13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >14^th Session>Unstarred questions Answers

Answer Provided

Answer Not Yet Provided

THIRTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സഹകരണ ബാങ്ക് വായ്പ

434.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സഹകരണ ബാങ്കില്‍ നിന്നും സംസ്ഥന സര്‍ക്കാര്‍വായ്പ എടുത്തിട്ടുണ്ടോ ; ഉണ്ടെങ്കില്‍ വിശദാംശം ലഭ്യമാക്കാമോ ?

ഭവനശ്രീ പദ്ധതി വായ്പ

435.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീയുടെ ആഭിമുഖ്യത്തില്‍ നടപ്പിലാക്കിയ ഭവനശ്രീ പദ്ധതി പ്രകാരം കോഴിക്കോട് ജില്ലയില്‍ ഏതെല്ലാം സഹകരണ ബാങ്കുകള്‍ എത്ര തുക വായ്പയായി നല്‍കിയിട്ടുണ്ട്;

(ബി)	സംസ്ഥാന സര്‍ക്കാര്‍ ഭവനശ്രീ വായ്പ എഴുതി തള്ളിയശേഷം ഈ ബാങ്കുകള്‍ക്ക് എത്ര തുക ഈ ഇനത്തില്‍ ലഭിച്ചിട്ടുണ്ട്;

(സി)	ഈ വായ്പകളില്‍ പലിശ ഉള്‍പ്പെടെ എത്ര തുക ഇനിയും ലഭിക്കാനുണ്ട് ;

(ഡി)	വായ്പാ തുകയും പലിശയും ലഭ്യമാക്കുന്നത് സംബന്ധിച്ച് സംസ്ഥാന സര്‍ക്കാരില്‍ നിന്ന് എന്തെങ്കിലും അറിയിപ്പ് സഹകരണ ബാങ്കുകള്‍ക്ക് നല്‍കിയിട്ടുണ്ടോ ?

വിലക്കയറ്റം തടയുന്നതിനുള്ള നടപടികള്‍

436.

ശ്രീ.എം. ഹംസ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമാര്‍ക്കറ്റിലെ അനിയന്ത്രിത വിലക്കയറ്റം തടയുന്നതിനായി സഹകരണമേഖല മുഖേന സ്വീകരിച്ച നടപടികള്‍ വ്യക്തമാക്കാമോ;

(ബി)	നിത്യോപയോഗ സാധനങ്ങള്‍ ന്യായവിലയ്ക്കും മായം കലര്‍ത്താതെയും ഉപഭോക്താവിന് ലഭിയ്ക്കുന്നതിനായി കണ്‍സ്യൂമര്‍ ഫെഡ് ഏതെല്ലാം തരത്തിലുള്ള സ്റ്റോറുകള്‍ നടത്തിവരുന്നുണ്ടെന്ന് വ്യക്തമാക്കാമോ;

(സി)	സംസ്ഥാനത്ത് എത്ര നന്മസ്റ്റോറുകൾ ആരംഭിക്കുന്നതിനായിരുന്നു നടപടികള്‍ തുടങ്ങിയത് ; ആയത് പ്രവര്‍ത്തനം തുടങ്ങിയോ; വിശദാംശം ലഭ്യമാക്കാമോ;

(ഡി)	ഒറ്റപ്പാലം അസംബ്ലി മണ്ഡലത്തിലെ പൂക്കോട്ടുകാവില്‍ അനുവദിക്കപ്പെട്ട നന്മസ്റ്റോറിന്റെ പ്രവര്‍ത്തനം തുടങ്ങിയോ; ഇല്ലെങ്കില്‍ കാരണം വ്യക്തമാക്കാമോ; പ്രവർത്തനം എന്ന് ആരംഭിക്കാൻ കഴിയുമെന്നു വ്യക്തമാക്കുമോ ?

ജൈവ പച്ചക്കറി ഉത്പാദനം

437.

പ്രൊഫ.സി.രവീന്ദ്രനാഥ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സുവര്‍ണ്ണകൈരളി പദ്ധതിയനുസരിച്ച് ജൈവ പച്ചക്കറി ഉത്പാദനത്തിനായി മുന്നോട്ടുവന്നിട്ടുളള സഹകരണ സംഘങ്ങളെത്രയെന്ന് വിശദമാക്കാമോ ;

(ബി)	ആലില പദ്ധതി നടപ്പ് വര്‍ഷവും തുടരുന്നുണ്ടോ ; വിശദമാക്കാമോ ?

വില പിടിച്ചുനിര്‍ത്തുന്നതിനായി സഹകരണ വകുപ്പ് നടത്തുന്ന ഇടപെടലുകള്‍

438.

ശ്രീ.തോമസ് ഉണ്ണിയാടന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	വരുന്ന ഓണം, ക്രിസ്‍മസ് തുടങ്ങിയ ആഘോഷങ്ങളോടനുബന്ധിച്ച് റേഷന്‍ കാര്‍ഡുടമകള്‍ക്ക് അരി, പലവ്യഞ്ജനങ്ങള്‍ തുടങ്ങിയ വിവിധ അവശ്യ സാധനങ്ങള്‍ വിതരണം ചെയ്യുന്നതിന് സഹകരണ വകുപ്പ് പദ്ധതി ആവിഷ്ക്കരിച്ചിട്ടുണ്ടോ ;

(ബി)	ഇതു സംബന്ധിച്ച് സ്വീകരിച്ചു വരുന്ന നടപടികള്‍ എന്തെല്ലാം ;

(സി)	അവശ്യ സാധനങ്ങളുടെ വില പിടിച്ചു നിര്‍ത്തുന്നതിനായി സഹകരണ വകുപ്പ് നടത്തുന്ന ഇടപെടലുകള്‍ ഏതെല്ലാം ; വ്യക്തമാക്കാമോ ?

കേരള സഹകരണ റിസ്ക് ഫണ്ട് പദ്ധതി

439.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കേരള സഹകരണ റിസ്ക് ഫണ്ട് പദ്ധതി പ്രകാരം ഈ സര്‍ക്കാരിന്റെ കാലയളവില്‍ കാസര്‍ഗോഡ് ജില്ലയില്‍ എത്ര അപേക്ഷകള്‍ ലഭിച്ചിട്ടുണ്ട്; ലഭിച്ച അപേക്ഷകളില്‍ എത്ര എണ്ണം തീര്‍പ്പാക്കി; വിശദാംശങ്ങള്‍ അറിയിക്കാമോ;

(ബി)	എത്ര രൂപയുടെ ആനുകൂല്യം ഇതുവഴി ലഭ്യമാക്കിയെന്ന് വിശദമാക്കാമോ?

നന്മ സ്റ്റോറുകള്‍

440.

ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം കണ്‍സ്യൂമര്‍ ഫെഡിന്റെ കീഴില്‍ എത്ര നന്മ സ്റ്റോറുകള്‍ തുടങ്ങിയിട്ടുണ്ടെന്നും അവയില്‍ എത്ര എണ്ണം ഇപ്പോള്‍ പ്രവര്‍ത്തിക്കുന്നുണ്ടെന്നും ജില്ല തിരിച്ച് വിശദമാക്കാമോ ?

നിതി, നന്മ, ത്രിവേണി സ്റ്റോറുകളുടെ നടത്തിപ്പിലെ ക്രമക്കേട്

441.

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കണ്‍സ്യൂമര്‍ഫെഡിന്റെ നീതി, നന്മ, ത്രിവേണി സ്റ്റോറുകളുടെ നടത്തിപ്പുമായി ബന്ധപ്പെട്ട് വ്യാപകമായ ക്രമക്കേട് നടക്കുന്നുവെന്നുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ ഇതു സംബന്ധിച്ച് ഏതെങ്കിലും തരത്തിലുളള അന്വേഷണം നടത്തിയിട്ടുണ്ടോ;

(സി)	അതു പ്രകാരം എന്തെല്ലാം ക്രമക്കേടുകളാണ് കണ്ടെത്തിയിട്ടുളളത്;

(ഡി)	ആരെയൊക്കെയാണ് കുറ്റക്കാരായി കണ്ടെത്തിയിട്ടുളളത്;

(ഇ)	ഇവര്‍ക്കെതിരെ എന്തുശിക്ഷാനടപടികളാണ് സ്വീകരിച്ചിട്ടുളളത്; വിശദാംശം വ്യക്തമാക്കുമോ?

സഹകരണ മേഖലയുടെ സമഗ്ര വികസനം

442.

ശ്രീ.കെ.രാജു : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	2014-15 സാമ്പത്തിക വര്‍ഷത്തില്‍ സഹകരണ മേഖലയുടെ സമഗ്ര വികസനത്തിനായി എത്ര തുകയാണ് വകയിരുത്തിയത്; ഏതെല്ലാം ഇനത്തില്‍ എത്ര തുക ചെലവഴിച്ചു ; ഇനി ചെലവഴിക്കപ്പെടാനുള്ള തുക എത്ര; വിശദമാക്കുമോ?

(ബി)	2015-16 സാമ്പത്തിക വര്‍ഷത്തില്‍ സഹകരണ മേഖലയുടെ വികസനത്തിനായി എത്ര തുകയാണ് നീക്കിവെച്ചിട്ടുള്ളത്; വിശദമാക്കുമോ;

(സി)	നിത്യോപയോഗ സാധനങ്ങളുടെ വിലക്കയറ്റം നിയന്ത്രിക്കുന്നതിന് വിപണി ഇടപെടലിനായി എത്ര തുക 2012-13, 2013-14, 2014-15 വര്‍ഷങ്ങളില്‍ ചെലവഴിച്ചു എന്ന് വര്‍ഷം തിരിച്ചുള്ള കണക്ക് ലഭ്യമാക്കുമോ;

(ഡി)	സംസ്ഥാനത്ത് ത്രിവേണി മെഡിക്കല്‍ സ്റ്റോറുകള്‍ക്കായി 2012-13, 2013-14, 2014-15 വര്‍ഷങ്ങളില്‍ എത്ര തുക ചെലവഴിച്ചു എന്ന് വ്യക്തമാക്കുമോ?

സഹകരണ ബാങ്കിംഗ് മേഖലകളില്‍ നടപ്പിലാക്കിയ പദ്ധതികള്‍

443.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം സഹകരണ ബാങ്കിംഗ് മേഖലകളില്‍ നടപ്പിലാക്കിയ പദ്ധതികള്‍ എന്തെല്ലാം ;

(ബി)	സഹകരണ ബാങ്കുകള്‍ വഴി കാര്‍ഷിക മേഖലയുടെ പുരോഗതിക്കായി നടപ്പിലാക്കിയ വായ്പാ പദ്ധതികള്‍ എന്തെല്ലാം?

സഹകരണ വകുപ്പില്‍ നടപ്പിലാക്കിയ പുതിയ പദ്ധതികള്‍

444.

ശ്രീ.സി.ദിവാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം സഹകരണ വകുപ്പില്‍ നടപ്പിലാക്കിയ പുതിയ പദ്ധതികള്‍ എന്തെല്ലാമാണ്;

(ബി)	പ്രസ്തുത പദ്ധതികളിലൂടെ എന്തെല്ലാം പ്രയോജനങ്ങളാണ് ഉണ്ടായത് ; വിശദമാക്കാമോ ?

സഹകരണ ബാങ്കുകളിലെ നിക്ഷേപം

445.

(എ)	ആദായനികുതി വകുപ്പ് സംസ്ഥാനത്തെ സഹകരണ ബാങ്കുകളിലെ നിക്ഷേപങ്ങളെക്കുറിച്ച് റിപ്പോര്‍ട്ട് ആവശ്യപ്പെട്ടിട്ടുണ്ടോ ; എത്ര തുകയ്ക്ക് മുകളിലുളള നിക്ഷേപങ്ങളെക്കുറിച്ചാണ് വിവരങ്ങള്‍ നല്‍കേണ്ടത് ; വിശദാംശങ്ങള്‍ വ്യക്തമാക്കുമോ ;

(ബി)	വാണിജ്യബാങ്കുകള്‍ 10 ലക്ഷം രൂപയ്ക്കു മുകളില്‍ നിക്ഷേപം ഉളളവരുടെ വിവരങ്ങള്‍ മാത്രം നല്‍കിയാല്‍ മതിയെന്നിരിക്കെ, സഹകരണബാങ്കുകളെ തകര്‍ക്കുന്നതാണ് ആദായനികുതി വകുപ്പിന്റെ ഈ നീക്കം എന്ന വിദഗ്ധരുടെ അഭിപ്രായം ശ്രദ്ധയില്‍പ്പെട്ടിട്ടുണ്ടോ ;

(സി)	ഉണ്ടെങ്കില്‍ സഹകരണബാങ്കുകളെ സംരക്ഷിക്കുന്നതിന് കേന്ദ്ര ധനകാര്യ വകുപ്പുമായി ബന്ധപ്പെട്ട് എന്തു നടപടികളാണ് ഇക്കാര്യത്തിൽ സ്വീകരിച്ചിട്ടുളളത് എന്ന് വ്യക്തമാക്കുമോ?

