13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >14^th Session>Unstarred questions Answers

Answer Provided

Answer Not Yet Provided

THIRTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പുതിയ പദ്ധതികള്‍

3275.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാരിന്റെ കാലത്ത് പുതുതായി ആവിഷ്കരിക്കുകയും ബഡ്ജറ്റില്‍ ഉള്‍പ്പെടുത്തി പൂര്‍ണമായും നടപ്പിലാക്കുകയും ചെയ്ത, അടിസ്ഥാന സൗകര്യവികസന മേഖലയിലെ പദ്ധതികള്‍ ഏതൊക്കെയായിരുന്നു;

(ബി)	ഈ പദ്ധതികള്‍ക്ക് ചെലവഴിച്ച തുകയും, കമ്മീഷന്‍ ചെയ്ത തീയതിയും, പദ്ധതിയുടെ പേരും വിശദമാക്കാമോ; പദ്ധതി ഒാരോന്നിന്റെയും ഭൗതിക നേട്ടം വിലയിരുത്തിയിട്ടുണ്ടോ; വിശദമാക്കാമോ?

ശമ്പള പരിഷ്കരണത്തിന് വകയിരുത്തിയ തുക

3276.

ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ജീവനക്കാരുടെ ശമ്പള പരിഷ്കരണത്തിന് മാത്രമായി തന്നാണ്ടിലെ ബഡ‍്ജറ്റില്‍ പണം വകയിരുത്തിയിട്ടുണ്ടോ; എങ്കില്‍ അത് ഏത് ഹെഡ്ഡില്‍; എത്ര കോടി രൂപ ആണെന്ന് വിശദമാക്കാമോ;

(ബി)	ശമ്പള കമ്മീഷന്റെ ശിപാര്‍ശ അതേപടി നടപ്പിലാക്കുന്നതിന് കുടിശ്ശിക ഉള്‍പ്പെടെ നല്‍കാന്‍ മൊത്തം എത്ര കോടി രൂപ തന്നാണ്ടില്‍ ആവശ്യമായി വരും; ഇത് സംബന്ധമായ കമ്മീഷന്റെ നിഗമനം എന്താണെന്നറിയാമോ; വിശദമാക്കാമോ;

(സി)

ജീവനക്കാര്‍ക്കും അധ്യാപകര്‍ക്കും തന്നാണ്ടില്‍ അര്‍ഹമായ ഡി.എ. നല്‍കുന്നതിനും, ഹയര്‍ സെക്കണ്ടറി സ്കൂള്‍ അദ്ധ്യാപകര്‍ ഉള്‍പ്പെടെ പുതുതായി സൃഷ്ടിച്ച തസ്തികകളിലുള്ളവര്‍ക്ക് തന്നാണ്ടില്‍ നല്‍കേണ്ടതായ ശമ്പളം നല്‍കുന്നതിനും മൊത്തം എന്തു തുക ആവശ്യമായിവരും; തന്നാണ്ടിലെ ബഡ്ജറ്റില്‍ വകയിരുത്തപ്പെട്ട തുക ഇവയ്ക്കെല്ലാം പര്യാപ്തമാണോ; വിശദമാക്കാമോ?

ആരോഗ്യ ഇന്‍ഷ്വറന്‍സ് പദ്ധതി

T 3277.

ശ്രീ.എ. കെ. ശശീന്ദ്രന്‍
,, തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	പത്താം ശമ്പളകമ്മീഷനെ നിയമിച്ചത് എന്നാണെന്നും, ഇതിന്റെ പൂര്‍ണ്ണതോതിലുള്ള പ്രവര്‍ത്തനം ആരംഭിച്ചത് എന്നാണെന്നും വ്യക്തമാക്കാമോ;

(ബി)	മഹാരാഷ്ട്ര, തമിഴ്‍നാട് സംസ്ഥാനങ്ങളില്‍ ജീവനക്കാര്‍ക്കായി നടപ്പിലാക്കിയ ആരോഗ്യ ഇന്‍ഷ്വറന്‍സ് പദ്ധതി സംസ്ഥാനത്തും നടപ്പിലാക്കാന്‍ ഉദ്ദേശിക്കുന്നുണ്ടോ ; പ്രസ്തുത സംസ്ഥാനങ്ങളില്‍ വ്യത്യസ്ത രീതിയിലാണ് ഈ പദ്ധതി നടപ്പിലാക്കിയതെന്നത് ശ്രദ്ധയില്‍പ്പെട്ടിട്ടുണ്ടോ ;

(സി)	പ്രസ്തുത പദ്ധതിയുടെ പ്രീമിയം തുക സര്‍ക്കാര്‍ നല്‍കുമോ ; അഥവാ അംഗങ്ങളില്‍ നിന്നും ഈടാക്കുമോമോ ; വിശദമാക്കാമോ;

(ഡി)	ഇക്കാര്യങ്ങളില്‍ വ്യക്തത വരുത്തുന്നതിനായി ആരോഗ്യ ഇന്‍ഷ്വറന്‍സ് പദ്ധതി കമ്മീഷന്റെ ടേംസ് ഓഫ് റഫറന്‍സില്‍ ഉള്‍പ്പെടുത്താന്‍ നടപടി സ്വീകരിക്കുമോ ; എങ്കില്‍ ആയതിലേയ്ക്കായി കമ്മീഷന്റെ കാലാവധി ദീര്‍ഘിപ്പിക്കണമെന്ന് തീരുമാനിച്ചിട്ടുണ്ടോയെന്ന് വ്യക്തമാക്കാമോ?.

ധര്‍മ്മടം നിയോജക മണ്ഡലത്തിലെ അസറ്റ് ഡെവലപ്മെന്റ് ഫണ്ട്

3278.

ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ധര്‍മ്മടം നിയോജക മണ്ഡലത്തിലെ അസറ്റ് ഡെവലപ്മെന്റ് ഫണ്ടില്‍ നിന്ന് 2014-15 സാമ്പത്തിക വര്‍ഷത്തില്‍ ഏതെല്ലാം പ്രവൃത്തികള്‍ക്ക് ധനകാര്യവകുപ്പ് അംഗീകാരം നല്‍കിയിട്ടുണ്ടെന്ന് വ്യക്തമാക്കാമോ;

(ബി)	2014-15 സാമ്പത്തിക വര്‍ഷത്തില്‍ ഏതെങ്കിലും പ്രവൃത്തികള്‍ക്ക് ധനകാര്യവകുപ്പ് അനുവാദം നല്‍കാന്‍ ബാക്കി ഉണ്ടോ;

(സി)	ഉണ്ടെങ്കില്‍ ആയതിന്റെ വിശദാംശം വെളിപ്പെടുത്താമോ?

കര്‍ഷകരുടെ ക്ഷേമത്തിനായി വകയിരുത്തിയ തുക

3279.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റ ശേഷം 2012-13 മുതല്‍ 2015-16 വരെയുളള വര്‍ഷങ്ങളില്‍ കര്‍ഷകരുടെ ക്ഷേമത്തിനായി ഓരോവര്‍ഷവും എത്ര കോടി രൂപ ബ‍ജറ്റില്‍ വകയിരുത്തിയിട്ടുണ്ടായിരുന്നു; ഇതില്‍ ഓരോ സാമ്പത്തികവര്‍ഷവും എത്ര തുക വീതം ചിലവഴിച്ചിട്ടുണ്ടെന്ന് പ്രത്യേകം പ്രത്യേകം വെളിപ്പെടുത്തുമോ;

(ബി)	സംസ്ഥാനത്തെ റബ്ബര്‍, ഏലം, കുരുമുളക്, അടയ്ക്ക എന്നീ കൃഷിക്കാരുടെ ഉന്നമനത്തിനായി കഴിഞ്ഞ ബജറ്റുകളില്‍ എത്ര തുക വീതം നീക്കി വച്ചിട്ടുണ്ട്; വിവരിക്കാമോ;

(സി)	ഈ സര്‍ക്കാര്‍ അധികാരത്തില്‍ വന്ന 2011-ല്‍ വിവിധ ഗ്രേഡിലുളള റബ്ബറിന്റെ വില കിലോയ്ക്ക് എത്രയെന്ന് ധനകാര്യ വകുുപ്പ് വിലയിരുത്തിയിട്ടുണ്ടോ; എങ്കില്‍ എത്രയെന്ന് പ്രത്യേകം പ്രത്യേകം വിശദമാക്കുമോ;

(ഡി)	ഇപ്പോഴത്തെ റബ്ബര്‍ വില വിവിധ ഗ്രേഡില്‍ കിലോയ്ക്ക് എത്ര രൂപയാണെന്ന് വിവരിയ്ക്കുമോ?

മാവേലിക്കര നിയോജകമണ്ഡലത്തിലെ സ്റ്റേഡിയം നിര്‍മ്മാണം

3280.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര നിയോജകമണ്ഡലത്തില്‍ സ്റ്റേഡിയം നിര്‍മ്മിക്കുന്നതിനായി ആസ്തി വികസന ഫണ്ടിലുള്‍പ്പെടുത്തി സ്റ്റേഡിയത്തിനാവശ്യമായ സ്ഥലം ഏറ്റെടുക്കുവാന്‍ അനുമതി ലഭ്യമാക്കുമോ ;ഇല്ലെങ്കില്‍ എന്തുകൊണ്ടെന്ന് വ്യക്തമാക്കുമോ ;

(ബി)	പ്രസ്തുത പദ്ധതിയില്‍പെടുത്തി ഏതെങ്കിലും സ്ഥലങ്ങളില്‍ സ്ഥലം ഏറ്റെടുക്കുന്നതിന് നടപടി സ്വീകരിച്ചിട്ടുണ്ടോ എന്ന് വ്യക്തമാക്കുമോ;

(സി)	പ്രസ്തുത പദ്ധതിയില്‍പ്പെടുത്തി ശ്മശാനം നിര്‍മ്മിക്കുവാന്‍ സ്ഥലം ഏറ്റെടുത്തത് ശ്രദ്ധയില്‍പ്പെട്ടിട്ടുണ്ടോ ;ഇങ്ങനെ അനുമതി കൊടുത്തുവെങ്കില്‍ സ്റ്റേഡിയത്തിനു വേണ്ടി സ്ഥലം ഏറ്റെടുക്കുവാനും നിര്‍മ്മിക്കുവാനുമുള്ള അനുമതി ലഭ്യമാക്കുമോ ?

ഇ-സ്റ്റാമ്പിങ്

3281.

ശ്രീ.ബെന്നി ബെഹനാന്‍
,, എ.പി.അബ്ദുള്ളക്കുട്ടി
,, കെ.മുരളീധരന്‍
,, എം.പി.വിന്‍സെന്‍റ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇ-സ്റ്റാമ്പിംഗ് നടപ്പാക്കാന്‍ ഉദ്ദേശിക്കുന്നുണ്ടോ ;

(ബി)	എന്തെല്ലാം ലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത് ;

(സി)	വ്യാജ മുദ്രപത്രങ്ങള്‍ തടയുന്നതിന് ഇത് എത്രമാത്രം സഹായകരമാകും എന്നാണ് പ്രതീക്ഷിക്കുന്നത് ;

(ഡി)	ഇത് സംബന്ധിച്ച നിയമനിര്‍മ്മാണ പ്രക്രിയ ഏത് ഘട്ടത്തിലാണെന്ന് വ്യക്തമാക്കുമോ ?

എം.എല്‍.എ മാരുടെ ആസ്തി വികസന പദ്ധതി പ്രകാരമുള്ള പ്രവൃത്തികള്‍

3282.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	എം.എല്‍.എ മാര്‍ക്ക് അനുവദിച്ചിട്ടുള്ള ആസ്തി വികസന പദ്ധതി പ്രകാരമുള്ള പ്രവൃത്തികള്‍ക്ക് ഭരണാനുമതി നല്‍കുന്നതിന് കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ കാലതാമസത്തിന് കാരണങ്ങള്‍ എന്തെല്ലാമെന്ന് വ്യക്തമാക്കുമോ;

(ബി)	പേരാമ്പ്ര മണ്ഡലത്തിലെ ആസ്തി വികസന ഫണ്ടില്‍ ഉള്‍പ്പെടുത്തിയ ആട്ടോത്ത് താഴ പാലം നിര്‍മ്മാണപ്രവ‍ൃത്തി ഇപ്പോള്‍ ഏതു ഘട്ടത്തിലാണ് എന്ന് വ്യക്തമാക്കുമോ;

(സി)	പ്രസ്തുത പദ്ധതിക്ക് ഭരണാനുമതി നല്‍കിയിട്ടുണ്ടോ; ഇല്ലെങ്കില്‍ അതിനുള്ള കാരണമെന്തെന്ന് വ്യക്തമാക്കുമോ?

സേവന-വേതന വ്യവസ്ഥകള്‍ - കാര്യക്ഷമമായ സിവില്‍ സര്‍വ്വീസ്

T 3283.

