റെ പഠന റിപ്പോര്‍ട്ട്

641.

ശ്രീ.എളമരം കരീം : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ രണ്ടു വര്‍ഷത്തിനിടെ എഴുപതോളം ശിശുമരണങ്ങളും ഇതിനടുത്ത് ഗര്‍ഭസ്ഥ ശിശുമരണങ്ങളും നടന്ന അട്ടപ്പാടിയുടെ ദൈന്യത വിളിച്ചറിയിക്കുന്ന സെന്റര്‍ ഫോര്‍ ട്രൈബല്‍ എജ്യൂക്കേഷന്‍ ഡെവലപ്പ്മെന്റ് ആന്റ് റിസര്‍ച്ചിന്റെ പഠന റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(ബി)	2013 ലെ ശി ശുമരണത്തെ തുടര്‍ന്ന് പ്രഖ്യാപിക്കപ്പെട്ട പദ്ധതികളുടെ ഇപ്പോഴത്തെ സ്ഥിതി വ്യക്തമാക്കാമോ; കമ്യൂണിറ്റി കിച്ചണ്‍ പദ്ധതിയുടെ ഇപ്പോഴത്തെ അവസ്ഥ എന്താണ്?

ട്രൈബല്‍ പ്രൊമോട്ടര്‍മാര്‍ക്ക് ഓണറേറിയം നല്‍കുന്നതിലുള്ള വീഴ്ച

642.

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)

ട്രൈബല്‍ പ്രൊമോട്ടര്‍മാര്‍ക്ക് ഓണറേറിയം നല്‍കുന്നതിനും അവബോധ പരിപാടികളും പരിശീലനവും നല്‍കുന്നതിനും ആശുപത്രിയിലുള്ള രോഗികളെ പരിചരിക്കുന്നതിനുമായി 2014-15 ലെ ബജറ്റില്‍ വകകൊള്ളിച്ചിട്ടുള്ള 9 കോടി രൂപയില്‍ 4 കോടി 98 ലക്ഷത്തി രണ്ടായിരം രൂപ മാത്രമേ ചെലവാക്കാന്‍ കഴിഞ്ഞുള്ളു എന്നത് പട്ടികവര്‍ഗ്ഗ വികസനത്തിന്റെ ഗുണഫലങ്ങള്‍ അവരിലേക്ക് പൂര്‍ണ്ണമായും എത്തിക്കാന്‍ സാധിക്കുന്നതിലുള്ള സര്‍ക്കാരിന്റെ വീഴ്ചയായി കരുതുന്നുണ്ടോ ;

(ബി)	ബജറ്റ് വിഹിതം പൂര്‍ണ്ണമായും ചെലവഴിക്കാന്‍ സാധിക്കാത്തതിന്റെ കാരണം വ്യക്തമാക്കുമോ ;

(സി)	നടപ്പു സാമ്പത്തിക വര്‍ഷം ഇതിലേക്കായി എന്ത് തുകയാണ് വകയിരുത്തിയതെന്ന് അറിയിക്കുമോ ?

കാസര്‍ഗോഡ് ജില്ലയിലെ പട്ടികവര്‍ഗ്ഗ വിഭാഗങ്ങള്‍

643.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ പട്ടികവര്‍ഗ്ഗ വിഭാഗത്തില്‍പ്പെട്ട എത്ര പേരുണ്ടെന്നും ഇവര്‍ എത്ര കോളനികളിലായാണ് അധിവസിക്കുന്നതെന്നും വ്യക്തമാക്കാമോ ;

(ബി)	പട്ടികവര്‍ഗ്ഗ വിഭാഗത്തിലുള്‍പ്പെട്ട ഏതൊക്കെ ജാതികളാണ് കാസര്‍ഗോഡ് ജില്ലയിലുള്ളതെന്നു വ്യക്തമാക്കാമോ ?

കൈത്താങ്ങ് പദ്ധതി

644.