സഹകരണ ബാങ്കുകളില്‍ അംഗത്വം

446.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ ബാങ്കുകളില്‍ അംഗത്വമെടുക്കുന്നതിന് ഏതു വിധത്തിലാണ് അപേക്ഷകള്‍ നല്‍കേണ്ടത്;

(ബി)	അംഗത്വത്തിന് അപേക്ഷിക്കാന്‍ എന്തെല്ലാം മാനദണ്ഡങ്ങളാണ് നിഷ്ക്കര്ഷിച്ചിട്ടുള്ളത്;

(സി)	സഹകരണ ബാങ്കുകളുടെ ഭരണ സമിതിയോ ബോര്‍ഡ് അംഗമോ ശുപാര്‍ശ ചെയ്യാത്തയാള്‍ക്ക് യോഗ്യതയുണ്ടെങ്കിലും അംഗത്വം നല്‍കരുതെന്ന് ചട്ടങ്ങളില്‍ പറയുന്നുണ്ടോ; അപ്രകാരം ചട്ടങ്ങളില്‍ വ്യവസ്ഥയില്ലെങ്കില്‍ അംഗത്വത്തിനുള്ള അപേക്ഷാ ഫോറം പോലും നിഷേധിക്കുന്ന ബാങ്ക് ഉദ്യോഗസ്ഥര്‍ക്കെതിരെ നടപടി സ്വീകരിക്കുമോ?

സഹകരണ സ്ഥാപനങ്ങള്‍ മുഖേനയുളള കാര്‍ഷിക വായ്പകള്‍

447.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റശേഷം ഓരോ സാമ്പത്തിക വര്‍ഷവും സഹകരണ സ്ഥാപനങ്ങള്‍ മുഖേന എത്ര തുകയുടെ കാര്‍ഷിക വായ്പകള്‍ അനുവദിച്ചിട്ടുണ്ടെന്ന് ജില്ല തിരിച്ച് വിശദമാക്കാമോ ;

(ബി)	2014-15 സാമ്പത്തിക വര്‍ഷത്തില്‍ കണ്ണൂര്‍ ജില്ലയില്‍ ഈ ഇനത്തില്‍ എത്ര തുക അനുവദിച്ചിട്ടുണ്ടെന്ന് സ്ഥാപനം തിരിച്ച് വിശദമാക്കാമോ ?

സഹകരണ സ്ഥാപനങ്ങള്‍ എഴുതിത്തള്ളിയ ലോണ്‍

448.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ സ്ഥാപനങ്ങളില്‍ നിന്നും ലോണ്‍ എടുത്തശേഷം മരിച്ചുപോകുന്ന സഹകാരികളുടെ ലോണ്‍ കുടിശ്ശിക എഴുതിത്തള്ളുന്നതിനുള്ള വ്യവസ്ഥകള്‍ എന്തൊക്കെയാണെന്ന് വ്യക്തമാക്കുമോ ;

(ബി)	ഇൗ സര്‍ക്കാര്‍ അധികാരത്തില്‍ വന്നശേഷം ഇൗ ഇനത്തില്‍ എന്തു തുക എഴുതിത്തള്ളിയിട്ടുണ്ടെന്നും എത്ര കുടുംബങ്ങള്‍ക്ക് ഇതിന്റെ ആനുകൂല്യം ലഭിച്ചിട്ടുണ്ടെന്നും അറിയിക്കുമോ ?

സഹകരണ സ്ഥാപനങ്ങളുടെ നവീകരണം

449.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ സ്ഥാപനങ്ങളുടെ നവീകരണത്തിനും വികസനത്തിനുമായി പദ്ധതികള്‍ ആസൂത്രണം ചെയ്യുവാന്‍ ഉദ്ദേശിക്കുന്നുണ്ടോ ; എങ്കില്‍ വിശദമാക്കുമോ ;

(ബി)	പി.പി.പി. പദ്ധതികള്‍ക്ക് നല്‍കുന്ന സഹായം പോലും സഹകരണ സംഘങ്ങള്‍ക്ക് നല്‍കാത്തത് എന്തുകൊണ്ടാണ് ;

(സി)	സഹകരണ സംഘങ്ങള്‍ക്ക് പുതിയ പദ്ധതികള്‍ നടപ്പാക്കുന്നതിനും വികസിപ്പിക്കുന്നതിനും സര്‍ക്കാര്‍ വക ഭൂമിയും സ്ഥാപനങ്ങളും ലഭ്യമാക്കുന്നതിന് നടപടികള്‍ സ്വീകരിക്കുമോ ?

സഹകരണ സംഘങ്ങള്‍ക്കായി കര്‍മ്മ പദ്ധതികള്‍

450.

ശ്രീ.ബെന്നി ബെഹനാന്‍
,, വര്‍ക്കല കഹാര്‍
,, സി.പി.മുഹമ്മദ്
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റ ശേഷം സഹകരണ സംഘങ്ങളുടെ സുസ്ഥിര വളര്‍ച്ചയ്ക്കും കാര്യക്ഷമതയ്ക്കും എന്തെല്ലാം കര്‍മ്മ പദ്ധതികളാണ് ആവിഷ്ക്കരിച്ച് നടപ്പാക്കിയതെന്ന് വിശദമാക്കാമോ ;

(ബി)	സഹകരണ നിയമത്തില്‍ എന്തെല്ലാം ഭേദഗതികളാണ് വരുത്തിയതെന്ന് വ്യക്തമാക്കുമോ ;

(സി)	ഈ സര്‍ക്കാര്‍ അധികാരമേറ്റ ശേഷം സഹകരണ മേഖലയുടെ വളര്‍ച്ചയ്ക്ക് എന്തെല്ലാം അടിസ്ഥാന സൗകര്യങ്ങളാണ് ഏര്‍പ്പെടുത്തിയതെന്ന് വിശദമാക്കാമോ?

ജില്ലാ സഹകരണ ബാങ്കു് ശാഖകളിലെ ബ്രാഞ്ച് മാനേജര്‍ തസ്തിക

451.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ജില്ലാ സഹകരണ ബാങ്കുകളുടെ ശാഖകളിലെ ബ്രാഞ്ച് മാനേജര്‍ തസ്തികയിലെ ഒഴിവുകളുടെ വിവരം പി.എസ്സ്.സി- യ്ക്ക് റിപ്പോര്‍ട്ട് ചെയ്തിട്ടുണ്ടോയെന്ന് വെളിപ്പെടുത്തുമോ ;

(ബി)	ഓരോ ജില്ലയിലും പ്രസ്തുത തസ്തികയിലുളള ഒഴിവുകളുടെ എണ്ണവും അത് പി.എസ്സ്.സി-യ്ക്ക് റിപ്പോര്‍ട്ട് ചെയ്ത തീയതിയും വെളിപ്പെടുത്താമോ;

(സി)	സഹകരണ സ്ഥാപനങ്ങളില്‍ പി.എസ്സ്.സി മുഖേന നിയമനം നടത്തുന്ന തസ്തികകളില്‍ ഉദ്യോഗക്കയറ്റം നല്‍കി നിയമനം നടത്തരുത് എന്ന ഉത്തരവ് പാലിക്കപ്പെടുന്നുണ്ടോയെന്ന് വ്യക്തമാക്കുമോ;