ശ്രീ.റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാര്‍ ജീവനക്കാരുടെയും അദ്ധ്യാപകരുടേയും ശമ്പള പരിഷ്ക്കരണം എന്നത്തേയ്ക്ക് നടപ്പാക്കുമെന്ന് വ്യക്തമാക്കാമോ;

(ബി)	സര്‍ക്കാര്‍ ജീവനക്കാരുടെ സേവന-വേതന വ്യവസ്ഥകള്‍ പുനര്‍ നിര്‍ണ്ണയിക്കുന്നതോടൊപ്പം തന്നെ കാര്യക്ഷമമായ സിവില്‍ സര്‍വ്വീസ് യാഥാര്‍ത്ഥ്യമാക്കാന്‍ എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ;

ആസ്തി വികസന ഫണ്ടിലുള്‍പ്പെടുത്തിയ മാവേലിക്കര മണ്ഡലത്തിലെ പ്രവൃത്തികള്‍

3284.

(എ)	ആസ്തി വികസന ഫണ്ടിലുള്‍പ്പെടുത്തി മാവേലിക്കര മണ്ഡലത്തില്‍ നാളിതുവരെ അനുമതി ലഭിച്ച പ്രവൃത്തികളുടെ വിശദാംശങ്ങള്‍ ലഭ്യമാക്കുമോ ; അനുമതി ലഭിച്ച പ്രവൃത്തികളുടെ ആകെ തുക എത്രയെന്ന് വ്യക്തമാക്കുമോ ;

(ബി)	2014-15 വരെയുളള കാലയളവില്‍ മണ്ഡലത്തില്‍ ആസ്തി വികസന ഫണ്ടില്‍ നിന്നും ചെലവഴിച്ച തുകയും ചെലവഴിക്കാനുളള തുകയും എത്രയെന്ന് വ്യക്തമാക്കുമോ ;

(സി)	ആസ്തി വികസന ഫണ്ടിലുള്‍പ്പെടുത്തി എം.എല്‍.എ നിര്‍ദ്ദേശിച്ച പ്രവൃത്തികളില്‍ അനുമതി ലഭ്യമാക്കുന്നതിനുളള പ്രവൃത്തികള്‍ ഏതൊക്കെയെന്നും അനുമതി വൈകുന്നതിന്റെ കാരണങ്ങള്‍ എന്തെന്നും വിശദമാക്കുമോ ?

ശമ്പള പരിഷ്കരണ കമ്മീഷന്‍ റിപ്പോര്‍ട്ട്

3285.

ശ്രീ.കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന ജീവനക്കാരുടെയും അധ്യാപകരുടെയും ശമ്പള പരിഷ്കരണ കമ്മീഷന്‍ റിപ്പോര്‍ട്ട് സമര്‍പ്പിച്ചിട്ടുണ്ടോ ;

(ബി)	കമ്മീഷന്റെ കാലാവധി ദീര്‍ഘിപ്പിച്ചുകൊടുക്കാനിടയായ സാഹചര്യം വിശദീകരിക്കാമോ ?

സ്വയം സംരംഭകത്വ മിഷന്‍

3286.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സ്വയം സംരംഭകത്വ മിഷന്‍ പദ്ധതി പ്രകാരം നാളിതുവരെ എത്ര പേര്‍ക്ക് തൊഴില്‍ ലഭ്യമായി ; ഓരോ ജില്ലയിലും ഇതിനായി എത്ര അപേക്ഷകള്‍ ലഭിച്ചു ; എത്ര സംരംഭങ്ങള്‍ അനുവദിച്ചിട്ടുണ്ട് ; വ്യക്തമാക്കാമോ?

റവന്യൂ വരുമാനം

3287.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ ഓരോ ബഡ്ജറ്റിലും അതാത് വര്‍ഷത്തേയ്ക്ക് പ്രതീക്ഷിച്ച റവന്യൂ വരുമാനം എത്ര കോടി രൂപയായിരുന്നു ; ഓരോ വര്‍ഷത്തെയും യഥാര്‍ത്ഥ റവന്യൂ വരുമാനം എത്രയായിരുന്നു ; ഓരോ വര്‍ഷവും പ്രതീക്ഷിച്ച റവന്യൂ വരുമാനത്തിന്റെ എത്ര ശതമാനം യഥാര്‍ത്ഥത്തില്‍ ലഭിക്കുകയുണ്ടായി;

(ബി)	ഓരോ ബഡ്ജറ്റിലും പ്രതീക്ഷിച്ച നികുതി വരുമാനം എത്ര രൂപയായിരുന്നു ; യഥാര്‍ത്ഥത്തില്‍ നേടാന്‍ കഴിഞ്ഞ നികുതി വരുമാനം എത്രയായിരുന്നു ; ഓരോ വര്‍ഷവും പ്രതീക്ഷിച്ച നികുതി വരുമാനത്തിന്റെ എത്ര ശതമാനം യഥാര്‍ത്ഥത്തില്‍ പിരിച്ചെടുക്കാന്‍ കഴിഞ്ഞുവെന്ന് വിശദമാക്കാമോ?

നികുതി വരുമാനം

3288.

ശ്രീ.കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	2015-16 സാമ്പത്തിക വര്‍ഷത്തെ ബഡ്ജറ്റില്‍ നിര്‍ണ്ണയിച്ചിരിക്കുന്ന മൊത്ത നികുതി വരുമാനം, മൊത്തം ആഭ്യന്തര ഉല്പാദനത്തിന്റെ എത്ര ശതമാനമാണ് ; ഇത് 2014-15 വര്‍ഷത്തേതിനേക്കാള്‍ കുറവാണോ കൂടുതലാണോ ; വിശദമാക്കുമോ ;

(ബി)	2014 വര്‍ഷത്തില്‍ ബഡ്ജറ്റില്‍ നിര്‍ണ്ണയിച്ചിരുന്ന നികുതി വരുമാനം ആഭ്യന്തര ഉല്പാദനത്തിന്റെ എത്ര ശതമാനമായിരുന്നു ; മുന്‍ വര്‍ഷത്തെ കണക്കുകള്‍ പ്രകാരം യഥാര്‍ത്ഥത്തില്‍ എത്ര ശതമാനമാണ് ?

റാന്നി താലൂക്ക് ആശുപത്രിയിലെ ഡയാലിസിസ് യൂണിറ്റ്

3289.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	റാന്നി താലൂക്ക് ഹെഡ് ക്വാര്‍ട്ടേഴ്സ് ആശുപത്രിയില്‍ കാരുണ്യ ബനവലന്റ് ഫണ്ടില്‍ നിന്നും ഡയാലിസിസ് യൂണിറ്റ് അനുവദിച്ചുകൊണ്ട് എന്നാണ് ഉത്തരവായത്; ആയതിന്റെ പകര്‍പ്പ് ലഭ്യമാക്കാമോ; ഈ പട്ടികയില്‍ ഉള്‍പ്പെട്ടിട്ടുള്ള ഏതൊക്കെ ആശുപത്രികളിലാണ് ഡയാലിസിസ് യൂണിറ്റ് പ്രവര്‍ത്തനം ആരംഭിച്ചിട്ടുള്ളത്;

(ബി)	റാന്നി താലൂക്ക് ആശുപത്രിക്ക് അനുവദിച്ച ഡയാലിസിസ് യൂണിറ്റിന്റെ പ്രവര്‍ത്തനം ഇതേവരെ ആരംഭിച്ചിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(സി)	ഉത്തരവ് ഇറങ്ങി രണ്ട് വര്‍ഷം കഴിഞ്ഞിട്ടും ഇതിന്റെ പ്രവര്‍ത്തനം ആരംഭിക്കാന്‍ കഴിയാത്തതിന്റെ കാരണം വ്യക്തമാക്കാമോ;

(ഡി)	ഇതിന്റെ പ്രവര്‍ത്തനം ആരംഭിക്കണമെങ്കില്‍ ഇനി എന്തൊക്കെ നടപടിക്രമങ്ങളാണ് പൂര്‍ത്തീകരിക്കാനുള്ളത്;

(ഇ)

പ്രസ്തുത ഡയാലിസിസ് യൂണിറ്റിന് എത്ര തുകയാണ് അനുവദിച്ചിട്ടുള്ളത്; സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ടോ; എങ്കില്‍ പകര്‍പ്പ് ലഭ്യമാക്കാമോ; ആര്‍ക്കാണ് തുക കൈമാറിയിട്ടുള്ളത്; റാന്നിയിലെ ഡയാലിസിസ് യൂണിറ്റിന്റെ പ്രവര്‍ത്തനം ആരംഭിക്കാന്‍ എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത് എന്ന് വ്യക്തമാക്കാമോ?

ജില്ലാ ഇന്നവേഷന്‍ ഫണ്ട്

3290.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ജില്ലാ ഇന്നവേഷന്‍ ഫണ്ട് എന്നപേരില്‍ കേന്ദ്ര ഗവണ്‍മെന്റ് നടപ്പാക്കിയ പദ്ധതിയുടെ ഉദ്ദേശ്യലക്ഷ്യങ്ങള്‍ വ്യക്തമാക്കാമോ;

(ബി)	പ്രസ്തുത പദ്ധതിപ്രകാരം ഒരു കോടി രൂപയുടെ പദ്ധതി ഏറ്റെടുക്കാന്‍ ജില്ലാ കളക്ടര്‍മാര്‍ക്ക് നിര്‍ദ്ദേശം നല്‍കുകയുണ്ടായിട്ടുണ്ടോ;

(സി)	പ്രസ്തുത നിര്‍ദ്ദേശപ്രകാരം ഏറ്റെടുത്ത പ്രവൃത്തികളുടെ വിവരങ്ങളും ആദ്യഗഡുവായി കിട്ടിയ 50 ലക്ഷം രൂപയുടെ ഉപയോഗ സര്‍ട്ടിഫിക്കറ്റും ജില്ലാകളക്ടര്‍മാര്‍ നല്‍കിയിട്ടും ബാക്കി ഗഡുവായ 50 ലക്ഷം രൂപ ഇനിയും അനുവദിക്കാത്തത് ശ്രദ്ധയില്‍പ്പെട്ടിട്ടുണ്ടോ; ആയത് ലഭ്യമാക്കാന്‍ ആവശ്യമായ നടപടികള്‍ സ്വീകരിക്കാമോ?‍

പദ്ധതി നിര്‍വ്വഹണ കാര്യക്ഷമതയും വേഗതയും വര്‍ദ്ധിപ്പിക്കാന്‍ നിര്‍ദ്ദേശങ്ങള്‍

3291.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	പദ്ധതി നിര്‍വ്വഹണ കാര്യക്ഷമതയും വേഗതയും വര്‍ദ്ധിപ്പിക്കാന്‍ 2013-14 വർഷത്തെ ബഡ്ജറ്റിലെ നിര്‍ദ്ദേശങ്ങള്‍ എന്തെല്ലാമായിരുന്നു;

(ബി)	പ്രസ്തുത നിര്‍ദ്ദേശങ്ങള്‍ നടപ്പാക്കുകയുണ്ടായിട്ടുണ്ടോ;

(സി)	2015-16 ലെ പദ്ധതികളുടെ രൂപകല്പന 2015 മെയ് 31 ന് മുമ്പായി എല്ലാ വകുപ്പുകളിലും പൂര്‍ത്തിയാക്കിയിട്ടുണ്ടോ; പൂര്‍ത്തിയാക്കാത്ത വകുപ്പുകള്‍ ഏതൊക്കെ;

(ഡി)	പദ്ധതി നിര്‍വ്വഹണത്തില്‍ വിദഗ്ദ്ധ പരിശീലനം എല്ലാ വകുപ്പുകളിലെ ഉദ്യോഗസ്ഥന്‍മാര്‍ക്കും നല്‍കിയിട്ടുണ്ടോ;

(ഇ)	ഓരോ പദ്ധതികളുടെയും നിര്‍വ്വഹണ ഉത്തരവാദിത്വം ഒരു പ്രത്യേക ഉദ്യോഗസ്ഥനില്‍ നിക്ഷിപ്തമാക്കിയിട്ടുണ്ടോ; ഇത് ചെയ്തിട്ടില്ലാത്ത വകുപ്പുകള്‍ ഏതൊക്കെ; നിര്‍വ്വഹണ ഉദ്യോഗസ്ഥന്‍മാരുടെ പേരുകള്‍ വെബ് സെെറ്റില്‍ പ്രസിദ്ധീകരിച്ചിട്ടുണ്ടോ;

(എഫ്)

പദ്ധതി നടപ്പാക്കുന്നതില്‍ കുറ്റകരമായ വീഴ്ച വരുത്തിയ എതെല്ലാം ഉദ്യോഗസ്ഥന്‍മാര്‍ക്കെതിരെ നടപടി സ്വീകരിക്കുകയുണ്ടായി; കാര്യക്ഷമത പ്രകടിപ്പിച്ച എത്ര പേര്‍ക്ക് പ്രത്യേക അംഗീകാരം നല്‍കുകയുണ്ടായി?