ശ്രീ.വി.പി.സജീന്ദ്രന്‍
,, ഐ.സി.ബാലകൃഷ്ണന്‍
,, വി.റ്റി.ബല്‍റാം
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആദിവാസി ക്ഷേമത്തിനായി" കൈത്താങ്ങ് "എന്ന പദ്ധതിക്ക് രൂപം നല്‍കിയിട്ടുണ്ടോ;

(ബി)	എങ്കില്‍ പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കാമോ;

(സി)	അനാഥരായ ആദിവാസി കുട്ടികളെ സംരക്ഷിക്കുവാന്‍ എന്തെല്ലാം നടപടികളാണ് പ്രസ്തുത പദ്ധതിയില്‍ ഉള്‍പ്പെടുത്തിയിരിക്കുന്നതെന്ന് വിശദമാക്കാമോ;

(ഡി)	പ്രസ്തുത പദ്ധതിയനുസരിച്ച് എന്തെല്ലാം സഹായങ്ങളാണ് നല്‍കുന്നതെന്ന് വ്യക്തമാക്കാമോ?

വയനാട്ടിലെ കുരങ്ങുപനി ബാധിച്ച ആദിവാസികള്‍ക്ക് ദുരിതാശ്വാസം

645.

ശ്രീമതി.ഗീതാ ഗോപി : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വയനാട്ടില്‍ കുരങ്ങുപനി ബാധിച്ചു മരണമടഞ്ഞ ആദിവാസികളുടെ എണ്ണം എത്ര ;

(ബി)	ആദിവാസി മേഖലകളില്‍ രോഗബാധ തടയുന്നതിന് സ്വീകരിച്ച നടപടികള്‍ വിശദീകരിക്കാമോ ;

(സി)	രോഗംമൂലം മരണപ്പെട്ടവരുടെ ആശ്രിതര്‍ക്കും രോഗബാധിതര്‍ക്കും ധനസഹായം നല്കിയിട്ടുണ്ടോ ; ഉണ്ടെങ്കില്‍ വിശദമാക്കാമോ ?

പട്ടികജാതി-പട്ടികവര്‍ഗ്ഗക്കാരുടെ വായ്പാ കുടിശ്ശിക

646.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി-പട്ടികവര്‍ഗ്ഗക്കാര്‍ക്ക് ധനകാര്യ സ്ഥാപനങ്ങളിലുള്ള വായ്പാ കുടിശ്ശിക എഴുതിത്തള്ളാന്‍ നടപടികള്‍ സ്വീകരിച്ചിട്ടുണ്ടോ;

(ബി)	എങ്കില്‍ ആയതിന്റെ വിശദാംശങ്ങള്‍ ലഭ്യമാക്കാമോ;

(സി)	മലപ്പുറം ജില്ലയില്‍ വായ്പാ കുടിശ്ശിക എഴുതിത്തള്ളാന്‍ എത്ര അപേക്ഷകള്‍ ലഭിച്ചുവെന്നും എത്ര അപേക്ഷകളില്‍ നടപടി സ്വീകരിച്ചുവെന്നും വ്യക്തമാക്കാമോ ?

കെെത്താങ്ങ് പദ്ധതി

647.

ശ്രീ.എം.വി.ശ്രേയാംസ്‌ കുമാര്‍
ഡോ.എന്‍. ജയരാജ്
ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് 'കെെത്താങ്ങ്' എന്ന പദ്ധതിയ്ക്ക് രൂപം നല്‍കിയിട്ടുണ്ടോ ;

(ബി)	പ്രസ്തുത പദ്ധതിയുടെ ഉദ്ദേശലക്ഷ്യങ്ങള്‍ വിശദമാക്കുമോ ;

(സി)	ഈ പദ്ധതിയിലൂടെ എന്തെല്ലാം സഹായങ്ങളാണ് നല്‍കുന്നതെന്ന് വ്യക്തമാക്കുമോ ?