കൊച്ചി സഹകരണ മെഡിക്കല്‍ കോളേജ് സര്‍ക്കാര്‍ ഏറ്റെടുത്ത നടപടി

452.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കൊച്ചി സഹകരണ മെഡിക്കല്‍ കോളേജ് എന്നാണ് സര്‍ക്കാര്‍ ഏറ്റെടുത്തത് എന്നും ഏറ്റെടുക്കുന്നതിന് മുന്‍പ് മെഡിക്കല്‍ കോളേജിന്റെ ആസ്തി ബാദ്ധ്യത തിട്ടപ്പെടുത്തിയിരുന്നോ എന്നും വിശദമാക്കാമോ;

(ബി)	കൊച്ചി സഹകരണ മെ‍ഡിക്കല്‍ കോളേജ് സര്‍ക്കാര്‍ ഏറ്റെടുക്കുമ്പോള്‍ കേപ്പുമായി എന്തെങ്കിലും ധാരണപത്രം ഒപ്പു വച്ചിരുന്നോ; ഉണ്ടെങ്കില്‍ അതിന്റെ പകര്‍പ്പ് ലഭ്യമാക്കുമോ;

(സി)	കൊച്ചി സഹകരണ മെഡിക്കല്‍കോളേജ് സര്‍ക്കാര്‍ ഏറ്റെടുക്കുമ്പോള്‍ കേപ്പിന് നഷ്‍ടപരിഹാരം നല്‍കാന്‍ വ്യവസ്ഥ ചെയ്തിരുന്നോ; നഷ്ടപരിഹാരമായി എന്തെങ്കിലും തുക കേപ്പിന് ലഭിച്ചോ; വ്യക്തമാക്കാമോ;

(ഡി)	സഹകരണ മെഡിക്കല്‍ കോളേജിലെ ജീവനക്കാരെ സര്‍ക്കാര്‍ ഏറ്റെ‍ടുത്തോ; വിശദാംശം നല്‍കുമോ;

(ഇ)	സര്‍ക്കാര്‍ ഏറ്റെടുത്ത തീയതി മുതല്‍ ഇതുവരെ മെഡിക്കല്‍കോളേജിന്റെ നടത്തിപ്പിനായി കേപ്പ് എത്ര തുക ചെലവഴിച്ചു; വിശദമാക്കാമോ?

കൊല്ലം ജില്ലാ സഹകരണ ബാങ്കിലെ ഒഴിവുകൾ

453.

(എ)	കൊല്ലം ജില്ലാ സഹകരണ ബാങ്കിന്റെ അധീനതയില്‍ ഉള്ള ശാഖകളില്‍ ബ്രാഞ്ച് മാനേജര്‍ തസ്തികയില്‍ എത്ര ഒഴിവുകള്‍ നിലവിലുണ്ട്; ഒഴിവുക ളുടെ എണ്ണം ബ്രാഞ്ച് തിരിച്ച് വെളിപ്പെടുത്തുമോ;

(ബി)	പ്രസ്തുത ഒഴിവുകള്‍ എന്നു മുതലാണ് നിലവിൽ വന്നതെന്ന് വ്യക്തമാക്കുമോ;

(സി)	പുതിയതായി അനുവദിച്ച ശാഖകളിലെ നിലവിലുള്ള ഒഴിവുകളും റിട്ടയര്‍മെന്റ് ഒഴിവുകളും പ്രത്യേകം പ്രത്യേകമായി വെളിപ്പെടുത്തുമോ?

ആലപ്പുഴ ജില്ലയിലെ സഹകരണ സ്ഥാപനങ്ങൾ .

454.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സാമ്പത്തിക വര്‍ഷം ആലപ്പുഴ ജില്ലയിലെ സഹകരണ സ്ഥാപനങ്ങള്‍ക്ക് എത്ര തുക ഗ്രാന്റായി നല്‍കി; ഏതെല്ലാം സംഘങ്ങള്‍ക്ക് എത്ര തുക വീതം; വ്യക്തമാക്കുമോ;

(ബി)	ജില്ലയിലെ സഹകരണ സംഘങ്ങളെ സഹായിക്കുന്നതിനായി നിലവിലെ ബഡ്ജറ്റില്‍ എത്ര തുക നീക്കിവച്ചിട്ടുണ്ടെന്ന് വ്യക്തമാക്കുമോ?

നാട്ടിക മണ്ഡലത്തിലെ ത്രിവേണി/നന്മ/നീതി സ്റ്റോറുകള്‍

455.

ശ്രീമതി.ഗീതാ ഗോപി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	നാട്ടിക നിയോജക മണ്ഡലത്തില്‍ പ്രവര്‍ത്തിക്കുന്ന ത്രിവേണി/നീതി/നന്മ സ്റ്റോറുകള്‍ ഏതെല്ലാമെന്ന് വിശദമാക്കുമോ ;

(ബി)	ഈ സ്റ്റോറുകളിൽ വേണ്ടത്ര ഉല്പന്നങ്ങള്‍ വില്പനക്കില്ലാത്തുതുകൊണ്ട് നേരിടുന്ന പ്രശ്നങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ പരിഹാര നടപടികള്‍ സ്വീകരിക്കുമോ ; വിശദമാക്കുമോ ?

അംഗത്വം നിഷേധിക്കുന്ന സഹകരണ ബാങ്കുകള്‍

456.

ശ്രീ.കെ.അജിത് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രവര്‍ത്തിക്കുന്ന വിവിധ സഹകരണ ബാങ്കുകളില്‍ യോഗ്യതയുളളവ൪ക്ക്പോലും അംഗത്വം നിഷേധിക്കുന്നതായ പരാതികള്‍ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	അംഗത്വം നിഷേധിക്കുന്ന സഹകരണ സംഘങ്ങള്‍/ബാങ്കുകള്‍ക്കെതിരെ എവിടെയാണ് പരാതി നല്‍കേണ്ടതെന്നും ഈ വിധം നല്‍കുന്ന പരാതിയില്‍ പരിഹാരം ലഭിച്ചില്ലെങ്കില്‍ എന്തു തുടര്‍നടപടികളാണ് സ്വീകരിക്കേണ്ടതെന്നും വെളിപ്പെടുത്തുമോ;

(സി)	യോഗ്യതയുളളവര്‍ക്ക് അംഗത്വം നിഷേധിക്കുന്നതു പോലെയുളള നടപടികള്‍ സ്വീകരിക്കുന്ന സഹകരണ സംഘങ്ങള്‍/ബാങ്കുകള്‍ക്കെതിരെ വകുപ്പ്തലത്തില്‍ എന്തു നടപടികളാണ് സ്വീകരിക്കുകയെന്നു വ്യക്തമാക്കുമോ?

പരിയാരം മെഡിക്കല്‍കോളേജ്.

457.