ട്രഷറി നിക്ഷേപങ്ങള്‍

3292.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)

ഗവണ്‍മെന്റ് ട്രഷറിയില്‍ തിരിച്ച് നല്‍കേണ്ടതായ നിക്ഷേപം മൊത്തം എത്ര കോടി രൂപയുണ്ട്; പൊതുമേഖലാ സ്ഥാപനങ്ങളുടെ നിക്ഷേപം എത്ര ; സഹകരണ സ്ഥാപനങ്ങളുടെ നിക്ഷേപം എത്ര ; ക്ഷേമനിധി ബോര്‍ഡുകളുടെ നിക്ഷേപം എത്ര ; കോര്‍പ്പറേഷനുകളുടെ നിക്ഷേപം എത്ര ; ഇതിനെല്ലാം പുറമേയുള്ള മറ്റ് നിക്ഷേപങ്ങള്‍ എത്ര ; വിശദാംശം ലഭ്യമാക്കാമോ ;

(ബി)	നിലവിലുള്ള നിക്ഷേപങ്ങള്‍ക്ക് പ്രതിമാസം എത്ര രൂപയുടെ പലിശ നല്കേണ്ടതായിട്ടുണ്ട് ; പലിശ ഇനത്തില്‍ 2015 ജൂണ്‍ 30 ന് നല്‍കേണ്ടുന്ന മൊത്തം തുക എത്ര ; വിശദാംശം ലഭ്യമാക്കാമോ?

ചരക്ക് സേവനനികുതിമൂലം ഉണ്ടാകുന്ന വ്യതിയാനം

3293.

ശ്രീ.സി.പി.മുഹമ്മദ് : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ചരക്ക് സേവന നികുതി ഘടന പരിഷ്കരിക്കുമ്പോള്‍ കേരളം പോലുള്ള ഉപഭോക്തൃ സംസ്ഥാനത്തിന് വരുമാനത്തില്‍ ഉണ്ടാകുന്ന വ്യതിയാനം കണ്ടെത്തുന്നതിന് ശാസ്ത്രീയമായ പഠനം നടത്തിയിട്ടുണ്ടോ ?

വാണിജ്യ നികുതി

3294.

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	വാണിജ്യ നികുതി പിരിച്ചെടുക്കുന്നതില്‍ അലംഭാവവും വീഴ്ചയും ഉണ്ടായെന്ന ആക്ഷേപം കണക്കിലെടുത്ത് നികുതി വെട്ടിപ്പ് തടഞ്ഞ് പിരിവ് ഊര്‍ജ്ജിതപ്പെടുത്തുന്നതിന് എന്തൊക്കെ നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കുമോ ?

പബ്ലിക് പോളിസി റിസര്‍ച്ച് ഇന്‍സ്റ്റിറ്റ്യൂട്ട്

3295.

ശ്രീ.വര്‍ക്കല കഹാര്‍
,, അന്‍വര്‍ സാദത്ത്
,, ബെന്നി ബെഹനാന്‍
,, ഡൊമിനിക് പ്രസന്റേഷന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	പബ്ലിക് പോളിസി റിസര്‍ച്ച് ഇന്‍സ്റ്റിറ്റ്യൂട്ട് രൂപീകരിക്കാന്‍ ഉദ്ദേശിക്കുന്നുണ്ടോ ;

(ബി)	എന്തെല്ലാം ലക്ഷ്യങ്ങളാണ് ഇതുവഴി കൈവരിക്കുവാന്‍ ഉദ്ദേശിക്കുന്നത് ;

(സി)	സര്‍ക്കാരിന്റെ നയങ്ങള്‍ ശാസ്ത്രീയമായി തയ്യാറാക്കുന്നതിന് എന്തെല്ലാം കാര്യങ്ങളാണ് ഇതിന്റെ രൂപീകരണത്തില്‍ ഉള്‍പ്പെടുത്തിയിട്ടുള്ളത് ?

കേന്ദ്ര ധനകാര്യ കമ്മീഷനില്‍ നിന്നും സംസ്ഥാനത്തിനുള്ള വിഹിതം

3296.

ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)

കേന്ദ്ര ധനകാര്യ കമ്മീഷനില്‍ നിന്ന് സംസ്ഥാനങ്ങള്‍ക്ക് പണം നല്‍കുന്ന നിലവിലെ മാനദണ്ഡ പ്രകാരം സംസ്ഥാന സര്‍ക്കാരിന് ലഭിക്കേണ്ട പണം കുറഞ്ഞു വരുന്നത് സര്‍ക്കാരിന്റെ ശ്രദ്ധയില്‍പ്പെട്ടുവോ എന്നും എങ്കില്‍ 14-ാം ധനകാര്യ കമ്മീഷന്റെ മുമ്പാകെ അധിക പണം ലഭിക്കാനായി എന്തെല്ലാം മാറ്റങ്ങള്‍ വേണമെന്ന് ആവശ്യപ്പെടുകയുണ്ടായി എന്നും എന്നാണ് ആവശ്യമുന്നയിച്ചതെന്നും എന്തു തുടര്‍ നടപടികള്‍ സ്വീകരിച്ചു എന്നും വ്യക്തമാക്കുമോ ;

(ബി)	11,12,13 ധനകാര്യ കമ്മീഷനുകളുടെ ശിപാര്‍ശകള്‍ പ്രകാരം സംസ്ഥാന സര്‍ക്കാര്‍ എന്തെങ്കിലും പഠനം നടത്തിയോ എന്നും എങ്കില്‍ എന്തു പഠനം നടത്തി എന്നും അതിന്മേല്‍ എന്തു നടപടി നിലവിലെ സര്‍ക്കാര്‍ സ്വീകരിച്ചു എന്നും വ്യക്തമാക്കുമോ ;

(സി)	വിഹിതം നിശ്ചയിക്കുന്നതില്‍ ജനസംഖ്യയ്ക്ക് ഉയര്‍ന്ന വെയ്റ്റേജും പ്രതിശീര്‍ഷ ആഭ്യന്തര ഉല്പന്നത്തിന് കുറഞ്ഞ വെയ്റ്റേജും ലഭിച്ചാല്‍ സംസ്ഥാനത്തിന് കൂടുതല്‍ വിഹിതം ലഭിക്കുമെന്നതിനാല്‍ ആയത് നേടിയെടുക്കാന്‍ സ്വീകരിച്ച നടപടികള്‍ എന്തെല്ലാം ;

(ഡി)	വര്‍ദ്ധിച്ചു വരുന്ന റവന്യൂ കമ്മി കുറയ്ക്കാന്‍ സംസ്ഥാനം സമര്‍പ്പിച്ച നിര്‍ദ്ദേശങ്ങള്‍ എന്തെല്ലാം എന്നും ഇവയില്‍ 14-ാം ധനകാര്യ കമ്മീഷന്‍ അംഗീകരിച്ചവ എന്തെല്ലാം എന്നും വ്യക്തമാക്കുമോ ?

കാരുണ്യ ചികിത്സാ സഹായം

3297.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാരുണ്യ ബെനവലന്റ് സ്കീം അനുസരിച്ചുള്ള ചികിത്സാ സഹായം ലഭിക്കുന്നതിന്, അടിയന്തര ശസ്ത്രക്രിയക്കും ചികിത്സയ്ക്കും ശേഷം, വൈകി ലഭിച്ച അപേക്ഷകളില്‍ അനുകൂലമായ തീരുമാനം കൈക്കൊള്ളുവാന്‍ നടപടി എടുക്കുമോ?

മദ്യനയം മൂലമുള്ള വരുമാന നഷ്ടം

3298.

ശ്രീ.എ.എ.അസീസ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ പുതിയ മദ്യനയത്തിന്റെ ഫലമായി ഖജനാവിലേക്ക് ലഭിക്കേണ്ടിയിരുന്ന എത്ര രൂപയാണ് നാളിതുവരെ നഷ്ടമായിട്ടുള്ളത്; എത്ര ശതമാനം ;

(ബി)	ഈ വരുമാന നഷ്ടം നികത്തുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ ?

സംസ്ഥാന ബഡ്ജറ്റിലും കേന്ദ്രാവിഷ്കൃത പദ്ധതികളിലുമായി വകുപ്പുകള്‍ക്കുള്ള തുക

3299.

(എ)	2015-16 സാമ്പത്തിക വര്‍ഷത്തെ ബഡ്ജറ്റില്‍ വിവിധ വകുപ്പുകള്‍ക്കായി അനുവദിച്ച തുക (ഉപധനാഭ്യര്‍ത്ഥന ഒഴികെയുള്ളത്) എത്ര; വകുപ്പ് തിരിച്ച് വിശദമാക്കാമോ;

(ബി)	ഓരോ വകുപ്പിനും വകയിരുത്തപ്പെട്ട തുകയുടെ എത്ര ശതമാനം ഇതിനകം ചെലവഴിക്കുകയുണ്ടായിട്ടുണ്ട്; വകയിരുത്തപ്പെട്ട തുകയുടെ എത്ര ശതമാനം തുകയാണ് ഇതിനകം ചെലവഴിച്ചത്; വകുപ്പടിസ്ഥാനത്തില്‍ വിശദമാക്കാമോ;

(സി)	2015-16 സാമ്പത്തിക വര്‍ഷം കേന്ദ്രാവിഷ്കൃത പദ്ധതികള്‍ക്കായി ഓരോ വകുപ്പിലും വകയിരുത്തപ്പെട്ട തുക എത്രയായിരുന്നു; അതില്‍ ഇതിനകം ചെലവഴിക്കപ്പെട്ടത് എത്ര; വകുപ്പ് തിരിച്ച് വ്യക്തമാക്കാമോ?

വാര്‍ഷിക പദ്ധതിയിലെ മേഖലാ അടങ്കല്‍ തുക

3300.

(എ)	2011-12 മുതല്‍ 2015-16 വര്‍ഷം വരെ ഓരോ വര്‍ഷവും വാര്‍ഷിക പദ്ധതിയിലെ മേഖലാ അടങ്കല്‍ വിശദമാക്കാമോ ;ഓരോ വര്‍ഷത്തേയും വര്‍ദ്ധനയുടെ ശതമാനം എത്ര വീതമാണ്;

(ബി)	പ്രസ്തുത വാര്‍ഷിക പദ്ധതികളിലെ ഓരോ മേഖലാ അടങ്കലിന്റെയും എത്ര ശതമാനം യഥാര്‍ത്ഥത്തില്‍ ചെലവഴിക്കപ്പെട്ടിട്ടുണ്ട്;തുകയും ശതമാനവും വിശദമാക്കാമോ;

(സി)	പ്രസ്തുത ഓരോ വര്ഷങ്ങളിലെയും മൊത്തം പദ്ധതി അടങ്കല്‍, മൊത്തം പദ്ധതി ചെലവ്, അതിന്റെ ശതമാനം എന്നിവ വിശദമാക്കാമോ ?

ധര്‍മ്മടം നിയോജക മണ്ഡലത്തിലെ അസറ്റ് ഡവലപ്പ്മെന്‍റ് ഫണ്ട്

3301.

(എ)	ധര്‍മ്മടം നിയോജക മണ്ഡലത്തില്‍ അസറ്റ് ഡവലപ്പ്മെന്‍റ് ഫണ്ട് നിലവില്‍ വന്നതിന് ശേഷം ഏതെല്ലാം പ്രവര്‍ത്തികള്‍ക്ക് ധനകാര്യ വകുപ്പ് അംഗീകാരം നല്‍കിയിട്ടുണ്ട് എന്ന് വ്യക്തമാക്കാമോ ;

(ബി)	പ്രസ്തുത ഫണ്ട് മുഖേന ഓരോ പ്രവര്‍ത്തിക്കും അനുവദിച്ച തുക എത്രയെന്നു ഇനം തിരിച്ചു വിശദമാക്കാമോ?

പേരാമ്പ്ര നിയോജകമണ്ഡലത്തിലെ ആസ്തി വികസന ഫണ്ട്

3302.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	പേരാമ്പ്ര നിയോജകമണ്ഡലത്തില്‍ ആസ്തി വികസന ഫണ്ടില്‍ എത്ര തുകയാണ് നീക്കിവച്ചിരിക്കുന്നതെന്നും അവയില്‍ എത്ര പ്രവൃത്തികള്‍ക്ക് ഭരണാനുമതി നല്‍കിയെന്നും ഓരോ പ്രവൃത്തിക്കും എത്ര തുകയാണെന്നും ഇനി എത്ര തുക അവശേഷിക്കുന്നു എന്നും വ്യക്തമാക്കുമോ?