ഒറ്റപ്പെട്ടു കിടക്കുന്ന ആദിവാസി കേന്ദ്രങ്ങളിലെ കുട്ടികളുടെ വിദ്യാഭ്യാസം

648.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനമേഖലകളില്‍ ഒറ്റപ്പെട്ടു കിടക്കുന്ന ആദിവാസി കേന്ദ്രങ്ങളിലെ കുട്ടികള്‍ക്ക് വിദ്യാഭ്യാസം നല്‍കാന്‍ പട്ടികവര്‍ഗ്ഗക്ഷേമ വകുപ്പ് എന്തൊക്കെ നടപടികളാണ് സ്വീകരിച്ചിട്ടുളളത് എന്ന് വ്യക്തമാക്കാമോ;

(ബി)	ഇനിയും സ്ക്കൂളില്‍ പോയിട്ടില്ലാത്ത പട്ടികവര്‍ഗ്ഗക്കാരായ എത്ര കുട്ടികള്‍ സംസ്ഥാനത്ത് ഉണ്ട്;

(സി)	പെരുനാട് പഞ്ചായത്തിലെ അട്ടത്തോട്ടില്‍ പഞ്ചായത്തിന്റെ നേതൃത്വത്തില്‍ ഈ വര്‍ഷം അട്ടത്തോട് ഗവ. ട്രൈബല്‍ എല്‍. പി . സ്ക്കൂള്‍ ആരംഭിച്ച വിവരം പട്ടികവര്‍ഗ്ഗക്ഷേമ വകുപ്പിന്റെ ശ്രദ്ധയില്‍പെട്ടിട്ടുണ്ടോ; ഉണ്ടെങ്കില്‍ സ്ക്കൂള്‍ ആരംഭിക്കാനായി എന്തൊക്കെ സഹായസഹകരണങ്ങളാണ് വകുപ്പ് നല്‍കിയത് എന്ന് വിശദമാക്കാമോ;

(ഡി)	സ്ക്കൂളിന് സ്ഥലവും കെട്ടിടവും മറ്റ് അടിസ്ഥാന സൗകര്യങ്ങളും ഒരുക്കുന്നത് പഞ്ചായത്തിന് വന്‍ ബാദ്ധ്യതയാകും എന്നുളളതിനാല്‍ സ്ക്കൂള്‍ പട്ടികവര്‍ഗ്ഗക്ഷേമ വകുപ്പ് ഏറ്റെടുക്കാന്‍ എന്തെങ്കിലും നടപടിയുണ്ടോ; ഇല്ലെങ്കില്‍ നടപടി സ്വീകരിക്കുമോ?

ആദിവാസികളുടെ സ്ഥിതിവിവര കണക്കുകൾ

649.

(എ)	പട്ടികവര്‍ഗ്ഗ വികസന വകുപ്പിന്റെ ഏതെല്ലാം ഫാമുകളില്‍ വനാവകാശ നിയമം അനുസരിച്ച് കൈവശ രേഖകള്‍ നല്‍കിയെന്ന് വിശദീകരിക്കാമോ;

(ബി)	ആറളം ഫാമിങ്ങ് കോര്‍പ്പറേഷനുമായി ബന്ധപ്പെട്ട കാര്യങ്ങള്‍ പഠിച്ച് റിപ്പോര്‍ട്ട് സമര്‍പ്പിക്കാന്‍ പട്ടികവര്‍ഗ്ഗ ഡയറക്ടറെ ചുമതലപ്പെടുത്തിയതനുസരിച്ച് റിപ്പോര്‍ട്ട് തയ്യാറായിട്ടുണ്ടോ; ഉണ്ടെങ്കില്‍ ആയതിന്റെ പകര്‍പ്പ് ലഭ്യമാക്കാമോ;

(സി)	2014-15 സാമ്പത്തിക വര്‍ഷത്തില്‍ പട്ടികവര്‍ഗ്ഗ വികസന വകുപ്പ് ശേഖരിച്ച സംസ്ഥാനത്തെ ആദിവാസികളുടെ സ്ഥിതി വിവരകണക്കുകളുടെ കോപ്പി ലഭ്യമാക്കാമോ?