ശ്രീ.കെ.കെ.നാരായണന്‍ : താഴെ കാണുന്ന ചോദ്യത്തിന് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പരിയാരം മെഡിക്കല്‍ കോളേജ് സര്‍ക്കാര്‍ ഏറ്റെടുക്കുന്നതിന് തീരുമാനിച്ചിട്ടുണ്ടോ;വിശദാംശം വെളിപ്പെടുത്താമോ?

പ്രാഥമിക കാര്‍ഷിക വായ്പാ സംഘങ്ങള്‍

458.

(എ)	2014-15 ലെ കണക്കുപ്രകാരം സംസ്ഥാനത്തെ പ്രാഥമിക കാര്‍ഷിക വായ്പാസംഘങ്ങളില്‍ എത്രയെണ്ണം ലാഭത്തില്‍ പ്രവര്‍ത്തിക്കുന്നു; എത്ര സംഘങ്ങള്‍ നഷ്ടത്തില്‍ പ്രവര്‍ത്തിക്കുന്നു; നഷ്ടത്തില്‍ പ്രവര്‍ത്തിക്കുന്ന സംഘങ്ങളെ ലാഭത്തിലാക്കുവാന്‍ എന്തു നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്ന ശേഷം ഓരോ വര്‍ഷവും സഹകരണ സംഘങ്ങള്‍ വഴി വിതരണം ചെയ്ത കാര്‍ഷിക വായ്പ എത്രയെന്ന് വ്യക്തമാക്കുമോ; ആകെ കാര്‍ഷിക വായ്പയില്‍ പ്രാഥമിക കാര്‍ഷിക വായ്പാ സഹകരണ സംഘങ്ങള്‍ വഴി വിതരണം ചെയ്ത കാര്‍ഷിക വായ്പകളുടെ കണക്ക്, വര്‍ഷം തിരിച്ച് വ്യക്തമാക്കുമോ;

(സി)	കാര്‍ഷിക വായ്പ തീരെ നല്‍കാത്ത സംഘങ്ങള്‍ എത്രയുണ്ടെന്ന് വ്യക്തമാക്കാമോ; ഇക്കാര്യത്തില്‍ എന്തു നടപടിയാണ് സ്വീകരിക്കാനുദ്ദേശിക്കുന്നത്; വിശദമാക്കാമോ?

ത്രിവേണി സ്റ്റോറുകളുടെയും നന്മ സ്റ്റോറുകളുടെയും പ്രവര്ത്തനം

459.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സഹകരണ വകുപ്പിനു കീഴിലുള്ള ത്രിവേണി സ്റ്റോറുകളുടെയും നന്മ സ്റ്റോറുകളുടെയും പ്രവര്‍ത്തനത്തിന് ഈ സര്‍ക്കാര്‍ സ്വീകരിച്ചിരിക്കുന്ന മാര്‍ഗ്ഗനിര്‍ദ്ദേശങ്ങള്‍ വ്യക്തമാക്കാമോ ;

(ബി)	നിത്യോപയോഗ സാധനങ്ങള്‍ സബ്സിഡിനിരക്കിലും ന്യായവിലയ്ക്കും ലഭ്യമാക്കാന്‍ സഹകരണ വകുപ്പ് സ്വീകരിച്ചിരിക്കുന്ന നടപടികള്‍ വ്യക്തമാക്കാമോ ;

(സി)	കണ്‍സ്യൂമര്‍ഫെഡിനെ കൂടുതല്‍ ജനകീയമാക്കുന്നതിനും സ്റ്റോറുകളിലെ വില്പന മെച്ചപ്പെടുത്തുന്നതിനും നടപടി സ്വീകരിക്കുമോ ?

ത്രിവേണി/നീതി / നന്മ സ്റ്റോറുകളിലെ വിപണനം

460.

ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വരുമ്പോള്‍ ത്രിവേണി//നീതി സ്റ്റോറുകളിലും കൂടാതെ നന്മ സ്റ്റോറുകളിലും വിപണനം നടത്തി വന്നിരുന്ന സാധനങ്ങളുടെ വില എത്രയായിരുന്നു ;

(ബി)	തുടര്‍ന്ന് ഒാരോ വര്‍ഷവും ഏപ്രില്‍ ഒന്നിന് അവയുടെ വില എത്ര എന്നും 2015 മേയ് മാസത്തെ വില എത്ര എന്നും വ്യക്തമാക്കുമോ ;

(സി)	ഇൗ സര്‍ക്കാര്‍ അധികാരത്തില്‍ വന്നശേഷമുളള കാലയളവിലെ ഒാരോ സാധനങ്ങള്‍ക്കും വര്‍ദ്ധിച്ച വില എത്ര എന്നും ഏതെങ്കിലും സാധനങ്ങള്‍ക്ക് കഴിഞ്ഞ സര്‍ക്കാരിനേക്കാള്‍ കുറവു വിലയുണ്ടോ എന്നും അവ ഏതെല്ലാം എന്നും വ്യക്തമാക്കുമോ ;

(ഡി)	ത്രിവേണി//നീതി/നന്മ സ്റ്റോറുകള്‍ (മെഡിക്കല്‍ സ്റ്റോറുകള്‍ ഉള്‍പ്പെടെ) വിവിധ സാധനങ്ങള്‍ /മരുന്നുകള്‍ എന്നിവയുടെ 2015 മേയ് മാസത്തിലെ വില സംബന്ധിച്ച സ്റ്റേറ്റ്മെന്റ് ലഭ്യമാക്കുമോ ; ഒപ്പം ഇൗ സ്ര‍ക്കാര്‍ അധികാരത്തില്‍ വന്നപ്പോഴുളള സ്റ്റേറ്റ്മെന്റും ലഭ്യമാക്കുമോ ;

(ഇ)	ത്രിവേണി/നീതി/നന്മ സ്റ്റോറുകളില്‍ പൊതു ജനത്തിനാവശ്യമുളള അവശ്യ സാധനങ്ങളുടെ അഭാവം ഉണ്ടെന്നുളള പരാതിയുളളതിനാല്‍ നിലവിലെ സ്റ്റോക്കു വിവരം ലഭ്യമാക്കുമോ ?

ത്രിവേണി/നീതി /നന്മ / സ്റ്റോറുകള്‍

461.