ആസ്തിവികസന ഫണ്ട്

3303.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ആസ്തിവികസന ഫണ്ട് വിനിയോഗിച്ചുള്ള പദ്ധതികള്‍ക്ക് ഭരണാനുമതി ലഭിക്കാന്‍ കാലതാമസം നേരിടുന്നതായ പരാതികള്‍ ശ്രദ്ധയില്‍പെട്ടിട്ടുണ്ടോ; വ്യക്തമാക്കാമോ ;

(ബി)	ആസ്തിവികസന ഫണ്ട് വിനിയോഗിച്ചുള്ള പദ്ധതികള്‍ക്ക് ഭരണാനുമതി നല്‍കുന്നതിനുള്ള നടപടികളിലെ കാലതാമസം ഒഴിവാക്കാനും കൂടുതല്‍ സുതാര്യമാക്കാനും തയ്യാറാകുമോ?

പങ്കാളിത്ത പെന്‍ഷന്‍ പദ്ധതി

3304.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	പങ്കാളിത്ത പെന്‍ഷന്‍ പദ്ധതിയിന്‍ കീഴില്‍ പെന്‍ഷന്‍ ഫണ്ടിലേയ്ക്ക് മുഴുവന്‍ സര്‍ക്കാര്‍വിഹിതവും നല്‍കിയോ?

സാമ്പത്തിക പ്രതിസന്ധിയും ഒാവര്‍ ഡ്രാഫ്റ്റും

3305.

(എ)	ഈ സര്‍ക്കാര്‍ അധികാരത്തില്‍ വന്ന ശേഷം നാളിതു വരെ ഏതെങ്കിലും ദിവസം റിസര്‍വ് ബാങ്കില്‍ ഉണ്ടായിരിക്കുന്ന ക്യാഷ് റിസ്ര‍വ് പരിധി നിലനിര്‍ത്താന്‍ സാധിക്കാതെ വരികയുണ്ടായോ ; എങ്കില്‍ ഏതെല്ലാം തീയതികളില്‍ ;

(ബി)	ഈ സര്‍ക്കാരിന്റെ എതെങ്കിലും കാലഘട്ടത്തില്‍ സംസ്ഥാനം ഒാവര്‍ ഡ്രാഫ്റ്റിലായിട്ടുണ്ടോ ; എങ്കില്‍ എപ്പോഴെല്ലാം ; ഒാവര്‍ ഡ്രാഫ്റ്റിന് പലിശ നല്‍കേണ്ടി വന്നിട്ടുണ്ടോ ; ഉണ്ടെങ്കില്‍ എത്ര രൂപ ;

(സി)	സംസ്ഥാനത്ത് ഇപ്പോള്‍ സാമ്പത്തിക പ്രതിസന്ധി ഉണ്ടോ ; ഇല്ലെങ്കില്‍ കോണ്‍ട്രാക്ടര്‍മാര്‍ ഉള്‍പ്പെടെയുളളവര്‍ക്ക് നല്‍കാനുള്ള കുടിശ്ശിക നല്‍കാതിരിക്കുന്നത് എന്തുകൊണ്ടാണ് ;

(ഡി)	എന്തെല്ലാം ഇനത്തില്‍ എത്ര കോടി രൂപ സംസ്ഥാന ഗവണ്‍മെന്റ് നല്‍കേണ്ടതായ ഇനത്തില്‍ കുടിശ്ശിക ആയിട്ടുണ്ട് ; വിശദമാക്കാമോ ?

കുന്നംകുളം നിയോജകമണ്ഡലത്തിലെ കാരുണ്യ ചികിത്സാ പദ്ധതി

3306.

(എ)	കാരുണ്യ ചികിത്സാ പദ്ധതി ആരംഭിച്ചതു മുതല്‍ കുന്നംകുളം നിയോജകമണ്ഡലത്തില്‍ ഇതുവരെ എത്ര പേര്‍ക്ക് ധനസഹായം അനുവദിച്ചിട്ടുണ്ട് ; ധനസഹായം അനുവദിച്ചവരുടെ പേരുവിവരവും അനുവദിച്ച തുകയും എത്രയെന്ന് വ്യക്തമാക്കാമോ ?

റവന്യൂകമ്മി

3307.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ഓരോ വര്‍ഷവും അവതരിപ്പിച്ച ബഡ്ജറ്റില്‍ നിര്‍ണ്ണയിക്കപ്പെട്ട റവന്യൂ കമ്മി എത്രയായിരുന്നുവെന്നും പിന്നിട്ട ഓരോ വര്‍ഷത്തെ യഥാര്‍ത്ഥ റവന്യൂ കമ്മി എത്ര തുക വീതമായിരുന്നുവെന്നും വിശദമാക്കാമോ;

(ബി)

സര്‍ക്കാര്‍ പാസ്സാക്കിയ നിയമത്തിലെ വ്യവസ്ഥയനുസരിച്ച് 2014-15 അവസാനിക്കുമ്പോള്‍ റവന്യൂ കമ്മി എത്രയായി കുറയണമായിരുന്നു; യഥാര്‍ത്ഥത്തില്‍ എത്രയായി കുറയുകയുണ്ടായി; 2015-16 അവസാനിക്കുമ്പോള്‍ റവന്യൂകമ്മി എത്രയായി നിയമ വ്യവസ്ഥ പ്രകാരം കുറയേണ്ടതുണ്ട്; ഇപ്പോഴത്തെ സ്ഥിതിയില്‍ റവന്യൂ കമ്മി എത്രയായി വര്‍ദ്ധിക്കും; വിശദമാക്കാമോ;

(സി)	പാവപ്പെട്ട ജനവിഭാഗങ്ങള്‍ക്ക് എന്തെങ്കിലും പുതിയ ആനുകൂല്യങ്ങള്‍ നല്‍കിയതിന്റെ പേരില്‍ റവന്യൂ കമ്മി കൂടുകയുണ്ടായിട്ടുണ്ടോ; എങ്കില്‍ ബഡ്ജറ്റില്‍ പറയാതിരുന്ന പുതിയ ആനുകൂല്യങ്ങള്‍ എന്തെല്ലാമായിരുന്നു?

നിയോജകമണ്ഡല ആസ്തി വികസന പദ്ധതില്‍ നിന്നും കെ.എസ്.ആര്‍.ടി.സി.യ്ക്ക് ബസുകള്‍

3308.

(എ)	എം.എല്‍.എ.മാരുടെ നിയോജകമണ്ഡല ആസ്തി വികസന പദ്ധതില്‍ നിന്നും കെ.എസ്.ആര്‍.ടി.സി.യ്ക്ക് ബസുകള്‍ വാങ്ങി നല്‍കുന്നതിന് അനുമതി തേടിക്കൊണ്ട് ഗതാഗത വകുപ്പ് നല്‍കിയ ഫയല്‍ എന്നാണ് ധനകാര്യ വകുപ്പിലെത്തിയത്; എത്ര എം.എല്‍.എ.മാരുടെ എത്ര കോടി രൂപയുടെ നിര്‍ദ്ദേശമാണ് വന്നത്;

(ബി)	ഇവര്‍ക്ക് ധനകാര്യ വകുപ്പ് കണ്‍കറന്‍സ് നല്‍കുകയുണ്ടായോ; ഇല്ലെങ്കില്‍ എന്തു കാരണത്താലാണ് കണ്‍കറന്‍സ് നല‍കാതിരുന്നതെന്ന് വിശദമാക്കാമോ;

(സി)	നഷ്ടത്തിലോടുന്ന കെ.എസ്.ആര്‍.ടി.സി.യെ പുനരുദ്ധരിക്കുന്നതിനായി നല്‍കിയ ഈ പാക്കേജിന് പ്രത്യേക പരിഗണന നല്‍കി നടപ്പാക്കാന്‍ നടപടി സ്വീകരിക്കുമോ?

കരാറുകാരുടെ കുടിശ്ശിക തുക നല്‍കാന്‍ നടപടി

3309.

(എ)	കരാറുകാരുടെ നിരാഹാര സമരം അവസാനിപ്പിക്കുന്നതിന് സമരസമിതിയ്ക്ക് നല്‍കിയ ഉറപ്പുകള്‍ എന്തൊക്കെയാണെന്ന് വിശദമാക്കാമോ;

(ബി)	പൊതുമരാമത്ത് - ജലവിഭവ വകുപ്പ് കരാറുകാര്‍ക്ക് 31-05-2015 വരെ നല്‍കാനുള്ള കുടിശ്ശിക എത്ര രൂപയാണെന്ന് വ്യക്തമാക്കാമോ;

(സി)	കുടിശ്ശിക പൂര്‍ണ്ണമായി കൊടുത്ത് തീര്‍ക്കുന്നതിനായി എന്തു പദ്ധതിയാണ് നടപ്പാക്കാനുദ്ദേശിക്കുന്നതെന്ന് വ്യക്തമാക്കാമോ?

ബഡ്ജറ്റില്‍ ലക്ഷ്യമിട്ട പദ്ധതി ചെലവും പദ്ധതി ഇതര ചെലവും

3310.

(എ)	2014-15 സാമ്പത്തിക വര്‍ഷത്തില്‍ ബഡ്ജറ്റില്‍ ലക്ഷ്യമിട്ട പദ്ധതി ചെലവിലും പദ്ധതി ഇതര ചെലവിലും എത്ര ശതമാനം വീതം ചെലവഴിക്കാതിരുന്നിട്ടുണ്ടെന്ന് വിശദമാക്കുമോ;

(ബി)	ഏറ്റവും കൂടുതല്‍ ശതമാനം ചെലവഴിക്കല്‍ നടന്നിട്ടില്ലാത്ത അഞ്ച് പദ്ധതിചെലവ് മേഖല ഏതെല്ലാമായിരുന്നു; ഇൗ പദ്ധതികള്‍ക്ക് ലക്ഷ്യമിട്ടിരുന്ന തുക എത്ര; ചെലവഴിക്കാന്‍ കഴിയാതിരുന്ന തുകയുടെ ശതമാനവും തുകയും എത്ര; വ്യക്തമാക്കുമോ;

(സി)	ലക്ഷ്യമിട്ട നികുതികള്‍ പിരിച്ചെടുക്കാന്‍ സാധിച്ചിട്ടുണ്ടായിരുന്നെങ്കില്‍ പദ്ധതി ചെലവ് നൂറ് ശതമാനവും നടപ്പിലാക്കുവാന്‍ സാധിക്കുമായിരുന്നുവോ?

സര്‍ക്കാര്‍ സര്‍വ്വീസിലെ തസ്തികകള്‍ സംബന്ധിച്ച പഠനം

3311.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ സര്‍വ്വീസില്‍ തസ്തികകള്‍ കുറയ്ക്കുന്നത് സംബന്ധിച്ച് ധനവകുപ്പ് എന്തെങ്കിലും പഠനം നടത്തിയിട്ടുണ്ടോ ; എങ്കില്‍ ഏതൊക്കെ വകുപ്പുകളില്‍ എത്ര തസ്തികകളാണ് കൂടുതലായി കണ്ടെത്തിയിട്ടുള്ളത് ; വിശദാംശം നല്‍കുമോ ;

(ബി)	ഈ സര്‍ക്കാര്‍ അധികാരത്തില്‍ വന്നതിനുശേഷം എത്ര തസ്തികകള്‍ നിര്‍ത്തലാക്കിയിട്ടുണ്ട് ; വിശദാംശം നല്‍കുമോ?

സര്‍ക്കാര്‍ ജീവനക്കാര്‍ക്കുള്ള കുടുംബപെന്‍ഷന്‍ പദ്ധതി

T 3312.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാര്‍ ജീവനക്കാര്‍ക്കുള്ള കുടുംബപെന്‍ഷന്‍ പദ്ധതി എന്നു മുതലാണ് നടപ്പിലാക്കി തുടങ്ങിയത്; വ്യക്തമാക്കാമോ;

(ബി)	പ്രസ്തുത പദ്ധതി നടപ്പിലാക്കുന്നതിന് മുമ്പ് സര്‍ക്കാര്‍ സര്‍വ്വീസിലുണ്ടായിരുന്നവരുടെ ആശ്രിതര്‍ക്ക് ഏതു തരത്തിലുള്ള പെന്‍ഷന്‍ ആനുകൂല്യങ്ങളാണ് നല്‍കിയിരുന്നതെന്നു വ്യക്തമാക്കുമോ;

(സി)	പ്രസ്തുത പദ്ധതിയെ സംബന്ധിച്ചുള്ള വിശദവിവരങ്ങളും പ്രസ്തുത ആനുകൂല്യം ലഭിക്കുന്നതിനായി ആശ്രിതര്‍ ആര്‍ക്ക് അപേക്ഷ നല്‍കണമെന്നും അപേക്ഷയോടൊപ്പം എന്തെല്ലാം രേഖകള്‍ സമര്‍പ്പിക്കണമെന്നും വ്യക്തമാക്കുമോ?

സംസ്ഥാനത്തിന്റെ പൊതുകടം

3313.