പട്ടികവര്‍ഗ്ഗ ക്ഷേമത്തിനായുളള ബജറ്റ് ശീര്‍ഷകം

650.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സാമ്പത്തിക വര്‍ഷം പട്ടികവര്‍ഗ്ഗ ക്ഷേമത്തിനായുളള ബജറ്റ് ശീര്‍ഷകത്തില്‍ ഏതെല്ലാം ഇനങ്ങള്‍ക്കാണ് വകയിരുത്തിയ തുകയിലും അന്‍പത് ശതമാനത്തില്‍ താഴെ മാത്രം ചെലവഴിച്ചത് ; ആയതിനുള്ള കാരണം വ്യക്തമാക്കാമോ ;

(ബി)	ഇതുവഴി പട്ടികവര്‍ഗ്ഗക്കാര്‍ക്കു ലഭിക്കേണ്ട പല പദ്ധതികള്‍ക്കും വേണ്ടത്ര തുക ചെലവഴിക്കാത്തതുമൂലം അവര്‍ ദുരിതത്തിലാണ് ജീവിക്കുന്നതെന്ന് വിലയിരുത്തിയിട്ടുണ്ടോ ;

(സി)	ഇത് വീഴ്ചയായി കരുതുന്നുണ്ടോ എന്ന് വ്യക്തമക്കുമോ?

അട്ടപ്പാടിയിലെ ശിശുമരണം

651.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റ ശേഷം അട്ടപ്പാടിയില്‍ എത്ര ശിശുക്കള്‍ മരണപ്പെട്ടിട്ടുണ്ട് എന്ന് വ്യക്തമാക്കാമോ; ഇതിന്റെ കാരണങ്ങള്‍ പ്രത്യേകമായി അന്വേഷിച്ചു കണ്ടെത്തിയിട്ടുണ്ടോ;വിശദാംശം ലഭ്യമാക്കുമോ?

അട്ടപ്പാടിയിലെ ശിശുമരണങ്ങള്‍

652.

ശ്രീ.സി.ദിവാകരന്‍ : താഴെ കാണുന്ന ചോദ്യത്തിന് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അട്ടപ്പാടിയില്‍ ശിശുമരണങ്ങള്‍ക്കിടയാക്കുന്ന അടിസ്ഥാനപ്രശ്നങ്ങള്‍ പരിഹരിക്കാന്‍ സ്വീകരിച്ച നടപടികള്‍ എന്തെല്ലാമെന്ന് വിശദമാക്കുമോ?

പട്ടികവര്‍ഗ്ഗക്കാരുടെ ഇടയിലെ ലഹരി ഉപയോഗം

653.

(എ)	പട്ടികവര്‍ഗ്ഗക്കാരുടെ ഇടയില്‍ വര്‍ദ്ധിച്ചുവരുന്ന മദ്യം, പുകയില,മറ്റു ലഹരി വസ്തുക്കള്‍ തുടങ്ങിയവയുടെ ഉപയോഗത്തിനെതിരെ അവബോധ ക്യാമ്പുകളും ബോധവല്‍ക്കരണവും നടത്തുന്നതില്‍ സര്‍ക്കാര്‍ പൂര്‍ണ പരാജയമാണെന്നുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ :

(ബി)	അവബോധ ക്യാമ്പുകളും ബോധവല്‍ക്കരണവും നടത്തുന്നതിലേക്കായി കഴിഞ്ഞ സാമ്പത്തിക വര്‍ഷം എത്ര തുകയാണ് ബജറ്റില്‍ വക കൊള്ളിച്ചതെന്നും എത്ര തുക ചെലവഴിച്ചുവെന്നും വിശദമാക്കാമോ?

പട്ടികവര്‍ഗ്ഗക്കാര്‍ക്കുളള കേന്ദ്രാവിഷ്കൃത പദ്ധതികള്‍

654.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗക്കാര്‍ക്കുളള കേന്ദ്രാവിഷ്കൃത പദ്ധതികള്‍ക്കായി കഴിഞ്ഞ സാമ്പത്തിക വര്‍ഷം പ്ലാന്‍ ഇനത്തിലും നോണ്‍ പ്ലാന്‍ ഇനത്തിലും എത്ര തുക വകയിരുത്തിയെന്നും ഇതില്‍ എത്ര തുക ചെലവഴിച്ചുവെന്നും അറിയിക്കുമോ ;

(ബി)	തുക പൂര്‍ണ്ണമായും ചെലവഴിക്കാന്‍ സാധിച്ചിട്ടില്ലെങ്കില്‍ കാരണം വ്യക്തമാക്കുമോ ?