(എ)	ഇൗ സര്‍ക്കാര്‍ അധികാരത്തില്‍ വന്നപ്പോള്‍ എത്ര ത്രിവേണി/നീതി സ്റ്റോറുകള്‍/നീതി മെഡിക്കല്‍ സ്റ്റോറുകള്‍/മറ്റു ന്യായവില വിപണന കേന്ദ്രങ്ങള്‍ എന്നിവ ഉണ്ടായിരുന്നു എന്ന് വ്യക്തമാക്കുമോ;

(ബി)	ഇൗ സര്‍ക്കാര്‍ ഓരോവര്‍ഷവും എത്ര നന്മ സ്റ്റോറുകള്‍ തുറന്നു പ്രവര്‍ത്തനം നടത്തി എന്ന് വര്‍ഷം തിരിച്ച് വിശദാംശം ലഭ്യമാക്കുമോ;

(സി)	പ്രസ്തുത സ്ഥാപനങ്ങള്‍ പ്രതിസന്ധി നേരിട്ടതു പ്രകാരം ഓരോ വര്‍ഷവും അടച്ച സ്ഥാപനങ്ങള്‍ ഏതെല്ലാം; ജില്ല തിരിച്ച് വിശദാംശം നല്‍കുമോ;

(ഡി)	പ്രസ്തുത സ്ഥാപനങ്ങളില്‍ സബ്സിഡി സാധനങ്ങള്‍ ലഭ്യമല്ല എന്നതു മൂലം അടച്ചുപൂട്ടിയവ ഏതെല്ലാമെന്ന് വിഭാഗം തിരിച്ച് വ്യക്തമാക്കുമോ ; ഇതിനുകാരണക്കാരായ ഉദ്യോഗസ്ഥര്‍ ആരെല്ലാം ;

(ഇ)	ഇവ തുടര്‍ന്ന് പ്രവര്‍ത്തിപ്പിയ്ക്കുന്നതിന് എന്തെങ്കിലും നടപടി സ്വീകരിയ്ക്കുമോ എന്ന് വ്യക്തമാക്കുമോ; പ്രസ്തുത സ്ഥാപനങ്ങള്‍ തുറന്നു പ്രവര്‍ത്തിപ്പിക്കാന്‍ ഇതുവരെ എന്തു നടപടി സ്വീകരിച്ചു എന്ന് വ്യക്തമാക്കുമോ?

ത്രിവേണി/നന്മ/നീതി സ്റ്റോറുകൾ

462.

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	നിലവിലുള്ള ത്രിവേണി/നന്മ/നീതി സ്റ്റോറുകളുടെ എണ്ണം ജില്ല തിരിച്ച് ലഭ്യമാക്കുമോ;

(ബി)	പ്രസ്തുത സ്ഥാപനങ്ങളിലെ നിലവിലുള്ള ജീവനക്കാരുടെ എണ്ണം തസ്തിക തിരിച്ച് (സ്ഥിരം/താല്ക്കാലികം) ജില്ലാടിസ്ഥാനത്തില്‍ അറിയിക്കുമോ;

(സി)	ഇവയുടെ പ്രവർത്തനം ലാഭകരമാണോ എന്ന് വിലയിരുത്തിയിട്ടുണ്ടോ; എങ്കില്‍ ആയതിന്റെ വിശദാംശം ഇക്കഴിഞ്ഞ വാര്‍ഷിക സ്ഥിതിവിവര കണക്കുകളുടെ അടിസ്ഥാനത്തിൽ വിശദമാക്കാമോ?

സുവര്‍ണ്ണ കേരളം പദ്ധതി

463.

ശ്രീ.വി.ഡി.സതീശന്‍
,, എം.എ. വാഹീദ്
,, പി.എ.മാധവന്‍
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സുവര്‍ണ്ണ കേരളം പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; വിശദമാക്കുമോ;

(ബി)	പ്രസ്തുത പദ്ധതിയില്‍ ഉള്‍പ്പെടുത്തി എത്ര സഹകരണ സംഘങ്ങള്‍ മുഖേനയാണ് ആധുനിക കൃഷി സാങ്കേതിക വിദ്യകള്‍ കൈമാറുവാന്‍ ഉദ്ദേശിക്കുന്നത്;

(സി)	അടുക്കളത്തോട്ട നിര്‍മ്മാണം ഉള്‍പ്പെടെ ഏതെല്ലാം കൃഷി രീതികളും ഉല്‍പാദനോപാധികളുമാണ് കൈമാറുവാന്‍ ഉദ്ദേശിക്കുന്നതെന്ന് വ്യക്തമാക്കുമോ?

താമരക്കുടി സര്‍വ്വീസ് സഹകരണ ബാങ്കിലെ ക്രമക്കേടുകള്‍

464.

(എ)	കൊല്ലം ജില്ലയിലെ താമരക്കുടി സര്‍വ്വീസ് സഹകരണ ബാങ്കില്‍ നടന്നതായി ആരോപിക്കപ്പെടുന്ന ക്രമക്കേടുകളെ സംബന്ധിച്ച് അന്വേഷിക്കുന്നതിനായി സ്ഥലം എം. എല്‍. എ. വകുപ്പ് മന്ത്രിക്ക് നല്‍കിയ കത്തിന്മേല്‍ സ്വീകരിച്ച തുടര്‍നടപടികള്‍ വെളിപ്പെടുത്താമോ ;

(ബി)	ക്രമക്കേടുകൾ സംബന്ധിച്ച അന്വേഷണത്തില്‍ കുറ്റക്കാരായി കണ്ടെത്തിയവര്‍ ആരൊക്കെ ; അവര്‍ക്കെതിരെ സ്വീകരിച്ച നടപടികള്‍ വിശദമാക്കാമോ ;

(സി)	പ്രസ്തുത ബാങ്കിലെ നിക്ഷേപകര്‍ക്ക് പണം അടിയന്തരമായി ലഭ്യമാക്കാന്‍ സ്വീകരിക്കുന്ന നടപടികള്‍ വ്യക്തമാക്കാമോ ?

കണ്‍സ്യൂമര്‍ ഫെഡിന്റെ സ്ഥാപനങ്ങള്‍ അടച്ചുപൂട്ടല്‍

465.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം കണ്‍സ്യൂമര്‍ ഫെഡിന്റെ സ്ഥാപനങ്ങള്‍ അടച്ചുപൂട്ടുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ ഇത് സംബന്ധിച്ച് വിശദമായ പഠനം നടത്തിയിട്ടുണ്ടോ; കണ്ടെത്തലുകള്‍ വിശദമാക്കാമോ;

(സി)	ഇത്തരം പ്രവണതകള്‍ തടയുന്നതിന് എന്തെല്ലാം മാര്‍ഗ്ഗങ്ങളാണ് സ്വീകരിച്ചിരിക്കുന്നത് എന്ന് വ്യക്തമാക്കാമോ;

(ഡി)	കണ്‍സ്യൂമര്‍ ഫെഡ് സ്ഥാപനങ്ങളുടെ അടച്ചുപൂട്ടല്‍ മൂലം തൊഴില്‍ നഷ്ടപ്പെടുന്നവരെ സംരക്ഷിക്കുന്നതിന് സ്വീകരിച്ച നടപടികള്‍ വിശദമാക്കാമോ?

കണ്‍സ്യൂമര്‍ ഫെഡിന്റെസ്റ്റോറുകള്‍

466.