(എ)	ഈ സര്‍ക്കാര്‍ അധികാരത്തില്‍ വരുമ്പോള്‍ പൊതുകടത്തിന്റെ സംസ്ഥാനത്തിലെ ആളോഹരി എത്ര രൂപയായിരുന്നു;

(ബി)	2015 മാര്‍ച്ച് 31 ല്‍ സംസ്ഥാനത്തിന്റെ ആളോഹരി കടം എത്ര രൂപയാണ്;

(സി)	2016 മാര്‍ച്ച് 31ആകുമ്പോള്‍ കണക്കാക്കപ്പെട്ട തുകയനുസരിച്ച് സംസ്ഥാനത്തിന്റെ ആളോഹരി കടം എത്ര രൂപയായി വര്‍ദ്ധിക്കും?

കേന്ദ്രാവിഷ്കൃത പദ്ധതികള്‍.

T 3314.

ശ്രീ.മാത്യു റ്റി.തോമസ്
,, ജോസ് തെറ്റയില്‍
,, സി.കെ.നാണു
ശ്രീമതി.ജമീലാ പ്രകാശം : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്രത്തില്‍ നിന്നും കേന്ദ്രാവിഷ്കൃത പദ്ധതികള്‍ക്കുവേണ്ടി എത്ര തുകയാണ് ഓരോ വകുപ്പിലും അനുവദിച്ചിരിക്കുന്നത് ;

(ബി)	അതില്‍ ഓരോന്നിലും സംസ്ഥാന സര്‍ക്കാരിന്റെ പങ്ക് എത്രയാണ്;

(സി)	അതിനുവേണ്ടി ബഡ്ജറ്റില്‍ എത്ര തുകയാണ് നീക്കി വച്ചിട്ടുള്ളത്;

(ഡി)	വകുപ്പ് തിരിച്ച് കേന്ദ്രത്തിന്റെ വിഹിതം ,സംസ്ഥാനത്തിന്റെ വിഹിതം എന്നിവ എത്രയെന്ന് വ്യക്തമാക്കാമോ?

കേന്ദ്രാവിഷ്കൃത പദ്ധതികള്‍ക്കായി വകയിരുത്തിയ തുക

3315.

(എ)	2014-15, 2013-14, 2012-13, 2011-12 എന്നീ സാമ്പത്തിക വര്‍ഷങ്ങളില്‍ ഓരോ വര്‍ഷവും നൂറു ശതമാനം കേന്ദ്ര സഹായമുള്ള കേന്ദ്രാവിഷ്കൃത പദ്ധതികള്‍ക്ക് ലഭ്യമായ തുക മൊത്തം എത്ര കോടി ആയിരുന്നു; അതില്‍ ഓരോ വര്‍ഷവും യഥാര്‍ത്ഥത്തില്‍ ചെലവഴിച്ച മൊത്തം തുക എത്ര വീതമായിരുന്നു;

(ബി)	മേല്പറഞ്ഞ കാലയളവില്‍ മറ്റ് കേന്ദ്രാവിഷ്കൃത പദ്ധതികള്‍ക്കായി വകയിരുത്തപ്പെട്ട തുകകളുടെയും ഓരോ വര്‍ഷം ചെലവഴിച്ച തുകകളുടെയും മൊത്ത കണക്കുകള്‍ വിശദമാക്കാമോ;

(സി)	മേല്പറഞ്ഞ കാലയളവില്‍ ഓരോ വര്‍ഷവും വകയിരുത്തപ്പെട്ട പൂര്‍ണ കേന്ദ്രാവിഷ്കൃത/മറ്റ് കേന്ദ്രാവിഷ്കൃത പദ്ധതികളില്‍ ഓരോ വര്‍ഷവും ചെലവഴിക്കാന്‍ കഴിയാതിരുന്ന തുകകള്‍ എത്രയായിരുന്നു?

ധനകാര്യവകുപ്പില്‍ ഇ.ഫയലിംഗ്

3316.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ധനകാര്യവകുപ്പില്‍ ഇ.ഫയലിംഗ് നടപ്പാക്കിയതിനുശേഷം മറ്റു വകുപ്പുകളില്‍ നിന്ന് ധനകാര്യവകുപ്പിലേക്ക് അയക്കുന്ന ഫയലുകള്‍ സ്കാന്‍ ചെയ്ത് ഇ.ഫയലാക്കി മാത്രമെ സ്വീകരിക്കൂ എന്ന തീരുമാനം ഫയലുകള്‍ തീര്‍പ്പാക്കുന്നതിന് കാലതാമസം വരുത്തുന്നു എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	മറ്റു വകുപ്പുകളി‍ല്‍ ആവശ്യത്തിന് സ്കാനറുകള്‍ ഇല്ലാത്തത് പരിഹരിക്കുന്നതിന് നടപടികള്‍ സ്വീകരിക്കുമോ;

(സി)	ഇക്കാരണത്താല്‍ ആസ്തി വികസന പദ്ധതി പ്രവൃത്തികള്‍ വൈകുന്നു എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ ഇതു പരിഹരിക്കുന്നതിന് നടപടികള്‍ സ്വീകരിക്കുമോ?

കരാറുകാര്‍ക്കുള്ള കുടിശ്ശിക

3317.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കരാറുകാര്‍ക്ക് പണം നല്‍കാത്തതിനാല്‍ വികസന പ്രവര്‍ത്തനങ്ങള്‍ ശുഷ്ക്കാന്തിയില്‍ നടക്കാതെ തടസ്സപ്പെടുന്ന വിവരം ശ്രദ്ധയില്‍ ഉണ്ടോ;

(ബി)	മരാമത്ത് കരാറുകാര്‍ക്ക് എത്ര കോടി രൂപയുടെ കുടിശ്ശിക നല്‍കാനുണ്ടെന്ന് വ്യക്തമാക്കാമോ;

(സി)	കുടിശ്ശിക വര്‍ദ്ധിച്ചതിനാല്‍ തടസ്സപ്പെട്ട വര്‍ക്കുകളുടെ വിവരം ലഭ്യമാക്കാമോ?

വികസനനിര്‍മ്മാണപ്രവൃത്തികളിലെ ധനദുര്‍വ്യയം

3318.

ശ്രീ.ബി.സത്യന്‍
,, കെ.കുഞ്ഞിരാമന്‍ (ഉദുമ)
,, പി.ടി.എ. റഹീം
,, ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വികസന നിര്‍മ്മാണ പ്രവൃത്തികളില്‍ വന്‍തോതില്‍ ധനദുര്‍വ്യയവും അഴിമതിയും നടക്കുന്നതായി ശ്രദ്ധയിൽ പെട്ടിട്ടുണ്ടോ ; ഇക്കാര്യത്തില്‍ എന്തെങ്കിലും പഠനം നടത്തിയിട്ടുണ്ടോ; ഇത് തടയാന്‍ എന്ത് നടപടി സ്വീകരിക്കാന്‍ ഉദ്ദേശിക്കുന്നു;

(ബി)	ഇന്നത്തെ രീതിയില്‍ പദ്ധതിപ്രവര്‍ത്തനം നടത്തുമ്പോള്‍ ധനം ദുര്‍വ്യയം ചെയ്യപ്പെടാനുള്ള സാദ്ധ്യതകള്‍ എത്രത്തോളമുണ്ടെന്ന് വിലയിരുത്തിയിട്ടുണ്ടോ; വിശദമാക്കാമോ;

(സി)	സംസ്ഥാനത്തിനു് നഷ്ടം വരുന്നത് തടയാനും നടക്കുന്ന വികസന പ്രവര്‍ത്തനങ്ങളിൽ പൂര്‍ണ്ണഫലപ്രാപ്തിയിലെത്തിക്കാനും ഉതകുന്ന തരത്തില്‍ എന്ത് മാറ്റങ്ങള്‍ വരുത്താനുദ്ദേശിക്കുന്നു എന്ന് വ്യക്തമാക്കാമോ?

2014-15 സാമ്പത്തിക വര്‍ഷത്തെ പദ്ധതി പ്രവര്‍ത്തനം

3319.

ശ്രീ.എളമരം കരീം : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	2014-15 സാമ്പത്തിക വര്‍ഷത്തെ പദ്ധതി പ്രവര്‍ത്തനം സംബന്ധിച്ച് ഏറ്റവും ഒടുവില്‍ ചീഫ് സെക്രട്ടറി തലത്തില്‍ റിവ്യു ചെയ്തത് എപ്പോഴാണ്; പ്ലാന്‍ പെര്‍ഫോമന്‍സ് സംബന്ധിച്ച പ്രസ്തുത മീറ്റിംഗിന്റെ വിലയിരുത്തലുകള്‍ വിശദമാക്കാമോ;

(ബി)	2014-15 വര്‍ഷത്തെ ബഡ്ജറ്റില്‍ വിവിധ വകുപ്പുകള്‍ക്കായി അനുവദിച്ച തുക (ഉപധനാഭ്യര്‍ത്ഥന ഒഴികെയുള്ളത്)എത്ര, വകുപ്പ് തിരിച്ച് വ്യക്തമാക്കാമോ;

(സി)	ഓരോ വകുപ്പിനും വകയിരുത്തപ്പെട്ട (ഉപധനാഭ്യര്‍ത്ഥന ഇല്ലാതെ) തുകയുടെ എത്ര ശതമാനം ചെലവഴിച്ചിട്ടുണ്ടായിരുന്നു; യഥാര്‍ത്ഥ ചെലവിന്റെ ശതമാന കണക്കുകള്‍ വിശദമാക്കാമോ;

(ഡി)	2014-15 സാമ്പത്തിക വര്‍ഷം കേന്ദ്രാവിഷ്കൃത പദ്ധതികള്‍ക്കായി ഓരോ വകുപ്പിലും വകയിരുത്തപ്പെട്ട തുക എത്രയായിരുന്നു; അതില്‍ 2015 മാര്‍ച്ച് 31വരെ ചെലവഴിക്കപ്പെട്ടത് എത്ര; യഥാര്‍ത്ഥ ചെലവിന്റെ ശതമാന കണക്കുകള്‍ വിശദമാക്കാമോ;

2014-15 സാമ്പത്തിക വര്‍ഷത്തെ പദ്ധതിചെലവും ടി പി അക്കൌണ്ടുകളിലെ തുകയും

3320.

(എ)	2015 മാര്‍ച്ച് 31ന് പദ്ധതി പ്രവര്‍ത്തനങ്ങളുമായി ബന്ധപ്പെട്ട എത്ര തുക വിവിധ T.P.അക്കൗണ്ടുകളിലുണ്ടായിരുന്നു; വിശദമാക്കാമോ; തദ്ദേശ വകുപ്പിനായി വകയിരുത്തപ്പെട്ട തുകയില്‍ ചെലവഴിക്കാതിരുന്ന തുക എത്രയായിരുന്നുവെന്നു വെളിപ്പെടുത്തുമോ;

(ബി)	2015 മാര്‍ച്ച് 31ന് തദ്ദേശസ്വയംഭരണ സ്ഥാപനങ്ങളുടെ T.P അക്കൗണ്ടുകളിലുണ്ടായിരുന്ന മൊത്തം തുക എത്രയായിരുന്നുവെന്നു വ്യക്തമാക്കുമോ;

ദേശീയ സമ്പാദ്യ പദ്ധതിയുടെ നിക്ഷേപ സമാഹരണം

3321.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദേശീയ സമ്പാദ്യ പദ്ധതിയുടെ നിക്ഷേപ സമാഹരണം എന്ന ലക്ഷ്യം കൈവരിക്കുന്നുണ്ടോ; വിശദമാക്കുമോ;

(ബി)	പ്രസ്തുത നിക്ഷേപ സമാഹരണത്തിലെ കുറവ് സംസ്ഥാനത്തിന് വായ്പയായി ലഭിക്കുന്ന തുകയില്‍ കാര്യമായ നഷ്ടം ഉണ്ടാക്കുന്നുണ്ടോ;

(സി)	ദേശീയ സമ്പാദ്യ പദ്ധതിയുടെ നിക്ഷേപങ്ങളുടെ പലിശ നിരക്ക് ഉയര്‍ത്തുന്നതിനായി കേന്ദ്ര സര്‍ക്കാറില്‍ സമ്മര്‍ദം ചെലുത്തുമോ;

ചരക്ക് സേവന നികുതി നടപ്പാക്കാനുള്ള പദ്ധതി

3322.

ശ്രീ.ടി.എന്‍. പ്രതാപന്‍
,, പി.എ.മാധവന്‍
,, ഹൈബി ഈഡന്‍
,, എ.പി.അബ്ദുള്ളക്കുട്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ചരക്ക് സേവന നികുതി നടപ്പാക്കാന്‍ ഉദ്ദേശിക്കുന്നുണ്ടോ;

(ബി)	നികുതി ഘടനയില്‍ എന്തെല്ലാം മാറ്റങ്ങളാണ് ഇത് വഴി ഉണ്ടാകുന്നത് ;

(സി)	ചരക്ക് സേവന നികുതി നടപ്പാക്കുമ്പോള്‍ നികുതി വരുമാനത്തില്‍ എന്തെങ്കിലും കുറവ് വരുമെന്ന് കരുതുന്നുണ്ടോ ;

(ഡി)	എങ്കില്‍ ഇത് പരിഹരിക്കാനും കൂടുതല്‍ വരുമാനം ലഭിക്കുവാനും എന്തെല്ലാം നിര്‍ദ്ദേശങ്ങളാണ് കേന്ദ്ര സര്‍ക്കാരിന് സമര്‍പ്പിക്കാന്‍ ഉദ്ദേശിക്കുന്നത് ?