പട്ടികവര്‍ഗ്ഗ വിഭാഗങ്ങള്‍ക്ക് മിഷന്‍ 676-ല്‍ സമ്പൂര്‍ണ്ണ ഭവന പദ്ധതി

655.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, എ.പി.അബ്ദുള്ളക്കുട്ടി
,, തേറമ്പില്‍ രാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗ വിഭാഗത്തിന് മിഷന്‍ 676 ല്‍ ഉള്‍പ്പെടുത്തി സമ്പൂര്‍ണ്ണ ഭവന പദ്ധതി വിഭാവനം ചെയ്തിട്ടുണ്ടോ; വിശദമാക്കുമോ;

(ബി)	ഇതിനായി എന്തെല്ലാം പദ്ധതികള്‍ ആവിഷ്ക്കരിക്കാന്‍ ഉദ്ദേശിക്കുന്നു എന്നതിന്റെ വിശദാംശങ്ങള്‍ നല്‍കാമോ;

(സി)	എത്ര പേര്‍ക്ക് വീട് നല്‍കാനാണ് പദ്ധതിയില്‍ ഉദ്ദേശിച്ചിട്ടുള്ളത് എന്ന് വ്യക്തമാക്കാമോ;

(ഡി)	പദ്ധതികള്‍ ആവിഷ്കരിക്കുന്നതിനും നടപ്പാക്കുന്നതിനും ഭരണ തലത്തില്‍ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വിശദമാക്കുമോ?

യുവജന പദ്ധതി

656.

ശ്രീ.ഹൈബി ഈഡന്‍
,, വി.റ്റി.ബല്‍റാം
,, പി.സി വിഷ്ണുനാഥ്
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	യുവജന നയത്തില്‍ വിഭാവനം ചെയ്തിട്ടുള്ള ലക്ഷ്യങ്ങള്‍ യാഥാര്‍ത്ഥ്യമാക്കുന്നതിന് പദ്ധതി രൂപീകരിച്ചിട്ടുണ്ടോ ; വിശദമാക്കുമോ ;

(ബി)	പദ്ധതി നടപ്പാക്കുന്നതിന് കേന്ദ്രസഹായം ലഭിക്കുന്നുണ്ടോ; വിശദാംശങ്ങള്‍ ലഭ്യമാക്കാമോ ;

(സി)	പദ്ധതിയുമായി ആരെയെല്ലാം സഹകരിപ്പിക്കാനാണ് ഉദ്ദേശിക്കുന്നതെന്ന് വിശദമാക്കുമോ ;

(ഡി)	ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ?

യുവജന ക്ഷേമപദ്ധതികള്‍ക്കുള്ള കേന്ദ്ര ഫണ്ട് വിനിയോഗം

657.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	യുവജന ക്ഷേമത്തിനായി കേന്ദ്ര സര്‍ക്കാരില്‍ നിന്നും 2014-2015 സാമ്പത്തിക വര്‍ഷത്തില്‍ എത്ര തുകയാണ് ലഭിച്ചിട്ടുള്ളത് ;

(ബി)	ഈ ഇനത്തില്‍ എത്ര തുക സംസ്ഥാന സ്ര‍ക്കാര്‍ ചെലവഴിച്ചുവെന്നും എന്തെല്ലാം പദ്ധതികള്‍ക്കാണ് ചെലവഴിച്ചതെന്നും വിശദമാക്കാമോ ;

(സി)	യുവജനക്ഷേമത്തിനായി കേന്ദ്രം അനുവദിച്ച തുകയില്‍ എത്ര തുക ചെലവഴിക്കാന്‍ ബാക്കി ഉണ്ടെന്ന് വിശദമാക്കാമോ ?

യുവജനനയം

658.

(എ)	സംസ്ഥാനത്ത് യുവജന നയം പ്രഖ്യാപിച്ചിട്ടുണ്ടോ ;

(ബി)	യുവജന ക്ഷേമത്തിനായി പ്രസ്തുത നയത്തില്‍ എന്തെല്ലാം ഉള്‍പ്പെടുത്തിയിട്ടുണ്ട് ; വിശദമാക്കുമോ ;

(സി)	യുവജനനയം നടപ്പാക്കുന്നതിന് ഭരണതലത്തില്‍ സ്വീകരിച്ച നടപടികള്‍ എന്തെല്ലാം ; വ്യക്തമാക്കുമോ ?