(എ)	സംസ്ഥാനത്ത് കണ്‍സ്യൂമര്‍ ഫെഡിന്റെ ത്രിവേണി സ്റ്റോര്‍, നന്മ സ്റ്റോര്‍, നീതി സ്റ്റോര്‍ എന്നിവയുടെ എത്ര വീതം ഔട്ട് ലെറ്റുകള്‍ പ്രവര്‍ത്തിക്കുന്നുണ്ട് ;

(ബി)	പ്രസ്തുത സ്റ്റോറുകളുടെ 2014-15 സാമ്പത്തിക വര്‍ഷത്തെ വിറ്റുവരവ് എത്ര കോടി രൂപയാണ് ;

(സി)	അടുത്ത കാലത്ത് ചില ഔട്ട് ലെറ്റുകള്‍ അടച്ചുപൂട്ടുകയുണ്ടായോ ; എങ്കില്‍ എത്ര എണ്ണം വീതം അടച്ചു പൂട്ടി ;

(ഡി)	അടച്ചുപൂട്ടിയതിന്റെ കാരണം വിശദമാക്കാമോ ;

(ഇ)	സംസ്ഥാനത്ത് വന്‍ വിലക്കയറ്റം അനുഭവപ്പെടുന്ന സാഹചര്യത്തില്‍ പ്രസ്തുത സ്റ്റോറുകളെ ജനോപകാരപ്രദമായ രീതിയില്‍ നിലനിറുത്തിക്കൊണ്ടു പോകുന്നതിന് കണ്‍സ്യൂമര്‍ ഫെഡ് സ്വീകരിച്ചിട്ടുള്ള നടപടികള്‍ വിശദമാക്കാമോ ?

അടച്ചുപൂട്ടുന്ന ത്രിവേണി ഔട്ട്‍ലെറ്റുകളും ഗോഡൗണുകളും

467.

(എ)	കൊല്ലം ജില്ലയില്‍ ഏതെല്ലാം ത്രിവേണി ഔട്ട്‍ലെറ്റുകളും ഗോ‍ഡൗണുകളുമാണ് അടച്ചു പൂട്ടുന്നതിന് ഉത്തരവായതെന്ന് അറിയിക്കുമോ;

(ബി)	വാളകത്ത് പ്രവര്‍ത്തിച്ചിരുന്ന ത്രിവേണി ഗോഡൗണ്‍ അടച്ചു പൂട്ടുന്നതിന് ഇടയായ സാഹചര്യം വെളിപ്പെടുത്താമോ;

(സി)	അടച്ചു പൂട്ടിയ ത്രിവേണി ഔട്ട്‍ലെറ്റുകളിലെ ജീവനക്കാരുടെ തൊഴില്‍ സംരക്ഷണത്തിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

പഴയകുന്നുമ്മല്‍ സര്‍വ്വീസ് സഹകരണ ബാങ്ക് വായ്പാ തട്ടിപ്പ്

468.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പഴയകുന്നുമ്മല്‍ സര്‍വ്വീസ് സഹകരണ ബാങ്ക് വായ്പാ തട്ടിപ്പുമായി ബന്ധപ്പെട്ട് പോലീസ് കേസ് നിലവിലുണ്ടോ ;

(ബി)	എത്ര രൂപയുടെ തട്ടിപ്പാണ് നടന്നിട്ടുള്ളതെന്നും കേസിനെ സംബന്ധിച്ചുള്ള വിശദവിവരങ്ങളും ലഭ്യമാക്കാമോ ;

(സി)	ഈ ബാങ്കിന്റെ ആസ്തി എത്ര രൂപയാണെന്നും വായ്പയിനത്തില്‍ നല്‍കിയ തുക എത്ര എന്നും വിശദമാക്കാമോ ?

കണ്‍സ്യൂമര്‍ഫെഡിലെ നിയമനങ്ങള്‍

469.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം കണ്‍സ്യൂമര്‍ഫെഡ് ഏതെല്ലാം തസ്തികകളില്‍ എത്ര പേരെ വീതം, സ്ഥിരമായോ താത്കാലികമായോ, ദിവസക്കൂലിയടിസ്ഥാനത്തിലോ നിയമനം നടത്തിയിട്ടുണ്ട്; അവരില്‍ ഇപ്പോഴും തുടര്‍ന്നു വരുന്നവരുടെ എണ്ണം എത്രയാണെന്ന് വ്യക്തമാക്കുമോ;

(ബി)	കണ്‍സ്യൂമര്‍ഫെഡിലെ താത്കാലിക നിയമനങ്ങള്‍ സംബന്ധിച്ച ബഹു. ഹൈക്കോടതിയുടെ വിധി എന്തായിരുന്നുവെന്നും വിധിയ്ക്കു ശേഷം നടത്തിയ നിയമനങ്ങള്‍ എത്രയെന്നും അറിയിക്കുമോ;

(സി)	കണ്‍സ്യൂമര്‍ഫെഡ് ഇന്നത്തെ നിലയിലേയ്ക്ക് എത്താനിടയാക്കിയ നടപടികളില്‍ മേല്പറഞ്ഞ തരത്തിലുള്ള നിയമനങ്ങള്‍ കൂടി കാരണമായിട്ടുണ്ടായിരുന്നുവോ; വിശദമാക്കാമോ?

പൊന്നാനിമണ്ഡലത്തിലെ ത്രിവേണി മൊബൈല്‍ യൂണിറ്റ്

470.

ശ്രീ.പി.ശ്രീരാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പൊന്നാനി മണ്ഡലത്തില്‍ കണ്‍സ്യൂമര്‍ ഫെഡിന് കീഴിലുള്ള മൊബൈല്‍ യൂണിറ്റ് ഇപ്പോള്‍ പ്രവര്‍ത്തിക്കുന്നുണ്ടോ;

(ബി)	ഇല്ലെങ്കില്‍ എന്തുകൊണ്ടാണെന്ന് വിശദമാക്കുമോ;

(സി)	പ്രസ്തുതമൊബൈല്‍ യൂണിറ്റ് പ്രവര്‍ത്തനക്ഷമമാക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; എങ്കിൽ എന്തൊക്കെയാണെന്ന് വിശദമാക്കുമോ;

(ഡി)	മലപ്പുറം ജില്ലയില്‍ ഏതെല്ലാം നിയമസഭാ മണ്ഡലങ്ങളിലാണ് ഇപ്പോള്‍ മൊബൈല്‍ ത്രിവേണി യൂണിറ്റ് പ്രവർത്തിക്കുന്നത്; ഓരോ സ്ഥലത്തേയും വിറ്റുവരവ് എത്രയാണെന്ന് വിശദമാക്കുമോ?

മിഷന്‍ 676 - ല്‍ ഉള്‍പ്പെടുത്തിയ സഹകരണ മേഖലയിലെ പദ്ധതികള്‍

471.