നികുതി പിരിവ്

3323.

(എ)	2014-15 വര്‍ഷം നികുതി പിരിവില്‍ കുറവ് ഉണ്ടായിട്ടുണ്ടോ;എങ്കില്‍, അത് എന്തൊക്കെ കാരണങ്ങളാലാണ് എന്ന് വിശദീകരിക്കാമോ;

(ബി)	നികുതി പിരിവ് ഊര്‍ജ്ജിതമാക്കാന്‍, നടപ്പ് വര്‍ഷം എന്തൊക്കെ പദ്ധതികളാണ് നടപ്പിലാക്കുന്നതെന്ന് വ്യക്തമാക്കാമോ?

കൈത്തറി ഉല്‍പ്പനങ്ങളുടെ വാറ്റ് നികുതി ഒഴുവാക്കല്‍

3324.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കൈത്തറി ഉല്‍പ്പനങ്ങള്‍ക്ക് 1% വാറ്റ് നികുതി ഏര്‍പ്പെടുത്തിയിരിക്കുന്നത് പിന്‍വലിക്കുന്ന കാര്യം പരിശോധിക്കുമോ ;

(ബി)	ഇതു മൂലം കഷ്ടത്തിലായ ചെറുകിട ഉല്‍പ്പാദകരുടെ പ്രശ്നങ്ങള്‍ പരിഹരിക്കുന്നതിന് സ്വീകരിച്ചിരിക്കുന്ന നടപടികള്‍ വ്യക്തമാക്കാമോ ;

(സി)	വാറ്റ് നികുതിയുടെ പേരില്‍ വില്‍പന നികുതി ഉദ്യോഗസ്ഥരുടെ അനാവശ്യ പരിശോധനയും പീഡനവും അവസാനിപ്പിക്കുന്നതിന് വേണ്ട മാര്‍ഗ്ഗ നിര്‍ദ്ദേശങ്ങള്‍ പുറപ്പെടുവിക്കുമോ ?

പാസഞ്ചര്‍ വാഹനങ്ങളിലേയും ട്രെയിനുകളിലേയും അനധികൃത സാധനകടത്ത്

3325.

ശ്രീ.പി.എ.മാധവന്‍
,, കെ.മുരളീധരന്‍
,, ടി.എന്‍. പ്രതാപന്‍
,, ആര്‍ . സെല്‍വരാജ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	പാസഞ്ചര്‍ വാഹനങ്ങളിലും ട്രെയിനുകളിലും അനധികൃതമായി സാധനങ്ങള്‍ കടത്തുന്നത് തടയാന്‍ എന്തെല്ലാം കര്‍മ്മപരിപാടികളാണ് ആസൂത്രണം ചെയ്തിട്ടുളളത് ;വിശദമാക്കുമോ ;

(ബി)	സാധനങ്ങള്‍ കടത്തുന്നവര്‍ക്കെതിരെ നിയമ നടപടി സ്വീകരിക്കുവാന്‍ എന്തെല്ലാം സംവിധാനം നിലവിലുണ്ട് ;

(സി)	അനധികൃതമായി സാധനങ്ങള്‍ കടത്തുന്നതിനെതിരെ കര്‍ശന നടപടിയെടുക്കാന്‍ വകുപ്പിനെ ശക്തിപ്പെടുത്തുന്ന കാര്യം പരിഗണിക്കുമോ ;

(ഡി)	ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ?

ഭക്ഷ്യോല്പന്നങ്ങളുടെ അമിത വിലയും വ്യാപാരികളുടെ ചൂഷണവും

3326.

(എ)

കേരള മൂല്യവര്‍ദ്ധിത നികുതി നിയമത്തിന്‍ കീഴില്‍ വരുന്ന ഭക്ഷ്യോല്പന്നങ്ങള്‍ ഏതെല്ലാം ; അല്ലാത്തവ ഏതെല്ലാം ; വിപണനക്കാര്‍ പായ്ക്കറ്റുകളില്‍ അമിത വില പ്രിന്റ് ചെയ്ത് അമിതലാഭം ഉണ്ടാക്കുന്നതായി പരിശോധനകളില്‍ കണ്ടെത്തിയിട്ടുണ്ടോ ; എങ്കില്‍ 2011-12 മുതല്‍ 2014-15വരെ ഓരോ വര്‍ഷവും കണ്ടെത്തിയ ഉല്പന്നങ്ങള്‍ ഏതെല്ലാം ; നിര്‍മ്മാതാക്കള്‍ ആരെല്ലാം ; ഫൈന്‍ ആയി ലഭിച്ച തുക എത്ര ; വ്യക്തമാക്കുമോ ;

(ബി)

എം.ആര്‍.പി യേക്കാള്‍ കൂടുതല്‍ വില ഈടാക്കിയാലുള്ള ശിക്ഷയെന്താണ് ; സംസ്ഥാനത്ത് ഇത്തരം എത്ര കേസ്സുകള്‍ 2011-12 മുതല്‍ നാളിതുവരെ റിപ്പോര്‍ട്ടു ചെയ്തിട്ടുണ്ട് ; യഥാര്‍ത്ഥ വിലയേക്കാള്‍ കൂടുതല്‍ പ്രിന്റ് ചെയ്ത് ഈടാക്കുന്നത് ശ്രദ്ധയില്‍പ്പെട്ടിട്ടുണ്ടോ ; എങ്കില്‍ ഇതു നിയന്ത്രിക്കാന്‍ എന്തു നടപടി സ്വീകരിച്ചു ; വ്യക്തമാക്കുമോ ;

(സി)	വ്യാപാരികള്‍ വകുപ്പിന് റിട്ടേണ്‍ സമര്‍പ്പിക്കുന്നത് പാക്കറ്റു വിലയനുസരിച്ചാണോ ബില്ലു വിലയനുസരിച്ചാണോ എന്നും ബില്ലനുസരിച്ചാണെങ്കില്‍ ഇതുവഴി ഇവര്‍ ഉപഭോക്താക്കളെ കബളിപ്പിക്കുന്നതു തടയുവാന്‍ എന്തു നടപടികള്‍ സ്വീകരിച്ചു എന്നും വ്യക്തമാക്കുമോ ;

(ഡി)	വ്യാപാരികളുടെ ചൂഷണം തടയുന്നതിനായി ബില്ലിന്‍പ്രകാരമുളളതും നികുതി കൂടെ ഉള്‍പ്പെടുത്തിയതുമായ വില വ്യാപാരസ്ഥാപനങ്ങളില്‍ പ്രദര്‍ശിപ്പിക്കാനും അതുവഴി അഴിമതി ഇല്ലാതാക്കാന്‍ സ്വീകരിച്ച നടപടികള്‍ വ്യക്തമാക്കുമോ ?

വിവിധ ഇനങ്ങളിൽ നല്കാൻ ബാക്കിയുള്ള കുടിശ്ശികയുടെ കണക്കുകൾ

3327.

ഡോ.കെ.ടി.ജലീല്‍ : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)

2015 ജൂണ്‍ 30 ന് ട്രഷറിയിലെ വിവിധ നിക്ഷേപങ്ങള്‍ തിരിരികെ നല്‍കേണ്ട വകയിലും, കരാറുകാര്‍, സിവില്‍ സപ്ലൈസ് കോര്‍പ്പറേഷന്‍, സംസ്ഥാന കണ്‍സ്യൂമര്‍ ഫെഡറേഷന്‍, മെഡിക്കല്‍ കോര്‍പ്പറേഷന്‍, നെല്ല് സംഭരിച്ച ഇനത്തില്‍ കൃഷിക്കാര്‍ക്ക്, ഭവനരഹിതര്‍ക്കായുള്ള ഭവന പദ്ധതികള്‍, കര്‍ഷകതൊഴിലാളികളുടെ പെൻഷൻ/ക്ഷേമനിധി ആനുകൂല്യങ്ങൾ, തൊഴിലില്ലായ്മ വേതനം, തൊഴിലുറപ്പ് പദ്ധതി, സാമൂഹ്യക്ഷേമ പെന്‍ഷന്‍ പദ്ധതി, സര്‍ക്കാര്‍ ജീവനക്കാരുടെ ശമ്പള പരിഷ്കരണം, മറ്റിനങ്ങള്‍ എന്നീയിനങ്ങളിലായി കുടിശ്ശികയായിട്ടുള്ള തുകയുടെ കണക്കുകള്‍ ഇനം തിരിച്ച് ലഭ്യമാക്കാമോ ?

ജനസമ്പര്‍ക്ക പരിപാടി

3328.

(എ)	ജനസമ്പര്‍ക്ക പരിപാടി സംഘടിപ്പിക്കുന്നതിന് വിവിധ ഇനങ്ങളിലായി മൊത്തം ചെലവായ തുകയുടെ കണക്കുകള്‍ ഓരോ ഘട്ട പരിപാടിയുടെയും അടിസ്ഥാനത്തില്‍ വിശദമാക്കാമോ;

(ബി)	ജനസമ്പര്‍ക്ക പരിപാടി സംഘടിപ്പിക്കുന്നതിന്‍െറ ഭാഗമായുള്ള ഏതെല്ലാം ചെലവുകളുടെ ബില്ലുകള്‍ നാളിതു വരെ ട്രഷറിയില്‍ നിന്നു മാറിക്കൊടുക്കാന്‍ സാധ്യമായിട്ടില്ലെന്നറിയിക്കാമോ?

കുന്നമംഗലത്ത് അനുവദിച്ച സബ് ട്രഷറിയുടെ പ്രവര്‍ത്തനം

3329.

ശ്രീ.പി.ടി.എ. റഹീം : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കുന്നമംഗലത്ത് അനുവദിച്ച സബ് ട്രഷറി പ്രവര്‍ത്തനമാരംഭിക്കുന്നതിന് സ്വീകരിച്ച നടപടികള്‍ വിശദമാക്കാമോ ?

ശ്രീ പി.യു.ഷാജുവിന്റെ ഡയാലിസിസ് ട്രീറ്റ്മെന്റ് ധനസഹായം

3330.

(എ)

ചാലക്കുടി മണ്ഡലത്തില്‍പ്പെട്ട പോട്ട ദേശത്ത്, പുറക്കുളം വീട്ടില്‍ ശ്രീ പി.യു.ഷാജുവിന്റെ ഡയാലിസിസ് ട്രീറ്റ്മെന്റിനായി തൃശ്ശൂര്‍ ജൂബിലി മിഷന്‍ ഹോസ്പിറ്റലിലേയ്ക്ക് അനുവദിച്ച കാരുണ്യാ ബെനവലന്റ് ഫണ്ടില്‍ നിന്നുള്ള രണ്ട് ലക്ഷം രൂപയുടെ ധനസഹായത്തില്‍, ഡയാലിസിസിനു ചെലവായ സംഖ്യ (6000/- രൂപ) കഴിച്ച് ബാക്കിയുള്ള സംഖ്യ ടിയാന്റെ കിഡ്നി ട്രാന്‍സ്പ്ളാന്റ് സര്‍ജറിക്കായി എറണാകുളം മെഡിക്കല്‍ ട്രസ്റ്റ് ഹോസ്പിറ്റലിലേയ്ക്ക് മാറ്റി നല്‍കുന്നതിനായി സമര്‍പ്പിച്ച അപേക്ഷ കാരുണ്യ സംസ്ഥാനതല 15-ാം നമ്പര്‍ കമ്മിറ്റിയുടെ 22-ാം നമ്പര്‍ അജണ്ട പ്രകാരം പരിഗണിച്ചെങ്കിലും നാളിതുവരെയായി പ്രസ്തുത ധനസഹായം അനുവദിച്ച് നല്‍കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ധനസഹായം അടിയന്തരമായി അനുവദിച്ചു നല്‍കുന്നതിന് നടപടി സ്വീകരിക്കുമോ?

ലോട്ടറി മേഖലയിലെ സേവന നികുതി.

3331.