ഒറ്റൂര്‍ ഗ്രാമപഞ്ചായത്തിലെ നീറുവിളയില്‍ സ്റ്റേഡിയം

659.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	SMILE(സ്മൈല്‍) പദ്ധതിയിലുള്‍പ്പെടുത്തി ഒറ്റൂര്‍ ഗ്രാമപഞ്ചായത്തിലെ നീറുവിളയില്‍ സ്റ്റേഡിയം നിര്‍മ്മിക്കുവാന്‍ സമര്‍പ്പിച്ച പ്രൊപ്പോസലിന് അനുമതി ലഭ്യമാക്കാത്തതിന്റെ കാരണം വിശദമാക്കുമോ;

(ബി)	ഈ സാമ്പത്തികവര്‍ഷം പ്രസ്തുത ശുപാര്‍ശ അംഗീകരിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

യുവാക്കളെ ലഹരി മരുന്നില്‍നിന്നും മുക്തമാക്കാന്‍ പദ്ധതി

660.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ചെറുപ്പക്കാരില്‍ മദ്യപാനശീലവും പുകയില ഉല്പന്നങ്ങള്‍ മറ്റ് ലഹരി മരുന്നുകള്‍ എന്നിവയുടെ ഉപയോഗവും വര്‍ദ്ധിച്ചുവരുന്നതായുളള റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് നിയന്ത്രിക്കുന്നതിനും തടയുന്നതിനും സംസ്ഥാന യുവജനകാര്യ വകുപ്പ് എന്തെല്ലാം ചെയ്യുന്നുണ്ട്;

(സി)	ലഹരിമരുന്നുകള്‍ക്ക് അടിമകളായ ചെറുപ്പക്കാരെ അതില്‍ നിന്നും മോചിപ്പിയ്ക്കുന്നതിന് എന്തെല്ലാം പദ്ധതികള്‍ ഈ വകുപ്പിന് കീഴില്‍ നിലവിലുണ്ട്;

(ഡി)	ഇത്തരത്തിലുളള യുവാക്കളെ ലഹരി മരുന്നിന്റെ ഉപയോഗത്തില്‍ നിന്നും പിന്തിരിപ്പിക്കുന്നതിനും സ്വാഭാവിക ജീവിതത്തിലേയ്ക്ക് മടക്കിക്കൊണ്ടുവരുന്നതിനും ഡീ-അഡിക്ഷന്‍ സെന്ററുകള്‍ ഈ വകുപ്പിനുകീഴില്‍ പ്രവര്‍ത്തിക്കുന്നുണ്ടോ;ഇല്ലെങ്കില്‍ ആയത് ആരംഭിയ്ക്കുന്ന കാര്യം പരിഗണിയ്ക്കുമോ?

ബ്ലോക്കുകളില്‍ യൂത്ത് റിസോഴ്സ് സെന്ററുകള്‍

661.

ശ്രീ.വി.റ്റി.ബല്‍റാം
,, പി.സി വിഷ്ണുനാഥ്
,, ഷാഫി പറമ്പില്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എല്ലാ ബ്ലോക്കുകളിലും യൂത്ത് റിസോഴ്സ് സെന്ററുകള്‍ ആരംഭിക്കുവാന്‍ പദ്ധതി രൂപീകരിച്ചിട്ടുണ്ടോ ; എങ്കില്‍ വിശദമാക്കാമോ ;

(ബി)	പദ്ധതി നടപ്പിലാക്കുന്നതിന് ലഭിക്കുന്ന കേന്ദ്ര സഹായത്തിന്റെ വിശദാംശങ്ങള്‍ എന്തെല്ലാമാണ് ;

(സി)	പദ്ധതിയുമായി സഹകരിക്കാനുദ്ദേശിക്കുന്നത് ആരെല്ലാമാണ് ;

(ഡി)	ഇക്കാര്യത്തില്‍ സ്വീകരിച്ച നടപടികള്‍ വ്യക്തമാക്കാമോ?