ശ്രീ.തേറമ്പില്‍ രാമകൃഷ്ണന്‍
,, വി.ഡി.സതീശന്‍
,, സണ്ണി ജോസഫ്
,, പി.സി വിഷ്ണുനാഥ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മിഷന്‍ 676 - ല്‍ ഉള്‍പ്പെടുത്തി സഹകരണ മേഖല, പലിശരഹിത വായ്പയും നൂതന പദ്ധതികളും പ്രഖ്യാപിച്ചിട്ടുണ്ടോ;

(ബി)	എന്തെല്ലാം പദ്ധതികളാണ് മിഷന്‍ 676 വഴി സഹകരണ വകുപ്പ് നടപ്പാക്കാന്‍ ഉദ്ദേശിക്കുന്നത്; വിശദാംശങ്ങള്‍ നല്‍കുമോ;

(സി)	പദ്ധതികളെ സംബന്ധിച്ച രൂപരേഖ തയ്യാറാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

(ഡി)	പദ്ധതികള്‍ സമയബന്ധിതമായി നടപ്പാക്കാന്‍ ഭരണതലത്തില്‍ സ്വീകരിച്ച നടപടികള്‍ എന്തെല്ലാം; വിശദമാക്കുമോ?

സഹകരണ വകുപ്പിലെ ജീവനക്കാരുടെ JDC ട്രെയിനിംഗ്

472.

(എ)	സഹകരണ വകുപ്പിലെ ജീവനക്കാരെ ജെ. ഡി. സി. ട്രെയിനിംഗിന് തെരെഞ്ഞെടുക്കുന്നതിനുള്ള മാനദണ്ഡങ്ങള്‍ എന്തെല്ലാം ;വിശദമാക്കുമോ ;

(ബി)	2015-16 - ലെ ജെ. ഡി. സി. ട്രെയിനിംഗിന് എത്ര പേരെയാണ് തെരെഞ്ഞെടുത്തത് ; അവരുടെ പേരു വിവരം അറിയിക്കാമോ ; അവരെല്ലാം സര്‍വ്വീസില്‍ പ്രവേശിച്ചത് എന്നാണ് ; വിശദമാക്കാമോ ?

ഖാദി ഗ്രാമ വ്യവസായ മേഖലയിലെ വികസനം

473.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഖാദി ഗ്രാമ വ്യവസായ മേഖലയുടെ വളര്‍ച്ച ഉറപ്പുവരുത്തുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

(ബി)	ഈ മേഖലയുടെ പശ്ചാത്തല സൗകര്യവികസനത്തിനായി എന്തെല്ലാം പദ്ധതികളാണ് ആസൂത്രണം ചെയ്തിട്ടുള്ളത് ;

(സി)	ഖാദിയ്ക്ക് ആഗോള ട്രേഡ് മാര്‍ക്ക് നേടുന്നതിന് എന്തെല്ലാം ശ്രമങ്ങള്‍ നടത്തിയിട്ടുണ്ട്; ഇതിന്റെ നിലവിലെ സ്ഥിതി എന്താണ് ;

(ഡി)	ഖാദി വസ്ത്രങ്ങളില്‍ ഓര്‍ഗാനിക് ചായങ്ങള്‍ ഉപയോഗിക്കുന്ന രീതി അവലംബിച്ചിട്ടുണ്ടോ ; ഇല്ലെങ്കില്‍ അക്കാര്യം പരിശോധിക്കുമോ ?

ഖാദി ഉല്പന്നങ്ങളുടെ ഉല്പാദന-വിപണന മേഖലയുടെ ശാക്തീകരണം

474.

(എ)	ഖാദി ഉല്പന്നങ്ങളുടെ ഉല്പാദന-വിപണന മേഖലയുടെ ശാക്തീകരണത്തിനായി ഈ സര്‍ക്കാര്‍ എന്തെല്ലാം പുതിയ പദ്ധതികള്‍ ആവിഷ്കരിച്ചിട്ടുണ്ടെന്നറിയിക്കുമോ;

(ബി)	നിലവില്‍ ഖാദി ഉല്പന്നങ്ങളുടെ വിപണനത്തിനായി എത്ര സര്‍ക്കാര്‍ ഔട്ട് ലെറ്റുകള്‍ പ്രവര്‍ത്തിച്ചുവരുന്നു എന്ന് ജില്ലാടിസ്ഥാനത്തില്‍ അറിയിക്കുമോ;

(സി)	ഈ ഔട്ട് ലെറ്റുകളിലെ ജീവനക്കാരുടെ എണ്ണം (സ്ഥിരം/താല്‍ക്കാലികം) തസ്തിക തിരിച്ച് ജില്ലാടിസ്ഥാനത്തില്‍ ലഭ്യമാക്കുമോ;

(ഡി)	സര്‍ക്കാരിന്റെ ആഭ്യന്തര ഖാദി വിപണന മേഖല നിലവില്‍ ലാഭകരമായാണോ പ്രവര്‍ത്തിച്ചു വരുന്നത് എന്ന് വിലയിരുത്തിയിട്ടുണ്ടോ; എങ്കില്‍ അതിന്റെ വിശദാംശം അറിയിക്കുമോ?

തെക്കേക്കര പല്ലാരിമംഗല്‍ ഖാദിസൗഭാഗ്യയ്ക്ക് കെട്ടിട നിര്‍മ്മാണം

475.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര മണ്ഡലത്തില്‍ തെക്കേക്കര പല്ലാരിമംഗല്‍ ഖാദിസൗഭാഗ്യയ്ക്ക് ഭരണാനുമതി ലഭ്യമായിട്ടും നാളിതുവരെ കെട്ടിട നിര്‍മ്മാണം ആരംഭിക്കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	നിര്‍മ്മാണ പ്രവൃത്തികള്‍ ആരംഭിക്കുന്നതിന് സ്വീകരിച്ച നടപടികള്‍ വിശദമാക്കാമോ?

നഷ്ടത്തിലായ ഖാദി-ഗ്രാമ വ്യവസായ യൂണിറ്റുകൾ

476.

(എ)	കേരളത്തില്‍ ആകെ എത്ര ഖാദി-ഗ്രാമ വ്യവസായ യൂണിറ്റുകളാണുള്ളത് ;

(ബി)	ഇതില്‍ ഏതെങ്കിലും നഷ്ടത്തില്‍ പ്രവര്‍ത്തിക്കുന്നുണ്ടോ; എങ്കില്‍ അവയുടെ എണ്ണം എത്രയാണ് ;

(സി)	ഇവ നഷ്ടത്തിലാകാന്‍ കാരണം എന്താണ് ; ഇത് പരിഹരിക്കുവാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്തെന്ന് വിശദമാക്കുമോ?

Website maintained by Information System Section, Kerala Legislative Assembly, Thiruvananthapuram.