ശ്രീ.എളമരം കരീം
,, പി.കെ.ഗുരുദാസന്‍
,, സി.കെ സദാശിവന്‍
,, സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ലോട്ടറി മേഖലയില്‍ സേവന നികുതി ഏര്‍പ്പെടുത്തിയതു മൂലമുണ്ടാകുന്ന പ്രശ്നങ്ങള്‍ പരിഹരിക്കുന്നതിന് ട്രേഡ് യൂണിയനുകളുമായുണ്ടാക്കിയ ധാരണകള്‍ സമയബന്ധിതമായി പ്രാവര്‍ത്തികമാക്കുന്നതിന് സാദ്ധ്യമായിട്ടുണ്ടോ; വിശദമാക്കാമോ;

(ബി)	സേവന നികുതി ഏര്‍പ്പെടുത്തിയതു മൂലം ഏജന്റുമാര്‍ക്ക് ഉണ്ടാകുന്ന ബാദ്ധ്യതകള്‍ ഏത് രീതിയില്‍ പരിഹരിക്കുമെന്നാണ് ഉറപ്പു നല്‍കിയതെന്ന് വ്യക്തമാക്കുമോ;

(സി)	ഇതിന്റെ ഇപ്പോഴത്തെ അവസ്ഥയെന്താണെന്ന് വ്യക്തമാക്കാമോ;

(ഡി)	ഇതു സംബന്ധിച്ച് പഠനം നടത്തുന്നതിന് ഏല്‍പ്പിച്ച ഗുലാത്തി ഇന്‍സ്റ്റിറ്റ്യൂട്ട് ഫോര്‍ ഫിനാന്‍സ് ടാക്സേഷന്‍ റിപ്പോര്‍ട്ട് നല്‍കിയിട്ടുണ്ടെങ്കിൽ അതിന്റെ പകര്‍പ്പ് മേശപ്പുറത്ത് വയ്ക്കുമോ?

കാരുണ്യ ബനവലന്റ് ഫണ്ട്

3332.

(എ)	കാരുണ്യ ബനവലന്റ് ഫണ്ടിലേക്ക് കാരുണ്യ ലോട്ടറി നടത്തിപ്പിലൂടെ അല്ലാതെ ഫണ്ട് ലഭിച്ചിട്ടുണ്ടോ ;

(ബി)	കാരുണ്യ ബനവലന്റ് ഫണ്ടിലേക്ക് സംസ്ഥാന മന്ത്രിമാര്‍ ആരെങ്കിലും സംഭാവനകള്‍ നല്‍കിയിട്ടുണ്ടോ ;

(സി)	എങ്കില്‍ മന്ത്രിമാരുടെ പേരുകള്‍, കൈമാറിയ തുക, തീയതി എന്നിവ സംബന്ധിച്ച വിശദാംശം നല്‍കാമോ ?

കാരുണ്യ ബനവലന്റ് സ്കീം ആനുകൂല്യങ്ങള്‍

T 3333.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)

കാരുണ്യ ബനവലന്റ് സ്കീമില്‍ മംഗലാപുരത്തെ ആശുപത്രികളെക്കൂടി ഉള്‍പ്പെടുത്തുമെന്ന് 2015 ഏപ്രില്‍ 14 ന് കാസര്‍ഗോഡ് നടന്ന ജനസമ്പര്‍ക്ക പരിപാടിയില്‍ ബഹു. മുഖ്യമന്ത്രി പ്രഖ്യാപിച്ചിരുന്നതിന്റെ അടിസ്ഥാനത്തില്‍ ഇത് സംബന്ധിച്ച ഏതെങ്കിലും ഉത്തരവ് പുറത്തിറക്കിയിട്ടുണ്ടോ ; ഉണ്ടെങ്കില്‍ അതിന്റെ വിശദവിവരം ലഭ്യമാക്കുമോ ?

കാരുണ്യ ബെനവലന്റ് സ്കീം

3334.

ശ്രീ.എം. ഹംസ : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയിലെ ഏതൊക്കെ ആശുപത്രികളെയാണ് കാരുണ്യ ബെനവലന്റ് ഫണ്ട് സ്കീമില്‍ ഉള്‍പ്പെടുത്തിയിരിക്കുന്നത് ; വിശദാംശം ലഭ്യമാക്കാമോ ?

കെ.എസ്.എഫ്.ഇ.യില്‍ ജോലി ചെയ്യുന്ന വിമുക്ത ഭടന്‍മാര്‍

3335.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.എഫ്.ഇ.യില്‍ നിലവില്‍ ജോലി ചെയ്യുന്ന വിമുക്ത ഭടന്‍മാരുടെ പേരും തസ്തികയും ബ്രാഞ്ച് അടിസ്ഥാനത്തില്‍ ലഭ്യമാക്കുമോ;

(ബി)	31.12.2014-ല്‍ കെ.എസ്.എഫ്.ഇ.യില്‍ ജോലി ചെയ്തിരുന്ന എല്ലാ വിമുക്ത ഭടന്‍മാരുടേയും പേരും തസ്തികയും ബ്രാഞ്ച് അടിസ്ഥാനത്തില്‍ ലഭ്യമാക്കുമോ;

(സി)	2013-14, 2014-15 വര്‍ഷങ്ങളില്‍ കെ.എസ്.എഫ്.ഇ. ആരംഭിച്ച ബ്രാഞ്ചുകളുടെ പേരും അ്രഡ്ഡസ്സും ലഭ്യമാക്കുമോ?

മുദ്രപ്പത്രത്തിന്റെ ഉയർന്ന വില താഴ്ത്താൻ നടപടി

3336.

(എ)	വിവിധ കരാറുകള്‍ക്കും ഉടമ്പടികള്‍ക്കും ഉപയോഗിക്കുന്ന മുദ്രപ്പത്രം 100 രൂപയില്‍ നിന്നും 500 രൂപയായി ഈ സാമ്പത്തിക വര്‍ഷം ഉയര്‍ത്താനുണ്ടായ കാരണം വ്യക്തമാക്കാമോ ;

(ബി)	വാടകച്ചീട്ട് ഉള്‍പ്പെടെ ഓരോ വര്‍ഷവും പുതുക്കേണ്ട കരാറുകള്‍ക്ക് വിലകൂടിയ മുദ്രപ്പത്രം ഉപയോഗിക്കേണ്ടതുമൂലം സാധാരണക്കാരായ നിരവധിയാളുകള്‍ക്ക് ബുദ്ധിമുട്ട് അനുഭവപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	100 രൂപ വിലയുള്ള മുദ്രപ്പത്രം എന്നുമുതലാണ് കരാറുകള്‍ക്ക് ഏര്‍പ്പെടുത്തിയിരുന്നത് ; ജനങ്ങള്‍ക്കുള്ള ബുദ്ധിമുട്ട് പരിഹരിച്ച് കരാറുകള്‍ക്കുള്ള മുദ്രപ്പത്രത്തിന്റെ വില താഴ്ത്തുന്നതിന് നടപടി സ്വീകരിക്കുമോ ?

കെ.എഫ്.സി -യില്‍ നേരിട്ട് നിയമനം ലഭിച്ചവര്‍

3337.

(എ)	ഈ സര്‍ക്കാര്‍ അധികാരത്തില്‍ വന്ന ശേഷം കെ.എഫ്.സി -യില്‍ എത്ര ജീവനക്കാരെ നേരിട്ട് നിയമിച്ചിട്ടുണ്ട്; ഇവര്‍ ആരൊക്കെ;ഏതൊക്കെ തസ്തികകളില്‍ എത്ര പേരെ വീതം നിയമിച്ചിട്ടുണ്ട്; പേരു സഹിതം വിശദമാക്കുമോ ;

(ബി)	ഇവരുടെ ഓരോരുത്തരുടേയും ശമ്പളസ്കെയില്‍, സര്‍വീസില്‍ കയറിയപ്പോഴുള്ള മാസ ശമ്പളം, തീയതി സഹിതം, കാറ്റഗറി തിരിച്ച് വ്യക്തമാക്കുമോ;

(സി)	ഈ സര്‍ക്കാര്‍ അധികാരത്തില്‍ വന്ന ശേഷം കെ.എഫ്.സി യില്‍ എത്ര പുതിയ എം.ഡി മാര്‍ വന്നിട്ടുണ്ട്; ഇവര്‍ ആരൊക്കെ; വിശദമാക്കുമോ?

കെ.എഫ്.സി - കേരള സംരംഭകത്വ വികസന മിഷന്‍

3338.

ശ്രീ.എം.എ. വാഹീദ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	2015ല്‍ കേരള വ്യവസായ വാണിജ്യ നയരേഖയില്‍ (G.O(P) No.58/15/ID) 5.3 ഖണ്ഡികയില്‍ കേരള ഫിനാന്‍ഷ്യല്‍ കോര്‍പ്പറേഷനില്‍ പ്രവര്‍ത്തിച്ചുവരുന്ന കേരള സംരംഭകത്വ വികസന മിഷ (KSEDM) നെ ഒരു പ്രത്യേക വകുപ്പായി മാറ്റുമെന്ന പ്രഖ്യാപനത്തിന്മേല്‍ അനന്തരനടപടി സ്വീകരിച്ചിട്ടുണ്ടോ ;

(ബി)	കേരള സംരംഭകത്വ വികസന മിഷനെ പ്രത്യേക വകുപ്പായി മാറ്റുമ്പോള്‍ വ്യവസായ വകുപ്പിന്റെ നിയന്ത്രണത്തിലായിരിക്കുമോ ;

(സി)	കേരള സംരംഭകത്വ വികസന മിഷന്റെ ആഭിമുഖ്യത്തില്‍ നാളിതുവരെ എത്ര സംരംഭങ്ങള്‍ക്ക് വായ്പ അനുവദിച്ചിട്ടുണ്ട് ; അതില്‍ കെ.എഫ്.സിയില്‍ നിന്നും മറ്റ് ധനകാര്യ സ്ഥാപനങ്ങളില്‍ നിന്നും എത്ര സംരംഭങ്ങള്‍ക്ക് വായ്പ അനുവദിച്ചിട്ടുണ്ട് ; ആയതിന്റെ തരം തിരിച്ച കണക്കുകള്‍ വ്യക്തമാക്കുമോ ;

(ഡി)	കേരള സംരംഭകത്വ വികസന മിഷനിലൂടെ നാളിതുവരെ എത്രപേര്‍ക്ക് തൊഴില്‍ ലഭിച്ചിട്ടുണ്ട് ; പ്രത്യക്ഷമായും പരോക്ഷമായും ലഭിച്ച തൊഴിലവസരങ്ങളുടെ കണക്കുകള്‍ വ്യക്തമാക്കുമോ ;

(ഇ)	കേരള സംരംഭകത്വ വികസന മിഷന്റെ ആഭിമുഖ്യത്തില്‍ കരാറടിസ്ഥാനത്തില്‍ പ്രോജക്ട് എക്സിക്യൂട്ടീവ്മാരെ നിയമിച്ചിട്ടുണ്ടോ ; കെ.എഫ്.സിയുടെ എല്ലാ ബ്രാഞ്ചുകളിലും പ്രോജക്ട് എക്സിക്യൂട്ടീവ്മാരുടെ സേവനം ലഭ്യമാണോ ; എങ്കില്‍ അതിന്റെ വിശദാംശങ്ങള്‍ നല്‍കുമോ;

(എഫ്)

കേരള സംരഭകത്വ വികസന മിഷന്റെ ആഭിമുഖ്യത്തില്‍ കരാറടിസ്ഥാനത്തില്‍ പ്രോജക്ട് എക്സിക്യൂട്ടീവ്മാരെ നിയമിച്ചിട്ടുണ്ടോ ; കെ.എഫ്.സി.യുടെ എല്ലാ ബ്രാഞ്ചുകളിലും പ്രോജക്ട് എക്സിക്യൂട്ടീവ്മാരുടെ സേവനം ലഭ്യമാണോ ; എങ്കില്‍ വിശദാംശങ്ങള്‍ നല്‍കുമോ ;

ഗവ.പ്ലീഡര്‍ / സ്റ്റേറ്റ് അറ്റോര്‍ണി / ഡി.ജി.പി / അഡ്വേക്കേറ്റ് ജനറല്‍ തുടങ്ങിയവരുടെ ശമ്പള വര്‍ദ്ധന

T 3339.