യുവജന മുന്നേറ്റം ലക്ഷ്യമാക്കി മിഷന്‍ 676-ല്‍ ഉള്‍പ്പെടുത്തിയ പദ്ധതികള്‍

662.

ശ്രീ.പി.സി വിഷ്ണുനാഥ്
,, വി.റ്റി.ബല്‍റാം
,, ഷാഫി പറമ്പില്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	യുവജന മുന്നേറ്റം ലക്ഷ്യമാക്കി മിഷന്‍ 676-ല്‍ എന്തെല്ലാം കാര്യങ്ങളാണ് ഉള്‍പ്പെടുത്തിയിട്ടുള്ളതെന്ന് വിശദമാക്കുമോ ;

(ബി)	ഇതിനായി എന്തെല്ലാം പദ്ധതികള്‍ ആവിഷ്ക്കരിക്കാന്‍ ഉദ്ദേശിക്കുന്നു ;

(സി)	പ്രസ്തുത പദ്ധതികള്‍ ആവിഷ്ക്കരിക്കുന്നതിനും നടപ്പാക്കുന്നതിനും ഭരണതലത്തില്‍ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വിശദമാക്കുമോ ?

മൃഗശാലാ സന്ദര്‍ശകര്‍ക്കുളള സൗകര്യങ്ങള്‍

663.

ശ്രീ.തോമസ് ഉണ്ണിയാടന്‍ : താഴെ കാണുന്ന ചോദ്യത്തിന് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	മൃഗശാലകളിലെ സന്ദര്‍ശകര്‍ക്ക് ആവശ്യമായ എന്തെല്ലാം സൗകര്യങ്ങളാണ് ഏര്‍പ്പെടുത്താന്‍ ഉദ്ദേശിക്കുന്നത്; ഇതു സംബന്ധിച്ച് മാസ്റ്റര്‍ പ്ലാന്‍ തയ്യാറാക്കിയിട്ടുണ്ടോ; വിശദമാക്കുമോ?

മൃഗശാലകളുടെ ശോച്യാവസ്ഥ

664.

ശ്രീ.അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എത്ര മൃഗശാലകള്‍ പ്രവര്‍ത്തിക്കുന്നുണ്ടെന്നും അവ എവിടെയെല്ലാമാണെന്നും വിശദമാക്കാമോ ;

(ബി)	ഈ മൃഗശാലകളുടെ ശോച്യാവസ്ഥ പരിഹരിക്കുന്നതിന് സ്വീകരിച്ച നടപടികള്‍ വ്യക്തമാക്കാമോ ;

(സി)	മൃഗശാലകളുടെ പുനരുദ്ധാരണത്തിനു വേണ്ടി മാസ്റ്റര്‍പ്ലാന്‍ തയ്യാറാക്കിയിട്ടുണ്ടോ ;എങ്കില്‍ വിശദാംശങ്ങള്‍ നല്‍കാമോ ?

മ്യൂസിയത്തിലെ ഉദ്യാനപരിപാലനം

665.

ശ്രീ.എ. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാന നഗരത്തിലെ മ്യൂസിയം കോമ്പൗണ്ടിലെ അപൂര്‍വ്വ ചെടികള്‍ ശരിയായ പരിചരണം ഇല്ലാതെ നശിക്കുന്നത് ശ്രദ്ധയില്‍പ്പെട്ടിട്ടുണ്ടോ ;

(ബി)	ഉദ്യാനം പരിചരിക്കുന്നതിനായി എത്ര ജീവനക്കാരാണുള്ളതെന്ന് വെളിപ്പെടുത്താമോ ; ഇവരുടെ മേല്‍നോട്ടത്തിനായി സൂപ്പര്‍വൈസറി തസ്തികകള്‍ നിലവിലുണ്ടോ ;

(സി)	പുല്‍ത്തകിടികള്‍‌ ശരിയായ രീതിയില്‍ പരിചരിക്കുന്നതിനുള്ള നടപടികള്‍ സ്വീകരിക്കുമോ ?

Website maintained by Information System Section, Kerala Legislative Assembly, Thiruvananthapuram.