ശ്രീ.എം.ചന്ദ്രന്‍
,, എ.എം. ആരിഫ്
,, കെ.വി.അബ്ദുള്‍ ഖാദര്‍
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഗവ.പ്ലീഡര്‍ / സ്റ്റേറ്റ് അറ്റോര്‍ണി / ഡി.ജി.പി / അഡ്വേക്കേറ്റ് ജനറല്‍ തുടങ്ങിയവരുടെ ശമ്പളവും ആനുകൂല്യങ്ങളും വര്‍ദ്ധിപ്പിക്കാന്‍ സര്‍ക്കാര്‍ തീരുമാനം എടുത്തിട്ടുണ്ടോ ; വിശദമാക്കാമോ ;

(ബി)	എങ്കില്‍ ഏതു തീയതി മുതല്‍ മുന്‍കാല പ്രാബല്യം നല്‍കിക്കൊണ്ടാണ് തീരുമാനം കൈക്കൊണ്ടിട്ടുള്ളത് ; വര്‍ദ്ധന സംബന്ധിച്ച് തീരുമാനം എടുത്തത് എന്തു മാനദണ്ഡത്തിന്റെയും ആരുടെ ശിപാര്‍ശയുടെയും അടിസ്ഥാനത്തിലാണെന്ന് വെളിപ്പെടുത്താമോ ; പ്രസ്തുത ശമ്പള വര്‍ദ്ധന മൂലമുണ്ടാകുന്ന അധികബാദ്ധ്യതകളെ കുറിച്ച് വിശദമാക്കാമോ ;

(സി)

പ്രസ്തുത ശമ്പള വര്‍ദ്ധന സംബന്ധമായ നിര്‍ദ്ദേശം ധനകാര്യവകുപ്പിന്റെ പരിഗണനയ്ക്ക് സമര്‍പ്പിക്കപ്പെട്ടത് എപ്പോഴായിരുന്നു ; അതിനു മുമ്പേ സമര്‍പ്പിക്കപ്പെട്ട ഇത്തരം നിര്‍ദ്ദേശങ്ങളിന്മേല്‍ തീരുമാനം എടുക്കാനിരിക്കെ ഇക്കാര്യത്തില്‍ ധൃതിപിടിച്ച് തീരുമാനം എടുക്കാനിടയായ സാഹചര്യം എന്തായിരുന്നുവെന്ന് വ്യക്തമാക്കാമോ ?

മഹത് വ്യക്തികളെ അധിക്ഷേപിക്കുന്നത് തടയുന്നതിന് നിയമം

3340.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ആവിഷ്കാര സ്വാതന്ത്രൃത്തിന്റെ പേരില്‍ മഹത് വ്യക്തികളെയും ചരിത്ര വ്യക്തികളെയും അധിക്ഷേപിക്കുന്നത് കുറ്റകരമാണെന്ന സുപ്രീം കോടതിയുടെ ഉത്തരവ് ശ്രദ്ധയില്‍പ്പെട്ടിട്ടുണ്ടോ ;

(ബി)	സംസ്ഥാനത്ത് ഇത്തരത്തിലുള്ള കേസുകള്‍ ശ്രദ്ധിക്കപ്പെട്ടാല്‍ നിലവില്‍ എന്ത് നടപടിയാണ് സ്വീകരിക്കുന്നത് ;

(സി)	മഹാത്മാഗാന്ധി ഉള്‍പ്പടെയുള്ള മഹത് വ്യക്തികളെ അധിക്ഷേപിച്ചുകൊണ്ട് പ്രസ്താവനകളും സാഹിത്യ സൃഷ്ടികളും നടത്തുന്നത് തടയുന്നതിന് പ്രസ്തുത ഉത്തരവിന്റെ കൂടി അടിസ്ഥാനത്തില്‍ ശക്തമായ നിയമനിര്‍മ്മാണം നടത്തുന്നതിന് നടപടി സ്വീകരിക്കുമോ ?

ലോകായുക്തയില്‍ താല്‍ക്കാലിക ജീവനക്കാ൪

3341.

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ലോകായുക്തയില്‍ കരാര്‍ അടിസ്ഥാനത്തില്‍ താല്‍ക്കാലിക ജീവനക്കാരെ നിയമിക്കാന്‍ നടപടി സ്വീകരിച്ചിട്ടുണ്ടോ;

(ബി)	പ്രസ്തുത നടപടിയുടെ ഇപ്പോഴത്തെ അവസ്ഥയെന്താണ്; ബന്ധപ്പെട്ട ഫയലിന്റെ പകര്‍പ്പ് ലഭ്യമാക്കാമോ;

(സി)	പ്രസ്തുത താല്‍ക്കാലിക ജീവനക്കാരുടെ നിയമന വ്യവസ്ഥയെന്താണ്; ഇവരുടെ നിയമന ഉത്തരവിന്റെ പകര്‍പ്പ് ലഭ്യമാക്കാമോ;

(ഡി)	പ്രസ്തുത നിയമനങ്ങളില്‍ സംവരണ തത്വം പാലിച്ചിട്ടുണ്ടോ?

നിയമവകുപ്പുമായി ബന്ധപ്പെട്ട സ്ഥാപനങ്ങളിലെ താല്‍ക്കാലിക ജീവനക്കാരെ സ്ഥിരപ്പെടുത്തല്‍

3342.

ശ്രീ.വി.ശശി : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	നിയമവകുപ്പുമായി ബന്ധപ്പെട്ട ഏതെങ്കിലും സ്ഥാപനങ്ങളില്‍ കരാര്‍ അടിസ്ഥാനത്തിലും മറ്റുമായി ജോലി ചെയ്യുന്നവരെ സ്ഥിരപ്പെടുത്താന്‍ നിര്‍ദ്ദേശമുണ്ടോ;

(ബി)	എങ്കില്‍ പ്രസ്തുത ആളുകള്‍ എന്നു മുതലാണ് ജോലിയില്‍ പ്രവേശിച്ചത്; ഇവരുടെ നിയമനത്തിലെ വ്യവസ്ഥകള്‍ എന്തെല്ലാമാണ്; ഈ നിയമനത്തില്‍ സംവരണ തത്വം പാലിച്ചിട്ടുണ്ടോ;

(സി)	സ്ഥിരപ്പെടുത്താന്‍ നിശ്ചയിക്കപ്പെട്ടിട്ടുള്ളവരുടെയും സ്ഥിരപ്പെടുത്തിയവരുടെയും പേരുവിവരവും ജാതിയും ലഭ്യമാക്കാമോ?

സാഫല്യം പദ്ധതിയുടെ വിപുലീകരണം

3343.

ശ്രീ.കെ.മുഹമ്മദുണ്ണി ഹാജി
,, പി.കെ.ബഷീര്‍
,, പി.ബി. അബ്ദുൾ റസാക്
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ദാരിദ്ര്യരേഖയ്ക്കു താഴെയുളളവര്‍ക്കുവേണ്ടിയുളള 'സാഫല്യം' പദ്ധതിയുടെ വിപുലീകരണം ഉദ്ദേശിക്കുന്നുണ്ടോ;

(ബി)	എങ്കില്‍ ഏതു തരത്തിലുളള വിപുലീകരണമാണ് നടപ്പാക്കുകയെന്ന് വിശദമാക്കുമോ;

(സി)	നിലവിലെ പദ്ധതിപ്രകാരം എത്ര ഫ്ളാറ്റുകള്‍ നിര്‍മ്മിച്ചു നല്‍കിയിട്ടുണ്ട്; അതിനു ഒട്ടാകെ എന്തു തുക ചെലവായിട്ടുണ്ട് എന്നതിന്റെ വിശദാംശം നല്‍കാമോ?

സെക്കന്റ് മോര്‍ട്ട്ഗേജ് വ്യവസ്ഥ പ്രകാരമുള്ള വായ്പ

3344.

(എ)	സംസ്ഥാനത്തെ സര്‍ക്കാര്‍ ജീവനക്കാര്‍ക്കുള്ള ഹൗസ് ബില്‍ഡിംഗ് അഡ്വാന്‍സ് വായ്പയെടുത്തവര്‍ക്ക് സെക്കന്റ് മോര്‍ട്ട്ഗേജ് വ്യവസ്ഥ പ്രകാരം ഏതെല്ലാം ധനകാര്യ സ്ഥാപനങ്ങളില്‍ നിന്നാണ് വായ്പയെടുക്കുന്നതിന് അനുമതി നല്‍കിയിട്ടുള്ളത്;

(ബി)	സംസ്ഥാനത്തെ പല ദേശസാല്‍കൃത ബാങ്കുകളും ഈ വ്യവസ്ഥ പ്രകാരം വായ്പ നല്‍കുന്നതിന് തയ്യാറാകുന്നില്ലായെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	സര്‍ക്കാര്‍ ഉത്തരവ് പ്രകാരമുള്ള സെക്കന്റ് മോര്‍ട്ട്ഗേജ് വ്യവസ്ഥ പ്രകാരം വായ്പ അനുവദിക്കുന്നതിന് നിഷ്കര്‍ഷിച്ചിട്ടുള്ള ബാങ്കുകള്‍ വായ്പ നിഷേധിക്കുന്നതിനെതിരെ കര്‍ശന നടപടി സ്വീകരിയ്ക്കുമോ?

തോട്ടം തൊഴിലാളികള്‍ക്ക് കേന്ദ്ര സഹായത്തോടെ ഭവന പദ്ധതി

3345.

ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തോട്ടം തൊഴിലാളികള്‍ക്ക് കേന്ദ്ര സഹായത്തോടെ ഭവന പദ്ധതി ഭവന നിര്‍മ്മാണവകുപ്പ് ആരംഭിക്കുകയുണ്ടായോ ;

(ബി)	എങ്കില്‍ സംസ്ഥാനത്ത് എത്ര ഭവനങ്ങള്‍ നാളിതുവരെ നല്‍കിയെന്നും ഇതിനായി എത്ര തുക ചെലവഴിച്ചുവെന്നും വിശദമാക്കാമോ ;

(സി)	അപേക്ഷിച്ചവരില്‍ ഇനിയും വീട് ലഭിക്കാത്തവര്‍ എത്രയുണ്ടെന്നും എന്തെല്ലാം മാനദണ്ഡത്തിന്റെ അടിസ്ഥാനത്തിലാണ് വീട് നല്‍കുന്നതെന്നും അറിയിക്കുമോ ?

ഗൃഹശ്രീ പദ്ധതി

3346.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലയളവില്‍ ഗൃഹശ്രീ പദ്ധതിയില്‍ ഉള്‍പ്പെടുത്തി എത്ര വീടുകള്‍ക്കാണ് ധനസഹായം നല്‍കിയിട്ടുള്ളതെന്ന് വ്യക്തമാക്കാമോ ;

(ബി)	പ്രസ്തുത പദ്ധതിയില്‍ സ്പോണ്‍സര്‍മാര്‍ എത്ര രൂപ വീതമാണ് നല്‍കേണ്ടതെന്ന് അറിയിക്കുമോ ;

(സി)	പദ്ധതിക്കായി ഗുണഭോക്താക്കളെ തെരഞ്ഞെടുക്കുന്നതിനുള്ള മാനദണ്ഡം എന്താണ് ;

(ഡി)	ഇതുവരെ ഏതെല്ലാം സംഘടനകളും വ്യക്തികളുമാണ് ഈ പദ്ധതിയിലേക്കുള്ള ഗുണഭോക്താക്കളെ നിര്‍ദ്ദേശിച്ചിട്ടുള്ളതെന്നും ഓരോരുത്തരും എത്ര പേരെ വീതമാണ് നിര്‍ദ്ദേശിച്ചതെന്നും വിശദമാക്കാമോ ?

സാന്ത്വനം പദ്ധതി

3347.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	ബജറ്റില്‍ പ്രഖ്യാപിച്ചതും ഭവന നിര്‍മ്മാണ ബോര്‍ഡ് മുഖേന നടപ്പിലാക്കുന്നതുമായ സംസ്ഥാനത്തെ മെഡിക്കല്‍ കോളേജുകളില്‍ ചികിത്സയില്‍ കഴിയുന്ന രോഗികള്‍ക്ക് തുച്ഛമായ നിരക്കില്‍ വീടുകള്‍ വാടകയ്ക്ക് ലഭ്യമാക്കുന്ന സാന്ത്വനം പദ്ധതിക്ക് തുടക്കം കുറിച്ചിട്ടുണ്ടോ; വിശദാംശം നല്‍കുമോ?

നിര്‍മ്മിതി കേന്ദ്രത്തെ ഏകജാലക കേന്ദ്രമാക്കിമാറ്റുന്നത് സംബന്ധിച്ച്

3348.

ശ്രീ.ടി.എന്‍. പ്രതാപന്‍
,, എം.പി.വിന്‍സെന്‍റ്
,, പാലോട് രവി
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സാധാരണ ജനങ്ങള്‍ക്ക് ഭവന നിര്‍മ്മാണവുമായി ബന്ധപ്പെട്ട ആവശ്യങ്ങള്‍ക്ക് ഉതകും വിധം നിര്‍മ്മിതി കേന്ദ്രത്തെ ഏകജാലക കേന്ദ്രമാക്കി രൂപപ്പെടുത്താനുദ്ദേശിക്കുന്നുണ്ടോ ;

(ബി)	ഇതിന്റെ ഉദ്ദേശലക്ഷ്യങ്ങള്‍ എന്തെല്ലാമാണ് ; വിശദാംശങ്ങള്‍ വ്യക്തമാക്കാമോ ;

(സി)	ഇതിലൂടെ എന്തെല്ലാം സൗകര്യങ്ങളാണ് ജനങ്ങള്‍ക്ക് ലഭിക്കുന്നതെന്നും ഇതിനായി സ്വീകരിച്ച നടപടികള്‍ എന്തെല്ലാമെന്നുംവ്യക്തമാക്കാമോ ?

Website maintained by Information System Section, Kerala Legislative Assembly, Thiruvananthapuram.